معتقل الصحراء الفصل الثالث وخمسون 53 - بقلم أم مختار

#معتقل_الصحراء ٤٤
#بقلم_ام_مختار
#دنيا_غانم

سائد _كلامج هذا اجه متأخر

_ماكووو شي متأخر انت موووو بقيت ورايه الحددد مو وگعتني بحبك
واني راح ابقه وراك عمرررري كله الحدددد ما ترجعلي

سائد _درت عنها وابتسمت صايره تعبر خوش والله
عفتها تحجيلي عن حبها الي و كلامها الاثلج صدري ممنون للوقت الطلعت بي
استقلال بنفسها و كلمتها صارت حاررره البنيه
عكس البرود الجان يحرگني

مناسك _اجرت تكسي ورجعت للبيت
نص ساعة وره دخلتي وندگ الجرس منو

_انييي مياسين

_اجتني وبعدها بفستانها شصايرررر

_تعاركت ويا واجيت

_ليششش

_لأن بسببه طلع سائد من سياره نارررر

_والله بسببج انتِ ام السان شلون گدامه تگول دور منا منا

_ردته يغار

_قصدج ردتي يحرگنييي هذا زووووجي مووو صاحبي وانتِ دتغوري
اجه و گلي باجرررر اطلكج

_صخام

_وهسا بدل ما نصير ثنين مطلكات امشي گدامي ارجعج البيتج

_صدگ تحجين انييي الخاطرج عاركته وانتِ تردين ترجعيني

_لزمتها من ذانهااا اني شگتلججج موووو كتلج خليج بحياتج واني بحياتي انتِ اختي والله انتِ بمعزة حنين و ساره وسهاد بسسس لا دخليني بهذااا الوقت بحياتج طول عمرج لا ادخليني بحياتج حسسي صليل هو الاهم وهو الاول بحياتج خااااصه واحنه هستوه مسوووين بلوه اكبررر من صماخج وصماخييي يلااااا روحي بدلي وتعاااي

_ما اريد ابدل اروح بفستاني الابيض

_ههههههههههه يلا امشي گدامي
بقينه نمشي والدنيا ليل و عطله بس السكاره تمشي بالشارع هنوب لابسات فساتين و بس القماصل ساترتنه والمكياج طووخ
بس الحلو هنا محد اله علاقه بالثاني عسه ما مصلخة مدام ما تنطي مجال ما يباوعلج
بس شوي السكاره يخوفون
الحد ما وصلنه اني وياها الف عركة تعاركنه هيه تگلي اني الخاطرج تعاركت واني اگلها اذا تعيديها اطيح حظج بالنعال
دگت الجرس فتح جاهد الباب
ضحكت وهو هم ضحك

سائد _منووو

جاهد _نسوانكم المخبلات

سائد _تره مووو هيج كمنه نشوفجن اكثر مما نشوف روحنه بالمرايه

مناسك _اني جايه ارجع هاي المخبله صيحولي صليل

جاهد _فوتي

_لا بس صيحو الي

صليل _ هااا رجعتي ست الحسن والدلال

مياسين _اني ما ردت ارجع هيه رجعتني

مناسك _فوووتي و اسمعني خويه

جاهد _فوتي واحجي النراوجة هسا يطلعون يرزلونه

_دخلت ووجهت عيوني الصليل اسمعني كلش زين حياتي محد اله دخل بيهااا اني بس المسؤوله منها مثل ما انت مسؤول من حياتك
و هاي مرتك اذا مره ثانيه تعاركت وياك علمودي لا تجيبها الي بيتي يتعذرهاااا لأن ببساطه راح تدمرون حياتكم بسبب حبك الصديقك وحبها الييي اني وسائد مسؤولين من نفسنه موووو انتو صايرين حلبة الاخطائنه اذا كملتوو هيج اشهر اذا طول زواجكم عاتبوني

صليل _ بس عيب تگولين ادور منا ومنا

مناسك _اولاََ اني من گلت هيج بس لان هيه كالت تعاي ويانه وادري لو جايه ما ترحبون بيه وما ردتها تزعل بمثل هذا اليوم ردت احجيها بضحك واخليها فرحانه
ثانياََ اني لووو شما اسوي انت مالك دخل عندي رجال هووو اليحكمني
اني احترمك ايي واخوي الجبير وعلى راسي بس مو معناها تحجي عليه واسكت لااا اني مزوجة وزوجي هووو الي يجي ويحجي ويعاتب هو اله الحق يحجي وخاف احنه نريد نصغر المواضيع انتووو جاي تكبروها مثل ما انتووو رجعتو فكرو بغيركم
وهاي مرتك لا تجيبها الي بعددد خوووش گعدي ببيت زوجج وفكيني

مياسين _بعد ولا ازعل علمودج

_ايي عفيه هيج اريدج تصبحون على خير

جاهد _وين رايحة وشلون رايحة الوقت تأخر

_رايحة مشي مثل ما اجينه

جاهد _هااا ابو السوائد شنووو الفلم تخليها تروح وحدهاااا

سائد _ شدخلني بيها
عفتها ودخلت

جاهد _اصبريلي اني جاي وياج

_لا ما يحتاح بيتنه قريب

جاهد _ميخالف

مناسك _ لبس قمصلته و اجه وياي بنزلتنه صارت بالحديقة الگدامنه زوجته وجاي تدخن هو خزرها هيه رأساََ ذبتها
اجيت اگله مو زين عليها بس گلت خاف اسوي مشاكل شدخلني

جاهد _ ليشش ما اصريتي هو يوصلج

_سائد ضايج مني مو بالساهل الانت تتوقعه يقبل نرجع مثل قبل

جاهد _الي مأثر على سائد وفاة امه مطلع غضب هذا الموضوع بموضوعج انتِ ويا

_ادري

_حاولي بعددد مناسك سائد ما يريد احدد غيرج

_ ضحكت هو باوعلي وابتسم شكووو

_صاحبك حتى ما يباوع بخلقتييي شلون احاول

جاهد _ انتِ نيزك هسااا صعب عليج سائد

_الله كريم غلبتك بمشاكلنه بس مثل متشوف محد بقاليي

_لااا كلنه موجودين ايام وتخلص هاي المحنه احنه هم ما عاجبنه وضع سائد

مناسك _الله كريم وصلني للبيت وخطية راح
جاهد طيب الوحيد البقه على وضعه
شغلت اضويه البيت كلها وحشة البيت ضوجة وحدي دخلت الغرفة مياسين احاجي غراضها
هاااا رحتي وعفتيني الله يسعدج وي ابو النثاية
بدلت ونمت بفراشي اخاف انام وحدي بس واحد لازم يتعود اشغل القرأن و انام
فعلاََ بذكر الله تطمئن القلوب

فزيت على صوت المنبه صليت و سويتلي ريوگ وطلعت الشغلي وصلنه قريب بيتهم بس سائد صعد بالباص وگف فوگ راسي وگلي اليوم على الموعد

_مااااا اجي

_تجيين لا اكسر هذا الراس

_مااا اجي وشتريد تسوووي سووووي

_تره حلوه هاي اني ما طايقج

_لا تطيق مو مهم
المهم اني اطيقك واريدك

_اطلگ غيابي

_ باوعتله اذا متريدني سوي الي تريده واذا تريدني ولو هلگدوووت لا تخلي هذا الانفصال يتم
باوعت الناس تصعد وتباوعلنه رغم نحجي على كيف بس حسيتهم مركزين ويانه
كتله ننزل ونحجي

_مالي حجييي وياج

_لااا الك حجي وياي هوااااي سائد حجي لازم ينحجي
نزلت و لزمت ايده ووگفته
دخلت سجوووونكم بدون ذنبب
وسويت بيه العجب اغتصبتني انت اول واحد اخذ شرررفي
عرينتني گدااام اصدقائك
اذيتني وضربتني وحرررت شنوو سويت بيه
و اني كل هذا نسيته وتعايشت وياك
وحبيتك بالاخيرررر ايامي بدونننك سممممم غلطت اي بس غلطي يم اغلاطك لااا شيء واني سامحتك انت هم سامحني وخلينه نعيش مووو كافي انت مو جنت تگول شوكت تشيلين طفلي شووو هسا تخليت عنييي

سائد _ انتِ الييييي تخليتي بعزززززز فرحييي فزيت من نووومي ما لگيتججج

_غلطت وانت ما قصررررت وجهيي كله ورم و هم سكتت وهساا اني الداتوسل بيك كااافي

سائد _ اذا ماااا تطلكين راح تبقين معلگه طول عمرج بوهم انيييييي مستحيل اسامحج

_مو شكال لا تسامح بس لا تطلكني نخلي الحكم للزمان
ترك ايدي وعبر الشارع
صعدت القسمي طلعت الشغلي كملت ورجعت يوميا انتظر مياسه اليوم محد انتظره طلعت گعدت على المسطبه وبأيدي كوب الگهوه
شوي واجه وبأيده علاگه بس شافني توقف ما عبر
بقه ينتظر على جهه الثانيه الحد ما قرب الباص يجي ياله عبر ما حاجيته ولا هو حاجاني
نزل للموقف مالته ونزل
......

سائد _عيني على الباص وگلبي نارررر عليها شلون دتنام وحدها بالبيت
كل ما اگول الگلبي صير صخرر ولا تفكر بيها لو تحن يجاوبني ماا اگدر صعدت للشقه بيت جاهد بعدهم موجودين هاااا يابه تعشيتو بعدكم

مياسين _ الله يساعدك شفت مناسك

سائد _اييي

_شلونها

_اذا تردين تعرفين شلونها اتصلي
تعشيتو لو لا

_ايي تريد اصبلك

_شنو مسوين

مياسين _مسويه تبسي اصبلك؟

_لا اني اصبلي لا تعبين روحج

جاهد _انييي باجر راجع الاوسلو

_احنه مابقه شهر واحد واني ارجع

جاهد _وانت ولك صليل

صليل _اني هم ارجع الاوسلو

مياسين _ لويش حبيبي مو گلنه نبقه بكرستيان

_لاااا يابه عقد وما عندج نروح الاوسلو وهناك اشتغلي

مياسين_ ومناسك

_شنو گلتلج الباررررحة

_بس محد الها هنااا

_عود كل فتره نجيبج الهاااا

جاهد _انت الثاني جاي تخيط وتخررررربط
يابه ناخذ مناسك ويانه ونرجع الاوسلوووووو

سائد _بصفتها شنووو

_بصفتها زوجتك ولك انت واحد مسرررربت ميت بيها و ناكرررررها لا تخليني اطيح حظك اني الاكبر وغصباََ عليكم تحترمون من احجيييي
تخلص هاي الشهرين ورجع مرتك وياك شنووو لعب جهال

سائد _والسوووووته

جاهد _ والسوينااااا لو نسيتوووو حرام بالحرم لو اني بمكانهن واسمع السمعنه اكرهك العمرررر كله مووو رايح تضربهااا انت فوگهاااا

سائد _ خلاااص جاهد سد الموضوع ولحد يدخل بي

جاهد _ عوفنه هسا من هذا الموضوع اني اريد اروح اجيبهااا اليوم تبقه يمنه علمود ليلو

سائد _ ما فهمت

_اريدها تجي تبقه يم ليلو خطيه باچر نروح وهيه مشافتها هواي عدكم اعتراض

صليل _اني مالي دخل

سائد _سوي الي تريده بس وين تنومها

جاهد _ والمن اسمك زوجهاااا غيرر تنام يمك ولك لا تخبلنيييي تريدها تنام يمنه لو يم صليل

صليل _اني هسا امي ما استقبلها بغرفتي عريس اني

جاهد _ تروح يم هذاا المسربت الشايف روحة

سائد _ اذا تجيبها يمي لا تروح ولا تعب روحك افشلهااا وما اخليها تلزم باب غرررررفتي

جاهد _ گوووومي مياسين خلي نجيبها ونجي

مياسين _ايي جاية

صليل _نسيتيني بدون ما تسألين اطلعين

جاهد _شكووووو انت الثاني

صليل _لا ماكووو شي عمي روحو روحوو حاميه علينه جاهده

مياسين _طلعنه نمشي سريع بارد الجو دگينه الباب ما ردت بسرعة ادري بيها تخاف صحت انييي مياسين

مناسك _يا ساتر استرر بس لا تعاركت لبست حجابي وفتحت الباب جان جاهد وياها
هااا ولج شسويتي

جاهد _ههههه ما سوت شي اجينه ناخذج

_ليش

_باجر اني طالع گلنه تتونسين يم ليلو شوي

_تسلم ما تقصر بس اذا تگدر انت وزوجتك تعالو هنا البيت جبير و بي غرف هواي

_لااا نريدج يمنه حتى اشوفكم كلكم ونتونس سوه ما بقه جم ساعة وارجع

_فدوه جاهد والله ما اكدر اجي تعالو يمي كل الهلا بيكم اني ما اگدرر اجي

جاهد _سائد مو بالبيت

_لعد وين

_ما اعرف

مياسين _يقصد اجه اخذ جم غرض وراح يمكن راح يبات يم اصدقائة تعاي يمنه بس اليوم

مناسك _وصليل

جاهد _شدخله صليل يابه اني واكف وانتظرج ما حسبتي حسابي بس حسابهم

_لا لا والله مو هيج بس ادري انتِ تريدني اجي وياكم بس صليل و سائد ما يردوني ما احب اروح واثقل

جاهد _لا بالعكس صليل هو كال جيبوها تتونس يمنه يلا بدلي وتعاي

مناسك _ان شاء الله بدلت وطلعت وياهم ميته تعب ونعسانه مگدرت ارفضهم خجلت من جاهد جاي عليه وارفضه
رحنه مشي وطول الطريق جاهد يضحك و ينكت وكلامه اريحي وصلنه فتحلي الباب جان هدوء
طلع صليل باوعلي

صليل _نورتي بيتنه يابه

_شكرََا
ردت ارجع بس بعد صارت صعبه اسوي الشي وبعدين اتندم عليه هاي حاله أتعب
اجتي كارينا بيدها ليلو كامت تخطي وتوكع فدوه للبنات
حضنتني و أصابيعها تريد تخليهن بعيني

مناسك _موووو اكلهننننن

جاهد _ههههه هاا صرتي مثل زوجج اذا اكلتيهن بشنووو تكتب البنيه

مناسك _هههههه مو حلوات مال گرط

جاهد _ شلونج بشغلج

_تمام ننتظر بس العقد

_يارب تحصلي

مناسك بقينه نسولف بالساعتين وليلو نامت اخذوها تنام وهم باجر عدهم رحله راحو ينامون ومياسين اشرتلي هذيج الغرفه فارغه روحي نامي بيها

مناسك _ وسائد اذا اجه الصبح

_ما يجي يطلع گبل للدوام

_خوش دخلت للغرفه فزيت هو گاعد على للسرير ومدنگ

سائد _ناامي هنا واني طالع بره

مناسك _لا ما يحتاج اني راح اروح للبيت اني گلولي انت طالع

سائد _حتى يجيبوج

مناسك _مو شكال اجيت كافي هميت اريد اطلع صاحلي وووووين ترحين هسا

_ارجع للبيت

_فوووتي نامي وباجر روحي

مناسك _ وانت وين تنام

سائد _مالج دخل

مناسك _طلع وعافني نزعت الكوت و حجابي وغطيت بفراشه واشم بمخدته ولحافه و لفيت روحي بيهن واشمم ببهن مثل البزون من يكوم يشمشم نمت بيومها براحة
دگ المنبه طفيته وبقيت شوي بالفراش الحد ما يخلص الاذان ما نسمعه بس نقدره تقدير نفتح الباب بهدوء غمضت عيوني
تقرب يم الجرار اليمي فتحة على كيف
اتوقع طلع مصلايته ورجع يده بهدوء فتحت عيوني شوي شفته يباوعلي من بعيد لحضات وطلع گمت وره شوي طلعت توضيت و دخلت للغرفة اصلي بيت جاهد ودعونه وراحو للمحطة
اني هم لبست ملابسي وطلعت الجو يكص كصصص ركضت للبيت تريگت و بدلت وهميت اريد اطلع فتحت الباب صار حبيب گدامي هو واخو
السلام عليكم باباتي

مناسك _ع سريع طلعت وسديت الباب خفت منهم كلش هذا مو وقت واحد يجي للثاني وفوگها كلمة باباتي قلقتني

_وعليكم السلام

حبيب _ اعتذر هسا جاي بس مسوين تعداد للاجئين و اجيت اسجل اسمائكم ولازم اطلع للكنيسة الهذا السبب هسا اجيت

مناسك _ لا عادي مو شكال اني اسمي مناسك حميد

حبيب _مزوجة لو لا باباتي

_باوعت الاخو ابو عين نكسه وگتله ايييي مزوجة اسم زوجي سائد صياح
بقيت انطي الاسماء عادتاََ الكنائس تساعد اللاجئين كل فكري جايه مساعدات على هذا التعداد انطيت الاسماء بدون خوف وهم يعني احنه بالنرويج ليش ما انطيهن تشكر مني وراح واني هم طلعت الشغلي
صعدت مياسين وشافتني اجت ركض حضنتني صباح الخيرررررررر

_ههههه صباح النور تعاي هنا

مياسين _ طلعتي الصبح واني بسابع نومه ما ادري بيج

_طلعت من وقت اني لا تهتمين

_جاهد البارحه خوش سوه

مناسك _جاهد ورده

مياسين _بس خطيه ولا مرتاح بزواجة الثاني
البنيه نگلبت گلاب يگول من نعجبت بيها مجانت هيج حتى لبسها مو هيج

مناسك _ولا عنده حظ بالنسوان

مياسين _حسب العرفته سائد گايله لا تاخذ نرويجية لأن هذوله عايشين و متأقلمين وي حرية احنه كرجال شرقيين ومسلمين ما راح نقبلها
بس الاخ معاند وهسا ندمان

_خلي يحجي وياها

_اتوقع حاجي وياها هذوله ما يحجون گدامي صايرين مو مثل قبل فـ مو كلشي اعرف

_حتى قبل يحجون الي يردوج تسمعي والي مو مهم اما المهم بنياتهم يحجون تذكرين من راحو للحفله سمعتي عرفتي لو كلشي صار بهدوء

_اي و الله

مناسك _الله يهديها هواي بنات اوربيات داشوف مزوجين عراقيين البعض تحجب والبعض اسلمت والبعض جرفت زوجها
ربي يهديها ويهدي ويوصلون الحل الخاطر الطفل

مياسين _جاهد يريد يجمع من كل قاره طفل

_هههههه الله ينصره
دخلت للشغل وتقسمنه بالاستراحة اجتي مياسين گالت حبيب اتصل عليه وعازمنه ببيتهم على عشا باجر

_وصليل شنو گال

_يگول نروح ليش لا
بس اني ما عاجبني اروح بصفة شنو نروح

_ما گلتيله العشا بمناسبة شنو

_يگول زوجتي حابه تباركلكم وتتعرف عليكم
ومن هذا الحجي

_هااا روحي وتونسي لا تضوجين
رجعت للشغل وطلعت گبل للبيت ما رجعت للدوام
اجاني اتصال رقم غريب جاوبت جان حبيب عازمني اني وزوجي على العشا وهو يتعذر لأن معنده ارقام ازواجنه وهو حاب يتعرف علينه
گلبي گرصني گتله اشوف زوجي ان شاء الله ونجي
گطعت الخط منه اتصلت ب مياسين

مياسه _ها حبي شو ماكو اليوم بالدوام

_اي طلعت الولد وصلوني ما بيه ارجع وبعدين انتظر الباص اگلج سائد يمج

_ايي

_انطيني احجي ويا

مياسه _شنوو صاير

_مصاير شي انطيني وبعدين اشرحلج
لحضات ووصلوني صوته نعممم

_حبيب الي عزم عائلة صليل وعزمنه تروح

_بصفتييي شنو رايح وليش يعزمنه

_ يگول اريد نتعرف عليكم

سائد _هذااا ما مطمني شنو يتعرف علينه يعني اي واحد يعرفه يعزمة

_ما ادري

_اني ما اروح تردين ترحين روحييييي

_لا گتله اشوف زوجي واردلك خبر اذا مقبل يجي ما اجي.

_زوجج!!!

_اييي مو انت زوجي

سائد _تره امي ترابها ما نشف تردين تنوميني بصفها وينمحي ذكر هاي العائله؟؟

_اسم الله عليك لويش هيج تحجي

سائد _ سديت الخط ما اتحمل كلامها اني روحي طالعه من عملتها وهيه تتودللي
بس الصار حبيب اصرر كام يتصل على الكل
على صليل و عليه بعد ما مياسين انطته الارقام
اتفقنه كلنه نروح

صليل _تفضل هذا الحساب بي كل الفلوس مالت الشغل والرمز ٦٧٢٢

سائد _راح اضيف الفلوس ملاتي عليهن ونسلم الكارت الجاهد حتى يسوي عملية بنته ويخلص

_ان شاء الله

سائد _انت ناوي تخلص شهر العسل بكرستيان

_لعد وين اروح

_اخذ مرتك لو سبوووع تونسو ورجعو

مياسين _ من بعيد اسمع وبيدي الجفجير داحميلهم التشريب بقيت اركص بالجفجير

صليل _هااا تونستني مياسه

_اي و الله وياريت بأقرب وقت

_خلي نرجع من عزومة حبيب ونحدد اسبوع
ولو الجو بارد مو مال سفر

سائد _ حلات شهر العسل بهيج جو هههههههه

صليل _ما تجي نجيبلك وحده و تجي ويانه عسل

مياسين _ مووو بيدي الجفجيررر صليلللل

صليل _ نجلطت على صديقتها

مياسين _خطيه مناسك حرام عليك هيج تسوي

سائد _يابه لا اجيب بنيه ولا اروح هو اني تعبان روحو وخلصوني بس اخذو اذن من الشغل لا تنطردن والفلوس محتاجيها احنه الجاهد

_ان شاء الله

مناسك _ طلعنه البيت حبيب لگينه اخو وعائلة كلهم جايين وحبيب وعائلته و الولد رحبو بيهم
وين مگعد سائد اني گعدت بصفه هو ابتسم من غير ميباوعلي

سائد _اخذت نفس طووووويل ريتي جن صارلها دهرر ما داخللها الهوا بگعدتها ردالي النفس

حبيب _يا اهلاََ وسهلاََ بولدنه وبناتنه والله نورتو البيت

سائد _وبيك اكثر
بسبب العشنا صارت عدنه نباهه الكلمة من نسمعها العقل من وحده يحللها طول الگعده اخو حبيب يسأل انتو من وين ببغداد واني جنت بغداد واهل بغداد طيبين يفر يفررررر ويرجع ويريد يعرف وين ساكنين ببغداد
اول شي سويته انطيت العنوان غلط
من انطيته غلط صليل فهمني
وانت من وين

_اني من الجنوب

سائد _هذا جاي يكذب اني رحت للناصرية واهل الجنوب كلهم على الاطلاق ما ممكن يتقنون اللهجة البغدادية حتى لو نولدو ببغداد بسبب اهلهم تسمع لهجتهم الحلوه متمسكين بجذورهم الاخ من يحجي متمكن اني ولعد و دا
وما يغلط
بالكلام وبالحديث اتضحت زوجة حبيب من تكريت اني من سمعت من تكريت اجيت اكلهم كوووومو بس ما اريد نجيب الشبهه النفسنه
اضطريت اجاري بالحديث والاكدلي شكووكي من اخو حبيب صحح وگال هيه اهلها من تكريت بس نولدت وعاشت ببغداد

سائد _الله يحفظكم
هاي عائلتك كلهم

_ايي هذوله ولدي وبناتي

سائد _اولاده جانو كبار اصغر بشوي من عدنه يسولفون حجيهم حلو اريحية عكس ابوهم
اما صاحب العزومة ما سمعناله حس حبيب لو الحايط حجة حبيب جان حجة بس كل شوي يصيح هلا وكل الهلا اما اخوو وگعلنه دگ حجي بس خلصنه العشا وشربنه الجاي گتلهم يلا

_بعدد وكت وين رايحين

_باجر ورانه شغل ولازم انام من وكت
تشكرت منهم على العزيمة وطلعت

صليل _گلبي ما ارتاح

سائد _اني گلبي صار يم اخووو حبيب

صليل _هاي العائله مو مريحة انتوو ما عرفتو مترجم الا هذا

مياسين _هو بكيفنه قابل همه جابو واحنه جيتنه لويش ما حبيتو خوش ناس يبينون

سائد _ماكو شي هيج احنه نوهوس طبطبت على جتف صليل تلث مرات
اكد كلامي هو

مناسك _ صعدنه الباص و طلعنه هو بقه يباوعلي اشرتله بأيدي شكووو

سائد _من توصلين قفلي بيبان البيت زين تمام

مناسك _تره اني بروحي خايفه وانت تخوف بيه شكووو

_ماكو شي كتلج قفلي البيبان قابل شكوووو
درت وجهي عنها نزلنه احنه وهيه راحت
يابه روحو انتو للبيت اني طالع اليوم ما ارجع

صليل _ مبروك الولد ابو السوائد من هسا

سائد _ههههه يلا يلا روح
عدلت قمصلتي ونطلقت البيتها لا گلبي القابل يجيبها يمي وگدام عيني ولا راضي ينساها وما يخاف عليها بقيت گاعده على المسطبة جم ساعه البرد يشتد الجوو يكتل بس بالي يمها وخاصه بيتها بالغابه هو امان بس منو يفهم گلبي هو امان
يمكن ٣ ساعات او اربعه بعد ما كدرت ابقه
لهجت بذكر ربي و گلت اللهم اني استودعتك قطعه من گلبي يا من لاتضيع ودائعة عفت بيتها وراي واني كلي قلق عليها رجعت تعبان هلكان نمت وراح عليه بيومها الشغل

مياسين_ نيزككك

_ها اجيتو

مشفتكم بالباص

اييي طلعنه قبل بوقت حجزنه تكت الاوسلو

_راح ترحون شنوو

_لا رايحين سبوع عسل

_هههههه اوكي تونسو

_ديري بالج على روحج وراح اجيبلج كل اوسلو واجي

_ههههه يكفيني انتِ تجين مو مهم الهداية شوكت ترحون

_عكب باجر

يا الله بالسلامه ان شاء الله

مياسين _لمينه جنطنه وسائد تمرض
سويتله بيومها دارسين دافي يشربه

صليل _يااابه صرت ناررر كبرى اكنسل الرحله

سائد _تره اني مووو طفل واذا صخنت اخذ مرتك وروحو تونسو شوي تعبان وهسا اصحصح باجر اي ساعه رحلتك

_ساعه ٩ بالليل بس نرجع من الشغل ناخذ غراضنه ونطلع

_الله بسهل

مياسين _ وصلت خبر المناسك هو مريض وكلشش مريض مو بس مريض لا ياكل لا يشرب وبس نايم وصخونته عاليه خوفتها يجوز بغيابنه تجي اله
رحنه ثاني يوم للشغل بعد ما حضرت كل الغراض
لگيت مياسين تنتظرنه بالباص من ما شافته رأساََ سألت ليش ما اجه
تعبان ما يگدر يجي مو كتلج مريض كلش

مناسك _ الله يشافي
انشغل بالي يمه راح يرحون منو يهتم بي منو يسويله اكل اذا يبقه وحده خاف يموت گلبي وجعني عليه
ومياسين كل شوي تگول بس نوصل نطلع يعني اليوم راح يبقه وحده
خلصنه شغل ورجعت للبيت ساعه ونص اتصلت بيه مياسه وگلتلي اني بالمحطة طالعين احنه
توصلون بالسلامة
سديت الخط منها و ما گدرت ابقه بعد اكثر لبست وطلعت البيتهم وصلت البرد كص وجهي كص رغم بس عيوني طالعات دخلت للعماره دگيت جرس الشقه فتح الباب وهو يلبس بتشيرته من شافني استغرب شسووووين هنا

مناسك _خليت ايدي البارده على جزء بطنه الطالع هو فز
گلولي مريض وما گدرت اتركك وما اجي

سائد _رجعيييي مناسسسك ما بيه شي

مناسك _مااا اروح اريد ابقه يمك

سائد _لا توجعيني مناسك الصخونه والم الراس موووتني ما بيه اناقش واجادل

مناسك _سد الباب بوجهي رجعت دست الجرس فتحلي

_شكووووو

_دخلت على السريع اني مجاي أأذيك داگول بس اهتم بيك

_ما احتاج احد يهتم بيه سنه كامله تاركتني و امي راحت مني برمشة عين وتجاوزت هذا كله تجيني هسا بفلاونزه تگليلي اهتم بيك اهتمامج وكلامج كله متأخر

مناسك _ انييي مو معصوم غلطت وهسا ندمانه وجايتك تقربت منه رفعت رجليناتي و نزعته تشيرته خليك هيج اذا محتر اني راح ابقه بالصاله لا ازعجك ولا أأذيك

سائد _داخللل انام اييي حس منج او نفتح باب غرفتي اشمرج من البلكوووونه

_تدلل هو راح واني دخلت للمطبخ اشوف شنو اكو اگدر اسوي اله لگيت عدس بس مو الاحمر مالتنه لا الاسود هيج احنه نسمي طلعته وسلگته فتحت ثلاجة شكو بيها طلعته كصصته ناعم و خليتهم يحمسون سوه وعلى نار هاديه سويتله شوربه صارت طيبه خليته بصحن واخذت الصينيه فتحت الباب واني اذكر تهديده

سائد _شنوووو حجينه

مناسك _سويتلك شوربه

سائد _ اذا اگوووم هسا صدگ اشمرررج اكو واحد يلومني

_لا اشرب الشوربه وبعدين اشمرني

سائد _ابوي انتِ داگول تعبان ماااا بيه حيل اسوووي شي طلعي انتِ وشوربتج

_ما اطلع وتاكل رفعت الغطا عنه وگعدت يمه اشرب شوي و ارجع نام اذا ما اكلت شلون جسمك راح يحارب هذا الفايروس

سائد _مو ديحاربج وانييي بعززز ضعفيييي عادي كلشي اگدرر اسووووي

مناسك _اني هم حاربتك وعبالي انتصرت عليك بس لگيتك متمكن مني و صرت كلك مطبوع بيه صرت سائد صغيررر بدون ما ادررري

سائد _انطيني الشوربه احارب احسلي

مناسك _انطيته الصينيه وشغلت الضوا كعدت يمه هو ياكل شوي شوي ما اكل هواي وگال كافي

_شلت الصينيه وجبتله ماي بس بلل شفافه ومسحهن بأيده اباوع الصدره ضعف ايي لأن ميتمرن بس بعده محافظ عظلاته و تقاسيم اباوع وتحسرت

سائد _شيلي عيونج وسدي الباب وطلعي

مناسك _ نووومني

_شنووووو!!!!

_نووومني

_وين انومج ابويه انتِ لو اني من الصخونه كمت اهلوس

_لا و الله داحجي نومني

_وين

_على صدرك

_طلعييييي مناسك طلعي رحمة الذاك الاب الكو..... تره الصخونه لاحت گلبي ما ناقص نارج

مناسك _ تقربت منه وفتحت ذراعه ودخلت بحضنه ونمت ادري بي ما راح يقاوم ولا اني بعد بيه اقاومه

سائد _ متأذيبي مناسك لا تأذيني بالزايد

_يعني نومتي بحضنك اذيه عليك

_فووووگ ما تصورين

_لعد راح اروووح خلاص مدام اكلت رايحة البيتنه اني اجيت اوخر من حضنه خله ايده على خصري وجرني الحضنه وهمسلي خليج مدام اني مصخن حتى باجر اذب الصوج بالحمى

مناسك _ شايفين هذا النفس الطووويل الي تاخذه وانت روحك كلها بكل اعماقها مرتاحة بوقتها اخذته رغم حرارة جسمه بس ما بعدت روحي وهو خله شفايفه على رگبتي و نام الحد ما دگ المنبه اسمع التليفون بالهول وخرت روحي شوي شوي وگمت توضيت طلعت من الحمام صار گدامي

سائد _ اريد اتوضه وخري

مناسك _تجرأت وبست صدره روح توضه وتعال نصلي

سائد _لا احنه كواو.... انتو ما تصلون ورانه

مناسك _ مو بلازم بالصلاة يكفي اني راح ابقه وراك طول عمرري وسند الك وبصلاتي اول اسم ينذكر انت

سائد _ هسا اني ادعي للساعة الي نهزمتي بيها لو ادعي عليها

مناسك _ ادعي الله يقربنه اكثر واكثر وواحدنه يداوي جروح الثاني
بسته من جتفه بدون ما يجاوب ورحت الصلاتي
صليت ونمت بفراشه لحافه لونه رصاصي يشجع واحد ينام گد ما حلو
لفيت روحي وغمضت حسيت بي من دخل
للغرفة وطفه الضوا تقرب للسرير اتأخر شوو ماكو

سائد _ انتِ باقيه يمي ليشش

مناسك فتحت عيوني جان نازع تشيرته

_حتى ننهي هذا الخصام كااافي و الله كافي تعال نزعل عادددي بس نومني بحضنك وازعل براحتك خليك زعلان العمر كله بس واني يمك

سائد _انتِ لوتيه تعرفين مايبقه للزعل مكان وانتِ بهذا القرب كله

_يعني هسا ازعل واروح البيتي

_لااا تركي هسا الزعل كله وتعاااااي طفي نارر سائد
مووو انتِ تردي

مناسك _گمت و نزعت تشيرتي اكيدددددد اريده
وبكامل قواي العقليه

وزاح ذلك الجليد
و لم يكسر قلب سفينتنه
بل مر مرور الكرام
لتتوج قصة حب شبيها لجاك وروز

مناسك _ صرت اله ونسينه الحقد و رجعنه اني ويا احلي من قبل وكل يوم جانت بمثابة حفل زفاف النه

حتى واحنه بالدوام من يباوعلي من بعيد يبوس ايده ويصمها ويشمرها بكل قوه عنده واني الگفها وابوسها هو يضحك واني اضحك

سائد_ يلاااا الباص راح يتأخر

صليل _جااااااي جااااي

سائد _ تعاااي نعبر الشارع اذا اجه الباص يضربهم طوووب

مناسك _عبرنه الشارع واجه شخص شاب هيج بعمر الولد اصغر شوي سلم على سائد وگله شلون سائد
استغرب سائد گله الحمد لله اني زين
منو حضرتك

_اني وليد ابن امير

_يا امير؟؟

_اخو حبيب

يتبع.......