رواية ملاك الشيخ جراح الفصل الحادي عشر 11 - بقلم ~yaqeen.hassan~

‏وشعرتُ بأن رقّة قلبه كالطمأنينة الدافئة التي تحتضنُني عندما كان كل شيءٍ حولي يُشعرني بالفزع.

لتنسون النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _ العاشر

ملاك : صحيت الصبح على صوت الباب عمة تصحيني

كمت رحت للحمام غسلت وباوعت لوجهي عيوني حمر من البجي

يبو هالحالة اكرهة اذا بجيت دقيقة عيوني تضل حمرة ودمارات بداخلهة تضل حمرة

فرشت اسناني وغسلت وطلعت اخذت ملابسي وبديت ابدل واحس شي مكبوت بصدري كأن فرحة البارحة واول البارحة كلها نمحت من فتت للغرفة

واني الف الشال باوعت للجرباية وفجا وصار خيال شكلي واني اصرخ ضليت صافنة وبين كبالي جراح وهوة يضربني ونختمتت بجوية جاسر بايدي

صحيت على لسعة بايدي حسيتها رفعتهة وتلمستهة ورجعت الف الشال ماريد ابجي وتعبت من البجي لشوكت اضل ابجي

خلصت ورشيت عطر اخذت جنطتي ونزلت_ صباح الخير

الكل : صباح النور

الجد : تعاي جدو تعاي تريكي قبل لتطلعون

جراح : لا تاخرت خلي نطلع هناك تاكل

الجدة : ولكن جراح اصبر يومية مطلعهن بلة ريوك

جراح : بيبي عندي شغل قيامة بس اليوم وباجر ريكيهن براحتج

ملاك : جنت جوعانة والله دنجت اخذت قطعة بيضة سلك اكلتهة _ وين نور لعد

الجدة : مريضة مدري شبيهة ومرح تداوم

ملاك : يااا شبيها البارحة مابيهة شي

الجدة : امها يمهة جانت مصخنة ونار صايره وتون من الوجع
وتبجي

_ خلي اروح اشوفها

جراح : بعديييين حتاخررررر يمعودة

ملاك : تافافت وكمت ونفضت ايدي وكمت باوعتت علي صافن علية من باوعتلة دار وجهة شكد مغرور عبالك مدري منو شايف روحة طلعنة وبالي يم نور خايفة عليلة شجاهة ادري

ركبت ورا وهوة ركب

جراح : تعاي كدام

ملاك : ماريد

جراح : بدون كلام زايد تعاي كدام دنروح

ملاك : ستغفرت ربي صبرني بس اليوم نزلت وركعت الباب قوي وفتحت الثاني وركعتهة اقوى

وهوة بتسم باستهزاء وحرك ياالله بدي اذبحة شكد كرهتة اضعاااف

مشينة بالسيارة وطلعت موبايلي كمت اصور ضايجة والسيارة احسهة خنكة وياه

شوية ووكف يم نفس المحل مال البارحة نزل واني صفنت معقولة حيجيبلي اي والله يسوي فضل لان جعت ههههه

صدك شوية واجة جايب وشايل كوبين وياهن حط العلاكة بحضني ونطاني الكوب بدون ميباوع وهوة يشرب الكوب اللي بيدة

اني هم مكلت لا بديت اكل لان جوعانة هالمرة جايبي غير نورع وهموت طيب اكلت بتمعن وشبعت اخيرا وصلنة للكلية دافتح الباب طلعت مقفولة باوعت علي جر محفضتة وطلع فلوس مدهن الي

_ ماريد

جراح : خليهن تجتاجيهن

ملاك؛ رجعتهن الة بحضنة _ عندي ممحتاجة

جراح : جاي احجي وياج مثل البشر ليش تخليني اعيط عليج اخذيهن وانجبي

ملاك : جريتهن وضميتهن بالجنطة

جراح : اعيدلج حجي البارحة اختلاط ماريد ترا عيني عليج ولا عبالج مادري باللي يصير جوة لا غلطانة
نتبهي لدراستج وماريد سوالف منا ومنا طيعيني واطيعج ترا اذا غلطتي انة بيدي ارجع للبيت وتكعدين بي ماشي

ملاك : خلصت اوامرك واحب اكلك اني ممحتاجة حجيك هذا اني اعرف اصون نفسي وممحتاجه نصيحته ولا تهدديك
رجاء احجي وية الخط لان ماريد اختلط بيك بعد لان ماتحملك ولا انتة تتحملني يا ابن عمي

_ نزلت من السيارة ومشيت لكليتي هوة حرك وراح جنت خايفة هواي وامشي واتلفت ماعرف وين اروح موقفي وراه خلاني ارجف مدري شبية نكلبت احوالي

باوعت كبالي مصطبة كعدت اهدي روحي واتنفس ضليت هيج عشر دقايق وراها كمت وفتت للقاعة والمحاضرات بدت تعرفت على بنية اسمهة رجاء جانت حبابة وهم ماعدهة اختلاط باحد جانت مخطوبة ضلينة سوة ورا ماخلص الدوام طلعت

انتضرر احدد يجي ياخذني كعدت على مصطبة واكلب بالكتب مالتي وافكر شلون اسوي يومي وشلون اقرا واريد اطلع معلومات عامة واريد اكون خبرة من السنة الاولى واطلع من الاوائل هواي احلام جتي بالي لحد ما سمعت الهورن شفت سيارة جراح تنفست بقوة يالله صبرني ماريد اتعارك وياه

ركبت بدون حجي وهوة حرك السيارة محد حجة محد نطق اي شي لحد موصلنة البيت نزلت وهوة هم نزل طبيت للاستقبال جانت الساعة ب2 ونص هيج شي _ بتسمت سلام عليكم

الكل : عليكمم السلام

ملاك : كعدت وبدو يسالون جدو وبيبي وعمو وعمة واني اجاوب وفاتو خليل ومصطفى همات ضلو يصنفون علية اما جراح كعد يتغدة واني جنت ماكلة لفة وية رجاء خلصنة سوالف صعدت لغرفة نور

طبيت جان جاسر يمها اني نصدمت اذا احد يشوفة هناا تصير مصيبة

_ شدسوي هناااا صدك تحجييي

_ مجاوب باوعلي من فوك ليجوة وطلع ضليت صافنة علي هذا شبي هزيت راسي ورحت يمهة جانت مصخنة بعدهة وطالعة وحمة بشفتهة من الحرارة

بستهة براسهة ومردت اكعدهة طلعت رحت ابدل وسبحت وكعدت ارتاح وافكر مدري عقلي بس يفكر بالمحاضرات والمعلومات احسها دتفتر براسي نزلت ورة شوية شربت جاي كعدت اسولف لبيبي على الكلية وبناتها ولبسهن وضلينة نسولف وجراح جان كاعد كبالنا يلعب بموبايلة وجدو جان يستمع ويبتسم واني متحمسة واحجي لحد ما خلصن السوالف صعدت اريد انام وصفنت على السكف مبتسمة صدك الكلية عالم ثاني تحسيهة مو مثل مجنة متوقعين

نمت للعصر كعدت على صوت خبصة وصوت جراح يصيح كمت بساع وفتحت الباب شفتة شايل نور ونزل بيهة جوة _ عمةةةة شبيهةةة نوررر

فاطمة : مادري والله كعدت دتروح للحمام مسمعت غير الطبة خلي اروح وية جراح للمستشفى

نزلت لكيتة ديلبسهة صاية وششال ومخبوص بيهة وبيبي تبجي عليهة اخذوهة عمة وجراح وخليل وراحو واني ضليت ادعي وابجي

حالهة نكلب بيوم وليلة مدري شجاها يربي ورة تقريبا ساعتين رجعو همات شايلهة جراح وخليل شايل المغدي وجانت صفرا فد مرة

صعدوهة فوك ورحنة يمنة

جراح : سوولهة شوربة خلي تاكل

ملاك : نزلت عمة تسويلهة واني رحت يمهة لزمت ايدهة _ شكالك الدكتور

جراح :حالة نفسية ويكول احتمال متعرضة لصدمة او متاثرة بشي وباجية هواي مفتهمت حجية خريط

ملاك : بس هية البارحة مبينة شي شجرالهة اليوم

جراح : هسة خل يخلص المغذي ونفتهم منها

ملاك : طلع هوة وضليت اني بصفهة وبيبي تقرة قران من خلص المغذي شلعت الانبوب مالتة وضلت الكانونة بايدهة وشوية بدت تصحى وتون

نور : ل ا لااااا لااااا

ملاك : نور يروحي شبيج باعيلي

نور : لت لتروح لااااااا

ملاك : كانت تبجي وتحجي حجي ممفهوم تقربت حضنتهة وضلت تبجي ضليت حايرة بامرهة ياربي شصارلهة

ضل حالها هيج تقريبا 3 ايام بس تبجي وتحجي شي وكلسع تصخن تصير نار محد عرف شبيهة وعمو وجراح وخليل كلسع جايين عليهة اما جاسر فمشفتة كالو رايح لبغداد يستلم دفعة مال ادوية

ضليت حايرا بنور حتى دراسة مدرست بس اداوم اخذ محاضرا وارجع اضل يمهة خفت عليهة هواي هوااي

لحد ما رجعت بيوم من الدوام طبعا ستلمني الخط ثاني يوم رجال بمنطقتنة يعرف جدو كلش حباب وامنت وياه احسن من جراح اللي يرفع ضغطي كل يوم

رجعت للبيت وصار هذا 5 يوم دوامي بالكلية الساعة ب1 رجعت من وكت لان خلصت محاضرات فتت لكيتهم كلهم ملتمين على السفرة وشفت نور كاعدة وتضحك بنص عمو وجراح بينهم كاعدة وكلها تسولف ضليت مصدومة البارحة جانت مصخنة والله صدمتني هالبنية

_ هلوو

الكل : عليكم السلام

ملاك : سلام عليكم اسفة

مصطفى : ذبيهة للصدرية فتهمنة دكتورة

ملاك : ضربتة بالملزمة على راسة _ معليك غيور

الجد : تعاي تغدي بوية عوفي

ملاك : بس ابدل صعدت بدلت ونزلنت اكل وياهم

نور : باجر اداوم

مصطفى : كفووو باختي محاربة المرض هسة يجي يوم واكتب قصتج ضد الفلاونزة

ملاك : متنة ضحك علي مصطفى كاتب مرات يكتب قصص ومرات خواطر واشعار كل فترة يكلب شكل

ضلينة نضحك ونسولف وحمدت الله صارت زينة نور حياتي بدونهة كئابة

خلصنة غدة وجاي وكلمن راح لغرفتة اخذتهة وكعدنة بلغرفة سوية

_ اي صرتي زينة هسة تكعدين تحجيلي الصار بالتفصيل الممل

نور : ههههه هوة شصار شبيج

ملاك : ترا اخوج مدري شبي مصدك حجي الدكتورد بس اني صدكت نور شصار وياج خلاج هيج تتمرضين والليل كلة تبجين وهاي الايام كلهة _ باوعت لوجهة تلبكت ونزلت راسهة

نور : شهالحجي مااك اني مو جنت وياج بالليل بس سبحت ونمت وتراا البجي من وجع عضامي جانت تون علية

ملاك ؛ نور اني ملاك مو جراح وجدو

نور : ملاك بربج اني كوة نسيت المرض لتذكريني بهاليوم الاكشر خليني مرتاحة

ملاك: زين شنو الكلب حالج فجا هيج الصبح عفتج تبجين

نور : جراح وبابا حجو وياي ونزلوني غصب

ملاك : اول مرة يسوي فائدة بحياتنا اخوج ماعدا الكرواسون اللي يجيبهة

نور : هههههه هو انتي حضيتي بيهة بيوم الوداج

ملاك : ترا تكافشنا مو اكلج اني وياه لتخلونة بمكان واحد

نور : انتو ترفعون الضغطط واالله

ملاك : اني لوو اخوج الغثيث اللي اللله لا يحطة بوجهي

نور : ههههههههه اي عيني صدك تعاي سولفياي شسوزيوي بالكلية

ملاك : الله ياخذج حتة الكلية ما شفت منهة شي من وراج كتاب مفاتحة بس اروح اخزن بعقلي وارجع اضل يمج

نور : يما فديت اللي يخاف علية اني

ملاك : نننننن

نور : ههههه يلة سولفيلي كولللل اللي سويتي بالكلية

ملاك : تمام هههه_ كعدنة نسولف للعصر خرطت الاول والتالي وبعد هاي السالفة مال نور

مشت حياتنا طبيعية من الكلية للبيت ومن البيت للكلية ودراستي بدت تتتعقد وبديت اتعب هواي

بس اصبر واكول يجي يوم وافتخر بهالتعب

جاسر رجع بعد سبوع ونص ورجع كالب الخلقة وميتحجة ونور انتبهلهة تنهزم بكل مكان هوة بي موجود حسيت صاير شي بينهم بس كلت شيصير يعني وتغاضيت عن الموضوع

ومرت شهرين بديت الاحظ ان اثار جسمي مدتروح ابد ضالة خطوط حمرة وزركة وبنفسجية واكو خضرا يعن جسمي بعدة متشوه

تعقدت من هالموضوع هواي بس محجيت لاحد كلت اكول لصديقتي واشوف

بيوم من الايام رجعنا من الكلية اني ونور طبينة للبيت شفت سيارات هواي بالحديقة

نور : هاي منو لحضة لتفوتين اخاف زلم برة

ملاك : دكي على خليل

ابو حسين ( ابو الخط ): ها عمو شو وكفتن بالباب

ملاك : عمو مو اكو سيارات اخاف اكو زلم برا ومنكدر نفوت

ابو حسين : هسة اصيحلكم واحد من الولد

ملاك : اي والله عمو بلا زحمة عليك _ فات شوية وطلع وياه خليل تشكر منة وكال فوتن مشينة مدنجين _ منو هنا

خليل : بيت جدي

ملاك : كولهم

خليل : اي كووولهم

ملاك : شلون تريد تنكتل انتة

نور : يبو والله مالي خلك تعبانة واريد انام

خليل : دمشي هسة حيستلموجن مربعتين

ملاك : والله عاد اني للعبانة نفسي اللي تحجي اردها بعشرة ما انطي واجامل

خليل : ههههه كفو والله

ملاك : فتنة من المطبخ ولكيت البنات بالمطبخ اللي هنة بنات خالات نور كلهن ماشالله العشيرة كلها جاية سلمنة عليهن وهنة من ورة خشومهن يكرهني كره مو طبيعي مدري ليش

رحنة للاستقبال سلمنة على خالاتهم وكعدنة جانت الساعة ب2 وهمة متغدين راحت عمة مريم تسوي غدة النة واني كمت رحت ابدل بس نور ضلت طبيت سبحت بماي بارد وباوعت على الاثار وصيت اليوم وحدة وياي بالكلية على عصارة او اي شي وكالت اخوهة عندة صيدلية تشوفة كلت بكلبي عود اني اخوية عندة مذخر بس شفايدة

بلكت الله تجيبلي عصارة بيهة خير طلعت لبست دشداشة لان خطار عدنة وخليت شال على راسي ونزلت لكيت نور مبدلة ونازلة كعدنة نتغدة وهمة يسولفون الخالات جانن 3 سئلتنة الجبيرة

سليمة : اي بنات شلونهة الكلية

ملاك : زينة خالة

نور : تخبل

صفاء : عود شلون الشيخ خلاجن تداومن من بين كل بنات عمجن

ملاك : لان طلعنة معدل يستحق ان نداوم علي

سلينة : ليش عيني لو البنات مكملات جان هم طلعن معدلات ليشي ومريم هم جانت شاطرة وبطلوهة

مريم : احجيلج الصراحة لو اني مكملة مجان طلعت معدل ومحد يكدر يطلع مثل معدلهن

صفاء : والله عيني شيخكم صاير سبورت او من يوم يومنة النسوان للبيت والرياجيل تشتغل

ملاك : اي ويعني لشوكت نضل احنة للبيت

سليمة : عيوني انتي ليش ضايجة دنسولف

ملاك : مضايجة اني داتناقش وياج بس يعني مو منطق الدتحجي

صفاء : اكلج حتطلعينة جهلة وانتي الفاهمة

ملاك : لا حشاج خالة بس اني حاجيتج من باب المنطق داوضح نقطة ان الله مثلا ما خلقهم خلقنة يعني ماكو فرق بينة

فاطمة : هسة انتو شفتحتو موضوع اي خيتي مكلتيلي البستان شلونة شلون الرزق

ملاك : باوعت عمة فاطمة غيرت بساع الموضوع لان تدري رح اتعارك وياهن اني همات كمت رحت للمطبخ ولكيت بناتهم فوك راسي لزمت راسي اليوم رح انجلط غسلت المواعين اللي اكلنة بيهة وصعدت للغرفة تمددت اريد انام وقتت الموبايل نص ساعة نمت بسرعة وكعدت على المنبه

ميتة نعس بس كمت فتحت ملازمي وكعدت اقرة العصرية كلها لحد ال6 باوعت من الشباك ديشوون برا كباب ويضحكون نزلت جوة اول ما خطيت رجلي بالكاع حجت خالتهم

سليمة : اي عيوني صح النوم هية هاي الاصول تعوفين الخطار وتروحين تنامين

ملاك : العفو خالة بس مجنت نايم جنت ادرس

نوران : عود يعني كل هالوقت تدرسين

ملاك : اي يروحي دادرس لان موادي صعبة ومو بساعة اقراها

سليمة : هة والله عمي لشوكت حيضلون يكبرون براسجن

ملاك : حسيت رح اتخبل عبرت يم المطبخ شفت جراح واكف وعاكد حواجبة مبين سمع الحديث الصار مشيت ورحت للمطبخ جانو همات يسوون عشة

ضليت يم عمة مريم اسوي وياها العشة

ونور تثرم وذني بنات خالتهة واكفات يعيبن لو يحجون واني ساكتة مالي خلكهم

صار العشة ونمدت سفرة شطولها وراها جايات وهاي السوالف بعدين ب10 وبدينة بالفراش ننكل عدنة غرفة مخزن كاملة بس فرش لان بيتنة ميخلص من الخطار فنحتاج كميات جبيرة واكفة انكل من الغرفة وخليل واكف يم الدرج اودي الة وهوة يشمرة لمصطفى

خليل : هوشش سمعيي ملاكك

ملاك : شنو هوش خروف اني كبالك

خليل : ليش متدرين محد كالج

ملاك : ضربتة بوكس بجتفة _ ادبسزز شتريدد شكو صحتني

خليل : ولج ذني بنات خالي كاعدت يتغزلن بية يمكن

ملاك : هههه شلون بلة

خليل : لج اي والله نور مو جوة هم دتنطي الفراش لمريم اسمع سارة تكلي هوة ياهو اليجي ينكل فرش فدوا لله انة بقيت صافن علي علية لو على نور

ملاك : اييي ابو النسوان يعني علساس متعرف عليك

خليل؛ اعرف اي بس هاي جنها سعلوة شفتيهة شكبرهة تجعصني بيدهة

ملاك؛ هههههه خرب حضك هاك وامشي انزل هسة يصعدلك عمو

خليل : والكعبة تفلشت خرب يلة اروح لحبيبتي السعلوة

ملاك : ههههههههههه خرب يومك _ نزل واني فتت لغرفتي بساع اريد اكمل قراية فتت ضليت اقرة لل1 تقريبا البيت صار سكون جعت ونزلت اريد اكل امشي باطراف اصابيعي فتت للمطبخ فتحت الثلاجة ولبدت بيهة ضليت الكط بالاكل

سديتهة وباوعت على الثلاجة شفت خيال مال شخص ضخم مرسوم عليهة........

يتبع.....

__________________

اتمنى يعجبكم البارت 💕

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح