رواية مبعثر فيك ماللحزن لايشفى الفصل الثاني عشر 12 - بقلم ايمان يوسف🕊️

البارت الثاني عشر

غاده انهارت بكي .. كانت جالسه في غرفة المستشفى مع امها  استخطرت  البارح عليها .. وانقلوها بالاسعاف ..
امها بصوت ضعيف : لاتبكين يمه .. انا بخير ومافيني الا العافيه .. بكرة اقوم واصير حصان..
غادة قامت وربتت على كفها ..ابتسمت .. وعيونها رايحه من الدموع :
نذر يمه .. لاطلعتي معي من المستشفى .. لاوزع كيك وحلاو .. في الشوارع والاشارات ..
ابتسمت الام .. ووجها موجوع:
ويه مير .. عساني اوزعه بعرسك .. يامرضيتني .. انتي ..
باست جبينها وخدها .. وضمتها: ياحبيبتي يايمه ..

شاهين ارسل .. من جديد : غادة .. وش فيها الوالدة .. ؟!
غاده راحت جلست على النافذه الكبيره .. وتحاول تجفف دموعها .. دون فائده :
امس تعبت مره .. شالها الاسعاف من البيت ..
بالطوارئ توقف عندها القلب .. بس الله لطف توعت بعد الانعاش .. والحين انا معها بالمستشفى .. الدكتور يقول لازم عملية .. بس خطرة ونسبة نجاحها ضعيفة.. واذا ماسوتها .. الوضع اخطر..

شاهين عارف .. ايش ام غاده عند غادة :
سلامتها .. لاتخافين .. ان شاء الله بتتحسن .. وبترجع احسن من اول .. ادعي لها .. واذا احتجتوا شي .. عطيني خبر ..

غادة اوجعها .. كيف رسمي .. وكيف ماعطى رد لكلامها كله .. غير فقرة امها .. وواضح من باب الشفقه ..
كتبت : الله يجزاك خير .. اخليك ..

طلعت من المحادثه ...
وهو قفل ..
حط الجوال على الطاولة..
وتنهد بضيق .. ودخان البرد يطلع من فمه ..
جات جمان .. من وراه وحطت يديها الدافيه على وجهه البارد :ثلجت قم ادخل ..
شاهين : ناموا البنات ..
جمان وهي تضمه .. وتقرب من خده: ايه ..
باس ذراعها: احبك جمان .. الله لايحرمني اياك ..
جمان ضمته اكثر : ولايحرمني اياك ..

‏الدار دارك . .ما أنت طرقيّ ولا ضيف
‏هذيّ نفود أرضك وهذيّ رياحك..

*****

فارس وقف في نص غرفته .. مسك راسه بقوه..
شعور بالضياع والوحده .. واليُتم ..
"ماحد راح يفهمني" ..
جلس على طرف السرير ..
سحب جواله من الكومدينا ..
كتب :
انتي كل تقولين اني ولدك العود .. وتقولين يا امك .. لما كسرت الكولا ورحتي نسبتيني لنفسك اني ورعك وبتنظفين اللي انا سويته .. ترى من ذاك اليوم .. كبرتي مثل الأم .. في خاطري ..
زعلت من كلام نواف لك وانتي تدافعين عني البارح .. وان يقول تحطونها بمكان نجود ..
انا ماعلي منهم ..
بس انا اشوفك بمكان نجود يامهره ..
انا مخنوق ومتضايق.. وفوقها انا زعلتك .. ارضي علي ..
يمه ..
انا آسف ..والله آسف .. ولاتشيلين بخاطرك علي ..

وراح ارسلها ...

ظل شوي .. ينتظر رد ..
مهره وصلتها الرساله وظلت تحدق في الجوال ..

'كلمة( يمه) يوم قالها فارس لي ...
اوقفت بي الزمن..
احداث حياتي ..كبرتني سنين ..الألم والضعف .. والفقد ..
يقولون فاقد الشي لايعطيه..كذب ..فقدت الأم بحياتي .. بس لما يوصلني شعور فارس بنفس الفقد ..
يجيني في داخلي شعور الامومه .. القوي له ..
ابتسمت .. ومسحت دموعي .. (ولدي واعتذر) ..'

طلعت بسرعه من الغرفه وراحت ناحية غرفته .. دقت الباب بخفوت ..
وفارس : هلا..
افتحت الباب : ممكن ادخل .. ؟!
التفت بسرعه: هلا مهره .. حياك ..شدعوى ادخلي ..
مهره رفعت حاجب : اخاف ادخل .. وماسمحت .. ثم انضرب ..
فارس : الله .. شايلتها بخاطرك ..
وجاء ناحيتها: ترى جد آسف ..واعتذر..وحقك علي.. وهذا راسك واحبه ..
وباس راسها ..

مهره تأثرت: يوووه ترى ببكي الحين ..
ابتسم ومسك راسها مره ثانيه وباسه : ابكي اجل ..

ضحكت .. وعيونها مليانه دموع ..ولمت ذراعه .. وراحت جلست معه : اجل تعال دام تسامحنا ..خلينا نسولف ..
فارس :وش تبيني اقول ..
مهره تناظره نظرة اتهام: انت مو طبيعي .. ولا اسلوبك .. ومتضايق .. قل لي امي وش فيك ..
تنهد ..سكت شوي .. وعقدت حواجبها :
ايه ..؟! ..
شرد في السجاده وتكلم : البارح لما تأخرت .. وانا واعد نواف .. ارجع .. ماكان بكيفي .. غصب عني ..
مهره بتسائل : كيف .. وضح لي ..؟!

حكى لمهره كل شي صار .. وبالتفصيل ..
توسعت عيونها منصدمه ..

هتفت  : ودام ابوك يحذرك من تيم .. ليش تخاويه ..
فارس : انا اشوفه مع الربع .. وبصراحه ماحب اسلوب ماشي هذا ولاتماشي ذاك .. كنت معه بس حذر والله .. والبارح نكبني بالوضع الزفت اللي صار ..

مهره بقلق: وكيف تهدده وتوقف في وجهه .. هو مو صاحي .. اللي يشرب يسوي اي شي ..
فارس : مهره انا ماهددته وانا ماقدر اسوي له شي .. ترى انا اتدرب ..
هتفت: ياشيخ ..!!
ضحك : والله يابنت.. انا داخل نادي قتال ورمايه مع ابوي بلندن .. ومعي شهاده ..
مهره بتحذير: والله حتى لو انك جاكي شان .. لاتتعرض لأحد ..وخلاص اقطع علاقتك فيه .. ذا واحد مايتآمن ..

فارس : ماهمني ولايخوفني .. انا اللي غابني .. كيف صرت بمكان خايس كذا .. كيف قربت البنت الوسخه مني .. مهره يع نفسها جاء على خدي .. حسيت بستفرغ ..

مهره : شوف اللي حصل لك اعتبره درس .. لما ابوك يحذرك من اشخاص .. تراه عنده بعد نظر ..وموضوع الشيشه .. بما انك البارح جيت وماكنت تشيش هناك .. يعني كويس .. في تطور ..
فارس تنهد :
ماشيشت هناك .. بس جيت دخنت الفيب .. مهره ماقدر اقطعها كذا .. صداع .. وجسمي ينمل ..
مهره : طيب خلينا ندرج .. قلل.. شوي شوي لمن تقطعها ..
فارس : ماقدر.. انتي تقولين كذا .. بس انا ماقدر .. لما قاومت ماشيشت مع الربع .. جيت هنا ودخنت ..بتقولين تخلص منها .. بروح اشتري غيرها ..

مهره شردت شوي تفكر .. بعدين التفتت عليه :
طيب تمام .. انا بساعدك .. خلها معي .. وانا اجيبها لك .. في اوقات متفرفه ونقلل .. كل يوم اقل .. لمن تقطعها ..
فارس ضغط عيونه : مادري ..
مهره بثقه: بتقدر فارس .. وانا معك قلباً وقالباً.. واثقه فيك..
ابتسم ابتسامة باهته: اخاف اصدمك ..
مهره : نجرب ..
قام وراح غرفة التبديل .. ورجع ومعاه الفيب .. وزجاجات صغيره فيها محاليل بعدة نكهات ..
مهره تقلبها : وش ذا ..
فارس: هذا المحلول تبعها..
مهره : توت .. وخوخ .. وتفاح .. ايش شغل الفواحات هذي ..
ضحك : هذا للبزارين زينا .. انتي خليك على مالبورو بوفارس .. شكله جايب راسك ..
مهره وهي تقوم ومعها اشياء فارس :
والله انت رايح فيها .. ويبي لك اعادة تأهيل ..
فارس بمرح : على يدك ..يمه ..
ضحكت: بتشوف .. والله لاصقلك .. وبالعصا ..

*****

(كان حي .. لم يكن ميت) ..

رسالة وصلت لسما .. في الصباح الباكر .. وكانت لابسه ترنغ وناويه تطلع تمشي .. وتسوي رياضه ..
ارتجف الجوال بيدها ... وهي تشوف المرسل ..
انسانه تعرفها عدل .. من ايام امريكا .. منقطعه عنها من سنوات .. وش جابها الحين .. !
كذابه .. كذابه .. !
راحت تطلع من الرساله وترجع .. لها ثاني .. مستحيل .. !
ايش تقول هذي ..
الجوال يرتجف اكثر بيدها .. وبشكل هستيري .. راحت تعاود الاتصال .. وجوال المرسله اصبح مغلق ..
عادت الاتصال عشر مرات تقريباً.. وكله مغلق ..
ارسلت على نفس الجوال ..
ماتتلقى الرسائل ..

توسعت عيونها .. وتحولت للون الأحمر كالدم .. رمت الجوال ع السرير .. وقبضت على راسها بقوه ومن بين اسنانها :
كذاااااابه ..
راحت بعصبية دفت كل الاشياء من على التسريحة وصرخت : اللعنه عليكِ.. هيلين .. اللعنه عليكِ.. من أين خرجتي يامرتزقه .. .ماذا تريدين مني ايتها العاهره ..
وبعد ماكسرت كل شي تطيح يدها عليه .. توسعت عيونها وتحاول تسوعب الرساله ومعناها ..
بعيون زائغه .. تتخيل احداث من الماضي ..
: هل أنا غبية الى هذا الحد .. كيف صدقت..نعم لما لا .. قد يكون حي .. انا لم اره بعيني وهو ميت ..
وصاحت بجنون : كيف ..كيف صدقت انه مات .. !!!!

*****
سيف الى الآن في دُبي ..
يستعد بيطلع من الفندق ..
لما دق الجرس ..
خمن انها خدمة الغرف ..
فتح الباب ..
وقابله وجه انثوي .. بنظاره شمسيه .. وعبايه مبهرجه ..
وببتسامه واسعه : سيبريز .. !

حدق فيها بدون تعبير : لا أحلفي عاد ..
راحت مرت من تحت يده ودخلت : والله اني شارلوك هولمز .. عرفت انك بتكون بتلانتس .. من تجي دبي تسكن فيه ..

اغلق الباب ويحاول يكتم غيضه :
يعني لو ابي اجيبك جبتك من البدايه .. انا جاي عندي شغل ..وش تبين جايه رازه عنقك ..

نوف تحوس في الغرفه وتستكشف :
هذا حقي يعني ماخذه يومين من الدوام اجازه وطاقه التذكره وجايه قلت مو مخليه حبيبي وحداني ..

سيف بنرفزه : اقصري الهرج .. وش تبين جايه ..
نوف قربت منه: وحشتني .. وقلت فرصه .. نكون بعيد ومع بعض ..
سيف بعدها عنه وسحب الجاكت حقه : رتبي حجزك .. وارجعي .. انا حركات بفاجئك واجي اطب عليك ماحبها ..
توسعت عيونها :
الله شدعوى .. وانت بتشيلني .. ولابتدفني بعربه .. والله بصير عاقله .. وبسوي كل اللي تبيه .. تكفى سيف خلني .. تكفى ..

سيف خذ اغراضه ومو عارف وش يقول .. بس لو يترك نفسه .. نتف نوف ..
توه بيطلع ..
الا لحقته وتعدل شيلتها :
بنزل معك ..
سيف بانفعال : نوف ..!
بتوسل : تكفى تكفى .. والله ماسوي شي يزعجك ..
هو : انا نازل اتغدى .. وبمشي اقابل واحد عندي معه شغل .. وش تبين آخذك ..
ضمت ذراعه:
تمام .. اتغدى معك .. بعدين باخذ سيارة من الفندق واروح دبي مول اتسوق ..بس خلينا نتغدى سوى لاتكسر خاطري ..
سحب الهواء .. وزفره ..
وفتح الباب وطلع ..وطلعت معه ..!

*****

خلال هذي الأيام .. فارس قل طلوعه من البيت ..
قدر يتحكم بالتدخين .. بمساعدة مهره .. كانت تجيبها له.. في اوقات متباعده .. نفس الوجبات ..
الحين هي معه بغرفته .. وهو يدخنها .. كانت تسند راسها على ورى .. وتناظر السقف ..
فارس: وراه ..؟!
مهره تنهدت : وحشني ابوك ..اليوم خامس وماجاء ..
فارس : الحين انتي خمس ايام .. وتضايقتي كذا .. وش بتسوين لارجع لندن ..
اعتدلت .. ونزلت راسها على كفوفها:
مادري فارس ..
فارس مد شفته: بالعاده ماياخذ معه احد من حريمه  يعني ..
مهره حطت يدها على خدها وتنهدت:
لا مو هنا المشكله .. ترى ابوك طرح الفكره علي .. وقال يبي ياخذني .. ويبي يقنعك .. تروح بعد .. فارس ابوك يبينا نستقر بلندن ..

فارس : مادري صعب حيل .. وخاصه انا ادرس .. يعني ماراح نقدر نرجع بعدين للسعوديه الا بالإجازات .. انتي روحي .. انا متعود ابقى هنا ..
مهره : مثل ماقلت صعب .. بس وربي ماقدر اظل بعيده عن ابوك .. تعودت عليه..
حط الفيب على الطاوله :
فكري بالموضوع بجديه ..لايروح ثم تتحسفين ..
مهره ناظرته بحيره:وانت ..؟! .. وسيف ولدي .. ترى جدك يبيه معه ..
فارس : مهره ماعليك .. لو قررتي تروحين .. في اشياء كثير بتتغير ..
ارتفع رنين جوالها .. شافت الشاشه : اختي ..؟!
ابتسم : خلاص شيليها .. باخذ شاحني وبنزل ..
ابتسمت : تمام .. نلتقي تحت ..

خذت الفيب دسته بجيب كنزتها وطلعت ..
فارس فتح جواله وفتح سناب .. وتوه جالس يتصفح .. الا لقى سنابه ع الخاص من نوف ..فتحها كانت صورة لابوه في جلسه خارجيه تبع الفندق ..
عليه نظارة شمسيه وملتفت ويدخن .. وباين مايدري انها تصوره ..
وكاتبه : مع الحب الله لايحرمني منه ..

فارس اعتصر الجوال بيده .. !
وناظر مكان مهره ..
كيف تعبانه بدون ابوه .. وكيف مشتاقه له حيل ..
وكيف تفكره لحاله ..' في دبي' ..
فارس بقهر : وهو رايح مع الساحره .. ويقول شغل .. ويجون يكلموني عن الاستغفال .. ليش يبه ليش .. شهالحب .. اللي تعرفونه .. كيف تحب مهره .. وتكذب عليها ..!

مهره طلعت من عند فارس.. ردت على زينه ..
توجهت للصاله الفوقيه .. وتلملم ألعاب راميهم .. سيف وتاركهم .. وتسولف معها..

ماسكه الجوال بكتفها:
ابي سبب واحد يقنعني ليه يعاملك هالمريض كذا .. ليه تسكتين ..
زينه : كل ماشتكيت لجديده .. قالت اصبري .. تعبت مهره .. وسندس تقول روحي خلعيه .. احس هالقضايا يبي لها رجال يوقف معي ..

(مهره وسندس مايدرون عن مسألة الطلاق .. ولايدرون الا عن مسألة انه شكاك .. ويضربها احيان .. بس الجده كانت تدري عن الطلاق المتكرر .. بس كانت تخاف من ابو عبد الإله لانه اقشر .. وتخاف على زينه لايسون لها شي .. لأن عبد الاله يبيها حيل ومايبي يتركها .. اما المسأله الكبيره اللي تخفيها زينه .. عن زوجها .. ماحد يدري عنها أبد)

مهره : انا عن مليون رجال .. والله اجيك .. وافكك من وجه الماعز هذا .. ياخي انتي كيف متحملته .. لازين في الأخلاق .. ولاقبول في المنظر ..
ضحكت زينه: وش اسوي .. حظي معفن ..كل يوم اطريك واقول اللي فك مهره من عساف يفكني ان شاء الله ..
جلست مهره ومدت رجولها : شفتي صورة توأمه ياختي شي مخيف ..
زينه بضحكه: من المُخيف ..؟! هذا مخيف .. خبله انتي .. حاصل يجي يخوفني ..
ضحكت مهره: كلبه .. الحين يجيك بوجبر يدوس ع بطنك ..
انفجرت زينه ضحك: بموووت من وين طلعتي اللقب ..
مهره : اخبر جديده .. تقول ان رجلك كان كله يستفرغ وهو صغير .. ومن ذاك اليوم تم اطلاق لقب بو جبر عليه .. يع رجلك معفن من يوم هو صغير ..

زينه بيأس : الله يزين حظي .. ولا ياخذني ..
مهره فجأه بجديه : حيوانه .. لاتقولين كذا .. جعلني افداك ..
زينه بتنهيده مريره : تعبت ياخيتي تعبت ..ولا ابو يفزع .. ولا اخو يدافع .. وجديده .. ماتبي تسمع .. تمشي اللي تبيه وبس ..
مهره :تبين اشوف لك سيف ..
زينه بسرعه : لاتكفين .. هذول ناس مايستحون.. بكره يفشلونا مع النسيب ..
مهره: طيب اذا انتي مو ماينه على سيف .. شوفي مشعل .. مشعل اخونا.. ونمون عليه ..
زينه : لا مهره تكفين .. مابي احد يدخل .. وضعي حساس شوي ..
عقدت حواجبها : زيون وش مخبيه .. مادري ليش احس في اشياء مانعرفها ..
زينه بدفاع: ماخبي شي صدقيني ..
وغيرت الموضوع :وش اللي ارسلتي امس بسناب وانتي تتكلمين .. سويت سكيب .. بالغلط وراحوا..

مهره  تذكرت : ايه صح .. زينه حبيبتي .. ابي كتب من حقين ابوي.. روايات .. والاعمال الكاملة للماغوط ومؤلفات جبران .. تلقينها بغرفتي ..تكفين زيون ارسليها بسمسا..
زينه :خذتي انتي مجموعه .. معك ..
مهره: خذت ثلاث كتب بس .. في مجموعه كنت مجهزتهم ونسيت اشيلهم ..
زينه: مادري اذا عرفت .. ابشري ..
مهره : حاولي زينه .. تعرفين مايقطع وقتي الا هالكتب القديمة..
زينه : الناس وصلت القمر وانتي قاعده تقرين للماغوط ..
مهره :هذول الأدب الاصيل انتي وش دراك ..
زينه : خلاص بشوفهم لك بس ماوعدك ..
مهره : تمام فديتك حاولي ..

قفلت .. وفارس كان طلع من غرفته وسمع حوارها الأخير مع زينه عن الكتب ..
حاول يبتسم .. لأنه منقهر من ابوه: تبين كتب اجل .. ؟!

التفتت وابتسمت: يعني اتسلى .. ترى انا أولد فاشن .. مو مع السوشل ميديا ..
غمز بعينه : طيب تمام .. قومي بوريك شي يعجبك ..
قامت وبفضول :كتب ..؟!
راح يمشي وصعد فيها الدور الثالث: مكتبة ..
مهره بدهشه : من جدك ..؟!
فارس يشغل الانوار ويبدد الظلام في الدور الثالث:
ترى ابوي قارئ وعنده مكتبه.. بس يعني مكان خاص فيه ومايحب احد يتسلط عليه ..
مهره تتلفت في الدور الفوقي اول مره تصعد .. اغلبه نوافذ كبيره .. مخليه المكان بارد مره .. فارس راح ناحية تحفه رفعها .. وطلع مفتاح :
تعالي ..
لحقته لباب خشبي كبير .. افتحه .. وصدمها الظلام .. مهره : يالله .. وش هالرعب .. الدور هذا كأنه مو تبع البيت ..
فارس يضحك وهو يدخل وماد ذراعينه .. متجه لمفتاح النور داخل : ابوي يجلس دوم هنا .. اتوقعه يحضر أرواح ..
مهره وهي تتلفت ولاتشوف شي .. بس شكل المكان واسع .. وفيه ريحة كُتب.. وتبغ .. وعطر ..
شغل فارس النور ..
انكسرت عينها ..
وبدت تتوسع عيونها بالتدريج .. بذهول .. من كل شي شافته ..

رفوف كبيره مليانه كُتب .. وموسوعات .. روايات وادبيات ..
مكتب ..كلاسيكي ..
عليه بعض الكتب والمفكرات .. ومحبرة وريشه ..
التفتت بصدمه للصور المعلقه ع الجدار .. فيه صور جميله حيل لمارلين مورو.. وزبيدة ثروت ..ومريم فخر الدين .. وكابلزات قديمه ..اجنبية .. بالوان الصور الأبيض وأسود ..
بالزاويه فيه جرامافون كلاسيكي .. ولم يكن ديكور .. لأن جنبه اسطوانات قديمة .. راح فارس يحط واحد فيها :
اعجبك المكان ..؟!
مهره وهي تدور بعيونها بكل شي :
يجنن فارس .. جوي ..حيل جوي .. ليه ماجابني ابوك هنا من قبل ..
فارس : يعني هو مكانه الخاص .. مكان عزلته .. ويمكن مو قصده يخلي المكان سري عنك .. بس انتي شكلك ماطرحتي فكرة الكتب عليه ..

مهره هزت كتفها : يمكن ..
طلع صوت موسيقى مهرهر من الجرامافون .. بعدها صفى ووضح ..
وانسابت اغنية تركية قديمة ..
خلت مهره تنذهل .. من سيف وجو سيف .. !
وكلاسيكياته ..!

شافت على الرف مجموعة من الصور القديمة في فريمات ..
لسيف واقف وشايل فارس .. وصوره تجمع عساف بنواف .. صور للعايله .. وصوره لنجود ..
دققت فيها بشرود ..
فارس بخفوت : أمي ..
مهره بهمس : توقعت .. جميله مره .. احسها تشبه جمان ..
فارس : كثير يقولون ..
رفعت مهره صوره لسيف قديمه .. لابس ثوب وشايل بندق صيد .. الصوره جانبيه .. تجنن ..
مهره : تشبه ابوك حيل .. وهو اصغر كنه انت ..
فارس يناظر الصوره: احب هالشبه ..
تأملتها مع فارس .. بمشاعر حب منهم الأثنين ..

مهره ترجع الصوره وعينها تروح للصوره اللي جنبها ..
توسعت عيونها بصدمه .. لما شافت صوره لها ..واضح ملتقطها سيف بدون علمها ..
فارس بشقاوة:
اخس يابوفارس .. انا اشهد انه قادح ..
مهره بدهشه شالت الفريم ..وبتسائل : متى .. !

'رحت استكشف مكان سيف بشغف .. دائماً لديه جانب لا اعرفه..بل جوانب كثيرة ..
لكن مكان عزلته .. ادخلني في عالمه .. بل في تجاويف عقله ..
الصور الأنثويه من الزمن القديم .. علمتني كيف يحب سيف الأنثى الطبيعية ..
بدلع مارلين .. وعيني زبيده .. وشموخ مريم فخر الدين .. وشقاوة سعاد ..
عدة صور لعيون عسليه .. قديمة ..
لذالك يعشق سيف عيني ..و يألف التحديق فيها بدون ملل ..
كيف لا والعيون العسليه كانت عشقه في مراهقته ..!!
وجدت نفسي بين الرفوف .. في الكتب العتيقه التي اعشق ..
طبعات قديمة جداً.. يبدو ان سيف جمعها بعناية ..
كُتب ..للماغوط .. وغادة ودويش .. وغسان كنفاني .. وغيرهم ..
كتب تاريخيه .. عن اوروبا والهند .. والكثير..
هناك نجيب واحسان .. واجاثا ..
اتسعت عيناي بانبهار .. وانا اسحب طبعة متهالكه لرواية الكونت دي مونت كريستو .. واخرى للبوؤساء .. !
كيف التقينا انا وسيف في هذه النقطه ..انا معه .. عاشقين للماضي الجميل .. حرفا ً ولوناً.. واغنية ..
امضيت تلك الليله هناك ..
تركني فارس .. وابحرت .. '

*****

رجع سيف متأخر الفندق ..
دخل الغرفه .. لقى اكياس مشتريات نوف بكل مكان ..
تذكر وجودها .. عقد حواجبه وهو يشوفها نايمه ع السرير ..
اتجه للخزانه بدون يصدر صوت .. وفتحها .. وحط فيها شغله وقفلها ..
بعدها راح يشبك جواله بالشاحن ..
نوف تحركت في نومها .. وبانت بملابس نوم مثيره ..
حط الجوال .. وهو يناظرها .. تخيل مهره .. وكيف محروم منها .. الى الآن حتى ماشافها بملابس كذا ..
قرب من نوف وجلس جنبها ..
لمس وجهها بظهر سبابته والوسطى .. نزل .. عند عنقها .. وقلبه يخفق بارتباك .. اضطربت حواسه ..!
نوف زوجته .. ولا عليه لوم ..
قرب من وجهها وباسها .. وداعب خدها بشعرات ذقنه..
تحركت نوف بضيق .. ولم تستوعب ..
ابتسم واقترب ليقبل عنقها ..
لكن ..!
وقف ..

*افقت على هذه الصفعه .. لم يكن في هذه النقطه عطرها .. ولا شعرها .. ولا خالها تحت اذنها ..
ابتعدت ..
قبل مهره كنت اخذ الأنثى .. احتياج ولحظه وشغف ..
في هذه الثواني ..
كدت اعود لذاك الرجل اللحظي .. كادت نوف تغريني لعبثي ..!
في النهار نوف لم تكن تعني لي شيئاً ..حتى اني تضايقت لوجودها ..
ومشاركتها لرحلتي..
لما الآن اراها كالحور .. !

توقفت .. وشعرت اني اخون مهره .. اخون فاكهة الجنه خاصتي ..!
سحرتني مهره بعطرها .. حبستني في عنقها عندما قبلته ..
اقتنعت .. اني لا استطيع .. اما هي ..
او هي ..
لم تعد جوارحي راغبه بغيرها .. *

قام سيف وتعوذ من الشيطان .. تروش .. وجاء استلقى على السرير ..وقبل ينام
خذ جواله وكتب مسج:
‏ما أقصر الوقت إن قاسمتهُ معها
‏وإن تغِب كيف هذا الليل أطويهِ؟

مهره في مكتبه الى الآن .. وصلتها الرساله وافتحتها .. ابتسمت بحنين .. اشتاقت له حيل ..
كتبت :
‏إنّي أتيتُك بأشتاتي لتجمعها
‏مالي أراكَ قد شتّتَ أشتاتي؟

سيف.. ماتوقعها صاحية .. كتب : مانمتي ..؟!
كتبت : وحشتني .. مو عارفه انام .. ملاحظ اني ماسمعت صوتك اليوم كله ..
كتب : والمطلوب ..؟!
مهره ارسلت ملصق يضحك لعبله كامل ماسكه مسدس : دق علي ..
سيف : بنام .. والله تعبان ..
مهره بشقاوة: خلاص نام .. كوابيس تعيسه ..
انصدم .. حط ضحكه : هههههههههههههههههه بدل ماتقولين لي نوم العوافي .. وانا اللي جايب لك هديه ..
مهره بعناد: مابي .. كلمني ..
سيف : تمام .. اصبري
وقام سحب الدخان وطلع لشرفة الجناح ..
كان بينام ..
وكانت اعصابه تالفه .. مع الشي الذي كاد يقع ..
بس لما سمع صوت مهره .. !
تغير كل شي ..
'يقتنع مع مرور الأيام ان مهره نصفه .. ولايكتمل الا بها'

*****

مهره نزلت من فوق بوقت متأخر .. و الكل نام .. !
و بداخلها كثير من الطاقه الايجابيه .. بعد مكالمة سيف ..
وبعد جلوسها بمكانه .. بين كتبه واشياءه .. وتفاصيله ..
كانت تطفي النور بعد مانزلت الدرج .. وتوجهت  لغرفتها .. ولفت انتباهها شي في الصاله العلوية .. قربت لقت زبديه كلها قشور كستناء ..
مو هنا المشكله ..
طرى عليها عساف .. وهي تقوله: حد ياكل كستناء نيه ..
هو مسترخي .. وياكلها : انا ماحبها الا كذا .. لو حد عطاني اياها مطبوخه ارميها في زباله ..
مهره بسخريه : والله من التخلف .. واللحاجه ..

سمعت صوت نواف وراها :اكل الكستناء الغير مطبوخه لايعني اني متخلف ولا لحجي .. صح .. ولا عندك راي ثاني .. !

التفتت بحده ناحيته ..
وهي تتشبث بالكتب بخوف ..
وبنظره زايغه ناظرته :
انت مين .. ايش اللعبه اللي قاعد تلعبها .. ايش اللي تبي توصله بالضبط ..
مر من جنبها .. وجلس حط رجل على رجل .. وبتهكم :
اللعبه الكبيره عندك .. لاتسوين نفسك بريئه ..
مهره من بين اسنانها :
انا ماعندي العاب .. ولا ألف ولا أدور .. انت واضح .. كنت متواصل مع عساف .. وكنت تدري عن وجودي.. ومسوي الحين بتلعب باعصابي ..
نواف ضحك بسخرية وبعيون خامله:
تفكيرك محدود .. ولا عندك خيال .. مددي مخك شوي .. يمكن توصلين لنتائج ..

توسعت عيونها .. وقلبها يهوي .. خوف .. رجفه .. رعب ..
ابتعدت بسرعه على ورى .. واختفت في غرفتها .. وقفلت الباب .. واسحبت الكرسي وحطته ورى الباب ..
مسكت قلبها ..
وش قاعد يصير ..
وش قصده ..!

جثت مهره على ركبها .. ومن خلال ارتجافها .. وشلل مخها عن التفكير وربط الامور..
تذكرت .. قصة فولتير .. عن لويس الرابع عشر .. واخوه التوأم .. ذو القناع الحديدي ..
تذكرت كيف لويس خذ العرش .. وخلا اخوه عايش في غياهب السجون بهوية ثانيه .. وقناع حديدي لمدة ٣٤ سنه لمن مات .. وظل لغز .. ماحد متأكد هو اخوه اولا .. !
توأم له .. اولا ..
مسكت راسها .. وجفلت للفكره ..هل ممكن اكون امام خدعه هايله من عساف .. !
هل ممكن ..
يكون هذا عساف ..
واللي مات نواف .. !
هل ممكن غيرته من اخوه دفعته .. للفعله هذي ..
ضمت ذرعانها بقوه ..
لو هذا عساف .. وش بيصير .. وش بيسوي .. وسيف .. !
اظل زوجته اولا .. !
زواجنا صح اولا ..؟!

تعوذت من الشيطان برهبه .. !
مستحيل ..
ايه اكيد مستحيل..
ياربي اني استودعتك عقلي وقلبي ..
ياربي اني اجهل الخفايا والغيب .. ألهمني .. ونور بصيرتي .. وابعد عني .. كل مايؤذيني ..

*****

رجع فارس من المدرسه .. نزل من السياره .. وهو فاتح جواله .. عقد حواجبه بعصبية لما شاف رسالة من نوف .. راسلتها من الصبح .. لابوه وهو نايم ..
وكاتبه : صباحي الجميل ..
قبض ع الجوال بقوه ومن بين اسنانه : الحيوانه .. الساحره .. وش قصدها من ورى هالصور .. وابوي .. والله ذايب في العسل ..
دخل الحديقة .. لقى مهره جالسه ولافه ايشارب ع راسها .. وتشتغل في الزرع .. بمقص .. وسيف يلعب بسيكل جنبها ..
رسم على وجهه ابتسامه يخفي فيها ضيقه: شتسوين .. ؟!
مهره رفعت راسها .. وحطت كفها على جبينها عن الشمس : هلا ابوي .. جيت ..حييت ..!
فارس اوجعه قلبه .. على ترحيبها وكلمة ابوي .. وبراءة مهره ..
اللي ماتدري وش يصير من وراها ..
فارس : ايه جيت .. انتي وش قاعده تسوين ..
مهره : طفشت .. قلت اطلع مع سيف اتسلى في الزرع .. وهو ياخذ فتامين د ..
فارس : عمري ماشفت احد يتسلى بالشقا .. كلها شوك خليها .. سعيد يشيلها ..
مهره ترجع تقص:
والله اتسلى .. فيني فلاحه داخلي .. لازم اطلعها ..
فارس يشتت نظره : كلمك ابوي ..؟!
ابتسمت وهي تشتغل :
البارح كلمني .. ظلينا يمكن ساعه ونص نهرج .. مسكين كان بينام وماخليته ..
فارس حس بقهر .. وبتردد:
هو معه أحد ..؟!
مهره تحط اللي بيدها في كومة حشيش قاصته:
لا .. هو رايح لحاله .. عنده ربع هناك ..التقى فيهم ..
سكت فارس .. وهو منزل عيونه عليها .. ومقهور ..
ايش هالإستغفال ..
ليه يبه ليه ..
مو انت اللي تسوي كذا..؟!

رفعت مهره راسها وكنشت عيونها:
فارس وراه .. وش في بطنك؟!
هز راسه نفي :
مافيني شي ..
ارتسمت على شفايفها ابتسامة حلوه :
ابشرك قال لي بيجي اليوم ..
فارس بسخريه مانتبهت لها مهره: بالله ..
مهره تقص الزرع :
اي هو قال لي .. الله يجيبه بالسلامه .. البيت مايصلح بدونه ..
قبل يتكلم .. رن جواله .. رد .. وبعد مكالمه بسيطه .. قفل :
مهره بطلع شوي .. ذياب والربع بيسون غداء ..وعازميني بالاستراحه..ذياب قريب بيجي ياخذني..
مهره بقلق : ادخل لجدتك وقول لها .. ولاكلم جدك ونواف .. هم بالعمل بس عطهم خبر افضل ..
فارس بشقاوة: انتي تكفين .. الحين ولدك وولدك .. ولاجاء على الطلعات قمطتي ..
مهره :لا والله ياخلف جدي .. بس عارفه حرصهم عليك هالايام وخاصه بعد سالفتك مع نواف .. والشيشه  .. ولا انا واثقه فيك .. اي والله..
حط كتبه وشماغه : انا ماشي .. لاتأخر اكثر ..
وقفت ومسكت ذراعه وبتوتر:
فارس ادخل لجدتك وعطها خبر ..
حرك حاجبه: انتِ تكفين .. اذا دخلتي قولي لها ..
مهره : ابوك يمكن يجي على العصر ولا المغرب .. تعال قبلها لايعصب ..
فارس .. ساعتين .. ثلاث جاي .. وعد .. ولو تأخرت سوي فيني اللي تبين ..
مهره : بضربك ..؟!
فارس ضحك: وبالجزمه .. راضي .. يالله دعواتك ..
مهره : الله يحفظك ..
راقبته وهو يطلع .. وماتدري ليه .. قلبها هوا .. راحت بسرعه بتناديه .. ونادت : فارس .. فارس ارجع .. بقولك شي ..
بس كان ركب مع ذياب ومشى ..
مهره اضطربت .. وحست بشعور غريب .. وهي تحدق بكتبه وشماغه ..
سيف : اينه لاح فالس ماما ..؟!
مهره شالت اغراض فارس : راح شوي وبيجي .. تعال ندخل امي يلا ..

*****

غاده .. جالسه في الممر .. بتوتر .. وقلق ..
وكانوا ماخذين امها لأشعه مقطعية .. ومره طولت ..
وصلتها رسالة ..
عقدت حواجبها .. وهي تشوف تحويل مبلغ كبير لحسابها من شاهين .. !

ظلت شوي وجاتها رسالة واتس منه: لاتقصرين ع الوالدة بشي .. شوفي وش تحتاج . . في علاجها .. ولو تطلب الوضع علاجها بالخارج .. انا اقوم فيه ..انتي لاتشيلين هم شي ..

ارتجف الجوال بيدها ..
كيف يبيها تطلع من حياته ..
من يفكر فيها نفس شاهين ..
من يسندها نفس شاهين ..!
من يمسكها قبل تطيح نفسه ..
مافيه ..!
حتى اخواني جاوا قبل تنتهي الزياره بربع ساعه ومشوا ..

ارسلت : ماتقصر شاهين .. بس المبلغ ماراح اقبله .. امي علاجها نفسه هنا وفي اي مكان .. بس هي اللي صارت ضعيفه على العلاج .. وبعدين المستشفى اوك خاص .. بس يعالجونها ع التأمين .. لو احتجت .. بطلبك ..

وراحت رجعت له التحويل .. عن طريق تطبيق البنك .. واغلقت الجوال ..

شاهين يشيش بالمزرعه مع نواف ..تنهد بضيق ..
فعلا ً صاد قلبه عن غاده ..
ومايبي يفتح معها اي باب ..
مكتفي بجمان .. ورجعتها له ..
ومايبي شي يعكر صفوهم ..
بس ماقدر يصد عن غاده واحتياجها له في مرض امها ..
نواف :
وش فيك .. صاير شي ..
شاهين : ابد .. بس مخربين الجدول شوي .. عيد زواجنا قريب .. ودي اسوي مفاجأه لجمان واسافر بها .. بس ماراح يحصل .. عندي رحله بعد ايام قليله من التاريخ ..
نواف وهو يشيش : تعوضونها ان شاء الله .. ماعليه ..
شاهين :على خير .. قولي اخبار فارس هالايام ..
نواف بتفكير : مادري .. فارس .. صاير يخبي عني امور .. وماهي عوايده ..
شاهين : هو قطع الشيشه صدق ..؟
نواف باستخفاف وعدم تصديق: يقول ..!
شاهين : وليه تقولها كذا .. دامه قال صدقه ..
نواف : شاهين .. فارس مو بعيد عنا وعن اطباعنا .. فينا رس العناد ..واللي بروسنا نمشيه .. حتى لو بحركات ملتويه ..
شاهين : يابن الحلال .. احسن النيه .. فارس طينته طيبه .. ومايحب يزعل ابوه ..
نواف : نقول ان شاء الله .. عاد هو طالع اليوم .. رمى اغراضه على مرت ابوه ومشى .. نشوف .. اذا صامل ولا ..اذا جاء وماشيش .. بحسن النيه فيه ..
ضحك شاهين : اعوذ بالله ..

*****

وصل سيف .. بعد المغرب .. وصل نوف لبيته .. لانها تحججت ان خواتها بيتشمتون فيها .. ان رجعها على طول ..
ماكان يبي يتناقش معها ..
نزلها الفيلا ومشى ..

دخل بيتهم .. كانوا امه وخواته موجودين.. وسيف وبنات جمان ..يلعبون..
سلم .. وسيف ركض له : اووووبه ...
لقفه وشاله ..
وببتسامه: هلا بالشيخ ..
سيف ضمه: اين لحت ..؟! ..
سيف جلس وحطه ع حضنه: رحت العمل .. قل لي وين امك .. وين فارس .. ؟!
سيف يهز كتوفه : فالس .. ادلي .. بره .. ماما فوق ..
التفت عليهم : وينه فارس ..؟!
موضي :جاء من المدرسه وطلع مع الذياب .. عاد مسيكين من رحت انت وهو مايطلع الا للمدرسه ..اليوم بس طلع ..
سيف وباين مرهق .. دق عليه وجواله مغلق :
مقفل جواله .. متى كلمتوه..
موضي : كلمني اول ماراح .. وقال لي .. مابغيت ادقدق عليه واحرجه عند ربعه .. اكيد فضى الشحن .. ومامعوه شاحن ..
سيف ماعلق ..
جمان غمزت بعينها له : ومهره فوق .. قم سلم عليها وارتاح .. باين انك تعبان..
ابتسم .. ونزل سيف من حضنه: تمام ..

مهره فوق .. متوتره وهي تدق وتدق على فارس ولايرد .. وكله مغلق ..
عاد هو اول ماوصل رسل لها واتس .. ملصق استياء .. وكتب تخيلي تيم ال** موجود ..

مهره توترت وكتبت له :
خلاص ارجع فارس .. لاتظل ..
كتب: ماعلي منه ..
مهره: فارس عشاني .. ارجع ..
كتب لها : لاتحاتين .. هو اصلا ً باين بيمشي ..
مهره واعصابها على المحك ..
مرت الساعات .. ولا جاء .. ولايرد ..

'سيف'
*دخلت الغرفه مُرتبه .. العطر يملئ الأجواء .. ورد بالفازات .. الاجواء ساحره ..
وهناك شموع ..لكن لم تشعل ..
وبصراحة لم يكن يلزم ذلك ..
كانت واقفه هناك ..
وحدها تكفي ..
وحدها كل شموعي ..!
لم تنتبه لدخولي ..
كانت بثوب مخمل رقيق .. داكن ..رسم تفاصيلها .. التي تخفيها دائماً عني ..
شعرها ينساب على ظهرها .. ولونه الجميل يتناغم مع ماترتديه ..
كنت امشي نحوها .. واصدرت صوت في خطواتي ..
التفتت مهرتي ..
وناظرتني بعينان برزتا بالكحل .. وشفاه منفرجه دهشه .. جننتني .. !..*

مهره والجوال بيدها.. اسرعت نحوه .. وقبل تتكلم ..
راحت عانقته .. لفت ذراعينها خلف رقبته .. وتشبثت فيه ..
سيف وقلبه يخفق .. يكاد يُسمع ..راسه عند رقبتها .. المكان الذي يظل طريقه فيه .. وينسى هويته ..
راح خانق جسدها بين ذراعيه وضمها بشوق اكبر .. حسته مهره رفعها عن الارض وهو يهمس في اذنها :
انتي وش تبين تسوين فيني بالضبط .. ؟!
همست وهي تخبي وجهها برقبته:
لاتخليني وتروح عني .. لاتخليني ثاني ..

لحظة صمت مرت ..
مهره تخفي نفسها فيه ..
عن توترات نواف .. ومخاوفها ..
تبي تسيطر على عصبيتها من اختفاء فارس وعدم رده ..
تبي تستشعر انه قريب وبيحل كل شي خايفه منه ..
سيف .. يحتفظ فيها اكثر في حضنه .. عقله يغيب عن كل شي ..
يستشعر ..عظمة النعمه في امتلاكها ..
مشى فيها .. لمن نزلها ع السرير .. رفع راسه .. وهي في محيط ذراعيه ..
نزل راسه وقبلها بشغف ..
مهره متشبثه بقميصه ..
غارقه في جنون القبله .. والوله .. !
غارقه في عشقها ..
ناسيه كل شيء ..

ابتعد سيف وابتسم .. وهو يبعد خصلاتها عن وجهها ..
ناظر عرقها النابض في رقبتها .. يكاد يجرح جلدها ويخرج ..
صدرها يعلو ويهبط .. وانفاسها منقطعه ..
همس بعبث :
قلبك يبيني .. ومو خايف مثل هاك اليوم ..
مهره تحاول تعتدل...
بس منعها:
خليك ..انا على الوعد ..
رفعت يدها لراسه .. غرست اصابعها في شعره ..كانت تبي تقوله كل شي .. وتشكي له .. عن الماضي والحاضر .. بس انعقد لسانها ..
سيف : انتي ناذره .. تاخذين عقلي .. طالعه تجننين .. وفوقها .. تبين تبعدين ..
مهره بخفوت واناملها تتحرك في رقبته وشعره  :
جُمان ..جت واصرت الا البس هالفستان .. وضبطت مكياجي وشعري ..
رفع راسه يناظرها .. كيف عيونها تجنن بالكحل ..
نزلت عيونها مو قادره تحدق بعيونه اكثر  : يعني مازيني الا المكياج .. ترى كلها كحل وروج ..امسحه اجل وارجع هولا ..
ضحك وهو يمسك معصمها ويثبتها ع المخده:
من الهولا من .. انتي خالقك ربي عقوبة لي .. ورب الكعبه انتي دعوة مظلوم ..ووقعت علي ..
توسعت عيون مهره .. وبفهاوه وبراءه :
انا ..؟!!
سيف : ايه انتي .. من غيرك .. لعبتي فيني لعب ..بس الله حسيبك ..
مهره ببراءه ونظره حايره: وانا ايش سويت ..؟!
رفع حاجب وبتهديد : زيدي زيدي بهالنظرات ...والله اجيب العيد فيك ..
مهره ابتسمت .. ورفعت راسها باست طرف انفه:
وارحب يابعد راسي ..
سيف عض شفته .. وقام نزل يده عند خصرها ..
مهره بتحذير : انت قلت على الوعد ..
سيف : مهره تراك مو خايفه ..
مهره تبي تعتدل : الا والله خايفه .. شفني قمت ارجف ..
سيف انصدم : ايش هالنصب والاحتيال ..
رن جوالها .. كان جنبها ع السرير ..يقطع اللحظه ويرجعها لقلقها على فارس .. اعتدلت بسرعه وهي تبعد سيف وتاخذ الجوال ..
السواق رشيد يتصل .. لأن الحل الاخير .. ارسلته مهره .. لاستراحة ذياب ..يشوف فارس ..
سيف مسك معصمها : وش تبين تردين .. هذا وقته ..
مهره بعجله: مرسلته عشان شغله .. ضروريه .. ثواني بس ..
ردت : هلا رشيد ..
رشيد صوته ينسمع مع ان الجوال في اذنها : مدام .. فارس مافي استراحة ذياب .. صديق انا هناك كلام .. فارس روح ساعة ثلاثه عصر .. مافيه ..

توسعت عيون مهره .. وهي تقوم وبخوف :
كيف رشيد .. طيب ذياب .. مافي موجود ..
رشيد : فارس .. ذياب .. هذا تيم .. هيسم .. كولو روح ..
سيف عقد حواجبه : وش صاير .. ؟!
مهره تأشر يعني انتظر ..
قالت : رشيد شوف نمبر ذياب .. من صديق انت ..
رشيد : انا كلام ذياب .. نمبر سكر ..
مهره تناظر سيف وتقفل الجوال .. وهو ينتظرها تتكلم ..
بعصبيه: وش فيه فارس ..؟!
مهره بتوتر : مافيه الا الخير ان شاء الله .. بس انا كذا اوسوس واحاتي ..
قالت كذا وهي تشبك كفوفها بعصبيه ..
سيف بعصبيه :
مهره شسالفه ..؟!
مالقت مفر الا انها تقوله .. ممكن يكون فارس في مصيبه ولاشي ..
تكلمت :
جاء فارس من المدرسه .. كلمه الذياب .. انو بيسون غداء بالاستراحه .. وقال لي ولانُ كان مستعجل .. ماقال لجدته .. بس كلمها لمن وصل ..
سيف بنفاذ صبر : اييييه .. ؟! اختصري ..

مهره رفعت عيونها وبرجفه :
رسل لي ان تيم كان هناك .. وهو بيوم اللي سافرت متهاوش معه هوشه كبيره .. وذاك توعده .. سيف .. قلت له يرجع .. وقال ان تيم بيمشي .. الحين رشيد يقول انهم طلعوا سوا ..من ثلاث العصر .. هالحين سبع .. وفارس من قبل الثلاث مايرد علي .. تعبت وانا اتصل .. لو المسأله شاحن .. مافي محل يخلو من الشواحن ذا الحين ..

سيف بحده وانفعال: الكلب قايله .. يبعد عن ولد ال *** هذا بس مايسمعني ..يعاندني السفله .. يعاندني بس انا اراويه..

مهره مسكت ذراعه وبتبكي : سيف لاتعصب منه .. والله مسكين ..شوفه .. لايكون فيه شي .. قلبي منقبض ..
سيف ياخذ جواله ويدق رقم : خليني اصيده .. والله لاحسب ربي ماخلقه ..
مهره ضامه كفوفها .. تناظر بخوف ..
رد نواف : ارحب ..
بعصبية : الزفت فارس عندك.. ؟!
نواف : لا ماشفته اليوم ..
بحده وانفعال: الله يلعنه ..
سيف .. ياخذ مفتاح سيارته ويطلع .. وهو يتكلم مع نواف ..
مهره .. تهالكت على الارض: ياربي اني استودعتك فارس .. ياربي من اراد به سوء فاجعل تدبيره تدميره .. ياربي .. من اراد ان يضره فاجعل كيده في نحره .. اللهم اني لا اسئلك رد القضاء .. لكني اسئلك اللطف فيه ...
حست يدينها تثلج ..
وقلبها ينقبض اكثر ..

*****

مرت الساعات في حالة توتر وقلق على فارس اللي اختفى فعلياً وكأن الأرض انشقت وابلعته ..
مهره مع موضي والبنات في الصاله ..
بلقيس قاعده قدام امها ع الطاوله :
مافيه شي يمه .. لاتفاولين .. تلقينه غفى .. عند احد من ربعه .. .
موضي ماسكه راسها وتبكي:
لا يايمه .. فيه شي .. مايخليني مايطمني ..آاااه ياقلبي يافارس .. آاااه ياعميري .. وش صار فيك ..
جمان بحده : يمه .. !
مهره بعباية وشيله .. تطلع بره وترجع ..مابقى فيها لون .. مابكت ..
بس ضلوعها قربت تعصر قلبها ..
الغصه بحلقها قربت تخنقها .. !
تدعي  وتنتحب في داخلها .. انه يرجع بالسلامه ..
جمان : مهره .. اقعدي .. الله يهديك .. لايجيكم شي ..

سعود دخل .. وجواله باذنه : ايه هالحين ارسلك رقم هويته .. تكفى .. تكفى .. ترى رجولنا معد تشيلنا .. يابونايف..
قفل .. ويرسل من جواله هوية فارس .. للضابط اللي يعرفه ..

موضي ببكاء : وش صار ياسعود .. مالقيتوه ..
سعود : ماظل ضابط ..اعرفه الا كلمته .. ابوه وعمه وخاله .. بيجنون في الشوارع ولا لقوه .. فص ملح وذاب الله يدفع البلاء..
جمان : يالله رحمتك .. الله يحفظ وليدنا ويرده ..
مهره مسكت قلبها ..وماتبي تبكي .. راحت فرت بتطلع الا فتح سيف الباب .. ومسكها .. قبل تطلع ..
شاف وجهها كيف صاير: وين .. ؟!
مهره بعيون طايره  وخوف: بطلع ادور فارس .. شفيكم الى الآن مالقيتوه .. والله حتى لو انه نمله ..انتوا ماتدورون عدل ..
ناظرت عيونه ..وبتردد مفجوع :
لا يكون صار فيه شي ..
سيف يرجعها داخل: من شوي شاهين ونواف كلموني لقوه ..
موضي بصياح : يارب لك الحمد والشكر ..
سعود تهاوى على الكنب وهو يحمدالله ويشكره ..
والبنات يرددون عبارات الحمد والشكر ..
ومهره ناظرت وجهه الجامد ..
وقلبها مرعوب :
طيب هو ..؟! .. بخير .. ! ..

سيف اعصابه دمار ..والغضب لاعب فيه .. ببرود حاد :والله خوي نواف بالمرور .. كلمه .. وقال لقوه .. راح نواف وشاهين لانهم اقرب ..
مهره تتشبث في ذراعه : ليش المرور .. وش صاير عليه ..
صاحت : سيف شهالبرود .. ليش مارحت معهم ..
سيف بحده : لاني لو شفته هناك بدفنه بقرنته .. خلي خاله وعمه يجيبونه .. وانا اتفاهم معه هنا عن وجه الأوادم ..
سعود: لا اله الا الله .. ياسيف .. لااله الا الله ..
سيف بحده : يبه .. انا مخلي معكم امانه ..وش هولا تساهلتوا معه .. الولد فسقان وخربان .. اجل مرور.. اخرتها مركز الشرطه ..
موضي : استهدي بالله يمه .. وادعي ان ماعليه شر .. خل يجي ونشوفه ..

سيف بحده : وانتي يمه .. عاجبك .. كل ماقلت باخذه معي قلتي خله .. وهذا افعاله .. ودافعي عنه .. والله لا اوريه نجوم القايله ..
جمان وبلقيس ساكتين ..
قدام عصبية سيف وغضبه العارم .. !

مهره .. مو خايفه من غضب سيف وصياحه .. قد مو خايفه على فارس .. واسباب دخول المرور في الموضوع ..!
موضي : مهره امي شيلي ولدك نايم على الكنب .. لايقوم ويرتاع ..
جات قدام سيف الغاضب ..وهمست في وجهه :
سيف .. ترى كلنا قلوبنا راغت .. هد ابوي هد .. ولاتتسخط عليه .. عسى الله يربط فيه ويرده ..
صد بوجهه .. وانفاسه متقطعه من الانفعال ..
سحبت مهره جاكيته من جهة ياقته .. لمن لف وجهه عليها :تكفى عشان خاطري .. ترى امي ضغطها عالي .. من مساعه ..
ناظر عيونها المتوسله .. همست ثاني :
انا فوجهك ..
بخفوت: شيلي ولدك صعديه فوق ..ويصير خير..

تركته ..
وراحت شالت سيف .. وصعدت به ..!
.
.
بعد شوي ..
جمان وهي تقفل جوالها : بلقيس حطي شي على راسك .. شاهين بيدخل ..
موضي بهلع : الوكاد انهم جايبين خبر شين .. ياااااشيب عيني يافارس ..
جمان : يمه ..الله يهديك .. مو كذا .. فارس معهم قال لي شاهين ..
سيف كان جالس بصمت ووجهه مايبشر بخير ..
بلقيس حطت شرشف الصلاة على راسها ..
ومهره الى الآن فوق ..
انفتح الباب .. ودخلوا شاهين ونواف وقدامهم فارس .. ونواف دفه :
ادخل ياكلب .. ادخل ..
كلهم وقفوا يشوفونه .. وموضي قبل تسرع له .. سيف وقف .. ومد يده يعني ( لاتكملين ) ..
عقد حواجبه .. فارس راسه ملفوق بشاش .. ورقبته وثوبه كله دم ..عيونه ماكانت طبيعيه ابد ..
ولاوقوفه .. ولافهاوته ..
سيف ناظر نواف وهز راسه يعني : وش السالفه ..
نواف اشر بصابعه وضعية الحشيش .. ثم اشر على راسه .. يعني قصدة ( الولد مُقلع .. ومتعاطي)
سيف انقض ناحيته :
وشوو..
شاهين وقف بينه وبين فارس :
اهدا يابوي .. الولد ترى مو في وعيه ابد .. ولا احنا حتى فاهمين وش ماخذ ..
سعود : وش هاللي براسه .. هو متهاوش مع احد ..
شاهين : عمي فارس صاير عليه حادث ..
موضي صفعت صدرها :
اااه يمه ..

سيف واعصابه تنشحذ زياده ..
وشاهين : كانوا يفحطون مع ثلاث من ربعه .. قل الحمدلله ترى في واحد منهم بين الحيا والموت .. اللي يسوق واللي وراه وضعهم صعب حيل والله يستر ..
سيف من بين اسنانه :
ابعد ياشاهين ... ترى ماعاد بي صبر ..
جمان برجاء:
تكفى وانا اختك .. خله وبكره .. تفاهم معه ..
شاهين : وانا اقوله .. بكره تفاهم معه .. ترى الولد ماهو صاحي .. ويكفي اللي جاه ..
سيف بدون تفاهم سحب فارس من ذراعه .. وراح مشى فيه ناحية مكتب ابوه ..
موضي تترجاه:
عشاني يمه .. اتركه ..
سعود :
لاتسوي شي تندم عليه يابوك .. ساعة شيطان كفانا الله شرها..
سيف بحده :
ولدي.. وبتفاهم معه ..
بلقيس بخوف وعبره : سيف حرام عليك .. لاتصير غلطة الشاطر بعشره .. والله فارس مسكين .. اكيد احد لعب عليه ..
فارس يرفع حواجبه .. كنه يبي يركز في اصواتهم وهوياتهم بس واضح .. انه اصلا مايشوف زين ..
سحبه سيف : اقسم بالله ..اللي بيحشر خشمه ويدخل .. لارتكب جريمه اليوم ..
دفعه داخل المكتب ..
واغلق الباب ..

شوي من الكلام المنفعل والحاد اللي سمعوه .. من سيف وفارس..بعدها صوت ضربه .. وصرخه من فارس ..
موضي قفلت اذانها :
بلقيس قوميني .. مابي اسمع ..رجولي ماتشيلني ..
بلقيس توها بتقومها..
الا مهره نازله بسرعه : وينه جاء...؟!
جمان : ايه جاء.. مع ابوه في ...
وقبل تكمل .. جات صوت ضربه ثانيه و ثالثه .. وصوت فارس يتوسل: تووبه يبه توبه ..
مهره توسعت عيونها ..وبجنون بتروح ناحية الباب: شيسوي فيه .. ليش تخلونه معه ..
جمان مسكت ذراعها: لاتروحين .. سيف طالعه عفاريته ..والله يعورك ..
مهره بحده اسحبت يدها :ماخليه والله لو يذبحن ..
نواف جاء عندها .. وبحده وغضب :
ابوه ويأدبه .. لاحد يحشر خشمه ..
مهره بحده في وجه نواف :
والله ياحسافة هالشوارب .. على وجوهكم .. متقيوين على هاليتيم الضعيف .. كل واحد يطل بجيبه ويلقى عيبه ..
انصدموا من مهره واسلوبها الحاد الغريب عليهم .. وهي تروح وتفتح الباب ..

سيف بكل غضبه يجلد فارس.. بالحزام .. وفارس يضم نفسه ..
مهره بجنون تشوف الدم في ثوبه والضمادات براسه ..
وسيف يضربه بدون رحمه ..
راحت وقفت في وجهه.. ودفعته بقوه عن فارس ..وصاحت فيه باهستيريا :
تضربه بحزام ..بحزام يالظالم ..
القطت نهاية الحزام .. وبنفس الهستيريا:
شوف شوف في حلقه ... والله توجعه ..ولدك ..سيف ولدك .. ماهو بهيمه ..!!!
صاح في وجهها :
مهره بعدي لا اوجعك ..
جثت وضمت راس فارس وبدفاع وضراوه : بتضرب اضرب .. بس والله ماهده ..والله ماخليه تحت يدك يالظالم ياللي ماتخاف الله ..
صاح فيها :
الكلب متعاطي مخدرات .. تراه فاقد مب صاحي .. ومفحط ومسوي حادث ..يستغفلني انه هد الشيشه .. وهو غارق بشغلات اعظم ..

رفعت راسها له ..
وعيونها كلها دموع وكحلها سال .. وبحده : والله لو ذابح احد  ماتكفر فيه ..لعبوا عليه .. والله فارس مايسويها ..والله وهقوه ومايسويها ..

ضمته وتشبثت فيه: سيف واثقه بفارس.. ولدي .. مايسويها ..حرام عليك ..شوفه مجروح وثوبه كله دم ..
فارس بخفوت :
بعدي مهره انا اتفاهم معه ..
وبحده رفع عيونه : لا أحد يسوي علي شريف روما ..ماعليكم مني .. انا حر نفسي .. اسوي اللي ابي ..
سيف .. مسك ذراعه يبي يسحبه من مهره..
وهي تشبكت فيه .. وتبكي .. صاحت :
مب صاحي مايقصد ..والله مايقصد .. حرام عليك لاتوجعه..

سيف بقسوة :
ولك عين ياكلب ترادد ..
سحبه من مهره ودفعه ع جنب : من اللي حر نفسه .. من اللي يسوي اللي يبيه..
فارس : انا حر .. واسوي اللي ابيه  ( وسوى حركه بسبابته بخشمه) وطرررررررق ..

في الصاله ..
موضي حطت يديها على راسها :
بيذبحه .. نواف .. شاهين يمه .. دخلوا اخذوه.. مهره ماتقوى عليه ..
طلع فارس من المكتب ..وبتمرد :
ايه يبه.. اسوي اللي براسي وماعلي كبير ..
جمان حطت كفوفها على وجهها بتوتر ..
شاهين :نواف .. اخذه وصعده فوق ..
نواف مسك ذراع فارس .. اللي سحبها بعنف :
لاتلمسني .. عقدكم ذي .. روحوا فرغوها بالجدران ..ماسكين علي بتصير زي عساف ..

سيف وقف ويدينه على خصره .. وعاقد حجاجه..
وفارس بدون وعي : يلعن عساف ويلعنكم فوقه .. كل واحد مستشرف .. على مخي .. ابوي تقول استغفلك .. وانت قاعد تستغفل مهره هالمسكينه ..

'سيف مو فاهم فارس وش يخربط' ..

مهره راحت قدام فارس .. وبتوسل : عشاني فارس .. خلاص .. بكره تكلم مع ابوك ..
فارس حرك حاجبه وهو يناظرها: انتي مفكرته لحاله بدبي .. تراه ماخذ الساحره  معه.. يكذب عليك .. وانتي قاعده تبكين ع الاطلال... يامُغفله ..

سيف عقد حجاجه .. ومهره صاحت : خليه ياخذها .. وانت وش حارق رزك .. فارس اصعد فوق.. لاتستفز ابوك ..

سيف : لا لا لايصعد .. خليه يقول اللي في بطنه ..( قال كذا وقرب منه) ..

سعود : تعوذ من الشيطان ياسيف .. لاتحط راسك براسه تراه ماهو بعقله ..
سيف بجمود: لا يبه اصبر .. خله يقول اللي عنده ..

مهره خلت فارس ورى ظهرها: سيف امانه .. اجل كل شي لبكره .. لاتسوي شي تندم عليه ..

فارس بوقاحه :لاتشيش .. لاتدخن .. لاتشرب .. لاتخاوي ذا وخاوي ذا ..تراك تدخن يبه .. ونواف يشيش .. وعساف عاد اوووووه ..
(وضحك) .. ابوي سعود .. عاد انت ماضيك حافل ..

مهره انصدمت من عيون سيف .. وعرق بجبينه ينبض ..
وفارس  يجي قدام ابوه : كلكم عندكم عيوب لااا هنا.. 'واشر على جبينه' غارقيييين ..بس فارس لايغلط ..
وبمد : بس حششت .. وفحطت .. وطررررررررق ..

سيف رفع يده .. وبكل قوته .. نزلها  بكف .. فارس غمض عيونه بقوه ..
وموضي بصيحة : لااااا سيف ..
جمان وبلقيس شهقوا ..
فتح عيونه لما انتبه ان الضربه ماجاته ..
الكف تلقفته مهره في وجهها لما تحركت عشان تحميه من يد ابوه ..
سيف ..ينظر بصدمه لنظرتها الحاده .. واصابعه علمت على خدها .. عينها حمرت والكدمه تحتها ..

مهره بجمود : برد قلبك ..؟!!! .. بتخليه.. ولا والله بطلع فيه من البيت .. لاتفكره وحيد.. وماحد بيدافع عنه ..والله اوقف في وجهك انت واللي اكبر منك ..

نواف يناظرها بصدمه .. كيف تدافع عن فارس .. بكل هالضراوة ...
كلهم اذهلتهم قوتها في دفاعها عنه .. وكيف واقفه بوجه سيف ..
سعود :الله يعز قدرك يامهره والله لايهينك .. امسحيها في وجهي .. وانا ابوك ..

سيف.. يحدق في عيونها الحاده ..وجهها .. اللي تغمق الكدمه فيه تدريجي .. في ثواني .. وكيف تصير ورمه .. وتنفتح بجرح وينزل منها دم ..
بعصبية : بلقيس جيبي ثلج ..
مهره تلتفت .. وتمسك فارس : مابي شي .. بيض الله وجهك ..
وصعدت بفارس .. وساعدته .. تعبان من الضرب اللي جاه .. والحادث ..والحشيش اللي لاعب بعقله ..

سيف .. حس بصداع يداهم راسه ..ضغط على عيونه ..

موضي :راضي عن نفسك الحين .. بنت الناس ارحم على ولدك منك .. الله لايحلك ياسيف لو صار للولد شي من ضربك ..
طلع سيف وبانفعال: خلاص يمه .. خلاص .. ماني ناقصك ...

******

مهره دخلت بفارس غرفته .. وغصه في حلقها تكاد تدمي حنجرتها ..
جلس على سريره ..
ومسك راسه ..
مهره راحت لخزانته تطلع له ثياب ..
فارس يبكي وهو يقبض على راسه .. وكأن مخه بدء يستوعب الاحداث الي صارت :
افففففف .. انا وش سويت .. وش سويت ..

مهره جات ومعها ملابس .. مسحت دموعها بظهر كفها وحاولت تبتسم :
بدل الحين ونام ..وحصل خير ..
رفع راسه وبفجيعه .. وعيونه تهل دموع:
مهره تكومنا بالسياره .. مثل اللحم .. دمنا اختلط جميع .. كنا نصرخ .. وتيم منحشر في الحديد .. وباقي جسمه فوقي ..
توسعت عيونه ..وهو يلطم وجهه : اسكتي .. ذياب .. ذياب .. شكلُ مات ..ترى ماكان بيروح .. راح عشاني .. الله ياخذك ياتيم .. كانك جبت العيد فينا ...

مهره جلست جنبه ومسكت راسه ..ناظرت عيونه : فارس .. ماحد مات .. ماقالوا ان احد مات ..

هو بتوسل : تكفين .. تأكدي .. احس كنه حلم .. والله حلم .. بس تيم وذياب كانوا بجهة السياره .. اللي اضربت فينا .. تيم يسوق وذياب وراه .. هيثم كان معي بالمركز .. ايه .. صح معي .. لأن خذونا للتحقيق .. عشان لقوا سجاير الحشيش بالسياره ..

طقطق جيوبه : جوالي .. وينه .. بتصل فيه .. وينه ..
مهره دورت في جيوبه:
مافي بجيوبك شي ..اصبر وانا اشوف لك الوضع ..بس بتقول لي كل شي صار ..
مسك يدها:
شوفي لي ذياب .. خويي ..مهره ..خويي .. والله ماطلع الا عشاني .. وبقولك اللي تبين ..
عطته الملابس: قم اغسل جسمك وألبس .. بنزل اجيب لك كمادات حق ظهرك وبسألهم ..
هز راسه ايجاب ..
ساعدته .. وصلته لدورة المياه..

مهره موجوعه .. كيف يرجف .. جسمه كله يرتعش .. كيف خايف .. وناسي حتى الوجع بجسمه ..!
خافت تسأل ويجيها خبر شين عن خويه ..
بس انها اطلعت ولقت موضي .. ومعها كمادات .. وادويه .. شايلتهم بصينيه ..باللهفه: عدل هو .. زين ..؟!

مهره بخفوت : ايه يمه .. ان شاء الله زين .. بس يسأل عن اخوياه هاللي حصل عليهم الحادث معه وخايف ..

موضي :يفداك الكذب مادري .. والله ماركزت وش قالوا بس الوكاد العلم عند نواف ..
مهره : وينه هو؟!
موضي : تحت ..
مهره : بروح اسأله .. انتي ادخلي لفارس .. وبجيك ..

نزلت ولقت نواف .. ثاني راسه على كفوفه .. واضح متأزم من الوضع اللي صار كله ..
جمان تلبس عبايتها بتمشي ..
جات ناحيتها .. ولمست خدها ..:
اكتشفت انك شجاعه .. وماتخافين ..لله درك ..

مهره عضت شفايفها ..
يمكن اكبر اسباب .. دفاعها عن فارس .. كان الخوف .. الخوف عليه .. الخوف ان يذوق شي ذاقته .. الخوف من الموقف ..
خوفها لمن كانت وحيده .. وماحد يوقف بوجه عساف ويدافع ..
بخفوت : كلنا نخاف ياجمان .. ومخاوفنا اشكال والوان ..
نواف رفع راسه : بس ترى لمن ترمين نفسك قدام واحد ثاير وتلاسنين .. ذا غباء ..

مهره وثقل بصدرها وقلبها :
انا جيت اسألك .. عن وضع اللي مع فارس في الحادث .. الورع قاعد يستوعب .. وزين مايجن .. خايف انه يكون احد مات .. حسيته خايف حيل على ذياب ..

ضغط عيونه : ماحد مات .. بس تيم وذياب وضعهم صعب .. اثنينهم بالعناية .. تيم عنده ضربه في الراس وكسور .. ذياب انكسر عنده ضلعين .. اذت الرئه .. حصل عنده نزيف داخلي .. بس تداركوا الوضع .. لسى تحت رحمة ربه .. مابان شي لسى ماستقر وضعه .. هيثم .. وهو.. اخف الامور .. لانهم بالجهه الثانيه ..

مهره صدعت .. وجمان .. انقبض قلبها : ياربي ألطف فيهم ..
مهره بغبن : يعني ولده طالع من حادث شين.. بدل مايحمد ربي ويشكره .. يتولاه كذا ..
نزلت دموعها : الله لايرحم اللي مايرحم ..
نواف :فارس ماقصر.. الخراب اللي سواه اليوم .. ماهو شوي ..
مهره وصوتها الباكي :ملعوب عليه .. ومظلوم ..هو مو مستوعب كل شي .. بس والله لاطلعت الحقايق .. بتندمون كلكم ..
جمان مسكت يد مهره : انا معك ..فارس مايسويها .. في خطأ في الموضوع ..
مهره بثقه: ايه في خطأ ..
جمان : انا بطلع .. شاهين ينتظرني والبنات نايمات بالسياره ..
مهره : تمام .. الله يحفظكم حبيبتي ..

جمان بوست خدودها ..
ولمست خدها .. حطي كماده بارده .. ومرهم .. لاتخلينه كذا ..
هزت راسها ايجاب: ماعليك .. لاتحاتين ..
طلعت جمان ..ومهره صعدت فوق ..!

راحت .. لغرفة فارس وقبل تدخل .. سمعته صوته الحاد:
لاتحطين لي شي يمه .. خلاص..كلكم كنتوا موجودين ورضيتوا علي ..

افتحت مهره الباب ..
فارس كان متروش .. ولابس بنطلون ترنغ وجسمه كله اثار ضرب وكدمات.،

موضي مافيها لون:
والله ماكنت راضيه .. بس فارس تعرف ابوك .. لاصار الامر يخصك مايرضا نتدخل .. يلا يمه تكفى .. خلني احط عليك كمادات ومرهم .. لايتورم جسمك ..
فارس بحده: مابي احد يلمسني .. خلوني ليتني ميت ومريحكم مني ..
موضي : استغفر الله العظيم واتوب اليه ..
رفع راسه لمهره ..وباللهفه: ها مهره .. شالعلم .. ؟!

مهره متألمه .. جلست جنبه: يقول نواف .. كلهم طلعوا من الحادث ولله الحمد .. بس عندهم اصابات ..
فارس باللهفه وقلق: وذياب ..؟!
مهره مسكت يده : ذياب تعبان شوي .. وخلوه بالعنايه .. لان صار عنده كسور ونزيف وكذا ..

فارس تغيرت ملامحه .. وامتلت عيونه دموع وبخوف : مهره جد .. ذياب حي ولامات ..
مهره ابتسمت : والله حي .. وبيطلع ان شاء الله ادعي له ..
موضي بغصه : الله يحفظه لأهله .. ولايفجعهم فيه ..
مهره : اللهم آمين ..
فارس اخفى وجهه بركبه وبكى ..
موضي باست راسه :
ادعي له يمه .. ادعي له ..
فارس : والله لاصار لذياب شي ماراح اسامح نفسي ..

موضي ماهو فاهمه ليه محمل نفسه الذنب ..
ناظرت ظهره وذرعانه .. بحسره .. خذت كمادة ثلج .. وقربتها من كتفه ..
ابتعد فارس وبحده ودموع: خلاص يمه اطلعي .. اتركوني في حالي ..كنتي راضيه ...لاتجين تطببين فيني ذا الحين ..
مهره حطت يدها على ذراعه : ماحد كان راضي .. ابوك تلقاه مب راضي على اللي سواه بعد .. بس ابليس حضر ..
فارس رفع عيونه وكلها دموع .. للجرح اللي بوجه مهره والكدمه الزرقاء..
انقهر انُ الصفعه جات لمهره .. وانها انضرت بسببه ..

موضي تراشيه : يلا امي .. خلني احط لك مرهم عشان تلبس .. الغرفه بارده .. وانت مو راضي تشغل التكيف .. يدفيك ..
فارس بنفاذ صبر وعصبيه :
تدرين اني اختنق من المكيف الحار يمه ..والله ومخنوق بما فيه الكفايه .. خلصوا هاليوم اللي مايبي يقضي .. واطلعوا وخلوني لحالي ..
مهره اشرت بعينها لموضي .. يعني خليه انا معه ..
موضي : الله يهديك يمه .. !
وطلعت ..

مهره في لحظة صمت مرت تناظر الأرض .. وفارس مخفي وجهه في ذرعانه .. على ركبه ..
.
.

سيف  كان طلع من البيت .. والحين راجع .. ماتحمل يبعد عنهم .. كيف ضر القلبين حقينه..
فارس ومهره ..
كيف غلبه الغضب لذي الدرجه .. كان يدخن ويتخيل فارس وهو يضرب فيه ..كان يقول والله ماكنت ادري .. يبه تيم نكبني ..

وجعه قلبه .. وهو يتخيله ضام نفسه.. ويقول : اوجعتن يبه .. انا فارس يبه .. خلاص يبه.. تكفى..

حس بغصه .. وثقل في قلبه ..
ومهره جات في باله كيف تتشبث فيه وتدافع عنه ..
كيف تلقت الكف ..
ناظر يده كيف ترجف ..
مو مستوعب كيف فصل لذي الدرجه .. كيف عصب وبغى يموت من غياب فارس لساعات .. وابليس صور له اعنف الصور والنهايات .،

كيف عصب من فكرة تفحيطه .. وفرضية انه 'لو مات' ولم ينجو ..
كيف انذبح .. من مسألة تعاطيه.. وكيف عيونه صايره ..
كيف تجنن من الدم في ثوبه وجبينه ..

مسك قلبه وحسه بينفر من مكانه .. !.
وصل البيت ونزل ..
دخل .. وصعد فوق .. وراح ناحية غرفة فارس ..
كان الباب شبه مفتوح .. وقف وهو يسمع مهره تتكلم معه ..
سرق النظر.. مهره كمدت الضربات وحطت مرهم على جروحه ..
وفارس لبس تشترته .. والحين تلبسه قبعه وتنزلها على اذانه :
يعني تيم .. كان  يطلب السماح منك .. وهو يخدعك ..

فارس شارد :
ماشفتيه يامهره كيف يتوسل ويقول اني خويه .. واعتذر كيف غشني وخذاني هاك الاستراحه ..بس انا كذا قلبي قافل من ناحيته ومو راضي بالاسف .. وقلت له اني مو شايل عليه بس ابيه يظل بعيد عني ..
مهره وهي تجلس قربه :
طيب ..؟!
فارس: خلاص .. جلسنا وكان منوه انه بيمشي .. والله وتغدينا .. وكنا قاعدين نشرب شاهي .. انا بعد الشاي انعفست .. قمت اضحك .. وطولت الاغاني وارقص .. واللي مستوعبه انه ذياب .. لعن تيم .. لانه هو مسوي كاسات الشاي .. وتيم يقول :
اوريك بخويك مسوي شريف .. والله لاطلع الشرف حقه من عيونه.. بس هذا اللي اتذكره .. كيف طلعت .. كيف رحنا بسيارة تيم .. التفحيط كله ماذكر صح .. كل شي .. بس تجيني ومضات .. ان ذياب .. كان جاي انه خايف علي .. ومضات .. اني كنت اشرب زقاير وكلها كان يشبها تيم لي ..

مسك راسه بقوه وهو يحاول يسترجع:
يضحك يضحك ومهستر هو وهيثم .. وانا خليته يوقف فتحت الباب واستفرغت ..ومن قو الترجيع .. طلع من خشمي ..حسيتني بموت ..
مسك راسه وبضياع: وكان يضحك .. تيم كان يضحك وانا استفرغ ..ذياب يهاوشه .. يبيه ينزلنا وانه يبي يرجعني ..مو مستوعب كيف حصل الحادث .. بس اذكر صراخنا .. والدم في وجهي.. مهره حيل يخوف ..

غمض عيونه بقوه .. ويحاول يربط الصور في بعض ..
مهره ساعدته .. ينسدح لحفته : خلاص نام امي..لاتفكر كثير ..
فارس فتح عيونه :
والله مهره كنت مبسوط .. اني معك تقدمنا بموضوع الشيشه .. وقربت اقطعها..
مهره بحنيه:
وان شاء الله بنكمل .. انسى اللي حصل ..
فارس:صدقتيني .. صدقتي انه مالي ذنب ..

مهره تربت عليه كنه طفل : والله مصدقتك .. ومن البدايه قلت انه لعبوا عليك ..
فارس غمض عيونه .. صداع قوي .. جسمه بدء يسخن .. جسمه كله رضوض .. ويوجعه بقوه ..وبدء النوم ياخذه ..
بدء يهذي: علمي ابوي .. كان معصب ولاصدقني .. والله تيم غشني في الشاهي ..
سكت شوي .. وكمل وهو يهذري:
والله غشني في الشاهي ومادري وش كان حاط لي فيه .. مادري والله ..
نايم ودموعه تنزل: يبه .. بغيت اموت .. والله شفت الموت يبه ..

مهره تعض شفتها ..تحاول ماتنتحب .. وهي دموعها تنزل ..
سيف .. ماسك مقبض الباب بقوه ..
وحجم الندم والألم زلزله .. لو بس اسمعه .. لو بس استوعب الكارثه اللي حلت عليه ..
اختنق .. مقهور .. موجوع ..

مهره شالت الادويه والشغلات .. وراحت دورة المياه .. دخلت حطتهم .. وقفلت الباب .. وانهارت بكي .. حست بوجع بظهرها وكتوفها .. وكأن الم فارس ذكرها بألمها صراخها .. توسلها ..
وكيف عساف مارحمها .. !
.
.

سيف .. دخل الغرفه ..
وقرب من فراش فارس ..جلس جنبه .. كان نايم على بطنه ..
لمس ظهره .. وعلى طول فارس تحسس من اللمسه بسبة الوجع .. تحرك وهو نايم ..
سيف سحب الهواء ومو قادر يطلعه ..
ارخى اكواعه على ركبه .. وانحنى في جلسة انكسار ..!
ظل كذا وكل شوي يلتفت يناظر وجه فارس التعبان .. والشاش على راسه .. والجروح من الحادث عند وجهه وفي رقبته .. وحتى في ذراعه وييدينه ..
حس بعتامة في عيونه .. ويلعن اعصابه ..ويلعن نفسه ويده اللي انمدت عليه ..

طلعت مهره .. من دورة المياه وبيدها كمادة ثلج صغيره حاطتها على وجهها ..
وبس انتبهت لوجود سيف والتفاته لها..عطت نظرة غضب .. وتوجهت للباب بسرعه  بتطلع .. لحقها ومسك ذراعها ..وبخفوت :
مهره .. وقفي ..
بخفوت وعصبيه: ابعد يدك عني ..
سيف بندم : ترى كنت واقف وسمعت حكيك مع فارس .. وعرفت اللي حصل ..
مهره بسخريه وعصبيه :لا.. بدري.. !!
وسحبت ذراعها ..
تمسك فيها : مهره لاتزيدينها علي ..
بخفوت :
تكفى لانصحي فارس وسيف .. خليني اطلع ..
طلع معها .. ودخلوا بغرفتهم .. مهره رمت الثلج ع السرير ..
وراحت تاخذ شاحنها .. وبجامتها ..
سيف : ايش هالتصرفات مهره .. اعقلي .. ترى الوضع اللي صار اليوم طلعني من طوري ..

مهره بانفعال: والله حتى البهيمه .. البهيمه .. في الشرع في لها ذبح حلال .. ولدك سيف ..انت شايف جسمه .. هو من الحادث ولا من ضربك ...الولد منجمر على ربعه .. يتكلم ويغص ..ايش هالتبلد فيكم .. ايش مخلوقين منه انتوا ..

سيف مسح على راسه بعصبيه :
كنت شعره واجن عليه .. الساعات اللي ندور فيه .. شيبي طلع ..ماظل صورة ماجابها ابليس في وجهي ..انتي ماهو فاهمه وش فارس عندي .. انا ماصبرني على مر الدنيا الا عينه ..

مهره بحده .. عروقها طلعت :
واللي يحب يسوي سواك .. كان يصيح ويترجاك .. كان سمعته .. فهمت وش يبي يقول ..
سيف بحده : كان يخربط .. كان مب صاحي ..

مهره بحده اكبر : من فيكم صاحي ..كيف الواحد يستهين بروح ويضربها ولايدري وين يوقع ضربه .. ولا وش يضر .. لو طابت جروحه وش يطيب خاطره ..الضرب اهانه يامريض..
سيف يتحرك بعصبيه .. يبرر لنفسه:
بس في النهايه انا محذره من عيال هالحرام .. وشوفي وين وصلوه ..
مهره بتهكم وغضب: برافو والله .. هذا وانت سمعت عن نكبتهم له .. بس تدري انت واخوانك .. الظاهر متعتكم في الدنيا .. انكم تخلون اللي حولكم خايفين منكم .. من ابوك لمن بلقيس .. ماحد كان متجرء يوقفك عند حدك ..

قالت كذا وبتطلع ..
مسكها سيف : مهره اصبري ..
التفتت بحده وبعيون كلها اتهام صاحت :
سيف اتركني ..
مسك ذراعها زياده .. وهو يناظر عيونها ..
مهره اجتمعت الدموع في عينها ..
سيف بخفوت :
دام عندك الشجاعه توقفين في وجهي وتخطيني .. لاتهربين الحين .. كملي جميلك .. وعالجي اللي سويته ..
مهره نزلت دموعها:
مابي اشوفك ولا اكلمك ..شكلك مايروح عن بالي .. وانت تضربه .. مابغيت اشوفك بهالصورة ..

لمس خدها والورمه الداكنه تحت عينها:
توجعك .. !
مهره ودموعها تزيد .. بانهيار وقهر ..
سيف بحنيه :
انا آسف ..
مهره بنحيب : شسوي فيك .. قل لي شسوي فيك .. ؟!
سيف باس راسها : سامحيني ..
مهره تخبي عيونها بكفوفها وتبكي .. كنها طفله .. بكت ومو عارفه تسكت ابد ..

خذها سيف وضمها ..
وبكت وهي تشهق..
سيف وجعه قلبه : اهدي ابوي ..تكفين ..
مهره: انا احب كيف انت مع فارس .. انت خربت كل شي يالمريض .. شوهت هالصوره ..
سيف : ماعليك .. ولدي واعرف له وبكره تشوفين ..
مهره بقهر : حتى لو سامحك بقوله لاتسامحه .. احد يضرب كذا .. جسمه ازرق ومجرح .. والله ذاب قلبي وانا اشوفه ..
سيف ضمها اكثر:
اسف يابوي .. اسف ..

*****

شاهين : اخوانك نفس عمي اول ..لاضرب كفر..
جمان معطته ظهرها وحيل متأثره:
اول مره يضربه بذا الشكل .. تذكر يوم يسرق فارس سلاح ابوي قبل اربع سنين .. ويقعد يطلق فيه .. ضربه سيف .. بس والله مو كذا ..

شاهين متسند على ظهر السرير ومو عارف ينام :
ترى الولد طالع من موت .. سيف ماكانت واضحه عنده الصوره .. الحادث شنيع .. ورانا الضابط صور السياره ..الله اللي اخرجهم ..

جمان تحدق في الفراغ .. وزفرت بصعوبه:
بعد عمري اهو ..
اعتدلت ..وخبت راسها في ركبها :
ياربي مخنوقه.. صورته ماتروح عن بالي ..
شاهين .. مسح على ظهرها :
يلا ماعليه .. يقولون كل طقه بتعلومه ..!

*****

نواف .. كما الجميع .. ماحد منهم عرف ينام ..
فارس محبوب الكل في البيت ..
من انولد .. وهو بالنسبه لهم ..ألطف هديه من رب العالمين ..
كبر في حبهم وحنانهم .. صار اخو عمامه وعماته ..
ولد جده وجدته ..!
نواف وتحاصره عيون مهره ودفاعها .. ماكان تمثيل .. ولا اصطناع .. !
حدتها في كلامها .. شراستها..
دعك عيونه : افففف .. اففف ..
قام طلع من الغرفه .. وراح عند غرفة فارس .. لقى سيف واقف والباب شبه مفتوح ..
نواف بخفوت : وراك واقف هنا ..
سيف : فارس مرتفعه حرارته ويهلوس .. مهره معه ..
نواف: طيب ادخل ..
سيف واضح متأزم : لا خلني هنا ..
نواف سمع صوت القرآن مشغلته مهره عند راس فارس ..
وكانت تقول :
مصايبي كثيره .. وش تبي في اكبرها ..

فارس  ببتسامه خافته وعيون ذابله : ابي اقارن .. هو سويتي شي يسوى .. وانضربتي عليه .. ولا ..
مهره شابكه اصابعها باصابع فارس .. وتمسج يده :
لاتفكر ماجاني ضرب .. جاني ضرب حلال .. وجاني ضرب حرام ..
سيف عقد حواجبه .. وحتى نواف .. وكنهم يترقبون وش بتقول ..
فارس: وش الفرق .. ؟!
ابتسمت : الحلال .. هو من جديده.. وياما ضربتنا .. مثلا ًمره انا وزينه اختي .. فرطنا محاصيل ثلاث شجر ليمون .. وقطفناها وهي لسى صغيرات .. مابقينا فيها شي .. شلنا حتى الزهر .. يومها كلنا ضرب حلال .. بالشبشب ..
ضحكت :انا كنت مسويه ثقيله ومابي ابكي .. بس زينه .. فقدت الوعي من الصياح ..
فارس رفع حواجبه : من الشبشب .. ؟!.
مهره وكنها تتذكر ذاك اليوم :
هي بكت وشهقت .. ووقف عندها النفس .. مو من الشبشب ..
فارس : اجل وش ..؟؛
مهره : من ضحك سندس علينا ..
فارس بعيونه الذابله ومبتسم: كل شي الا الكرامه ..
مهره: اقسم بالله تشمتت فينا .. بعدين تقلدنا كيف نعرج واحنا نمشي .. سندس يهوديه ..وقلبها قوي مو مثلي انا وزينه .. القطو ياكل عشانا ..
فارس مستمتع رغم ان سخونته ضربت فوق : انتوا مغفلات مثلي ..
مهره : ايه مره .. !

فارس : عطينا من الضرب الحرام ..!
حدقت في كف فارس وتنهدت : كنت ابالغ بسياغ الحديث يعني ..
فارس : وابوك ..؟!
مهره .. ماحبت تجرح مشاعره .. فقد ضربه ابوه .. بس اختصرت: لا ماكان يضربني ..

ولو تعمقت في الحديث عن ابوها بتبكي ..
ماكان يرضى حتى النسمه تأذيهم ..
وفعلياً مو مبالغه ..
تذكر لما شعرها يجي على وجهها ..وعيونها ويمللها وهي تحاول تزيحه ..
كان يشيله كله ويربطه ..
ابتسمت وتذكر مره .. مع انها كبيره بثانوي ..في المزرعه معه ..
ادوشها شعرها ..
ابوها سحب خوص نخل .. ولمه ذيل حصان وربطه ..
مهره :الله يبه .. حسستني .. كيس شعير ..!
ابوها: ضبي شعرك لايذي عينك .. ولا والله بحلقه بالمكينه ..
فارس شاف مهره شارده :
شكله كان يضربك .. وتكذبين ..
مهره ابتسمت : ورب الكعبه .. ابوي ماضربني حتى بغصن ورده ..

سيف ونواف .. اغلقوا الباب .. وراحوا جلسوا بالصاله .. والتزموا الصمت .. وعليهم هالة كآبه ..

ومرت تلك الليله بصعوبه على الجميع ..!
حرارة فارس كانت ترقى وتنزل .. ومهره ظلت معه .. كان زعلان من الكل ومايبي احد يقرب منه ..بستثناءها..

*****