رواية ملاك الشيخ جراح الفصل السابع والعشرون 27 - بقلم ~yaqeen.hassan~

والله ‏لا  

يروقني غيابكِ 

والصفحةُ الخالية من عطركِ

ونقشُ أناملكِ

لا لون لها ولا طعم...

رجعتلكم بعد غيااااب...... طبعا  طلعت روحي والله حاليا اني فاتحة بكروم اخر مرة نزلت بارت وراها افو للو جنت اقرة قصة اريد افوت اكتب يكلي خطا في  الانترنيت ومدري ايش عاد عبالي من النت مال بيتنة 

ثاني يوم هم نفس الشي عاد مسحتة ونزلتة وهنا نضربت بروي من هذا التمام مسجل دخول بعد بالوات وحاليا هوة هيج هسة بس مزهرية خالتة بالفون 

فتحت من كروم وعبالي مينشر بس هسة يلة عرفت منين ينشر ونشرت اهخخ شكد مشتاقة لهالحضة مال النشر

قبل لتقرون دوسو النجمة وعلقو على الفقرات 💕

#الكاتبة : yaqeen. Hassan 

#مـلاك _ الـشيـخ _ جـراح 

#البارت _السابع والعشرون 

ملاك : ردت اعيط جان يفرني باوعت جراح تنفست قوي وخر ايدة واني احس حيلي راح كعدت

بالكاع ولزمت راسي

_ شبيك خرعتني ردت اموت

جراح : لان ادري بيج حتعيطين  وتفضحينة

ملاك : خزرتة وكمت انفض بروحي

جراح : تعاي اريد احجي وياج

ملاك : ماعنددي حجيي وياك

جراح : تعاي جاي اكلج لتخليني اعصب

ملاك : هففف رحت كعدت على المرجوحة كعد بصفي وبس صوت  الصراصر يوصوص

جراح :  ليش متريدين تزوجين

ملاك  :   ممستعدة بس جددو يريد يخلص من عدنا يمكن

جراح :  مرايدة تزوجين

ملاك :  اي

جراح :  تنهد _ ليش يعني لتكليلي ممستعدة الاستعداد هذا كل والبنات يحجو ويتزوجون عادي

ملاك :  باوعت علي لكيت عينة علية _ انتة ليش متريد تزوج _ عينة صارت تتنقل على وجهي بكل مكان جر حسرة  وباوع كدام

جراح :  مالي مزاج بعدني

ملاك :  ليش هية بالمزاج

جراح : اي الانسان من يكون مالة مزاج مرح يكدر يسوي اي شي وانة تعرفين مزاجي

ملاك  :  اي اعرفة حق المعرفة

جراح : شبيج شو تحجين بستهزاء معاجبج

ملاك :  اي معاجبني لان انتة من جهتك تكول مزاجي عادي واني كتلك ممستعدة تكلي مو عذر

جراح :  انتي بنية وانا ولد

ملاك :  بطل هاي الجملة  ترا مو حلوة

جراح : والله مشكلتج هاي اذا معاجبتج سدي اذنج لتسمعين

ملاك : انتة الحجيت على فكرة

جراح :  ملاك سدي للموضوع اريد اسئلج سؤال

ملاك : كول

جراح :  بعدج شايلة علية بكلبج

ملاك  :  دنجت راسي وحرت شحجي من جهة اكول نسيت بس من جهة اكول لا شنسة اشو لحد هسة اثارهم بجسمي 

جراح :  هالدرجة سؤالي صعب

ملاك :  بتسمت _ اي هذا السؤال اخذ شهر كامل من حياتي ومو اي شهر 3 ايام تعذيب والباقي بالمستشفى والباقي رعب وخوف من ان اشوفكم

جراح :  انة _ تنهد

ملاك : لهالدرجة صعبة بالنسبة الك ومو صعب ان لزمتني ضرب ساعتين  بربك ما عطفت علية متذكرت وكلت ان هاي ملاك الربيتهة اللي  جنت اذا احد مسها اكلب الدنيا

باوعلي مصدوم يمكن مجان ويتوقع هالحجي يطلع مني لان ولا مرة من ذاك اليوم بالسادس ابتدائي ولا مرا حجينة بهالموضوع وذكرتة بالماضي 

ضليت صافنة بعينة اريد اشوف شنو نضرتة

جراح :  حالة عصبية وراحت وية وكتها مرت 4 سنين مكافي تنسين

ملاك : انتة كلتها 4سنين مرت هسة يلة تذكرت تعتذر

جراح : لان اعرف جوابج

ملاك : لا لعد انتة متعرفني انة ماحقدت عليك ولا بيوم دعيت عليك اي صح بالبداية كرهتك ومتمنيت كبالي اشوفك بس بمرور الوقت تنسايت لان ماكدر اعيش واني اتذكر واحقد عليك
لو تعرفني مجان كلت هيج
الاسسف بالنسبة الية  هوة ندم لو كايلهة بذاك اليوم جان حاولت اسامحك بس انتتة انتة جنت كل ما تصحلك فرصة تسممني بكلامك ونضراتك  عبالك تشوفني رخيصة

وزادها اتهامك وية حازم وبعد وبعد

جراح :  ملاكك اسف اسف   اعرف اعرف كل هذا لتحجي اعرفة واعرفج بس اكو اشياء انتي متعرفيهة

ملاك  :  مثل شنووو

جراح :  ماكلج انة جاي اعتذر وماريد اموت انتي شايلة بكلبج علية

ملاك :  بهت وجهي ونصدمت _ ت تموت

جراح : تنهد _ ملاك لتجلبين انة كتلج سامحيني

ملاك : ليش الموضوع بهالسهولة عندك

جراح :  تدرين بية ماحب الجر والعر فضيني تسامحيني او لا

ملاك : باوعت علي اريد المح ندم بعيونة ماكو كان شي يريد يخلص منة بسرعة  صدك حقدت علي بذيج اللحضة  كمت وكفت  واني اغلي واحس نفجرت بوجهة

_ علللى شنووو اسامحككك علللى شنوووو كلييييي تريددددد اسامحككك بهاالسهوللةةةةة

وكلبيييي شسويلةةةة كلبي اللي من ذاك اليوم الاكشر لحد هالحضة بس يشوفكم يتذكرر

جراح :  ستغفر الله ملاك...

_ملاك : باوعتلة ودموعي نزلت وصوتي هدا شوية _ اسامحكك على ضربك اسامحك على الحزام اللي لحد هسة ضربتة تلسع بية

لو على السجينة اللي نبتوهة بايدي لو على حبسكم الييي مثل الحيوانن

اني سامحتتتت جاسررر لان شفت الندمم بعيونةةةة لان حسسس على غلطة امااا انتةةةة ماحسيت بالعكس

اصلا مجنت متندم وجيت زدتها باتهامك الي وية حازممم وجاي تطلب السماح بعد كل هذا

وحتى ندم ماكو بعينك كأن شغلة وتريد تخلص منهاا

لو تبقى اخر واحدددد بهالدنياااا يااااا جراااااح ما اسامحككككك

لو اشوفكككك تلفظ اخرررر انفاسكككك كبالييييي همات ما اسامحككك انتو كسرتونيييي

ومرح ترجعون تبنوني مثل قبل

كلشي تغير....

جراح :  اخر كلام عندج

ملاك  : باوعت بعينة بتحدي _ اي اخر كلام  ومرح اغيرة

جراح :  خوش يابنت عمي تدللين

ملاك :  هدد عادي ما اخاف ترا انتو سلبتوني حياتي وفرحتي  بعد شبقيتو هدد باللي يعجبك واني راضية

_ باوعلي بعصبية وراح واني  ضحكت وكمت ابجي بنفس الوقت لزمت  كلبي وغمضت

وتذكرت كلامة من كال قبلا لا واموت 

بدون وعي همسح بصوت ناصي _ ا اسم  ا ال الله عليك

البية ماكدر افسرة وشنو مدري احبة ومدري اكرهة

شعور مستحيل احد يحس بي مشاعري متخربطة ومدتنفهم

كمت من مكاني زهكانة رحت  لغرفتي نمت على الجرباية واني اخر شي اتاملة زيارة بابا وماما الي باللحلم

_____________

نغم : باوعت علي يشتغل بالاوراق والحاسبة ومركز اخذتلي علي صفنة اهخخ شكد حلو بالنضارة الطبية طالع

شلون لازم القلم من نهايتة ويضرب بي بالميز بهدوء تام ركزت علي ميرمش يطول يلة يرمش عود ليش هيج واني 

ارمش بالثانية 5 مرات ههههه

كمت وكفت رحت للحمام لبست شورت ستن وويا فانيلتة فليت شعري وخليت حمرة رشيت عطر واخذت من الزيت العطري خليت لشعري وطلعت امشي ككبالة وهوة مندمج ضليت اروح واجي وهوة ولا يمة

بالاخير زهكت  ضربت رجلية بالكاع قوي وحجيت بعصبية _ علييييي

علي : نعم

نغم :  كالها وهوة  مدنج بعدة حتة مباوعلي _ شبيككك  مخلصت شغل

علي : بعد فد ربع ساعة

نغم : زين دباوع علية _ رفع راسة ورفع حواجبة  وبتسم بمعنى مصدوم ومنعجب هز راسة وسد الملف وكام ذب المناضر وفات من يمي لتف ليورة لزمني من كتفي 

وخلة خشمة بشعري يشم بي غمضت عيني  على انفاسة الحارة نزل ايدة لخصري دارني علي

باوع بعيني

علي : تسويلي اغرائات وانة مو كدها

نغم : مديت ايدي العب بدكمة التراك مالتة واحجي بدلع_ مممم ليش شنو شيبت

علي : يمكن  والله حشيب من جمالج 

نغم : علي عود انتة ليش بعدك صغير _ باوعلي بستغرب و مال راسة 

علي : شون يعني

نغم : يعني بعدك شباب احسك يعني البعمرك كبار ومشيبين شو انتةصغير مبين عليك بداية ال30

علي : هههههه شنو حاسدتني انتي لو تريدين اكبر واموت حتى تخلصين

نغم : لا عزا اسم الله مو قصدي عيج والله بس يعني شنو السر

علي : تعاي واكلج

نغم : جرني للجرباية مدد وخلاني بحضنة ويلعب بشعري

علي : اهتم بصحتي كل فترة اخذ تحاليل لجسمي واشوف شنو بية واعالجة واشرب فيتامينات دائما ما افترق عنها اضافة لجسمي العب رياضة او بحكم عملي اصلا هوة وحدة رياضة

نغم؛ عود اذا سويت هيج اني هم اصير مثلك يعني ما اكبر

علي : هية مو متكبرين يعني باعي هاي الاشياء تساعد على ان حتى اذا كبرتي جسمج ميضعف يعني تكون عندج مناعة رغم الكبر

نغم : ممم هاي لو ماما جان كالتلك لان متشرب ببسي ومتاكل اندومي ومتلزم موبايل

علي : ههههههههه لا  لحد هسة اشرب ببسي بس مو بكثرة والموبايل انة ما ارغبلة هواي

نغم؛ : زين انتة متمل من هاي الحياه _ وخرني من حضنة نمت ودرت وجهي علي وهوة  ندار علية ونتجة على عكس ايدة

علي :  المستشفى تشوفين بيهة اشياء هواي  قصص ومصايب وناس اشكال والوان
يعني اني ما يوم رحت وتكرر نفس الشي

كل يوم اروح الكة شي جديد لهذا ما الحك امل  وخصوصا من تنقذين حياه ناس بالعكس تتعلقين بالشغلة اكثر

نغم؛ : تدري علي  مجنت احب الطبيات واي شي يخص الطبيات بس من شفتك حبيتهن هواي

علي : زين حبيتي بس الطبيات

نغم : هههه لا حبيتك انتة هم _ بتسم وكرصني بخشمي

علي :   يلة تعاي حجيتي هواي وتدلعتي هواي وتحملتج هسة بعد مابيهة مجال

نغم : هههه _ تقرب مني بحب ولهفة 

شكد ما جنت بالبداية اكول علي بارد بس من يتقربلي احس  غير شكل   

حبيتة حتى وهوة ماعندة روماسنية حبيتة بكل عيوبة ومصارت تفرق عندي اذا كلي احبج او حبيبتي

____________

نور :  واكفة كدام المراية احس مخنوكة كلش مداكدر اتحمل شكلي

لزمت المكص  والمشط ودموعي تنزل

واتذكر جاسر شكد جان يحبة ويموت علي ويكلي اموتج اذا كصيتي

ياترا حيموتني هسة حيضوج وينقهر

جبت صندوك وضفرت شعري   غمضت عيني  وكصيتهة

وكعت بايدي وهنا بديت اشهك وابجي بقوة

كعدت بالكاع لازمة ضفيرتي واني اتذكر شون جنت احط زيوت واعشاب بيبي تحطلنة وايام من جانت تخليلي حنة  وتغسلي شعري بالطرمة

ختنكت كلش  وكمت كوة اجر النفس ندكت الباب وصوت جراح يحجي

جراح : نور  افوت شبيج

نور : زدت بالبجي جان يفتح الباب ويفوت باوعلي ونصدم من شاف الضفيرة بايدي  تقرب ثنى رجلي

وتلمس شعري

جراح : لج نور ليشش هيج سويتي

نور : شهكت وهزيت راسي بلا  كعد على ركبة وجرني لحضنة  واني كمت ازيد بالبجي

تندمت؟

اي وهواي

بس رح اكدر ارجع بالزمن وارجع شعري

لا ماكدر 

جراح : اشش اشش يروح اخوج انتي كافي كافي باوعيلي

نور : رفع وجهي بايدة

جراح؛ ليش هيج انة مو كتلج وصيت صديقي يجيبلج ليش روحتي كلة

نور : كرهتةة كرهتةة ماريدةةةة

جراح : تنهد واخذها لحضنة

نور :  ضل حاضني لحد ماهديت وشبعت بجي  وخرت واني امسح بدموعي

_ ماريد شي بعد خلاص شعري وراح  ماريد شي

جراح : نور لتسوين بروحج هيج باوعيلي   احمدي الله وشكري على هاي  الداردئرة الزينوهة

نور انتي جنت بحلك الموت جان بينج وبينة شعراية والله نقذج منة بمعجزة  المفروض هسة انتي تحمدين الله تتشكري مو تبجين وتنقهرين يول انتي بنية شعرج يطول اولها وتاالليها تكدرين ترجعي وكتلج ارجعة الج بالزيوت

خلاص لتسوين هيج بروحج مو سهلة علية اذيتج باوعيلي اذا تحبيني تنسين هالشي عتبري مموجود براسج عتبري ان كصيتي شعرج كاري وخلاص

وانة وعد مني بشهر شهرين  اطولة الج وارجعة مثال قبل عسما انة احطلج بيدي

بس لسوين هيج بروحج وتقهريني ماتحمل دموعج تدرين بمعزتج عندي شكبرها لتحركين كلبي وتخوفيني عليج

نور  : مسحت دموعي وبتسمت _ لا خلاص ما ابجي اني كصيتة بيدي   بعد واني ارجعة

جراح : اي عفية هاذا الحجي الزين هذا حجي نونة اخت جراح

نور :  ماعرف اني بدونك شسوي

جراح : انتي وياي لو بدوني قوية 

نور : لا اني بدونكم ضعيفة

جراح : هسة حنتعارك على هالشغلة هههه

نور : لا هههه

جراح: ممم تستقبلني بغرفتج

نور : شون يعني

جراح : ضضيف صغير ينام يمج بس اليوم

نور : ههههه صغير

جراح : اي بس طولة 187

نور : هههههههه اي استقبل وبكل رحباية صدر مو حفيدة عزام الترد الضيف
.
جراح : والنعم من عزام وحفيدتة

نور؛ ههههه _ كام وشالني مثل الطفلة بحضنة ونومني وهوة يمسح على  شعري

جراح حرفيا ابوية الثاني وماكو كلمة توصفة

وراها غفيت بدون مادري

صحيت الصبح على كمزة تحركت الجرباية بيهة فزيت باوعت علي كام ركض

_ شكووو شصاير

جراح : ماكو شي ماكو كملي نومتج بس تاخرت على  دوامي ونسيت اجيب موبايلي واوقتة

نور :  ها لعد روح يلة لتتاخر

جراح : لا وين مالحك حنزل جوة اسف فززتج كملي نومتحج

نور :ولا يهمك _ بتسمت طلع وسد الباب  نهضت روحي داريد اطلع شعري لان كل ما انام يصير جواية واعيط من الوجع لزمتة وتذكرت اي ماكو شعر صار حتة مينلم

رجعت نمت لل11 كمت غسلت وطلعت صفنت على روحي شعري مكفش خرب شنو هاي رحت كويتة صار يخبل احسة لايكلي اكثر من الشعر الطويل

كلت خلي احمس روحي كافي لطم رحت اخذت سكارف  نغم نطتنياه لون ابيض واسود شديتة على راسي حتى ميبين الفراغ اللي بشعري بتسمت وفتحت الباب ونزلت باوعت لكيت جراح كاعد يتريك

باوعلي وبتسم جان وحدة بالمطبخ تقربت يمة كعدت لزم ايدي وباسها

جراح  :بدون مجاملة تدرين لايكلج اكثر من الطويل

نور : اني هم حبيتة رغم هوة مو عدل

جراح : روحي اليوم انتي وبيبي خلي يعدلو الج وفلوسة علية

نور : اوووه جوجو ابو الكرم والطيب فدوا اروحلك

جراح ؛ حمشيهة بمزاجي

نور : توني داريد اصب جاي جان يفوتن ماما وبيبي منتبهن بالبداية فاتن يحجن على مدري منو باوعت لجراح بتسم وغمزلي واشرلي صبري

واني اباوع علي سمعت شهكت بيبي وماما لطمت على صدره 

فاطمة : ياخويةةة يابننن امييي ولجججج نويرةةة وين شعرججج

الجدة : عزا العزاج وصخمجججج ولج ويننن شعرججج

نور : كصيتة

فاطمة : يمة عزا ضغطي رتفع

جراح؛ ههههههههههههههههههههههه

نور : شبييك انتة ماما اني كصيتة البارحة وجراح شاهد

جراح؛ انة شعلية ولجج

نور : باوعت علي بتوسل وبستة بالهوة لان هنة جانن وراي

جراح؛ ستغفر الله اي يمة انة جنت شاهد

فاطمة : ولج يمة ليش ليشش شعرج الحلو الطويل تعبت وانة اطول بي واربي تجين تكصي هالكصة ولج شكلتي لروحج من كصيتي على  طولة

نور : على حجيهن فاتت نغم وعمة مريم شهكن ثنينهن

مريم : عزااا نور شعرججج

نور : يبووو تعاي عيدي المقتل على  كل افراد العائلة

نغم : ياااا تخبلييين طالعة يموت عليج

جراح : هل من ناصر ينصر نور اي نغم موجودة ههههههه

مريم : ولج ليشش

الجدة : ولج تعايي اليوم انعنع ضلوعج وايديج اكسرهن على هالدكة الطايح حضهة

نور : جتي علية كمزت وكفت ورا جراح وهوة  وكف كبالها يبعدها

جراح :  بيبي صدك جذب وخري لتكتليهة تستاهل هية السالفة

الجدة : ولكك اي تستاهل سنين وانة اعتني واربي  تالي تجي تكصة مثل كصتك وكصة اخونها ولج انتي بنية قابل ولد 

نور  : هئئى هاي مثل كصة اخوانييي ببييبيييي هذا كارييي

جراح : كااااااااافييييييي

نور : الكل سكت من عاط جراح يتحمل كلشي بالدنيا ولا  عرايك النسوان ونكهن

جراح : يمةةة بيبيي نور كلتلي وانة كتلهة كصي  انة ايدتهة لان هية جانت كارهتة وشوفي شون يخبل عليهة اصلا احلى من قبل خلاصص نكص وراح بعد عليش هالعرايك يرجع يطول قابل يضل هيج الله اكبر عرايك من الصبح علمود شعر شون  اصبح انة والناس شون تصبح

نور : اني واكفة ورا واضحك فدوة شون دارها علي طلع هوا عصبي ويردم وبيبي لتافت علي

الجدوة : ولكككك تعال  يا طايح حض انتة الثاني طايح اكثر من هاي شون تايدها تريدها تصير مثلكم منو يزوجهة وهية شعرها هيج

جراح : منو كايلج انة ارد ازوج اختي خليهة على  كلبي مثل العسل

نور؛ كالها وطلع كلت هلا رجع دوري دنجت راسي وسويت روحي ابجي

_ يعنيي شنو هاي بدال متكولولي حلو ولو هوة انتو من يوم الي سزيت العملية وراسي صار هيج  صرت بشعة بمضركم

فاطمة : ولج يمة شبيج والله مو هيج قصدي

نور : لعد شبيكمم والله ضوجوتوني اني كوة نسيت كلولي حلو لو لا

نغم : والل والله والله يخبل واحلى من الطويل عليج صدكيني

مريم : هوة حلو ولايكلج بس نقهرت على شعرج

نور : هابيبي يعني اني شعري مثل خليل ومصطفى

الجدرة : يمة من حركة كلبي هيج كلت انتي جنج العافية بكل حالاتج

نور : جا هايهة طالعة حلوة واخبل وانسو شعري القديم

_ ديحجن جان تفوت ملاك تفرك بعيونهة ومبينة غاطة بالنومة باوعت علية وكعدت بدون اهتمام

ملاك : هاي سرى شعندج جاية من هسة ادري مغبشة من الصبح

نور : ياااااا ملاااك هاي انيييي_رفعت راسهة مصدومة وفتحت عيونهة على وسعهن

ملاك : عزااا بعينج هاي وين شعرج

نور : يبو شبعت عزا منكم كصيتة شوفي حلو

ملاك : عاااا يخبللللللل

نور : كمزت وجتي تتلمسة

ملاك : كبر لفج لو كاصتة من قبل يموت اريددد انييي اكص همات

الجدة : اكسرررر ايدجججح واللله وحلفت

ملاك : شنو يعنيي بس نور

نور : شبعت رزايل سكتي عوفيني توهم رحموني ههههه_ ضلت ملاك تتناكر وية بيبي تريد تكصة فات جراح سمع الحديث  ومبين من وجهة ضاج وطلع اعرفة نقطة ضعفة شعرها بس ياترى جاسر شحيسوي من يشوف شعري

على الغداء شافو جدو وبابا ونعجبو بي كلهم 

ضليت انتضر ردة فعلة

العصر جنت بالغرفة  سمعت صوتة صعدت كمزت بساع وطلعت ديمشي وعصبي

والموبايل بيدة يخابر ويغلط

اني ردت اتراجع بس نتبهلي باوع علية وعاكد حاجبة وضل صافن علية نصدم  ضل واكف وصافن بوجهي   دنجت راسي توترت من نضراتة  نزل موبايلة وسد الخط تقرب مني

جاسر : هاي شمسوية بروحج

نور : ها م مسويت شي  _ لزمني من زندي قوي وقربني علي

جاسر :  وين شعرج شوننن كصيتي

نور :  اشش اشش فدوا لتعيط لتفضحنة

جاسر :  خوش خوش

نور : جرني من ايدي قوي وفوتني للغرفة دفعني قوي للجرباية

جاسر : شوكت كصيتي ليشش  كصيتيييي شنو تردين تشوفينييي

نور : ششوفككك يعني شعري كصيتة لان اني ردتت هالشي شعليك بية

جاسر :  تضحكين علية انتييي عبالج اصدك بهالسوالف نورررر انة جاسررر حافضج اكثر من روحججج عبالج تضحكينن علية ة

نور :  اذا ضحكت عليك او لا ليششش انتة بشنو يهمككك مو رحت ودرت وجهك مو كتلي اشوفج وجهي الثاني ليش ررجع هسة  وجهك الاولل

جاسر : انتي  دتسوين هاي سوالفج حتى تخليني ارجعلج بس خليها بالج انة مو لعبة ومحصدك هاي سوالفج

نور :  نزلت دموعي من حجية الجارح

_ اني مو هيج

جاسر  : لا انتي هيج  وازيددددد طلعت انة ماعرفج انتي انسانة داخلج اسوووود تعرفين شنوو اسود تدرين لو مختارتني بذاك اليوم جان خليتج تكملين كليتج بس انتتي انتييي شختاريتييي انتي ختاريتي كليتجج وهاي حتتخرجين منهة لهذا بطلي هاي سوالفج

نور : بشهكة _ لتقسي كلبك هيج علية اني ماتحمل بعد

جاسر : مبتسم بسخرية _ هسة متحملتي صارلج سنين شون صبرتي لعد

_ شتريد اكولك  ماكدرررر  ماكدر ماكدر

جاسر : وهسة شتردين

نور : ماريد شي انتةةة الدخلتني هناااا انيي كصيت شعريي انتة شدخلككك  _

جاسر : داوصلج فكرة ان اللي باللج شيلي وتحلمين بي انة مو لعبة ولا عبالج بهاي حركاتج تخليني احن او ارجع اتعامل وياج مثل قبل

الصار بهذيج الفترة تحلمييين ينعاد وهية جانت غلطة ادفع عمري كلة وماعيدها بعد

نور : واني ممنتضرة منك  شي   السويتة هوة لروحي ولتخاف هوة اني هم انخطب وازوج وانتة اصلا حتستقر مال داعي بعد انتضرك ولا تنتضرني عيش حياتك يا ابن عمي  نشالله تتوفق بحياتك وية الانسانة المخلصة اللي تستحقها

_ كلت هيج وطلعت من يمة واني كلبي يتكطع عمري ما شفتة هيج كلبة قاسي تعودت على حنيتة وعلى حبة

كلة بسبب ذاك اليوم الاكشر اللي اتمننى ينمحي من حياتي 

يتبع.....

__________________

اتمنى يعجبكم البارت 💕

هسة انتضروني انشرلكم بارت ثاني  هدية على هالغيبة الطويلة 💕

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح