رواية ملاك الشيخ جراح الفصل التاسع والعشرون 29 - بقلم ~yaqeen.hassan~

كطِفل يرى البحر لأول مرة 

أراكِ كل يوم...

لتنسون النجمة وعلقو على الفقرات 💕

#الكاتبة : yaqeen. Hassan 

#مـلاك _ الـشيـخ _ جـراح 

#البارت ـ التاسع والعشرون 

جاسر : خير شمكعدكم هنا

ملاك : كمت بسرعة واحس اريد اختفي جاسر وجراح ثنينهم خازريني مصطفى نتبه وضاج

مصطفى : ماكو شي بس كعدنة نسولف شوية من اخ لاختةةة

ملاك : اني اروح انام تصبحون على خير

جاسر : وانتي بخير

ملاك : فتت للبيت تنفست بقوة يمة كلبي وكع مدري شبيهم عبالك بايكين ناهبين جا غير تربينة سوة

رحت مددت ونمت افكر لو انتي بمكان مصطفى شنو شعوري جان يعني صدك اني هسة ديفتر الحب داير مدايري

ديريد يوهمني ان اني ماحب لو احب دخت يالله  غمضت عيني ونمت

ثاني يوم الضهر ورا الغدا بالديوان جانو جدو وعمامي وولد عمي هم موجودين مصطفى اجاني

مصطفى : تجين وياي كليلهم صديقتي واعرفهة واحجي عن حالتها يعني حتى اذا متعرفين بس انتي دكتورة

ملاك : تمام عادي امشي يلة _ مشينة وهوة متوتر خطية عبالك مودي لااعدام

فتنة سلمت على عمامي وكعدنة

الجد : خير شعندكم بوية

مصطفى : كل خير جدي

الجد : اي شنو

مصطفى : اه انتة قبل فترة مو كلت لامي دوري نسوان للولد حتى نزوج

الجد : اي كلت بس كلتلكمم انتو ورا جراح وجاسر

مصطفى : جدي هذا هسة مو الموضوع يعني اني اريد اعقد

الجد : بس امك مالاكيتلك مرة

مصطفى : انة اعرف وحدة واريدكم تخطبوهة الي

حسين : منين هاي بوية

مصطفى  : يابة وياي جانت بالكلية وملاك هية صديقتهة وحتى جراح يعرف

ملاك : باوعغلي جراح وخزرني شبي هذا يا

جراح  : بيان قصدك

مصطفى : اي خوية بيان

الجد  : احجي بوية منين البنية من ياعشيرة

مصطفى : اه جدي البنية من الموصل بس سكنو بالبصرة بعد احداث داعش

الجد : اي بيها الخير نخطبها ليش لا

مصطفى : مو جدي البنية احم..

جراح : جدي البنية مسيحية

ملاك : كالها ببرود اعصاب وخلة جدو ينصدم ويعصب مصطفى باوع لجراح وبدة يكوم ياكلة 

عامر : شدتحجي انتة بوية من كل عقلك

مصطفى : لحضة عمي بس خلي افهمكم

الجد : سد هالموضوع لا افهمكم ولا وفهموني اطلع برا مصطفى

مصطفى : جدي بس خليني احجي والله همة ناس فقرة ولا عدهم طائفية ولا هاي الاشياء اصلا البنية تريد تدخل الاسلام لو ما اهلها وتحب الاسلام ودتحاول تدخلة

الجد : بوية  عفت نسوانة كلهم ورحت على المسيحية

مصطفى : جدي انة هاويها

حسين : ولكك عندك علاقة وياها

مصطفى : لا لااا بس انة جنت احبها من الكلية وضلت بكلبي نتضرت تكبر واكون نفسي واستقر حتى افاتحكم بالموضوع

جراح : عندك بعد شي تريد تكولة مصطفى

مصطفى : استغفر الله اي حكولها البنية بيها كانسر وانة اريد ازوجها حتة اعالجها ونعيش شي
سوة

ملاك : الكلل ضل بحالة صدمة بس جراح جان مركز بملامح مصطفى  اللحزينة  جان مدنج راسة ويفرك بايدة احسة داخلة يرجف خوف من ان يرفضون

الجد : ولك انتة ن صدك تحجي تريد تزوجها هماتت مسيحية وهماتت مكرمة شتحصل منها هاي بس التعب وشلعان الكلب

حسين : بوية اصحة البنية الله يشافيها بس منو ضامنلك ان تعيش

مصطفى: اكو معجزات

الجد : المعجزات متتوفر من انتة تريدها

مصطفى : ليش جدي ليش مو نور عاشت بمعجزة وكلنا دعينا وطلبنا والله كومها بالسلامة ليش المعجزة من يمي راحت خلااص بعدين هية مدام تتنفس انة مرتاح واريد اتزوجها

الجد : بوية انتة صاحي عاقللل  شعايششش انتة احلامممم بعدين منهو يرضة ينطيكك بنتة وهية على فراش الموتت

مصطفى : انة حجيت وياها وكلتلها وحتى حاجيت ابوها

حسين : جان عقدت عليهة فدنوب شكو جاي علينة بعد

مصطفى : يابة ابوس ايدك لتسد البوب كلها بوجهي

الجد : شمدريك ما كاعد يستغلوك شمدريك ما يخلوك تعالجها ويسافرون

مصطفى : جدي انة اعرفهم من انقى البشر همة ناس فقرة همهم بس علاج بنتهم ولكمة تدخل لحلكم بعدين حتى اذا استغلوني يصير اجر الية وانة راضي  وبعدين حتى ملاك تعرفها وتعرف اخلاقها مو  ملاك

ملاك : اي جدو  البنية فقيرة وخطية حالتهم المادية زينة وحتى من حجيت و ياها كالتلي تحبة لمصطفى

الجد  : اطلع مصطفى اطلع لتدوخ راسي

مصطفى : جدي لوهية لو ما.........

جراح؛ مصطفى اطلعععع وبعديين نحجي اطللع خوية

ملاك : حسيت مصطفى حقد على جراح لان محجة شي وبس شعل النار

كمت طلعت اني ومصطفى طلع ضايج وكفت بباب الديوان اريد اشوف شيكوولون محجو شي

توني دامشي حجة جراح

جراح : جدي مدام نفتح هالموضووع انة اريد اكلك شغلة انتة وصيت امي على مرة بس انة رايد بنت عمي

الجد : اي وحدة منهن بوية

جراح :ملاك

ملاك :فتحت عيوني على وسعهااا وحلكيي نفتح وياهن على الواهس 

الجد : بيهاالخير بوية بس وضعك انتة هسة

جراح : جدي انة كتلك حتى تسئلهة بين ما اصير زين واذا وافقت بيهة الخير 

الجد : والله هنا نسال اخوهة شتكول جاسر

جاسر : الله كريم احجي وية ملاك ونشوف

ملاك : فتت للبيت واني مصدومة  امشي احس مثل الصنم شديصير هاي شديصير جراح خطبني الي اني ملاك

شافتني نور مستغربة وضعي وكفت يمها باوعت عليهة وحجيت بصوت ناصي

_ جراح خ خطبني

نور : هااااااا عزاااا صدكككككك يماااا مبروكك

ملاك؛ نور تعاي لحضة اشش _ جريتهة للغرفة _ لج نور عقلي واكف مصدومة مصدومة والله

نور : لج ملاك جراح يحبج والله من شاف هذاا الدكتور خطبج حس بيج حتروحين من ايدة وعترفلج وخطبج لج اخوية ميت بيج

ملاك : اذا جاسر حجة وياي شكلة نوور

نور : ملاك اسئلج سؤالين جاوبيني عليهن... 1  اذا رفضتي حتوافقين على الدكتور

ملاك ؛ لا

نور : 2 اذا رفضتي وراح تزوج حتخلي

ملاك ؛ لا ماكدر والله غير اموت

نور : لعد تحبي ياختي شككو تمسلتين

ملاك : نور فهميني جراح يعني شون اكلج اكو خوف منة بكلبي اخاف منة مرات

نور؛ اكلج احنة مكلنالج العرس باجر تتعرفين علي شوية شوية وتقوين علاقتج بي واذا مكدرتي عادي فصخي ترا مو شي صعب

ملاك؛ ماعرف

نور : يول انة اقرة العيون وعيونج تصرخ تحب جراح لتمنعيهة

ملاك : اهخخخ الله كريم

نور : فدوا اروح لمرت اخوي اني ههههه

ملاك : هههه كبر 

_________

مريم : يلة ماما خلصت نروح

الجدة : اصبري ولج نطيني جواريبي

مريم : رحت لبستهة جواريبها وطلعنا جنة رايدين نروح للسوك اريد اشياء الي محتاجتهن

رحنة تسوكنة وبنص الطريق بنجرت السيارة  وكف السايق ونزل يحاول بيهة وهية ماكو

السايق : حجية هسة اروح شوية اشوف مصلح وارجع 

الجدة  : روح وليدي بس لا تتاخر

مريم : راح واني نسلكت من الحر جان بداية ال5 وحر البصرة غيررر

شوية ووكفت سيارة يمنة باوعت نزل منهة واحد صاكك منتبهت الوجهة بس كشختة فولل جان لابس بنطرون اسود وتيشيرت ابيض وسترة جلد وشعرة مرفوع ونضارة وحذاء ابيض من حياتي

تقرب علينة واجة ممن شباك اليمي يحجي نزع النضارة وجان انصدم عزا هذة اخو نغم

فاروق : سلام عليكم

الجدة : عليكم السلام  كول عيوني شرايد

مريم : خرب  ماما نست يحضي تقربت يمها وهوة باوع علية شاورتهة _ ماما هذاة اخو نغم فاروق شجاج نسيتي

الجدة : هاا هذاا الحلو اخو نغومة هلة يمة هلة شونك اعذرنيي بس نسيتك

فاروق : ولا يهمج خالة الحمد الله انتي شونج الاهل شونهم

الجدة : الحمد الله اهلك شونهم

فاروق : بخير والله .... شونج خوية

مريم : دنجت راسي وحجيت _ الحمد الله  خوية انتة شونك

فاروق : الحمد الله  خير خالة شو واكفين  هنا وين السايق

الجدة : يمة السيارة بنجرت بنص الطريق وراح المكموع يجيب مصلح

فاروق : نزلو انة اوصلكم 

الجدة :  حبيبي تسلم روح لشغلكو

فاروق : صدك جذب خالة احنة اهل شون اعوفكم بنص الشارع نزلو اوصلكم

الجدة : رحم الله البطن الربتك

مريم : نزلنا  جنت لابسة فستان مشجر ابيض وبي ورود وردية صغار وشال وردي  وخدودي من الحر مكلوبة وردي باوعلي شوية وصفن عليه كتبت رسالة للسايق خليتهة وانتي رحت مشيت ورا ماما

ركبت هية كدام واني ورا  توني كعدت جان حسيت شي جواية باوعت مسدسين

عطت بصوت عالي ونزلت اركض  هوة خطية خترع وباوع على المسدس وستغفر ماما هنا ستلمتني رزايل عبالها عطت بدون سبب لان هية مشافتني

فاروق : لا خالة  انة خال سلاح اصدقائي وهية كعدت علي وخترعت 

 الجدة : لا عيوني بنات هالوكت كلهن مايعات

مريم : ماماااا _ كلتهة مقهورة شون فشلتني باوعلي  وبتسم خلة السلاح من ذيج  بصفي من ذيج الجهة وساق السيارة

ضل يسولف وية ماما ويضحك خرب سحت على صوتة بي بحة كلش حلوة 

وصلنة للبيت  ونزلنة تشكرت منة ماما  وهو نزل يسلم على نغم فتت للبيت رحت يمها

_ نغم اخوج برا يريدج

نغم : فاروق شجابة هسة

مريم : بعدين اكلج روحي هسة واكف بالباب

طلعت واني وكفت بباب المطبخ اباوع عليهم

حضنهة وباسها بخدها وراسها فدوا شكد يحبها سولف وياها بعدين طلع من جيبة فلوس نطاها وشوية ويتعاركون بس شاورها وضحكت وهوة هم

عاد ديطلع لمحني بالباب بتسمت  ورفعت ايدي اشرتلة باي

صفن شوية وبتسملي ابتسامة واسعة حسيتهة من كل كلبة ههههه

راح واني صافنة وراه محسيت غير نغم تضربني على راسي

نغم : وين رحتي غير افهم داحجي وياج

مريم : مادري صفنت شكلتي

نغم : وين شفتو فاروق كال وصلكم

مريم  : عطلت السيارة بنص الطريق عاد هوة اخذنة وجابنة

نغم : ممممم والنضرات والابتسامات متطورين

مريم : شقصدج ولج

نغم   : ماقصصدي شي قصدي شريففف كل الشرف

مريم  :  عباليي ولي عن وجهي يلة

ملاك : بالليل تقريبا ب11 كل واحد راح لفراشة رحت للديوان داشوف جاسر وجدو فتت لكيت مصطفى يحضن بجدو وزجراح ويبوس بيهم وعيونة متروسة دموع شافني جاسر وضحك

جاسر : تعاي طكيلنة هلهولة عرس ابن عمنا الاسبوع الجاي

ملاك : هاااااااااا صدككككك يعنيي وافقتووو

مصطفى : اي وافقو ولج وافقو من اروح فدوا لاخوية وجدي اموت عليهم اعشقهم

ملاك : عاااا اللف مبرووك حيصير عدنة عرس العبب

مصطفى : يابة وحق الله فستانج علية  ومن اغلى الفساتين اجيبلج

ملاك : العبب صار بيها فساتين

الجد؛ ههههه شبيك تسودنت بس بوية شون وهية مريضة

مصطفى : سهلة جدي نروح مشية ناخذ سيد ويانا نطلب ايد البنية يجيبون الموافقة نعقد سيد ثاني يوم نعقد محكمة واخذهة واسافر بيها اعالجها ومن تتعالج نشالله نرجع ونسوي عرس وكلشي وكلاشي

الجد؛  بوية منيلك الفلوس

مصطفى : جدي محضر كلشي وعندي خير من الله انتو بس امشو وياي والله وفلس ماريد منكم

جاسر : يلة يابة ماشيين وياك شييك حتنجلط  تعاي ملوكة وياي

ملاك : طلع واني واكفة باوعلي جراح رفع حاجبة وبتسم درت وجهي بساع وبتسمت وطلعت رحت يم جاسر بالحديقة _ كول خوية انتة هم تريد تزوج

جاسر : ههههه لا حزوجج اول يلة تزوجيني

ملاك :  سويت روحي ماعرف_ بربك لتكولي الدكتور هذا اقنع جدو ما اريدة

جاسر : لا بوية مو الدكتور واحد خطبج مني

ملاك : احم منو

جاسر : جراح

ملاك  : رفعت راسي سسويت روحي مصدومة

جاسر : حقج تنصدمين 

ملاك : جراحنا قصدك جراح ابن عمو

جاسر : اي اي وثول شبيج هههه

ملاك؛ اي نصدمت شاسوي

جاسر؛ اي فشنو رايج

ملاك : شنو شنو رايييي  ماعرف شمدريني انيي _ باوعلي وبتسم وعيونة دمعت عقدت حاجبي مستغربة شبي هذا _ شبيك

جاسر : جرة الياء تجريهة مثل ماما الله يرحمها 

ملاك : بتسمت ودنجت راسي وعيوني غوركت

جاسر : احم اي نرجع باعي يعني انتي مرح اكعد احجيلج عنة بعد هوة احنة تربينة سوة وانتي تعرفي عز المعرفة بس انتي كتقبل تتقبلي كزوج

ملاك : شمدريني جاسر بعدني مصدومة

جاسر : فكري بالموضوع انطيج اسبوع وعود وراها نسولف تمام

ملاك : هزيت راسي باي ورحت نمت واني افكر ليش دا ارفضة  شنو ناقصة

جمال واخلاق  شخص اامن بي

واني ما احس بنفسي اكدر اتقبل شخص غيرة

ليش من جدو فتح موضوع ع الدكتور باوعت علي ونتضرت ردة فعلة ليش

جان كدرت ما اهتملة لو ماحبة

هوة يحبني  يحبني اي واني احبة ومتعلقة بي ليش اريد ارفض لعد

زين ليش مبينلي قبل ليش معقولة لان يحبني بتعد عني كل هالفترة من السادس لحد هسة يعني هذا السبب

ضليت افكر هيج لحد ما غفيت

ثاني يوم على الريوك جان يوم عطلة نفتح موضوع مصطفى لان جانن بيبي وعمة  ميدرن 

عمة تخبلت وبيبي هم ضلن يحجن على مصطفى وليش شناققصك وهاي السوالف بالاخير جدو سكتهم وكاللهم اليوم نروح

للعصر طلعو  كلهم  ووياهم شيوخ متكلفو هواي بالناس لان بيتهم صغير وراحن بييي وعمة ونغم ونسوان عمامي ثنينهن واحنة بقينة بالبيت

تقريبا 3 ساعات يلة رجعو فات مصطفى يدبج بنص البيت

مصطفى: ولجججججج ملاككككك ولجججججج عقدناااااا ولجج صارتتت مرتييييييي ولكم هلهلوووووو

ملاك : طكيناها هلاهل كلنة يالله فرحت مصطفى بهاليوم متنوصف وكل البيت فرح لفرحتة

الضاهر هوة جان حاجي وية ابوها ومتفق وياه وهية من دارية ضايجة بس من عاقدين يكول وجهة ورد

وهنا بدة مصطفى يجهز لسفرة ورا يومين عقدو محكمة وصارت مرتة قانونا

كمل كلشي باسبوعين واخذها وراح يعالجها بدولة اجنبية

هنا 
نحس البيت فرغ لان مصطفى جان مثل خليل تقريبا نفس الفكاهية ومنطي جو حلو للبيت حتى خليل ا اللي بدون مشاعر ضاج ونقهر بعدة

اما عن سالفة خطوبتي وية جراح

وافقت بس انتضرو جراح يصير زين ونكول للكل يعنيي جانت السالفة مواصلة لعمة وبيبي

بيوم الدزيت الموافقة بالليل راسلني كالي تعالي للمخزن اللي بالحديقة انتضرج

ضليت مترددة اروح لو لا جان خوف بية اخاف احد يلزمنا سوة بس بعدين كلت اكيد هوة حاسب حسابنا

طلعت واني اتلفت بخوف  وصلت لباب المخزن تنفست قوي  وفتحت الباب على كيف فتت لكيته كاعد على كرسي وخال واحد  ثاني بصفة ومجتف ايدة ومبتسم

فتت واني من نضراتة توترت سديت الباب ومشيت ليمة

_ هلو

جراح : هلة تعاي كعدي

ملاك  : كعدت بصفة على الكرسي جان خال طبلة ومدد رجلة عليها

تنفس بعمق غمض

جراح : رح احجي حجي هواي سمعيني ولتقاطعيني تمام

ملاك : ت تمام

جراح : .... ... ....

 يتبع..... 

__________________

اتمنى يعجبكم البارت 💕

شخصية جراح الغامضة وواللي الكل كرها رح تتوضح بالبارت مال باجر انتضروناااااا 🌚💕💕💕😂

#الكاتبة : yaqeen. Hassan 

#مـلاك _ الـشيـخ _ جـراح