رواية مالك الكنز الفصل الرابع عشر 14 - بقلم رنا تامر

في شركة أبو الوفا، وقع الخبر على مالك بالصدمة. خرج مالك من المكتب مسرعاً متجهاً نحو عربيته، وساق بسرعة البرق. مازن كان متوجهاً إلى مالك، ووجده خارجاً من الشركة على عجل، فأستغرب، وقرر أن يمشي خلفه بعربيته. ــــــــــــــــــــــــــــــــــــــــــــ في مخزن كبير ومهجور، استفاقت كنزي، ووجدت نفسها مربوطة في غرفة مظلمة. دخل حسام، وأضاء النور، فبدأت كنزي تستوعب المكان. (حسام شريك ريهام في كل جرائمها)

حسام/ الله ده السنيورة فاقت. كنزي بعصبية/ إنتو مين وعايزين مني إيه؟ حسام/ أنا عن نفسي مش عايز حاجة… إنما البرنسيسة هي اللي عايزاها. ريهام بكل وقاحة/ أهلا يا حلوة… والله شكلك مش بطال، مالك عرف يختار فعلاً. سمعت كنزي اسم مالك فقلِقت عليه. كنزي/ إنتي تعرفي مالك منين وعايزة إيه مننا؟ ريهام/ شكلك بتسألي كتير، وأنا ما بحبش كده… حسام، أنا عايزاها ترتاح خالص، انت فهماني طبعاً؟ حسام بوقاحة/ طبعاً فهمك يا برنسيسة.

خرجت ريهام، ونظر حسام إلى كنزي بطريقة تخوف. حسام وهو يقترب من كنزي/ بصي يا قطة، هتسمعي الكلام هبقى حلو معاكي… مسمعتيش الكلام، هتشوفي وشي التاني. فهمت كنزي مقصده، وفكرت في خطة لتخرج نفسها، وضحكت بخبث. كنزي بدلع مصطنع/ الله، انت قولتلي اسمك إيه؟ ــــــــــــــــــــــــــــــــــــــــــــ عند مالك، كان يتابع GPS سنسلة كنزي، (مالك كان جايب لكنزي سنسلة وحاطط فيها جهاز تتبع ليطمئن عليها) ظل متابع الموقع حتى وصل المخزن.

مازن كان يمشي خلف مالك، ويحاول الاتصال به، لكنه لم يرد، فاستمر مازن في السير خلفه حتى وصل المخزن. ــــــــــــــــــــــــــــــــــــــــــــ عند كنزي، حسام بإعجاب/ اسمي حسام، وبيدلعوني يقولولي يا حوسو. كنزي بدلع/ طيب يا حوسو، ممكن تفكني؟ عشان مش ينفع نتكلم وأنا مربوطة. حسام/ أه طبعاً… بس هخرج أرد على الهاتف وأرجعلك على طول. كنزي/ أه طبعاً براحتك. خرج حسام، وكنزي كانت تحاول تفك نفسها.

ــــــــــــــــــــــــــــــــــــــــــــ عند مالك، أول ما وصل المخزن دخل ولم يجد أحداً، فاستمر في المشي حتى وصل إلى غرفة كبيرة، وسمع فيها حركة. دخل الغرفة واصطدم بما رآه. مالك/ كنزززي! كنزي بصت إليه/ مالك، انت جيت إزاي؟ مالك راح يفكها/ مفيش وقت، يلا نمشي. كنزي/ لا، مينفعش نمشي… لازم نمسك اللي خطفونا، لازم يتسجنوا. مالك: هنمسكهم إزاي؟ كنزي/ بص، أنا عندي خطة… إنت بس اختبي عشان متتمسكش معايا. مالك بتردد/ بس…

كنزي بمقاطعة/ مفيش بس، يلا يا مالك، ومتخفش عليا. ذهب مالك للاختباء، وكنزي بدأت تخطط لما ستفعله. عند مازن، أول ما وصل المخزن، تذكر أنه جاء إلى هذا المكان من قبل، فاتصل بآدم ليأتي معه ومعه الشرطة. ••ـــــــــــــــــــــــــــــــࢪنوشــــــــــــــــــــــــــــ•• كان حسام يدخل الغرفة ليجد كنزي جالسة بهدوء. حسام / ايه يا قمر اتاخرت عليكي. كنزي، متصنعة الدلع / لا أبداً، ها مش هتفكني بقي. حسام وهو يقترب منها / اكيد طبعا.

اقترب حسام أكثر وفكها، وكنزي وقفت مسترخية وحطت يدها على رقبته. أما مالك فكان مختبئًا يراقب المشهد وجواه بركان من الغضب. وفجأة، وقع حسام على الأرض، ومالك أسرع نحو كنزي وهو مصدوم. مالك بصدمه / انتي عملتي ايه؟ كنزي، وهي تحاول ربطه / ساعدني بس في الرابطة... ساعدها مالك، وهو لا يصدق ما فعلته. بعد أن أنهوا الأمر، وهم على وشك الخروج، وجدوا ريم تدخل الغرفة. ــــــــــــــــــــــــــــــــــــــــــــ

عند مازن، وصل آدم ومعه الشرطة، وبدأوا يبحثون عن مالك وكنزي. حتى سمعوا صوت إطلاق نار من إحدى الغرف. ــــــــــــــــــــــــــــــــــــــــــــ عند مالك وكنزي، دخلت ريهام مبتسمة بسخرية. ريهام / كنت متأكدة انك هتيجي. مالك / قوليلي بقي، هو انتي اللي خططتي لكل ده؟ كنزي / انت تعرفها يا مالك. ريهام / اخص عليك، هو انت مقولتش لي السينيوره انك كنت خاطبني؟ مالك / ريهام، احسنلك ابعدي عن طريقي واتقي شري.

كنزي / يلا يا مالك نمشي. ريهام / تمشوا؟ ترحوا فين؟ انا لازم احقق انتقامي. أخرجت ريهام المسدس، ووقف مالك أمام كنزي ليحميها. أطلقت ريهام طلقة في الهواء، لكن مالك كان أسرع منها، أمسك يدها، رفعها للأعلى، ثم استولى على المسدس. يـتـبـع...