كيف لايحن قلبها الذي
كان لايهداء
حتى اعانقها..كيف...
لتنسون النجمة وعلقو على الفقرات 💕
#الكاتبة : yaqeen. Hassan
#مـلاك _ الـشيـخ _ جـراح
#البارت _ السادس والعشرون
نغم : نزلت مفزوعة ركضت وراها لبست شال وركضت للديوان واني لحكتها
وضل يسئلها عمو وهية ترجف بيدة قريت الموبايل يمة وحجت بس كلمة
ملاك : اني بريئة
نغم : وكعت من طولها وتلكاها جراح لزمها ودنج يضرب بخدها ركضت جبت مي ونرش عليهة
جراح : ملاكككك بويةةةة اصحييي باعيلي كومييي صيحييي عمو علييي بسااع
نغم : ركضت بكل قوتي وكلها تجمعت على صراخ جراح
وصلت للغرفة فتحتها وركضت ليمة على الجرباية _ علييي عليي اكعدد ملاككك تخربطتتتتت
علي : شكووو شصايرر
نغم : كمز مفزوع وركض بعد ما ستوعب كلامي نزلت وياه باوعت لنور تريد تكوم ودتبجي ركضت يمها
نور : شصاير نغم شبيها ملاك
نغم : ماعرف والله تخربطت كومي تعاي نشوف شصاير
ملاك : صحيت على صوت صياح ومي ينرشك بوجهي شهكت بساع وكمت مفزوعة باوعت لجدو وتذكرت الصار باوعلي بنضرات اعرفها
نفس النضرات اي نفسها بذاك اليوم كمت بساع رجعت ورا واني اشهك واهز راسي احس فقدت مكمت احس بشي
بس عقلي يكلييي ان رح يعذبوني مثل ذيج المرا لزكت روحي يم الباب واني الم نفسي وكلها مصدومة من تصرفاتي
راح جراح جر الموبايل من جدو هية ثواني وعيونة تحولت من لون طبيعي الة احمررر قاتم يغطية السواد
والرعب باوعلي بخزرة موتتني بمكاني توة تقرب مني لزمة جدو من ايدة
الجد : لاااا هالمرةةة مو هيج تتصرف طلعو كلكمممم ماريد احدد
جراح : جديييي شجاااي تحجيييي دتشووووف اللي بالموبايلللل
الجدد : اييي داشوفةةةة اطلعععع انةةة اتصرف
ملاك : طلعو كلهم ونضراتهم للموبايل يردون يعرفون شنو بي طلع جراح ونضراتة الي ترعب
نسدت الباب وبقيت بس اني وجدو بالديوان الابرة اذا تنذب ينسمع صوتها اني خاتلة واشهك
مد ايدة لعكالة واني شهكت وصرخت _ لااااا لاااااا لتضربنييي والللله معليةةةةةةة
واللله بريئة وااللللللله
الجد : اششش اششش لتحجين شي وتعاي كبالي ماضربج
ملاك : وااللللللله واللله معلية انيي والله
الجد :ملاكككك جاي اكوللل كافييي تعاييي هناااا
ملاك : تقربت منة واني ارجف مد ايدة ديلزمنني بساع بتعدت بس رجع لزمني بس مو بقسوة لا بهدوء جرني علي
كعدت وهوة كعد خلة الموبايل بحضني واني غمضت وابجي
الجد : انة دزيتج للكلية ووثقت بتربيتي اولا وبيجن ثانيا كليلي وين الغلط بتربيتي لو بيجن
ملاك : واللله وروح بابا وماما معلية والقراااان معليةةةة والله هاي مو انيييي
الجد : هنا مو انتي وهنا
ملاك : هنا هنا جنت اخذ ملزمتي والله هاي مو اني _ خليت ايدي على وجهي واشهك واني اتذكر الصور
جانت صوري اني وحازم صور 2 مفبركة عبالك ماخذي سيلفي وصور 2 من جنت اخذ ملزمتي منة
جانو دازيهن بكروب الكلية العام اللي بي كل اقسام الطب
والحجي خالين كتابات رومانسية وواحد كاتب احلى عشاق بكل البصرة
الجد : فهميني بوية ما ااذيج ما اغلط نفس الغلط مرتين بس فهميني
ملاك : والله جدو مو انييي والله وروح بابا وماما اللي ماحلف بيهم جذب والقران واللله اللي ماكو اكبر منة مو اني والله ممسوية شي هاي موبايلي يمك شوف حتى بالكروب ما احجي والله ولامتقربة منة وحتى حتى جراح يعرف هوة دائما يتقربلي بس اني ما انطي مجال
وجراح اي هوة مراقبني ويعرف بية شسوي بالكلية سئلة والله ممسوية شي
الجد : اشش اذن خلاص اهدي واني احلهة
ملاك : طلع صاح جراح فات وعيونة تتبعني
الجد : انتة مراقب ملاك بالكلبة
جراح : مو مراقبها صديقي هنا يشتغل ووصيتة عليهة
الجد : وصديقك وصلك فد يوم غلط عليهة
جراح : لا بس الصور.....
الجدد : جا روح صيح ولد عمك واخوانك واريدكم كلكم كبالي بهاللحضة
جراح : تامر جدي
ملاك : باوعت علي بخوف تقرب ضمني جوة جناحة وباس راسي
الجد : ما اكون عزام ابن عكاب اذا ما اخذتلج حقج من عيونهم
ملاك : م مصدكني
الجد : اي مصدكج وبطلي بجي يلة كافي
ملاك : دقايق ودخلو جراح وجاسر وحيدر وعقيل وسلام وجعفر وعماد وامين وامير وكفو كلهم كبال جدي وينتضرونة يحجي
الجد : انة ربيتكم كلكم على شغلة خليتها اول شي بحياتكم والللي هية
الشرف...
وعرضكم ..
اليوم ندسو بشرفكمم وطعنو بي
واحفاد عزام عرضهم خط احمر بنت عمكم نطعنت ونضلمت وتشوهت سمعتها من النجسين
ووسفة بديواني وبيتي تنضلم بنيتي وانة اسكت
تطلعون هسة تروحون تجيبولي حق بت عمكم وعرضكمم وتجون عسى ما تصير عشاير
تجيبون حقها وتجون واذا ما اخذتو حقها لا تشوفونني وجوهكم مرا ثانية
ورجلكم متعتب الديوان هذا
سلام : منو التجرااا طعن بعرضها وضلمهاااا واللللله ما نولدددد الييي يمسسس عرضناااا
جاسر : جدي شجاي يصير
الجد : هاك وشوف
ملاك : اخذة جاسر واني دفنت روحي بحضن جدو ماريد اشوف نضراتة شوية وسمعت جدو يصيح بييي
الجد؛ لا تباوووعععع بهاي النضرةةةة ولا تغلطط نفس الغلط انة اذا اكول كلمة تمشيي على الكللل ومن اكوللل ملاك مضلومة يعني مضلومة فاهم اخيتككك ما غلطتتت اذا بيك خير روح جيب حقها و تعال
جراح : حقها راجعلها والة لزوعةةة حليب امة اللي نشر وسوة هالصوررر ومثل ماكلت منرجع للبيت اذا مو حقها ويانة
ملاك : لاول مرا احس بمعنة السند لاول مرا احس بامان الاب حسيتة بينهم
بين حضن جدو وبين ولد عمي اللي مصرين على اخذ حقي حمدت الله وشكرتة ان ما ضلموني وحمدت الله وشكرتة على هيج عائلة
طلعو كلهم حضرو سلاحهم واخذو موبايلي وطلعو
دعيت الله ميتاذون
محد درة بالموضوع غيرنة لا بيبي ولا نور ولا نغم كلها سئلت وكلها بس جدو سكتهم
الجد : الموووضووع هذا مينفتح ومحد يسئل عليي
الجدة : وين راحو وليداتنة وهمة مسلحين شصاير فهموني
الجد : مصاير شي كلت ينسد الموضوع وملاك متحجي شي لحد يسالهة
ملاك : رحت لغرفتي لميت نفسي وحضنت رجلية لصدري
غمضت عيني وورجع كلام جدو يتردد براسي
_ انة خايف عليج من الناس اللي برا الكلية انتي ماشايفة العالم اللي برا الناس وحوش وانتن ورود اي خطا توكع اوراقجن وتموتن
صحيح اي كل حجية صح مو كل الناس نفسنة مو كل الناس نفس ولد عمي مو كل البنات نفس بنات عمي وطيبتههم
اني صوجي اي اني جنت اصور وياهن صور هاي صوري وية البنية بالشعبة اكيد هية مطيتهم الة و سووهن فوتوشوب
ربي شنو مسوية بحياتي اني ليش هيج يصير بية ممسوية غللط بعمري كلة
ليش هيج يصير وياي
حطيت راسي على رجلية وشهكت قوي وكمت ابجي بحركة كلب
كل الضغط جتمع عندي مكدرت اسيطر على روحي اكثر بجيت وبجيت وبجيت وبجيت وبجيت وبجيت
بحيث حيلي كام يرجف من البجي والشهكة متفاركني حتى من اسكت
بال3 ساعات اني ابجي عيوني صارت نارر وتحركني صرت ابجي من وراها ومن ورا قهري د
وكلساع باوع على جسمي واثار الضرب وازيد
وساعة اباوع على صورة ماما وبابا وابجي وساعة كتبي وساعة افكر بكلشي
لتمن علية من كل جهة واني خاتلة بمكان بين الكنتور والحايط ضاق ال نفس بية
وكلشي ضاق احس حياتي ضاقت علية
اريد اصرخ بس مداكدر
من تعبي وكرهي للكلية كمت اشكك بالكتب واشمرهن و واضرب بيهن بالحايط كلشي شكيت رحت على الميز تواليت كمت اكسر بالعطور والمكياج واني ابجييي
على صوت التكسير كلها صعدت نكسر كلشي بالغرفة حتى المراية كسرتها روحي احسها شابة بيهة نار
كلشي جتمع عندي موتت بابا وماما وذاك اليوم واللي صار بالكلية وكلشي
علي : ملاككك فتحي الباب بوية لتاذين روحج محد يستاهل فتحيهة حبيبتي
ملاك : سكتت ووكفت جتني لحضة غمضت عيني ورحت فتحت الباب لكيتهم كبالي عمو علي ونغم ومريم وعمة فاطمة تقرب علية عمو علي
باوعت علي ودموعي تنزل تقرب لزمني حيلي باد ووكعت بالكاع وكع وياي وجرني لحضنة
الضعف اللي حسيت بي بهاي اللحضة صعب
الشهكة متوكف جسمي كل ما اشهك يختض شالني عمو علي واني دموعي تنزل بهدوء حسيت جسسمي تعب
غمضت عيني وحطيت راسي على جتفة
وداني للغرفة مالتهم نومني على الجرباية غطاني واني درت وجهي وغطيت راسي ماريد اسمع اي شخص ماريد اشوف اي بشر
حسو بية وطفو الضوة وطلعو غمضضت عيني تعبت واريد انام بس شهكتي مدتوكف
غمضت عيني وجسمي سكن وغفيت
نور : ضلل الموضوع بالي ورا ما حجة جدو وسكتنة وضع ملاك مو طبيعي تمنيت اكدر اتحرك وامشي واروح الهة
ضل بالي يمهة 3 ساعات وسمعنا صوت التكسير متت خوف عليهة اريد اكوم بس ماكدر ومحد اجاني
نزلو ورا شوية
جتي يمي عمة مريم
وجدو جان واكف يمي الدرج نزل عمو علي
الجدد : ها بوية شونها
علي : بوية منتهية ملاك دتروح من ايدينا والله شصاير فهموني
الجد : بوية طمني شبيهة
علي : وديتها لغرفتي ونامت تريد تضل وحدها
الجد : تعال وراي للديوان
نور : مريم شون صارت فدوا طمنيني
مريم : وضعها يبجي مكسرة كلشي بالغرفة وعيونها دم من البجي بس لزمها علي وكعت وتشهك شهكة مو طبيعية
نور : اريد اروحلهة
مريم : نامت هسة خليهة بعدين نحجي وياها
نور : سودة علية يروحيي شصاير بيهة
ملاك : ضعفت وحسيت الحياه وكفت بوجهي حسيت كلشي ضدي
هاي اللحضات الانسان بيهة يحس بنفسة عالة بالحياه
اني همات حسيتني زايدة بحياتي مالي معنة بس اذية اجيبلهم شنو فائدتي
بياض يحيط بية وفاتو يمي بتسمت واني اشوف وجهم النوراني اللي يشع نور
ردت رحت ركض حضنتهم ثنينهم سوة واني ابجي
عبدالرحمن : اشششش لتبجين الجاي احسن بهواي لتضعفين وحاربي انت قوية ورح تكدرين تغلبين على هالاختبارات
ملاك : تعبت
حنان : بنيتي متتعب اخيج يسندج منا وابن عمج منا وتمشين وانتي بامان
ملاك : اريد اجي يمكم اخذوني الكم
عبدالرحمن : وراج حياه طويلة تعيشيهة بابا لتستعجلين على رزقج
ملاك : لا تعوفوني فدوة تعالو يومية
عبدالرحمن : بيوم اللي تكونين محتاجتنة كلش احنة نكون يمج
ملاك : ضليت حاضنتهم حسيت الحلم حقيقة
شهكت قوي وكمت مفزوعة حلم اي حلم هذا
شتميت ثوبي عطرهم بعدة بخشمي احس كلبي هدا وسكن رجعت ضهري للجرباية وسندت روحي عليها
ودموعي تنزل ليش ما عاشو ليش نحرمت منهم
مسحت دموعي ورجعت مددت واني صافنة بالفراغ شوية ونفتحت الباب وفات عمو علي
تقرب كعد يمي وخلة ايدة على راسي ويمسح على شعري
علي : ليش تقهرين بروحج على شنو
ملاك : اريد ماما وبابا
علي : الله يرحمهم.....
ملاك : لتفكرين بيهم وهمة بمكان احسن ادعيلهم وترحميلهم احسن الج اعرف عمو اعرف
علي : انة هم مشتاقلة جان ابوج صديقي كلش جنت استشيرة بكلشي حتى قبل ابوية اروحلة وفقدتة بيوم وليلة
ضل اثر. كبير بحياتنة صدكيني محد ينساه وكلنا نتذكرة ونتوجع بس هاي لحياه
محد دايم لاحد كلش شخص ويومة
ملاك : جدو كالك
علي : اي
ملاك : مارجعو
علي : لا بعدهم
ملاك؛ خايفوة اخاف يتاذون
علي : ذولة زلم من شنو تخافين عليهم
ملاك : همة اخواني
علي : ميرجعون الة يجيبولج حقج لتخافين
ملاك : غمضت عيني وهوة يمسد على راسي رجعت نمت من التعب احس حيلي مهدود
لثاني يوم من الصبح كمت سمعت صوت صياح كتشفت اني بعدني نايمة بغرفة عمو علي شكد عيب
سمعت صوتهم جوة كمت بساع جريت شال لبستة ونزلت اركض
باوعت للاستقبال كلهم كاعدين ولد عمي وجاسر وجراح ركضت حضنت جاسر هوة وكاعد
كام وحضني
جاسر : ههههه شبيج يروحي
ملاك : مابيك شي مو متاذيتو
جاسر : مابينة شي لتخافين رجعنالج حقج مربعتين والكلية كلهة حتوكفلج من تداومين
ملاك؛ دنجت راسي واني ابجي _ ماريد اداوم
اسلام : لا بروح ابوج خاف ماراضية خايبة صارلنة يوم مانايمين وناخذلج حقج تالي تبطلين
ملاك : اي ماريد تعرف الحجي اللي يصير علية هناك
جراح : امشي بزود محد يتجرا يمسج بكلمة دامنا نشم الهوا
ملاك : بتسمت واني مدنجة تقرب باس راسي جاسر ونطاني موبايلي
الجد : من بعد السويتو خليتوني اامن وانام مرتاح
عقيل : جا شنو جدي جنت ممامن علينة شني السالفة
ملاك : هههههه ليش انتو تتامنون
حيدر : والله عمي زين امنتو جان بكناكم
جراح : مو انتو صدك متتامنون لان اخذتو على نفسكم ومطاية لان مفهمتو قصدة
الجد : هوة هذا اللي بعدي يصير شيخ
امير : عمي خلي بالعافية علي خلي ياخذها وانطي فوكاها فائدة
جاسر : انة هم فوكاها انطي
ملاك : ضلو يسولفون اخذت موبايلي وصعدت فوك اكلب واشوف شمسوين ماسحين كلشي بس الكروب ممسوح فتت ناشرين رسالة بالكروب العام مال الكلية كلها ناشر العميد اعتذار
وكاتب ان لازمين اللي مسوين هيج ورح ياخذون اجراء بحقة
وحاجي حجي هواي ان اي شخص يحجي بهالموضوع ينفصل او يرسب سنة
ضليت مصدومة وفاتحة حلكي وكلها جوة كاتبة يستاهلون واكو بيهم كاتبين والنعم من اخوانها
حسيت بفخر واللنبي شون شعور حلو من يكونلك سند
نزلت جوة يم نور سولفتلهم السالفة خطية هية ضلت قلقانة وياي
_________
من يوم اللي تععاركنا هوة محجة وياي وهاي مرت يومين يفوت ميباوع بوجهي ويطلع بسرعة من الغرفة عبالك مطايق وجودي تعبت وبجيت ماتحمل يتعامل وياي هيج
من رجع الوضع طبيعي بالبيت حاولت اتودد الة واحجي وياه بس هوة ولا يمة عبالك اني خيال كدامة انسانة غير مرئية
بالليل حرت شنو اسوي رحت كشخت ولبست شورت ستن ووياه فانيلتة لونهن اسود يحبهن هواي ذني
خليت حمرة حمرة ورشيت عطر طلعت لكيتة يباوع بالتلفزيون رحت طلعت من الثلاجة نساتل وعصيرر وجبت كرزات بس رتبتهن وحطيتهن على الطبلة وكعدت بصفة اريدة يباوع ولا يمة
ضليت احوص والوب بالاخير كتلة
_ نطلع فلم
علي : لا
نغم : لويشش
علي : مالي مزاج
نغم : زين طلع قناه حلوة شنو مطلعلي عمليات
علي : ميعجبج كومي محد جابرج تضلين
نغم : يعني ميصير نكعد شوية سوة
علي : هه نكعد سوة
نغم : اي شبيك تستهزء محجيت شي اني
علي : نغم راسي حينفجر وخري من يمي لا اطلع قهري بيج
نغم : تقربت علي العب بياخة تراكة _ طلعة اني راضية
علي : وخرييي جاي اكلجج
نغم : صفنت علي من عاط بوجهي كام شال موبايلة وراح طفة الطلوب ومدد ضليت بمكاني الدمعة بعيني يعني شنو هاي حتى ميخلي الواحد يعتذر
رفعت رجلية وحضنت نفسي باردة كلش الغرفة بس ضليت هيج عبالك اعاقب روحي على السويتة بي
بديت اثلج وكمت بادي امسح على رجلية وزنودي
غمضت عيني اريد اغفى وصدك غفيت
بس نص الليل صحيت ارجففف رجف من البرد فتحت عيني بلاعيمي تاذيني حتة من ابلع ريكي
دموعي كامت تنزل من البرد اتلمس جسمي حار بس بردانة ماعرف ليش كمت داريد انهض روحي بس احس البرودة دتخلة بعضامي اول ما وكفت وكعت بالكاع صرخت
_ اهخخخخخ اه ايديي
بسرعة فز علي على صوتي وكمز تقرب مني لزمني ونصدم
علي : ولج صايرا نار كومي وياي
نغم : تقرب شالني وخلاني على الجرباية توة ديذبني جتني العطسة حرت وين ادير وجهي جان تصير بوجهة
حسيت بلاعيمي تجرحت لان جانت ناشفة صار رذاذ الهوة كلة بوجهة غمض عينة ممتوقع الحركة
بنص المي جتني الضحكة رفع ايدة مسح وجهي وتنهد احسة يصبر بنفسة ميضربني راح جاب من الثلاجة لزكة صخونة وعلاج حط اللزكة على كصتي ونكع خاولي بالمي وخلاه على رجلية ستغربت من حركتة بديت ادوخ وراسي يفتر من الدوة ديكوم لزمتة من تشيرتة قوي
_ ل لتروح ا ابقى ا اخاف
علي : من شنو تخافين يحضي
نغم : ماعرف شجنتت احجي بس جنت اتخيل روحي. طفلة وبابا واكف كبالي
_ هممم عوعو ياكلني
علي : انتي ياكلج عوعو انتي تاكلي مو ياكلج
نغم : بجيت _ ح حباب بابا لتعوفني تعاي تعال هنا
_ اشرت على الجرباية بصفي
علي : بس اغسل واجيج
نغم : لزمت تشيرتة تقوى _ لا لا تعال لتغسل مابيك شي انتة حلو
علي : لا اله الة الله هههه
نغم : صعد مدد واني درت روحي علي خليت راسي بركبتة وايدي لفيتهة على جتفة عبالك رح ينهزم مد ايدة على خصري والثانية يمسد بيهة على شعري هية ثواني وغفيت محسيت بشي
صحيت ثاني يوم باوعت مموجود يمي بديت اتذكر شسويت وشحجيت واحس اريد اضرب روحي على هالتجفص
طلع من الحمام يعطس باوعت علي خشمة احمر عيونة همات ويجر بخشمة
علي : صح النوم وشكرا على العدوة
نغم : ياعدوة
علي : عطستج جابت نتيجة ماشالله فوكاها مخلتني اغسل
نغم : ردت اضحك بس ضميت ضحكتي وكمت لنص الطريق مكدرت وكعت بالكاع اضحك عبالك مدري ششايفة
بس شكلة ي ضحك
علي : يعني فرحانة بهالانجاز مداشوف دربي من النشلة
نغم : ههههههه خليتك ترتاتح بالبيت اعترف
علي : اي ارتاح وكاتلني المرض هيج راحة متنراد
نغم : تقربت منة يعني من حجية وياي مبين نسة جان كاعد على ايد القنفة كمزت حضنتة وتعلقت بركبتة هوة نصدم من حركتي وباوعلي رفع حاجبة عبالك عرف شنو نويت دنجت راسي ضامة ابتسامتي خليتة بركبتة
وهمست _ اسفة متتكرر والله _ باوعت علي وبرطمت برائة
علي : اخرر مرة والله مرة الثانية تصرفي يصير غير شكل
نغم : كمزت علي جان نوكع على القنفة ثنيناتنا _صرت فوكا وشعري مطشر على جسمة
علي : هممم مدامنة مرضة ثنينة ونعدينا ميفرق اذا طلعنة الاشتياق
نغم : عفية اشتياقك شوكت يخلص مادري
علي : افا عليج يخلص عمري واشتيقاي ميخلص
نغم؛ هههه اسم الله عليك _ تقرب بوكاحة باسني بشفتي واخذني وياه لمكانة لخاص
_________
نور : مرت فترة واني بوضعي هاذا مشفت راسي ابد يجي عمو علي يفل الضماد ويبدلة ويروح بدون ما شاوف شي
لحد ما شلت التجبيس ومن رجعنا قبل ليشيل الضماد عمو علي كعد كبالي وواكفين ماما وبابا وملاك وبيبي كبالي همات
علي : نونة حبيبتي باعي اريد اكلج شغلة
نور : شنو عمو خوفتوني
علي : باعي راسج جان متاذي هواي من الضربة والعملية متكمل ومنكدر نسويهة لان شعرج انتي كثيف كلش وطويل ف زينة مكان الضربة
نور : وكع كلامة مثل الصاقعة على راسي _ شنو يعني بس شعري موجود هياتة
علي؛ مو كلة زينا بس دائرة اللي صارت بيهة العملية
نور : وكعت دموعي _ ليش مكلتولي لعد ليشش
علي : مردت اكلج وتنقهرين لان انتي جنتي مريضة وراسج باقل حركة يتضرر بس هسة خلاص رح اشيل الضماد من راسج ولتخافين يطول والله ويرجع مثل قبل
نور : درت وجهي واني ابجي وميتة قهر شعري اموت جنت ولا اكص خصلة منة وهسة زينو كومة منة واني اكول ليش اللي بهاي الجهة قليل مو مثل ذيج
فتح الضماد رحت للمراية شفتة صح ملتئم الجرح
والمكان الي مزيني الشعر بي طولان شوية يعني صاير مثل شعر الرياجيل من يطول شوية يعني طول الشعراية تطلع نص اصبع
ضليت اكل بروحي ابجي وهمة يمي يواسوني بس صعبة شعري اموت جنت ولا يصيرلة شي
بعدين رحت غسلتة لان صارلي شهر مغاسلتة
وطلعت برا لبست شفقة جراح ماريد احد يشوفة لان بعدة شكلة مو حلو
من طلعت من الحمام صار بوجهي جراح باوعلي وبتسم تقرب وخرا الشفقة من راسي ردت امنعة بس تقرب باس راسي والجرح ومكان شعري
جراح : انتي حلوة بكل حالاتج ومستحيل بيوم تكونين مو حلوة مالة داعي لهالسوالف احنة اهلج ومرح نعيبب عليج لتخافين وصيت صديقي كتلة اريد شي يطول الشعر ورح يجيبلج انواع الزيوت كلها واذا تريدين اني احطهن بايدي الج
بس لتلبسين الشفثة بعد ماشي
نور : هزيت راسي وحضني بتسمت علي شكد حنين رغم هوة ميحجي وياي هواي ومنلتقي لان شغلة ماخذة نص الوكت بس من يشوفني يحجي كلمة تعوضني عن كل الايام اللي مشفتهن بي
___________________
ملاك : رجعت للكلية داومت ومحد حجة بالموضوع ومحد تجرا وسمعتة فتح حلكة الضاهر مهددين الكلية كلها ولد عزام هههه
مر اسبوعين على دوامي
وبيوم من الايام
ندكت الباب ونسوان فاتن هواي من شفتهن عرفت خطبة بس لمنو ماعرف
فاتن وطلعت قدمتلهن الضيافة ونور ضلت متقبل تطلع علمود شعرها كعدت وضلت تحجي بالاخير كالت جاايين نريد ملوكة لابنة اني نصدمت
كل ضني لعمة مريم الخطابة
اباوع عليهة بتسمت وراحت الخبيثة تكيف من يخطبوني
ضلو يحجون واني كمت
نور : العبببب حتزوجججج حبيبي
ملاك؛ نجبيي بلة مالي خلك_ طبت عمة مريم تضرب اصبعين بس بدون صوت وتهز
مريم : العببب حسوني رش الدربونة جتك ملوكة الخاتونة
نور : حسونييي طفي الكلووب خدها يشع ية الرووب
ملاك : اباوع عليهن شون يردحن مكيفات واني فجا خطر على بالي جراح شنو حيصير بي شنو ردة فعلة ياترى مثل قبل من جنة ملاك لجراح ونور لجاسر لو تغير كلشي
حسيت كلبي نقبض بس تذكرتة شرح يصير ماعرف شسوي اذا سئلوني شنو اكول
راحن النسوان وضلت بيبي تحجي تكول مبينة خوش قسمة منضيعهة من ايدينة
لليل ورا العشة كاعدين بيبي فتحت الموضوع
بلعت ريكي وعيني على جراح اريد اشوف ردة فعلة جان لازم موبايلة ويكلب بي بس بيبي كالت جاايين خطابة على ملاك رفع راسة وباوعلي واني نخلست دنجت راسي باوعت علي من جوة جوة عقد حواجبة وشمر الموبايل ويستمع لبيبي
الجدة : مبين خوش ولد ودكتور واهلة خوش ناس انة اعرف امة فقيرة وماعندة خوات وحيد امة وابو يعني تعيش مدللة وهمات هوة مرحلة اخيرة يعني اكبر منهة بسنتين خوش ماكو فرق عمر جبير
ملوكة 22 وهوة 24
الجد : يصير خير اسئل عليهم ونشوف
ملاك : فتحت عيوني يسئل عليهم يعني شنو موافق
باوعت لعمو علي غمض عينة يطمني وحجة
علي : بوية شنو يعني موافق
الجد : اذا قسمة زينة ليش لا بعدين هية كبرت بعد شكو
ملاك : جدو بس اني ماريد اتزوج
الجد : بوية كل نسوانة كالت هيج بس تزوجن شنو فرقج عنهن مدام الله رازقني النفس اللي بصدري اامنن عليمن قبل لاموت انتي ومريم نور
ملاك : جدو اريد اخلص كليتي
الجد : تخلصيهة بوية تخلصيهة يمة قابل مانعج الولد
ملاك : بس.....
الجدد : حجية انتي وام جراح من باجر طلعن دورن نسوان لجراح وجاسر وراها دوري خليل ومصطفى
ملاك : صدمة ورة صدمة ضلينة كلنة مصدومين
جراح : جدي شكو شصاير شنو حتزوجنة كلنة
الجد : اي ازوجكم شعدكم كاعدين هيج انتة طبيت ال34 وانتة الثاني ب33 وانتو هم حن
حتفوتون ال30 شمنتضرين بلة هسة البنات نكول اي حقهن انتو شكو منتضرين شكو شو الله رازقكم ومكنكم ماعدكم مهر واستقرار ومستقرين بعدعليش منتضرين
جاسر : جدي صلي على النبي
الجد؛ اللهم صلي على محمد وال محمد
جاسر : اي وخلينة نحجي
حسين : شتحجون بوية بس نطوني سبب يمنعكم تزوجون يعني شو شغلكم ومستقر غرفكم كاملة مهر وعدكم خير منالله فلوس وخير جدكم موجود شنو المانعكم بوية لاتمشون بطريق عمكم بلة عمكم لل30 يلة ستقر شغلة انتو شو من العشرينات مستقرين بعد شكو
جراح؛ عمي هوة مو غصب يعني قابل انة صغير وتغصبوني انة من اقرر واشوف نفسي مستعد اجي اكلكم
الجد : ماكو بعد حجي كلت كلمتي وينسد النقاش خلاص
ملاك : ضلينةة كلنة صافنين مرت شكم سنة صح وطول هالسنين من دخلنة كلية جوي هواي خطابة بس جنة نرفض وجدو ممانعنة
وجراح وجاسر هما كومة صارلهم يقنعون بيهم للزواج وميرضون بس جدو هسة فجا قرر يزوجنة شكو ومننو وشصار مندري
كل واحد حار بصدمتة بس اني الاقوى يمكن همة ولد بلة اني شسوي لكلبي احس ممتقبل لفكرة
صعدت لغرفتي افتر واحاول اقنع روحي
_ شدتنتضرين غير افهم منو بالج جراح نجبي وسكتي متحبي انتي دسامحي اول وبعدين حبي
لا كليخرا تحبي انتي لتقنعين روحج بهالحجي تحبي ومتكدرين بدونة
ماحبة لا وين حابتة شو حتة ماباوع علي هواي يعني ممهتمتلة
لان انتي تمنعين روحج تباوعيلة جذابة
كافي ماحبة هوة حيزوج ويستقر
لا ميزوج لا هسة يقنع جدو
شيقنع منة مشفتي جدو حيزوجنة كلنة بنفس اليوم زهك من عدنا
لا ميسويهة يحبنة هوة واهم شي رضانا عندة
اهخخخ كافييي تفكيررر كافيييي
لزمت راسي حينفجر كمت نزلت جوة للحديقة اريد اتنفس ختنكت
توني مشيت داكعد على المرجوحة جان احس ايد تتخلة على حلكي وتسحبني لداخل الشجرة.............
يتبع.....
__________________
اتمنى يعجبكم البارت 💕
انتضروني بارت جديد 💕
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!