رواية ملاك الشيخ جراح الفصل العاشر 10 - بقلم ~yaqeen.hassan~

‏ملاكي..
على مقام عينيكِ ينحني الورد
وعلى محيط خصركِ يزهر الياسمين...

قبل لتقرون لتنسون النجمة وعلقو هواي 💕💕

وشكرا على الفين مشاهدة كلش احبكم 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _التاسع

عامر : كول يابة شنو

الجد : باجر ملاك ونور يباشرن بكلياتهن

ملاك : جنت مدنكة رفعت راسي وفتحت عيوني على وسعهن ونور جانت كاعدة بصف جراح همات نصدمت نفس صدمتي باوعت على جراح ملامحة عادية متاثر بس جاسر بسرعة خنزر وكل ولد عمي خنزرو وخزروني واني نور واني احس كلبي كام يدك سرييييع وماكدر الزمة

عبدلله : بوية شهالحجي شون يداومن من شوكت بناتنا يداومن كليات

الجد : محد حيداوم كليات بس اللي يستحقهة بناتكم كلهن محد رادن الدراسة بس نور وملاك جلبن بيهة وطلعن معدلات عالية ويستحقن يداومن

جاسر : بس جديي احنة حاجين بهالموضوع قبل وتعرف شنو الصار ....

الجد : محدددد يتدخلللل بهالمووضوع بعددد انة حجيت اللي عندييي ومن احجي كلمة محد يحجي ورايةةةة ماكوو احرص مني عليهن جراح باجر ياخذهن ويقدملهن ويباشرن دوام

ملاك : ضليت ابلعم وصافنة باوعت لجراح يباوع لنور مدري شاورهة وهية باوعتلة وبتسمت وبجت حضنهة واني صافنة بعدني ممستوعبة

علي : ها شبيج مصدومة دكتورتنة والله اجة اليوم وحتاخذين مكاني اصير مو بس اني فخر العائلة

ملاك : عمو صدك هالحجي

علي : شعلية اني سئلي جدج اني ماعرف والله

الجد : تعالي يمي

ملاك : كمت كعدت يمة حط ايدة على كتافي

الجد : شبيج ممصدكتني باجر تروحين وتصدكين

ملاك : حضنتة قوي واني ابجي ممصدكة احس الفرحة البكلبي محد حاس بيهة قبلي حسيتة همس يم اني

والجد : سامحيني بوية

ملاك : باوعت علي يمكن اللي سواه خلاني مو بس اسامحة حتى انسى اللي سواه بية بتسمت وضحكت _ شون ازعل منك اني جدو

الجد : الله يوفقج بنيتي واريدج ترفعين راسي

ملاك : نشالله ارفع راسك

ملاك : ضليت حاضنتة اباوع الوجوه كلها ضايجة ماعدا عمو علي وعمة مريم وعمة فاطمة وجدو همة الوحيدين الراضين اما الباقين بيهم المصدوم واللي ضايج وجراح وجهة مستحيل ينفهم اصلا اما جاسر احس عيونة تطلع شرار من العصبية متوقعت ردة فعلة هيج بعد كل الصار

للعصر راحو الكل بقو بس اهل البيت حسيت نفسيتي رتاحت هواي وضليت اضحك واخيرا ضحكت بعد مدري شكد

باوعت لنور وصعدنة فوك وكامت تكمز على الجرباية واني كاعدة اضحك عليها

نور : ولج وااللله واالله ممصدكة

ملاك :ولا اني متشوفيني احس بعدني على صدمتي

نور : اريد اعرف ليش جدو غير راية

ملاك : شعجب جراح رضة

نور : مادري اني نصدمت منة بس جاسر ميدري مو لان شفتي شون يخزر بينة

ملاك : و خلي يخزر براحتة خاف جنت اكو امل صغير اسامحة هسة راح هالامل

نور : وجراح شنو سامحتي

ملاك : جراحو لاخر يوم بعمري مستحيل اسامحة وجاسر صار وياه

نور : بصراحة ما اناقشج حقج لان

ملاك : نور بعدني ممصدكة والله

نور : اني داكمز بس احس ممستوعبة

ملاك : لعد شكو تكمزين ثولة ههههه

نور : مادري بس متحمسةةةةةةةة رح نلبس صدرية بيضة ونلبس سماعات اندرس بالطبب

ملاك : هههههه كبر _ جان يوم اعتقد عوضني عن الايام الراحت منسيت بس لتهيت بفرحتي احس الدنيا ضحكتلي نمت مرتاحة بذاك اليتوم

صحيت ثاني يوم نشاط العالم كلة بية غسلت لان نور كالت تحضري غسلت ووصفنت على الكنتور شلبس طالعة وية جراح يعني لازم استر شي طلعت بشت عندي اسود ومن جوة تول يصير ونهايتة الردن همات نفس الشي ولبست بنطرون وسديتة بحزام ولبست شال وردي وحذاء وجنطة همات نفس اللون حطيت مرطب بي لون ومسكارا شوية ونزلت لكيت نور هم مبدلة نزلنا

_ صباح الخير

الكل : صباح النور

خليل : اي عيني صباح النشاط شعجب اليوم كاعدات

نور : ههههه معليك انتة وين جراح

علي : طلع كال لحكني

الجد : ماتتريكن

نور : منريد بس خلي نروح امشي

ملاك : جرتني قوي وطلعنة باوعت على جاسر نزل باوع عليناا خازرنة مهتميتلة طلعنة رحنة للسيارة فتحنة الباب الورة وصعدنة

نور : صباح الخير

ملاك : باوع علينة من الجامة واني احس اعصابي رجفت دنجت راسي

جراح : شنو سايق عند الخلفوجن نزلن وحدة تكعد كدام

نور : اسفة هسة انزل

ملاك : نزلت نور كعدت كدام وتحركنة محجينة شي لان جنت احس باي لحضة رح يرجعنة مدري شبي عصبي ولو هوة كل ايام حياتة كالب خلقتة شنو الجديد

جراح : تريكتن

نور : لا

جراح : همم

ملاك : مشت السيارة مسافة وكف كبار مطعم حلويات نزل ونور ندارت علية

نور : الععععب هذا المحل يخبل الحمد الله ياربي ماتريكنة

ملاك : ههههه ولج انتي شبيج مشايفة خربحضج

نور : ولج هذا جراح هسة يجيبلنة شي صاك عاد هوة شون ذواق بالاكل

ملاك : هوة بس بالاكل بي خير

نور : نجبي رجاء لتحجين على اخوية

ملاك : هسة يطلع حاط سماعات تنصت وناكل خرا

نور : يي وعلي يزحلكنة للبيت ههههه

ملاك : هههههه كبر _ باوعت علي طلع من المحل لابس قميص اسود والبنطرون اسود والحزام جوزي والحذاء جوزي ورافع شعرة

مابي اي شعراية طالعة مرتب بطريقة عجيبة لحيتة محددة ولا يوم شفتهة مخربطة دائما مرتبة اخذتلي صفنة بطولة وهوة يجي للسيارة بعدين صحيت شبيج شدسوين انتي هذا جراح اللي حلفتي كلبج ميحن الة لو شيصير تذكرين شسوة بيج

دنجت راسي ولعنت نفسي كبر اليلفج ملاك فتح الباب

ونطكة العلاكة لنور

جراح : اكلن بساع ترا وراجن سحب دم

نور : هااا سحب دم ليش

جراح : لازم فحص يلا قبل لنوصل اكلن

ملاك : اخخ الله لازم ابرة بكل مكان حسيت روحي حبجي جان اكو بوكسين بالعلاكة نطتني واحد نور وواحد الهة فتحتة كرواسونة وبداخهلهة جبن ومارتديلا وخس يعني شون اللفة مسويهة وانطتني الكوب بي جاي بديت اكل واللفة تموت خرب متت بيهة ونور تباوعلي وتغمز على الفة واني كوة ضامة ضحكتي منها فضحتنة والله

نور : عاشت ايدك اخوية الكفو منا وغاد انتة وصلنة الطلعة وياك بيهة ربح

جراح : هههه بالعافية

ملاك : صفنت علي هذا ضحك لو لا حتة ضحكتة اقتصادية ميبذر بيهة مدري شبي

كملت ونضفت ايدي وحلكي وصلنة للمستوصف جان لازم ناخذ تحاليل ماعرف مال شنو بس وية الوثيقة تنحط
نزلنا وهوة باوع علينة من فوك ليجوة ومشة واحنا وراه فتنة جوة كلها تسلم علي وصلنة وسوو الاوراق وسحبو من نور واني وكمت ارجف اتخبل من الابر كعدت واني عيني على نور اتوسل بيهة

الممرضة : يلا ماما رفعي ردانج

ملاك : فدوا ماريد والله اخاف

الممرضة : ههههه من شنو تخافين متاذي والله هاي مو اختج سحبنة منهة

ملاك : اخاف والله

جراح : فضيناااا عاددد

ملاك و عاط بية كمزت والدمعة صارت بعيني شكد حقير رفعت الردن واللممرضة شهكت باوعت يالله شون نسيت

الممرضة : يا ماما هاي شبيهة ايدج

ملاك : رفعت راسي باوعت على جراح لحد هسة اتتذكر شون جان يضرب ايدي حتة اوخرهة من جسمي دموعي نزلت

جراح : خوية فضينا ورانا شغلل بساعع يلة سحبيي

الممرضة : العفو

ملاك : ضربتني ومحسيت بالابرة بس جنت مدنجة ودموعي تنزل واحس كلبي يوجعني ماكدر احجي اي شي بس ابجي

خلصت ونزلت ردني بساع وهية دتكتب بالاوراق كمت وكفت بالباب وامسح دموعي جتي نور لزمت ايدي وبتسمتلي هديت روحي وجراح بينت علي العصبية اباوع ايدة قابضهة يي عصب الاخ حقة والله مو هوة النكتل

اخذ الاوراق وطلعنة مدري شسوو وخلصنة وطلعنة بعدين رحنة للمدرسة جاب الوثيقة ووكف السيارة يم مصور

نزلنا دنطك صور فتنة جان شاب حسيتة ايدة حتنفجر من كد ما ضغط عليهة

المصور : شيخ جراح هلا بيك نور المحل

جراح: منور باصحابة وين والدك

المصور : والله كعد بالبيت اني كمت اشتغل بدالة

جراح : ها خوش نريد صور مال كلية

المصور : اي تدلل فوتو هنا خلي يعدلون شالهم بين ما تجي

ملاك : مشينة والولد يباوع علينة من جوة جوة واني مدنجة فتنة عدلت وجهي على لمراية خرب بساع عيوني تصير حمرة من اقل دمعة

فات هوة وضحك وكال

المصور : هههه هاي بعدكم تعدلون والله النسوان انتو كارثة

ملاك : باوعت جراح مشة وراح يمة دنج علية ومدري شحجي باذنة خلاه يصفن بوجهة ويرجف دنج راسة وكام حتة بالكامرة ميريد يباوع ضل فضول بالي شكالة هذا وهيج خلا هيج يرجف بسرعة طك
صورة وطلع كعد يسحبهن ويباوع لجراح بخوف وجراح خازرة واني نور تباوعلي وضامة ضحكتهة كوة

المصور : اه العفو شيخ اخزن الصور حتى غي....

جراح : تمسحهننن

المصور : نشالله

ملاك : سحبهن بساع ونطا فلوس وطلعنة حسيت جراح حينفجر

طلعنة وجتي شغلة على بالي اتذكر صديقتي كالتلي من قدمت وطالع قبولهة يلا مسوية هالاشياء بس احنة ممقدمين كلتله نور من دنمشي للسيارة ركبنة وكالتلة

نور : جراح احنة غير المفروض نقدم يلا نسوي هالاجرائات

جراح : منو كلج انة ممنقدم

نور : صدكك يعني احنة طالعة كليانة شنية

جراح لا لعد انة غبي اجيبجن اسويلجن وثيقة الكلية وانة ماعرف شنو القبول

نور : ي يعني شنوو قبولنة

جراح : انتي صيدلة وهية طب عام

ملاك : حسيت شعور بداخلي مشة هيج شعور غريب والله مينوصف غمضت عيوني ورجعت ذاكرتي لطفولتي

ملاك : باااابااا باااا اباااا

عبد الرحمن : ها يروح ابوج شبيح تكمزين

ملاك : انييي اليددد اصيللل دكتولةةة مثلللل عموووو علييي

عبد الرحمن : هههههه احلى دكتوررررة بنيتي

ملاك : يعني عادي اصيل دكتولة

عبد الرحمن : لازم تقرين هوااي وتنجحين حتى تصيرين دكتولة على كولتج

ملاك : اي اني لح اقلااا هوااي وانجحح

عبد الرحمن؛ فدوا اروح لبنيتي الشاطرة

.......

ملاك؛ : جلاحح جلاحححح

جراح : ها بنيتي

ملاك : اني لح اصيل دكتولة بابا كلالي

جراح : جرهة لحضنة _ هههه ليش تريدين دكتورة تصيرين

ملاك : حتى اوخل الاوا مال الناس

جلال : هههه اروح فدوا للكلبة طيب اني شو نطيني بوسة

ملاح : تقربت بستة وهوة حضني

........

ملاك : صحيت على الواقع مبتسمة على الذكريات لكيته صافن علية بالمراية

بس باوعتلة دار وجهة على الشباك شكد تغير وشكد كرهتة من كبرنا

حسيت براحة حلمي بدا يتحقق شوية شوية ونور هم تتنفس براحة وصلنة لكلية نور ضلت صافنة بيهة وتباوع جانت تخبل كلها خضار واشجار وتحسهة هيبة ههههه

جراح : يلا نزلو

ملاك : نزلنا ومشينة وراه الدوام جان بادي بوكتهة تقريبا مار اسبوعين علي فتنة بنص الكلية وجراح يمشي بهيبة واحس عيون البنات كلهة علي وهوةة ممهتم يمكن مرات اشوفة مغرور ومراا اشوفة ثكيل بس بهاللحضة هوة رزن وثكيل مو مغرور وصلنا للعمادة مالى الكلية سوو الاجرائات وباجر تباشر بداومهة وابوهة هوة كفلهة

طلعنة للسيارة

جلال : باجر اذبج هنا افوتج بيهة بعدين انتي تفوتين حفضي الطريق مو تيهين وديري باللج ماشي

نور : نشالله

ملاك : طلعنة ورحنة لكليتي جانت قريبة على نور بس يعني يمكن 10 دقايق بالسيارة همات نزلنا

مالتي جانت اكبر حسيتهة عالم ثاني حياتي من طفولتي لحد هاللحضة كضيتهة بالبيت لو اقصى شي نطلعة للسوك بس هنا تحس اجتنة حياه ثانية بيهة فرح وحزن

العيون كلها علينة واحنة نمشي اني جنت امشي وراهم ونور بصفة وكلسع يلزمهة من معصمهة يجرهة اما اني ميباوع بوجهي

بس. باوع وشاف اكو ولد يباوعولي وكف لحد مصرت بصفة لزمني من معصمي قويي وكفني بصفة باوعت علي خازرني

جراح : امشي بصفي مو وراي وانت هماتت لتخلني اطلع من طوري

ملاك : فلتت ايدي من وايدة وحسيت معصمي نكسر من قوة ضغطة علي اني هم خنزرت ومشيت شكد مكروه يالله مينجرع وصلنة للعمادة وهمات سوو الاوراق وهوة كفلني نطوني الكتب

طلعنة ودنرجع للبيت بالطريق بدة يحجي

جراح : كلية وداومتن بس الهة شروط اول شي اختلاطططط ماكووووو هاي الشغلة احجي بيهة مرة وما اعيدهة اختلاط شباب ماكو

والله اللي المحهة واكفة يم ولد ترجع للبيت وتكعد وتنجب تصادقن بنات اوادم وتشوفنهن اللي تتقرب يم ولد تعوفنهة انتن رايحات تدرسن مو تتونسن لبسجن هذا ميتغير سوالف قمصان قصيرة ماكو لو فساتني لو تنانير لو من هذا اللي لابساتة مكياج هذا احنة منتهين منة وماكو داعي احجي وانتي ست ملاك عيونج ماكو داعي تحطيلهن هذا الاسود خاف هنة ناقصات كبر كبريهن اكثر

ملاك : رفعت راسي بتحدي _ هاي مسكاراااا وبعدين هية ترفع رموش مو تكبر عيون

جراح : ترفع لو تكبر ميهمني المهم متنحط بعد وثالثا سوالف سفرات وطلعات ومطاعم ماكو من البيتتت لللكلية ومن الكلية للبيتتتت ماشي وان شفت اي خطا عتبرن الكلية بحح طارت ماشي

باجر انة اوصلجن عكب باجر تروحن خط يوديجن ويجيبجن ماريد يخيب ضني ماشي

نور : نشالله ميخيب ضنك

ملاك : حط اوامرة وسكت شكد مكروه ياللله مينجرععع غثيثثثث كل مرة اكرهة اكثر من لقبلهة وصلنة للبيت وكعدنة نسولف لبيبي هيح سوينة وهيج سوينة وهية توصي بينة

ررحنة بدلنة ونزلنة نصب الغدا جوي كلهم وهمات نور تسولف لجدو

الجد : اليوم روحن لسوك وشترن ملابس للكلية

نور : اي والله ماعندي

الجدة: دهر فرج اي والله ولج عدج كنتور كامل متروس

مصطفى : هئئ صدوووك بيبيييي تحجيييين انييي عندييي كنتور كامللل عزاااا _ يحجي بصوت يقلد على نور

الجدة : هههههههههه دهر فرك انتة هم

نور : سخييييف لتقلددد عليةةة

جراح : اثكل شوية اثكللل صير رجال

مصطفى : خوية عوفني عفت الرجولة الك خليني ملطلط اني عاجنبي

الجد : نجب طايح الحض عليمن طالع هيج ملطلط من طيح الله حضك شوف اخوك ولا كان من نفس البطن طالعين

ملاك : ابتسم بهدوء واكل صايرا ما اختلط بهاي السوالف جنت اني دائما احجي وانطلق على الاكل بس احس روحي الحلوة راحت

باوعت جاسر ماكو هذا مطنكر علينة اووي علساس مهتميلة احنة

خلصنة الغدة وراه العصر رحنة للسوك شترينة كوووووومة هدوم وكلة مستور طبعا علمود افندي جراح لان مالي خلك مشاكل رجعنة للبيت وكمنة نعزل بالغراض اني ونور وشفت ان الكنتور صاير ميكفينة اني ونور تنهدت لشوكت اضل هيج

_ نور طلعيهن لملابسي طلعيهن

نور : ليش

ملاك : اروح لغرفتي خلاص قابل اضل يمج

نور: نجبي متروحين تضلين هنا

ملاك : نور خلاص داكولج داروح والله اني هم وراية دراسة وخاف تصير هوسة انتي تقرين واني اقرة وبعدين تصير بالنعل

نور : هههههه متاكدة والله ماريدج تروحين

ملاك : خلاص والله اصلا تعودت ورح التهي بالقراية وبالكلية خلص

نور : اووف ماشي

ملاك: طلعت ملابسي ورحت لغرفتي فتحتهة وفتت خليت الغراض _ عوفيهن اني باجر ارتبهن هسة خلي ننام باجر ورانة دوام

نور : تمام تصبحين على خير

ملاك : واني بخير _ راحت وسدت الباب واني احس كلبي نقبض تنفست احاول اهدي نفسي حسيت الغرفة كلها تخنكني كعدت على الجرباية وصفنت وسترجعت الصار كلة ودموعي تنزل بهدوء

كل الصار تاليها حداوم ليش ماصار هيج من البداية وياترا اني فرحانة من صدك

كل الفرحة اللي جانت بداخلي البارحة واليوم تلاشت حسيت كان هذا مجرد عذر حتى يصححون اللي سوو بية رجعت اتذكر الوجع ياترا كلمة حتداومين تمحي كل هالوجع الحسيت بي

مددت وضل التفكير ياخذني ويوديني لحد ما غفيت بدون ما احس واني دمعتي على خدي....

.......

نور : طلعت من غرفتهة شفت جاسر كبالي بتسمتلة ودافوت محسيت غير تقرب مني دفعني للغرفة وسد الباب ضليت صافنة ومصدومة من فعلة شلون سوة هيج صدك يحجي هذا

_ جاسر شدسوي فدوا اطلع ليجي جراح يشوفك _ يتقرب مني ولا مهتم لحجيي ضليت ارجع هوة يتقرب ارجع لحد ما نضربت بالحايط وصار قريب كلش علية كلبي كام يدك سريع وجسمي يرجف كام يحجي بهمس بس بنفس الوقت عصبية

جاسر : ليشش وافقتييي هاااااا ليششششش مو تدرين بية اتخبلللل ولا اشوففف احد غريب يلمححح ضلجج تردين تفرفرين بالكلية والناس تشبععع عينهةةةة بطولجججج شمقصريييين وياجننن احنة حتة كتلتن روحجن على الكلية ولججججج انتي على جثتي تداونين باجر سمعتييي لوولااااا علىىىى جثتييييي

نور : دموعي نزلت وكمت اشهك _ ليشش يعني مو من حقي اعيش يعني بس انتة الك حق تدرس واحنة ليش ننحبس باي ذنب بعدين جدو هوة اللي كال احنة محجينة

جاسر : اي جدج كال وانتي باجر تروحين مثل الخوش بنية وتكوليلة ماداوم فتهمة ترا وحق اللللله يا نورررررر بكد الحب اللللي حبيتج بيييي اكرهججج واخلييي حياتججج جحيمممممم متنعاش

نور : اي حب هذا تحجي بي ايييي حببب

جاسر؛ اي حب حبج الللي من صغري واني محافض علي وياما وياما شفت وجربت اشياء وماتخليت عنة ولج نور انتي سكنتي كلبي لا تكسرين هالكلب بعملتج هاي

نور : جاسر فدوا عوفني خليني اروح وخر عني

جاسر : نور

نور : ه ها _ رفعت راسي باوعت بعيونة جانن يلمعن بوسط ضلام الغرفة

جاسر : انة لو الكلية

نور : ..............

يتبع........

_________________

شتتوقعون تجاوب ؟

اتمنى يعجبكم البارت 💕

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح