يا بائِعة النَرجس بِكم الزَهرة؟
- بنصف عُمرَك.
- أعطني زَهرتين ..
لتنسون النجمة وعلقو على الفقرات 💕
#الكاتبة : yaqeen. Hassan
#مـلاك _ الـشيـخ _ جـراح
#الجزء الثاني8
نغم : واكفة انتضر ملاك الشمس ضربت بوجهي ومتتت حر ضاق النفس وبية وهاي الحالة رجعتلي من اتعب كلبي يصير بي خفقان واتعب
كعدت ارتاح
بعدني باول شهر وهيج تاذيت مدري شحيصير بية بالاشهر الباقية
شفت ملاك من بعيد جتي حضنتني وكعدت ويمي
ملاك : شنو هاي سمنانة بس شو مصفرة
نغم : امي تحشي بية بس اني مالي خلك واتقيا شكو شي اكلة
ملاك : ادري بعدج على هالحال لشوكت مثلا حتضلين هيج لشوكت
نغم : شبية ملاك مابييية شي ترا هاي طبيعية ودا ادرس بعد شكو
ملاك؛ لتعيطين شبيج شكتلج اني غير خايفة عليج
نغم : والله نفسيتي تعبانة عذريني مو قصدي
ملاك؛ نجبي مبينة هالحجي حضرتي للعقد
نغم : اي شتريت فستان اصفر يخبل
ملاك؛ لا اني ذهبيات شترينة اني ونور لو ويانة مشترية
نغم : لا مو صاير عندي بطن تطلع كرشي بالفستان خليني على النفش
ملاك؛ براحتج _ سمعت صوت الهورن _ هاي اجة جراح يلة كومي
مشينة ليم جراح بتسم وطلع من السيارة
جراح؛ شونج نغم شخبارج
نغم : هلو جراح الحمد الله وانتة شونك
جراح؛ بخير دامج بخير صحتج شونها
نغم : لا احسن هالايام
جراح : الله يديمج يلة امشي
نغم : لا الخط. دكيت علي هسة يجي
جراح: كليلة انة اوصلج
نغم : والله مالة داعي هوة اجة واني متعودة روحو للبيت يصير الطريق طريقين هاا هياتة اجة يلة بيباي سلميلي على عمو وعمة والكل تمام
ملاك : يوصل عود نتفق اليوم على الحفلة
نغم؛ تمام
ملاك؛ راحت واحنة ركبنا
جراح؛ ولا جنها نغم القديمة
ملاك : اي والله ذبلانة كلش
جراح؛ الله يسامح عمج اي والله شونة دوامج
ملاك : صعبببب ممتت تعببب مدري شون ححضر الحفلة باجر
جراح : الله يساعدج يروحي
ملاك : اهخخ شكد مبختات نغم ونور السنة حيتخرجن
جراح : صدك هية نغم مو اكبر منجن شون وية نور
ملاك : مو عايدة السادس سنة وماجلة التقديم سنة ففايتتها سنتين
جراح: ها صدك ما شتريت قاط بعدني نروح هسة نتغدة ونطلع للسوك
ملاك : تمام براحتك بس ختارلنا ومطعم هادئ لان راسي ياذيني
جراح؛ تدللين ملاكي
ملاك : بتسمت ولزمت ايدة ورحنا
____________
فاروق : يولي حلو لو لا بربج كليلي
نغم؛ ضربت كصتي وذبيت القوط اللي بايدي وطلعت حجيت _ مامااااا تعايييي اخذييي ابنججج من كداميييي رح انتحررر بيييي والللله
فاروق : لا ياحيوانة اني اخوج
نغم : فاروق شبيك مو كتلكك البيجي حلو وهية تحب هاللون بعد شكو الحجي اسكت كافي
فاروق : مو حلو عبالك
نغم : معلية اني انتة وقوطك وخر من كدامي
فاروق : ههههه تعاي يروحي انتي تعاي اشاقة وياج
نغم : بتسمت وحضنتة _ اخوية الحلو رح يتزوج راح زمن العننوسة
فاروق: اي يبعد اخوج خلاص تزوجنا
نغم : بتسمت على فرحتة
مرت احداث بهالشهر فجا بيوم وليلة فاتلنة فاروق يريد يخطب مريم نصدمنا وبابا شوية عارض على وضعنا بس هوة اصر وراحو صدك
خطبوها
حسب اللي كالتة ملاك علي رافض وكل ضنة ان فاروق يريد ينتقم منة بمريم ويسويها وحدة بوحدة
بس عمو جان مقتنع وبموافقة مريم تمت السالفة راحو زلم وقروا الفاتحة وتحدد موعد العقد باجر
فرحة فاروق متنوصف ومريم فرحتها بعد اكثر
تمنيت افرحلهم بس شي مقبوض بداخلي شلون رح اروح واشوفها ويجوز اشوفهم سوة شون رح اتحمل كرايبهم شرح يكولون
هديت نفسي بس لخاطر فاروق شنو اسوي لعد
عفتهم ورحت بجيت شوية فرغت البداخلي ورجعنة نحضر برا جانو كل خالاتي وعماتي والسؤال الينسئل ماما تجاوبهم اني محجيت اول مجني وسئلن بابا كال ماكو نصيب وبس ضليت هيج لحد ثاني يوم واني ادعي الله يمر على خير وميصير شي سيئ
________
مريم : اجة اليوم بعد انتضار... انتضار شوية مو هواي هههه
جنت فرحانة لان صار بسرعة ومر بسرعة البرق محسيت بعذاب انتضار
بالعكس كلشي جان حلو وكامل
بعد ما حاجيتة اخر شي ورا 3 ايام اجوي وحجو صح مع معارضة علي بس بابا جان متفهم واجة اخذ رايي واني سكتت وهوة حس بية
ووافق اما علي نجبر يتقبل وسكت
بس حجة وياي هواي وكالي اي غرابة تلاحضيهة علي كليلي وانة انهي كلشي
خليت كلامة بالي وحفضتة
بديت احضر للحفلة اما الذهب همة جابو نغم صورتلي واختارينا مكدرنا نروح لان باعتبار ماكو شي رسمي
حضرنا الكوشة والفستان وكلشي وجنت فرحانة ادعي الله يمر كلشي على خير وهدوء
اجة يوم العقد كعدت متحمسة ومتوترة مدري شبية
غسلت وبدلت نزلت تريكنة ورحنا للصالون اني وملاك
سوتلي مكياج وتسريحة حبيتهن هواي وغيرو شكلي
رسمت شفايفي وبرزتهن
هنة اكثر شي مميز بية لان كبار ومرسومات عبالك
كملنة كلشي رجعنا للبيت ورحت للغرفة لبست القفطان
وعدلت نفسي ونزلت كعدنة نتصور شوية ويةالكرايب وسلام وحجي جان يجون
اصوات زلم عالية والترحيب فاتن النسوان ووياهن نغم شكد جنت مشتاقتلها
سلمن علية جتي حضنتني
نغم : فدوا لمرت اخوية الصاكة لججج شنو هااجمال
مريم : انتي التخبلين والله سمنانة شوية
نعم : اي ماما تحشيني هههههه
شمس : هلو خالة اني مرت علي
مريم : باوعت لشمس مصدومة راحت يم ام نغم تبوسها وكلتلها هيج
نغم : غمضت عيني اصبر نفسي ماما ضاجت بس بتسمت مجاملة وكالتلها هلا حبييبتي
جتي بكل عين صلفة كبالي
شمس : هلو نغم شلونج حياتي
نغم : هلا حبيبي تمام انتي شونج
شمس : والله زينة اريد احجي وياج ورا الحفلة عن اشياء تخص علي وملاابسج هم ضلت يمنة فاذا حابة تاخذيهن
نغم : مابيناتنة حجي وبالنسبة لملابسي فممحتاجتهن اهلي جابولي واكثر ذبوهن او اذا حابة اخذيهن
_ درت وجهي على مريم ضحكت وعدلت شعرها
سمعت صوتها يم اذني
شمس؛ اذا لمحتج يم علي انهيج
نغم : الله يخلي الج مو بعازتة اني
مريم؛ شمس رجاء وخري منا وجفينة شرج ترا هالكلام اوصلة لعلي
نغم : بتسمت وعفتهن رحت سلمت على ملاك وكعدنا محجيت شي كعدت يم ماما وعمة حضنتني
الجدة : يمة والله مكانج خالي محد يكعد يسولف ويتفاعل وياي الصبح
نغم : بتسمت وحجيت _ هاي هية عمة ماعدنا نصيب
الجدة: وجهج يبشر بخير لوما اعرفنج جان كلت حامل
نغم : بلعت ريكي بخوف _ شلون يعني
الجدة : الحامل تسمن بس عافيتها تقل ووجها يبين مصفر وانتي هيج
نغم : لا اني لان عندي نقص فيتامينات فهيج وجهي
الجدة : الله يكمل عافيتج ويحفضج مافكرتي بالسالفة وترجعين
نغم : عمة هاي نهياتنا بعد ماكو شي يجمعنا
الجدة : براحتج يايمة انتي هم صعبة عليج اعرف
نغم : بتسمت وسكتت باوعت على شمس تمشي وتفر بشعرها ولابسة فستان قصير حيل بارز جسمها الصراحة حلوة هواي وتجذب بجسمها
باوعت لركبتها وجتني الغصة اثار على ركبتهة كم واحد بكتفها دنجت راسي
وستغفرت تلمست بطني بهدوء وحجيت بكلبي _ لتتاثر ماما قويني انتة بداخلي امنعني من اللي ديصير لتخلي كلبي يرجع يدك لابوك
...............
ملاك : صعدت لبست فستاني
باوعت لمكياجي وتسريحتي خرب اخبل طالعة ههههه
خلصت ودانزل دك موبايلي مصطفى بتسمت وجاوبتة
ملاك : لك هلا ابو الصوف شونكك
مصطفى : هلا بفلذة كلبي شونج ولج
ملاك : زينة انيي وانتة
مصطفى : الحمد الله شدسوون عقدتو لا
ملاك : لا بعد توهم جوي واني بعدني منازلة
مصطفى : وسفة والله مرت الشيخ لساعها منازلة
ملاك : نننننن تافه وين بيان
مصطفى : نايمة والله
ملاك : شون صارت نشالله احسن
مصطفى : والله الحمد الله والشكر ماشي حالها احسن شوية راحت سالفة التخربط طلعت سالفة هسة الاكل تاكل اي شي تروح تتقيأ
ملاك : يا ليش
مصطفى : جسمها مديستقبل شي هاي حاليا على المغذي وضعها بس ارحم من التخربط يوكف كلبي و الله
ملاك : الحمد الله وشعرها هم ديوكع
مصطفى : اهخخخخ تعبت من هالسالفة والله اي واكع وباقية كم خصلة وهالايام لافة الحجاب بالبيت وتمشي شكد حجيت وشكد كلت وهية قافلة ماعرف شسويلهة
ملاك : يروحي الله يعينها انتة هم شسوي امشي وياها ترا هم صعبة عليها
مصطفى : والله مالاح وياها بس تختنك انوب تخلي دنابيس تحسسني الشمر كاعد بصفها هههه
ملاك : هههه ليش مستغرب انتة تشبهة
مصطفى : لا يا حيوانة انتي مو صوجج صوج الاثول اللي دك عليج وعبرج
ملاك : ههههه شعندي غيرك ابو الصوف يلة روح رح انزل سلملي عليها وباجر اني هم احاجيها
مصطفى : خوش يلة مع السلامة
سديتة و نزلت اطكطك بحذائي وافر بشعري كبالي صارت نوران بتسمت ومشيت كبالها
ضليت اقدم بالكيك واسلم على الرايح والجاي
باوعت لنور واكفة على صفحة تطك صور
طالعة تخبل هية وشعرها القصير يموت عليها وفستانها يخبل
مثل مالتي تقريبا
_يول صارلي ساعتين صافنة بيج شهالجمال والنبي تكطعين ترا غرت اني
نور : ههههه هاي منو معرفتج انتي ملاك تتغزلين بية مو توج تكليلي جكمة طالعة
ملاك؛ اشاقة وياج شعندي غيرججج انييي _ حضنتها وطكينا صور سوة
سمعنا صوتهم بدو كامو
يحجون الزلم وهاي سوالف المقدم والمؤخر وهاي العادات
عاد كالو حيعقدون
مريم : يما كالها واني نخلست مدري شبية حسيت اريد انهزم كعدوني واني اريد اشرد بروحي العزيزة
بدة يحجي واني اهدي روحي ميخالف ميخالف ريلاكس هديت شوية وتذكرت وهذا فاروق لتخافين
تمام لتخافين
بين تفكيري حجة واشرتلي ماما احجي حجيتهة وصارت صوت الهلاهل
بتسمت وحسيت فرحة غمرت كلبي
كمت وكلها باركتلي رحت بدلت ولبست فستاني
عدلت نفسي وطلعنا
كعدت انتضر
شوية وكالو حيفوت وفات
فاروق جان طويل صح اشكر بس شكارة خفيف يعني شعرة ولحيتة لونهن جوزي بس فاتح شوية
ملامحة حادة لابعد درجة جتت متخيلة الشكر كلهم فاهيين ومايعين بس مدري هوة غير هالنضرة لان ملامحة احسها مال ذولة البدو اللي بالصحراء او ملامح خليجية
جسمة معضل وضخم يعني مبين تعبان علي متناسق يم طولة يعني اني يمة كتكوت رغم اني مو ضعيفة كلش
جان لابس بنطرون بيجي وقميص ابيض وحذاء بني
شعرة مرفوع وساعة مزينة ايدة ومحابس اول مفات جان مدنج واحسة مستحي لان اغلب كرايبة خلن الحجاب شون مجان
رفع عينة وباوعلي صفن لحضات ونتبه وبتسم ودار على امة بوسهن لعماتة وخالاتة وكامن يهوسن وياه ويركصن جان واكف مبتسم وفرحان واني عيني تمشي على طولة
وبخيالي اكول هذا حقيقة لو خيال
تذكرت قصة مرة نغم نطتنياها قريتها وضليت مصفنة على البطل الي بالقصة وكلت ماكو هيج مستحيل هسة من شفتة تاكدت اكو اي اكو
يصفك وصفنت على ايدة شون بيهة دمارات بارزة
بشرتة صافية
اما لحيتة عالم ثاني هاية
على صفنتي نتبهت يبوعلي ومبتسم وهوة هم صافن
صخنتت من الفشلة والخجل وتذكرت فستاني شون فضيحة وكبالة طالعة هيج ز
خلصن هوسات وياه وواجة بتجاهي
تقرب مني باس راسي وهمس _ مبروك يا فرحتي
مريم : بلعت وريكي وحجيت بخجل _ الله يبارك بيك
_ ضلت بالي كلمتة يافرحتي ليش اللي كالها وشنو سببها مفهمت
لبسنة الحلقات وقطعنا الكيك والذهب وهاي السوالف
بالاخير كعدنا
ايدي شابكة بيها ايدي الثانية واضغط عليه من التوتر احس بس وجودة يمي يخليني اصخن
مد ايدة لايدي اخذها بين ايديه شبكها باصابيعة وبابهامة كام يمسح عليهة كانو يهديني بااوعت علي وهوة هم باوع علية لتقت نضراتنة عيونا جانت عالم ثاني عالم خلاني افصل عن واقعي واسرح بيهن
احس بيهن هواي حجي وكلام ماعرف اوصفة
صحيت من سمعت صوتة
فاروق : حاولت اتخيلج هواي خصوصا من نغم شوفتني الفستان بس متوقعتج بهالجمال سبحان الخلقج وابدع بيج
مريم : ردت ابجي الة شوية معرفت شحجي من الخجل بس بتسمت
فاروق : حنكضيها هيج يعني بس بتسامات
مريم : شنحجي مثلا
فاروق : احجي عني مثلا شلون طالع
مريم : حلو
فاروق : بس حلو
مريم : اي
فاروق : ماشي حلو حلو نرضة بهاي والله كريم بالباقي
مريم : ضحكت بهدوء وهوة بتسم وصفن بوجهي
يالله حنكضيها اليوم صفنات ماتحمل اني عاد درت وجهي وباوعت لملاك تغمزلي ومبتسمة ونور مبين عرفت السالفة لان تتحلفلي اعرف ملاك ثولة متضم شي
كومونا ركصنا شوية وراها شغلو سلو تخيلو بنص الجماهير اوكف واني وفستاني وضهري المفضوح واركص وياه
نجبرنة ونسحلنة من نغم
حطيت ايدي على كتافة وحسيت ايدي صار بيهة تشنج هلكد ما عالي
وهوة ايديه على خصري واطراف اصابيعة لامست ضهري المكشوف حسيت جسمي كزبر وهوة ايدة كلسع تتحرك على خصري وعينة منشالت مني واني مدنجة ومرتبكة
بحيث كلشي مفتهمت من خلصت الاغنية وعلى وضعنا قدم راسة وباسني براسي بوسة وشم شعري ووخر
طلع هوة واني اريد انهزم من الناس واشرد
جني البنات ويمي نصور ونضحك عاد شوية وكومتني نغم رحنا للهول فوتتني وسدت الباب واني كل ضني رح تطكلي صور فتت وجان اشوفة كبالي ضليت مصفصفة وومصدومة وهوة واكف ومكتف ايديه ومبتسم
اشرلي اجي واني نداريت اريد اطلع وتذكرت ضهري رجعت باوعتلة مركز عينة مبين جانت على ضهري
حسيتة فز من نداريت مسح وجهة وتقرب علية واني ارجعت وهوة يتقرب واني ارجع لحد ما نحصرت بين الباب وبينة
فاروق : تنهزمين مني يعني
مريم : ها لا ا لااا
فاروق : لعد شبيج خايفة وصفريتي ترا اهلج يدرون مو بالبوكة واكف وياج
مريم : بلعت ريكي ودنجت رفع راسي من حنجي بايدة وطبع بوسة بكصتي
فاروق : اريد احجي وياج بهواي امور نكعد ونسولف
مريم : هزيت راسي وهوة حاوطني ومشينة كعدنا وهوة كبالي كعد
فاروق : شوفي اول شي اكو هواي امور بحياتي رح تستغربيها نوعا ما ورح تنصدمين منها بس خلي بالج ماضم عليج شغلة للابد رح يجي يوم واكلج بس الوقت لازم يكون مناسب
مريم : يعني شنو مفتهمت
فاروق : يعني اكو اشياء اني خافيها ومحد يعرفها غير كم شخص ماريدج تعرفيها واذا بيوم شفتي شي اوشكيتي بشي كليلي اذا جاوبتج خيرا على خير اما اذا مجاوبتج يعني لتلحين يجي يوم وتعرفي
مريم : مو المفروض اني اصير اعرف كلشي عنك
فاروق : اي بس اكو بعض الاشياء اني خافيها عن الجميع ماكدر احجيها
مريم : ليش كتلي تكدر تخفيهن ومتحجي
فاروق : لا اريد اكون وياج صريح من البداية الاشياء اللي اريد تعرفيها اكولها وماخاف ولتخافين شكو شي ضامة مابيوم حياثر على علاقتنا صدكيني الاشياء هاي خاصة بية فقط يعني مو اللي بالج
مريم : شنو اللي بالي
فاروق : يعني خاف كونتيلي اسرة وجهال بالج
مريم : بتسمت وحجيت بكلبي شون عرفت _ ههههه لا مو هيج بس ستغربت شوية حجيك
فاروق : هواي اشياء رح تستغربيها وياي بس بالاخير تتعودين
مريم : ليش دتخوفني
فاروق : اخوفج ليش ابوية بشنو مخوفج
مريم : ماعرف احسك مافيا هيج كلك اسرار رغم انتة انسان طبيعي وبسيط
فاروق : بتسم_ شنو هيئتي تدل على المافيا
مريم : لا كلامك شوية احسة خطر ورا اسرار هواي
فاروق : اني اكول نعوف الاسرار والمافيا ونحجي بالامور الحاليا
مريم : شنو هية
فاروق : العرس نهاية الشهر يكفيج
مريم : مو مستعجلين هواي
فاروق : لا اصلا كافي
مريم : ماعرف اشوف بابا شيكول
فاروق : انتي شتريدين معلية بابوج
مريم : لنص شهر الجاي عادي _ حجيتها بصوت ناصي وخايفة
فاروق : ههههههههههه ابوية انتي شبيج خايفة وتحجيها هيج خلاص يجرالج لنص الشهر
مريم : شكرا
فاروق : ماريد هالشكر هذا ميفيدني
مريم : بدون احم ولا دستور نصدمت صدمة عمري من تقرب باسني ضليت اتصفن شديصير يمة شنو هالشعور
حرت شنو اوصفة دوخني وسطرني وحسيت حيغمى علية لوما ايدة اللي ساندتني من ضهري
بتعد وغمض عينة
فاروق : لا تتركيني يافرحتي ماعندي غيرج بهالدنيا
مريم : جنت بوضع ميسمحلي احجي سكتت وسكنت وهوة ضحك بهدوء وكام واني كممت بسرعة طلعت بدون ما التفت ركضت لغرفة ماما وبابا وضليت اتذكر الاحساس خرب هاي شسوة بية من بوسة
نتهيت
عدلت حمرتي وهدئت اعصابي توني اطلع نفتحت الباب وفات علي وكدامة نغم ضليت مصدومة شديصير باوعلي وحجة
علي : مريم طلعي بسرعة طلعي
مريم : طلعت واني مصدومة من حالهم باوعت شمس مدخنة ومعصبة مبينة
وملاك واكفة تضحك رحت يمها افتهم السالفة
نغم : فاتو مريم وفاروق للهول بتسمت وصفنت على الباب تذكرت يوم المهر مالتي شلون جان
تنهدت ورحت يم ملاك شوية وكالو الولد حيفوتون
رحت خففتت مكياجي جنت اني خالتة ضلت رسمة عيني بايلاينر ولون حمرة هادئ ولبست صايتي وشال خليتة على راسي
فاتو الولد سلمت عليهم
شكد مشتاقة لسوالفهم وكعداتهم
وراهم فات علي سكتت وراحت ضحكتي
دنجت راسي
توني اطلع فاتت شمس تتمايل وكفت يم علي تعدلة بالقميص بياختة وتحجي وياه وهوة يضحك وياها ويباوعلي
يمكن جان متقصد حتى يشوف ردة فعلي اذا اغار او لا
ونجح فعلا نار شتعلت بكلبي
جنت اذا الزم ايديه جوة يضوج ويكول عيب من اهلي وهسة كبال الولد تسوي هيج وعادي ويضحك وياها
بس قويت كلبي وضليت واكفة متحركت كلت والله ما استسلم
عقيل : شونج بالدوام خوما صعبة المرحلة الاخيرة
نغم : لا زينة يعني دننجح والله كريم
عقيل : هم عدكم تطبيق
نغم : اي يمكن نروح للمستشفى نطبق اسبوعين او اكثر
سلام : يعني تداومون بالمستشفى تكومون
نغم : ماعرف معلومات بس على الاغلب هيج
شمس : وهاي انتي تضلين تفرفرين بنص الزلم بالمستشفى
نغم : ليش بس زلم ليش النسوان ميتمرضن + مو افرفر اعالج
علي : شوكت ناوية تكليلي جنتي
نغم : ليش دا اكلك اهلي راضيين وابوية موافق ماعندي ولي امر غيرهم
شمس : انتي وداج لاهلج كمتي تمشين على حل شعرج
نغم : انتي لتدخلين تمام شي ميخصج لتلغين من يمج بي
شمس : يا هاي شبيج انتي شنو كلتلج اني
نغم : لتحتكين بية ماشي خليج برجلج احسن وتركيني
_ ضاجت وسكتت واني طلعت وهوة اجة وراي حجة قريب يم اذني
علي : امشي لغرفة امي وابوية بسرعة
نغم : مشيت ومعاندت لان جان عندي حجي اني هم اريد احجي واريد اطلعة وافرغ البكلبي بي
فتنا وسد الباب
علي : اي ست نغم احجي يلة شضامة بعد من بطولات وحجي
نغم : علي باوع تلزم مرتك وتكللها خلي تبطل سوالف المزعطة تغورني بيك بالحجي لو بركبتها ترا مو فخر ان تعرض بركبتها وجسمها كبالي ومو رح تحرك كلبي اذا ضحكت وياها
كلبي طلعك من زمان وصرت برة لتتوقع بيوم ارجعلك لا تحلم اصلا على هاي تصرفاتك بس اتوقع ان بيوم ترجعلي متندم وبهاليوم رح اتعامل وياك بنفس البرود اللي تعاملت بي وياي وتذكر كلامي وهذا اخر كلام عندي واخر كلام يجمعنا
_ مشيت. داطلع
وكفني صوتة
علي : خليها بالج ترجعين ترجعين ومكانج هنا ومرح ويتغير وانتي اللي تذكري كلامي
نغم : طلعت ومباوعت بوجه احد شلت جنطي وطلعت بسرعة حتى بدون ماما جانو واكفين عمو واخوانة وولد اخو منتبهتلهم رحت بسرعة لسيارة فاروق ركبت ونفجرت بالبجي
ابجي بقوة وحركة كلب
شنو اسوي ولشوكت امثل بعد القوة ماكدر ماتحمل
محد ديعرف الانهيار والانكسار اللي دا امر بي شوكت يخلص واخلص والله تعبت
تذكرت شكلة شلون واثق من كال ترجعين زين اذا عراف اني حامل شرح يسوي
اعرف حرام علية اضم عنة بس ماكدر شون ارجعلة
ضليت هيج لحد مشبعت بجي فجا ندك الشباك باوعت جراح مسحت دموعي
وفتحتة
جراح: هلة نغم شونج
نغم؛ هلو جراح زينة وانتة شونك
جراح؛ الحمد الله شصاير كالو الولد طالعة تركضين صاير شي عمي ماذيج بكلمة
نغم : لا لا بس ختنكت وطلعت وين فاروق كلة خلي نرجعع
جراح؛ ههياتة بس ديودع جدي ويجون
نغم : تمام
جراح : الباعج بيعي محد يستاهل تبجين علي وتنقهرين شوفي هوة فرحان ومتونس انتي ليش تقهرين روحج علمودة + ديري بالج على نفسج انتي شايلة روح ومو هينة هالشغلة
نغم : حجاهن وراح واني مصدومة شعرفة معقولة مبين علية الحمل لهالدرجة
_ جراححح
_ ندار علية _ متكول لاحد مو
جراح : لتخافين وامني انتي بس الج حق تكليلهم وانة مدخلني
نغم : شكرا هواي
جراح : العفو
نغم : ندار ورح صفنت عليهم واحد احسن من اللاخ بس علي مدري شبي
شوية وركبو فاروق يسوق وبابا كدام وماما بصفي
فاروق : شبيج صاعدة اول وحدة صاير شي
نغم؛ لا بس ختنكت صارت خنكة جوة وطلعت
الاب : خوما تقربلج علي
نغم : لا
الاب : الحمد الله
نغم : سكتت ومحجيت شي اذا حجيت رح تخرب فرحتة لفاروق وماريد هالشي يصير
تنهدت وكلت خلاص هذا اخر لقاء حتة اذا ردت بالعرس اروح بطني حتكبر فماكدر احضر
... هل ستلتقي طرقنا مرة اخرى... ام ستندفن قصتنا كباقي القصص..
يتبع.....
__________________
فقرة صور شبيهة
هذي شبيهة مريم بس مريم اسمر
اما هنا شبيه فاروق
هاي صورة لملامح وجهة
عقمتو عيونكم 😂🌚💕
هذا خيالي لتحجون تمام خصوصا شخصية فاروق بدعت بيها
اتمنى يعجبكم البارت 💕
انتضروني بارت جديد 💕
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!