تحميل رواية «مغامرات عائلية» PDF
بقلم همس كاتبة ✨
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
شجرة العائلة بالتدريج : الجد ( عبد الله ) : والد عدنان و ناجي و ايهاب ، و هو عم حسين و خولة الجدة ( فاطمة ) : متوفية ابناء عبد الله : عدنان : الابن الاكبر لعبد الله ، متزوج من سحر ابناءه تميم 30 سنة ، أوس 26 سنة ، مصطفى 15 سنة ناجي (متوفي هو و زوجته) : الابن الثاني ابناءه زياد 26 سنة ، فريدة 25 سنة ، كارما 17 سنة ايهاب : الابن الثالث ، زوجته خديجة ابناءه فارس 24 سنة ، غادة 23 سنة ، لارا 17 سنة ابناء اخو عبد الله ( عبد الرحمن متوفي ) : حسين : متزوج من سعاد و ابناءه حلا 21 سنة ، حبيبة 20 سنة خولة...
رواية مغامرات عائلية الفصل الحادي والثلاثون 31 - بقلم همس كاتبة ✨
بارت 30
عبد الله : امسك دي يبني
امسك يزن الجلابية و قال : ايه ده يا حج ؟
عبد الله : البسها انت بس و تعالا اقولك
يزن باستغراب : البسها ليه ؟
عبد الله : عشان هتتعاقب معاهم يلا
يزن بصعقة : نعم ؟! و اتعاقب ليه ان شاء الله ؟؟؟ دول احفادك انا مال اهلي بيهم ؟
عبد الله ببرود : مش انت صاحبهم ؟
يزن : و لا اعرفهم
عبد الله : مش انت الي جيت الارض بتاعتي و ضربت نار فيها و كمان علمت البنات من غير اذني ؟
يزن : ايوة و اتصاوبت بكتفي على ايد حفيدتك .. و بعدين اوس هو الي قالي اجي و كان بيضرب نار هو كمان
عبدالله : و الله انا مليش دعوة البيت ده بيتي انا مش بيت اوس و انت مطلبتش اذني يبقى محتاج عقوبة ... اهو تتعلم المرة الجاية ما تمشيش ورا صحابك
يزن بذهول : لا يراجل .. هو حضرتك عايز تعاقبني و خلاص ؟ انا هنفذ بجلدي احسنلي
عبد الله : و مين قالك اني هسمحلك تمشي ؟ اعتبر نفسك اسير و محبوس عندنا
يزن بصدمة : هو مين الي اسير يا حج ؟ مش للدراجادي يا عبد الله بيه انا بقول نرجع نتخانق زي زمان احسن
عبد الله : اممم وقتها هنجيب باباك و عيلتك كلها و نتهمك انك ضربت نار على بيتنا و شوف مين هيصدق حسن نيتك يا حضرة الضابط .. و نبقى ندفعكم تمن الرصاص ده بالغالي و تاخد اكبر خازوق بحياتك
يزن بذهول : خازوق ؟!
عبد الله : ايوة .. تحب تشتغل معاهم و لا نجيب عيلة العزايزة كلها بقا و نشربهم قهوة سادة على روحك
يزن : لا و على ايه الطيب احسن .. بس من دلوقتي بقولك شغل تقيل انا مش بشتغل انا هطري عليهم القعدة بس
تميم : ليه ان شاء الله ؟ فاكر نفسك رقاصة ؟
يزن : اخرس انت
عبد الله : معاك دقيقتين تلبس الجلابية و تجيلي
يزن : ربنا يسامحك يا عبد الله بيه ... من النهاردة هقولك يا جدي يا قاسي
عبد الله : يا روح جدك .. انشف يالا و استرجل شوية
يزن : اكتر من كدة !
***********************
بعد ساعتين
يزن بتمتمة : انا مالي و مال العيلة دي ؟ منا كنت عايش براحتي و بشتغل كويس و باكل كويس و مرتاح 24 قيراط .. ليه اتنيل اصاحبكم يا رمم .. ربنا يحرقكو و يحرق الصحوبية الهباب دي
اوس : انت بتربطم بتقول ايه ؟ اشتغل من سكات .. انت الي جبته لنفسك .. حد قالك تسمع كلامنا ؟!
يزن : طبعا .. منت عم الندالة كلها .. انا ايه الي جابني للبيت ده .. لا و جيت برجليا من الصبح زي الاهبل
فارس : على فكرة كل الي احنا فيه ده بسببك يا اوس .. لو ما فتحتش الباب ما كانش حد هيشوفنا و نتعاقب تاني و تالت و رابع
زياد : ده ندل عايز يبان هو الحمش قدام حبيبة عشان تسامحه
اوس بحيرة : تسامحني على ايه ؟ هو انا ايه الي عملته ؟ و الله ما عملتلها حاجة
يزن بضحك : دي اخرتك يا بزنس مان ؟ دي عملتك زي العيل الصغير عندها .. الي يشوف صورك على الانستقرام مستحيل يصدق ان بنت صغيرة قدرت تمرمطك كدة
اوس : اعمل ايه بحبها
زياد بغمزة : يا عم الرومانسي اقسم بالله لو كنت بنت لاتجوزتك
يزن : الا ايه حكاية العقاب ده ؟ عملتو ايه المرادي ؟
زياد باحراج : فتحنا الباب على البنات و هم قاعدين براحتهم
يزن بذهول : ده بجد ؟!
فارس : على فكرة انا كنت ببص على خطيبتي .. كنا رايحين نصالحهم و الشيطان جرجرنا ... بس اوس غدر بينا و فتح الباب و هم غدرو بينا اكتر و قالو لجدي
يزن بصدمة : اقسم بالله انتو عيال زبالة و ما اتربتوش ... ازاي تعملو كدة دول بنات عيلتكم
اوس : دول يستاهلو ضرب الجزم اصلا .. و بيلموني قال ليه فتحت الباب ما الي جوة اخواتكم يا اغبياء ... ازاي تقبلو حد يبص عليهم
فارس : كفاية محضارات ابوس ايدك .. و الله كانت نظرة بريئة على الحتة بتاعتي
زياد : و انا ما لفتش انتباهي غير خطيبتي مكنتش فاضي ابص لحد غيرها
يزن بقرف : يخربيت دي رجولة .. ده انتو ما تعرفوش عنها حاجة
فارس : سيبنا الرجولة ليك يا حنين .. اهو انت معانا بتتعاقب زينا بالزبط
تميم بصراخ : كفايةةةة ..صدعتوني و انا مش ناقص
عبد الله من بعيد : بس منك ليه .. اشتغلو و انتو ساكتين
*************************
وصلت البنات سويا الى الغيط ....كل واحدة ترتدي فستان طويل بالوان زاهية مع قبعة من القش لتفادي اشعة الشمس و سلة تحتوي على اصناف مختلفة من الاطعمة
عبد الله باستغراب : مالكم يا بنات جايين هنا ليه ؟
حبيبة بابتسامة : اصل يا جدو احنا زهقنا اوي من البيت فقولنا نعمل بيكنيك في الغيط و نغير جو
دينا بخبث : ايوة البيت كئيب اوي و حابين نفرفش و نضحك وسط الزرع و التراب
حلا : تعالا اقعد معانا يا جدو هتتبسط اوي
عبد الله بخبث : لا يحبيبتي روحو انتو بس اقعدو قريب من هنا اهو تشرفو بنفسكم على شغل الشباب لغاية ما اصلي الظهر و ارجع
مصطفى : تحب اشرف عليهم بنفسي يا جدو ؟
عبد الله : اممم خليك مع البنات .. و لو واحد فيهم بس كلمهم تعالا قولي
فريدة بضحك : ايوة كدة يا جدو
غادة : يلا يا مصطفى افرشلنا تحت الشجرة الي هناك دي
جلست البنات سويا على الارض و بدأن بصف الطعام
دينا بهمس : اوس هينفخنا دي شجرة الحب بتاعته
فريدة : ما ده الي احنا عايزينه .. سيبيه يتغاظ شويه
كارما : حرام عليكي و الله انتو مزودينا عليهم
دينا و هي تنظر ليزن : و ده ايه الي جابه ؟!
حبيبة : ده لابس جلابية .. يبقى متعاقب هو كمان
دينا : ليه يعني ؟ هو عمل ايه ؟ دا انا بقيت اشوفه اكتر ما بشوف امي
حبيبة بخبث : امممم
لارا بغيظ : كفاية كلام عليه و رتبو الاكل
دينا : انتي يا بت بتحشري نفسك بكلامنا ليه ؟
حلا : يا بنات مينفعش كدة .. احنا كدة بنسليهم مش بنكيدهم .. لازم نعمل حاجة مستفزة
دينا : فعلا لازم نجننهم .. بقولكو ايه هما لازم يغيرو .. لازم نجيب حد و نتدلع عليه عشان يتشلو ايه رأيكم ؟
حبيبة : انت هبلة يا بنتي ؟ نجيب حد منين ؟ انتي عايزة تودينا بستين داهية ؟!
حلا بضحك : على فكرة انتي نيتك زبالة
فريدة : يا بت افهمي .. هو احنا بنقول هنجيب رجالة ؟!.. احنا عايزين حد ندلعه قدامهم عشان يتجننو
غادة : مصطفى ..اهو قاعد قريب .. هنستفزهم بيه
حبيبة بشهقة : لا حرام اوس ممكن يدبحه
دينا بسخرية : عادي فداكي يا عروسة
نظرت حبيبة بحزن الى اوس الذي يسترق النظر لها كل حين .. تلاقت اعينهم فسرح اوس بها اما هي اغمضت عيناها بقوة و ازاحت نظرها عنه تماما
اوس بتمتمة : دي بتتجاهلني عمدا
فارس : انا لو فضلت قدام حلا هتنط و تاكلني
يزن : على فكرة باين عليهم زعلانين اوي
اوس بحيرة :من اييييه ؟ انا هتشل مش عارف مالها ... معقولة حلا سخنتها عليا يا فارس ؟
فارس بضحك : طبعا حلا لما بتزعل بتحب الكل يزعل معاها
تميم : دول بيعملو كدة عن قصد .. عايزين يستفزونا
زياد : ههه .. بيحلمو .. لازم نتقل يا رجالة و ما نضعفش بسهولة
اوس : انا لازم اكلم حبيبة افهم مالها
زياد : جرب و شوف جدك هيعمل بيك ايه
فارس : زياد عنده حق .. اضحكو و طنشوهم دول شمتانين بينا
يزن بهمس : عيال تافهة
اطلق فارس ضحكة مصطنعة صاخبة جدا و انسجم الشباب معه يضحكون عدا اوس الذي اكتفى برسم ابتسامة صفراء
توقفو فجأة عن الضحك مجرد ان شاهدو مصطفى يجلس وسط البنات
فريدة بدلع : خود دي من ايدي يا صاصا
التهم مصطفى اللقمة و هو يبتسم
حلا : و دي من ايدي كمان
قرب مصطفى و تناولها
حبيبة بابتسامة : لازم تحلي دلوقتي من ايديا .. شوية عسل نحل يستاهلو بوقك
اخذ مصطفى الساندوتش من ييدها و قضمه
غادة بصوت حنون : اشرب العصير عشان ما تشرقش يا صفصف
دينا : خود الفاكهة دي من ايدي يا حبي
امتلأ فمه بالطعام و كان ينظر للشباب بغرور و مصدوم من كم الدلال هذا
كان الشباب الخمسة ينظرون لهن و كل واحد يبتسم ببلاهة من شدة الصدمة
تميم : الله .. ما هم حنينين اهو و مبسوطين
زياد بغضب : بص بيأكلوه ببوقه ازاي
فارس : الواد بقا قد النطع و هما بيدلعوه زي البيبهات
يزن بذهول : دينا بتقوله يا حبي !
كور اوس يده و قال بغضب : وديني لانفخك يا مصطفى
صرخ مصطفى بفزع عندما شاهد الشباب يركضون تجاهه و على وجههم ملامح الغضب
انتفض من مكانه و قال بصراخ : انا ما عملتش حاجة .. يا جدووو الحقني
و ركض باتجاه البيت قبل ان يمسكوه
حبيبة بفزع : في اييييه
فريدة بصراخ : اهربو يا بنااااااات
حلا و هي ترفع اكمامها : دقت طبول الحرب يا قطز
مجرد ان همت البنات بالهرب حتى امسك اوس بتلابيب حبيبة و تميم كبل ايدي فريدة من الخلف
حبيبة بارتجاف : سيبنيييي
اوس بغضب : ايه الي بتعمليه ده ها ؟ بتستفزيني ؟ دي اخرتها يا حبيبة ؟
حبيبة : هصوت و انده لجدو
اوس بحدة : لو جبتي الامم المتحدة كلها مش هسيبك وريني بقا هتعملي ايه
حبيبة بغضب : ابعد عني و ما تزعقش بيا
امسكها بقوة من يديها
اوس بتحدي : مش هبعد و يلا اعملي الي تقدري عليه
فريدة بصراخ : تميم سيبني انا مش بهزر .. مش عايزة اشوفك سيب ايدي
تميم بغضب : مش قبل ما اعرف مالك .. ايه التصرفات دي ؟ انا عملتلك ايه عشان تعملي بيا كدة ؟
فريدة : مش هقولك .. ابعد عنييييي
تميم : يعني عايزة تفضلي متثبتة كدة ماشي يا فريدة اهو احنا قاعدين
زياد : غادة ممكن تسمعيني شوية .. اقسم بالله انا ما عملت حاجة
غادة بتحذير : لو قربت هحدفك بالطوب
زياد : لا ابوس ايدك مش هقرب بس قوليلي مالك
غادة : يا حرام .. قال يعني مش عارف .. انت وعدتني بوعد و ما وفيتش بيه .. قولتي مش هتكلم بنات تاني بس كلمتهم
زياد : اقسم بالله دي ما تخصنيش دي تخص اوس اصلا
نظر اوس الى زياد بذهول و كذلك حبيبة التي نفضت يد اوس و ذهبت
كان يزن يقف مصدوم من حالة الجنون التي وصل لها افراد العائلة
يزن : الغبي سلم صاحبه تسليم اهالي عشان يخلص نفسه
كان فارس يركض وراء حلا يحاول امساكها حتى نجح لكن سرعان ما ركلته في بطنه ليسقط على الارض من شدة الالم
صفقت دينا بحرارة و قالت : جدعة يا بت
اوس و هو يحاول ان يمسك حبيبة : حبيبة .. حبيبة استني شوية .. طب قوليلي زعلانة ليه
استدرارت له و كانت سترد عليه بغضب لكنها تعثرت بحجر صغير و كانت ستقع لولا يد اوس التي امسكتها
سرحت بالنظر الى عينيه ... و في تلك اللحظة فعل يزن رشاشات الماء في المنطقة حتى يهدأو قليلا
دفعت فريدة تميم و هي تصرخ و حلا هربت بسرعة كي لا تتبلل بينما غادة و دينا ينظرن ببلاهة لوضع حبيبة و هي بحضن اوس
دينا بغضب : انتي بتعملي ايه يا بت ؟
غادة : حبيبة فوقي
فريدة : دي و لا كأنها معانا اصلا
اتى عبد الله من بعيد و معه كارما و لارا و مصطفى و حلا فهم ذهبو لندائه
تميم : اوس فووووق جدي جاي
استفاق اوس من سرحانه و رفع حبيبة التي عدلت وضعيتها سريعا
دينا بهمس : مهزقة .. لحقتي دوبتي بيه
حبيبة بتوتر : ما اخدتش بالي و الله
غادة : كفاية سهوكة يا بت هتنقطيني
عبد الله بغضب : ايه الي بيحصل هنا ؟!
تميم باندفاع : هما الي استفزونا يا جدي احنا ما عملناش حاجة
حلا : كداااب .. هما الي ضايقونا يا جدو و ما عملوش اي اعتبار لكلمتك عليهم .. احنا قولنالهم اننا بنشرف ع الشغل بامر من جدو بس هما قالو بلا جدو بلا بتاع و بدأو يرذلو علينا و يقللو ادب
حبيبة بشهقة : يخربيتك
دينا بضحك : انا صدقتك يا بت
زياد : ما تردش عليها يا جدي هم الي جم عندنا من الاول عشان يغيظونا
غادة بغضب : بس انتو الي دايقتونا و كنتو هتضربو مصطفى
فارس : محدش ضربه يا غادة ده انا اكلت ضرب على ايد المجر..مة دي
حلا بغضب : اتلم يا فارس
فارس : اتلمي انتي
عبد الله بغضب : كفايةةةةة .. انتو مش هترتاحو الا لما تجلطوني .. يزن احكيلي ايه الي حصل من غير ما تميل لحد
يزن : مفيش يا عبد الله بيه خناقات عيال .. سيبيهم لما يكبرو هيعقلو
عبدالله : امته يعني هيعقلو ع الاربعين ؟ كل واحد فيهم قد الشحط و بيتصرف زي العيال
يزن : و الله مش عارف .. دول بهدلو الدنيا
عبد الله بحزم : كله يرجع على شغله .. و انتو يا بنات سيبوهم يشتغلو و يتمرمطو .. امشو قدامي يلا
حلا : و الاكل ده مش هنلمه ؟
فارس بخبث : ما تخافيش انا هلمه يا حلا و ارميه ده جزء من شغلنا برضو
حلا بشهقة : ترميه ايه ؟ حرااام .. انا هلمه يا جدو بس خليك هنا عشان ممكن يدايقوني
عبد الله بنفاذ صبر : اخرسو بقا .. انا هتجنن من العبط بتاعكم ده
**************************
في المساء
انسحب اوس من العمل .. فجدهم عبد الله اصر ان يعملو حتى وقت متأخر ... تجنب الدخول من الباب الرئيسي لذا ذهب باتجاه سلم البلكونة الخلفية و مجرد ان وصلها وجد حبيبة تقف و تعطيه ظهرها
اقترب منها ببطىء ... سمع صوت شهقاتها فعلم انها تبكي
امسك يدها بعنف و سحبها للداخل باتجاه اوضته
حبيبة بفزع : انت بتعمل ايييه ؟
وصل الاوضة و قفل الباب و حاصرها عند الحائط
اوس : ممكن افهم ايه الي حصل ؟
لم ترد عليه
اوس : ايه سبب التغير ده ؟ ليه بتتجاهليني كدة يا حبيبة
لم ترد
قرب شفتيه من شفتيها
اوس بخفوت : ردي عليا بكلمك .. ايه الي حصل ؟ انا زعلتك بايه ؟
حبيبة بدموع : انت خونتني يا اوس ؟
اوس بذهول : انا ؟! .. مين الي قالك الكلام ده ؟
حبيبة بحرقة : محدش قالي .. انا سمعت بنفسي
اوس باستغراب : سمعتي ايه ؟
حبيبة : سمعتك و انت بتقول لزياد انك مش عايز اي حاجة تربطك بحبيبتك القديمة .. و بالامارة قولتله انك مش عايزني اعرف لاحسن ازعل
سرح لثواني حتى ادرك الامر ....تراجع للخلف ببطىء
اوس بخيبة امل : مستحيل .. انتي يا حبيبة الي بتقولي الكلام ده ؟ حكمتي عليا خلاص عشان سمعتي شوية كلام عادي ؟ اعتبرتي ان دي حبيبتي و اني كنت بخونك ؟!
حبيبة بدموع : و ايه تفسير الكلام ده غير كدة ؟؟ ليه مش عايزني اعرف ؟
اوس بجنون : عشان انتي طلبتي مني ما اشغلش ستات معايا و لا نسيتي ؟ و الست دي عدت الاربعين سنة و المفروض انها هتشتغل معايا ... بس انا رفضت عشان خاطرك و عشان عارف الست دي كويس لا بتحترم سن و لا شغل و هيا فضلت تزن عايزة تشتغل معانا و كلمت زياد يبقى وسيط عشان يقنعني و انا صممت عشان خاطرك
حبيبة بذهول : بجد !
اوس : عمري ما توقعت انك تشكي بيا يا حبيبة
حبيبة بتوتر : انا اسفة .. بس و الله غصب عني .. مش بستحمل حد يقرب منك غيري
اوس بغضب : و بالنسبة للثقة الي بينا ؟ انتي المفروض تكوني واثقة مية بالمية اني مستحيل ابص على وحدة غيرك
حبيبة : اوس انت عارف ان ثقتي بيك اكبر من ثقتي بنفسي ... بس انا برضو من حقي اغير عليك .. خايفة اتحرم منك زي زمان
زفر بضيق شديد و هو ينظر امامه بشرود و حزن واضح
حبيبة بتوتر : اوس .. انا اسفة .. و الله انا كنت هكلمك يومها بس البنات منعوني .. كنت حاسة انك مش هتعمل بيا كدة .. اوس ما تزعلش مني
لم يرد عليها
عضت شفتيها بندم ... اقتربت منه ببطىء و وضعت يداها على صدره و رفعت نفسها قليلا
حبيبة : اوس .. سامحني
لم يرد عليها ايضا و تجاهل النظر لوجهها
لفت يداها حول رقبته و قربت شفتيها من شفتيه لتقبله قبلة رقيقة جدا كي يقبل اعتذارها
لم يخفي صدمته من فعلتها فاستغل الفرصة و شدها من خصرها بعنف حتى التصقت به و قبلها بعنف شديد و كأنه يحاسبها على تجاهلها له
بعد دقائق
حبيبة بهمس : انا اسفة ما تزعلش مني
دفن وجهه في عنقها و قال بتوهان : مش بزعل من حبيبة قلبي .. انتي الحب الابدي يا حبيبة
عاد لتقبيلها مجددا و هي ارتخت بين يديه
قاطع لحظتهم خبط الباب
ابتعدت عنه و قالت بفزع : في حد ع الباب
اوس : ماشي هشوف مين
حبيبة بتوتر : لا دلوقتي لو حد شافني معاك هنا هيفهمونا غلط
اوس بخبث: بالعكس هيفهمونا صح
خبطته على صدره بخفة و قالت بهمس : بطل قلة ادب
اوس بصوت عالي : مين
فارس من خلف الباب : انا ... انت روحت فين يا اوس جدي سأل عليك
اوس : بغير هدومي .. شوية و جاي وراك
فارس : ماشي
حبيبة بتوتر : اتاكد انه راح عشان اخرج قبل ما حد يشوفني
اوس بضحك : يا بت انتي مراتي
حبيبة : كفاية يا اوس عشان خاطري
اوس : ماشي يا ستي .. ثواني بس
***************************
في الخارج
يزن : عن اذنك يا عبد الله بيه الوقت اتأخر و لازم اروح
عبد الله : قولتلك مفيش مرواح دلوقتي .. هتفضل محبوس هنا لغاية ما العقوبة تخلص
يزن بذهول : يا انهار اسود .. انا ورايا شغل يا حج
عبد الله ببرود : مش مشكلتي
اوس من وراهم : عايزني بايه يا جدي ؟
عبد الله : انت دخلت البيت ليه ؟
اوس : روحت اغير هدومي .. و بعدين الدنيا ليل يعني الشغل خلص
عبد الله : اممم بس العقوبة ما خلصتش
تميم : طيب بكرا نكمل
عبد الله : لا العقوبة فل تايم يا تميم
تميم بصدمة : يعني ايه ؟ مش هنام ؟
عبد الله : لا هتنام يا خفيف .. بس مش بالبيت
زياد: اومال فين يا جدي ؟ بالشارع مثلا ؟
عبد الله : لا يا خفيف بالجنينة .................. يتبع
مغامرات عائلية
همس كاتبة
رواية مغامرات عائلية الفصل الثاني والثلاثون 32 - بقلم همس كاتبة ✨
بارت 31
عبد الله : لا يا خفيف بالجنينة ... كل واحد ياخد خيمة من دول و يفرش و ينام يلا
زياد : خيمة !
عبدالله : ايوة
تميم : احسن برضو اهو نستريح من نكد البيت شوية
زياد : اممم نطري على نفسنا بالجو ده
فارس بتثاؤب : اهو نرجع لايام كامب المدرسة تاني
عبد الله : مش عايز مشاكل و لا خناق .. انا هدخل انام و لو سمعت صوت لحد فيكم هنفخكم
اوس : ما تقلقش يا جدي
عبد الله : انا مش خايف غير منك .. تصبحو على خير
ذهب عبد الله للداخل بينما الشباب قامو بنصب الخيام و احضر زياد الشيشة و شغل موسيقى مع انارة هادئة و جلسو سويا على شكل دائرة
يزن : الجو هنا حلو اوي .. جدكم ده دماااغ اقسم بالله
فارس : لو كمل جميله بس و جابلنا نسوان
تميم : اتلم يا فارس .. و الله حلا عندها حق تديك على دماغك .. ده انت اسفل بني ادم عرفته بحياتي
فارس بشهقة : لا و الله
يزن : بقولكو ايه انا هزوغ دلوقتي و الصبح هرجع من بدري
تميم باستغراب : ليه يا ابني وراك حاجة ؟
يزن : لا مفيش .. بس عايز اطمن على ابويا
فارس : هو انت ملكش اهل يسألو عليك ؟ ده انت بقالك فترة يعني مقضيها عندنا
يزن : تصدق انك بني ادم زبالة
فارس : ربنا يخليك
تميم بضحك : مهو برضو عنده حق بصراحة .. يزن انت ايه الي جابرك تيجي هنا و تتعاقب مرتين و تتمرمط زينا ؟ .. ما تقوليش خايف من جدي
يزن بضحك : لا يعم مش بخاف .. بس انتو لمتكم حلوة و مختلفة بصراحة .. عجبني جو العيلة
اوس بخبث : اممم جو العيلة بس ؟ .. انا اصلا مصدوم انك بتقبل العقوبة و بتنفذ اوامر جدي من غير اعتراض .. ده انت كنت لما تقول كلمة رجالة البلد كلها تقف ساكتة قدامك
يزن : و الله ... طب و انت ليه بتقبل و بتنفذ من سكات ؟
اوس : على فكرة ده جدي مش جدك .. و بعدين انا بتسلى .. بقالي كتير مسافر و محروم من اهلي و بصراحة بحب استغل اي فرصة تخلي حبيبتي قربية مني و على طول معايا بكل عقوبة ... جدو اصلا بيشتغل على تقريب المسافات
يزن : اممم وجهة نظر
زياد بخبث : طب انت يا يزن ما قولتش لسا .. ليه وافقت تتعاقب ؟
يزن بسرحان : مش عارف .. حاسس اني كدة مبسوط .. يعني تقدر تقول كسر روتين .. اخر فترة بقيت ازهق من الشغل و البيت و الخروج .. كنت شايف كل حاجة مملة .. بس من ساعة ما اتلميت عليكم مليت الفراغ ده و حسيت ان شغفي اتجدد
فارس : يعني ما فيش حاجة كدة و لا كدة ؟
يزن باستغراب : حاجة ايه ؟
فارس : لا مفيش حاجة ... الا انت ليه لغاية دلوقتي مش متجوز ؟
يزن : مش عايز
تميم : طب انا هدخل الخيمة باعتي .. عايز انام شوية بعد التعب ده
زياد : مش هتكلم فريدة ؟!
تميم : و اكلمها ازاي و هي مخاصماني ؟ انا مش عارف عملتلها ايه عشان تزعل
زياد : اهو نكد و خلاص .. انا غادة طينت عيشتي بس عشان شافت اسم ست على موبايلي ... ده انا ما صدقت ترجعلي
فارس : زياد ... غادة عاطفية يعني تقدر تراضيها بكلمتين .. بس انا الي عندي مفترية و بتضرب كمان
اوس : و الله حلا لايقة عليك اوي و انت تستاهل كل الي بتعمله بيك .. عمري ما شوفت حد مستهتر قدك
فارس بعبوس : على فكرة انتو ظالميني انا اصلا مفيش حد طيب قدي
زياد : ماشي يا طيب ... ليه متخانق مع حلا ؟
فارس : مفيش اتعصبت عليها بس هيا زعلت بسرعة و خاصمتني
اوس : انا هقوم اتمشى شوية
يزن : خودني معاك
اوس بحدة : اترزع هنا
فارس بضحك : ده بيزوغ عايز يراضي الحتة بتاعته
اوس : راضيتها و انت صادق
يزن بصدمة : بالسرعة دي ؟!
فارس : اممم اوس قدها و قدود .. و الي عنده بترضى بسرعة مش زي اختها الي هتجنن اهلي على ما تكلمني .. دي عملتلي بلوك على كل وسائل التواصل الي في العالم مش فاضل غير تعمله ع الراوتر
يزن : سبحان الله البنتين اخوات بس مش بيشبهو بعض خالص لا شكل و لا تفكير
تركهم اوس و ذهب باتجاه الخارج
*******************
في اوضة البنات
حلا بغضب : يعني صالحتيه ؟! ..انتي يا بت مش بتفهمي ؟ .. ايه التهزيق ده
دينا : بجد يا حبيبة مش للدراجادي .. حتى لما خاصمتيه كنتي بتدافعي عنه ... و دوبتي فيه بس عشان وقعتي بحضنه
غادة : خاينة ... احنا اتفقنا نغيظهم مش من اول كلمة تترمي بحضنه
فريدة : فعلا انتي خلفتي الاتفاق
حبيبة بنرفزة : منا كنت ظالماه .. و لما فهمت الحكاية منه طلعت انا الغلطانة بحقه .. اكيد مش هزود المشكلة بس عشان اطلع انا الصح بالاخر
حلا : و اش ضمنك انه صادق ؟ ده اكيد
ضحك عليكي عشان تلمي الحكاية
حبيبة بغضب : اوس مش بيكدب .. و عمره ما كدب عليا .. و لو فكر يعملها هكشفه بسهولة .. انا و هو عشنا عمرنا كله مع بعض و بعرف كل حاجة عنه من غير حتى ما يتكلم
دينا : في دي عندك حق اوس لو كدب على كل الدنيا مش هيكدب عليكي انتي
حلا : لا كدة كتير ... قولتلك مليون مرة ما تديش ثقتك كلها لراجل .. الرجالة ملهمش امان يا حبيبة
حبيبة : دي نظريتك انتي .. انا مش بفكر زيك .. و كفاية بقى يا حلا .. مش هرد عليكي تاني زي زمان .. انا كنت هدمر حياتي بسببك
فريدة : بس حلا ما قالتش حاجة غلط يا حبيبة .. دي اختك و عايزة مصلحتك
حبيبة : عارفة .. بس مش هقبل حد يتدخل بحياتي .. و قبل ما تعملولي المحكمة دي و اطلع انا الغلطانة كل وحدة تبص لنفسها
غادة : قصدك ايه ؟ احنا بنكلمك عشان كنا متفقين على حاجة و انتي خالفتيها
حبيبة بانفعال : عشان انا غلطت بحقه .. انتو ليه مش فاهمين اني بحبه ؟ البني ادم ده انا بعشقه و كلكم عارفين ايه معنى العشق .. انتي يا فريدة بتحبي تميم بس مش بتفكري بوجهة نظره .. عايزاه يكون متاحلك 24 ساعة و يفهم كل مشاكلك بس انتي مش بتفهميه ... الراجل عنده شغل و مسؤليات و فرحه بعد كام يوم و انتي عايزاه يسيب الدنيا كلها و يركز بتحضيراتك انتي .. و هو بيسمع كلامك بكل حاجة و بيجي على نفسه عشان يرضيكي و برضو مش عاجبك .. مش كدة يا فريدة .. انتي كمان لازم تحتويه و تقدري انه بيمر بوقت محتاجلك بيه .. ده بيتحاسب على تصرفات كل الي في البيت و شايل هم الكل .. حرام عليكي الي بتعمليه بيه ده
فريدة : بس انا ما طلبتش منه حاجة غير انه يهتم بيا شوية
حبيبة : مهو ما بيهتمش بحاجة غيرك بالدنيا دي .. و من البداية خطط هو اوس نروح ارض العزايزة عشان يقعد معاكي .. و كل مرة بيعمل اي حاجة عشان يفضل جنبك .. انتي زودتيها عليه كتير
حلا : ده حقها .. لو ما اهتمش بيها ليه تتجوزه من اساسه
حبيبة : اه انتي عايزاها تبقى زيك كدة يعني ؟! ... ما انتي كمان ممرمطة فارس معاكي و رغم كل الي بيعمله عشانك انتي عايزة اكتر .. مش اي راجل بيستحمل طريقة تفكيرك دي و مع كدة فارس كان جدع و دافع عنك قدام الكل و وقف لاهله عشان خاطرك .. هو الوحيد الي بيسمعك من غير ما يجرحك يا حلا .. و حتى لو اتعصب عليكي ده مش شك دي غيرة .. انتي عايزاه يبقى خاتم باصباعك و يمشي على مزاجك و ده مش من حقك ... فارس حتى لو كان بيهزر و بيتنمر على اي حد بس هيفضل راجل و الغيرة بدمه
حلا : اوك .. بس لازم اخد موقف .. و هو لازم يكون واثق بيا مية بالمية و ما يشكش بيا ابدا
حبيبة : ايواااا اديكي قولتي .. و بناء على كلامك زي ما فارس شك بيكي و جرحك انا كمان شكيت باوس و جرحته .. يعني زي ما فارس غلطان بحقك و لازم يعتذرلك انا غلطانة بحق اوس و لازم اعتذر .. مش كدة ؟
حلا بلخبطة : يخربيتك .. ايه الزنقة دي يا واطية ؟!
غادة بضحك : خسرتي المعركة يا حلا
حبيبة : و انتي يا غادة
غادة بتوتر : مالي ؟ انا زي الفل اقسم بالله
حبيبة بحدة : لا انتي الغلطانة يا غادة .. زياد قالك الست الي كلمته دي كلمته عشان يقنع اوس بالشغل معاها ...ملهوش لزوم كل الحوار الي انتي عاملاه ده ... ده انتي مسحتي شخصية الراجل تماما .. و هو على طول بيجري وراكي و عايزك تكوني مبسوطة معاه بس انتي هزقتيه و جرحتي كرامته بسبب خوفك الاوفر ده ... و زياد مش بيعترض بالعكس هو الي بيهزق نفسه عشان خاطرك ... ما تكبريش الحكاية و صالحيه يا غادة ... ما تخسريش حبك عشان شوية قلق ممكن تسيطري عليه
التفتت حبيبة الى دينا و قالت : و انتي طول عمرك بتقربينا من بعض .. انتي على طول الي بتفوقي اي وحدة عايزة تدمر حياتها بلحظة غضب .. ايه الي حصلك ؟ ليه بقيتي عايزة تعملي مؤمرات و احزاب عشان ندايقهم ؟ هتبقي مبسوطة لو سبنا بعض ؟!
دينا : لا طبعا .. انا مش بتمنالكم الا كل خير .. بس اتقهرت لما شوفتكم زعلانين
حبيبة : ما تكدبيش .. و قولي انك بتدوري على اي فرصة عشان تشوفي يزن بس عاملة بيها تقيلة و مش عايزاه
دينا : ايه الكلام ده يا حبيبة ؟!
حبيبة : ما تحاوليش تخبي عشان باين عليكي .. من ساعة ما عرفتيه و انتي حالك اتقلب ... و لو مش فاهمة احساسك ده ايه انا اقولك .. ده اسمه حب ... و انتي حبيتي يزن حتى لو مش عايزة تعترفي .. و اوعي تفتكري اني بدبسك بالعافية .. انا بقول كدة من الي شوفته .. كل ما بتيجي عينك بعينه نظرتك بتختلف و بالامارة انك بتغيري عليه من لارا
غادة بصفير : الله اكبر .. دينا حبت يا جماعة
فريدة : الف مبروك يا حبيبتي و الله لايقين على بعض اوي
دينا بذهول : انتو بتقولو ايه ؟ .. حبيبة انتي اتجننتي ؟
حبيبة : لا .. انا صاحبتك من و احنا عيال يا دينا و فاهماكي كويس .. طول عمرك بتكابري و مش بتحكي الي بقلبك ... و زي ما بتخبي اسرارنا برضو بتخبي اسرارك و مشاعرك جواكي .. و على فكرة انا متأكدة ان يزن حاسس تجاهك نفس الاحساس .. و بيتلكك باي حاجة عشان يشوفك .. فما تصعبيهاش على نفسك و عيشي حياتك مع البني ادم الي قلبك اختاره
حلا : دينا .. طالما بتحبيه اعترفي .. ما تحرميش نفسك من الشعور ده عشان حاجات حصلت بالماضي و عقدتك .. مفيش مخلوق خارق في الدنيا دي هيجيلك و يخرجك من كل الي انتي فيه .. بس في راجل شهم و قوي هيحبك و يعيشك ملكة و يعوضك عن كل حاجة عشتيها
جلست دينا بارتخاء على السرير وهي تنظر امامها بسرحان
دينا بتفكير : طب ايه الي هيأكدلي اني بحبه ؟
فريدة بصدمة : انتي هبلة يا بت ؟! ايه السؤال الغبي ده ؟ دي مشاعرك حاولي تفهميها
حبيبة بابتسامة : اكبر دليل انك بتحبيه هو قعدتك دي ... طالما سرحتي مع نفسك كدة يبقى في مشاعر قوية تجاهه
دينا بسرحان : يا انهار اسود .. ده مناخيره كبيرة
غادة : انتي مالك و مال مناخيره يا بت ؟؟ ما تحشريهاش بحياتكم و اتكلي على الله
دينا : انا متلخبطة اوي .. سيبوني افكر
حبيبة و هي تنظر لهاتفها : انا هنزل اشوف اوس قبل ما الوقت يتاخر اكتر
غادة : يختي النحنوحة .. روحي لحبيبك روحي
حلا : يا مهزقة
حبيبة : انتو بجد تشلو بقالي ساعة بفهمكم .. حرام عليكم بهدلتو الشباب .. دول بقالهم اسبوعين متمرمطين من عقوبة لعقوبة ... و دلوقتي نايمين برا البيت بسبب جنانكم
حلا : ما هما الي غلطو
حبيبة : اتلمي يا حلا عشان عارفة انها فكرتك يا سماوية ... و على فكرة جدو زعلان بجد المرادي و انتي قاعداله زي ابليس بتوزيه على الشباب.. ده مش طايق يبص بوش حد فيهم من الي عملوه .. و هما تعبو اوي بالشغل النهاردة
حلا ببرود : ما يتعبو عشان يتربو
حبيبة بغضب : حرام عليكي ازاي قدرتي تقسي على فارس كدة ؟! و فوق كل ده ضربتيه في الغيط يا لئيمة
غادة : فارس يستاهل ... ما تيجو نرخم عليهم و هما برا
حلا بحماس : ندلق عليهم مية
حبيبة : يخربيتك منك ليها .. ده انتو معندكوش قلب ... ازاي في وحدة يهون عليها تأذي حبيبها ؟؟! .. طب و الله العظيم لانزل بكرا الصبح اترجى جدو يسامحهم عشان تتربي انتي و هيا
ذهبت حبيبة بسرعة و نظرت حلا الى دينا و فريدة
حلا ؛ مالكم سرحانين كدة ليه ؟
دينا : معقولة اكون حبيته ؟!
فريدة : تفتكرو انا مزوداها على تميم ؟
غادة : امم بصراحة اه ... و انا حاسة اني كبرت الحكاية مع زياد .. خلاص يا بنات انا لو جيه و اعتذرلي هسامحه
حلا : يا ربييي رجعنا لسهوكة البنات دي
***********************
وقفت في الحديقة الخلفية تنظر للسماء و تنتظر حبيبها
بعد دقائق
احاطت يداه خصرها من الخلف و قبلها من رقبتها
استدارت له بسرعة و ابتسمت
رفع بوكيه ورد عن الكرسي و قدمه لها
حبيبة بذهول : ايه ده عشاني ؟!
اوس بحب : اممم بوكيه ورد لوردة حياتي كلها
حبيبة بخجل : ميرسي .. بس انا الي غلطت بحقك
اوس بهيام : حبيبة قلبي ما بتغلطش .. و لما تزعل انا الي لازم اراضيها
حبيبة بضحك : بس انت الي زعلت
اوس : مش مهم .. المهم حبيبتي تكون راضية
حبيبة بخجل : بحبك
اوس بتوهان : و انا مش بحب حاجة بالدنيا دي غيرك
اقترب من شفتيها و طبع قبلة هادئة ... و سحبها لحضنه بقوة
اوس بسرحان : حبيبة
حبيبة : اممم
اوس بزفير : انا بقول كفاية لحد كدة
خرجت من حضنه و قالت باستغراب : مش فاهمة ؟
اوس : انا مش قادر استحمل اكتر من كدة يا حبيبة
حبيبة بخوف : تستحمل ايه ؟!
اوس بجدية : انا عايز اقرب موعد الفرح .. مش مستحمل نفضل بعاد عن بعض كدة .. ده انا مش بعرف اشوفك غير بالسرقة
حبيبة زفرت بارتياح و قالت : هوووف .. بس فرحنا بعد اقل من شهر و نص يا اوس
اوس : عادي نعمله مع فرح تميم و فريدة
حبيبة باندفاع : لأ
اوس باستغراب : ليه ؟
حبيبة : عشان ده يوم فريدة .. و انا كمان مش هقبل حد يشاركني باليوم بتاعي ... مش بحب فكرة ان يكون في كذا عروسة بنفس اليوم .. فريدة صاحبتي و عايزة افرح معاها و هي عايزة تفرح معايا بس كل وحدة بيوم غير عن التانية
اوس : طيب .. نخليه بعد فرحهم بيوم
حبيبة بذهول : اوس انت بتتكلم بجد ؟! هنكون تعبانين من فرحهم و مش هنقدر نعمل فرح تاني
اوس بخنقة : طيب بعد فرحهم باسبوع
حبيبة بضحك : انت مستعجل كدة ليه ؟!
اوس : عشان عايز اخدك من هنا و نعيش براحتنا .. حتى لو كنا مبسوطين هنا انا مش عايز يكون حواليا ناس و ما اخدش راحتي معاكي ... و انا شايف ان بقى يحصل تدخلات زيادة بعلاقتنا و انتي عارفة طبعي كويس
حبيبة بادراك : اه اوك .. بس بابا ما اعتقدش يوافق
اوس : ما تشيليش هم انا هقنعه .. المهم انتي ايه رأيك ؟
قربت منه بدلال و وضعت يداها على صدره
حبيبة بحب : موافقة طبعا مش عايزة سؤال
اوس بابتسامة : مش انتي قولتي انك عايزة ست شهور على الاقل ؟
حبيبة : لأ .. مش عايزة ابعد عن حبيبي اكتر مني كدة .. عايزة افضل معاك على طول و ما حدش ياخدك مني
اوس بسعادة : اخيراا .. ده انا ببقى اسعد انسان بالدنيا و انتي معايا
**********************
فارس : انا هطلبلها اكل يمكن تصالحني
يزن بضحك : ليه هو انت خاطب جاموسة ؟
زياد بنعاس : و انا ازاي هصالح غادة
غادة من وراه : تعتذر
زياد بفزع : اعااا .. انتي جيتي امته ؟
غادة : دلوقتي
اقتربت منهم غادة و فريدة و حلا و جلسن معهم
فريدة : فين تميم ؟!
زياد : نايم بالخيمة بتاعته
فريدة : انهي وحدة ؟
فارس : هيا دي الي هناك بالزاوية .. الراجل حزين و عايز يقعد لوحده .. بقاله من الصبح عمال يكلم نفسه اراضيها ازاي اراضيها ازاي
فريدة بابتسامة : هروح اشوفه
قامت و اتجهت له
يزن : و انتو ايه الي جابكم ؟ مش على اساس زعلانين ؟
حلا : ايوة .. بس مش هنفوت سهرة زي دي
فارس بغمزة : وحشتك ؟
حلا ببرود : هات حتة الجاتوه دي يا زياد
فارس بخبث : هجيبلك بيتزا يا حلا
حلا ببرود : شكرا مش عايزة
فارس : ببروني
حلا بتوتر : قولتلك مش عايزة
فارس : و طبق بطاطس محمرة مع كتشاب
حلا بنهم : طب مستني ايه ما تروح تجيب
فارس : بس الاول سامحيني
حلا : ما تمسكنيش من ايدي الي بتوجعني يا فارس
فارس : الاكل بالطريق لو سامحتيني هيكون من نصيبك
حلا بجوع : خلاص مسامحاك بس كلم الدلفيري قوله يجي بسرعة
فارس بخبث : ايوة كدة .. زمانه على وصول يا مزتي
حلا بحماس : هقوم استناه على الباب
فارس بغمزة : جاي معاكي
و قامو سويا
يزن بذهول : ده بجد ؟!
زياد بضحك : ايوة .. دي مجنونة
يزن : طب هقوم انام .. تصبحو على خير
ذهب يزن و بقيت غادة مع زياد
زياد : انا اسف يا غادة .. و الله معملتش حاجة
غادة بعبوس : و انا كمان اسفة .. بس اتجننت لما شوفت ست بتكلمك
زياد بابتسامة : ده شغل يا حبيبتي و الله ما ليا دعوة بيها
غادة : برضو ما تكلمش ستات حتى لو شغل
زياد : حاضر .. انا اسف و اوعدك هعمل حملة ضد النساء لغاية ما حلا تدبحني و اموت شهيد
غادة بضحك : بعد الشر عليك .. و انا مين ليا من بعدك
زياد بتوهان : انتي بتقولي كلام حلو ؟
غادة : ليه هو انا كلامي كان وحش ؟!
زياد : هو ايه الي وحش ؟! ده انتي مصنع الحلاوة يا بت .. حياتي مش بتحلى غير و انتي فيها
ابتسمت بخجل و قالت : انت مش هتنام ؟
زياد : لا .. عايز افضل ابصلك كدة
غادة : طب و الشغل بكرا ؟
زياد بعبوس : منتي هتروحي تكلمي جدي و تقوليله يسامحنا
غادة بضحك : ما تحلمش
و قامت بسرعة و ركضت للداخل
زياد بصوت عالي : طب تصبحي على خير يا حبيتي
اخرج يزن رأسه من الخيمة و قال : لحقتو تتصالحو بالسرعة دي ؟!
زياد : ايوة احنا بعصر السرعة يا ابني
يزن : طب ليه النت هنا بطيء طالما عصر السرعة ؟
زياد : انت تحمد ربنا ان جدي ما اخدش الموبايل منك .. ادخل عشتك و نام لاحسن الجيران يبصو عليك
يزن : اتلم و كفاية رخامة
تميم بعبوس : جاية ليه يا فريدة ؟
فريدة : عايزة اشوفك
تميم : بعد ما غدرتي بيا و طعنتيني بضهري ؟
فريدة : ليه يا حبيبي هو انا بلغت عليك القسم .. ده جدو
تميم : جدوووو ؟ ده هتلر و انتي صادقة
فريدة : تميم انت ليه بقيت تتجاهل وجودي ؟ هو انت بطلت تحبني زي زمان ؟
تميم : ايوة بطلت
فريدة بصدمة : يعني ايه ؟!
تميم بحب : يعني انا دلوقتي بحبك اكتر من زمان بمليون مرة ... انتي حبيبتي و دنيتي كلها .. بس و الله ما صدقت الجو يهدا عشان اتنيل اتجوزك و اتلم
فريدة بضحك : لسا بتعاملني كويس بعد كل الي عملته بيك ؟
تميم : اعمل ايه القط بيحب خناقه .. و انا بحبك اكتر من نفسي
فريدة بابتسامة : يعني خلاص اتصالحنا ؟
تميم : انا الي لازم اسألك السؤال ده
فريدة : اممم .. يعني اتصالحنا
سحبها تميم لحضنه و قال : ايوة .. يلا ادفعي تمن الصلح ده
فريدة : قصدك ايه
تميم : هاتي بوسة
فريدة بخجل : عيب يا تميم .. لما نتجوز الاول
تميم : محنا متجوزين مع وقف التنفيذ .. هاتي واحدة و النبي انا عندي جفاف عاطفي
فريدة بخجل : عييب
اقترب من شفتيها يريد تقبيلها قاطعهم صوت زياد من الخارج
زياد : فريدة الوقت اتاخر اطلعي نامي
فريدة بفزع : انا هروح يا تميم .. تصبح على خير
و خرجت بسرعة
تميم بجنون : يا ربيييييي هو انا مش هبوس بسنتي السودة دي ؟!
************************
بعد ساعة ... ذهب الجميع للنوم عدا دينا التي لم تعرف طعم النوم بعد مواجهتها مع حبيبة
امسكت كتاب و خرجت للبلكونة الامامية ... اطلقت تنهيدة طويلة تعبر عن حيرتها ... و لكن لفت انتباهها يزن الذي يجلس سارح الذهن بالقرب من خيمته
ابتلعت ريقها بتوتر ... و همت بالذهاب .. و لكنها توقفت عندما سمعت صوت حجر صغير سقط على ارضية البلكونة
التفتت الى يزن فرأته ينظر لها و يبتسم .. اشارت له بان يذهب للحديقة الخلفية و هو استجاب لها بسرعة
بعد دقائق
يزن باستغراب : ايه الي مصحيكي لغاية دلوقتي ؟!
دينا بتوتر : مش عارفة انام
يزن : و مال وشك اصفر كدة ليه ؟ انتي خايفة من حاجة ؟
دينا : لا .. بس عايزة اكلمك بموضوع
يزن : اتفضلي
كانت ستتحدث و لكن قاطعها صوت ........يتبع
مغامرات عائلية
همس كاتبة
رواية مغامرات عائلية الفصل الثالث والثلاثون 33 - بقلم همس كاتبة ✨
بارت 32
كانت ستتحدث و لكن قاطعها صوت صرير البوابة الخلفية
دينا بفزع : في حد دخل البيت
يزن باستغراب : مين ؟
دينا : مش عارفة .. بس لمحت حد عدا بسرعة ناحية البيت
يزن :طب هروح اشوف
دينا بسرعة : استنا ... مش يمكن يكون حرامي زي المرة الي فاتت
يزن : هروح اتاكد بس .. ما تخافيش خليكي هنا
دينا : لا هاجي معاك
اتجه يزن نحو الباب الخلفي لمح رجلان ملثمان برداء اسود يحاولو فتح الباب ... تراجع يزن بسرعة و دفع دينا للخلف
يزن بخفوت : شكلهم حرامية
دينا بهمس : ليه هو حد قالهم بيتنا بنك مركزي و لا حاجة ؟ ده احنا لسا من يومين قفشنا واحد
يزن و هو ينظر ليدها على قميصه : انتي متبتة بيا كدة ليه ؟
دينا و هي تفلته : مفيش بس اتخضيت
يزن : طب ارجعي لورا .. انا هتصرف
دينا بخوف : استنا .. يمكن يأذوك .. هروح اصحي الشباب
يزن : ما تخافيش انا متعود
تركها و تقدم من اللصوص ببطىء و هو يتخفى خلف الاشجار ... الى ان انقض عليهم مرة واحدة و امسكهم من رقبتهم بذراعيه
يزن : انتو مين و بتعملو ايه هنا ؟!
الشاب الاول : اا.. انت مييين ؟
يزن بحدة : انا الي هجيب اجلك انت و هو ... لو عملتو اي حركة مش هتطلعو من هنا عايشين
وضع الشاب الاخر يده على سلاحه و دفع يزن بقوة و رفع السلاح بوجهه
بحركة سريعة استطاع يزن دفع الشاب الاول على الشاب الثاني حتى وقعو على الارض فوق بعضهم ..فقام بسحب سلاح الشاب بسرعة
يزن : قولتك لو عايز تعيش ما تعملش حركة تخسرك رقبتك
الشاب : ارجوك يا بيه ما تأذيناش
في هذه اللحظة اتت دينا و معها زياد
يزن : انتو تبع مين بالزبط ؟
زياد بذهول : دي تاني مرة يجيلنا حرامية
دينا بخوف : انا كلمت البوليس و زمانهم على وصول
يزن : هات حبل يا زياد عشان نكتفهم
هم زياد للذهاب و لكن فاجئهم احد الشباب بسحبه لدينا و رفع مسد...سه على رأسها و وقف صاحبه وراءه
دينا بصراخ : اعااا .. حد يلحقنييي
زياد بهلع : ديناااا
يزن بغضب : ما تتجننش و سيبها ... انت كدة بتأذي نفسك
الشاب : سيبنا نمشي و انا مش هأذيها
يزن : ماشي .. بس سيبها الاول
الشاب : نزل السلاح و حطه على الارض
دينا بخوف : ابوس ايدك نزله هموووت
يزن و هو يركز نظره على اقدام الشاب : ماشي
بدأ ينخفض تدريجيا و بحذر شديد .... و بحركة مباغته رفع السلاح و اطلق رصاصة اصابت الشاب بقدمه و سحب سلاحه فوقع الشاب على الارض يتألم بشدة
اندفعت دينا الى يزن و تشبثت به بقوة و لكنه سرعان ما ابعدها عندما شاهد الشاب الثاني يهرب فتبعه
زياد : دينا انتي كويسة
دينا برجفة : ايوة
استيقظت حبيبة بفزع اثر الصوت و اتجهت للبكلونة الخارجية بسرعة
و كذلك اوس و فارس خرجو من خيامهم بسرعة عند سماعهم صوت الرصاصة و انطلقو للبحث عن مصدر الصوت حتى وصلو عند دينا و زياد فشاهدو الشاب يتألم و ينزف
اوس : ايه الي حصل ؟
فارس بصدمة : مين ده ؟!
بدأت دينا تبكي بانهيار
حبيبة من فوق : في اييييه ؟!
نزلت بسرعة باتجاههم
زياد : ده حرامي و كان معاه كمان واحد يزن خرج يلحقه
حضنت حبيبة دينا بقوة و قالت : دينا انتي كويسة ؟!
هزت رأسها و هي ترتجف
اوس : فارس روح انده لتميم بسرعة
فارس : ماشي
دينا بخوف : حد يكلم الاسعاف
اوس : مين الي ضربه بالنار ؟
زياد : يزن .. دول كانو مسلحين و حاولو يأذو دينا
حبيبة لدينا : ما تخافيش يا حبيتي كل حاجة هتبقى كويسة
دينا ببكاء : حد يروح يلحق يزن .. يمكن الحرامي التاني يأذيه
اوس : زياد خد بالك منهم انا هروح اشوف يزن راح فين
زياد : ماشي
حبيبة بخوف : اوس خد بالك من نفسك
اوس و هو يتجه للخارج بسرعة : ما تقلقيش يا حببتي
ذهب اوس و اتى تميم و فارس
تميم بذهول : ايه الي حصل
زياد : مش وقتك خالص .. الحق الراجل ده قبل ما دمه يتصفى
تميم : فارس اطلع هاتلي شنطتي بسرعة و زياد انت كلم الاسعاف
فارس : حاضر
حبيبة : ايه حكاية الحرامية دول ؟! دي تاني مرة يجيلنا حرامية بنفس الاسبوع
تميم : الحق على جدي هو الي مشى الغفر و اداهم اجازة
حبيبة : مش معقولة يعني عشان مفيش غفر نبقى عايشين من غير امان
دينا بتوتر : اوس و يزن لغاية دلوقتي ما رجعوش .. ما تيجو نروح نشوفهم
زياد : نروح فين ؟؟؟ دول لسا طالعين من دقيقتين
تميم : الاصابة سطحية نوعا ما .. انت تبع مين ياض ؟!
الشاب بوجع : مالكش دعوة .. سيبوني امشيييي من هنا
حبيبة بغضب : انت تبع حصوة ؟!
الشاب بذهول : انتي تعرفي المعلم حصوة منين ؟!
حبيبة بحدة : مهو كان باعت واحد من يومين و سلمناه للبوليس
زياد : و دلوقتي هنبعتك انت و صاحبك تونسوه بالزنزانة
الشاب بألم واضح : المعلم مش هيسكت و هيبعتلكم ناس تخلص عليكم واحد واحد
تميم بحدة : اتكتم و خليني اعرف اعاين الجرح
اتى فارس بسرعة و احضر شنطة تميم .. قام تميم باخراج بعض المعدات ثم بدا بتنظيف الجرح من الخارج ثم ضغط عليه بقطعة شاش طبي
تميم : لازم يروح المستشفى .. كلمت الاسعاف يا زياد ؟
زياد : ايوة دلوقتي هيكونو هنا
اتى يزن و اوس و هم يمسكون الرجل الثاني و يدفعونه نحو البيت .. و في هذه اللحظة وصلت سيارة الشرطة و سيارة الاسعاف
يزن للشرطي : خود ده و استناني بالقسم لغاية ما اشوف ايه حكاية التاني ده
الشرطي : تمام يا فندم
قام الشرطي بسحب الشاب الاول .. و نقل رجال الاسعاف الشاب الثاني للمستشفى
نزل عبد الله و عدنان بسرعة
عبد الله بصدمة : ايه الي بيحصل هنا ؟! ايه الي جاب الاسعاف و البوليس ؟!
يزن : كان في حرامية عايزين يسرقو البيت يا عبد الله بيه
عدنان بصدمة : ايه حكاية الحرامية الايام دي ؟!
دينا برجفة : لا و كل مرة انا الي بقفشهم .. انا هموت من الرعب
حبيبة : دول من جماعة المعلم حصوة .. الراجل اعترف قدامنا
يزن بجدية : عبد الله بيه حضرتك عندك خير مطمع لحرامية كتير و اكبر غلط انك تمشي الغفر و تسيب البيت من غير حراسة .. يعني لولا اني كنت صاحي كان زمانهم سرقو حاجة او اذو دينا
عدنان بشك : و انتي يا دينا كنتي بتعملي ايه برا البيت ؟!
دينا بتوتر : كنت سهرانة على البلكونة و شوفتهم فزعقت و جيه الظابط مسكهم
حبيبة بتهرب : مش وقته الكلام ده .. جدو حضرتك لازم ترجع الحراسة .. الشباب كانو نايمين برا يعني كان ممكن يتأذو
عبد الله : عدنان كلم الرجالة و قولهم يحاوطو البيت من كل النواحي و الحراسة تكون ليل و نهار
عدنان : حاضر يابا
سمعو صوت اذان الفجر
عبد الله : اشهد ان لا اله الا الله و ان محمد عبده و رسوله ... ربنا يكفينا شر الخلق و يسترها معانا .. امشو نصلي الفجر و ارجعو يا شباب نامو باوضكم
يزن : طب استأذنك يا حج هروح القسم
عبد الله : حقك عليا يا ابني انا الي حطيتك بالموقف ده ... بس انت ابن اصول و شهم و قدرت تحمي بيتي و انا مش واخد بالي
يزن : استغفر الله يا حج ما تقولش كدة احنا اهل .. عن اذنكم
وكزت حبيبة دينا و قالت بهمس : امشي نصلي و ننام .. هتفضلي تبصيله كدة ؟
دينا بانتباه : اه امشي يلا
حبيبة لأوس : تصبح على خير
اوس بحب : و انتي من اهله يا حبيتي
*******************************
في صباح اليوم التالي
دلفت غادة اوضة حبيبة و دينا و حلا .. وجدت دينا مستيقظة و تنظر للسقف بسرحان و حلا نائمة و كذلك حبيبة
لفت انتباهها بوكيه الورد بجانب حبيبة
غادة بصوت عالي : ايه ده ورد ؟!!! منيييين ؟؟
استيقظت حبيبة بفزع
حبيبة : في اييييه خضيتيني
غادة : منين الورد ده ؟!
حبيبة : يعني هيكون منين مثلا اكيد من اوس جابهولي امبارح
جلست بجانبها على السرير و امسكت البوكيه
غادة بعبوس : و ورد احمر كمان .. طب ليه زياد ما جابلي زيه
حبيبة بضحك : يخربيتك هتقري عليا ع الصبح يا بت ؟! بعدين كل راجل و ليه طريقته بالاعتذار
غادة : و اوس يعتذلك ليه ان شاء الله ؟! ده انتي الي غلطتي بحقه
حبيبة بابتسامة : اممم زيك كدة ...منتي الي غلطتي بحق زياد ... بس انتي عارفة يعني اوس رومانسي بزيادة
غادة : و ديني لو زياد ما جابليش ورد لاكون مطينة عيشته
سحبت حبيبة البوكيه من يدها و قالت : طب هاتي ده من ايدك هتبوظيه
غادة : طب اديني وردة
حبيبة : لا مش بفرط بحاجة اوس جابهالي
غادة برجاء : واحدة بس
حبيبة : لا يعني لا .. روحي قولي للنحنوح بتاعك يجيبلك
غادة بعبوس : ماشي يا حبيبة انا هوريكي يا مغرورة
خرجت غادة بينما اتجهت حبيبة لدينا و جلست بجانبها
حبيبة بهدوء : صباح الخير
دينا بسرحان : صباح الورد و الياسمين
حبيبة بابتسامة : مالك يا دينا
دينا و هي تلف خصله شعرها على اصبعها : مش عارفة
حبيبة بمشاكسة : شكلك ما نمتيش
دينا بابتسامة : عارفة يا حبيبة .. انا امبارح قابلت يزن و كنت هكلمه عشان اعرف طبيعة مشاعري ايه بالزبط
حبيبة بذهول : ياااه .. و كلمتيه ؟!
دينا بخجل : لأ .. عرفت انا حاسة بايه من غير ما اكلمه
حبيبة : ازاااي ؟!
دينا : موقف امبارح حسسني قد ايه انا عايزاه .. حسيت معاه بالامان الي بدور عليه ... لاول مرة بحياتي احس ان في راجل خايف عليا و بيدافع عني بالشكل الي انا بتمناه .. ده عمل اكشن عشان يخلصني و اصلا كان خايف عليا اروح معاه عند الحرامية
حبيبة : اممم واضح انه شاطر اوي بشغله ... بس انتي كمان كنتي خايفة عليه اوي و كان باين عليكي يا دينا
دينا بخجل : يعني ...
حبيبة بتأكيد : حبيتيه
دينا بتنهيدة : ايوة
حبيبة بغناء : معقول الغراااام .. ما يخليني ناااام
دينا بانسجام : يسرقني من حاااااالي .. ينسيني الاياااام
حدفت حلا مخدة عليهما و قالت بغضب : بس يا مسهوكة انتي و هيا مش عارفة انااااام
حبيبة بضحك : طب اتخمدي و سيبنا نعيش اللحظة
حضنت دينا حبيبة بسعادة و قالت : قلبي هيوقف اقسم بالله
حبيبة بابتسامة : دي حلاوة البدايات يا دينا .. و بعدها هتبقى ايامك احلى و احلى صدقيني
دينا : طب ايه الي لازم اعمله دلوقتي ؟!
حبيبة : ما تعمليش حاجة .. سيبيه هو يعترفلك الاول
دينا بتوتر : طب و لو ما قاليش ؟! لو طلع مش حاسس بنفس احساسي هعمل ايه وقتها ؟!
حبيبة : و لا حاجة .. سيبي الايام تثبتلك انه بيحبك ... انا متأكدة انه بيحبك بس مش عايز يعترف ... مع الوقت هيجي و يقولك صدقيني
دينا بزفير : امته بس انا تعبت
حبيبة بضحك : انتي لحقتي يا بت ؟! .. اصبري شوية مش هيجرا حاجة
دينا بغضب : دلوقتي لارا الصفرا هتنطلي و تقف بزوري .. لازم اتصرف بسرعة
حبيبة : اتقلي شوية يا بت .. و لارا دي صغيرة مش هتعرف تعمل حاجة قصادك يا مفترية
**************************
في اوضة المكتب
عبد الله : تميم النهاردة توزع الدعوات و تركز بفرحك .. و انت يا عدنان اكد على الستات يجهزو البيت كويس عشان الضيوف الي هيجولنا
عدنان : ما تشيلش هم يابا الستات مجهزين كل حاجة
تميم : افهم من كدة ان العقوبة خلصت ؟
عبدالله : ايوة .. الي حصل امبارح غلط مني .. انتو كان ممكن تتاذو و انتو برا البيت
عدنان : هما شباب اليومين دول خرعين .. ده احنا كنا بنقعد بالارض نشتغل لغاية الصبح و ما يحصلناش حاجة
عبد الله : زمنكم غير عن زمنهم .. دلوقتي الدنيا ما بقاش فيها امان
تميم : هما مين الخرعين يبابا ؟! ده احنا قضينا عمرنا كله بالرحلات و التخييم ...ده غير بقا مقالب جدي الي ما بتخلصش .. احنا مفيش اجمد مننا
عدنان : طيب يا جامد اتهد شوية عشان تلحق تتجوز .. انت فاضلك كام سنة و تطلع ع المعاش
تميم : مش تقول الكلام ده لجدي
عبد الله : طب اتلم و اعقل شوية ده انتو بتعملو تصرفات ما يعملوهاش العيال الصغيرة
تميم : محنا بنتسلى عشان ما نفرقعش بالكآبة دي ... مش احسن ما نقعد للخناق و النكد ؟
عدنان : مالك يا اوس ؟ ليه ساكت من وقت ما دخلت ؟
اوس : مفيش .. بس مستنيكم تخلصو عشان عايز اكلم جدي بموضوع كدة
عبد الله : اتفضل اتكلم يا ابني
اوس : انا عايز اقرب موعد الفرح
عدنان : تقربه لامته يعني ما فرحك بعد شهر و شوية
اوس : انا شايف انه بعيد .. عندي شغل بعد فترة و محتاج اركز فيه فعايز اقرب موعد الفرح الي يكون بعد فرح تميم باسبوع
عبد الله : و بالنسبة لكتب كتاب زياد و فارس اولاد عمك ؟
اوس : ده كتب كتاب عادي مش فرح يعني ينفع يتعمل باي وقت بس انا ظروفي ما تسمحش اني استنا اكتر من كدة
تميم بغمزة : قول عايز تتجوز بسرعة و ما تتلككش بالشغل
اوس : ده الي عندي بقا .. قولت ايه يا جدي ؟
عبد الله بتفكير : بس حسين مستحيل يقبل .. هو عنده تجهيزات كتير و محتاج وقت
اوس : دي بقا على حضرتك يا جدي هتقدر تقنعه بسهولة .. احنا بقالنا فترة قاعدين هنا على اساس نحضر لفرح تميم بس الي حصل هو العكس قضيناها مشاكل و جنان .... عشان كدة بقول ملهوش لزوم نقعد كمان شهر على الحال ده
عبد الله : انا من ناحيتي موافق بس سيبني اشوف حسين ايه رأيه
اوس : انا هساعده بكل حاجة و هوضب الدنيا عنده خلال اليومين دول
عبد الله : طيب انت هتكون المسؤول قدامي لو حصل اي غلط او تصرفات طايشة تاني مش هنقرب موعد فرحك بالعكس ممكن نأجله
اوس : ما تقلقش من الناحية دي اطمن
تميم بخبث : هنشوف يا ريس ... منا قولت كدة و اتخزوقت
اوس بسخرية : ليه انت فاكرني زيك ؟ انت عارفني لما بقول كلمة بنفذها يا دكتور
تميم بغمزة : راجل اوي يا اخويا
عبد الله : اتلم انت و هو ... انده لحسين يا عدنان عشان اقترح عليه الموضوع ده
***********************
دلفت فريدة اوضة حبيبة و هي تركض
فريدة : حبيبة .. انا سمعت حاجة لازم اقولك عليها
حبيبة باستغراب : حاجة ايه ؟
فريدة : اوس كلم جدو و طلب يقرب موعد الفرح و كلهم وافقو
حبيبة بسعادة : بجد ؟ بابا وافق ؟
فريدة : ايه ده انتي مبسوطة ؟ كنت فاكراكي هتتدايقي
حبيبة : ليه اتدايق ؟ طالما انا جاهزة و اوس جاهز و بنحب بعض ليه ما نتجوز ؟!
فريدة بابتسامة : الله ...ايه الورد الي بايدك ده .. من اوس ؟
حبيبة و هي تحتضن البوكيه : ايوة
فريدة : حلو اوي بجد .. احلى حاجة بالراجل لما يكون رمانسي و فاهم حبيبته
دينا بسرحان : لا احلى حاجة بالراجل لما يكون قوي و يحميكي برموش عنيه
حلا : غلط انتو الاتنين .. احلى حاجة بالراجل لما يجيب لحبيبته اكل و يملي بطنها .. الورد كلام فارغ .. هتعملي بالورد ايه يا حبيبة كفتة و لا محشي ؟
حبيبة : على فكرة انتي شوية شوية بتنسي انك بنت ... الورد مهم جدا على فكرة و بيعبر عن حاجات كتير ... مليان احساس و مشاعر رقيقة بيقولك قد ايه الشخص ده بيحبك و مقدر زعلك
حلا : طب مهو لما يجيبلي بيتزا او شاورما برضو بيعبر عن مشاعره بس بلغة تانية
فريدة بحدة : دي طفاسة .. كملي يا حبيبة كلامك حلو اوي
دلفت غادة و قالت : دي مغرورة .. من الصبح بتحايل عليها تديني وردة و مش بترضى
فريدة : اتلمي يا بت ده من حبيبها مش هينفع تديكي حاجة هو جابهلها
حبيبة : فريدة ما كملتيش .. بابا وافق و لا لأ ؟
فريدة : منا ما سمعتش الباقي .. اول ما سمعت كلام اوس جيت جري عشان اقولك
غادة : طب امته الفرح يعني ؟
فريدة : بعد فرحي باسبوع
حلا بصدمة : ناااااعم يا اختيييي ... و بالنسبة لكتب كتابي ؟!!
فريدة : اعتقد هيعملوه قبل الفرح بايام
غادة بتوتر : ليه طيب .. ما يأجلو شوية
حلا : ليه ان شاء الله ؟ انتي عايزة تخلعي و لا ايه ؟
غادة : لا مش كدة .. بس انا لسا مش جاهزة
فريدة : مش جاهزة ليه يا غادة ؟! .. ده انتي خللتي و انتي عازبة يا بت .. اتجوزي و اتلمي
غادة : فريدة .. اقنعي زياد ياجل كتب الكتاب شوية .. انا مش مستعجلة على حاجة
قامت حبيبة و جلست بجانبها و حضنتها
حبيبة بابتسامة : غادة .. قلقك ده ملهوش لزوم .. صدقيني زياد بيحبك و هيسعدك و عمره ما هيجرحك يا حببتي
غادة : بس انتي عارفة مشكلتي يا حبيبة .. انا مش عايزة اعيش بمشاكل و خناق طول الوقت .. خايفة زياد يزهق مني و يسيبني
حبيبة : منتو لو اتجوزتوش هيزهق بجد و هتجنن ... انتي مش عيانة يا غادة و الي انتي فيه ده مش مرض .. دي حاجة عادية عشان سبتو بعض فترة طويلة ... و الغيرة برضو حاجة حلوة و دليل على انك بتحبيه .. انا سألت كويس انتي عندك مشكلة بسيطة و هي انك مش بتسيطري على مشاعرك و عندك قلق زيادة عن اللزوم .. و دي حاجة بسيطة ممكن تتحكمي بيها مع شوية انضباط .. و لو عايزة نروح لدكتور يأكدلك كلامي انا هروح معاكي
غادة : لا .. مش عايزة .. بس انا بجد قلقانة
حبيبة : صدقيني دي حاجة عادية .. انا لما اوس اتقدملي كنت كدة قلقانة و مترددة رغم اني بحبه من زمان اوي بس فكرة الارتباط حاجة تقلق شوية .. و اديكي شايفة دلوقتي انا مش بحس اني عايشة غير لما هو يكون جنبي
دينا : و الله يا غادة حبيبة كانت في عداد الاموات طول فترة غيابه ... بس اهي دبت فيها الروح من ساعة ما رجع
فريدة : طب ما انتي شايفة حالتي يا غادة .. انا بقالي سنين مخطوبة و لغاية دلوقتي بتخض لو تميم قل اهتمامه بيا لو شوية صغننة ... بس بنفس الوقت عايشة مبسوطة و سعيدة مع البني ادم الي حبيته .. يعني مش هتفضلي متعلقة كدة .. و زياد طيب و بيحبك بجد و هيقدو يحتويكي و يطمن قبلك صدقيني
غادة : يعني اعمل ايه يا بنات ؟
حلا بنفاذ صبر : ما تتلمي و تتجوزيه .. عايزة تتجوزي امته يعني ؟؟؟ سنك مناسب للجواز لمي الدور و كملي حياتك مع الي بتحبيه
دينا : عندها حق .. انتي خلاص صبرتي كتير على نفسك .. ليه تفضلي متعلقة كدة عشان شوية هبل بدماغك .. العمر بيمر بلمح البصر يا غادة ... و انا من ناحيتي كمان قررت اتجوز يعني لو فضلتي كدة هنقولك يا بايرة
غادة بغيظ : اتلمي انتي الي بايرة يا بتاعة مصا..صين الدما..ء
فريدة : استني استني .. انا سمعت دينا بتقول جواز .. هتتجوزي مين يا بت
دينا بخجل : لسا يعني هو مشروع جواز .. بس لازم اتاكد الاول
حبيبة بخبث : اصلها وقعت يا بنات و خلاص قلبها مال للضابط
فريدة بدهشة : ده بجد ؟ لحقتي تريلي يا بت ده احنا قولنا هتتعبنا البنت دي و مش هتعديها بالساهل
دينا بخجل : اصل موقف امبارح كان اكبر دليل على اني ....
غادة : بتحبيه
دينا : ايوة
غادة : طب شوفي بقا لارا هتعمل بيكي ايه
فريدة : ليه هو ايه الي حصل امبارح ؟!
حبيبة : انتو ما تعرفوش ؟!
حلا : ايه الي حصل انا كنت نايمة
حبيبة : هحكيلكم ....
***********************
على مائدة الفطور
عبد الله : مصطفى اطلع انده للبنات
مصطفى : ماشي
و اقترب من جده و همس باذنه : في اخبار زي الفل يا جدو عن حزب البنات في البيت ده .. هجيلك و اقولك عليها بعد الفطار
عبد الله : ماشي اطلع اندهلهم يلا
ذهب مصطفى و بعد دقائق اتى و وراءه البنات
عبد الله بهدوء : فرح اوس هيكون بعد فرح تميم باسبوع و كتب كتاب فارس و زياد هنعمله اليومين دول
سحر بصدمة : ليه الاستعجال ده ؟ كدة هنتلخبط و مش هنجهز على رواق
عبد الله : تجهزو ايه ؟! ما كل حاجة جاهزة و احنا بقالنا مدة قاعدين مع بعض و ما عملتوش حاجة غير المشاكل
خديجة : سحر سيبي العيال يتجوزو يمكن يعقلو شوية .. و امته فرح فارس يا عمي ؟
عبد الله : مش قبل سنة على الاقل ... احنا هنكتب الكتاب و نسيبهم مخطوبين فترة و زياد كمان نفس الشيء
زياد : ليه جدي منا خطبتها من قبل و نعرف بعض كويس
عبدالله : انت بالذات مش عايز استعجل بجوازك .. مهو انا مش فاضيلك كل شوية على خناق و هنسيب بعض .. قراري مش هرجع بيه
زياد بتمتمة : طبعا مهيا كوسا .. اوس يوافق يجوزه على طول بس انا لازم اخلل الاول عشان اتنيل اتجوز
تميم بضحك : زياد اتقمص يا جدو
عبد الله : احسن يتفلق .. يمكن يتربى شوية
اوس : اونكل حسين انا محتاج اخد حبيبة لمصر بكرا عشان تشوف البيت فبقول يعني نروح مع بعض و ننقل جهازها بالمرة
حسين : ماشي يا ابني .. بس حضرتك يا عمي ايه رأيك ؟
عبدالله : انا موافق بس مش هتقعدو اكتر عن يوم و ليلة و تاني يوم الصبح تكونو هنا
اوس : ما تقلقش يا جدي كل حاجة هتتم بسرعة
***************************
في نهاية الغيط .. عند السور الفاصل بين غيط عبد الله و ارض العزايزة
كانت دينا تجلس على حافة السور سارحة تماما
يزن من ورائها : دينا
دينا بابتسامة : ايوة .. تاخرت ليه ؟
يزن : كنت في القسم و دلوقتي خلصت شغل .. امسكي دول الكتب الي طلبتيها
تناولت مجموعة كتب من يده و قالت : شكرا
يزن : كنتي عايزة تقولي ايه امبارح ؟
دينا بتوتر : مفيش .... بس كنت عايزة اعرف انت ليه بتعمل بنفسك كدة ؟
يزن باستغراب : كدة الي هو ازاي يعني ؟
دينا : يعني بتتعاقب زيك زينا و بتستحمل كلام جدو ...انت مش مضطر بصراحة ؟
يزن : يعني انتي مش عارفة السبب ؟
دينا : لا
يزن بخبث : طب هحكيلك بس بشرط تساعديني
دينا باستغراب : اساعدك في ايه ؟!
يزن : في وحدة عاجباني بالبيت ده و انا عايزك يعني توفقي بينا ........... يتبع
مغامرات عائلية
همس كاتبة
رواية مغامرات عائلية الفصل الرابع والثلاثون 34 - بقلم همس كاتبة ✨
بارت 33
يزن : في وحدة عاجباني بالبيت ده و انا عايزك يعني توفقي بينا
دينا بصدمة : ايييه ؟!
يزن : ايه ؟
دينا بغصة : لا مفيش .. بس هيا مين يعني عشان اكلمها
يزن : هقولك بس بعد ما ارد على سؤالك
دينا بشرود : انهي سؤال
يزن : ليه قبلت اتعاقب يعني و كدة
دينا : ايوة .. ليه ؟
يزن بابتسامة : عشان اشوفها .. بصراحة يعني بالبداية حسيت انها نفسية .. يعني لسانها طويل و مش طايقة حد و على طول مخنوقة ... بس بعدين بقيت حابب اقرب منها و اعرف هيا بتفكر ازاي .... اصل انا يعني ليا ماضي اسود مع البنات و مش اي وحدة تعجبني
دينا بذهول : ماضي اسود ازاي يعني ؟
يزن : انا خطبت اربع مرات قبل كدة .. و اخر وحدة كانت بنت خالتي .. و كل خطوبة يا دوبك تكمل يومين و افركشها
دينا بصدمة : يا انهار اسود !! انت كنت خاطب ؟
يزن بضحكة : اربع مرات.. ده غير بقا الشوفة الشرعية الي يا دوبك بقعد فيها دقيقتين و بخلع على طول
دينا بانفعال : طب ليه ؟!! ليه تمرمط بنات الناس معاك كدة ؟
يزن : ما قدرتش احب و لا وحدة فيهم
دينا : طب ليه تتقدم من اساسه ؟
يزن : امي ربنا يرحمها كانت تزن عليا اتجوز و لما زهقت مني و انا زهقت من الموضوع ده راحت خطبتلي بنت خالتي .. و دي بقا لوحدها حكاية تانية تماما
دينا بنفاذ صبر : ايه حكايتها ان شاء الله ؟
يزن : بيوم كنت في مهمة روحت اقبض على واحد دجال قومت لاقتها عنده و بتديه صورتي .. عايزة تعملي عمل المتخلفة
دينا بضحك : يا انهار اسووود .. موقف زبالة
يزن : اممم .. وقتها مش بس كرهتها لا كرهت الصنف كله و حلفت مش هتجوز اي وحدة و خلاص
دينا بسرحان : يعني تقريبا زيي .. اصل مش اي حد يستاهل تديه قلبك .. ممكن يكسره بسهولة من غير ما يعمل اي اعتبار لمشاعرك
يزن : بالزبط .. عشان كدة عايزك تكلميها و تحاولي تفهميها اني معجب بيها و هتقدم بالوقت المناسب يعني لما اتاكد انها كمان عايزاني و معندهاش مشكلة نتخطب السنة دي
دينا بغصة : هيا مين طيب ؟
يزن : معقولة ما عرفتيهاش من الوصف ؟
دينا بصوت مبحوح : لا عرفتها .. هكلمها و اقولك ردها
يزن : اممم اوك .. على العموم هيا ...
قاطع كلامه صوت حبيبة من بعيد و هي تركض نحوهم
حبيبة : دينا .. جدو هينزل الغيط دلوقتي .. امشي بسرعة
دينا بفزع : يا انهار اسود .. طب و دول اوديهم فين ؟!
و اشارت الى مجموعة الكتب
حبيبة : سيبهم عندك هنبعت حد يجيبهم .. يزن امشي مش هنا لو سمحت
يزن : اه اوك .. عن اذنكم
اتجهت حبيبة و دينا للبيت بسرعة كبيرة
**************************
على البلكونة
زياد : غادة
استدارت له غادة مفزوعة
غادة : خضتني يا زياد
زياد باستغراب : ليه ؟ مستنية حد ؟
غادة : ايوة دينا و حبيبة نزلو الغيط و انا مستنياهم هنا
زياد بخبث : اممممم .. تنسيق امني مش كدة ؟
غادة : حاجة زي كدة
زياد بزفير : امم طيب .. كنت عايز اوريكي حاجة بس واضح انك مشغولة .. عن اذنك
غادة باستغراب : حاجة ايه يا زياد ؟
زياد : تعالي
ذهبت معه باتجاه اوضتها
غادة : انت جايبني اوضتي ليه ؟ دلوقتي حد يشوفنا و يعملولنا حكاية
زياد : طب مش هدخل بس انتي ادخلي
فتحت باب الغرفة و اندهشت من المنظر ... كان سريرها مغطى بباقات الورد بالوانها المختلفة
غادة بذهول : ايه ده ؟!
زياد : قالولي انك حبيتي الورد الي جابه اوس لحبيبة .. فجبتلك كل الورد الي لقيته بالمحل
غادة و هي ترمش بعينيها : ده ليا ؟!!!
زياد بابتسامة : طبعا .. ده قليل عليكي انتي تستاهلي اكتر من كدة بكتير يا حببتي
غادة بسعادة : انا مش مصدقة نفسي .. انا بحبك اوي
زياد بحب : و انا بموت فيكي
اتجهت لسريرها بسرعة و بدأت تجمع البوكيهات بحضنها و تستنشق عبيرها باستمتاع
غادة بسعادة : مفيش نوع ما جبتهوش يا زياد .. ليه بتحب تحسسني اني واطية ؟
زياد بضحك : ما تحسيش اتأكدي
غادة بعبوس : حرام عليك ده ظلم
زياد : بهزر يحببتي .. انتي بس اتمني و انا احققلك الي عايزاه .. انا عايش عشانك اصلا
غادة بخجل : زياااااد بتكسف
دلفت لارا و قالت : بطلو المحن ده و اطلعو برا عايزة اذاكر
غادة : اتلمي .. و بعدين ايه الشطارة دي من امته ان شاء الله ؟
لارا : غادة كلمة كمان و هجيبك من شعرك قدام خطيبك الرخم ده
زياد : ايه ده انا بتشتم .. ماشي انا زعلت و همشي
تركهم و ذهب
غادة بغضب : كدة زعلتيه ؟!
لارا بسخرية : يختي المسهوكة .. هيا صحوبيتك مع حبيبة دي عملتك زيها و لا ايه ؟ منتي على طول مهزقاه معاكي وقفت عليا انا يعني ؟
غادة : اخرسي يا لارا .. خطيبي و اهزقه براحتي ما تحشريش نفسك بحياتي
لارا : انتي الي حاشرة الكل بيها .. اطلعي برا عندي درس عايزة احضره
غادة : درس ايه يا كدابة .. ان كان دروسك العادية مش مركزة بيها
لارا : منا قررت خلاص هركز بمذاكرتي و مش هعبر حد فيكو يا كلاب
غادة بسخرية : لا و النبي عبرينا .. هنموت عليكي يا لارا
لارا بغضب : اطلعي براااااا
غادة : مش طالعة .. عايزة اتأمل الورد الي جابهولي خطيبي
لارا بتقليد : خطيبي ... كويس الي اتخطبتي يكش تغوري من وشي
غادة : اتلمي يا مصرومة .. ده انتي هتموتي بجلطة من الغيرة
*****************************
فتحت دينا باب اوضتها بعنف و دخلت و وراءها حبيبة
حبيبة بصدمة : مالك يا دينا في ايه ؟
دينا بخنقة : بيحب وحدة تانية .. كويس اني ما قولتلوش حاجة
حبيبة بذهول : مين ؟! اوس اكدلي انه مش مرتبط و لا عايز يتجوز من اصله
دينا بغضب : مهي جاتله الي فتحت نفسه على الجواز يا حبيبتي ... انا الحق عليا الي رديت عليكي .. فضلتي تزني على دماغي و اهو ما طلعتش غير بقلة القيمة
حبيبة : طب اهدي و قوليلي ايه الي حصل بالزبط ؟ مين البنت الي بيحبها ؟
وضعت دينا يدها على رقبتها و قالت بخنقة : لارا
حبيبة بصعقة : نعم يا اختييييي ؟
دينا : ايوة لارا .. كل المواصفات الي قالها بتنطبق عليها .. و الاحلى من كدة قال ايه عايزني اساعده عشان يخطبها
حبيبة : استحالة اصدق .. مستحيل لارا .. يعني لو كارما اوك .. بس لارا نو واي
دينا بدموع : ما تفرقش .. المهم انه مش بيحبني ... انا بحمد ربنا اني لسا ما اتعلقتش بيه و لا اعترفتله بحاجة
حبيبة بقلق : دينا .. انا اسفة ... بس انا احساسي كان مية بالمية انه بيحبك انتي .. ازاي حصل كدة ؟!
دينا و هي تمسح دموعها : اهو الي حصل بقا .. الحمدلله على كل حاجة .. انا بعد كدة مش هفتح سيرة الجواز تاني .. مش عايزة اتجوز ابدا .. حطيت نفسي بموقف صعب و قليت قيمتي قدامكم و قدام نفسي عشان قلبي المهزق ده .. لا و انا زي الهبلة روحت اعترفله على طول ... انا الحمارة الي مشيت ورا احساسي
حبيبة و هي تحضنها : ما تقوليش كدة يا حببتي .. انتي جدعة و تتحبي .. صدقيني هيندم و يحس انه ضيعك من ايده
دينا بغصة : حبيبة .. ينفع اروح معاكي بكرا ؟ انا مش طايقة البيت ده ... حاسة هيجرالي حاجة لو فضلت هنا
حبيبة : طبعا يا حببتي ينفع .. ما تقهريش نفسك يا دينا .. محدش يستاهل دموعك دي
حضنتها دينا بقوة و اجهشت بالبكاء
****************************
في اليوم التالي
وصل اوس و حبيبة القاهرة .. تحديدا شقة حسين
حسين : اوس تقدر تاخد حبيبة للشقة بتاعتك و خد معاكم دينا .. احنا تعبنا من الطريق و عايزين نستريح شوية
اوس بابتسامة : تمام يا عمي .. احنا مش هنتأخر .. بس حبيبة تقرر هتعمل ايه بالبيت هبلغ العمال و نرجع على طول
سعاد : و انا هرتب جهازها عشان ننقله الليلة
اوس : اوك ... عن اذنكم .. امشو يا بنات
نزلو و وصلو سيارة اوس
كانت دينا سارحة تماما من نافذة السيارة بينما اوس و حبيبة يتبادلون النظرات
اوس : مالك يا دينا ؟
دينا : مفيش .. تعبانة شوية من الطريق
اوس : معلش اول ما نوصل روحي ارتاحي
دينا : ماشي
حبيبة : شقتنا انهي دور ؟
اوس : لما نوصل هتعرفي
حبيبة : انت عارف مش بحب الاماكن العالية اوي
اوس : ما تخافيش يا حببتي كل حاجة هتكون على مزاجك و لو البيت معجبكيش اغيره عشان خاطرك
حبيبة بخجل : شكرا
وضع يده على يدها و ضغط عليها بحب .. نظرت دينا لايديهم و زفرت بضيق شديد
********************
في سوهاج
حلا : مالك يا كارما مخنوقة كدة ليه ؟!
كارما بضيق : زهقانة اوي .. كنت اغلب الوقت بقعد مع حبيبة و دينا دلوقتي قاعدة لوحدي زي قرد قطع
حلا : طب اقعدي معانا .. انا و فريدة و غادة موجودين
كارما : منا قاعدة اهو و برضو زهقانة
حلا بحماس : تحبي اعلمك ازاي تضربي الولاد ؟
كارما : لا
حلا : يا بت زي ما بتتعلمي الدلع و سهوكة الحريم لازم تتعلمي تدافعي عن نفسك
كارما بتفكير : بس الدفاع عن النفس مش بالضرب يا حلا
حلا : طب تعالي و هوريكي
امسكت مصطفى و اوقفته مقابل كارما
حلا : يلا عاكسها يا مصطفى
مصطفى بتمثيل : ايه يا جامد .. ما تعبرنا شوية .. هو من امته القمر بيطلع بالنهار كدة ؟ .. يلهوي ع الرقة .. و النبي تدفيني بحضنك
كارما بغضب : ايه السفالة دي ياض
فاجأته حلا بلكمة قوية اسقطته ارضا
كارما بشهقة : يا انهارك اسوووود
حلا : كدة لازم تضربيه من غير ما ياخد باله
مصطفى بغضب : و انا مال امي اتضرب ليييه ؟؟
حلا : عشان عاكستها
مصطفى بصدمة : ما انتي الي قولتيلي
حلا : ايوة عشان اضربك
دلف فارس
فارس باستغراب : ايه الي بيحصل هنا ؟
حلا : مفيش يا حبيبي كنت بعلم كارما فنون قت..الية
فارس بصدمة : يا انهار اسود .. اوعي ماما تشوفك لاحسن تبوظ الجوازة
حلا بحدة : ليه ان شاء الله خايف منها يا روح الماما ؟
فارس : لا مش بخاف من حد غيرك
حلا : طب اتلم لاحسن تاكل علقة ما اكلهاش حمار بمطلع
فارس : خلاص خلاص اتلميت .. كارما اهربي دي لو جاعت ممكن تاكلك
كارما : عندك حق دي همجية و ايدها اطول من لسانها .. انا همشي
حلا بحدة : لا انا الي سيباهلكم مخضرة
اتجهت حلا لاوضة فريدة وجدتها تجلس مع غادة و ترتب اكسسوارتها
حلا : مالكم بتشتغلو من غير نفس ليه ؟
فريدة : تصدقي حاسة ان البيت ناقصه حاجة .. اتعودت على دينا و حبيبة اوي
غادة : عندك حق .. انا مش متخيلة اصلا ازاي بعد ما نتجوز كل وحدة هتعيش في بيت بعيد عن التانية
حلا : بس اكيد مش هنلغي اللمة دي ..هنفضل نجتمع في البيت ده على طول
غادة بضحكة : ايوة .. هنبقى ضيوف عند فريدة
فريدة : انتو اصحاب البيت يا غادة .. و جدو قال البيت ده مش هيتقسم على حد هيفضل للعلية كلها
حلا بسرحان : دلوقتي بس فهمت كلام جدو المرة الي فاتت لما اتكلم عن اللمة دي ... دلوقتي بس حسيت انها جزء من سعادتنا .. مكنتش متخيلة اني هتعلق بالبيت ده و الي فيه خصوصا انتو يعني
فريدة بابتسامة : جدو مفيش زيه .. بكل عقوبة بيكون قصده يجمعنا مع بعض عشان نتقاسم الحلو و المر كلنا .. و دي سنة الحياة الالفة بتيجي مع العشرة
غادة : عندك حق ... عارفة لو ما جيناش هنا و ما شوفتش زياد و عشت معاه الايام دي يمكن كنا ما رجعناش لبعض بالسرعة دي
حلا : بس و النبي ما تقرفيناش معاكي بمشكالك يا غادة .. ابوس ايدك ما تخانقيهوش زي القطط
فريدة : عندها حق .. حاولي تهدي على قد ما تقدري
غادة بابتسامة : انا اتغيرت .. و زياد اتغير .. بقا فاهمني اكتر و حاسس بيا بجد .. تخيلو النهاردة جابلي محل ورد كامل عشان عرف اني حبيت الورد الي جابه اوس لحبيبة
فريدة بغمزة : اي خدمة يا بنت عمي
غادة بشهقة : انتي الي قولتيله ؟
فريدة : ايوةةة
غادة بابتسامة : كويس .. هبقى استفيد منك كتير يا بنت حمايا
**********************
في القاهرة
وقفت حبيبة امام فيلا كبيرة جدا و امامها مساحة واسعة مليئة باشجار الزينة
اوس بابتسامة : ايه رأيك ؟
حبيبة بذهول : تحفة
اوس : دي بقا فيلتك .. و هنعيش هنا زي ما طلبتي
حبيبة بصدمة : مستحيل .. اوس دي كبيرة اوي ازاي عايزني اعيش هنا ؟
اوس : مش ده كان جزء من احلامك ؟
حبيبة : كنت صغيرة يا اوس .. بس دلوقتي لازم افكر بمليون حاجة .. مين هينضفها طيب
اوس بضحك : ده الي فرق معاكي ؟
دينا بغضب : انتي يا بت فقرية طول عمرك .. سيبك منها يا اوس و اسكنو في بيت جدو .. انا الي هاخد الفيلا دي و اعيش لوحدي مع رواياتي
حبيبة : مش قصدي كدة يا متخلفة .. بس البيت فعلا كبير هتوه بيه
اوس : ما تخافيش يا حببتي مش هتوهي .. انا معاكي و مش هسيبك .. امشي شوفيها من جوة يلا
دخلو سويا للفيلا ... تأملت حبيبة المكان بذهول
حبيبة : انا مش مصدقة نفسي
دينا بابتسامة : الفيلا تحفة بجد .. ذوقك حلو اوي
اوس بخبث : طبعا مش اخترت حبيبة
حبيبة بخجل : بس المطبخ كبير اوي عليا مش كدة ؟
اوس بضحك : ما اعتقدش تدخليه اصلا .. اهو مطبخ و خلاص
دينا : لو سمحتولي اعيش هنا هدلعكم بالاكل
اوس : انا جيت هنا عشان اخلص منك انتي بالذات .. امشو للدور التاني
دينا بتهرب : اطلعو انتو انا هتفرج على باقي البيت
اوس بخبث : براحتك
في الطابق العلوي
حبيبة : دينا مش هتتغير .. دايما بتحب تدينا مساحتنا الخاصة
اوس : البت دي طمرتني بخيرها .. انا لازم اردلها الجمايل دي
حبيبة بضيق : اوس دينا اتدايقت جدا من الي عملناه بيها .. فضلنا نزن عليها عشان ترتبط بيزن و يوما اعترفت طلع بيحب وحدة تانية .. احنا جرحناها اوي
اوس باستغراب : ايه ؟؟ يزن بيحب ؟!!
حبيبة : يعني تقدر تقول اعجاب
اوس : بميين ؟ و انا ليه ما اعرفش ؟
حبيبة : تخيل معجب بلارا الصفرا
اوس بضحك : يا انهار اسود .. ربنا يعينه
حبيبة بغضب : ده الي هامك ؟ .. ما فكرتش غير بصاحبك ؟؟ طب و دينا الي اتوجعت ؟ مش دي قريبتنا و اعز صحابنا ؟
اوس : طب مالك اتعصبتي كدة ليه ؟ .. ده نصيب مش هنعترض
حبيبة : ايوة بس دينا اول واحدة وقفت معايا لما كنت عايزة افسخ الخطوبة .. هيا اول وحدة نبهتني و فكرتني اني هضيع حب عمري من ايدي
اوس و هو يقترب منها : طب سيبك من دينا دلوقتي و ركزي بحب عمرك
حبيبة بتوتر : اوس
اوس و هو يقترب اكثر : يا روح اوس
حبيبة : اوس .. دينا تحت
اوس بتوهان : سيبك منها
حبيبة برجاء : اووووس
حاصرها على الحائط و قال بهيام : يا نن عين اوس
حبيبة بخجل : بس يا حبيبي
دفن وجهه في عنقها و طبع قبلة على رقبتها
اوس : ايه رأيك في بيتنا
حبيبة بذوبان : تحفة
اوس : تحبي نجربه ؟
حبيبة بصدمة : اوس اتلم
اوس بضحك : انتي فهمتي ايه يا قليلة الادب ؟
حبيبة برجاء : بس يا اوس .. و الله هيغمى عليا
كانت دينا تجلس في الليفنغ شاردة الذهن تفكر كيف ستتخلص من هذه المشاعر
قاطع افكارها صوت جرس الباب
دينا باستغراب : مين الي هيجيلهم يا ترى ؟!
اتجهت للباب الرئيسي و فتحته
دينا بذهول : انت ايه الي جابك ؟؟!!
يزن بابتسامة : ازيك ........... يتبع
مغامرات عائلية
همس كاتبة
رواية مغامرات عائلية الفصل الخامس والثلاثون 35 - بقلم همس كاتبة ✨
بارت 34
دينا بذهول : انت ايه الي جابك ؟؟!!
يزن بابتسامة : ازيك
دينا ببرود : كويسة .. انت بتعمل ايه هنا
يزن بخبث : مفيش جاي اشوف اوس
دينا بحدة : و جاي تشوف اوس ليه ؟ محنا كنا في البلد امبارح
يزن : حصلت حاجة مستعجلة .. عندك مانع ؟
دينا : لأ
يزن : طب ممكن ادخل ؟
دينا ببرود : اتفضل
دلف يزن و هي وراءه تتمتم بكلام غير مفهوم
يزن : بتقولي حاجة ؟!
دينا : لا .. هطلع اندهلك اوس
يزن : حبيبة هنا ؟
دينا : طبعا اومال هاجي معاه لوحدي !
يزن : مش قصدي .. يعني فكرت ان اهلها هنا برضو
دينا : لا مش هنا
يزن بابتسامة : كويس ... هستنا اوس هنا شوية و اكسب قعدة رايقة معاكي
دينا : و تقعد معايا ليه ان شاء الله ؟
يزن : مش انتي قولتي هتساعديني ؟
دينا ببرود : ايوة
يزن : اوك يبقى لازم افهمك هتعملي ايه بالزبط
في الطابق العلوي
حبيبة : الباب بيخبط .. مين الي جاي .. معقولة بابا و ماما ؟
اوس بخبث : لا .. بابكي مش فاضي.. ده تلاقيه استفرد بمامتك... اصل بيت جدي مش مريح
حبيبة بشهقة : اوس اتلم و بطل قلة ادب .. ما تتكلمش على اهلي لاحسن اسيب عليك حلا
اوس بضحكة : هيا حلا بالنسبالكم كلب حراسة ؟
حبيبة : اتلم و ما تتكلمش على اختي
اوس : مش بتكلم عليها بس انتي قولتي هتسيبيها عليا
حبيبة : ايوة عشان هيا قادرة و لسانها يبردك برد
اوس : طب سيبك منها دلوقتي و خليكي معايا
حبيبة : في حد جيه يا اوس
اوس : ما تقلقيش ده يزن
حبيبة بصدمة : و ايه الي جابه هنا ؟
اوس بخبث : عايز يكلم دينا
حبيبة بضيق : لييه يا اوس ؟ دينا مدايقة و مش مستحملة تشوفه اصلا .. لو سمحت مش عايزة حد يضغط عليها اكتر من كدة .. كفاية الي عملناه قبل كدة
اوس : ما تخافيش عليها .. دينا دي زي اختي و مصلحتها تهمني .. اكيد مش هعمل حاجة تجرحها
حبيبة : طب تعالا نقعد معاهم لاحسن يتخانقو
اوس : لا يحببتي هو عايز يكلمها على انفراد سيبك من كل ده و قوليلي عايزة تعملي ايه في البيت ؟
حبيبة : مش عارفة .. البيت حلو اوي و مترتب زي ما بحب بالزبط .. مش حاسة اني هغير حاجة بالوقت ده بس ممكن اعمل تعديلات بسيطة
اوس بخبث : طب تعالي شوفي الاوضة دي و قوليلي لو حلوة و لا لا
دلفت الاوضة و ابتسمت .. كانت اوضة النوم و مرتبة بشكل انيق و على الحائط برواز كبير يحتوي على صورتها مع اوس و هم اطفال
حبيبة بابتسامة : الاوضة تحفة يحبيبي
اقتربت من الصورة و تأملتها بسرحان ... حضنها من الخلف و قال بحب : الصورة دي كانت قدامي 24 ساعة .. كنت كل ما احس اني مخنوق افضل ابصلها .. و لما كنتي توحشيني كنت باخدها بحضني و بنام .. طيفك كان على طول حواليا يا حبيبة و دي الحاجة الي خلتني افضل اشتغل و اطور شركتي عشان ارجعلك و انا محقق هدفك
حبيبة بتأثر : و انا كنت محتفظة بيها على طول تحت مخدتي ... مكنتش بعرف انام قبل ما ابصلها و افضل افتكر ايامنا مع بعض .. اوس انا عمري ما كان هدفي الفلوس .. انت كنت هدفي الوحيد .. كنت ببقى عايزة افضل بحضنك على طول .. و الله كنت بعد الايام مستنية ترجعلي .. مش مصدقة اني دلوقتي واقفة معاك و في بيتنا الي هنتجوز بيه
اوس بخبث : و تحديدا باوضة النوم
حبيبة بشهقة : اوس لو ما بطلتش قلة ادب هصوت و الم عليك الناس
اوس بابتسامة : طب صوتي كدة و لو جيه حد قوليلي
حبيبة باستغراب : ليه هيا المنطقة مقطوعة ؟
اوس : لا .. بس محدش يقدر يدخل البيت ده من غير اذني
حبيبة بابتسامة : اممم .. بس برضو بطل قلة ادب
ادارها له و قال : ما تقنعنيش انك مدايقة يعني
حبيبة بخجل : خلاص يا اوس بتكسف
اوس : طب هاتي وحدة زي المرة الي فاتت
حبيبة بخجل : قصدك ايه
اوس بخبث : انتي فاهمة قصدي كويس
حبيبة بتهرب : هروح اتفرج على الدريسنج روم
اوس بخبث : ما تحاوليش تهربي عشان مش هسيبك
عضت شفتها السفلية بخجل و اقتربت منه ببطىء ثم طبعت قبلة رقيقة على شفتيه .. شدها من خصرها باحكام ليقبلها بقوة
بعد دقائق
حبيبة بخجل : هروح اشوف الاوضة التانية
اوس : مش هتجربي السرير ؟
حبيبة و عيناها تبرق : اوس قولتلك اتلم .. عيب كدة
في الطابق الارضي
يزن : الفيلا حلوة اوي .. ذوق اوس باين بيها
دينا بشك : هو في ايه يا حضرة الضابط ؟ ليه كل ما نروح حتة بتنطلنا ؟ البت بتاعتك مش هنا .. يبقى ايه المبرر للزيارة دي المرادي ؟
يزن : ده انتي مش طايقاني خالص
دينا : و لا نازلي من زور
يزن بخبث : و ايه الجديد منتي على طول مخنوقة .. الا صحيح كلمتي المجنونة بتاعتي و لا لسا ؟
دينا ببرود : لا ... لما ارجع البلد هقولها
يزن بخبث : هيا مين ؟
دينا : لارا
يزن بصعقة : اييييه ؟! ... انتي اتهبلتي يا بت
دينا باستغراب : في ايه ؟ مش هيا ؟
يزن : لا طبعا مش هيا ... مين الي قالك الكلام الاهبل ده ؟! كويس انك مكلمتهاش كنتي دبستيني
دينا بنفاذ صبر : اومال مين يعني كارما ؟
يزن بذهول : انتي مش طبيعية اقسم بالله .. دول بنات صغيرين ازاي تفكري لواحد بالمية اني ممكن اعجب بواحدة منهم ؟!
دينا بغضب : ما الباقي كلهم مرتبطين .. تكونش عايز تتجوز امي و انا مش واخدة بالي ؟
يزن بانفعال : يا رب استرها معايا هتشل من البنت دي ... ده و انا الي بقول عليكي ذكية و بتلقطيها و هيا طايرة
دينا بلخبطة : طب ما تخلصني و تقول مين هيا ؟؟
يزن : لا خلاص مش هقولك طالما طلعتي غبية .. ده انا قولتلك بلساني اني بتلكك عشان اشوفها و برضو غبية و مش فاهمة
دينا : هيا مين الغبية يالا ؟ احترم نفسك لاحسن اطلع جناني كله عليك
يزن : اهو مجنونة قولتلك
دينا بعدم فهم : ثانية واحدة .. انت قصدك ايه ؟
يزن : انا كنت بكلمك عنك انتي يا ذكية
دينا بصدمة : نااااعم يروح امك ؟
يزن بذهول : يا ايه ؟
دينا : انا الي هو ازاي يعني ؟
يزن : ايوة انتي اومال امك ؟
دينا بذهول : يا انهارك اسووود .. انا نفسية و مش طايقة حد ؟!!
يزن : و على طول مخنوقة كمان .. ده الي فرق معاكي ؟؟
دينا بغضب : و رحمة ابويا ما انا سايباك .. انت الي جبته لنفسك
رفعت اكمامها و امسكت فازا و القتها عليه .. فتفادها بمهارة
يزن : يخربيتك .. دي جزاتي اني جايلك برجليا ؟
دينا و هي تحدف الفازة الاخرى : و ليه عملت الحوار ده عليا يا زبالة
يزن و قد امسك الفازة بيديه : ده مقلب .. و الله العظيم مقلب .. اسألي اوس حتى
دينا بغضب : يعني اوس بيلعب بيا كمان .. و ديني لاطربقله بيته على دماغه
يزن : طب اهدي ابوس ايدك .. انتي هتدمري البيت
دينا بغضب : انا تضحكو عليا يا رمم .. ده انا عملت فيها سعاد حسني و عشت بعالم تاني .. منكو لله يا جزم
يزن بضحك : و الله اوس صاحب الفكرة .. انا مليش دعوة
دينا بصوت عالي : انا تخلوني اغير من لارا الصفرا .. ليه ما قولت من الاول .. قال ايه عايزك تساعدني و تكلميها .. ده انا هوديك بداهية انت و سي اوس بتاعك
يزن : و انا مال اهلي .. انا مش عايز اتجوز اصلا و شلت الفكرة من بالي خلااااص
دينا بغضب : ده انت مش هتلحق تتجوز يا حضرة الضابط .. هبعتك للحور العين حالا
نزلت حبيبة مع اوس بسرعة
حبيبة بفزع : فييي اييييه ؟ ايه الي بهدل الدنيا كدة ؟
مسكت دينا فازة اخرى و القتها على اوس و تفادها هو الاخر
حبيبة بغضب : دينا انتي اتجننتي ؟
اوس و هو يكتم الضحكة : سيبيها تفرغ غضبها دي غلبانة
حبيبة بحدة : في ايه يا دينا مالك ؟
دينا بغضب : خطيبك و الظابط الرخم ده بيشتغلوني
اوس بخبث : ليه هو انتي فاكرة جدو بس الي بيعمل مقالب ؟ ده يزن متربي عليها من و هو عيل صغير
حبيبة بعدم استيعاب : مقلب ايه ؟ في ايه يا اوس ؟
اوس بابتسامة : امشي يا حبيتي سيبيهم يتفاهمو و احنا نطلع نكمل
يزن بخبث : تكملو ايه ؟
اوس بحدة : ترتيب البيت و اتلم بدل ما اسيب دينا تشلوحك
يزن : على فكرة انا ممكن احبسكم بتهمة التعدي على ضابط
اوس : ضابط ؟ هو في ضابط يتهزق كدة ؟
حبيبة : انا مش فاهمة حاجة في ايه ؟!!!
اوس : امشي هفهمك فوق .. سيبيهم يتخانقو براحتهم
صعدت حبيبة مع اوس بينما دينا وضعت يداها على خصرها و هي تتنفس بسرعة
يزن : خلي قلبك ابيض و عديها
دينا بشر : اييض ؟ ده انا مفيش اسود من قلبي ساعة الجنان .. و دلوقتي هطلع جناني عليك يا حضابط و وريني بقا هتعمل ايه
يزن بغمزة : طب بحبك
دينا بتوتر : و انا مش بطيقك
يزن : طب عيني بعينك كدة ؟
دينا بحدة : اتلم .. ده انت رخم ياض و دمك يلطش
يزن : هتقدملك
دينا : هرفضك
يزن : و هنتخطب
دينا : مش هيحصل
يزن : و هنكتب الكتاب
دينا : ما تحلمش
يزن : و هعملك مكتبة كبيرة في بيتنا
دينا بابتسامة : ان كان كدة ماشي
يزن بضحكة : ده انتي داخلة على طمع بقا .. على فكرة باين عليكي انك بتحبيني و طمعانة بالمطبعة بتاعتنا
دينا : طب اتلم مش كفاية هتجوز واحد مناخيره كبيرة
يزن و هو يضع يده على انفه : نشيلها خالص عشان خاطرك
دينا بضحك : لا .. عاجباني اومال هدلعك اقولك ايه ؟
يزن بعبوس : الله يسامحك ده تنمر
دينا بغضب : بس برضو مش مسامحاك و هربيك من اول و جديد
يزن : اعيش و اتربى على ايدك يا ست البنات
دينا : بلدي
يزن : هو في احلى من البلدي ؟
دينا بتحذير : بقولك ايه انا امور السهوكة دي ما تنفعش معايا .. مش هكلمك قبل ما نتخطب رسمي
يزن : اممم يعني موافقة نتخطب .. تحبي اتقدملك امته ؟
دينا بشرود : معرفش .. هكلم ماما الاول
يزن بجدية : طيب .. وقت ما تحسي انك جاهزة قوليلي .. على فكرة يا دينا انا عملت كدة عشان اشوف لو اتغيرتي بجد و لا لا .. و الحقيقة انك ما اتغيرتيش .. برضو بتضحي بسعادتك عشان صحابك
دينا : ايوة عشان دي طبيعتي .. اتعودت يعني
يزن : عشان كدة عجبتيني .. اصل انتي شبهي اوي .. انا برضو طول عمري بروح بستين داهية عشان صحابي .. بس انتي فيكي مميزات بصراحة ملقيتهاش باي بنت عرفتها بحياتي
دينا : ياه ! و ايه المميزات دي بقا ؟
يزن : يعني بنت جدعة و بمية راجل .. بنفس الوقت مخلصة و قلبها على الي حواليها ... و ست بيت برضو و تصون العشرة .. صعب تلاقي حد بالنقاء ده دلوقتي
دينا : و دي بالنسبالك مميزات ؟
يزن : طبعا
دينا : على فكرة دي حاجات عادية جدا و ممكن تلاقيها باي بنت .. بس انا مش هلاقي حد مناخيرة كبيرة كدة
يزن بضحكة : و من ضمن المميزات برضو لسانها طويل و بتضحك
دينا بضيق : طب اتكتم احسنلك
يزن باستغراب : طب ليه حاسس انك زعلانة .. في حاجة ؟
جلست دينا و سرحت بحزن
يزن بذهول : في ايه ؟؟ هو انا زعلتك بحاجة
دينا : لا .. انا بس مخنوقة شوية
جلس يزن مقابلها و قال :من ايه ؟ قوليلي
دينا بانفعال : بطل الرواية الي معايا عمل حادثة و فقد الذاكرة .. تخيل نسي البنت الي بيحبها و عاش مع واحدة تانية
يزن بذهول : ده بجد ؟!!!!!
دينا : ايوة .. انا مقهورة اوي .. و الكارثة ان التكملة بتاعة الرواية في الجزء التاني و انا مش معايا الجزء ده
يزن و هو يضحك ببلاهة : يا انهار اسود .. دي مصيبة سودة
دينا بقهر : اهو الي حصل بقا .. انا هتجنن
يزن بغضب : وقعتي قلبي يا شيخة .. ده انا قولت في مصيبة و لا حاجة .. كل ده عشان رواية ؟
دينا بحدة : مش عاجبك ؟
يزن و هو يحاول ان يهدا : لا عاجبني طبعا .. انا الي جبته لنفسي مني لله ... خلاص يا دينا هجيبلك الجزء التاني بس ممكن تفكي شوية
دينا بتوتر : طب و لو حب التانية و ساب حبيبته الاصلية ؟
يزن بنفاذ صبر : انا هكلم الكاتب و هقوله يرجعهم لبعض .. و لو معملش كدة هضربه بالنار او احبسه عشر سنين
دينا بسعادة : هتعمل كدة عشاني ؟
يزن بضحك : ايوة .. بس ابوس ايدك ما تقريش حاجات حزينة تاني انا مش عايز اتحبس على ايدك
دينا بخجل : بعد الشر عليك ان شاء الله الي يكرهني
يزن بلخبطة : مش هيا كانت ان شاء الله الي يكرهك ؟
دينا : انا مالي و مال الي يكرهوك .. انا عايزة الي يكرهوني يروحو بستين داهية
********************
في سوهاج تحديدا في اوضة غادة و لارا
فريدة : حلا .. غادة .. جدو بيقول اجهزو بكرا كتب الكتاب
حلا بشهقة : ازاااي احنا محضرناش حاجة
غادة : معقولة بالسرعة دي ؟!
فريدة : ايوة في ايه ؟؟ ما جدو قالكم كتب الكتاب اليومين دول .. لو معترضين انزلو قولوله
حلا : طبعا معترضين .. ازاي هنلحق نشتري الفساتين و نعزم صحابنا و نحجز التورتة و نختار الدبل و ...
فريدة بمقاطعة : حيلك حيلك ده هناك في مصر مش عند جدو .. انتي عارفة العادات هنا .. هو كتب كتاب بسيط و تلبيس دبل .. الزيطة دي بالفرح يا برنسيسة
حلا بذهول : مستحييييل .. دي خطوبتي اومال هعمل حفلة امته يعني ؟؟؟
فريدة : دي عاداتنا في البيت ده لحقتي تنسيها ؟! ما اختك كتب كتابها مشي كدة و انا كمان .. لو عايزة حفلة انزلي قولي لجدو
دلف فارس و قال بابتسامة : من بكرا هتبقي تحت طوعي يا بنت حسين
حلا بغضب : فارس اتكتم انا مش طايقة نفسي
فارس باستغراب : ليه يا حلا في ايه ؟
حلا بضيق : قال جدو مش عايز يعمل حفلة خطوبة .. دا انا مستنية اليوم ده بفارغ الصبر
فارس : معلش يا مزتي احنا نكتب الكتاب بكرا و لما نرجع مصر نعمل حفلة و نعزم كل صحابنا
حلا بغضب : و ايه الفايدة بقا ؟ انت بتاخدني على قد عقلي يعني ؟!
فارس : و الله كلمت جدو و رفض بشكل قاطع .. قال الحفلة دي نعملها في بايام الفرح .. و باباكي ايده كمان
حلا بانفعال : يعني ايه اتخطب من غير حفلة ؟! انا مش كل يوم هتجوز .. و اساسا الناس بتعمل الخطوبة في قراية الفاتحة مش بكتب الكتاب .. بس طبعا جدو لازم يحطلي العقدة بالمنشار
فريدة : يا حببتي ما تنسيش انك متربية بالبيت ده .. و انتي عارفة قوانين جدي مش بيقبل الناس تجيب بسيرتنا و يقولو البنت دايرة على حل شعرها مع خطيبها
حلا بغضب : اديكي قولتي خطيبها و انا ما طلبتش حفلة بقراية الفاتحة بس ع الاقل نعمل خطوبة
غادة : بصراحة حلا عندها حق .. ده حقها و حقي كمان يعني الواحدة ان معملتش حفلة خطوبة هتعمل حفلة امته يعني ؟!
فارس : طب يلا انزلو اتحايلو عليه
فريدة بضيق : انتو كدة هتلخبطو الدنيا و مش هنعرف نركز لا بفرحي و لا بفرح حبيبة .. و هتقلبو البيت و نرجع للخناقات تاني
حلا : و الله ده الي هامك بقا مركزتيش الا على مصلحتك
فريدة : اه .. عشان انا مستنية الفرح ده من زمان و من ساعة ما اتلمينا ما عرفناش نجهز لحاجة .. انا نفسيتي زي الزفت و الفرح بعد كام يوم بس
غادة : طب خلاص تعالو نكلم جدو و نقوله يأجل كتب الكتاب
فارس بفزع : لاااا .. لو قولتي الكلام ده امك هتعلق مشنقتك و مشنقتي ... اتلمي يا غادة انا عايز اتنيل اتجوز
غادة : طب ليه الاستعجال ده انا مش فاهمة
حلا : فارس انا هنزل اكلم جدو .. مش هقبل اني اتخطب من غير حفلة
فارس : و الله العظيم كلهم قعدو يتحايلو عليه و ما رضيش ... ما عندك فريدة و حبيبة اهو ما عملوش ولا حاجة يوم كتب الكتاب
حلا : مليش دعوة بيهم .. ده حقي و انا مش اقل من اي بنت عشان ميتعمليش حفلة
فارس : شكلك جعانة يا مزتي عشان كدة متنرفزة و مقريفة
حلا بحدة : فارس اتلم انا بتكلم بجد
فارس بعبوس : و بتشخطي بيا كمان ؟! ماشي يا مزتي هروح اكل الكنافة بالقشطة لوحدي
حلا : كنافة بالقشطة ؟!
فارس بخبث : اممممم .. و بالمكسرات كمان
حلا بشهقة : بالمكسرات ؟!
فارس : ايون
حلا بابتسامة : ده انت حبيبي هتعزمني صح ؟
فارس : لأ .. ما انتي عايزة تعملي قلق و تلخبطي البيت
حلا بسرعة : لا لا مش هعمل حاجة .. هو انا اطول اتجوزك اصلا .. امشي ناكل الكنافة و بعدها نتفق
غادة بذهول : انتي يا بت ما بتشبعيش ؟! لسا من خمس دقايق متعشيين تحت
حلا : طيب لازم احلي
فريدة : و حقوقك يا هانم مش كنتي عايزة خطوبة زي كل البنات
حلا : بلا حقوق بلا نيلة .. انا كنت عايزة اعمل خطوبة عشان البوفيه اصلا
غادة : و بتقولي عليا مهزقة ؟! ده انت مدرسة للتهزيق يا بت
فريدة : روحي معاه يا حلا ربنا يهديكي .. يا ريته باين عليكي بس
حلا بحماس : يلا يا فارس
ذهبت معه بسرعة باتجاه الطابق السفلي
فريدة بيأس : البنت دي مش طبيعية عاملة فيها جامدة و بتجيب حقها بدرعها و اول ما تشوف كيس شيبي تريل
غادة : يا ابن المحظوظة يا فارس ... ده يقدر يقنعها باي حاجة بس يجيبلها اكل
فريدة : الكارثة انها زي خلة السنان و مش بيبان عليها الاكل ... انا بتخن من الريحة بس
********************************
في المساء
كانت حبيبة بالدريسغ روم و معها والدتها و دينا
حبيبة بتعب : خلاص كفاية ... كدة كل حاجة جاهزة و الفيلا اترتبت بالكامل
دينا بابتسامة : و جهازك كمان اترتب مش فاضل غير شوية الحاجات دول
سعاد : انا هوضب الدنيا هنا .. انتو انزلو شيكو ع الفيلا تحت و شوفي لو عايزة تعدلي حاجة يا حبيبة قبل ما نروح
حبيبة بملل : لا مش قادرة .. انا تعبت كفاية بقا .. بعد الجواز هرتبها اكتر
سعاد : ما اوس قالك يجيب ناس يساعدوكي و انتي الي مرضيتيش
حبيبة : افتكرته بيتكلم على ترتيب الحاجة بتاعتي مش ديكور البيت
دينا بغمزة : بصراحة جهازك تحفة يا بت خصوصا يعني الزاوية الي هناك
و اشارت بيدها على قسم ملابس النوم
حبيبة بخجل : اتلمي يا دينا
دينا : بجد يا طنط زوقك تحفة انا متأكدة اوس هيقعد يدعيلك ليل نهار
سعاد بضحكة : اممم و مامتك جايبالك حاجات احلى من دول كمان ... برضو عريسك هيدعيلها
حبيبة بضحك : اهلي لفت و رجعتلك يا دينا
دينا باحراج : على فكرة انا مش عايزة اتجوز اصلا
سعاد بسخرية : كل البنات بيقولو كدة و اول ما يشوفو عريس بيريلو
حبيبة : بس مش ملاحظة يا ماما ان عمتو استعجلت بجهاز دينا ؟
سعاد : و الله قولتلها بس هيا اصرت انها تجهزها من قبل عشان مش ضامنة ظروفها
حبيبة : اوك بس اللبس ممكن تروح موضته
سعاد : لا هيا لسا ما جابتش اللبس بس جابت الحاجات التانية زي حاجة النيش و المطبخ و الفرش و كدة يعني
حبيبة : اممم .. طب انا هنزل اشيك ع الدور الي تحت
دينا بخبث : اوس تحت يا حبيبة انزلي سليه شوية و انا هساعد طنط هنا
حبيبة بابتسامة : اه هنزل اشوفه
نزلت للطابق السفلي و لم تجد اوس فذهبت للحديقة تبحث عنه
اوس من وراها : بتدوري عليا ؟
حبيبة بابتسامة : ايوة .. انت كنت فين ؟
وضع يداه على خصرها و قال : مفيش كنت بكلم جدي بالموبايل
حبيبة : ليه في حاجة ؟
اوس : لا يحببتي كان بيأكد عليا نرجع بسرعة بس
حبيبة : اه عشان كتب الكتاب
اوس : ايوة
حبيبة بابتسامة : فاكر يوم كتب كتابنا ؟
اوس بخبث : انا الي فاكر .. ده يوم ما يتنسيش اصلا
حبيبة بخجل : كان احلى يوم بحياتي يوما بقيت نصيبي و انا نصيبك
اوس بتوهان : و احلى نصيب بالدنيا
حضنته بهدوء و دفنت وجهها في عنقه ... اغمض عيناه بقوة و يداه تتحرك على ظهرها
دينا من فوق : حبيبة ..خالو حسين جاي
ابتعدت حبيبة عن اوس بسرعة و قالت بخجل : امشي نقعد مع بابا
اوس بتمتمة : حتى في بيتنا مش واخدين راحتنا ايه الغلب ده يا ربي
***********************
في اليوم التالي
وصل جميعهم لبيت عبدالله ....و صعدت البنات لاوضتهم
فريدة : مش هتصدقو قد ايه وحشتونا بالكام ساعة الي فاتو دول
حلا : البيت من غيركم هادييييي .. مفيش مشاكل خالص
كارما : و الله فضلنا زهقانين اوي
حبيبة : يحبايبي متخيلتش اننا هنبقى قراب من بعض كدة
حلا : سيبك من الكلام ده و قوليلي .. البيت الي شوفته بالستريك ده بيتك الي هتعيشي بيه ؟
حبيبة : ايوة
دينا : دي فيلا يا حلا و كبيرة اوي .. المطبخ لوحده حكاية .. لو شوفتي بس اوضة النوم دي جنة مش اوضة عادية ... هيييي و الجنينة ...
حبيبة بمقاطعة : ما تصلي ع النبي يا دينا .. انتي هتقري عليا ؟!
غادة بهزار : دي حسودة و عينها تجيبك ارض
دينا : حرام عليكو انا نيتي صافية و قلبي ابيض
حبيبة بخبث : الا انتو معرفتوش الي حصل يا بنات ؟!
فريدة : لا ما عرفناش .. ايه الي حصل
حبيبة : مش حضرة الضابط جيه ورانا و كلم دينا
حلا ؛ ليه ان شاء الله مش على اساس بيحب واحدة تانية ؟
حبيبة : ما ده الي عايزة اقوله .. كل الحكاية ان اوس و يزن اتفقو يشتغلوها
غادة : يعني ايه ؟!
حبيبة : يعني حضرة الضابط بيحب دينا و عمل بيها مقلب .. ده بيتكلم بجد و هيتقدم رسمي
فريدة بسعادة : بجد ؟!!!! الف مبروك يا حبيبتي
كارما بابتسامة : بجد يا دينا انتي تستاهليه و هو يستاهلك .. لايقين على بعض اوي
دينا : من قلبك يا كارما ؟
كارما : طبعا .. ده انتي زي اختي
دينا : حبيبتشي
حلا : طب امته هيتقدملك يا دينا
دينا بشرود : معرفش
فريدة : طب كلمي مامتك الاول نشوف رأيها
دينا : ان شاء الله
حبيبة : مالك يا دينا انتي زعلانة من حاجة ؟
دينا بغصة : لو جيه و اتقدملي .. هيطلبني من مين ؟
فريدة بتلقائية : من جدو
دينا : اهل بابا مش هيعدوها كدة .. و هيعتبرو ان ده عند فيهم .. و بعدين جدو عبد الله بالنسبالهم مش جدي
حبيبة بتفكير : يبقى هقول لأوس يخلي يزن يكلم اهل باباكي
دينا : و افرضي عملولي مشاكل ؟
حلا : وديني لاكون مطربقة الدنيا على دماغهم .. انشفي يا بت في ايييه ؟ خالك موجود و هو المسؤول عنك من زمان
دينا : و جدي ابو ابويا موجود كمان يا حلا و عماتي الحرابيق موجودين كمان و هيلعبو بدماغه
حبيبة : ممكن ما تفكريش بالطريقة دي ؟ انتي عارفة ان جدو عبدالله ممكن يحرق الدنيا عشانك و عندك شباب العيلة كلهم هيقفو بضهرك و حتى يزن مش هيسكت .. ده ان حصل حاجة زي دي لا سمح الله فما تعمليش فيها كليوبترا
دينا بزفير : عندك حق انا مكبرة الحكاية
حلا بتفكير : ايه الصدفة دي ... انتي باباكي متوفي و هو مامته متوفية .. ما نجوز مامتك لباباه و تعملو عيلة كبيرة
دينا : اخرسي يا حلا ... كويس معنديش حماية تقرفني
حبيبة بضحك : ده انتي يا دينا غلبانة اويييي
دينا بذهول : ليه مامته عايشة ؟
حبيبة : لا ربنا يرحمها ماتت من زمان
دينا : ربنا يرحمها
رفعت حبيبة كفها و قالت : بس في غيرها اربع حموات ...........يتبع
مغامرات عائلية
همس كاتبة
رواية مغامرات عائلية الفصل السادس والثلاثون 36 - بقلم همس كاتبة ✨
بارت 35
رفعت حبيبة كفها و قالت : بس في غيرها اربع حموات
دينا بشهقة : نعم يختيييي ؟!
حبيبة : ايوة باباه متجوز اربعة
دينا بصدمة : و انا ليه ما اعرفش حاجة عن الكلام ده ؟!
فريدة : و هتعرفي ازاي ده انتي لسا عارفاه من يومين
حلا بتفكير : فكك من الجوازة دي يا دينا .. ده المثل بيقول السح الدح امبو الواد يطلع لابوه
غادة بضحك : ده متل يا حلا ؟
حلا : اهو اي متل و خلاص .. بتقولك اربع حموات
دينا : هو ايه حكايته مع رقم اربعة ؟! ده خطب اربع مرات قبل كدة
كارما بصدمة : يزن كان خاطب ؟!
دينا : اربع مرات
حلا : يكونش بتاع ستات ؟!
دينا : لا هو قالي ان مامته كانت تتحايل عليه عشان يتجوز
حبيبة بخبث : اممم و جيتي انتي و علقتيه
حلا : ده انتي كنتي صادقة بقا لما قولتي هيقع بغرامك
دينا بضيق : سيبكم من الهري ده كله و قولولي اعمل ايه مع الاربعة الي انا رايحالهم ؟!
فريدة : و لا حاجة يا دينا ... انتي اشترطي ان يكون ليكي بيت لوحدك
حلا : على اساس دينا هتغلب معاهم يعني .. دي اروبة و ترص بلد بحالها
غادة : فعلا دينا ما يتخافش عليها دي يتخاف منها
دينا بتوتر : انا بقول اخلع من بدري .. شكلها حكايتي دي مش هتم بالساهل .. اكيد هيروح فيها ق..تيل
حبيبة : انتي عارفة ان احساسي دايما صح مية بالمية مش كدة ؟
دينا : ايوة
حبيبة : يبقى اطمني .. يزن هيحطك بعنيه
فريدة : اسمعي منها دي ممشية حياتها كلها بالاحساس بتاعها و اهي اكتر وحدة متهنية و بتدلع ع الكل
غادة : عندها قرون استشعار دقيقة جدا
دينا بابتسامة : امم حبيبة دايما كلامها بيطلع صح بالاخر
حبيبة بغرور : طبعا
حلا : طب بصو معايا للفساتين دي و قولو البس انهي واحد النهاردة
غادة و هي تمسك بفستان ابيض رقيق : انا هلبس ده ايه رأيكم ؟
حبيبة : حلو اوي يا غادة .. سيمبل و هيليق عليكي
حلا و هي ترفع فستان : انا بفكر البس ده
فريدة : مكشوف اوي يا حلا عيب كدة
حلا : ايه الي مكشوف مهو مقفول و اكمامه طويلة
دينا : امم بس شكلك مش واخدة بالك من الفتحة الي تحت دي .. رجلك كلها هتبان منه
حلا : اوك هلبس تحته سكيرت بيضا
حبيبة : ايه العك ده .. مش حلو .. هتبوظي ستايل الفستان
فريدة : ده كتب كتاب يا حلا يعني ضروري يكون في وقار و احترام حتى لو كنا ستات بس
حلا : يعني لازم البس فستان مقفول بالكامل ؟
دينا : ايوة زي فساتين فريدة .. عيب تلبسي حاجة مفتوحة الكل هيسلم عليكي و هتخرجي قدام شباب العيلة عشان تسلمي على فارس و باباكي.. فلازم تكوني راقية و محترمة
حلا : طب شوفو ده حلو ؟
حبيبة باعجاب : الله رقيق اوي و مناسب لشكل جسمك
حلا : بس حاساه هيعملني مدام
فريدة بمشاكسة : منتي من النهاردة هتبقي مدام حلا
حلا بانزعاج : يا انهار اسود .. انا لسا صغيرة .. انا بفكر اعيد النظر بالحكاية دي
فريدة : اتلمي يا بت و ما تعمليش حوارات جديدة احنا مش ناقصين
*************************
في المساء
اجتمع جميع رجال العائلة في المجلس الكبير و كان قد وصل المأذون
جلست النساء في المجلس الصغير بانتظار بدء كتب الكتاب
غادة بتوتر : انا بقول نأجل شوية
حبيبة : ليه يا بنتي هو انتي مغصوبة ؟
غادة : لا
خديجة : حبيبتي ما تخافيش .. انتي لازم تكوني مبسوطة ده يوم كتب كتابك على زياد
فريدة : ايوة ده انتي خلاص هتتجوزي زياد و تحطيه تحت دراعك
حلا : طب هما مستنين ايه ما يكتبو الكتاب و يخلصوني
دينا بغمزة : ليه مستعجلة على ايه ؟
حلا بنفاذ صبر : جعانة و خايفة اكل اقوم ابهدل الفستان
دينا بصدمة : يخربيتك .. حتى يوم كتب كتابك هتموتي ع الاكل
حلا : اسكتي اصلا معدتي واجعاني من التوتر ده
حبيبة : انتو خايفين من ايه بس .. ده كتب عادي مش هيجرالكم حاجة
دينا بخفوت : اسمعو منها دي مقضيها بوس و احضان
حبيبة بشهقة : دينا اخرسي يا سافلة
دينا : منا بقول الحق
قرصتها حبيبة من جنبها و كتمت دينا صرختها
حبيبة بغضب : كسر حقك يا بعيدة .. اتلمي
مرت دقائق .. تم عقد قران فارس و حلا .. و توجه حسين الى حلا و طلب توقيعها
حلا بابتسامة : استر يا رب .. يا رب ما اكونش بمضي على ورقة ضياع مستقبلي
حبيبة بهمس : امضي و خلصينا يا بت
وقعت حلا و زفرت بارتياح شديد ... اقتربت سعاد من حلا و حضنتها .... اطلقت النساء الزغايد و تبادلن الاحضان و التبريكات
حبيبة بسعادة : الف مبروك يا حبيبتي
حلا بخجل : ربنا يبارك فيكي .. اهو بقيت مختشوبة زيك
حبيبة : عقبال ما اشوفك بالكوشة يحبيبة قلبي
حلا : لسا بدري على الحكاية دي
بعد دقائق دلف ايهاب و طلب من غادة التوقيع على عقد قرانها
امسكت القلم و نظرت للورقة بسرحان و بداخلها تردد كبير
دينا : يلا امضي يا غادة
فريدة : ابوس ايدك ما تعمليش زي المرة الي فاتت .. خلصينا
لارا : يلا يا غادة امضي مستنية ايه ؟
خديجة بهدوء : حبيبتي ده زياد ابن عمك الي هتتجوزيه مش حد غريب .. امضي و ما تخافيش
ايهاب : كفاية بقا زن على البنت .. حبيبتي انتي مش قولتي موافقة ؟
غادة بتوتر : ايوة
ايهاب : طيب اهو عقد الجواز .. امضي لو موافقة .. و لو مش عايزة نلغي كل حاجة من الاساس المهم تبقى مبسوطة
غادة بتوتر : لا موافقة يا بابا .. همضي اهو
وقعت و هي ترتجف ... سحبتها خديجة لحضنها و بدأت تبكي بفرحة
خديجة بسعادة : اخيرا جيه اليوم الي افرح بيكي يا قلب امك
سحر : الف مبروك يا خديجة عقبال لارا يا رب
خديجة : ربنا يبارك فيكي يا حبيبتي
اطلقت النساء الزغاريد تعبيرا عن فرحتهم
حلا بخفوت : خلاص كدة بقينا حلال لبعض ؟
فريدة بهمس : ايوة في ايه ؟
حلا : جهزي نفسك يا دينا
دينا باستغراب : ليه ؟
حلا بخبث : عشان تغطي علينا
دينا بضحك : يخربيتك يا سافلة .. ما توقتهاش منك
حلا : يا رب عيني بس على سفالة جوزي الرخم ده
غادة بتوتر : انا عملت الصح مش كدة ؟
كارما : طبعا هو انتي تطولي تتجوزي اخويا ؟!
غادة بعدم تصديق : يعني خلاص بقيت مراتة ؟
فريدة : ايوة .. و دلوقتي هعمل عليكي حماية و اطلع عينك يا بت
غادة بخوف : فريدة ما تقوليش كدة .. انا ما عملتلكيش حاجة
فريدة بشر : من النهاردة هتطلعي تخدميني يا مرات اخويا و تنضفي شقتي و تبقي شغالة عندي و عند عيالي
غادة : انتي بتتكلمي بجد ؟
حبيبة : حرام عليكي يا فريدة البنت بتترعش من الخوف
فريدة بضحك : الهبلة صدقت .. يا بت انتي اختي و هحطك بعنيا .. ده انا ما صدقت تبقي مرات اخويا
غادة بارتياح : خضتيني منك لله
فريدة بحدة : انا هنا الكل بالكل يا غادة يعني لازم تسمعي كلمتي و تمشي بأمري
حلا : جربي بس و دايقيها و ديني لاجيبك من شعرك يا بت
فريدة بضحك : مهيا الي عبيطة و بتصدق بسرعة .. البت هتعيط من الخضة
خديجة : اتكتمو يا بنات ... امشو ساعدوني بالمطبخ عشان نضيفهم
حلا و هي تجلس : و الله يا حماتي انا وغادة عرايس .. خودي البنات دول و قوليلهم يضيفو الكل
غادة بابتسامة : ايوة اليوم ده بتاعنا و لازم نتدلع
سعاد : طب اتلمي انتي و هيا و قومو سلمو على الكبار و اطلبو رضاهم
بعد مغادرة المأذون .. خرجت البنات الى المجلس الكبير
عبد الله بسعادة : الف مبروك يا عيال .. ربنا يديم المحبة بينكم و يهنيكم
تقدمت حلا من عبد الله و سلمت عليه و قبلت يده .. ثم انتقلت الى والدها الذي حضنتها بقوة
حسين : الف مبروك يا حببتي .. تعالي سلمي على جوزك
حلا بتمتمة : يا انهار اسود بيقولي جوزي
اقتربت من فارس الذي كان يبتسم بسعادة و خبث .. صافحته و شعرت كأنها تصافحه لاول مرة
فارس بهمس : دلوقتي بقيتي مراتي يا بنت حسين و هطلع عليكي الجديد و القديم .. ده انا هصبحك بعلقة و امسيكي بعلقة يا مزتي
حلا بتمتمة : طيب ابقى وريني لو عرفت ترفع عينك من الارض .. انت ناسي انا مين يا اهبل ؟
فارس بابتسامة : انتي حبيبتي و مراتي و نصي الحلو في الدنيا دي
حلا بخجل : طب بس يبابا اتلم و كفاية محن
امسكت خديجة يد غادة و قربتها من زياد ببطىء
خديجة : سلمي على خطيبك يا حببتي
صافحته بتردد .. لكنه فاجأها عندما قبلها على رأسها امام الجميع
زياد بسعادة : اخيراااا بقيتي ليا بعد ما طلعتي عيني معاكي
كانت تنظر له بصدمة و ترمش بعينيها
زياد بهمس : بحبك
لم ترد عليه و استمرت بالنظر له
اقتربت منها دينا و قالت : مالك يا بت متخشبة كدة ليه ؟
زياد باستغراب : غادة اني مدايقة من حاجة ؟
لارا : يخربيت الاوفر بتاعك يا بت .. ايه المسلسل الهندي ده ؟
لم تمر ثواني الا و وقعت غادة في حضن زياد مغماً عليها
حبيبة بشهقة : يا انهار اسود
ايهاب بذهول : غادة !
حملها زياد و وضعها على الكنبة و حاول ايقاظها
تميم و هو يتحسس نبضها : واضح انها متوترة اوي .. نبضات قلبها مش منتظمة .. فريدة ناوليني جهاز الضغط و انتي يا دينا هاتي مية و دوبي فيها شوية ملح
بعد دقائق فتحت عيناها و نظرت للجميع حولها
زياد و هو يملس على شعرها : خضتيني عليكي .. ايه الي حصلك
غادة بتعب : مش عارفة .. دماغي بتوجعني اوي
تميم : ده بسبب التوتر .. لازم ترتاحي شوية
دينا : طب تعالو يا بنات نساعدها تروح اوضتها
زياد : انا هوديها
فارس بهمس : لو فكرت تشيلها هشقلطك
زياد : ليه مش قولت لما تبقى مراتي اشيل براحتي ؟
فارس : ده هناك في ايجيبت مش في مصر
زياد : وديني لاقفلك الوقفة دي و ابقى عميل عند اونكل حسين .. فكر بس تزنق حلا و الله لكون مصورك و باعتها على جروب العيلة
دينا بنفاذ صبر : انتو بترغو بتقولو ايييه ؟ البنت تعبانة
زياد بانتباه : ايوة .. امشي يا حببتي
امسكها باحكام و سندها و ذهبا باتجاه اوضتها
عبدالله : خديجة اطلعي اقعدي مع بنتك و خليكي جنبها ... البنت دي حساسة و بتتأثر من اي حاجة
فريدة : ما دي خطوبتها يعني ايه الي يخوف بده ؟!
سحر : غادة دايما متوترة و اعصابها تعبانة .. يمكن حصل كدة من الفرحة تلاقيها اترعبت
حلا بتمتمة : البت محسساني انه هياكلها ايه الدلع ده
حبيبة : بدل ما تتكلمي عليها لازم توقفي جنبها .. دي مش مصدقة انها خلاص بقت مراته
حلا : دي هبلة ... جات فرصتها تتسهوك زيك انتي و فريدة بس هيا ضيعتها
حبيبة بحدة : حلا اخرسي
**************************
مرت عدة ايام بهدوء غير مسبوق ابدا وسط انشغال الجميع بتجهيزات الزفاف ... فالبيت كان يلتف بالاضواء و حبال الزينة من الداخل و الخارج يعلن عن حفل زفاف كبير
خديجة : ما شاء الله العيال بقو هاديين اوي
سحر و هي تعجن العجينة : اه و الله .. ربنا يهديهم على طول
سعاد : فريدة قالتلي ان خالتها و عيالها جايين بكرا الصبح من فرنسا عشان الفرح
خديجة بصدمة : هيقعدو عندنا ؟!
سحر : طبعا يا خديجة ده فرح بنت اختها الوحيدة
خديجة بذهول : و زياد وافق ؟!!!
سحر : و يرفض ليه ان شاء الله ؟!
خديجة بغضب : دي بنتها بسن بناتنا و البيت مليان شباب .. و ازاي هتسمحو لرجالة غرب يدخلو البيت و يشوفو البنات ؟!
سحر : ايه الكلام ده يا خديجة ؟! زمزم ست محترمة و مربية عيالها احسن تربية .. و تعتبر قربيتنا .. و بعدين دي الوحيدة الي بتزور فريدة من اهل امها و ده فرح و طبيعي نستقبل ناس كتير ... ايه لزوم الكلام ده
خديجة بحنق : و الله انتي غلبانة ... انا مش هقبل بالكلام ده و هكلم عمي و اقوله ما يستقبلهمش
سعاد : لا كدة كتير .. عمي مش هيسمع منك .. انتي عايزاه يطرد ضيوفه ؟
خديجة بغضب : اومال يسمحلهم يخربو بيتنا ؟
سعاد : ازاي يعني يخربوه ؟
خديجة : انا مش برتاح لبنتهم .. خايفة تدايق البنات
سحر بضحكة : ااااه انتي خايفة تعمل مشاكل بين غادة و زياد .. يا حببتي دلوقتي مفيش مجال دول بقو متجوزين
خديجة : حتى ولو .. دي ممكن تعمل اي حاجة و تفرقهم
سحر : ما تكبريش الحكاية يا خديجة ... النهاردة هجيلنا ناس كتير و البيت مش هيهدا فمحدش هيركز بالتفاهات دي
خديجة : هنشوف .. و الله لو عملت حاجة كدة و لا كدة لاكون مطلعة زمارة رقبتها
سعاد : طب خلصي ترويق المطبخ بسرعة عشان كمان شوية هيجولنا الستات يساعدونا بالشغل
*****************************
في المساء ... كان البيت قد امتلأ بالنساء و استقر الرجال في حديقة البيت فأغلبهم كانو من الاقارب و اصدقاء تمتم
في اوضة البنات
كانت فريدة تقف و ترتدي جلابية باللون الابيض تنساب على جسدها و تحتوي على التطريز الاحمر يغطي منطقة الصدر و حواف الاكمام و يتخلله بعض الخيوط الذهبية ... و تضع الكثير من الذهب على رقبتها و في يديها
فريدة : حبيبة هاتي الطرحة انا خلصت
تقدمت حبيبة و بيدها غطاء الرأس الابيض و الطويل ... عدلت شعر فريدة المنساب على كتفها ثم وضعت الغطاء على رأسها بمساعدة دينا و ثبتته بدبابيس الشعر
دلفت غادة بسرعة و قالت : فريدة جات الحنانة و مستنياكي تحت
فريدة بابتسامة : انا جاهزة خلاص
حبيبة بشهقة : انا لسا ما لبستش .. وسعي كدة
اتجهت الى اوضتها و تناولت جلابية باللون الاسود و اطرافها مزينة بقطع معدنية فضية اللون تصدر رنين خفيف
ارتدها بسرعة كانت ترسم تفاصيل جسدها الذي يشع بالانوثة ... عدلت شعرها المفرود و اردتدت حذائها ثم عادت عند فريدة
دينا بضحك : ايه ده يحبيبة ؟! البلدي هياكل منك حتة
حبيبة : اتكتمي ... انا حاسة نفسي رقاصة
دينا : ما انتي الي بتموتي على اللبس الملزق ده
حبيبة : اهو الي لقيته بوشي .. يلا يا فريدة طنط سحر بقالها ساعة بتنده عليكي
نزلن سويا بهدوء و رزانة ... كان المجلس مزين بالستائر الحمراء اللامعة و على احدى الجوانب طاولة كبيرة تحتوي على اصناف كثيرة من الحلويات و المشروبات الباردة ... و في الجهة المقابلة تجلس الفرقة الموسيقية من البنات
امسكت فريدة العصا و بدأت ترقص به و تمشي باتجاه الساحة وسط النساء التي تصفق و تغني مع صوت الموسيقى
دينا : انا حاسة نفسي بكباريه .. الصاجات دي عاملة معايا شغل جامد
حلا : هنزل ارقص فريدة .. دي بتدلع و مش عارفة ترقص
حبيبة : لا يا حلا ابوس ايدك هتفضحينا
حلا : ما تقلقيش .. بس عايزاها تفك شوية
اقتربت حلا من فريدة و اخذت العصا و بدأت ترقص بها مثل الرجال و تحرك فريدة معها
فريدة و تحاول كتم الضحكة : انتي بتعملي ايييه ؟!!
حلا بخشونة : برقص عروستي
فريدة : طب هاتي من ايدك
بعد دقائق .. اتجهت البنات لساحة الرقص و بدأن بالرقص مع فريدة و حلا و انضم لهن عدد من صديقات فريدة
سحر : فريدة .. اقعدي عشان ترسملك الحنا
اتجهت فريدة بهدوء الى المكان المخصص لجلوسها و اقتربت منها الحنّانة و تدعى كوثر
فريدة : بصي ارسمي رسمة واحدة بس قدام الناس عشان العادات .. و بكرا الصبح تبقي ترسميلي الباقي .. مش عايزة اضيع وقتي و انا قاعدة
كوثر : ماشي يا حببتي .. هرسملك حاجة سيمبل على ايدك دلوقتي و بكرا هرجعلك
فريدة : اوك و يا ريت تكتبيلي اسم تميم كمان
كوثر بابتسامة : ماشي .. ربنا يخليكم لبعض
بعد دقاىق انتهت من الرسم اقتربت حبيبة منها و صورت يدها
حبيبة : يلا انزلي ارقصي شوية
فريدة بخبث : حبيبة .. ممكن اطلب منك طلب صغنن قد كدة ؟
حبيبة : انتي تؤمري يا حببتي
فريدة : ارقصي شرقي .. عشان خاطري
حبيبة بصدمة : انتي اتجننتي .. عايزاني ارقص قدام الناس زي الهبلة ؟
فريدة : ارقصي بس شوية عشان خاطري انا من زمان بتمنى ترقصي شرقي بفرحي
حبيبة بتوتر : ما اقدرش يا فريدة بتكسف اوي
فريدة بصوت عالي : دينا .. غادة .. تعالو
دينا : في ايه ؟
فريدة : شغلو بص على الحلاوة عشان حبيبة هترقص شرقي
دينا بشهقة : ده بجد
حبيبة : لا مستحيل
غادة : اتلمي يا بت و يلا نرقص احنا هنساعدك
فريدة : تساعدوها بايه دي بترقص احسن من صوفينار بس بتتكسف
مرت ثواني حتى دفعت دينا حبيبة لساحة الرقص و بدأن حبيبة و غادة و دينا بالرقص الشرقي .. كانت حبيبة في البداية متوترة جدا و لكنها انسجمت مع البنات و بدأت ترقص و تتمايل و تهز جسدها بمهارة كبيرة مما اثار دهشة الجميع و اولهم سحر
كارما بذهول : شايفة حبيبة .. دي الي بتقولي عليها مسهوكة و ما بتعرفش تعمل حاجة
لارا بغيظ : مهي بتتسهوك قدامك اهو ... يعني عندي حق
كارما : يا ابن المحظوظة يا اوس .. الرجالة بتموت ع النوع ده .. يا بت الدلع و الرقة هم الي بيخلو الشباب يموتو عليها
لارا : دي سفالة و قلة ادب
كارما بضحك : ما انتي عملتي كدة لما كنتي بتجري ورا اوس و لا نسيتي ؟؟ ده انتي ما سبتيش طريقة تعتب عليكي
لارا : كنت غبية و بفكر بحاجات مش مناسبة ليا .. بس برضو مش بطيق البنت دي هتشل منها يا ربي
كارما : و الله حبيبة طيبة و ناعمة .. صحيح من بعيد بتفتكريها مغرورة و مش طايقة حد بس لو تقربي منها هتحسي انها بنت كويسة بجد
لارا : اممم .. ما انتي بعتيني عشان خاطرها و جاية بكل بجاحة تدافعي عنها
كارما : عشان بقت صاحبتي و فاهماني بجد .. لارا لإمتى يعني هتفضلي تغيري منها كدة ؟ حرام عليكي دي قريبتنا و مرات ابن عمك
لارا : بس برضو بكمي و تشل .. انا هروح ارقص تعالي معايا
كارما : لا مش عايزة
*****************************
عند الرجال
بدأت مراسم الحناء ... كان تميم يجلس بين اصحابه يرتدي جلابية تقليدية و و يرفع اكمامها ليكشف عن ساعديه
بدأ الشباب بوضع الحناء على يديه و قدماه ... و لكن فارس دهن وجه تميم بها
تميم : يخربيتك ايه الي بتعمله ده
فارس بضحك : في ايه حبيت اكون كرييتف شويه
تميم بحدة : دي دخلت في بوقي يا زفت ...وديني لاخليك تستحمى بيها يوم فرحك
فارس : مش لما يجي يوم فرحي الاول .. انا حاسس جدو ناويلي على نية
غرف مصطفى من وعاء عجينة الحناء و اتجه ليزن و قال : ما تيجي احطلك شوية حنا عشان تحصله في جمعته
يزن : اتلم يالا و روح العب بعيد
مصطفى بغيظ : ماشي
و وضع يده المليئة بالحناء على صدر يزن
يزن بغضب : انت اتجننت يالا .. بوظت هدومي
مصطفى بخبث : و مالو ده فرح يا حضرة الضابط تخلى عن البرستيج بتاعك شوية
يزن و هو يجز على اسنانه : فعلا هتخلى عنه
امسك رأس مصطفى و غطه في وعاء الحناء
مصطفى بصراخ : يخربيتك هو انت كمان هتعمل زي الارها.بيين دول
احضر اصحاب تميم اوعية الماء و قامو بسكبها على رأس تميم ... ركض مصطفى تجاه صنبور المياه و بدأ يغسل رأسه
رفع اوس و يزن و زياد بنادقهم و بدأو بضرب النار في السماء و كذلك باقي الشباب من اصحاب تميم فأصبح الصوت عال جدا
امتطى تميم الحصان و تناول بندقية و بدأ بضرب النار هو ايضا ... و انشغل فارس و مجموعة من الشباب بتقديم الضيافة للحضور
كان عبد الله يقف بالقرب منهم و يشاهد الاحتفال و على وجهه ابتسامة تدل على سعادته
عبد الله : يا رب تمد بعمري لغاية ما افرح بكل احفادي عشان اموت و انا مطمن عليهم
عدنان : ربنا يديك الصحة يابا و تشيل عيالهم و احفادهم .. حضرتك كبيرنا و من غيرك ملناش سند
******************
بعد عدة ساعات ... انتهى الحفل و بدأت النساء بترتيب البيت بعد مغادرة الضيوف .. و قامت البنات بتبديل ملابسهن للمساعدة في اعمال البيت
فريدة بارتخاء : ياااه انا اتسحلت النهاردة
دينا : بس كنتي حلوة اوي و ناعمة ... كويس انك ما افورتيش بالرقص
فريدة : حبيبة انتي ازاي بتقدري تفضلي بالهيلز طول اليوم ؟ انا لبسته كام ساعة بس و اتهديت
حبيبة : انا اتعودت عليه من زمان حتى اني مش بعرف امشي غير بيه
حلا : دي حتى في البيت بتلبس شبشب بكعب عالي
غادة : ليدي اوي
فريدة بتعب : انا هطلع امسح الميكاب و انام .. لسا عندنا حفلة البنات بكرا و هتهد بيها
حبيبة بابتسامة : حفلة بكرا هتكون اهدى من دي .. هنكون كلنا بنات و هنتبسط اوي
حلا : طب ما تيجو نعملها مع الشباب اهو نتسلى شوية
دينا : اتلمي يا سافلة انتي عايزة جدك يضربنا بالنار ؟!
صعدت فريدة للاعلى .... دلف الشباب و جلس كل واحد بجانب خطيبته و تميم اتجه لاوضته
اوس بهمس : سمعت انك ولعتي السهرة يا عروسة
حبيبة بخجل : انت عرفت منين ؟
اوس بضحك : من قرايبنا .. كل شوية تجيلي ست و تقولي ربنا يهنيك بخطيبتك
حبيبة : انا معملتش حاجة بس رقصت شوية
اوس بغمزة : بس طلعتي محترفة يا بت حسب ما سمعت .. هشوف الكلام ده بنفسي بعد فرحنا
حبيبة بخجل : بس يا حبيبي عيب كدة
خرج عدنان و سحر لاستقبال خالة فريدة و اسرتها الذين وصلو قبل موعدهم
رحبت سحر بالسيدة زمزم و ابنتها و كذلك عدنان الذي استقبل زوجها مجدي و ابناءه الاثنان
حبيبة باستغراب : مين دول ؟!
توتر زياد و عدل جلسته و يحاول الا ينظر لعيون غادة التي تشع شرار
كارما بابتسامة : دي خالتي و جوزها و عيالها
دينا : الراجل الاصلع ده جوز خالتك ؟
كارما : ايوة .. و الاتنين التوأم دول اولاده نادر و ناصر
حبيبة : و البنت ؟!
غادة بقهر : دي انيسة الخبيثة
دينا : هيا يا غادة ؟!.............. يتبع
مغامرات عائلية
همس كاتبة
رواية مغامرات عائلية الفصل السابع والثلاثون 37 - بقلم همس كاتبة ✨
بارت 36
( بارت طويل )
غادة بقهر : دي انيسة الخبيثة
دينا : هيا يا غادة ؟!
غادة بحقد : اه
دينا بغضب : و ازاي تيجي البيت بكل بجاحة بعد الي عملته
زياد بتوتر : احم احم .. هقوم اسلم عليهم
دينا بحدة : اترزع هنا يالا .. و ديني لو عملت حركة كدة و لا كدة لانفخك قدام الكل
زياد باحراج : عيب يا دينا دي مش الاصول
حلا : ما شاء الله فاهم بالاصول اوي يا زبالة الاجانب
زياد : انتو هتبتدو تهزقوني من دلوقتي ؟!
قامت كارما متحمسة لاستقبال خالتها ... و اتجهت لها و حضنتها بقوة ثم حضنت ابنة خالتها
توجه الضيوف الى المجلس و سحر ترحب بهم .. وقف جميع الشباب لاستقبالهم عدا دينا و غادة .. تجولت عيون ناصر في المكان و كانت نظراته مركزة على البنات بشكل خاص .. كان توأم مطابق لأخيه نادر فلا احد يستطيع تميزهم الا عندما يدقق النظر الى الوشم الصغير في رقبة ناصر
اوس بهمس : اطلعي فوق يحبيبتي
حبيبة باستغراب : ليه
اوس و هو يجز على اسنانه : بعدين هقولك .. اطلعي انتي و دلوقتي البنات هتحصلك
حبيبة : اوك
غادرت المكان بهدوء و ذهبت باتجاه اوضتها
زمزم بابتسامة : ازيك يا زياد
زياد : الحمدلله
زمزم : ايه مش هتترمي بحضن خالتك يا واد ؟
زياد ببرود : كبرنا على الحركات دي يا خالتي
مد يده لغادة التي استجابت له و امسكتها
زياد : اه صحيح يمكن حضرتك مش عارفة ان انا و غادة كتبنا الكتاب
زمزم بغيظ :فريدة قالتلي .. الف مبروك
اتجهت انيسة الى غادة و حضنتها باندفاع
انيسة : الف مبروك يا حببتي .. اتمنى ننسى الي فات و نبقى صحاب .. احنا خلاص بقينا قرايب مش معقول يعني نقطع بعض كدة .. اصفيلي يا غادة لو سمحتي
غادة بحقد : اممم انا مفيش اصفى من قلبي يا انيسة
انسية و هي تمد يدها لزياد : ازيك يا زياد
زياد بتوتر : الحمدلله .. اسف ما بسلمش
انيسة باحراج : اه اوك انا اسفة
صافح مجدي اوس بحرارة و قال : ازيك يا استاذ اوس
اوس : اهلا مجدي بيه .. ازاي حضرتك
مجدي : بخير الحمدلله
عدنان : بس بلاش القاب يا جماعة احنا اهل
جلس مجدي و قال بغرور : ازاي شغلك يا اوس؟ سمعت انك هتفتح فرع لشركتك هنا
اوس : امم .. الشغل ماشي كويس و ان شاء الله هنقل فرع الادارة و استقر هنا
مجدي : ليه بس ؟ الشغل بانجلترا مريح و الناس هناك عندها خبرة و تطور اكتر من هنا
عدنان : اصله هيتجوز هنا يا مجدي
مجدي : اه بنت عمه مش كدة ؟
عدنان : تقريبا .. بنت حسين ابن عمي
مجدي باستخفاف واضح : ما توقعتش يعني اوس الي قضى عمره ببلاد برا و بقا رجل اعمال قد الدنيا يرجع يتجوز من العيلة
عدنان : الحب يا مجدي اقوى من كل حاجة
اوس و هو يجز على اسنانه : مجدي بيه اتفضل اشرب القهوة قبل ما تبرد
كتم فارس ضحكته و قال : انت مش ناوي تتجوز يا نادر ؟ دن انت بقالك سنتين خاطب
نادر برزانة : لسا بدري .. بالمناسبة الف مبروك سمعت انك خطبت
فارس : ربنا يبارك فيك يا اسطا .. اوعدك هتجوز قبلك
نادر : ليه هو سباق ؟! الجواز مش بالسهولة دي يا فارس
فارس بخبث : ليه عندك مشكلة و انا مش عارف ؟
نادر بحدة : فارس
فارس : اهو سكت خلاص
ناصر و هو يتكىء بارتخاء : ايه اخبار شغلك يا زياد .. لسا بتشتغل عند اوس ؟
اوس بحدة : بيشتغل معايا مش عندي يا ناصر
ناصر : ما تفرقش طالما بياخد اوامره منك
زياد بغرور : و ده شرف بالنسبالي .. اوس اخويا و صاحبي و انا الكسبان لما اشتغل معاه
ناصر : بس جاتلك فرصة من اربع سنين تدير شركة لوحدك و انت رفضت
زياد بحدة : اشتغل مع عيلتي اولى
ناصر و هو ينظر لغادة : امم .. ازيك يا غادة
نظرت له بذهول و لم ترد
زياد بخفوت : اطلعي لاوضتك
غادة بحدة : مش هطلع و اسيبك مع الجربوعة دي
زياد بغيرة : غادة لو سمحتي ما تخلينيش افقد اعصابي .. اطلعي و انتي ساكته
غادة بعناد : مش طالعة غير لما تيجي معايا
زياد بنفخ : طب امشي خلصيني
زمزم : على فين يا زياد انا لسا ما شبعتش منك
زياد بملل : معلش يا خالتي انا تعبت اوي النهاردة و هطلع انام
سحر : عيب يا زياد .. دول لسا واصلين
زياد بابتسامة صفرا : معلش هما مش غرب .. عن اذنكم
حلا بهمس : شكلها ليلة سودا
دينا : و ديني ما هسكت لحد لو فكرو يدايقونا
زمزم : مين البنات دول يا سحر ؟
سحر بابتسامة : دي حلا خطيبة فارس و تبقى بنت حسين برضو .. و الي جنبها دي دينا بنت خولة
زمزم : اه دينا سمعت عنها قبل كدة .. مش دي صاحبة زياد ؟
انيسة : ايوة .. كنت على طول بشوفك معاه
دينا : اممم اصل احنا اخوات اوي يعني
ناصر و هو ينظر لدينا : بس اتغيرتي اوي عن زمان .. كبرتي و بقيتي احلى بكتير
دينا برفعة حاجب : و انت ليه بتحشر نفسك بكلام الستات ؟ رامي ودنك معانا ليه ؟
فارس بضحك : رد عليها يا عم
ناصر : محنا كلنا قاعدين مع بعض و بنتكلم عادي
حلا بهمس : انا مش مرتاحة للراجل ده
دينا : باين من شكله .. في حد بيرسم تاتو على رقبته كدة ؟! الاسلام بريء منه
حلا : انتي مش شايفة ازاي بيبص و بفصفص البنات من فوق لتحت
دينا : امشي نطلع انا مش مرتاحة
نادر بجدية : اوس انت ليه رفضت تصاميم الشركة الالمانية ؟
اوس ببرود : ما عجبونيش
نادر : بس الشركة دي ليها تاريخ عريق و عندهم مصممين كبار و اصحاب خبرة
اوس : مش مهم طالما مش عارفين يطلعو بحاجة جديدة .. كل تصاميمهم الي قدموها كانت كلاسيكية و مفيهاش ابداع و عملناها السنة الي فاتت .. الناس زهقت منها
نادر : بس هما كلموني و طلبو مني احاول اقنعك يعني لو تديهم فرصة يعملو شوية تعديلات
اوس : مفيش وقت كوليكشن الشتا هينزل بعد كام يوم مش فاضيين ليهم
نادر : اممم .. قولتلهم كدة بس هما فضلو يزنو عليا
فارس بضحك : يعني سبتو كل الدنيا و جايين تتكلمو على الجزم و احنا قاعدين ؟
نادر : الجزم دي اغلى منك انت شخصيا .. الناس بتدفع فيها دم قلبها
مصطفى : ثانية وحدة ! .. احنا عمالين نقول مدير مدير و بالاخر تطلع بتاع جزم يا اوس ؟
اوس : ايوة عشان لما تطول لسانك احدفهم بوشك
فارس : دي الجزمة الواحدة تيجي قد ثروتك كلها يا مصطفى
دلف عبد الله و رحب بالضيوف ثم توجه الجميع الى طاولة العشاء عدا اوس الذي ذهب للاعلى
************************
في اوضة البنات
حلا بغضب : و ليه سمعتي كلامه ها ؟ معندكيش شخصية مثلا ؟ انتي مش حاجة تكسف عشان اول ما يشوف ضيوف يطردك
حبيبة : حلا اخرسي .. و انا ايه الي يقعدني مكان فيه رجالة ما اعرفهمش .. راجل و بيغير على مراته انتي ايه الي حشرك ؟!
حلا : انتي بجد غلبانة .. دي بيستعر منك يا عبيطة .. و حتى لما جم يتكلمو عليكي اوس قفل الموضوع بسرعة
دينا بنفاذ صبر : سيبو الهيصة الي احنا فيها دي و ركزو مع تصرفات اوس بقا .. ما تتلمي يا حلا الراجل بيغير على مراته و انتي شوفتي الزفت الي تحت كان بيبصلنا ازاي .. ده عاكسني السافل
حبيبة : يعني اوس كان عنده حق
حلا : خليكي كدة زي العبيطة و هو بيمسح بكرامتك الارض عشان يخلاله الجو مع الصفرا الي تحت
حبيبة بحدة : حلا اخرسي اوس مستحيل يبص لوحدة غيري
دينا : و هي تيجي ايه البت الزبالة دي جنب حبيبة و جمالها .. ده كل بنات العيلة احلى منها بنت الكلب
حلا : طب تفتكرو هتعرف تعمل مشكلة بين غادة و زياد ؟!
دينا باندفاع : هيا تجرب و انا اوريها ... احنا لازم نتحد يا بنات و نجيب البت غادة و نهديها شوية .. دي كلت زياد بعنيها
حلا : انا مقهرنيش غير لما البت دي حضنت غادة و حاولت تبان الملاك ابو جناحات .. دي وحدة مش سهلة و لازم نطفشها
حبيبة : يا بنات اهدو شوية .. كدة هتزعلو فريدة و كارما دي مهما كانت بنت خالتهم
دلفت لارا باندفاع و قالت : انتو هتسكتو للولية الي تحت دي ؟!
دينا باستغراب : و انتي مالك محموقة كدة ليه ؟
لارا بغيظ : انا مش بطيق البنت دي و لو جربت تزعل غادة هقطعها
حلا : جدعة يا بت .. احنا كلنا معاكي و هنعمل مجزرة لو فكرت بس تبخ سمها
لارا : انا هنزل و اخلي عيني عليها و لو عملت حاجة هبقى اجيلكم
دينا : شاطرة .. انا لازم اروح احضر لحفلة بكرا .. فريدة هتبقى مشغولة معاهم و البيت هيبوظ
حبيبة : انا هاجي اساعدك .. الدريسات وصلت النهاردة الصبح بس لسا ما شوفتهاش كويس
دينا : معلش امشي احنا نجهز الاوضة
حلا : ما نعملها على البلكونة احسن .. الجو حلو بكرا
حبيبة : مينفعش يا حلا البيت فيه رجالة و فريدة هتقلع الطرحة
حلا : هففف هنتخنق بالاوضة ... دي حفلة توديع عزوبية يعني لازم تكون روشة و اجواء كباريهات
حبيبة : لا دي قلة ادب رسمي .. اتلمي يا حلا
في اوضة غادة
زياد : ايه الجنان ده يا غادة ؟ منا ما عبرتهاش اهو .. ليه عاملة الحوار ده ؟
غادة بضيق : انت ازاي تسمح لفريدة تعزمهم بعد الي عملته بنتهم ؟ معملتوش اي اعتبار لمشاعري ؟ البنت دي عملت معايا حاجة مستحيل تتنسي و حتى لو اعتذرت مش هسامحها
زياد بهدوء : غادة حببتي اسمعيني شوية .. فريدة يتيمة و ده فرحها .. كل الي حضرو كانو من اهل ابوها الي هما اهل العريس برضو ...و هيا عايزة حد من قرايب امها يحضر عشان تحس بقيمتها .. خالتي الوحيدة الي فضلت من ريحة امي يا غادة .. و انا ما نسيتش الي عملوه و لا هسامح بس عشان خاطر اختي بستحمل .. لو سمحتي يحببتي ما تعمليش مشكلة من ولا حاجة .. و الله العظيم لو حد دايقك ما هسكت و هطردهم بنفسي
غادة بهدوء : طالما كدة ماشي .. بس ما تزعلش من الي هعمله لو دايقتني
زياد بابتسامة : مش هزعل .. انتي يحقلك تعملي كل حاجة
ابتسمت بخجل و حضنته بقوة
زياد باستمتاع : ياااااه قد ايه كنت مستني الحضن ده يا غادة ... حتى بعد ما كتبنا الكتاب معرفتش ازنقك زي كل الشباب
غادة بضحكة : عشان خايب
توجهت حبيبة للبلكونة الخلفية وجدت اوس يقف و يتحدث بالهاتف
حضنته من الخلف فابتسم و اغلق الخط ثم استدار لها
اوس : ده انتي بقيتي شقية يا بت
حبيبة : ما تقولش بت
اوس : ماشي يا حبيبة قلبي
حبيبة بعبوس : ليه مشيتني لما كنا قاعدين تحت ؟
اوس بحدة : المكان كان في رجالة .. انا مستغرب اصلا ازاي بابا سمحلهم يقعدو مع الستات
حبيبة بدلع : يعني بتغير عليا ؟
اوس بهيام : اكيد طبعا مش حببتي و مراتي
حبيبة بخجل : طب كلمت زياد و فهمته ما يقعدش معاهم ؟
اوس : مع الرجالة ؟!
حبيبة : لا .. قصدي بنت خالته
اوس : هو فاهم لوحده .. غادة علمت عليه و مش هيكررها تاني
حبيبة : طلعت قوية بنت الايه .. انا مش مرتاحة للبت انيسة الخبيثة دي
اوس بضحك : و كمان عاملالها اسم ... هيا فعلا بنت لعبية و مش سهلة
حبيبة بشك : و انت تعرف عنها الحاجات دي منين ؟
اوس : ابوس ايدك ما تعمليش حوار .. انا ما اعرفهاش غير من كلام زياد عليها .. ما تركزيش معاها ..دي عملت ليكم رعب من ساعة ما وصلت
حبيبة بغيظ : هه .. دي واحدة تافهة اصلا و مش فارقة عندنا .. بس احنا خايفين على غادة عشان اتدايقت منها
************************
في الطابق السفلي
لارا بخفوت : دول اولاد خالتك ؟
كارما : ايوة ناصر و نادر
لارا : ما اهم حلوين ليه ما علقتي واحد منهم
كارما : انتي هبلة يا بت ؟ دول زي اخواتي و نادر خاطب و هيتجوز قريب .. و ناصر ده صايع و قليل الادب
لارا باعجاب : بس حلو .. زي الجانب .. عامل تاتو و حطط بيرسينغ بودنه .. و السلسة للي لابسها تحفة
كارما : و ده حلو بالنسبالك ؟ شكله يقرف الكلب .. بصي على صباعه الصغير
لارا باستغراب : ماله ؟
كارما بقرف : مربي الضفر بتاعه
لارا : و مالو عادي .. كل الشباب بيعملو كدة
كارما : كل الشباب ؟ محدش بيعمل كدة غير الصيع يا لارا ... بس اقول ايه منتي بتريلي على اي راجل و خلاص
لارا بغيظ : اخرسي يا كارما
اتت انسية و جلست وسطهن
انيسة : بتتكلمو بايه ؟
لارا : انتي انيسة الخبيثة بقا
انسية بضحك : يخربيت لسانك الطويل ده انتي مش هتتغيري يا بت
لارا : بت لما تبتك
كارما : بس بقا يا لارا
انسية : فين البنات ؟ ليه مش سهرانين معانا ؟
لارا : نايمين .. اصل مفيش ضيوف بيطبو علينا بالوقت ده
كارما : لارا اتلمي .. انيسة انتو مش ضيوف البيت بيتكم
انيسة : اممم .. ايه اخبار زياد و غادة ؟ لسا بيتخانقو على طول ؟
لارا : لا يحببتي زياد بيموت في غادة و شايلها على كفوف الراحة
انيسة : امم .. طيب و البت الي شوفتها مع اوس دي مراته مش كدة ؟
كارما : ايوة فرحهم الاسبوع الجاي
انيسة : البنت حلوة .. ذوق اوس دايما حلو مش زي بعض ناس
لارا بغيظ : احنا كلنا عيلة زوقها حلو كدة .. و مهما لفو و دورو مش هيلاقو احسن من بنات البيت ده
انيسة : هه و انتي مطلعلكيش نصيب و لا ايه ؟ اصل محدش اختارك يعني
لارا : طبيعي عشان لسا صغيرة يا حببتي .. الا انتي بقا عندك كام سنة ؟! ليه ما تتجوزي ؟
انيسة : مش عايزة اتجوز دلوقتي .. انا لسا صغيرة برضو .. هطلع اسلم على فريدة و انام .. اصل تعبت بالطريق
لارا بتمتمة : غوري يكش تولعي و نرتاح منك
*****************************
في اليوم التالي
فريدة بحماس : الفستان كدة مضبوط يا انيسة ؟!
انسية : اممم .. بس ليه ما لبستي بينك زي الكل
فريدة : و ازاي هيبان اني عروسة يا انيسة
انيسة : منتي هتلبسي الطرحة التل و هيبان عليكي
فريدة : مش ملفت اوي يعني
انيسة : عادي دي حفلة بنات مش فرح يا فريدة
فريدة : حيرتني يا بت انتي .. يعني البس بينك زيكم ؟
دلفت حبيبة و قالت بانبهار : الفستان حلو اوي يا فريدة
فريدة : انيسة بتقولي البس واحد بينك
حبيبة بضيق : ايه الهبل ده .. انتي العروسة لازم تكوني مختلفة
انيسة : بس البينك احلى من الابيض
حبيبة : مفيش احلى من الابيض للعروسة .. لما تتجوزي انتي تبقى تلبسي بينك .. اوعي تغيري يا فريدة البنات على وصول
فريدة بضيق : حاسة اني اتلخبطت .. قولولي بجد الفستان حلو ؟
حبيبة : حلو اوي يا فريدة ما ترديش على حد و تتسرعي .. البنات وصلو امشي نروح نستقبلهم
في اوضة البنات التي جهزتها دينا للحفل
غادة : انا صورت كل حاجة .. يلا يا فريدة
امسكت فريدة مقص و التمت البنات حولها .. كان المكان مزين بالاضواء و الستائر الوردية و في المنتصف طاولة كبيرة تحتوي على قالب جاتوه كبير باللون الوردي و حوله الكثير من اصناف الحلويات و المسليات
قطعت فريدة الحبل الذي يفصلها عن الطاولة .. و كانت كل فتاة تمسك بشمعة و تغني مع صوت الاغاني
اقتربت من الطاولة و تناولت سكينا كبيرا و قطعت الجاتوه
حلا : انا هاخد اول واحدة
فريدة بضحك : يا بت ارحمي معدتك شوية
حبيبة : حلا انتي وزعي الحلو .. امشي يا فريدة نرقص
فريدة بحماس : يلا يا بنات
بدأت البنات بالرقص وسط ابتهاج الجميع و حلا استلمت توزيع الحلويات على الحضور
بعد وقت
غادة : يلا يا بنات فضو الساحة عشان دلوقتي فقرة اللعب
انيسة : لعب ايه هو احنا عيال ؟ ايه الهبل ده
فريدة : اقعدي انتي بس و هتفهمي
وزعت غادة مجموعة من الظروف على البنات
غادة : دلوقتي كل وحدة معاها ظرف فيه بطاقة و فيها سؤال عن فريدة .. الناس القربية منها بجد هما الي هيعرفو يجاوبو عليه .. و الي هتجاوب صح ليها هدية
فريدة بحماس : ابتدي انتي يا سارة
سارة : السؤال هو ايه اكتر اكلة بتحبها فريدة .. الملوخية
فريدة بسعادة : صح يا احلى بيست فريند بالدنيا .. هاتي بوسة
قبلتها على خدها و اعطتها كيس
غادة : انا سؤالي بيقول ايه اكتر لون بتحبه فريدة .. الاخضر
فريدة : صح يا قمر
اتجهت لها و قبلتها ثم اعطتها هدية
حبيبة : سؤالي بيقول ايه اكتر حاجة بتزعل فريدة ... اكيد الاهمال و قلة المسؤولية
فريدة بضحك : انتي مش لازم تتسألي اصلا منتي بتعرفي عني كل حاجة .. هاتي بوسة
حبيبة : لا انا الي هبوسك
قبلتها على خدها و حضنتها بقوة
حلا وهي تأكل : ايه اكتر حاجة بتكرها فريدة
فريدة بضحك : رخامتك
حلا : لا يا شاطرة انتي بتكرهي الفوضى
فريدة : ايه ده طلعتي بتعرفي عني حاجات اهو
حلا : انتي مفضوحة اصلا من غير ما اعرفك
انيسة : السؤال بيقول ايه نوع الموسيقى الي بتحبه فريدة
حلا بخبث : ها قولي
انيسة : الاوبرا
فريدة بصدمة : اوه ماي جاد .. انا من امته بسمع اوبرا يا انيسة ؟ انتي شايفاني عجوزة ؟
فرح صديقة فريدة : فريدة بتحب الراب مش الاوبرا
انيسة : ايوة قصدي على الغنى السريع ده الي ما يتفهمش منه حاجة
حبيبة بضحك : ايه الي جاب ده لده يا انيسة ؟!
حلا : فعلا ده حاجة و ده حاجة تانية ... هو لسا في حد بيسمع اوبرا ؟
كارما : ده للناس الكبار اصلا
دينا : انا مش بغني اوبرا الا لما صباعي الصغير يخبط بطرف الطربيزة
انيسة : فريدة انا عارفة بتحبي ايه بس ما اعرفش اسم الحاجة بالزبط .. يعني استاهل هدية
فريدة بضحك : طب امسكي هديتك اهي
دينا بخفوت : اللعبة دي فيها احراج يا بنات .. افرضي يا فريدة حد معرفش الاجابة و اتكسف وسطنا .. انا بقول عيب
فريدة : لا مش عيب .. دول صحابي و لازم يبقو عارفيني كويس
***********************
في الحديقة الخلفية التي اقيمت فيها حفلة الشباب و حضرها اصدقاء تميم
فارس : على فكرة في الحفلات دي لازم نجيب نسوان
نادر : انت مش هتبطل سفالة ؟ احترم مشاعر خطيبتك على الاقل
فارس : في ايييه ؟ هو انت قفشتني مع واحدة ... انا بقترح مش اكتر
زياد : فارس اتلم ... انا اول مرة اسمع ان عندنا بيعملو حفلات للشباب طول عمرها للبنات بس
فارس : ليه هما البنات على راسهم ريشة يعني ؟
زياد : طب ايه المفروض يتعمل بالحفلة دي غير الاكل و الرغي ؟
فارس : عادة الحفلات دي في امريكا الناس بتجيب رقاصة و كام مزة كدة يطرو الجو .. ده غير بقى الوي..سكي و النب..يذ و الخمو..ر بكافة انواعها
اوس بحدة : و انت عرفت الكلام ده منين يالا ؟
فارس : اكيد يعني ما روحتش للاماكن النجسة دي ... بس عرفت من صحابي الاجانب
ناصر : على فكرة عنده حق حفلات الاجانب كلها كدة .. و بيكون في ليلة خاصة للعريس عشان يذاكر الي هيعمله ليلة الدخلة
زياد بغضب : دي سفالة و قلة ادب .. ده زنا
فارس : على اساس هما مسلمين يعني ؟! ما دي ثقافتهم
زياد : و انتو جايين تطبقو التخلف ده عندنا في الصعيد مش كدة ؟ انتو عايزين جدو يضربنا بالنار ؟! ده تقليد اعمى
فارس : على فكرة ده كان مجرد وجهة نظر مش اكتر
اوس : فارس اتلم و بطل سخافة .. لا دينهم دينا و لا عادتهم عادتنا .. اتلهو بالجو ده
فارس : يا جماعة بهزر اقسم بالله ما تعملوهاش درس دين دلوقتي
اتى تميم و قال باستغراب : انتو قاعدين كدة ليه ما تيجو
اوس بحدة : نيجي فين ما تزبط كدة انت الاخر
تميم بضحك : انت فهمت ايه يا متخلف .. قصدي تعالو حضرو اللحمة عشان نشويها .. يزن اتفحت بالشغل مع الشباب
اوس : طب غيرو المهرجانات الزبالة دي و حطو موسيقى هادية
زياد : ده فرح يا اوس مش عزا ... انا هروح احضر الشيش طاووق و انت يا فارس اعمل الكفتة
فارس : ده انا هاكلها نية من الجوع .. امشو يا شباب
عند البنات
فريدة : ريحة اللحمة تفتح النفس يا بنات
حبيبة : دول الشباب عاملين باربكيو و بيحتفلو تحت
حلا بجوع : قولتلكم هتبقى سهرتهم احلى ما سمعوش مني .. انا هنزل اطب عليهم
دينا بحدة : تنزلي فين انتي اتهطلتي يا بت ؟! في رجالة تحت و باباكي هيطين عيشتك
حلا : اومال افضل اتحسر كدة ؟؟ ريحة اللحمة خرمت مناخيري هموووت و اكل
حبيبة : كلمي فارس يجيبلك طبق
حلا : طبققق ؟!!! انا عايزة طربيزة عاملة و هنسفها بدقيقتين
دينا : ما ترحمي معدك شوية يا طفسة .. ده انتي من شوية سفحتي قالب جاتوه كامل لوحدك
حلا : اعمل ايه ؟! الحلو بيجوع
دينا : يا سلااام ؟!
غادة : يا بنات انا هكلم فارس و زياد و اقولهم يعملو حسابنا ... الريحة فعلا ما تتقاومش
حبيبة : ما احنا طلبنا بيتزا يا بنات و اونكل عدنان هيستلمها خلاص
حلا : و مالو ناكل الاتنين
انيسة : مش معقول في حد بياكل الكميات دي و ما بيتخنش ؟!
حلا : اه عادي
غادة بغيظ : صلي ع النبي لتتحسدي يا حلا .. العين فلقت الحجر
حلا باستغراب : كارما .. فين لارا ؟!
كارما : معرفش .. كانت هنا من شوية و خرجت تتكلم بالموبايل
غادة : ليه بتسألي يا حلا ؟
حلا : مش عارفة قلبي واكلني عليها .. تكونش بنتي و انا مش عارفة
غادة : ده انتي بقيتي طيبة خالص يا بت
حلا : طب هروح اشوفها و اطمن
اتجهت حلا للبحث عن لارا
**********************
في اوضة لارا
ناصر : كنت متأكد انك هتكلميني .. حلوة صورتك الي على الانستقرام دي
لارا بتوتر : انت ليه جيت الاوضة بتاعتي ؟ دلوقتي حد يشوفنا و يعملنا فضيحة
ناصر : فضيحة ايه ؟ محدش فاضي يا لولو .. كلهم ملهين بالحفلة
لارا : مهما كان عيب نتقابل باوضتي .. انت عايز مني ايه ؟
ناصر : انتي الي عايزة مش انا .. انتي الي عملتي فولو الاول
لارا : و الله ؟ و اي وحدة تعملك فولو تبقى عايزاك ؟
ناصر بتلاعب : ما قولتش عايزاني .. بس واضح انك عايزاني فعلا
لارا بتوتر : لا .. انا بس عملت فولو عشان قريبنا يعني
ناصر بخبث : امممم .. هعتبر ده تقل بنات .. تصدقي عمري ما شوفت بنت بالحلاوة دي
لارا بصدمة : بجد ؟!
ناصر : طبعا .. شعرك الاشقر ده فرنساوي و عنيكي بحر واسع ... و شفايفك ..
لارا بمقاطعة : انهي احلى انا و لا مرات اوس ؟
ناصر بخبث : انتي طبعا
ابتسمت بغرور و قالت : بجد ؟
ناصر : اكيد
اقترب منها و وضع يده على شعرها ببطىء
ناصر : عمري ما شوفت بنت فيها كل مواصفات ملكة الجمال عن حق و حقيقي كدة
لارا بتوتر : لو سمحت ابعد .. لو حد شافنا بالوضع ده ممكن يفهم غلط
ناصر : بالعكس .. هيفهمو اني معجب بيكي
لارا بذهول : بجد ؟
ناصر : طبعا يا حبيبتي
لارا بصدمة : حبيبتك ؟
ناصر : اممم .... انا وقعت بحبك من اول ما شوفتك
وضع يده على خصرها و سحبها نحوه .. حاولت دفعه و قالت بفزع : انت بتعمل ايييه ؟!
ناصر بفحيح : بدلع حبيبتي
لارا و هي تدفعه بقوة : ابعد كدة .. حرام الي بتعمله ده
ناصر : الحرام ان الحلاوة دي تروح من ايديا
فتحت حلا الباب بعنف و قالت بصدمة : ايه الي بيحصل هنا ؟؟!
افلت ناصر لارا و دفع حلا بسرعة و خرج
حلا بصعقة : ايه الي بيحصل هنا ؟؟ هيا حصلت يا لارا ؟! بتجيبي راجل غريب لاوضتك ؟
لارا ببكاء : اقسم بالله هو الي جيه عندي و بدأ يتحرش بيا
بدأت تتنفس بسرعة و تبكي ... اتت حبيبة بسرعة و قالت : حلا في ايه ؟!
حلا بغضب : خليكي معاها لغاية ما اخلص على السافل الي هرب و ارجع اربيها
اتجهت حلا للاسفل بسرعة ... بينما حبيبة لاحظت بكاء و رعشة لارا ... اتجهت لها بسرعة و حضنتها
حبيبة بخوف : مالك يا لارا ؟ ايه الي حصل بالزبط ؟
لارا بشهقات : ات.. ات .. اتحرش بيااااا
حبيبة بصدمة : هو مين ؟! انطقي ؟
لارا بخوف و دموع : ن.. ناصر
حبيبة : ابن خالة فريدة ؟!
لارا : اه
حبيبة و هي تملس على ظهرها : طب اهدي اهدي .. دلوقتي حقك هيرجعلك
وصلت حلا الساحة الخلفية و هي بحالة غضب شديد ... لمحته يقف بجانب فارس و يتحدث
حلا بجنون : انت هنا يا زبالة
نظر لها باستغراب
حلا بغضب : واقف و كأنك معملتش حاجة .. و ديني لاحمرك دلوقتي
هجمت عليه كالاسد الجائع و بطحته على الارض و بدات تسدد له اللكمات و الركلات بقوة وسط صراخه و صدمة الجميع و محاولة فارس و زياد انتشالها عنه
حلا و هي تضربه : سيبونيييي عليييه .. هطلع مصارينه بايديا دول
فارس : انتي اتجننتي يا حلا .. سيبي الراجل هيموت بايدك
حلا بهمجية : ما ده الي انا عايزاه
زياد بغضب : اهدي يا حلا و سيبيه كفاية بقا
لكمت زياد بيدها ثم اكملت عملها
حلا بوعيد : انا تقرب لوحدة من بنات عيلتي يا زبالة .. و عزة جلالة الله لانفخك يا ناصر الكلب
تميم و هو يحاول ابعاد حلا : استني .. هو قرب لميين ؟
نادر بصراخ : انا نادر مش ناصر يا بنت المجنونة ..... يتبع
مغامرات عائلية
همس كاتبة
رواية مغامرات عائلية الفصل الثامن والثلاثون 38 - بقلم همس كاتبة ✨
بارت 37
نادر بصراخ : انا نادر مش ناصر يا بنت المجنونة
توقفت حلا و قالت بصدمة : و حياة امك ؟!
دفعها نادر عنه فوقعت على الارض و هو وقف بصعوبة و يتألم اثر ركلاتها
نادر بغضب : انتي وحدة متخلفة .. ازاي في بنت بالهمجية دي ؟!
فارس بذهول : يعني بقالك ساعة بتضربي بالشخص الغلط ؟!!!!!
تميم بحدة : استنا شوية انت .. ناصر عمل ايه يا حلا ؟
وقفت حلا و قد زالت صدمتها و عادت لغضبها
حلا باندفاع : دايق لارا و ...
صمتت و هي تنظر حولها فاستوعبت الموقف
فارس و عيناه تشع شرارا : وقفتي ليه ؟ كملي عمل ايه يا حلا ؟ دايق لارا ازاي ؟
حلا : هقولك جوة مش قدام الناس
سحبها فارس من يدها باتجاه البيت و تعبهم تميم و اوس
نادر بذهول : المتخلفة دي دشملتني و انا معملتش حاجة
زياد بحدة : بس اخوك السافل عمل .. حلا ما بتضربش حد الا لما يكون عمل حاجة غلط
نادر : و انا مال اهلي ؟؟ ليه اتضرب و اتهان قدام كل الشباب كدة ؟
زياد : انت مش مكسوف على دمك ؟ دي بنت صغيرة جابتك ارض و علمت عليك
نادر : مهي ما ادتنيش فرصة و هجمت عليا زي الكلبة المسعورة
زياد : اممم انا هروح اشوف اخوك هبب ايه
في وسط البيت
فارس : قولي عمل ايه بالزبط
حلا :كان باوضة لارا .. و حاول يتحر..ش بيها و يدايقها
فارس بصدمة : يتحر..ش بيها ؟!!!!!
حلا : ايوة .. و اول ما شافني هرب على طول زي الفيران
فارس بجنون : نااااااصرررر
اندفع نحو الباب الرئيسي ليبحث عنه و لكن امسكه تميم و قال : اهدى شوية يا فارس و ما تعملش شوشرة ... مش عايزين فضايح قبل الفرح
اوس : اطمنتي على لارا يا حلا ؟
حلا : ايوة سبتها مع حبيبة فوق .. هي بس اتخضت شوية ..اساسا هو ما لحقش يعمل حاجة
اوس : طيب .. فارس لم الحكاية و ما تعملش سين قدام الضيوف .. انا هقول ليزن يدور عليه و يجيبه .. و مش عايز حد من الكبار يعرف حاجة دلوقتي مش ناقصين مشاكل قبل الفرح
فارس بغضب مكتوم : ماشي بس انا لو شوفته ما اضمنش اني هسيبه عايش
تميم : طيب اطلع انت اطمن على اختك .. اوس امشي نروح عند الشباب عيب نسيبهم كدة بعد الاكشن الي حصل من شوية ده
دلف زياد و وراءه نادر
زياد : ايه الي حصل بالزبط ؟
فارس بغضب : و ديني لو شوفت ابن خالتك الزبالة لاكون مطين عيشته هو و الي خلفوه
نادر وهو يتألم : فارس اتلم .. اااه .. انا اتدشدت على ايد البت دي .. انا هبلغ عليها امن الدولة دي خطيرة ع الشعب
اوس بحدة : بطل ظرافة و لم الحكاية انت الاخر ما انت كويس اهو
نادر : ايه الكويس هو انا جاي احضر فرح و لا حصة ملاكمة على ايد الكلبة قريبتك
حلا بغضب : اخرس لاحسن اخلص عيلك .. هو انا بس المح اخوك السافل ده هخلص عليكو انتو الاتنين
نادر : و انا مااالي ؟! هو الي زبالة انا ايه الي حشرني بالنص ؟؟
حلا : محدش قالك تلبس اسود زيه مش كفاية سحنتك زي سحنته
نادر : يعني فوق ما انتي غلطانة بتبجحي كمان ؟؟! ما تقول كلمة يا زياد مش ده بيتكم و انا ضيف هنا
زياد : انت اهبل يا ابني ؟ اخوك عمل مصيبة سودة و هرب .. ده انت تحمد ربنا انها سابتك عايش اصلا .. دي مج..رمة و سوابق
نادر بذهول : يا انهار اسود .. حسبي الله و نعم الوكيل بس
فارس بغضب : زياد اتكتم ما تخلينيش افقد اعصابي عليك .. هو رح فين ناصر الزبالة ده ؟
زياد : اكيد هرب
اوس بنفاذ صبر : اقفلو السيرة دي البيت فيه ضيوف .. هنجيبه يا فارس و نسيبك تروقه بس يمشو الضيوف الاول
حلا بضيق : فارس هاتلي طبق لحمة معاك .. يمكن اقدر انسى الي حصل و اهدى شوية
فارس : ده ان فضل لحمة من اساسه
اتجه الشباب الى الخارج عدا نادر الدي استلقى على الكنبة بتعب واضح ... صعدت حلا الى الاعلى عند لارا
**********************
في اوضة لارا
كارما بغضب : منا قولتك ناصر ده زبالة و قليل الادب .. و انتي زي الغبية روحتي كلمتيه ؟!
لارا ببكاء : مكنتش عارفة ان نيته كدة اقسم بالله .. انا بس عملتله فولو مش اكتر .. هو الي دخل و كلمني برايفيت
كارما : و انتي رديتي عليه بكل غباء ... ده انسان سافل و مش اول مرة يعمل كدة .. ده دايقني انا شخصيا من كام سنة بس و انتي عارفة الحكاية دي كويس ... ازاي قدرتي تكلميه
حبيبة : كفاية .. سيبيها تهدا شوية حرام عليكي .. لارا انتي غلطتي و كل الناس بتغلط .. بس لازم تكوني اتعلمتي من الغلط ده و ما تتعامليش مع رجالة غرب تاني
دلفت حلا و قالت بغضب : انتي بتكلمي مين يا حبيبة ؟ دي بنت تافهة و معندهاش اخلاق و دي مش اول مرة
لارا بحرقة : اخرسيييي .. انا معملتش حاجة هو الي طب عليا و حاول يقرب مني .. و اول ما عمل كدة انا صوتت
حلا : ما تكدبيش .. الي بيغلط مرة بيغلط الف مرة .. ده انا لسا مخلصاكي من يومين .. كام مرة لازم تحصلك مصيبة عشان تفوقي ؟! كام مرة لازم انجدك عشان تحسي بقيمة شرفك و سمعة عيلتك ؟؟ انتي عايزة تمشي على حل شعرك و خلاص ؟! ايه الي عايزاه بالزبط قولي ؟
لارا بحرقة : انتو ليه محسسيني اني رخيصة و ببيع نفسي ؟! مهما كان الي انا عايزاه مش هفرط بشرفي .. و ما كنتش عايزة حد يقرب مني كدة .. انا بس كنت عايزة احس اني حلوة بعين حد .. هنا محدش طايقني و عمري ما كلمت حد و اتقبلني زي ما انا .. كل صحابي البنات عندهم بويفريند و انا لا .. عايزة احس لمرة وحدة اني حلوة و في حد عايزني بجد
حلا بملل : رجعنا لسيرة البويفريند تاني .. انتي متخلفة يا بت ؟! بصي لنفسك في المراية يختي .. منتي زي فلقة القمر اهو .. ضروري الرجالة تكون طوابير وراكي عشان تحسي انك حلوة ؟!! ضروري تحطي نفسك بموقف زبالة زي ده عشان يبقى عندك حبيب ؟!
حبيبة : انا مش فاهمة يا لارا انتي جايبة الكلام ده منين ؟ .. مين الي قالك انك وحشة عشان تتجنني كدة ؟
لارا ببكاء : محدش قالي .. بس محدش اهتم بيا .. انتي اول ما تروحي لمكان كل الرجالة بتبصلك و بيبقى الكلام كلو عليكي و على جمالك .. و حتى و انتي مش هنا كل العيلة بيقعدو يتكلمو على جمالك و يتفرجو على صورك كانك موديل و لا نجمة مشهورة .. و ده اكبر دليل انك حلوة بجد .. لو انا حلوة فعلا كان عملو كدة عشاني
حبيبة بذهول : مش معقوووول
كارما : دي اسطوانة كل يوم يا حبيبة ما تركزيش معاها .. عملتو ايه يا حلا مع ناصر ؟
حلا : هرب ابن المعفنة
كارما بغضب : حلا اخرسي و ما تغلطيش بخالتي ... هو الي غلط و هو الي يتحمل العواقب ... مامته و اخواته ملهمش ذنب
حلا بحدة : بقولك ايه انا في ست كلاب بتهوهو جوا دماغي مش ناقصاكي .. غوري من وشي قبل ما ابلعك
جلست حبيبة بجانب لارا و وضعت يدها على كتفها
حبيبة بهدوء : بصي يا لارا ... انا مش هقعد اقولك نصايح عشان انا و انتي عارفين انك لا طايقاني و لا انا طايقاكي .. بس احنا هنفضل قرايب و من واجبي اساعدك .. لو عايزة تتحبي بجد غيري اسلوبك العدواني ده .. انتي اول ما حد يكلمك بتهبي بيه رغم انك بنت حلوة اوي و جمالك ده اي بنت بتتمناه ... بس اهو انتي شايفة محدش بيفكر بالجمال الايام دي .. اي وحدة ممكن تبقى انجيلينا جولي بكام عملية بس .. الاهم من الجمال هو الاسلوب يا لارا
لارا بدموع : يعني لازم اغير طبيعتي عشان اعجب الناس ؟
حبيبة : لا مش شرط .. بس لازم يكون عندك انضباط و ما تطبيش بالناس و تجرحي اي حد بتشوفيه .. انتي جرحتي اقرب الناس ليكي بسبب لسانك ده .. حتى اختك الكبيرة ما سلمتش منك رغم ان باين عليكي قد ايه بتحبيها .. صدقيني لما تحاولي تغيري من نفسك هتحسي ان كل الناس بتحبك و خايفة عليكي
لارا و هي تمسح دموعها بعنف : انا اصلا شلت الحكاية دي من بالي .. انا وعدت ماما مش هركز غير بمذاكرتي .. بس و الله العظيم الي حصل ده غصب عني ...هو شاف الفولو من هنا راح كلمني من هنا و جيه اوضتي و انا حاولت اطرده ... بس خلاص انا اتعلمت من الموقف ده مستحيل ارجع اكلم حد تاني و هعمل الاكونت بتاعي برايفيت و مش هركز غير بالمذاكرة
حبيبة بهدوء : عين العقل .. يكون احسن برضو لو تهتمي بالحاجات المناسبة لسنك .. بكرا هتكبري و تعيشي الحياة الي انتي مستعجلة عليها دلوقتي
زفرت حلا بضيق و اتجهت للخارج و تبعتها حبيبة
حلا بغضب : شكلها مش هتتربى بنت الكلب دي
حبيبة : بصراحة اول مرة بحياتي اتعاطف معاها .. حلا البنت دي مهمشة و محدش فينا بيكلمها
حلا : مهي الي عملت بنفسها كدة .. كل ما وحدة تكلمها تبردها بلسانها .. لو تتلم كانت هتبقى وحدة مننا زي كارما
حبيبة : دول بنات صغيرين يا حلا لازم نقف جنبهم و نفهمهم مش نتخانق و خلاص
حلا بضحكة : انتي ليه محسساني انك كبيرة يعني ؟ ما كلهم تلات سنين الفرق بينك و بينهم
حبيبة : على اساس يعني ان انتي الكبيرة .. ده انتي اتولدتي من هنا و ماما حملت بيا من هنا
حلا : بس تحسي ان في اختلاف بينا و بينهم مش كدة ؟
حبيبة : الي انا شايفاه اني مجرد ما دخلت سن العشرين اتقلبت .. كأني كنت مجنونة و عقلت .. معرفش ايه الي حصل بالزبط .. بس هما بيمرو بمرحلة المراهقة طبيعي يكونو طايشين ... و انا و انتي كنا كدة على فكرة بغض النظر يعني عن اختلاف الهوايات
حلا : هيا الدراسات بتقول ان سن العشرين هو سن الوعي و التحكم بالمشاعر .. قبل كدة الواحدة بتكون عايزة تثبت نفسها و خلاص .. بس بعد العشرين بتبقى عاقلة اكتر و بتعرف تاخد قراراتها .. و سن التلاتين ده بقا ...
حبيبة بمقاطعة : بس بس .. انا مش ناقصة فلسفتك دي .. امشي نرجع الحفلة البنات مستنينا
**********************************
بعد ساعتين .. انتهى الحفل و غادر جميع اصدقاء تميم و فريدة
اوس : يزن .. لقيته و لا لسا ؟
يزن : لسا بيدورو عليه .. انت دورت كويس في البيت ؟
اوس : حلا قالت هرب ما اعتقدش هو غبي لدرجة انه يستخبى في بيتنا
نادر : اقسم بالله كنت حاسس انه هيعمل حركة ناقصة .. ماما طول السكة فضلت تقوله دول صعايدة .. ما تتهورش معاهم .. دول ما بيرحموش ..دول ايدهم و الدبح .. بس مفيش فايدة فيه هيفضل صايع طول عمره
اوس : كويس انه عارف ... ما تزعلش من الي هعمله بيه بس اشوفه يا نادر
يزن : اوس انا بقول لازم تقدم بلاغ بالقسم و انا هكمل الباقي
اوس : لا مش عايز شوشرة قبل الفرح .. انت بس جيبهولي و انا هتصرف
يزن : ما بلاش جنان يا اوس .. انت كدة هتودي نفسك بداهية
اوس : معلش اعمل زي ما بقولك بس
يزن لنادر : طب هات نمرة تيلفونه هكلم صحابي و اخليهم يحددو الموقع عن طريق الموبايل
نادر : تميم اديه النمرة انا جسمي متدشدش هروح انام
تميم : يخربيت الندالة بتتعاون معانا على اخوك ؟
نادر : اقسم بالله لولا الحرام كنت دبحته من زمان زي البهايم .. ده بني ادم زبالة و مش اول مرة اكل علقة عنه .. انا هروح اخد شاور قبل ما انام يمكن ارتاح شوية
يزن : خلصوني هاتو نمرة الموبايل
تميم : سجل عندك
بعد ثواني
تميم : انا بفكر اخد شقة بعيد عن هنا
اوس باستغراب : ليه ؟!
تميم بملل : طلعت روحي .. طهقت من العيشة دي .. مفيش يوم بيعدي من غير خناقة او مشكلة .. انا مش هقدر اعيش و حياتي متلخبطة كدة .. ده انا ما صدقت الي في البيت عقلو يقوم يجيلنا الزفت ناصر بمصيبة جديدة .. لا و المرادي مش حاجة تافهة دي فيها شرف
اوس : معلش يا تميم .. البيت متكركب عشان كلنا مجتمعين .. بعد فرحي كلنا هنمشي و تفضل مع مراتك لوحدكم
تميم بزفير : على قد ما بحب اللمة دي على قد ما بتجيب مشاكل
نزلت البنات الى الطابق الارضي بعد انتهاء حفلتهن .. مجرد ان لمح اوس حبيبة اشار لها ان تنظر للهاتف .. ثم صعد للاعلى
دينا باستغراب : فين ماما ؟!
حبيبة و هي تراسل اوس : الستات كلهم في المطبخ من الصبح بيشتغلو .. انتي عايزاها ليه ؟
دينا بهمس : قالتلي انها عايزة تكلم يزن معرفش ليه
حبيبة بخبث : عايزة تعاين عريس بنتها
دينا بحدة : اتلمي يا حبيبة .. انا مش عايزة اتخطب دلوقتي
حبيبة باستغراب : ليه ان شاء الله ؟!
في هذه اللحظة نظر يزن الى دينا بابتسامة فابتسمت له بتلقائية
حبيبة بخبث : واضح انك مش عايزة تتخطبي .. و واضح اوي كمان
دينا بغيظ : قولتلك اتلمي .. اوك انا بحبه بس عايزة وقت افكر اكتر
حبيبة : مفيش داعي عينيكي فاضحاكي .. هروح انا بقا لحضن خطيبي و انتي خليكي كدة قاعدة لوحدك زي قرد قطع
دينا : قرد بعينك يا ام لسان و نص
اتت حلا و هي تحمل طبق كبير بيدها
حلا و هي تاكل : اللحمة دي مش مستوية كويس على فكرة
دينا : و بتاكليها ليه ان شاء الله ؟!
حلا : حرام نعمة ربنا لازم تتاكل
دينا : اممم مش طفاسة يعني ؟!
حلا بصوت عالي : فاااااارس .. هات الجاتوه الي فضل ورا الشباب
دينا بقرف : انتي ما بتشبعيييش ؟!! هتاكلي بواقي الاكل كمان ؟؟؟ ايه القرف ده ؟!
حلا : اومال اسيب الاكل يترمي ؟! انتي عايزاني ادخل جهنم عشان حتة جاتوه ؟!
دينا : ده انتي شوية و هتاكلي مال اليتيم يا بت .. ارحمي نفسك شوية .. الاكل ده بيروح فين انا مش فاهمة .. ده انتي ارفع من خلة السنان
حلا : اممم .. منتي لو شفتي العرض الي قدمته في حفلة الشباب كنتي عرفتي الاكل بيروح فين .. ده انا بحرقه كله و انا بضرب الرجالة
دينا باستغراب : ضربتي مين ؟!
حلا : يووووه يقطعني هو انا ما قولتلكيش ؟
دينا : لا !
حلا : امشي نقعد و حكيلك بالتفصيل
**************************
على البلكونة الخلفية
حبيبة بدلع : اتأخرت عليك ؟
اوس و هو يشدها من خصرها : اممم .. بس هعديهالك المرادي
ابتسمت و حضنته بقوة
اوس : حبيبتي
حبيبة : اممم
اوس : كلمتي لارا ؟
حبيبة باستغراب : و بتسأل ليه ؟!
اوس : عايز اعرف ان كانت هيا الي كلمته و لا هو الي ...
حبيبة بمقاطعة : هو يا اوس .. لارا مش غبية للدرجادي .. مهما كانت متهورة و لسانها طويل مستحيل تكون بالرخص ده
اوس بزفير : طمنتيني .. كنت قلقان يعني لو كانت هيا الي .. مش عارف اتكلم بصراحة .. دي مهما كان بنت عمي
حبيبة بغيرة : و انت ليه مهتم بالموضوع اوي كدة ؟
اوس بجدية : فارس متهور اكتر من لارا بالف مرة .. يعني ممكن يأذي اخته لو ده حصل فعلا .. ما تتغريش بهزاره و رخامته .. هو برضو غيور و عنيف و يمكن اكتر من حلا
حبيبة بقلق : معقولة يأذي حلا بعد الجواز ؟!
اوس بضحكة جانبية : ده الي بتفكري بيه ؟ حلا دي مفترية و مش سالكة .. لو شفتي نادر المسكين ايه الي حصله على ايدها بس
حبيبة بضحكة : اوك هيا اندفاعية بس برضو دايما بتكون على حق .. مش هنسى ازاي قدرت تمشي كل الي بالزنزانة على مزاجها و ما سمحتش لحد يأذينا
اوس و هو يملس على شعرها : سيبك منها دلوقتي و قوليلي امته تحبي نجيب فستان الفرح ؟
حبيبة بابتسامة : بعد فرح فريدة .. عشان اكون رايقة و بالي فاضي
توقف زياد عند باب البلكونة فور ان شاهدهم
زياد : اوس .. موبايلك بيرن بقاله ساعة
اوس باستغراب : مين الي بيكلمني الساعة دي ؟
زياد : زوما .. ما تنساش تعزمه على فرحك
اوس : حبيبتي هروح اكلم صاحبي و ارجعلك
حبيبة : اوك يحبيبي
ذهب اوس باتجاه غرفته
زياد بخبث : حبيبة .. ممكن خدمة قد كدة يعني ؟
حبيبة باستغراب : اتفضل
زياد : ايه رايك تروحي تقولي لغادة اني مستنيها هنا ؟!
حبيبة بضحكة : بس كدة ؟ من عنيا الاتنين
اتجهت للداخل لاخبار غادة .. فور ذهبها صعدت انيسة على السلم و اقتربت من زياد الذي يتصفح هاتفه
انسية بهمس : زياد
زياد بفزع : اعاا .. خضتيني منك لله
انيسة و هي تقترب منه : زياد انت ليه بتتجاهلني كدة ؟
زياد : طب ما تقربيش لو سمحتي
انيسة بخفوت : بس انت عارف اني بحبك و ما اقدرش ابعد عنك
زياد بحدة : انيسة فوقي .. ما تتجننيش زي اخوكي لاحسن اعمل بيكي زي ما هعمل بيه
انيسة بفحيح : انت تعمل الي انت عايزه .. المهم تفضل قدام عنيا
زياد بغضب : قولتلك ابعدي عني .. انا دلوقتي راجل خاطب و بحب خطيبتي
انيسة : ما يفرقش معايا .. كفاية عندي اني انا بحبك .. و بعدين انت قولت الكلام ده قبل كدة و فركشت خطوبتك
زياد بغضب عارم : ما تخلينيش اتصرف بطريقة مش هتعجبك
اقتربت منه اكثر و احاطت يداها رقبته سرعان ما دفعها و كأن عقربا قد لدغه
اختل توازنها فسقطت عن السلم و تدحرجت و هي تصرخ بصوت عالي جعل الجميع يلتم على صوتها
غادة بفزع : زياااااد .. في ايييه ؟!
زياد و هو يتنفس بسرعة : مفيش بس انيسة حبت تمسح السلم ...................... يتبع
مغامرات عائلية
همس كاتبة
رواية مغامرات عائلية الفصل التاسع والثلاثون 39 - بقلم همس كاتبة ✨
( بارت 38 )
نزلت غادة بسرعة عن السلم لمساعدة انيسة
غادة بخوف : انتي كويسة ؟!
انيسة و هي تحاول الوقوف : ابعدي عني ...كل الي بيحصل ده بسببك
غادة : نعم !؟!
حلا : الظاهر ان في حد تاني عايز يتروق في البيت ده
فريدة بلهفة : انيسةةة .. انتي كويسة يحببتي ؟! وقعتي ازاي عن السلم ؟
انيسة بغضب : انتي ازاي عايشة مع المتخلفين دول ؟ .. دول ناس مريضين و ما يتعاشروش
تميم : فريدة قولي لبنت خالتك تحترم نفسها و ما تغلطش بحد عشان ما تحصلش اخوها
فريدة باستغراب : بالراحة يا تميم البنت متعصبة عشان وقعت .. هو ناصر عمل حاجة غلط ؟!
تميم بحدة : لا طبعا ده ملاك مش بيغلط
حلا بغضب : واضح اني هخلص على ولاد خالتك بليلة وحدة يا فريدة ... ابقي عقليهم عشان ما يجربوش جناني
فريدة بضيق : بس بقا ... كفاية كل شوية خناق و قرف .. انسية انتي كويسة ؟ ناخدك للدكتور ؟
انيسة : شكرا مش عايزة .. عن اذنكم
حلا : يلا بداهية
لارا : فريدة لو بنت خالتك ما احترمتش نفسها هجيبها من شعرها
فريدة بحدة : هو في ايييه ؟! كفاية بقا كلكو متفقين ع البنت من ساعة ما وصلت و هيا اصلا معملتش حاجة و لا جات جنب حد ... دي بنت خالتي مش هسمح لحد يزعلها
زياد و هو ينزل عن السلم :طب اهدي يا فريدة .. دي وحدة زبالة و لازم تبعدي عنها
فريدة : الكلام ده تمشيه على كارما مش عليا يا زياد .. انا مش صغيرة عشان تحدد هتكلم مع مين و ابعد عن مين ... مش عشان ست الحسن بتاعتك منعتك تكلمها تقوم تفرض كلامك عليا
زياد بصدمة : و الله ؟!
تميم بحدة : فريدة .. اتكلمي مع اخوكي عدل
فريدة بغضب : ما هو الي عايز يبوظ فرحي عشان خطيبته
غادة بذهول : مش قادرة اصدق ان انتي فريدة بجد .. البت دي اكيد غسلت دماغك
فريدة : ما انتي الي اوفر من البداية .. من ساعة وصلت و انتي بتزوريها رغم انها اعتذرتلك عن الماضي و انتي قبلتي ليه عاملة الحوار ده بقا ؟
زياد بغضب : هيا لحقت تلعب بدماغك و تقلبك على بنات العيلة ؟!!! انتي بجد صدقتي انها اتغيرت و بقت كويسة ؟!! ده انا الي رميتها عن السلم من الي عملته من شوية
غادة بنظرات غيرة : اييييه ؟؟؟ عملت ايه ؟
زياد بتوتر : ااا.. يعني .. بجحت بالكلام
حلا بحدة : ما تكدبش و قول عملت ايه عشان اطلع بمصارينها
فارس : على على كدة هنروق اتنين مش واحد الليلة دي و لا ايه رايك يا حلا ؟
غادة بغضب : زياد اتكلم .. قول هيا عملت ايه
لارا : انا اقولك .. اكيد قربت منه و اتسهوكت كالعادة
فريدة بغضب : لارا اخرسي
زياد : لارا بتقول الحقيقة .. انيسة مش زي ما انتي فاكرة يا فريدة .. دي بنت ...
تميم بمقاطعة : زيااااد ... عيب عليك مهما عملت هتفضل بنت خالتك مينفعش تتكلم عليها قدام الناس ... بكرا بعد الفرح هيمشو نستحمل بقا لوقتها مش هنخسر حاجة
فريدة بذهول : انا مش قادرة اصدق .. معقول انيسة رجعت للعبط ده تاني ؟!!!
غادة بغضب شديد : انا المرادي مش هسكت يا زياد .. و ديني لاجيبها من شعرها
اتجهت لتذهب و لكن زياد امسكها بقوة
زياد : اهدي يحببتي ما تعمليش حاجة .. هيا خدت نصيبها خلاص و هتمشي بعد الفرح .. انتي مقامك اكبر من انك تكلميها اصلا
غادة : ماشي ... هسكت عشان خاطرك المرادي .. بس من هنا لغاية ما تمشي لو بجحت معايا هديها على دماغها
حلا : اه يا خايبة .. ثبتك بكلمتين ؟ و لا يهمك انا بس اشوفها هي و اخوها هعمل منهم شاورما سوري
فارس بخفوت : اما تشوفيها ابقي اديها علقة على حسابي ... و لو حد سألك قولي دي من فارس
حلا بمكر : من عنيا يقلبي ... هو انا اقدر ارفض طلب لجوزي حبيبي ؟!
فارس بغمزة : يا قلب جوزك من جوة
انتبهت حلا لدينا التي تركتهم بعد ان تابعت الحوار بصمت و دخلت
حلا : كفاية يا جماعة الوقت اتاخر
تميم : ايوة اطلعو نامو يلا .. فريدة نامي بدري ورانا مليون حاجة نعملها .. و ما تتكلميش مع انيسة بلاش تشدي معاها قبل الفرح و تتنكدي
فريدة بضيق : ماشي .. تصبحو على خير
***********************
دلفت حلا اوضتها وجدت دينا تجلس بالقرب من النافذة و سارحة تماما
حلا بابتسامة : هو مشي بدري مش كدة ؟
دينا : امم
حلا : و انتي زعلانة ليه ؟
دينا : مش عارفة ... حاسة نفسي مخنوقة
حلا باستغراب: اشمعنا ؟ .. المفروض تكوني مبسوطة انتي بتحبيه و هو بيحبك
دينا : اوك بس ما توقعتش اتعلق بيه بالسرعة دي .. انا خايفة
حلا بنفاذ صبر : و ديني لو قولتي خايفة يسيبني لكون ماسحة بيكي الارض .. احنا ما صدقنا نخلص من زن غادة
دينا : لا مش كدة .. انا خايفة من مشاعري .. خايفة احبه زيادة عن اللزوم
حلا بضحكة : مفيش حاجة اسمها احبه زيادة عن اللزوم .. ده حب يا دينا مش على مزاجك .. انا يوما اتعرفت على فارس حسيت ناحيته احساس معرفتش ايه هو بس كان احساس جميل و لقيت نفسي بحبه من غير ما اخد بالي .. اوك انا دايما بهدده اني هسيبه بس عمري ما هعملها و مش هستحمل اصلا عشان انا بحبه بجد و ما اقدرش اتحكم بمشاعري .. و عندك حبيبة اهي كانت مش طايقة سيرة اوس و هتفسخ الخطوبة و مع كدة اول ما كلمها رجعتله من كتر ما بتحبه ... و انتي كمان كدة مستحيل تقدري تتحكمي بمشاعرك
دينا : مهو بصراحة يعني انا حاسة ان يزن بارد و مش بيكلمني .. هففف كنت بتريق على حبيبة لما كانت تقول الكلام ده .. ده انا مش قادر استحمل الكام يوم دول بس ... ما بالك هيا الي استحملت سنين
حلا بابتسامة : هو الحب كدة يا دينا ... بيخليكي عايزة الي بتحبيه يكون قدامك على طول .. بس برضو انتي عارفة يزن ده مش قريبنا عشان يكلمك من ورا اهلك يا دينا .. المفروض تتخطبو عشان تعرفي تكلميه
دينا : لسا بدري اوي على الخطوبة يا حلا .. انا لسا مش جاهزة نفسيا لفكرة الارتباط
حلا بخبث : بس عريسك مستعجل .. ده بيحبك اوي يا بت و باين عليه
دينا بخجل : حتى لو بنحب بعض لازم نصبر شوية
حلا : اممم .. براحتك بس ما تفضليش زعلانة كدة .. وحشني جنانك يا بت
**************************
دلفت فريدة اوضتها وجدت حبيبة و كارما بها
فريدة بضيق : مش عارفة ليه كل شوية لازم تحصل حاجة توترني اكتر
حبيبة : ليه ايه الي حصل ؟
فريدة : انيسة .. وقعت عن السلم بعد ما حاولت تكلم زياد
حبيبة : و ليه تكلمه ؟!
فريدة : حسب ما فهمت انها حاولت يعني تقربله و كدة
حبيبة : اه قصدك عرضت نفسها عليه مش كدة ؟!
فريدة : يوووه يا حبيبة حتى انتي مش طايقاها ؟!
حبيبة : اكيد ... دي وحدة رخيصة يا فريدة ازاي عزمتيها على فرحك اصلا ؟ انتي عارفة كويس انها السبب بالي حصل لاخوكي هيا الي دمرت حياته العاطفية و اذت غادة .. ازاي قدرتي تستقبليها هي و امها ؟!
فريدة : دي بنت خالتي يا حبيبة
حبيبة : طب حطي نفسك مكان غادة .. تخيلي بنت خالة تميم عملت كدة معاه .. هيبقى رد فعلك ايه وقتها ؟!
فريدة بجنون : ايه الي بتقوليه ده انا ممكن ادبحه و ادبحها هيا كمان
حبيبة : الله عليكي .. يعني ما تلوميش غادة بقا .. زي ما انتي عايزة تحافظي على تميم هيا عايزة تحافظ على زياد
فريدة : مش عارفة اقولك ايه .. يعني دي هتفضل بنت خالتي .. بس بصراحة عندك حق انيسة زودتها اوي و خالتي عارفة و ساكته
حبيبة : و بتشجعها كمان
كارما : لا و الانيل من كل ده ناصر دايق لارا و اولاد عمك حالفين يمين هينفخوه
فريدة بذهول : بجد ؟! يا انهار اسود .. انا الحق عليا الي عزمتهم .. دلوقتي هتقلب خناقة كبيرة
حبيبة : بس الي اسمه ناصر ده هرب و ملهوش اثر
فريدة : انا هنزل اكلم جدي .. مش هستحمل يحصل خناقة يوم فرحي
حبيب : ما تكبريش الحكاية يا فريدة .. انا هطلع اشيك ع الشقة بتاعتك و اشوف لو ناقصها حاجة و انتي حاولي ما تتعصبيش .. هاتي المفاتيح
فريدة : مش معايا .. مش عارفة راحو فين يمكن نسيتهم في الباب او بالاوضة الي على جنب مش فاكرة .. انا بجد مش مركزة خالص
حبيبة : معلش .. هطلع اشوف
خرجت حبيبة باتجاه الطابق الثالث و صعدت السلم ... عندما وصلت امسكت المقبض فقد كان الباب مفتوح .. دلفت الى الشقة و اشعلت الانارة و بدأت تتفحصها بنظرها
استغربت من باب البلكونة المفتوح .. اتجهت له و اغلقته ثم اكملت جولتها في الشقة
كانت ستخرج من اوضة النوم سرعان ما شعرت بيد تقبضها و تمسكها بقوة
حبيبة بفزع : اعااا انت ميييين
ناصر بابتسامة خبيثة : انتي بقا مرات اوس الي بيتكلمو عليها ... امممم فعلا حلوة اوي زي ما بيقولو
حبيبة بصراخ : ابعد عني يا زبالة
ناصر و هو يثبتها : ليييه ؟ ليه يا عروسة ؟ ما الشقة قدامك جاهزة اهي .. و انا موجود .. يبقى نلعب مع بعض عريس و عروسة
حبيبة بجنون : ابعد عنييييي .. سيبني بقولك .. سيبني يا زبااالة
ناصر بفحيح : ليه هو اوس احسن مني بايه يا عروسة ؟ ليه فاكر نفسه الوحيد الي معاه فلوس بالدنيا دي و شايفنا اقل من مستواه ؟ انا دلوقتي هكرهه عيشته و اكسر غروره ده ... هطلع عليه كل الذل و الاهانة الي عشتها و انا موظف عنده
حبيبة بصراخ : ابعد عنييي يا زبالة
حاول تقبيلها و لكن حركتها كانت قوية جدا .. تذكرت فجأة ان بامكانها الدفاع عن نفسها بعد ان تدربت جيدا ... رفعت قدمها و خبطت بكعب حذائها على قدمه بقوة شديدة ..و بسرعة عالية رفعت ركبتها و ضربته في بطنه ليصرخ بالم شديد و يقع على الارض
كانت ستهرب من الاوضة و لكنه قبض يدها بسرعة رغم انه يتألم و يمسك قدمه باليد الثانية
ناصر : و انتي فاكراني هسيبك .. مش هتخرجي من هنا قبل ما تتحاسبي على عملتك دي و تديني الي انا عايزه
دفعته بكل قوتها و اسرعت باتجاه الباب و قفلته عليه بعد ان خرجت
ركضت بسرعة للاسفل و اتجهت الى اوضة اوس .. فتحت الباب بعنف و هي تبكي و هو اخفض الهاتف و انهى المكالمة
اوس بصدمة : مالك يا حبيبة ؟
اتجهت له بسرعة و ارتمت بحضنه تتشبث به بقوة
اوس بذهول : حبيبتي .. قوليلي مالك ايه الي حصل ؟
حبيبة برجفة : هو .. ف..ف ..فوق
اوس : هو مين ؟
حبيبة : الراجل
اوس : انهي راجل ؟!
حبيبة ببكاء : الي اسمه ناصر ده .. فوق في شقة تميم
اوس بصدمة : ايه ؟!
نظر لها لثواني ثم فهم ما تقصده
اوس بهدوء مرعب : مهو لو عمل الي ببالي و رب العزة ما هيطلع من هنا على رجليه
حبيبة ببكاء : عشان خاطري ما توديش نفسك بداهية
اوس : يعني عمل .. طب وسعي كدة
دفعها و اتجه بسرعة للطابق الثالث .. وقفت تنظر و هي تبكي و تفكر ماذا تفعل ... فاتجهت للاسفل لاخبار تميم
*************************
كانت تبحث عنه في كل مكان و لكن استوقفها جدها
عبد الله : حبيبة
حبيبة بتوتر : جدو .. فين تميم ؟!
عبد الله باستغراب : برا مع الشباب .. ايه الي حصل يا حبيبة ؟! مالك مرعوبة كدة ليه ؟
حبيبة : اوس ...
لم تكمل حديثها بسبب صوت صراخ ناصر الذي افزع جميع من في البيت فاجتمع كل افراد العائلة في الساحة سرعان ما نزل اوس عن السلم و هو يجر ناصر و يمسكه من تلابيبه
عبد الله بذهول : ايه الي بيحصل .. مين الي عمل فيه كدة ؟
نظرت حبيبة خلفها وجدت اوس يقف و عروقه بارزة من شدة للغضب و ناصر يفترش الارض ... كان مشوه الوجه بسبب لكمات اوس و لم يستطيع الحركة نتيجة الضرب المبرح
مجرد ان دلف فارس صاح بصوت عالي : نااااصررر .. و ديني لاكمل عليك
عبد الله بحزم : فارس اتكتم ... مين عمل فيه كدة يا اوس ؟
اوس و هو يجز على اسنانه : انا
عبد الله بغضب : ازاي تمد ايدك على ضيف عندي ؟!
فارس : لما تعرف يا جدو هو عمل ايه هتعذرنا
عبد الله: عمل ايه ؟
نزلت انيسة و زمزم و مجدي بسرعة
انيسة بفزع : نااااصررر .. مين الي عمل فيك كدة ؟!
زمزم و هي تحضنه : يا لهوتيييي .. ابني هيروح مني يا ناااس
ناصر بوجع شديد : حد يطلب الاسعاااااااااف
انيسة بغضب : اكيد المتخلفين دول هما الي ضربوه
عبد الله : حد فيكم يطلب الاسعاف .. و انت يا تميم شوف ماله بسرعة
اقترب تميم منه و نظر الى ناصر باحتقار
تميم بفحيح : لولا امانة المهنة كان زماني خلصت عليك ... فارس هات شنطتي
فارس : مش هجيبها ... سيبه يفطس احسن
عبد الله بحدة : فارس اخرس و ناوله الشنطة
تميم : لازم ننقله المستشفى
فارس : و انا هلحق اضربه امته ؟
ايهاب بحدة : فارس اخرس .. انا كلمت الاسعاف شوية و جايين
زمزم : و الله لو حصل لابني حاجة لابلغ عليكم كلكم .. و الله ما هيهدالي بال غير لما تتحبسو .. اه ياني عليك يا ضنايااااا
عبدالله : هو عمل ايه عشان تضربوه كدة ؟!
فارس : انا لسا ما ضربتش .. هضربه بعد ما تخلص الهيصة دي
عبدالله : بطل سخافتك دي و قولولي ايه السبب الي يخليكم تضربو ضيف وسط بيتكم
اوس بصوت عال : الضيف الي ما يحترمش حرمة اصحاب البيت لازم يحصله كدة و اكتر .. اعراض الناس مش لعبة عنده و عند الي خلفوه .. دلوقتي حالا يا مجدي بيه تاخد عيلتك و تمشو من هنا من سكات عشان ما اضطرش ادبح ابنك قدام عنيك
مجدي : انا مفهمتش هو عمل ايه بالزبط عشان تعدمه العافية كدة ؟
اوس بنظرات نارية : ابنك حاول يدايق مراتي يا مجدي بيه و قبلها دايق بنت من بنات عمي ... يعني لو فضل قدامي هخلص عليه
حسين بذهول : دايقك ازاي يعني يا حبيبة ؟!
كانت حبيبة تقف و تبكي بهستريا
عبدالله بحزم : اقفلو ع السيرة دي و ما تجيبوش سيرة الحريم .... مجدي .. انا فتحتلك بيتي و سمحت ليك و لعيالك تقعدو بيه على انكم من اهله ... و انت عارف عواقب تصرف ابنك ده مش كدة ؟
مجدي و هو ينظر للارض : حقك عليا يا عبد الله بيه ... من حقكم تعملو بيه الي انتو عاوزينه طالما غلط
عبد الله : الي عمله اوس كفاية .. بس مش عايز اشوف وشه في بيتي ابدا
فارس بحدة : بس انا لسا ما اخدتش حقي
زمزم بنواح : عايزين يقتلوك يا ابنييييي .. اه يا غلبك يا زمزم
خديجة : ما ابنك السافل و يستاهل كدة و اكتر
سعاد بغضب : دلوقتي بس فهمت ليه كل الي هنا بيكرهوكي .. ده كان من خلفتك العرة دي
خديجة : شوفتي .. منا قولتلك ما صدقتنيش
زمزم بغضب : اخرسي يا زبالة يا خطافة الرجالة
خديجة بردح : خطافة الرجالة دي بنتك الصايعة .. محنا كلنا شايفينها و هي بتجري ورا زياد جوز بنتي عشان تخطفه منها
زمزم : لا يا اختشيييييي .. اقفي عوج و اتكلمي عدل .. انتي الي علقتيه لبنتك بالسحر و الاعمال ما انتي مقضيها من شيخ لشيخ
خديجة : اخرسي قطع لسانك يا زبالة .. ما تخلينيش اعملك سيرة على كل لسان
زمزم بتحدي : وريني هتعملي ايه
انيسة : سيبك منها يا ماما دي ست متخلفة
شعرت باحد يمسكها من شعرها و يجرها للخلف .. صرخت بقوة و وقعت على الارض
حلا بوحشية : جيه دورك يا مزة ... استلقي وعدك بقى ......................
رواية مغامرات عائلية الفصل الأربعون 40 - بقلم همس كاتبة ✨
( بارت 39 )
حلا بوحشية : جيه دورك يا مزة ... استلقي وعدك بقى
انيسة بصراخ : ابعدي عنييييي
جلست حلا فوقها و بدات تصفعها و تشد شعرها بهمجية
غادة : اضربيها كويس يا بت
حلا : ثبتي رجليها انتي بس
كان عبد الله و جميع الحضور ينظرون امامهم بذهول شديد .. و خلال اجزاء من الثانية خبط عبد الله عصاه بالارض
عبد الله بصوت جهوري : كفايةةةةةةةةة يا حلا
حلا و هي تفلتها : انا اسفة يجدو .. بس هيا الي غلطت
عبد الله بغضب : بس .. مش عايز اسمع حس حد فيكم .. ايه الجنان ده ؟؟!
مصطفى : جدو الاسعاف وصل
عبدالله : زياد روح مع ابن خالتك للمستشفى يلا
زياد : حاضر
مجدي لزمزم : يخربيتك دايما فاضحاني انتي و عيالك .. لميهم عشان نلحق نمشي بكرامتنا
زمزم : مش ماشية .. ده بيت بنت اختي و هحضر فرحها غصب عن الكبير و الصغير
فريدة بغضب : خالتي .. انا مش عايزاكي تحضري فرحي .. لو سمحتي امشي من غير شوشرة
زمزم بصدمة : انتي يا فريدة ؟!!!!!! بتطرديني يا بت اختي ؟؟
فريدة : ايوة انا ... مش هسمح لحد يأذي عيلتي و اقف ساكته .. عيالك من ساعة ما وصلو بهدلو البيت .. ناصر دايق لارا و حبيبة .. و انيسة رمت نفسها على زياد اخويا مرتين و هيا عارفة انه خاطب .. كفاية بقى انا مش هخرب بيتي عشان حضرتك تتبسطي على حسابي .. كنت فاكراكي هتعوضيني عن امي بس دلوقتي فهمت انك بتستخدميني عشان تخربي بيتنا
زمزم : انا يا فريدة ؟ انا بخرب بيتك ؟ عيالي دلوقتي بقو اعدائك ؟!!
فريدة : بقولك ايه .. انا مش هسمح لحد يكسر فرحتي و يخسرني اهلي ... انا طول عمري بدافع عنك و عن عيالك بس لما يأذو حد من العيلة مش هسكتلهم .. لو سمحتي امشي انا مش عايزاكي تكوني جنبي
انيسة : امشي يا ماما البيت ده كله مرضى و متخلفين
مجدي بغضب : انيسة اخرسي و اطلعي لمي حاجتك عشان نمشي و انتي كمان يا زمزم
زمزم : ماشي .. انا هوريكم .. و ديني لاجبلكم البوليس و افضحكم
سحر : كفاية بقا .. عيب عليكي يا زمزم احنا احترمناكم و دخلناكم بيتنا .. اعملي حساب للعيش و الملح الي بينا على الاقل
زمزم بغضب : مفيش عيش و ملح مع الاشكال دي
صعدت للاعلى هي و انسية استعدادا للمغادرة
اتجه اوس لحبيبة التي لم تتوقف عن البكاء من بداية المشكلة ... سحبها لحضنه و ملس على شعرها برفق
اوس : كفاية يا حببتي .. ما تخافيش انا معاكي و مش هسمح لحد يأذيكي
حبيبة بخوف : قالت هتبلغ البوليس يا اوس .. انا خايفة عليك
اوس : ما تخافيش مش هيحصل حاجة
تميم : فريدة انتي كويسة ؟
فريدة بدموع : ايوة .. انا هطلع انام
عبد الله : اوس .. الحقني على المكتب
اوس : حاضر
نظر الى حبيبة و قال : اطلعي نامي يا حببتي و ما تفكريش بالي حصل ده
هزت رأسها بينما هو تركها و ذهب باتجاه اوضة المكتب
حلا : ملحقتش اخلص عليها بنت الكلب
غادة : المهم كلت الي فيه النصيب
فارس : بجد يا حلا انتي لازم نضربلك تحية و انتي ماشية .. ده انتي جدعة و بمية راجل
كارما : على قد ما انا زعلانة على خالتي و عيالها على قد ما انا شمتانة بيهم .. يخربيتهم يستاهلو كل الي جرالهم
حبيبة بتوتر : كارما .. تعالي معايا نشوف الشقة .. اوس ضرب ابن خالتك بيها اكيد اتكركبت
كارما : لا و الله مانا طالعة .. سيبي طنط سحر تروقها
اقتربت خديجة من حلا و حضنتها بقوة
فارس بضحك : ايه الجو ده يماما ؟ ايه رضيتي عليها ؟
خديجة : تسلم ايدك يا حببتي .. و ربنا انتي اجدع بت في العيلة دي
حلا بخجل : ميرسي يا طنط ربنا يخليكي
خديجة : انا اسفة يحببتي على كل الي قولته زمان .. انا دلوقتي بس حسيت اني محتاجة لقوتك دي .. انتي الي هتسندي عيالي التافهين دول
فارس بصدمة : احنا تافهين يماما ؟!
خديجة : ايوة .. حلا هي الي لمتك يا صايع .. و هيا الي جابت حق اخواتك الاتنين دول .. انا محتاجة لبت قوية كدة و تعرف تجيب حق العيلة كلها
حلا : احنا من بعدك يا طنط
دينا بضحك : يا سلام ع التطبيل
*******************************
في اليوم التالي ... كان البيت بحالة فوضى كبيرة فقد اكتظ بالضيوف و قد غادرت زمزم و عائلتها المكان
استيقظ نادر و هو يشعر بالدوار و نزل للاسفل وجدت اوس و تميم يتحدثون
نادر بكسل : صباح الخير
تميم بضحكة : ايه الروقان ده يعم ؟!
نادر باستغراب : في ايه ؟ ليه بتبصولي كدة ؟؟
تميم : انت مش عارف يعني ؟
نادر : لا و الله مش عارف
تميم : اهلك مشيو من البيت امبارح بالليل
نادر : راحو فين ؟
تميم : هحكيلك ..
و قص عليه كل ما حدث ليلة امس
نادر بذهول : يا انهار اسود .. كل ده حصل و انا نايم ؟!
اوس بحدة : دي نتيجة اعمالهم يا نادر
نادر بجدية : و الله ناصر يستاهل بصراحة
تميم بذهول : ده انت صهيوني على اخوك يالا
نادر : ليه و انا غلطت بايه يعني ؟!! مهو الي غلط و يستاهل العقوبة .. و انا بصراحة لعنتي بالدنيا دي انه اخويا التوأم
تميم : اشمعنا يعني
نادر : انا و هو اخوات بالاسم بس .. يعني بشوفه بحضور اهلي مش اكتر .. عشان انا متخانق معاه من زمان
تميم : ايوة ليه يعني ؟!
نادر : تخيل مرة استغل الشبه الي بيني و بينه و قرب لصاحبتي على اساس انه انا .. و البت صدقت الحكاية و لزقتها فيا
اوس : و انت عملت ايه ؟
نادر : مفيش بس اثبت للبنت انه هو الي كان معاها من التاتو الي على رقبته
اوس : اممم
نادر بابتسامة باهتة : الي قهرني وقتها ان البنت دي كنت على شوية ناوي اتجوزها
تميم : بصراحة اخوك ده ندل اوي
نادر : امم عشان كدة بيلبس زيي عشان لما يغلط اتدبس انا و هو يهرب .. و دي مش اول مرة يتطحن كدة
دلف يزن و سلم عليهم
يزن : الارض جاهزة يا تميم الشباب رتبو كل حاجة
تميم : كتر خيرك يا يزن .. مش هنسى وقفتك معايا دي
يزن : ما تقولش كدة احنا صحاب يا ابني
اوس : تميم روح اجهز ... الرجالة على وصول
في اوضة البنات .. كانت دينا ترتدي فستان احمر رقيق جدا يسترسل على جسدها و حلا ترتدي مثله و لكن باللون الاخضر
دينا : انا هنزل يا بنات .. انتو جاهزين ؟!
حبيبة : انا لسا ما عملتش حاجة شكلي هتاخر اوي .. انزلو انتو
حلا : ماشي .. دينا يلا بينا
دينا و هي تضع غطاء على اكتافها : طب البسي حاجة تسترك من فوق عشان ما تموتيش الليلة على ايد حد من العيلة
حلا بنفخ : اكيد مش هنزل كدة يا امورة .. امشي خلصيني
خرجت البنات و بقيت حبيبة وحدها .. جهزت نفسها و وضعت ميكاب خفيف و تركت شعرها مفرود
انتشلت فستانها الوردي عن السرير و ارتدته ... حاولت اغلاقه من الخلف و لكنها لم تستطع الاكمال
حبيبة بنفخ : هففف لازم اكلم وحدة تقفلهولي
اغمضت عيناها بقوة عندما شعرت بيداه تحيط خصرها ... اغلق الفستان بهدوء شديد ثم حضنها من الخلف و طبع قبلة رقيقة على رقبتها
حبيبة : شكرا
اوس بتوهان : ايه الحلاوة دي ؟؟ ده بجد ؟
حبيبة بخجل : اوووس ما تكسفنيش
ادارها له و اخذ شفتيها بقبلة دافئة و يداه تملس على ظهرها بحب
اوس بخبث : اممم الروج الجديد تحفة
حبيبة : بس يا قليل الادب
اوس : حبيبة .. بعد اربع ايام بالزبط هيكون فرحنا
حبيبة بذهول : ايه ؟! اربع ايام ؟؟؟ مش كانو سبعة ؟
اوس : جدي طلب مني يكون اقرب من كدة
حبيبة بتوتر : طب بابا وافق ؟
اوس : امم طبعا .. جدي كلمه قبل ما يكلمني .. و انا طلبت منهم يبقى فرحنا بمصر مش هنا
حبيبة : ليه ؟
اوس : انا عارف ان نفسك تعملي فرحك وسط صحابك .. و انتي ما تعرفيش حد هنا ... مش هكون اناني و اعمل فرحي وسط اهلي عشان يحضروه ناس انتي ما تعرفيهمش من الاساس .. و بعدين احنا بيتنا هناك مش معقول بعد الفرح نضيع وقتنا بالسفر
حبيبة بسعادة : انا بحبك اوي
اوس : و انا بموت فيكي .. و مستعد اعمل اي حاجة عشان تكوني مبسوطة
حبيبة : انا بجد كنت مكسوفة اقول اني عايزة اعمل فرحي هناك .. صحيح بحب البلد دي بس بنفس الوقت الفرح هنا محتاج ترتبيات كتيرة اوي .. و انا بتعب من اي حاجة .. و اساسا تعبت اوي بفرح فريدة
اوس : عشان كدة بقول نعمل فرحنا هناك .. انتي عارفاني مش بحب الفوضى و جو السبع ليالي ده .. فبكرا هنروح انا و انتي لمصر و نكمل تجهيزاتها
حبيبة بسعادة : يعني خلاص بعد اربع ايام هنبقى مع بعض على طول
اوس بخبث : اممم و مش هتقومي من حضني خالص
اخفت وجهها في عنقه و هو احتضنها بقوة .. قاطع لحظتهم طرق الباب
اوس بملل : اكيد دينا
ابتعدت عنه و هي تضحك و قالت : ادخل
دينا : هيلوووو
اوس : مش قولتلك
حبيبة بضحكة : عايزة ايه ؟
دينا بخبث : كنت جاية اشوفك لو خلصتي و لا لسا
حبيبة : خلصت اهو
اوس : طيب انا هروح اجهز برضو .. عن اذنكم
خرج اوس و نظرت دينا الى حبيبة بخبث
حبيبة : في ايه ؟
دينا : مين الي قفلك السوستة ؟
حبيبة بخجل : و انتي مالك
دينا : اااه اوعدني يا رب .. امته ابو مناخير كبيرة الي بحبه هيدلعني كدة
اخرجت نوت صغير و كتبت عليه بعض الملاحظات
حبيبة باستغراب : بتكتبي ايه ؟
دينا بخبث : الحاجات الي لازم يزن يعملهالي بعد كتب الكتاب .. اهو كتبت يقفلي السوستة لما البس فستان
حبيبة بضحك : يخربيتك مش كدة يا شيخة .. ما انتي بتعرفي تقفليها لوحدك
دينا : لما اتجوزه هقوله اني مش بعرف و اجرجره بقا
حبيبة : اه يا سافلة .. امشي ننزل
دينا : و اوس هيسمحلك تنزلي بالفستان البربرق ده ؟
حبيبة : بربرق يا بيئة ؟ اسمه جلتر .. و بعدين ده خفيف اوي مش باين
دينا : طب البسي عباية عشان رقبتك الحلوة دي ما تطيرش الليلة
**********************************
بدأت مراسم الزفاف ... اقيم حفل الرجال في مساحة كبيرة جدا من ارض عبدالله مجهزة بالكامل لاستقبال الحضور
كان صوت الاغاني صاخب جدا يختلط بصوت الالعاب النارية و البارود و اضواء الزينة تمتد من موقع الحفل حتى نهاية الطريق
بدأ بعض الشباب بالرقص بالعصا و اخرون يطلقون النار بالسماء و غيرهم يوزعون الضيافة على الحضور و يقدمون القهوة و الحلويات و كان عبد الله و اولاده و احفاده يستقبلون الضيوف على المدخل
اقيم حفل النساء في قاعة فخمة حيث كانت فريدة تجلس في الكوشة و هي ترتدي فستان الزفاف المنفوش ذو الاكمان المطرزة بالدانتيل التي تنزل على مستوى الصدر لتكشف عن اكتافها
حبيبة : فريدة .. هو تميم مش هيدخل ؟
فريدة بضحكة : انتي اتجننتي يا بت .. جدو قال ممنوع
حبيبة : طب شوية بس عشان نصوركم مع بعض
فريدة : ما تقلقيش عملنا فوتو سيشن قبل ما اجي لهنا
حبيبة : اوك.. طب يلا نرقص
فريدة بحماس : يلاا
بدات النساء بالرقص مع فريدة و سحر اتجهت لتوزيع الضيافة على الحضور مع سعاد
خديجة بشفقة : زعلانة اوي ع البت فريدة .. لو كانت مامتها عايشة كان زمنها بتعيط دلوقتي من الفرحة
خولة : قدر الله و ما شاء فعل .. بس الحمدلله البت ما اتأثرتش عشان خالتها غارت من هنا
خديجة : اه و الله
اتت سيدة و جلست بجانب خولة
ميرفت : ازيك يا خولة .. انتي مش فاكراني ؟
خولة ؛ الا فاكراكي .. انتي ميرفت مش كدة ؟
ميرفت : ايوة ... كنا صحاب ايام الثانوية
خولة : اهلا يا حببتي و الله ليكي وحشة
ميرفت : شكرا يا حببتي .. الا قوليلي مين البت القمر الي هناك ؟
خولة : اه دي حبيبة بنت اخويا حسين
ميرفت : ما شاء الله تجنن .. شكلها مخطوبة مش كدة ؟
خولة : ايوة دي سلفة العروسة
ميرفت : طب و الي جنبها هناك ؟ البنت عجبتني اوي و عايزاها لابني
خولة بضحكة : راحت عليكي يا حببتي برضو مخطوبة .. دي غادة بنت خديجة
خديجة بضحكة : و الله دي لسا مكتوب كتابها من كام يوم بس
ميرفت بعبوس : هففف ... طيب البنت الي هناك دي .. لا هيا مخطوبة و لا بتاع انا سألتها .. بنت مين بقا ؟؟؟
خولة : دي دينا بنتي
ميرفت بشهقة : اللهم صل ع النبي .. انتي عندك بنت ؟؟؟ طب خلاص من دلوقتي اعتبريها بقت مرات ابني .. الواد مهندس و عنده فيلا و ...
خولة بمقاطعة : استني استني .. دي في ناس متكلمين عليها و هتتخطب قريب
ميرفت بغضب : و بعديييين معاكي يا وليةةةة .. انا عايزة اجوز الواد و المه ... ارفضي العريس الي اتقدم يختي عشان نخطبها لابني
خولة : لا حرام .. مينفعش يا ميرفت تخطبوها فوق خطبة العريس .. و بعدين ده ضابط هنا و عينه من البت يعني مش سهل
ميرفت بتفكير : ااااه .. دي الي هيخطبها يزن الضابط مش كدة ؟
خولة : ايوة عرفتي ازاي ؟
ميرفت : كل البلد عارفة .. اصل مراتات ابوه دايرين في البلد بيقولو الضابط هيتجوز بعد ما غلبو معاه من سنين و ما كانش يوافق .. دلوقتي هو الي بقا عايز يتجوز و مستعجل كمان .. بس ما شاء الله البت تستاهل بجد
خولة بابتسامة : الله يخليكي يا حببتي
ميرفت : و بعدين ؟ هجوز ابني لمين يعني ؟ اخت العروسة و بنت عمها لسا صغيرين و سحر قالتلي مش عايزين يجوزوهم دلوقتي .. لاقيلي حل بقا انا عايزة اخد من العيلة بتاعتكم
خولة بضحك : خوديني انا .. منا عازبة قدامك اهو و جوزي ميت من زمان
ميرفت بضحكة : منك لله ده انتي شوية و هتبقي تيتة اتهدي بقا
***********************
بعد عدة ساعات .. انتهى الحفل و اردتدت فريدة غطاءها الابيض و ساعدتها النساء للخروج
ركبت سيارة مزينة بالورد و الشرائط البيضاء برفقة تميم و عمها عدنان .. انطلقت الزفة باتجاه البيت
مجرد ان وصلت السيارات علا صوت ضرب النار في السماء التي تزينها اضاءة الالعاب النارية
استقبلهم عبد الله نزلت فريدة و ساعدتها البنات .. قبلت يد جدها ثم اخذتها النساء لشقتها
حمل الشباب تميم و قامو بضرب النار كتحية له و اتجهو للباب البيت
احتضن عبد الله تميم و قال : الف مبروك يا عريس ربنا يهنيك يا ابني
تميم : تسلم يا جدي ربنا يديمك فوق روسنا و يديك الصحة
سلم تميم على جميع افراد عائلته و اتجه برفقة والدته و نساء البيت الى شقته
سحر : الف مبروك يا حبيبي .. و اخيرا جيه اليوم الي اشوفك بيه عريس عقبال ما اشيل عيالك يا ضنايا
احتضنها بقوة و قال : ربنا ما يحرمني منك يما
سعاد : يلا يا عريس ادخل لعروستك
دلف تميم شقته و اطلقت النساء الزغاريد لمدة دقائق ثم نزلن للاسفل
دلف تميم اوضة النوم وجد فريدة بانتظاره و هي تحني رأسها و تنظر للارض بحياء
تميم بسعادة : الف مبروك يا ست البنات .. اخيرا جيه اليوم الي بقيتي بيه ملكي
فريدة بخجل : ر.. ربنا يبارك .. فيك
تميم بخبث : مالك مكسوفة اوي كدة .. اليوم ده انا و انتي مستنينه من عشر سنين
استمرت في صمتها .. اقترب منها اكتر و احاطت يده خصرها
تميم بحب : بحبك يا فريدة
فريدة بخجل شديد : و انا كمان
اقترب منها اكثر و طبع قبلة على شفتيها لتصبح هذه الليلة اول ليلة في حياتهم الزوجية معا
*******************************
في الاسفل .. مر بعض الوقت لمغادرة الضيوف
عبد الله : اهلا و سهلا يا حج محمود خطوة عزيزة
محمود : تسلم يا حج ... بصراحة انا جايلك و عندي طلب اتمنى ما تردنيش خايب
عبدالله : ان شاء الله طلبك مجاب يا حج محمود .. اتفضل
محمود : بصراحة انا طالب القرب منك
عبدالله بابتسامة : لينا الشرف و الله .. بس بنت مين بالزبط
محمود : عايزين نطلب ايد بنت اخوك عبد الرحمن ليزن ابني على سنة الله و رسوله
يزن باحراج : يقصد بنتها يا عبدالله بيه ...... يتبع
مغامرات عائلية
همس كاتبة