رواية ملحمة .. إرث سليمان الفصل الثالث 3 - بقلم Hend_AlBoor

يـؤلـمنـي طـيـفـك الـذي يـدور حـولـي
و لا اراه ابـي

ام غدير : بعد ضعفي هذاك .. استلمت قوة .. ابو حذيفه ..

و راح تشوفها بيك و باعزازك .. اشوف شاحضرلك ..

يمامة : كملت صلاة و ذكر .. و نزلت لكيت غدير سابقتني سوينا العشا و اتعشينا .. اغلب المرات خالتي متكعد ويانا ع الاكل بسبب شغلها .. بقينا نسولف .. صعدت وية اذان العشا صليت و طلعت بالصالة الـفوگ ..

ديكور الصالة بسيط تخم قنفتين و كراسي تخم اثنين ..

مازن : ( متمدد ع تخم و رافع رجل ع رجل ) تقبل الله شيخنا ..

يمامة : منا و منكم .. لعد وين غدورة

مازن : انتحرت بغرفتها ..

يمامة : اسم الله .. لسانك هذا خليله حدود

مازن : هههه طن ..

يمامة : كعدت ع الكرسي مالتي .. باوقات فراغي اتابع دراما كورية ..

مازن : دزيتلجن فيديوات تموت ضحك ع كروب الفايبر ..

يمامة : اي شفتهن ..

غدير : هاا شداتابعين ..؟

يمامة : مسلسل ..

غدير : مددت ع التخم ..

حان وقت اللعب .. ساعة لربي و ساعة لنفسي

يمامة : الله وكيلج كله لنفوسنا الخير و الشر .. الله مرايد شي له ..

غدير : اي و النبي ..

.. رسالة منبثقة .. مازن ارسل فيديو في كروب شلة تعبانة ..

ماااازن مو داالعب ... صفنت الصخام اللعبة لتضل اتدزدز

مازن : ولج شوفي يموت ضحك ..

غدير : انت متمل ترا راح اطردك من الكروب ..

مازن : متكدرين اني المسؤول اطردج و اطرد اليطلع وراج ..

يمامة : هههه كول اطردج و اطرد يمامة بعد شكو ..

مازن : الحمدلله وصلت ..

يمامة : حياتنا متتغير شغل عباده تسلية و طبعا عرايكهم .. نمت و كعدت من الصبح تريكنا اني و غدير

ام غدير : وين مازن

غدير : صباح الخير يمة .. يعني وين قابل نايم

ام غدير : صباح النور .. الساعه بـ 8 مو يدري خاله اليوم ينتقل كوومي كعدي

مازن : نزلت سمعت امي تهتف بية ..

كاعد كاعد هياتني .. ابالي خالي .. ريوك يمامة

ام غدير : انتي هم تجين تساعدين

غدير : يمة مابية و بعدين حارة

ام غدير : ما سئلتج اني .. حتى تختارين و تكولين ما

غدير : مو راح يتغدون يمنا منو يجهز الاكل خوما بس يمامة ضغط يصير عليها

ام غدير : كافي تنقين خلااص ابقي .. ابدن هسه و حسبن حسابجن وية الـ 12 كولشي جاهز زين

يمامة : ان شاء الله

ام غدير : كاعد تتريگ؟؟؟

مازن : اللگمة بحلگي باوعت عليها ..

لا طالع ع باب الله ..!! غير دااكل

ام غدير : بيت خااالك ع جية

مازن : يمة اكل بس دقيقتين و اكمل

يمامة : لتحجي و بحلكك الاكل هيج تختنگ ..

مازن : غصيت مو بس اختنگت ..

وگفت شربت الجاي كله من الكلاص بسحبه وحده .. و رگعت الكلاص ع الميز

من ورا امي راح اكوم اشرب عرگ

غدير : خرررب بس ترا هذا ﭼـاي ..؟؟؟

يمامة : من شربه و لزم الكلاص بقبضة ايده و ركعه و هو لازمه .. بالموت لزمت الضحكة

اعوذ بالله

ام غدير : ماااازن ..

مازن : جاي جاي ..

(بصوت هادئ) .. اشك امي قيادية بالنظام السابق .. نفذ و لا تناقش

يمامة : ههه انت شوكت لحگت عليهم

طلع يركض ..

ام غدير : ساعتين تتريگ ...؟ عيب خالك يوصل و ميشوفك بالشارع تنتظر

مازن : راااح اوگف براس الشارع و بس اشوف سيارة الحمل اشيلها هي و بيت خالي ع راسي شلع قلع و اركض بيهم .. بعد شتريدين ..

يمامة : كمنا نطبخ اني و غدير و نجهز .. مرت ساعات بدون ما انحس لان غرگنا بالشغل و السوالف ..

مازن : وصلت سيارة خصوصية بيها مرة خالي و بنته و ابنه الصغير .. مباشرة اجتي سيارة الغراض كمنا انزل بيهن اني و حذيفة ..

راحت السيارة كمنا نطبب بيهن نساعدهم .. اخذوا استراحه هلكت اني .. ركضت للبيت

ميي مييي .. ولجن ميي

غدير : طب مازن يلاهث من التعب و غاسل بالعرگ

يمةة خيرر عبالك طالع عمالة ..؟؟ هااك ..

مازن : حسيت گلبي برد من شربت مي

يايااابةةة اموت ع المي .. ولج دگوا علية دگ .. غراضهم متخلص و هذا ابو حواجب و لا يگعد تعبني كمت ادعي ياخذ استراحه ..

يمامة : ياعيوني هلكان .. شعليك بي جان ارتاحيت ..؟

مازن : ابوية اكولج اذا هو نزل شي لازم اساعده ننزله سوا ..

غدير : شفت اديان ..؟

مازن : الا هاي من شفتها داشيل القناني غير دفعت حذيفة و شلتهن تلاثتهن اثنين بايديني و وحده ع راسي

غدير : گول و الله

مازن : لج حتى خالي شلته وياهن و اركض شلون نثية خرب عمامي كلهن

يمامة : ضربته ع ضهره ..

نثية شنو .. گول بنية

مازن : ماحسيت الا ع ضربة

ااااخ يااابة سگطتي ظهري .. ايدج ثگلية درويشة

يمامة : بنت عمتك ليش تسبهم ..؟

مازن : هههه يابة عمامي الـ ما نولدوا شبيج

يمامة : هاك المي ودي هسه هلكوا عطش و انت تسولف

مازن : اييي اديان عطشانة .. جيبييي

غدير : طلع يركض لا طاير

ديلله هذا يبيعنا بگطف جگارة

يمامة : هههه عوفي فرحان ..

شفت فرحة مازن و غدير .. الوصل سعاده .. الفراگ الحرمان يترك اثر مو حلو ..

غدير : اجوي يمامة .. بلشي جهزي .. او لا لا .. خلي اشوف الوضع

يمامة : يلله انتظر ..

غدير : سحبت الشال خليته ع راسي و طلعت .. سلمت عليهم و بوست مرة خالي و اديان و حسوني ..

ام غدير : يمة جهزي الاكل انتي و بنت عمتج

غدير : صار

رجعت للمطبخ

يلله يمامتي صبي اني اروح افرش السفرة ..

يمامة : تمام .. بس صيحي مازن يساعدج بالصواني

غدير : داروح جان ارجع .. انخبصت

اكولج وين افرشها ..؟ وين ياكلون ..؟

يمامة : بغرفة الخطار .. قابل وين جوا الدرج ..؟

غدير : شلون ع التخم و ياكلون

يمامة : خرررب ليش هلكد ع نياتج فكري اشوي شغلي عقلج فدوة

غدير : هبلة هبلة اني هبلة ميشغل

يمامة : هههه جيبيها .. هسة روحي اخذي مدات افرشيهن بالكاع و تعالي اخذي السفرة

غدير : طخت ..

انطيتها السفرة و رحت طلعت المدات من غرفة امي و فرشتهن بالكاع

ابو حذيفة : يابة گومي ساعدي بنت عمتج ..؟

اديان ( 18 سنة ناجحة من السادس .. بيضاء البشرة .. بعيون بنية و شعر اسود .. ذات ملامح طفولية .. متوسطة الطول .. رشيقة القامة .. )

تمام بابا ..

يمامة : اني بقيت اصب و اخلي بالصنية .. جهزت دولكات المي و اللبن و الكلاصات بالصنية الخ ..

طبت غدير ..

غدورة اخذي صنية المي و اللبن اول .. و وين مازن ..؟

التفتت عليها .. شفت بنية حلوة ناعمة مبتسمة ..

اسفة .. عبالي غدير

غدير : داروح وية اديان للمطبخ وكعت المزهرية من ع ميز التلفزيون و التهيت بيها .. رجعت للمطبخ .. شفت يمامة تحجي وياها

هاا التقيتن ههه .. اديان بنت خالي .. يمامة بنت عمتي فاطمة الله يرحمها ..

اديان : اول مطبيت جان ظهرها علية رابطة شعرها ذيل حصان عالي كولش طويل ..

عبالها غدير و كامت تحجي مبين تعبانة و مخبوصة .. ضحكت .. التفتت علية شكلها يختلف عن غدير و مازن ..

حسيتها فشلت من شافتني .. من عرفتني عليها غدير بوستها

اتشرف بيج

يمامة : هلا بيج گلبي

مازن : اشو واكفات .. يلله الاكل برد

يمامة : اي همزين اجيت دزيت غدير عليك .. شيل هاي الصنية ثگيلة

مازن : اي اي اشرتلي

غدير : منو اشرلك ..؟ اصلا نسيت اكولك ..

داحجي جان يجيني عكس من ايده نشلت صفحتي .. و بلعت لساني

مازن : صايرة تنسين .. جيبي جيبي درويشة هاي خرفت

اخذت الصنية و طلعت ركض ...

يمامة : غدورة اخذي هاي الصنية گلبي

غدير : تقربت يمه داشيل الصنية ..

( بهمس ) جفصت مو ..؟

يمامة : ( بهمس ) ههه اي

غدير : صخاااام ..

اديان : اني شنو اودي ..؟

يمامة : ها گلبي هسه اخلي بهاي الصنية وديها ..

لما خلصت صب و كمل التجهيز .. نخبصت .. ابد مجاي هيج خطار .. راحن كعدت ع الكرسي ..

يمةة تعبت ..

طبت اديان ..

ها گلبي شنو بقى نقص ..؟

اديان : لا ماكو عمري بس يلا متاكلين ويانا

يمامة : لا خوما دتنتظرون؟

اديان : اي

غدير : طبيت للمطبخ ..

يلله يمامة گومي شكو كاعده

يمامة : لا والله ماكدر اكل كدامهم

غدير : هو منو غريب .. راح ياكلوج دمشي ؟

يمامة : فدووة والله استحي شبيج ..

غدير : عيب من الناس ..

يمامة : غدير روحوا اكلوا .. گولوا اي شي .. و الله مو عن شي بس استحي اكل كدام احد غريب

اديان : اني ضحكت من شفتها صارت حمرة لان هاي الحالة بية ..

غدير : اوف منج بس اكلي هنا لان تعبتي .. يلله اديان ..

يمامة : ان شاء الله ..

ام غدير : هاا وينها بنت عمتج ..؟

غدير : يمة تستحي ..

ام غدير : تستحتي شنو منو غريب

حذيفة : ميت جوع و كاعدين ننتظر تاليها تعتذر ..!! شنو هالمهزلة ..؟

ابو حذيفة : اكعدددي رجاء خلي البنية ع راحتها ..

يمامة : غسلت وجهي و اكلت اشوي مالي نفس من التعب .. اسمع سوالفهم و ضحكهم و هم ياكلون .. من يمي فرحت .. الله يديم هاللمة ..

السعادة تولد طاقة ايجابية و تقضي ع اي طاقة سلبية بالبيت ..

كمت اروح ارتاح اشوي لما يكملون .. داشمي سمعت اسم ابوية .. وكفت ..

ابو حذيفة : وداني وياه لجلسة معالجة ممسوس .. وراها توبت اذا يكول تعال وياي نفتر اخذ منه عهد الله قبل لاطلع

غدير : خالو شفت واحد متلبس ..؟

ابو حذيفة : اي خالو ..

غدير : يمةةة .. و عاد طلع الجني؟؟

ابو حذيفة : بجلسة او جلستين يتعالج الممسوس ع ايد عمر الله يرحمه

مازن : ما شاء الله و بنته تكول ما اصدگ بهالسوالف

يمامة : رجعت يم باب المطبخ حتى اسمع .. و هو يحجي كانوا داشوف ابوية كدامي ..

ـــــ ذاكـرة الماضـي ــــ

يمامة ( بعمر ست سنوات) : بابا اذا هذا بي جني ليش ماشوفه بس انت تشوفه ..؟

شيخ عمر : منو كالج بي جني ..؟

يمامة : سمعت نسوان يحجن يكولن عليك انت تشوفه و تحجي وياه .. بابا تحجي وياه ..؟

شيخ عمر : ههه احجي وياه بس ماشوفه گلبي

يمامة : ليش ..؟

شيخ عمر : منكدر نشوفهم حمامتي بس هم يشوفونه

يمامة : بابا لتموته خطية ..

شيخ عمر : تحبينهم ..؟

يمامة : ( تحرك راسها بمعنى اي) هممم حتى اذا شكلهم يخوف

شيخ عمر : نزلت ع ركبتي كعدت .. لزمتها من جتوفها .. ابتسمت

خليج دائما هيج حمامتي .. لتخلين الكره ياخذ مكان بگلبج و لتحكمين ع احد من شكله ..

ـــ حـاضــر ـــ

رجعت كعدت ع الكرسي .. الحنين اخذني له .. اشتاقله هواي .. اب و ام بالنسبة الي .. ماتذكر يوم شفت ابوية ضايج دومه مبتسم حتى اذا المشاكل التمت عليه .. مخلاني اشوفه موجوع

ــــ ذاكره من المـاضـي ــــ

غرفة تغطي حياطينها سجادات و سور قرانية مبروزه .. ارضيتها سجاد مفروش .. رجال ممدد ع الارضيه ..

شيخ عمر : كول اسمك حتى اكدر اطلعك .. انطق

الممسوس ( صوت الجن) : مااا اكدررر ..

شيخ عمر : ساعدني

الجن : لا اله الا الله .. متكدر تطلعني من الاسم مداخل برضاي .. محبووس

شيخ حسين : مسلم و مغصوب ميطلع بسهوله شيخ

شيخ عمر : عرفت .. و مو وحده حاضر .. مراقب من مارد .. بس لازم اخذ منه مساعده ..

يمامة : (خلف الباب) ..

بهمس .. جني هسة اشوفه من يطلع

الممسوس : صدررري شيييخ .. نفسسسي فدووة ساااعدني

شيخ عمر : لزم ايدي .. التفتت ع شيخ حسين

ماگدر احرگه مسلم ..

شيخ حسين : ليش ديأذي ..؟

شيخ عمر : روحين بجسد ميتحمل .. مخلوق لروح وحده .. اثنينهم ديعانون

المار تعرفه ..؟

الجن : يراقب .. يحرگني قبل لا انطق اسمه ..

روح طاهرة ما وعت ع ملذات الدنيا .. ارفع راسك وراية ..

شيخ عمر : رفعت راسي ..

يمامةة .. ارجعي بنتي

يمامة : بابا .. اريد اشوفه

شيخ حسين : رحت داشيلها التفت الممسوس عليها و لزمها من ايدها و جرها ..

الجن : ( بصوت بطيء و صعوبه ) اشهد ان لا اله الا الله و اشهد ان محمدا رسول الله ..

شيخ عمر : فقد وعيه الممسوس ..

طلع من ابهامه حسين .. ايات التحصين ..

انتبهت ع ابهامه خلاها بيد يمامة .. من طلع سحبتها بحضني و رتلنا اني و شيخ حسين الايات ..

يمامة : بابا مشفته ..

شيخ عمر : شيخ جهزوا الدفوف .. انقيم ذكر المغرب ..

ــــ حــاضــر ــــ

هذاك يوم مانساه و ما اذكره لبشر .. اول يوم بعمري احضر جلسة ذكر و دفوف ..

كاعدين بشكل مربع يدكون و يذكرون .. كعدني ابوية بالنص و هو گبالي يباوع علية يمدح و يبجي .. صح جنت طفلة بس كل مديح دخل روحي لدرجه كمت ابجي وية ابويه

لحد الكلمات ترن باذني و صوت الدفوف .. مديح بحب محمد ﷺ و السيده خديجة رضي الله عنها
بحب ابراهيمﷺ و السيده سارة رضي الله عنها

بحب ابو بكر رضي الله عنه
بحب الامام علي عليه السلام و السيدة فاطمة عليها السلام

هواي اشتاق لهذاك اليوم .. وجه ابوية مبتسم و دموع و هو يشربني كلاص مي رقاه بالقرآن هو و الشيوخ ..

گال هذا تحصين .. لان الجن استخدمني حتى يتحرر .. هه جانت اكبر امنياتي اشوفه ..

غدير : يمامة .. يماامةة ..

يمامة : همم .. هاا كملتوا

غدير : شبيج تبجين ..؟

يمامة : لا .. مابية شي ..

محسيت ع دموعي .. مسحتهن .. و كمت ..

هاج الصواني و اني راح اوكف بالباب اخذهن منج ..

غدير : تمام ..

يمامة : غدورة لتخلين اديان تشتغل خطية .. ميصير ضيفه

غدير : غير اتوسلت بيها تكعد متقبل ..

يمامة : ديلله جيبيهن بين ما احمي الجاي لان برد .. خلي نخلص بسرعه

كمت اخذ المواعين منهن و اخليهن بالسنك .. حضرت صنية الجاي و انطيتها الها ..

غدير : لتغسلين المواعين اني اجي اغسلهن انتي هلكتي .. اموتج ترا

يمامة : ههه دروحي روحي اكعدي يم خالج ميصير .. هذا لو خالي اخلي الشغل كله عليج

غدير : هههه فدوة الج ..

يمامة : ردت اشغل روحي .. گلبي وجعني ع الراح .. دقيقه من هذاك الماضي اجمل من حياتي الـ عشتها وراه كلها ..

كملت شغلي و صعدت اصلي الظهر قبل لا اقضيها .. وجه ابوية مفارگني ..

دموعي حنين مو اعتراض ع امر الله ..

حذيفة : بقينا نسولف للعصر .. دخت حيل عقلي ما كام يجمع .. اليوم نبات يمهم ..

ام غدير : غدورة اخذي بنت خالج خلي ترتاح فوگ .. حذيفة انت هم يمة اصعد ارتاح .. مازن

غدير : بس اخذ اديان اشوفها البلابل ..

مازن : صار يمة .. صعدنا فوگ .. اني هم احتاج راحه متكسر .. دنمشي ع الدرج

حذيفة : مازن .. اريد اسبح بس الحمام ..!

مازن : اكو فوگ حمام ..

ام غدير : مااازن ..

مازن : جاي يمةة .. الحمام اول متصعد ع يسارك .. و غرفتي يمه مباشرة

حذيفة : مشكور ..

صعدت كبل للحمام .. حتى اذا ملكيت بي خاولي او غسول بس اريد مي ينزل ع جسمي حتى ارتاح .. احس متكسر مابية اوكف

اباب الحمام صارت بوجهي بنية ..

يمامة : طبيت غسلت و طلعت .. شعري ما اجففه انشفه و احله بدون تمشيط .. احب شكله من يتعرج ..

غسلت هدومي و رحت شريتهن .. رجعت ارتب بالحمام .. كملت و طلعت صار بوجهي ولد .. يبست من الصدمة ..

اني منا فكرت بهذا الجن و منا هذا طلع فجاءة .. ملامح وجهي كلها تخربطت ..

حذيفه : شعرها مبلل و نازل .. ماخذه راحتها .. من فشلتي مادري وين اودي وجهي .. ركضت فجاءة و طبت للغرفة

يمامة : من حواجبه عرفته ابن خالهم .. عگدت حواجبي بس طخ براسي هالشي ..

انتبهت شعري و لبسي .. ركضت و لو كدامي فيل ابطحه بالگاع و اوصل للغرفة من الخزي ..

حذيفة : هاا .. شنو شافت كدامها قابل جن ..؟

طبيت اسبح همزين كولشي موجود .. ريحة غسولها تارس الحمام .. واكف جوا الدوش و اباوع ع فتحته المجاري ..

شعرها يوكع ..!!!

يمامة : استغفر الله .. الواحد ابيته ميرتاح .. ليش محد بلغني ادري وين مازن شلون يخلي يصعد وحده ..

الواحد يطلع صوت قبل ليصعد اخرس لو شنو اريد افتهم .. لا اله الا الله ..

انوب وضوئي بطل .. هسه شلون اطلع اتوضة ..؟ هاي شلون ورطة يربي بقيت محبوسة ..

غدير : صعدنا فوگ ..

يمامتي ..!!؟

يمامة : بس سمعت صوتها ركضت فتحت الباب و طلعت .. صار بوجهي اباب الحمام سديت الباب ع السريع ..

اعوذ بالله اليوم ابليس حااضر لو شنو الله اكبر و تالي

غدير : من سدت الباب بوجهي يبس جسمي ..

عزا شسويت اني .. يمامةة شكوو ..؟

حذيفة : كملت و طلعت جانن اديان و غدير واكفات .. طلعت بس شافتني سدت الباب خطف ..

احمم ..

طبيت لغرفة مازن ..

اديان : حذيفة ..!!

غدير : من شفت حذيفة ارتاحيت .. عرفت مزعلانة مني هاي لان شافته شردت ..

فتحت الباب و سحبت اديان و طبينا

درويشة .. ولج فززتيني عبالي اني جافصة بشي

يمامة : مازن وين الا اخنگه

غدير : مازن جفص مو .. ايدي و ايدج عليه

يمامة : اريد اطلع اتوضه ..

غدير : طب الولد للغرفة .. اطلعي ..

يمامة : خليت شال ع راسي و طلعت

غدير : اكعدي اديان ..

اديان : اخاف وجود حذيفة ضايقها؟

غدير : لا عادي ..

اديان : تكوليلها درويشة ..!!

غدير : ههه اي لان ابوها درويش

اديان : امي سولفتلي ع ابوها و امها ..

غدير : تعرف عمتي فاطمة ..؟؟

اديان : اي تكول جنا نروحلهم و يجونا قبل لا تصيرلهم يمامة ..

غدير : هي صارتلهم ع كبر .. من هذا ماتت عمتي ع الولاده

اديان : اي يمكن الله يرحمها

ام غدير : ابو حذيفة شفتك حبيت اللبن ع الغدا .. سويتلك كلاص

ابو حذيفة : اي والله اشمدريج عاشت ايدج ..

ام غدير : اسفة ام حذيفه باقي بس كلاص ..

ام حذيفة : عادي عيوني

ام غدير : اخذه مني و شربه ..

بالعافية ..

هـه الف عافية ع گلبك ..