رواية ملحمة .. إرث سليمان الفصل الثامن عشر 18 - بقلم Hend_AlBoor

و ان كـانـت حـيـاتـي قـصـة
فـ اخـبـروا كـاتـبـها
لـسـت بـ جـبـلٍ
إنـنـي مـن بـنـي ادم

يوليس : لم يكن عبثا اختيار السيد الكبير ..

الوريثة ..

يمامة : وريثة شنو ..؟؟

القرين : لكل ساحر .. يختار الاسياد الساحر الوريث من بعده .. المعتاد ان الوريث من اهله ..

يوليس : بالضبط و السيد الكبير قد اختار

يمامة : هذولا اكيد ديخرفون .. اني .. ساحرة اصير .. خير يا طير ..

ما امشي بكيف سيدك .. ماكو قوة ع الارض تجبرني ..

عفته و مشيت ..

يوليس : ستكونين اقوى ساحرة في العالمين ..

يمامة : وكفت ..

لو شكد ما تكبر قوتكم .. اكو قوة قاهرة ع قوتكم .. و انتو تعرفوها ..

اما اني فاستغنيت عن هالقوة .. ليكون ابالك فرحانه اشوفكم .. تسوي فضل اذا تلكي تعويذه .. شي .. تعميني عنكم ..

هااي بلاااء مو قوووة يوليس ..

طبيت و سديت الباب ..

يوليس : هه .. حواء ..

يختفي من الموقع ..

ام غدير : الاختيار لبنتي .. ماعرف منين اجيتوا باختيار يمامة بالسحر ..

دنهش : الامر من الاعلى سيدتي .. و لا فرق بينهما

يظهر يوليس بوسط الغرفة 

يوليس : بل يوجد دنهش .. و السيدة تعلم بذلك .. غدير ذات نجم خفيف لا تقوى ع التواصل مع الاسياد .. و يمامة بالاضافه للاثر الذي تركه الجن فيها .. فهي ذات روح مقتدرة ع التحكم ..

قد علمنا انها قامت بتحرير عمر بن نون

روش : مااذااا .. لماذا عمر و ليس انا .. الا استحق ..

دنهش : يا الهي .. اصمت روش

ام غدير : و يمامة بعيده كل البعد عن هذا الشغل .. من سابع المستحيلات تقبل و تقتنع ..

يوليس : اذا لمن القوة و الاجبار ..؟

يتبادل الجميع النظرات .. نظرات العزم و الاصرار

دنهش : هه اظن انني اعرف اقرب وسيلة اليها .. فهو اقرب منا لها

ام غدير : مليك .. وووينه ..؟

روش : مليك ..! و لماذا مليك و ليس انا ..؟؟؟

دنهش واكف بجانب روش .. يمد ايده بضربه سريعه يلزك روش بالحايط .. من قوة الضربة جناحين روش تنمد .. ينسحل بالحايط و يوكع بالكاع

دنهش : قدد نفذ الصبرر

روش : ليتك تتعفن .. سحقا لك

يوليس : لا اعلم سيدتي .. هل استدعيه ..

ام غدير : خليه .. خلي هسه .. اريد ارتب افكاري تعبت .. ورانا شغل اهم

يظهر مليك في الصحن الحسيني المقدس .. يمشي بخطوات سريعة منفعل .. شابو من بعيد يتقدم باتجاهه  ..  قبل لا يوصله ..

مليك : اين سيد آيتان ..

شابو : كان ع علم بقدومك انه بالحرم المكي المقدس ..

اختفاء مليك اثناء سيره .. قبل لـ يوصل لشابو

مشهد .. حول الكعبه يطوف مئات الالاف الانس و الجن يعتمرون .. انوار سماوية بين السماء و الارض مترابطه تهبط ع البقعة المقدسة .. تظهر الكعبه كتله نورانية مشعة .. كل حجر يكونها يشع نورا يطغي ع انوار البشر الصناعية و ع ظلمة الليل ..

الجن الطوافون من المماليك الاربعه يطوف كل قوم منهم ع طريقته .. فمنهم يطوف ماشيا و منهم يطير حولها .. متخذين اجمل الهيئيات .. تندمج و تتنااغم اصوات الانس و الجن في التهاليل و التمجيد .. انغام تشفي الصدور ..

مليك يظهر مباشرة بالممرات العلوية من الرواق العباسي الجنوبي للكعبة .. يمشي بخطوات سريعة متزنة .. العباية ترفرف وراه ..

اوكين ( جن قمري .. مسلم .. اسمر البشرة بعيون سوداء واسعة .. ملتحي الوجه بشكل خفيف .. اذان طويله و رفيعه متناسعه مع طول الراس .. شعر طوله وسط اسود اللون .. طويل متناسق الجسم )

يظهر من العدم و يمشي بجانب مليك ..

: سيد مليك

" يمشون سوا جنباً لـ جنب بنفس حركة الارجل ..  "

مليك : لم اجد سيد آيتان بارض الرافدين .. اخبرني شابو ..

اوكين : اجل انه هنا منذ الصباح .. اعتقد ان الاخبار هي التي جائت بك ..

مليك : اجل .. و لو كان لي الامر لكنت هناك في عالمنا ..

داوود ( جن ضوئي كبير السن يبلغ من العمر الف سنة .. مسلم .. رئيس حراس وفود المعتمرين و الحجاج من الجن .. للحماية من الاعتدا۽ات النارية للحجاج .. ابيض البشرة بعيون سمائية .. ملتحي الوجه .. اللحية حد الصدر بيضة  .. حواجب ثخينة بيضة .. شعر راس طويل ابيض .. طويل .. )

: و اخيرا .. كنت بانتظارك ..

مليك : بنهاية الرواق ظهر سيد داوود وياه المرافقين ..

قد طالت مسامعي اخبارا ..

داوود : اعلم .. اعلم .. هدء من روعك ..

مليك :( بانفعال)  سيدي داوود .. قد انهارت مملكة الرياح و الان مملكة المياه .. و مملكتنا و مملكة القمر خاضعه لهم .. فمن بقي .. مممن ..؟

داوود : هدددء من انفعالاتك سيد مليك لم تسقط مملكة الماء بعد ..

مليك : فمااااا بااااال المرتدين المائيين و هدنتهم مع مملكة النار ضد مملكتهم

داوود : اذا احمل صولجانك و حارب .. انك كـ ابيك متهور ..

مليك : لماذااا لا يخبرني احد عن اوضاع مملكتي  ..!!!

داوود : انهم بخير .. انهم بخير

مليك : و الاعتداءات النارية ع معتمرين هذا العام .. لم يلتزموا بأي هدنه .. انهم يغيرووون علينا متى شائووو ..

داوود : و هل تظن ان يتركنا ابليس نعبد الله و نحن في عالمه ..!؟

مليك : ( بهدوء)  جئت لاعود مع المعتمرين

آيتان : لا تستطيع يا مليك .. انت مملوك لبشري .. لا يمكنك العبور ..

مليك : سيد آيتان ..!؟ لابد لي من الانتقال و العبور ..

آيتان : هذا ضروري ..

مليك : التفتت ع داوود

لم أقدم اليك لارجع ..!! يجب ان اعبر

داوود : اذا اجعل سيدك يحررك .. و لا والله لن امنعك من العوده .. اما عبدا فلا استطيع اخذك و اتسبب في مقتل ابن سيد مملكة الضوء ..

اختفاء داوود و المرافقين ..

آيتان : الاوضاع و ان كانت هادئة فـ الهدوء يسبق العاصفة .. من الضروري لك العبور و لكن ..

مليك : اكدر اخذ حريتي .. ما اوكف رجوعي لعالمنا بسبب شي تافه مثل العبودية ..

آيتان : متكدر الا يتم معالجة حالة حواء بسكن مملوكتك ..

مليك : يمامة ..

يمشون بخطوات متساوية ..

آيتان : انتقلت بيها بعض من قوة اهرون القدير بالغلط .. و اذا عرفوا الشياطين بعالمنا يستغلوها لاغراض الشر بعالم البشر ..

مليك : شنو الـ بيدي اسوي .. هي بشرية اذا نفذت امر او اتبعت طريق ماكدر اتحكم بيها

آيتان : قد ارسلت لـ اهرون القدير عن ما تركه خلفه .. سيكون ع عاتقه الاجراء المتخذ .. الى ان يجد الحلول للمشكله عليك البقاء بجانبها ..

تلك الحواء قد دخلت دائرة الخطر ..

مليك : هي بحفظ الله .. و مراح اترك عيني تغفل عنها ..

آيتان : مليك اياك ان يمسها شر .. فذلك الجسد يحمل طاقة تزيد ع طاقته كبشري ..

اثناء مشيهم يختفون من الموقع ..

يمامة : بقيت الليل كله افكر مرة ببسمة .. مرة بابو حذيفه .. مرة بكلام يوليس .. اكيد لان عرفوا اشوفهم اختاروني .. بس ماعتقد اكو شي يغصبني .. احس راسي راح ينفجر .. غفيت بدون افكار مرتبه .. الغفوة حرية لعقلي ..

كعدت الفجر صليت و بقيت للصبح بالغرفة .. مليك ما اجه .. ماعرف شصار وية بسمة ..

نزلت كعدت اتريك ..

روش : صباح الجمال ..

يمامة : طب مثل ابليس .. اخاف جنت ناقصة ..

روش : تفضلي عزيزتي ..

يمامة : مدلي ورده .. اتجاهلته ..

روش : آااه يا قلبي ..
لما رأني في هواه متيما
عرف الحبيب مقامه فتدللا ..

يمامة : خليت ايدي ع وجهي .. كولشي يفسره حب .. جنت بس بلغوة بالقرين هسة هذا كملها .. جنتي بواحد صرتي باثنين يا ام حسين .. حياتي بعد متعرف العزلة نهائيا ..

القرين : تشوف غيري تعرف خيري ..

يمامة : شاكول غير الحمدلله و الشكر .. حظي

نزل مازن كعد يتريك .. خلصني من روش انسحب ..

اباوع ع قرين مازن يحركلي حواجبه .. خير ..!!

القرين : تكولك خييرررر ..؟؟

يمامة : حسبي الله .. حسبي الله ..

قرين مازن : تشوفيني مو .. تشوفيني ..

يمامة : بنظرة اشمئزاز .. ساعة السودة ..

القرين : تكولك ساعه السوده اشوف جلب اجرب و لا اشوفك .. غدددي

يمامة : اعووذ بااالله دلالة مو قرين .. هذااا عليمن طالع .. غير يطلع مثلي ..!!!؟

قرين مازن : يگلب خلقته ..

ديلا عيني .. ع اساس ميت ع شوفتج

مازن : يكسر الصمت ..

اليوم اوديج علمود الرااب

يمامة : اي يووو نسيت والله ..

مازن : انتي مو همزين متنسين نفسج بالغرفة و ينزل بس النعال ...

يمامة : عفية عقل شيصير والله تعبانه  .

مازن : اي من الـ ست جهال ..

طككت عيوني ..

ولج اخاف عاشكه  ...؟؟

يمامة : لااا انت الثاني اني ناقصتك .. اكولك هذا الشهر اخر مرة اروح وياك مو .. يعني كملت الوكاله لو بعدهم يماطلون ..؟

مازن : اي كملت من راتب الجاي اني اروح وحدي ..

يمامة : الحمدلله ..

مازن : اكوم استلم راتبج و مناك اديح بالمطاعم ..

يمامة : ههه بالعافية عليك

صعد لغرفته يرتاح لما تصير بـ 8 خليت جدر التشريب ع النار لما نزلت غدير تريكت ..

غدورة اني اروح ابدل لان اتاخرت .. عينج ع الجدر ماشي گلبي

غدير : ماشي .. عود جيبيلي كرزات وياج فدوة  .

يمامة : ان شاء الله ..

صعدت ركض بدلت .. و رحت ع غرفة مازن ..

ها جاهز ..

مازن : اي .. اي هو شنو بس اطش وجهي بمي و اجي ..

يمامة : ديلا بسرعه اني نازلة ..

القرين : يا خوفي من طلعاتج من البيت ..و انتي بهذا الحال ...!

يمامة : نزلت ع الدرج و بدت اسطوانته. 

و ليش ..؟ قابل انسجن والله شنو داشوف المخلوقات الحلوة ..

القرين : تتذكرين شسويتي بينا اخر مرة طلعتي ..!

يمامة : باوعت عليه صفح .. و سكتت .. اني شعلية هي المصايب تجيني ..

القرين : و متعرفين تتجاهلينها يعني ..!؟

يمامة : و انت متعرف تتجاهل افكاري و مترد عليهن ...؟!

نزلت بالصالة جان واكف دنهش .. احس روحه بخشمه دائما .. ميعجبه العجب .. اذا ملكه احد يعاركه .. يعارك نفسه ..

روش : الى اين يا ريحانه قلبي ..

يمامة : اتجاهلته .. و رحت يم غدير ..

دنهش : اخجل من نفسك ..

روش : ( بنبره استهزاء ) .. هل وجدتني يوما خجولا من الاخرين حتى اخجل من نفسي ..

يرفع اصبعه يأشر ع راسه ..

اني ما استحي و بكيفي ..

دنهش : غبي ..

مازن : نزلت ..

يلاا يمامة ..

ام غدير : طلعت من الغرفه ..

وين من الصباحيات ..

مازن : نستلم الراتب بالخير علينا .. اليوم اكل لفة كص ..

ام غدير : الـ يسمعك يكول مستفادين منه شي ..

غدير : ليش يمة دتنطينا .. و بعدين انتي مقبلتي هي تتكفل بكولشي .. مادام القريب ميريد البعيد تحل عليه الصدقة

ام غدير : منوو كالج رايدين صدقه منهاا

يمامة : اخذت جنطتي و طلعت بالحوش انتظر ..

غدير : يمة ميصير هيج تحجين كدامها .. و بعدين الصدقة ع القريب لا عيب و لا حرام ..

مازن : تحتاجن تواثي  لو اتوكل ع الله اروح ..

غدير : شمرت بخاشوكه الجاي ..

رووح .. شكد حشري

مازن : لجج .. مو ماريد افوت هيج مونديال ..

غدير : خرررب ..

كمت ركضت عليه شرد ..

رجعت امي تباوعلي بنظره كانما يائسة من جهالها .. فرت ايدها و مشت ..

يمامة : طلعنا .. اجر تكسي .. اريد اخلص من دوخه الراتب سويت وكاله لمازن حتى هو يستلمه بمكاني .. تبهذلت لما كملت المعاملة ..

القرين : شوفي و اتجاهلي ..

يمامة : سكتت حتى مالتفتت عليه .. شنو نسى روحه مديشوف قرين السايق ..!!؟

القرين : نسيت .. وجهت الكلام راسا لقرين مازن ..

زين ..

قرين مازن : شنو ..؟

القرين : هيج ..!؟

يمامة : تخطف الاطياف .. مشيهم سريع بعد هاي المدة اكيد اكدر اميز بين تصرفاتهم و تصرفات البشر .. بمشيهم كلامهم .. حركاتهم .. هاي طبعا الـ يشبهون البشر .. اما البقية مبينين من اذاناتهم و لون بشرتهم و خلقتهم ..

بقيت صافنه ع الشارع من الجامه اباوع .. فتنا من يم المقبرة .. لزمت الجامه من الصدمة .. مو عبالك مقبرة .. مليانه جن .. صغار و كبار .. عبالك حي ..! منتزه ..! ابد مو المقبرة الـ جنت اشوفها دائما بس شواهد القبور .. منظرها دخل بگلبي رهبه .. ليش يسكنون المقابر ...؟

ابتعدنا .. بقى عقلي مشدوه .. نزلنا امشي ورا مازن كالعاده .. استلمنا الراتب

مازن : اني اكول هسه نروح نشتري شغلات الثواب حتى العصر اوزعهن .. لتنسين هذا الشهر تاخرنا يومين ..

يمامة : اخاف تتعب ..

مازن : لا ماكو تعب هو اليوم متفرغلج .. امشي امشي ..

يمامة : رحنا للسوك مشي لان قريب .. اجر ولد يدفع عربانه .. و كام يشتري كارتون الدجاج ..

السوك ازدحام جلبت بقميصه و امشي ..

مازن : ولج امشي عدل شبيج تجرين بقميصي ادري عاطله و داسحبج .. مو راح تصلخيني ..

يمامة : ههه شسوي غير نسوان يصيرن كدامي مينطني مجال و انت تركض مدتمشي

مازن : فاهية انتي .. ادفعيها للمره هيج شمريها بعد متر .. گوليلها لتعبريني زين .. امدا حظي شبيج ..

يمامة : ضربته ع ضهره ..

ههه دمشي امشي ..

مازن : شوفي ابو العربانه طاير بيها .. راح ياخذ الدجاج و يگلب .. يفرش بي و يبيع ع باب الله ..

يمامة : ههه خرب حتى هذا المسكين مسلم من لسانك

وصلنا يم محل الغذائية .. كله محلات جملة .. طب مازن يشتري التمن .. بقيت واكفه .. اتحركت دارجع يم العربانه ..

درت جان تصير كدامي مرة ضهرها علية ..

العفو بس افوت ..

التفتت علية بدون متحجي وخرت .. مشيت يم العربانه وكفت لما اجة مازن وياه ابو العربانه حملوا الكواني للعربانه ..

مازن : اثنين كافيات .. لو تزيدين ..

يمامة : لا كافيات .. عاشت ايدك ..

افترينا اتسوكنا كم شغله للبيت و نواقص يحتاجها هو و غدير .. للشارع اجرنا تكسي و رجعنا للبيت ..

مصدكت طبيت للبيت هلكت .. نزعت الشال و شمرت روحي ع الكرسي بالمطبخ ..

ماكو احلى من البيت يبووو .. هلكنا ..

ماشوف من الشمس و طبيت للبيت عبالك ظلمه .. استقر نظري و الشياطين بكل مكان .. يلا .. ميهم .. المهم بيت ..

القرين : و ليش تجيبين التعب لروحج ..؟ ممضطره لكل هذا ..

دنهش : تظن بي اجر .. الها ..! و للعظام الـ نايمة جوا التراب .. هه بشر

القرين : و اتصدكين العظام ترجع للحياة و تتحاسب لو يفيدها هاي الاعمال ..

يمامة : رجعت راسي ليورا ع الكرسي و غمضت .. عقلي تعبان من هوسة السوك .. مناقصه هوستهم ..

فجاءه حسيت بهوا ع وجهي .. فتحت شفت روش ماد جناحه و يهفي بي علية .. و مبتسم ابتسامه حتى عظام جمجمته طلعن ..

روش : ان شئتي اسحق الاثنان تحت قدميك .. فقط بـ اشارة ..

يمامة : بقيت صافنة عليه .. يحجي و يهفي بفرحة .. بعده ممكمل كلام فجأة طار و انلطش بالحايط فوك الطباخ  .. گبيت قلصت كل جسمي و عصرت عيوني وية صوت الضربه بالحايط ..

يمةة ..

تمزلك و نزل للكاع سحل ..

دنهش : بحركه خاطفه يطك رگبته ..

هذا يلقنك درسا .. ايها المتملق ..

القرين : شفيت غليلي .. رغم مارتاحلك ..

التفت علية بنظره استهزاء يباوع ..

غدير : هاا اجيتو .. وين مازن ..؟

يمامة : كال اسبح و انزل ..

غدير : هاا دخلي نتغدا حتى نبلش بالشغل ..

يمامة : تمام .. اغير هدومي و اجي ..

صعدت غيرت هدومي  .. صليت و نزلت .. كعدنا تغدينا .. مازن كام فتح الكراتين .. و غدير جابت الميزان .. كمت ع السريع غسلت المواعين

كل مرة متعودين .. ع نفس الشغل بالثواب .. كعدنا نوزن التمن كيلوات و نعزله بجياس .. و نخلي وية كل كيلو تمن دجاجة .. نخليهم بجيس و نعزلهن ..

مازن يعرف منطقه بيها مهجرين و فقراء يروح يوزعهن ..

مازن : لازم قبل المغرب اروح ..

غدير : ان شاء الله ..

طلعت امي لابسه العباية ..

ها يمة وين ..؟

ام غدير : عندي شغل ..

يمامة : طلعت ع السريع وياها الجن .. بعد احسن راحت وياها دوخة الراس ..

مازن : احنا نسوي خير .. بالمقابل امي تزرب بنص هالخير  .. استغفر الله

غدير : هههه شبيك انفعلت .. هاك هاك هذا مو كيلوا اوكف  ..

مازن : هسه هذا البيت ماكو .. الله يلزمه يهزه يهزه و يخسف بي .. و ينعل والد والدينا زين .. شنو سحر شنو صدقات لا هو خير بجهه و لا هو شر بجهه .. تراا الملائكة و الشياطين ميجتمعن ..

يمامة : صح بس الانسان يكدر يجمع الخير و الشر .. الـ كدر يحمل امانه ما حملها جبل .. لعد شكد ظالم و مستهين هالمخلوق

غدير : سبحان الله .. الله خلق كولشي مفيد و بي نفع الا الانسان فلا بي فايده بس مضره ع الارض و الكائنات .. امدانا .. طبعا حشا الانبياء و الصالحين ..

مازن : اني ما حارك دمي غير جدي هالمسكين .. امي لا تطلعله ثواب و لا تاركته ينام براحه

والله صمطته صمط بالدفن جوا راسه .. اخر شي راح يشيل الجفن و يهج .. و يلعن ساعه السوده الـ خلف بيها ..

يمامة : داملي الجيس تمن بالمكيال .. ذبيت المكيال من ايدي .. جدهم .. اي هو .. هو الرابط بينهم .. السحر .. السر يمه ..

غدير : شبيج ..؟ عبالك شفتي جن ..

يمامة : ها .. مابية .. اجتي حسبه ببالي ..

مازن : هسة وكت حسبات .. لازم نخلص يلله ع السريع ماريد ابقى للمغرب افتر ..

يمامة : كمت اعبي و اوزن ع السريع .. و عقلي كله يم سالفة ابو حذيفه .. راجعت كولشي .. من اخذت مازن لقبر ابوها .. رجع متضايق لان شافها تسوي شي ..

للعصر كملنا نقلناهن للحوش راح مازن اجر تكسي و اجه اخذهن .. رحت لغرفتي .. اريد افكر .. عقلي تخربطت افكاره .. اريد اركز ..

القرين : شي اكبر من طاقتج لتفكرين بي .. عقلي راح ينفجر مو بس عقلج

يمامة : ممكن تسكت .. مممكن ..بس دقااايق ..دقااايق

القرين : اذاا اسكت تودينا بداهية ..

يمامة : و اذااا حجيت ما اسمعلك بكل الاحوااال اسكتتت .. ممممكن

القرين : شفتي نفسيتج شلون تعبت لان شي مو حملج .. لتغامرررررين

يمامة : لاااا اله الااااا الله ..

طكت روحي اريد هدووء تعبت .. عقلي تعب ماتحمل اسمع صوت .. ماكدر انعزل بروحي صار اشهر .. احس اختنكت منه .. كمت من اعصابي داصيح ..

فجاءة بنص الغرفة ظهرت مرة طويلة بوجهي صارت .. رجعت ليورا من الخوف فقدت توازني و وكعت .. زحفت ليورا مسافة .. گلبي بحنجرتي صار ..

رفعت راسي عليها ..