رواية ملاك الشيخ جراح الفصل الحادي والأربعون 41 - بقلم ~yaqeen.hassan~

اول شي شكرا على التفاعل المشاهدات 60 الف متتصورون شكد فرحانة ووصلت للالف متابع كلش اشكركم وشكرا لدعمكم رغم اقصر وياكم بس انتو مستحيل تقصرون
احبكم هواي وستمتعو بالبارت 🙈😭💕

#الكاتبة : yaqeen. Hassan
#مـلاك _ الـشيـخ _ جـراح
#الجزء الثاني 7

‏إنها لا تُشبه الناس الذين يمشون في الطرقات 

 كأنها للتو خرجت من أغنية..

فوت السيارة ونزلنا دنفوت جان نشوف بالحديقة جاسر مدد بالكاع وايدة على عينة 

ضليت مصدومة شجابة هنا 

مشينة ليمة جان كاعد بس سمع صوت رجلينة حس وباوع نصدم شوية وضحك 

جاسر؛ اسم الله هاي انتتو حقيقة لو خيال لو جاي احلم

ملاك؛ خيال حبيبي هههه

جراح؛ كوم عار متسلم

ملاك؛ كام واني كمزت حضنتة وابوس بي مشتاقتلة كومة 

جاسر : عليكفج يول رجلج واكف

جراح؛ لا لا ككملو 

ملاك؛ مشتاقتلك كومةةةة كومةةةة كومةةةة

جاسر : وانة اكثر يروح اخوج البيت فارغ بدونج والله 

ملاك : وخرت منة حضن جراح ويضحكون سوة مفتمهت شي وخر منة وحجة

جاسر : شجابكم انتو من الفجر هاي بيش ساعة طالعين

جراح: ب12 طلعنا من ديالى ووصلنا هسة

جاسر : صدك تحجون

ملاك؛ ههههه اي 

جاسر : والله يالله مخابيل هاي اشتياقكم الي هيج سوة بيكم 

ملاك؛ يما فدوا اروح لاخوية اني يمااا شكد مشتاقتلك 

جاسر : جراح اليوم حيطلكج خلاص 

جراح؛ رح اطلكها واروح انام لان منتهي 

ملاك؛ هههه ميسويها ميكدر 

جاسر : دروح وعوف اختي يمي شوية مشتاقلها

جراح : خوش يلة 

جاسر : تعاي يلة

ملاك : حضني من كتافي وكعدنا بالكاع اباوع الجو يخبل والشمس توها تطلع

_ شعندك كاعد هنا شنو مانمت

جاسر : هذا حالي بغيابج مكضيها برا

ملاك : غيابي لو غياب نورك

جاسر؛ تنهد _ الاثنين

ملاك : محجيت وياها 

جاسر : وين الحك انتي ششفتي لبيت مكلوب ميمر يوم بدون عركة مستحيلل يمرر يوم جدو وعلي ويوم بيبي ومرتة وهاي ضالين هيج

ملاك : اريد اشوفها والله شنو فرقها عن نغم

جاسر؛ ماكو فرق بس الاخلاق نغم ماكو من اخلاقها وتبريتها بس هاي ممرتاحلهة ابد ولا جدي اللي رتاحلها 

ملاك : ونغم شكالت من رحتولها

جاسر : ابوها مرضة كالة الة يطلك مرتة هاي يلة وكال حتى لو هية رضت انة ما ارضة وحقهم عمي والله انة لو جراح يتزوج علية لو يصيغو ذهب ما ارجعج الة 

ملاك؛ فدوا اروحلك ياسندي انتة 

جاسر : انتي نعستي ههه روحي نامي 

ملاك : لتكوللهم احنة جينة نريد نشبع نوم 

جاسر : ماشي والسيارة 

ملاك : كلههم اي شي بربك وهية اصلا مو سيارة جراح 

جاسر : ماشي يلة روحي نامي احلام سعيدة 

ملاك : احبك _ بستة وخدة وصعدت كلها نايمة بتسمت وتنفست ريحة البيت اهخخ الغربة تكتل 

رحت للغرفة جان نايم رحت بدلت لبست دشداشة قصيرة وندحست يمة بالفراش وبحضنة ونمت 

لثاني يوم يمكن لل3 الضهر يلة كعدنا كعدت اني اول شي 

غسلت وبدلت وكعدتة هوة هم بدل طلعنا من الغرفة صارت نور بوجهنا نصدمت وضلت صافنة وفاتحة حلكها 

متت ضحك على شكلها رحت حضنتها وهية عاطت وحضنتني وتكمز

نور : يماااا هاي شوكت جيتوووو مشتاقتلجججج كومةةةكومةةةة كومةةةة

ملاك : انييي هم حقيرة حيوانةةة 

جراح : مكافي يعني واخوج متسلمين علي

نور : جراحييي االحلووو يماااا مشتاقتلككك

ملاك : حضنتة وهوة باس راسها وحضنها 

جراح : صايرة تخبلين شوكلوج

نور : عسل وكيمر ههههه

ملاك : نننننن 

نور : تعالو يلة سلمو على بيبي وجدو والباقين 

ملاك؛ نزلنا سلمنا على لكل عدا عمو علي ومرتة حسيت صدك رتاحيت 

شوية ونزلو عمو علي وراه بنية تخبل صدك حلوة سلمت علي وحضنتة وهية بوستني وبتسمت راح عمو علي يسلم على جراح وهية راحت وراه مدت ايدهة لجراح 

شمس : مرحبا اني شمس مرت عمك

جراح : صفن على ايدها وعقد حواجبة حجة وهوة يبعد نضرة _ هلا بيج 

ملاك؛ عمو علي جرها من ايدها الرافعتها وكعدو وجراح حسيتة ضاج واني ضجت لان ماعدنا هيج شي بعائلتنة ابدد

سولفنا وضحكنا رحت للمطبخ حضنت عمة فاطمة من ورا وابوس بيها 

_ شتاقيتيلي لو شتاقيتي بس لابنج

فاطمة : ثنينكم والله البيت فارغ بدونكم   

ملاك : احبج انييي 

فاطمة : تعشيتو ببيت اهلي 

ملاك : اي وبالليل طلعنا

فاطمة : ليش 

ملاك : احم اه ...... 

جراح؛ صديقي مكلوب بسيارتة ورحتلة بالليل مكدرت اعوفة

فاطمة : يا خطية شون صار هسة

جراح : احسن بس كم كسر بجسمة ملاك تعاي وياي لحضة 

ملاك : تمام _ مشة ومشيت وراه صارت كبالنة شمس باوعت علي وطكتلها صفنة علي وعلى طولة اني فورت شبيها هاي فتت كبالها خزرتها وهية سوت روحها مستغربة صعدت 

ولعبت نفسي منها هاي شبيها هيج نضراتها 

رحنا للغرفة اول مفتنا جرني حضني وسندني على الحايط وراسة بركبتي

جراح : اهخخ بوية صارلي يومين صايم ترا شوكت تفك الجبسة شو طولت 

ملاك : غير جنة تعبانين شنسوي قابل

جراح؛ اليوم تنفك يعني تنفك فاهمة

ملاك : ههههه جراح وخر حباب لتدغدغني تمام تنفك تنفك والله

جراح؛ خوش جا ناخذ كم مقبلاية تصبيرة للغدة

ملاك؛ ضحك واخذ مقبلاية على كولتة وخر مني وراح يبدل

_ ويننن 

جراح؛ لصديقي المدعوم اتطمن علي 

ملاك؛ هههههههه خطية اصدقائك بامان الله كاعدين احنة فجا كلبنا السيارة بيهم

جراح : هههه يستاهلون ررح اروح وياهم شوية اشوفهم وارجع عود على العشة 

ملاك : تمام _ حضنتتة قوي واخذت نفس من عطرة ووخرت وهوة باسني قوي وطلع رحت يم عمة مريم لكيتها كاعدة وصافنة 

مريم :ها ياحلو

ملاك؛ ها ياكمر تعال سولفلي شسويت مسويت 

مريم؛ على شنو

ملاك : انتي وفاروق

مريم؛ تعاي كعدي

ملاك: كعدت كبالها _ سولفي يلة

مريم : شوفي هوة البارحة راسلني

ملاك اييي شكلج

مريم: تقريبا ب11 صعدت فوك فجنت تاركة موبايلي هنا باوعت لكيت مكالمات فائتة من رقم ورسائل واتس ااب فت لكيته كاتب 

_ هلو مريم اني فاروق ممكن تردين علية عندي موضوع وياج 

ملاك اني صخنتتتت صخنتتت ضليت صافنة شسوي 

هوة من شافني قريت الرسالة فجا دك بايدي 

توترت وصخنت من الخجل مدري من الارتباك رحت قفلت الباب 

ووكفت بنهاية الغرفة اخابرة خايفة احد يسمعني 

جاوبت وحجيت بس_ الو 

فاروق : هلة مريم شونج

مريم : احم تمام

فاروق : انة هم زين 

مريم : درجة حرارة جسمي صارت الففف يمكن من الفشلة _ شنو الموضوع اللي تريدني بي

فاروق : قبل 11 يوم تذكرين شكلتلج

مريم: ش شكلت

فاروق : لا ربحنا اذا ناسية على موضوع الزواج مافكرتي 

مريم : احم لا اتذكر 

فاروق : اي وشنو رايج

مريم : تتوقع هذا وقت مناسب حتى تفتح هالموضوع بي 

فاروق : انة ماكعد انتضر ذاك يتصالح وية مرتة وذاك يتزوج سالفة علي ونغم نتهت وماكو بعد شي يربطهم وانة اريد اتزوج انتي اذا راضية كليلي لتخافين ولتخلين بالج ان رح انتقم من علي عن طريقج لا بوية حياتنا وحد عن حياتهم واني مو لهالدرجة نذل 

توافقين اخليج بعيني متوافقين تضلين بمثابة اختي 

بس خلي بالج شغلة ترا كلبي يهواج حيلللل ومو شون ماجان 

رح اسدة وباجر انتضر منج رسالة لو توافقين بيها لو لا 

فكري بكلبج وتركي كلشي اهم شي انتي واني 

مريم : سدة بلاخير وخلص

ملاك؛ اييي وانتي شنو دزيتي رسالة 

مريم : ملاك ممرتاحة واحس مرح يوافقون بابا وعلي 

ملاك : باعي نجبي ترا جدو واكف وية نغم والصوج كلة يم عمو علي يعني حتة لو حجة عمو علي جدو يسكتة صدكيني مريم فكري بس بكلبج الزواج من شخص تحبي مينوصف وحتى لو متحبي اذا هوة يحبج يعيشج اميرة واكبر مثال اني وجراح والله احلى عيشة عشنة لتخلين الكل كدامج عوفي كلشي وفكري بس بروحج  

هاي عود اني اصغر منج تاللي انصحج 

مريم : يعني شنو ادزلة مستحية

ملاك؛ احااا يعنييي وافقتيييي عاااااا مريوممممم _ كمزت حضنتهااا

مريم : هههه ثول شبيج كيفتي تخلصين مني

ملاك : لا والنبي بس فرحانة لان انتو تحبون بعض نشالله ياربييي تنجمعونن ركض ركض ومحد يعارض طريقكم  

مريم : هسةة شكوللل 

ملاك؛ جيببييي _ اخذتة وكتبت _ تكدر تجي انتة واهلك هلا بيكم

مريم : عزاا بعينجج شنو هايي

ملاك ؛ شنو تكليلة لعد بس تعال عيب بابا انت بت شيخ لازم تسوين اصول الضيافة 

هسة بعد شيدز لتجاوبين ونتتضر يوم زواجج

مريم : انتي فرحانة اكثر مني 

ملاك؛ ههههه اييي والله 

مريم : الله كريم 

ملاك : طلعت ورجعت نزلت جوة اكلي وية عمة فاطمةفاتت شمس خهالة الشال هيج شمر على راسهة وشعرها نصة مبين 

شمس: اساعدكم

ملاك : شعرج طالع هسة الولد حيفوتون

شمس : عادي همة مثل ولدي باعتبار

فاطمة : يمة ياولدج همة اكبر منج بكومة لازم تتحجبين منهم  

شمس : لعد هياتهة ملاك مو ممتحجبة منهم 

فاطمة؛ ملاك من صغرها ممتحجبة من بس خليل ومصطفى اما باقي ولد عمها متحجبة منهم 

ملاك : اصلا رح البسة منا وغاد من خليل لان جراح ميقبل وهمات حرام 

شمس : اني هذا حجابي ومقتنعة بي وعلي راضي بي 

ملاك : طلعت معاجبها باوعت لعمة فاطمة

فاطمة : هاي هية من اول ما جتي بوجهين كبال علي تلفة وتضبة ضب وكلمة متحجي ووراه تكوم تفلة وتتمضحك وية ولد عمج وحتى تلزم ايديهم عدها عادي

ملاك : عزا شهالقابلية العدها شون هيج تسوي مو حرام عليهة

فاطمة : هاي بعد هية وربها تتجازة 

ملاك : الله يهديها.. سوينا للعشا وكعدنا نتعشى وصدك بس اجة عمو علي لفت الشال وضبتة اضبط مني حتة 

وسكتت 

صفنت من تصرفها هذا شمأزيت منها  

تعشينا وخلصنا كعدنا نشرب جاي كعدت يم جدو وحضنتة _ شو تعبان شبيك حبيبي

الجد : عمج هد حيلي 

ملاك : كلشي فدا الك لتضوج روحك محد يستاهل وهوة يتحاسب بالاخير على قرارة 

الجد : يايابة الظلم مو سهل ونغم نظلمت واحنة السبب كلنا وانة السبب 

بعد علي اتحاسب انة لان انة مسؤول على علي بس شبيدي علي تخبل فجأ 

ملاك : الله يهدي يارب كلشي قسمة ونصيب وويجوز مو نصيبهم سوة 

الجد؛ لا بوية نصيبهم سوة وغصبن عليهم   

ملاك : حجة ويهز راسة حسيتة يعرف شي ضليت هيج بحضنة 

الجد: مرتاحة وية جراح 

ملاك: اي 

الجد؛ : الله يديمكم حافضي على رجلج وعلى زواجكم لتخربو ولتخلون اشياء تافه توكف بطريقكمم

ملاك : انشالله _ بتسمت وباوعت لجراح منتجي على عكسة على يدة القنفة ورافع رجل 

بتسم وغمزلي وباوع على ايدي فتهمت قصدة لان حاضنة جدو  

اني الخبيثة قويت على حضن جدو وضحكت هزلي راسة بتوعد نتبهلنة خليل وحجة 

خليل : اصبرو اصبرو غرفتكم فوك وتغامزو براحتكم 

جراح : سد حلكك واسكت

خليل: جدي شسالفة مو كلت ازوجكم واحد ورا اللاخ شو ممن وصلت الي انة ومريم وكفتو

مريم : يااااا منو شاكيلك انتة

خليل : سكتي لوما البارحة كعدتي تشكيلي 

مريم: عزااا والله كذاااب بابا لتصدكة

جاسر : لا لا انة سمعتها تبجي وتحجي وية نور تكللها ملاك الزعطوطة تزوجت وانة لا كسرت كلبي خطية 

مريم : مو افضحككك مووو افضحككك

جراح : فضحي والج حمرة

مريم؛ يمة تدلل تعالي شوف هاي البارحة سمعتة يحجي وية وحدة ويكللها نلتقي بكوفي شوب اللي ب....... هناك اي ورح يطقمون يلبسون لون اصفر سوة

ملاك؛ احلى شي كلنة ندمجنا وياها وجاسر مصدوم جراح طلع محفضتة ونطاها 25 

جراح ؛ ماوصيج كل خبر والة حسابة

مريم : بعيوني

جاسر؛ ياحيوانة جدي والله هاي بنتك جذابة جنت داحجي وية صاحبي

شمس : ما اتوقع واحد مثلك يسويهة اني وياك واكفة

ملاك : جاسر بتسم مجاملة مدري احسها غريبة بيناتنة بس تحجي نستغرب ممتعودين علية وماعدنة ميانة وياها

ضلينة نسولف ونضحك وراها صعدنا للغرفة اول مفتت شردت وكمزت على الجرباية فات هوة بهدوء بتسم وتقرب خال ايدة بجيب البجامة 

_ انتة تعرف ان اني احبك هواية هواية وهيجي بس احب احضنك وابوسك 

وها ترا اني ماحب احد غيرك وهيج اعشقك

جراح؛ انة هم احبج واغار عليج لهذا حتى بعد متعيديها وتغوريني وتخليني افور من الغيرة رح اعاقبج عقاب بسيط 

ملاك : اهييي اهيي والله احبككك انييي _ وصل ليمي توني اكمز لزمني من خصري وقيدني بايدة حاولت افلت منة بس مكدرت نومني على الجرباية ويدغدغ بية وانتي متتت ضحك احس الدغدغة عذاب نفسي وهوة يدغدغ بية ويضحك وياي 

صوت ضحكي صار عالي سد حلكي وكمل واني نتهيت من التعب بالاخير تعبت ودموعي كامت توكع من الضحك 

بالاخير وكف وخلة راسة بركبتي وهوة يضحك واني اضحك 

ملاك : هئ يمة تعبتتت يمة 

جراح؛ ههههه ضحكتج ردتلي روحي صارلي مضاحك هيج سنين 

ملاك؛ ضحكت وحضنتة _ انتة الضحكتك تخبل والله ابد مشايفتنك هيج تضحك 

جراح : خليهة بالج كل ضحكة تضهر بخدج يعني ضحكة تضهر لو بكلبي لو بوجهي 

ملاك؛ خليني احزر بكلبك اذا جنت مطنكر علية وبخدك اذا مزعلان

جراح : ول يابة احترام شوية شنو مطنكر 

ملاك؛ ههههه ماحب اتقيد وياك _ رفع راسة من ركبتي صارت عيني بعينة ضليت مبتسمة بوجهة خليت ايدي اتلمس لحيتة _ جراحح 

جراح : روحة 

ملاك : احضني هوايي احب حضنك وشكو هم بداخلي ووجع يروح بحضنك 

جراح؛ افا ياللغالية تدورين حضني ابشري بوية تعاي 

ملاك؛ كام كعد واني هم كمت حضنتة وراسي بركبتة وهوة يبوس براسي غمضت عيني شكد ارتاح بالحضن 

ضلينة هيج ربع ساعة واني سنحت بحضنة ونعست

جراح؛ شنو حتنامين

ملاك؛ هههه اي نعست

جراح : لا بالله تشاقين جا حضن وحضن تعاي انطيج حضن من هذا التمام التمام 

ملاك؛ ضحكت وحضنتة 

_____

شمس : حبيبي باجر هم تداوم

علي : اي عمري ليش

شمس : مو هدومك كلهن وصخات نسيت اغسلهم 

علي : شنو الوصخات عندي هواي طلعيلي غير شي 

شمس؛ اي مو دتلبس بيهم من اول ما جينة لهنا

علي : شمس مغاسلة ملابسي من يوم الجينة لليوم

شمس؛باوع مو شوف ملحكت يعني اشتغل هواي وما الحك ويادوب ملحكة على شغل البيت

علي : ملابسي واشيائي اهم من شغل البيت المفروض تعوفين كل الشغل وتجين تسوين اشيائي الخاصة مرح اكعد اعلمج انة 

شمس : اسفة حبيبي متنعاد والله عذرني ماعندي احد ينصحني 

علي : مجاي احاسبج انة بس افهمج لتضوجين شعدي غيرج انة تعاي لحضني _ ركضت لحضني حضنتها وغمضت عيني اتنفس عطرها اللي ادمان بالنسبة الي 

فجا مر طيف نغم كبالي تذكرتهة وتذكرت اهتمامها بملابسي وباشيائي 

جانت بدون ما احجي هية تسوي كل شي 

والكة كلشي جاهر 

وهذا هم فرق بينهن فتحت عيني على الواقع شداسوي يافرق كمت اقارن شمس شي ونغم شي لتتقارن 

سكتت وحضنتها ونمنا

يتبع..... 

__________________

اتمنى يعجبكم البارت 💕

انتضروني بارت جديد 💕 ونشالله منا وغاد البارتات اطول اسويهة 💕

#الكاتبة : yaqeen. Hassan 

#مـلاك _ الـشيـخ _ جـراح