حسابي الأنستا zahraaahmedn99
لتنسون التصويت والتعليق بين الفقرات والمتابعة شمعاتي..
مهيائيل
الكاتبة (زهراء احمد)
________
تعبت من الركض حول المجهول دعني استريح بك
___
مهيائيل: ليش هيج تسوين بيه بشنو اذيتج اني؟
عقدت حاجبي متسائله: ليش اني شنو مسويه؟!
مهيائيل: ليش متصله بأبيل يجي ياخذج؟
ايريم: تحجي صدك!!
مهيائيل: اي ليش مبين على وجهي كاعد اضحك؟
ايريم: وحق ربك ماتصلت بأحد انت شايف وضعي بيه حيل اخذ ونطي وطلع من البيت إذا فراشي مكايمه منه!!
مهيائيل: الف مره كلت ونبهت ايريم احنه ابيت مليان شياطينننن ليش ماتفهميننننن عليه شلون تعوفين الباب مفتوح وطلعين فهميننيييي؟
ترانيممممممم.
بقيت صافنه عليه شلون يصرخ بصوت عالي ويحرك ايده بعصبيه، كلت بكلبي هذا الرجال شماله متسودن اليوم عليه!!
دقيقه وفتحت الباب ودخلت.
ترانيم: خيرك شبيك تصيح؟
مهيائيل: من الزمج هسه وكضي بيج التوبه اكو ملعون والدين يكول ليش؟
ترانيم: أعوذ بالله شبيك؟!
مهيائيل: مو كتلج تصيرين عيوني الثنين بالبيت عينج على الطالع والداخل شلون تفوتج هيج سالفه مهمه؟
ترانيم: شوف اني بسببكم زين وعندي عقل واكدر افكر بيه شويه كول وخلصني شنو الموضوع شمسويه؟
مهيائيل: ليش خليتي هاي ****** تطلع من البيت؟
ترانيم: وانا البواب مال الخلفكم حتى أكدر أمنع واحد من الطلعه واذا سويتها منو بيهن تسمعني وتبقى ماتطلع انت اعرف بيهن مني.
مهيائيل: وانتِ ايريم ليش مقافله الباب من طلعين؟
ايريم: اقفله بس بلقيس جانت تفتحه بدون مدكه وصارت كذا مره.
مهيائيل: انتبهتي على ملابسج ناقصهم شي لو لا؟
ايريم: مهيائيل اني كوه واكفه على رجليه وانت تريد من عندي ادقق بالملابس!!
تركته واكف ورحت لفراشي هو طلع واجت يمي ترانيم، وسمعت صوت صريخه هد البيت هد.
مهيائيل: تونةةةةةة.
متحملت وطلعت اني وترانيم اريد اشوف شنو الموضوع.
مهيائيل: هاي المره صدك انسه الاخلاق وسحلج سحل وحق الله، احجي بالتفصيل السحر اللي دفنتي بالمكبره ويننن؟
تالين: ياسحر؟
مهيائيل: السحر السوته بنتج الله لايرحمها، لا عبالج مادري اعرف بكل سوالفجن وهسه تحجين مثل الأوادم لو اروح انبش كبرها وخليها للجلاب تاكل بيها وقسماً برب ايريم اسويها وتعرفيني واحد خبل مايفكر من يصير الموضوع يخص احبابه.
تالين: كتلك ماعرف وذيج بلقيس بكبرها اذا تريد روح اسألها.
عمى عينه الشيطان ويجوز تراكمت كل الذنوب والأخطاء اللي سوتها بحقه وجانت غلطتها هاي هي القطره الفاض منها الكأس وصار لازم تتعاقب،
اول مره اشوفه يمد ايده عليها هو صح يغلط ويحجي عليها بصوت عالي بس ابد ماضربها احترام الها كدام بتها بس هسه وبحالة ايريم مكدر يسكت عنها.
مهيائيل: انا ادري بيج وبدروبج سويتي بيهااااااا مثل ماسويتي بأمي تردين تخليني اتيتم مره ثانيةةةة مووووووو؟
تالين: والله العظيم مادري ليش ماصدك!!
مهيائيل: رصيد الصدك خلص عندي، كلبي ورم من عمايلجن لا انتن عايشات مرتاح ولا ميتاااات همممم شسوييي كوليلي شسوووووييييييي؟
شوكت هذا الامتحان يخلص وارتاح وعيش حالي حال العالم لو يوم واحددددد شوكتتتتت؟
ميمون: على كيفك مهيائيل مو بهاي الطريقه تنحل هدي.
مهيائيل: بيا طريقه تنحل؟
هااا سمعني بيا طريقه تنحل؟
اني وانت نعرف السحر المدفون بالمكبره ماينفتح الا اذا لكيته وسويتله بطله وذيج ****** لفاها البين وي حظي وهاي الحقيره ******* ماتحجيييي، اكتلللل روحيييي شسويييي ورتاححححح؟
ضرب على صدره بقوة ويحجي بغضب خفت عليه ينجلط نزلت دموعي وراحت حضنته رجليه ماتعيني اتحرك اله خطوه وحده، راح ميمون بسرعة وحضنه ماخذه للحمام يغسل وجهه رجعت للغرفه مكسوره، تعبانه، مهمومه، اكو شي مخيم على كلبي، ضاقت بيه الدنيا بما وسعت،
هدوء شويه غمضت عيني بارهاق النفس عليه ثكيل حيللل، ردت اهرب من كل شي عشته وكاعد اعيشه عيوني تعبن وحدهن وغمضن واني حاضنه رجليه لصدري مثل الجنين ابطن امه،
فزيت على صوت تكسير وصياح صار المشهد رعب بعيني متحملت ابقى بمكاني ورحت كعدت بزاوية الغرفه وادموعي تنزل وحدة تتبعها الثانيه، فتح الباب بكل قوته ضاربه وتقرب من عندي بخطوات هادئه وعيونه بيها ظلام حالك،
انتبهت عليه لابس دشداشه بيضه ورافع شعرة الأسود عيونه نظراتها حاده تحيطها هاله مرعبه تجبرك اتخاف لا أرادي،
نزل لمستواي ولزم أيدي اللي متوقفت عن الرجفه حجيت بصوت يمليه الخوف:
شنو اتريد من عندي؟
جاوبني بنبرة يمليها التملك.
مهيائيل: سامعه المثل اللي يگول انگلب السحر على الساحر؟
هذا المثل انطبق عليه وبهاي الحاله حتى الجني الأحمر ما يگدر يخلصج من عندي.
طيب شنو سويت والله مدا افهم؟!
گدرتي تسوين اللي مگدروا يسوه الجن سيطرتي على گلب ساحر القرن.
سحبني من أيدي مكومني نسيت كل شي حلو عشته وياه وهو بهاي اللحظه كلش تغير ورجع ذلك الشخص اللي تزوجني بالحيله، داخلي شك لوهله السحر مسوالنه احنه الثنين مو بس اني،
ظلام عن ظلام يختلف أو أيد عن أيد تختلف هم، اكو أيد تسحبك لبر الأمان والثانيه ترميك بالهاويه، وبعد كل مصيبه وبلاء لابد يجي اختبار ثاني اقوة ونبقى هيج حتى تنتهي الحياة،
صحيت من النوم واحس بشعور مختلف تماماً النشاط والحيوية رجعولي كمت بأبتسامه من فراشي رحت للحمام باوعت لنفسي بالمرايه وجهي رجعت بيه الحياة غسلت اسناني وكملت روتيني المعتاد غيرت ملابسي نازله لكيته واكف يم الدرج بأبتسامه عريضه وعيون تريد تفترسني لزم أيدي بأيده ورحنا للسياره ورجع بعقلي شنو صار قبل يومين.
Flash back
مهيائيل: تحجين لو اشتكي عليج؟
تالين: احجي والله بس تحلف متسويلي شي.
مهيائيل: ماسوي سولفي.
تالين: ماصدك بيك احلف.
مهيائيل: والله ماسويلج شي.
تالين: مدفون يم قبر امك.
مهيائيل: ايا طايحة الحظ وحتى وهي ميته ماخلصانه منجن بس شحجي وشكول **** ماعليجن عتب.
دخل للغرفه شويه وطلع يركض نازل ماخذ وياه ميمون واني دخلت يمها شفتها نايمه بهدوء عرفته منطيها مهدء لأن نومتها عميقه ودموعها على خدها بعد اثرها موجود، سديت الباب وطلعت، شفتها كاعد تبجي.
ترانيم: ابجي وداعتج هاي المره ماتسلمين من عنده.
تالين: حلف ميسويلي شي.
ترانيم: ههههههاي شكد خبله لعد تصدكين بسحار، اذا هو القرآن يكفر بيه تردين يصدق وياج بالحلفان!!
بقت ترعد ابتسمت متشمته عفتها ورحت للمطبخ، اني أجهز بالغده سمعت طكة علج درت وجهي الها احجي بتحذير: مابقى شي وانتِ هم تاخذين جزائج.
رولين: وراكم وراكم حتى لو مني بقت بس الروح.
ترانيم: هذا الحقد والكره على شنو بس اريد افتهم؟!
رولين: اجيت بليله ظلمه اريد واحد يساعدني بعد مابقالي احد فكرت انتوا بيت عالم محترمه وتنقذوني من الاني بيه استلمني اخوج اكس مربع وضحك عليه وبعدين راد يشمرني لو ماجبرته يزوجني بالحيله وبقيت افره فر وصار خاتم بصبعي ومطول مني هذا الشي هواي.
ترانيم: ساحرته؟
رولين: مشربته.
ترانيم: مخدرات؟
رولين: لاا ويني وين هاي السوالف بس اشربه يوميه جرعه شكل، يوم طاعه يوم محبه ويوم عقد السان.
ترانيم: دَاسِم؟
رولين: ههههههههههههههاي، شكد مسكينه، اني العندي يعلم دَاسِم وعشيرته.
ترانيم: منو هو؟
رولين: واحد يكدر يخلصني من هذا البيت بس مو قبل ما أحقق انتقامي.
ترانيم: اني وياج والزمن طويل، راح طلعين منا بس مطرودة ومهيونه وللشارع.
رولين: عبالج اذا كلتيله راح يصدكج؟
ابتسمت بخباثه مكمله: اني مسيطره على عقله لدرجه مخليته يسولف وي روحه عباله أخوه، سطرته سطره خليته حتى بأخته يتحرش، سحر وكحول شويه بيها حبوب حتى يفقد فد مره واكدر استغله، هو ميشوف غير رولين حبيبته ويبقى هيج طول العمر.
ترانيم: وليش جايه تحجيلي هسه؟
رولين: لأن مخليتج بعقلي وأريد اتخلص منج بعد ماراح اخلص منهم واحد واحد لازم ترحين وياهم حتى يبقى البيت إليه أكدر اسكن بيه اني وحبيبي.
ترانيم: هههه، لا والله هههههههههاي، مبين انتِ المكبسله مو ميمون لأن هوايه صايرة تحلمين احلام يقضه، نصيحتي الج قللي منها مو زين عليج بعدين تتمرضين ومنكدر نبتلي بيج مشاغل الحياة اهم منج مثل متعرفين.
خليتها تشيط وتطلع ضايجه، شوف الخباثه شلون وحده مكاره عبالها ميمون ومهيائيل محجولي سالفتها عدل وجايه تجذب عليه، مو انا ثوله مثل تالين وصدك بيج وحده ادبسززز ساقطه،
اجذب لو كلت كلامها ما أثر بيه بس لازم قناع الشجاعه موجود حتى محد يكدر يدوسلك على طرف،
صار العصر نفتح الباب ودخل تعبان وعيونه بكصته بوجهه للغرفه راح وراه ميمون ومطلعوا منا لليل، اخذ مي وماعرف شنو وصعد فوك اعتقد راح يخليها تسبح بيه.
___
حسيت على أيد تلعب بشعري فتحت عيوني بهدوء شفته كاعد يمي ومبتسم، عقدت حاجبي لو هو تخبل لو اني، قاطع تفكيري صوته وهو يكول.
مهيائيل: هذا مي كومي اسبحي بيه حتى تصيرين زينه.
ايريم: مي مال شنو؟
مهيائيل: بول البقر.
ايريم: ايععع وتريد اسبح بيه!!
مهيائيل: اي شبيه البقر كلها فوائد اهم شي تصحصحين مو مهم المي شنو بيه.
ايريم: لا صدك والله شنو بيه؟
مهيائيل: قريت عليه اشياء خاصه حتى ترجع عافيتج وتخلصين من السحر.
ايريم: لكيته؟
مهيائيل: جبته وفتحته.
ايريم: وانت؟
مهيائيل: مسحور انا هم بس سحري بسيط بعض الشغلات تفيده مو شي جبير.
ايريم: شغلات مثل شنو؟
مهيائيل: اي شي يطلع منج قابلين، مسحور بعيونج انا.
ايريم: شهل غزل المفاجئ؟
الصبح اجيتني كالب الخلقه ماعرفتك.
مهيائيل: فكرت راح اخسرج هاي المره من صدك، عصبيتي ممبررة عاد انتِ لادقيين.
ايريم: وهاي مال سحر الساحر زدتني رعب خاصه نظراتك يكول جني.
مهيائيل: غير اخليج تروحين لغير عالم حتى متحسين بالأبرة.
ايريم: يا أبره؟
مهيائيل: شتريت مهدء من الصيدليه حتى اخليج تنامين بدون كوابيس حتى ارجع وفتح العمل.
ايريم: وهاي شلون الصيدليه تنطيها الك بدون وصفه؟
مهيائيل: سهله داده، عندي وصفه قديمه انا ما اشمر شي مهم خاف احتاجه بيوم من الأيام، عوفج من هاي السوالف وكومي اسبحي بهذا المي يلا.
اخذت ملابسي ودخلت للحمام حسيت نفسي مرتاحه شويه احسن من الصبح كملت وطلعت لكيته واكف وبيده مبخره اتقرب مني وبخرني دفعت ايده الريحه ابد مطيبه.
ايريم: شنو هذا؟
مهيائيل: سن الثور.
ايريم: هاي صدك عود!!
مهيائيل: ههههههههه، لا داده هذا علج مر أو ورق غار وملح خشن مقري عليهم كم آية تبعد عنج السحر والعين، وهسه نرش الغرفه ملح ومي ونحلت فضت.
ايريم: وخلصت بهاي البساطه؟!
مهيائيل: ماطول نفتح خلصتي، هاي الأشياء تحصينيه وتبعد عنج رواسب الشيطان.
ايريم: يعني شنو؟
مهيائيل: الطاقه السلبيه والآثار المتعلقه بجسمج نتخلص منها وترجعين زي الفل.
ايريم: شكراً.
مهيائيل: على شنو؟
ايريم: لأنك موجود بحياتي.
مهيائيل: يجوز اني السبب بلي تعيشيه هسه متدرين.
ايريم: لا مو انت السبب.
مهيائيل: وهاي شلون خمنتيها بلا؟
ايريم: لأن من زمان اني احلم هيج بس مجنت اهتم احلامي مو مخيفه لهاي الدرجه، اعرف عمتي تسوي سحوره وامي هوايه تمنعنا نروح يمهم لكن القدر حكم بغير شي.
مهيائيل: وعمتج شنو دخلها بالسيرة هسه؟
ايريم: مهيائيل خليك صريح وياي وحجيلي، ليش نشليت بالكامل قبل متخطبني؟
مهيائيل: عقلج شنو يكول؟
ايريم: بالبدايه فكرت مسويلي سحر بس هسه من عشت وياك وعرفت لازم تعرفون اسم الأم وتاخذون قطعه من ملابس الشخص لو اي شي ثاني يخصه يلا تكدر تسوي سحر مضبوط ينطي مفعول، وهذا اما تشربه لو توكله لو تشمره اباب البيت حتى ينطي هيج تأثير وذني كلهن ملحكت تسويهن وياي.
مهيائيل: معلوماتج محدوده، أكدر اسوي سحر بس بمعرفة اسمج واسم الأم أو مو شرط ينشمر بالباب لو اشربه الج بالعكس أكدر اسويه بطرق ثانيه وتجيب مفعول اكبر بس انا ماسويت شي واحساسج صح السحر جان مو مني، وكلت بيج جني اي وخوفتج اي بس بذلك الوقت شيطاني كال سوي هيج والسبب واضح حتى توافقين على الزواج، ردت اجيبج لبيتي وكدام عيني وسحر عمتج فادني هواي.
ايريم: شلون يعني وضحلي اكثر؟
مهيائيل: شغلي مخج وياي مره ثانيه مراح اعيد وياريت هذا الموضوع ماينفتح بعد،
من طلعتي بالشارع بذيج الليله ولمحتج تمشين من بعيد عرفت شنو بيج وهذا الشي اي ساحر مضبوط يعرفه ميحتاج يعرف الاسم مالتج الجن يحجي بعقله، وضحت عندي الصوره من لزمت ايدج وعرفتج مشربه، السحر بالعادة اما يكون تأثيره قوي ومباشر بنفس اللحظه أو يكون بهدوء ويأثر على كيف بالشخص، سحرج جان من النوع الأول ضيفيله الجن وهذا دزيته يشوفج وينطيني اخبار ولعلمج هو نفسه عبد الرحمن وجان يعاند ميقبل يخوفج يكول خطيه.
ايريم: وانت ليش دزيته؟
مهيائيل: أكلها ديج يكلي خلي يبيض، بابا افهمي عرفتج مشربه وردت اطمأن عنج.
ايريم: كول حبيتج وخفت عليج ليش مكابر؟
مهيائيل: اي عفيه لهذا السبب.
ابتسمت متقربه من عنده رافعه رجليه على أطراف اصابيعي: ياسبب؟
باوعلي بنظره عميقه وابتسامة هادئة.
مهيائيل: اللي كلتي.
ايريم: واني شنو كلت؟
عاف المبخره على الميز وتقدم مني شايلني، كال بهمس وبصوت عذب مليان حب وبنبرة كلها مشاعر ذوبتني بالكامل وخلت كلبي تشتغل بيه طبول.
مهيائيل: احبج، وحبيتج من اول مرة شفتج بيها تمشين بالشارع جايه للبيت والشمس تضرب بوجهج وخدوج صايره حمر وعينج بالكاع وممبين منج شي حتى اديج مغطيتها،
بخطوات هادئة ،وعيون راكعه، وبأيدي خاشعه، "دخلتي كلبي ياكل نبض بكلبي ودكه موجوده بيه"
ومن بين كل المعاصي والذنوب اللي سويتها "اجيتيني ملاك من السماء لهدايتي، ياهديتي وعوض ربي ودعاء امي المستجاب"
"شنو الاحبج اذا انتِ من الأساس دشيتي كلب مامدشن وصرتي قُفله ومفتاحه"
"جميع الأرقام قابله للتغير انتِ الوحيده الثابته بالمعادلة"
شديت على حضنه أكثر والابتسامه شكت حلكي، مشاعر جياشه داهمتني بهاي اللحظه وبعد كلامه احس نفسي طايره بالهوه،
كمل كلامه بصوت هادئ.
مهيائيل: اعتراف وعترفنا شنو عذرج بعد؟
بتسمت مجاوبته بمكر.
ايريم: لشنو؟
شالني من مكاني كايل بتساؤل.
مهيائيل: ماحبيتي ساحر القرن ولج؟
رفعت حاجبي وابتسامة خباثه على شفايفي.
ايريم: شلعت كلبي يلا حجيتها وهسه تريد من عندي اعتراف بهاي البساطه مستحيل.
كال بقلة حيله.
مهيائيل: ننتظر شورانه ارنوب.
جانت من أجمل الليالي اللي طبعت بالذاكره واحاله انساها، رجعت بذاكرتي بعد موصلنه للجامعه قبل ما انزل سحب أيدي مقبل باطن كفها.
مهيائيل: انتبهي على نفسج أو أي شي يصير وياج خابريني.
ايريم: وانت هم سوق بهدوء ومن توصل للشغل دزلي رسالة اطمأن عليك.
مهيائيل: يدلل الحلو.
ودعته ونزلت، بهاي الجامعه صنعت هواي ذكريات أجمل الايام وتعبها قضيتها هنا لحسن حظي إقدام اللي جنت خايفه من عنده تزوج حسب كلام البنات، السمعته منهن بالعطلة الفاتت اخذ بنت عمه ونقل لغير محافظه ارتاح عقلي من عنده خفت يسويلي شي والحمدلله جانت مخاوفي نابعه من وهم،
مرت الأيام البقيه بهدوء بين المشاكل البسيطة والأمور العائليه الروتينه حتى خلصت السنه، قررنا اني ومهيائيل نروح نغير جو قبل زواج رائف هاي الرحله جان مخطط الها من العام بس الظروف الصارت منعت نسويها،
جهزت ملابسنا منطلقين لكربلاء الحسين عليه السلام.
___
:ثلاث اشهر مثل الجحيم عليه لا أكدر اطلع ولا ادخل منعني حتى الحريه، علاقتنا مو كأي زوجين ابدد كل واحد بغرفه ملابسه وشغلاته كلهن تسويهن مُزن ومو لأن أني ما اقبل بس هو هيج يريد، حتى ملت امه من هذا الوضع وجمعتنا ثنينه بغرفتها.
حميده: لشوكت؟
تليد: حتى يورد الملح.
حميده: اريد اشوف جهالك عمرك تلاثين سنه شوكت ناوي ان شاء الله تصير رجال مسؤول وتعرف عندك مره وبيت ولازم تفرغله وقتك؟
تليد: هذا الزواج صار غصب عني انتِ تعرفين وهي هم اني مقابل عليه وكل شي يصير بدون أرادتي هاي نتيجته.
حميده: برضاي عليك وليدي اللي صار صار بالماضي وراح واحنه ولد اليوم كبر عقلك شوي وعيشوا حالكم حال البقيه.
تليد: كلت لا يعني لا واذا انتِ كاتله نفسج على الجهال روحي تبني واحد من الميتم لأن أني وياها مستحيل ننجمع بغرفه وحده.
حركوا كلبي ثنينهم على رغم عمتي حبابه واعرف نيتها تريد تصلح وضعنا بس مو بهاي الطريقه ونهان هيج، التفتتله وحجيت برفعة حاجب وستنكار.
ياسيم: وانت منو كلك اني كاتله نفسي عليك وريد ابقى وياك بنفس المكان؟!
لو يخيروني بين الجنه وبقى وياك والجحيم على انو ارجع لأهلي صدكني اختار الجحيم على انو اعيش يمك لحظه وحده.
عفتهم وكمت مكدرت ألزم دموعي كبل دخلت الحمام وبقيت ابجي بصمت حتى تعبت وخلصت طاقتي غسلت وجهي وطلعت، ومشفته بعد كمل باقي اليوم طبيعي حتى صار الليل جافي عيوني النوم واكو مقابيل المطبخ حديقه كلش صغيره بيها شجرة رمان رحت كعدت جواها ورجعت ذكرياتي لأيام زمان شلون جان مهيائيل مدللني وممخليني احتاج اي شي وعبرت على امي وابوي وختمتها ابلقيس، جنت يوميه اخابرها نسولف وتحجيلي عن زوجها وحياتهم، لو صبرت ومسوت معصيه ملفاها الموت بهاي الطريقه وجانت سورة الفاتحه على روحها تطلع من الكلب مو مثل هسه اقراها واني اعرف عدل ماتوصل، على يا عمل صالح تاخذ حسنه،
غمضت عيوني الجو حار بس احسن من خنكة جوه بقيت ادندن بصوت ناصي بقصيدة حافظتها وجنت اقراها دائماً:
رحل كل غالي عندي
بقت بوسه على خدي
مثل الدمع فوك الوجن طعمها
البنات عدهن اب وام يسألون عليهن يفقدونهن اني ولله الحمد مثل اليتيمه ما انتظر احد بس رحمة ربي، حتى الموبايل ماكو وتصل بعائلتي حتى لو موجودين، تعاقبت عقوبه استحقها من رب العالمين بعد سواياتي الموت المفروض هو الحل الوحيد بالحكم العشائري أو لو مو وكفت مهيائيل وياي جان هسه اني ميته وللامانه لو ميته احسن بالف مره من الحياة بهذا البيت،
صافنه وعقلي سارح بالبعيد نرسمت بمخيلتي شغلات حلوه هيج ارجع حره من جديد واكمل دراستي والعن ابو اليفكر بالحب والزواج بعد، مجرد احلام وهميه زرعت الفرحه والابتسامه بداخلي ومستمرت لفتره طويله فززني صوته المزعج وهو يحجي وياي.
تليد: هاا ملكة جمال ****** وين صافنه بنص الطرمه وكدام عيون الهتليه أهل السطوح، ولو انتِ متعودة على ال***** مو جديده عليج من حضن لحضن.
نفضت الأتراب من ملابسي واكفه مقابيله وعلى وجهي برود تام عكس داخلي المشتغل نار هسه.
ياسيم: واذا تعرف بيه **** ومن حضن لحضن ليش مطلك وتروح تتزوج وحده شريفه عفيفه شنو الجابرك تبقى عليه؟
تليد: اتونس بيج ولو اني لعبانه نفسي منج سواء بالحرام لو بالحلال ماعرف شلون جان راكض وراج ذلك ال**** ومن عرفتج بنت العم المحترم مهان عليه اعوفج بحضن الغريب يستفاد بيج وكلت انا أولى مو قبل يكولون بنت العم لبن العم، وهذا انا طبقت القاعده.
ياسيم: خلف الملعون كلباً مثل أباه، عليمن تطلع العرك دساس والدم يحن.
ضربني راجدي بكل قوته وسحبني من شعري مقربني من وجهه عرفت بهاي كلماتي دست على الوتر الحساس وطلعت الشيطان النايم جوه والصراحه منظره وهو يرجف كدامي من العصبيه ارضاني بشكل لايصدق.
تليد: بنت الحرام اناااا تحجين عليه هيج، اليوم اراويج ال**** من صدك شنو يسوي اذا ماصير انكس من الجلب وعيشج نفس الألم ما طلع ابن امي.
ابتسمت بوجهه رغم الألم وضحكت بصوت عالي كايله: ابن امك اكيد لان ابوك مامعترف باصلك اصلاً.
سحبني من شعري للغرفة مالته فتح الباب وشمرني بالكاع بكل قوته حسيت عظامي تفلشت اجه يمي وشالني من راسي ضاربني بالكاع مره ثانيه نغلقت عيوني بتعب وداهمني الظلام وتمنيت بداخلي مافتحهم مره ثانية.
مهيائيل: هاي مُزن تتصل خير شنو صاير بهيج وقت،
الوو باباتي صاير شي وياج ياسيم بيها شي؟
مُزن: الحكلي ياسيم تنزف ومحد موجود يمنه.
اخذ السويج بسرعه وطلع يرعد.
مهيائيل: شلون يعني محد يمكم والنعال وينه؟
مُزن: مادري فدوة الحك ضاغطه على الجرح بالحجاب وماكاعد يبطل نزف.
سد الموبايل صارخ بصوت عالي.
مهيائيل: ميمووووون رائففففففف اطلعواااا بساعععع.
رائف: خيرك شكوو؟
مهيائيل: انا ورائف رايحين لياسيم ناخذها للمستشفى وانت ميمون اريدك طلعلي ذلك النغل من جوه الكاع.
صعدنا بالسيارة بدون مافتهم شي ويسوق بكل سرعته همزين الدنيا نص الليل ومحد موجود جان هسه ميتين ودافعين فصل، وصلنه للبيت نزل يركض ركع الباب وفات الواضح محد قافله دخل شويه وطلع شايلها على ايده وطلعن وراه امه واخته يدكن ويلطمن، صعدها ورحنه للمستشفى وبقى ماخذ الممر طوا بعرض منو يكدر يثبت رجليه بالكاع بعد.
رائف: سمي بأسم الله وستهدي بالرحمن ماكو شي.
مهيائيل: مرتك وين؟
رائف: مداوم خفارة.
مهيائيل: اريد هذا ال**** يمي اشرب من دمه ابن ****** شاك راسها نصين مسوي نفسه جون سينا هل الاثول الغبي عديم الفهم الحمار.
رائف: هسه انت افتهم السالفه شنو هديت بيه وحنه مانعرف شنو الموضوع.
مهيائيل: مبينه واضحه اصلاً ميحتاج الها ثنين.
رائف: استغفر الله العلي العظيم، انا برأيي الصار بسببك.
أشر على نفسه مصدوم.
مهيائيل: اناا!!
رائف: اي انت لعد امي.
مهيائيل: وشسويت بلا؟ فوك مازوجتها وسترت عليها احسن ماتموت لو تبقى السمعه الطايح حظها ملاحكتها طول العمر واحنه هم ننضر مو بس هي، طلعت غلطان؟!
رائف: لايمعود وين رحت اقصد بطل تروح للزيارة كلما تنوي تطلع سالفه محد يريدك تزور مو خوش ادمي اخذها مني واستر على رويحاتنا.
مهيائيل: طاح حظك عبالي بحلكك سالفه بيها خير.
رائف: شوف من هسه اكلك لو يصير انقلاب ازوج هذا الأسبوع يعني ازوج.
مهيائيل: وخر من يمي لا اسمط أبوك واحد سرسري مهتلف.
رائف: مو صوجك صوجي انا واكف اونسك وغيرلك جو.
مهيائيل: قرد مو انت واضحك عليك.
رائف: مع الأسف عليك والله انا وشواربي وخطيبتي وتكول عليه قرد ماقبلتها منك.
مهيائيل: يطبك مرض واذا ماقبلت متعطل عليك وعلى قبولك.
بقيت اسولف وياه حتى أكدر أشغل عقله بشي ثاني ولو مستحيل يصير هيج، بقى يطحن بداخله ومارتاح حتى طلع الدكتور مطمأنه على وضعها، الحمدلله مصار عدها شي بالجمجمه حسب كلام الدكتور الضربه مسويها عدها ارتجاج الواضح شايلها حيل وضاربها بالكاع بقوة، مهيائيل سمع هيج وشاط وبسرعة طلب يسوولها تقرير طبي حتى يشتكي عليه والمستشفى ماقصرت اتصلوا بالشرطة حتى يجون ياخذون اقوالها.
فتحت عيوني بصعوبه راسي يريد ينفجر من الألم، ظلام دامس ماكدر اشوف شي صرخت بصوت عالي خايفه بس لا فقدت النظر: ساعدونيييي.
سمع صوتها ودخل يركض.
مهيائيل: شبيج عيوني ليش تصرخين؟
ياسيم: مهيائيل، مهيائيل عيوني ماكدر اشوف.
مهيائيل: رائففففففف.
رائف: ها خيرك خويه.
مهيائيل: صيح الدكتور بساععع.
عيوني عليها وماكدر اواسي نفسي بشي لأول مره بحياتي كلها اندم على قرار سويته مو ندمت لان زوجتها بس ندمت لأن ماخليتها كدام عيني وكسرتني كلمتها وهدتلي حيلي من لزمت بأيدي وتحجي بخوف.
ياسيم: أكدر ارجع أشوف مره ثانيه؟
مهيائيل: تشوفين وترجع عيونج مثل قبل وحسن بعد واللي سوه بيج هيج يتعاقب اسوء عقاب وما يرتاح كلبي اذا ما أخذ حقج من عيونه مربع ومثل ما عماج اعميه.
ياسيم: وشنو استفاد حتى لو عاقبته؟
مهيائيل: ترجعيلي ورده مفتحه وتكملين دراسه واللي يمسج بكلمه العن يومه.
ياسيم: طلكني منه.
مهيائيل: هو هذا الراح يصير، ماتبقين على ذمه هيج واحد.
حضنته على رغم اعرف حرام بس هيج مشاعر مگدرت اسيطر عليها، دخل الدكتور وبده يفحصني بدون ماحس على شي بعيوني، مو ظلام ابدد يعني مو شي اسود لا ماكو شي اشوفه من الأساس، كمل وسمعت صوته يحجي وياهم.
:لازم نفحصها بدقه ونتأكد من سبب العمى المفاجئ الصار عدها.
مهيائيل: شلون يعني مفاجئ؟
:العمى اللي صار ماله علاقه بالحادث التعرضت اله ولهذا لازم نسوي فحص نتأكد بيه من السبب الرئيسي، تفضلوا بره رجاءً نحتاج نجهز المريضه لغرفة الرنين.
طلعنا انا ومهيائيل اللي صار اعصاب بس تكله بز ينفجر، اخذوها لغرفه الفحص وبقينا منتظرين فتره من الوقت حتى طلع الدكتور.
مهيائيل: طمني شنو بيها؟
:المريضه تعاني من ألم سابق بعينها؟
مهيائيل: مجانت تشكي.
: العصب مال عينها بيه التهاب كلش قوي ولهذا السبب فقدت البصر لكن أكدر اطمنك يرجع بصرها احسن من قبل اذا ستمرت بالعلاج.
مهيائيل: يحتاج عمليه؟
:لا متحتاج بالوقت الحالي راح نحاول نعالجها بالدوه وان شاء الله ترجع تشوف بشكل طبيعي.
مهيائيل: الضربه مالها علاقه؟
:الضربه صايره بنهاية راسها مالها علاقه بالعين، الالتهاب قديم وبسبب سكوتها هيج صار، احنه دائماً نكول انتبهو على المرض ابدايته احسن الكم لأن بعدين يتفاقم ويصير صعب نعالجه بسهوله، مع هذا الحمدلله على سلامتها وان شاء الله فتره وتعدي، راح انطيك عنوان طبيب معروف بالعيون يكدر يساعدكم معافايه.
مهيائيل: شكراً الك.
طلعوها من غرفة الفحص للغرفه الثانيه وشويه وصلت الشرطه ماخذين اقوالها بهذا الوقت سويتلها خروجيه، ساعدها مهيائيل مطلعيها للبيت.
___
ترانيم: هي وحده فكر بينا وفكرت الثانية لو انا لو انتِ.
ايريم: انتِ اكيد.
ضربتني على أيدي بعتب: حقيره ليش ولج!!
ايريم: هههههه، ربج ماكاتب قابل بيدنا.
ترانيم: والله مشتاقه للزياره صار سنه ادك والطم عليها من محرم العام مرحت.
ايريم: اني من تزوجت ابو الطلايب لحد الآن مرايحه للزيارة صحيح أقره زيارة عاشوراء يوميه بس مشتاقه لقبة الحسين عليه السلام وحضرته.
ترانيم: نروح، نروح ماتضل هيج لابد يجي يوم.
ايريم: واني متحمسه لجيته.
ترانيم: خابرتي شفتي شلونها؟
ايريم: اتصل عليه مايجاوب.
ترانيم: هل بت هاي ولاعدها حظ.
ايريم: لا ام ولا اب يتيمه وأهلها عايشين.
ترانيم: الله لا يردهم خلينا مرتاحين وان شاء الله يجي يوم لهاي الحيه.
ايريم: متوقعت مهيائيل يشتكي عليهم صراحه، نصدمت من دخلوا الشرطه معتقليهم.
ترانيم: وان شاء الله مايرجعون يبقون طول عمرهم هناك.
ايريم: شفتي رب العالمين شلون ياخذ حق المظلومين حتى لو بعد حين لابد يجي يوم وينتصر الحق.
ترانيم: اي اشهد، ربج اخذ حقي ولو بعد سنين وذل الجان عزيز وبقى يبجي ويتوسل اسامحه بآخر سنه من حياته، شله ربج شل وكام للحمام مايكدر يروح وحده وعرف الله حق وكل شي نقدمه بالحياة يرجعنا بيوم من الأيام.
ايريم: سامحتيه؟
ترانيم: لا والله صحيح كسر خاطري من اشوفه منكسر وتعبان ومريض بس ما اكدر انسه سواياته بيه وشلون جان يعذبني ويضربني ويطردني ويجيب نسوانه لنص غرفتي وانا بره وثاني يوم يجبرني اغسل ملابسهم، شلون اسامح اللي خلاني انهان وتنذل كرامتي؟
بيوم المات ودخلتلي جنازته نزلت دمعتي مو حب بي ابد والله بس شفت الحياة شكد قصيرة ويجي يوم ونروح يم رب العالمين وهناك بيا وجهه نقابله؟
نزلوا يمي رفعت الغطا وفتحت الجفن ونزلت راسي يم أذنه وكتله "هسه شتكول لربك وشنو تبررله اذا سألك ليش سويت هيج بيها؟ روح اموت ومابريك الذمه وخصيمتك بيوم القيامة أو اواجه رب العالمين بكلب محروك وكله هذا ظلمني وعذبني وهاني وسلب طفولتي وبرائتي"
راح لربه وانا ماراضيه عليه بنار جهنم عسى ماغادرها ليوم الدين.
دمعت عيني على كلامها ولا الزمن نكدر نرجعه والصار مايتغير،
كاعدين بالحديقه نسولف حتى نفتح الباب ودخلت بس شفتها بجيت حتى لو كلبك حجر يحن من تشوفها شلون ذبلانه وتعبانه وضعفانه مو ثلاث اشهر وكأن صارلها سنين، عيونها ملفوفه وراسها هم رحنه يمها وساعدناها ماخذيها للغرفه بقيت يمها حتى غفت وطلعت وترانيم يمها موجوده،
رحت للغرفة لكيته ماموجود نزلت ليجوه سمعت صوته يحجي على الموبايل.
مهيائيل: وينه؟
ميمون: مادري دورت عليه بكل مكان مشبوه ويروح عليه مالكيته.
مهيائيل: انبشلي الكاع نبش باجر اريده كدامي.
ميمون: شتكيت عليه؟
مهيائيل: اريد اطيح حظه قبل الشرطه ماتلزمه وبعدين اخذ حقي منه عشائرياً والعن والديه.
ميمون: لتنسى اخته وامه.
مهيائيل: اخته اختي لتشيل همها.
ميمون: امه مره جبيره، مهيائيل خلي بكلبك رحمه شويه.
مهيائيل: ومافكر بيهن من من سوه سوايته بيهاااا ميمون عماهاااا ولكككك عماهاااا البت ماتشوف جانت يمي ورده مفتحه راحت يمه شهرين رجعت ذابله العن والديه والله وبهذل احواله والعب بيه طوبه هل مطي الغبي.
سد الموبايل واني رحت يمه، عصبي لدرجه ايده ترجف ماثبتت وينتفس سريع مكدرت احجي كلمه بس انطيته كلاص مي اخذه من عندي وشربه.
مهيائيل: على يوم انجلط ******** مايخلون يوم يعبر بسلام ابدد.
ايريم: شنو كال الدكتور؟
مهيائيل: التهاب بالعصب مر عليه وقت طويل بدون معاينه لهذا السبب صار عدها عمى مؤقت.
ايريم: والحل؟
مهيائيل: نعالجها.
ايريم: وتليد؟
مهيائيل: اكسر رجليه والعن والديه واني أعلمه شلون يندك ببنيت مهيائيل.
شويه ونزلت ترانيم مفزوعه أو وجهه مخطوف وتحجي بخوف وقلق جبير...
يتبع..
البارت أكثر من 4129 كلمه..
صايره ما اشوف تعليقاتكم بين الفقرات 👻👻..
تصبحون على الف خير وعافيه شمعاتي..
لأي شي يخص القصه تعالوا يمي انستا..
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!