رواية ملاك الشيخ جراح الفصل الثامن والعشرون 28 - بقلم ~yaqeen.hassan~

‏في كُل يوم يشرق الصباح أبدو انيق وكانما 

ارتديتكِ أنتي...

لتنسون النجمة وعلقو على الفقرات 💕

#الكاتبة : yaqeen. Hassan 

#مـلاك _ الـشيـخ _ جـراح 

#البارت _الثامن والعشرون

ملاك : بعد موقفي وية جراح حسين صدك رجعت  اكرهة حسيتة يعتبرني غبية وفطيرة وعبالة حنسة بسرعة بس اني مو هيج ابد السوو خلا اثر بكلبي

وزادة اوجاع ورا الصار شريد اسامحهة على شنو

عفت السالفة وكلت تمر ايامي مثل قبل  شنو اليفرق

ثاني يوم  جانت اكو فاتحة كالعادة لازم يروحون كلهم  بقينة اني ونور بالبيت   ونغم راحت وياهم حتى تتعرف على الكرابة

وعمة مريم اصلا ترافق بيبي بكل مكان

جنت اني بغرفتي ونور جوة بالاستقبال تباوع مسلسل على الشاشة جراح جان  بالبيت همات رجع من الشغل تعبان وضل مراح  هوة بغرفتة واني بغرفتي 

جنت  ااشر بالكتب الجديدة اللي شتروهن الي بعد ما شككت ذذنيج وداعوضهن بالكتب الجديدة

شتميت ريحة عطاب بس غلست كلت هاي نور دتسوي اكل وحركتة رجعت تكررت الحالة وصارت اقوى الريحة

  كمت للشباك باوعت ماكو شي عبالي ديحركون شي بالحديقة  رجعت لمكاني لحد ما بدة دخان يدخل لغرفتي خترعت وكمت 

هية لحظة فتحت الباب وماحس غير نار قوييية صارت كبالي دفعتني للكاع وستحلت الغرفة  صرخت بقوة

من الحرارة  باوعت الصالة اللي داير مداير الغرف متنشاف صايرا من النار

صرختتت برعب _ جراااااااح جرااااااااااااااااااااااااح نوووووووووور جاسرررررررر  بااااابااااااا  

جراحححح تعالللللي فدواااااا

رجعت ورا  ارجف برعب وابجي  المنضر الكدامي مو سهل   النار تحاوطني من كل مكان   ودتاكل بالغرفة اكل اباوع كبال الغرفة واكع الميز خالين علي كتب وهاي الاشياء  التحفيات هيج ديكور  واكع وساد الباب ومشتعل نار ماكدر اطلع

رجعت اصرخخخخ ونور سمعت صوتها تجبي وتصيحني بهالاثناء سمعت صوت جراح

جراح؛ ملاااااك انتييي ويننن بيااا غرفة

ملاك؛ بغرفتييي ديربالللك لتتحترك

جراح : جايييج لتتقربين للنار 

ملاك : ايي اييي  سمعت صوت تدفر وتكسر شوة والميز اللي ساد الباب نقسم بالنص وبينت رجل جراح فات ركض الي للمكان اللي اني بي  جان بزاوية الغرفة  تقرب مني واني كمت ابجي حضنتة وتمسكت بي اباوع  لفني بحضنة وجاب شال جان على  الميز محترك شوية طفا بيدة ولزم شعري دخلة بالتراك وخلاه على راسي

جراح : لبسي ليحترك شعرج باعي  لزميني زين وحضنيني رح نطلع ولترفعيني راسج ابد ماشي 

ملاك : اخاف لاالااا نطلععع هسة يجون

جراح : ملاككككك الغرفة حتوكع فوككك راسنةة امششييي

ملاك : اني ارجف برعب واحس اذا وصلنة لهناك مستحيل نعيش 

مشينة وهوة لف ايدة  ببجامة حتة ليحترك ويبعد النار بسهولة وصلنة للباب دنعبر رفعت راسي وشفت الكنتور ديميل علينة صرخت بقوة ورجعت واني لازمتة رجع وياية وباوعلي ديريد يحجي باوعت للكنتور ووكع وصار شون الانفجار مال نار

بحيث من قوتها صرختتت ووكعت  بالكاع وهوة وكع وياي

رفع وجه باوعت جزء من شعرة حترك دموعي نزلت بقهر واني اشهك بقوة

جراح : اششش اشش لتخافين حنطلع كعدي هنا دا اكسرة

ملاك : لاااا لاااااا لتروححح اخافففف _ لزمتة قوي مخليتة يروح احس تهسترت

الحرارة زادت والدخان خنكنة كام يريد يفتح الشباك بس جان الحديد مايع من الحرارة  حسييتة عجز صار يضرب بالجام بقوة ويدفر الميوز  باوعلي شون ارجف

تقرب مسح دموتي بايدة

وباوعلي وعينة هوة همات مغرغرة بالدموع   بس يحاول يضمهة لخاطري حتة ما اخاف بس جان  واضح بوجهة

جراح : باعي ملاك حضنيني قوي ضمي راسج بصدري واي شي يصير لتباوعين ماشي حتى اذا صعددو خلي راسج  لترفعي لحد ما تشوفين النار تطفة

ملاك بديت اكح قوي من الخنكة ضمني بصدرة قوي ويشم براسي اللي وكع منة الشال تنهد قوييي

وضل حاضني وخلاني بزاوية الغرفة بديت اسمع صوت قرب طبة  وبدت اشياء توكع   ردت ارفع راسي بس جان لازمة بقوة ميخليني ارفعة

_ ج جراححح

جراح؛ اششش سمعيني   حكلج شغلة ماشي

ملاك : هزيت راسي  دنج راسة يم اذني وهمس بكلمة عمري وحياتي مجنت اتخيل يكولهة كلمة  خلتني اشهك بقوة من البجي واني اشوف وضعنة هيج

جراح : احبج

ملاك : توني داحجي محسيت غير صارت طبة  قوية ووكع علينة شي عاط عيطة مكتومة ولازمني بقوة تهسترت و صرت ارجف 

ثواني وايدة رخت من راسي   وصار ثكيل  باوعت التبريد واكعع علينة قبل لا استوعب حسيت بشي حار نزل على ايدي باوعت عليهة دم وخرت من حضنة جان يوكع بحضني وهوة غركان دم هنا حسيت وكف عندي كلشي ضليت صافنة مصدومة احس راسي صار نار و النار حاوطتني ومبقة مجال اعيش نزلت رفعت وجهة شهكتت قوييي وصرخت _ لااااااااااااااااااااااااااااااااااااااااااااااااااااا

جرااااااااح اكعدددد فدواااا لتعوفنييي لتموتتتتت لاااااااااااا

حضنت وجهة لصدري واني ابجي وكمت اصرخخخخخخخ اقوى شي عندييي   . كمت  اجرة اريد احمي من النار واتذكر شون تمسكك بية وحمانيي من الضربة 

لساني صارر يلهج باسم الله وادعي كون يجون ويلحكونة وصدك

شوية وحسيت بصوت السيارة مثل الاطفاء ودخل ميي قويي من الشباك بحيث من قوتة نكسر الشباك وبدت تطفى النار وتخمد واني حاضنة جراح واباوع علي الدم يجري بقوة  وماعرف منين 

من طفت نار الغرفة نفتحت الباب وركض عمو علي وعقيل واسلام وخليل  ركضو علينة  ديشلون  جان يعيط عمو علي

علي : لااااا عوفوووو

ملاك  : باوعت لمكان اللي يباوع بي عمو علي  جان  السيم داخل بكتفة اني صرختتت  من المنضر اجة خليل كومني من جتافي واني اصرخ اباوع علييي شون نزل عمو علي يديرة على كيف بهاللحضة فات جاسر

صفن شوية يباوع للي صار جرني لحضنة واني  بهاللحضة مكدرت اتحمل  المنضر  اغمى علية ماعرف من المنضر والخوف ماعرف من كمية الدخان اللي ستنشقتها

نور : جنت بوضع صععب النار بدت تنزل شوية شوية واني كمت ارجف ماعرل شتصرف ركضت للمويابل خابرت على جدو وجاسر وضليت اصرخ عليهم حتة يرجعون

لبست شال وطلعت برا اصيح الحارس جان المح عقيل يركض باتجاهي

عقيل : شصاييييير شنو هالصراااخ

نور : حتركككك البيتتتت وملاككك وجراححح فوكككك فدوااااا خابررر الاطفاءءء حيموتوووون

عقيل : روحي جيبييي الطفاية بالمخزن الجوة مال بيتنة بساااااااع

نور : ركضت قوي وفتتت للبيت نصدمن البنات من منضري اخذت الطفاية وهنة وراي يركضن فتت للبيت احاول اشغلهة متشتغل ماعرف شون يستخدموهة اجة  عقيل ديفتحهة جان يجرها قوي ونكسرت شمرها بالكاع قوي  وصرخ

عقيل : لااااا ياللللللللللللله

نور : صوتها رن بانحاء البيت وصوت صراخ ملاك فوك زادة الوضع راح يترس مي واني كاعدة بالكاع وابجي والرجيف ماخذني

عقيل : كومييييي لتصفنييييين كوميييي جيبييي مييي اللي بالثلاجةةة بسااااااع

نور : كمت اطلع وانطي بس شيطفي المي هوة يذبة منا النار تزيد منا وبدت تنزل ليجوة

شوية وصار صوت الاطفاء يدوي بانحاء البيت  وية طبتهم فاتت سيارت جدو وعمامي ووياهم كلهم حتى بيبي وماما ونغم وعمة مريم
اول مبدت النار تخمد ركضو عمو علي  وعقيل واسلام وخليل فوك 

واني الحيل راح من عندي اريد  اصعد بس ماكدر رجلية تخشبت

وراهم بشوية فات جاسر جاسر همات ركض وهية دقايق نزل شايل ملاك بيدة وجها احمررر  كلشش صخام همات على  كصتهة شعرها واكع والشال كوة واكف على راسها بيبي وماما صرخو كل ضنهن ميتة بس هوة عاط بيهن

جاسر : مابيهااا شييييي لتصرختننننن  نزعيييي تباتجججج نطينياهااااا

نور : صرخ بعمل مريم وهية غطتها بعبايتها  وركض بيهة  شوية ونزلو شايلي جراح من فوك بس شنو

منضرة مامتخيلة بعمري حشوفة بي يمكن الدم مغطي من كل الجهات وهاي من عدا الحديدة اللي نابتة بكتفة نزلو على كيف وعمو علي ينبهم جانو شايلي بالبطانية كل واحد من جهة وطلعو همة همات للمستشفى

خمدت النار وورتاحت من اخذت عزيزين عدنة

  صعدنة فوك جانت الصالة اللي تحاوط الغرف متدمرة غرفة جراح محتركة وملاك غرفتها منتيهة انتهاء ماعرف شلون عاشو وتحملو لان النار واصلة لكل ركن بالغرفة

غرفة خليل همات محتركة بس غرفت عمو علي ونغم وجاسر  ومصطفى سليمات لان بوبهن مقفولة وغرفتي هم ايحها شوية بس مو كلشي محترك بس بداية الغرفة بس صايرا سودة والصخام مال الدخان كاتلها  باوعنة ندور على سبب خلة هالنار تشتعل طلعت نقطة مستغلة وطاكة ومسوية شرار ولايح البردة

نزلنة جوة نبجي وندعي منعرف شنتصرف والله اني بعدة صراخهم يدوي باذني  وصرخات جراح وهوة يناديها تكطع كلبي

كلهم يريدون يسمعون الصار مني بس مابقالي حيل تحجي اي شي

ضلينة نتتضر مكالمة لو تحيينة لو تموتنة

ملاك : فتحت عييني وكالعادة تعودت على جو المستشفيات  باوعت ماكو احد يمي كمت على كيف تجيت ضهري على المخدة

وبديت اتذكر الصار باوعت لملابس كلها دم دموعي نزلت ورجعت ابجي  علي ياترى شنو صار بي
بس فجا همست بين حلكي بصوت ناصي
عبالك توني يلة تذكرت _ ك كال احبج

صفنت لحضة استوعب الموضوع بذيج اللحضة مجنت واعية احس جنت عبالي هيج حجاها لان جنة بحالة صعبة

بس هسة فكرت بيهة احبج يحبني جراح يحبني

شنو الصار شنو التغير مو جان كارهني كره مو طبيعيي جان ياذنيي باقرب فرصة الة شوكت وشلون حبني

عقلي وكف مكدرت احجي بعد

ملاك :  واني افكر بالصار فات جاسر وعمو علي

جاسر : ها حبيبي شون صرتي

ملاك : جراح جراح وين شون صار

علي : لتخافين زين بالعناية هسة

ملاك : يعني ممات

جاسر : لا اسم الله علي مابي شي الحمد الله بس جتفة متاذي وضربة رراسة مو قوية

علي : ملوكة باوعيلي  تحسين اكو خنكة بصدرج او هيج شي

ملاك : لا

علي : يعني متنفستي الدخان ابد

ملاك : لا جراح ضمني بحضنة حتى ما اتنفسة

_ بس كلت هيج جاسر خزرني نتبهت لجفصتي

علي : الحمد الله عدت سلامات  يلة اخذها وروحو

ملاك : جراح وينة اشوفة يلة اروح

علي : ملاك محد يكدر يشوفة بعدة بالعناية مو هسة نشالله من يطلع تشوفي

يلة جاسر  اخذها وروحو

جاسر : ماشي

ملاك : اجة سندني  وطلعنة عيني راحت على غرفة جراح هواي شباب كبالها منها ضباط وكرايبنة وعمامي 

كلبي لعب ممعقولة مابي شي وكل هالخبصة علمودة

بالطريق حسيت جاسر مو طبيعي ضايج  كلش 

جاسر : ملاك احجيلي الصار

ملاك : شنو احجيلك

جاسر : الصار بالغرفة بعد ما حتركت شون فاتلج جراح

ملاك : هوة كسر الميز  كبال بابي جان فات خلة شاال على شعري حتى ليحترك وكعدنة بزاوية الغرفة

حاول يطلعنة بس النار جانت قويةو

والشباك مايع الحديد

عاد اجة حضني اخر شي غطاني وسمعت طبة قوية باوعت جان واكع علي السبلت يعني هوة حضني حتى لا اتاذة

_ شهكت من البجي متحملت انذطر الصار

جاسر : خلاص لتبجين كافي  الصار صار نشالله يكوم بالسلامة

ملاك : وصلنة للبيت وهوة راح تلكنني نور ونغم 

من اصعب الايام اللي مرينة بيهه البيت فوك محترك وجراح بالمستشفى لا همة يكدرون يعوفو ويجون يسوون البيت

ولا يكدرون يضلون يمة والبيت هيج لان تشردنة كلنة الغرفنة فوك الجوة صار بالديوان خليل وعمو علي ومصطفى وجاسر 

وبالاستقبال احنة البنات ننام 

مر اسبوع وجراح صحة   واليوم رجعو للبيت الديوان مكلوب بالشيوخ والكرايب واصدقائة 

حارن بيهم نغم ونور ومريم وكعت براسهم جاي وكهواي ووضيافة

لل10 بالليل يلة فرغ البيت فاتن عمة وبيبي وبس اسمع صوت بجيهن  مكدرت افوت ماعرف ليش حسيت خايفة من اللقاء

ضليت بالاستقبال مرحت لثاني يوم الصبح  رحت اوديلة الريوك

اخذتة وايدي ترجف بهاليوم طلعو كلهم من الصبح حتى يصلحون البيت  يجيبون عمال وهاي الاشياء 

يعني بس احنة بالبيت وهوة

دكيت الباب وفتت جان يكلب بموبايلة رفع راسة باوعلي وضل صافن ركزت بي جزء من وجهة محروك وشعرة هم من كبت النار بوجهة   ايدة ملفوفة وراسة هم خاليلة لزكة على مكان الضربة ردت ابجي الة شوية على وضعة

فتت خليت الاكل على الطبلة كبالة ورفتت راسي كتلة بصوت همس كوة يطلع من حلكي

ملاك : حمد الله على سلامتك

جراح : الله يسلمج شون صرتي خوما تاذيتي.

ملاك : متحملت هنا بجيت كعدت على الجرباية قريب رجلي وابجي

جراح : اوف اوف شكو البجي بس فهميني

ملاك : انتة بسببي صار بيك هيج

جراح : شعليج انتي قابل انتي حركتي البيت  بطلي بجيي كافي لتعصبيني

ملاك : خلاص لا ما ابجي شون صرت هسة انتة متاذي

جراح :  شوية بس بالمسكنات يروح

ملاك : هزيت راسي ودنجت وتذكرت  مرت 4 سنين ونص على شنو بعد اضل شايلة بكلبي علي وهوة نقذني

_ ج جراح

جراح : نعم

ملاك : مديت اصبعي الخنصر كبالة  وبتسمت بين دموعي _ صافي يلبن

جراح : على شنو صافي

ملاك : على كلشي _ باوعلي وفتهم قصدي بتسم ومد ايدة خلة  اصبعة الخنصر باصبعي

ضحكت   وحجيت

_ بعد خلاص ماكو حقد ومتضوجني

جراح : هايهية  خلاص

ملاك : بتسمت وحجيت  واني واكفة اريد اطلع _ تدري همزين حترك البيت لان جان احنة هسة مزوجين انة متزوجة هذا الدكتور وانتة جان لكتلك بيبي وحدة

جراح  : ههههه اي صح الحمد الله بجسمي ولا بالزواج 

ملاك :   بتسمت وكمت داطلع  جان يوقفني صوتة

جراح : ملاك

ملاك : هاا

جراح : ترا الحجيتة بذيج اللحضة  صحيح ونابع من كل جوارح جسمي واولهم كلبي

ملاك : ضليت مصدومة جنت ناطيتة ضهري بلعت ريكي وتوترت وكلت اسوي انسحاب تكتيكي

هزيتلة راسي وطلعت بسرعة اسمع صوتة يضحك

عزاااا ممصدكة والنبي ضليت اتصفن رحت سحلت نور ونغم وعمة مريم ورحنة لغرفة بيبي وجدو

كعدتهن كبالي

مريم : ثول شبيج سحلتينة سحل امي تريدني

ملاك : عوفي امج حبابة تعالو اكلكم الصار حموت ماكدر اضم اكثر

نور : ها جلطتي اخوية وجيتي اعترفي

ملاك : لا والله اخوج هوة جلطني ودزني

نغم : هسة غير تحجي شكو

ملاك : باوعو هوة  مو فاتلي للغرفة حضني وكعدنة بالزاوية جان محاوطني حتى لا احترك حضني قوي وجنت اريد ارفع راسي اشوفة جان يضم راسي لصدرة وكالي اسمعي اكلج شي

اني نتضرتة يحجي جان شوية وكال احببببج _ حجيتهة على كيف اخر كلمة لان شفتهن مصدومات ومفتحات عيونهن

_ اي واني شكلت كلت يجوز مجان بوعية وكالها وهسة كالي الكلمة الكلتهة صحيحة ونابعة من كل جوارحي واولهن كلبي

شسويي كللييي 

نغم : لحضة انتي تشاقين مو هذا مقلب

ملاك : اني هم عبالي مقلب بس لا صحيح وعلى كولتة من كل جوراح جسمة

نور : لحضة انتي  دتحجين على اخوية جراح الغثيث العكرة المكروه

ملاك : بتسمت وحجيت _ لا راحن ذني السوالف وسامحتة سوينة حركة الخنصر وتصالحنة اني نسيت وهوة نسة

مريم: اني بعدني صافنة انتي دتحجين بكل عقلج جراح يكلج احبج خاف حلمانة يول

ملاك : مريممم والله محلمانة شبيج توة كالها بعدني تحت تاثير الصدمة

نور : ملاك وجراح .. جراح وملاك. ملاك تزوج جراح.. وجراح يتزوج ملاك  .. عاااااااااااا ولججججج ملاككك حتزوجين اخوية

ملاك : عزا بعينج سكتي فضحتينييي اشششش

نور  : عزا عزا يحبج يحبج لج جراح لحضة انتي قصدج جراح اخوية هذا اللي يكرهج  مو هذا قصدج

ملاك : لا قصدي جراح ابو الطليان

نغم : منو جراح ابو الطليان

ملاك : ياللللله عزااااا غبائجن اني رابحة

مريم؛ لا تعاي خلي نحجي جد يعني كالها صدك لو صرتي مثل نوران تتحلمين

ملاك : لا والقران كالها شبيج مو اني كتلجن من كالها بيوم الحريق مجنت مستوعبتهة
بس هسة اكدها شسوي والله ماعرف

نغم : انتي تحبي

ملاك : صفنت عليهة  وكعدت دكيتلي صفنة احبة لو لا

ماعرف مشاعري مخربطة ماعرف شنو احبة لو لا 

من صغري اني متعلقة بي تعلق قوي ماعرف  تعلقي ابوي او شنو بس جنت اغار علي حتى من بيبي وعمة اذا حضنو

جنت احسة شي خاص بية لحد السادس الابتدائي هناك وتركني جنت شبه واعية للصار

بجيت بوكتهة من تصرفاتة ومن البعد والحاجز اللي بنناه بيناتننة

بديت اكبر واتعود وجان عبالي كل الصار لان كبرت وعيب ان اضل لازكة بي

صارت السالفة وبيومهة كلبي نكسر يمكن بسسبب ان جانو الهم معزة خاصة بكلبي

وراها كمت احس بشي بس من اكون يمة وقريبة مرات احس بخوف ومرات احس كلبي يدك

ماعرف اذا جان حب او شنو بس جان شي حلو ومينوصف بسهولة

زين يعني هسة شنو احبة او لا

نغم   : هيووووو وين صفنتي

ملاك  : ها اسفة شردت

نور :   شردتي بحب اخوية

ملاك : رح اروح لغرفتي _ كمت طلعت  اذا ضليت يمهن حيحببني بي كوة واني اريد اتاكد من مشاعري صعدت الدرج واني افكر جان اباوع خرب هوة شباقي البغرفة حتى اكعد بيها

رجعت نزلت وطبعت برا افتر

نغم : شتاقيتلة هواي بفترة الترميم حسيت روحي ضايعة بدون قربة تعودت انام واخلي راسي لو بصدرةو لو احضنة من ضهرة كوة كمت انام يم البنات وصبرت

اول يوم فرغو الفوك ونضفو من الصخام والاشياء للمحروكة وملاك كضتها بجي على غراضها خطية كلشي محترك ومتدمر

ثاني يوم بدو سوو الكهرباء ورجعو النقاط  تقريبا سوو كل البيت  وبدو يصلحون الغرف اللي محتركة غرفتنا جانت بس الباب واغلب الاشياء اللي جانت بالغرفة مصخمة من الدخان بس ممحرك شي

غسلت البردات والملابس اللي جان برا على الجرباية والفرشات واللحاف لحد ما كملت الغرفة وكمل تقريبا غرفنة عدا غرفة ملاك وجراح جانن فد مرة وغرفة خليل وياهن

واليوم الثالث صعدنة كل واحد لغرفتة بقو  بس وجراح نايم بالاستقبال ويمة جاسر  وملاك ومريم هم ضلن بالغرفة

رحت تحضرت اهخخ شكد جنت مشتاقتلة  على كولتة كضيناهة صيام هالايام

اول مفات للغرفة رحت حضنتة واني اتنفس عطرة  وهوة يشم بشعري

علي : اهخخ بوية اخيرا فطرنا

نغم : هههه حتى بعد اذا تفكر تتركني تتذكر هالايام

علي : ههههه  اي صح بعد لا اتركج ولا هالشلعان  الكلب  تمشين كبالي بالبيت وتتنعوصين وماكدر لا اضوك ولا اتلمس

نغم : لا عوزك ضوك وتلمس

علي : ههه شكو بيهة مرتي احد عندة يمي شي

نغم : ههههه لا محد _ رفعت رجلية وجلبت بياخة تراكة وهمست بدلع _ عليييي

علي : عيونة

نغم : شوكت نروح لبغداد اشو وعدك تاخر

علي : نروح نروح لتخافين بس صبريلي ادبرلي هاليومين واشوف حالة جراح لحد ميستقر وراها اخذج اشرد وعسما البيت يحترك نروح

نغم : هههه لا اسم الله   _ جرني ورحنة للجرباية مدد ونمت على صدرة 

تدري شكد مشتاقة لبغداد هيج طاكة روحي عليهة مشاق  لجوها المتنبي المنصور بس نروح نفترهننن كلهن

علي : اي يابة تدللين نففتر شورانة

نغم : تدري اني كولش احبك

علي : همم ليش تسويلي اغرائات بكلكماتج كولش واني  تعاي اعلمج التنعوص على اصولة

نغم : ههههههه

__________

ملاك :  ضليت اتكلب بالفراش حايرة واحس عقلي وكففف من التفكيرر  من الضهر ليهسة اني افكر يالله تعبت تعبت

غمضت عيني احاول انام بس النوم طاير من عيني

تربعت  بالكاع باوعت نايمات نور وعمة مريم    تمنيت اكعدهن يساعدني ويزيحن التفكير من راسي بس  رح يضغطن علية  كمت  جريت جاكيتي لبستة وطلعت برا كعدت قريب يم الباب صرت اخاف اتقرب للحديقة بالليل

كعدت بالكاع وصافنة بالفراغ شوية وحسيت احد كعد يمي يمة فزيت فزة باوعت مصطفى

مصطفى : شبيج شفتي جني

ملاك : لا والله شفت سعلوة

مصطفى :  هههه حيوانة

ملاك :  ضحكت وباوعت ليكدام _ شعندك كاعد

مصطفى :  اههههخخخ

ملاك :  اوووف كل هالتنهيدة والاخ شكو شبيك ابو الصوف

مصطفى :  البية مو سهل

ملاك : انتة صوف الخروف عندك هموم  

مصطفى :  مثل ما انتي كاعدة هنا ضايجة وهمومج على كلبج اني هم هيج 

ملاك :  باوعتلة بشك _ شون عرفت بلة عندي هموم

مصطفى :  باعي يحلوة  صح انة يبين علية طبيعي بس ترا انة مثل نور اقرة العيون

ملاك : بلة ليش ما نطيتوني هالوراثة اقرة عيون

مصطفى : مو سهل تحصليهة وصعبة ترا اكو عيون متنكشف

ملاك : ممم لعد الحمد الله مابية حيل افكر واقرة العندي مكفيني خرب _ ضربت كصتي _ ذاك الاسبوع رجعت كتبي انوب حتركن الكلية حيطرودوني

مصطفى :  لتخافين ينطوج وذا منطوج نشتريلج

ملاك : اهخخ ياصوفي هدومي كلها راحت كلشي بيتمم

مصطفى : كارجكتم ابلم

ملاك : ههههههههه العبب صاير تعرف تركي

مصطفى :  اي شعبالج تعلمت

ملاك :  صدك ابو الصوف شكد راتبك

مصطفى :  شسوين بي

ملاك :  هيج سؤال

مصطفى :  هههه 750

ملاك :  احاااااا منيلك هذا

مصطفى :  عينجج الله اكبر كولي ماشالله

ملاك : ماشالله عيني ماشالله

مصطفى :  صدك ملاك اذا امنتج سر تضمي

ملاك :  اي طبعا اضم

مصطفى : متاكدة

ملاك : اي والله لتخاف احجي

مصطفى : بيان

ملاك  : شنو

مصطفى : بيان بنية وياي بالكلية جانت ...   _سكت لحضات ورجع _ آآآه حبيتة ملاك حبيتها بكل قوتي صرت اشوفها حياتي.... اذا هية مو موجودة حياتتي ضلمة  حبيتهة 4 سنييين احبهة من اول يوم كلية حبيتها ونعميت عن كل جنس حواء  صرت اشوف كل البنات لاشي بالنسبة الها حبي الها مو طبيعي تخيلي كلبي النذل ساوة حبهة وية حب امي وابوية وصرت بداخلي من اشوفها اكللها هلة بريحة هلي

ملاك : يعني حبيبتك

مصطفى :  اي   بس حبنا جان نضيييف لابعد درجة جانت بريئة ونقية لدرجة تخاف تباوع بعيني

ملاك :  اي وشصار يعني

مصطفى :  ماصار شي بس ماسمعتي كلام جدي شكال كال يزوج جراح وجاسر وانة وخليل وراهم

ملاك : اي كللهم عليهة يخطبوهة

مصطفى : ملاك بيان...

ملاك : باوع علية وعينة متروسة دموع تنهد ودار وجهة وشفت دمعة نزلت من عينة

مصطفى : بيها ك كانسر

ملاك : شهكدت قوي وخليت ايدي على حلكي هوة دنج وخلة راسة بين ايدي ويشهك قوي يبجي حترك كلبي علي لوما ابن عمي جان حضنتة وهداتة لزمت معصم ايدة _ هية عايشة

مصطفى :  بين الحياه والموت دكت علية هسة تودعني

ملاك :  مدام عايشةلتبجي صدكني تعيش نشالله ترجع بخير

مصطفى : شون تعيش ملاك حالتهم المادية مو زينة لا ترضة اخطبها ولا ترضة اصرف عليها انة بين نارررين حاليا اما انفذ الكالتة واخليها راضية علية او اروح واكسر كلشي واخليها تضوج مني

ملاك : شنو الاهم ان تفقدها بس لاجل رضاتها او تنقذها وهية كبال عينك تصير بس مراضية عليك

مصطفى :  اذا سويت هيج تسافر

ملاك : زين تروح

مصطفى :  هية مسيحية جانو بالموصل بس جوي للبصرة بعدما صارت سالفة داعش وابوها ينتضر بس كلمة منها حتى يروحون

ملاك : حاجي جدو وخطبوها _ باوعلي  وضحك ودموعة تنزل

مصطفى : منو يرضة كليلي امي لو ابوي لو جدي لو بيبي كليلي بلة مسيحية وهمات مريضة تووقعين حيرضون

ملاك : مصطفى اذا انتة حجيت يوافقون والله احجي حالتهة اكيد يتعافطون وياها بعدين اذا انتة تتمناها بعد يغصبوك يعني

مصطفى : اي يغصبوني صدكيني يسووهة اتوقعها منهم

ملاك : جدو مو بهالسوء بعدين انتة رجال مشورب يعني مالك القرار

مصطفى : يعني تكليلي تزوجها بدون رضاتهم

ملاك : لا مصطفى بس شوف جراح وجاسر مرادو يزوجون ومتزوجو  محد منعهم جدو كاللهم هاي حياتكم

مصطفى :  لان ذوله جراح وجاسر مو مصطفى وخليل

ملاك : لتحجي هيج جدو يعزنة اني وجاسر تعرف ليش لان يتيمين اما جراح لان دوم وياه بالكعدات بس صدكني معزتكم مو قليلة عندة

مصطفى : ماعرف شسوي والله تعبت

ملاك : توكل على  الله ميصير تضل كاعد وانتة تنتضر موتها لا سامح الله عسما تشن الحرب لتتركها مصطفى لتتخلى

مصطفى : الحب اهخخ يالحب يجي بدون انذار يفتر وراك ويفرك يخليك تتسائل احب لو لا معقولة لا ماحب بس انتة تحب بس هوة يريد يعذبك بعدين يلة تثبت على رايك من تشوفة يروح من بين ايدك 

ملاك : صفنت على كلامة عبالك وصف الي بداخلي باوعلي ومسح دموعة

مصطفى : خلاص باجر افاتح جدي بالموضوع وعسما اطلع من البيت اتزوجها

ملاك : لا مصطفى اني شجعتك بس مو لهلدرجة سايسهم والله يوافقون لتعصب لاتنفعل لان تخسر روحك وتخسرهم

مصطفى : لا احاجيهم هدوء نشالله ادعيلي ملاك ادعيلي

ملاك : والله اذا تزوجتو  مني الكم بدلة من بدلات الحنة

مصطفى : من فلوسج الزايدة

ملاك : لا والله عسما اجمع الفوكي والجواية اجيبلكم بدلة وانت هديتك موجودة ودعائي محيفاركك منا لحد متنخطبون

مصطفى : ونعم الاخت انتي مشكورة

ملاك : ولو برو تدلل _ ضحكت جان تنفتح باب الديوان وطلعو جاسر وساند جراح 

حسيت الدم نفش بجسمي ورجفة فجا سارت  بعضامي وتخيلت الموقف شون حيصير .....

يتبع.....

_________

اتمنى يعجبكم البارت 💕

منا وغاد هيج  وقت انشر البارت  لان هسة يلة اكدر الزم فون امي

فتعودو على هالوقت وشوفو نشرلتلكم بارت اطول من حياتي شتردون بعد 🌝

دعموني بدعمكم الحلو وشكرا على ال16 الف  مشاهدة جد فرحانة بهالرقم وشكرا على كلشي تسوو

ومن شفت حماسكم من ختفيت صدك نقهرت وضليت الوب حتى انشرلكم

شكرا هواي وحببب كبير الكم 🙈💛❤💚💙💜