رواية مبعثر فيك ماللحزن لايشفى الفصل الثاني والعشرون 22 - بقلم ايمان يوسف🕊️

البارت الثاني والعشرون

وتمر الأيام..
وتمضي بابطالنا..
والآن شعبان..

نبذه عن بعض الأوضاع..
'مهره حملها سيطر على الأجواء والكل فرحان.. طفل راح يكسر قاعدة سيف فالإنجاب  من غير نجود..!
و قبله مهره كيف غيرت حياته وازاحت الحزن والهموم.. التي شوهت داخله..'

'شاهين عرف ان جمان بإيطاليا وضبط جدول رحلاته.. انُ يكون اغلبها على روما.. بحث في كل مكان يعرفه وزاره معها.. خاصه ان شهر العسل كان هناك.. بس عجز..
زار مكان دراستها..حاول يطيح على اي شي ممكن يوصله لها.. لكن..!
الوضع كان مستحيل..
ابوها واخوانها.. حاولوا يساعدونه.. بأي شي يعرفونه.. لكن ماوصلوا..
خاصه ان جمان عاشت اربع  سنوات هناك.. وكانت لها علاقاتها وتنقلاتها بحكم دراسة الرسم..!

'جمان ترسل احيان لابوها ايميل تطمنه.. بس ماكانت تتجاوب مع اي ايميل سؤال.. او محاولة اقناع في الرجوع..
باتت سجينه في عناد مرضي ومتشبثه بطفل كالبنيان الآيل للسقوط.. حذرها الاطباء ان حملها صعب.. واوصوها بالابتعاد عن كل مايثير عصبيتها او غضبها..
وشاهين..
لاتجد له.. الا كل حنق وغضب ورغبه بالافتراس..!'

'هادي وبلقيس.. وعجز هائل في المواجهه.. موضوع بلقيس معلق عند ابوها.
وهادي مقتنع.. دامه ماقام بهالخطوه قبل.. وش صورته وهو يقطع الخط على ولد عمها.. ويقنع نفسه ان ذا افضل لها..
احسن من الناس تاكله وتقول طمع فيها..  ويثيرون الجدل بالفارق بينهم..!
بلقيس كانت غاضبه منه و ماعادت تتواصل معه ووصلت لنتيجه.. ان قطع العلاقه مع هادي افضل حل..!
حتى لو ماتزوجت شبيب..

'زينه.. تعيش براحه وخفه ومايعكر صفوها الا إلحاح عبد الإله ورسايله.. وانه يبي يرجعها.. وابوه تواصل مع جدتها.. والجده رفضت.. هو حالياً بمصر ومن جد يتعالج.. هي تتمنى له كل خير بس بعيد عنها.. عدم يأسه فيها مسبب لها قلق'..

.
.
.

في صباح جميل- في مزرعة صبحا
الخوات مبيتين وفالينها.. والجده كانت معودتهم على الحنه في شعبان كطقس شعبي..

مهره صاحية الصبح..
وتستفرغ بالحمام وتبكي وتهاوش.. لانها كانت رافضه الطبوقه والجده اصرت.. ومع الوحم ريحة الحنه لعبت بحسبتها..
وسندس تضحك عند الباب وتطق:
طيب خلاص فتحي يازبده.. لايغمى عليك..
مهره:بموووت سندس.. الشرهه مو عليكم على اللي يطيعكم.. ريحة الحنه بكل مكان.. شسوي.. شسوي..
زينه تطق:طيب اطلعي.. اخذي ليمون تخفف لوعتك..
صاحت :مابي شي.. مابي شي.. انتي متخيله اتمضمض.. والحناء بيدي.. ارشح وجهي واشمه..وش ذا الحالة..!!!!!
وشهقت: خشمي بدى يرعف..
اتسعت عيونهم بخوف وقلق..
وسندس تطق :فتحي ياتبن..مهير فتحي خلاص..
زينه:بعدي عن الباب.. بشوته..
افتحت وحاطه فوطه بخشمها ووجهها اصفر :سندس.. من جد انا تعبانه.. حاسة الشم والتذوق تلفت.. والدنيا تدور فيني.. انا ابد مو طبيعية..

خذتها وجلستها على الكنب :زوين جيبي ثلج.. ومويه باردة..
راحت..
وسندس جلست مقابلتها وماسكه الفوطة على أنفها :
قولي لي يومك حامل بسيف.. وش كنتي تاكلين اول ماتصحين وترتاحين.. فكي ريقك..
مهره ارتبكت مع السؤال:
يعني اي شي..
سندس :كيف اي شي.. وحامك ماكان كذا..؟!
مهره ارتبكت اكثر ومسكت الفوطه.. وبعدتها:
كنه وقف..
سندس :انتي مع الرعاف.. يادافع البلاء..
جات زينه.. وجايبه بسكوت ناشف..مع ماء :
اكليه.. اخبر حماتي.. من تحمل وهي تقرش بسكوت شاي..
سندس :خليها تولي.. بسوي فيه حلى.. لاتخلصه علينا..
ضحكت زينه:انتي خلي هالفقيرة تاكل شي.. تالي فكري بحلاك.. ياعمري خيتي..
مهره تاكل البسكوت بشكل مزري ومئساوي..
زينه :أووويه عليك يامهير.. تكسرين الخاطر..
سندس قامت:مساخه ودلع.. مسويه عمرها بكريه.. نست الفار اللي يعثي ببهارات صبحا..
نقزت زينه: لاتقولين.. ناشرته تبيه يجف..عشان تطحنه..
سندس برواقه:والله هو وغنى بره شكلهم طحنوه.. قبلها..
ركضت زينه طلعت بره..
وسندس التفتت وعقدت حواجبها.. تنظر لمهره وهي تنسدح وتحط ذراعها على جبينها:
مهره.. لاطاوعين نفسك كذا ماتاكلين وتنامين كثير.. بينزل الدم عندك.. تعالي على نفسك وتقوي..
مهره بدون تناظرها:بالعكس اكل.. متى ماخفت اللوعه..
سندس :ياشيخه.. ملاحظه من امس واليوم مافي بطنك الا خيار وطماط وملح.. شوفي ترى رجالك جايبك.. على الله تشتهين عند جديده وتاكلين.. شكل الحاله زادت..
ابتسمت  والتفتت:
اي والله زادت.. كيف اشتهي الزاد.. وانا بعيده عنه.. مايمر.. مايمر..
توسعت عيون سندس بصدمه من مهره العاشقة: ايااااا بنت اللذين.. طلعتي داجه.. خفيفه وطايره بالعجه.. استحي اثقلي..

مهره تعتدل وبوجهها الشاحب ابتسامة  ونظرة حالمة:
احبه احبه سندس..شوفي انا ربي ابتلاني قبل.. عشان يكافئني بسيف..
دخلت زينه وابتسمت.. ومهره تقول:
سيف عطاني الحياة.. جبر كسري.. جمع قلبي اللي تقطع ألف قطعة.. عوضني في غازي فقيدي.. ونوير اللي ينقال انها امي.. تصدقين بداخلي صرت اترحم على عساف.. اقول ربي حطه بطريقي سبب عشان يوصلني سيف.. جد.. الحمدلله على سيف حتى يبلغ الحمد منتهاه..
زينه :الله يخليكم لبعض.. احلى اثنين اقسم بالله ..
سندس بنص عيون تجنن مهره:
ما جزتي لي.. وانتي متخرفنه وصايره هواوية.. لازم اقعد وافهمك التوازن..
ضحكت :خلي التوازن لك.. متسلطه على مشيعل.. انا اعرف لنفسي ولرجالي..
دق جوال مهره على الطاولة..
سندس تناظر الرقم وصورة فتاكه طلعت لسيف مع الرنه :
زيووون  تشوفين اللي انا اشوفه.. اصلا ً مهير ماضيع علومها الا هالزين..ولا..؟!
قاطعتها مهره وهي تضحك وتشيل الجوال من جنبها:
تقلعي لاتغازلين رجلي..ترى مارضا..
زينه انفجرت ضحك:لا.. لا.. فات بو فارس اعترافات.. وغيره وتملُك...
افتحت الجوال  ومتعمده تجلط سندس: هلا حبيبي..
سيف صوته توه صاحي:حبيبي..؟!.. جديده..!!
مهره : ايه من يوم ورايح بغير اسمك من سيف لحبيبي.. كيفك يابعد عمري.. ياقلبي انت..
سيف ناظر شاشة الجوال.. بعدين رجع لها:
وش فيك مهره تعبانه..؟!..
مهره: ياعين مهره..قلبي.. امر.. لبيه.. اشتقت لي..

سندس قامت..ماتحب هالكلام ابد ومهره تدري عشان كذا تغيضها..
راحت ارسلت بوسه لسيف: وهذا القُبله الصباحية نرسلها عبر الاثير.. دام مافي لايف..
صاحت سندس فيها: اثقلييي اثقلي ياملي.. شنوحك خفيفه الله يخلف عليك..

ضحكت ..
سيف :وش فيها الحايلية ماهو جايز لها الحكي..
مهره:ابد..!
طلعوا وخلوها لحالها تكلمه..
مهره سكتت شوي..
وسيف:وين راح لسانك..
مهره:كنت اغيض سندس وراحت..
سيف :يعني حكي.. مو من القلب..
مهره:اذا انت القلب.. وش لك بخرابيط اللسان..
سيف بصوت يتخلخل بخلايا مهره:وحشتيني..

اعترف لـ الليالي اني : بديت أدمنه
‏مستعد اشتريه .. و من سنيني أبيع

‏صوتك الناعس يلخّص فصول السنة
‏قلّي آحبك ، احبك هي أخت الربيع !

*****

هادي في  المكتب مع سعود  يشتغل على اوراق..
لملمهم  بملفات وحطهم على المكتب :
عزلتهم مثل ماتبي..وكلهم لهم نسخ في الهاردسك..
خذهم تصفحهم :نواف ماجاء..؟!
هادي :لا راح موقع البناء..بيشيك عليهم ويجي..
سعود:عساكم ع القوه يبه..
هادي يدخل قلمه في جيبه:يقويك ياسنايدي.. تبي شي..
سعود :ابيك تكلم سعد بوفريح.. مابي احرجه  ابيه في شغله..
عقد حجاجه :سعد ماغيره.. الدكتور..
سعود:ايه هو..جس النبض.. فيه وظايف صيدله بالجامعة.. محاضر شي.. ولا بمستشفى التخصصي.. هو عنده علاقات ويعرف..
هادي باستغراب :اعذرني على لقافتي ياعم سعود.. بس منهو اللي تبي له وظيفة بالصيدله..؟!..
تنهد وهو يحرك قلمه بين اصابعه :شبيب ولد اخوي فيصل..
'واجتاحني اعصار قاسي.. حطمني.. من ذكر الأسم.. بصوت خرج متلعثم رغم عني ':
وش به هو مايشتغل..
سعود بهدوء :الا بس ابي اشوف له وظيفة بالرياض.. راتبها وميزاتها افضل.. واذا هو شاري بلقيس.. بيجي يسكن فيذا..
هادي بعصبية طلعت غصب عليه:
ياعمي.. الرجال ماراح يرضى.. تمشيه البنت بمزاجها... لاتطرح هالفكرة بيتضايق..
سعود هز كتوفه:
ويمكنه يبي يطلع من الديرة .. بلقيس حاطه العقده بالمنشار وتقول ماتبي الديره.. نجيب شبيب عندها ونشوف وش تقول..
كان بيده قلم رصاص.. ضغط عليه بابهامه حتى كُسر.. وبصوت طلع مخنوق:
اللي تشوفه طال عمرك..!

'خرجت من المكتب.. وشعرت ان رخام الممرات يهوي امامي قبل ان أطئه.. تشعبت الانوار.. فلم اعد ارى جيدا ً.. لوهله نسيت اين مكتبي.. اصطفت الابواب امامي..فتشابهت..خُيل لي اني سجين بعدة ابواب ولا احدهم يفتح.. مسجون ياربي واسئلك الفرج.. كيف يأتيني العذاب بصورة ان تُخطب امامي ثم تختلق الاعذار.. لتنهي هذه الخطبة .. ثم يُطلب مني ان اسهل الامور لتتم هذه الزيجه.. *

دخل مكتبه واغلق الباب وفتح ازرار ثوبه.. فرك حنجرته.. كيف ضيعتها كذا..كيف اتنازل عن بلقيس..شهر مر بدون صوتها.. ماني طايق نفسي.. كيف يمر العمر بدونها..!

كيف تصير اقوى مني وترفض..
وانا اضعف من اني اطلبها..!!

تهاوى على كرسي مكتبه..
مسك جواله بأصابع مرتجفة.. دخل القائمه.. عجز يطلع اسم سعد..!
راح لرقمها واتصل.. بالوقت ذا تكون بالجامعة..
جاها الاتصال وكانت مع صديقاتها..
غاضبه منه.. حانقه.. زعلانه زعل مو طبيعي..
عطته مشغول..
نفخ واعاد الاتصال:ردي بلقيس.. ردي.. كلميني..
وعطته مشغول..
خذ تحفه.. ورماها على الجدار كسرها..
نادر يطلع من طوره ومايقدر يسيطر على اعصابه..!
طيب قاطعين بعض.. بس لما دق عليها لازم ترد.. تخيل تتزوج ومايقدر يتصل عليها..
تخيل يدور صوتها مايلقاه..
حس بيجن..!
ردت اخيراً.. وبثقل: هلا..
هادي بانفعال:حيالله عمتي.. زين رديتي طال عمرك..
بلقيس:انا بالجامعة .. وش بغيت..
هادي بنفس الانفعال:سلامة عمرك.. اللي خابره اذا ماعرفتي تردين ترسلين اي زفت.. حتى لو نقطه..
بلقيس مشت بعيد وطلعت من المبنى:
انت الحين شهر ساحب علي.. ومن يوم العشاء والسالفة .. اتصلت عليك وسافه.. وجايني يوم طرى عليك وتبيني هوبا ارد..
ضرب الطاولة بغضب:ماحب هالاسلوب.. تكلمي عدل..بلقيس كلميني مضبوط لاتجننيني..
بلقيس بجمود:هذا اسلوبي.. قل اللي عندك .. لاني بدخل القاعه..
قال:ابوك يبي يرتب ولد عمك.. ذا اللي خاطبك.. ويبي يجيبه بوظيفة برياض.. ويبيني اكلم دكتور في الجامعة.. عشان يضبطه..
بلقيس وباقوى ماعندها مثلت البرود :طيب..؟!
توسعت عيونه بدهشة وهي تتلاشى كالماء من بين اصابعه:
اذا كان عذرك العيشه في الديرة.. بيسهل عليك الامور.. وش عذرك التالي..
ردت بهدوء:وليه اخطط على اعذار.. ليه ارفض.. ليه انا بظل وقف..مهما حططت اعذار ابوي بيذربها ويعدلها.. ليش اعني نفسي.. من انتظر.. انتظر واحد بايعني باعذار تافهه.. انتظر واحد مايبي يضحي بشوية افتراضات هو حاطها براسه ومقتنع فيها ..
ارتجف الجوال بيده:
بلقيس..انا بشوف حل.. اصبري لاتوافقين..
حست بجمره في حلقها.. همست:
مضطره اقفل.. لايوكلني الدكتور حرمان..
قفلت الجوال..
تركت هادي في حالة ذهول وصدمه..
والله هذا اللي ماعملت حسابه..!!

بلقيس بعد ماقفلت انهارت في البكاء..
جاتها صديقتها :وينك انتي.. بتبدى المحاضرة..
بهلع:وش فيك.. وش صاير..
بلقيس :منور انا بمشي.. تعبانه..
منيره:وش فيك.. اهلك فيهم شي..
بلقيس تدق على السايق: رشيد تعال الجامعة ..
رشيد :اوك..
قفلت وراحت بسرعه وهي تبكي.. بدون ماترد على منيره وهي تناديها..

يقول :
مادام صار الوصل ماهو بودّه ،
‏الله .. معاه .. وكثر الله .. خيره !
‏ㅤㅤㅤㅤ ㅤㅤㅤㅤ 
‏ما راح يعرف قيمة اللي فـ يدّه ،
‏إلا ليا من صار .. في يد غييره

اما هادي كان في وضع ضياع.. نسف شماغه.. و جلس نص ركبه.. يجمع زجاج التحفه..
يفهي ويشرد..
نبرتها الباردة ..
يأسها منه..
'تخنقني التغيرات.. ويعتصرني التخلي.. افلتتني بلقيس.. لآقع في هاويه.. اسفلها نتؤات حاده.. لن تبغي مني شيء ولاتذر'

دخل سعود وعقد حواجبه وهادي شارد وبيده الزجاج.. انتبه ليده تنقط دم وهو مو  بالدنيا..
ناداه.. التفت :هلا.. عمي..
سعود:وش بلاك.. يدك مجروحه..
ناظر يده والزجاج جارحه وقف.. ورمى القطع بزباله :ماعليك.. صغير..
حط مناديل..
سعود:وش كاسر.. ذا مب الدرع اللي على مكتبك.. وش جابه عند جدار..
هادي: كنت بلمعه وطاح مني..
سعود بشك: بتقعد على الأرض وتلمعه.. وراك ياهادي وش صاير وانا ابوك ..
ارتبك وبغصه: عمي اذا تأذن لي برجع البيت..
سعود:رح يبه.. واذا تبي اجازه كم يوم ريح..
رد وهو يلملم اغراضه:عساك سالم..
قبل مايطلع من المكتب : جاي مكتبي كنت تبي شي..؟!
سعود تذكر: ايه صح كنت بشوفك .. كلمت سعد..
هادي بكذب: كلمته.. يقول مافي حالياً.. الوظايف بالجامعة تنزل بداية السنه الميلادية ..
سعود:والله انا توقعت.. بس قلنا ندق حصاته..
هادي وخايف كثر الكلام يخذله :
هو كل الوظايف كذا.. يعني حتى بالتخصصي بيكون نفس الشي..
سعود: خلاص انا اتصرف لاتشيل هم.. رح ارتاح وسلم على الوالده والبنات..
هادي : يوصل..
وطلع وكأن عزرائيل يطارده..!!
'بلقيس كل اشيائي.. كل املاكي.. حبي الحصري.. كيف تتسرب من يدي.. افر من سجن واصل الى معتقل.. تكتفت يدي.. والله اشعر ان اطرافي تعقدت بجنازير من فلاذ '

*****

سيف نايم وجواله عند راسه... لآن قبل ينام مكلم مهره.. فهي بيت جدتها هالايام..
رن وتنبه على طول.. رفعه ودقق في الشاشه باستغراب..
ورد بصوت ناعس :ياسمين..؟!.
ياسمين :آسفه سيف على اتصالي هالوقت..
عقد حجاجه وهو يتنبه للوقت.. اعتدل:وش فيك.. صاير شي بالورشه..
ياسمين :لا الامر مايخص الشغل.. ركز معي.. اذا حولك احد.. خلك لحالك..
سيف بدى يقلق :وش صاير ياسمين..
بتوتر:مشاري كان يمي من شوي..وماقولك متضايق شرب لمن فصل عقله.. سيف قال كلام غريب.. يعني مشاري عزيز علي.. بس مستحيل اسمع هالهرجه ومانبهك..
سيف:وش يقول..اذا شي يخصني تكلمي..
ياسمين بتلعثم وارتباك:مدري.. بس تكلم ان سما اخته منهاره ومحاوله تنتحر.. وانها تقول ان فترة هي بامريكا.. تزوجت اخوك عساف وانها خلفت منه ولد.. يعني هو يقول مو انا بس تقول ان سيف ولد مهره ولدها ..
توسعت عيون سيف وهو يوقف وبعصبيه وانفعال :
ايييش..؟!!!.. ياسمين لايكون انتي شاربه مع الكلب مشاري ... مستوعبه.. تسمع اذنك اللي يقوله لسانك..
خلاص بتبكي:سيف.. وربي هذا اللي سمعت.. وراجح درى.. وواصله ببيتهم للشيطان الرجيم.. وراجح مايبي يسوي شي الا لتأكد ..
سيف بحده:
وش بيسوي يعني...فوضى.. ماهنا احد..
ياسمين تحاول تهديه:
انا ليه قلت لك..تكلم مع مهره.. لازم تكونون ملمين بالوضع وتكونون بالصورة .. اقل شي اذا سما متأكده ودخلوا القانون بيطلبون تحاليل دي ان اي.. وخلاص بيثبت ان ولد مهره..شكل سما مختلطه عندها الامور... انا والله قلت عشان تتهيئون للموضوع.. ومايأنبني ضميري عشانك..
سيف:طيب ياسمين.. اخليك الحين.. وخلي اللي صار بينا..تمام؟!
هي:تمام ولايهمك..
قفل منها..
وظل يفكر ويروح ويجي.. فالمصيبة' من وين طلعت سما'..
طلع وراح لنواف.. دخل غرفته وهو نايم.. ناداه وهزه:نواف اصحى ابيك..
فتح عيونه.. وبعين وعين يناظره:بسم الله.. وراه.. امي فيها شي..؟!
سيف بعصبية :لا مافيها الا العافية.. المصيبه والله من اخوك.. الله يرحمه ويغفر له.. مدري مفاجئاته متى تخلص..
اعتدل نواف وبتوتر:وش فيه.. شلون يعني مافهمت عليك..
قال له سيف اللي صار..
نواف بفاجعه:بنت راجح.. سما.. معقول..؟!!!
سيف جالس جنبه وارخى راسه على كفوفه في لحظة صمت من وقعت عليه مصيبه..

سيف:يعني اذا كنا نظنه مخربط ومخلف سيف وملصقه بمهره.. لا هو متزوج.. واذا فيه عقد.. ممكن مطالبه بتحاليل.. والنتيجه عاد بتطلع ان مو ولد مهره.. نواف انا خايف عليها.. والله تموت.. سيف روحها المعلقه ..
نواف: اصبر ولاتسبق الاحداث.. مارح نتكلم في الموضوع مع اي احد.. لان راجح ممكن يقفله من عنده دركاً للفضايح..
سيف:وممكن يتكلم ويطالب فيه خاصه لا اصرت سما.. ومثل مافهمت انها محاوله تنتحر.. يعني ممكن يضعف قدام اصرارها.. اللي مطير مخي.. كيف..!!.. اذا هي زوجته.. ليه مالمو بلوتهم.. وهي اذا ان ورعها توها تدري.. ولاعندها خبر من قبل.. طيب لما  احنا بلندن كانت متآلفه مع سيف.. تدري.. الا شكلها تدري..

نواف:ما أظن.. والله لو تدري وبعد اندماجها معه.. ماخلتكم تاخذونه..
سيف:ماتوقع  عساف ماترك اي شي يدل على هالسالفه..  قم خلنا ندور بجوالاته القديمه.. ايميلاته.. عندي اجهزته بالمكتب فوق..

قام نواف والنوم طار من عيونه:وانا عندي مفكره قديمة فيها بعض المعلومات اللي كنا نسجلها انا وياه.. باسوردات وسبلنغ ايميلات.. خل اشوفها واجيك..

سيف قبل يطلع :بنتظرك فوق..

****
مهره هذيك الليلة كانت تتقلب ومو عارفه تنام.. ويوم اخيراً خذها النوم..
شافت منام  وسيف على ذراعها.. وكأن احد سحبه بقوه وهو متمسك بثيابها..
فتحت عيونها بسرعه وقامت مفزوعه وقت مالقته جنبها..
هزت زينه بقوه :زيوون.. سيف.. وينه.. كان نايم جنبي ..اصحي زيون..
قامت برتياع:
بسم الله عليك.. مهره وراه .. سيف نام مع آسر وغنى بغرفة سندس..
جلست جنبها وهي ترجف وتتذكر.. نفخت وهي تحط يدها على صدرها:
يووه اعوذ بالله من الشيطان كيف نسيت..
فتحت زينه علبة ماء :شربي وصلي على النبي.. الله يهديك ماتخلين هالحركات.. وانا افكرك عقلتي بعد ماعرستي..
مهره تشرب ماء:والله ماعدت اتروع على سيف زي اول.. اصلا ً في البيت ينام مع فارس ماهو معي.. بس راح عن بالي كلش.. يمكن لاني متعوده انومه جنبي هنا..
زينه تداعب خدها:سمعتي سندس وش قالت.. لاتنومينه جنبك يرفس بطنك.. الحين فيه روح ثانيه معك..
لمست بطنها وبدهشة:تصدقين انسى..
قامت بتطلع من الغرفة.. زينه:وين..؟!
مهره:بروح اشيله اجيبه عندي.. منخلع قلبي عليه.. ابيه جنبي..!
وطلعت.. زينه تناظر الباب وشردت..
مهره تخوفها.. بعقدها اتجاه سيف.. من وقت راحت لندن وخلته فكرت هالعقد فكت.. بس وش فيها اليوم..!
هي من اول.. وبعد ماجات من امريكا.. كانت ماتنام الا متشبثه فيه.. واحيان تنومه فوق صدرها..!
و الجده وسندس دوم يحذرونها..
لأن كذا حتى هو بيتعلق فيها بشكل ان يأذيها بسن الروضة والدراسة..

*****

سيف في مكتبه بالدور الثالث وطلع من خزانه عنده.. علبه بحجم متوسط.. فيها جوالات.. هاردسكات وفلاشات تخص عساف.. جمعهم وقت راح يستلم جثته..
وتحاشى يفتحهم..
والتكشف على حياته واسراره.. وحتى بعد مادروا عن مهره وزواجه..
المعلومات كلها خذها من جهات حكومية وظل متحفظ على فكرة تفتيش اشياءه..
اولاً مرحلة معرفته عن زواجه .. ماحب يشوف ويتكشف على زوجته..
بعدها تزوج هو مهره..
وماحب يوجع قلبه بصور او مقاطع .. تضم مهره بعساف.. ولا ان يشوف اخوه بأي شكل مع الأشكال مع الانثى اللي خذت قلبه ..
شبك بعض الجوالات بشواحن..

وشرد في وضع مهره وقت حرمها من سيف.. حزنها الصامت.. استسلامها للألم.. توقف الحياة بالنسبه لها.. خضوعها للنوم.. وبعدها عن اي  وسيلة للحياة ..
كيف كانت راضيه باتهامه.. بس ماتصرح بحقيقة ان سيف مو ولدها .!!
سرح في وعوده لها.. من اول ماعرفها.. الى ان عرف هالحقيقه.. ان محد يقدر يحرمها من سيف ..
كيف الأمور ألتوت كذا..
كيف الدنيا تتشقلب على مهره..
كيف مايقدر يحميها من تباعات زواجها من عساف.. والأذى الذي يلحق بها كل فترة وفترة ..

افاق من شرودة وجمرة السيجار تكاد تحرق انامله ..
طفاها..
ودخل نواف.. بيده كوبين قهوه شايلهم بيد واليد الثانيه مفكرتين..
وفاتح الباب بكوعه ..
حط اللي بيده على الطاولة :سيف لو عساف كان حريص على ان محد يدري  بذا الحقيقة.. ماتوقع حافظ شي عنها ..
سيف وهو يشغل واحد من الجوالات :احنا نشوف قبل مايتحرك راجح في شي .. مع اني اتمنى تكون كذبة .. وان مخ سما شاطح او اي شي.. بس مايكون سيف ولدها..
نواف انتبه لجوال مشبوك في الشاحن.. عليه غلاف مكتوب عليه نواف..
داهمته غصه وهو ياخذه :تذكره سيف ذا..جابته جمان من شهر عسلها.. يوم لخبطت بيني وبينه وعطت كل واحد اسم الثاني ..
ضحك بغصة وألم:
جنناها انها بشهر صارت ماعاد تميز بينا.. وعساف مسك غلط خذ اسمي .. وانا خذت اسمه.. الله يا أيامك ياعساف.. والله انه ترك فجوة من بعده ..
سيف يناظره بروح موجوعه :كنتوا مجنين الخلق سوى.. كنتوا واحد يانواف.. ومن تغيرت دروب عساف.. وهو شاطح مره وحده ..
نواف مسح عيونه :الله يرحمه ويحله.. خذ لك قهوة وشغل الابتوب خلنا نشوف هالفلاشات..!

*****

نرجع بالوقت  لسما وش صار معها وكيف اعرفت هالحقيقة ..
كانت ومن راح سيف تحس بشعور غريب.. بتعلق غريب ومشاعر فقد.. حبته مره وكانت ماتدري.. وتنسب هالمشاعر لأن ولد الشخص اللي كانت تحبه..!
وضعها النفسي زاين وصار عندها تفائل بالحياة.. تطلع وتجي وتسوي رياضه..!
حتى ليان صارت تطلع معها وتتسوق.. ومشاري وراجح  داعمينها فالمرحلة هذي ..

في يوم كانت في غرفتها.. مشاري تحت يلعب مع راجح بلياردو..
ضحك :غلبتك يبه.. مافي امل
راجح : انا مب مركز...في اشياء بالعمل شاغلتني..
مشاري :العذر اللي تعلق فيه كل اخطاءك..
راجح رفع كورة وضحك :
لاتخليني اطير جبهتك ياولد الكلب..

كانوا يضحكون..
لما سمعوا صوت انهيار سما من فوق وبكاء .. وليان تناديهم : بابا.. مشاري.. تعالوا بسرعه..
صعدوا بسرعه بخوف وقلق ..
وفي نص الصالة العلوية..طلعت سما منهاره وتقول كلام ملخبط مافهموا منه شي..   كانت في حال يرثى له ..

(الحوار بكتبه بلهجتنا.. لكن في الواقع سما كانت تقول شي عربي شي انجليزي)

ارتمت في حضن ابوها :
بااباا.. ابي ولدي..انا عندي ولد.. والله عندي ولد صغير.. خذه ابوه وقال لي انه مات.. انا صدقت.. صدقت.. انا صدقته.. وهو كذب علي..
راجح مصدوم... مذهول.. والحال ذا حال مشاري وليان ..
صاح فيها :
وش ولد سمااا.. جنيتي.. خلاص مابقى فيك عقل..
صاحت وهي تبعد عنه:
ماني مجنونه.. انا صاحيه..بابا ولدي عند مهره.. سيف الصغير ولدي انا.. ماهو ولدها..
بذهول مشاري يمسك كتوفها يحاول يهديها:
سما حبيبي.. ركزي.. انتي حبيتي سيف .. ولاطفتيه مو معناته تنسبينه لك.. ترى عنده ام وعنده ابو ..
سما وجهها كله دموع وبانفعال دفعته :
لاتكلمني كني مجنونه.. مشاري مهره تكذب .. سيف ولدي انا وولد عساف.. انا تزوجت عساف بامريكا وكلكم ماتدرون .. الفتره اللي كنت مارجعت فيها كنت حامل..

وكان كلامها مثل القنبلة على الجميع..
ليان بصدمه:
سما... ياهوووو.. وش زواجه.. كيف متزوجه عساف.. تستهبلين.. ؟!
راجح شعره وينجلط.. وسما تمسح دموعها بشكل مزري :
لاتستخفون بعقلي.. انا اعترف لكم وماهمني شي..انا مقتنعه ان اللي صار  ماهو خطأ.. الخطأ اني كنت مجنونة وعساف واحد اكثر مني جنون..

(في ذاك اليوم.. سما طلعت من دورة المياة وبشكل هادي :طلع بوزتف ..
هو بسعادة:احلفي..
خذها ضمها وشالها وبسعادة وحماس:آكلك.. آكلك..شهالخبرية الحلوووة..
سما ارتجفت وحاولت تبتسم :نزلني عساف.. بليز لاطيح..
نزلها وتحرك في الشقة بسعادة وحماس:لازم نسوي لك مواعيد.. عند دكتورة شاطرة .. وتتغذين مضبوط.. مايصلح وضعك واكلك القليل ذا..يالله شهالوناسه.. ودي ابشر الخلق كلهم.. وطبعاً الولد بسميه سيف.. لان اخوي نواف بيسمي سعود.. مايصلح عاد توأم ونصير اثنينا بو سعود.. البنت بكيفك سميها اللي تبين...
قاطعته بحده: عساف انا مابي الطفل.. ابي الحق انزله.. لاتحلم كثير..
عقد حجاجه:ايش ايش ماسمعت..
خافت من حدة نظرته:ايه انا قايله ماراح اخلف ومستحيل.. وترى ماعندي اي واحد في المئه تقبل للفكرة فلا تحاول اقناعي.. وشف لي عيادة او دواء انزل هالشي قبل يكبر واتوهق فيه ..
صاح فيها بانفعال:
بكيف امك تنزلينه.. وهو لك لحالك.. ترى انا ابو اللي ببطنك.. ومتزوجين.. ماهو حامل انتي سفاح..
سما بانفعال : مايفرق.. انا متخذه هالقرار.. اطفال مستحيل اجيب..مسؤولية انا مو قدها.. عساف لاتصعب الامور علي.. اذا انت حيل خاطرك تسوي اطفال واسرة.. عادي  نطلق وتزوج.. وسو كل شي خاطرك فيه .. جب اطفال حتى لو عشرة..

مسك ذراعيها وزين ماحفرهم باصابعه وبحدة :
اسمعيني سما.. عقلك هاللي راكب مرجوحه ورايح جاي فيها ماهو علي.. ولاني سهل وبداريك.. حملتي.. وبيكتمل هالحمل وبتولدينه ..

صاحت:ماهووو كيفك... مابيه.. انا ماحب الاطفال ولا اتخيل يكون عندي بيبي.. ماراح احبه.. ويمكن اضره.. انا ماكنت صاحيه جسدياً ولانفسياً عساف .. حالياً انا مايشغلني الا نفسي ووظيفتي وكيف اعيش الحب معك وبس.. نهائي الطفل مو وقته ولاحاطته بالأجنده ..
عساف بغضب عارم : ياااا شيخه.. ولما كنتي تستمتعين بالحُب وجالسه تعيشينه.. وش مفكره.. ماورى هالشي.. الا ذا الشي..
سما بعصبية انهارت :
عساف افهمني.. مابيك تزعل.. بس خلاص ساعدني انهي هالمصيبة لاتعقدها..
بانفعال:اساعدك.. تذبحينه..!
انفعلت:ماكتمل عشان اذبحه .. هو حاجه مانفخ حتى الروح فيها ..
عساف بتحدي :بيكتمل وبتنفخ فيه الروح.. ولديه وانا اخذه.. ماتبينه.. انا ابيه..انسي انك تنزلينه ولو حاولتي .. بس حاولتي.. والله لا اجيب العيد فيك انتي واللي خلفوك .. وتراني واحد بايعها..

حدقت فيه وبانفعال وغضب : ان شاء الله يموت في بطني ولايطلع على الدنيا.. مابيه.. ولاهو عناد عاد..
سكت وحدق فيها ووجعه قلبه: تدعين .. من جدك تتمنين موته ..
سما باصرار وتحدي :لو عقدتها.. اي والله ابيه يموت.. شي انا مو متقبلته.. محد يقدر يجبرني عليه..
في ذاك اليوم قالها وماكانت مستوعبتها :
طيب ياسما.. بتكملين هالحمل.. وفي آخره لك اللي تبين..

كملت الحمل.. قفل عليها مع هيلين الدكتورة اللي يعرفها.. وسافر  باول شهر ورجع.. ويوم تعدت مرحلة الإجهاض.. كانت تطلع معه ويجيها وتأقلمت على الحمل.. بس كان كل ماسألها..تقول الى الان ماتأقلمت.. وتكرر انها تتمنى يطيح.. ومصره على الحديث عن عقدها من الطفولة والاطفال..
فكان يبتسم ويربت على راسها ويقول (الله يسهل) .. وكانت تستغرب من ردوده الوديه المستسلمة ..
كانت مفكره ان مايبيها تتضايق.. عشان الحمل وكذا..
وقت كانت بتولد جاب لها هيلين ولدتها بالشقه.. غيبت.. وكانت الدكتورة ضاربتها منوم... صحت والبيبي ماهو موجود وصدمها يوم بلغها انه توفى ..
من وقتها.. ضرب سلك براسها.. لانها حست انه مات بسبب رفضها له وامنياتها في موته..
انهارت واعصفت الدنيا فيها..
عساف ماخلاها.. كان اغلب الوقت معها.. لمن هدت.. بس كانت نفسيتها بالواطي ..تشرب وتجرح  نفسها ..صايرت سايكو.. لدرجة ان وضعها.. خلاه يزيح فكرة ان يرجع لها سيف ابد.. 'سما اصبحت مختله رسمياً' ..
هو داخلياً يحبها.. بس مقتنع ان لاهو ولاهي قد طفل ..
الواقع انهم انجبوه بعشق وطيش..!
ولما تعمق بشخصية مهره وحُبها لسيف.. أيقن.. انها الوحيده الجديرة بأمومة ولده اما سما مستحيل..!
ممكن تضيعه.. ممكن تتركه بشارع.. او بار..
سما غير غير مؤهلة للأمومة ابداً..!))..

وضحت سما لاهلها كل شي.. وكيف كلمتها هيلين بعد هالمدة ..وانها حولت لها مبلغ وقدره.. عشان تعترف لها بمكان ولدها لو كان فعلاً حي..

راجح بعد ماسمع كل شي .. تكلم :
وانتي مفكره.. بتكسرين الدنيا...وبجي مثل الكلب اذرب لك وارجع ورعك..
سما  طاحت عند رجوله وهو جالس :ابووس رجولك بابا.. ولدي.. والله ابيه.. انا مرضت عشانه.. انا كنت بصير مجنونة لاني فقدته.. كيف ترضى ولدي ينسب لغيري ..
مشاري بحده:
سما هو منسوب لأبوه.. وعند اهله.. لاتفتحين جروح على الخلق وتفضحينا ..
انهارت بكي وصاحت:لاتقول كذا مشاري.. وربي مقهوره.. كيف يحب مهره اكثر مني وانا امه.. كيف يتعلق فيها ولايعرفني.. ايش هالظلم ..

راجح وعذابه لحال بنته..
والعذاب الأكبر كيف دخل بنت غازي في هالأمر.. والظلم والمكايد..
عساف يوم راح يجس النبض عن مهره..
كانت ضايقه فيه مع سما..
وراح تزوجها هو وظلمها هالظلم..
وواضح من تعلقها وكتمها لهالسر تعلقها بالصغير..
كيف تجيني سما وتبيني اضرها ..
افاق على صياح سما :
تكفى بابا.. انا ماطلبت منك شي الا هالشي.. تكفى وقف معي.. واخذ ولدي.. ابيه..

صاح فيها بحده وغضب :
لعنة الله عليك وعلى عساف.. وعلى من رباك ورباه.. انا ماضر مهره.. لو مارضت ماضرها ..
مشاري وليان انصدموا وهو يقول :
انتوا تدرون منهي مهره.. مهره بنت خويي غازي.. اللي والله لو طلبني عمري عطيته اياه راضي.. الولد لها وبيظل لها.. الا اذا تنازلت عنه برضاها..!
توسعت عيونهم ..صاح مشاري : ايشششش..؟!!!
سما بتهور.. تروح تسحب زجاجه وتكسرها وتحط شوائبها الحاده على رقبتها:
ما علي بنت مين.. او اي زفت.. تجيب ولدي.. ولا والله اذبح نفسي..

******

'كان تقليب اجهزة عساف وحساباته.. كتقليب جمر ملتهب في قلبي انا وسيف..!.
عودنا عساف على البُعد..
فعندما مات.. كنا اعتدنا عدم وجوده..فكنا نشعر انه غائب ومسافر وليس متوفى.. لكن حين رحنا نتصفح يومياته.. وتصويره.. ومايلتقطه لنفسه من سنابات وثرثره.. كل شيء كان يجلدنا بسياط الفقد والذكرى..
اوقفتنا مقاطع عتبنا عليه.. غضبنا كيف اودى بنفسه..
على ضياعه.. وعناده.. وغروره بنفسه..
اعلم اني اخفف عن الجميع فقد عساف بشكلي المستنسخ منه..
لكن انا وحدي.. يختل اتزاني كل ماتعمقت بفكرة وفاته..! *

استوقفهم مقطع كان يصور مهره وهي ماتدري.. كانت حاطه سيف على فراش على الارض وهو يبكي.. وهي منهاره بكي ضامه رجولها ومخفيه راسها على ركبها..
سيف الغصه عنده اكتمت انفاسه ..
عساف يقول :طيب كلميني مهره..مهره.. الووو..
رفعت راسها وبانهيار:مابي اكلمك.. مابي يالظالم ياللي ماتخاف الله..
انصدموا من ضعف مهره وعظامتها البارزة ..هالاتها السوداء.. وضعها صعب..!
سيف برجفة :ماتخيلت كذا.. ماتخيلت مهره وصلت لهالمرحلة ..
عساف ضحك:وش فيك منفسه طيب.. طفل يبكي عادي..؟!
مهره بانهيار وانفعال:عساف من امس يبكي.. صدقني هو طفل ويحس ويبي امه.. اكيد فاقدها.. هو كان ببطنها تسع شهور ..
بهدوء رد عليها:
كل هالامور مافيها منطقيه.. انتي احن عليه من امه.. هي كانت تبيه يموت.. وانتي تبينه يعيش.. هي رفضته.. وانتي تقبلتيه.. انتي امه..انتي امه وبس... لو كررتي علي حكي.. امه وامه.. والله لرميك من النافذة انتي معه..
صاحت فيه :عساف يدينه ثلجت.. رجوله باردة .. الوكاد بيموت.. مايرضع..
عساف ببرود :امس رضع منك.. بس انتي خوافه.. اليوم رجعتي تبين تعطينه من حليب الصيدليات..
انصدم نواف :وشهوووو ... شيقووول.. رضعته.. كيف.. شلون.. يستعبط..
سيف وقف المقطع وقاله.. عن اللي علمته مهره.. وكيف رضعت سيف فعلا ً..
نواف مصدوم :والحين يطلع لك احد يطالب فيه.. والله يهبون.. محد ياخذه..
سيف :احنا لسى مافهمنا.. اذا هو فرقه عن امه بإرادتها ولا لا..
رجع شغل المقطع ويحاولون يستشفون اي شي عن موضوعه مع سما..
حط الجوال وراح عندهم..
شال سيف الباكي.. وابتسم وهو يخمه:ياعمري .. كنه قطوووو..
مهره بفزع : لايطيح منك..مسكه عدل ووووجع..
عساف بشكل لطيف شايله بين كفوفه.. ويحركه ويمرجحه.. ويسوي حركات واصوات بفمه.. وسيف سكت..
عساف:شفتي.. مايبي لها شي الله يخلف عليك.. هذا سكت..
مهره متوترة :طيب خلاص عطني اياه..
عساف.. فجأه مسكه من تحت اباطاته.. ورفعه ناحية الكاميرا :سيف شف سميك.. بعدين ضحك وهو يقول :نواف ماكني رفيكي وهو شايل سمبا على التله..
ضحكوا نواف وسيف بغصه.. وكأنه يدري ان هم اللي بيشوفون المقطع..
غمز عساف بعيونه :هذا سيمبا حقي.. للطلب والاستفسار.. ان اي.. ان اي.. 1987..
عقد نواف حواجبه.. مهره اسحبته منه:ماهو لعبه لايطيح منك..
وطفى عساف الكاميرا..
نواف بسرعه فتح الايميل :ذا ايميلنا المشترك..
سيف :اي ايميل..؟!
نواف : ذا اقدم ايميل سويناه.. كنا نسجل فيه بالمنتديات.. والمواقع وكذا.. قبل ماكل واحد يسوي ايميل خاص.. حرفي وحرفه وسنة الميلاد.. اكيد حاط شي يخص سيف فيه..
وفعلاً..
افتحوا الايميل.. وكانت فيه رسايل محفوظه.. مرسلها عساف عليه..

*****

الصباح نزلوا من المكتب..
فارس طالع من غرفته توه صاحي عنده مدرسه..
باستغراب:وش عندكم.. جاين من فوق.. مانمتوا ولاتوكم صاحين..
سيف خذه بذراعه :لا سهرانين ماجانا النوم..
فارس يحك راسه:وتبين اصدقك.. نواف كان ينود واحنا بالصالة .. قولوا وش صاير..
نواف يفرك عيونه بارهاق :
اقصر الهرج.. واذا نزلت قل لابوي اني بنام اشوي.. مب جاي المكتب الا عشر ولاحدعش..
فارس بشك:قل لي يبه.. وراكم.. وش صاير؟!
سيف :مو صاير شي ابوي.. جلسة اخوان.. نتبادل الهموم والاسرار..
توسعت عيون فارس وهو يناظر نواف: لايكون قلت له عن...
قاطعه :رح افطر.. عشان يمديك تبدل.. يلا بابا..
فارس ضيق عينه :هين الحين سويتوا فيها الاخوان اللي انا طالع منها.. والله ماعديها..

سيف مسح وجهه بكفه.. دايخ ومصدع.. من كل شي شافوه واسمعوه : خلاص فارس لاجيت نتفاهم.. معك مصروف ؟!
فارس :ايه عندي..طيب تعالوا افطروا معنا..
سيف:لا يبه هني.. ابي انام ماشوف الدرب..
سلم فارس على ابوه. :نوم العوافي..
ابتسم له :الله يحفظك ياعين ابوك..
نزل.. وتركهم..

نادى سيف نواف دخل معه واغلق الباب: الحين نوقف الموضوع كله.. اهم شي صرنا على درايه بكل حاجه.. ويمكن راجح مايفتح الموضوع من الاساس..او يأجله..
نواف :من وين طلعت هالسالفة والله ماعملنا حسابها..احنا بجمان ومصيبتها.. تجينا سالفة سيف..امي بيوقف قلبها ..
سيف: يارجل امي مقدور عليها.. مهره.. مهره اللي ماراح تعدي هالسالفه عليها سلام.. الله يصدهم عنها لمن تولد.. وتقوم بالسلامة ..
نواف :ولو افتحوا هالقضية ... انت مفكر بنعطيهم ولدنا..
سيف يشب سيجار ينفخ دخانها.. وبتفكير :
قانونياً ولو اثبتت التحاليل ان ولد سما تقدر تاخذه.. خاصه بوفاة الاب.. ولو راجح بيلعب ع الثقيل.. ممكن يستخدمون ورق نسبة سيف لمهره ضدها.. يعني ممكن يدخلها بقضية تزوير..واختطاف وبلاوي.. يعني لو راجح لوى ذراعنا.. انا ماتنازل عن مهره ولا ادخلها فقضايا.. سببها اخوك الله يرحمه..
نواف :والحل.. تراه ولد عساف.. يارجل تعلقنا احنا فيه مب بس مهره..
سيف يلوح بالسيجار :
في خطه براسي.. ارتبها ان شاء الله.. رح انت ارتاح قبل تداوم.. وخل كل شي بوقته..
نواف:الله يعين ..والله يجيب العواقب سليمة ..

******

وتهاوى شعبان وتفلت كما عهدناه..
انساب بنعومة الحناء على كفوف مهره وانبهاري بها وهي تفردها لي..وتريني اياها على استحياء..
لتطرب قلبي بضحكة اطلقتها منبهراً :
ياحليلك ايش حركات الجدات هذي..؟!
مهره بعتب تطوي كفها:ماعجبك..
فردتها لها وبدهشة واعجاب :والله انه جاز لي وحبيته.

قبلت باطن كفها..
مهره بوناسه بتاخذ يدها ..
تمسكت فيها:عيب.. تعطيني يدك فيها هالخير وارجعها خالية ..
مهره :وش .. تكفي البوسه..
طلعت من محفظتي... ماتوفر وحطيته بيدها..
مهره تضحك:كذا بحني كل اسبوع.. والله اصير تاجرة ..
ضميتها.. اريد ان اخفيها عن ظلم العالم فيها.. عن اذى اقترانها بعساف..عن الآثار الجانبيه لذاك الزواج..
عن مكالمة راجح لي وكيف يريدني ان اتفهم.. وان سما في وضع سيئ..
راجح اتى بدبلوماسية..بهدوء واقناع..
طرح لي وعرى علاقته القديمة بغازي.. وانه من تسبب بشكل غير مباشر في اقحام مهره في كل ذاك ..
واقسم انه لن يؤذيها.. حتى لو اضطر لأذيت سما..
لذلك علي تقبل اوسط الامور..
وهو لقاء سما مع سيف واخذها له فترة.. يطبب جروحها  ويرد ولها.. وتعالج نفسيتها  المنفطره من فكرة موته..
رفضت .. وبينت له تعلق مهره المجنون فيه.. واني مستحيل ارضى ان يضرها شي..
بطن لي راجح تهديد بسيط.. بلزومية تفهم الامور بدل اقحام القانون.. المتضرر فيه مهره اولاً..
ضخم عندي فكرة التفهم وخاصه ان الامر ماراح يكون فيه اي اعلان وان رسمياً وبالاوراق.. سيف راح يظل ولد مهره.. سما راح تكون امه بشعورها بس واشباع رغبتها في ضمه واحتضانه.. حتى لو كل فتره .. تاخذه شوي..!

ضايقني الوضع وخفت عليها.. تناقشت مع نواف واقنعنا راجح.. وبالتعاون مع مشاري اللي قام بدوره باقناع سما..
ان نأجل كل شي لمن بعد العيد.. تكون مهره.. عدت مرحلة الآشهر الاولى بالحمل..

انساب شعبان وتلاشى.. كضوء عيني بلقيس الذي خفت.. ذهب  يلف ضحكتها وحضورها.. فكانت منزوية غالب الوقت في غرفتها.. متحججه بكل شيء.. الا زواجها بشبيب..!!
فبدت غريبه.. في ايجابتها لابوي عن موضوع الزواج..( سو اللي تشوفه)..!

شعبان موجع ..!
كالألم في قلب شاهين لاستقبال الشهر الفضيل بدون جمان..
ذابل كعيون بيان وديم.. وانعدام حماسهم لكل شيء.. حتى نجاح بيان الذي اُختصر في ورقه انها نجحت وستنقل للصف الثاني..

شعبان السنه غريب..
بحفلة بيان التي لم تضحك.. ولم تبدي اعجاب في اي هديه.. واكتفت بانتقاد التورته.. وان لونها لم يعجبها.
شعبان مخيف..!
وطفلتان لم تثيرهم الهدايا.. ولم يجاملونا بتمزيق اي تغليف..

شعبان موحش.. !
كنفور امي من جمان وغضبها الكبير منها.. وزعلها.. الذي يتعملق ويتغذى من وحدة الطفلتين.. وضعفهما الواضح.. ونقص الفيتامينات لدى ديم..!
وحدة بيان.. وشعورها الغريب بالمسؤولية اتجاه ديم.. فتكون كالضبعه اتجاه اي احد يوجهها او يعاقبها..!

هادي يهلك نفسه في كل شيء..
احترق كليالي شعبان.. التي لاتآتي الا تنطوي.. هادي ينطوي كالزمن..
ينفرط كالعقد الثمين..
صامت كليلة حارة.. رطبه.. لانسمه تحرك في قسماته شيء..
لكنه يذوب ذاتياً..
ومن حوله يختنق..!
امه.. عائلته.. وابي الذي لايعجبه حاله..ويقسم ان هناك شيء..

******

ليلة التحري ام هادي جات مع انفال كعادتها من سنين..!
تبارك الشهر لموضي..
ويتسامرون ويخططون لرمضان..
مهره بعد مراقبه لترندات تويتر:
خلاص بكره مكمل لشعبان.. على قولهم دخلوا الدجاجة مافيه سحور ..
موضي ضحكت:والله كنت حاسه..
ام هادي :اجل انا مرقت الكبيسة.. لاني ناويه اجي فيذا.. باقي بس  اكبس الرز..
ضحكت موضي:
ماشاء الله ماتعوقين.. وشهولا عاد.. يعني لو رمضان ماراح اطلعك الا بعد السحور..
ام هادي : يابنت الحلال.. واخلي ضحى.. بولدها متوهقه فيه.. النور بتمشي عنها..
مهره بخرفنه :يمه نقطه ولدها كيوووت..
ام هادي:يلا قطته عليك.. هي ارتاحت.. وانتي قدامك المشوار طويل..
مهره:الحين متى يطلع بطن ياخاله.. بالعيد تطلع لي كريشه..
ضحكت :اي كريشه بالعيد..؟!.. يالله على عيد الاضحى..
مهره عيونها تلمع :حماس.. بلقيس نبي نطلب ذا التيشرت.. اللي في نونو يطل من بطني..
بلقيس شارده..
حركت يدها قدام وجهها: بلقيس.. ابوي.. وراك..؟!..
تنبهت  :ها وش قلتي مهره.. سوري والله فهيت..
موضي تطالعها بتدقيق وماهو عاجبها حالها..
ام هادي :وش فيه الزين.. وش بلاك يا امي.. وش مكدرك ماهو عوايدك..
ارتسمت على شفايفها ابتسامه باهته:يمكن احاتي هالنتايج..
انفال ماسكه يد ديم وتحط لها مناكير:
يعني لو انا احاتي النتايج ممكن بس انتي بلقيس.. مستحيل.. يعني اكذبي بحاجه ثانيه.
ضحكت واستغربت مهره القريبه منها.. من الدمعات المحشوره بعيونها :
وش فيني يعني.. هذا اقصى همومي يانفول..
انفال بخبث:
العبي غيرها.. نفخت على اظافر ديم تجففها:مدري شبلاكم كلكم.. انتي متغيره.. وهادي متغير.. وامي تتهاوش مع هادي.. وضحى البكايه.. كل مابكى ولدها تبكي معه.. والنور مسويه الكبيرة وتهاوشنا كلنا حتى امي..
موضي تضحك:وانتي يانفول ضايعه بالطوشه..
انفال تغمز :ماعليك ياخالتي.. انا ادري عنهم كلهم وش فيهم..
موضي مبسوطه عليها : نورينا.. علمينا..؟!
انفال تتهرب بخبث:ظروف الحياة ..
مهره تضحك:نفول.. فلسفتك حلوة بس كلها خراط..
انفال تقفل المناكير:لاتقولين خراط لا انادي ولدك احط له مناكير ..
بلقيس:فضحينا.. لبسته هذاك اليوم تاج.. هاجوا علي هي ورجلها ..
انفال: ماعلمتك انا.. لاعبه بصهيب وبراء عيال النور لعب.. ذاك اليوم مكيجت صهيب صار كأنه مولان ..
ضحكوا كلهم :حراااام عليك ..

****
جاء هادي بياخذ امه.. وقف بسيارته عند البوابة وماتصل عليها.. اسند راسه للوراء في لحظة استشعار لوجودها بالداخل وهو قريب منها الان ..
في لحظة قل حيلة.. وده يقدم على خطوة فعليه.. بس اصبح الوضع حرام كيف يخطب على خطبة شبيب..
ولو سواها..
راح يقابل بالرفض..
سعود واضح متحمس لشبيب بالحيل..
ظل مغمض..
وتعبان..
الدنيا ارهقته..
وحاس بوحدة رهيبه..
وشوق هايل يعصف به..
تنبه..
على صوت طرق على النافذة.. التفت لقاه سعود ..
فتح النافذة بسرعه: هلا  عمي ..
سعود بعتب: نايم..؟!.. تعبان ادخل وارقد بالمجالس..
هادي يفتح الباب نزل ودلك رقبته بيده :
لا مو نايم.. بس جسمي مدقدق.. توني جاي من النادي.. باخذ الوالده وامشي ..
سعود:والله ياهادي ما انت عاجبني هالايام وفيك بلاء.. وراك ..علمني .. تبي شي.. ناقصتك حاجه.. ترى انا موجود.. ورقبتي سداده ..
حب جبينه :خيرك سابق ياعم سعود.. عسى عمرك طويل ..
سعود:ضاغط نفسك بالشغل.. وذا النادي.. اول من يداوم واخر من يطلع.. وش بلاك..انت تحب..؟!

هادي وسعود اصابه في مقتل.. اطلق ضحكه مجروحه.. واختنق الدمع بعينه:
ياعمي انا وين والحب وين..؟!
سعود : والله ياولد حمد.. بعيونك شي كبير..
تنهد هادي وزفر :
خلها.. خلها ياعمي بقلبي تجرح.. يقولون لاتطلع وتفضح..
سعود عطاه نظره:على هواك .. يمكني مب قدك وتقولي شكواك.. شايب وش عرفه بهمومنا يالشباب ..
هادي ببتسامه :
والله انك للكبيرة قبل الصغيرة.. بس ياعمي هذا هادي.. الجمره اللي بجوفه تحرقه ويعجز يطلعها ويرتاح..
رن جواله.. رد: ايه جيت يمه.. اطلعي..
سعود خلا رشيد يفتح البوابه :
دخل سيارتك.. خذ امك من داخل ..
قال كذا ودخل..
وهادي ركب سيارته ولحقه.. وقف عند البيت داخل..
نزل يوم شاف سيف ونواف وفارس بره..
باسطين بجلسه ارضية ويتقهون..
سيف: اقلط ياهادي.. ماغاب لك نجم .. وراه قاطع العاده..
هادي يسولف معهم سريع وهو واقف..
في نافذة قريبه.. متخبيه عند الستاره وتناظره.. كم قطعها الشوق له ..
واعتصرها الحنين..
وشلها العجز..
راقبت لمحاته وشحوبه.. يتشابهان في ذلك..
كنهم مصابين بداء.. يذيبهم ويستفحل بهم.. وبيموتون جميع..!

سعود شاف ام هادي وانفال طالعين.. سلم بصوت جهوري:
حيالله ام هادي.. منورتنا
نزلت العتب :يحييك ويبقيك ياخيي.. بيت عامر بحسك وحس ام سيف وعيالك ..
سعود:وين..؟!.. توه بدري..
ام هادي :بدري من عمرك.. بروح لهالبنت.. قبل تمشي اختها عنه.. ماطلع من البيت الا تختل الدنيا ..
سعود:عساك ع القوه.. الله يخليك لهم ياخيتي..
انفال جات حبت راس سعود وهو يبتسم لها ويلاطفها..
والشباب بصوت عالي سلموا على ام هادي بميانة.. وردت عليهم بميانة اكبر..
تبادلوا الحديث..
بصمت من هادي.. وكأنه غير موجود.. وشعوره انها تناظره من جهه.. ومو عارف من وين..؟!
فكان مكتفي باستناده على السيارة .. ويناظرهم وكانه معهم في الكلام والواقع ماكان يرى الا شفاه تتحرك .. مايسمع شي..!!

سعود فجأه:مير يا ام هادي.. لاطلبناكم القرب.. ترضون..؟!
ضحكت:تبي انفال لنواف.. خذها بعباتها.. والجهاز علينا بعد ..
ضحك  مع الشباب.. و يفكرون الحكي مزح ..
وهادي ماشارك في الضحك..
بثقل دمه الحالي اللي مو مخليه يستوعب اي نكته او ذبه ..
سعود:ماهو مزح يا ام هادي..انا عندي ولد هيس.. يبي قربي وماهو عارف يطلبه مني.. قلت انا اجي واعطيه ..
كلهم ماستوعبوا..
وهادي عقد حجاجه.. وقلبه يقرع ويقرع.. ونشف ريقه ..
والتفت سعود:
هادي..ابا اخطب لك بلقيس مني.. تبيها..؟!..

'ويجري الله سحاباً .. ويعصف بها رعداً وبرقاً .. حتى تهطل غيثاً .. على ارض قحلت وتفطرت جفافاً..
ياربي.. هل هو بري بأمي.. ام هي دعوة يتيم كفلته .. ام عامل في الطريق اطعمته.. من رفع كفوفه في مرور ملك.. وقال ربي فرج كربه ..
هل هلال عمري قبل هلال رمضان .. وانفتحت لي الابواب.. *..

بسعادة عارمه.. قلبه يكاد يكسر ضلعه ويخرج.. يناظر سعود:
من جدك عمي..؟!
سعود بحزم وابتسامة :قل تم قبل أهون..
هادي حب راسه وكفه :تم.. تم.. ومليون تم..

الشباب مذهولين من الوضع والاسباب ومو فاهمين شي.. الا ان تصرف بتفكير من ابوهم.. وهادي يستاهل.. وماحد فيهم يعترض..

ام هادي ماقدرت تكتم زغرودة فرح.. خلت قلب بلقيس يختلج.. وهي اللي تشوف ومو سامعه شي..
لمن فارس دخل ركض لهم..
مهره :وش ذا الزغاريد.. شسالفة فارس..؟!
بلقيس جات.. وفارس بانفعال:
ابوي بيزوج بلقيس لهادي.. خطبها له مدري خطبه لها.. اهم شي.. وهادي قال تم وخالتي ام هادي متحمسه.. وكذا..
توسعت عيونهم بدهشه ..
موضي :
هاه.. شفيه ابوك...شسالفته..؟!
مهره التفتت لبلقيس.. وشافتها ماسكه قلبها وتتنفس بسرعه وبرجفه:
احلف فارس..؟!
رد عليها :ورب الكعبة هذا اللي صار..
موضي بعدم استيعاب خذت لها شرشف صلاة:
والله عاد هادي.. ينتصلى على ثوبه.. مير ليت عشان يقفل سيرة ولد فيصل..
وطلعت بره..
قربت مهره من بلقيس وفهمت شعورها.. والامنيات التي تمر عبر رجفتها وتتحقق في دموع عينها..
مهره ببتسامه وشقاوة:يالشيطاااانه.. هذا اللي تبين..
بلقيس  راحت ضمت مهره وانهارت بكاء وبخفوت:احبه من سنين يامهره.. احبه..

ضمتها مهره واضحكت:والله كنت حاسه ان الحب بلواك.. الله يسعدك يابعد روحي..

‏أحسب ايام العمر راحت عليّـه
‏مادريت ان أجمله في ما تبقى

‏أشكر أيامي على كبر .. الهديه
‏أثرها لا من بغت تعرف تنقّى

‏جابتك من نور برقٍ شعّ ضيه
‏صبّ غيثه بين الأضلاع وترقى

*****

هادي وامه بالسيارة وانفال ورى فاتحه النافذة.. غمز لها سعود:
عاد لاعطيناكم بنتنا تراها امانه يانفول..
بحماس تأشر على عيونها :
هنا هنا ياعمي سعود..
سعود:تسلم عيونك يا ام حمد..

***

قبل كم يوم..
انفال بصوت خافت:اول شي اذا اي احد جنبك لايدري اني انا انفال اللي اكلمك..
سعود ببتسامة :تمام.. اتفقنا.. انا لحالي.. وش تبين تقولين.. ومسويه كل هالاجراءات الامنيه ياعمك..
انفال: لحظه بتأكد اذا باب السطح مقفل..
بدهشه:وش مرقيك بالسطوح .. و شسالفتك ترى بديت اقلق..
تكلمت بصوت متأثر:انا بطلبك طلبه.. واول مره اطلب احد غير هادي وامي.. بس حاجتي عندك ياعم سعود ومحد يقدر يسويها الا انت..
سعود :عيوني لك.. انتي تدرين عن غلاكم عندي ولاتبين اقولك..
انفال:والله ادري عمي.. ولاني ادري كلمتك.. والله لو غيرك ماكلمته.. والله.. لاني بجيب العيد..
سعود :قولي وش عندك يابنت.. وش قاصرك.. وش ودك فيه ..والله وش مابغيتي جاك..
انفال:ابي اخطب بلقيس لاخوي هادي..

انصدم سعود.. وفكره تصرف طفولي منها وقبل يرد.. انفال بسرعه:وانت قلت وش مابغيت جاني.. ولاغيرت رايك ..
سعود بدهشة:انفال ابوي.. انتي عارفه وش تقولين.. هادي يدري عنك ..فاهمه معنى اللي تسوينه.. يايبه ذا شي يخص الكبار.. ذا قرار ياخذه هادي ..مايصلح انتي تتصرفين فيه..
انفال : طيب انا بقولك .. وانت بعدين بكيفك.. بس ها عمي.. مو تزعل من هادي.. امانه..
سعود: مازعل انا من هادي ولامنك.. هادي ولدي الرضي.. وشهولا ازعل منه ..

انفال:عمي.. هادي صار له فتره ماياكل زين ولاينام.. وكل ساكت ويعصب بسرعه..

وراحت انفال تسولف له بشفافيه.. عن هادي ووضعه من بعد العزيمة .. لمن سمعت حواره مع اختها النور ..
((امه كانت تقول له بغضب:وليش ماتتزوج وش ناقصك.. والله الماده ماشاء الله هذه بيدك.. والبيت شكبره مافيه الا انا وانفال..
هادي بانفعال:عاد يايمه انا اعطيكم كل شي.. والله لو تبون عيوني.. بس خصوصياتي محد له حق يتدخل فيها.. حتى انتي يمه ..
ام هادي بانفعال:
انت شايف عمرك..صكيت الثلاثين وحداني.. تكرف وتشقى.. ترجع لاحرمه تلفيك.. ولازول يتحراك.. دخيل الله بنية حلال تشوف شتبي.. وش ودك.. شاللي في خاطرك.. عنبوك..انت صخره.. مالك نفس مثل هالشباب..
هادي بغضب :انا **.. بس لاتفتحين هالسيره معي.. ولا ابي اي كلبه تكون معي.. واذا اثقلت عليك.. انا اطلع واقعد بشقه واعيش عيشة العزاب ..
الام بانفعال:شف شيقول.. اشق جيبي..انتف عمري..
النور:صلي على النبي يمه..وش بلاكم.. توكم شحليلكم.. وبادين السالفه مزح وش جاكم ..
امه بغضب :لانه يالنور مب صاحي.. انتي شايفته.. لاياكل ولايرقد.. يشتغل ويكرف..يجي ويروح يذبح عمره بالنادي.. ويقول هو طبيعي وعدل.. يخسي.. والله ما انت بشلي ياولد بطني..

ضحك بتهكم وسخريه:ترى انا طول عمري كذا لاتسوين يايمه ان ارهقتني العزوبية..
ضحى:الا هادي.. انت صار لك شهر.. زايد في وضعك ذا.. ياخوي والله مانحس بالدنيا.. الا لاضحكت عيونك..
طالع ضحى.. توها والد من اسبوع.. مايدري شكلها التعبان وولدها بيدها.. حسسه بغصه.. كيف طلع من طوره يمها.. وضحى حساسه وعلى طول تتأثر.. قرب منها وحب راسها :
آسف ضحى.. ضغطتني امي.. لاتتضايقين وانتي ترضعين ورعك ..
على طول امتلت عيونها دموع:
ياعمري.. انت لا تتضايق.. ماعليك مني.. انا زينه..
خذ جواله ومفتاحه وطلع ..
ولحقته نور.. وبدون محد ينتبه الحقتهم انفال..
توجه للكراج وفتح قفل السيارة ..
والنور تمسكت فيه وتتحلف فيه:
والله ماتطلع وانت زعلان ..
هادي :مافيني شي.. بروح افرفر بالسيارة .. ضايقتن بي..
النور:والله ماتروح.. قل لي هادي.. انا اختك صديقتك بفهمك.. وش فيك.. وش الهم اللي بقلبك..
تنهد باختناق ورفع راسه..
النور بالحاح:منهي .. منهي اللي عجزتك وعجزت فيك.. من في بالك.. تزوجت.. ماتت.. وينها..؟!

ضحك بتهكم وتضيق فيه اكثر ..
النور بإصرار:قول وزيح هالجبل من قلبك.. كم لك وانا اشوف الحب والعجز بعيونك.. من ياهادي.. من العاثيه بقلبك..
هادي  يحاول يزيحها : بعدي يا النور لا زعلك..
النور متمسكه بثوبه من صدره :والله مابعد الا قايل اللي بخاطرك .. هادي تكلم..
مسك كتوفها بقوة ومن بين اسنانه:
بلقيس يالنور.. بلقيس بنت عمي سعود.. وماطولها.. بيني وبينها بحور ودهور..
توسعت عيونها بذهول:
وليه تقول كذا.. هو انت بتلقى مثلها وهي بيجيها زيك .. ليش ياهادي وش يمنعك..

ضرب صدره بكفه: ضعفي وخوفي وكبري خايف يكسر.. بيقولون طمعان فيها.. وفي ابوها.. النور..  ليتني ماشتغل عند عمي سعود.. وليته مامسكني كلشي.. ليتني ماعرف اسرارهم.. ولا حساباتهم.. انا وبلقيس بينا فرق وبينا ماده.. وكلام ناس..ابيها ورب الكعبة مافي خاطري الا هي.. وهي تبيني.. بس مقيد ومربط..

النور بانفعال:خبل انت.. لايكون انت تشحت بالشارع.. تراك في خير ونعمه.. وشهادتك شكبرها.. وعمي سعود والله والله مايفرقنا عن عياله.. هو يشوفك مثل سيف ونواف.. بس انت مع الاسف ماعديته مثل حمد رحمة الله عليه ..

هادي بغبن:ذا عمي سعود ومحد يشكك في غلاه.. وان طلبته ماردني.. بس الناس بتاكل وجهي.. وبيقولون عطاه وكبره وسواه وطمع زيادة ..

النور بغضب: وانت وش عليك من كلام الناس.. انت عليك بنيتك.. بموافقة البنت وابوها.. ليش تبني ردود فعل من فراغ.. ليش انت تنتظر تروح من يدك.. ثم تلطم وتقول ليت وياليت ..

هادي بحزن الدنيا:وهذا بلاء ابوك ياعقاب.. يا النور بلقيس خطبها ولد عمها.. وعمي سعود شكله موافق.. وانا من يوم خطبها يوم عزيمتهم .. وانا الدنيا قافله بوجهي وقاطع اتصالي ببلقيس.. مالي وجه.. والله مالي وجه.. ماستاهلها..  هي كانت تقول قرب وانا ابعد.. هي تقول يصير.. وانا اقول ماينفع.. آااااه ياالنور.. كان غباين الدنيا ألتمت وقعدت ببلعومي..!!

انتهت انفال من رواية الحادثه لسعود باسلوبها وحفظها للموقف.. و حاولت قد ماتقدر تنقله بحذافيره .. 
وهو في حالة ذهول وقهر ..
من هادي ..ظنه وسكوته.. ومهابته من الاقدام ..
انفال :وانا اطلب منك بلقيس لهادي.. والله ياعمي ان النور هاوشته.. وحلف انه يحبها ويبي يتزوجها وحتى يقول مابيني وبينها الا وضح النقا.. مدري وش تعني.. بس حبهم اسلامي.. ها ياعمي.. تردني..
ابتسم سعود على اسلوبها ونقاوتها.. وكيف وصلت بعمرها الصغير اللي ماقدروا الكبار يوصلونه..
يوم لاحظته سكت :وش فيك عمي سعود.. ما انت راضي..
سعود :راضي .. ودامك طلبتيها لهادي.. جاته بعباتها..
انفال:كيف يعني.. وضح ياعمي سعود لاتجنني..
ضحك:خلاص موافق.. بس ها.. المكالمه هذي خليها سر بينا.. وخليني انا اضبط الامور بطريقتي ..
بحماس وسعادة :يالبى يالبى ياعمي سعود.. والله انك كفووو..

*****

سعود في غرفته.. مرتاح من اللي سواه وصار..
وماتصادف مع بلقيس الى الان..
توه بينسدح..طرق الباب..
رفع صوته: حياك..
انفتح الباب ودخلت بلقيس بخطوات بطيئة.. وتشابك يديها..
ومو قادرة تناظره..
جلس على فراشه وخلع ساعته.. وحطها على الكوميدينا.. وباللهجه مُبطنه:
لايكون بعد ماتبينه .. وتحطين فيه ألف عيب مثل شبيب ..
بلقيس ساكته.. وحاسه ان اللي سواه ابوها بمعرفه منه بقصتهم..
ناظرها وهي منزله راسها .. اخفى ابتسامته وبلهجه هاديه فيها تهديد وعتب :
والله يابلقيس.. الله ارحمك انه هادي.. لو غيره.. ان كان ...
بسرعه راحت طبت عند رجوله.. ومسكت يده:
والله مابينا الا وضح النقا.. والله يخاف علي وصايني.. والله يبه..
حط كفه على راسها :
الله يبارك لكم.. هادي ما انتوا اغلى منه عندي.. بمقامكم.. مثل ماوصيته عليك .. اوصيك عليه.. بيصير هو وليك وتاج راسك.. ولو هو متحسس من شغلة وش عندك وماعندك .. صيري الشاطرة .. ولا تخلين هالشي يوقف بينكم..
بلقيس بصدق :والله يايبه مابي شي.. مابي من الدنيا الا هادي ..
سعود بمداعبة واستنكار: عجيييييييب..!!!!!
بلقيس خبت وجهها بكفوف ابوها وانهارت بكي..

*****
ومر رمضان..
بدعاء صادق من نواف.. كما يسر لهادي خطبة بلقيس.. ييسر له خطبة زينه وترضى..
عجز يطلعها من عقله.. فكانت تكبر وتتضخم في قلبه وخياله..!

مهره وتعبها من الوحم.. رغم حماسها وشوقها للمولود..
سيف الصغير.. وعصبيته وانفعاله كل ماقالوا امك بتجيب نونو جديد ..
فارس.. وروعة الفكرة واهتمامه بمهره.. من تقول اشتهت شي يجيبه..
سيف وقلقه عليها.. واحتواءها.. وحتى محاولته في ابعاد سيف عنها ساعات طويلة .. ياخذة المزرعه في نهار رمضان مع الشباب..
لتعداد على بعده بشكل تدريجي..

هادي وبلقيس والحب الذي يعانق السحاب.. عتب.. وبشرى وسعد بعد انقطاع الامل..
انتظارهم ليوم الملكة حددها سعود ثالث العيد..

وفي اخر يومين من رمضان..
شاهين في بيته.. مر فيه بعد التراويح.. جالس متوحد مع نفسه.. كعادته لحب يهرب من كبرياءه.. وغروره..!
كان في الصاله يدخن.. وحاط امامه لوحه لها.. وكان يحاورها ويكل جمان  فيها..
يقول لها كيف عجزته.. كيف عرف هي بدوله وعجز يوصل لها..
كيف سب الزمن وحضن غاده.. كيف لعن يوم وفاة امها.. وكيف ذنوبه تكبر.. وهو يشتم ويسب الدهر..
كيف الشهور .. سنين..!!
والشيب طلع في راسه..
معقول..
انتي.. جمان.. فيك جبروت وقسوة .. تذبحين انسان..!!
والله انك ذبحتيني..!
شوهتي بيان وديم ..
انتي بكامل قواك العقلية.. يومك تذبحينهم..
راحت الوانهم ياجمان..
كل شي فيهم باهت ورمادي..
نفس لوحتك هذي..!
وانتي ترسمينها.. كنتي تحلفين.. ترسمينا زيها وبالوانها..!

ارتفع رنين جواله.. نفخ الدخان وحاول يتجاهله..
لكن عقد حجاجه وهو يشوف رقم دولي ينطرح على الشاشه ..
شاله ورد..
وبشكل عاصف مخيف.. صوت جمان متألمه.. تصيح وتبكي :شاهين.. شاهين.. تسمعني..الوووو
وقف وبذهول ولهفة الدنيا: جمااااان..!! اسمعك.. وينك..
جمان بصوت باكي.. موجوع:بموت ياشاهين وبتطويني الغربه.. امانتك بيان وديم.. وترى انا  سامحتك والله سامحتك..
شاهين يصيح فيها :ابلعيهاااا... وينك.. وووينك وش صاير عليك ..
بكت منهاره: ادري ان حبك لغاده طيش وتماديت فيه وادري انك تحبني.. الشيطان دس لحظة غاده وياك في وجهي .. وكبر الزعل براسي.. شاهين ابي اشوفك واشوف بناتي قبل اموووت...
ذاب قلب شاهين وهي تصرخ بألم وكانها مصابه.. صاح فيها:ووين مكانك... وووين.. قولي لي ...
انقطع الخط..!!! .......
.
.
.
لابل هو كان غفى وصحى.. والمكالمه ليست الا حلم ..
قرب يجن..!!
لا جن فعلاً..
هذه اشاره.. هي فيها شي.. اكيد صاير عليها شي..
طلع من البيت وركب سيارته..اتصل على سيف وطلب منه يلتقون حالاً..

في تلك الليله وبالتعاون مع سيف تواصلوا مع طلال.. هو من جهه امنيه مختصه بالامور الخارجيه للمملكة..

واللي فهمه شاهين ان طلال محاول يبحث عن وسيله للوصول لها.. من خلال تدخيل سيف له بالموضوع.. والنتيجه  مافيه حجوزات باسمها ولابلاغات.. ولا حتى شريحة اتصال باسمها ..
وجمان فعلا كانت تتعامل باسم راشيل في كل شي ..
باستثناء المستشفى.. وكان من ضمن مقاطعة القرى..  ماكان ممكن احد يتوقع وجودها بذا المكان..كله ايطالين ومافيه حتى سياح..
'جربت الشلل في اعنف انواعه.. انتابتني نوبات جنونيه.. كسرت علني افرغ غضبي .. هل داهمها لص.. هل احد هاجمها.. هل سقطت وانكسرت وهي وحدها .. هل هي مجروحه .. وتنزف حتى تنضب دماءها وتموت.. كيف صور لي ابليس احتضار جمان في ابشع صور ..
باختصار امر الان بحاله.. لا اتمناها حتى لعدوي'

كان يذبل كل ماطريت الفراق
كيف فارقني وفي بعدي حيا ؟!

ليه صدقته وهو حتى العناق
في قناعاته أكاذيب وريا !

كنت أحبه مادريت ان النفاق
تعشق اللي موّتك حزن وعِيا !

كان فارق يشبه أحزان العراق
كنت وجروحي معه شِبه اغنيا !

أنتمي له كل ماهالكون ضاق
وانتفي منّه ويكسرني الحيا !

ليته اهداني بعد هذا انعتاق
من تفاصيله انا بحاجة ضِيا !

*****

اتمنى البارت يكون قد نال على رضاكم واعجابكم.. 🤗❤️
تعليقاتكم ورايكم.. 👏👏👏