رواية ملاك الشيخ جراح الفصل الثالث والأربعون 43 - بقلم ~yaqeen.hassan~

الجزء الثاني part 9

‏لـقد رٲيتهُا في منامي 

ثم ماذا؟

هرعتُ مسرعاً لتٲمُلِ صوره في هاتفي لٲُطف نار الشوقِ في قلبي...

لتنسون النجمة وعلقو على الفقرات 💕

#الكاتبة : yaqeen. Hassan 

#مـلاك _ الـشيـخ _ جـراح 

#الجزء الثاني 9

ملاك : طلعت من الحمام انشف شعري باوعت علي يشتغل على الحاسبة ومركز بتسمت وميلت راسي اباوعلة 

احلى الايام داعيشهة وياه ماعرف اوصفها من جمالها كل يوم دينطبع بذاكرتي احلى من القبلة 

تنهدت وهوة نتبهلي بتسم ونزع المناضرة واشرلي اجي 

رحت كعدت على الميز كبالة 

جراح : شبيج تتنهدين

ملاك؛ عليك شكد احبك 

جراح : خلص الغزل عليج لازم الاكيلي طريقة جديدة 

ملاك : جراحي 

جراح : روحة 

ملاك : يعني احنة اذا ضلينة هيج على هالوضع نضل للابد هيج نعيش براحة لو شلون يعني 

جراح : الله اذا كاتبلنة الراحة فالحمد الله الشكر اما يجوز ينتضرنة شي بحياتنة اختبار ممكن كلشي نتوقع لان هاي هية الحياه 

ملاك : يعني هم يجي يوم تعوفني

جراح : لا ملاكي مو هيج قصدي انة احبج وانتي تحبيني شوفي حياتنة بدون عقبات شون تمشي بس اذا صار شي فمو مني ومنج لا يجوز طرف ثالث يدخل يجوز يصير شي ياذينة بس احنة هنا نثبت حبنا ونثبت ان رح نكدر نتحمل كل هالاشياء ونصبر عليها 

ملاك : يعني تتوقع رح يدخل طرف ثالث بيناتنا يفرقنا 

جراح : الله اليعلم شمعرفني انة 

ملاك؛ تدري حتى لو طرف ثالث فات اني ما اتركك

جراح : ليش دتفاولين هيج كولي لا سامح الله  

ملاك : اكيد لا سامح الله بس هيج عجبني انكد شوية 

جراح : ههههه كوليهة من اول جاية تحجين بالفراق اكيد وراها نكد 

ملاك : ههههههه صدك خلي نخابر مصطفى وبيان نتونس وياهم شوية 

جراح : ماشي 

ملاك : دك عليهم وفتح كامرة وجهها علي واني جنت اشوفهم بس مضاهرة 

طلع بس مصطفى

مصطفى : هلةةة شلونكككم 

جراح : وزهر شكو تصيح مطي خما مطي

مصطفى : والله انك عار ومو صوجك صوج اللي يجاوبك 

جراح : هاي عليمن العار ولكك 

مصطفى : عليكك وماخاف بعد يلة شتسوي تجيني يعني

جراح؛ سد حلكك واسكت ترا اسويها 

ملاك : اللللله اي سويها بربك واخذني وياك 

مصطفى : خوب انتي بس تسمعين دياحة تكمزين توج جنتي خانسة 

ملاك؛ جراححح شوفة يحجي علية ترضاها على مرتك 

جراح : خلي يفك حلكة بعد بكلمة حتى اسوين نصين 

مصطفى : يمة رجفت رجفت 

ملاك : امشي نروحلة ونعنعنة على كولت بيبي 

مصطفى : دسكتي ام حلك تحجي عود هية 

ملاك : جراح سكتة ترا حنتخارب

جراح : ههههه انتو لشوكت تضلون مزعطة 

مصطفى : من مرتك تبطل السحر عنك

ملاك : هئئ عزا العزاك اني مسوية سحر

مصطفى : هوة انة متعزي تعزيني فوك عزاية 

بيان؛ هااا يعني اني صرت عزا هسة 

مصطفى : مو عليج حبيبي هاي جراح. ديكول هيج على ملاك 

جراح : هههه جذاب خوية عليج عليج

بيان : سدة مصطفى سدةةة

ملاك : اكلها يلة شكلها دعوتي نقبلت ههههه

جراح : لا ولج لتعلكيها بينهم جذب بيان مو عليج صح اني كلتها على ملاك

بيان : صدك 

جراح : اي صدك  

بيان : ها خوش ضلمتك اسفة 

مصطفى : بعد وكت والله 

جراح : هههه يلة روحو بيباي 

مصطفى : خوش مع السلامة 

ملاك : سدة واني تنهدت _ ماكلك بعد شكد يضلون 

جراح : مطولة سالفتهم بوية من ردنة نسفرهم لمصر كالو فوك ال5 سنين علاج عاد هوة ماقتنع وراح لهاي الدولة يعني اقل شي سنتين لو تلاثة 

ملاك : ذاك اليوم عمة خابرتة ضحكت وياه وسولفت بس سدتة كامت تبجي مردت كلبي 

جراح : هاي هوة الرادها ومو كلشي يجي بالسهل الله يشافيها يارب 

ملاك : امين _ جرني من على الميز وكعدني بحضنة ويشم بشعري

جراح : هالاسبوع عندي روحة لبغداد اطول بيهة 

ملاك : انتة مو كلت ماعندي شغل هناك 

جراح : شلون ماعندي شي بوية والافرع والشركة 

ملاك : يعني ميصير تعين واحد يتكفل كل الشغل

جراح : يصير يروحي عينت بس صارلي شهرين مرايح لازم اروح اتفقد الوضع واشوف شصاير ميصير اخليهم على حل شعرهم 

ملاك : ههههه شنو همة بنات حتى تكول هيج

جراح : توقعي الغدر من اقرب الناس الج وانة بمكانتي هاي عندي اعداء هواي ويتمنون وكعتي ماكدر اسلم كلشي بيد الموضفين 

ملاك : الله يحفضك من ذولة الناس ويبعدهم عنك 

جراح : اروحلك فدوة ونذر باعيلي ياروح كلبي 

ملاك : باوعتلك هههه

جراح : اريدج قوية كون محد يكدرلج لحد ما ارجع لان احتمال بيت خوالي يجون هالاسبوع لهذا اريدج سباعية محد يضوجج وياذيج ولتبجين واللي يمسج بكلمة ردي برد محترم مو تجاوز ونوران معليج بيهة ماشي انة سويتلهة كرصة اذن حتة تتوب منج

ملاك : تطمن روح وانتة مأمن عتبرني رجال بضهرك 

جراح : هههه احلى رجال شافتة عيني 

ملاك : خشنت صوتي وحجيت _ عيب عيب بابا لتتغزل متستحي انتة 

جراح : هههههههههههههه 

ملاك : ضحك ورفع راسة ليفوك بتسمت على ضحكتة 

جراح : شنو هاي طريقة اغراء جديدة بوية 

ملاك : مممم مادري بكيفك 

جراح : حك ارنبة انفة على ارنبتي _ تخيلي واصل مرحلة اشوف كلشي منج اغراء

ملاك : ضربتة بصدرة _ هذا مو حب قلةة ادبب 

جراح : هههه ها معاجبتج قلة الادب هاي 

ملاك : لا طبعا 

جراح : خوش جا منو يجي يتحارش تالي الليل ويتوسد حضني مثل البزونة 

ملاك : طيرت عيوني ليفوك ومبتسمة كشفني باوعلي ودغدغني وضحك 

جراح : عبالج مالكفج يعني زعلانة وتجي تفوت بحضني ولا هاي الطريقة الجديدة مال تخلين اصابعج على خشمي شنو فائدتها يعني 

ملاك : هههههههه يعني اشوفك نايم لو لا

جراح : شكلولج الكاعد ميتنفس يعني

ملاك : ههههه اووو رح تجلب عاد خلاص لتضوجني عساس انتة متفرح من احضنك 

جراح : شون ما افرح جا غير عصافير بطني تزقزق 

ملاك : ضيقت عيني بشك _ هاي الجملة مارة علية 

جراح : ههههه اي اي انتة كايلها بيوم المهر عصافير بطنج تزقزق وتركص كالولي عليهن وحدة ووحدة 

ملاك : عزا منو كلك اني مكلت لاحد 

جراح : نور سامعتج حاجيتها وجتي كالتلي بس عجبتي شلون تركص عصافير معدتج

ملاك : خليت ايدي على وجهي _ يوووو حباب كافي جنت مخبله وحجيتها لتلزك بيها 

جراح : شون مالزك جا هية هينة عصافير بطنج تركص

ملاك : هههههه كافيييييي _ ضحك وباس خدي ونزل لركبتي كام وشاللني بلجرباية 

________

مريم : كاعدة انتضرة يدك هففف نعست والله شنو السالفة تالي الليل يلة يدك 

طبعا مرت شهر حياتي اشبه بالخيال وياه 

فاروق شخصية غريبة مرات يكون انسان مرح ويضحك ويشاقة فجا يكلب جدي عصبي 

ساعة يصير رزن وكلمتة كوة تطلع عبالك ديوزنها 

حرت شنو اوصفة وشنو افسر شخصيتة 

بس ايامي وياه كلها حلوة 

نخابر الليل كلة نضل يحجيلي على طفولتة ومدرستة ويومية نوصل لمرحلة من عمرة ونكمل ثاني يوم 

 واليوم ووصلنا من تخرج 

واني تحمست اعرف عن كليتة وشسوة لان شغلة ابد ميجيب طاري ماعرف ليش رغم هوة يعني شي زين تحليلات 

واني افكر. دك الموبايل رفعتة فرحانة 

فتحت المكالمة حجيت بسرعتة _ ويييين جنتتتت

فاروق : هههه ول ابوية انتي شبيج تعيطين 

مريم : شبيةةة الساعة ب1 لا اني النايمة ولا الكاعدة متت تعب من الانتضار 

فاروق : شنو منتضرتني قصاص واكفة شنو التعبج

مريم : اي مليت ونعسانة

فاروق : جان نمتي

مريم : مو شسمة

فاروق : اي شسمة

مريم : اريد تكمل القصة

فاروق : يا قصة

مريم : قصتك وصلنا للاعدادية

فاروق : اي هوةة تخرجت ورحت تحليلات وهاهية

مريم : هااا بس هاي ليش لا احجيلي عن الكلية وهاي الاشياء

فاروق : ياكلية بوية عوفي تعاي اكلج باجر تحضري نطلع سوية نتعشا برا ونفتر

مريم : يعني كتلة لبابا

فاروق : بابا باجر اكلة من اليوم قابل 

مريم : ها يعني شون اتحضر 

فاروق : اجي انة احجي وية ابوج وانتي بدلي وانة انتضرج 

 مريم : تمام... يعني غلست على الكلية خاف جنت مصاحب هواي بيهة لهذا متسولف

فاروق : ههههههه الله وكيلج كضيتها من ملزمة لملزمة 

مريم : اييي فقير انتة ماكو منك يعني تقنعني على جمالك ولا وحدة جتك دكت ميانة ولطشت بيك 

فاروق : اي لطشن بس اني شعلية 

مريم : يعني مصر متحجي

فاروق : انة شكلت بيوم العقد 

مريم : يعني ضام شي 

فاروق :يجي يوم لتخافين وتعرفين 

 مريم : شنو ضام احسك شي خطير ضام 

فاروق : ههههههه مافيا ابوية انتي اني مافيا 

مريم : اي والله تشبههم هواي بس كون ينطوك سلاح ولو انتة عندك يعني كامل كلشي بس الناقص يخطفوني وانتة تجي تنقذني

فاروق : نجبييي ولتعيدين هالحجيي ماشييي 

مريم : نصدمت شبي هذا _ شكو شسويت 

فاروق : هذي السالفة مال الخطف لتجيبيها على لسانج بيش تفاولين

مريم : يعني هسة قابل حتصير وين عايشين احنة 

فاروق : بالعراق العضيم توقعي كلشي منة 

مريم؛ فاروق لتخوفني شبيك حجيتهة الكلمة هيج 

فاروق : خلاص ماكو شي سدي هالسيرة

 مريم : هسة اني شكلت بعدين شكو تغلط علية

فاروق:لان حجيج ماصخ باجر جاي حضري نفسي ونتفاهم عود 

مريم : سدة بوجهي وراح ياه ياه هاي شديصير شبي ليش هيج طنكر اوف تعودت انام على صوتة بس يلة عادي شسوي نتحمل 

ثاني يوم تقريبا ب3 اجة فاني من اجة رحت حضرت ملابسي وصاحوني ماما كلتلي بدلي صعدت بدلت بسرعة ورشيت عطر هواي ولبست كعب ونزلت طلعت اخبل واريد اخبلة 

لكيتة واكف يم بابا يسولف وياه ومبتسم باوعلي فجاه وصفن على طولي 

يمة اني شبيت خجل خرب كبال بابا ونضراته هيج اذا صرنة وحدنا شحيسوي

الجد : يلة بوية روحو لتتاخرون دير بالك على بنيتي 

فاروق :بعيوني عمي يلة من رخصتكم مع السلامة 

مريم : ودعناهم وبابا قبل لا اركب خلة فلوس بايدية بتسمت واخذتهن ضميتهن بجنطتي وركبت سيارتة ضخمة اني صرت مثل الكتكوت بيهة جانت كبيرة كلش باوعت بارجائها بالمراية اللي يم السقف نازل منها مدايلية اسد ومدالية صغيرة عليها ميكي ماوس لا اراديا ضحكت من شفتة باوعلي مستغرب شاف نضري وين وبتسم 

فاروق :هاي بصغري جنت مهووس بميكي ماوس فمرة رحنة سفرة وبنية ويانة نطتنياه وضليت حافظة ذكرى احبة 

مريم : خزرتة بقوة شون يكولها ومرتاح هوة شافني هيج وضحك منوكل كلبة

فاروق : ههههه ههههههههه خرب شوفي شكلج اشاقة ابوية اشاقة هاي هدية من امي 

مريم : متاكدد 

فاروق:هههه اي وعلي 

مريم : ضربتة بايدة _ ليش تضوجني لعد خباثة هية 

فاروق : حلو شكلج من تعصبين 

مريم : اي وعادي تحرك كلبي 

فاروق :افا جا لعد لهالدرجة تحبيني 

مريم : افا وجا بيهة مجال بس جا ولعد سوية مترهم 

فاروق : هههههههه ليش الجا شنو معناها

مريم : عزااا متعرف 

فاروق: لا 

مريم : جا مثل لعد وعجل هيج 

فاروق : يا واني مجنت ادري 

مريم :ضيقت وعيوني بشك _ انتة صداقة وية علي كم سنة

فاروق : 7 سنين 

مريم : هااا وصداقتك وية علي مبينتلك الجا شنو 

فاروق : لا وين واعرف اني

مريم : انتة تضحك علية موو 

فاروق:هههههه لا بوية شضحك ماعرف 

مريم :اي اي صدكتك _ درت وجهي للجامة وضحكت مينعرف جذبة من صدكة 

شغلي المسجل وطلع اغاني كلها مالة ناس مضروبة بوري وناس خاينة وغدارة اني مصدومة شديصير شبي شنو هالرومانسية الزايدة 

ولا من طلع مقطع من اغنية 

فاروق : تعببب سنين راح بلحظة ياحيييف... ماتت الضحكة بوجهنا واحنة ضلينة بحزناااا

مريم : لزمتني الضحكة شون مندمج رفعت موبايل وصورتة بالختلة وهوة مندمج بس عبالكم لزمة لا واللهي طلع يخبل بالفديو واني مستمتعة بصوتة الخشن وية صوت الاغنية 

فاروق : روحييي راحت وياكك ... احضنييي حبيبيي كبل لتروحححححح.. طمنيي عنك كبل لتروح.. سمعنيي صوتكك كبل لتنامم.. روحيي محروكة بلياككك 

مريم : ضليت صافنة على صوتة شلون يخبل عزا انوب كام يلحن بصوتتة عزا سحت على صوتة واستمعلة بهدوء _ من خهلصت الاغنية باوعلي واني صافنة بوجهة 

فاروق : عجبتج 

مريم : صوتك روعة 

فاروق: مو لهلدرجة صوتي خشن 

مريم : اي بس حلو والله صدك حلوات هايةالاغاني بيهن شوف حتى صورتكك 

فاروق : اي نشريني وانشهر ويصيرن عندي معجبات 

مريم : تؤ هاذا الفديو اضمة بس الي محد يشوفة وانتة والله واذا غنيت كبال بنية _ رفعت اصبعي بتهديد هوة جر اصبعي عضة _ اهخخ هاي ليش 

فاروق : تهددين ست مريم لتعيديدها ماحب هالحركات 

مريم :احم اشاقة ترا

فاروق : اعرف بس لتعيديهة 

مريم : تمام _ بتسمت وهوة بتسم وجر ايدي باس اصبعي العضة وضل لازمها بايدة شكد احساس حلو لزمة الايد تنطي شعور بالامان وصلنة لمكان اشبه بالحديقة بس خضارة بيها هواي وراحة نسمة فسية _ هاي وين 

فاروق: مكان سري هذا 

مريم : بالبصرة متاكد هاي هنا 

فاروق : اطلعلج الموقع حتى تصدكين 

مريم :هههه لا بس مصدومة المكان يجنن  

فاروق : تعاي يلة 

مريم : نزلنا وهوة لزم ايدي وكفنا يم مكان مثل الخزانة بيها مربعات فتح واحد ونزل لرجلة ونزع حذائة ونزع جواريبة 

فاروق :نزعي حذائج

مريم :شنو ليش 

فاروق : نزعي معليج نزعي

مريم : دنجت نزعتة واني مستغربة من لمست برودة الحشيش رجلية فد ارتاحيت 

فاروق: تعالي يلة 

مريم : خلة الاحذية بي وجنطتي بس اخذت موبايلي وسدة وخلاه بجيبة المفتاح لزم ايدي ومشينة المكان جان يخبل فارغ وهدوء والهوا بي نقي جان محاوط من كل جهات الاشجار وجوة كل شجرة اكو كعدة وكبالها مثل الطبلة الناصية اخذني وكعدنا بوحدة بعيدة تطل على الكل والمنضر يخبل كعد ومدد واني هم مددت بصفة حاوط كتافي واني ستحيت ردت ابتعد دار وجهة علية وقرب راسة لركبتي يشمني

فاروق :لتخافين محد اكو ومحد يشوفنا 

مريم : احنة وين شو مشايفة هالمكان 

فاروق : هذا مكان خاص شفتة بالنت مسويلة اعلان هذا بس للعشاق يعني المخطوبين والكبلات وهاي السواللف 

مريم :زين ليش فارغ

فاروق : انة فرغتة 

مريم : يعني حجزتة كلةة

فاروق: تستاهلين ماي العين واريد ارتاح يمج شوية سوية وحدنة واهم شي متكدرين تنهزمين من عندي 

مريم : بتسمت بخجل _ زين شتسولف تسولفلي على الكلية مالتك

فاروق :لا اسولفلج حبي الج 

مريم : ماريدد اريد اعرف الكلية شسويت بيها 

فاروق :انة شكلتلج مو كتلج ماريد ملحة 

مريم : يعني فضول اذا انتة ممسوي شي شكو تخاف 

فاروق : ما خايف انة بس اكو اشياء متعرفيهة هسة ميصير 

مريم : هففف تمام زين شنسوي يعني حنضل ساكتين

فاروق: افا ضايجة وانتي وياي تعاي كومي 

مريم : كمنة سوية عبرنة كم شجرة وصارت كبالنة ساحة كبيرة بيها العاب مراجيح وميزان وزحليكة وهاي العاب مال رياضة بس عود للاطفال فد فرحتتتت المكان يخبل 

فاروق :يلة انطلقي 

مريم : ضحكت ورحت على الزحليكة صعدت الدرج وتزحلكت واني اضحك وفرحانة ضليت هيج اصعد وانزل وهوة يصور بية لو يصفن بوجهي ويبتسم 

فاروق : عوفيهة تعاي نلعب ميزان 

مريم : ايييي يلةة تعال _ كمزت بسرعة رحت كعدت جنت نازلة بية بس كعد محسيت غير. طرت ليفوك بحيث شهكت وهوة خربان ضحك 

فاروق : يلة نزليني  

مريم : حاولت انزلة بس شو هذا مينزل عاد هوة فتهم كام ورجعت نزلت عاد كام ينزلة بايدة ويصعدة وانتي اطير وانزل وميتة فرح وهوة يضحك 

فاروق:شكد وزنج يول 

مريم : 52 

فاروق : انة 79 

مريم :عزاااا ليششش انتة ضعيف

فاروق :جا هاي العضلات شفايدتها 

مريم : يعني انتة صدك هذا وزنك 

فاروق : اي شبيج وطولي 185 

مريم : حيللل واني 157 

فاروق: بطوطة انتي 

مريم : هههه حلوة هاي بطوطة 

فاروق : عجبتج خوش جا بطوطة انتي منا وغاد 

مريم : ضحكت ورجع يرفعني عاد نزلنة راح جابلي مي شربت واني اضحك والهث  

فاروق : على كيفج على كيفج لتختنكين

مريم : تعبت 

فاروق : تعاي نرتاح

مريم :لالا تعال نرتاح على المرجوحة تعال يلة _ مشينة سوية ركبت اني وحدة وهوة هم مدري شون شالتة بس متحرك هههه اني بس اتحرك لو هوة يدفعني

فاروق: صارلج شكد مطالعة 

مريم : حيللل صار هواي من صغري مطالعة لهيج اماكن 

فاروق : ليش 

مريم : نطلع للكرايب وللمزرعة للبساتين منجي لهيج اماكن بابا يخاف علينة 

فاروق : حقة انة هم مستحيل اوديج لهيج مكان بي ناس

مريم : تنفست براحة ورفعت راسي ليفوك بتسمت وميلت راسي _ فاروق هم تووقع بيوم نفترق 

فاروق : بالنسبة الي لو ينطوني كلشي بالدنيا ما اتخلى عنج اما انتي تكدرين تتركيني

مريم : اني هم ماعوفك بس حتسوي شي ياذيني يخليني اعوفك _ ضل صافن بعيني ونضراتة احسة حاير بشغله رفعت ايدي مررتها كبال عينة نتبه علية 

فاروق: ها

مريم : وين صفنت 

فاروق :لا هيج شغلة خطرت على بالي 

مريم : تخصني

فاروق : لا انتي شدخلج بالشغل 

مريم :ها 

فاروق : نروح ناكل جعت ترا 

مريم؛ تمام _ رحنة كعدنا بنفس المكان اللي كعدنا بي راح وجاب والاكل جانن لفات صاج ووياهن كنتاكي  

كعدنا ناكل وهوة يسولفلي على بغداد_ صراحة ولا مرا شايفتها اني واتمنى ازورها

فاروق: ورا الزواج اخذج الهة وافرج فرة مصايرة 

مريم : تنهدت وبتسمت _ فاروق  

فاروق:ها 

مريم : احبك _ نزل اللفة وعينة علية ستغرب شوي لان اني محاجيتها ابد بتسم وتقرب جر راسي باسني براسي وطول بالبوسة واني شعور يخبل اجاني

فاروق : حييتيني من جديد وتلوميني من اكلج يافرحتي

مريم :صدك شنو معناها ليش تكولها عود 

فاروق : تعرفين معناها بس نشالله بوقتها متتركيني وتهون عليج هالكلمة

مريم : شلون يعني انتة محدد وقت 

فاروق : لا بس داحجي هيج 

مريم؛ فاروق لتحجي هيج لتخيليني اضل افكر اذا متحجي ومتكول لتنطيني الغاز واضل افكر مابية والله

فاروق : ممنطيج الغاز ابوية انتي داحجي هيج معليج بحجيي يلة 

مريم : كملنة الاكل وكمنا طلعنا رحنا لمول فترينة شوية ودخلني وخلاني اشتري كم شغلة كوة لان جنت مستحية 

مشينة شوية وفوتني لمحل اكسسوارات 

فاروق : فوتي هنا شوفي واشتري واني شوية وارجع ما اتاخر 

مريم : تمام _ فتت ضليت اكلب اخذت كم شغلة ووكفت انتضرة بالباب شوية واجة شايل باقة وورد كبيرة ورد احمر يشعشع يما كلبي ساح والنبي شكلة وية الورد طالع تحفة حرت عليمن اباوع 

تقرب مني وبتسم ومدة الي 

_ ه هذا الي 

فاروق : لا لابوج من ترجعين كليلة من فاروق 

مريم؛ ضحكت واخذتة وشميتة _ يخبلللل شكرا هوايي 

فاروق : امشي يلة 

مريم : طلعنا وراها اكلنا حلويات ووكلني موطة بحيث نتخمت من الاكل 

ب10 تقريبا رجعنا للبيت فتت جوة وهوة سلم على جراح وراح باوعلي جراح وغمز 

جراح : ورد وسوالف لو يشوفج عزام هسة شيكول فوتي من المطبخ احسنلج

مريم : ههههه فدوا لليفكر بعمتة _ رحت من المطبخ الحمد الله جانو كلهم بالاستقبال ملتمين صعدت الغراض للغرفة بدلت واني مبتسمة وفرحانة شكد جان يوم حلو  

نزلت جوة اشرلي بابا اروح يمة 

الجد : بالي ضل يمج 

مريم : لزمت ايدة _ فدوا ونذر اروح لليخاف علية 

الجد؛ خوما ضوجج 

مريم : لا فاروق ماكو منة 

الجدد : الله يوفقكم يارب ونشوف جهالكم 

مريم؛ احبكككك _ حضنتة وضحكت 

بديت اجهز بالايام جنت اطلع اني ونغم وامها نجهز يذبوني بالبيت ويروحون مقصرو وياي باي شي 

وفاروق يوصي بية ويرجع ليورة لحد ما غرفتي صارت بس غراض 

جنت فرحانة لابعد حد وصدك حسيت حياتي وياه رح تصير حلوة لان متراهمين لابعد حد اني وياه  

بيوم رحنا سوية علمود الغرفة  

وكالعادة شغلي اغاني لطم وناس مضروبة بوري 

_ ماكوو شنو هاي كل منركب سوية تطلعلي هالاغاني كافي ميصير نطيني انيي اشغلل 

_ جريت الواير وهوة يضحك علية شغلت اغنية حب ورومانسية 

ومندمجة بيهة واهز براسي 

فاروق؛ يعني هاي الاغنية الي جاي تغنيهة 

مريم : لا انتة شعليك داغنيها لروحي

فاروق : هههههه اي واضح 

مريم : ننننننن _ باوعلي ورفع حاجبة ضحكت ودرت وجهي  

فاروق : هاي نغم جنت اطلعها وياي فتشغل اغنية عن الاخو اكللها هاي علية تكلي لا اكللها على منو تكلي على اخوية اللي ماما طرحتة وهية امي لا طارحة ولا شي 

مريم : هههههه اهم شي الكرامة لعد انتة تطلع اغاني خيانة المن لحبيبتك القديمة

فاروق : اهخخ اي لقصة حبي اللي ماتهنيت بيها

مريم : هاااااااا بدت الفضايح تنكشف

فاروق : ههههه ههههههههه يايابة وياج اخرب ضحك 

مريم : ليشش ششايفني مضحكة 

فاروق:ههههه اي فطاريتج تضحك

مريم : ها يعني تريدني مافيا مثلك 

فاروق :ههههه اي حلو صيري يلوكلج هالدور 

مريم :لا اني بنية مسالمة 

فاروق : اي يابة محد يلحكج 

مريم : هههههه _ ضحكت بصوت ولزمت ايدة وفجا بدون سابق انذار محسينة غير صوت طلقة على اثرها فقد سيطرة على السيارة........ 

يتبع..... 

_________________

اتمنى يعجبكم البارت 💕

اتمنة تكثرون من التصويتات لان ذاك البارت الف مشاهدة وبس 104 تصويتات  اتمنى كل واحد يشوف يصوتلي وهية نجمة لا تتعب ولا شي  دعموني بيها 💕

انتضروني بارت جديد 💕

#الكاتبة : yaqeen. Hassan 

#مـلاك _ الـشيـخ _ جـراح