رواية ملحمة .. إرث سليمان الفصل السابع عشر 17 - بقلم Hend_AlBoor

بـعـض الـبـشـر اضـحـوكـة
و بعـضـهـم اسـطــورة ♡

يمامة : خليت عيني بعينه ..

المواجهه لازم وياهم مو وية البشر .. طاقتي عبرت الطاقة البشرية ..

يوليس : ( بابتسامة ساخرة) هه كنت ع يقين .. انك ترينني ..!

الكل ينظر بدهشة عليهم .. اذا توكع ابرة يطلع صوتها .. حالة سكون غريبه ..

دنهش : مستحيل ..!!

يوليس : ينسحب للخلف بخطوة و يستقيم ..

ام غدير : انصدمت من كلام الاسياد .. مستحيل ..

يماااامة ...؟؟؟

يمامة : بلي .. اشوف جنود الشياطين ..

دنهش : اياااك ان تتفوووهي بهذه الكلمة ايتهااا الطينية المهينةةةة

ام غدير : دنهششش ..

رحت عليها ع السريع ..

شتشوووفين .. ااااحجييي ..

يمامة : لزمتني من ايدي و تهز بية .. عبالك مسوية جريمة .. توقعت الجن يهجمون .. بس كالعاده يبدي الشر من ايدينا احنا البشر .. بشرية الـ تهجمت

نزلت ايدها عني و عيني ع ايدها ..

يوليس .. دنهش .. روش .. مليك .. المارد

رفعت عيني عليها .. و حولت نظري ع قرينها المتجبر وجهه ميتفسر من الصدمة

و قرينج ..

روش : خختوووف

يبلل ايده بلعابه و يلمع كذلته .. و بحركه خاطفة يتمركز مقابيل يمامة .. بسحر يظهر وردة حمراء بيده و ينحني اجلال

لم اتوقع اسمي ينطق بهذا الجمال مولاتي ..

يمامة : رجعت خطوة من انحنى اذاناته وصلت لبطني .. رفع راسه و استقام .. ابتسم بوجهي .. اباوع عليه بالموت لزمت تعابير وجهي من القرف .. لونه احمر عبالك لحم بدون جلد و حلكه واصل لاذاناته .. شنو هذا ..؟؟!

روش : ماذا ..؟؟  الم أُعجبك ..!

(بهمس) انا فرصتك .. اغتنميني .. فقد اقتتلن الجنيات لاجلي .. عزيزتي

ام غدير : كمت ادور بالغرفة من القلق .. صاعقة و حلت علية .. هذا كله مخالف ممنووووع ..

جذااابة .. جذابة جذابة .. اكيييد تتصنتين علية و عرفتي الاسمااااء

يمامة : من صياحه انسحب روش من كدامي .. خلصتني ..

او يمكن من سحرج طالني الشر و كشف بصري ..

مليك : او الدم المبارك الـ يسري بعروقج

يوليس : لا اظن .. لا وجود لنسل مبارك ع هذه الارض .. هه نبي ..!!!

يمامة : باوعت عليه .. يحجي بقوة و ثقة ..

ماتوقع من ابن شيطان مطرود من رحمة الله يؤمن بالحق ..

محسيت الا ع هجوم من واحد منهم بهيئة الضبع .. قريني طفر بظهري اختفى .. بتحول الجن لهيئة الهجوم اخذ ربع حجم الغرفة .. بحركة خطف طفر ع الحايط و هاجمني من يساري .. من سرعته ملحكت اخذ اي وضعية دفاع بس درت عليه من الصدمة .. دك گلبي الف بالثانيه .. بس مجان كدامي غير اصمد ع وگفتي نفسها ..

دنهش : تبااااااا ... من تنعتين بالشيطااااان ...؟؟؟

مليك : توقعت هجوم من دنهش .. ايتان امر بحمايتها من الشياطين .. خطفت صرت بينها و بينه .. سحبت الصولجان .. ضربته رجع ع الحايط و هجم علية ..

يمامة : صار كدامي بثانية .. جان الضبع اضخم من مليك بهواي .. بحركه من ايده يمرد مليك جواه .. سحب بوري من ضهره بس ضربه نشمر ع الحايط .. بس متوحش وكف ع الحايط و رجعله بحركة سريعة ..

من العدم .. يهبط المارد الحارس لوسط الغرفة حامل صولجانه .. بضربه منه يبعد مليك و دنهش عن بعض .. يطفر كل واحد منهم ع اعلى مكان بحايط مقابل حايط يستقرون عليهن لازكين .. كانو الجاذبية مموجودة ..

المارد ( بصوت غليض قوي ) : لا يجوز القتال بين اتباع سيد واحد .. ايها الاسياد ..

مليك : اتفاديت ضربة صولجانه .. طفرت ع الحايط ..

حماية المنزل بمن فيه .. امراً لي من السيدة .. 

روش : المنزل .. ليس فتاتي ايها العفريت المتباهي ..

يمامة : كولشي صار بثانية .. الهجوم و دفاع مليك و ظهور المارد .. كله برمشة عين .. عقلي كام ميجمع .. بقيت بس صافنة .. اختفى المارد .. اباوع ع مليك و دنهش فوك ع الحايطين .. طفر مليك للكاع .. رجع دنهش لشكله و طفر للكاع ..

دنهش : ساقتلك يوما ما مليك ..

مليك : اقر بقوتك .. لا بئس بك كـ غريم قوي ..

يرفع اصبعه بتأشيرة توعيد ..

لكن كذلك ساحرص ع قتلك ..

ام غدير : تصفيااااتكم ضموووها .. مووو يمي زززين .. مكااافي البلوووة الـ براسي هسةةة ..

شسويتي لججج .. شسووويتي و دتشووفينهم .. متقنعيني بخرافات الساده و الدراويش .. ااااحجييي ..

يمامة : من شرج .. من شرررج حتى غدير شااافت .. اني ويااهااا ضحيةةة اعمااالج

يوليس : سيدتي .. قد استخدموها من قبل لتحرير جن مقتدر في عالمنا .. انه كان يملك من العلم ما يفوق علومنا .. اظن انه قد ترك شيئا من ذلك في جسد بشري ضعيف ..

يمامة : انصدمت من كلامه .. ركزت لدرجه اقتنعت .. ممكن .. اي ..

ــــ ذاكــرة ــــ

الجن : يراقب .. يحرگني قبل لا انطق اسمه ..

روح طاهرة ما وعت ع ملذات الدنيا .. ارفع راسك وراية ..

شيخ عمر : رفعت راسي ..

يمامةة .. ارجعي بنتي

يمامة : بابا .. اريد اشوفه

شيخ حسين : رحت داشيلها التفت الممسوس عليها و لزمها من ايدها و جرها ..

الجن : ( بصوت بطيء و صعوبه ) اشهد ان لا اله الا الله و اشهد ان محمدا رسول الله ..

يمامة : بابا مشفته ..

ـــــ حـــاضـــر ـــــ

بس ليش .. انتقل شي منه الي .. ليش مشفته بهذاك اليوم .. ليش اني .. منو هذاا ..؟؟

ام غدير : مااا فهمت .. وووضح

يوليس : شي من قوة الجن الـ لامسها و تحرر باستخدام جسدها .. انتقلت لجسدها .. الجن المسجون جان صاحب قوة خارقة ..

ام غدير : اشوو محاجيةة .. ليش مكلتييي ..

يمامة : جنت طفلة و ما افهم و بعدين دتحاسبيني ع شي مو بيدي .. شوفي نفسج شدتسوين ..!

ام غدير : لزمتها وجهها و عصرته ..

شتعرفين بعد ..؟

يمامة : هدددي ..

دفعتها حيل ..

اعرف كفرج بالله .. الاذية الـ دتسويها بالناس مقابل الفلوس .. اعرف رجلج هاي الـ غاصت بجهنم ..

يوليس : لا وجود لجهنم ايتها الحمقاء ..

يمامة : ديضلوج لحد ما يجي ملك الموت و كلهم يتخلون عنج .. كل واحد يتوجه لجهته .. لعنة الله عليهم كلهم ..

روش : يا الهي .. لعنة الحبيب زبيب ..

الكل يباوعله بنظرة مستفزة ..

روش : ماذا .. قد عزلت لعنتي عن لعنتكم .. تصرفوا باللعنة التي طالتكم منها .. لا دخل لي

دنهش : هذه المرة سيكون وجود المارد لمهمة تمزيق ..

ام غدير : قسم بالل....

يمامة : دتحلف و سكتت ..

ليا مرحلة وصلتي بكفرج ..؟؟

ام غدير : باوعي لججج اذا هذا كله درا بي احد اخليج تلحگين ابوج و امج .. مفهوووووم

يمامة : مو علمودج و لا لخاطرج .. اسكت حتى ماصدمهم بالميعرفوا .. امهم كافرة .. استحي من نفسج ..

ام غدير : وفري هدايتج لروحج .. مشايلة مني شي انتي .. و تدخل بشغلي متتدخلين .. حسج عينج تخلين خشمج بشي من شغلي ..

يمامة : ماضمن نفسي .. والله اذا صارت بيدي قوة لاهدم شرج و شر امثالج ..

عفتها و طلعت .. امشي ع الدرج .. كمز قريني من ظهري ..

بينت ..!؟

القرين : تواجهين شر .. شر اقوة من الكون كله ..

يمامة : القوة لله ..

القرين : مووو انسان مثلج لا حول و لا قوة يحارب شي موجود و مستمر منذ الخليقة ..

يمامة : مرتاحة .. احس شي و نزاح من صدري .. اني ماتحمل هذا كله و اكتم .. و شو الفايده من الكتم .. لو بيدهم شر علية جان مترددوا بالاذية ..

القرين : كلتلج قبل .. حاربي وحدج .. وحدددج

يمامة : متوسلت بيك من هجم الشيطان .. اول واحد اتخلى و انهزم انت

وكفت ع نهاية الدرج .. نزلت ركض ..

القرين : عووفي .. شيلي من بااالج

يمامة : رحت فتحت باب الهول ع كيف .. مردت اكببه من النوم ..

صار بوجهي .. نخطف لوني .. بس جنت مستعده .. اصلا نزلت اشوفه .. شفت اشكال اكثر منه بشاعه ..

القرين الشيطان : جنت بانتظارج ..!

يمامة : حجيت بقوة ..

اعرف .. دتستلذ باذيته و اذية اهله .. حولته وحش بنظرهم

القرين الشيطان :( بنبرة مستفزة حقيرة ) .. و بانتعاش ..

يمامة : لعنة الله عليك ..

القرين الشيطان : هه .. ههه .. ههههه .. و كأنني ابالي لـ الاهك هذا ..

يمامة : ان تكون حليم بوجه بشر ممحترم عظمة .. كيفما بوجه شيطان ..!

هه قربت نهايتك ..

القرين الشيطان : حسنا .. اريني ما لديكِ ..

يمامة : عفتها و مشيت للمطبخ .. سحبت الشال و طلعت اشوف بيت خالهم .. الله اعلم بحالهم بعد الصار .. طبيت لبيتهم دكيت باب الهول .. طلعتلي ام حذيفه عيونها حمر من البجي مورمات ..

ام حذيفة : يمامة .. هلا يمة .. طبي ..

يمامة : طبيت .. اديان كاعده و حذيفة نايم و حسوني بحضنه .. حتى ممبدل هدومه المشككه و كلهن دم ..

(بصوت ناصي) اعتذر اجيت بوقت مو مناسب ..

ام حذيفة : لا .. لا انتي مو غريبة يمة ..

اديان : ابوية يمكم ..؟

يمامة : همم .. هسه شفته نايم بالهول ..

ام حذيفة : الحمدلله ..

يمامة : خالة شديصير ..؟

ام حذيفة : يضغط ع ابنه .. الا تاخذ بنت اختي .. ابني رجال مو طفل ميصير هيج ..

يمامة : مو هذا المهم .. اقصد تصرفاته ..

دنگت راسها .. تفرك بيدينها ..

ام حذيفة : ماعرف .. مجان هيج .. علي اذا تخلي الجرح يطيب .. ابد ما شايل ايده علية او ع جهاله .. باخر فترة ماعرف .. مادري يمكن كبر و اعصابه نفذت ..

يمامة : او يمكن سحر ..

ام حذيفة : هم لو سحر يفك .. احنا مو اعداء الله و لا كفار .. ليش يستمر السحر .. ديشوف الظلم .. كم نفس دتتاذى ..!؟ سبحانه مستحيل يرضى بي .. مادري و اذا سحر وين انطي وجهي يمامة ..

يمامة : خالتي سوته ..؟

اديان : اي .. امي كالت .. عمتي شربته لبن .. هذا الـ ديصيح و يضربنا مو ابوية .. مستحيل يكون ابوية

يمامة : صفنت .. اشلون مسه الشيطان ..؟ شخلت باللبن .. زين اشلون اكتله .. مو جن عادي حتى اواجهه .. لازم اخذ المعلومات منه .. لا اله الا الله .. كلما افكر كلما تتعقد الامور اكثر

الله كريم .. الظلم ميدوم ..

ام حذيفة : جهالة كاموا يكرهون وجوده يمامة ..

يمامة : هو شنو ذنبه .. مظلوم حاله حالكم .. و يمكن الظلم مسه اكثر ..

كمت ..

اني اروح ان شاء الله اجي بغير وقت

ام حذيفة : خليج يمة هسه جيتي ..

يمامة : خطية نايمين .. اجيت بس اتطمن ..

طلعت اثنينهن وصلني للباب .. طبيت لبيتنا .. ما اخذت اي معلومة .. بس اللبن ماكو ربط ..

القرين : العمل اكبر من كلاص لبن .. شي فوك طاقتج

يمامة : ع اساس شوفتك و شوفة الجن شي ضمن طاقتي .. اني وصلت لمرحلة اذا اتخبل محد يلومني .. عوفني افكر براحه

القرين : هذااا تفكير لو تهلكة .. لو متخبلة ارحم الي و اهون ..

يمامة : طبيت لغرفتي ..

لا اله الا الله .. هذا الـ تتمناه ..

القرين : اي طبعا .. ع الاقل اريح راسي

مليك : انتقلت مباشرة لغرفتها ..

بشرررية .. جانت خطوة جريئة

يمامة : مليك ..

مليك : انحنيت اجلال

اجل .. مولاتي ..

يمامة : لا مولاتك و لا شي .. لتبليني

مليك : انكم المفضلين ع كل شيء .. احييج ع القوة اليوم .. مبارك

يمامة : باوعت ع قريني الفرق بينه و بين مليك بين السما و الگاع .. شصار لو مليك قريني ..!

القرين : لـ جان اشد مني .. هاي اذا ما صارعج

مليك : بماذا فكرت ..

القرين : بـ ان تكون ا...

يمامة : و لاا شي .. و لااا شي ..

مليك : المهم .. اجيت لامر ثاني ..

يمامة : شنو ..؟

مليك : زرت سكن بسمة .. صديقتج و عرفت مكان العمل من قرين زوجها .. بسريرهم ..

يمامة : الابتسامه شكت حلگي لان عرف

صدووك ..

مليك : الخبر السيء .. التابعه تنفذ مهمتها بهاي الليلة كالعاده .. لان الجنين ذكر

يمامة : حسيت گلبي وگف ..

اليوم تكتل اااالجنين .. اشلوون ماعندي رقمهاااا .. شسووي ..

مليك : لازم توصلين الها حتى تفكين العمل ..

يمامة : رحت عليه ع السريع ..

انقلني .. انت مو تنتقل .. انقلني لبيتها

القرين : شنووووو .. تخبلتيييي .. مليييييييك

مليك : يمامة .. من المستحيل الانتقال بـ ادمي ..

يمامة : ليش .. لييش اني قابله ..

مليك : التكوين البشري يختلف كليا عن تكوين الجن .. بس روحج ممكن تنتقل و هذا بالموت .. اذا نقلت جسمج ممكن تموتين .. و انلعن من السماوات

يمامة : لعددد اشلووون ..

ركضت ع الكنتور و حيلي يرجف من الاعصاب .. ع هدوم البيت لبست العباية الاسلامية .. جريت عباية الراس حتى بدون شال .. و نزلت ركض حافية ..

غدير : يمامة .. هاي وووين ..؟

يمامة : لبيييت صديقتي .. هنااا بالمنطقة

غدير : وووولج تعااالي ..

يمامة : بعدددين غدير .. بعدددين

غدير : ركضت وراها للباب ..

ولج حااافية يالثووولة .. شبيييج ..؟

يمامة : دافتح الباب .. وية كلامها باوعت ع رجلي .  ماحس بجسمي اصلا اشلون انتبه حافيه او لا ..

رجعت ركض عليها نزعتها نعالها و لبسته

غدير : يااا .. يااا .. ع كيفج مطاير النعال ..

و لا ردت شبيها طلعت مثل الجن طايرة ..

(بنبرة حزن) ... نعاالي  .. هئ هئ

القرين : يمكن تهاجم الجنين من تشوفج تطلعين العمل ..

يمامة : وصلت لبيتهم ع بعد تلث بيوت بسايدنا ..

عود انت الزمها .. سووي اي شي

القرين : شنو شنوو

يمامة : اااي شيي و لو مرة بحياتك سوي خير ..

القرين : الاهم لتبينين انوو انتي تشوفين الجن حتى المارد الحارس الخاص بالعمل ميهاجمج ..

يمامة : شكراا ع المعلومة ..

دكيت الباب طلعت عمتها ..

السلام عليكم ..

ام طارق : و عليكم السلام ..!؟

يمامة : اني صديقة بسمة ..

ام طارق : هاا يا اهلا و سهلا اتفضلي اتفضلي ليش واكفه .. بسمةةةة .. بسوووم

يمامة : طبيت و اني اوزع ابتسامات .. كعدت بغرفة الاستقبال .. دقايق و اجتي بسمة وراها القرين و التابعه اعوذ الله يوم عن يوم تزيد بشاعتها الله يعين بسمة ع هالشر ..

بسمة : هاي منوو نورتني اليووم .. هلا هلا ..

يمامة : كمت بوستها ..

هلا هلا عمري

بسمة : شبيج احسج مو ع بعضج .. مشدوهه .. شصاير ..

يمامة : رجلج وين ..؟

بسمة : بالشغل ..

يمامة : الحمدلله .. بسوم اكدر اطب لغرفتج عندي حجي وياج ..

بسمة : اي عادي تعالي بعد احسن اخذ راحتي اكثر ..

التابعة : ممتفائلة بصاحبتك .. ع شنو ناوين ..؟؟

القرين : مادري .. صاحبتي فاقده عقلها فـ اعفيني من السؤال ..

يمامة : صعدت وياها للغرفة .. اول مطبيت الريحة تكتل .. سديت خشمي ..

بسمة : يا .. شبيج .. خوما المعطر معجبج ..

يمامة : ياا معطر بسمةةة .. داشتم ريحة جثة عبالك ..

بسمة : مداشتم .. صدوك تحجين ..

يمامة : شمرت العباية من راسي .. و رحت ع الجرباية

اكيد متشتمين لان هاي ريحة العمل ..

التابعة : ع شنوووووو جااااية هااااي الادميةة القذررررة

بسمة : عزززة العززاااني .. يمامة شنوو هنااا بالغرفةة

ركضت قفلت الباب ..

منوو .. منوو هيج يسوي بية ..؟ ماا اذيت احد والله

يمامة : دوري وياية ع فتحه شي مكان .. مو وقت لطم بسمة ..

بسمة : اي .. اي  .. صار ادور .. صار

يمامة : كلبنا الفراش اني وياها .. بقت بس الاخشاب .. ادور بيدي و بعيوني

بسمة : شتدورين .. شادووور وياج ..

يمامة : اي شي جيب .. فتحه .. اي شي ينحفظ بي عمل ..

داحجي شفت مثل حفر بالخشب من يم مكان روسهم .. دفعت الخشبة راسا طبت ليجوا .. مشلوعة و محطوطة حط

دخلت اصابعي .. سحبت جيس صغير ..

بسمة : شنوو هذاااا .. شجااابه هناا ..؟

التابعة : سحقااااااا لللللكِ .. لعنةةةةة الاااااب علـ....

يمامة : هجمت ع ظهر بسمة بالسجين .. ماعرف اشلون ابطل عمل ايدي كامت ترجف .. فليت العقدة و نثرت العمل حتى بدون ماشوف شنو ..

مااا جئتم به ااالسحر ااان الله سيبطله .. ااان الله لااا يصلح عمل اااالمفسدددين ..

كمت اكرر هاي الاية بدون ماحس و انطلق لساني و اني افكك بي

قبل لتوصلها اختفت .. هبطت شيطان السحر بنص الغرفة

قريت اية الكرسي .. ابدايتها اختفى ..

بسمة : اااا .. آاااا يمامة .. ااااخ يمةةة

من كامت ترقي .. كعدت بالكاع من الالم حسيت راح اموت

يمامة : بسمةة .. بسمةة شبييج

رحت عليها ..

بسمة : آاااا .. ماادري مااادري .. الم .. تقلص مثل الطلوگه اووف .. اوووف

يمامة : ركضت ع كلاص المي ع الميز .. اريد اشربها ايدي ترجف حيل .. ماسيطر عليها ..

بسمة : هههه شبيج تخافين مراح اجيب هسة .. سكن الالم لتخافين .. اوويلي خمس دقايق هدن حيلي ..

يمامة : الحمدلله .. الحمدلله ..

حضنتها حيل و ابجي ..

احمممدك ربي

بسمة : يبووو لتبجين .. فديتج .. اكولج من رقيتي لزمني الالم خفت ع الطفل ..

يمامة : كمت وكفت ..

لا .. من فككته ..

بسمة : سحبتني من ايدي و كمت .. رحت ع العمل  ..

عزا العزاني .. شنو هذاا .. شنو هاي الخزعبلات

يمامة : رحت شفتهن .. شعر و عين .. اعتقد عين مخلوق محنطة .. شكيت بيها عين جن .. و احجار ..

خزعبلات ..!! هذني كتلن كم ولد ابطنج ..

بسمة : اوووي عيووني جهاالي .. لييش اني ما اذيت احد والله يمامة ..

يمامة : كامت تبجي ..

هو هيج الشر .. يمس بس الانقياء .. شفتيلج شر يتسلط ع شر ..؟

باوعت ع قرينها بنية .. بس بعدها ضعيفه ..

ماعرف بفك السحر بسمة .. ماعرف اذا هيج فك او لا ..

القرين : منو سعى بهذا الشر .. هلكج و هلك صاحبتج ..

قرين بسمة : مرة حماها ..

بسمة : اني .. اني اخذهن و اروح وية عمتي ع علوية تعرفها عمتي .. اودي الها .. انتي مقصرتي و اذا حامل ببنية راح تجي بسلام مثل خواتها اذا الله راد ..

يمامة : انصدمت من كلام قرينها .. كعدت يمها .. لزمتها من كرشها ..

هنا كاعد ولد ..

بسمة : مسحت دموعي ..

الله عليج .. كوولي والله .. شمدريج فدووة ..

يمامة : الـ دلاني بالعمل ..

بسمة : صفنت ..

يااا .. انتي درويشه .. نسييت .. اكيييد ع ابوووج ..

حضنتها و الكاع متشيلني من الفرح .. ندكت باب الغرفة ..

سماهر ( زوجة طارق اخو زوج بسمة ) : بسمةةةة .. بسوووووم ..

بسمة : يااا .. يبوو .. كومي كومي نرجع الفراااش ..

يمامة : ع السريع لمت العمل بيدها .. كمنا نرجع بالفراش ع الجرباية ..

منو هاي ..؟

بسمة : مرة طارق اخو رجلي الجبير ..

يمامة : هممم .. شبيها مو تعرف عندج ضيووف ..

بسمة : لا حبابة .. خطية ميصيرلها ولد .. حتى خواتها ترثتهم كله بنات .. مادري عبالك وراثي

يمامة : اهاااا ..

راحت فتحت الباب .. طبت من شكلها مبينة شر .. اعوذ بالله .. الشر يقلب ع خلقة البشر .. تباوع ع الجرباية عيونها تريد تاكل الفراش

سماهر : شكو قافلات الباب .. شصاير ..؟

بسمة :وووين عمتي .. شووفي لكيناا سحر بغرفتي .. شفتي حظي سمسم مادري منو زارعه بجربايتي .. عمةةةة .. عمةةة

سماهر : يبوووو .. شلوون لكيتوا ..؟

يمامة : اباوع عليها .. رفعت حواجبي ..

من وحده حسوده متريد ولد لبسمة .. الـ يكطع رزق الله ملعون فوق الارض و تحت الارض و يوم العرض ..

مدام فك العمل .. راح يرجع شره ع صاحبه و الـ ساعي بي ..

وجهها صار كركم .. كامت تبلع و تغص .. نزلت ورا بسمة .. شكد ع نياتها .. فعلا كل انسان طيب يشوف الناس كلهم مثله .. ميدري اكو ناس زنادقه تظهر الطيب و تضمر الحقد .. امثال هاي و خالتي ..

ام طارق : اووديج هسة البسي عبايتج .. الله لا يوفقها الـ سعت بي .. الله يهجم بيتهااا ..

بصوت ناصي و لو اني اشك بيها بس خليني سااكته ..

مشكورة يمة مقصرتي .. سولفتلي بسمة عليج من زارتج هذيج المرة ..

يمامة : خالة لازم تحصنوها .. اني ماعرف افك .. مادري سويت شي تلقائي بدون علم ..

ام طارق : ااني اعررف علوووية مضبوطه اليوم اوديها ..

يمامة : ان شاء الله خير و تكوم بالسلامة ..

رغم شفتهم انسحبوا .. بس يقيني بانو السحر فك مو تام .. احتمال بعده السحر .. داخذ رقم عمتها حتى اتطمن انو الليلة اليوم تعدي ع خير .. جان اتذكر مليك .. عود هو يجيبلي الاخبار

طلعت من بيتهم .. احساسي مادري .. فد شي .. فرحانه هواي .. يا انتصار هذا .. اول انتصار جان هفاف .. ههه امنيتي اركض للبيت ..

القرين : نشوف تاليها وين .. لتفرحين بعدج بالبداية ..

يمامة : اي .. اي ..

طبيت للبيت ركض حضنت غدير ..

غدير : نعااااالي ..

يمامة : عااابت .. هااج

غدير : هههه ترا احضنه ..

يمامة : هههه سبحان الله مازن بس بدون لحية و شوارب

غدير : يمة اسم الله ههه .. تعالي شبيج طايرة من الفرحة .. لگيتي رجال ..

يمامة : ديلللله .. خلف الله عليج .. لاا جنت يم صديقتي ساعدتها بشغله و تمت ع خير ..

غدير : ياا وجه الخير .. ع طاري الخير راتبج مستلمتي .. ولج حدقت

يمامة : ياااا .. نسيييته انوب نسيت اكول لمازن ..

غدير : يلله باجر شكو عليه .. عود كولي لمازن انوب يروح للمحل و ينسى

يمامة : اي .. همزين ذكرتيني .. اني مبقت بية ذاكره .. اصلا مابقى بية عقل

قرين غدير : عود صدك تشوفيني ..؟؟

يمامة : باوعت عليه .. و بداخلي احجي اكيد اي من سوء حظي ..

القرين : تشوفك من محاسن الحظ .. خرب حظي ..

قرين غدير : اي صدك .. گلبتك جيس حب مو قرين ..

القرين : غبي ..

يمامة : اذا ابقى اكثر يتلازمون من الياخات ..

صعدت لغرفتي مددت .. رخيت جسمي .. الله ... رغم مبذلت جهد جسدي .. بس الجهد النفسي يهدم ..

القرين : من ايدج ..

مليك : كيف سارت الامور ..

يمامة : ظهر فجاءة رفعت راسي .. كعدت ع حيلي ..

الظاهر انو نفك .. بعد مادري .. اختفت التابعه ..

مليك : انفك .. و زال الخبث ..

يمامة : صدوك .. بس مسويت شي مجرد طشرته و قريت قران ..

مليك : بمجرد فك عقدة العمل و تخريب الترتيب الـ عليه تعويذه .. يفك الخبث و الدليل انسحاب القرين الشيطان ..

يمامة : الله يسمع منك .. بس اريد منك خدمة ..

مليك : امرا منكِ .. طاعة مني ..

يمامة : لا العفو .. اريد تجيبلي الاخبار بس هاي الليله اخاف ترجع تاذيها ..

مليك : ابتسمت من اعتذرت ..

تمام .. ادور حول الموقع و بوقت الفجر يوصلج تقرير ..

يمامة : دخلي اكوم اصلي العصر راح تغرب الدنيا ..

اختفى .. طلعت اتوضيت .. دارجع .. صار كدامي قائدهم ..

يوليس : قد يكون مُقدرا تلك الطاقة المجهولة بداخلكِ .. و قد تكون مُهيئة لامر

يمامة : ما فهمت ..؟

يوليس : لم يكن عبثا اختيار العفريت الكبير ..

الوريثة ..

احـس هـذا حـال يـمـامـة ☟