رواية ملاك الشيخ جراح الفصل التاسع 9 - بقلم ~yaqeen.hassan~

عِندما يقع في حُبكِ كاتب فإنكِ تصبحين خالدة للأبد
هوَّ لن يستطيع فعل شيء سِوى الكتابة، التفكير، والحلم.
سيحاول أقصى جهده أن يحبس قلبه في سجن مِن حبر وبفعل هذا ( سيحتفظ بكِ ).♥️

لتنسون االنجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _ الثامن

جاسر : نور انة احبج

نور : جمد جسمي وبلحضة ضليت صافنة ومصدومة وايدي نزلت من كتافة وشعرة حسيت جسمي كلة رجف وكلبي عبالك داخل مصارعة بتعدت خطوة منة وهوة رافع راسة وعيونة حمرة وشعرة نازل على وجهة اريد احجي بس احس شفايفي ملزكة بصمغ

جاسر : اي احبج ونتضرتج تكبرين كبال عيني لحضة بلحضة ونتضرت سنين لحد هاليوم انة احبج واريدج الي ومستحيل اخليج تصيرين لغيري نور لا تعوفيني انة مبقالي احد غيرج بهالدنيا انتي وملاك اللشي الوحيد اللي مصبرني على هالدنيا

نور : دموعي كامت تنزل وايدي ترجف باوعت علي واريد انطق اي شي مااكدر درت وجهي وركضت طلعت من الغرفة لغرفتي سديت الباب ولزمت كلبي اللي صاير طبل عبالك ودموعي تنزل بتسمت رغم دموعي وغمضت عيني ورجعت ذاكرتي لكل لحضة بطفولتي من جان يكلي احبج جنت اعتبرهة يوم عيد اذا كالهة الي كعدت على الجرباية وكل طفولتي وايامي وياه مرت كبالي كمت اضحك اي فرحانة فراحانة هواي وميتة فرح

هوة جان حلمي وامنيتي وكلها جانت تتخيلنة سوة اني وجاسر وملاك وجراح بس محد جان يحجي هالشي

ضليت تقريبا نص ساع كاعدةة وصافنة على الحايط اتخيل حياتي  وياه بديت بسرعة ارسم احلام لحد مصحيت على دكة الباب

صوت  مريم

مريم : ولج نور وين وليتي طلعي عاد تعاي ساعديني

نور :  يي يييي جاية ثواني ابدل كمت بساع اباوع وجهي يضحك بتسمت وتنفست براحة وطلعت فتحت الباب شفت عمة مريم حاضنة جاسر وتكلة ميخالف وهوة يتنهد

باوع علية وبتسم بتعب دنجت راسي ونزلت جوة وكلبي يدك سريع سريييع حسيتة طبل هاليوم حيضل بذاكرتي لطول العمر

ملاك : طلعو وسدو الباب واني وجهي على الحايط وابجي جسمي هاج علية وكل الاوجاع زادت ايدي كامت تون علية بالزايد كمت اشهك قوي وابجي واني باذني اصواتتت ذيج االيلة العياط والصراخ وخوفي ورعبي ايدي كامت ترجف وعشت نفس العشتة  ضليت نص ساعة ابجي واشهك والالم صار مينحمل كمت على حيلي ونهضت شوية شوية وامشي وايدي على بطني  كل خطوة احسهة دمار

دموعي تنزل عشرة عشرة وكل شهكة تزيد الوجع وصلت للباب فتحتهة ورفعت راسي صار بوجهي جاسر

هنا وحسيت الكون فتر فتر بية ورجعت لذيج اللحضة من جنت اصرخ واتوسل بي يعوف ايدي وميجويني ايدي جانت لازمة الباب من الرجفة اللي صارت بية فلتت  ووكعت بالكاع قويي صرخت صرخة يمكن سابع جار سمعهة حسيت معدتي واحشائي تكطعت وايدي عبالك هستوة لسعني ركضو علية واولهم هوة حطني بحضنة واني بعيوني اباوع علي واشوفة شايل السجينة الحارة ويريد يجويني

صرت ادفع بي واصرخ بهستريا عبالك تخبلت وكل ما احرك رجلية احس مصاريني تتكطع وفات عمو علي وصرخ بجاسر واني مكدر بعد غمضت عيني وبدت الدنيا وتغوش عندي محسيت وغير على عمو علي وهوة يضرب بوجهي  وبعدين حسيت بمي ينرش على وجهي صحيت واحس جسمي كلة يون علية وبطني المهة فضيع باوعت كلها فوك راسي وعمو علي حاطني بحضنة

احس ختنكت الكل داير مدايري واني وجعي يزيد بكل لحضة درت وجهي ودفت روحي بحضنة قوي واشهك بقوة ورجفة وهوة خلاهم يطلعون بقت نور وعمة وبيبي خلاني امدد وشاف الجرح واني الوب من الوجع

علي : ليش تحركتي ياعيوني شوفي شصار بيج بس كعدي بمكانج وصيحيني اذا حتاجيتي شي لتكومين
ملاك : ل لت خلي ي يجي يجيني ي ي ض ربني

علي : ماخلي احد يفوت والله اني حضل يمج رتاحي وكافي بجي نور جيبيلهة اكل يلة حتى تشربين علاجج

ملاك : كعد يمي واني لزمت قميصة قوي وضليت دموعي تنزل جابو الاكل وحطو وبدة يوكلني شوية شوية اكلت لان اريد العلاج لان بي مسكن وينومني تعبت من الوجع خلصت وشربت العلاج وغطاني وطفة الضوة ديطلع صحت _ ع عمو

علي : ها ملوكة

ملاك : اريد ب بيبي

علي : هسة اصيحهة  

ملاك : وطلع برة عاط بيهم صار هدوء شوية وجتي بيبي خليتلهة مجال هية عرفت شريد خلت راسي على رجلهة وكمت ابجي وهية تقرة قران على راسي محجينة شي ضلت دموعي تنزل لحد مغفيت ومدريت باللي صار بعدهة

نور : من طلع عمو علي عاط بيهم كلهم خنسو وصار هدوء تغدينة وكملنة المواعين وكلهم راحو نزل جاسر راح للديوان واني وكفت بالمطبخ ارتب بي وحدي باوعت نزل جراح بيدة جنطة مال ملابس وبسرعة طلع من باب المطبخ لبرة لحكتة _ جراح

جراح : ها نور

نور : وين رايح

جراح : لبغداد عندي شغل

نور : مو جنت ذاك الاسبوع هناك

جراح : يعنيي شلوننن شغللللل عندييي وحضرة عمج المصون ميقبل نطلععع لباب البيت اخاف المدام تشوفنة وتبجي

نور : حجة هيج وطلع  تنهدت صفنت علي ليش هيج يسوي ويتصرف شنو الغيرة وشنو السواه هيج يكرهة وميتقرب منهة من جنة اطفال جانت روحة بيهة ويتخبل اذا احد مسهة او اذاها بس شنو التغير هسة

طلع صدك وراح

ملاك :  مر اسبوع واني نجبرت اتعايش وية البيت وبديت اتاقلم صرت من اشوفهم ما ابجي لان ملليت ودموعي نشفت بس القهر يضل بكلبي

جاسر وجراح مشفتهم وهذا الشي الوحيد اللي مصبرني لان اذا اشوفهم انهار كدرت اتحرك عمليتي صارت زينة وكمت اكدر امشي بس ماكدر ادنك ايدي صرت ارحم الوجع راح لان بدة يطلع لحم جديد وصرت احركهة بس حتة لينبني اللحم بطريقة غلط يعني ايدي تضل ثابتة

اما جسمي هذا شي ثاني لحد هاللحضة مشوه وصرت البس كلة ردن حتى ما اشوفة لان من اشوفة اتهستر اما وجهي هوة الوحيد اللي رجع لونة مثل قبل بس هالات ووجهي شاحب مو مثل قبل

صحيت الصبح كمت غسلت وجهي وباوعت نور نايمة صرت انام يمهة لان ما طايقة غرفتي ولا اريد اشوفهة طلعت تراك ورحت فتت سبحت واني مغمضة ماريد اشوف جسمي خلصت وطلعت

جانت نور بالفراش

نور : صح النوم ياحلو شنو هالريحة

ملاك : صباح النور كومي يلة هسة تصعدلنة بيبي

نور : تصعدلي الي مو الج صايرا انتي حبيبة الكلب

ملاك : هه بعديش

نور : اهوووو بلا سلبية يلا ننزل 

ملاك : جرتني ونزلنة صبحنة عليهم وكعدنة طبيعي نتريك جان تنفتح الباب وفات جراح مباوعت بس سمعت صوتة

جلال :  سلام عليكم

ملاك : رفعت راسي باوعت علي ومحد جاوب احس بيهم يباوعولي ينتضرون ردة فعلي مبين من وجهم دنجت ودموعي بدت تنزل بسكوت

جراح  : السلااام عليكممممم

ملاك : حجاها بصوت عالي نتبهو وردو السلام _ واني اريد اكوم واحس رجلية نملن ماكدر اتحرك  بس مدنجة

جلال : شبيكم صافنين علية لو تردوني اطلع خاف حضرت جنابها تضوج

ملاك : يالله حقارتة شكد حقير ووصخ ماعندة ذرة احساس والله كمت من مكاني كوة وطلعت رحت للغرفة ابجي  يحسسني ان كان ممسوي شي ولا كان نمت بسببهم بالمستشفى وشفت الموت شكد حقدت علي بذيج اللحضة

ضليت هيج ونجبرت اتحمل وجودهم ثنينهم  بالبيت جنت من اكعد يمهم اختنك واحسس روحي دتطلع

جاسر هواي حاول وياي وراد انو يصالحني بس مجنت اطيق وجودة بصفي وبسرعة اكوم ابجي واصرخ

بديت اتعود على الوضع شوية شوية

نور : صحيت من النوم وطلعت من الغرفة كوة مفتحة وشعري على عيوني  رفعت راسي شفتة بوجهي واكف مبتسم ومكتف ايدة واني ضليت صافنة بوجهة واريد استوعب الديصير  تقرب مني مبتسم وهمس باذني

جاسر: احلى صباح مر علية بشوفة وجهج المكلوب هذا هههههه

نور : نزل واني واكفة مثل الصنم مصدومة من كلامة اول مرة يحاجيني بهالطريقة بتسمت وعدلت شعري ثول اليثولج مو عندج حمام بصخامج غرفتج دعدلي روحج طاحضج نور طاحضج

هففف نزلت جوة وغسلت مر اليوم لليل جنت ارتب بغرفة جراح  وادندن باغنية _ انتة طيري وصعبةةة غيرييي اللي يفهمك من احضنك انسا حزنك انسا همك انتيةةة طيرييي وصعبةةة غيريي اللي يفهمكك

محسيت غير نطبكت الباب نداريت وشفتة همات مبتسم ومنتجي على الباب _ ج جاسر شسوي هناا

جاسر  : طيرج تعبان وبس انتي تفهمي

نور : بتسمت على بتسامتة وحسيت فراشاات تركص بمعدتي

جاسر : فدوا روح اني لهاي الابتسامة ولج شسويتي بية كلبتي حالي كلاب والله

نور  : جاسر اطلع برة فدوة ليشوفنة احد

جاسر  : خلي يشوفون ابنهم الواكع ومحد مسمي علي

نور : اطلع حباببب

جاسر : نور تحبيني

نور : ضليت صافنة  بوجهة يربي شجاوبة بلعت ريكي ومشيت داطلع لزمني من ايدي وجرني لصدرة نلطخت بي وصارت ايدي على جتفة ووجهة قريب على  وجهي حسيت كبيت نار قربة خربط احوالي ومعرفت شتصرف

_ ج جا سر

جاسر : روحة

نور : وخرر حبابببب

جاسر : نور انة منتضرج ولحد مالله ياخذ روحي حضل انتضرج ومستحيل اخذ غيرج خلي هالشي بالج

نور : دنك باسني بخدي حسيت جسمي كزبر غمضت عيني من ملمس شفايفة وردت اوكع من طولي على  هذا الاحساس فتحت عيني شفتة يباوعلي ومبتسم

وعيت على نفسي ونهزمت منة وطلعت ركضض وكلبييي يدكككك قوييي  عبالك جان بسباق ضليت مصدومه  هذا جاسر لو منو  هذا ليش هيج متغير

ومرت الايام وصار كل ميشوفني يغمزلي لو يبتسم واني  كلبي يكون يركص جوبي من اشوف بتسامتة  

ملاك : طلعت برة ارش الزرع واريد اهدء لان اليوم جمعة والكل حيجتمع بالبيت وجاسر وجراح

ثنينهم موجودين  

رشيت الحديقة ووكفت يم شجرة صافنة وافكر بذيج الليلة ياترا لشوكت حتضل بالي طابعة  مثل وفاه بابا وماما وهاي نضاف كابوس جديد لحياتي.

تنهدت وتذكرت الكلية اهخخ ذاك اليوم راسلتني صديقتي كالت باشرنة بالدوام ودزتلي صور الهة وللكلية  واني ضليت الليل كلة ابجي للحضة كرهت الكلية لان صار بية كل هذا بسببهة كل هالاذية وماكو كلية ضحكت ونزلت دموعي

جراح : شسوين هنا

ملاك : فزيت ورجعت ورا لحد مطخيت بالشجرة وكمت ارجف بس شوفتة تدخل الرعب الكلبي

جراح : شدسوينننن

ملاك : د دار ش ال الحد يقة

جراح : لعد متحجين لو خرسيتي

ملاك : لتخاف مانهزم بعد _ باوعت علي ودموعي نزلت وهوة عبالك نصدم

مشيت من يمة وفتت جوة صعدت لغرفة نور ركض كعدت ابجي لزمت بطني حسيتهة مغصتني
مدري من شوفتة مدري من العملية رحت للحمام وباوعت من عصرتهة ذابة دم نزلت صحت نور من الدرج لكيت عمة مريم بوجهي

_ مريم فدوة تعاي

مريم : شبيج

ملاك : تعاي للغرفة _رحت للغرفة وهية جتي وراي

مريم : شبيج ولج

ملاك : بس بدليلي الضمادة دتذب دم

مريم : شلون دتذب شنو لزمتهية

ملاك : اذتني ولزمتهة فدوا والله دتوجعني

مريم  : لج  خلي اصيح علي اني ماعرف

ملاك : نزلت ركض واني كامت تاذيني هواي شوية وجتي نور يمي وراها عمو علي

علي : كم مرة كتلج لا تطخيهة

ملاك : اذتني هواي مكدرت فدوا عمي دتموتني

علي : نور جيبي العلبة من غرفتيي بساعععع

ملاك :  فلهة واني طلعت روحي مثل كل مرة احس مصاريني تطلع كل ميبدلهة اتاذة هواي كمل ومددت تعبت احس من البجي

على : رتاحي هنا نور سويلهة عصير

ملاك : اريد انام ماريد شي

علي :  خوش يلة حطفي الضوة ورتاحي لتكومين تمام

ملاك : تمام _ غطاني وطلعو واني من التعب  بساع غفيت

نور : طلعنة واجة جاسر بوجهنة

جاسر : شبيها

علي : شوية نازفة العملية وهسة بدلتهة الضماد ونامت

جاسر  : تحتاج مستشفى

علي : لا يابة مالة داعي لتخاف نامت مبيهة شي

جاسر : الحمد الله

نور : نزلو وهوة ضل واكف _ لتخاف مابيهة شي

جاسر : اعرف بس لشوكت اضل هيج احجي وياها انتي

نور :  مترضة وتضل تبجي خليهة مرتاحة احسن لا تضغط عليهة

جاسر : ماشي

نور : اباوع علي دنج راسة مبين ضاج ومشة ديروح للغرفة _ ج جاسر

جاسر  : عيونة

نور : يمة احس فهيت بوجهة من كالي هيج وبتسم

جاسر : شبيج نور احجي

نور : هاا بس ردت اكولك لتضوج اني عود احاول وياها

جاسر : اروح فدوة ونذر للي يحاول علمودي

نور : كالها وبتسمت ونزلت رركض وهوة يصيح  هوب هوب علكيفج واني اضحك احس كل كلمة يقولها يطيرنيي لعالم بعيد

رحت للمطبخ وضلينة نسوي بالغدة جانت عادة عدنة كل جمعة نلتم جدو من احنة وصغار يسوي هالعادة

وكفت بالمطبخ طبو امين وامير ولد عمو عامر

امين : هلاو ضلعة شونج

نور : هلاو بيك زينة انتة شلونك

امين : عال العال ولج شنو  الكلية تخبل خرب وبيهة حاتات

نور : حسيت نغزة بكلبي صارت بس لهيت نفسي بالزلاطة _  ههههه انتة همك الحاتات مو الدراسة

امير : انتي دشوفيهن وتعالي احجي مثل شكولجن مابيهن نور محمد

نور : احاااا عيني شبيهة شكولنة تخبل وين تكلة مثلنة

امين : هههههه تنرفزت ام خشم

نور : اميييين لتضوجنييي

جاسر : شسوون هنا المطبخ كلة نسوان امشي كبالي للديوان يلااااا

نور : يمة فزيت منت سمع صوتة ودنجت اكمل واحس دارجف

جاسر : خفن ايدجن يلااااا

زينب : اووي جاسر شبيك تعيط 

جاسر : ازعجنة جنابج ست زينب اعذرينة

زينب : شبيك هيج عصبي اووي الله يساعد اللي تاخذكك

جاسر : حيري برجلج الهادئ وعوفيني

نور : طلع وضحكت علي شون متنرفز كملنة الغدة وبدو يصبون واني ضل بالي على ملاك صعدت شفتهة نايمة بعمق عفتهة ونزلت

صبينة الغدة وكعدنة نتغدة والزلم يسولفون بجهة والنسوان بجهة والجهال يكمزون وهذا اللي يعيط واللي يبجي واللي يلعب شكد هوسة بس تضل لمة العائلة حلوة بتسمت ودرت وجهي باوعت شفتة يباوعلي ويبتسم دنجت  راسي وبتسمت ومرفعت راسي بعد

ملاك : صحيت من النوب اباوع الساعة ب 3 كمت كوة جوعانة بطني تاذيني سمعت اصواتهم جوة كمت  بدلت ولبست شالي ونزلت كوووة امشي لازمة بطني حتى لتتحرك وانزل بهدوء بدون صوت  مشيت الاستقبال فارغ طلعت رحت للديوان فتحت الباب وفتت الجماهير كلها كاعدة _ سلام عليكم

الكل : عليكم السلام

ملاك : صفنت منين ابدي اسلام

علي :  تعاي كعدي لتسلمين هسة تسكطين

عبدالله : ههههه تعالي عمي صدك توكعين من طولج اذا سلمتي

ملاك :  بتسمت ورحت كعدت يم عمو عبدالله وبصفي عمو علي

عبدالله : شونج اليوم

ملاك : الحمدالله

علي : بعدج متوجعة

ملاك : اي شوية

الجد : ليش شصار

علي؛ نزفت عمليتهة الصبح بس غيرتهة الضماد وصارت زينة

الجد : متاكدة بوية مبيج شي يودوج للمستشفى

ملاك :  لا جدو مابية شي واللة

الجد : مدام مبيج شي اريد اكول خبر مدام الكل كاعد

عامر : كول يابة شكو

الجد : ............

يتبع.......

تتوقعون شنو الخبر؟

#الكاتبة : yaqeen. Hassan
#مـلاك _ الـشيـخ _ جـراح