رواية ملحمة .. إرث سليمان الفصل السادس عشر 16 - بقلم Hend_AlBoor

لـو كـان الـقـدر مـوتـا
فـ اهـلا و مــرحــبـا

يمامة : لزمت راسها بيديني اثنينهن .. نااار راسها .. تخبلت .. حيلي كام يرجف

غديرررر .. غديرررر

غدير : ااااااالله اكبرررر ... اااااالله اااااكبر

يمامة : رفعت راسها و نظرها استقر .. كامت تنفخ بقوة و تكبر .. حضنتها و التفتت وراية ع موضع نظرها و وجهتها ..

شي غريب اطول من قنينة غاز بشوية .. مخلوق عبارة عن خراء انسان من راسه لحد الكاع لا رجلين و لا ايدين و لا وجه بس راس و جسم مخروطي .. و يسيل منه الجيف .. كلما يحرك راسه يميله لجانب راس غدير يتميل وية راسه .. حسيته كام يسيطر عليها ..

اعووووذ بالله منككك .. لاااا اله الاااا الله
.. لاااا اله الااااا الله

اختفى .. سكنت بحضني ..

ام غدير : سمعت عياط البنات صعدت ركض ..

شكووو شبيهاااا بنتي .. شبيهااا ..

دفعت يمامة و حضنتها ..

يمامة : صعدت هي و الشياطين ظهروا .. انهاريت اعصابي كامت ترجف ..

كله منننج راااح تتخبل البنيةةةة .. هذاااا كله من ورااا الكفررر .. بس دخلتيهااا الشررر مسهااا .. كااااافي

كامت جان تضربني راشدي حيل .. لزمت خدي .. حسيت العبرة شگت حنجرتي و اني اباوع عليها .. رغم كفرها و شعوذتها اكو شي بداخلي يمنعني اردها ..

عفتهن و رحت للغرفة ركعت الباب حيل .. انهاريت بالبجي .. وجه غدير لحد هسه ببالي .. رعبني حيل وجهها ..

استغفرر الله .. استغفررر ااااالله

القرين : ليش منهارة انتي شفتي الاكبر

يمامة : عليهاا .. عليهااا مشفت وجهها .. عليهااا گلبي تملخ .. الشر بدا يمسهااا

القرين : هذا الخنزب ..

يمامة : سكتت عيوني يجرن .. باوعت عليه ..

ليش مشايفته قبل ..؟

مليك : درت وجهي من ضربتها خالتها .. انتقلت مباشره لغرفتها .. طبت مشفاتني ..

جن غير تابع لاحد من البشر .. مهمته ع كل انسان المؤمن و الكافر .. الوسوسه ع الصلاة .. ميهدا ابدا و يتخذ اشكال مختلفة ..

يمامة : التفتت ع مليك .. ماعرف من اشوكت هو هنا و ماهمني ..

ليش شافته ..؟؟ ليش اني ماشوفه اذا جن ..

مليك : بسبب حصونج ميتقرب .. اذا اهملتي فرض يلگي منفذ او يمكن جان حواليج بدون متنتبهين لحد ما مل ..

يمامة : و غدير ..؟ شافته .. مليك هو اتحكم بحركه غدير للحظات ..

مليك : ههه خنزب ..! اضعف الجن و اخبثهم .. خبيث يتحين فرص ضعف الانسان و تمرده ع عبادته .. يقوة بهيج ضعف و البعد بين الانسان و ربه .. فيحاول يرعبه .. ماتحكم بيها .. ضعفها و نفسها القنوطه انطته هيمنه ولو للحظة .. و اكيد العمل الخبيث الساري بهذا البيت فتح بصرها ولو للحظة و شافته ..

يمامة : مسحت دموعي .. صح قنطت من رحمة الله بس داخلها مؤمن كل جوارحها نطقت باسم الله من شافته .. كمت من مكاني فتحت الباب .. شفت خالتي اخذتها و طبت للغرفة .. مصدومة من الشافته ..!

رجعت كعدت .. شديصير بية .. ليش اني ساكته؟؟ معقولة اشوف بدون هدف ..؟

مليك : لتقلقين عليها .. لا هو مس و لا شر .. مجرد ضعف روحها و خباثة جن

يمامة : اريدك تساعدني ..

القرين : ترة دتفكرين بشي فارغ لا هدف و لا غاية

مليك : بشنو اساعد ..؟

القرين : مليك اياك تتدخل

يمامة : اني كلت لبسمة اساعدج بس ماعرف .. اني ماعرف شي عن التحصين القوي و المعالجة و الدروشة .. اريد اساعدها بس شلون ..

ماعندي حل غير اواجه التابعه .. مثل هفاف ..

القرين : هااااي قررررين انساااان ميت مو جن عادي ..

يمامة : و شنوووو الفرق .. ااانت كل الهااامك هدفك و نفسك بس

مليك : القرين اشرس من الجن .. من المستحيل قتله و القضاء عليه .. لان مخلوق مرتبط بروح ..

يمامة : بس هي مو قرينها .. مسلطة عليها ..

مليك : الا اذا اندليتي مكان العمل بسكنها ..

يمامة : متكدر تعرف انت ..؟

مليك : اكيد اكدر ..

يمامة : كمت من مكاني ..

ساعدني .. بس بهاي ..

مليك : للاسف .. اي حركة مني متابعه من المارد .. و التدخل بعمل ساحر ثاني دون علم السيدة تعتبر عصيان من قبلي ..

يمامة : حسيت بكسرة .. لو متعلمة شي من ابوية .. جان بدون هاي الهوسة كدرت اساعد و لو بشي بسيط ..

انت اذا مسلم ليش تشتغل بالكفر ..

مليك : دنگت راسي ..

لكل مخلوق قصة مولاتي ..

يمامة : اختفى ..

ميهم .. ماحتاج .. اني اواجه ماعتقد راح تكتلني .. مثل ما هي مو ممكن القضاء عليها لان تابعه لروح .. فـ اني روح ..

القرين : احنا منعرف شنو الـ راح نواجهه .. لتخلين فرضيات ممكن موت ممكن حياة ... شنو هالغباء البشري

يمامة : اذا بيك مساعده هلا و اذا لا اكرمني بسكوتك ..

القرين : انتييي تعرفييين شنوو قرين مسلطططط .. موو هذااا مليك كدااامج ميكدر يمسني و اني قرين روح كيفماااا مسلللططط بسحر

يمامة : شيصييير قابل اموووت .. ميهمممم .. ع الاقل ارتاااح

القرين : احتماااال تتحول عليييج

يمامة : هذا الـ راعبك .. تاخذ مكانك؟؟؟
متهمني زززين ..

فتحت النت كمت اقرا ع التابعه .. كل القصص تكول هي من الجن .. و قصص تكول قرين انسان ميت بسبب قوته و شره يستدعي الساحر .. سحر المقابر ..!

اخذني الوقت صار الظهر .. حتى اكل منزلت سويت من قهري .. صليت و رحت لغرفة غدير بالي يمها .. فتحت الباب

غدور ..! كاعده ..؟

غدير : بعد الشفته بقيت مصدومة و جسمي كله يرجف .. طلعت امي .. من الخوف كمت صليت و قريت قرآن .. اريد انسى شكله .. راسي يدك من الالم .. شغلت قرآن و تمددت ع الجرباية

هممم .. اسفة منزلت ساعدتج

يمامة : رحت كعدت يمها ع الجرباية ..

اصلا مانزلت سويت شي .. عود من يجي مازن المغرب اسويله اكل

غدير : احسن .. هو منو ياكل بس اني وياج .. و مالي نفس

يمامة : بعدج تعبانة ..؟

غدير : منظره ميروح من بالي يمامة .. شفته .. شكله بشع .. امي تكول هاي تخيل .. يمامة اتحكم بحركة ركبتي .. من هو ميل ركبته ركبتي مالت .. حاولت اسيطر مكدرت .. خايفة منه

يمامة : لو بيده اذية جان متردد باذيتج غدير .. لتخافين منه ..

غدير : مادري .. حقج مشفتي ..

يمامة : لو تدرين بالاشوفه .. جان حمدتي الله ع عميان بصرج ..

الله يساعدج .. بس كله بسببج ..

غدير : ليش ..؟

يمامة : من هذا الهتيفون 24 ساعه باذنج .. كم مرة باليوم تذكرين الله ..؟ تصلين ع النبي ..؟

غدير : بهاي الفترة حتى صلاتي كم افوت منها فروض يمامة متملخه من ورا امي .. اخاف لا صدوك يجي حذيفة و مغشي ع بصره و عقله بسحر

يمامة : من هذا ظهرلج .. لگة ضعف بيج ..

غدير : اعرف .. قريت عنه بالنت هذا جن الصلاة .. يغير شكله .. بس هو ليش هيج نگاسه ..؟

يمامة : عاجبه الوضع لو يدري تعترضين جان زعل

غدير : هههه هسه انت طالع طالع دطلع بوجه حلو براد بت .. شاروخان حسبي الله عليك حتى بالجن ماعندي حظ طلعلي جيفة

يمامة : هههه خلي الكلام بحلك مازن يدكلج طبل

غدير : لاااا دخيلج .. اكولج خليج هنا يمي .. اريد انام اخاف ..

يمامة : جريت اللحاف تغطيت وياها ..

اني همين نعسانة ..

غدير : اشلون اذا اجانة هذا الجيفة ..؟

يمامة : نقاتله بالمعطرات ..

غدير : هههه .. راحت من بالي ..

يمامة : الله يساعد بالج بعد الشفتي ...

غدير : يمامة ..

يمامة : عيوني

غدير : ماريد اتزوج حذيفة ..

يمامة : ليش ..؟ ولد مؤدب و يشتغل و شهاده و ابن خالج .. شتريدين بعد ..؟

غدير : ماحبه .. ابالي اتزوج انسان احبه و يحبني .. مو ابن خالي الـ كضوا العمر امي و خالي يتعاركون .. يعني باقل عركه اني اتطلگ ..

يمامة : اذا حبيتوا بعض .. متتطلكون لو صارت بالسلاح بين امج و ابو ..

غدير : يطلگني .. مادام جاي بسحر .. الله ينتقم مني ..

يمامة : الله كريم .. مادام انتي خالة مخافة الله بين عيونج .. الله يكفيج كل شر

غدير : آمين .. تعتقدين الكي انسان يحبني و احبه ..؟

يمامة : ليش لا .. انتي وين اكو منج ..

غدير : مو هذا القصد .. اني مطالعه وين اشوفه ..

يمامة : لازم يجي يوم و تلتقين بي ..

غدير : مبين من النگاسة الـ طلعتلي اليوم .. خرب حظي .. اني يئست

يمامة : هههه ..

اني شاكول روش راكض وراية ..! حتى سنونه يشمرن دود ..!؟

بقينا ندردش لحد ما نمنا .. احتاج النوم للراحه من كولشي .. اهمها الهروب من واقعي .. و قلة حيلتي

واگفة بغرفة ظلمة .. شفت ابو حذيفة ..

عموو ..؟؟

التفت عليه ساكت ميحجي .. رفع ايده و بدا يشگ جسمه نصين من راسه و نزل ع صدره يفتحه بيدينه الاثنين ..

ظهر بنصه مخلوق وجهه كله تجاعيد و شر .. بششعع بششع لدرجة نقبضت روحي و لساني نعگد ..

اريد اسبح الله ماكدر .. صرت بين اليقضه و الغفوة .. اتحرك وماتحرك بنفس الوقت .. دامد ايدي و احركه بس بالحقيقه ايدي ثابته .. صوت بين الحلم و الواقع ..

اصيح غدديررر .. امد ايدي عليها .. بس اني ساكنه لا صحت و لا مديت ايدي بالواقع .. عاجزه .. حسيته كعد ع صدري و يضحك .. راسي كام مثل الـ ينتل ..

كمت اذكر الله بروحي .. اقرا المعوذات اسبح .. لعنته .. هدني .. نفضت روحي من الفراش

آاااا .. حسيت روحي تحررت ..

استغفر الله .. استغفر الله .. جاثوم

باوعت شفته ركض .. طوله وسط سمين و وجهه عبالك صنية ﭼـاي .. خشمه عريض و عيونه مدورات كبار سود .. اگرع كصته مجعده .. اسود البشرة

باوعت ع قريني ..؟

حجيت بروحي ..

ساعدته مو ...؟؟

نزلت من الجرباية .. الحلم براسي يدور .. رحت لغرفتي .. كعدت ع الجرباية ..

القرين : يتحين احلامج .. و لحضة الضعف يستغلها و يقبض صدرج ..

يمامة : مثلك بالضبط .. تقتنص لحظة ضعفي و تتمكن مني

القرين : عفتها و مشيت ..

مارد ع بشرية تشوف جن ..

يمامة : ناقصتني عيارتك ..؟

شغل بالي المنام .. واضح .. ابو حذيفة ممسوس .. اذا كدرت اشوفه اكيد اكدر اطلعه ..

القرين : اياج .. هذا كابوس

يمامة : اتجاهلته .. الدنيا مغرب .. اعوذ بالله من الشيطان الرجيم .. كمت شغلت بخور ..

ام جمال : ع الله و عليج ام غدير .. اريدها تنفر جمال بيومين ..

ام غدير : صدك جذب بيوم ليش يومين .. و ثاني يوم يطلگ

ام جمال : الله يسمع منج .. و اجي عليج مانساج حتى تسهلين امر زواجه من بنت اختي

ام غدير : يجرالج .. يجرالج

ام جمال : ولج عيني مادري شلون اخذت گلبه اكيد سحرته .. كام ميشوف غيره و ماقبل يتزوج الا هي .. بس والله مابقيها .. معتمده عليج

ام غدير : خلي رجلج بمي بارد .. اجهز العمل و انطيجياه وراها اذا ما راحت برجليها لبيت اهلها تعالي اخذي فلوسج و فوكاهن فلوس مني

ام جمال : افااا .. واثقة بكلامج ابد ماشك ..

مازن : يااا عااالم .. يااا قوووم .. جداري ماكوو بالمطبخ .. شنو السااالفة

ام غدير : يوو هذا مزون اجة من شغله ..

ام جمال : الله يحفظه الج و تفرحين بي .. يلله عيني اني صار لازم اترخص .. اشوكت اجيج

ام غدير : عود ادك عليج بس يجهز الشغل ..

يمامة : لميت سجادة الصلاة و طلعت من الغرفة ..

هاا اجيت ..؟

مازن : لااا وااالله رحت .. ووولج ميييت جوع

يمامة : ديللا نازله دقيقه ..

ام جمال : شلونك خالة .. شخبارك

مازن : هلا هلا ام جمال الحمدلله ..

ام جمال : الله يحفظك ..

مازن : طلعت و وراها امي توصلها ..

خيرجن .. مايجي وراجن خير .. ع منو ناويات هالمرة ..!؟

يمامة : مريت ع غدورة اتطمن عليها شفتها نايمة .. نزلت طلعت الطماطة و البيض ..

اشلونك اليوم ..

مازن : الحمدلله حلقت واحد ..

يمامة : صدوك .. بالخير

مازن : بس اكرع ..

يمامة : هههه المهم زينته ..

مازن : مو بلله ..!

روش : سيدتي دعي دنهش لهذه المهمة

ام غدير : انت يعني انت ..

يوليس : عُلم مولاتي .. روش سرى الامر و بلا نقاش ..

روش : ( بهمس و اعصاب) و لمَ انا .. لن افعل ايها القائد ..

يوليس : طلعت السيده من الغرفة ..

انت تعلم ان فشلت بهذا ستموت ..

روش : فليكن دنهش .. اناااا مرتبط عاطفيااا لا ادخل كعاشق لحواااء اخرى

دنهش : لا تمثل الوفاء ايها الاحمق فـ انت تابع

روش : عبد لكن قلبي حر فيه فقد وهبته ..

يوليس : دنهش مكلف بمهام كثيرة و مهمتك ستكون مؤقتة .. بعد ان يتم فراق الزوجين .. تنسحب من المهمة

روش ( بصوت باكي متألم) : يالـ حظي العاااااثر .. ستكون خيانه يكتبها التاريخ

دنهس : سحقا لك يا رجل .. كم انت مقرف

روش : ان سئلت عني يمامة اخبروها إنني أُجبرت ع ذلك ..

يوليس : كفى ثرثرة ..

روش : فليكن ذلك الجالس كالتمثال ما هي فائدته ..؟

مليك : كمزت من الكنتور للكاع ..

من ..؟

روش : ماذا .. لم يذكر اسمك احد ..

مليك : قد ظننت ..!

يوليس : عندي علم بكل تحركاتك .. سيد مليك .. اظن انك قد نويت ع موتك

مليك : حسنا .. لا تتردد ان سنحت لك الفرصة ..

يمامة : الليل كله افكر بالحلم .. اعتقد هاي رسالة الي .. صار فترة تراسلني اديان بس شاكوللها ..؟؟ استحي .. و لازم اشوف ابوها ..!

وين مليك ..؟ اكيد يعرف شي ..! ليش من احتاج هذا الجن مالگي ..؟

القرين : و يساعدج ..؟ هو خادم لصاحبة العمل ..!!!!

يمامة : و ماعتب عليه اذا المرتبط بية روحيا ناويلي ع الشر .. اعتب ع جن حر بنفسه ..!

القرين : داعينج و افتح عيونج ع الحق و انتي متمسكة بالخرافات .. اسمعي كلامي و اطيعج ..

يمامة : نجم السما اقربلك .. و مادام اني ممدخلتك لتتدخل .. محد طلب رائيك

القرين : لعد حاربي وحدج ..

يمامة : تسوي فضل ..

صار عندي ارق .. تايهه بالدنيا .. اتمنى اعين بس ماكو بيدي حلول .. مجرد اعرف اسباب الشر .. اواجه ..!؟ وحدي ..؟ شراح يصير قابل ..؟ ممكن اغامر هي حياة وحده و متتكرر ..!

نمت ساعتين و كعدت الفجر صليت و بقيت لوجه الصبح اسبح و اذكر الله .. بعد ما نكشف بصري ع الشر .. كثفت و كثفت بالعباده .. صرت متخوفة اكثر .. التحصين بيها قوي .. لولا رحمة الله اني هالكة

نزلت لكيت غدير تسوي الريوك .. كالعادة من الريوك للغدا .. كعدنا نتغدا اني وياها و خالتي .. ماحجي وياها و لا علية بيها ..

غدير : اشوكت موعد الثواب ..؟

يمامة : اليوم اروح استلم الراتب .. و اخلي مازن يفضالي باجر حتى يوزعه

ام غدير : مكافي مشبعوو الفقراء صار اكثر من عشر سنوات .. اشتريتي ذهب شي جمعتي ..؟

يمامة : مرديتلها .. سلاما

غدير : يمة خطية هسه نازحين هواي .. و بعدين شتسوي بيهن تجمعهن ع الاقل صدقة تشغف عنا الشر ..

ام غدير : اي اي افتهمنا .. انوب عدها محامية ..

غدير : اذا رايده تتعاركين ع الاكل نگوم يمة ..

ام غدير : اكلي و انلصمي ..

يمةةةة هااااي شكووو ..؟؟؟

يمامة : فجاءة سمعنا صوت صياح و عياط ابيت خالهم .. طفرن خالتي و غدير ..

بقيت كاعده .. جان اكوم ركض خليت شال ع راسي و طلعت وراهن .. لبيتهم ..

ابو حذيفة : اكووووولك تااااخذهاااا

حذيفة : مووو بالگووووة موووو طفل اااااني ياااااابة

كام علية ضربني بوكسيات ..

ابو حذيفة : بنت اااااختي و متريدهاااا تكسررررلي كلمةةةة ..اااااابن ااااالكلب الظااااهر مربيتك عدددددل

حذيفة : لزمت ايده و كمت اتلاوى وياااه

كاااااافي اااااصحى خبلتنااااا .. تخبلناااااا

ام حذيفة : يمةةةةةةة حذيفةةةةة ابووووووك هذااااا لتضررررربه

اديان : كمت ارجف و اعيط .. ساعه من بدا النقاش و تعاركوا .. و لا طرف بيهم يهدا .. سحبت حسوني و نعيط .. امي تجرجر بيهم و تلطم ..

حذيفة : نام علية دك بوكسيات مامديت ايدي عليه بس اتلازمت وياه .. شگكك قميصي ..

ماااا ضاااااربه يمةةةة .. بسسس تعبااااان ارررريد ارتااااح تعبااااااان يااااالله .. كف عنيييي ياااااابة كككككف

ام غدير : طبيت للهول شفتهم ملتمين ع اخوية يضربوا

شكوو شكوووو .. اخووووية .. عوووووف اخووووية نذذذذل تضرررررب ابووووك

حذيفة : اااااطلعيييييي مناااااا .. ااااانتي اطلعيييييي

دفعتها حيل .. ضربني بالنفاضه ع راسي ..

آااااااااااااا ...

غدير : وصلنا شفتهم متلازمين .. اثنينهم وجوهم حمر دم .. الطبلاي مكسرة .. هدوم حذيفة مشككه .. دفع امي و ضربه خالي ترس راسه دم كام يجري ..

حذيفة : ماااااا ابقةةةةةة بهذاااا ااااالبيت .. دقيقةةةةةة ماااااضل .. عااااايفة ااااالك ..

ابو حذيفه : رووووح اااانت مووو اااابني .. روووح دووور ع ابووووك منووووو .. مااااخذت شررريفه

ام حذيفة : كوووووومي الحكيييي اخوووووج

يمامة : اني طبيت لبيتهم وصلت قريب من باب الهول صار بوجهي حذيفة .. يبست بمكاني .. وجهه ميبين من الدم و هدومة مشككه .. ميدري بروحه ..

ركض للباب الخارجي و هو بهيج حال شتكول الناس ..؟؟؟! حرت اروح اشوف ابو لو الزمه .. ركضت وراه ..قبل ليطلع جريته ..

وووووووين .. ووووين ..؟؟

حذيفة : دفعتها حيل .. ممتحمل اشوف شيطان واحد منهم

عوووووووفي .. عوووووووفيني

يمامة : اااانت وين طاااالع بهذاااا وووضعك  .. شتكووول العالم

حذيفة : ووووخري من كدااااامي .. ياااا عاااالم .. بقيييييت رجاااال بنظررررج ..؟ شووووفي حااااالي هذاااا رجاااال الوااااكف گبااالج

اديان : طلعت ركض همزين يمامة وكفته

حذذذذيفه .. عيووووني لتطلع

يمامة : الرجولة متسقط لان ابوك ضربك .. تزيد اذا مرديتله الضربه .. خليك عاقل منظرك مو مال تطلع بالشارع عندك اخت ..!

اديان : اي اييي والله عيب .. فدوووة حذيفةةة ابوووس ايدك تعااال اكعد هنااا فدددوة ..

اني روحي تلوب اريد اشوف ابو .. مصدكت هاي فرصه .. بقت اديان مجلبه بيده تبوس بيها .. رجعت ع السريع للهول ..

طبيت جان واكف يصيح ع زوجته و خالتي و غدير يهدئن بي ..

ماكو شي .. بس قرينه .. ركزت ع صدره .. راسه .. بالحلم منا المخلوق شگه نصين .. و اني مركزه .. ظهر من يساره يباوع عليه بنظره شريره و ابتسامه ماكرة .. صارت عيني بعينه ..

نشف دمي .. احس گلبي ديدك بحنجرتي .. نفس الـ بالحلم و اكثر بشااعة .. 

توجه عليه .. الشر يحجي بعيونه .. اريد ارجع .. اريد اتحرك .. كولشي بجسمي انشل .. من الخوف .. بحيث النفس كام يطلع بي صوت من الخوف .. رعب تملكني فقدت زمام روحي ..

اعـ .. اعووذ بااالله .. اعووذ بالله من شر الشيطان ..

رجعت ليورا و شردت .. رجلية كدرت تشيلني لحديقتهم قبل لا اوصل للباب وكعت .. و مثل السعفة يرجفن .. كامن يوجعني العظام ..

القرين : هذااااا عناااادج .. هذاااا .. بشرررر انتي بشرررر مخلوووق ضعييييف

اديان : لفيت راس حذيفه و كعد بالحديقه .. طلعت يمامة تركض ..

يمااامة ..

وكعت ركضت عليها اني و حذيفه ..

شبيج ..؟

يمامة : مابية .. مابية .. مابية ..

حذيفة : خشمها كام ينزف دم .. راسا لزمت راسها و رفعته .. خليت ايدي ع خشمها ..

شجابج هنا لمن متتحملين العرايك ..

يمامة : لزمت ايده من حلاة روحي .. ارريد اتنفس .. كمت احس بالدم شلون ينزل من راسي لخشمي ..

اديان : حذيفةةة دتررررجف اخاااف بيهااا شييي ..

يمامة : وخرت ايده من خشمي .. حسيت بلعت غدة .. توقف النزيف

مابية .. مادري .. ضغطي ارتفع .. بردانه

كمت كملت طريقي .. طبيت للمطبخ غسلت وجهي .. اباوع ع ايدي ترجف .. بالي مهدوم ... مهدوم بمعنى الكلمة ..

رحت لغرفتي .. اول مطبيت استلمني القرين .. شمرت روحي ع الجرباية .. اني منتهية ..

ممكن تسكت ...؟؟؟؟ اي خفت .. مرعب .. و شنو الجديد ...؟؟؟

القرين : شديدوووور برااااسج ..؟

يمامة : شدتقراا ..؟

القرين : لو اعرف ما اسئل .. يمامةةة شيلي ايدج من الـ شفتيييي .. شااافج شفتييي انتظري المصاااايب

يمامة : بقيت ساكنه ارتب بافكاري ..  بقيت ساعتين .. عزلت عقلي عن العالم الخارجي .. غمضت عيوني .. ليش اكتم و اتفادى المواجهه ..  اذا مكتوبلي الموت ... يجيني حتى اذا تهربت منه ..!؟

عبئ .. لازم يتخفف .. اني بشر مو حجر ..

طفرت من مكاني ..

القرين : يماامة .. داااحجي .. اسمعيييي .. خطرررر هالخطووووة .. يماااامة ..

يمامة : نزلت ركض لغرفة خالتي .. فتحت الباب و طبيت .. ركعت الباب وراية

ام غدير : يمامة ...؟؟ اذا جاية تعقلين علية و تشمرين براسي مشكلة اخوية .. هذاك نايم بالهول روحي اسئلي ..

يمامة : بقيت ساكته بوجهها .. ممجهزة اي كلام وياها ..

ام غدير : شكو .. احجي وراية شغل ..؟

يمامة : الجن ..

ام غدير : رفعت راسي عليها ..

جن ...؟؟؟ كلام حذيفة اكل عقلج ..!؟

يمامة : توجه علية قائدهم .. صار كدامي مباشرة .. نزل وجهه يم وجهي ..

خليت عيني بعينه ..

المواجهه لازم وياهم مو وية البشر .. طاقتي عبرت الطاقة البشرية ..