تحميل رواية «مابين النسر والشيخة» PDF

حسين

اباوع وراها والنسوان اتباوع كومتها من يمي اتثير الشك كأنها شاردة .... اني هم كمت

يلا يوم

ها اي يمة

مرت ابوها

بعد وكت والله وين راييحن

رحنا ابسرعة بعد ما خلص العقد ... ورغدة راحت ويانا .

وصلنا

امي سألت

يمة شنو همست الها وهيج شردت

ماكو شي يمة

ليان

جان شكلها مضايق

كالتها وهي تنزع عباتها و امي دخلت كعدت بالهول .   رغدة ذبت جنطتها  بغضب وكالت

بعد ما اكدر اسكت اشكد وصاني قحطان

بس ما اكدر اسكت اكثر واني أشوف اخوية ينخدع

انخدع  ؟؟؟

اي حسين هاي ابوها فرضك عليها فرض هي عاشكة ابن عمها وكلنا ندري بهذا الشي !!!!!!!!!

من قساوة الكلام اجيت اركع اختي بالحايط  ...

ليش جبرها عليه

لأن  ابن عمها مو خوش ...

يعني جواهر شنو غصبوها على هيج عقدي عليها باطل

امي شهكت

يمة اوليدي  ....والله ماعندك حظ

لون رغدة اتغير من كلت راح احاجي اخوتها السالفة ما ينسكت عليها

ظلت تتوسل

والله لو درة قحطان يموتني لو يطلكني ....لا تخرب عليه

ردت اصعد لغرفتي وطلعت تلفوني

لزمتني من ساعدي

الله يخليك حسين والله اطلك واني يمكن حامل ....حباب ..

عندج رقمها ...؟

منية ؟

جواهر

ها اي اي

اخذته منها ورحت لفوك ....

دكيت عليها ....

ردت

الو نعم منو وياي ...

مرحبا

مراحب؟؟؟؟

نفس الجمود  واللهجة المستنكرة  اثاري اني مثل النكرة  تعاملني حالي حال اللي متصل بيها هسة وما تعرفة ...

الو حسين خير ليش متصل

قطعت السكوت من ذكرت اسمي

عرفتيني يعني

اي عرفتك صوتك مميز

كول رايد شي ....

كل جزء بية  يريدها عقلي وگلبي ۔۔صوتها

مثل النغمات اللي تهدي الاعصاب وترخيها  على هدوئة ونعومته ...حيل ناعم ورقيق ما اتوقع بيوم يعلى واتصيح

رايد اكلج  ..باجر نفسخ العقد واذا تردين اليوم

ليش شايف عليه شي مثلا ؟؟؟

سمعت مغصوبة علية

شنو قصدك ؟؟

شنو شنو قصدي اني ما ارضاها على نفسي .... ما تردين اشوية واجي و ننهي كلشي

الي وصلك الكلام واحد ناقص وما يفتهم .....ماكو شي تم غصبا عني ..اهلي ناس نشامى واصحاب غيرة ما يغصبون بنتهم على شي اني برضاتي بس اشوية ضايجة لان اكو شغلات بالي ما صارن

سكتت منطيها مهلة تحجي وارتخت اعصابي واخر رواقان  اني

وشنو اللي بالج

مو مهم هسة بعد صار العقد ومشى

جواهر

يانعم

راح احاول اسعدج بكل ما اكدر عليه ....بس انت انطيني مهلة 

اكيد و هذا شي كلته لوالدي فترة خطوبتنا اطول منا من اعرفك عدل .  

يعني اشكد رايدة  وقت

ما اعرف منا من اعرفك زين واتعرف على طباعك  ... ترة اني ما اعرف عنك غير انك العصبي المتهور

شنو ،؟؟؟؟؟؟؟؟

يلا هسة يصيحوني اتعشة

انتظري جواهر الو الو

هاي سدته بوجهي ؟؟؟؟؟

يا الله على هالتكبر بس بسيطة صيري يمي واني اعلمج اشلون تحجين وياي . .

لبوتي مفترسة بعدج ترويضج على ايدي

بس حيل واكفة اسدين الخط   اعلمج المتهور شسوي

***

يقين نزلت عمتي ع العشة تاكل وما تتجاوب مع اي واحد واللي يبارك الها ما اترد. .... جدي ما وجه الها كلام تاركها على هواها اتعبر عن انتفاضتها ......

عمتي مصرة ما اتريد فلس منه ...وبس العمرة هي مهرها شرطت اهناك شهر عسلهم يرحون سوة ...

وما قبلت بعقد محكمة الا قبل الزواج بسبوع

***

حسين

تشرط لبوتي المزاجية واني تاركها على راحتها   

ومرت فترة على خطوبتنا اخابرها اترد بكلام مقتضب وعلى كد السؤال ما تتجاوب وياي حيرتني وياها امنين اجيبها ..اني بكل خبرتي صعب عليه تلينها  ما مطيتني فرصة ابد.....  زين اشلون تتعرف عليه ما اعرف وهي رافضة الوصل ..واني مو من طبعي افرض نفسي عزت عليه وقلت مكالماتي بس من اشتاك لصوتها وعجرفتها ! اتصل اسأل  وهم من احسها جافية اغلقة ...اروح الهم تطلع الي

بكامل لبسها حالي حال الغريب تكعد اشوية واتروح واتعوفني يم اخوتها ..هي مرتين رحت وما عدتهن ....

جنت طالع بموقع عمل لصديق ... حتى اخطط اشلون ارسم الخريطة ...

رن تلفوني ....

جانت رغدة ....

رحت ع صفحة

الو ها رغودة ...

الدنيا جانت صبح وبيها برودة عالية

تعال اخذني حسين الله يخليك ...

ليش دتبجين ...؟

دتوجع   يمكن دينزل الطفل

دخيلك ربي ...زين وين رجلج ...

رجلي بالنجف ...حباب تعال محسن ما يرد عليه ...

كولي لأي احد يشوفج  على ما اجي

لا لا تعاال اخذني ما اريدهم واجيب امي

سديته ورحت ابسرعه الها والطريق بعيد...

وصلت الهم الساعه ١٠  .. دكيت الباب طلع الي ابنهم الصغير طفل

راح دخل وانصلبت بالباب دكيت عليها ردت موجوعة  بالكوة تحجي كلت الها اطلعي يمعودة اني بالباب دا اخذج

جبت امي

لا اجيتج كبل خفت اتاخر

**

يقين  ..

جنت انظف بالدرج واشوفلك  رغدة دتنزل لابسة عبايتها

ها وين ؟

لج موجوعة

صدك وجهه اصفر

بالكوة تمشي اخذت ايدها ونزلتها على مهلها وصحت

عمة عمة

رغدة  ما ادري اشبيها ....

اجتنا حوراء

اشبيها ... يا اخاف دتجهض

اسم الله

رغدة قبل فترة حللت حامل وفرحنا لعموا الصغير ....

عمتي جانت كاعده بالهول و مكنكة ..

من صحت اجتي شافتها ..اني وحوراء اخذناها كعدناها على القنفة

عمتي كالت

شنو حاسة

بطني دتوجعني

حيل

اييي ايي حمووت ..

دقايق البس واخذج

لا اخويا ينتظرتي  بالباب

اخوج !!!

اي خابرته يجي ياخذني ...اييي تعبانه

ليش ما كلتي النا ....

حوراء

خاتلة بغرفتها و ما اكول النا شنو احنه كفرة وما ناخذج

ايييي مو قصدي ... كامت تبجي

عمتي

لا تبجين

منو بيهم بالباب

حسين

يلا يالبنات ادخلن لجوة راح ادخلة ...

راحت عمتي ... واحنه دخلنا لجوة بس رغده

***

حسين

واكف بالبرد وادية بجيوبي  ... انفتح الباب ..

حسين وينك ...

اجاني صوتها المعذبني  ..

اتقربت على الباب

ادخل حسين

انفتح جزء من الباب وانسحب وهي وراه ... دخلت

صباح الخير ...

اعيوني وحدها صوبت كل جزء بيها ...

جانت لبوتي من غير عباية اللي بديت اكرها ..

ادخل حسين اختك بالهول  .. محد ماكو

اخاف زحمة جواهر بس جيبيها

زحمة !؟

ترة انت رجلي واللي جوة اختك

رجلج !!!!

وكفت وارتبكت

اقصد عادي ادخلك ... ادخل حسين

دخلت وراها وهي كدامي بثوبها العريض بس هم ارحم من العباية  . 

وينها

اهنا ادخل

دخلت للهول ..شفت رغدة تبجي ..

انتظر اهنا حسين اغير واجيك ناخذها سوية ..

راحت ...دقايق ورجعت كما شهدتها وعرفتها من قبل عباية وحجاب اسود ومعاصم والسبحة بأيدها .. 

راح يموت طفلي

كومتها

لا تخافين ابن الشيخ علوان مو بالهين

يروح دمشي

اخذناها للسيارة ... كعدن وراية ... 

وطول الطريق اباوع الها تسبح ...

نزلنا

يووومه حموووت ما اريد ادخل اخاف

اشبيج لا تخافين صيري سباعية ..  واني لزمت الج تسابيح انشالله ماكو شر

دخلت للفحص واني برة  ...

طلعن ..

ها بشري جواهر  ..

لا تخاف مابيها شي

بس الطفل نازل يحتاج راحه ...

اهنا تلفونها رن  رحنا للسيارة وتلفونها ما سكت كل اشوية واحد من اهلها .. 

باوعت الها بالمراية

حاخذكم نتغدة برة ...

لا حسين انت معزوم يمنا على الغدة

لا ناكل اهنا افضل

لا ماكو هيج حجي .. اني طابخة كسور من البارحه بالليل ما اتريد اضوگها

طريقة كلامها وكاني ضيف عادي اتجود عليه بكرمها وطريقة حديثها وياي وحدها تستفزني

غير مرة

اضاهر ما اتريد اتضوگ شي من ادية 

لا  والله وعلى هاي احجايتج راح اجي لخاطرج

يسلم خاطرك خوية

غصب عني خزرتها بالمراية ...هي دنكت ابسرعة وعضتلي شفتها اللي ودي انفرد بيها ،،،

نزلت هي قبل اختي

همست رغده

بعد شتريد جواهر نادرا ما تطبخ ...

ما احب الباجة

مو باجه كسور

دنزلي سوي طريق

هي حتسويه

طلع الي الشيخ بنفسة دخلني للاستقبال ..

لا ياربي ...حتى محسن مخابريه وجاي ..

متونس حضرته اذا خطيبته وجها ما اتفاركه الابتسامة والحب اللي بعيونها يطيب العليل مو اني راحت ولا رجعت

بسمتها لحد الان ما شفتها ....

كاعد ويه ابوها .... وكلبي خلصان ....

ما طلعت ابد .... بلحظة كلت اخاف هاي خطية نغم لأن طلكتها وهي تتوسل وتبجي اللي سويته بيها من عدم اهتمام جاي اطلعه عليه جواهر ...شيخة گلبي

صبوا السفرة

ناااس طيبين و النسوان كله جبب يمي ..

والسفرة انفرشت على طول الاستقبال واجه والد يقين هم .. 

صبوا الغدة رحت غسلت وية  عايد  ومحسن ورجعت ...

لكيت النسوان كاعدات والزلم ...

كعدت ابصف الشيخ واني اذكر عمي طعمة اللي طردنا من بيته وجان دوم  يتعلى علينا  شوف وين صرت و وين كاعد وانت هسة وين ؟؟؟

طلعت جوهرتي

***

يقين

طلعت عمة لابسة  صاية خليجية وشال اسود لافته على دويرة وجهه

سلمت على محسن رادت تكعد يم مرت جدي

بس جدي كال لحفيده اللي كاعد يم حسين

كوم بويه منا

تعاي جواهر اهنانه ..

اخذتلها صفنه على ابوها ... بس اتحركت وراحت كعدت يمة

اني كلت شصير لو ابوية مثل جدي ويكعدني يم حسوني !؟

***

حسين ..

كعدت يمي اللبوة واجاني عطرها الغريب .. عيني صارت على ايدها ... تنوكل ..اي والله تنوكل صابغة اضافرها بلون الاحمر الفاقع واديها بيض تبرگ ومربربة ... وحدها اجت المقارنه بمايا  اللي شراين اديها واضحه على كفوفها

كدامي سلطانية بيها اكلت جواهر

اشو ريحتها شهتني اكلها ....لا وبعد   لبوتي حطت الخبز يمي ....

ما اعرف اكل هيج بيدي اصلا الثريد ومشتقاته يمكن صارلي ١٥ سنة ما ماكلة 

بس ادين هاي اللبوة انطتني شهية اكل طبخها ..

اشو هاي الاكلة تموع بالحلك

وكلها تمدح بطبخها اخوها جايب طلع عائلته وجاي لان هي طابخة مدري يجاملها لو صدك

اكو ماعون زلاطة بيني وبينها ركزت عليها هي متاكل ويانا حاطة ماعون تمن وتاكل ببطى دمرني اشكد ترفة شفتها نزلت نظري عنها عيب كاعد ويه اهلها ...هسة اشبيه اني ما شايف نسوان اشو اهناك يتهافتن عليه واهنا هم اكدر اشتري اكبر وحده ....بس الشريفة صعبة المنال يمكن لهذا السبب گلبي اتعلق بيها .

شفتها تاكل من ماعون الزلاطة الي بينا وتركت الخاشوكة بية  .... اخذتها متعمد تارك المعاون اللي ع شمالي ... بس اريد اتذوق رحيق شفتها الي اثرة مطبوع عليها .. 

ما منتبها ومدت ايدها واني رجعها  .. واتلامست ادينا لأول مرة كفي يلمس كفها  .... لمحتها ...ابتسمت ..

كامت

ابوها استوقفها

بوية شبعت الحمدلله ....بس احط الجاي لازم ...راحت واني اعيوني وراها ما اتريدها اتروح و هاي الروحة من ايسر الروحات جانت بيها جواهر مو كلش عسرة

..

باليل راجعت نفسي و صفيت بعض الامور المالية  ...

بس فرغ عقلي   منها اجتي جواهر احتلته ...باوعت للساعة ب ١ بالليل ... اجتني رغبة قوية اسمع صوتها بس هي اكيد نايمة .....  لبيت لرغبتي على امل ترد واسمعة لهمسها حتى لو ردت بعجرفة

كالمعتاد ...

اتصلت ..

رن اثنين ثلاثة ... ما ردت

راد ينغلق الخط ..اجيت ازيحة على اذني .. اجاني صوت رهيب

أ لو  ..

انفاسها متفاقمه من النوم وصوتها كانه تغريدة عصفور توة طالع من  بيضة

الو  منو حسين شرايد

نايمة اللبوة وعايفتني كاعد

سمعت تثأبها وودي ادخل بالتليفون واشوف وجههه وهي تتمطى على سريرها

بهدوء يشبه سكون الليل

خير حسن ليش متصل

كالتها بثقل مبينة جانت بسابع نومة

حسين يمعودة النوم ماخذ من وعيج . بس اصدكين صوتج انت ونايمة يخلي النسر ينزل من سابع سما حتى يشرب من عذوبة الحلگ اللي يطلعه ..

الوو

الو

ماكو رد منها ....بس اسمع حسها

كملت

اي ليش ساكته

ما اعرف اصفط كلام مثلك

هذا مو تصفيط ...من اصيرين مثلي راح هو يطلع وحدة

مراح يطلع

يطلع وداعت اعيونج الحلوة

سمعت صوتها كانها تشرب شي

شنو اسوين

اشرب ماي

واهنا رجع صوتها المعهود الهادي والبارد وراح ذاك الدفوا اللي بيه

ها يلا ارجعي نامي نامي

استغفر الله مكعدني من نومي ومن صحصحت نامي ....

بس ردت اسمع صوتج قبل لا انام

اهاااااا

خوش همزين دكيت عليه هيج وقت لعد

لان صوتها ...كأنها اتريد تكول اللي شي

اشمعنا هيج وقت ..؟

تخيلتها بحضني هسة

حتى إتوضأ واصلي صلاة الليل

الابتسامة اختفت مو هذا الجواب المنتظر .

انت هم صليها حسين بيها بركة ... ووجهك يصير اشوية بيه نور .. ونام لا اظل سهران

من الصدمة اريد ابلع ريكي ما اكدر جمد اللعاب بحلكي  .... ضحكت على حالي وسديت الخط  هم طلعت وجهي شيطاني و هم صحتني من هيامي وهم طردتني بنزاكة ..... الله يرحم ايامي من جنت اني اسد الخط بوجهن لبوووتي  شسويتي بيه عكستي كلشي

لفيت راسي ونمت  وهي ضيفة احلامي بالثوب الاسود ...!!!!!

انشغلت بعملي وعندي مشكلة واجهتها بسبب شهادتي  .. طلعت جددت مستمسكاني والتهيت بهاي الايام اجي تعبان اذب راسي وانام واتمنى افتح التلفون واشوف مسج منها اتكول الي اشتاقيت الك ليش ما تتصل ...عود هاي تعمدت اتركها ايام حتى اشوف شوقها يجيبها مثل غيرها لو لا ... بس ما جابها

***

يقين

جنت اتخابر وية الحب دخلت عمتي فصلته ودزيتله مسج

كعدت يمي

هذا ما يخليج تقرين ....لج ركزي بكتبج .. 

اي اي حاضر  . 

سويت نفسي مركزة  عود

وهذا اخوه شخبارة  ...

منو

منو يعني هو كم اخ عنده

هااا  قصدج حسين خطيبج ...ما ادري عنه هو مو ........

سكتت ما كملت وكلت الها المفروض هي ادرى بيه اخاف انعلس بخزرة منها

راحت طلعت ذهبها 

واني رجعت اراسل   محسن

كل ماتجي عمتج اتفصليني مو عاده هااي

هاا والله استحي هههه

تستحين ام حلك ..

هههه صدوك عمة سالت على اخوك هههههه شنو متعاركين ...عود هم يتعاركون مثلنا

اها صدك

***

محسن

ابسرعة دزيت مسج بسكرين اخذته لكلام يقين

***

حسين

فتحت رسالة محسن وشفت السكرين .... جواهر هم عدها گلب ويشتاق وسألت ههه خال اشوفها لعد

خابرتها جانت الساعة ب ١٠ بالليل

***

يقين

دك تلفون عمة وهي تلعب بيه ...

اعيونها نورت وابتسامتها الغايبة اتسعت

وباوعت الي

روحي منا

هاا

اطلعي برة  .

دلم بملازمي

شالتهن هي وياي وجرتني سحل برة وسدت الباب بوجهي !!!!!!!

***

حسين

واخيرا ردت لبوتي دوم اتعوفه يدك اهواي الا اشيلة

اهلا .

اهلا بيج اشلونج جواهر ...اخبارج ..

تمام

واني زين الحمدلله بس جنت مشغول

شكرا على سؤالج وتعبتي نفسج ... !!

ظلت ساكته

اي راح اظلين ساكتة

شرايد ؟؟؟

رايد  ؟؟ لا سلامتج ما رايد .

ها لعد ليش متصل

متصل ؟؟والله عبالي الخانم مأخرة زواجنا حتى تتعرف علية ومن اتصل عليها تشرد باسرع وقت ممكن .. 

لا بس شو مابينا حديث ....

خوش تمام لعد مدام هيج ما بينا كلام اليوم اجي واحدد وية ابوج موعد العرس  ونخلص كلشي ويجي دور الفعل  ..مليت من الكلام وية الحا...

لزمت لعصابي

وكلت اشبيك حسين اهدأ هاي لبوتك لا تجرح

أستغفر الله ... اول شخص اصادفة واحس نفسي مفروض عليه كلامج وياي و ردودج اتعصب  الواحد

بعد السكوت ردت

انت دومك عصبي والتهور من طبعك  ..

انت  لي.....

الخط انسد

ايا ملعونة .. صدك مستفزة شحبيت منها يا گلب.   اشلون اكمل وياها هاي البرود والتكبر من طبعها ومن شافت تمسكي بيها زادت علية علو وتكبر .... هم راح تفشل يا حسن بهاي العلاقة ....

غمضت اعيوني والصداع اذاني اكثر ..  بس اني اعلمج يا جواهر ...ما كدرت اتقرب الج هاي الايام بس مراح اعوفج اصلا انتي ما تهميني  اعتبر گلبي ميت و انج بت الشيخ وزواجي منج مصلحة ليس الا .....

۔۔۔۔

رحت لبوها لديوانه ... وكلمته كال بوية حدد الموعد وبكيفك انت ...

شمر الطوبة بملعبي  .. 

تركتها اسبوع كامل واني

كابت شوقي الها ..... وبعدها لبست ورحت الهم اشوفها بعد ما اخذت اذن من ابوها اختاريت وقت كالت الي بيه رغده زلمهم طالعه

وهو وقت ال٥  العصر 

وبلغتهم طبعا اكيد لبوتي الحجرية  عدها علم ...

انتظرها بالاستقبال تجي حتى اكول الها باجر تجهز نفسها للعقد ..هيج اني دزيت خبر بيد امي الهم بس حبيت اشوف معالم وجهه الطاغي واني اتحكم بيها على مزاجي واعلن عليها خبر امتلاكي الها بالكامل  .

***

يقين

خابرت رباب وكلت الها ع السالفة و على قرار حسين بتعجيل الزواج من جواهر وكلت الها من اجيت من الدوام لهسة جواهر بالغرفة ما طلعت  منها و ما تقبل احد يدخل الها ...

رباب كالت راح اجي وامري لله انزلها عمتج هاي راح اتجيب اجلي ...

اجتنا رباب من ال٤ و جواهر رفضت تفتح الها الباب  .....

كاعدات بالهول اني ورباب و حوراء و رسل

رباب

يالله الرجال وحده كاعد بالاستقبال

رسل

لا عمتي يمة (مرة جدي)

***

حسين هم تاخرت ما طلعت واني محضر الها كلام مثل الرصاص يهز بدنها هز هالمتعجرفة صبري خلص منها  ..

راح تطلع وهي ام الراهي  الحقيرة حتى ما تحترمني ودومها لابسة اسود كدامي

الا اكسر خشمج  ... 

مرت ابوها اسولف واني بالي مو وياها   اريد ذيج تطلع حتى افترسها بكلامي

***

يقين

سمعنا صوت كعب ع الدرج اتقرب

علينا الصوت وصار قريب دخلت علينا عمتي 

رباب

عزززززززة

فكينا الحلك عشر امتار لكداااااااااام

عمتي واكفة كدامنا و اتباوع النا بستهزاء

اعقولنا وكفت

رباب

راح اطلعين اله هيج ؟؟؟

اي .... قابل غريب

اني سألت

يعني يعني حسين راح يشوفج هيج

كولي عموا ولج ...راح يصير زوجي اوووك

هااا نعم اصيح لحماي عموا !؟

رباب  كالت الي

خايبة دنجبي انت بيمن حايرة

خشي خشي يختي والگلب داعيلج يخراااااشي تسوين بنات اوربا وتكساس يا شيخة الكل

ابتسمت عمتي برضا ....واحنه ممستوعبين هذا التعديل لحسين

لابس فستان سهرة شتائي قديفة احمر مجسم على الجسم .... لونه مثل دم الغزال يلمع ۔ صدره مزير عليها على شكل قلب ضاهر نهر صدرها وبوسط النهر جوهرة تلمع بلون الماسة ع شكل جبل صغير  .. تفصل بين نهديها ..  و ع الخصر  لزك لزك ع جسمها كولة والكعب اسود .. و لابسة حجل يدندن  منا الورد الجوهري

الفستان يزينه ع الخصر حزام ذهبي بلون

تراجيها الناعمة حيل ...

والحمرة  جريئة  حمرة ايلاينر جارته من غير ظل نازك حيل

رجعت مدخلت

خلتني اروح اصيح لمرت جدي ...

وسالت عن الضيافة بصوت اعلى

من طلعت مرت جدي صفنت عليها

جواهر

ياريت ترحون منا لاي غرفة اريد اخذ راحتي بالكلام وياه ....؟؟؟؟

دخلت واحنه ودنا ندخل اني ورباب وانشوف وجه حسين بعد ما حنت عليه جواهرة ...

***

حسين

طلعت مرت ابوها

وسمعت حس جواهر اتقرب ع الباب واتكول قدمتوا اله شي ... اهنا الكلام كله حضرته ع طرف لساني اكولة واروح ..

دخلت جواهر ..

السلام عليكم  ..

رفعت راسي وعلى وجهي علامات القساوة

وعليك . . . . م السلام .  

وحده وجهي انفرج واعيوني انفتحن ...

على شنو اباوع احتاريت ....ع الشعر اللي على صفحتها محلول مثل الشلال بليلة ظلمة .... لو نهدها  البارز  

لو الخصر الي يتمايل .... هي تتقرب واني  العيون تاهت بيها ولا يگلك شايف نسوان ...ولو الصراحه جسمها ما صادفت وحده هناك مثله النحافة عنوانهن الانكليزيات ونغم  مثلهم ....

اما هاي اخذتلي لب عقلي وبهتت حيل

اتفضل ليش واكف

كعدت يمي وحدي انخرطت و كعدت يمها 

الاحمر مجانس وياها شنو الله خلقة الها مخصوص ...

حسيت بالبرد والرجفة القوية اكتسحتني اكتساح تام .... اعيوني ما تنزل وهي كأنها تتشافى بذوباني ...

اعيونها صارت بعيوني ....  وين ام سبحة

بهاي التحفة الفنية ...

حسين .... بخصوص  تقديم العرس

اريد احجي بس فضلت اسكت واتمتع بصوتها والنبرة الجديدة الي بية تتغزل بيه  بنوثتها    ما اعرف هاي وحده ثانية

ممعقولة هيج يتم  ابسرعة ...اني جنت اشوية ماخذة زاوية ما متقبلة الموضوع ....وصارت بوجهك ...

اشو هاي الظالمة اتقربت اكثر يمي وهي اتباوع لعيوني بكل جرأة 

خلي بعد ثلاث اشهر ... اتقربت اكثر

ثلاث اشهر فقط .... اتعرف عليك واخذ على طباعك ..

بس  بس

غمضت وفتحت حتى بس اعترض حيل بعدته  الموعد

لزمت ايدي ....ايدها فد بارررردة مثل برود گلبها اللي ما يحس بالثورة اللي بداخلي وهيج اتقربت مني وما رحمتني اني بيتهم شريد اسوي وهم متفاجأة  حيل و متخذ ومنبهر كلها التمت عليه

هاا حسين

اي بس

بس شنو

شالت ايدها عني ورفعت شعرها رجعته للخلف بهاي الحركة ضهر الهلاك كدامي صدرها المرمري برز اكثر

هممم شكلت حسين ناجل اشوية ... حتى لا يصير ندم ...

هزيت راسي

يعني اي . ..

قربها عليه خلاني اجاوب وياها ...

ابتعدت فجاءة من كلت اي .. و اخذت ترمز الجاي وصبت ...

وانطتني الكوب واني بعز انبهاري بيها . كامت واختفت ...ردت اكوم وياها الجاي اتبدة مني وظليت امسح بية

يتبع

عفية التصويت التصويت لا تنسوووون

يافاتنتي...

لي طلب منك يراودني

من بعده احمل امتعتي

ضميني بين ذراعيك

كي تشفى غلا اوردتي

واذوق الشهد بوجنتك

واوفي منك ذائقتي

لاكأس او شربة خمر

شفتيك تكون الواجهتي

ودعيني ابحر في عمق

واغوص بكامل امنيتي

فلك مني كل الحب

ياشمس تدفئ مملكتي  

        *من كتابات صديقتي ربيع العمر*

  يقين

طلعت عمتي من الاستقبال وجان اني ورباب ومرت جدي نهروووول لكدام شاردين  وكفت  وهي تتخوصر النا لان رباب سمينة ركضتها فاهية شافتها دكومي واعثري بحجرة الباب الي على شكل نجمة تنحط تچوة للباب لا تنسد ، وكعت رباب على وجهة   ..

هزت ايدها وراحت  لغرفتها ورباب كامت وراحت وراها واني وراهن اتمركض ممصدكة اذني لهسة ولا مصدكة هاي عمتي هيج عدها نبرة صوت ولا مصدكة هيج تتدلع يعني اسلوب ثاني من يمي خلاني فاتحة حكلي مبتسمة و ذايبة

مرت جدي راحت للرجال اللي ما نعرف علومة بالاستقبال .....

اشعدجن  تتصنت مو عيب .. اخذت ثوبها البيتي ودخلت للحمام ..  طلعت  من خلصت تبديل ووجهه منور و ضاحك وكفت كدام المراية اتباوع لنفسها بثقة

رباب

دوهنتي الرجال وطبقتي علية المثل شوق ولا دوق

عمة ليش هيج طلعتي اله

رباب تعوج بحلكه  واتفرفر بشفتها

ياما تحت السواهي دواهي

جاوبتني عمة

اشلون يعني ؟؟؟ لو هو الحلال عليج حرام عليه ...حسين زوجي شرعا !

اي بس انت ما متقبلته 

تنهدت

بعد شنو نسوي صار خطيبي ومستحيل اكدر افسخ وابوية وين يخليني ... اني بس جنت  متاضيقة لأن انفرض علية

لكن بالحقيقة هو امر واقع ما اكدر اغير منه شي .... ولازم اغير من صورتي كدامه حتى اكدر اتألف وياه بالمستقبل

خلاص راح اتلاحك الامور

رباب

خوش اسوين

بس ليش اجلتي 

اضوج من احد يفرض علية شي ...ابوية واتعودت على غصبة الي بس مو يجي هذا هم يقدم ويأخر .

تحجي بهدوء وتلم بشعرها

رباب

يقين اطلعي لبرة اشويةة

ما ما

اطلعي عندي حجي وية عمتج

والله ما اطلع احجن كدامي ...اذا اطلع اوكف ورة الباب

لج جواهر كولي الها تطلع

خليها ...ما بيه حيل اعرفج شنو راح اتكولين ....

الماضي لازم انساه ....ويمكن انت الصح حسين الوحيد اللي اكدر اعوض بيه اللي فات ..بس خل اتعرف عليه واعرفة زين

ريحتيني جواهر والله ارتاحيت ...اي هيج انت صح ...........بس كوللي يا بنات هسة حسين كم كوب جاي شرب يطفي الحرارة ؟؟؟؟

خزرتها عمتي وعضت شفتها لا تحجي هيج كدامي

دخايبة طيري عبالج هاي بعدها حمامتج البريئة لا يعيني اخوه احسين محيسن خذاها من رحنا لامة وختل بيها بالغرفة

هاي عدها من يوصلها للبيت  هيهيهيهيهيهيهيهي

ضحكت وحطت ايدها على حلكها

واني طبيت بنص هدووومي

وشردت ركاضي من الغرفة ...

***

ليان

دغسل بالحديقة ومصرفنه البجامة  واغني هاي عادتي .... كبال باب البيت ..

عبالي حبيبي البس التوب الاخضر

انفتح الباب فجاءة فد اخترعت محسن

و راه شاب سانده

انهطبت من شفت اخوية كصته ملفوفه بشاش

عين الشاب صارت بعيني

ذبيت الماسحة وشردت لجوة

سودة علية خوية حتى ما انتبه الي بالكوة يمشي ...

رحت كلت لأمي .... راحت تركض اله ..

دخلوه بالهول

رحت ذبيت عباية  على راسي وطلعت

شفته مدد بالهول وامي تبجي

اشبيك محسن ..

الشاب حط ادويته ووهو مدنك كال

حادث بسيط لا تخافون  مصار شي ..

انتبهت للشاب هذا قيس اخ يقين ..

اشلون صار ...

جنا طالعين بالسيارة و كسرت علينا لوري وصارت ردة فعل قوية و انصدم محسن على كصته ...لا تخافون ذني الخياطات يوم  يومين ويلتم الجرح

اترخص قيس

محسن

لا تخافن اشبيجن يكلك جابوني بنعش

ضحك وكال اريد انام ...  سودة عليه راسه يوجعة ....

جبت اله ملابس كتله عاد بس بدل وارجع انام ... رجعت للحديقة سديت البلوعة وكترت الصوندة والماسحة والله موقف محرج دخلوا عليه هاجمين والولد صارت عينه بعيني اشكد فشلة والله شافني بالبجامه يبووو انوب من خوفي على محسن رحت طلعت اله ولج باي وجه طلعتي والله بعد ما اروح لرغده ولا ادخل بيت اهل يقين يبو يبوو 

***

يقين

اجانه قيس

يقونه تعاي اريد اسالج سؤال

شنو

دتعاي

كومني جنت كاعده ع الميز بالمطبخ يم بنات عمامي ...

اخذني للمر الخلفي للهول  ومنه انروح للباب الرئيسي

شنو

اكلج محسن  عنده كم اخت ؟؟

هي البلوة رغده بيها عشر نسوان ينطن خباثه و حقارة

هسة غير تحجي عدل

اي اي عده اثنين الصغيرة اتخبل منها هيلك ولا ارتاح الها مثل اختها رغده  إسمها ختام

ها الصغيرة حنطاوية ووجها كمثري ؟

لا هاي ليان وجه كمثري بس هاي بيها حظ وحبابه

ها واشكد عمرهاا؟؟

اشمدريني متعدية العشرين ليش.؟

شو هذا اخذله صفنه ع الحايط ومبتسم

هلاووي نحن هنا ...ليش تسأل

لا هيج هيج

راح هو لبيتنا و احسه دايخ

هاي جدي وابوي صارلهم قرن يردون يزوجوه  من جان عمره ١٧ وهو يكول مالي خلك للمسؤولية وامي تمشي وتخطب اله اخر شي صفت على بت اختها ...

وهو خلص دراسة و ما يشتغل يدور تعين وجدي كله ع السنة الجديدة اتوسط الك تتعين ... لهذا ماجل الزواج

***

حسين

طلعت من بيتهم دايخ بيها هاي كم وجه الها ؟؟؟؟ ولا توقعت جرئتها

صعدت سيارتي واني دايخ بيها

وبنفس الوقت فرحان حيييل اعشق المرة الشخصيتها صعبة لعبت عليه وسوت اللي اتريدة ومشته ...... من اليوم  ضمنتها الي اللي مثلها صعبة ما تطلع هيج لو ماهي حاسمة السالفة وهي الي ،، بس ليس دجر طول وعرض مو نهتني اليوم ....بس بسيطة احب اللعب ... الليل كله نايم مرتاح وهي بحضني شبعان منها بأحلامي  ..

مرن كم يوم واني مشغول ما افرغ لهاي اللبوة الخطيرة بس بالليل ارجع تعبان

افكر اخابرها واكول لا هي جاي اتحاول اطخ راسك واتمشي رأيها عليك  ..

لا تبين لهفتك بس بصراحة حيل ملهووف

دطلع العصرية لمحسن هذا  ابو الحوادث

ودك تلفوني رفعته يم اعيوني اركز هذا رقمها  لو مشتبه  .

كاتب علية

جوهرة القلب

فتحت الخط واجاني ذاك الصوت الانوثي الممزوج برقة وعجرفة

مساء الخير

الو

الو

مساء الانوار اهلا وسهلا

اشلونك حسين

بخير  الحمدلله وزدنا خير من سمعنا صوتج ...

انت اشلون حالج

بخير .. 

اكول حسين  ..

امري ...

انت فارغ

لا والله مشغول ..

اها على راحتك ...

ليش .؟

ردتك توصلني للدرس اليوم فاتحين دورات محو امية واني تطوعت

لكن يلا حخابر السايق يحضر نفسة

انتظري .... افرغ نفسي واجيج اني ....

ها خوش تعال ب ٤ ونص لا تتاخر

صار

مو تتاخر

مشتاقة الي ....  اشوية ويمج ...

اي عفية لا تتاخر ومن توصل ادخل سلم على والدي اريد نسوان اخواني يشوفنك.تجي اتوصلني كشكلا لا اكثر ..

سدت الخط ...

التلفون ظل على اذني هاي  الملعونة ولا ترد ....

ضحكت غصبا عني على نفسي اشلون صرت بيدها مثل المرصع اتفر بيه وين ما اتريد  ..

وصلت الهم وما نزلت ...دكيت عليها ..ردت رادتني ادخل رفضت وكلت الها يلا ابسرعه مستعجل ....

طلعت من بيتهم ... و كعدت يمي

هلدرجة مستعجل ما اسلم على ابوية وانت بالباب واكف

غير مرة

... وصلتها

ما فتحت وياها موضوع حيل مستفزتني

بس كلت الها قبل لا تنزل

اني اجي اخذج بس دكي عليه

تمام

قريب المغرب دكت .. طلعت من الگوزمتك .. ورحت الها ... واكفتلي

ما صعدت

اشرت الها شكو ....

ما ردت

نزلت يمها

شكو ما اصعدين ؟

افتح الباب

نعم ؟!!

فتحت الباب واني اطلب الصبر

كعدت يمها

ترة اني مو السواق مال حضرتج انزل افتح الج الباب ..

ابتسمت

ادري بيك والا جان ماكعدت يمك

يلا يلا وصلنا  ...

جواهر ...انت مراح تتغيرين  احنه مو اطفال

سكتت

انطلقت بيها ... وهي تقرة بكتابها ما مطية مجال الي احجي وياها

واخيرا شالت عينها عن الكتاب

شنو هاي حسين  هي منا لهنا ما وصلنا

لبوتي اتباوع منا ومنا

حسين هذا مو طريق البيت .

ساكت ومخليها تضرب اخماس بسداس

وتتسأل

اخر شي كالت

وين موديني حسين .  صوچي خليتك اتوصلني ........ حخابر والدي يصرف وياك

طلعت تلفونها  سحبته منها  وحطيته بجيب جاكيتي وسط نظراتها اللي اتريد تاكليني من الغضب

ابوج اخذت اذنه واليوم نتعشة برة

اهااا واني اخر من يعلم !!!

لا تبتسم ....

باوعت للشارع

وكالت مستفز جدا

طلعت سبحتها وبغضب تسحب الخرز  ...

جان لونها اسود بشواهد فضية ..

هسة ليش ضايجة

ما احب احد يستغفلني ...يعني شنو اتكول لابوية وما تكلي ..... هااا

غير اسوي الج مفاجأة

تأفأفت

حتى ما محضرة نفسي وباوعت الي صفح

غمزت الها

شتحضرين اتلبسين  احمر مثلا ..

حسيتها ارتبكت و دارت وجهه عني ..

بدت اتليل الدنيا

اكلك شنو وين هذا مطعمك باخر البصرة

بعدين اشجابنا للعشار

خو يمنا خوش مطاعم ..

مجاوبت ....

واتعدينا المنطقة

وكفت كدام العمارة

يلا انزلي لو هم لازم افتح الج الباب ...

نزلت وسدته حيل رحت اني ركنتها ع صفحة ورجعت الها واكفة ع الشارع وصافنه

اكلك وين المطعم هذا احنه يم مباني سكنية ؟؟

دتعاي لزمت ايدها بقوة ويا محلى برودتها لو رعشتها من سحبتها كلشي بيها ياخذ لب العقل كاني اجرب الحب لأول مرة  ...

اخذتها للعمارة وسط تسأولاتها  واني مغلس

ما اصعد يا حسين لا والله وين جايبني

والله يا جواهر وقسما بيه اذا ما صعدتي اشيلج.على متني واصعدج

شنو انت شنو معدنك ؟؟

اروبي وغمزت الها

عبالج استحي لا اني ذاب ثوب المستحة من زمان

عائلة نزلت ...سكتنا اثنينا ... 

خايفة مني

باوعت الي بستنكار ممزوج بستصغار

لا ليش يابة اخاف انه اكعد وسط عشر زلم مثلك و محد يطخني  .

صعدت كدامي واني بس اباوع لتمايل تحت خصرها وهي تصعد .. 

المن جايين احنه ؟؟

دتعاي هم سحبتها من ايدها شقتي بالطابق  الثاني ..فتحت الباب والارتباك واضح عليها

سحبتها دخلتها وسديت الباب    !!

عركت كصت  لبوتي واحنه بعز الشتا ...

تعالي اشبيج اني مو غريب .... بس احتاج اكلج كم شغلة قبل ما نتعشة عضيت شفتي على منظرها وهي ترجف ولازمه عباتها مغطية كل كتر بيها .....

ام ثوب الاحمر ما عرفناج  هسة ...

وخرت عن كدامي وكعدت على القنفة

كعدت يمها طخيت جسمي بيها ... ادنت وهي تتافأأف  اتقربت  عليها اكثر وحطيت ايدي على متنها

وخرتها بغضب وكامت

اكولك صحيح اني مرتك بس مو بهذا الرخص جايبني لشقة الإنس مالتك

لازم اتخلي الي احترام وقدر ..

حطيت ايدي على خدي وصافن على عصبيتها حتى عصبيتها و ثورتها مليانه رقة صوتها  على على نفس هدوئة بس يرعش  ...

اكعدي لبوتي ..

شنو ؟؟؟

تشبهني بالحيوان

اكعدي جواهر ...

كعدت وخلت مسافة بينا

اشمدريج هاي للإنس

شاب وعزابي وعنده شقة وهو بيت اهلة عايش ...المن مشتريها يربي بيها دجاج

جوهرتي

لا كولي جوهرتي رجائا ما حبيته

زين ست جواهر ما جايبج اهنا حتى تاكليني اكل بعصبيتج اهدي اشبيج ..

اروح  اجيب شي نشربه  ..

جبت ورجعت

اها وحتى لازلت تسكنها اهه اضاهر لهسة ما مبطل المن مزوجني لعد ....اتورطني وياك عايزة اني ....

كعدت يمها وفتحت بطل الراني  .

وخر ما اريد  .. 

دنت نفسها عني

لازم احجي وياج وعندي وياج كلام مهم

لا اظلين هيج مشنجة

اتقربت اكثر ماكو مكان تتدنى الها

اخذت اديها  ...و وابعدت العباية عن راسها ...

حسين ... كافي عاد ..

اتباوع للحايط

ديري وجهج دحجي وياج ...

ماكو  ما دارته ... درتها اني من حنچها اتعاملت وياها بترافة غصبا عني  وجها المرمري من طراوته خفت لا يلثم بايدي ...

كلشي بوجهه يرتعش من صارت عينها بعيني ....

همست باسمي وذبت بيها

نرجع حسين ..     

بس مكلت الج الكلام ... ايدي الفضولية وحدها تجولت على خدها الريان .... ناااعم وطري  حسيت ايدي بخشونتها راح تخدشة بس مكدرت اشيلها عنها .. هي غمضت واني انفاسي تكفح على وجهه اتقربت من كثر ما دنت نفسي .....

لكن تذكرت اني المن جايبها .. اتلمست شفتها واني اتحسر  بس الصبر افضل كمت عنها واني العن كبريائي اللي اجبرني اكوم ... 

اخذي ..

فتحت ..مستغربة ....

شافت ايدي الممدودة الها بالعصير اخذته متوترة اتعدل بعباتها ...يمكن بس وصلت لحكلها ما شربت ...

بصوت مخنوك

اريد اروح ....

كامت

جواهر اكعدي ....وباوعي الي اريد اكلج هذي الشقة ويه منو جنت اجيها ..

ما باوعت الي ورجعت كعدت ..

جواهر ...اريد قبل زواجنا ما يتم اتعرفين عني كلشي

هزت راسها وما نطقت  ..

درت وجهي عنها لا اضعف على ضعفها هذا واخذها لاحضاني والوقت غير مناسب  ،،

شوفي اني من تزوجت مايا جنت صغير وردت اسهل على نفسي الامور ... وابد ما تفقنا لحد ما انفصلنا   .. رجعت للعراق واني ما متعود على الكبت والحرمان اللي الرجل العازب لازم يعيشة اهنا واني متعود من بداية الشباب على الراحة والاستقرار النفسي من ناحية ال ال ..

هي ساكته ...

باوعيلي جواهر   اني ما حب التعدد وهاي الشقة اخذتها حتى اخذ راحتي بيها

لان متعود على الوحدة ... بس من حسيت بالكبت تزوجت بيها

عينها اتسعت علية

اي زواج مؤقت .. وراحت البنية لحال سبيلها

مزوج مرتين ؟؟

اي نعم  حالي حال اي رجل بس كلت الج زواجي مو استقرار مجرد متعة لا اكثر ...اني من ردت استقر اختاريت بت ناس حتى اتصير ام لاطفالي ...

ما ردت جواب

جواهر ..

لزمت ايدها

جواهر  اني اكدر ما اكول الج ...لكن ما احب الخداع ولا بيوم تكتشفينه بنفسج واصير كدامج متهم  .. اني واضح وشريكتي من حقها تعرف عني كلشي ..

لا تخلين الي كلته ياثر على زواجنا

هاي البنية اللي شفتها وياك بالسوك

اي

زين اريد اروح

هم ما ريحت بالي وما انطت اي تعليق على كلامي ...شفتها تعبانه

لبيت رغبتها

يلا كومي ...بس بالاول نتعشى

نزلنا للسيارة

وديني للبيت حسين كلامك يرادلة صفنه و تغير حسابات .. 

جواهر !؟

عبالي اتفكرين بعقلانية وراح اتفهميني 

اي حاسبات تتغير ... انت لا حابتني من قبل ولا اتعرفيني حتى ياثر عليج ماضيي ...شو اني اللي فارض نفسي عليج ..

سكتت

جواهر هاي الثلاث اشهر اجت من صالحي ...انطيني بيها مجال  صدكي راح اتحبيني  ........مثل ما اني تايه بيج ...

ظلت ساكته وضجت حسيت نفسي اسرعت هاي مشكلتي  حياتي اعتبرها مثل المشروع لازم كل المخططات والرسومات والتكاليف والجداول اتكون واضحة كدام صاحبها قبل لا ابد بية حتى لا يصير تلاعب وغش

وصلتها ..... حسيتها هاي اخر مرة تكعد يمي هاي الكعدة ....سحبت ايدها وحطيتها على كلبي ....ردتها اتحس بيه وتوصل الها مشاعري

جواهر اني حبيتج ...من صدك حبيتج

تعلقت بيج وبتكبرج وشموخج ...

سحبت ايدها برتباك ...

نزلت وصلت الباب واني اباوع الها ..

باوعت الي  اشوية  وصفنت علية ودخلت .....

***

يقين

طلعت من بيت اهلي ضايجة بابا هم اتعاركت وياه امي ....

دخلت لبيت جدي ...دخلت  لغرفتي شفت عمتي كاعدة اتخابر على حافة سريرها

انطرحت بهدوء واني افكر بخلاف ماما وبابا ...

وعمتي ما تحجي ...

بعدين ا الا ردت

رباب الرجال عجبتني  صراحتة ..

كلشي عاجبني بيه  هذا اللي مضوجني من نفسي اخاف اشوف بيه....

سكتت من  دارت وجهه و شافتني مطروحة

بعدين نكمل ... اوك اوكي رباب يلا تصبحين على خير

يتبع 

بنات التصويت حبايب قلبي لا تنسوه

وهم اليوم جبت الكم هاوية عدها قصة جميلة كبداية لان بعدها ما ناشرة منها غير فصلين واقعية و حلوة و مبسطة

ارجوا متابعة حسابها وهو drbalsam

وقراءة القصة اختلال العشق ..

#مابين_النسر_والشيخة

قدك المياس

من كتابات زهراء العراقية

حسين

يومين بداخلي حروب نفسية  سوت جواهر ماكو منها جواب

عفتها على راحتها واني اللي احترك

***

يقين

التهينا بعرس اختي  واكيد عازمة اهل خطيبي  اني بهاي الفترة اغلبها اكضيها ببيت اهلي من اجي من الدوام لخاطر تحضيرات العرس

فعمتي اقترحت تاخذنا للسوك والمكياج ناخذة كولة من محسن .... بس مرام كالت لا اخاف احرجهم وما ياخذون افلوس .......

المهم رحنا للسوك وعمتي مشت اللي براسها 

نزلنا من السيارة دخلنا المجمعات اخذنا كم غرض ومرينا بسنتر محسن ...

جان اشوفلك ابو الشباب واكف ويه وحده ويضحك و حاط كدامها كومه عطور ويحط بأيده وهي اتشم من كطع الله انفاسها ابو راس يرادلة حادث ثاني يعدلة حلكه المفتوح ...

عمتي

اشبيج ما ادخلين !

ها اي

دخلت وهي وراية ...جان حسين يحجي بالتلفون وهم كاعد كالعاده يجي يم اخوه العصريات بس يكعد اشوية ما عليه بشي

كواجهه للسنتر معضل اسمراني و كشاخ حتى اكثر من امحيسن ،، يصرف على شعرة جل اكثر من استخدامي للزيت من اگلي فلافل ... المهم اني ضايجه رحت وكفت كدامه

مرحبا

ابتسم الي ابو حلگ ..  ورحب واني ودي اضربه بوكس ....

***

حسين

اتمللت من الگعده ... خلصت اتصالي كلت اشوية واروح

وشفت جواهر گدامي واكفة ..

السلام عليكم ...

وعليكم السلام ورحمة اللة وبركاته

حلمانه بينا اليوم

ابتسمت ...اي

هاي اشجاي اتكول لا وبعد تبتسم ورايقة

اشلونك

باوعت الها من فوگ لجوة

طلعت من ورة الميز الفاصل

جواهر كانج صفيتي حساباتج 

ردت ابتسمت .

اي حسمتها ....

اجتها بت اخوها وگطعت علينا الجو وراحن صعدتهن لفوگ ورجعتلي اللبوة ..

تعالي

اخذتها وصعدنا للطابق الثالث بالمصعد

جان مخزن ... فتحت الضوة وجبت الها كرسي كله تراب ... ظليت امسح بيه لا يلوث عباتها ...... وهي اتباوع

اتفظلي ...

شكرا ..

جبت ثاني وگعدت گبالها

على شنو صفيتي ...

تحچي وكأنك منطيني خيارات ...

انت خليتني امام امر واقع وگدام مصارحتك اذا اهون اطلع ما افهم ..

هيج يعني ...

لا تخاف اني افهم و مدامك شاريني اني  ھم شراية

فتحت جنطتها  ... وطلعت علبة ...

سحبت ايدي و حطت بيها حلقة

قست على قياس اخوك .... ما ادري يجي مثله لو لا

الحلقة فضة دخلت بأيدي ...

حسب علمي اني اخشن من محسن

اشلون صارت قياسي

باوعت للحلقة بعتزاز

مو اخذتها اشوية اكبر

السعادة اللي غمرتني بهذا اليوم لا توصف

والتغيير الجذري اللي التمستة بيها خلتني اتمنى اللحظات ما تنتهي لا هم اصحى على   وجه ثاني ....

طلعت حلقتها اللي ما خلتنا نشتري ونلبس بيوم العقد كالت ويه الجهاز

اتفضل

اخذتها لبستها بس ما هديت ايدها

بستها وعيني بعينها التضحك جانت كل معالمها هادية و حانية تمطر حنية

سحبت ايدها ببطئ

يلا حسين محلو تأخيرنا اهنا

خلينا وظلي يمي ...

لا هم يالله اروح اشوف البنات .. صدوك اعلان قراري الك اليوم راح يصير بثمن

ضحكت وكل دينتي ضحكت بوجهي اليوم

لان العروسة حجهز منا هديتها على زوج عمتها

تدلل هي وعمتها

وكفنا اتريد اتروح ..... اتقربت عليه واعلنت هلاكي لزمت سنسالي اللي اصلا مايضهر منه شي الا ادنك او اتحرك

اضاهر جان ضاهر منه جوة القميص

حسين ممكن طلب ... تنزع هذا ما حبيته

ها

اني دخت بقربها

اذا تنزعنيا   انتي بعد ما يلبس وعد

صار وجهه الريان بوجهي الضايع بيها

وطلعته ولا اتراجعت واني دخلت اديه من جوة عباتها حاوطت خصرها .. 

دنكت الها راسي حتى اطلعه منه

طلعته واني جريتها كلها لحضني  حضن شوك لا شهوة ضمأن و رويت انفاسي بعطرها احاسيس اعيشها لاول مرة احضن مرة حبا بكل انش بيها

حسيتها اتريد تفلت مني

همست بذبول

حسين احنه بمخزن

ماتدري هذا حلمي جان من اشوفها كدامي هي وسبحتها ..

بعدتها عني مغصوب ....

خل نزوج بالليل ؟؟

  وخرت من كدامي ..

ها تعاي وين رايحه جاوبي

اخاف اظل اكثر و تزوجني هسة

شنو !،؟؟؟ ياريت

خدودها وردن

لا هيج هيج

حباب خل ننزل منا

ههههههههههههههه

***

يقين

نزلنا وكالعادة المصعد مشغول .. نزلت من الدرج و شفت عمتي كدامي دتاخذ عطر

هاا

عمة ...

شنو اخذتن

مرام

كلشي ما اخذنا عمة عود من غيرهم نشتري والله استحي

اي هم صدك يلا بينا بنات

اتعجبنا من ايدتنا هسة جا المن جابتنا

دنطلع واجانه حسين نازل من فوك

وكف يمها

اتفضلي

اخذت منه كيس

مرام

شنو جاي يهمس لعمتج

ولج ما ادري وجهه ورد

مرام

وهي هم شنو همست

خرب كانهم طيور حب

اجانه محسن واخيرا فرغ الي

يقين شو ما اخذتوا شي

ماعدك شي يعجبنا

كلمته بزعل وطلعنا 

طلعت ورانه عمتي

هاي يابنيات وين انروح ..

طول الطلعة واني ومرام الفضول يشتغل انريد نعرف شنو الهدية اللي بيد عمة

صعدنا بالسيارة بعد ما خلصنا

عمة شنو بي هذا الجيس

ما ادري بس عمج حسين يكول اريدج اتلبسيه الي  باسرع وقت

اها

بس عمة والله واكفة اصيحة عمو  حبابه صاك مو مال عموا

ما اهتمت لكلامي واتباوع من الجامة ومبتسمة ...

من وصلنا .اني ومرام اصرينا بالهول نفتح الكيس

شمرته علينا عمتي وكالت الي اجيبه وره ما اشوفه  وراحت لغرفتها اتريح

رغده كاعده وتاكل حلو ..

ومن سمعت هاي هدية حسين عوجت حكلها ومرت جدي كالت

شو خل انشوف مجايب اخو رغده

طلعت من الكيس علاكة بيها مرة لابسة خلاعي ...فعرفت الكتاب من عنوانه طلعت ثوب نوم ستن احمر

عاااا

مرت جدي

يااا صدك يحجي

مرام هههههه

شاورتني

ولج يقين هذا يريدها تلبس اله هذا باقرب وقت واني عبالي عقد ههههههه

لا توقعته  هيج من شكل الجيس  ههههههه

رغده

كامت ضايجة

مرام

اشكد متطفلات احنه

اي والله ههههههه

اخذته ورحت للغرفة حطيته بكنتور عمة هي دتسبح ...

طلعت  شافته اخذته ورجعت للحمام اظنها اتقيسة وعارفته من البداية شنو بس خلتنا نشفي فضولنا ....

***

حسين

جنت اتصل بصديق من الخارج .. ... .. ..

واجاني شعار بتلفوني الثاني

فتحته واني احجي وية الرجال ... جانت من جواهر .. 

كولش حلو الثوب  قسته حيل عجبني دزاينه

جاوبت الصديق باللغة الانكليزية

عزيزي مايك اتصل بك في وقت لاحق

واتصلت بلبوتي  ... واني اتخيلها بيه

مرت الايام بسرعة كبيرة واني ولوبتي مابين المد والجزر يوم تنگط حنية ويوم مابيها حيل تحجي كلمة  . بالاساس كلامها قليل و ما تحب سهر الليل تنام من وكت بس مع هذا مكيفتني وعاجبتني بكلشي

.

رافضة اوصلها او ننفرد اتكول انت تفقد صوابك  واني مو گدك طاوعتها وقللت لقائنا واذا اروح بحضور الاهل  وهاي خلصن شهرين من الوكت المحدد .. وبدت هي اتحضر ...

بيوم خابرت

الو حسين شسوي

بصوتي النوم باوعت للساعه ب٤

ها جواهر  شرايده

شنو 

اشوية بس اصحصح

من اكعد عكر اشوية  ورة فترة الا اصير طبيعي

اتصلت

ها حبيبتي 

حبيبتك اتكول الها شرايده على كثر اتصالاتي اني

يالحبيبة  اول ما اكعد من النوم كلامي يصير حاد ... لا تاخذين عليه

المهم اني اليوم جاية الكم باذن من الوالد

ها صدك

اي اني ويقين ..... اريد اشوف غرفتي و اشوف هم بيتكم ما مركزة بيه

اها

اي عندي كم شغلة اريد احطة كديكور فلازم اشوف حجم الغرفة

يعني اليوم  تدخلين غرفتي

حسين الافضل انت اتروح من البيت واتخليني بس ويه النسوان

لو ادري ليش فاهمتني صح دومج ظالمتني ارحميني ومرة افهميني غلط

هههههه اعرف نواياك من صوتك يمدهولني

شنو عيدي عيدي

ههههههه يالمخاذلي عقلي

همست ما متاكد من عبارتها بس هيج فرزنتها مدري صح مدري غلط

شنو جواهر .... ؟؟!!!! والله اليوم مراح اطلعج من الغرفة ...لا  تتأخرين راح اسبح اكون بنتظارج .. اوك

سديته هالمرة بوجهه متلاطف وياها بس اليوم حيل فرجت من اتغزلت بيه الشيخة وفتحتها علينا يتورط الواحد يعشك الحوزوية ...

***

يقين

اخذنا امي و رباب ورحنا لبيت حسين وحسون ....

دخلنا واستقبلنا حسين وهو على اخر شياكة

رباب

هذا لابس قميص اصفر ياكل ويشرب وياه

جاوبتها

محب الاصفر

كشولت رباب عليه

طبعا احنه كاعدين يم ام حسن بالهول ...

عمة هذا حسن الله يرحمة موو

باوعن رباب وامي وعمتي للصورة اللي اشرت عليها ...شاب احليوة وعلى احد زوايا الاطار تيب اسود

اي هذا اوليدي البكر

جواهر

الله يرحمة ...

مات وهو بعز شبابة بعد روحي ما لحكنا نفرح بيه

اهنا رجع حسين كعد كدام عمتي ويبتسم الها بس هي مكانت منتبها اله اتباوع للصورة و تسمع لكلام ام حسن الحزين

رباب

الله يرحمة خالة

يخالة راح قبل لا ازوجنه ...جان نفسة ببنية اوليدي

رباب

الله يصبرج خالة كلنا على هالطريق

حسين

يلا جواهر اشوفج الغرفة قبل لا اطلع

لا انت روح لشغلك .... اشوية واكوم وية ليان  ..وبعدها مستمرة اتباوع للصورة

رباب

اشمالج ما اصعدين وية الرجال اخاف شي ما يعجبج اتكولين اله

رباب وجهه يضحك

ام حسن

كومي يا يمة وية رجلج ..

كامت عمتي وباوعت الي

وانت هم كومي يقين شوفي غرفتج المن جايبتج لعد

اها اني !!!

اي وكومي ويانا رباب

امرت عمتي واحنه نفذنا صعدنا  معدا امي ظلت وية المرة

ما صعد حسين

دخلنا لغرفة حسين

وووواوووو خالة رباب شوفي الجمال

اي فخمة صدك مثل ما كال حسين  لعمتج ماكو داعي يبدلها  هي تخبل وجديدة

عمتي اتباوع الها وساكتة

اجانه حسين

ها جواهر شنو رايج

رباب

والله يا خوية تخبل الغرفة

باوع لعمتي 

بس شو جواهر ساكته .. 

بقتضاب

حلوة

حلوة!؟

اي حلوة بس ما تعجبني الغرف المستوردة احب العراقي التسكام ........

وبعدين الغرفة ليش حمامها مو داخلي ؟؟

...........والشباك ليش ضلعين؟.......احسها خنكه صايره ويه هذا الاخشاب الجبير   .والوانه غامقة تكبت ..

سكت حسين ...

اني حيل عجبتني  لونها نيلي مو اسود و العرش بيه ابيض مطعم ...

رباب

جواهر انت كلشي اول ما اشوفيه ما يعجبج واطلعين الف عيب بعدين اتحبيه واتعشقيه وتتعودين عليه

اشوية حسيتها اتريد اتخفف من التوتر اللي صار

هسة الاخشاب مو مهم يتغير... بس الحمام اشلون .. حسين لازم اشوف حل انت بعد ادرة هاي شغلتك اتحاول اتسوي واحد داخلي

حتى البردة لونها يغمت راح اتفق ويه خياط صديق عزيز   واني اختار فصال حلو

حسين بضوجة واضحه

شنو تتفقين ويه خياط

اقصد اخلي عزيز يحجي وياه

رباب غمزت النا اني وليان وختام  نطلع

***

حسين

كلش ضجت وكانها رئيس عملي وتتشرط عليه او صبي عدها ...

اشكد جنت ملهوف انفرد بيها بغرفتنا بس حاس هسة صدك اختنكت

اخذت تلفوني على الميز المراية

الحمام تصميم البيت هيج ما اكدر اسويه

ادري انت مهندس اشعجب اتفوتك هاي الفوته

ما فاتتني اصلا هذا البيت مو تصميمي سلمناه بيد خلف وحسب اختيار محسن خلص بوقت قياسي واني جنت مشغول ..

وهسة اشلون

شنو اشلون الحمام اهنا ابصف الغرفة

بس مشترك بينا وبين اخوك هذا شي معجبني بصراحة ..

اني اشوفه شي  عادي وبسيط ما يحتاج گلبه الوجه هاي

والغرفة اشوكت تبدلها تعرف نجار شاطر لو اشوف والدي يوصي ونختار التصميم احنه

شنو اشوفين والدج.اني ما يعجبني العراقي

التركي ما احبه

هذا مو تركي ايطالي وعاجبني  ما اغيره بعراقي ما يعجبني من زمن بيبيتي

هي بيبيتك جان عدها كنتور

وهزت ايدها

خزرتها بعيوني

وبنتر لا ارادي سألتها

شنو قصدج ها؟؟؟

شتقصد هاي اني ابن الفگور  ؟؟؟ اصلي من عائلة متيسرة قبل يسكن ابوية التجاوز ورجعت لأصلي

سكتت وصفنت عليه  دفعت بيدي علبة الجل وكعت على الارض ..

درت وجهي وردت اطلع صدك اتنرفزت

هاي اشبيك حسين .. اقصد.

بيباتنا وين عدهن كناتير يكتل نفسه اخشابهن بوفية و نضدة ...

مطنيها ضهري وبعدني مخنوك منها حسيت نفسي ظلمت نفسي من باوعت لبت الشيخ راح تاذيني ...

لزمتني من عچسي

اوكف حسين ........ ليش هالتحسس والزعل شكلت اني ....................يلا عمي لا اتغير الايطالي مالتك بس دير وجهك دحاجيك

اريد اطلع جواهر صدك ضجت

مني ...؟؟

عوفيني هسة جواهر  ....

ما هدت ايدي و ما هان عليه واخرها

افرك بعيوني اهدي نفسي

سمي بالرحمن والعن الشيطان ...حسين

هدتني وراحت اخذت جنطتها .... 

صدك خلي بحسابك الحمام ما استنغي عنه داخلي ....ما ادري اصرف ... ولازم نأجل موعد العرس

باوعت الها صفح

كولي هيج هذا اللي تردين توصلين اله

تأخرين الزواج خو كوليها ما اريدك ليش مستحية

حسين اوكف  وين رايح

أنتظر وآلله ما يهون علية زعلك شنو ما اريدك هاي ....... تعااال

وصلت للباب

وهي وراية ...

طلعت من البيت طالعه روحي ....

***

يقين

ماعندي اي ملاحظات على الغرفة  لانها ام نفر ولازم تتبدل اصلا بعد وكت على زواجنا اني الثولة توني مرحلة ثانية

رجعنا للبيت بس عمتي ضايجة حيل ..

وهاي ختام اضاهر كايلة اللي صار بالغرفة من عيبت جواهر و موصلتة لاختها رغده نشرته وكلها تحجي عليها اشكال والوان الگالات ....

اما عمتي بيومها ما اتعشت

ثاني يوم بالليل شفتها اتلوب مثل ليلة البارحة واني ادرس ....سديت الكتاب

ها عمة ما اتصل باوعت الي صفح

يا عمة ادري بيكم على خلاف وهاي ختام موصلتها لاختها وكلها تحجي بيه

اتنرفزت وما حجت ....

عمة عمة ...

عوفيني يقين مابيه حيل الج

هاي رغده اليوم العصرية رايحة لهلها وجايبة گاله عود حسين يكول ما اريدها بعد

شنو ؟!!

عمة ادري بيها جذابة  بس لا تنطيهن مجال

اني ذني ما يهمني ...اللي يهمني حسين ...ما اعرف اني اضاهر صدك مثل ما يكولن متسلطة  ...بس والله نيتي مو هيج غير المكان اللي اعيش بيه ارتاح  .. غير هذا راح يصير مسكني العمر كوله

تأتأت ....وكملت ....ما اعرف اشلون اسد السالفة

اخاف اكولج وما اتقبلين

لا بالله كولي تالي عمري اسمعج

ههههه عمة اشوية تنازل ...اذا ماكو تنازل الشغلة يصير بيها تسلط

يعني عبالج ما ادري خو ادري اني لازم اتنازل  واخابرة ..... شكول اله وهو نار البارحة حاولت افهمه وماكو فاهمني غلط

البارحة معصب اليوم يلين

هاا ما ادري اني كلت اخليه لباجر يلين  واتصل

يبووو

وفعلا ما اتصلت عمتي اللي براسها سوته

***

حسين

ضايج و ما اتحمل احد  حتى التصميم الي جنت  اشتغل عليه ما الي خلك ابدع بيه  احسها شاخت عليه حيل والخلل مني مو منها والدليل ابد ما اتصلت وهذا معناه لازم اخطو خطوة اوكفها عند حدها بس خايف من خسارتها ....

والنفسية بالحضيض ...

ثلاث ايام على خصامنا الا شفت  رقمها  يتصل علية ..... گلبي الملهوف يريد يرد ... بس طلعت من الغرفة وعفت الجهاز يدك ....

ورة فترة الا اخذت تلفوني شفت اشبيه مابيه ....

شفته هو بس اتصال واحد  ... 

ما داگة المتسلطة بعد مرة ثانية ....

بالليل  اتصل بيه قحطان ... كايل جايكم اني ورغده نتعلل يمكم ...

رحت بلغت امي وخواتي .... خلصنا عشة واني يادوب لگمتين اكلت ومدحتها لدولمة امي حتى اريحها والا اني مالي نفس للزاد ولا احس بطعمة .....

فشلة من الولد ظليت ما طلعت انتظرته ومحسن هم ما طلع ....

نزلت من گالوا اجو ...

دخلت وجان اشوفها گاعده يم اختي  ...

سلمت على الولد.واختي و خطفت من يمها مكتفي بكلمة اشلونج ...

كلام عادي وية قحطان ....

اشوية واترخصت   رحت للغرفة افكر بسبب جيتها اليوم كانها هي جايبة اخوها لهنا .......

انفتح الباب

هسة جايكم

كلتها واني عيني على ساعتي وفكري شارد  ....

لا تجي احنه اجيناك ....

  جانت لاوية شفتها واتباوع للكنتور صفح  ....

ابتسمت واخيرا لبوتي عرفت قدري ..

اجت كعدت يمي ....

عفتها حايرة اشلون تحجي وما بديت اني ماكلها بعيوني  .....

بالگوة گدرت اصعد الك بحجة روحة التواليت  ...

اتباوع لايدها وتطبگ.بالكلنس ....

وتالي وياك اظل هيج على العموم ماكو تاجيل للعرس اذا اتريد الاسبوع الجاي ...

فتحت الدنيا اضويتها  گدامي

هاا و الحمام والتسكام ؟؟

مو مهم .... شسوي يلا المهم انت راضي

حركت حاجبي بستغراب

عيدي عيدي  بالله شنو المهم

رضاك سي سيد هو المهم ...

وهاي عود انت الاوربي وكلت مراح يقيدني برأيہ

غرفتي ومالي حق بيها

يا يروحي اكره التعسر ... كلشي نگدر نغير وانتي يمي مو ناجل

هسة هاي هي طاح الحطب ؟

واشتعل جد جدة !!

لعد انزع

ها شنو

اقصد تدللين

كمت افتح بدكم قميصي

ههههههههههههههههه

ضحكت ضحكة كلش قوية اول مرة اسمعها بصوت منها فتاااك لا هلاك

حسين انزع السنسال مو اهدومك ههههههه  مو اتفقنا ما اتلبسة

حاطة ايدها على حلطها وتضحك انتبهت لعباتها اللي انزاحت

كعدت و زحتها  کلها عنها  .

هاي شنو لابسة ..

ابتسمت   وسألت حلو الازرك ؟

لا والله اللحم الجوة الازرك يخبل ....

تنهدت  ..

هسة اكدر انام مرتاحة ...طيرت النوم من عيني الايام الراحت

اني اباوع للثوب الازرك اللي اخذلي اعيوني ..

اي ليش ما تتصلين ثلاث ايام عدت

خفت لا ما اترد وصدوك ما رديت خليتني  اجن واجيك ....

كامت وهي نازعه العباة اتعدل بحجابها كدامي ..

اوف شوف حتى مرايتها كلها فيكات اصغيره ما مبين وجهي بيها .........تحجي بدلع مستفز واصلا المراية كبيرة

بس اااخ منها

حاوطتها من خصرها

منحوت نحت هالخصر شتاكلين يا كل الناس

ابتسمت ورفعت راسها وهي اتباوع الي بالمراية وخدها على لحيتي 

ما عجبتني هالمراية ..احب العراقي

احبج همست بأذنها

التفت علية واعيونها تبرگ مثل ليلة ظلمة والبرگ خطف بيها . ...

واني احب العراقي بكلشي وضحكت من غير صوت

فهمت قصدها

كلشي عراقي اتحبين !!

اي

لعد باجر تتبدل

ابتسمت بخجل

واحنه عراقيين اصليين ...

نزلت وجهي عليها  دتذوق طعم  شفتها ..

دارت وجهه

وابتعدت

شتسوي ههههه

تعالي

اخذتها عباتها واني اجرجر بيها

اخوية شيكول عليه ...وخر  اكيد عرف ...

اي

فقدت السيطرة  ووكعت على السرير ...

حاطه ايدها حاجز بينا

حسين كافي اريد اروح ...

مااا لا تاخذها غصب من كالت هيج ابتعدت

لا مو غصب يلا هالمرة سماح

كامت اتعدل بنفسها واني بحسراتي ظال

لبست عباتها  . وفاتت من يمي وكالت

شكلك راح اتخليني اقيم بالحمام وماتقبل تبني الي

هي كالت هيج واني اشتعلت بس النسرة شردت كالتها وهي تطلع .. والله هلاك المرة راح اتخليني من باجر اهد البيت وابني من جديد الها

دتنزل واني وراها

تعاي تنفاهم ع الحمام

سرعت ونزلت الدرج بخطوتين راحت للاستقبال هالمفتونه فعلا وكلاما 

من رجعت دخلت هم اتحولت وحده ثانية العاقلة المتدينة ولا يگلك هاي نفسها اللي شعلت دنيتي فوك ونستني كل زعلي منها  ...

وبالفعل فكرت بالمستقبل اغير من خريطة البيت ...!!!!!

يتبع

صباح الورد البارحة  اهواي عانيت سهرانة لل١ بالليل اجرب انشر الكم وما ينشر الجزء نزل بالفيس واهنا ما نزل

لا تنسوووون التصووويت همتكم وياي توصل للمركز الاول

#مابين_النسر_والشيخة

قدك المياس

من كتابات زهراء العراقية

الفصل الثالث عشر

يقين

مدري افكر بمحسن وعركتنا مدري بعركات ابوي وية امي اوووف خاصة بعد ما تزوجت مرام كام يصيح علني اريد ازوج .جانت اشوية سادة مكان بداخلة  وتحبة حيل واداريه و تسولف وياه مو بنته صديقته اشلون عمتي جواهر وجدي بالضبط من ازوجت ظلت بس امي بوجهة

دخلت عمتي شافت دموعي جانت توها جاية من بيت حسين

اشبيج يقونه

مسحت دموعي ودرت وجهي

مابيه هيج  هيج

ولج داتبجين

كعدت يمي وفرت وجهي مسحت الرطوبة البيه

اشبيج ؟؟؟

عمة محسن ما يحبني .... ما يهتم الي ..اتعارك وياي

اها  لهذا السبب مارحتي وياي اليوم

اناشغ واحجي

عمة اكوله افتح كام اشوفك شسوي بالشغل ما يرضى واخابره ينطية رفض

شي اكيد غير باب رزقة اشلون ترديه بس الج

لا عمة جان يفتح هسة مدري ليش متغير

لأن مل وهاي عادة الزلم من تتأكد من المرة صارت الهم اتصير من الروتين ما يحبون الاحاح و النكد ابتعدي عنه

لا هو عنده شي متأكدة

لا اخذيها مني ماعنده هالفاهي ما يعرف اشلون يرضي مرته ويرضي نفسه ..

يرادله  دورة يم اخوه ابو النسوان

هسة شسوي

كافي بجي ....لا اصيرين شبيهة رغدة

عاا لا ما اشبها

اصيرين مثلها اذا ظل هذا فارغ ويكبر الامور

اشرت على مخي

وحتى لو عنده وحده شنو يعني طلعيها

هااا

شطلع اني وين كرامتي والله لو أتأكد منه اعوفه

على كلامج هذا اظلين من غير زواج ... ماكو رجال ما ازوغ عينه يا عين عمتج ...كلهم نفس النمط ... عينهم على اي جسد يمشي على الارض  مدام قرب يمهم

المهم الصوج بيج  اشغلي نفسج عنه لا اتخنكيه

اقري ادرسي  ...

وباجر اعزمي صديقاتج يمنا رفهي عن نفسج بكعده بنات ... يلا يقونتي ما اريد الذبول يعرفلج طريق

كرصت وجناتي

كومي

يلا وانت شبه امج ما اعرف شحبيت بيج

ضحكت ورحت للحمام تسبحت وطلعت نمت بحضنها ....

رن تلفونها  رفعته  هي كدامي وشفته حسين ...

ما ردت فصلته ورسلت اله

يقونه بحضني ...روح نام ....

طردته للمسكين عبالي راح يزعل ..

رسل الها ((ليتنا كنا يقين !!!!))

ضحكت ..

ردت رسلت

نام حبيبي ...

ونزلت الجهاز ع الميز

اووف اشلون عدها قدرة هيج تبعده اشوكت ما اتريد هي هاي لو اني اتخنس واطلع اتبسبس وياه

عمة اشعجب ما زعل من اسويها بمحسن يظل يزعل

ههه هذا مو محسن .... هذا بيه عرج اروبي طاك بيه من كثر غربته هناك ؛ اكثر تساهل وتفاهم  ياخذ الامور ببساطة

اهااا !!!!

ثاني يوم عطلة وصدوك عزمت ربعي ثلاث صديقات مفضلات ... بالكوة الا قنعتهن وخو وحده بيهن اتصلت بأمها اتوسلها تجينا  ومني التوصيلة كلهن ...

وبطلب من عمتي اخابر ليان اعزمها ....لانها عارفه من حسين ليان ماعدها صحبة ودومها بالبيت خطية قصتها قصة هاليان ...جانت مخطوبة لواحد اربع سنوات تنتظرة يكون نفسه وهي جانت ضروفهم ع كدهم بس من اتغيرت اوضاع خطيبها صف ويه وحده ثانية وخانها وازوج غيرها وتركها  ..  البنية حيل تأزمت نفسيتها وظلت تتخوف وماعدها ثقة بأي احد واخوتها عايفيها ع راحتها خايفين عليها لأن من تركها اشلون التهسترت فترة  واتحسنت

عرفت قصتها من محسن ...

بالبداية رفضت بس اني الحيت ...

سويت اللمة واني بس اكول بگلبي اني اعلمك امحيسن راح تندم اني مو بحالك رحت طكيت صورة لقواطي العصير واجبرت صديقاتي يمدن اديهن  وطكيتها ونشرتها ع الاستوري مالي وعلقت  واللمة الزينة وية الربع وناسة ... وهنه خربانات  ضحك يقطع الحب شو بيذل ....وصلت ليان وصلها اخوها حسين وراح لبيت جدي دخل .. اني ببيت اهلي مسوية اللمه مابيه حيل لخطار الشيخ من يداهمونا

***

حسين

انتظر ست الحسن تطلع الي ..... وابن اخوها يمي ...بس دخلت عمته هو طلع ...

حياك الله

الله يحيج  اتقربت مني

اخذت كصيبتها المايله على كتفها بستها ..

وكعدت يمي جوهرتي ....

***

يقين

حنين  سالتني عن عمتي وينها

عمة خطيبها يمها

يااااي اريد اشوف اللي اخذها اشلونه صاك مثل اخته واشرت على  ليان ضحكت بخجل

ابرار

عيني هاي عمتج لو اعرف اشلون هيج مسوية جسمها طبعا بعدني شاكة بيها مسوية نفخ اماكن

لا عيني عمتي طبيعية ..

طبعا عرفتهن على ليان  ...

و جفتت علينا مخرب الملذات رغدة

ها عيني اشلونكم

البنات يعرفنها هي بنفس جامعتي بس بغير قسم فعرفتهن عليها من قبل

برار عوجت شفتها الي وهمست

اكلج من غير زعل ما احبها

ولا اني !!!!!

***

ليان

اوف اوف مدري اشبيه هسة وقتها

كمت من مكاني منحرجه وهمست ليقين تعالي فدوة

اخذتها عصفحه

لج عيني محصورة اووف اشلون احراج بس ماكلة سمج وشاربة كومه ماااي

ضحكت يقين

صدوك جذوب كالوا الج ما نفرغ ومستحية منا دتعاي فرغي تعاي

اخذتني للتواليت داخلي

حبابة انتظريني مو ترحين

ولج البيت فارغ بس ابوية لابس اعكاله يريد يطلع همين

لا حبابة تانيني

دخلت ....خلصت غسلت ادية وطلعت ..

يااااا هاي رايحة ...

عيني حكتني حكيتها اوووف زدات الحكة وحكيتها بالزايد .. وكعت العدسة .

يوووه دلزمها  ... وكعت مني على الارض

يبو يبو عيني غوشت من وكعت العدسة الطبية دنكت  ادور عنها فص ملح واختفت

حسيت احد طلع

ظليت اكول

وينها وينها  حتى ابرر انحنائي وعبالي امها لو اختها الصغيرة مطمنه ...

بوية اشبيج ...

وجهي صار تينه سودة من الفشلة كمت شفت رجال معكل اربعيني يطلع فد خجلت من نفسي دخلت وسط اهدومي

صوتي يرجف

لس لس لسنز ووكعت

يقين يابة يقين وينج

بصوت ناصي صاح يدري بيها عدها خطار وهي بالاستقبال واحنه يم الغرف وين تسمع ....

انوب اني خليت ومشيت  اشوية اتقدمت عن التواليت ومن ثولي وانحراجي واني بتك عدسة عثرت اجيت اوكع  ع وجهي

الرجال الله اسم الله

و يقين  بوية تعاي لاختج

على شنو ادورين ؟؟

لا هيج عموا مو مهم

صاح لمرته 

محد رد عليه

كلتي عدستج

هسة لزك ياربي 

اشكد طيب

عافني وراح للمكان اللي واكفة بيه دنك ..

اني وكفت

عمو مو مهمه عادي

هاي هي لكيتها ....بعد عمج اعيونج حمرة لا اتلبسن هاي السوالف ...

لا عموا حمرة لان فركتها هاي عدسة طبية عندي ضعف بالنظر

بالكوة بررت اله هو حطها بايدي وخطف من يمي

طلعت يقين كالت

ها  ليان شو تاخرتي

رزل بته

ساعه اصيح الج

هاا ماسمعت

هز بيده وطلع وهو شايل اطراف عباته

كرصتها من زندها وسولفت الها على عملتي خربت ضحك وكالت عادي بابا اسبورت والله حيل طيب لا اشوفيه ضخم 

...

يقين

  اوف حشر خشمه اخوية من عرف بأخت محسن جايه والله صوجي اني كولت اله ما اكعد راحة

راسلني قيس كلي يلا نفذي

ليان صدوك تعاي اراويج شغلة

ها شنو

دتعاي اخذتها وهي تتسال دخلنا للهول

ودزيت كف لقيس ابسرعه دخل للبيت وادخل علينا عود يابة توه جاي من برة

ها السلام عليكم

ياعيني مثل دوم المصدوم

***

ليان

كملت السبحة ودخل اخوها ييووو  اني حالفه ما ادخل بيتهم امداني

حيل خجلانه جنت ورديت السلام و هزيت كف يقين بمعنى خل نطلع

اوكفي خل اعرفج على اخوية قيس

قيس هاي يقين اخت محسن 

يا اهلا وسهلا ...

احم اهلا بيكم

يلا ولج

قيس خريج كلية هندسة

اني اندس بيها اريدها تمشي .واعيوني عليها ولا باوعت للولد ....

يلا اخذو راحتكم راح الولد. ..

شنو الشغلة

هاا  خل نقدم فطائرة تعاي تعاي ..

***

يقين

دزيت رساله لقيس

هي هاي وخبصتني اثنينكم خجلانين تهي بي...

طلعت ليان ورة ما اخوها اتصل عليها

***

ليان

يبووو طلعت لحسين كال تعاي سلمي على جواهر .  خرب مو البارحه يمنا اووف من طلعت قيس صار بوجهي واكف يم بابهم من شافني هم ارتبك و دنى خطية دكيته وهو ابسرعه اجاني

اتفلضي ادخلي ادخلي

دخلني وراح كدامي صاح لوحده من بنات عمامه دخلتني ... لكيت حسين كاعد وجواهر ومرت ابوها  سوة

سلمت ورحنا لبيتنا ....طول الطريق اباوع لحسين مبتسم عيني اذا خطيبته اليوم كاعده يمه وكانها بدت تاخذ عليه حتى الحجاب ذابته الله يسعده ويهنيه ...

***

حسين

بالليل خابرتها

يلا جواهر اني تعبان اتعرفين شنو تعبان خل نسوي العرس الاسبوع الجاي

ما الحك حسين ... بعدني ما مكملة وهمين البرادي الخياط كال اسبوع الا يكمل

خوش جواهر ...اني رجال ما اعرف اكبت مشاعري .... وين انطي وجهي هسة ...اروح للشقة مثلا

لا

اشوية صوتها انفعل

بيعها هالشقة النحس

ما ابيعها الا اتزوج تعبت اني من الانتظار . 

سديته واني اصلا ما ضايج وادري الموعد ما جاي بس اريدها ولو لمرة تسمع الي مو نطت روحي عليها

اتصلت

ليش اتغلقة بوجهي . 

الاسبوع الجاي زواجنا

هاا ؟؟!!!

سكتي

اي اي مثل ما اتريد ... 

ضحكت برضى

يعني الاسبوع جاي حاضنج

ههه لو ادري امنين طلعت الي وكلبتها لحياتي ههههه اي الاسبوع الجاي والله يستر عليه منك

الله لا يسترج كدامي هههههههههه

***

يقين

بشلنا بتحضيرات العرس تواعدت ويه الكوافيره تجيها للبيت اسوي تسريحة الها ومكياج .... وصار يوم العرس

اول ماكعدت عمتي وطلعت من غرفتها اهل البيت

مبروك

مبرووك

كلها تمشي واتبارك الها

بحيث كامت بس تهز براسها ملت

سألت عن جدي ليش لسه ما صاحي

مرت جدي

يا ابوج ليلة البارحة يحوس ما نام ومن الصبح طلع ما يتحاچة

ليش اشبيه

اشمدريني يكول جواهر ليش قدمت العرس ما كدروا ينتظرون بعد

صفنت عمتي وسكتت

هو مو جان يلح خل ياكلها منا وجاي راح يصحى الصبح ما يلكاها ببيته

اجتنا رباب من الصبح ..

بعدنا نتريك

واليوم المعرسة ضلع من اضلووعيى

وكللللللللللللللللوووووووش

مرت جدي هم طكتها بهلهولة

كلللللللللللللللللوووش

العيون الغزال اعيون جوهرتنه

صلو ع النبي والصيدة صيدتنا

وهلا وهلا

كلها اصفك حتى جهالها ترسوا البيت

طبعا توني الا حسيت عدنا عرس حقيقي  لان عمتي ما عازمه غير كم مقربة فقط العصر ولا مولد ولا شي ما تقبل بس يلا عدنا رباب طبعا جايبه عمتها وياها ...عمتها اصير اخت جدي يعني عمة جواهر يوه ما اريد ادوخكم بس ترة كلنا كرايب مداخلين ببعض حتى نسوان عمامي ..

رباب

ياا توكم تاكلون انه من الخمسة صحيتهم ووكلتهم وهسة جعت سولوي مكان

اليوم عرس الغالية

.الوحيده الهادية وما تحجي اهواي العروسة....

اشبيج جواهر شو شكلج ما عاجبني كالتها رباب وهي تاكل

لا اشبيه

سمر

قابل خايفه ههههههه

خزرتها رباب وكالت

اظنها هيج اول مرة تزوج رجال  ..

وضحكت  لأن زوج جواهر جان خال سمر الصغير

خلصنا ريوك ورباب بس تكفل  ..

نزل واخيرا عمي وست الحسن اليوم مراحت لبيت اهلها اتريد اتروح منا ويه ويه الزفه اذا اجت العصر

قحطان

رباب شو ما هوستي هيج بعرسي

ههههه ما حضرته للعرس بس حنة النسوان اجيت جا غير عمتك عرست عليه بمرضها

عمتها غمتها وكالت

اشفايتلي اعرس

هنه اثنينهن فلم هندي  ويضحكن الجنه والعمة

قحطان

والله ما عليه  شو غرت

وكفتله وكالت مو تدلل هسة اكفلك

يالقحطااان لا تفرح ترة سنسولها يجرح

واشرت على رغدة  وكللللووووش

خلتنا كلنا نفحط و رغده نطت نط حاسه بكرها لرباب زاد ...... 

.

ما قبلت تشتري بدلة بيضة نفش اشترتها حصر  .. ما قبلت تشتري بوكيه ورد ... كالت اريد ثلاث وردات  طبيعية ....

ما قبلت  تلبس  من ذهبها بس محبس الماس جابه الها الشيخ جدي وهي الوحيده اللي عدها محبس شذرته الماس

وقلادة بسيطة دمعة كرستالية صغيره و زنجيل ناعم  ... مع اسوار مثلها سنساله ناعم و بيه دمعات .... مكياج كامل يجنن عليها صار تسريحة  شعرها حل و برم من اسفلة و البرم رشوة  لون سلفري مؤقت ..

ما حطت طرحة بس تاج كبير حلووو

رباب راحت للصالون تتعدل

ورجعت النا مدبدبة اتخبل بالمكياج و بمشد كيم كاردشان الكرش خفان

ولابسة ثوووب يخبل كلوووووشة من جهة البطن و ميشة هي وصابغة

وتركص ويانا على الدي جي وعمتي تكعد يمنا اشوية وادوخ اكوم من يمنا   وهكذا احسها تعبانة

رباب شاورتني وهي تركص

ولج يقين هاي عمتج مداهسها اشلون بيها

بلعت  حبوب  بلكت تخف

بلكت

***

حسين

البارحة سوينا حنه   بالقاعة واليوم اخذت بس خالي وكم صديق الي قديم و مع جماعة محسن ورحنا للبوة

دخلت شفتها كاعده بكل هدوووء 

وخواتي ورايه وامي و خالاتي

***

يقين

دخل علينا سمو الرجولة الوسيم  ...

خرب بهبل لابس قاط رصاصي ياكل ويشرب وياه  دخل بكل ثقة وهدوء يباوع الها ويبتسم

شاورتني مرام

تذكرين دخلة محسن عليج هههههه

خرب حظي هل يقارن

شنو ذني امهاته كلشي ماكو محد تصفك تهوس هدوء صار وهو عيني كعد يشاقه وياها بس شو هي وضح عليها التوتر

ها وصدك ما باسها من راسها باسها بالاول من ايدها هالاوربي الكلاسيكي وبعدين من خدها هنيالي واني محسن لزك بكصتي لزك ههههه

رباب جنها نفاخه وطكت من شافتها هدوء من قبل اهل العريس ....

دخلت اتهفي بعباتها وجرت امي وياها

واحنة طكينا اصبع واحنه الحاكم سكتنا

حسوني خوش اخو يستاهل الهوووسة

عمة  عمتي جواهر  هم دخلت

ااتهفي بعباتها وادبج  وكالت

ام حسن كومي اتكتري والبيت اجت راعيته     

ام حسن الفطيرة تضحك

رباب

جبنالك وردة بصينية بت اشيوخ وبصراوية  .. 

هوسن و خلصن ...  اهنا جدي دخل

هو دخل حسن من باب الهول وشو مادخل ابسرعه شرد

بس هسة شو دخل وجان مايتفسر

وكفلة حسين و جواهر هم راحت اله باست ايدة وراسه  وحضنته وطولوا بحضنهم وهو يربت على ضهرها

هالجوهرة اغلى ملكي يا حسين .... وداعت المسمي عليه حافظ عليها ..

ومن هذا الكلام

تاليها العكل كلها طبت اخوة جواهر 

ومن ظمنهم ابوووية واخوية

جنا اني و ليان سوة

حتى قحطان اليوم لابس عكال واحنه استلمنا اكس مربع نضحك عليه

وطكوا صور كلهم الزلم وية العروسة وحسين ....لحظات مؤثرة من ودعوا بتهم الوحيدة ....

جابوا الها شال لبسته وعباية وبوشية وطلعت من البيت العروووس

***

حسين

هذآ اعتبره اول زواج الي ...حسيته بالفعل اول زواج بين اهلي وناسي واهل ديرتي ومرة من ديني اشاركني الحلوة والمرة ....

يمي اللبوة وخانسة واني اسوق والزفة ورانه  ...

قبل يومين من جابوا ملابسج ...

كعدت اشمشم بيهن

الو جواهر إذا مختنكه من البوشية انزعيها ....

هزت راسها

تدرين شنو شميت ..

كرصتني

ههههههههه

رفعت البوشية وبس اعيونها ضهرت

رفعته اني

ذكرتيني بعرس اخوج ......ااااخ يا لبووة

ودست سرعة وهملت الزفة والورانه ....

رحنا للفندق ونزلوني  الزوافيف ما خلوني ع راحتي  وزفوني عليها .....

..

اول ما دخلت جانت كاعدة واتهفي بايدها والذبول واضح عليها

اشبيج ؟؟؟

اجيتها خايف عليها

هوى هوى حسين مختنكة حيل .. 

فتحت المروحة واحنه بعز الشتا

بارده بارده طفيها

رجعت لزمتها  صايرة نااار هاي

جواهر انتي نار اتعرفين شنو نار

اريد غطى بردت بردت حيل

بالكوة تنطق

يا غطى كومي

اخذتها ومحاوطه بديه لا توكع ....

غسلي وجهج ...اسبحي ذبي ماي على جسمج حتى الحرارة اتخف

..

طلعت وعفتها واني حاير بيها الليل كله ...

طلبت علاج لنزلة البرد ماكو

خابرت لمحسن اجاني

جابلي ابر و مهدات

ولك ابر اني وين اعرف احقن

اني اعرف

انجب ولي يلا

ضحك وراح

رجعت الها  شربتها العلاج ..وهي شبه نايمه وترجف ....

وهكذا انتهى الليل ....

الضحى رجعنا للبيت وهي على حالها نويت اخذها للطبيب العصر ...

بس اخ من عنادها ما قبلت تتحرك ولا قبلت تاخذ الابر .....

كاعد على السرير يمها واتوسل

بس اضربيهن ادري مو زين عليج العلاج مدا يجيب نتيجه

راح يجيبون  الج جارتنا اووك

لا لا

ادري ليش

همست

اخاف

شنو بربج هذا الجبروت كله  و اتخافين  من حقنة.!!!!

وبالفعل ما كدرت اجبرها ما ضربت وما ضربت وضاله على المسكنات اشوية تخف وترجع الحرارة ...اني اسوي كمادات ...وما قبلت اخذها لطبيب

صار الليل وهم ما اكلت ...نايمة . 

اني هم  مالي نفس واشوفها كدامي هيج ذبلانه  .... نمت يمها واخذتها بحضني لليلة الثانية متنعم بريحتها بس من تشتعل نار گلبي يحترك وياها .... ادري شنو من نزلة برد بليلة عرسنا  .... هسة والله ما رايد شي بس خل تصحى

صحيح باليل تجي بالي  اتمكن منها بس ما طاوعني گلبي احبها واريدها بوعيها وهم  روحي تعبانه عليها واني اشوفها هيج نايمة ....

ثالث يوم من عرسنا ....

صحيت لكيتها مفتحه

حسين

ياروح حسين  صحيتي

لزمت كصتها زينه

اشسويتي بيه

ابتسمت ووجها شاحب

روحي اسبحي ...هسة اطلع اگول الهم يسون ريوك

اي جوعانه ..

جانت لابسة ثوب قديفه

ادفي زين من اطلعين من الحمام ...راح افتح الشباك اطلع الفايروس وارجع ادفي الغرفة .... 

فتحتها  ...

سمعت صوت الباب ....

وراها اسمع اصياح وبجي جوووة

طلعت اشوف شنو صاير وتركت جواهر بالحمام لهسة ما طلعت ....و من المحجر اشوفلك رغده بالصالة  تبجي  واتصيح

واالله ما ارد اله  ...يمة بهذلني وجابني لهنا وشمرني .......يوم عذبني وضربني واني حامل

تبجي وتحجي

سألتها

شنو مسوية غبية

حسين الله عليك روح اكتله شوف ايدي اشلون زركة

طلعت ايدها  صدك ضجت من قحطان ...

بس ما سرعت وتهديت

شنو مسوية ولج ... كولي

سالتها حتى على هذا الاساس اصرف

انت شنو اكول اذب الصوج بيه

والله عارف الصوج بيج انت ومتاكد بس

هذا زودها اني اعرف شغلي وياه

والله كلشي ما اسوي اله

اكرههه يومه موتني

حضنتها  امي واني واكف فوك روسهن

يلا كولي شنو السبب هالمرة ؟؟

السبب .........بيه يغلط عليه ..من رديته ضربني .......  ما اريده طلكوني

امي كالت يااا اسم الله

هسة اسكتي واهدي .... منا من اشوف شغ

صيحت بوجهي طلكني منه والله ما ارجع ولا راح اترجعني لخاطر حضرتك اتكوش على ابوهم واشاركه مو اخذت اخته هاي هي خليها

هي تتوسطلك عند ابوك ....

اجت اتخليني  امد يدي عليها وسط اصياحه اني حاير بيها واريد اعرف سالفتها وهي اشلون اتفكر بيه

شهكت ليان واعيونها وراية على المحجر ..التفتت وكلبي توجس المصيبة ...وشفت جواهر واكفة واتباوع النا من فوك المحجر بروبها الاسود الحريري واعيونها صوبي ترمي رماااح ....

يلا روح اضربها مثل ما سوه اخوها بيه لو تخاف تخسر نفوذ ابوها

ليان

كااافي دفعتها اسكت بيها

وجواهر هزت راسها وراحت  ........

يتبع

الرجاء التصويت   👄

ليان

اخذتها لغرفتنا

ليش هيج حجيتي

احسن حتى ترجع لهلها ما ناقصه اني الكاها اهنا كبالي مدللة واني شابعة ظيم يمهم

مو هذا اللي زحفتي ازحوف عليه

كلمتها بعصبية

لأن حيل داقتني ...

والله والله لطلك منه ويحلم يشوف اللي بطني بعد مرة لخ يحلم

لو اتبطلين رعونية احنه بخير

***

حسين .

لكيتها مطروحة ومغطية حتى راسها ....خفت عبالي تبجي ..

وخرتة عنها ... جانت مغمضة ...

فتحت ....

جواهر ...

اتلمست جبينها حرارتها معتدلة ...

بس راسي يوجعني

من قلة الغذاء ..

اشوية ويجيبون الج الريوك ..

جواهر كلام رغد ترة ....

ادري ادري كلام ارعن من وحده طفلة

كالتها بقتضاب وانزعاج ...

اتلمست خدها

اعرفج عاقلة ومراح تاخذين على كلامها بساعة عصبية ...... واخوج ما مقصر وياها .....

وين تلفوني حسين ؟؟

ها اعتقد بالمجر حطته يقين من اجوج بيوم الصباحية و لكوج  نايمة مريضة

ضحكت وهي ابتسمت

اعذرني دهولتك وياي .....

جابونا الريوك

اكلت قليل واضح جدا  هي مضايقة من كلام رغد لكن ماحبيت اتعمق والح بالموضوع عليها لا ازيدها راح تفهم بالفعل اني لهذا السبب مزوجها ...

حتى بعد ما اكدر افاتح ابوها لا اكد كلام رغدة بإلحاح

ضجت من الضروف المحيطة كلها ضغوط عليه ... بدلت وطلعت احجز للسفر اخذها واروح منا بمكان محد يعرفني بيه  ويكلي حسين الحكلي فوك كل تعبي اتعيرني رغده واتلومني واني جنت متيقن هي عدها علاقة سابقة بزوجها مو بمجرد زمالة وسكتت وكلت لا اصير عليها  اوكف وياها و استرها  بس هاي جزاتي هسة الوم عليه

وجواهر بعدها تعبانة مدري مصدكة بكلام اختي

رحت لمحسن  العصر من رجعت قضيت وياه وقت متهرب من جواهر ...

المغرب رجعت

اتلكتني امي

تعال يمة ليش انخابرك ما ترد

تعال شوفنا حل لأختك اللي شابعيها كتل

ما علية بيها

لا تزعل منها يمة أختك طفلة

يوم اني جاي تعبان وبتج هاي ناقصها تربية ما علية بيها  بعد  ..

تعال يمة تعال

اخذتني من ايدي للغرفة

يمة اني باجر ميتة هاي هيج اتحامي على خواتك اشعدنه غيركم انت واخوك هااا

اووف هسة عوفيني لباجر الله كريم

يا يمة شعوفك  افهمنا السالفة هاي أتريد تطلك ...

طلعت تلفوني واني الدنيا طالعة من عيني

واني اكلب بالفون سالتها

زين محسن شو مغلس هي مو اخته اليوم مجاب طاريها

يمة يكول ماعليه بيها ادري لعد منو عليه

طلعت رقم قحطان ودكيت عليه

الو اشلونك ....اشلون صحتك  ..

اكلك اريد اشوفك بعيد عن بيت عمي ...

لا اني هم افضل اشوفك برة بيتنا  تعال راح انطيك عنوان كوفي ..

رحت التقيت بيه وحلف والرجال حلفانة ما يتشكك بيه هو بس بالنهاية ضاربها راشدي وجايبها النا ...

هي متعاركة وية مرت حماها وفاشختها  بجفجير عزايم المرة ثلاث اخياطات مخيطين راسها  يكول البيت كايم ما كاعد واتريد تزعل لبيت اهلها واسوي كعده زلم واحنه بالكوة مهديها هو يحجي واني صافن فاتح حلكي اختي هالرقيقة يطلع هذا منها  كلة

***

يقين

اليوم اتعاركن سمر ورغدة  ... طبعا هي سمر العايلة هي دوم تسمم بدن و اتعيب وتسوي كالات بالبيت بس من جانت جواهر عارفه اشلون اسكتها  من راحت احس كلشي تاه بالبيت حتى اني احس نفسي زايده عليهم فكرت اخذت غراضي وارجع يم اهلي بس مشكلتي ذكرياتي كلها بغرفة عمتي العزيزة اشلون اعوفها !؟

المهم كلمة من هاي وكلمة من ذيج كبة العركه والمفروض رغدة ما ترادد مهما كان تبقى سمر اكبر منها لكن ما كدرنا عليهن اشكد هدينا بينهن وردنا نفك النزاع ما كدرنا ومرت جدي مثل رجل الكرسي كلشي ماكو كبرت العركه اللسانية الى الشتم من ثمة سمر اجاسرت وضربت رغده الحامل و صارت اماعش فتت بينهن حصلت ضربة و دفعه .. ذيج عضت ايد رغده وضربتها حيل ...رغده انكتلت .. كومي شيلي الجفجير والطخي ذيج حيل ع راسها هذا المشهد ما شفته جنت طالعه من للمطبخ من دفعني كولت نارهم تاكل حطبهن وحوراء ورسل مكيفات الأن الاثنين مكروهات عدهن ... 

اجيت لكيت سمر مدماية خابرنا ع الزلم اجه عمي ضربها كدامنا راشدي وسحلها لبيت اهلها والثانية اخذوها للمستوصف

***

حسين

رجعت للبيت

وين رغدة

رغدة

بصياح وصاير ناااار

اصلا اشلون شكيت بقحطان رجال هادئ و مسالم كلش 

طلعت

هاا

تعاي ولج تعاي

شافتني ناار

شردت سدت الباب واني وراها

بدفعتين كسرتها وهي صاحت

يوووومه الحكي عليه

امي وراية وليان يدفعن بيه ..  واصياح

امي اصيح عليه

عوفها ولك عوفها حامل .. 

رحت الها جريتها من شعرها وضربتها راشدي

ولج اجرامية اضربين بالناس اتردين اتنامين بالحبووس

عوف اختك

اجاني محسن لزمني وخرها عني ورة محسن واصيح وتبجي

ايييي عمود الشيخة .خايف لا اتعوفك واجيت اسوي مراجل عليه  .....

ولج هم الج عين

دفعت محسن وكعته على الكاع

صاح ولك ضهري

امي نامت علييها وتبجي

هيج اسوي بخوتك ...ولك يتيمة هاي

.اطلع برة .....برة

ليان

الله يخليك   اطلع هسة

محسن باوعلي بغضب ولزم ضهرة واني النفس اللي يطلع مني احسه دخان من النار اللي بية ..

عفتهم وطلعت كلت مدام هيج لأخذ مرتي واطلع واخلص من همهم .. 

دفعت الباب دفع ....

الضوة احمر .... فتحت الضوة الابيض .... 

واشوفلك حوريتي كاعدة على الاسرير ولابس ثوبي الاسود اللي اشتريته وحلفت البسة الها ورجلها بلون الياسمين طالعه كلها من الفتحة وتلعب بوفنها .... وشعرها مسرسح على ازنودها المرمر ...

الغرفة دافية حيل  وريحة المعطر تارسة  الجو  ...هذا غير بسمتها سديت الباب .... وهي كامت طفت الضوة وحاوطت رگبتي بأديها

همست واعيونه على شفتها

لازم انروح منا

وين

مشاكل اهلي تعبتني ...

ابتسمت اعيونها زودت الدفوا حطت راسها براسي

وصوتها مبحوح

اي  صحيح لازم انروح وانعوف المشاكل ...تعال لنروح ...جرتني وكعدتني وياها ع الجرباية ... ...

دك قوي ع الباب  ..

الحك حسين رغدة اتخربطت الحك

وخرت عني جواهر

كوم ليش كاعد روح شوفها واني نازلة وراك  ...

نزلت ....

محسن  وين

طلع طلع تعال الحك يمه اختك تنزف

اخذناها للمستفشى  ........

الطفل نزل ....

طلعنا من المستشفى ب ٢ بالليل

هلكان نفسيا اهم شي سلامتها بس كون هي تتغير

صعدت لفوك ...واني باخر  باية تذكرت الجو مال جوهرتي

ااااخ بس انت دواية

دخلت للغرفة ظلمة ماكو ضوة احمر ..

فتحت الضوة جانت نايمة رحت سبحت ولبست بس سروال و اجيت وياها جوة الغطى ..

هالحورية ام سبحة بفرشتي شريد من ربي ...اوف ياربي اني حيل مقصر وياه مع هذا انطاني نعمة الحمدلله والشكر ..

جواهر .... جوجو  . جمارتي ....

باجر باجر

شنو ؟؟

كالولج عني ابو الغاز وباجر باجر دتعاي لأشعلج شعل ..

ما ما عزلنا

ضوجتني سحلت  الغطى وجان يطلع الي جسمها بثوب ابيض ..

فزت تضحك مو مال نايمة  هاي كاعده تنتظرني هاللبوة ....

تعاي يا عشگي الاولي ....

مدت ايدها واني كاعد يمها

انت تعال ..حبيبي

طفينا الضوة  

وهم اندك الباب

طلعت طالعه روحي

شفت محسن كدامي

اكلك شو رغدة تبجي من بطنها شنو المخدر راح اثرة مدري المسكن ..ناخذها للمستشفى لو شنو ؟

شياطين الدنيا كلها اطافرت كدامي

شوف يا محسن اخذ مرتي اليوم يعني اخذها لو هسة السما تنطبك على الارض

استحى

ها  اعتذر اعتذر اخذ راحتك

راح عن وجهي

واني بسرعه حسيت بالندم خجلته بس من ضيمي 

سديت الباب طلعني من المود انوب طالع اله ما لابس

حسيت بايد ناعمة تدلك برقة ضهري

اشتعلت براكيني ...درت وجهي عليها وذبت راسها على صدري شلتها ....

وقضينا ليلتنا كانت شبه الحرب او تنافس!!! بينا  كل واحد بينا يحاول يثبت نفسه للثاني ويضهر عشگة  بالافعال ... حطينا  المستحة

على صفحة وكأنا جسد واحد وكأنها تعرفني من سنوات  مو اول لقاء النا ..

كعدت الصبح نزلت اطمن على رغده

..شفتها نايمة و دمعتها بعينها اجيت اتقرب منها ....تذكرت رعانيتها  عفتها ورحت ..طلعت شفت ليان بالصالة كاعده  وتشرب جاي امي يمها تعجن .. 

ليان سوي الي ريوك ...

اي

كامت

امي مدنكه وكالت

جا ما تنزل ست الحسن لو بعدها امارضه نفسها ....... 

سمعت خطوات رجلين ع الدرج شفتها نازلة بكامل حشمتها ولا تشبه بت البارحه . حجابها وثوبها العريض

سمعت امي اكيد

صبحت عليهن مبتسمه اني عفتها من نزلت بالحمام ... 

بصيغة امرية لطيفة طلبت من ليان ادليها على غراض المطبخ رحت وراها ..  همست باذنها

ماتجين نصعد نجرب الحجاب هذا

ابتسمت وراحت وكفت يم ليان واشرت السدي اروح ....

سوت النا ريوك وكعدنا على صفحه ناكل بينما خواتي ملتهيات بشغل البيت يعني بس اني وياها بالهول ...

فضليت على راحتي اوكل بيها وهي هم ..

***

ليان

مر اسبوع على زواج اخوية شفته حيل مرتاح وساكن البيت  .. بهذا الاسبوع كمت اكتشف شخصية جواهر .  ست بيت متملكة ما تحبنا ناكل ع القطارة لا اتخلينا ننتظر محسن يجي الا ناكل

و اتخليني الح عليه يرجع من وكت لازم نجمع على الوجبات ماخذه عادات اهلها    هادئة تتكلم  باشارتها ولغتها بعيونها اكثر من الكلام

بهاي الفترة الخطار ما توقف عن بيتنا نسوان جيوش العصر والصبح يجن يباركن ترسنها ترس هدايا و افلوس

طلعت هي راعية واجب لان كالت كلهن اني موجبتهن ..  وهي صاحبة لسان مجامل وفصيح ماتغلب ....

من اشوفها اذكر اخوها الهيبة اللي اخذلي فكري بلحظات شفته بيها على السريع من  ناوشني عدستي ومن نصحني اووف حتى كلمة عموا حبيتها منه ..لو من دخل لأخته بيوم العرس وحضنها حسسها بدفوا وحب اخوي حتى اعكاله وغترته  هيبة .... جسمه عريض و طويل ابيض بشعر بني كاسيه  بعض الشيب احسهم هو واخته وجهم يبث حنية ووفة وعطف ...رغم ان رغدة طلعت عالكتها ببيت اهلها لكنها عادية وياها واسولف وتسال عنها وحتى وصت امي اتسوي الها اكلات تعوض النزف ... 

وخابرت اخوها بلغته ومتأكده هي اللي خلته يجي ويصالح رغده  .. واضاهر صفوا الامور مال بيتهم ويه سمر اللي انضربت فأجلوا عزيمه السابع منا من اختي صارت زينه حتى وحده اتبوس راس الثانية

واجت مرت ابو قحطان تحمدت الها ع السلامه مع الكنات الثلاثه معدا سمر 

رحنا للعزيمة واني بس اترجى اشوف ابن الشيخ ...

اضطريت اوكف ورة شباك الهول من خلصنه غده شفته طالع وياه محسن

اووف عزيز كلشي بيك اخذلي عقلي

لابس بس دشداشة  .

اجتني يقين

عيني عيني على منو اتباوعين  منو ماخذلج عينيج

هاا لا هيج بس اشوف زلمكم صاكين هه

ضحكت بهبل

وهاي تغمزلي بعيونها

ترة الگلوب سواجي  ...

ها شنو قصدچ يمعوده

عفتها ورحت كعدت ....

***

يقين

واخيرا خلصت من الكراب و انفردت بعمتي

عمة والله مشتاقة الج احس نفسي وحيده بلياج

كمت ابجي غصبا عني ...

هي احتضنتني و  باستني من رگبتي

احس نفسي وحيده لا اكدر ارجع لهلي ذكرياتي اهنا  ولا اكدر اظل 

لا تبجين حبيبتي ....

باستني وكالت الي ابدل نطلع نكعد ويه الزلم سلمنا عليهم و كعدنا ...

جواهر

ها ابو قيس ما ناوي تنطيني يقين يمي تدري بيه ما اكدر بلايها

شاقاها  ابوية

وين ماترحين ترديها اشك بيج قبلتي بحسين لخاطرها

ضحكت

اي شعندي غيرها

شفت حسين ابتسم

وباوع الها  بتوعد وكال

هيج يعني

جدي

مو گلتي انتي الا تخلص

اي تخلص يمي اني اعرف اشلون اخليها اشد حيلها

عزيز

الله كريم

الله كريم

شفت محسن زئطط من الفرح ...

يمكن حب عمتي هسة  اضعاف اضعاف

واتحدد زواجنا ورة الامتحانات ..

وعدت المدة عليه  طووووويله هم من غير عمتي العيشة صعبة وهم   انتظار حسون صعب ...

واجه الوقت المحدد

و تم عرسي بقاعة ببدلة اميرات نفش بيضة دخلت للقاعة وية محسن نركص اثنينا ... نص ساعه وطلع وتركنا بالحفلة طولت ٣ ساعات ركص وتبديل لبست ٧ بدلات حتى يصير عندي سبع حظوظ كلهن نفش معدا الصفرة اشلون السمجة النفشة بس من جوة كلهن شراية طبعا ..

وبس اركص ويه البنات والصديقات ...

وعمتي لابسة ثوب قصير اخضر يخبل عليها وتسريحه رافعه شعرها حسناء طالعه كاعده واتباوع الي وفرحانه بيه

اجه حسون واخذني للفندق وابتدت الليلة بخوف وانتهت بحب وهنا ..

ومر الوكت علينا والايام والاشهر هم

***

حسين

جوهرتي ما مخليتني احس بفراغ ..  تتلكاني ببسمه وتودعني بضحكة ..

قايمة بيه وبأهلي و صارت شيخة بيتي .. بس ما اعرف اشلون اسعدها  بسبب موضوع الاطفال .. 

احسها مكفلة نفسها فوق طاقتها و اتحاول اتعوض السالفه بالاهتمام الزايد تتلكاني حتى الحمام اتحضرة و تبدل وتغير وتعطر و تكعد من الصبح تخبز الخبز الحار رغم اعتراضي امور بسيطه لكن اشوفها احسن ما خلق ربي من نساء بهاي تصرفاتها ... 

مع هذا السعاده ما تكمل .ما كدرت اكون لنفسي مشروع ولا ادخل بشي ما افهم بيه  . ولا سيول تكفي ادخل بمشروع بوحدي ولا عندي شريك اخاف اكد كلام رغده اذا افاتح والدها ...

قررت ارضى باحد عروض عمل الي اجتني بواسطة صديق بالخارج ... اشوية اكسر شعوري بالكسل والاحباط اهنا حتى اشكلات بشهادتي عندي ...

فاتحت جواهر وما عارضت لكن حسيتها حزنت .... كلت الها ما طول هسة فد ١٠ ايام وارجع بس اشلون ما ادري واني ما اكدر بلايها   ...

***

يقين

الصبح اجتنا  رغدة طلعت الها خاف هم اتكول ما يطلعن يسلمن ..بالكوة نزلت من حملي توني دخلت     بالخامس

لكيت عمتي كاعده يمها هي وليان و ختام وامها

رغده عندي الكم خبر حلوو

ليان

شنوو حبلتي

اي اي حامل البارحه حللت

باركنا الها

ام حسن

عقبال حسين اوليدي بس هو سودة عليه ماعنده ظنى صارلة فوك السنة مزوج وكلشي ماكووو .

رغده

الله يرزقه اي كبر يراد اله ولد

ختام

عود ليش يقين وانت ابسرعه حملتن بس عمه جواهر لا

رغده

يا احنه صغار وابسرعه نشكل ...

ليان

قابل جواهر كبيرة ولج شو انت اتمسلتين

هي كلها بيد الله وانت تأخرتي الا حبلتي مرة لخ

غيرت الموضوع

وسالتني

ها اشلونج ويه الحمل والدوام

الحمدلله مكضيه

ضجت منها اعرف عمتي كاعده هادئة الملامح وساكته ما علقت على حديثهن

لكن كلامهن ع الجرح هي غرفتها متروسة ادوية وعلاجات شنو بيدها دتاخذ وع الله الباقي ..

ام حسن

اكلج جواهر اشوكت يسافر حسين كال

عكبة عمة

ها خطية هالولد يا خوفي تحلى اله الغربة من جديد

رغده

اي ليش جواهر ما اتكولين لبوج يشاركه بمشروعه

نعم مشروعه ؟

ليان سكتتها

لكن هي كملت وذكرت مشروع حسين ومايكدر يدخله وحده

كامت عمتي كالت ححضر الغده

ام حسن

شنو راح اسوين

تشريب دجاج احمر و تمن ..

رغده

عوووع تلعب نفسي

فد كرهتها تتامر ع عمتي طايحه الحظ

عمتي

استغفر الله هذي نعمة الله لا تكولين عوع حتى لو عندج وحام

عدنا دولمة لافتها ومجمدتها تردين ؟

حقج ما مجربة اشلون صعب الوحام

سكتت عمتي

ليان

هسة شنو تردين

كالتها بنتر ضايجه من اختها  اشكد احبها ليان حرامات ما وافقت على قيس كالت اصغر مني وخطبولة بت خالتي .. 

رغده

اريد بتيتة فنكر

ليان

اني اسوي الج

راحت عمتي تطبخ

ع الغده عافت الفنكر واكلت ويانا ام راس

يابس عجبها طبخ عمتي .. 

***

حسين

استغربت من استجواب جواهر الي عن مشروعي مرة ذكرته الها بشكل عشوائي هسة ظلت اهواي تتسال  عنه

اصرت جواهر اتروح لهلها وية رغد وديتها العصرية وجبتها بالليل ما اكدر انام اذا مو على ايدها هي عودتني الا انام عليها بس اني بس افز اوخرها عني واحطها ع صدري 

..

سافرت

وعدن يومين اني بشوقي الها .

***

يقين

دنظف البيت ... وعمتي كاعدة تقرة بكتيب ادعية صغير  ..

اااااخ ضهري احسه راح ينكسر

ها يقين مو كولت الج لا اتعبين نفسج بالشغل

كعدت يمها

اكول عمة اشوكت  يجي عمو حسين شو تاخر هالمرة

ما اعرف اضاهر السفر حلالة ...

صدوك ع طاري السفر حضري نفسج انروح العصر للاهل

ها خوش ابلغ محسن واشوفه يقبل  لو لا

كامت عمتي تطبخ واني الحمل مخليني هلكانه حيل

للعصر رحنا لبيت الاهل وصلنا محسن وراح ..

خلصنة عشة  .. وجدي وجهة فرحان بجية جواهر ...

كعدت يمه واحنه كلنا سوة نشرب جاي

اكول بوية شكلت  على الموضوع اللي فاتحتك بيه ...

بوية انه العقار شغلتي لا تنسين انه اصلي مقاول اله اسمه ....  درسته لهمشروع وشفته بيه خوش ربح لكن انه هسة لازم  اخطط و ارتب اموري ....

واذا دخلت وية حسين شريك بشروط

شنو الشروط بابا ....

اتكون الج نسبة

نسبة ؟

بوية اني لا ادخلني بشغلكم

لعد هو مو دخلج ؟

لا بوية .. عفى عليك عبالج جذبت عليك من كولت الك هو ما دازني   ولا طالب مني  لكن اني الي اريد اوكف وياه

واني راح اجي وياج واكلج حصتج مني هي النسبة اللي راح اشارك حسين بيها ....يعني انتي شريكته لرجلج

اهااا بس بوية اني

شوفي اني لا بحاجة شراكه ولا اريدن ادخل بية هذا المشروع انت واخوج عزيز راح اشاركون بيه رجلج ...

هاا شكلتي

الكلمة اللي اتكولها يا بوية ما ترد ....

ابوية هز راسه موافق وجان وجه مستبشر

وهاي عمتي قنعت ابوها من غير ما يدري حسين ...... !

***

ليان

ورطني گلبي بحب عقيم ...حيل حبيته اوووف يابة من يجي يشوف بته ويسال عنها اطلع اسلم وافرض نفسي حتى بس اشوف نظرة حانية  منه

رفضت ابنه بكل اصرار اشلون اخذ واحد ابن الاحبه ؟؟

واتحججت بالعمر هو اصغر مني بسنتين بس من عمر عمه قحطان .. 

امي شنت حرب عليه من رفضته كالت ذولاك صدك مو شي الي يجوج بس هذا ليش

اخوتي وكفوا وياي همزين  ع قصة العمر

***

حسين

النوم بعيوني  مايكل طالع واني بشقته صارلي فوك اسبوع ...

رحت فتحت الباب

وجان اصير بوجهي مايا ...

يتبع

سؤال شنو يكلف التصويت وهيج ما اتصوتون الف وكسور يقرون البارت

طبعا تحياتي لكل من صوت جدا احترمهم

واتمنى من البقية المسانده حتى توصل القصة للمركز الاول همتكم وياي حتى اكمل ولا انحبط عليكم

حسين

انتي !؟؟؟

شنو رايدة ؟؟

لزمت الباب

شو ما بدك تحكي معي

احجي وياج !!!

اني ما عندي حجي ويه الاموات

بس انا بدي حئي تالت ومتلات

اهه حقج يا ام حق

اي شو بدك تاكلو اعليا .

لو انسيت انا كنت شو بعمل ميشان امنلك شغل في العالي

عكفت اديه وكلت

ما ليش حقج احمدي ربج اني ما لوثت ايدي بدمج يلاااا اطلعي دفعتها وسديت الباب

صاحت

طيب يا حسين ازا ما بخبر خيك كيف حنا انفصلنا ما يكون اسمي مايا .....

فتحت الباب صعدت ابسرعه للمصعد خافت ..

سديته واني طالعه روحي لازم الماضي ينفتح مرة ثانية ....ما عونت انساها ...

صدمة اذا اهلي صار عدهم علم بسبب انفصالي عنها ....لا يكون سوي تهديدها هالحثالة و اتبلغ محسن ...

رجعتني لورة من دخلت للبيت وشفتها ويه واحد ثاني ..... اكبر غلط ارتكبته اني ما قتلتها بساعتها وخلصت على عاري ...عقلي حضر و ما وصلتهم للموت

انفصلت عنها وما فكرت غير ابعدها عن ثروتي اللي وصلت الها من تعبي واعلنت للقاضي عن خيانتها و بالادلة ومع شهادة الجارة ربحت القضية ...بس ظل شعور العار متلبس بيه خلاني اعاود اوطاني ... اني شرقي حر ودم حامي ما هانت علية نظرات الاصدقاء الي على اني الزوج المغدور ...الكلبة تكول اني اجيبلك الشغل هسة الا عرفت طريقتها الساقطة ..

***

يقين

اشوف عمتي مضايقة حيل غياب حسين عنها خلاها تذبل ...

...

جنت كاعده بغرفتي وابجي .. ندكت غرفتي ....

يقونه ادخل ..

مسحت دمعي بس صوتي بعده باكي

ادخلي ليان

دخلت

اكلج الزلابية اشكد تتخمر.....اشبيج يقونه

مابيه

دتبجين

طكيتها بجية ..

اي ابجي مخنوكة من المشاكل ..

كعدت يمي

يا مشاكل يا ستار ؟

كملت بجي وما رديت عليها

يقونه اني مثل اختج لو لا ...كولي الي حبي ترة ازعل منج

ليان اهلي ...

اشبيهم ؟

ابوية يريد يطلك امي

يا

***

ليان

رجفت حواسي من سمعت بطاري عزيز ..

ليش بعد هالعشرة ..

من وعيت لهسة همه ما مصافين

بس عرك بينهم

وهسة زعلان بابا بيت جدي عايف الها البيت

يا اسم الله ... حبي لا تبجين انت حامل.. شدة و ازول

لا هالمرة مو مثل كل مرة بس يهدد يزوج وكلشي ماكو ... ما يرضى يدخل البيت ويريد يطلك ....

الله يهدي النفوس يقين

حتى مرام ما فادت ..كل مرة تتوسل يرجع هسة قافل يكول تعبت وانتم كبرتوا بعد

زين هو ليش يريد يزوج

هالمرة ما يكول اريد ازوج ...بس يكول ما اريد امكم تعبت ..

يا ستار ....

اواسي بيقين واني گلبي يم عزيز ... لعد اشكد صابر هالسنين كلها وهو ما يحب مرته

اثاري اثنينا انعاني ...بس اني حاسة بيه واتمنى اكدر اتقرب منه ...بس هو ولا اباله اني.... و گلبي الجبان ظال يحب من بعيد لبعيد اخاف اهجم بيت بحبي اله وهم ماعندي القابلية ولا القدرة للتقرب منه اني جبانه ....بس هسة ما اعرف ودي لو بس تجي فرصة .......

عدن عشرة ايام واخوية حسين ما رجع يخدر بينا كل يوم يكول بعد يومين ....

جنت اغسل كلاصات الجاي . العصرية وسمعت جرس الباب ندك ...

صحت لختام تفتحه ....

راحت ورجعت وكفت يم الدرج والمطبخ صاير يمه

وكامت اصيح

يقين ابووج اجه يقين انزلي ....

گلبي فز وانتعش عزيز يمنا ... عفت البيدي ورحت لغرفتي ع السريع بعد اريد اعرف البس عباتي مكدر همزين محسن طالع توه

طلعت اسابق الريح لا يقين تنزل همزين الحمل مثكل حركتها ...

فتحت الباب واشوفلك ابو عكال واكف ومنطي مسافه و بس ضهره عليه ...اوووف ع الهيبة

اتفضل ابو قيس ! اتفضل

التفت ومن شافني عادي رفع نظرة الي

ووجه البشوش ابتسم وكال

مساكم الله بالخير ابنيتي ...شنو ماكو زلمة اهنا...؟؟ اوليدي محسن وينه ؟؟

ها لا محسن طالع ..اتفضل

ها هيج لعد اجي غير وكت ... مريت من اهنا تذكرت ابنيتي كلت اسلم عليها

اووف اشكد جنت ممقوته من كلمة ابنيتي ومن رفض يدخل بس محنتة على بنته خلتني اتحسر ..

ها وية بوية تحجين

بابا بابا

ادخل بويةة

اشرت الي يقين ادخل حتى ادخل ابوها..

لفيت ورجعت من حيث ما اجيت وكفت بالممر الخلفي للهول الي يودي للمطبخ واتحسر عليه حتى ما دخل من طلعت اله اني ....بس بنته دخلته ... اول ما دخل حط ايده على متنها وباس راسها .... وطلع .... بورة اشوية رجع ... اضاهر جان عايف الغراض بالسيارة ..

يوه بوية عود هاي مريت بالصدفة وهيج جايب وياك ...

ابتسم الها وهو يدخل

لا هاي مو بس الج لعمتج ...

دخل للاستقبال .. واخته هم طلعت اله .. وامي طلعت سلمت واني وراها بعباتي بس بالباب ما دخلت ..

شفته وية امي حيل متحفظ زين وياي شو يباوع لوجهي ... !؟

اضاهر راجع لمرته ووضعه استقر ..

طلعت حتى امي بس سلمت وعافته ويه اخته وبنته .....

حسين خليت الشيوخ الابن وابوهيدخلون بيتك وعذبتني وياك ....

***

حسين

كاعد بالتوقيف واني بموقف لا يحسد عليه ومايكل كدامي ياكل بگلبي

(الكلام الفصيح يعني اللغة الانجليزية )

كيف سمحت لها ....انها فرصتها يا مغفل ..

دعك من هذا مايكل وافعل شي انا سوف اخسر كل شيء ...

واين كان عقلك عندما تهجمت على مايا ...

ماذا افعل كي اخرج دون خسائر او ترحيل او سحب هويتي ؟

اهه مايا اقتنصت فرصتها ...عندما ضربتها ... سوف تتنازل لكن بمقابل .......دولار

ماذا انا لم افعل لها شيئا لم أوذها حتى

انها صفعة بسيطة !!!

بمجرد تهجمك عليها و ضربها والتحطيم في مكان عام هي جريمة

ورطت نفسي وهاي الكلبة راح تستغلني حتى اطلع منا ... الحقيرة ظلت تهدد منا من فقدت اعصابي من التقيت بيها بمكان عام وهذا اللي اتريده هي

***

يقين

اتأخر حسين لا وبعد مايرد على اتصالاتنا

وعمتي گلبها نار عليه ...

دگلب بفون محسن واشوف اخر انجازاته ..

زين مضايف بنت للفيس الحمدلله سامع كلامي ولاغي صداقه صديقتة من ايام الجامعة ... مممممم معنده وحده

خل انشوف الواتساب ...مممم جيد

هذا شنوو ؟

منزل سناب ..

مممم اشلون يستخدم هذا ما مجربته ...

يا يا هاي شنو ناشر عيني عيني عود يسوي اعلان لمحله وووولك احسين انوب لابس فانيلة و فوكها يلك مطلع مفاتنه للنسوان صرت اعصاب ...

طلع هو من الحمام جان توه جاي واتغده ويريد ينام الضهرية ...

محسن بببيك شنو هذا البرنامج منزلة من غير اذني هاااااا

شنو؟؟

سناب هذا ومنزل كم مقطع بيه همين هااا وامنين الك هالكد فانزات ..

ببرود

هاا مو سويت تمويل اله بصفحة فيس

وذني زبونات هنه ضايفاتني

اي عيني باجر الزبونات يصيرن حبيبات وخاص وفاص و يقين ارجيلج غاص

شنو هذا مثل جديد ههههههههه

لا عيني امر جديد تلغيه

شو وخري عني ترة اختنكت ..

دمعتي طلعت

اختنكت مني ....ليش اني خنكه ...شو انت كلشي خليتني الغي.. كوول البرامج ليش ما اكول خنكتني هااا كليتي خليتني اقاطع الكل بس المقربات احجي وياهن ومكلت اختنكت

اتأفأف وتأتأ

تعالي لا تبجين ام دميعة ... هسة نمسحة ..

لزم فونه ومسحه واني عفتله الغرفة ..

رحت يم عمتي .. دوختها

ولج مو اكولين مسحه روحي عن وجهي خليني بظيمي ...الرجال راح وكال عدولي

ما اعرف وين صفى بيه الدهر...

يعني عمة اذا مسحة عادي هسة ارجع وانسى الزعلة عود اني ضجت من كلمة اختنكت

شوف هاي اني وين وهي وين

برة اطلعي برة

انطردت .. رجعت اله

وعود ما اتحاجى نمت ع طرف السرير

اسرسح يمي وحط.ايده على بطني واني مطيته ضهري

ولج راح الغي

شنو انت مو عود لغيته؟

ما عرفت حذفته بس معرفت الغي الحساب

هاااا

يعني هاي هي راح تلغيه هالسناب الفاشل

نهااااائي

اي لخاطر اعيونج يقونه يجوز اصلا الغة

يووومه حبيبي فديتك ..

حضنته .

اي بس هاي مو كافي كومي البسي الاخضر ابو الشراشيب وتعالي

هههه

ما ما يبرز بطووني

هي غير مخليتج بشة يا بشة انتي

بوسني من خدودي

يلا كومي

زين ما ينفع بلا الثوب

بعد احسن

هههههه

ندكت الباب حيل

محسن ..... محسن......يقين

كمزنا على صوت عمتي جواهر ...

فتحت الباب

ها عمة شنو

وين رجلج

نايم

اني انحرجت ادخلها لأن مكان لابس على صدرة شي

صاحت من غير ما تدخل

محسن كوم بدل وحضر السيارة

عمة خير شكو صاير

عمج كاظم استشهد

ش شنو !!!

ضربت على صدري

روحي البسي ويلا عجلي رجلج

راحت عمتي من اكبالي واني الخبر نزل علية مثل الزلزال عزة عزة يتم جهالة ورمل مرته لا حول ولا قوة الا بااله ....

رحنا للسيارة و عمتي ايدها على راسها ابن عمتها اللي راح قريب مو بعيد ...

نزلنا من السيارة لبيت اهلة اني وعمتي و ام حسن وليان ....

محسن

تحتاجون شي

ما جاوبته عمتي وراحت للبيت

لا محسن من يصير وكت التشييع اخابرك ...

.

دخلت ورة عمتي وصادفت نسوان كومه دخلتهن ويه دخلتنه عمتي اداحست وياهن ودخلت ....

اندور بعيونا على اللي يخصوه

طبعا نمشي والنسوان تسلم علينا عمتي تبادل بفتور واعيونها ضايعه ...

شفنا امه وخواته كاعدات ....

امه شيلتها مفتوحه و وكاعده مثل الطفل التايه نظراتها كلها ضياع اتباوع للوجوه يمكن تتذكر يوم ولادته لو يوم عرسة يمكن بعدها ممصدكة موته ودورة بالوجوه

عمتي جواهر حضنتها وهي على حالها ما حركت ساكن يمكنها مو بهذا العالم .....!

سلمت على خواته ووالبواجي علت والصياح صدك موقف مريب كوني متعوده على الهوسات والفواتح ما انرهبت بس شفت ليان اللي اجت ويانا الرهبة بعيونها وهي اشوف السواد بكل كتر بالبيت والصياح والبواجي

اني امشي وره عمتي واسلم واعيوني ما انطفى دمعها ...

راحت عمتي لغرفة المستشهد ....شافت وحده من بين السوادت اللي كاعده يمها لابسة ثوب وردي كشمير مصرفنه ردنها

ومعصبه حيل

وادردم

الله اكبر هسة جلبن بغرفتي

دطلعن ولجن ... عزة يلفيجن اي والله

جواهر ما اتحملت اشوف صديقتها رباب بهذا الحال

ابسرعه ذبت نفسها عليها

ورباب ما بادلتها الحضن

يااا حتى انتي جواهر وخري اشبيج

وخرت عنها بس بعدها كاعده يمها ..

عودك صدك تحجن ولجن رجلي ما مات

البارحه كالي جايكم شنهو

هي

جواهر كولي شي حتى انتي العاقلة اصدكين ...

هو بس ما يرد يمكن طفى شحنه ..ياااه اشلون ناس

النسوان اللي بغرفتها خواتها و بناتهن على صوتهن واني هم بعد ما اتحمل اكثر

كمت ابجي بصوووت

اختها

ولج خيييي رجلج جاااابوووه جثمانة للبصرة ع وصول هسة

ضحكت

غير يطلعن ويعوفني اشلون ناس هاي ياالله

هو مخابرني يجي بعد يومين

عمتي بصوت مبحوح

كافي رباب ... وجعتي گلبي ... كومي البسي اسود على رجلج راااح

وجان رباب تضرب جواهر راشدي صوته رج برجاء الغرفة وصاحت بينا بعلوووا

صوووووووتها

رجلللي ماااا مات يااااا يمة الحكيلي

لزمت خدها عمتي واني اجيت يمها كومتها عن رباب ...بس هي وخرت ايدي ورجعت كعدت يمها .

اهنا صارت حركة بالبيت والنسوان يكولن وصلوووا جااابووه للبطل ...اووف عود صدوك راح بعد ما انشوفه ...الله يساعدج خاله رباب اني من يمي مدا اصدك مو انوب انت ..

طلعت خالة رباب من كالو اجه الشهيد جابوووه خل نودعه قبل لا يروح لمكانه الاخير..

عمتي صاحت ع خواتها

عبايه عبايه سحلت عباية وحطتها على راس رباب ...

الي طلعت للهول ادور ما لكته بس النسوان تتحرك للاستقبال

دخلنا وشفنا الزلم حاطين التابوت اووووووف التابوت مغطى بعلم العراق .

.ركضت اخته و وخرت الغطة وصاااحت

وكلها اصيح وتبجي واخوته منهارين ...

رباب يم الباب ما اتحركت كانها خايفه اتريد اظل تتامل جيته ولا تخطو خطوة واشوفه هو النايم بالتابوت ...عمتي لزمتها من زندها

امشي ودعيه .....

يمكن عمتي اتريدها تستوعب موته .وجرتها اله ...

اتقربنا وخواته سون مجال النا نقترب....

ذاك عمي كاظم صديق ابوية ورفيق دربة الضابط المناظل ابو شوارب ثخان وجسم ممتلى وكرش صغير ما بعد عمر الاربعين نايم بالتابوت ومكفن بس راسه مطلعيه للوداع الاخير ....

مرته اتباوع واعيونها بدن يصغرن ويدخلن لجوة منا من غمضت واجت توكع ع التابوت لو ما خواتها وعمتي يلزمنها ... اخذنها وطلعنها .

وعدت ايام الفاتحة واحنه مقيمين ببيت عمة ابوي ....

نشتغل ونواسي بأهلة بس كنا كومه نسوان معزبجيات هذا غير ان الغديات ع الطبابيخ احنه بس العشيات علينا حتى الخبز ذبوة گواني طحين يم الخباز ويجينا صفطات من صفطات جاااهزة

الفاتحة خلصت بس حشود المعزيين من المحافظات ما خلصت هذا غير الكتيبة مالته ...

***

حسين

رجعت للعراق خابرت محسن

اجه اخذني من النجف ..

هو يدري بمعاناتي وسبب تأخير جيتي من مايكل

بس موصيه لا يجيب طاري لجواهر

سولف الي وفاة ابن عمتها ....

دخلت البيت وما لكيتها تتلكاني واخذها لحضني الگلب حيل مشتاگ لريحتها وضحكتها ...

خابرتها ترجع للبيت مجانت مصدگه اخابرها من خط عراقي

حسين عود صدوگ رجعت!؟

اي جواهر ارجعي عطشانج

حسين انت زين ..رديت سالم

اي واسلم اكثر بشوفتج ...راح اجي اخذج

يعني مابيك شي ...عفية احلف

ما حب الحلفان ...بس وعيونج سالم .

ها الحمدلله

شو صوتها تغير من حنين الى بارد وجامد

...ما اكدر اجي ...اليوم السابع و عدنا نعي ودنحضر للقراية ...هاي غير رباب المريضة المرة ع المغذيات ومنهارة تصحى بس تبجي بكتمه واتنام

ها خطية هاي مصدومة لازم ورة ما تخلص الهوسة تراجع طبيب نفساني

طبيب ها اي اي طبيب

كالتها بسخرية

هسة اشلون ما اشوفج يعني

.. مدام انت بخير ومابيك شي يصير خير من نشاوف هسة اني ما اكدر اعوف المرة

تحجين صدك ؟؟

اي اي بس اليوم باجر يمك بالليل وبالنهار هم ارجع يمهم منا من اطمن ع رباب

تشاقين انت ولج اني جاي ميت تعب ومشتاق الج اتكولين ما تجين ؟؟ راح اجي اخذج

اي تعال عزي . ومر بأبوية عزيه الزلم تجمعهم ببيت اهلي ترة سوي الواجب

امرتني وسمعت هوسة اجت يمها

حسين ارتاح ومر بأهلي خووش

سدته

بالله هاي شسولف وياها والله يجي الليل واروح اجيبها ....

رحت لامي

يوم ... رحتي للفاتحه

يم يمه تلاث ايام انه اهناك ...

هااا

دك تلفون ليان جانت كاعده وتاكل فواكه

هاا جواهر

باوعت الي ليان

اي اي حسين بخير

لا زين كلشي مابيه ....والله زين اشبيج هاا ما ادري ما كال ليش تأخر

هاي لبوتي تتصل تتطمن خو ليش ما سألتني الي سبب التأخير.....

رحت سويت الواجب ...

بالليل طلعت الها ..بيت المتوفي حتى الواحد يخجل يدك الباب هوسة زلم ...

سلمت وخابرتها

جواهر اني برة .....

البسي واطلعي يلا

اني مو كولت الك اليوم ما اجي تونا رجعنا من الطبيب و رباب ما اعوفها

رحت ع صفحه ... واحجي بحركه ولج اطلعي

لا تكول ولج مو طفله اني .. كولت الك المرة حالتها حرجه گلبها ما نعرف اشبيه واني ما اكدر انام ليلي و رباب تعبانه

زين اني اشلون انام ليلي ومخدتج فارغه

ما ادري دبر حالك مثل ما اني دبرت حالي بغيابك ...اهه حتى السؤال كطعته عنا ...

يلا روح للبيت وارتاح من السفر..

هاا هيج ...

سديت الخط

هيج لعد السالفه يا جواهر شايلة عليه اووف من كتمانج بالگوة الا افهمج رحت رجعت للسيارة هاي ما تقتنع الا اشوفها ام راس يابس زعلانة مو قصة صديقتها اشلون بيه بالله هسة

الغرفة تخنك من غيرها

رجعت للبيت وهذا محسن احسن مني مرجع مرته بس اني هاجرتني

عفت الغرفة ونزلت جوة ..... فرشت ونمت ابسرعه بالهول !!!

من كد التعب والمرمطة الي عانيتها بسبب مايا ما اعرف اشكد نمت ولا فزيت

حسيت بعطرها ...واني غركان بنومي ...

سمعت حركة يمي .. وصوتها اخترق نومي بين النايم والكاعد كلت هاي جواهر اجت بالكوة فتحت ..

كعدت على فراشي افرك بعيوني

ريحتها بخشمي .... كمت رحت سألت امي

يوم شنو جواهر اجت

اي يمة .. صعدت لغرفتها .. دطلع وسمعت بسبست خواتي ويضحكن

صارلها ساعه كاعده يمه و تلعب بشعره ههههههه

ابتسمت اكول ريحتها بخشمي هالبوة ما صحتني ؟؟

صعدت الها ... ما هي بالغرفة ...بس عباتها ...وحجابها والسبحة ع الميز ... لزمتها بستها . وحطيتها وطلعت للحمام ..

اسمع صوت ماي يجري ... رحت دكيت غرفة محسن

هااا منو

يقين محسن يمج

لا طلع للسنتر

هااا

رايد شي

لا

يعني هاي هي بالحمام ..

فتحته ما مسرقيته هالبوة واني قبل دوم

من اريد ادخل عليها الكاها مقفول اضاهر تعب الفاتحه مأثر عليها هسة لو جافتها محسن ...

اتعديت المنزع .. هو اول ما ادخل منزع و بابين اصير بوجهي وحده تأدي التواليت والثانية الحمام الي بالي يمه وصوت الماي يرن بأذني ... ردت افتح الباب ما ينفتح قافلته ..دكيته ....

ما أجاوب وهاي حالتها من تدخل ابد مجاوب

جواهر افتحي الباب ....اريد اسبح ...

ماكو جواب ...

دكيت مرة لخ

صوت الماي توقف ..

انفتح الباب ... شعرها المبلل ينقط عليها ماي و جسمها لافته بخاولي ابيض او بالاحرى منشفة ..

خير ما تنتظر على ما اخلص ...

شو هاي الجاحدة حتى سلام ماكو

وتحجي ببرود ..واني من شفتها الحرارة صعدت ٤٠

واني اباوع لجسمها وكلي لهفة عليه

ها على اساس ما مهتمة لرجعتي....لعد منو جانت مكابلتني وكاعده اتشم بشعري

ارتبكت

اني بستك ما شميت

ضحكت عليها ودفعتها رجعتها للحمام ....

..

بحضيني نايمه على ايدي

بهدوء

لهسة ما كلت الي سبب تأخيرك......ليش ما تتصل بية حسين .....

اااخ والله صارت ظروف صعبة ...وتوقفت الا اشوية اجيت اروح بيها

يااا ليش ....

ضربت واحد يكرهني

ليش

اتعاركنا و ضربته وصارت بعد هوسة .. تلفوني اصلا ضاع مني بالمطعم .. وما كدرت اتصل ..

حضنت اديها خدودي ....

حسين لخاطري دير بالك على نفسك ....ماتدري شنو من افكار طرت بالي

همست مبتسم بذبول

شنو

ما ادري كلت وحده من الاثنين لو صاير بيه شي

لو لو ...لوت شفتها وكالت ..رجعت لطليقتك وحلت الك العيشة اهناك

هههههههههههههه هههههههههههههه ارجع للنار واني عندي الجنة !!!!

......

بعد شهر

جنت اتعطر واتأكد من ملابسي كدام المراية .. دخلت جواهر وبيدها المبخرة بأطيب عطور العود ..

عطرتني ...

من شر حاسد اذا حسد

اخذت منها المبخرة نزلتها ع الميز

واخذتها من خصرها النحيف ..

انشالله بس انهي المشروع نطلع اني وياج سياحة لأي دولة تردين ....

ابتسمت العمرة يا حسين اللي ما رضيت اتروحها وياي وهي طلبي منك ...انرحوها

انشالله ..بس ليش ما نسجل حج

يووه الحج منو يحصلة سجللنه بيه وانروح عمره همين على ما يطلع اسمنا اذا كاتب النا الله العمر

خوش حبيبتي بس اخلص من المشروع ..

انشالله حبيبي ينجح واشوفك دوم ربحان

والله ابوج وكفته وياي مراح انساها ...

يعني حتى اني ما طلبت منه فاجئني ...

جوهرتي لا يكون انت كايلة اله ابتسمت

و حاوطت بأديها وجهي لحيتي تطابكت بكفوفها ....وباستني

كايلتك انت اشكد حلو من قبل

ادري بروحي

احبك و احب ملامحك هاي كلشي بيه بلسم الي ...من اشوفك انسى دنيتي وما ودي اشيل نظري عنك

نسيتينا يا لبوة شنو جنا نحجي .... بس كلامج هذا عليه فصل بالليل ...

بستها ...

يلا اشوفج ...

طلعت من البيت لموقع الارض المقرر عليها المشروع ....

بعد مرور سنة ...

***

ليان

اجتني ختام تبجي وتحجي

هاي العكرة اخذت تلفوني .... ليان اخذي منها ...

منو

جواهر البومة العاگر ....

عيب هذا الكلام عيب ..

صيحت وراحت تبجي تشكي لامي ...مرة شكبرها صارت بالسادس اعدادي وهيج تتصرف ...رحت اشوف جواهر ليش ماخذه التلفون ......

جواهر ليش اخذتي منها هاي راح اسوي الج مشاكل ويه امي ..

جانت تنظف سمج ..

بهدوء وصوتها ناصي لا احد يسمع

لكفتها اتسولف ويه واحد ...سحبتها منها وطلع عند اختج حبيبي

عزة عزة

اي تحجي ويه غريب مطيته مجال ... ليان هذا الجيل لازمه مراقبة وظبة مو هيج امج مطيتها تلفون ومن غير رقابة

هسة شنو حنسوي ...

لغيته لحسابها وحذفت رقمه ... راح اعاقبها واشتري الها جهاز عادي واغير رقمها

بس هاي وكحه يجوز حافظه الرقم ع الغيب

ها لعد ما ننطيها جهاز ... هي سادس و وراها قراية

ما اعرف هاي مصيبة اشلون بينا اذا اكل لأمي تكبر الموضوع واتروح بيها ...

لا تكولين الها ولا حتى ليقين .. بس ديري بالج عليها

خوش

اي ما اريد هذا الشي ينشر عليها

همزين ختام ما لكت امي بغرفتها بالحمام

و اليوم جواهر عازمه صديقتها .. واندكت الباب ....اجتنا رباب ...

***

يقين

جنت الاعب بحموودي حبيب گلب امه صاير عمرة ٨ اشهر متفح اتفح لان يرضع صدري وممة من اروح للدوام

اجتنا اليوم رباب عمتي عازمتها .. وهاي ختام اضاهر موصلتها من البارحه لاختها رغده ان رباب معزومة يمنا على مطبخ من ايد عمتي فرغده وصلها عمو الضحى اثنينهن صارن يمنا ...

طلعت اسلم ...اوف خالة رباب وجهه شاحب .. و ضعفانه خطية حيل صايره بضعف عمتي جواهر .....

ما جايبة الولد اتكول وكحين جايبة بس البنيات

رغدة بتها بحضن ام حسن

واني من دخلت ام حسن بفعل عفوي حطت الابنية بحضن ليان ومدت اديها لحمووودي اللي يباووع الها ويذب بأديها عليها ويضحك ورجليه تركص

اده اده

هي متتحمل منظرة هيج ذاب نفسه عليها واخذته مني اتبوس بيه بشغف

رباب

هالحلو كبران

رغده

عود لييش يمة شمرتي ابنيتي واخذتيه

لو لأن ابن ابنج هاااا لو اتحبين الولد.اكثر من البنات

لا يا يمة والله اموت على جواهر

غندبت رغده بالزايد تتخبل من اسم بتها الي فرضه عليها قحطان !!!! اسميها جيجي ماتقبل احد يصيحها جواهر

جيجي يمة بنوتي جيجي

رباب

ذكرتيني بالافلام المصري اسماء الركصات هيج

ضحكت اني

***

ليان

كاعدة بينهن وافكر بباجر معزومين ببيت اهل يقين بمناسبة وصول المشروع للنهائيات .... عزوز هو وجواهر شركاء اخوية

اي عزوز بخيالي هيج اسمي ...

اني بورطه متقدم الي واحد قبل اسبوع وامي ماتقبل تنطيهم رفض

واني ظاله اتهرب حتى اخوتي يلحون عليه اوافق .....بس باجر اخر فرصة الي ... اريد المح اله واللي يصير يصير

اني احبه و متعلقة بيه مدا اكدر اقتنع بغيره ....!!!!

يتبع ....

يقين

كعدت رباب اتحف لعمتي واني كاعده لازمة سرة ويسولفن ... طبعا رباب شاده الخيط بركبتها واتحف وتحجي

اي ولج ظيم اوت البارحة  المغربية هجمت عليه مرت كريم اصياح ودعوات بالهجمان خاف اني بيتي ما انهجم

عمتي وهي نافخة وجها ... هزت راسها تدري ...

هاا منو وصلها الج

امج خابرتني كالت الي انت من البارحه مغثوثه وظاله دمعتج بعينج ....عزمتج اشوفج ..... واطعلج من البيت

اني من طلعت من بيت عمتي (ام زوجها)

وطلعت من غرفتي .....ادولبت .... خاف عايزة اني اچماله لمرت اخوي كل يوم عركه وياها ع الجهال تجيني هاي مرت كريم واشمت بيه مرت اخوي تتمضحك هسة انه عاتبة على كريم شاكية اله يجي يخطبني

غير يلم ولد اخوووه اذا هو شاف ابن اخوه يلعب بالزبل واتخبل ...يحاجيه اخوج يكله وكحين ما نكدر الهم ... واخوج كل يوم ضاربهم ويروحون يشكون لعمامهم ...هم حكة ترة

جواهر اني ما ادري شنو تاليتي مرت اخوي اطرد بيه امي اتكلي اصبري يمي ماكو رجعه لبيت اعيالج  ولدي وكحين ..... عمتي اتريد ابنها يعقد عليه وانه ظاله لا حول ولا قوة شسوي ..

اصبري على مرت اخوج منا من ولدج يقوة عودهم

شيقوة ذولة راح اشيب اله يكبرون ....وكحين و ما ينكدر الهم ...

دحفي حفي

رجعت عمتي نفخت حلكها .....

واذكرت

اكلج رباب .... صدك  شنو سالفه هاي صديقه امج اللي اتكول اتريدج لبنها

خايبه ختولي وهاي امي تقنع بيه اذب بزري على عماهم  وازوج ابن صديقتها لا وبعد عنده اربع بنات اربيهن ....

اذب  بزري (اطفالي) واربي بزرة

وهذا كله ماصرله جم شهر من بعد گلبي كاظم دارت سنته ...

من ذكرته انهضمت حيل ...

طلعت من عدهن رحت لليان ....

***

ليان

اجتني ختام ...

اكلج ليان اقنعي جواهر اترجع الفون لا والله افتن عليج

شنو ولج فوك عملتج كواة عينج هااا عندج صاحب وهيج صلفة ما تخجلين مني

اخجل ؟؟هو  اكو وحده ماعدها .غه

صديقاتي يحجن ويه اثنين وثلاثه ...اني عاد واحد ونيتة شريفه

مو انت داخله بالنوايا

ليان اجيبين فوني منها

ما اتخافين اتكول لاخوج يالرعنه

ما اتكول اتخاف ههههه

يعني تدرين بيها تخاف الله ومراح اسويها

هي بس عود مسلطنه نفسها علينا ... اكلج جيبي لا والله افضحج واكول لجواهر هاي ليان تحب عزيز ....

قندرة شتحجين

ههههه والله هذا اللي سمعته وانت تحجين ويه صديقتج

تصنتين عليه !!!

هسة اجيبيه لو اروح اكول الها ليان  اتحب عزيز  الرجال الشايب ابو يقين

انجبي

ظلت اتهدد واني خفت ....برجاء

حبابه لا تكولين لجواهر او ليقين شتكول عليه من تعرف احب ابوها

انفتح علينا الباب و يقين صافنه علية ومصدومة  ...

اتحبين ابوية ؟؟

وانت عندج صاحب ....خواتيش انتن    واختجن  جرجرت عمي وراها ....

ختام و رغده اتوقع منهن كلشي بس انت

يقين ...هاي تخرط

اش سمعت  كلشي   

يقين ...الله يخليج .. لا اصدكين هاي الجذابة

وليش خايفة واترجفين ...واني هم دوم اسال اكول ليش من يجي ابوي تتكبع وتطلع ركض ...لا عبالج ما منتبهة .... عبالي اتحبيه مثل ابوج لأن ابوية من حبج الي يعني .........معبالي هيج

صحت حيل

ختام طلعت ....

يقين ... شنو هالكلام لا مو صح .....

اشكد انقرفت منج .... لا اجذبين سمعت كلشي ...

ما تخافين من الله هاااا فد نزلتي من عيني والله لاكول لمحسن عليج ...

شهكت ورحت جريتها مخليتها تطلع

عفيه يقين لا اكولين لمحسن يموتني خلاص

تستاهلين الموت والله محد ضربج ع ايدج

الله يخليج مشاعري مو بيدي .... لا اتكولين لأحد والله انتحر

دولي

دفعتني  منقرفة مني ....

***

يقين

صدمتي ب ليان كلش قوية .....اووف كله مني اني اشوفها تطلع واسلم وما اعارضها طلعت نيتها مو خير اتريد.تهجم بيت هاي اشلون خدعتني ..

امنين طلعت الي احتار بمحسن لا وحده تلعب عليه لو بأبوية شنو هاي الدنيا مابيها امان والنسوان اذب نفسها ذب

.....

رجعت لعمتي ورباب ...لكيتهن مخلصات حفافة ...

ولج اشكد فشلة من حسين رد ولكاني  كلي ريحة ثوم من وراج فد خجلت

يا انت ما فهمتي الوصفة ...الثوم اتخليه وية زيت الجوز واللوز وبس مرة وحده بالاسبوع رحتي  خليتيه بالليلة اللي يجي بيها رجلج من محافظة بعيده

ولج اشمدريني يجي والريحه اتفوح .مني وهذا ما عافني همين 

هيهيهيهي ليلة ثومية

وحطت ايدها على حلكها

رباب باوعتلي صفح

اشبيج انت مغندبة

ضحكت عمتي

يا رباب شكول الج ودها اجيب جيس نايلون واتحط بيه هالمحسن المسلعم ياريته بيه لحمة وخابصتنا

نصبن عليه واني اشكد جنت ضايجة ضحكت من رباب كالت

خابصتنا  بشرابة النخل هذا

راحت رباب  بعد ما  طلعت همها لعمتي حتى اشوية ترتاح

،،

كاعده وافكر بوضع رباب خطية والله اطشرت بوسط اهلها واهل رجلها ...  عمة حسنة عمة ابوي اتريد احفادها يمها يتربون وحقها

بس اهل رباب ما يقبلون رباب اظل ببيت واحد ويه حمو من حموينها ما عازل

واصلا هي حاليا متبذهلة كاعده يم امها و مرت اخوها الورد ما اشيله والله شنو عندج ولد وكحين وجهالج اكثر من جهالي ... والدها متوفي  وكلهم طالعين اخوتها بس الصغير ظال يم امه ببيت ابوه هو حصته صار ..وحصة رباب عموا كاظم الله يرحمة مشتري الها بيها كاع ..يعني رباب عدها ورث رجلها وابوها بس ما مرتاحة لأن الفلوس مو كلشي اذا الزوج راح ...اثاري الزوج وطن من راح ظلت مهجرة كل يوم بكتر !!!

من تتعارك وياها مرت اخوها الصغير ويصف ويه مرته اخوها اتروح لواحد من اخوتها ما تتحمل ورة ايام هم ترجع من غير احد ياخذ بخاطرها لأن مهما كان ما ترتاح الا يم امها  هسة كريم اتقدم الها هو اخ كاظم وهو اللي بعده معازل

بس هي ما راضية

....

ردنا انروح وية اعيالي  للعزيمة بس ليان ما طلعت من غرفتها مالها عين اصلا اشوفني وجهه ...

عمتي جواهر

سألت عمتي

عمة ليش ليان ماطلعت لهسة 

ما ادري اتكول تعبانه  ما اروح

واظل وحدها؟!!

راحت الها .... 

احنه ننتظر بالهول اجاني محسن اخذ أحمد  من ايدي

جيبي هذا شايلته على كلبج راح يفطسج

ام حسن

يا يمة اشبيك صلي عالنبي

حسين

يلا وينكم خلصت

نزل توه من فوك ريحة عطرة ترست البيت

عمتي جواهر صاحت ...دقايق بس

ورة اشوية طلعت عمتي  و وراها ليان

ما باوعت لوجهه ورحنا

من نزلنا من السيارات

رحت يمها ابسرعه قبل  لا ندخل

ليان عيني حتى سلام لا اسلمين عليه فاهمة

خزرتها سكتت ...واعيونها دمعت ...

اشبيجن ....

عمتي ورانا بس لا سمعتنا اهنا فتحوا الباب

دخلنا والتهينا بالسلام ...الزلم راحوا ويه قيس واحنه رحنا للهول نسلم ...

عمتي من كعدنا

اشبيج ويه ليان .....هاااا

مابيه عمة

لا عبالج ما لاحظت ....

تعالي ورايه اخذتني ورحنا لغرفة امي جانت فارغه ...

يوووه راح تستجوبني

ها عمة ماكو شي ..

انت عرفتي بليان اتحب ابوج  وجنتي اتقصديه هو من حذرتيها لا اسل

م

ما استغربت من طلعت سامعتنا من حذرتها بس اعيوني اجت تطلع من مكانها من عمتي طلعت تدري بليان ...

تعالي اكعدي ....خل احجي وياج كلمتين ...

اشمدريح عمة ؟؟؟؟

عوفج اشلون دريت ..بس ليان مريضة وتعبانه .... .. تدرين ابوها بالمستشفى مات كدام عينها ..... مات هو عينه عليها ..... تدرين بخطيبها شنو سوة بيها بعد الكعده والطبة و الوعود  و عافها ...كل هذا اثر عليها صارت هشة ادور الحنان بالوجوه فيا يقين لا تقسين على البنية ....تره حبها لبوج وهم  اني حاسه بيها من حركاتها من اول جيه لعزيز لبيتنا لاحظتها وتاركتها ........

بس بس هي

لا تخافين منها يا يقين وروحي طيبي خاطرها  كسر اليتيم حرام ما بالك التعبان نفسيا ..

سكتت

روحي يقين لا اظلميها

حاضرر

.

ردت اكوم دخل علينا ابوي

اكلج  جواهر شو رباب ما اجت مو كولت الج اعزميها

ابتسمت عمتي واني صفنت  ليش مهتم !!؟

اوف بوية شكد حنين يسأل عن مرت صديقة

رحت لليان وشاقيتها حستني رجعت زينه وياها  حسيتها ارتاحيت ....

بعد كلام عمتي ضجت عليها وضجت من نفسي لان قسيت عليها البارحه ..

ما فسرت حالتها هيج وانصدمت وانطيت ردة فعل قاسية

دخلت رباب

سلاما عليكم جميعا

اكعدن اكعدن ما اريد اتباوس ويه وحده  انه بيه افلاونزة بعز الحر ..

صدك خشمها احمر

ام حسن رجعن كعدت

باوعت الها رباب وكالت

اشمالج كمتي عليه واني البارحه يمج يخالة  لو انه اسحر

ضحكت ام حسن

جواهر

تعالي الجماعة يسألون عنج

تعالي

اخذتها ....

منو يسال عني اول تالي ..

رحت اني وراهن احب جمعتهن

رباب

لا يكون حماي كريم جاي واتردون اتقربون المسافات  ..

لا ولج

شافتني عمتي وكالت

ام قيس ام قيس لحت

هااا!!!!!!.........منو اشوكت نزلت

.......... عليها هالمحبة

عمتي كأنها اتريدني اروح واني لزكت

اي رباب ردتيوا خبر لعمتي انج ما موافقه ع ابنها كريم

عمتج بطرانه هي مرته من الله تكرهني مو انوب اخذ رجلها .....اوف يا جواهر صرت مكروهه كلهن نسوان حموويني خايفات مني

غير اولاد اخوهم يردون يلموهم ... 

كاعدات بالغرفة مال امي واجتي امي سلمت عليها من طرف خشمها من يوم يومها ماتحب رباب  وطلعت ابسرعة ......

دخل ابوية

اشلونها رباب وسلم عليها وفر بيها

انت اشلونك ...  شخبار الدور السكنية  اكولك صدوك ابو قيس  ما تنطوني بييت اصغيرون اكعد بيه قبل لا ارتكب جريمة

خيرج انشالله

والله  يا ابو قيس افكر اكتل  سلوى(مرت اخوها)  فشوف بيت لبت خالتك

دوم تشاقه هي  .. بس من اتوفة رجلها صارت ارزن و خففت من  الشقة ..

ابوية

انشالله خير

راح

.....

طلعت اني وعفتهم طلبت

عمتي من حسن بعد الغدة اتظل لليل تتعشة اهنا واني لزكت همين  وياها ...... واهلة راحوا

عمتي لزكت لرباب وخابرت خالتها ام رباب تقبل اتخليها يمنا ورة العشة قحطان يوصلها ..

صبينا السفرة ...رباب واحنه انجيب بالصحون

وصواني الاكل وجواهر كاعد بوسط ابوي وجدي ...

كعدت رباب دتاكل ....... اني ممنتبه لشي بالنسبة صدمة عمر داكل بكل شهية

وامي صاحت وعاطت

كاااافي عااااد  عيني ترة ادري بيكم المن اتخططون

اتباوع لعمتي وابوي وجدي وادموعها طلعن

كااافي عاد كافي

جدي

اشبيج ؟؟؟

ايييي عمي ترة سمعتكم وادري بيكم عيني اتريد ازوج ابنك من هاي واشرت على رباب اللي صافنه عليها واتلوج بالاكل ....غصت من امي اشرت عليها

جايبها حتى اتكولون الها ادري

قيس اتنرفز وكام لأمي

كومي يمه لا تبجين ....كومي

اني هم رحت لأمي ....

وجدي ساكت

كومناها وهي راحت لرباب .....

تصايح عليه

جدي

كافي  على الزاد ما تستحين ......قيس اخذ امك

مو هي هاي من زمان ردت تاخذها عليها لو ما ابوي وكف الكم    وووينك بووويه رحت جوة التربان وعفتني بالذل

رباب مثل المأخوذة وما عارفه شي.... كامت

كوموا يمه كووموا ...الصياح صار كدام اولادها وبناتها الي يفتهمون كلشي

اخذوا امي مرام وقيس واني صافنه ع رباب وعمتي اريد افهم صدك كلام امي شو محد كذبه

رباب

عوفيني جواهر اني صرت وباء كلها ما تريدني ... انه شسويت بحياتي  ..

جرجرت ولدها وكومتهم .

ابوي صاح ع قحطان يكون يوصلها ....

هو متحرك كاعد ويرفك بعيونه

الصدمة اكبر من ان استوعبها رباب وابوية ؟؟؟؟

راحت رباب ...واني لافت لبيتنا  ....

ومرام كالت لقيس

اووف ابوك صدك بس اعيونه عليها خله امي تنفجر !!!!!!!!!

ياالله محد جاي ينفي الموضوع

لمينا السفرة  ....وابوي بالهول يم جدي

رجعت امي مدرعمة

شوف عمي اذا عزيز خذاها عليه انه اروح يم اخوتي و ورقتي توصلني ...

كلنا التمينا من جديد

جدي

كافي عمي عزيز مراح ياخذ عليج مرة ..

ابوي باوع لجدي وكال

ابوية انت و كلمتك ما تنزل الارض و حشى اللي يعارضك بس انت ما يرضيك ظلمي ...

اظلمك ؟؟

اي يا بوية ظلمتني من زوجتني دونا عن اولاد عمي وانه عمري ١٦ سنة ..  ما تفاهمت وياها ردت اخذ اللي انه اختاريتها  ....ما قبلت لخاطر ابوها وزوجت رباب لرفيجي حتى بس ما افكر بيها وهي من اللفة وابوها يكول رباب الك  ...تاليها هسة ياخذها كريم ....لا بوية انه اولى بيها رباب بت خالتي و بت عم ابوي واذا على اولادها  همه ربوا على ايدي ... وام قيس انه لا مقصر وياج ولا متفاهم ...

تعبت وانه اكول الج افهميني وانت طول عمرج متعبتني بالمشاكل .....انه ازوجها لرباب يا ام قيس قبلتي لو اطلكتي ماخذها ماخذها ... !!!!!!!!!

ابوية جان يحجي بحركه ونسى من حولة ونسى الدنيا كلها .حتى ما خلى احد يقاطعه

امي رجعت للبيت تبجي واني وراها اراضي بيها .....

تبجي وتبجي ....ودي اعاتبها ....ليش دوم تناقضة ليش اسوي اللي ما يريده هي نفرته منها وهو ما حاول بما يكفي والنتيجة هاي بمكان ما يصلح علاقته الاولى اللي فشلت لا يروح يبدي حياة ثانية لخاطر راحته !!! هذا الشي خلاني اشيل على والدي ....

اتصلت بيه عمتي

ها عمة اظلين يم امج لو شنو ،؟اني بالسيارة  اطلعين لو لا

لا عمة مراح ارجع وياكم حخابر محسن استأذن منه

***

حسين

ها ما تجي

لا حسين ما تجي ...يلا بينا ...

حسين ....

عيونه

مشينا  اشوية بالسيارة ...مالي واهس للبيت ....

تدلل الگيمر ....

اشبيج  مو على بعضج ...

منتجية على الكرسي وباوعت الي

حيرانه ...

بشنو ؟؟

هممممم برب.....

سكتت مكلمت ....

بيك ...

ليش ؟!!

ما اعرف ....شنو سويت الي وخليتني اعتبرك روحي والنفس الاخذه واغلى

اخذت ايدها ابوسها .....

انت من نوع الكريم يا شيخة .... اللي ينطيج قيراط اترديه ٢٤ قيراط

وخرت ايدها

دسوق سووق وايدها جوة اذنها كانها مسنحه على سريرها ...

كلتي نتفر ...مو اتظلين صافنه عليه ...ترة نرجع للبيت على هاي النظرات

احبك....

اخذت ايدي باستها وحطتها على كلبها ...

عزيزة وغالية جواهر بس الله يعلم مقدارج عندي ....هم تحبيني و تحترميني ...ما يوم شفت منج شي واشرف من الشرف ....

ابتسمت .....

نزلت يم   مرطبات وجبت الها ايس كريم حجم عائلي ورجعنا للبيت ....

بدلت ونامت كالت تعبانه هي مو هلكد ويه الاشياء الحلوة ما اكلت  .... واتنام من وكت خاصة اذا طلعت ...

***

ليان

الصبح كملت شغلي  ورحت للغرفة ...داخذ تلفوني من الشحن دخلت جواهر ....

ليان .... خلصتي ..

اي جواهر ونضفت الحديقه مثل ما كولتي

عاشت اديج ... ليان ... اليوم لازم نرد على الناس

ها يا ناس ..  

اهل الولد اللي خطبج .. 

اي كولو الهم ما قبلت ..

وليش يا ليان  الولد ما يتعيب ...

ما  افكر بالزواج ...الي صارلي عقدني منه

على راحتج ...

اني حيل تعبانه  وضايجة على رباب ...

يا اشبيها خطية

متعذبة اولادها وكحين ما يتحملوهم خوالهم  ... وحماها يريدها لخاطر اولاد اخوه ...انوب عزيز اخوية  كملها من طلبها من جديد

ش شنو

حسيت بخدر بأطرافي      ..وحزن غزاني

اشلون هيج  ؟؟؟؟ اق اقصد اقصد ومرته

بلعت المرارة  بجوفي

مرته يكول معززة مكرمة .... ما يقبل  يتراجع عن قرارة بيني وبينج اني اكره الزواج الثاني ....بس وية عزيز تعاطفت من زمان ما متراهم ويه مرته ... و انوب  رباب وهي طفله دوم يمنا ونلعب اني وياها سوة و هو مدللنا من شبت كال اريدها و حيل حبها من الطفولة

بس كلها وكفت ضده لأن مزوج ...وانطوها لكاظم ....هي كيفت  تحبه مثل اخوها الجبير  وحبت المرحوم ..بس هسة عزيز يريدها  ...

وتفكيره بيها من جديد

اووف هموم الناس اهواي دوختج ...

وكفت يم الباب

عود كولي لأمج ما ترديه للولد اذا اكول الها اني اضوج مني خاف لان كالت اقنعج الولد ما يتعيب بس اني ماحب الح ...

لو بيدي جان قنعتج بقيس والله خوش اوليد وعزيز هم يعزج وضاج من رفضتيه كال حرامات خوش جنة النا لو قابلة

اوووف يا جواهر شسويتي بيه نزلتيني لسابع ارض و طميتني جوة الوحل   مو عادتج الحجي الهواي اليوم شجابج عليه بهاي الاخبار ....اكيد الله رسلج الي اتصحيني ... 

وكفت كدام المراية ....اشبيج خبلة هو خطبج لأبنه بأيده

كمت ابجي

ما اريد ابنه ولا اريد واحد اصغير ...كل يوم براي .....تعبت والله تعبت .... اني ريد صدر ارتمي عليه مثل مايقين   ترتمي على عزيز من يجي ويستقبلها بضحكه

مر علية الليل مثل لونه اظلم حييل

...

من كولت لامي رفضيى

عبالج صغيره اللي بعمرج خلفن من زمااان ..... 

و نزلت عليه دوسة ونص ..

اني ما اعرف احس نفسي ضايعه وبس اريد ابجي رجعت بالتدريج لحالتي القديمة ........

***

يقين

عدت فترة ..بابا على موقفة ....و مرت جدي حجت وية رباب بالموضوع .. ورباب رفضت ....

...

رجعت عمتي من بغداد اتلكتها ام حسن

ها بشري شكالو

حسين جاوب بمكانها

ماكو شي يمة .... اثنينا مابينا اي اعاقة للأنجاب ....

جواهر

بقت يم الله عمة ادعينا

الله يترس حضنك اوليدي

جواهر راحت لغرفتها تعبانه من الطريق  ......

***

حسين

نامت جواهر  الضحى اول ما وصلنا ...

احنه اتفقنا هاي اخر طبيبة هي اتروح الها واني هم سويت فحوصات  وما طلع شي ... والحمدلله هي طلعت شافيه على اخر علاج ...طلعت الادوية اخذتها شمرتها بالنفاية كافي تعب الها .. طلعت عندي شغل ...رجعت العصر ..

شفت امي وخواتي بالهول كعدت يم امي

هايمه بشري اشلون صار سكرج

اكل يعلك اصوم يصير زين تعبت ...

اكولك ...انت متأكد مرتك مابيها شي

اي الحمدلله

جا ليش ماكو طفل لسه يمه اخاف الدكتورة ماتفهم

لا يمة كلشي تمام  كولي ياالله

وهي اشبيها من اجت لهسة ما طلعت من غرفتها....شنو شايلة علينا ...

لا يمة شلج بهذا الكلام ....

صعدت شفت يقين تركض ورة حمودي يزحف سرريع

دربالج لايوصل للدرج ...

وكيح

وكفت يم باب غرفتي

عمتج صدك ما طلعت

اي كعدتها مقبلت تكعد ..  هي عمتي هيج من تطلع من البصرة ترجع حيل تعبانه ...

دخلت ...

شفتها نايمه ...

جواهر

صحيتها واني ابدل ...ما صحت ... كعدت يمها

جواهر ....اكعدي كافي نووم  جواهر

ماتكعد

هزيتها

فزت

هااا

من اشوكت نومج هيج ثكيل انت على خفة الريشه اكعدين

فركت اعيونها

اي من اروح لغير محافظه

عوفني ارجع انام فدوة

رجعت

كومي كافي اسبحي ..و بدلي ما متعود عليج هيج

وهي تتثاوب

اتعود ..

خوش اني اريد اسبح  اخذج بطريقي ..

شلتها ....لا اا لا حسين نزلني ثكيله ....نزلني .....ح حسين

طلعت من الغرفة

نزلني ....

اهنا طلع محسن من غرفته واني شايل جوهرتي وشعرها مطاير على وجهه و صدري  بثوبها الستن الربع ردن .. الولد من صدمته جان لابس طالع رجع لغرفته والباب مسدود انركع وفتحه ودخل مسطول واني حرنت لا اني الراجع ولا اني الداخل ...

ضربتني على صدري نزلني

نزلت وراحت للحمام ...

فتحته

جيب الي غيار وخاولي  وطبكت الباب .

دخلت وراها ....تضحك

على شنو اضحكين بالله ...

على العرج الاوربي ههههه

اخوية شافج هيج واضحكين

عادي مثل اخوية

اف طلعت روحي والله

تعال لرجعها

لا والله ضايج عوفيني حتى مراح اسبح ..

طلعت

......

ببداية الليل مسنح اكنك ..

دك تلفون جواهر فزت جانت نايمه

حلفت ما طلعها محافظات على هاي الدكة

ها رباب .

يا شكو شصاير

ليش طك كلبج شكووو

ياااا اشوكت اخذهم يااااا

ظلت تتحاور ويه رباب تاليها سدته ورجعت انطرحت وجهي كدام وجهه  ... 

اووف  حسين اخو رباب ماخذ ولد رباب وشامرهم على عمامهم هسة

ليش خطية 

ابنها فاشخ بته ... اخذهم اربعتهم شمرهم وظلت المرة اتلوب عليهم يكول الها ماالهم مكان يمنا وكحين ومسؤولية مخلي بس البنات

خطية

اي تبجي   رايده اتروح وارهم ما قابل ورايد يضربها وهاينها خطية هالرباب انذلت بعد ذاك الدلال لا اب ولا زوج

الله يفرجها بس ليش هيج قاسين

ما اعرف حسين .... اني كلت الها تقبل بعزيز ..احسن الها يلمهم بس هي ما قبلت

سكتت  ورجعت العب بتلفوني ..

تدري حسين همزين قبلت ازوج وما ظليت معانده ... اثاري الزوج سند  .. وخرت تلفوني عني وحطته على الميز

جاي اراسل مايكل ..جيبيه

حسين اريد وعد منك لا تعوفني  من وكت

اخذت التلفون   

اعوفج اني ماصدكت احصلج .. بس ارد على الرجال وراجع الج

....

يتبع

يتبع

عيدكم مبارك  وكل عام وانتم بالف الف خير .....ايام العيد اوف يا بنياتي لأن مقررة اعيد 😁

وها صدك شكر كبيييير الكم القصة في المركزة الرابعة عقبال الاولى . .. واريد عيدية منكم تصوويت 😍ادري مستفزة اني 😁 بس بالعيد مو لأن بس لأن اعيد لا عندي  سر  مثل جواهر  هو اللي يشغلني حيل

يقين

واخيرا ارتاح بالي من سمعت برباب اتريد توصل خبر لكريم هي موافقة عليه بس يعقد عليها حتى ترجع يمهم ... قررت اروح لهلي ابشر امي لأن الخبر تازة توني عرفته من عمتي متصله بيها رباب ومبلغتها قرارها من ولدها غابوا عنها ليلة وحده ...!

اتوسلت و رحت وعفت ام حسن تحجي عليه .....

دخلت لبيتنا شفت امي هي جانت بالصالة كاعده و على الهيتر الصغير حاطه طاوة و اتسوي كرص بورك واتلف بنفس الوقت .. بوستها ..

دخل عقيل اخوي وراية ...

وراح يم الدرج ..؟

يوم عندي الج خبر تاااازة بعده محد عرفه

شنو يمه بس لا حبلتي يووم دتخرجي مو كمتي اجرين طول وعرض بدراستج ..

لا يمة يا حمل

خالة رباب سوتها و وافقت على كريم يوووم هم وانزاااح

سمعت صوت شي وكع ... يم الدرج وعقيل باوع الي كانو يريد ينبهني بعيونه يأشر ...نزل ابوي ....عزة جان صاعد ع اول بايه ونزلي من سمع

وجهي انبلع رحت اله واكع منه درنفيس

دا يصلح بنقطة وما شفته وعقيل واكف اله

بوية اشلونك ..لا انطاني ايده ولا خده ابوسه اني بسته ورحت عن وجهه المصدوم ... كعدت يم امي الوجها بعده ضايج ....

هو كمل شغله وراح لغرفته ..من غير كلام

همست امي

شفتيه اشلون انكلب وجهه

ما يفيد ....ابوج برباب بلايها احنه ما مرتاحين ...

ليش يمة

ما ادري لأن غصبوه وهو صغير ...مدري لأن اكبر منه ما حبني يحس نفسه مغبون وانه والله شعلت اصابيعي العشرة شمع من لفت عليه هالرباب باول مرة وابوي وادخل وحافظت على بيتي بس هسة تعبت ...

لا يمة جربي

شجرب

مطت بحلكه

لو بس تتنازل عن كبريائها وتبادر هاجرين بعض من زمان لو اعرف اللي بينهم شنو من حاجز ... طلع ابوية و متأنق.

شنو يمه بابا عنده كعدة زلم

ما ادري .... هسة انت لو صابره الا جايبة الخبر....لو متصلة بيه ...مو كدامه

ما ادري بيه يمه

لو عاقد عليه كريم الا عارف ابوج احسن

اجتنا سمر ناقلة الاخبار ورة ساعة

وجها مبينه عليه الشماته

ومسوية نفسها جاية اتواسي امي

عيني ام قيس سودة عليه رجلج اجاني وجرجر عمي الشيخ وياها

ها شكووو

يريد يروح ويخطبها لرباب من الزلم هالمرة و عمج كله راح اخابر اولاد عمتك و حموين رباب اولاد عمة يجون ويخبرهم

ضربت صدرها امي

عزة العزاني راح ياخذها اذا هيج سوووة

ولج محد يرد كلمة للشيخ وكلها اتريد رضاه

ظلت تبجي وانهارت حيل وسمر تحمي بيها مثل الحية من تبث سمها اني اسكت واصبر وهاي تحجي

اي ولج ام قيس هاي يمكن مسوية اله سحر محبة ....واسوي نفسها ما اتريده وهي من جوة لجوة ساحبته وراها ...

لا وبعد يكول ادللها واجيب الها بيت واربي جهالها اولاد اخوي كاظم

يمة لا اتقهرين نفسج كااافي الله يخليج

.

والله حقها امج جا اشوية رجلها يجيب الها ضرة لا وبعد عدها كومه فروخ راح تاخذه منكم الها ولجهالها واجيب درزن منه بعد حتى اثبته مو امج كطعت الخلف من زمان ...

يمة اشبيج ليش لازمة راسج يمه

وكعت بحضني

يوووم ماما يمة اصحيى

ابجي وهي بحضني راسها ...

سمر

يا ماتت المرة موتها الرجال

عزززة انهاريت من جابت طاري الموت و گلبي دكاته ما تكفي صدري على قوتها

اريد اسوي فعل غير الصياح ما اكدر غصبا عني اصيح حتى تصحى اجانه عقيل ..

وخرها عني على الارض وحط جوة راسها مخده ....

اشبيجن لا اصيحن

لزم ايدها

يقين لخاطر الله اسكتي وكفتي گلبي ..مغمى عليها لا اكثر ولج اشبيج

ها كول والله

دورحي روحي جيبي ماي

جبت ماي لكيتها صاحية

وسمر راحت واجت و وراها مرت جدي ورسل وحوراء ...

سلامتج ام قيس

كعدن يمها

مرت جدي

اشبيج ترة ماكو شي يسوة ... اهم شي صحتج ....هي هاي الزلم كلها نفس الطينة

عنده خير و عنده عزوة وكلها وياه اذا هو حتى قيس يكولة ازوج بوية بس لاتظلم امي

رسل

اشلون صايره هاي يزوج من غير ما يظلمها !!

ضجت من مبدأ قيس دوم يكول زواج ابويه الحل ....نخلص من مشاكلهم امي اتعيش معززة مكرمة ويمكن اصير احسن علاقتهم اذا ازوج !اشلون يفكر ما ادري

المهم لعنت الساعه اللي خبرت امي بموضوع رباب ....قبل لا رباب اتوصل خبر لكريم ابوي اخذ الشيخ وراح ....

رجعت للبيت شفت عمتي واكفه بالمطبخ واتكلي

اجيتها ابجي

عمة شفتي الصااار ابوي اخذ زلم وراح

ادري ....

اكول يقين ابوج ليش هيج راح   اليوم ؟

مو سمعني كولت كولت كو..

تلكات

ابتسمت بتعب

رحتي كلتي لامج مو وعرف استعجلتي يا يقين المهم ...رباب وابوج باجر يعقدون

ش شنوووو

اي لأن رباب حاليا گلبها ينزف على اولادها واجه ابوج قدمهم الها على طبق من ذهب اتفق ويه اخوتها وحموينها عمام الجهال تدرين بينا احنا مثل مصارين البطن الوحده ماكو فرق مدامه  ابن عهم الشيخ وراح يصون اولاد اخوهم الي همه مثل ولده ماخذين عليه ويحبوه حيل ... وامن الهم بيت وحدها و حتى تعهد بالله كدامهم يربيهم احسن تربية مثل اولادة ..

شهكت

يا كلام سمر صدوك راح ياخذون ابونا

لا اتكولين هيج يايقين ذولة ايتام وثواب

قاطعتها بندفاع

ثوابيش عمة ...لخاطري احجي وية صديقتج اتبدل رأيها حبابة الله يخليج

سكتت مجاوبت

عفتها ضايجه من الكل ...

دصعد لغرفتي

يقين

يقين

عمتي ام حسن شتريد اني بيا حال

ها عمة دخلت لغرفتها

اكلج كولي لرجلج باجر الصبح يوصلنا للشيخ

حاضر عمة

انشوف ليان اشبيها اعيونها ما اجف رجعت مثل قبل

على العشا الح عليه اكل محسن كعدت وخاطري مكسور

رجعت ختام

يوم ما اتريد

اوووف يا ليان اشلون بهمها اظل شايلته طول العمر

حسين

يوم هاي هي باجر اشوفلها طبيب زين

واحنه نعرف علته حتى نعرف المن ناخذها ؟

طبيب نفساني يوم

شهكت

ياااا قابل اختك مخبلة ...عوفها عليه معليك

يوم الله يخليج كافي شيوخ ... خليني اخذها لطبيب انشوف سبب الاكتئاب

يمة شنو هاي انوب عليه البنية عليها نفس لو معكدوة قسمتها وهيج صار بيها ... كل ما تجيها قسمة ترفض اكو شي يمنعها .سودة عليه

يوووه يوم

محسن

يوم خل ناخذها لطبيبة مو طبيب احسن

انوب انت هم مثل اخووك

كيفكم اخذوها بس ترجع زينة

مرت فترة وحل الهدوء خمس ايام ما رحت لبيت اهلي واسال عن امي من بعيد لبعيد لان زعلانه عليه وعلينا كلنا ...

وعدة شهر واجتنا الصدمة الثانية استاذ قيس فسخ خطوبته ..!!!

هو خطوبته طولت بسبب وفاء كاظم لأن يصير عمها .اخت  امي خالتي ماخذه حما رباب الجبير ...

هسة فسخ !!

رحت لهلي اعرف الاسباب ....

طلعت البنية ما اتريده اتكول بارد و اكتشفت عنده بنات يحجي ويضحك وياهن وياي جامد اخاف لا يصير بيه مثل خالتي ويزوج عليه ...

اووف بوية عميت علينا كلنا ...

ابوية لهسة ما عقد على رباب هي شرطت الا بيوم اللي ياخذها للبيت والبيت بعده ما جاهز و العقد هم اله شروط  حطتها رباب !!!

***

ليان

اخذوني لطبيب نفسي ..... ما اخذت راحتي ولا اجاوبت وياه بحضور محسن .انطاني مهدأ و رجعت للبيت .. بس شرحت اله حالة البكاء وتذكري للماضي والضغط على نفسي ..

اشوية صرت احسن ... انام اهواي ..واعصابي بارده وما ابجي

جنت احوك كلاوة لحمودي للشتوية الجاية

بغرفتي عازلة نفسي ....

ليونه لينه

دخلت ٠جواهر

ابتسمت بذبول الها ووخرت البكرات حتى تكعد يمي على طرف سريري الصغير

ها حبي اشلونج ...باوعت بعيونها اليزهن خير . ولا كانها امي قبل اشوية سمت بدنها وعيرتها بعدم الخلفة .....

الحمدلله ....

يستاهل الحمد ... ادري بيج زينة من ناحية الصحة ...اني اسال على هذا

واشرت على گلبي ..

باوعت لصدري ..

هاا زين ...

اذا زين ليش سادته لهسة؟؟؟

ما اكدر ..

شوفي يا ليان ...بيوم من الايام جنت مثلج سادته بالقفل والمفتاح .....حتى لا ينجرح مرة لخ ....

شنو استفاديت؟؟؟؟؟

هاا كلشي ما استفاديت غير ضياع الوقت بالوحده و الندامة ......

اخذت نفسها واشوف بحسها تفائل وطاقة ايجابية ..

شوفي ليان الدنيا فرص كل واحد لازم يلزم بالفرصه باديه واسنانه ...

بيوم اللي خطبني اخوج كنت متخوفة لاسباب خاصة ....بعدين من وافقت عرفت هذي فرصة الله رسلها الي اعوض اللي فات ....

الله يخليكم لبعض ...حسين يحبج ..

وقيس هم

ها !؟؟شنو

قيس ....ليان ....قيس دزني اتوسل الج اتقبلين بيه

م ما

شنو تتحجين

شوفي حبي الرجال من يتخيل وحده وما يحصلها .. اتظل بباله ما اتروح ويظل يحس گلبه ملكها.......قيس سولف الي اشلون حبج واشلون شافج اول مرة بكراج الحديقة

تلعثمت واني اذكر ذاك الموقف

وافقي عليه ليان هذي فرصتج ....اخر عريس اجاج ورفضناه قبل لا نكولج جان مطلق وما نعرف شضام اللي عنده تجربة

هذا قيس اتربة وياي .....اعرفه شنو انسان طيب مثل قحطان واشوية ادفى منه  وشخصيتة اقوى...... صحيح هو عنده تجارب ويعرف بنات وهاي السوالف ع اغلب الزلم ..... لكن انت مو مثل بت خالته اللي جبرته ملحه امه يقبل بيه وقبل من جان محبط بسبب رفضج لا انت اختيارة اللي حفة عليه دونا عن اللي يعرفهم رادج حلاله واعرفه قيس شنو ..

جواهر اني تعبانه ...واكبر منه لا همين بعد كم يوم  ياخذ عليه لو يجرحني .. ويصير بينا مثل امه وابوه

ما راح اسمح لهذا الشي يصير ...

انت بس فرحي امج اللي تدعيلج بكل صلاة ....فكري بحسين اللي حاير وين ياخذج حتى اطلعين من حالتج هااي

اشبيها حالتي

متعبة نفسج واللي حولج اشبيج يعني ...

لازم اتركين المهدأ لا تنهين حياتج بسبب الضعف ...

بجيت

بس جواهر اني

اتشجنت كصتها وسكتتني بقلة صبر

كافي كافي عبالي بيج حظ و سباعية تاليتج وحده بس تتبجبج و تردين اتخبلين نفسج بيدج ... اضوج من هيج شخصيات اني

كامت وطلعت ....واني انصدمت من اسلوبها القاسي ليش هيج اتحولت شنو اني لهدرجة استفزها ضعفي .. هو اني ضعيفة ..!!؟؟

***

يقين

كاعدين يم عمة ام حسن .... عمتي اتخط بعيونها ترسمهم بمرايتها العصريات دوم هيج تتعدل ..

و ختام كتابها بيدها وبتلفون ليان تلعب تلفونها ضاع قبل فترة وشو حسين كالت اله امه وما جاب !

وهم ذبتها براس عمتي عود اتحيل بيه ما يصرف على خواته

ومحسن ما تتجرئ ختام تطلب منه علاقتهم بس نگرة  على حجابها الي اطلع منه شعرها لو المكياج ولبسها بس يتعارك ولو ما حسين جان ضربها وجبرها بس عدنا حسين على رأي جواهر بيه عرج اوربي ما يجبر احد على الامور الخاصة يعوف الشخص يصرف  بقناعته

ام حسن

بمكان ما اتخطين بعيونج واسويهن مثل عيون الساحرة ....ما اتكولين لحسين يسفرج برة يعالجج

مو تعالجت !؟؟

يوه دكاترة العراق كلشي ماكو حتى العاگر يكولون الها مبيج شي لا فهم ولا علم

سكتت عمتي من بدأ التجريح ...

اجتنا ليان طلعت من وكرها ...

مشطه ولابسة تراك وردي

جواهر ...

بلي !؟

اني موافقة على ذاك الموضوع كولي للجماعة

ابتسامتها عمتي شقت وجهه

اي هيج هاي الاخبار الحلوة .

عمتي ام حسن

يا اخبار ....شكوووو !؟؟

وانت تحجين ويه مرت اخوج وما اكولين لامج شنو سالفتج

ها جواهر جواهر هي اتكول

شردت....

جواهر شنو يا جماعة هااا  ذولة؟

عمة ابن اخوية يريد يطلبها مرة ثانية بس ما يريد يتفشل فطلب مني اشوفها ترضى لو لا

والحمدلله رضت

يااا صدك ....صلووات

اتغير  عمتي اسلوبها ويه جواهر 

جواهر  ضحكت عليها

و اني انصدمت جنا انريد نصلح بينه وبين خطيبته  يا ليان هاي .. 

ما انطتني جواهر فرصة احجي وياها .. ما صعدت لغرفتها ابد منا من اجه حسين .

و صعدت وياه ....

الصبح ما طلعوا من غرفتهم وهاي من حسين ما يطلع من البيت ما يخليها تنزل

عود الضحى الا تطلع تسوي الغده

الضهر الا طلعت 

عمتي ام حسن سوت غده وهي ساكته اي اذا جواهر البارحه فرحتها مراح اضايقها ...

اتغدت وصعدت لغرفتها كالت تعبانه

حسين ظل وية محسن يلعب بلي    ..

العصر نزلت  وكالت الي ..

كولي لمحسن  انروح لهلي  .واصعدي بدلي انت وابنج

عمتي ام حسن

شنو هي كل يوم طلعه

ابتسمت جواهر

يلا يقين

هااا

يلا كومي

اي حگوم بس انت كولتي لحسين طلع ترة ؟

لا هسه خابرني راح يجي وبكل الاحوال هو يقبل

عمتي

كل يوم طلعه وهذا حسين ما يكول لا

صادفت ويه دخلته

فكال

لا

بس على شنو  ؟

جواهر

ههههه اريد اروح لهلي

لا مو تعبانه اشعدج رايحه كل يوم

ابتسمت

راح اروح

وهزت راسها فوق واسفل ببطئ

بمعنى اروح اروح

مااكو روحه ...صعد لغرفته..

عمتي كيفت واشمتت ...

جواهر ضحكت

يلا انت البسي

هاا مو حسين ما قبل

عجزت واني اكول الج صيحي عموا

ما حتى هو يضحك عليه

ادخلت ام حسن

اتكبرين بالولد

هي بالهول كاعده واحنه يمها

روحي البسي ربع ساعه الكاج جاهزة واذا ما تردين ترحين مو جبر

لا عادي اروح

ام حسن

اخاف محسن هم مايقبل  وحدج تحجين

مثل عمتج

لا عمة اذا عمتي راحت وحسين يوصلنا يقبل من غير جدال ... حروح ابدل

اخذت حمودي ورحت ...

بدلت وعمتي لهسة مطلعت تأخرت اووف لو تبطل ثقتها الزايده عبالي راح.تقنعه ونطلع اشو من الغرفة ما خلاها تطلع

تهي بيه ذبيت عباتي وام حسن تضحك عليه لأن انضربنا بوري ...

نزلت عمتي ...تعدل بعباتها

هاااا يقين البسي عباتج على ما عمج ينزل

هااا راح انروح

باوعت لام حسن

اي اكيد انروح

يعني حسين قبل

اي هو يكدر يرفضلي طلب مثلا ؟

ام حسن 

استغفر الله

منو يوصلنا

اكيد حسين ..بس ديسبح

هاااا

عتبي على ابني ما يكول الها عيب كل يوم طالعه

لا عمة كال  بس اني قنعته وتعبني بصراحه ...لزمت خدها ...بيه حمار موهج

ضحكت و عرفت اشلون قانعته

نزل  يعدل بياخة قميصه

وطلعنا وراه ...

رحنا لبيت جدي سلمت وكالت عشاي ببيت ابو قيس ...

امي مثلكه الوجه على عمتي ..

خلصنا عشا كعدت عمتي و كلنا يمها  وابوي يشرب كهوة مدمنها  و عمتي تشرب وياه

اني ما احبها دشرب عصير طبيعي وامي هم

قيس يباوع لعمتي ويأشر الهاا .ضحكت

ابوية

ها جواهر اشعندج اضحكين ....طبعا جيتج مو خالية

اي والله ابو قيس جيتي مليانه كلام من ورة ابنك

باوع لقيس

اشبيه هالمخبول عاف بت خالته و الناس اكلت وجهي

عزيز لا ضغطون عليه

المهم قيس يريد ليان اخت حسين تدري هو شافها وعجبته وخطبها ورفضت وهسه حجيت ويه البنية موافقه

قيس

اي بوية عجل عجل حباب

هااا هيج مستعجل جا اشبيك من خطبنا الك بت خالتك تأجل وماكو

بوية هسة كلمن وراح لحاله ..

مو خاف هم تخجلني  كدام حسين وهذا بيني وبينه مصالح

بندفاع

لا والله ارفع راسك

يحجون وناسين امي اللي كاعده ولا كانها منهم ولا لرأيها أهمية .... بس جواهر تحجي وية ابويه

انفجرت

انتم شتحجون ....اني اخذ لأبني وحده اكبر منه ورفضته مرة و همين اخت السعلوة رغده .....والله ولا اقبل

عزيز

ابنج رايدها

سأل عمتي

وشنو رأيج جواهر بفرق العمر

لا يا ابو قيس مو مشكلة العمر هو كل الي بينهم سنتين والبنية ناعمة وتخبل وحبابة

قيس

واني رايدها ترة ومصر هالمرة عليها

نزل الخبر على امي مثل الفاجعة المفاجئة

عمتي تحجي ويه بابا وبابا وافق ..وكال  الها بلغي النا زوجج نجيه وماكو داعي للرسميات وزلم بس احنه نطلبها منه احنه اهل

ابتسمت عمتي من وافق ابوية يخطب ليان

وامي احسها راح يصير بيها شي من كثر الضغوط الي عليها  اخذت منها كلاص العصير  اجه يوكع من ايدها  ..........

راحت عمتي اندارت لبيت جدي لان ما شافت جدي العصر ... اني ظليت الاجواء متوترة حسيت اكو عركة راح ادير بين امي وابوية لأن اجاهل رأيها قيس لبس وطلع  اني واخوتي الاصغر مني بالبيت

وسمعت صوت امي العالي طالع من غرفتها

اني ما اطيق رغده ما اخذ اختها لأبني البكري ...

طلع ابوي

اروح لبيت ابوية احسن

وين رايح تمشي وراه دخلوا للهول

كلة من اختك هاي اتريد اتنفك حماتها وتخلص منها على حسابي

بكلشي حاطه جواهر بالنص انتي ....

حط تلفونه بجيبة

كل منها هاي اختك مشيتكم وراهما مثل القطيع حتى اتريح نفس.....

قاطعها جازع

يا مرة شنو احنه خرفان ونمشي مثل القطيع

اني ادري  زوجتك صديقتها وهسة اتريد اتمشي حماتها علينه ....اني اريد بت اختي

طلع وعافها تحجي حسيته  صايرجدا بارد ويه ماما جانت من تعصبة يفقد وحتى يريد يضربها بس هسة هز ايده وراح تاركها ...حسيته ما مهتم لشي بعد اللي يريد حصلة و عادي متحمل امي وما يشكي ....

رجعنا لبيتنا واني طول الطريق ما حجيت وية عمتي ....

ثاني يوم ... اجيت من الدوام سالت عن حسين ختام كالت طالع ... فعرفت ابني وعمتي وحدهم بغرفتها ..صعدت ولهانه على حمودي ...

دخلت ...لكيت حمودي يشمر بالمكعبات وضهره عليه هو عمتي  ما شافوني هي كاعده على الارض

اي رباب موتينا اني وعزيز بس تأجلين مو كولت الج  البيت كمل خل نطلع اني وياج

نشتري الاثاث ليش اجرين طول وعرض

ظليت لازمه الباب ومادخلت كلي وما طلعت صوت اساسا حمودي يناغي ما خلاها تسمع يدة الباب من فتحتها

اجمدت بمكاني

اي رباب لا اشعلين كلبه خطية ... ادري ادري بشرطج القاتل بس يعقد عليج حتى يلم جهالج  ....بس اني ادري اكو تغيير يصير ههههههههه

تضحك اول مرة احس نفسي كرهت هاي الضحكة وحسيتها مو ساحرة لا ماكرة

اي يا رباب اني اخطط واتعب و انت باردة وياه مو خطية لعزيز ....

ههههه

اي اي كلة من وراية اني زوجتجياه وخليته يخطبج بليلة حمره من وصلت اله خبر قرارج الغبي ههههههه ولج كريم يحب مرته وبس يعقد عليج اظلين اهناك خدامه لمرته مذلولة اما عزيز يبوس الكاع التمشين عليها سوالج بيت الج ولجهالج اتعيشين حياتج معززة مك...

سديت الباب ورجعت لغرفتي مخذولة الخاطر

هاي عمتي هيج لعبت بينا !! كالت الي قرار ربااب واني رحت مثل المصروعه وصلت الخبر لهلي كله تخطيط ورسم منها ....واني جنت لعبة بأيدها ما انكسر خاطرها عليه واشوفني اتوسل الها  تقنع صديقتها بالرفض ... ما اتخاف بيتنا ينخرب !؟؟ هيج كلنا مشيتنا على قرارتها وافكارها ..... حتى ابوي واخوية يمشون وراها عميان .........

ما تهتم النا ....احنه بنات اخوها اذا ابونا اتزوج اشلون راح نتأثر ...... امي عدها حگ من جانت اتكول عمتج اتمشينا وراها مثل القطيع ....اشكد غبية و طيبة اني لعد

حتى حسين مشيته وراها مثل اللعابة حتى عمتي ام حسن عايفتها تحجي  وتلذع وهي مشية البيت على كيفها ...

ليان وراح ازوجها وبعدها ختام يمكن هي هم تدخل بيها .....

حتى اني ومحسن شكول النا نسوي ونشمي وراها ..... تاليها زوجت صديقتها لبوية و خطبت ليان لقيس ولا فكرت ..

رجعت الها دفعت الباب  مندفعة حيل 

هيج لعد .... انت اللي مخططة لزواج رباب

باوعت الي مستنكرة شنوو  اني شعلية

تحجي بكل براءة  اشلون جنت مخدوعه بيها

يقين ابوج رايدها من سنين ...كافيه عذاب

انت اكيد سمعتي المكالمة ....مو مهم هسة بس افهمي ابوج ويه امج ما مرتاح ما يحبها ...خليه ياخذ حبة ويرتاح

شنووو حبة بالله عليج عمه اتقبلين عمي حسين يزوج عليج اتقبلين

تنهدت

اوووف يقين ماكو اي مقارنه بينا ..

عوفج من ابوية ورباب

ليان ليان كل ما اريد اكولج اشلون تخطبيها لقيس وهي اتحب ابوه ما يصير مجال

عادي خل تحبه راح يصير عمها  وابوج حنين راح يعوضها الحرمان

شنو !؟؟؟

هي اتحبه وجانت مخيلة عليه كزوج

لا ابد ليان ما تحبه كزوج هي موهومة وقيس راح يعوضها  البنية تعبانه لازم احد.يوجهه صح.... و اهم شي صحتها اني ما ردت نخسرها للبنية وهمين اخوج رايدها ..

لا والله انت لان اتحببها واتكرهين امي هيجي سويتي انطيتي  لرباب رجلها وراح ازوجين ابنها وحده تكرها ... 

راح اتحبها ليان تنحب واحسن الها من بت اختها المنافقه كل يوم اختها وبتها اتشبع كاله شكل عليها وهي يا غافلين يرحمكم الله

والله عمة بعد السمعته مراح اصدك اذا اسمع ازوجين محسن عليه لغرض يخصج.. اخذت ابني جريته  منها بجى

وركعت الباب وراية وطلعت ...

يتبع

يقين

كعدت الصبح .... بدلت لحمودي و نزلت لجوة اتريكت وريكته ...جانت  ام حسن بس كاعدة .... انطيته الها ورحت للخط ما وديته مثل العاده يم جواهر !!

من رجعت ورة الضهر  دخلت شفت بس جواهر كاعدة وابحضنها احمد يلعب وهي تلعب بالفون .... اخذته منها انتبهت لوجودي و رحت صادفتني ختام

اشلونج ختام

هلا اجيتي 

اي هاج حمودي  بس ابدل ...صعدت لفوك

نزلت اتغدة لكيت الاكل محمى وجاهز كالعادة   على الطاولة ....  ما اكلت منه طلعت جبن و سويت لفة ورحت لختام اشوف حمودي .... ويه طلعتي صادفتني جواهر دتدخل وشافت الاكل ع حاله واني بيدي لفة

ليش ما اكلتي ؟؟؟

ما جاوبت ورحت .... مشت وراية

يقين ...ليش جاي هيج تتصرفين ..تعالي

سمعنا اهنا صوت حمودي يصرخ بأعلى صوته ....ركضت على صوته شفت ختام شايلته وهو يصرخ بدموع و يرافس ..

جواهر

اشبية الطفل

ختام

انچوى  والله ما ادري اشلون مشى للصوبة

الدنيا توها بدت اتبرد وكمنا نفتح صوبات

ابني راح مني بس يبجي وايده حمر ...

يمه ابني

كعدت ابجي

اجتني عمتي ام حسن وعرفت منچوي

فاهية جويتي ابنج ...ما اديرين بال عليه

ثولة

عمتي جواهر   اخذت الولد منا وراحت .... اشوكت لبست عباتها ما ادري ....

وحسين اجه وراها اضاهر جان نايم وصحته بسيت بيتي اني اريد البس عباتي فوك وفهيت ..عافتني عمتي واخذته . خبصتهم بالاتصالات وعمتي فوك راسي ام حسن تلوم بيه

سديت الخط من جواهر  كالت طببنا للحرك ومابيه شي انشالله لا تخافين ...

سديته

يااارب كون صدوك مابيه شي

اجانه محسن جان توه طالع ورجعنا  من اتصلت بيه امه..

اعيونه بكصته

اشبيه  حمودي

ختام خلت وشردت لغرفتها

امه جاوبته

مرتك الفاهية تتغده وناسيه ابنها بالكيعان اكيد يأذي نفسه

هم لامني واني دموعي ما جفت انتظر رجعتهم .....

رجعت عمتي شايلته .... رحت الها ركض ..دمعته بعينه  مغمض وايده ملفلفة بشاش و الايد الثانية لازم بيها نستلة بس راخية اتريد  توكع ومبرطم ابو الوجه الابيض .

اخذته منها ... اجاني محسن اخذ مني وراح للغرفه بعد ما سال حسين عن ايده

اخترعت من كالو كشطوا جلده وضمدوا سودة عليه ....

نزل محسن واني جنت اريد  احضر اله عصير بالممة من يكعد يشربة مع النستلة ماصعدت ..

حسين خو ما يظل اثر .  .

لا تخاف فترة ويروح

ام حسن

مرتك الفاهية اشوكت اتخلص دراسة وتفرغ لأبنها

ظلت تحجي عليه ومحسن بس خزر بيه حسسني ام مهملة

ختام

اني اقرة وهي حطته حتى ما انتبهت اله

يمتى ما جنتي لازمه كتاب والله

جواهر نزلت مبدلة  ..

ام حسن

هسة الولد خطية لو دايره بالج مجان احتركت ايده

جواهر كعدت يم حسين وحصرته هو يباوع الها مبتسم

جواهر

القدر وصار  والملامة ما تفيد ... يقين ثلاث مرات باليوم اتغسليها بصابونه ركي واتحطين المرهم

ام حسن

المرهم  يحركة انحط الها شكر  هسة يصير مثل الورد

جواهر

يا شكر عمة المرهم يطيبه

انت شفهمج هاي ولدي جنت احط الهم مرهم  كل ما ينچون يصيرون مثل الورد

جواهر

مشبعتهم حروك وهسة اتلومين بالبنية

كالتها بشقه

ومحسن ضحك  واشوية ارتخى

خله امه اتضوج

انت شفهمج بالخلفة هااا   حابلة جايبة

حسين

يووووم !!!

شكلنا هسة

جواهر

صحيح الله ما رزقني اطفال من رحمي

حسين ضاج عليها

جواهر لا حب......

اوكف حسين بس خل اكول لأمك اني  ياما أطفال وكعوا على ايدي و اركض بيهم للدكاترة و للمستشفيات يا ما كمطت و رضعت ممات ... اكثر من عدد اولادج يا عمة  من واني طفلة عافوا طفله يمي أربعين يوم اني اهتم بيها ...وهسة ما اتباوع لوجهي  ...

اخر جملة كالتها بصوت شفاف وطغى عليه الحزن والزعل

.....

لليل  بدأ التأنيب ياكل بيه .... هاي عمة جواهر الي دوم امشي وراها  واتبع خطاها ...اشلون انطاني كلبي ازعلها ....

رحت دورت عليها ماهي بغرفتها فارغة ... نزلت ... لجوة ...اريد ادخل للمطبخ واسمع صوت عمتي ام حسن العالي

يعني باجر هم طالعه

اي عمة غير اجهز وية رباب البيت .مابيه اثاث ..

ما عدها خوات

عدها ...بس هي ما عافتني من جهزت ..

دخلت

اها

***

ليان

كاعدين بالمطبخ نحشي كبة برغل لباجر وحسين كاعد ياكل حشو منتظر اتصال حتى يطلع .. وامي بس كاعده يمنا من خابرت رباب جواهر ...جواهر كالت لحسين باجر الصبح اروح وية رباب نشتري بعض الاغراض ونحجز همين

وامي ادخلت

دخلت علينا يقين وجانت معصبة حيل واعيونها على عمتها يترسها التانيب والملامة

اهاااا راح اجهزين بيت بابا على ايدج ..!!

هيج يعني صارت الله يشربج من نفس الكاس انشالله

دعت بصياح على عمتها كدامنا

وطلعت ثايرة .... جواهر عافت اللف وغسلت اديها وصعدت ..

امي كالت

هههههه حقها والله جا ازوج ابوها وتسكت

حسين

و جواهر شعليها

هي مرتك كل البلى بيها

***

حسين

شفت جواهر صفوا بالها متعكر ضجت عليها ...

طلعت وبنص الليل الا رجعت تعبان ..

واليوم جواهر ما منتظرتني نايمة ومطيه الي ضهرها ....

بس اخذتها لحضني ...

الصبح هم شفتها تعبانه وكالت راسي يوجعني ... اجتي سيارة بيها سواق ورباب دكوا عليها وطلعت ....

بالليل الا التقينا

جوجو  باجر نطلع نغير جوو

من غير اهتمام

اي

نمت يمها

اي ليش اليوم هيج كله ضايجة ...الصبح وكولتي راسج يوجعج هسه اشبيج ...

حطت راسها على صدري ...

خاطري مكسور يا حسين

سلامته لخاطرج ما سلم  اللي يكسرة

بس لا من يقين صرخت بوجهج انت لهسة ضايجه ؟؟

محملتني ذنب امها ... ماتدري اللي سويته لخاطرها هي وخواتها

الي صار مو قليل هي عرفت بسعيج بزواج ابوها على امها ...

ااه حسين حتى انت ... ما اكدر اظل بارزة كدامك بلا مشاعر جاحدة وراح اكول الك سبب تصرفاتي

اني من جان عمري ١٧ سنة رغم صغر سني لكن من اخوي قرر يزوج على مرته اتوسلت لأبوي ما يكسر  برباب وتنزل على ضرة ولا انطيت بأم قيس لكن هسة اني سعيت

لأن اخوج ما اتراهم وياها ...كنت افضل اتبعدين نفسج عن هاي الامور ...شفتي خسرتي ثقة  يقين بيج

حسين ..... انت روحي مراح اضم عليك ... اني جنت راكنه نفسي على جنب وما ناوية ادخل .. بس  عزيز هاجر مرته و كلش نفسه مو بيها لان تزوجها جبرا وهي اكبر منه ب٦ سنوات ... ظلت نفسه ما متقبلتها وبين فترة وثانية يهجر  ويرجع بسبب ضغوط الاهل عليه وهو يحب والدي ما يحب يكسر اله كلمة ..  لكن بهاي السنوات حتى ابوية ما كدر عليه ... انفجر وتركها ...وراح ازوج بالخفا بالمتعة .. و الاعظم من هذا ابنه قيس اتوسل الي احاول ويه رباب تقبل حتى يحفظ سمعتهم اذا طش الخبر يريد ابو يستقر ويه الرادها لا الامر يكبر من عن هذا الحد ...

شنو هاي لهلدرجة واصلة علاقتهم  وقيس عارف

اي لهدرجه ولو ما عادتنا جان طلكها من زمان دوم اتحسسه بالنقص و هي افهم منه ماكو تواف ..........اني غض النظر عن مشاكلهم ...........سعيت حتى يطلك ذيج بت الشوارع ام المتعة لان بدت تفرض سيطرتها وكايل لأبنه اريد ازوجها كدام الناس واعلن ..

هاي شنو

اي  من وافقت رباب تركها  اني كولت بمكان ما يجيب ضرة لمرته ام متعة . ياخذ اللي رادها و اللي هم ضايعه وتنذل اذا قبلت بكريم ما يريدها ولا نفسه تتقبل ياخذ مرت اخوه ... يعني اهناك بس تخدم اظل هم ماعدها سند .......اووف رغم هذا من ترك ام المتعة ظلت اتهدد بيه تفضحه كدام الاهل ... ودفع الها مبلغ

شورط نفسه عزيز

اي ورط نفسه ويه هاي نغم لحد هسة خايفه لا هم تضهر النا مرة ثانية

انصدمت من ذكرت اسمها نغم وتزوج بالسر !!!!!! نغم   وزواج متعة !!!!!

نغم وعزيز  !!!!!!!!

رجعت لشغلتها على رغم مساعدتي الها  ورجعت تصطاد زلم زنكيلة  و تسحب منهم !!!

حسين حسووون اشبيك صفنت لا يكون انت هم مزوج عليه متعة ...

وخرت راسها عن صدري واني عفت السكف الصافن عليه وصفنت عليها من ضربتني بخفه على متني ..

لا هيج اريد انام تعبان

درت راسي وحطيت المخده عليه

تعبان لو ضجت من عرفت بست نغم مزوجة اخوية ....لا يكون تحن الها

وخرت المخده من فوك راسي

وصفنت عليها ...

شنو ؟؟؟؟

هزت بحواجبها

اي ياباش مهندس لا عبالك نايمة على اذني ......

جواهر انت اتعرفين نغم

لا حشى قدري اتعرف على هيج ناس قذرة

شكرا الج يعني اني قدري قذر واتعرف عليها شكرا

حشى اني ما ازوج  الا الشريف

اشلون عرفتيها

اني من كال الي قيس وذكر اسمها عرفتها نفسها

واشلون عرفتي اسمها

هاا هههههه تذكر المهلة اللي شرطتها عليك قبل الزواج

حطيت ايدي على خدي منتظر المهرة الداهية تعترف

حجت بفهاوة و تمثل الرقة

ايي اني حصرتي يعني خليت احد يراقب شقة الؤنس مالتك ..

اهاااا

غمزت

اييي سايقي اله هجمت عليه بسلاحك

اشوية واهجم عليج  بسلاحي ترة صبري نفذ  شنو هاي خططج ؟

مو خطط تدابير اشلون  امن بيك لعد المهم

شافها هي تجيك للشقة بس محد فتح الها ...شكره وشعرها كصير راقبها من راحت لبيتها و سأل عنها وعن اسمها وجابلي عنها كلشي ......

اي

اي وظليت مراقبتك ابد ما رحت للشقة ولا التقيت بيها اطمن الك وهاي هي

حجتها ببساطة و واخذت شفتي ببوسة طويلة  .. وخرتها من فوكي وصرت اني فوك وهي تحت

هيج ام التدابير  .... اوراقي مكشوفة يمج

هزت راسها وهي مغمضة تعالي لعد انشوف اوراقج ...

***

ليان

تم زواج عزيز من رباب بيوم العقد راحت جواهر ويقين راحت اتواسي امها ...

رجعت جواهر وكالت اخذها لبيته هي وأطفالها ورجعت رباب ولدها الي كل واحد منهم ببيت من ابيوت عمامه ....

احس بنار بيه تدبي اشلون هيج ورطت نفسي بقرب عزيز واني متعلقة بيه بفكاري ....

***

حسين

جواهر كافي بس تتصلين

اوكف خل اترد.

هااا رباب بشري ....شنو صار

شنو يااا خرب ههههههههه يلا يستاهل خل يصبر

هههههههههههههه

لبوتي تضحك من كل گلبها .

كاعد على المراية احسب بفلوسي وبالي صار يمها ...من نهت المكالمة

هههههه حسين رباب طارده الرجال ههههه واليوم مصرة ماخذة  اولادها وياها هههههههه

والله خطية احنه اتلعبون علينا

هههه حيل يستاهل قاهرني منو كاله يزوج نغومه والله رباب كون ماتقصر وياااه واطلع حيف هالمسكينة ام قيس

انتي شنو من تركيبة هاا

هههههههه انتم مستفزين يا حسين

استغفر الله هي ازوجه بيدها وتكلب عليه فد عقول عدجن

اشبيهن اعقولنا !؟؟ احسب افلوسك احسب لا اكلب عليك

***

يقين

امي منهارة وانكسرت .... الصبح .. شو راحت للغرفة مال بابا .. طنكرت طلعت كل ملابسة ونزلت وحطتهن بغرفتها وكسرت الاخشاب .... قيس وخرها طلعها

يمة الله يخليج ...لا اسوين بنفسج هيج

ضربت قيس راشدي

ولي عني مو انت الي اشجعه وليي

دفعته

اييي

ولي ولك ولي

راح وهو لازم خده مصدوم

اني ومرام اخذنها

تبجي و تعبانه لغرفتها  ... 

مرام عدلي ملابس ابوج بكنتوري ..

كمت ابجي وياها بوست اديها

شفتي عمتج شنو سوت ...

اي يوم شفت والله لساني ما خاطب لسانها يوم اني ما ارضى عليج ..

حضنتها ....

سمعنا صوت هورن .. عرفنا مال بابا يريد واحد يفتح اله الباب

همست

هذا بابا رجع ما توقعت يجي اليوم

امي وخرت عني

اني داخله للحمام مرام جيبي وراية ملابس

شو اخذت علبة مكياج ورادت تطلع

كالت

ثوب لونه زاهي مرام

طلعت للحمام .. 

اني ومرام وحده اتباوع للثانية

كعد ابوية بالهول واجته اختي الصغيره اتلكته واخوي هم الصغير حطه بحضنه بوسة ....

سالت بابا متريك ما رد

طلعت امي لابسة  فستان ازرق كصير اشوية و مشطه شعرها الرطب وحاطه مكياج ناعم

ها صباح الخير يا عريس عساك ارتاحيت هسة ؟؟

نزل اخوية من حضنه ..

باوع الها بوجه تعبان

جوعان ام قيس ...

مطت حلكها وكالت اها كومي سوي اله ريوك مرام  ..

اي يوم حاضر

اريدة من ايدج  .  

هزت ايدها وكالت ...  ايدي تعبانه .. وراحت لغرفتها ...ابوية صعد لغرفته واحنه وحده صافنه ع الخ ..نزل اضاهر شاف الدمار اللي بيها ..

مرام يقين

هاي اشصاير فوك

مرام

بابا زلزال

امجن مووو

اي بابا

لعد ملابسي وين شنو حركتهن

مرام

لا بغرفتكم ...اقصد غرفتها

هااا

حك شاربه وصفن اشوية ....

ودخل عليها ...  اني ومرام انحوس بالممر     

سمعنا صوت امي

روح الهااا رووح اشعندك جاي

ما نسمع جوابه

مرام

راح تعلك والله

اشعنده اجه

اني ادري

شو اشوية وسكتت امي  .....

***

ليان

جنت اشتغل ... واندكت الباب ...راحت امي تفتحها لان جواهر ما تفتح بيبيان ابد

وختام ويقين بالدوام ..

واني انظف زوري سمك صغير بالمطبخ ..

جواهر بغرفتها ...

اني كاعده بباب المطبخ الي اطل على الممر الخارجي وشفت مرت عمي ابو ناصر و  بتها ..اتباوسن ويه امي ودخلن

غسلت ادية ورحت طلعت الهن بالهول كعدن سلمت

مرت عمي

هااا ليان على الخير سمعنا راح اتناسبون ابن الشيخ مرة لخ ..

امي بفخر

اي مرتين خطبها ورفضنا ..ورجعوا النا وكلنا عيب منهم

اهااا بالعافيه عليكم النسب قابل ما نفرح الكم نبقى اهل ...

اشكرج عيني

اكلج ام حسن ترة ابو ناصر وابو حسام وابو عبدالله  (عمامي )

ماخذين بخاطرهم منكم

ها خير بعد هالكطع شنو جد

الكطع انتم بديتوا بيه و راد ابو ناصر الوصل وابنج جافي

الوصل بعد ما اتخليتوا عنا ومن صرنا بخير الا ذكرتوا الوصل

يا عيني لا اصيرين شيالة  احنه الماضي ركنا على الصفحة ... وعمام اولادج ما يردون هاي الكطيعه سو الهم خاطر وخل يحضرون مشية ليان

هااا انتم من وين دريتوا

جنج ما تردينا ندرة

طبعا عرفنا دارين من رغده موصلةخبر الهم لانها على اتصال ببنت عمي ابو عبدلله ...

يردون يحضرون الكعده مالتي اني ما عندي اي اعتراض بس كون  حسين يرضى ...

وية ما ذكرت اسمه .. سمعت صوت سيارته

كومي ليان اخوج اجه من برة

كمت فتحت الباب دخل ..

دخل انصدم بيهن ...

احلام ظلت صافنه عليه .. خطيبة الطفولة  من جنا زغار ابوي يكوله احلام الك ...هسة احلام تزوجت وعدها اولاد  ...

كانها استحت ...مدري من السنين والسمنة الي غيرت من شكلها  لو لان صارلها اهواي ما شايفته سلم عليهم بثكل ........

اكعد عمة وين رايح

ها ام ناصر اشوية عندي مشاغل ...اخذو راحتكم انتم

لا عمة انتظر ..

كعد ولبى طلبها ومبين على اعصابة كاعد ..

دتسولف وياه واتعاتبة مرت عمي ...دخلت جواهر ... كالعاده تلبس ثوب حيل ضيك يبرز خصرها النحيف من محسن طالع . و ربع ردن ابيض وبيه ازهار وردية كبار .. والذهب ماخذ مكانه بجسدها .. وشعرها ضفيره متينة ازين ضهرها .. و تلبس شحاطه كعبها خشب داخل البيت حتى على الفراش مخصصتها اتخاف على بشرة قدمها

من دخلت ما عبالها تلكه ناس ما تعرفهم لهذا جانت حيل مصدومه مثل الي حرنت لا تكدر تكمل ولا تكدر ترجع جانت متردده

واعيونها على احلام

يتبع

البارت اقصر لأن صار يومي ومتعب لاناملي الفتانة😁 لا عدا الشقة الكتابة مضرة على العين واليد بس شسوي القلب وما يهوى احب القصص

حسين

امي كالت

هاي جواهر مرت اوليدي حسين

تعالي يمة سلمي على مرت حماي ام ناصر

اتقربت جواهر وما كان بودي تطلع الهم ولا تتعرف عليهم

ها اهلا وسهلا ... اتقربت سلمت على ام ناصر .... بس ما عجبتني نظرات احلام لجواهر اللي سلمت ابسرعه وطلعت

ام ناصر

هي هاي بت الشيخ ...

كالتها بغيض ...

اي هاي مرتي ...

كلتها مبتسم ... اللي ادري عنه خطبوها لناصر وما انطاهم الشيخ وهسة  اني تحت حماة من ضمن اولادة اعد ....

احلام

على الخير ولو انتم ما عزموتنا وسويتوا أفراحكم بوقت احزانه ....

امي كالت

من اتوفى ياسر يا يمة ما ندري صادف بنفس وقت ملچة رغده

اي وما انتظرتوا الحزن يخلص و زوجتوها

امها سكتتها ....

هسة مو وكت العتاب ...وانشالله ماكو عتاب بين الاحباب ... بس يمة حسين .. لازم تقدم عمامك لناسك ويجون يخطبون  اختك منهم هاي الاصول ترة

ليش  اختي و يطلبوها مني واحنه هم صرنا اهل ابو قيس نسيبي   ما يحتاج كعده رسمية ...

كلتها متقصد اسمعها  وافهمها اني وين صرت .... وسويت الي رادو عمامي  ..

اشوية وراحوا ...اجتني امي تلوم يمة اشبيك جنت تحجي وياهم هيج  مهما كان ذولة اهلكم

يا اهلي انت الثانية ......

رحت للغرفة ناسي تلفوني  اني رجعتي هيج وقت على مودة ...

شفت جواهر كاعده ومطيتني ضهرها ...

جوهرة

كعدت يمها

ليش ضايجه

هاا حسين رجعت تاخذ تلفونك

اي بعدها يقين ما تحجي وياج

هزت راسها ب اي

حبيبتي لا اضوجين مسألة وقت

ما اعتقد

اني نصحتج لا ادخلين نفسج بهيج امور

اشلون ما دخل نفسي .. ذولة اهلي من يدخل عيلنا عزيز بوحده بت شوارع حتى بس يعند وية ابوي ما ادخل 

المهم هاي الحية نغم اتخلصت منها واتحمل العواقب

نغم نغم هسة حتى اسمها كرهته

اهااا اخاف من اذكره اتحن الها

ولو هي كلامها يزعج بس على العكس حبيت شكلها وهي غيرانه ....

كوم حسين ارجع لشغلك

اي دوم ضايجه صيري مثلها

وكفت ثايره واني اضحك عليها

منو هاي اصير مثلها ...نغم الفاسقة ؟؟؟

اعيونها صارت اكثر اثارة وهي تخزرني بقوة و مصعد حاجب ومنزلة الثاني

اروح الم ملابسي احسن

هههههههه

ها صدك فتحت الكنتور ...وكفت يمها واحك بلحيتي  اضحك عليها

نزل الي الجنطة ..

دتعاي جريتها

اشرت بحواجبها

ارووح لا تلزمني

حضنتها من خصرها .....

انت ما الج شبيه ........... انت وحده وحضيت بيها اني ............ منو الي اتجي يمج شي؟ ....... محد انت وبس ........ لو النسوان مثلج جان عشنا بسلام . شرف واخلاق وعفة و كل هذا كل تصرفاتج عقلانية تمشين بالمنطق اكثر من العاطفة ..... مو مثل بقية النساء وهذا النادر البيج ...

ابتسمت اهااا غيرت يعني

ما غيرت يا غيورة ...طلعتي نار

لزمت لحيتي

طولانه خفف منها ...

غيرتي  السالفه ههههه تعالي خل نكمل طولي بزعلتج  وخل اراضيج ...

ماكو

تعالي

ارجع لشغلك  .....بس بالليل .....

اخذتها  لحضني  و بستها وذبت بيها ...وخرت عني ببطئ وكالت وهي تلهث

اروح اساعد ليان ...

اي روحي

..وصلت يم الباب وما حست على نفسها غير وهي مرفوعه عن الارض

هاي شنو

اني الحاكم اهنا واني الآمر  الناهي   حطيتها على السرير ورحت قفلت الباب ...

........

تمت خطبة ليان بحضور عمامي لأن محسن وامي ضغطوا عليه الا قبلت ..

وبنفس الكعده جايبين الشيخ خال عزيز   اللي عقد اللي اشكد احبه هالبركة على ايدة  دخلت الدنيا من جديد مع ارق أنسانة..

ما طولت خطبة ليان شهر وبدت تطلع اهواي هي وجواهر اجهزن ومرات تجي رغدة ........

عزيز صار صديقي والي اعرفه ما مرتاح بعده .... مرتة الثانية ما اتريدة بس لأطفالها عايشة وهذا الشي هو وافق عليه قبل الزواج بس يعقد عليها تلم اطفالها ...  كونه تكفل بيهم كأخ لأبوهم ..  

اما الاولى بس تخلق المشاكل .....

***

ليان

بعد ما عقدنا اني و قيس شفته اكثر من مرة  وتبادلنا الارقام .. بالاول كنت حذرة وياه وما انطي مجال ماعندي مواضيع مشتركه وياه لكن بنهاية الشهر واني اجهز بديت اخذ عليه خاصة هو ما مخلي حواجز بينا يشاقة ويضحك اهواي ..واهواي يحجي ...صرنا نسهر لنص الليل مرات اتمر ساعه وهو بس يحجي واني اسمعة

اما عزيز ما اعرف  احس صرت اشوفة مذنب بعد ما كان ملاك ... يعني ظلم مرته وكسرها بزواجه للمرة الثانية .... اشكد كنت اتنماه بس ما يوم تمنيت يسوي هيج 

من اسمع باسمة   گلبي ما يرجف ذيج الرجفة الاولانية لكن اتوتر كأنه ذنب ...

اما قيس فرض نفسه فرض

حتى هو يطلع ويختار ويانا ....

واجه يوم عرسنا    كان يوم من العمر .......  بأفخم قاعة وفندق  .... وطبعا جواهر واكفة وياي وام قيس بس اتعيب ما عاجبها شي المصيبة جدهم امر رباب مرت اب قيس تجي و اسلم على ام قيس بالعرس ما عدهم عود تفرقة والامر لازم ينفذ

اني كاعدة على الكوشة البيضة والي اتحيطها ازهار الياسمين ... دخلن نسوان كبل للمنزع  اظن وحده منهن رباب....

جواهر جانت يمي رادت اتروح

لا اتعوفيني

ضحكت

ليان اشبيج هيج خايفة ترة مراح ارافقج للغرفة هههههههه

عافتني وراحت ...كانت مثل البدر ...

اهنا دخلن نسوان عمامي واحلام  و امها .. 

اجتي ام قيس يمي وكفت

واسلم على نسوان عمامي

***

يقين

اجتي رباب وشفتها اشلون صايرة رشيقة وياهي التجي تسالها شنو من حمية مسوية تضحك واتكول الزمن هو اللي غيرني وبهاي نصفني وضعفت ... راجعة  اصنف وتضحك اووف منك جدي ومن حكمك من كلت رباب تجي واسلم على ام قيس اوووف اووف انت راح اتخليها تقهر ام قيس

قريب الغروب دخل حسين بهيبته توني انتبهت اله بارزة عنده كم شيبة حلوة قاطة هالمرة بني .. دخل لاخته من شافته دموعها طلعن .....اني يمها ....حسيته هو هم دمع وباسها من راسها ومدري شنو همس

***

ليان

كال الي

صيري سباعية وحافظي على بيتج الجديد ....

باسني ... و دخل قيس وابوووه والشيخ هم .....

اخذني عزيز اقصد عمي عزيز من ايد حسين وحط ايدي بايد ابنه و ام قيس وكفت يمنا تهلهل وهوسات ...

اني احس ايدي انتقل الها دفوو ايد عزيز .. بس ايد قيس خلتني ارتجف و احس بطاقة تجدد بيه

حسين طلع وتركني اباوع وراه .... واباوع لأمي الي مكترة على صفحه واكفه وتبجي ....هاي هي راح افارق عائلتي ..

الشيخ طلع ... بعد ما اخذولنا صورة وياه .. كان فرحان بزواج اول حفيد اله

بس عزيز بناته ما قبلن كالن انريدك تاخذ صورة ويه امنا ...راحت الام نزعت الحجاب والعباة ورجعت ...

***

يقين

امي اني ومرام صابغات شعرها سلفري و بدلة وردية تزهي .. ..

صفن عليها ..

هاي شمسوية ؟

ابتسم ووكف يم العروس وطكينا صور وياهم ...اهنا طلعت جواهر و رباب متلفلفة بعباة وجواهر خالعتها ولابسة قاط حلوو مغيره الفستان

سلمن على ابوي ...  ورباب باركت اله على زواج ابنه...هو صارله اسبوع ما شايفها لان اني ومرام عايفات ابيوتنا ونحضر للعرس و لازكات بيه بالبيت رغم علاقة بامي تحولت باردة حتى عرك ما بيها لان من تحجي وتتعارك يسكت صاير حتى ما يجادل .... بس هو التزم ويانا بيتنا يحب لمتنا احنا اولادة ..

مرت جدي من غيضها من امي كالت

رباب يا ليش متلفلفة دنزعي العباة وتعاي اخذي صور ويه العرسان ورجلج

لا لا انه شنو خل ام قيس تاخذ

عود يابة مسوية نفسها خيرة ...

جواهر

عوفج من العرسان تعالي نكص صور ويه ام قيس ترة احنه بنات خالات ..

هي امي بالكوة متقبلتها بالحفلة ورضت اسلم عليها يبووو يا عمة ...

بابا جان ياخذولة صور كل اشوية هوسة توكف يمه ويه العرسان ويطكون ساعه خالات ساعه عمات ساعة البنات  ...

وجان يشوف رباب من سمر الخبيثة اللي صرت اموت منها اشلون تتلوك لرباب .. نزعتها العباة ووكفت يمهن حتى ياخذن الصور

  اني اهنا ودي الارض تبلع رباب ..صايرة رشيقة و لابسة ثوب اسود اسواريه وعقد كرستال و مكياج  سموكي طالعه كانها لعابة ....اني و مرام وحده اتباوع للثانية

بغيض اوووف

عزيز

روحي رباب البسي عباية

صوته خشن ...كلها سمعته

وهاي عود خجلت ادور عباتها سمر انطتها الها  .. اتريد تلبسها وكعتها  ... و جواهر تضحك ..... ترجف واحوالها اتخربطت ...

جواهر حتى اتخفف الحرج

عادي هي مثل امه للعريس 

.انحرجت اكثر رباب وبابا اكلها اكل بعيونه وعمتي اااخ يا عمتي سحبت منها العباية وراحت يم  بابا  خلتها  يمه وهي ابصفهم وكفت وكالت اخذونا صور ....

وكفت يم امي اخوزر بيهن .. 

واشوف بابا اشلون هام بيها ... شعرها اسود ما صابغته هالرباب ..  اووف مكياج امي برز عمرها والتشنجات اللي بوجهه هاي مكياجها افضل اووف وحتى الثوب شو گلب عليها ويه الشعر صارت مصنعه من وكفت رباب ظليت بس اقارن ... بس امي مرة واصلة للخمسين ورباب توها تلاثين . العمر هم اله حوبته ..

طكولهم صورة وابسرعه رباب لبست العباة وشردت عن الانظار بس بابا ظلت انظارة وراها وراح ....

امي اهنا تركت قيس ابنها وراحت اختفت مدري وين

سالت عنها كالو بغرفة المكياج ...

رحت اهنا النسوان بدت تطلع   و لبسوا العروس وطلعت  و القاعه بدت تفرغ وامي ماهي يم ابنها ..

دخلت شفتها واكفه وو جهه عليه شافتني وجواهر و جهه على امي

امي بسرعه كالت

اش ما اريد بناتي يدرن ...

شنو ندري

سكتن من شافني .. وامي كانها باجية ...

و جواهر انتظرتها تلبس و طلعنا سوة ...

شنو كالت لأمي ؟

.....

ثاني يوم الصبح هوسات العالم ...احنه مسوين عزيمة غدة وذبايح وخصبة

وامي من يوم الصباحية اشتغلت حقد على ليان بس اذبذب حجي اطلع حركة رباب بيها  .. اللي البارحه اجه اخذها من بيت جدنا بالليل  وما قبل تاخذ ولدها ظلوا يم بيت الجد مكيفين بالهوسة

التهينا بالغدة للمعازيم ورباب اجت  جابها ابوية من الصبح

وامي بس اتريد تكتلها والثانية ولا مهتمة ...

بعد العرس بقيت كم يوم ...

لاحظت على بابا تغير جذري ...دومه مبتسم ... وامي سوتلة عركة لأن قيس ودة ليان لهلها وهي مطالعة السابع اشكد كرهتها هاي ليان المهم بابا ماله علاقة وسوت العركة وياه ... لا رد وجادل ولا زعل  واجهه ببرود قاتل وطلع من البيت ..!!!

***

حسين ...

من رجعت جواهر للبيت واني الحسبات اجيبني وتاخذني ... صارلي يومين حاير و ضايج .....

***

ليان

حسيت بخنكه وغربة واني اهناك ... وقيس بس يريد رضاي لأن احسه متعاطف وياي حيل ... اخذني لهلي ...نهار ورجعت ...واتلكتني عمتي برزالة نااااشفة

ما مرباية على الاصول ومو تربية عشاير ..

تذكرت اهنا جواهر من امي هم اتزف بيها تسكت وتكتفي بالسمع ومن اتخلص امي زف اتكوم ... سويت مثلها وسكتت ...يمكن حقها بس شسوي غصبا عني رحت لهلي حيل مشتاقة لبيتنا ...

***

يقين

مرت عشرة ايام

وامي تشكي من ابوي اتكول اقل كلمة ما يجاوب صاير و يطلع من البيت  .. حتى اخر مرة ما رجع خابرته ...يكول ما اجي عيب كدام مرت ابنج اتعلين صوتج عليه خلينا هيج افضل النا...  وكله يم رباب ..!!!

***

حسين

الحيرة  و الغيرة حاوطت وغلقت على كلبي لازم أسالها بعد العقل غاب عني

رحت الها جبتها  من المطبخ واخذتها للغرفة

هااا حسين شكووو

اكلج بس عندي سؤال

اتفضل

اي يي هذا اقصد عمي ابو ناصر يعني ..

اشبيه

اجه خطبج لأبنه بالماضي

هااا ما ادري يمكن عادي اني خطابي اهواي

كالتها برتباك

اي اهواي هههه بس  بتهم جانت اتعرفج نبراس صديقتج ..  من خطبوج لناصر اخوها ليش ابوج رفضهم ...

ها حسب علمي يعني . بابا رفض لان  لان

ناصر بعده ممتوظف ؟؟

ها اي ابنهم ما عنده وظيفة

ناصر

اي ناصر ابنهم الجبير

هااا خوش لعد

شنو الخوش

يلا ارجعي لمطبخج ......

راحت متوترة واني النار اشتعلت بيه جذبت ليش جذبت ...

زاد الشك وتحول يقين بأن كلام ختام بيه صحة ... بينها و بين ياسر قصة حب قديمة والا ليش ما صححت ببساطة ان الي خطبها ياسر مو اخو ناصر اصلا مزوج من خطبوها اني جنت متوهم ما اعرف  المن رادواها لان محسن وصل الي خبر من جنت مسافر بان اولاد عمي راد واحد منهم يناسب الشيخ ببته الوحيده وما انطاه .....

فكرة ان جواهر جانت تحب شبيهي ما خلت عقل براسي .... جذبت بكل برود وراحت ....اذن الكلام اللي كالنه نبراس واحلام  لختام ورغدة صحيح بينها وبين ياسر حب قديم ........

نزلت ما اشوف اللي كدامي  ..

سمعت صوتها وراية

حسين ....حسين وين طالع العشة راح يصير ....ما التفتت عليها ...و رحت للكراج ......

***

يقين

حطينا العشا على الميز ..

وكعدنا

ختام

يقين شنو رأيج بتلفوني الجديد

ها واخيرا شريتي واحد ..

ممم رغودة جابته الي

وحطته ابصفها يم الماعون

جواهر ما شاركت بالحديث وجان بالها مو يمنا ..

اها على الخير بس ادرسي ولا اظلين بس اتكنكين

لا عيني اشعندي اني قابل عندي علاقات وحب ..لو حبيب ينتظرني بباب المدرسة هههههههه

شو تباوع لعمتي الي بالها مو يمها وتضحك

***

حسين

رجعت للبيت نص الليل ضايج لا اكدر احاسبها ولا اكدر اتغاضى الغيرة والشك دخلن لگلبي شنو صاير بينهم وشنو نوع علاقتهم .... بس هي شريفة .. يمكن علاقة عابرة بسيطه هي صديقة اخته جانت حسب ما كالت نبراس ..واكيد شايفها  و خاطبها ... اكيد ما لازم ايدها 

مو هذا المهم اني اعرفها كلش زين ما تمشي اعوج ...بس اللي راح يخبلني لا اتشوف ياسر بيه ....  اتعاشرني وتتخيلة ..اشلون اتوافق تزوج واحد بيه لمحة شبہ من حبيبها السابق اذا بينهم علاقة حب مو بس سالفة خطوبة .

دخلت للغرفة ...

كامت الي وعلى وجها القلق

حسين وينك حبيبي .. اجتني و حاوطت بكفوفها وجهي

حبيبي مو اتفقنا ماكو سهر باستني واني اعيون ادور بيها الحقيقة ..

وخرت عنها ...

اشبيك حبيبي ...

ناصر من خطبج وين شايفج

اشبيك حسين ليش لزكت لناصر كولت الك خطابة عابرين حالهم حال غيرهم حتى بابا ما يذكر السالفه لانها سالفه نسوان وراحن لا اكثر ..

عابرين  وكعدت وهي يمي اجت

اي  عابرين حتى ناصر لا شايفته ولا اعرفه

كمت على حيلي مضايق من جذبها

لزمتها  من حنچها

اذا هم عابرين ليش الجذب ؟؟؟

اعيونها توسعن عليه

وخرت ايدي عنها 

وبأنظارها تستفسر مني

شنو نوع علاقتج بياسر ... 

شفت بعيوني رجفت سرت بيها وخوف واضح .....

ح حسين ...

اي احجي

سكتت وسكوتها موتني ...

كعدت على السرير وحاولت افهم منها شي لكن سكوتها عصبني خفت افقد اعصابي اكثر واندم عفتها و نزلت للاستقبال .... 

الصبح ...

الدنيا ضاقت بيه سكوتها اكد الي صحة الكلام دخلني بمتاهة  لا اكدر احاسبها على ماضي ولا اكدر اتقبل الامر صعب من اتكون عدها علاقة بشخص اعتبرته نظيري  بكلشي تاليها حتى النحبها تطلع نفسها .... !!!!!! لو خطبة وما صارت مو مشكلة بس مو حب وعلاقة !!!

صعدت مثاقل الخطى ....

جانت هي الثانية هم كاعده ..

دخلت اخذت ملابس ورحت للحمام ..طلعت ... اريد اكمل لبس واطلع

لكيتها لابسة عباية وحاطه يمها جنطة ملابس صغيرة

ما حجيت بس باوعت للجنطة ورحت امشط ..

حسين وصلني لهلي ....صفنت عليها من خلال المراية

افضل الابتعاد هاي الفترة ... احسن لاثنينا واعوفك تفكر وترتاح هم ...

ما رديت ... بهذا موقفها اكدت الي وما جذبت شي جنت اتمنى تستمر بالجذب و ما اتأكد   ... !!!

اخذتها واثنينها نتهرب من انظار بعض ...دخلت لبيت اهلها وما باوعت وراها ......

ايام وافكاري ما رحمتني كلساع بفكرة شكل تاخذني غيرتي ....

***

يقين

عمتي راحت لبيت اهلها وكلنا شكينا بينهم شي لان ماخذه جنطة وباتت وهاي مو عوايدهم يتفرقون عن بعض ...تاكدنا بينهم شي من ظلت ثلاث ايام ...خابرت امي اعرف شصير اهناك كالت الي اظن عمتج رجلها ما يريدها ذبت بيت اهلها وما سال وهي مريضة هسة حيل

اني علاقتي بعمتي صارت بس سلام بارد من اشوفها بالبيت ولا احجي وياها ...وهي جانت  تداري ابني بغيابي وبوجودي ما تتقرب اله وهو يركض وراها كرامتها و كبريائها اقوى من اتنزل من نفسها اشوية وتحاول تعتذر مني ..

***

حسين

سمعت من عزيز  جواهر متخربطة ...ونايمة بالفراش صارلها ايام ..

عفت كلشي بايدي ورحت الها  جانت الدنيا عصر....

دخلني اخوها علوان ... و مرت ابوها اذنت الي اصعد الها فوك ما تكدر تنزل ..

سوت الي طريق وصعدت ....شفتها مطروحه على الفراش ... وعلاكه دوة على الميز غير الكانونة المشكلة بأيدها .....

حسين ..

اشلونك

صوتها ضعيف وتعبان

بست كصتها ..

انت اشلونج ..اخذت ايدها بستها ....

ما اتحملت اشوف المرض ماخذ منها حيل .بوستها من خدودها وضليت ابوس بيها اعتذرا وخوفا من خسارتها ...

ليش هيج جسمج حار

من احزن هيج يصير بيه ..

كالتها وي اتكح ....

سندتها وحطيت وراها مخده

شربتها ماي ...

والعب بشعرها

اول مرة اشوف شعرج هوسة

ابتسمت بخفوت

بس اتخبلين ....

اني خجلانة منك ...بس والله جنت مراهقة...

حطيت ايدي على حلكها سكتتها

لا اكملين ....مالي حق بالراح اعرف ...

سمعنا صوت رباب بالممر اتسلم ..

باوعت للحمام وكلت الها

هذا الحمام اهنا ...

اي

توب هاي غرفتج احسن من غرفتنا بعد نبقى اهنا ...

ضحكت ورحت دخلت للتواليت ...

سمعت رباب دخلت سلمت خلصت ابسرعه و رحت يم المغسلة .. اعدل بشعري

واسمعها   اتلوم بيها

هيج دهورتي نفسج ...لو كايلة خطبني وما صارت قسمة ....ليش جذبتي ..

ح حسين جو

جواهر تكح

هسة يا خوفي نبراس اتكول الهم شافتج ببيتهم وحدج وية ياسر مختلين اووف  ....

اريد افتح الباب ايدي ما اطاوعتني واذني متستوعب اللي اسمعة .. !!!

لازم انشوف هاي نبراس  ونتفق وياها

لا تفصحج اكثر

اش  حسين ...اه اهنا

حل السكوت وطلعت من الحمام واثنينهن اعيونهن عليه

اتباوع الي بخوف لا سامع شي ...واني اعصابي اشنجت وحسيت بالعار ...

هزيت ايدي

واندارت انظاري بينهن رباب حاطة ايدها على حلكها 

اخذت تلفوني و مفاتيحي على الميز يمها ..

حس حسين ...وين رايح

لزمت ايدي  سحبتها منها ودفعتها .. 

ورقتج راح توصلج

لزمتني مرة ثانية

وخري 

دفعتها  وطلعت و

رباب

عزة العزاج يا رباب

اسمع خوية ..  تعال

عفتهن

واني مسطول ..

حسيتها وراي تمشي وخلفها رباب

تعال حسين .. لزمتني من ساعدي .. اوكف الله يخليك نزلت ابسرعة ...صار بوجهي ابوها وهي وراية تنزل  ...وعثرت ورباب لزمتها .. ما اعرف اشلون وصلت يمي وابوها يسال

اشبيكم ؟؟؟

حسين الله يخليك تبجي وتترجى توه رجع الها صوتها الخداعه ...

دفعته كدام ابوها ..

اشبيكم .. كومها وهي عافته ولزمتني من ياختي

حسين  والله

وخري لعبتي نفسي

وكعت بالارض

واهلها نصهم طلعوا على اصواتنا

بس اريد اطلع حاس الدنيا دارت بيها ووصلت للنهايتها ماكو تالي بعد ...

.وهاي تتجرى وتبجي

وابوها يوخرها عني وترجع تتوسل ...بس اريد اطلع الباب صار شبعده  عني

***

ليان

عمتي سمت بدني ورحت لبيت الجد يم رغدة ...  نزلت من غرفتها من سمعت اصوات وحسين معصب وشفت جواهر تتوسل لحسين يسمع وهو يدفع ويريد يطلع وعلوان يساله اشبيه وابوها يلزمها ويوخرها عنه وهي ترجع تتوسل جانت منهارة على الاخير وما حاسة  بالي حوالها

رغده

يا هاي اشبيها

وكفن نسوان اخوتها يتفرجن 

حسين بس اسمعني

وخري

علوان وخر بس اريد  طريق خلوني اطلع منا ..

بدا يفتح اول دكم قميصه . مختنك

اشبيك حسين

ما انتبه الي

والشيخ ساله اشبيك

عمي هاي بتكم يمكم  .. وخلصت السالفة ...

عايد

شكو شنو اشبيك ليش هيج

خوية بس اريد اطلع

صايرين بطريقه

حسين والله الي سمعته غلط ... حسين اني اموت اذا طلعت  انت هسة ... ظل الله يخليك

بوية لا تتوسلين

سو اله طريق وخروا منا

راد يطلع .. وجواهر لطمت على وجهه

ليش بوية هيج

تعالي ادخلي لغرفتج

عافت ابوها وراحت للحديقة اتريد اتلحك بيه وكعت على الارض و لزمته من رجله

الله يخليك ...

بالكوة جانت تنطق صوتها مبحوح

رباب كومتها

وهو باوع الها ولمحت دمعة نازلة من عينه وخلة وطلع ما التفت وراه وهي تنحب ورباب اتحضن بيها واهلها اجو وراها .. 

دفعت رباب و ضربتها ونزلت عليها ضرب

كله من وراج كله من وراج ..

شبعتها ضرب واحنه وخرناها عنها وابوها بالكوة دخلها لجوة

بس جانت مثل الغايبة عن الوعي

تعالي يا بعد شيبان ابوج ليش هيج اتكسريني .. تعالي ..

حطها على التخم بس هي مغمضة ووجه مغسول بدموعها .

يتبع

اكو مثل يكول اذا وكع الجمل كثرن سچاچینة

ترقبوا الفصل الاخير غد او بعد  غد ..

اريد تصويت +تعليق لتصل القصة لأكثر عدد