الفصل الرابع

رواية مختلفة الجزء الرابع 4 بقلم وتين خالد مختلفةرواية مختلفة الحلقة الرابعة ‏بصيتله بقرف و انا ببص ناحية مستر احمد الي كمل كلامة عادي و ملاحظش حاجة ‏~بشمهندس أدهم هيكون مسؤول عن جزء كبير من المشاريع و الشركة ، و ان شاء الله في الفترة الجاية هتتعاملوا مع بعض بشكل مباشر ‏~تابع بابتسامة مستفزة بالنسبة ليا : و دي موج من اكفأ الموظفين الي عندي علشان كدة اختارتها تبقى معاك و تساعدك في شغلك

‏موج : يعني ايه هنتعامل مع بعض مش عايزة انا اي اختلاط بالبني آدم ده بس اكيد مش هقول الكلام ده دلوقتي لمستر احمد و قدامه كمان مش عايزاه يشك في حاجة -قولت بارتباك بيسببه وجوده بس حاولت اداريه ورا نبرتي العملية : اهلا بحضرتك .. عن اذنكم علشان عندي شغل كتير لازم اخلصه ‏~احمد : اكيد اتفضلي

‏خرجت من عندهم و انا بفكر ازاي افاتح مستر احمد اني مش عايزة اشتغل مع ادهم عايزة حِجة مقنعة علشان ميشكش في حاجة او يسأل كتير ، اصل انا اكيد مش هسيب الشركة بعد ما أثبت نفسي فيها بالعافية ده تعب سنين اكيد مش هيروح بسبب وجوده ‏~~~~~~~~~~~~~~~~~~~~~~~~~~~~~~~ -احمد : ايه رأيك فيها؟ ‏~أدهم برفعة حاجب و استغراب : هي مين؟ ‏~ايه يا ابني انتَ مكنتش مركز ولا ايه ..بكلمك على موج طبعاً -مالها ..شاطرة اه

‏~يا ابني بقى ركز معايا ..مش بتكلم على شطارتها ‏بتكلم على البنت نفسها..على حلاوتها و شياكتها قمر يا ادهم قمر -ادهم و هو بيضغط على ايده جامد اتكلم بعصبية حاول يداريها: انتَ مش هتبطل طباعك الزفت دي و القرف الي بتعمله .. ربنا يكون في عون مراتك على الي بتشوفه منك تابع بجدية : و ابعِد بقى عن الموظفين بالذات علشان ميجيش يوم و تتفضح انا كنت فاكرك عِقلت يا أخي

‏~ايه ايه هَدي نفسك و خُد المواضيع ببساطة مش كدة انا كنت بفضفض معاك مش اكتر ‏و بعدين ما انتَ ممكن تستفيد و يطولَك من الحب جانِب -لا مش عايز قرفك و اَديني بحذرك طول ما انا هِنا مسمعش و لا اشوفك بتعمل حاجة من دي يا إما هتشوف مني حاجات مش هتعجبك و هرَجع الاسهم بتاعتي و اسيبك تغرق في ديونك ‏~خلاص يا بوص كنت بهزر فرفش كدة ‏مردش عليه و سابه و مشي ‏~~~~~~~~~~~~~~~~~~~~~~~~~~~~~~~~~~

‏كنت قاعدة بشتغل و انا بفكر في حِجة اقولها ‏سلمى : بت يا موج شوفتي بيقولوا في مدير جديد و شكله كدة اعلى من مستر احمد يعني سلطته اعلى منه -اه شوفته ‏~يا بنت الايه شوفتيه و مرضتيش تقوليلي -اه و مستر احمد قالي ان انا هساعدة في شغله ناقص يعيني سكرتيرة ليه ‏~طيب و الله انتِ مش وش نِعمة بقى زعلانة علشان عَينك عنده ده كل بنات الشركة لما عرفوا اتمنوا يتعينوا عنده علشان منصبه

-يا ستي انا مش عايزة.. طيب ايه رأيك لما آجي اكلم مستر احمد ارشحك انتِ بدل مني ‏~لا يا ستي مش عايزة ..ده انا بخلص الي ورايا بالعافية ما بالك لو الشغل كِتر -طيب ما انا مش عايزة اشتغل معاه و بفكر في حِجة اقولها لمستر احمد ‏~خلاص قوليله مش عايزة -بالبساطة دي..اكيد لا هو هيسأل و انا مش هعرف ارد بإيه ‏~مع اني مش فاهماكي.. بس قوليله مش هقدر -حاضر هجرب ‏~~~~~~~~~~~~~~~~~~~~~~~~~~~~~~~ ‏طلعت لمستر احمد و خبطت على مكتبه و دخلت

‏~اتفضلي يا موج..في حاجة -اه..بعد اذنك انا مش عايزة اشتغل مع اد..اقصد مستر ادهم ‏~و ده ليه ‏اتوترت شوية : مفيش سبب بس انا مش هقدر ‏~لا انتِ قدها انا ملقتش انسب منك للفرصة دي و لو هو كمان ملقاش سكرتيرة ليه هتبقي انتِ سكرتيرته مع ثبات شغلك الاصلي -بس ده كتير عليا ، ممكن تشوفوا حد غيري؟ ‏~صدقيني ادهم مش بيثق في حد بسهولة و انتِ الوحيدة الي حسيته هيثق فيها و هيرتاح ليكي و ده غير شغلك الي هيعجبه و الي عجبه اصلا ‏نفخت

بنفاذ صبر و قولت : حاضر.. شكراً لحضرتك عن اذنك ‏طلعت من مكتبه و لاحظت ان المكتب الي يعتبر في نفس الدور بس بعيد شوية اتحط عليه اسم ادهم ‏رحت عنده من غير ما افكر ‏~خلاص يا حبيبتي لما آجي ابقى اشوف الموضوع ده ‏~اه هحاول اخلص بدري و آجي علطول ‏سمعته بيتكلم في التليفون قبل ما اخبط اكيد بيكلم البومة مراته ..ظبطت هيئتي و خبطت ‏~إدخل ‏دخلت و من غير تفكير انفجرت فيه

-هو انتَ ليه كل شوية تظهرلي ما كفاية بقى انتَ مبتزهقش..مبتحسش..مبتفهمش اتكلم ببرود عصبني اكتر : براحة على نفسك و قوليلي مالِك و ايه الي حصل -يا بجاحتك و بتسأل ايه الي حصل ‏~بطلي تتكلمي كدة و خلاص ‏لو متعصبة اني جيت الشركة فأحمد اصلا صاحبي و طلب مني آخد نسبة كبيرة من الأسهم علشان شوية مشاكل عنده ‏كمل بسخرية: اما لو متعصبة اوي بسبب تعيينك عندي فأنا بردو معملتش حاجة ده كله بفضل شطارتك و حلاوتك

-استغربت النبرة الي كان بتكلم بيها في الآخر و قولت : انتَ ليه بتكلمني كدة ،ايه اصلا الاسلوب ده ‏~و الله انا مبقولش حاجة من عندي ده زفت احمد حبيبك الي قال كدة -اتكلمت بعصبية : ايه حبيبي دي ما تحترم نفسك انا اصلا مفيش بيني و بينه حاجة ..ابتسمت بسخرية و كملت : انا ليه ببررلك اصلا و انتَ مالك ..و من فضلك انا مش عايزة اشتغل معاك او عندك ‏~كانت بتتكلم بسرعة و من غير تفكير في الي بتقوله بس قولت استفزها اكتر

-مظهرش منه اي رد فعل راح قعد على مكتبه ببرود و حط رجل على رجل وابتسم ابتسامة مستفزة و قال: ‏~زي ما قولتلك انا معملتش حاجة فشوفتي بقى تدابير ربنا علشان يخلينا في نفس المكان -عصبني ابن المستفزة خرجت من عنده و انا بدبدب في الارض و رزعت الباب ورايا ..و سمعته بيقول ‏~براحة على نفسك يا قطة -اععع بارد و مستفز و محتاج يترمي من الشباك و دي شكلها مهمتي الجاية ‏~~~~~~~~~~~~~~~~~~~~~~~~~~~~~~~~~

‏وقت البريك كنت رايحة البوفيه علشان اجيب قهوة اشربها و لقيت ادهم كمان واقف على الكاونتر -تجاهلت و جوده و انا بقول : عمو حسن عايزة قهوتي ‏*من عيوني يا بنتي -تسلملي ‏~ايه ده من امتى و انتِ بتشربي قهوة سخنة، مش كنتِ بتحبي الأيس كوفي بس؟ -و انتَ مالك أشرب الي انا عايزاه..و بعدين بقيت بكرهه و مش بطيقه ‏~بصلها برفعة حاجب و قال : ده الأيس كوفي ؟ -بصتله بابتسامة سمجة و قولت : اه طبعاً ، ولا انتَ ليك رأي تاني؟!

‏سابني و مشي ، حتى مخدش قهوته ‏عمو حسن خلص القهوتين و اداني بتاعتي ‏*خدي يا بنتي ..اومال فين بشمهندس أدهم كان واقف هِنا جمبك -اه هو وَلع و مِشي ‏*ايه؟! -أقصد اتعصب و مِشي ‏*ايه؟! -مِشي يا عم حسن متركزش كدة ‏خدت قهوتي و قعدت برا اشربها ، الدكتور محذرني اشرب قهوة على معدة فاضية ..بس من الصبح و انا مليش نِفس آكل ‏رِجعت اشتغل و جالي تليفون من ميرنا سكرتيرة مستر احمد -الو

‏~موج..مستر احمد بيقولك روحي لمستر أدهم علشان محتاجك -قولت بصوت واطي : اوفف ‏كملت: حاضر هروحله ‏قفلت التليفون و انا باصة في السقف بضيق -يا رب صبرني..يا رب ‏خدت نَفس عميق و قومت ناحية مكتبه و انا بحاول أعمل تعبيرات وشي طبيعية … خبطت ‏~إدخل -دخلت و انا واقفة قدامة بهدوء و قلت : نعم ..حضرتك طلبتني ‏~رفع عينه من على اللاب و قال : اه اقعدي -لا شكراً مش عايزة..اتفضل حضرتك قول عايزني في ايه ‏ابتسم ابتسامة خفيفة و قفل اللاب

‏~براحتِك ‏فتح الدرج و طلع ملفات و حطهم قدامه -دول ملفات فيهم تفاصيل و حاجات تخص المشروع الجديد…اه و من انهاردة هتبقي المسؤولة عن تنظيم اجتماعاتي و مراجعة العقود قبل ما توصلني و ترتيب مواعيد شغلي ..و ده كله مع ثبات شغلك الاساسي -بصيت للملفات و بصتله بعدم تصديق -وقولت : كل ده؟! ‏~لسة مخلصتش -نفخت بضيق

‏~بكرة الساعة تسعة الصبح عندنا اجتماع مع مستثمرين ، عايز كل الملفات دي تبقى مترتبة و اي ورقة ناقصة تخلص انهاردة ، و طبعاً اجتماع بكرة انتِ لازم تبقي موجودة قبل تسعة بكتير -مش هينفع قبل تسعة بكتير انا يا دوب عقبال ما اوصل بتبقى بالكتير تمانية و نص ‏~معنديش غير كدة و ده اساسي -نفخت بتعب

و انا بحاول اهدى و قلت : مستر ادهم..معلش تمانية و نص هبقى عندك و مش هحتاج حاجة اعملها قبل الاجتماع ، الورق كله هيبقى جاهز من البيت عندي ، بس مش هينفع قبل كدة علشان انتَ عارف معايا إبني و عقبال ما بجهزه و ننزل بتأخر ، معلِش راعي ظروفي ‏~ادهم : نبرتها هدتني ..انا طبعاً مش قصدي اضغط عليها ، كونها بس الي واثق فيه في الشركة دي هو الي مخليني مُعتمد عليها ‏~ماشي ..بس مفيش تأخير عن كدة

-متقلقش تمانية ونص بالدقيقة هتلاقيني موجودة ‏~ابتسم و هو بيقول : تمام ‏~اه كنت هنسى..محتاجك تعَدلي ملف واحد و تديهولي ابص عليه و بس -حاضر ‏خرجت من مكتبه و روحت مكتبي اخلص الي قالي عليه ‏كنت بشتغل و لقيت ذكرى هاجمت عقلي فجأة ‏~~~~~~~~~~~~~~~~~~~~~~~~~~~~~~~~~ (Flash Back) -كنت قاعدة سرحانة و بفكر ‏~حبيبي سرحان في ايه ؟ -من غير تفكير قولتله : ادهم هو انا لو وثقت فيك مش هتخذلني؟ ‏~مسك

ايدي و هو بيقول : مش عارف ايه سبب السؤال.. بس انا مستعد اعمل اي حاجة و كل حاجة بس علشان تثقي فيا حتى لو بعد سنين مع ذلك هفضل مستنيكي و مش هتعب ولا همل منك -يعني ممكن متكونش فاهمني…اقصد ليه انتَ مش هتسيبني برغم ان اقرب واحدة ليا سابتني و مشيت من غير ما تفكر فيا ‏~مقدر جداً خوفك و حاسس بيكي بس انا واحد يا موج من ساعة ما عرفتك و انا بحاول اخليكي تثقي فيا و تديني قلبك ..هل بعد ده كله هسيبك و امشي؟

‏انا مستعد اثبتلك بكل الي اقدر عليه اني بحبك و مستحيل اتخلى عنك -بصيتله و انا عنيا مدمعة : انا عارفة اني تعبتَك بس انا بحاول اتعافى من اثرها جوايا ، و هفضل احاول علشانك لانك بتعمل حاجات كتير علشاني ‏~خدني في حضنه و قال : مش عايزك تجهدي نفسك ، واحدة واحدة كل حاجة هتتصلح و انا هفضل احاول علشانِك لحد آخر نفس فيا -أنا بحبك أوي ‏~و أنا بعشقك يا موجي (END) ‏~~~~~~~~~~~~~~~~~~~~~~~~~~~~~~~

‏مسحت الدموع الي نزلت من عنيا و روحت على مكتبه و دخلت علطول -احم ..اتفضل الملف اهو عدلته ‏خده مني و هو بيتفحص هيئتي و انا اتوترت من نظراته الي بتخترقني ‏~تمام مظبوط براڤو عليكي -شكراً..بعد اذنك لان ده ميعاد مرواحي ‏~اه طبعاً اتفضلي -لسة كنت خارجة و هفتح الباب الصورة كلها بقت مهزوزة قدامي و دماغي وجعتني جداً و دايخة ‏~موج انتِ كويسة

‏سمعت صوته بس كإنه جاي من بعيد و مش قادرة ارد عليه ، مقدرتش اقف اكتر من كدة و الدنيا اسودت قدامي و محسيتش بحاجة بعدها ‏~موج!! ‏»»»»»»»»»»»»»»»»»»»»»»»»»»»»»»»»»»»»»»