رواية ملاك الشيخ جراح الفصل الثلاثون 30 - بقلم ~yaqeen.hassan~

يا ضَعيفَ الجُفونِ أضعَفتَ قَلبًا
كَانَ قَبلَ الهَوَى قَوِيًا مليّا
لا تُحارِبْ بناظِرَيكَ فُؤَادِي
فضَعيفانِ يَغلِبانِ قَوِيّا .

مثل مكلتلكم البارت هيج وقت ينزل من الزم فون امي 💗

وقبل لتبدون لتنسون النجمة وعلقو على الفقرات 💕

yaqeen.hassan#
#ملاك _الشيخ_جراح
#البارت الثلاثون

جراح : انة جراح حسين عزام

عمري حاليا 34

من صغري يشبهوني بجدي وبكل تصرفاتي جنت اخلي قدوة الي

جان بالنسبة الي شي جبير مجنت اتخيل بيوم اصير مثلة

بس كبرت وصرت مثلة وصارت الناس تحسبلي حساب من امر

تخرجت من هندسة النفط واسست شغل خاص بية وفتحت افرع هواي وجانت احدى افرعي ببغداد

ومستمر للاحسن عن قريب

عائلتي ...

عندي اخوان سند الي واني سند الهم بوكت الصعاب

ابوية قدوتي بعد جدي والشخص اللي علمني هواي اشياء بالهدنيا

امي احن خلق الله الله زرع بداخلها حنان الدنيا كلها

اخيتي ونور حياتي هاي جنيتي اللي جانت تجيني بالاحلام واسولفها اللي بكلبي

ولد عمي اللي همة اخواني عمامي اللي همة بمقام ابوية

وبيبتي اللي هية نفس الطيبة والحنان اللي عند امي واكثر هماتت

وبنت عمي..

بنتي..

روحي..

وحياتي..

ملاكي.... ملاك الشيخ جراح

نعمة وملاك من الله دزهة الي

هواي حجي بكلبي الها هواي كلام

بس احس كلشي يتبخر من تكعد كبالي

وهياتهة كبالي بعد سنين طويلة من الانتضار بعد ما صبرت وتاذيت وتعذبت هياتها بصفي مرتي قريبا وام اطفالي مستقبلا

اريد افرغ البكلبي الها بس عيونها ونضرتها الي تضعفني وتخليني ماعرف شنو اتصرف

درت وجهي عنها وغمضت ثانية اريد ابدي بس ماعرف من وين هواي حجي وكلام عندي بس منين ابديي
_ رح احجي حجي هواي بس لتقاطعيني

ملاك : احجي ما اقاطعك

جراح : هزيت راسي وبديت

_ من اول مانولدتي جنت احسج شي مختلف كائن غريب هههه لان جنتي شكرة

جنتي تضوين ومرات اطفي الضوة جنت واخليج حتى تضوين بالغرفة وبنص الغرفة المحج يعني صدك تضوين

كبرتي كبال عيني ومن فقدتي اهلج هنا بدة كلشي يتغير تقربج الي حضنج وضحكتج وكلامج واللام اللي تلفضيها بدال الراء اسمي من تنطقي

كل ذني صارن بالنسبة الي ادمان حتويتج ومن خلال هالاحتواء انتي اخذتي كلبي جنتي بكل حركة منج تخليني احبج اكثر و اكثر

كبرتي وهنا بديتي تتحرمين علية

جنت اخاف المسج وتاخذين ذنب بسببي واخاف اباوعلج نضرة غير نضرة الاب لبنتة

دفنت حبي سنين لخاطر متبتعدين عني جنت اريدج تامنين بية وتضل نضرتج هية نفسها علية

بدت الحدود تنرسم وصار حاجز بيني وبينج كبرتي وصرتي سادس ابتدائي بذاك اليووم الي انتي صارلج سنين تنتضرين سببة

اعرف بجيتي هواي بسببة وتاذيتي

بس كلشي جان لمصلحتج والله

بيوم الرجعنة من المدرسة جنت حاضنج وشايلج وانتي تبجين

شافنة جاسر وضاج

بوكتهة من اخذتج امي مني جرني للديوان

جاسر :منو اتصل عليك وكلك

جراح : المديرة

جاسر : وليش متصلو علية

جراح : لان انة رحت سجلتهن وكتبت رقمي

جاسر : انةة اخوها جراااح انةة اخوهااا مو انتةةةة شنو معناهاا تجي شاليهااا وحاضنهاا بايي حققق هية محرمة عليك

من صغيرة ايي عاديي احضنها بوسها بس هية كبرتتت ميصير بعد تتقرب الها

جراح : جاسررر ملاك مثل بنتي

جاسر : بس هيةةةة مو بنتكككك انة من شفت نور كبرتت بديت ابتعد لان ميصير وحراممم انتة همممم ابتعددد ترا هاي اختييي وما ارضة ان تضل بحضنك لو تخافف عليهة اكثر منيي

ابتعد عنها جراح ابتعد عنهااا كل الابتعادد ولتتقرررب لاختيييي

جراح : طلع بيومهة وعبالك اخذ روحي وياه الابتعاد عنج جان مثل الطفل اللي يفطمو من الحليب

جان صعب كلشش صعب ومينوصف

بديت ابتعد وابتعد وابتعد لحد ما صار بيناتنة حاجز كبيير كلشش

اعرف بالج شنو جان يدور اعرف بشنو جنتي تحسين وتعانين جنتي تتاذين وتبجين اعرف كل هذا

من صغرج لحد هسة عيونج كتاب اي شي تمرين بي يبين بيهن واني الوحيد الي اكدر اقرة هالكتاب

فطمت روحي عنج

وعتبرتج مثل سرى وحوراء بس كلبي جنتي مالكتة

شكد شفتتت وشفتتت بس ملكيت شبيه الج ملكيت ولا رح الكة

جانو بنات هواي يحبوني ويتمنون احبهم

مرات افكر واكول خلي احبهم ليش لا بس ادور على كلبي ماكو ارجع للبيت الكا يمج

دخلتي سادس ونجحتي وبيوم النمتي احس البيت اضلممم بدونج

_ بتسم ودموع بعينة _ كرهت البيت وطلعت منة

جنتي من تستقبليني من ارجع من الدوام هاللحضات عندي جنة

جنت احب حماسج من تشوفيني بس ترجع كلمات جاسر تون باذني تكلي ابتعد عنها هية مو بنتك

الكلية من طلبتيها تخبلت بيومها تخيلت الشباب يشوفوج تخيلت احد يتحرش بيج

تخيلت تحبين احد وتنسيني تنسين جلاح حبيبج

رفضت واي انة الحجيت لجدي وانة الرفضت

وقنعتة يرفض..

بيوم من لكيتج الحديقة نضراتج ذبحتني ذبح جنتي تريدين تاثرين بية حتة اوافق بس صدكي نضراتج ارحم الي من ان احد يلمحج بيومهة منمنت الليل كلة

افكر بيج وبعيونج

وراها اليوم المشؤم اللي حرمني منج

من شفتج ونعميت عن كلشي وكل غضب العالم جتمع بداخلي

اذيتج هواااي .. جرحتج وتركت اثر بكلبج ميروح اعرف هالشي

ورا مطلعنة من عندج رحت اريد انام بس

مكدرت

مهان علية انام وانتي تونين بوجع

رحت اريد اشوفج بس تذكرت تذكرت انتي شسويتي

رجعت ونمت اجاني عمي بالحلم كالي هاي بنيتك الربيتها

صحتني هالكلمة من النوم الهث ردت اجي اشيلج واعالج كل جرح بجسمج

بس صحيت وتركتج

3 ايام انة مشايف النوم وما اكلت شي عاقبت روحي وياج

3 ايام وانة كل ما احط راسي على المخدة اتذكر صرخاتج وشكلج يخليني اكوم من مكاني واعوف كلشي واطلع

وبيوم النتحرتي نفس السجينة دجيتيهة بية

شكلج وانتي نايمة بين ايدي واشوف جسمج بدة يبرد اشوف روحج الحلوة دتطلع وانتي بين ايدي وبسببي

هاي من اصعب لحضات بحياتي مجنت شايلج جنت شالي روحي وحياتي ومستقبلي كلهن بايدي

روحي وحياتي ومستقبلي كلهن بيج انتي

ومن درينة بالحقيقة نذرت نذر ان انة بيدي اوديج للكلية

جنت ابين ما مهتم بس بداخلي حرب ما الها نهاية

نور بوكتها صرخت بوجهي وتريدني انقهر متدري اخوها داخلة ديتاكل

تمنيت احضنها وابجي بس تعب كل السنين حيروح هيج
رجعتي للبيت وصحيتي وجان عيد بالنسبة الي وبنفس الوقت جان عذاب ان انحرم من عيونج وشوفتج

لميت غراضي ورحت لبغداد

عذبت روحي هناك وحدي بس اني جنت ادخن والجكارة اطفيها بجف ايدي حتى احس بوجعج وطفيت بال5 جكاير بايدي ومحسيت بكد نار كلبي

رجعت وبيوم الشفتج اهخخ اهخخ تمنيت اخذج لحضني وطز بالدنيا بس كلشي يروح اذا سويت هيج

رحت بيومهة وكلت لازم اوفي نذري حجيت وية جدي وقنعتة ورحت قدمتلجن وفخري بيوم الشفت قبولج مينوصف

تخيلت فرحتج وانتي تكمزين وتضحكين بس تذكرت انة سلبت فرحتج

بيوم الاخذتجن تسجلن باوعت عليج وتمنيت اضمج بكلبي

نار صارت بداخلي واتنة اتخيل عيونهم تباوع لطولج لو تلمحج اه

ومن وصلنة لسحب الدم وطلعتي ايدج ونضراتج _ تتهد _ جانت سهم بداخل اعضائي

رجفت ايدي من شفت عيونج واعترف اني ضعيف كبال عيونج ماتحملهن

من رحنا للمقبرة وبجيج وشهكاتج جانت عذاب بالنسبة الية وتوجع اكثر من ضرب الحزام او الجوي

واغمائج وكلشي جان عذاب بالنسبة الي

جنت اتعمد اخليج تكويلي ملابسي ومجنت اروح لنور اصلا

بس اجي امثل حتى تكويلي بلكت المح عطرج بدشداشتي واشمة

وبيوم الفاتحة من حضنتج هنا ملاك هنا هنا كتشفت انة مهووس بيج لا احبج ولا اعشقج انة مهووس

عيونج اهخ عيونج من تلتقي بعيوني جانت تسبيهن سبي

بيوم الوكعتي بحضني وفتحتيهن عبالك فتحتي علية نار جهنم ضليت الليل كلة الوب واتمنة ابوسهن ثنينهن

وبيوم التهمتج ويا حازم عذريني جنت معمي جنت مهووس جنت مريض نفسي بذيج اللحضة مريض وانتي مرضي

وبيوم العرس مال عمو علي من كعدتي وشعلتي جد جدي بذاك اليوم جنت اريد اخذج واروح اعقد عليج بلحضتها لان متحملت

لمساتج الي بعد سنييين طويلة صحت شكو ذرة بجسمي جانت تمنع روحها عنج

ونضراتي الج جانت بداية حتى ابينلج حبي بس انتي مستوعبتيهة

وبالليل من غرتي علية ونكص اصبعج جنت فرحان وخايف جنت عبالي حبج بعدة الي مثل ابوج وتعلقج بية كأب

وبيوم العرس من لبستي الحبري والابيض هنا داخلي كام يصرخ احضنها وضمها لكلبك لتخليها تطلع ويلمحهة احد

بيوم الصباحية من جنتي تغنين تمنيتج تغنيهة وتباوعين بعيني

دوم جنت احب صوتج لان ناعم وبي شوية تنعوص فبالغناء يطلع حلو

من صفنتي بوجهي ومن لزمتج كل ذني جانن عذاب

كعدتج وية اسلام وعقيل وباقي ولد عمي شبت نار الغيرة بية بوكتها

نجاحج وفرحتج جانت من اسعد الايام بحياتي وانة اشوف شون فرحانة

هههه بيوم الكتلج جيبيلي سلاحي وجبتي وانتي خايفة

شكد جنت احب هاللحضات وياج حتى لو بسيطة بس جنت اسمع صوتج واشوفج وهذا يكفيني

من اجاج الدكتور هنا تمنيت اكوم احضنج وانهزم بيج وشبيت نار من افكر اتزوج غيرج وانتي تاخذين غيري

بس الله يحبنا وجمعنا سوة بغرفة وحدة والموت يحاوطنا

جنت عبالي هاي فرصة الله كالي اعترفلها قبل لتموت
جنت اعرف السبلت رح يوكع وماكو مكان غير اللي احنة بي يوكع بي لهذا كتلج احبج حتى اموت مرتاح

بس من صحيت كلت هنا وبس كافي ماكدر بعد وكتلج وصار اللي صار

جنتي مرافقتي من صغري ومراهتقي وشبابي لحد هاللحضة جنت اشوفج بكل مكان

مكدرت انساج ولا ابتعد ولا كدرت انفطم منج

جيت احجي هالحجي اللي صارلة سنين مكبوت بكلبي وماكدر احجي مكعدتج كبالي لان ما اقاوم عيونج وبس اشوفهن يتبخر كلشي بالي وانسة كل الحجي

ملاك انتي حياتي .. وبعدج ماكو حياة

احبج....

ملاك :جان يحجي واني مصدومة مو صدمة عادية لا صدمة كبيرررررة عيوني تذب دموع وية حجية واحاول اربط الاحداث

اخر شخص بالدنيا جنت اتوقعة يحجي هالحجي هوة جراح من باوع علية وكال احبج متحملت كمت من مكاني خليت ايدي على راسي وافتر كبالة

عقلي وكف كل هاي الاحداث يتذكرهة واني كوة تذكرتهة

حافظ كل لحضة عشناها سوية شلوننن اي تصرف منة ميدل على حجية هذا

درت وجهي علي وحجيت_ ب بس ا انتة تصرفاتك م مجانت هيج من ذاك اليوم كل ما تشوفني تخزرني لو تذب حجي يضوجني

جراح : وجهي وتصرفاتي غير عن اللي بداخلي كتلج مجنت اكدر اتقرب منج لان جاسر جان خال فكرة براسة ان ياخذج وتعيشون ببيت وحدكم لهذا تصرفاتي وياج هيج

ملاك : جرااح مداصدكك شلونن هيج مدافتهم

جراح : شنو الشون شبيج انة حجيلتلج مشاعري واللي انتي تريدين تعرفي

ملاك : ليش اليوم ليش ما حجيت قبل

جراح : لان ماردت ااثر على جوابج انة ردتج توافقين من كلبج مو لان احبج
ملاك باعيلي انتي تحبيني

ملاك : باوعت علي وضليت صافنة بعينة حسيت محتاجة اضل هيج اباوع بعينة حتى اعرف جوابي

ضليت هيج 5 دقائق يمكن اني صافنة بوجهة وادور جواب بعقلي

بالاخير دنجت راسي مداكدر مدتطلع من كلبي

_ جراح نطيني وقت

جراح : اهخخخ شكد يعني

ملاك : نتعرف اول شي نسولف ونرجع نشيل هالحاجز اللي بيناتن

جراح : لعد هذا ورا العقد نعقد هالاسبوع حتى نكدر نسولف منكدر هسة

ملاك : هزيت راسي ودنجت احس قهرتة لان حجة هالحجي وردة فعلي جانت باردة كام وكف تقرب مني صرت قريبة على صدرة

جراح : باعيلي

ملاك : رفعت عيني علي باوع بعيني وبتسم

جراح : لتفكرين هيج انة انتضرج لحد اخر نفس يدخل لريتي وحتى اذا مكلتيهة وجودج يمي وبقربي يكفي

ملاك : اسفة اذا قهرتك او...

جراح: اشش اذا اعتذرتي ازعل عليج مابينة زعل وانا مو لهلدرجة رح اجبرج عليهة اريدها تطلع من داخلج ومن ارادتج لهذا لتجبرين نفسج

ملاك : هزيت راسي واني مدنجة درت وجهي داطلع حسيتة لزم معصمي

تقرب من ورة باس راسي بشمة وتنفس من عطرة ووخر اني طلعت اركض

واتلفت رحت لمكاني رفعت عمة مريم راسها

مريم : وين جنتي

ملاك : فزيت من شفتها _ ج جنت ب ب برا

مريم : برااا ويامن بهالوكت

ملاك : وية جراح_ باوعت عليها ضحكت وكامت تربعت كبالي

مريم : اي وشحجالج

ملاك : اخخ مريم حجة حجي مينوصف حجة الضامة بكلبة سنينن حجة وانطاني اجوبة لاسئلتي كلها

مريم : اي وانتي عترفتيلة

ملاك : لا مطلعت مني مادري ليش عاد هوة حس بية وكالي لتجبرين روحج طلعيهة من داخلج

مريم : فدوة رحتلكم تخبلون احسكم سوة ربي يديمكم والله هيج نشالله يفتح كلبج ويخلي جراح ويسدة

ملاك : اروحلج فدوة وفداوي يلة خلي ننام

مريم : تمام فكري زين ونامي واحلمي بحبيبج

ملاك : مريوووم نامييي

مريم؛ ههههه تمام

ملاك : درت ووجهي للحايط ونمت

ثاني يوم صحينة والضهر جتمعنا كلنا وويانة عمامي ونفتح الموضوع مالتنة وصارت خطبة جراح وملاك الخميس هذا

جان شعوري غريب فرحانة هواي وضايجة ماعرف من شنو بس يمكن لان وضعنا جديد ممتعودة بعدني او خايفة ترجعلي ذكرى بس يكعد يمي ويحجي خايفة اجرحة بكلمة

بديت احضر للعقد وجان علينة ضغط جبيرررر اني وجراح

اي نضرة واي مكان نتواجد بي ثنينة نحس عيونهم تخترقنة لدرجة كمت من هوة كاعد بمكان اروح اني لغير مكان

خفت من نضراتهم هههه

رحنة للسوك شتريت فستان مثل ما تمنيتة واحد للعقد ابيض والثاني شتريتة لون وردي لان احبة

ويلوكلي

خليل سوة ديكور الكوشة لان هوة مهندس ديكور ويشتغل بهاي الاشياء

سواها تخبل ضليت صافنة عليها

وهنا رحنة نشتري الذهب اجة جراح ويانة واجتي بيبي وعمة واني سحلت نور وياي

رحنة نفتر نفتر اني ونور نروح للاشياء الناعمة مثل سوار ابو الفراشات وحجل ناعم وهيج اشياء وبيبي وعمة يروحن للذهب الثكيل وتعاركنة بنص السوك وجراح يهدي بيهنة

_ بطلت خلاص ماريييد

الجدة :وعمة العماج شيكولن علينة بلة فكور تردين هالخلكتين وين تخليهن

جراح : بيبيي كافييي فضحتونااا تعالووو هنا اوكفو

ملاك : وكفنة بمحل صديقة يمكن ضلن يتناقشن واني ضايجة

باوعلي واشرلي اجي يمة

جراح : شبيج ترا حجيهن صدك شتري ذهب ثكيل العالم تكوم تحجي علية

ملاك : ماريد بطلت خلاص انتو اشترو بكيفكم

جراح : ملاك هية مو عناد تعاي وياي انة فتهمت شتردين... يمة حنروح لهذا المحل شوية ونجي ماشي كعدو هنا ارتاحو

الجدة : متشترون اذا متشوفوني والله انعنع العصا على عضامكم

جراح : ماشي بيبي بعيوني يلة انتضرونة

ملاك : مشينة وهوة ايدة خلاها على جتافي يجرني الة بس يشوف شخص قريب علية بتسمت على غيرتة

طبينة للمحل ضل يطلع موديلات حتاريت بين 2 حلوات كلش ويعني على كولتهن ثكال

جراح : هذا احلى

ملاك : ثنينهن حلوات بلة صيح نور وحدها

جراح : ههه ماشي

ملاك : راح جابهة واجة ضلينة صافنين بالاخير ختاريت دفع فلوس وطلعنة شوفناهن وزين قتنعن رحنة لمحل ثاني

شترالي حجل بتسمت واني اتذكر حجل اللي جابة الي من اني وصغيرة ضليت افر برجلي كبالة وهوة تخبل علية

وشترالي سوار ومحبس وختارينة الحلقات

ورجعنا اخيرا بعد عرايك وتعب

وهاي ضلت ليلة وحدة للمهر

رحت بالليل طبعا غرفنة رجعت نفس قبل

رحت ليم جاسر دكيت الباب فتت لكيته كاعد على للمكتب يشتغل بالابتوب

باوعلي وبتسم رحت كمزت وكعدت على الميز

جاسر : هوب هوب الميز

ملاك : وزني خفيف مينكسر

جاسر : شعندج

ملاك : ميصير اكعد وياك شويونة باجر رح اتزوج

جاسر : ذكرتيني

ملاك : كام الكنتور فتح الباب طلع علبة واجة كعد وانطانياها

_ شنو هاي

جاسر : فتحيها

ملاك : فتحتها جانت بيها ذهب يعني شلون تجهيز كامل ووياها اشياء رجالية هم

_ منيلك ذني

جاسر : ملات ماما وبابا

ملاك : باوعتلة مصدومة منين جابهن

جاسر : من توفو جدو كال الذهب تنطي لاختك بس تزوج وهاي دانطيج واوفي الامانة

ملاك : لا ذني ملات ماما ما البسهن اني

جاسر : متلبسيه تضميهن يمج اذا بيوم من الايام حتاجيتي يكونن جوة ايديج ترا ذكراهم بالكلب متنسي ومو الذهب يذكرنا بيهم خليهن يمج ذكرى وهديتي موجودة ترا

ملاك : نزلت دموعي وسديت البوكس _ انتة احلى هدية بحياتي

جاسر : علية هالسوالف هسة تركضين وراية تكولين هديتييييي وهديتيييي وتجرين الياء وياج لباجر

ملاك : ههههه سخيف

جاسر : هاي شوفي صوفي دك خلي نسلم علي

ملاك : فتح خط ومصطفى جانت عدهم صبح

مصطفى : لحمدد اللله احد كاعد عمي وينكم متو خوما متو والله نجلطت كلكم ماكو

جاسر : الساعة ب11 ونامو كلهم بس انة وهاي الخبلة كاعدين

مصطفى : يا هية ياهية منهن هواي هنة بيتنة

جاسر؛ هاي شوفها

ملاك : كمزت بصفة _ ابووو الصووف الكك وحشةةة شونككك

مصطفى : لك هلا بالعروسةة هاا ولج درتي داير مداير اخوية واخذتي طايحة الحظ يم ياسحارة سحرتي اخوية حبييبي

ملاك : هئ عزا بعينك اني ساحرتة شعلية اني

مصطفى : اي والله شمدرينة شمسوية للولد بلة فجا طلع طب بخ اخ اح يريد يتزوج اكيد يم ام عباس مسوية شي

ملاك : والله انتة حقير ومتستاهل واحد يحجي وياك

جاسر : كافي عاد يلة شونها مرتك احسن نشالله

مصطفى : اي احسن جسمها ديتسقبل العلاج عمي هنا يعبدو للمريض يعتبرو شي مقدس خصوصا اهل السرطان وين الله واهل البيت يشافوها

جاسر : نشالله يارب شكد تطولون

مصطفى : سري وين تحطة

جاسر : بكوب كهوة

مصطفى : ههه لا ربحت حكلك بس لتحجي لاحد ترا مكلت

جاسر : كول عمي

مصطفى : احتمال سنة ونص او سنتين

جاسر : مصطفى منيلك الفلوس

مصطفى : مدبريه خوية مدبريهة وابوها هم بايع بيتهم اللي بالموصل ودز الفلوس ونشالله تدبر

ملاك : فدوة لحبيبتك هنيالها عليك

مصطفى : انة هنيالي عليهة والله يلة رح اروح موعد الجرعة هسة سلملي على الكل ومو تدكون وتخبصوني باجر ترا نايمين

جاسر : لتخاف انة اكلهم

مصطفى : مبروك ملوكة نشالله ربي يوفقكم سوة وتبطلون خبالات وتهدين اخوية لطريق الصحيح
لا ن هوة مستهتر شوية

جاسر : مو اكلة

مصطفى : كلة يابة وين يجيني ااصلا هوة يدك علية عينة مدمعة اكلة شبيك يكلي تراب فات بعيني

يلة اكلكم بيباي

ملاك : باي _ سدة وراح

واني كمت رحت للجرباية مددت.

جاسر : خير شكو

ملاك : شنو اريد انام

جاسر : ههه اي ماتنامين شكو بفراشي

ملاك : فراشك حلو خليني انام يمك اليوم

جاسر : ههههه نامي نامي بوية بس خلصيني من لسانج

ملاك : هههههه مددت ونمت وهوة بعدين حسيت بي يبوس راسي ومدد نام بصفي

نمت بهدوء ومرتاحة واني انتضر باجر

حياه جديدة ... ومستقبل مخفي ماعرف شنو ضاملي..

يا اما اعيش مرتاحة
او تكون من اسوء الفترات اللي تمر بحياتي ....

يتبع.....

________

اتمنى يعجبكم البارت 💕

شكرا على ال19 الففف مشاهدة 😭😭💗💗💗

احبكم كلش هواي ذاك للبارت جان 16 وهسة 19 دعمكم ماكو منة والله

انتضروني باجر ببارت جديد 💗