رواية مُقيد أجنحتي الفصل الثامن وأربعون 48 - بقلم 💗

البَارت الثامَن والأربعَون .
بقلمي مريَم علاء 💕 .

بَعد مرور ايام .
زينب :- واكفة اسوي ريوك .. يمي الجهال .
كلها توها كعدت ..
شفت حذائة( مكرم القارئ)  صخر عند باب
المطبخ .. ضحكت .
اللعب هسة سحابَ ، مو بس تصير بخير
لاا ههههه ،بعز الخير .
البرَبروك من راح لليوم هيَ مريضة

بعدني احجي وي نفسي .
سمعت صراخها فوك

صاحت باجي من تحت
:- ركضي اخاف رجع يضربهاا .

- صعدت اركض اريد بَس الحك بيهم ،
فتحَت الباب لكيت صخر واكف صافن لون وجهة مخطوف ..

ﯠ سَحاب ماخذة زاوية ﯠ محَتضنة نفسها بقوة
وعيونها دَم حمر .
دخلت بسرعة ارَدفت
:- شكو شبيكم !!!
صرخت سَحاب
:- طلعي برى وَلج ، يجذب يكول انا صخر .

صَفنت بوجهة
:- هَـــاا .
بجت :- زينب وجهة يخوف طلعي برى .

-صَديت رجهي ، صخر بعده صافن .
دنكت راسي مستحية والله .
دخلت باجي تلهث
:- شجاكم يا يمة !!

كامت سَحاب من مكانها ..
وركضت وره ضهر باجي ببكاء كالت
:- باجي ، فدوة طلعيه برى صــٰۨار هواي احاجي زينب ما ترد ..

زَينب :- استغفر صخر بصوت عالي .
وَسحب تشيرته لبسـه .. تقَدم يمها وكال
:- شجَاج يروحي !

صرخت:- وخري منييي وخر ، ولكم طلعوه رااااح اموتتت ..
-صارت تضرب على وجههة بقوةَ .
:- ابوس رجلكم .

زينب:- سَحبت باجي صخر وطلعت .
باوعت عليها بقهر .. شحبتها من ايدها
وكمت للجرباية ، بس خليتها غمضت عيونها بقوة.

نزلت وَراهم اباوع عليه ، كَعد عالكَرويته ورجع راسه على التَاج .. باجي كعدت كباله كابلته .

سأل بَكل هدوء :- شبيها يمة .
مروة:- ولك يمة ، انت عفتها مثل الورد .. تروح منا ومنا اشو بيوم وليلة كعدت وجها اصفر .
تكول احس وياي احد بالغرفة .. لو تكعد مصخنة

محد يعرف شبيها ، تهلوس
اخاف شايفة فلم رعب يا يمة لو شيَ .

رد مَركز:- ما تشوف شي بدوني ،
:- بعدَ مادري وليدي .

زينب:- اباوع بعيون باجي ، الي ببالها اكيد ببالي .
هيج شغلات ما تنظم .. بس نخاف يطلع شكنا بهذا الشي صحَ .

سألته:- خوية تَريد ريوك !!
تمَدد على القنفة وردَ بدون ما يباوعلي
:- لا تسَلمين .

نام وخلة ايدة على عيونة .
توجهت للمطبخ احضر الريوك للجَهال ، פــتى انا نسَدت نفسي ..
لكيت حيدر واكف ياكل .
بس شافني كال :- اكلي يروحي .. ﯠ الجهال هم وكليهم
شلون صارت سحابة !!

سحبت نفس قوي :- مو زينة .
حَيدر:- خايف الي ببالي يطلع صحَ .

هزت راسي بقهر:- ما ادري .
تقدم باس راسي وطلع للشغل .
سويت ريوك ونظفت البيت ..
لزمت الخضرة خليتها بَمصفى  وصينية
وتوجهت الكطها بالصالة يم باجي .

لكيتها مكابلته بعدها وتقرا يمة وتبسبس .
كعدت بالكَاع يم رجلها .
دَقايق وسمعت صوت حجَلها وهيَ تنزل .

اكيدَ هيَ ، ماكو غيرها هنا يخلي حجلَ .
نزلت منَ الدرج حافيه .. وماكو شال على راسها
الوَجه احمر دم ، والشفايف مقوسة منطية وضع بجية

نزلت عينها على التَخم الصَاير مقابيل الدَرج .
كعدت يمه بالكَاع واخذت ايديه بين ايدها .
فَز هوَ .. بس شافها كعد على حيله .
:- شبيج !!

بسَ كال هيج هيَ بجت اردفتَ
:- اسفة .
سحبها يمه على التَخم ، ورجع خصلات شعرها لورى
:- اشَــشـش ، بسَ حاجيني شبيج !

صارت تشهك:- والله ما اعرف .
-مَسح دموعها:- يالله كافي يابة .

كام على حيلة وسحبها وياه .
:- من رخصتكم .

صَعد وياها وعيوني عليهم .
كلت لـَباجي:- حسد ، عين عليهم باجي .
والله الي يسمع بيهم ما يصدك هيَ جانت ما تحبه .

ابَتسمت بغصة:- شنريد يمة ، غير كل الخير الهم .
ربي يهدي سرهم ، ويرزقهم الذرَية الصالحة .

سَحاب ..
سَد باب الغَرفة وتقَدم عليه
:- لـيش هيج يصير وياج !؟

هزيت راسي نافية
:- ما اعرف ، يمكن لان افكر هواي ..
ويمكن من تروح اظل وحيدي وهيج خفت .

:- زَين شتشوفين !؟
كتله بخجل:- بدون ما تضحك عليه !
:- تتكسر سنوني .

سَحاب:- مادري مثل الظل فوك الكنتور .
واذا افتح الضوا يصير بسَ صوت .
اظل اتراجف لحد ما اغفى من التعب .

خطية كام مني اخذ الكرسي وتشلبح على الكنتور
وهو يسولف
:- اخاف فار لو عتوي !

سَحاب:- عتوي فوك الكنَتور !؟
ضحك:- همَ صح .

ردَ نزل كعد - يـَمـيٰ
:- زين اخذج طَبيب .
سَحاب:- لا ، بسَ خليك - يـَمـيٰ حَباب .

سحبني لحضنة ونام
:- يمج هياني وين اروح .

بادلته الحَضن ونمت حيل تعبانة .
جسمي مهلوك هلك ..

فَريت تالي الليل .. صفنت شكد نمت اني .
كمت اسوي وي زينب الاكل ما خلتني .
ما كعدته صعدت نمت يمه بعدها النعسة بعَيوني .

كعدنا ثاني يَوم شوي احسن ، لاول مرة بعد اسبوع طويل انام هيج نومة براحة .
وفكنا نسوَي الغدة .. للـ٢ يالله صبينا .

صبيت جاي ، كلمن شَرب چـَـايه وَراح ينَام .
دَخلً للمطبخ مبتسم .
صَخر:- مطولة !
ابتسمتله:- بَس اخلص هذن الي بأيدي .
:- انتضرج فوك .

صعَد وانة مدرَي منين اجاني كل هذا الحَماس
بسَرعة بسرَعة خلصت .. مسحت الكاونتر
واخذت العلاكة لـَميت بيها كل الوَصخ .

دَنيا ضهر وصَيف شمس تصكع .
طلعت اريد اذبها بالحاوية اليَ بالطارمةَ .

شَفت ذاك المنظر اليَ كل عمري ما انَساه .
بزونة فاتحة جسم حمامة وتاكل بشراهة .
والدَم متناثر على اضافرها الناعمة .. بشكل مبعثر
ومرعبَ بنَفس الوقت .

رفعت راسها باوعت عليه .. ورَجعت تكمل
والحَمامة بعد بيها روح ترافس .
روحي صارت تلوب ..

المَنظر مو طبيعي مخيف .
دَخلت اصرخ اريد اوخرها منها بَس اخاف .
عيوني غواش بيهم
وكفت يم الدرج وصرخت
:- صخَررررر ، وينك صخررر .

صرخت اكثر من مرةَ ماكو .
صعدت اركض ، دخلت لكيته توى غافي .

ندسته بجتفه قويَ واني اتناشغ بالبَچي .
كام على حيله مخروع :- شبيجججج .

بلعت ريچـي اريد اتنَفس .
:- بزَوونة ، ب بَببزونة اكلت حمامة خطيةة .
صَخر حتمووووت روح الهة .

لزم چـتافي وصرخ
:- اثبتيييي ، شجاااااج .

صرخت بوجهة:- تا كلك انزل شوفهاااا لا تخلي روح تلوووب .

دَفعني ونزل كل شي ما فاهَم .
دخلت زينب ملهوفة وجهة اصفر .

زَينب :- دخلت عليها الوَجه اصفر .
وتهلوس .. اكلتها اي اكتلها الحقيرة .. وصافنة عبالك بعالم ثاني ..
وكعت بالكاع تبجي .. تخوف تخوف ليش
ليشششششش .
ليش ما نقذتها ربي لييييش !

-سَحبتها اريد افهم شتهلوس
زَينب:- بَس فهميني شصار ..

حجت وهَي صافنة بغير عالم
:- ماتت راحَت بعد راحت .

— سَكتت شوي ورجعت تصرخ .
:- اللــه لا يوفقكم الله لا يوفقكممممم .

زَينب:- اسمَع صوت باجي جوة تصرخ
تريد تفهم شكو ما تكدَر تصعَد ..

حرت المن افهم لو أفهم ..
توجهت احاجيها من المَحجر .
:- مادري سُحـاب شنو شايفة برى وروحها لايبة
وخارطة العافية وتبَچي .

درت مفرفحة
:- ولجَ تعالي اخذيني عندج لا تموت البَت .
:- جايتج ثواني .

- توجهتَ اشوف سُحـاب .
والكاها مددة بالكاعَ وترافس برجلها .
وايديها على جوانبها .. تتراجف بكشل مرعب .

المنظر بث رَعب بداخلي ، حتى خفت اتقرب .
مَدري شلون قوَيت كلبي وتَقربت منها .
واشوف عيونها مكلوبة لفوك .
حيث عيونها بس بياض ببَياض .

شفتها بيضة والوَجه ابيضضض .
حَيلي باد لا بية اكوم ولا بيه اصَرخ .
الي يصير مو قليل .

مدري شلون استجمعت نفَسي وكمت .
صرخت:- الحكونااا يمعَودين .

رجعت اريد اسوي شيَ ما اعرف .
دخل حيدر يركض عبالة عليه .
بَس شافها هيج تقدم يركض
:- شَبيهاااا ، شبيهاااااا .

بجيت:- ماا ادري .
دَخل زوجها يركض خطية شالها من عدنا .
وكلبها على معَدتها ايديه حاوطت بطنها .
وضغط على بطَنها بقوى .

فجأة تقيأت كل الي اكلته .
خلاها بهل وضعية لحد ما صارت تطلع
زَواع ( مكرم القارئ) لون احمر غاااامق مخيف .
والرَيحة الي بيه جدا كريهة حيدر ما تحمل طَلع .

ظلت هيج لمدة مو قصيرة .
كل شوي راسها يرجع وينضرب بَراس صخر .
وهو يتوجع بس يرجع يوجهَ راسها للكَاع .

لحد ما ذَبت كل شي .
المكان الي تقيأت بيه انترس .
اباوع عليه كعد بتعب بالكَاع وهيَ بحضنة .
مدَ رجلها بعيد عن الي ذبتَه .
وخلة رَاسها على صدرة .. سند راسه لورى بتعبَ .

ويتنَفس بصعوبة وهَذا الشي واضحَ عليه .
التَعب بملامح وجها يقهر .. الي بيهم ما يسر الكافر .
شَالها خلاها على الچَرباية ، وتوجه للكنتور .

طَلع دَشداشة واجَة يمها .
بلش ينزع بيها تقدمت بسرعة .
:- خليني اني ابدل الهة عَنك .

هزَ راسه بـ لا .
كتله:- ما تلعب نفسيَ عادي .
بدون ما يباوع كال :- ما قصرتي ام نوري .

طلعَت من يمهم .
چَبت سَطلة تانظف الغرفة .
دخلت لكيته يسمح جسمها .. بالخَاولي .
بس تقدمت انظف .. باوع عليه وكال
:- شَتسوين ، خلي عنج اني كايم اسويه .

كتله بأصرار
:- يا صخر شجاك قابل انَة غريبة .
رد بتَعب :- ما اريد اتعبج ، هسة انة اغسلها
واطلع الماي على هَذا الحمَام .

-وَ بعَد اصرار جبير منه .
كال :- كَعديلي يمها أنتِ ، اخاق تصحن شي .

سألته وعيني عليها
:- شلون صارت !
باوعَ عليها وكال
:- ما بيها شي ، دَام عينها رجعت طَبيعي ماكو شي
هيَ روحها لابت من شافت المنظر .

رّديت سألت:- هيج المنظر يخوف .
مسَح على وجهة بتعب .
:- أحنا الزَلم فرفحنا من المنظرَ .
البزون لاعبَ بالحمامة شاطي باطي .
كل شي بداخلها ناعل سَلفه سَلفا .

توجهت كَعدت يمها ..
سودة عليه وجهة اصفرر .

ابـاوع عَليه شال شكو شي بالكَاع .
الشَال مالتها ، سلة الملابس ، الخَانات الي بجوانب الچرباية ،الزَاوية سحبها .
كلهن نقلهن للـنص الثاني بالغرفة مال كعدة .

فتَح الحَمام ، اخذ السَطلة ترسها .
طلع اخذ المنظفات ورجعَ دخل .. طلعها شمرها بالغرفة .. وبالفرجة جَلف الكاَع بَعد ما سحب
الي ذَبته ، ظل يعيد لحد ما صارت الكَاع تخبل .

رجَع كل شي بمكانه ..
حتى الحَمام غلسه خطية .
تقدم ينزل ردانه :- روحَي يم جهالج يابة تعبتج وياي
زَينب:- شسويت اني ، الله عَليك محتاج شي !

ابتَسم مجاملة
:- ما قصَرتي .
..

لليل .. بَعد صلاة المّغرب صعدنا نشوفها .
صخَر ما نزل من يمها .
سحبت باجي بجهة والحجية بجهة وصعدنا .

باجي اكزما ،، والحجية ما بيها حيل جبيرة .
دخلت باجي قبلنا للغرفة .
اسمعها تكله :- شبيها .
يرَد هوَ :- ما تقبل تحاجيني .

دخلنا بخوف.. كاعدة سَاندة ضهرها بتَاج الجرباية
عينها ونضرها مو يمنا ابدا .
وكأنه ما تسمع شي ، ولا تشوَف .

اخذ ايديها وارَدف بتوسل
:- وَلج عيني بَس حاجيني ، صرخي ، ابجي
شتسوين سوي ، بَس سمعيني صوَتج مو كلبي خلص

وجهت نضرها عليه .
وهوَ يحرك براسه مبتسم :- ايي عيني احجي شي .
عيونها غَرغرَت بالدَموع ..
بجتَ واحتَضنت ركبته .. ظلت تبجي وهوَ يمسد
على ضهرها بهدوء .

صَخر:- هذا هـوَ ابوي أنتِ ، صار اليَ صارَ بعد .
كافي لحاطر جدة صعدتلج .
-بَچت بصوت عالي ، يتبعـه شهكات قوية
سألته:- ماتتَ موو !
هز راسه بعتب:- كافي عيني .

ظلت تبجي .. لحد ما كالت
:- جوعانة .
ضحكنا .. كال صخَر
:- افـــااااا ، جوعانة وانة عايشَ .
شمشتهية !!

كالت بصوت مبَحوح
:- ايَ شي .

كالت الهة باجي
:- اسَوي الج شوربة صدرَ دجاج
هايَ الي تحبيها !!

سَحاب:- كيفج .
مروة:- صار حَبيبتي .

تقربت منها الجَدة تبوس براسها .
وتحجي وياها وتقرأ على راسها .

نزلت باجي تركض تسوي الهة اكل .
كتله:- حيدر يريد يجي يشوفها .

ابتَسم :- ايَ خل يجي .
صَد وجهة طلع شال الهة وخلاه على راسها .
وكعد يمها يرتب بي ، ابتسمت وطلعن صحتـه .

بَعد مرورَ ايامَ ..
سَحاب:- ضجت ، اشو هذا لا حضن .. لا مطك بيه
هالجَية جَفاف ، بَس لا حيتزّوج عليه ، يــاا .

عفت الشغَل الي بايدي وصعَدت اركض .
الرَجال حيروح من ايَدي .
فتحت البَاب ، نَايم الحِلو هممم .
عايفني صـار ٤ أيام ..

نَمــتَ يمة ،، خَليت رَجلي على رجلة
جَفل .. فتح عينه ورَجع سدها وّ الوجهَ مكلوب .
رَجعت ضَربته بخفـه بـنصَ بطنـهَ.

؏ـقج حواجبهَ متضايق .
فتحَ عيون واردف بعَصبية
:- هـــااا وَلج !

فتَحت عيَني بصَدمة .
:- هَـــاا من وراخشمكَ ، ﯠ ولج ! لا لا هاي جَبيرة .

صَّد وجهي عني للجَهة الثَانية .
كتله بعصبية:- هايَ اكبرَ ترى !!
احَاجيك جاوبني ، شبيكك ؟

بدون ما يصَد وجهة نتر:- واحد راجع تعَبان .
شيسوي برأيج ، يكو* غيرَ ينام .

كلته بغصة:- زَودتها ترى هَــاا .
كَام بسرعة وسحبني جوى صدرة
:- يَخايبَة شماااااالج يمراااا ؟

نترت بيه:- انَة مو مرةةة ، ولا تحجي ويايَ هيج .
ضحك:- شَجاج جايةَ هدادة ؟
:- هَاي اني !

صَخر:- يعني شلون .
:- وحبك ، هوَ هذا حبك ، تجذب عليه ..
:- يااا .. شرايدة !

سُحـاب:-صار ٤ أيام انت هنا ، لا حضن ، لا بوسة
لا شي لا شياتين !
شبيك ها ، شبيككك !

نترَ بية :- ليش أنتِ صحيتي ، من جيت لحد هسةَ انت سَكراب ..
سَحاب:- قصدك بعَد ما فيد !

حط ايدة تحت راسه اتسنَد عليها
:- چؤؤ ،

كمت من يمة سحبني
:- صَايرة نَكدية وهيج .. يوَلو مشتهية ومسَتحية !
:- يااااا شجاككك .

صَخر:- شوَ دّتعالي .
- واخذني بحلك خنفشارييي .
كمت من يمه اريد دخلت اتسبح .
كملت وطَلعت امشط شَعري

فتحت الضوة:- يالله كوم .. اسبح
توَجهت للمَراية بأيدي المشط .. امشط وعيني عليه
ولاَ كام .. يااا مو احاجيك كوم عاد .

ركزت بوجهي بالمراية .. اباوع لركبتي بالمراية
ملضومة لضم احمر .. مثل البقع .

:- صخررر ، تعال هايَ شنو .
ردَ وهوَ بمكانه:- شنو !
:- كومم عفية شوف شسويت .

اجة يهرول:- شبيج .
:- باوع ركَبتي .
باوع عليها:- ليش هيج ؟
:- انة ادري غيرَ انت .
:- هيج انة ما شايف .

ضحكت:- مو قصدي ، بس اخاف انت يَعني .
باوع عليه :- يولو جسَمج كلو متروس .

فعلا من ركزت جسمي تقريبا كلو هيج .
ماكو العَصر اخذونا للمستشفى  كالت الدكتورة
:- لان اقارب اعتقد .. هيج صــٰۨار .

نتر بيها صخر:- شعليها ، صار سنة متزوجين ترى
لا تلوصن ..
ردتَ هيَ:- عفوا ، ما اسمح الك تحجي هيج وياي .

صَخر:- چـاا احاجي روحي.. شهل خريط هذاا
صيحيلي دَكتور بي حظظظ .
ردت ببرود شعوطته:- ما يعجبك روح لغير مستشفى.
رد بعصبية:- باعي لو ما حرمة غير ،. چا عرفت شلون اتصرف وياج .

- راحت البنية ظل هوَ يدردم
صَخر:- اريد اشوف يا مطي نطاكم شهايد طب .
طيح الله حظه على هايَ السـالفة .

-روحة طلعت اقل الساعة واكف .
وانة نايمة على السَديه ولا دكَتور اجة
وصلت عنده اخرتها صاح :- انعل شرفكم اذا ما يوكف كبالي دكتور  هسة والله.

اجة رجال يهدي بيه نتر صخر
:- شتحجي حجي .. كاعدات فاتحات حلكهن
لا شغل لا عمل .. صار شكد ننتظر ..
واحد يبتلي على عمره يجي مستشفى حكومي .
خرب غيرتكم ٲي والله .

سكت شويَ ورجع صرخ
:- المدير ويننننن !!
- فجأة كل الدكاترة مدري منين طلعت .
الردهة حارة وهو نار وانا احس راح اموت .

اجة دكتور جبير بالعمر .
شاف وجهي سأل:- ماكلة شي ! متحسسة من شي !
- لا .
رجع يكتب .. رفع راسه وكال
:- عيني ، حساسيه هاي بنتي ، هذا كريم
تخلي من تنامين .. كل يوم باسَتمرار .
واما بالنسبة للعلاج ( الحَب ) ما اكدر انطيج شي
لان انت متزوجة ، ما عندج الا العافية بنيتي .

طَلع قبلنا وانة وباجي وراه .
يمشي طلقة بس نريد نلحك بيه .
بعده ملچوم من سَالفة عثمان الله يرحمه .

ركبنا بالسيارة وراحَ يجيب العَلاج .
بَس حركنا ضحكت منظرة وهوَ عصبي وجهة
احمر وعيونة همَ .. ويعصب وحركات وعياط .
يا هيَ تتحمله بكَدي .

انتبه الي فك عقدة حواجبة ورخى .
شويَ شويَ فك وكام يسَولف .. بالحرام شغل السحورة
مو اضبط مني ، شنيَ هاي .

بَس وصلنا البيت فاجأتنة جدة من كالت عازمة نص العشيرة لان مسوية كباب وسمج .
يابة شكو شنو المناسبة .. طلعت حَلمانة بجدو .

ثاني يوم
رغم تعبانة بس تعاونة انة وزينب الشغل .
صخر ما قبل من شافنة كال السمج اشويه برى يم صديقه ..
احنا همَ بس خلصنة شغل .. وحدة راحت ؏ الطرشي
الثانية ؏ الركي والبطَيخ ..
وباجي خطية هم ويانة ويانة سوت الخضرة

بسَ كملت صعَدت سبحت وغيرت ملابسيَ .
نزلت اسلم بس مو من كلبي ..
كلها تصيح هاي شصاير بيج صايرة سودة
وضعفانه تخوفيننن . شبيج

طنشتهم كلهم ووكفت اغسل الكَم ماعون بالسنك
دَخل حَبيبي بايدة سمجات خلاهم على المجمدة
وسلم ..

زبكت زوجة عمي
:-يمة صخر شبيها مرتك !!

رد بعدم مبالاه
:- سَحاب .. شبيها تخبل .

ضحكت تجامله:- ههههه ادري وليدي .
يعني قصدي شو ضعفانة وصايرة سمررة

ضحك:- دَباعيها بشرفج ، مو جَنها العافية .
عندكم هيج مرة حلوة .

ردت بقهر:- ياا يما شبيهم بناتنه .
ابتَسم:- ما بيهن ، بس هيَ احلاهم ،
ردت :- غير صايرة تخوف .
هز راسه مستهزئ:- وانا همَ ماشوف غيرهة .

سُحـاب:- طلع وعافها ، حسيت اخذ حقي
بس ما تكدر اذا ما تَسمني .. يا فرحة ما تَمت .

فَرشنا السَفرة بسرعة ..
صبينا الهم بعدين صبينا للنَسوان .
يا تعالي يا روحييي . وانة همَ • تَـ؏ــبت .
حيث صبوا الاكل انة هلكانة .

بقت نص السفرة ما كَدرت بعد .
صبيت كل اكل الزلم .. وهنا بقى بس
يفرغن الكباب بالسفرة ..

كعدت  ؏ الكَرسي هلكانة .
نطَت زوجة عمي ايَهب
:- يا شو كعدتي يا ستار ، شسويتي انتِ .

ضحكت باجي:- خطية • تَـ؏ــبت هيَ وزينب
زوجة العَم:- هاي كله لان احجينا .

مروة:- لا يام عامر ماكو هيج شي .
سَحاب:- انة هم كمت ، لان هي عينها عليه .
اخذت وكعدت افرغ وانة واكفة لزمتنة سطرة
دخت دوخة .. درت ادحط المواعين بالسفرة
المفروشة ..

ودخلت بالمواعين .
ناس صاحت ثول ، ناس اسم اللــهہ
لكيت زينب - يـَمـيٰ :- شجاج يما !
:- ما شفتهن .
لزمت ايدي :- يا شبيها ايدج ليش ترجفين .
شوَ دصعدي  معليج بيهم روحي ارتاحي خلصنة .

زينبَ :- بَس صعدت سُحـاب سالت ام عامر
:- يا مروة شني جنتج حبلة .، شمالها تتطوطحَ .

مروة:- لا خية ، لا حامل ولا شي !
ردت:- مدري شلون كادرة تتحملين .. لحد هسة ابنج الجبير ما عندة جهال .
عودَ هوَ من اكبر ولد عمه .. يخية شبيج مَفيهة

مروة:- خية هيَ بايدهم ، هوَ الرزق على الله.
خليهم يعيشون حياتهم ..
:- يا بكيفج..

زينب:- صَبينا السفَرة وبدينا ناكل ..
نص الاكل اجوي الولد جابوا الصَواني .
حيدر وصخر .. ما يقبلون احد يفوت غيرهم .
اباوع على صخر ينكل وعينه علينا يدورها بينهم

من ايس اشر الي اجيه .
كمت:- ها عيني .
:- لعَـد وينها !!
زينب:- صَعدت داخت خطية ، فاتت بالسفرة .
كلت الهة صَعدي نامي .

:- اهــاا .
-حكَ مؤخرة راسه واسترسل بالكَلام
:- ما تسويلي صينية الهة اذا ما تصير زحمة .
زينب:- من عيوني .. سحبت مواعين الكباب
خليت الهة نَص ربع لشَة سَمج .
اخذ الصينية وصعَد .. والعيون اكلته كلها تباوع

ما طول شوَي ونزل
ضحك بوجهي:- تعبتج صح ، بس كلاص جاي فدوة..

- خلصَ اليوم بتعب .. الف مرة دعيت ما تصيرسالفة
باجي جاية متحلفة بَـسحاب المكرودة
.
طلعت اشاعة على اسَاس حامل وما تحجي .
وحتى اذا صـدوڪَـﮧ هيج انتوا شعليكم .
طلعوا الخطار وظلت بس هوسة المطبخ .

نزلت سُحـاب بايدها الصينية
:- هَــا بشري ، شلون صرتي !!
سَحاب:- ما بية شي ولج .، الحمد لله بخير .

وكفت افرغ المواعين
كالت زينب
:- صعدي ارتاحي انة اكمل .
ضحكت:- شتكملين ولج ، صينية  ، ثنين هنَ
انة وياج نخلصهم ما عدنة شي .

بدَينا نشتغل دخل صخر وحيدر من برى
عدلت شالي ..
كالوا:- الله يساعدجن .

اردف صخر:- شو وحدجن هنا !
فهيت بوجهة:- ليش ياهو غيرنا بالبيت .
شو هذا خزرني .. وتوجه للدرج

صرخ:- وينج انت !! رفل
صاحت:- ها عمو ..
نتر بيها :- عمامه تعمعم عظامج ، احد كلج
احنا فندق الخلفج !! هـاااا حاجيني .

ردت:- شكو عمو !
صخر:- وجع .. نزلتي اكلتي وصعدتي شنو .
خداديم احنا لحضرة جنابج الكَسيف !!

ردت بهدوء:- انا حامل ما اكدر .
صَخر:- حامل كلتيلي !! هــاا .
معاقة انت لو حامل .. دَنزلي سوي وياهن
لا تخليني اطلع خبالي عليج .. بسرعةةة .

كتله :- محاجة ترى انة وزينب نخلصه.
رد بعصبية:- لااا .

سَحاب :- خلصنة انةوزينب كل شي وهيَ سوت بس الكاونتر .. اني شخصيا ما عندي شي يعني تعودت .
اول ما خلصنا صعدت للغرفة ..

:- صَخر شبيك !!
رد بعَصبية مفرطه:- شبيه !! حاط طيز** وداكته بالكّاع لاتكوم ولا تشارك ولا تشتغل .
چا عليش محسوبة عليه مرة .

نترت بيه مقهورة
:- وانتَ شعليك بيها .
:- دام هيَ باللبيت حالها من حالجن .

كلبي وجعني:- وليش تحسبها منا اصلا .
عاط:- انت تريدين تسوين مشكلة شون مجان !
سَحاب:- انا لو انت صخر انةةة .

صخر:- سَدي الموضوع خلص .
:- ماكو  خلص انا ما امشي بكيفك ترى .

عفته بدون رد نتر بيه
:- مو احاجيج شنو ناطتيني طيز* ..
:- من تحترمني ذاك الوقت اسمعك ..

ظل يصرخ وراي عفته ورحت للغرفة الثانية
هوَ هم طفى الضوة ونَام
ظلينة هيج يومين .. لا هوَ اجة ولا انا حجيت وياه .

بيومها نزلت واحس كلبي برد .
وَالزعل طَول سوينا عشاء وصعدنا نصلي
حتى بس يجون حيدر وصخَر من المَحل .

كملت وكعدت على المراية .. وجهي صدك يخوف
خليت كحل .. وحمرة هي على خدي ؏ـلى حلكي .
بدلت دَشداشة حلوة ونزلت اريد اكسر الزعل
بَس بدون ما اعتذر .. انا ما غلطانة .

نزلت لكيته كاعد يم باجي بالصالة ويمهم فلة
صافنة بوجهة وهوَ يحجي وي باجي .
حسيت روحي تفور من القهر .. بعَدين هذا شبي منطلق..

نزلت توجهت للمطبخ كبل ، زينب بعدها ما نزلت
طلعت سفرة פــتى افرشها .
دخلت فلة .. تضحك
كالت :- اساعدج !!
-رمقتها بنضرة .. هسة ازكطها بدفرة .
:- لا .. شكرا .

ردت بضحكة:- شبيج ؟!
رفعت حاجبي :- شبيه !!
فلة:- ترى مبين مقهورة لان عمو صـار يتوددلي !

ضحكت:- هوَ داري ؏ـنَج اصلا .
فـُلة:- جاية بجمالي ، لو بياضي ، لو جسمي
لو لون شعر لو عيوني !!
والدليل لحد هسة ما طلكني
شو صَفرة . صَدك شوكت ناوية تسوين عملية لعيونج

تنرفزت حيل :- ما ظل عليه بَس وصخ رجلية .
روحي بابا ، لا تلعَبين وي الكبار ، خِص صخر
فَديري بالج يا شكرة .

طلعت من المَطبخ دمي فاير فووور .
افتح بالسَفرة بعصبية وعيني عليه خازرته .
نشكت السفرك بأيدي .. رجعت للمطبخ الدمعة بعيني

كلمة حولة هواي جَنت اسمعها ، من صرت يمه محد حجاها وَياي .. من اني طفلة اكره ما يسمى
ردة حسن ..

كوة خلصت اكل وكمت ، ما اريد احَد يكَلي شبيج !
غسَلت الموَاعين .. وزينب تسولف يمَي .
وانا بس اي ﯠ ٲي .. اخر شئ سألتني
:- اذا ما بيج حيل خليهم .

سَحاب:- لا لا ، شوي راسي يوجعني .
صَعدت بعَد ما خلصت .. كاعد على الابتوب .
تجاهلت وجوده ومشيت غيرت ملابسي وغسلت وجهي

مَددت ، ماكو دَقايق وايديه حاوطتني .
بعدتها .. همَس
:- كلبي متعلعل وعليَ .

:-دَمرتني صخر .
صخر:- هيج صاير !
:- ليش ما طلكتها !!
:- شبيج لج
:- تحبها صخر

كام على حيلة .. انت شبيج !؟
سُحـاب:- ليش ما طلكتها راح يصير ٣ اشهر .

نتر بيه:- چا انا بيمن لاهي بابوي .. غير بيج !
مو وكعتي واركض بيج من مكان لمكان !!

لج بابا انت علقج ويننن !
بجيت:- طلكني صخرَ .

ضربني بجف ايده على راسي
:- وجععع ، لا تظلين تلوصين بالحجي .
لا احطج هسة اطيح حظج والله .

بجيت وانفعلت وانة اتذكر كل حرف منها
:- نااعمةةة مووو ، عجبك جسمها .. لو شعرها
لو بياض جَسمها .. حاجيني .

صرخ:- اثبتييي ، بنت الكَلب لسانج اكصه والله .
يا خر* يا نعل انة بيا حاااال انت عاقلة انت !!!

سَحاب:- زَلم كلكم خر* بس شهوة ..
المرة عندكم تكضية وقت بَس فراااش . اللـه لا يوفقك

كال بعَصبية مفرطة
:- والله دَنعل ابو الحبَ لابو خيره لابو الزواج لابو حتى النَسوان .. مو جنت مرتاااح .

دفعني قوي وطلع ..
ظليت للـ ٣ الفجر انتظر اريده يرجع نحط حل لكل شي ..
عيني ما غفت ولا هوَ اجة
حسيت دم جسمي صار يفور .. حيل احتريت .
بجيت من وجع كل ؏ـظمة بجسمي
دخلت للحمام اركض ملابسي نكعت من الحَر

دخلت جوة الدوش وعيوني غوشت .
طلعت نمت على الجرَباية موجوعه .
دخل بعد شويَ شمر غراضه ودخل للحمام .

اجة يريد ينام .. باوع نايمة بمكانه .
كمت انام من الجهة الثانية لزم ايديَ سألني
:- شبيج !!

نفرت ايده منيَ :- ما بية .
:- هوَ تعالي ..
سحَب أيدي وسأل:- جسمج ثلج .
- بَسرعة بچيت:- نااار بجسمي كاابة .

ملامح وجهة تغيرت:-شجاج .
توجه للثلاجة طلع قوطية وثلج ، ونزل لجوى يجيب
كلاص يمكن .. وصعدَ

خلاه وانطاني:- اشربي بلكت شوي تصيرين احسن .
سألني:- هايَ لان شطَتي .
:- ما اعرف .

نمت وهوَ يم راسي .. ظليت هيج ٣ ايام مستمرة
جسمي نحل بشكل مو طبيعي .
وزني من ٦٦ للـ ٤٥ .
بس عظم ظليت .. وروحي تعبت وصخر
حتى دوام ما راح .

اخذوني للمستشفى .. كل واحد بيهم يحجي شكل
تالي اخذني عيادة خاصة سالتني هيَ
:- ماما انتِ عندج اطفال ؟

هَزيت راسي بـَ لا .
عقجت حاجبها وَ استرسلت
:- تحَسين ببوخه !!
:- ٲي .

الدكتورة:- وَ وجع راس ايضا !
:- اي.. جسمي ما اكدر اشيله .. صار فترة من طرحت
لحد هذا اليوم هيج اني .

ردت سألت:- سبب الاسقاط !!
سَحاب:- مادري عمره ما صاير شهر .. ما ركزت

هزت راسها بحذر:- شلون يا امي !
ما يصير غير تراجعين .. تشوفين شنو بيج
يجوز جرثومة ، او التهابات !
هيج هاملة روحج يا بنتي .

استحيت شكول
:- لا هية بالدنيا .
الدكتورة:- النَفس عزيزة بنتي .

طلعت منها مسطورة ..
وهمَ خير من الله علاجات انطتني ..بس محد شَخص مرضي شنو ..
رجعنا هوَ تعبان .. اخذ ايدي وهوَ يسوق .

:- بية ولا بيج .
ابتسمت:- اسم الله ، لا تعوفني .
رفع ايده يعدد :- اعوف اهلي ، وناسي . واخوتي ، وديرتي كلها ، وشغلي ، والدَنيا وما اعوفج .

مسد على خدي بإصبعه :- تعبي أنتِ .
ويا هوَ هذا يعوف تعبه .

اشرب العلاج ارتاح ساعات..
بعدها ارجع .. شهر بس كلب פـياتيہ .
ناس تكول حسدَ ، ناس تكول سحر .
بس ما لكينا اي شي يدل على هيج افعال شنيعة

نزلت بيوم من هَاي الايام ..
فـُلة كبالي تلعب بجهاز. نغثيت حيل .
يعني هاي الزعطوطة عَدها واني لا ..
رجعت شطَت من جدة وجديد .. هو جان طالع
لا اكلت ولا شربت ولا حتى علاج اخذت

لفيت راسي ونمتَ ..
حسيت عليه ندسني بجتفي
:- ليش بدوَن اكل .. مو عندج علاج!

صديت وجهي بدون ما ارد .
نترَ :- احَاجيج !
:- شتريد .
كام كعد كبالي بالكاع يم الجرباية
:- شبيج عيني .
نترت بيه بصوت عالي :- بالك تكلي هيج .
لا عينك ولا خشمك .

:- شبيج غير افهم .
نزلت دمعة خاينة منَ عيني
:- أنت سبب كل امراضي .

كال بصوت عالي :- شسويت !
مسح عيوني:- أنت ما تثق بيه مو !! اذا ما تثق عليش مخليني ببيتك وبغرفتك ، ما تخاف اخونك .
لو ابوك فلوسك .

صرخ عليه بصوت كلش عالي
:- اول شييي ، اخر مرة احدز لسانج طولان
ثاني شي ، هذا اللوص الي لصتي هسة ما ينعاد
اخونك .. وابوك فلوسك .. هذا التمضر*
بعد ما اريد اسمعه .

وهسة طفي الخ* خل ننطمر .
عطت بيه:- جبان ، شوكت تواجهني كلي شوكت !
ذب العلاكة من ايده وجرني من ملابسي
:- لج والله مرضج شفعلج عندي ، جان شكيت حلكج ..

:- هسة تشتريلي جهاز بسرعةة .
رد ببرود:- احلامججج هَاي .

:- حَقير والله ، انت انذل انسان شفته .
همج انت انسان همجي .. عراقي شتريد تطلع بعد

حرمتني من الدَوام .. من اللبس .
من اهلي .. من صديقاتي .. حرمتني اشوف الدنيا
جبرتني حتى على حياة زوجية اني ما جنت اتمناها

متشوف الله غاضب عليه وعَليك .
هيَ هاي حوبة زهراء زوجتك السَابقة ..
حتى من الامومة نحَرمت ..

عبالك تتهنى .. عسى ربي لا يوفقك بكل خطوة تخطيها
كل دمعة نزلتها من عيني عسى حوبتي ما تتعداك .

صَدمني برده البارد
:- كملتي .
صَد وجهة يريد يطلع ، لزمته من ياخته ورجعته
ضربني ضربة حيل قوية على صدرة بحركة كلبب
لدرجة الصوت مال ضربة طلع هوَ شاغت روحه

لا اراديا ضربني راشدي قَوي
وكعت بالكاع اصرخ
:- اييي اييي اضرب هوَ أنت هذا شغلك
ضرب ، إهانة ، نسوان ، ني* هو انتوا كلكم خر*

رفعني من شعري صرخت بوجع
صرخ:- كااافي عاد بنت الكَلبب .

سحلني من شعري من ميزتواليت للجرباية
وانة اصرخ بكل ما عندَي من صوت .
شمرني على الجرباية وكال بعياط

:- صوتج اذا اسمعه و محمد هنا ادفَنججج سمعتيي .
طلع وقفل الباب عليه ، كمت احس الدم ترس وجهي
وفعلا جام الدم من خشمي وماخذ مسار لجانب وجهي
غسلت ورجعت مددت بالغرفة .

ما اريد اسوي شي اتندم عليه .
روحي شاطت جسمي طكع ..سحبت العلاج
شربته على بطن فارغة ما عندي غير حل .

ثاني يوم انفتحت الباب دخلت عليه باجي
:- سودة بوجهي شمسوي بيج يا يمة .
ضحكت :- لان ما عندي سنَد .
كالت هيَ بلفهة ..مروة:- لا يمة لاا وانة شنو هنا .
كومي يمة تغسلي وبدلي وتعالي نزلي
اكلي وشربي علاجج يمة .. معليج بيه .

دخلت سبحت وطلعت
نزلت جوى كلها تناظرلي بعطف حتى رفل .
دخلت للمطبخ يم زينب
هم ما خلتني اشتغل .. كلت الهة
:- ليش دوم محسسيني مريضة
ما بيه شي وخري خليني اكلي الكبة عَنج .

ما حجت شي خطية
وكفت بمكانها اسوي .. انتظر الزيت يحمى
حتى اشمر الكبة .. ولان مرمر الطاوة
دوم تتزحلك من الطباخ ما نخليها بالعين الي على النهاية .. ما انتبهت
وكالعادة من تزكحلت .. من حلاة روحي
פــتى ما يوكع الزيت على رجلي .. خليت ايدي
بنص الطاوة حتى تثبت على الطـَباخ

شعور ما ينوصف واني اشوف ايدي تتقرمش
صرخت صرخة طلعت بيها كل وجع كلبي .

زينب :- يا يماااا ياربي ستركك .
عفتها ورحت اركض لباجي وبيبي الي طلعن
مفزوعات .. صرخت
:- احتركت بااااجي احتركتتتت .

مروة:- يبوووو ، ولج خابري الولد بسرعة
لبست عباتها وقبل ما تطلع كالت
:- بسرعة خلو شي على راسها رايحة اجيب ابو سمير
بسرعةةة .

ركضت جبتها .. كعدت تصرخ تريد تدخل ايدها
جوة الماي .. تفر وتصرخ
ولج يما وينج عني وينج تعالي هفيلي عليها
يمة روحي جاي تحترك وأنت ماكو .

جدة فوك راسها تبجي ..
اجت باجي وطلعنا نركض .. شوراع السماوة
طالت .. بس وصلنا المستشفى اخذوها قسم الحروق

الدكتور بس شافها كال
:- ولي امرها يوقع ..

مروة:- ليش دكتور !
:- هذا لازم نشلعه الجلد ونقشره لان اخاف يوصل للدم ويتسمم ساعتها راح نبتر الكف مالتها .

ظلينا نلطم ونسمع عياطها ترس المستشفى .
بس وصلوا الولد .. صخر يصيح
وينها .. وينها .

فهمنا شبيها .. كبل وقع .
اباوع عليه وكف ايديه على وجهة تتراجف .
حيدر يمه يصبر بيه ..

بلش صراخها يزيد لان يعني بدوا يقشرون الجَلد .
صخر طلع برة لان كام يفشر .
انة هم روحي لابت عليها .. دخل عليه حيدر
:- كافي عيني ، شبيكم كافي يمة شجاج .
عود انت العاقلة .
مسحن عيونجن يالله ادعن الهة تطلع منها .

خل اروح اشوف ابو كلب الرچيچ .
لكيته كاعد على صبه برى ..
كتله اخفف عنَه:- ابو الشّباب كول يالله .
اني لو اموت ما تبجي عليه هيج .
اتمرغل هسة كبالك هاا اتمرغل !

نزل راسه عيونه حمر
:- تَبجي صخيران !؟ وعلي اذا صدك افضحك
فضيحة ما صارت اخليهم يجون يعقدون عليك .

نتر:- تنلطم لو شلون !
:- قَاسي !! كول يالله خوية . انت هم رجال مريض
هي اللزوجة منين اجتك .. هيَ هاي النسوان

كام يريد يضربني حضنته
:- كافي بشرفك ، هسة تطلع مثل الحصان
وترجع تزوعك العافية والله ..
يالله كافي .. فكيها بَسعاد شبيججج .

زينب ..
للـ ٦ العصر احنا نايمين بيها مستشفى .
اذن النى يالله طلعنا ..
طلعت وجهة اصفر .. سانده روحها على جتفه
عيَونها دم .. كل شوي تريد تركع اخر شي
جاب كرس متحرك .. بس وصلنا للسيارة شالهة

وهم كومة علاجات .
العقاقير الطبية موتت بطيء وهيَ لا واحد ولا ثنين
ظلت بسَ جلد وعظم .

بتول ..
بيوم همَ كبت عيطة على سالفة صهيب ..
كعدنا الصبحَ الوجوه ما تتباوع
سويت ريوك وكلنا كاعدين جمعة محدَ دوام .

كال عمي
:- اني فكرت ، صح ما راضي رضى تام .
وأنت واحد مسربت وما تستاهل .
بس بنت الناس معليها .. وانت يا غبي منك الغلط
تتاكد من اصل البنية يالله تحب وتتمعشك .

انا لو ما اخاف الله بيك وبامك
وهيَ يتيمة .. حوبتها تكسر ضهر .. بالله فلا ارضة
ابتسم صهيب وحلكه نشك فرحان .

ضحك:- اهم شي رضاتك حجي .
رد عمي متنرفز:- اذا على رضاتي
اني لخاطر امك وعمتك ابو لسان زفر

كام باس راسه وكال
:- اعذرني يابة، عاشك اني وانت مجرب
ضحك عمي كام يبوس الكل ..
من وصلني صفنن جان يكول
:- لا انت هنا خط احمر ..
ضحكت ..

على اساس خالو يروح يسأل .
والثلاثاء يدزون نسوان ..
والمشية جمعة الخ .. وفعلا السالفة مشت .
راحت امي وباجي شيماء عليهم .

اني كعدت اتفرج بجهازي بالصالة
دخل يوزع إبتسامات.. سالني
:- ليش مو وياهم يول !

:- كلها راحت وانة هم استحي واخجل .
ضحك:- حقج ، هوَ انة هسة مستحي، لعد هيَ هسة شلون !!

ضحكت:- ربي يتمم فرحتك هايَ .
:- عيني وعيني ، والله من يوم ما فكيت الجبسة بيني وبينج متوفق .. طلعتي وجه خير عليه .
دامج هيج اذا ناخذ حلقات اخذج ويانة خوش ولج !

:- ههههههه ، تدلل .

رجعن فرحانات بيه .
باجي تهلهل وهوَ كام يهز جتف سألها
:- بشري حجية !

ضحكت بدمع:- مبروك يمةةة .
ضحك:- لكك هلاا ، ولج تولة سالفة برهوم
راح اتزوج ..

كعد يمهم يستفسر ..
مشت واجة يوم مشية الزلم وتحَديد المهر .

طلع لابس السترة وذاك الترتيب .
صاير جنة ابراهيم ..
طلع يندس اخوه ..
:- بشرفك شلوني .

يرد عليه ابراهيم
:- بَس لاحظ كم مرة سالت .
ضحكت عليهم ..
طلع الفرحة ما سايعته .. لكن الصدمة جانت بالرجعة
..

زينب ..
ايام رجعت سَحاب نفس الحالة .
حالتها بالنازل ..
نزلت لباجي ..
:- باجي .. شوكت ناوية تحجي .. البنت تاتموت .
بجت:- شبيدي يعني ، اكله مسوين سحر
هوَ لو يموت ما يصدك .

زينب:- والحَل !
مروة:- ماكو غيره ، يطلكها ..
وانا بس يطلكها اخذها لسيد بالبصرة .

زينب:- برايج يطلك .
:- ماكو غير حل ، هو صــٰۨار هواي ناوي
بس ماكو مجال ووقت .

راحت باجي تحجي وياه .
وفعلت بنفس اليوم كاعدين بالصالة
هي ويانه .. نزل من فوك صاح بيها
:- فلة
ردت بلهفة:- عيني عمو !

:- صعدي بدلي وطلعي كل غراضج .
ردت بخوف واضح:- ليش عمو
شسويت اني .

عكد حاجبه :- مدتج خلصت وزادت .
واعتقد هذا كلش كافي .. بسرعة لا تعطليني .

بچت:- عمو حباب لا .
:- شحجيت انة ؟
نزلت تبوس برجله وتتوسل .. لكن هو كان مصر .

صرخ اخر شي :- باعي ، اني ما عندي عقل
وتعبان والتعب واصل لخشمي طيز* طالع

ارجع الكاها مخلصة كل شي
لا ومحمد اكتلها وادفنها ومحد يدري عنها .
تعرفين ليش وبيا حقق .
صعدي وتجفي شري .. بسرعه عندج نص سـاعة بسَ ..

دفعها وطلع سحبتها اصعد بيها
شبعتنس كتل .. لميت لبسها وياها
وهي صارت دم حمرررة .

قبل ما تطلع باوعت عليه وكالت
:- عساكم ما تتهنون .. بالموت جعلكم كلكم .

ما اهتميت ..
طلع حيدر وراهم يركض خطية .

رجعوا بالليل الوجه ما ينعرف .
صعد صخر سالت حيدر
:- احجيلي شصار!

؛- طلكها هذا هوَ .. خلا الهة نفقة ٢٥٠كل شهر
واخذناها لعمامها من ما لكينا مكان امها .

سَحاب ..
دَخل عليه .. نزع ملابسه تغسل واجة نام .
كتله.. اريدد ارجع للمَدرسة .

رد بدون ما يباوع بوجهي .
:- لا تليفون ولا مدرسة .

كتله بغصة:- اذيتني هواي صخر .
رد ببرود:- وانة جاي اصارع حتى تبقين بحياتي .

سكت بعد ما حجيت اني همَ
بس الغصة الي بصوتي تحجي هواي كارهة
كل شي بهذه الغرفة اشهر اشبه بالسنين .

انتظرته ينام ، حتى اني انهي كل شي .
عيني ما زارها النوم .. صارت ساعة ثنتين .
كمت امشي على اطراف اصابيعي .
نومه خفيف وبسرعة يفز ..

روحي وكلبي وكل جسمي يرجف .
خلص انة وصلت حديَ محتاجة حضن امي .
اريد احجي كل شي لبتول بدون ما اخجل اريد اصرخ
اريد ابجي ..

عيني عليه والدمع تارسها .
هذا هوَ انتِ ردتي هيج سُحـاب .
ماكو شيَ يظل على حاله

كل شي ما اخذت وَياي .. طلعت بطرك روحي
مثل ما اجيت بطرك روحي .
تسحبت بكل هدوء .. رجفة سرت بروحي

روحي صار بايزار باجي .. اريد اخليه على راسي
لكفته على التخم جوة الكوشة ..
سحتبه خليته على راسي .. سحبت مفتاح المطبخ

صرت افتح بيه بكل هدوء ورجفة ، لاجل ما يطلع صوت طكة القفل ..
بعدني افتح بيه ومركزة سمعت صوته
من كال

:- ويَن ناوية !؟
•يَتبـع ...

ولكم شني 🥺🫂 .
مشتاقة وحق هوّ علي .. شلونكم
⊱# ﺂﻭ୭َڪي،|💓 حقكم عليه قصرت وهواي همَ

بس عذري وياي .. وظروف .
وانتوا شاهدين على الضغط الي تعرضنا اله
بفترة رمضان في شبيل نخلص امتحانات .
لهذا اتمنى منكم تعذروني هواي .

الي يحب يبقى اهلا وسهلا .
والي تفشر وتغلط .. اعذريني انا انزع اخلاقي
هنا .. اشرشحج والله 😄.

قدروا تعبي البارت ٥٠٠٠ كلمة
تعويض الكم ..

نصعد البارت !!

احبكم يمة 🫂♥️ .