رواية ملاك الشيخ جراح الفصل الخامس والعشرون 25 - بقلم ~yaqeen.hassan~

قالت لي ..‏لأول مرة أتجرد مِن عنادي وتمردي أمام ذكر أسمك
لا يمر مروراً عادياً
إنه يضرب في القلب...

لتنسون النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _الخامس والعشرون

ملاك : كمزت من مكاني على صرخة نور نزلت اركض ووياي طلع عمو علي من الغرفة نزلنة نركض

باوعت جراح خالهة بحضنة ويصيح يريدها تصحى

علي : شصاااير

جراح  : ماعررررف غمضت عينها دتناممم وراها يمكن لزمت مكان عمليتهة

علي : خرببب هاي عود حذرتهة جيبلهة صاية نوديهة للمستشفى

ملاك : تعبت  انصدم يومية تعبت حسيت حيلي مهدود مكدرت اوكف كعدت على القنفة جتني نغم

نغم : ملااك باعيلي شبيج دختي

ملاك : ن نور  ا اريد   نوررر

نغم : مابيها شي يروحي هسة يرجعوها وتصير زينة

ملاك : تعببببت تعبتتت مالي  طاقة اتحمل بعد ماتحمل فراكك احددد

نغم : حضنتني وتبجي وتشهك مردت كلبي تبجي بحركة تشهك

ضلينة كلنة ننتضر بقلق 

رجعو تقريبا ب1 ونص نايمة خلوها بالجرباية 

علي : ضاغطة على العملية  بايدها بس هسة احسن باجر تصحى مابيها شي

ملاك : عمو يعني مابيهة شي صدك

علي : اي والله مابيها شي لتخافين

ملاك : ماعوفها اني انام يمها

علي : مالة داعي والله روحو كملو نومتكم جراح يمهة وانة علمتة

ملاك : مااا مااا ماعوفها والله ماعوفها _ رحت كعدت يمها واني لازمنة ايدها محجو شي وطلعو ضل جراح 

جراح : روحي نامي وين تنامين هنا

ملاك : ماريد انام اضل كاعدة يمها

جراح: تعاي نامي هنا انة كاعد

ملاك : لا لا ماريد انتة تعبت نام

جراح : كومي بوية لتناقشين

ملاك : كمت رحت مددت بمكانة وهوة راح جاب غطا ومخدة ونام على القنفة  الفراش متروس بعطرة  مكدرت اغفى 

غمضت عيني واني اتنفس عطرة راحت ذاكرتي لذاك اليوم

جنت صف ثالث ابتدائي جانو يدرسونة جاسر وجراح نفس المكان هذا جنت اني جراح يدرسني ونور جاسر لان من صغرنة اني ماستوعب الة جراح يدرسني ونور الة جاسر

جراح : باعي ركزي هنا هاي ميم شنو

ملاك : اولية

جراح : ولج لا لااا مو كتلج الاولية هيج هاي اخرية شوفيهة مثل عكازة جدو

ملاك : اي اي مال  جدو هيج شكلهة

جراح : اي الاخرية مثل مال جدو

ملاك : اي تمام حفضتها _ مددت حطيت راسي على رجلة وشعري منثور بالكاع وعلى رجلة مسح على راسي وراها شالني  وضمني بحضنة   لحد هسة اتذكر عطرة

همست _ ممم ريحتك طيبة

جراح : كدامج

ملاك : تؤ هاي بس للولد اني بنية ميصير

جراح : يصير هسة بس تكبرين اشتريلج منها

ملاك : صدوككك

جراح : اي صدك

ملاك : ممم اني احبك _ غمضت عيني ونمت

صحيت للواقع اريد ابتسم بس غصة واكفة بزردومي

ليش هيج يسوي ليش ميحس بية ليش ميعتذر

متندم يعني ضميرة مانبة

لو هاي بس اني اذا غلطت على شخص ضميري يانبني

ضليت افكر لحد ما تعبت ونمت

الصبح صحيت على هوسة رفعت الغطة عن عيني  وشفت خالات نور وبناتهم ياالله ووكتهن ذني

كمت  سلمت عليهم ورحت بدلت وغسلت سويت ريوك وكعدت  اتريك واحجي وية مريم ونغم

نغم : علي لو يشوفهن هسة يشنقهن ولج صارلهن ساعتين يحجن وياها حتى هية تعبت بس متكدر تحجي

ملك : ومتحجين وياهن شنو خايفة منهن _ كمت رحت يمهن اخذت علاج نور

_ العفو خالة بس كافي سوالف ميصير تتعب لان عمليتهة تاذيهة

صفاء : وشنو يعني تسكتينة انتي

ملاك : لا العفو مو هيج قصدي بس ميصير تحجي هواي لان تتعب واحنة البارحة بالليل ودوهة للمستشفى من الوجع اكيد انتي خالتها ومتريديلهة الاذية

_ سكتت وما حجت شي  كومت نور وديتهة للحمام خطية ايدهة ورجلها بعدهن مجبسات ومتنكدر تتحرك طلعتهة ووديتهة لغرفة جدو وبيبي

نور : ملاك نطيني مسكن راسي يوجعني

ملاك : نور تحسين بشي كليلي فدوا لتضمين

نور : ماعرف دكي على عمو علي

ملاك : دكيت علي

علي : ها نونة حبيبتي كليلي بشتو تحسين

نور : عمو راسي  احسة تشنج وركبتي همات مداكدر اتحرك

علي : باعي ملاك خليهة تمدد خلي مخدتين عاليات جوة راسها ونطيهة الدوة مال الاام نغم تعرفة وخليهة تنام للغدة لحد يكعدها

ملاك ؛ تمام عمو _ سديتة  خليتلهة مخاد ومددت ونطيناها علاج خليتهة تنام وطلعت اساعدهم بالغدة واكفة اكلب بالاكل فات جراح

جراح : وينها نور

ملاك : نامت

جراح : هسة ليش شبيها مو توها كعدت

ملاك : خالاتك حجن كومة وياها وراسها تشنج وركبتها هم فنطيناها علاج ونامت

جراح : وانتي وين عنها وامي وين

ملاك : ترا كاعدتت يسولفن وياها شسويلهن يعني اسكتهن بالاخير كوة كومتهة وخالتك حقدت علية من كلتلهة

جراح : خلي تحقد بس  لتخليهة يمهن بعد مناقصنا احنة

ملاك : اي خوش شرايد هسة

جراح : صعدي بالغرفة سلاحي جيبي وتعاي

ملاك : ماااا يمةةة والله ماجيبة اخافف

جراح : ملاككك بلا سوالف المزعطة صعدي جيبي اريد اوليي

ملاك : اخافف

جراح : امشي كبالي لا اصعد اجيبة واحطة براسج انتي امشييي

ملاك : هفففف _ صعدت شفتة هسة هذا شون اشيلة والله اخاف رحت جبت  فايل فارغ جان خليت علي كلينس وخليت المسدس فوكاه وجبت فايل ثاني خليتة فوكا ونزلت شافة وضحك

جراح : بعد بعد جان خليتي من الجوانب همات خاف تزرك طلقة

ملاك : هاك هاك اخذة وروح وبعد لتخليني اتقرب منة رجاء

جراح : دمشي جبانة

ملاك : ننننن _ طلع ووسويتهة وراه طبعا ما اسويهة كداما حتى يكص لساني ههه فديت الشجاعة اي والله

رحت اسوي زلاطة اني ونغم وعمة ومريم فات خليل يسولف ويضحك يمنة

وراه فات جاسر شايل باكيت

خليل : شنو هذا

جاسر : ملاك هاي الفراولة ام الككو التحبهة نور خليهة يمها

خليل : ترا انة خليل مو ملاك

جاسر : لتدخل روحك بشي ميخصك

ملاك : هههه جيبة هذا خطية غيران

جاسر : مو تنسين خليهة يمهة ومحد يمد ايدة علي

ملاك : زين اني بس وحدة

جاسر : بس ووحدة واخذي الوردية عوفي ام الككو الهة هية تحبهن

خليل : والله عمي يعرف اختي شتحب اكثر مني

ملاك؛ جا غير هوة ربانة

نغم : زين اني هم نطوني وحدة لعد  مشتغلة ممرضة بلاش

جاسر : هههه يابة عوفوهة الهة وانة اجيبلكم وياي العصر

نغم : اي عفية انة مرت عمك لازم تجيبلي

جاسر : على راسي مرت لعم جا عمي يكرف كرف بالفلوس وفراولة ميجيبلج

نغم : هههههه لا لا يجيبلي بس ميندل هاي السوالف

جاسر : يابة تدللون اجيب للعائلة كلها بس خلو ذني الهة لتاكلوهن

ملاك : خلاص خلاص روح بامانتي ذني

جاسر : لا قبضنا اذا بامانتج صارن

ملاك : ههههه_طلع وهوة يضحك رحت خليتهن يمها وبتمست ووكفت اباوعلهة تقربت بستهة وطلعت

صبينة غدا وهية خليناها نايمة

ورا مخلصت اخذتلها اكل وكعدتهة وكامت تاكل

ملاك : ممم جابولج هدية

نور : هدية شنو

ملاك : باعي _ فتحت العلبة

نور : هئئئ  هاي الاحبهااا

ملاك؛ هههه اي هاي حبيب القلب جابها

نور : منو جراح

ملاك : لا جاسر جابها خصيصا الج

نور : بتسمت وممصدكة _ صدك هوة جابها

ملاك ؛ اي والله وكلها هجمت تريد اني ونغم وخليل  عاد كال لتمدون ايدكم عليهة اني اجيبلكم خلوهة تاكل
بس طبعا اني اكل وياج غصبن عليج

نور : بالعافية _ عفت الغدا واكلت وحدة واني اتخيلة شون ختارهن اكل ومبتسمة فجا فات من يم الباب منتبه علية بس فجا وكف وباوع علية شافني اكلها بتسم ورجع سند نفسة على الدرج وكتف ايدة وصافن علية واني باوعتت علي

شون طالع يخبل لابس تراك زيتوني وية سمارة وشعرة وتوة مزين ومحدد لحيتة

احبة هواي هواي واتمنة اعبرلة عن حبي بس ماكدر

اني واتاملة فاتت سارة بنت خالتي وكفت يمنة وكعدت تسولف وياه واني بساع عقدت حواجبي وضجت شمرت الفراولاية بالعلبة وضليت صافنة عليهم وهوة يبتسم مجاملة الهة وهية صافنة بوجهة ومفهية على ابتسامته عود شنو هاي ميصير هيج والله

باوعلي واني خزرتة ودرت وجهي  عاد سمعتة ستاذن منها وراح جتي يمي

سارة : صراحة ولد عمج عسل  شنو جدج شهالنسل اللي مخلفة

نور :  سارة عيب تحجين هيج 

سارة : هسة اني حاجية كبالة اهخخ لو يخطبني شيصير

ملاك : لتخافين  اكو اللي مالي كلبة

نور : كالتهة وتباوعلي  اني دنجت ماعرف ليش مكلت بملاك يمكن اخاف تعرف وتجبرة يسامحني اني اريدة بارادتة يسامحني

سارة : مرتبط يعني

ملاك : علمي علمج بس كلبة مو فارغ

سارة : معقولة حب من طرف واحد هذاا الصكوك كلة وحب من طرف واحد

نور :  سارة عوفيني اريد انام راسي ياذيني طلعو برا سولفو

ملاك : تمام حبيبي _ تقربت بستها بخدها وطلعت عفتها تنام

نور : مددت واني افكر معقولة نسة اهخخ ابتسامتة يالله متت بيهة

ياريتة دوم يبتسم بوجهي

واني افكر ومبتسمة نفتحت الباب وفات ضليت واكفة ومصدومة بمكاني

جاسر : همم ممكن افوت

نور : هاي انتة فتتت عزاااا اطلععع برااا هسة يشووفوووك

جاسر  : لتخافين كلها نامت وهاي الباب قفلتهة

نور : فدوا جاسر  البيت متروس لتفضحنا

جاسر : اششششش كافي تحجين خليني احجي اللي عندي واروح

نور : جر كرسي وكعد بصفي تلمس ايدي المجبسة ودنك باسها

جاسر : حمدالله على السلامة  ملحكت اشوفج واكلج

نور : الله يسلمك يلة شكرا اطلع حباب

جاسر : ههههههه شون شغلة هاي صبري بوية صبري ثواني

نور : باوعتلة بنضرات بريئة وشوية واريد ابجي

جاسر : عجبتج الفراولة

نور : بس كالهة بتسمت وهزيت راسي _ اي تخبل

جاسر : خلصيها واجيبلج غيرها

نور : لالا لتزحم نفسك

جاسر : نور

نور : ررفعت راسي باوعتلة  جان قريب علية كلش

عينة بعيني ترمش بطريقة سريعة وتنفسة بطيئ بلل شفايفة يريد يحجي بس رجع سكت همست اني بصوت ناصي

_ ليش

جاسر :  ليش تسالين

نور : ماتحمل

جاسر : على اساس انة المتحمل

نور : ليش لعد

جاسر : كولي جا

نور : بتسمت ودرت وجهي ووكعت دمعة من عيني مسحتهة ودنجت العب باصابيعي

كام من الكرسي تقرب باس راسي بشمة وتنهد وطلع

حجينة محتفهمو بس احنة فهمنا  جان  مثل اللغة الخاصة بينة  لغة بس اني ويا نفهمهة

تنهدت ومددت اريد انام ماريد افكر لان تعبت

_______

نغم : فات للغرفة تقربت حضنتة بساع حاوط خصري بايد وحدة

علي : شبيج

نغم؛ : وخرت منة وبتسمت كوة _ مابية

علي : همم خلي اروح اسبح جيبيلي الغدا

نغم؛ تمام _ نزلت جوة واني واسوي الغعدة وتفكيري كلة بالمحادثة اللي صارت بيني وبين خالت جراح معقولة حجيهة صح

صعدت الاكل جان ينشف بشعرا

كعد ياكل

علي : اليوم جابو ثنين عجيز متعاركات. لو تشوفيهن يموتن ضحك متعاركات على جدرية ومتضاربات وحدة ضاربة الثانية بالجدر واني اعالجهن حصلت ضربة بنص كصتي ههههههه

نغم : جنت صافنة علي وممنبتهة لللي حجاه

علي :  نغم وياي

نغم :  ها اسفة صفنت

علي : شصاير وياج اليوم مو على بعضج احد مضوجج كليلي

نغم : علي اريد اسئلك سؤال

علي : كولي

نغم : ا انتة صدك عندك ضعف

علي : شنو

نغم :  يعني متخلف

علي : شدتمسلتين انتي

نغم :لعد ليش مزوجت لحد هسة ليش صارلك كومة يلة تزوجت صدك جنت تتعالج _ محسيت غير شمر الخاشوكة بنص الماعون فزيت فزة ورجعت ورا

علي : شجايي تمستلتييين انتييي وانة شبية حتى اتعالج

نغم :  اني مكلت بيك شي بس داسئلك يعني انتة ليش متزوجت لحد ما دخلت بال30

علي : نغمممم منو كايلج هالحجي

نغم :   محد اني داحجي

علي؛ لاااا مو انتي حاجيتةةة كولي من كالج

نغم :  محد شبيك

علي :  يعني صارلنة كم شهر متزوجين يعنييي دتشوفينيني بية شييي من يصير صخام بوجهججج بعدين منيلج هالافكار انةةة مو كتلججج من تخلصين كلية نفكر بالاطفاللل منيننن اجة هالحجييي يعني لان فكرت بيج وكلت متكدر تربي طفل طلعت عندي عجر وجاي اتعالج

نغم :علي اني مو هيج قصدي

علي : لاااا هيج قصدجججج امشيي كومييي من وجهي ماريد ااذيج والشخص اللي سمعتي منة  روحي كملي وياه بلكت اطلع متزوج عليج وانة مادري روحي يلة

نغم : علي باوع اني والله ظ..

علي : نغمممممممم لتفقدينييي اعصابيييي كوميييي من كباللللللي احسنننن الجججج كومميييييييييييييييييي

نغم : كمت مخروعة اول مرة اشوف عصبيتة هيج لبست شالي وطلعت باوعتت لروحي شسويت اني شبية صدكتهة و شكد ثولة زين متكدرين تسالين عمة فاطمة او مريم بساع رحت كتلة شكد ثولة اني والله استاهل همات هالصياح

ضليت خايفة افوتلة او لا بعدين عفتة كلت هسة يكب بية وانكتل خلي اكعد احسن

واني واكفة اسولف وية روحي على الدرج طلعت ملاك من الغرفة تبجي وركضت بساع على الدرج خفت هواي شكلها ميطمن ابدد

ملاك : صعدت فوك كعدت اتراسل وية البنات اللي وياي بالكلية 

دنحجي بالكروب وفجا فاتت بنية كالت روحو شوفو شصار بكروب  دكتور عباس

رحت للكروب فتتت ونصدمتت ضليت مصدومة وابلع ريكي 

حسيت جسمي رجف شديصير ماعرف

نزلت دمعة من عيني وحسيت الدنيا وكفت  وبقيت

اني

والموبايل

واللي داخلة

  وبس ..........

يتبع.....

__________________

اتمنى يعجبكم البارت 💕

شكرا على تفاعلكم الصاك بالبارتات الراحت وتعليقاتكم اللي تخبل شكرا هواي هواي 💕💕

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح