رواية ملاك الشيخ جراح الفصل الرابع والعشرون 24 - بقلم ~yaqeen.hassan~

‏أبحث عن صورتكِ
و أناغيها گ طفل
يكتشف
الوجوه للتو...

لتنسون النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _الثالث والعشرون

ملاك : صحينا على معجزة اي معجزة

معجزة حيتنا من جديد  جان امل شفائها قليل بس  صحينا ثانية يوم

لكوها متحسنة وحالتها مستقرة

طلعت من العناية المشددة خلوها بالغرفة

اللقاء جان صعب واني اشوف راسها كلة ملفوف وبركبتهة هاي مثل اللفاف تسند الركبة

شون حزام لضهرى بس هاي للركبة رافعة راسها ليفوك

ايدها اليسرة ورجلها اليسرة همات مكسرات ومجبسيهن لان واكعة على جهة وحدة

مكدرت اتقرب منها لان ميصير نلمسها اصلا النضر من بعيد جان الشي الوحيد اللي نكدرلة

بعد ما شبعنا منها طلعنة كلنا لان ميصير

علي : خلاص هسة مدام  ستقرت حالتها  رجعو للبيت

ملاك : عمو متصحى

علي : لا  لازم تضل اسبوع  يلة تصحى ووكعدتكم مالهة داعي واحد منكم يضل بس

جراح : انة اضل

علي : اي بس انتة وانتو روحو لبييت طمنو امي عليهة واني عود هم اطمنكم عليهة يومية

جراح : روح انتهة هم عمي روح بدل من البارحة بملابسك

علي : اي هوة هيج يلة امشو

نغم : طلعنة وكلبنا مرتاح رجعنا للبييت حجة وية امة ومريم وطمنهن ونسوان واخوتة  همات اصفن عليهم شون حب بيناتهم الله يديمهة يعني حتى نسوان عمامها يبجن عليهة

صعدت فوك حضرتلة الحمام صعد سبح واني وراه طلعت انشف بشعري وكعدت يمة

_ يعني هسة هية بخير ماكو خطر

علي : لا هم اكو خطر بس مو توصل لدرجة انو تموت لا سامح الله يجوز تصير اعراض جانبية بس نشالله متصير

نغم : ها مو مصدكتك من كلت

علي : ليش مجذب عليج قبل

نغم؛ لا يعني انتو متحب تقلقهم يعني متكللهم الصراحة

علي  : اي صحيح

نغم : تنام

علي : اههخ لا اروح للمستشفى اشوف حالتها واتعشى وية جراا لان هذا لو ضل مياكل اعرف بي

نغم : ماشي انتضرك عود

علي : يلة اروح انة

نغم : تقربت حضنتة بادلني وحضني قوي _ لتخاف نشالله ترجع ووتكوم بالسلامة ورح اكعد اقرالها قران وادعيلهة _ حضن وجهي بكفوف ايدة

علي : اني محضوض بيج

نغم : شوف عترفت اخيرا ان اني مميزة وحسنتلك حياتك _ حجيتهة بغرور ورجعت شعري ورا

علي : ههههههههه والله ضحكتيني اي يابة طبعا انتي مميزة وين الكة وحدة تنكد علية ليل نهار

نغم : ياااا عليييي _ ضربتة بصدرة

علي : اسفين اسفين يابة خلاص سكتت هههه

نغم : مو صوجك صوجي اني اضحكك

علي : يلة مع السلامة

نغم : باس راسي _ الله وياك 

ملاك : فتنة للبيت رحت لغرفتها نمت على الجرباية ودموعيي كامت تنزل همست بصوت ناصي _ شتاقيتلج ولج نويرة وينج ليش عفتيني تعاي ناكل كيكة

لبيت فارغ بلياج البيت اضلم تعاي ونسيني منو الي بعدج

والله اذا مارجعتي ازعل عليج وما اسامحج ولا ارضة  كومي باسرع وقت والله ماتحمل انام الليل بدونج

مرت الايام وبيتنة بدون روح

اني حابسة روحي بالغرفة انزل اكل لكمتين واصعد لو ابجي لو اقرة قران وادعيله

عمة حابسة روحها بالغرفة وتقرة قران وبيبي يمها

جاسر وجراح يمها

خليل ومصطفى  قايمين بالبيت اي خطار اي كعدة صارو بمكان جاسر و جراح

وجدو وعمو نفس عادتهم همات كعداتت بس يكعدون بين  الناس بدون نفس

مر اسبوع  وشالو الاجهزة عنها وكالو باي لحضة تصحى اني وعمة وبيبي وعمو وجدو وجراح وجاسر وعمو علي داير مدايرها كلنا ننتضرها تصحى وتفتح عيونها

________________

نور : انك تشوف الموت بعيونك صعب

كلشي صار كبالي

هية ثواني...لحضات  ...

بس فكرت بكلشي بحياتي كل

اهلي..

صديقاتي...

كليتي ....

ملاك..

وحب حياتي... روحي... الشخص اللي ملك كلبي.. ياترى شنو حيصير اذا متت

رح يحزن رح  يتندم رح يضل يحبني رح يتزوج رح تاخذة غيري

اهلي ياترى شنو  حيسوون يصرخون يبجون يتخربطون

اخواني ياتترى حيفتقدوني  منو يغسللهم ملابسهم منو يكويلهم منو يغسل سيارتهم برشاوي

كليتي التعبت بيهة اللي بقتلي سنة وحدة واتخرج ياترى هم ينطون لاهلي شهادة  ويعلكوهة

كل هذا مر بالي   ماصرخت بس نضربت بالمحجر حسيت شي ببدماغي طك ردت اصرخ بس سحبني ضلام قوي حسيت جرني من زيك تراكي بقوة

محسيت بعدين بشي ضلام ضل داير مداريتي وحواليي

خلاني اصرخ بداخلي اريد ضوة اريد اهلي جنت احس روحي طايرا بنص هذا  الضلام 

وشي خانكني خنك ميخليني احجي

فتحت عيني وحسيت الهوى دخل لريتي محى حتى الخنكة اللي بصدري

بدة الضوة يدخل ويدخل وحسيت عيني نعمت من الضلمة عقدت حواجبي وبديت افتح شوية شوية  وبديت اميز داير مدايري منو هذا بابا وماما  اي  ذولة همة جراح وملاك عمو علي وجدو وبيبي  وهذا هوة هياتة واكف بطولة يباوع بقلق

بديت اغمض وافتح اريد  اريد اعود عيني

  جسمي جان مخدر ماحس بي 

حلكي احسة ملزوك بصمغ ماكدر احجي

علي : نونة باعيلي حبيبتي تعرفينة  مو تذكرين

نور : غمضت عيني وفتحتهة لان مجنت اكدر احجي

علي : تشوفيني تسمعيني

نور : غمضت عيني مرة لخ

علي : تمام الحمد الله 

نور : تقربت مني ماما تبوس براسي وبابا همات واخواني داير مدايري باوعت لملاك بتسمت اريدهة تجي

شهكت قوي وتقربت لزمت ايدي وتبجي اريد احجي بس احس  شي يمنعني باوعت لعمو علي اريد افهمة بنضراتي

علي : لتخافين هذا شي طبيعي بعدين شوية شوية تكومين تحجين

نور : ضلو هيج يبوسون بية ويحاولون يحجوني بعيني دورت علي باوعتة وكاف بالباب وصافن علية

وعيونة مغوركة بالدمع محد جان منتبهلة بس شافني اباوعلة بتسم ونزلت دمعة من عينة جان يطلع بساع

ضليت صافنة بجة بجة علمودي  

اول مرا اشوف دموعة  ...

اخر مرا بجة بوفاه عمو وعمة وهسة بجة علية معقولة نسى وسامحني معقولة حيرجع   مثل قبل

حسيت رتاحيت من شفت ابتسامتة هواي رتاحيت وردتلي الحياه والروح

ملاك : ضلت نور يوم ثاني بالمستشفى ورجعناها للبيت

وضعها جان صعب وحرج وصعب بالتعامل وياها عمو علي علم نغم وصارت هية مرافقتها بكل مكان توديها للحمام اذا حتاجت شي او اذا رادت تكوم 

لحد هاللحضة متدري بشعرها وماعرف شحتسوي اذا عرفت

شعرنا اني وياها بالنسبة النة شي مقدس منكدر بدونة 

ماعرف شحيصير بيهة اذا عرفت

نور : رجعت للبيت واي حركة خطرة علية عمليتي بس اطخ راسي ياذيني يكوم

توصيات هواااي من عمو علي لان طلعت على مسؤليتة لان ختنكت

اول يوم بالليل نمت جوة باللستقبال ووياية جراح نام 

غمضت عيني اريد اندار باوعت علي لازم موبايلة وصافن

بتسمت _ بس بسس

ولا يامة صافن ومركز بالصورة

_ جراااح اهخخ يابة

جراح  : هااا هاا شبيج تاذيتي

نور : خطية كام مفزوع  _ لا بس داصيحك وانتة ملتهي

باوعت لموبايلة جان المح صورة ملاك من صغيرة

_ يااا هاي بعدها عندك الصورة

جراح : احم اي داصفي الموبايل وطلعت

نور : عندك صورتي

جراح : اي موجودة عندي البوم

نور : نطانياه كعدت اكلب هواي صور الي والهة وفديوهات  اباوع عليهن واضحك

_ هاي هنا  تزحلكت

جراح : اي من نضرب براسها وضلت تصيح راح دمي

نور :  دومها تبجي على دمها

جراح : هة ياريت عدها هواي حتى تبجي علي هية كضتهة من صغرها بيهة فقر دم

نور : ههههه اي والله دومها ددمها خلصان

ضليت اكلب بالصور ففجا طلع من الالبوم لان موبايله غير عن موبايلاتنة طلع ولمحت البوم  واجهتة صورة لملاك سيلفي ومبوزة حلكها اعرف هالصورة بموبايلي موجودة وجواهن مكتوب الصور 100 صورة والاسم حاط قللب اصفر

لون ملاك المفضل باوعت علي جرة مني وباسني براسي

جراح : يلة نامي لتضلين تحجين موزين عليج

نور : تمام _ تمددت وغمضت عيني حاولت انام بس احس شي براسي يدك شي ياذي رفعت ايدي اريد اوكفة ضغطت باصبعي

وحسيت شاغت روحي للسما صرخت صرخة  وصلت لسابع جار

وعلى اثرها غمضت عيني ودخت  ومحسيت بشي....

يتبع.....

__________________

اتمنى يعجبكم البارت 💕

اعرف البارت قصير بس تحملوني كم يوم لان مالي خلك واهسي  رايح

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح