رواية مازلت طفلة الفصل العاشر 10 - بقلم الكاتبة شمس السعدي

مساء العسل عليكم متابعيني الغوالي 😘😘
التفاعل مو مثل قبل . الظاهر معجبتكم القصه ..☹️☹️

....البارت العاشر....
{#مازلت_طفلة}
#بقلم_الكاتبة_شمس

الحجيه . يايمه يارضا . هذا راس الطفل .
لمي روحج بسرعه وغراضج طلعيهن .خلي اگعد رضا وناخذج .

الالم ماينحمل وبحياتي ماشايفه هيج .. احس روحي تريد تطلع . شلون الي يذبحون بي بسجينه مثلومه وهو يتجوع . لاهو المذبوح ومرتاح وميت ولاهو العايش ..
گمت اصيح بلا وعي . حسيت هاي نهاية الدنيا وخلص بعد راح اموت .
صارت روحي يم امي .

اريد امي . جيبولي امي .
الحجيه .. ولج يمه وين مخليه غراضج . صار ساعه ادور خبلتيني .

اشرتلها بالمجر مصفطتهن .
هي على اساس عود امي تجهزلي . بس لان اني بالسابع ماتوقعت هيج بسرعه خطيه .
وهمزين الحجيه مشتريتلي كم قطعه وغراض للطفل .

طلعت علاگة وخلت الغراض بيها . واجت لزمتني لبستني العبايه على راسي .
بين مابدل الحجي ونزل .

من شافني تخبل . التفتت على امه .
يمه شبيها راح تموت .

الحجيه . يمه شبيك ماشايف وحده تطلگ .
دمشي يله وخلينا نمر على وفاء ناخذها ويانا .

الطريق كله . وابجي واصيح اريد امي . جيبولي امي .

الحجيه تگول ولج يمه خطيه نهبطه هسا نايمه . تطلع الشمس واني اجيبها تگعد يمج .

هدى . ما اخذوني الها اريدها .

الحجي . هاي شلون سالفه . هسا دجيبي وگومي بالسلامه والله كريم . يسوق ويحجي .

منا لمن وصلنا للمستشفى احس بطني تملخت . واريد اتقيأ نفسي گامت تلعب .
وگام يوگع عليه ماي . واني عبالي سويتها على نفسي .
استحيت وگمت ابجي واصيح بالزايد .

تالي الحجيه . گالت يمه يارضا بسرعه دخلوها طگ راس الهادي .

دخلوني لصاله الولاده . والخوف والرجفه اخذتني .
ماقبلو احد يدخل وياي .
تالي الحجي انطاهن فلوس قبلن بس باجي تدخل .
واني خايفه وابجي واگلها باجي راح اموت مو .

وهي تهدئ بيه .

الدكتوره . شگد عليها هسا.

وفاء . هذا السابع دكتوره .

الدكتوره . يعني ولاده مبكره .

فحصتني . گالت هذا راس الطفل . بس ساعدينا حبابه .
ادفعي بقوه .

اني مااعرف شتقصد . گمت بس اصيح .
الوجع كاتلني وهاي تگول . يمه الوكاحه شنو هذا الصوت ساعدينا حتى تخلصين بسرعه .

وفاء . شنو وكاحه ماتشوفيها طفله وماتعرف. الوجع كتلها شمفهمها .

الدكتوره . لعد اذا طفله لويش استعجلتوا وزوجتوها .

سكتت باجي . واني احس روحي راحت وراح يغمى عليه
وهي تگول .
ولج خنگتيه للطفل ساعديني .
اني احاول اسوي الي تگول عليه بس مااگدر من الوجع .
منا لمن حسيت شي طلع مني وارتاحيت . اخذت نفس وشهگت وماحسيت على روحي .
يگولون انگطع نفسي واغمى عليه .
وخلوني تحت المراقبه . والطفل خلوه بالخدج لان طلع تعبان وصغير .
كلما اتذكر ذاك اليوم . احس بنفس الالم .

گعدت شفت روحي بعدني بالمستشفى. تلفتت اباوع بالوجوه . اريد امي وين امي .

الحجيه . مبارك يمه هداوي اجاج ولد .

هدى . شسوي بي موتني من الوجع مااريدة .. اني اريد امي .

ضحكن الحجيه ووفاء .
ههههه خطيه بعدين يصير الوجع المنسي . كل يوم تحبل وتجيب .

هدى . والله ماكو بس هذا بعد تحلمون اجيب .

الحجيه .. گولي يالله يمه هذا رزق ربج .

-وين امي جيبوها .

وفاء . امج جابها الحجي وراحت يم الطفل بالخدج هي والحجي .
هسا اروح ابقى مكانها وتجي هي .

شويه واجت امي . شفتها واني گمت اشهگ وابجي مثل الطفل الي مضيع امه ولگاها .

يممممممممه ردت اموت وانتي ماهي عني .
گلتلهم جيبولي امي ومحد جابها .

امي . يله حبيبتي هاي اني يمج . عيب تسوين هيج بعد صرتي ام .

هدى .. ما .. ما .. مااريد . رجعيني وياج . مو رادوا طفل خلي ياخذوه ويرجعوني .

امي .. عيب يمه اكو وحده تعوف ابنها .

الحجيه . عوفيها ام هدى . بعدهي ماشايلته وشامته . بس تتعود عليه بعد فن واحد ياخذه منها تخرمشه مثل البزونه على اولادها .

دخل الحجي . اتقرب باس راسي. ع الخير هدواي .

ماحجيت درت وجهي .
ومن التعب رجعت غفيت مره ثانيه .

گعدت لگيت امي تحظر بالغراض ..

هدى . ها يمه راح نروح .

امي . لايمه راح ناخذج يم ابنج بالخدج علمود ترضعيه خطيه جوعان .

-ما .. ما.. شنو ارضعه ويييع .

امي . ولج يمه لاتفضحيني شتگول العالم عليه . لاتعاندين وسوي الاگلج عليه .

باوعت الحجيه ماكو . سألت عليها .
گالت امي خطيه تعبت وراحت هي ووفاء بس الحجي هنا
دخلت الدكتوره ووراها الحجي .

گالت . ها شلونها الحلوه هسا .

سكتت .. بالصاله تگول عليه وكحه وهسا صرت حلوه .

التفتت على الحجي . طبعا الله ستر وطلع بسلامه . لان هي متعرف وهو جاي من وكت وصغير طلع تعبان واختنگ الحمد لله من تلاحگناه للخدج .

گالتله انت جده . شراح تسموه .

گالها . اني ابوه .

انصدمت 😲 .. بالخير ويتربى بعزك . بس راح يتعبكم وياه يرادله عنايه . ويبقى فتره بالخدج من تستقر حالته يله يطلع .
وبعد هاي بقت يم طبيب الاطفال هو يشرف عليه .
كتبتلنا خروج وطلعنا .

انتقلنا القسم الاطفال للخدج .
نيمتني امي وگالت ارتاحي .
بس ابد ماباوعت عليه ولاشفته . جنت اخاف اباوع ماادري ليش ..

الحجي مافارگ عيونه عنه مگابله وواگف .
التفتت عليه .
گال ترى اذنت بأذانه وسميته محمد على اسم ابوي الله يرحمه .

اني ماحجيت . بس امي گالتله . يتربى بعزك ان شاء الله ابو محمد .
هو ابتسم وعيونه گامت تلمع . من امي گالتله ابو محمد #بقلمي_الكاتبه_شمس
.........................................................
طبعا الحجي تخبل . كل وحده تجي تشوف ابنه ينطيها فلوس .
حتى هنه ماصدگن كل ساعه جايات وين ابن الحجي ..
گامت وحده تدز الثانيه .

شويه وگالت امي . هاج ابنج رضعي خطيه .
الحجي ماهو راح يجيب غدا .

شفته صغير حيل . مثل اللعابه .

-لا يمه اخاف مااشيله

-ولج يمه خطيه الطفل جاع واني ماشربته بس ماي .
وهسا عود وصيت الحجي يجيبله ممه وحليب لان ادري بيج مابيج فايده .

-ما والله ماارضعه روحي تلعب شني هاي . وهو صغير ماتشوفيه شلون اشيله اخاف يوگع .

-اني اعاونج . ع الاقل بس ياخذ الصمغ مالتج .

لزمته امي الي وغسلت صدري وگالت يله رضعيه .
شلع گلبي مايعرف يرضع ويدغدغني .

گلتلها شو هاج اخذي . مااعرفله .

امي .. امهات تالي وكت . جنت اجيبجن منا واحطجن ارضعجن منا لمن تشبعن يله اكل وافكر بروحي .

هدى . جا اني گايلتلكم اريد اصير ام انتو جبرتوني .
وهو اني شنو شفت بحياتي حتى اربي طفل .
حتى مااعرفله .

امي .. تتعلمين شويه شويه .

اجه الحجي جايب غراض واكل وحلويات وجكليت گال هذا وزعوه للردهه واليجيكم هم قدموله .

سوتلي امي لفات . اكلت شويه صحيح جوعانه بس شو مااشتهي .

شويه واجو اهله كلهم واخواته .
باركو وانطوه نگوط وراحوا . والحجي راح وياهم .
گال باجر امرلكم .

امي بقت وياي طول فترة المستشفى.
الطفل صار زين وگالت الدكتوره لفلفوه زين والتزموا بالمراجعه ..

بعد ماطلعنا اجه الحجي اخذنا وباجي وفاء .
طبعا طول فتره المستشفى امي دايره بالها عليه اني ماشلته الا مرات تجبرني امي ارضعه .

وصلنا البيت ولگينا الحجي مسوي غدا الوجه الله .
وذبحوا خروف جوه رجلنا .

دخلنا وتلگتنا الحجيه اخذت محمد من امي . وگعدت تبوس بي وتحظن .
دخلونا للغرفه . مشتريله جربايه .
خلوه بيها ولفلته الحجيه .

وگالت منا لمن يصير زين اني هنا ابقى يمج ماافارگج مو تمليني وتضحك .

بداخلي (والله اكيف هو اني اصلا مااعرفله )

اجت عمه نضال . حتى ماگالت بالعافيه مثل الناس .
عاينت عليه . وگالت ويييع شنو هذا عبالك ابو بريص .

صاحت بيها الحجيه . زعلت وطلعت .

صبوا الغدا وتغدينا . گالت امي اني اروح البنات مناك بقن وحدهن كل هاي الفتره .
توسلت بيها الحجيه تبقى بس هي ماقبلت .
اخذها مرتضى وصلها .

للعصر . انگلب البيت بأهلهم وناسهم .
وشيخ خضير هم اجه وانطاه نگوط . وقرأ ايات بأذنه وبوسه .

مااعرف شلون يعرفون يشيلوه . اني احسه يريد يوگع من ايدي .

الحجي . يدخل ويطلع . يجي يشوفه ويبوسه يله يروح الشغله لو للمضيف .
ومن يجي هم اول مايدخل گبل الغرفتي يروح عليه
ويحجي وياه عبالك يفتهم .
يگله . يله بويه گومي واطلع وياي ايدي بإيدك دور مانتفارگ اذا كبرت .

هذا الحجي يخلي عمه نضال تتعصب وتدور حجه وتگلب البيت .
بأول فترة . الحجيه تبقى يمي وتساعدني وتگعدله بالليل .
بس من طلع الاربعين . رجعت الغرفتها . وگمت اسهر وحدي .
واگابله وابجي وياه مااعرف شسويله .
واهز بي وماكو .
الى ان اجت الحجيه .
شبي يبجي رضعتي بدلتيله .

لا اخاف اشيله ومااعرف ارضعه خاف يغص ..

الحجيه .. يا على هاي الحسبه يموت الطفل من الجوع وانتي خايفه تشيليه .

گمت ابجي . حبابه يمه ابقي هنا ع الاقل بس يسمن شويه هسا مجلفط بس جلد وعظم اخاف اشيله .

الحجيه .. هههههه والله عدج سوالف يهدى .

نزل الحجي يركض . شبي محمد يبجي .

الحجيه .. مابي شي يمه بدلتله ورضعته وهسا ينام .
روح كمل نومتك . وانت مو على كلشي وتنزل تركض .
ترى هو بعده طفل . كل ساع يبجي تضل نازل صاعد .

رضا .. ودي انام يمه بس مو هسا لمن يكبر مااخليه بس بحظني ينام .

الحجيه . دگوم يمه گوم ونضال تخليك . والله تكتله وتگول ماادري بي من الغيره .

ضحكت على حجايتها . هو خزرني . سكتت
عاد هو باس ابنه وطلع .

بقيت ع هاي الحاله . يبجي وابجي وياه .
يوسخ على روحه . اضل بس اتقئ مااعرف شلون ابدله لو اغسله واخاف اشيله .
اكثر الاحيان تتكفل بي الحجيه .

وحمودي گام يكبر شويه شويه . ومو ذاك الاسبيعي مثل مايسموه . صار عمره ثلاث اشهر وحلو بينت ملامحه .
عيونه كبار يخبلن ومكحلات من الله .

صار بالنسبه الي لعابتي وونستي . العب وياه وشايلته على خصري ليل ونهار ماافارگه .
بس بالليل يضوجني ويخليني بس ابجي ماينام ويسهر .
ويريد يناغي .

الحجي بالبوگات گام يجي يمنا ومرات يبات يم ابنه يگابله ويگعد الى ان يغفى ع الجربايه ..

ومره من المرات نايمين .. وهو غفى يمنا .
وتقربلي وگام يحضني ويبوسني وووووو ..

وبقى كل يوم يخلي عمه نضال نايمه وينزل يمنه ووووو💑.
اني اعرفه بحجة محمد يجي يمي وينام ودور توالي الليل يسوي هالشغلات . مرات يكمل وينام .
ومرات حمودي ينقذني ويبجي واني اطفر واروحله .

الى ان بيوم وجان تلزمة عمه نضال . اجت بالليل ودخلت علينا واحنه نايمين ومالابسين شي .
فضحتنا بالصياح وحتى حمودي اخترع وگام يبجي .

گمت لفلفت روحي بسرعه . وهي تصيح تقشمرني وتروح يمها .
الحجي .. ولج قابل رايح يم غريبه غير هي هم مرتي ليش محسستني داخله عليه ببيت دعاره .
#بقلمي_الكاتبة_شمس
يتبع....
...........................