رواية ملاك الشيخ جراح الفصل الثامن عشر 18 - بقلم ~yaqeen.hassan~

‏وشعرتُ بأن رقّة قلبه كالطمأنينة الدافئة التي تحتضنُني عندما كان كل شيءٍ حولي يُشعرني بالفزع.

حرفيا حاليا داموت اني تونة رجعنة وكتشفت ان البارت ماكو ب300 كلمة حنتحر البارحة هلكد ما ضليت اطب واطلع يمكن ممسوح والنبي حبجي ميتة تعب اني

اسفة كلش وباجر انتضروني اعوضكم ببارت جديد

لتنسون النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _السابع عشر

نغم : اني نصدمت لحضة شجابة هذا ماما دغتني كالتلي كومي كمت رحت للمطبخ

الام : صعدي بدلي ولبسي شي بي خير وحطي عطر لمي كفشتج ووتعالي

نغم : زين الله نسوي هذا كلة علمود الامير علي

الام ؛ بلة لغوة امشي يلة وجيبي الضيافة وفوتي

نغم : صعدت لبست دشداشة 3 ارباع طولهة جوة الركبة رفعت شعري ذيل حصان ورشيت عطر حطيت مسكارا وحمرة خفيفة ونزلت سويت الضيافة وفتت للاستقبال _ سلام عليكم

الكل : عليكم السلام

نغم : شلونك علي

علي : هلو نغم الحمد الله انتي شونج

نغم : تمام _ رجع يسولف وية بابا وفاروق حتى مباوعلي ورا شوية كامو ينسحبون واني بدي انسحب وياهم بس ماما خزرتني من ردت اكوم اخر شي كام فاروق

فاروق : من رخصتك علاوي

علي : مرخوص حبيبي

نغم ؛ حبيبي صار فاروق حبيبك واني حتى متكول اسمي طلع واني مدنجة راسي وشعري صاير بحضني والعب باطرافة

علي : احم شونج

نغم ؛ تمام _ مرفعت راسي ولا باوعتلة رغم احس نضراتة متشخصة علية

علي : دوم نشالله ..... كالتلج امي على العرس

نغم : هزيت راسي

علي : الفلوس العندج خلصت لو لا

نغم : لا

علي : يكفنج

نغم : اي

علي : خوش

نغم : سكت شوية وكام اني هنا ردة فعل صارت عندي رفعت راسي وباوعتولة لكيتة بصفي بلعت ريكي ودنجت محسيت غير لزم ايدي واني احس رجفة صارت بجسمي من قربة ضليت ساكتة وهوة تنهد وحجة

علي : اسف

نغم : على شنو

علي : على السويتة ذاك الاسبوع تصرفي جان سخيف اعرف واذيتج هواي بحجيي واني اذا اعرف نفسي غلطان اعتذر انة اسف

نغم : وهسة يلة تذكرت مو صارلك سبوعين شنو جنت تسوي بيهن

علي : جنت بغداد خلصت شغلي هناك حتى اتفرغ منا لشهرين مابية حيل ورا العرس اروح

نغم : يعني متنكدر تدك

علي : هيج موضوع مينحل بالموبايل

نغم : علي انتة جرحتني حسستني اني ممستورة

علي : نغم مجيت حتى نتعارك بهالموضوع كتلج ضجت وتعصبت وانة ماتحكم بروحي وكت العصبية

نغم : دنجت، راسي ماععرف شحجي بس يصير قريب مني انسى كلشي وماعرف شاحجي

علي : نغم بوية ماريد حياتنة تبدي بالمشاكل  انة غلطت اي وانتي همات عاندتيني وحجيج جان مستفز ومو لائق يعني تعانديني بوكت العصبية ليش بوية ترا انة اكره العناد كسبيني ةحسن متعاندين وتعرفين انتي نهاية العناد شنو

نغم : لان حجيك جان مؤذي فاني نقهرت عاندت اما اني مو هيج ابد

علي : تمام انة اسف مرة ثانية خلاص راضين

نغم : بتسمت وهزيت راسي باوعلي وتنهد

علي : هسة نطلتع الاشتياق

نغم : تقرب مني وباسني نفس الاحاسيس نعادت علية من يوم الخطوبة كل يوم اعيشة وياه كانة اول يوم

وخر مني وباس كصتي هاي حركتة لازم يسويهة .

علي : نبدي نجهز خلاص شكلي مرح اصبر اكثر

نغم : بتسمت وباوعتلة وتمننيت اضل اتاملة للابد..

من ورة هاليوم تغير كلش صار يخابر ونحجي ونطلع همات رحنة ختارينة اثاث للغرفة لان هنة سويت بيهة صالة وغرفة شترينة كلشي وجهزت 

قبل الحنة بيوم بالليل   حاطة الابتوب واكفة اني بالشاشة علي طالع حاط ايدة على لحيتة ومركز وياي

نغم :  شوف هذا لو هذا احلى

علي :  الازرك حلو يرهملج

نغم : بس هذا كصتة حلوة

علي : هذا فاتح لونة انتي بيضة فيطلعج باهتة

نغم : مممم  خوش منطق شكرا خوش البس هذا _ ذبيتهن وكعدت رفعت شعري  وهوة صافن علية ومبتسم

علي : متحمسة

نغم : مممم اييي كلش هواي والنبي على  الفقرات السويناها وهيج متحمسة للركص

علي : اي ذبي لحم عمي

نغم : اي طبعا هههه

علي : يلة هانت مبقة شي

نغم : تجي باجر

علي :وين

نغم :   للقاعة

علي : شسوي اجي

نغم : ياااا غير تحنيني

علي : بوية وانة شعلية غير امج تحنيج  

نغم : ياااا علي  هسة هذا الموديل انتة تحنيني

علي : بوية داخل بنص النسوان احنيج شلهة داعي

نغم : حباب لا والله ازعل

علي : نغم عيني انتي لتسوين هاي السوالف

نغم : ما والله ازعل

علي : نغم

نغم: عليييي

علي : ستغفر الله

نغم :  والله والله والله ازعل عليك وماحجي وياك وابطل من العرس _ سديتة وصفنت اي اكيد حيجي ميتحمل  زعلي مجربتة

ضحكت وحضنت المخدة قوي

_____________

ملاك : الساعة ب8 واكفين بالمطبخ نسوي ريوك من الصبح جوي بيت خوال نور و همات من كرايبنة للحنة

نور تسوي بيض واني احضر الاجبان بالمواعين وجابو الكيمر كمت اسفطة بالمواعين

باوعتت لوجه نور صار احمر _ ولجج نورر وجهجج احمرر صار

نور : هئ وجهيييي عزاااا راححح يمة كلة من ورا بيضكم اييي وجهي

ملاك : هههههههههه دراما كوين ترحب بكم مابي شي يالعوبة تحسس من الحرارة تعاي سوي الجبن واني اكمل البيض

رحتي اسوي واحس لعبت نفسي من الزفر هلكد مسوينة تمنيت ماشوف بيض بحياتي بعد كلها

واني واكفة حسيت حتقيئ ركضت للحمام تقيئت وغسلت وطلعت لكيتهم واكفيلي بالباب خايفين

الجدة : شبيج يمة ليش ذبيتي  شكلتي انتي

ملاك : بيبي م ن ريحة البيض الزفرة لعبت نفسي

جراح؛ شكو ديسون بيض مو جبنة كيمر خير من الله وكاهي يعني الة شلعان كلب الهن عايفاتهن وحدهن شون يتحملن هنة باع هاي جهة نصبغ من الحمار هاي نكلبت صفرة ليشش هالكلان ...التببن

ملاك : ضميت ضحكتي من كال اكلان تبن سكت يريد يكول غير شي بس ستحة من الواكفين طلع عصبي ثواني ورجع اشرلي ويحجي

جراح : طفي الغضب الطباخ وصعدن فوك ماريد المح وحدة بالمطبخ فاهميين

ملاك : هزيت راسي وراح بتسمت على خوفة بعدين شلت البتسامة شجاني ياا

تريكو كلهم وغسلو المواعين صعدنة نحضر باشيائنة

ونكوي ملابسنة

كملنة كلشي نزلنة نسوي الخفايف من  الغدا  لان الغدا طباخ العيلة جايبين ههههه

وراها صعدنا نبدل  ملابسنا الغرف كلها نترست الة غرفتي جانت مقفولة خلينة بيها الذهب وهاي الاشياء وكتبي وملازمي ماكدر اخليهم يدخلون ويكلبوهة واذا ضاع شي تضيع حياتي

فقفلتهة  رحنة اني ونور وعمة مريم نبدل بغرفة جراح رحت اني اول شي وهنة راحن يجيبن ملابسهن

فتتت وعلكت الفستان توني رفعت التيشيرت دابدل جان تسمع صوت الباب نزلت ايدي ونفتحت الباب فات جراح تنفست همزين الله نزلت ايدي ومنزعت

جراح؛ شسوين هنا

ملاك : دنبدل اني وعمة ونور_ عقد حاجبة وباوع على انحاء الغرفة وباوعلي رفع حاجبة عرفت نضراتة المستفزة عبالة كاتلة روحي على غرفتة

_ لتباوعلي هيج راحن يجيبن ملابسهن

جراح : وانتي منو سائلج

ملاك : نضراتك مبينة شنو تريد تكول

جراح :  لتالفين من يمج تمام

ملاك :  حجة وراح فات للحمام ضربت الكاع برجلي شكد سخيف وغثيث  طلع واني كعدت انتضرة يروح عاد لف شماغة ورش عطر لبس حذائة وديبلس ساعتة حجة

جراح : تخلصن وتقفلنن الباب محد تدخلن ماشي

ملاك : اي

جراح : ولتخربطن لمن هوستجن وراجن

ملاك : شايفنة وصخين

جراح : محجيت انة انتي كلتيهة

ملاك : لا والله علساس شون نضيف انتة لوما عمة تعزل غرفتك جان كتلها الوصخ

جراح : انة....

ملاك : سبقتة وحجيت _ انة ولدد وانتي بنية اكو فرق بينة_ باوعلي وبتسم ورفع حاجبة

اهخخ ابتسامتة تخبل يالله

جراح :  مدام تعرفين شكو تحجين

ملاك : حضل احجي واتعارك وياك لحد ما اشيل هالفكرة من راسك

جراح : متشيليهعة لتحاولين

ملاك : عافني وطلع بدي اخنكة كمت بدلت وجني نور وعمة شايلات ملابسهن وكومة غراض وياهن

بدلنة ملابسنة  هنة خلصن قبلي لان خليتلهن مكياج  واني اخر شي

طلعن وعافني دارش عطر ندكت الباب

_ منو

نوران : انيييييي

ملاك؛ عوجت حلكي شون تكولها كبر عود يعني تتنعوص _ شتريدين

نوران : فتحي الباب

ملاك : اسفة ميقبل جراح

نوران :  فتحيهة هوة كلي

ملاك : ستغفر الله رحت فتحتتها لكيتها كبالي لابخة لبخ وطالعة بفستانها القصير

نوران : شووخري خلي افوت

ملاك :  متفوتين جراح كال محد يفوت

نوران :وانتي شعندج فايتة

ملاك : دابدل انتي وخواتج مو حتليتن كل الغرف اني هنا بدلت

نوران : وغرفتج مو موجودة

ملاك : شعليج انتييي هااا شعليج بابا روحي داكمل

نوران؛ لا عبالج ماعرف فلمج شنو لا اعرفة كلش زين

ملاك : بلة كليلي شنو فلمي ومنو مخرجة

نوران : غايتج جراح ودتحاولين بكل الطرق تجري الج بس لتخافين جراح حاجزني من ابوية وهوة اصلا  دائما يمنة وصارحني بنهاية هالسنة سمعي خبر زواجنة

ملاك : واووو ماعدكم طفل   بعد ولو يجوز عدكم تؤام همات  انتي تضحكين على روحج لو علية جراح لو حاجزج جان البيت كلة درة مو يروح بالختلة وبعدين شكو بالختلة حاجزج شنو مستعر منج ميريد يعلن خطوبتكم
_ كلتلهة هيج صخنت وصارت عصبية

نوران : اصلا جراح يموت علية ويعبدني وبس نتزوج حيصير محبس بايدي

ملاك : بتسمت وكفتنة جانت اني جسمي بالغرفة وراسي برا وهية واكفة كبالي يعني مطالع جسمي
فزينة على صوتة

جراح : هاي منو اليعبدج ومحبس بايدج .......

يتبع.....

__________________

اتمنى يعجبكم البارت 💕

انتضروني بارت جديد باجر  نشالله 💕

#الكاتبة : yaqeen. Hassan
#مـلاك _ الـشيـخ _ جـراح