رواية ملحمة .. إرث سليمان الفصل الثاني عشر 12 - بقلم Hend_AlBoor

   اذا احـبـبـت اقـتـدي 
و ان ابـغـضـت احـتـرم
فـ الـديـن اخـلاق

ام غدير : يا ستار .. شكو من الصباحيات ..؟

يمامة : راح اروح وية بيت ابو حذيفة ..

ام غدير : وين ..؟

يمامة : يزورون ..

ام غدير : و انتي شكو بالنص .. ؟؟؟

يمامة : طفرت من مكانها .. كامت تدوي الكاع بمشياها من الاعصاب ..

اخو جدي و اريد ازوره .. حتى بالاحلام كمت اشوفهم من الگطع

ام غدير : جدج اخوو جددج رووحه وياهم ماكوو زززين ..

يمامة : ميهم مو الا اروح وياهم .. هسه وحدي اروح ..

يوليس : خلي تروح مولاتي .. شغل اليوم ميسمح بأي تدخل .. هيج نضمن يتم شغلنا براحه و بدون تدخلاتها ..

دنهش : هي خارج نطاق الشغل .. و هم ماعتقد راح تجيب الراقد بهذيج التربة وياها .. ماكو تأثير بروحتها 

يمامة : هي سكتت .. اسمع كلامهم .. اول مرة يحجون شي براسه خير .. المهم اروح

ترا اكدر اروح بدون اذن .. اني ما اقرب الج بالدم و بالغة سن الرشد .. بس من باب الاحترام دا اكولج ..

ام غدير : ولي وين متولين ولي .. دوختيني و مالي خلگج .. مناقصتج زين ..

روش : نسحبت روحي وراها ..

هل استطيع الرحيل بصحبتها ..

باوعلي يوليس بنظره اعصاب ..

امزح فقط ...!

يمامة : بعدها ممكملة طررت طيارة .. خفت لا تتراجع .. اخذت الجنطة و طلعت .. صعدت بالسيارة ليورا يم اديان ..

حذيفة : متوقعت تجي لان اعرف عمتي سحارة .. حركت السيارة ..

يمامة : حجيت بهدوء وية اديان

لعد عمو ابو حذيفة ماكو ..؟

اديان : راح من البارحه العصر لبيت عمي طارق .. كالت ابات يومين جمعة و سبت

حذيفة : من سمعت اسمي .. انتبهت عليها بالمراية .. مافهمت الباقي

يمامة : اها ..

رفعت عيني انتبهت ع حذيفة يباوع .. طيرت عيوني عنه .. اباوع ع قريني يحركلي حواجبه .. هذا ليش هيج خبل المفروض يشبهني بكولشي ..

حرامات جنت اتمنى اشوف ابوهم .. حتى افتهم شبي .. اختنكت .. كل واحد و قرينه السيارة متروسه بعيني .. بس بعيونهم قليل ..

اباوع للشوارع ازدحام مو طبيعي .. مكمت اميز بين الجن و البشر .. احس الجن ازيد باضعاف ..

ظاهريا الارض النة و بالمستور الهم بسبب الظلم و الهيمنة .. كلما نبتعد عن ربنا كلما تزيد هيمنتهم ع الارض  ...!؟ منظر يخنگ روحي لو باقية عمية افضل

درت وجهي عن الشباك .. صارت عيني بعين حذيفة .. حسيت حنجرتي ثگلت .. دنگت راسي بسرعه .. الجو صار حار ..

القرين : شبي صاحبك ..

قرين حذيفة : عاشق .. بس متمرد ع ذاته .. و لا مهرب من فخ گلبه بوجودها

يمامة : من سمعتهم راسا فتحت الجامة احس الجو صار نار .. اشكد خبيث قريني احد طلب منك تستفسر ...!!

القرين : قريت افكارها ..

لا .. مجرد فضول ..

قرين حذيفة : شنو ..؟

القرين : هيج ..

يمامة : الطريق كله مشلت راسي .. احير وين اودي عيوني .. مرات الجهل في بعض الاشياء .. نعمة ..

وصلنا اول متوجهت لحضرته .. جمدت بمكاني ..

بهمس .. جن ..

اباوع ع الصحن مليان كائنات من الجن و البشر .. لدرجه نجبت عني روؤية حضرته ..

حذيفة : طبينا دانمشي التفتت وراية يمامة ماكو .. التفتت حولي شفتها جامده ..

روحي كاوديها لتضيع ..

اديان : ياا .. نسيتها والله ..

رجعت ركض عليها جامده متتحرك عبالك اول مرة تزور .. سحبتها من ايدها ..

ااامشي يللا ..

يمامة : جرتني اديان و امشي .. اغلب الجن اعرفهم من خلقتهم و اغلبهم يشبوهنا بالخلق .. سمعت رفرفة قوية فوگاي گبيت .. فز جسمي

اديان : يمةةة .. شبييج ..

يمامة : مابية .. مابية ..

رفعت راسي .. مخلوقات تطير .. البعض اجنحة و البعض لا .. عقلي گام ميستوعب كل هذا .. ضغط جبير و فوگ طاقتي ..

اتوقعت بالاماكن المقدسة ماكو .. اتوقعت اريح بالي منهم .. نزلت راسي التفتت ع اديان صافنه علية ..

اديان : هاا .. نمشي لو نبقى ..؟

يمامة : اي .. نمشي ..

مشينا و اني احاول اركز نظري كدامي ماشتته .. فجاءة دعمت رجال .. رغم هو گدامي

زاير : العفو .. العفو اختي .. اعتذر

يمامة : لا عادي .. اني اعتذر

كملت طريقي .. من كثرتهم كمت ما اميز اتفادى منو ..؟ و امشي من خلال منو ..؟ الجن اعبر من خلالهم .. البشر لازم اتفاداهم ..

حذيفة : عبالي تهتوا ..؟

اديان : لا بس يمامة يمكن اول مرة تزور ..

يمامة : همم .. لا زايرته هواي بطفولتي ..

زايرته بس اعتبر هاي اول مرة ع المنظر الـ داشوفه ..! سحبت نفس طويل ..

طبينا صلينا .. كملت و رحت كعدت يمه ..

ـــــ ذاكـرة ــــ

يمامة بحضن ابوها بالحضرة ..

يمامة : هنا جدي ..؟

شيخ عمر : اي ..

يمامة : گلبت راسي و رفعته ليفوك ع وجه ابوية اباوع

بس انت كلت اسمه الحسن ..و هذا الحسين .. هو نفسه ..؟

شيخ عمر : هههه تريدين الصدك هو نفسه .. ماكو فرق بيناتهم ..

يمامة : يعني عنده اسمين ..

شيخ عمر : اخو باباتي .. جدنا الحسن ع اخو الحسين ع .. و اثنينهم احباب الله و رسوله ﷺ

يمامة : ( اتأشر ابيدها ) بابا ليش يبجون هذولا ..؟

شيخ عمر : لان يحبوا باباتي ..

يمامة : الـ يحب يبجي بابا ..؟

شيخ عمر : كل انسان له اسلوب مختلف بالحب حمامتي .. يبجي .. يدعي .. يقرا قرآن له .. يقتدي بي .. المهم ميأذي و لا يجرح ..

ــــ حــاضــر ــــ

محسيت الا ع دموعي .. مادري ع ذاكرتي و اول زيارة الي وية ابوية .. مادري ع كلام ابوية و الـ وصلناه بهذا الوقت ..

الـ يحب الصالحين ميأذي و يذم باسم الحب .. حب الصالحين اقتداء .. بابا

التفتت ع جانبي كاعد رجال شايب .. وجهه ابيض عبالك يضوي .. لحيتة بيضة .. عيون سمائية فاتحه مثل المي .. شعر راسه طويل ابيض .. من شكله عرفته جن .. لان شكله قريب ع شكل هذاك الجني ..

بقيت صافنه عليه .. جان يبتسم .. درت عيوني عنه .. مسحت دموعي ..

القرين : ماكو داعي بعد عرف تشوفي ..

آيتان : ( جن ضوئي) اذا حدسي ميخطأ .. اعتقد بصرج لاحني ..

يمامة : ارتبكت .. بس مادام هو موجود هنا معناها مسلم .. و مسالم همين ..

القرين : تحليل صحيح .. اي مسلم ..

يمامة : لو بس افتهم ليش يقرا افكاري بصوت عالي ...

آيتان : ههه .. مو بالضرورة اكون مسلم ..

يمامة : التفتت حولي النسوان ملتهيات يبجن و يشدن ازار بالمقام ..

( بهمس ) لقدسية المكان ..

آيتان : ليس حكرا للمسلمين يا يمامة ..

يمامة : صفنت عليه شلون عرف اسمي .. اشرلي بعيونه ع شي وراية .. التفتت شفت مرية كاعده تربط .. رجعت نظري عليه ..

آيتان : هاي سحارة ..

يمامة : راسا عگدت حواجبي و وجهي كله نگلب ..

شنوووو ..؟؟

النسوان كلهن باوعن علية من عطت .. رجعت ع المقام وجهت نظري ..

القرين : ضربت وجهي بيدي ..

السجن الج .. راحة لبالي .. منا لليل كل الخلايق الـ هنا تعرف السر

آيتان : ليش التعجب ..؟ مو كل من دخل مكان مقدس .. انسان طاهر .. السحرة حتى للكعبة يدخلون ..!؟

يمامة : بهمس .. بسس هم نجس .. ميجوز ..؟

آيتان : ميجوز و محرم .. بس شي ممكن اذا جانت الغاية احتقار المكان لارضاء الشيطان .. شنو فرق القرآن عن الكعبه و عن اي مكان مقدس كهذا المكان ..؟

سلم المصحف من ايدي البشر حتى يسلم هذا المكان ..

يمامة : تأدي طقوس عباده بتنگيس المكان .. لزمت القفص .. هذاا مقدس

ابتسم و كام يهز براسه ..

آيتان : الحضرة و المقام مو هذا .. هذا من صنعكم .. معدن ممكن الـ صعنه غير مسلم ..

و لا هذه .. التربه .. ممكن يتم تغييرها

بس الراقد جوا التربة هو المقدس .. جسده الطاهر هو المقدس الذي ميمكن تغييره او فقدان قدسيته

يمامة : بهمس .. بكل الاحوال هذا جان قصدي انو هنا جسد انسان صالح و له منزلة

آيتان : و هي و الشيطان يعرفون انه جسد طاهر .. لهذا السبب ذمه بحضرته طقس من طقوس عبادة الشيطان ..

يمامة : دنگت راسي .. خجلت من تصرف انسانه الله خلاها خليفة ع الارض و ذللها الحيوانات و خيرات الارض .. و تختار الذل لابليس ع كل هذا العز ..

بهمس .. ماعتقد الكعبه سلمت منهم .. جان سلمت من اصنام العرب و الكفر ..

التفتت عليه

مادام البشر ع الارض .. القدسيات تُنتهك و تتنجس ..

آيتان : المقدسات و الصالحين ميحتاجون دفاع من عدنا  .. يحتاجون حب و اقتداء .. بهذا تبقى خطاهم الها اثر ع الارض ..

يمامة : ( بهمس ) بس اختفت اثارهم .. تقسم الاسلام مذاهب .. و فوگ كل هذا اتباع كل مذهب يهينون مقدسات المذهب الاخر و ذم الصالحين .. بالتالي الكل ديهين الدين .. صرنا سخرية للعالمين

(بنبرة حزن) احنا اجيال وصلنا دين مشوه لو احنا شوهناه ..؟

آيتان : الدين لا يشوه يمامة .. بل انتم شوهتم انفسكم ..

هل جرب احدكم قراءة الفاتحه ع روح محمد ﷺ او صحابي او امام ..!!!

يمامة : اباوع عليه .. طول عمري ميهمني الـ يدور بالعالم حولي .. بس هسه من اختصرت الحال .. العبرة خنگتني ..

باوعت عليه بنظره حزن .. مابية احجي ماكدر .. القهر بين بوجهي اريد اعيط

آيتان : كلا ..!!! نادرا ...!؟ هل جربتم سب صحابي و امام ..؟

يمامة : باوعت عليه دنگ راسي ..

آيتان : نعم ..

ليس هكذا الايمان و لا الحب .. انتم قد شوهتم الحب ايضا صغيرتي ..

هم دخلوا الدين مو بوقت واحد .. واحدهم سبق الاخر و بفترة اصبحوا اعداء .. و من اجتمعوا ع دين واحد .. تحابوا و لم يتخاصموا .. ليش ..؟

يمامة : (بهمس) اخلاقهم ارصن .. الاخلاق تسبق الدين .. دين بلا اخلاق .. دين مشوه

آيتان : اغرسوا الاقتداء بهم في قلوبكم .. تحصدون مجتمع اخلاقي سليم ..

يمامة : صافنه ع كلامه .. جيل بالسنة حسنة يفتح القرآن و مو ملتزم بصلاته .. و اذا نزلت صورة صحابي او امام بموقع تواصل .. 

من المذهبين تحس الـ ديكتبون شياطين .. ذم و سب و قذف ..  بس بأدعائهم الدفاع و الدين .. فقدوا اخلاقهم بالتالي فقدوا الدين ..

لو جانوا يصلون فعلا ما يتلفظون بالمنكر حتى اذا جان المقابل عدو ..؟ الصلاة تنهي عن الفحشاء و المنكر ...؟!!!

(بهمس) نحتاج رسول ..!

آيتان : الاسلام لا يحتاج رسولا .. و لا دفاع منا و لا قتال .. الاسلام يحتاج اخلاق فقط ..

يمامة : ليش بكلامه يجمع الجن و البشر ..؟؟

منا ...!!!

آيتان : اي ..

يمامة : كام وكف و ظهروا وراه مجموعة من الجن اجسامهم ضخمة .. 

آيتان : اني سيد خدام مرقد الامام ع .. ع مدى تسعمائة سنة اني هنا لخدمة و حماية المكان من شرور الجن ..

الاشرار ليس فقط من الانس صغيرتي ..

اديان : صلينا .. دعيت .. طلعنا ندور ع مكان بالصحن نبات بي .. كملنا و كعدنا

حذيفة : شنو بعدها بالحضرة ..؟

اديان : اي عفتها كاعده مردت اقاطعها

حذيفة : صار ساعه .. كومي شوفيها اخاف تاهت ..

اديان : ماشي .. بس انتظروني مو تاكلون

يمامة : تسعمية سنة ...!!؟؟؟

اديان : طبيت لكيتها كاعده طرف .. النسوان كلهن يباوعن عليها .. رحت عليها

يمااامة ..

يمامة : جسمي كله فز من ورا اديان ..

هااا ..
اديان ..!!!  شنو ..؟

اباوع حولي النسوان يتهامسن عبالهم اني مخبلة و داحجي وية نفسي .. و القرناء صافنين ..

اديان : يلله امشي صار ساعه ننتظرج ..

يمامة : مادري نسيت نفسي هنا ..

رجعت اباوع .. اختفوا كلهم .. كمت طلعت وية اديان ..

القرين : دخلت بـﭼـتفها الايسر ..

(بهمس)  عرفوا تواصلج وية الخادم .. اذا جان هالشي غامض للنسوان .. فـ القرناء كولش واضح

يمامة : حجيت بعقلي بدون ما انطق ..

ميمهم .. بكل الاحوال ميعرفوني اغلبهن ايرانيات و باكستانيات

القرين : ( بهمس ) يعرفون عن طريقي ..

يمامة : شي راجع لك .. اول و تالي كولشي ينكشف .. ماكدر وحدي اتحمل هيج طاقة .. و لازم اكتمها

القرين : كمزت من ﭼـتفها .. مشيت وراها .. الاذية من الجن تضرها و تضرني ..

يمامة : اول موصلت جانو كاعدين رفع راسه حذيفة .. كعدت راسا ..

حذيفة : شنو مناوية تاكلين ..؟

يمامة : بلي ..

اني عقلي مو براسي .. الف فكرة و فكرة ممنظمة براسي .. حتى الاكل من داكله ماحس بطعمه ..

ام حذيفة : بالليل فدنوب .. تخف الرجل .. اودي حسوني ع السيد حتى يسويله حجاب

يمامة : نبات ..؟

ام حذيفة : اي .. باجر الصبح نرجع .. مو احسن

يمامة : اي اكيد ..

ام حذيفة : يمة حذيفة انت هم تعال خلي السيد يحصنك .. يسويلك حجاب ..

حذيفة : اني مابية شي يوم ..

ام حذيفة : شلون مابيك .. لحد هسه ممتزوج .. لا مثل هالولد عرفت بنية لا حبيت .. شناقصك يوم .. اكيد عليك عمل ..

حذيفة : يمة هاي قناعه .. غير اقتنع بوحده حتى اخذها ..

ام حذيفة : والله هاي عمتك متجوز .. لازم الها ايد باي شي مو طبيعي ..

حذيفة : هاا اني مو طبيعي ..!!!؟

ام حذيفة : لاا مو انت .. حالك يمةة ..

حسين : ماما خلي يتزوج يمامة ..

ام حذيفة : هههه اشش ماما عيب لتحجي بسوالف الكبار ..

حذيفة : الابتسامة شگت حلگي .. خليت ايدي ع راسه و فركت شعره حيل .. اختصرلي الموضوع .. اشجع مني ابن الاوادم .. باوعت عليها احمرت من الخجل و الصدمة .. دنگت راسي و اضحك ..

يمامة : داشرب المي .. من حجى نزلت البطل و طككت عيوني .. عزاا فشلني .. منو كالك اريد زواج .. ردت اختل بهدومي ..

القرين : فرحان صاحبك .. اول مرة اشوف ضحكته

قرين حذيفة : الطفل اختصرله الموضوع .. من ورا تفكيره بيها .. راح اتبادل وياك ع صاحبتك .. حفظتها اكثر منك

يمامة : داشرب مي جان اغص بي ..

اديان : الله .. الله

كمت ادك ع ظهرها ..

ام حذيفة : اسم الله .. يمة ع كيفج

اديان : اكيد خجلت من كلام حسوني هههه

يمامة : خرب حظي يا كلام حسوني .. سمعت الاقوى ..

القرين : هااا و شلون يفكر بيها ..

يمامة : ياااااااا ... كااااااافي .. انووب اريد اشرد ماكدر وين اروح حتى يسكتتتت صخاامي .. اباوع عليه يبتسم ابتسامه خبيثة و يحرك حواجبه

قرين حذيفة : اتريد ابديلك من كلمة احبج لو ادخل بموضوع نزع الهدوم گبل ..

يمامة : طفرت من مكاني ..

ااديان .. تعااالي وياياا

اديان : فجاءة گبت ..

اي .. اي .. وين ..؟

يمامة : جريتها من ايدها و مشيت وين مادري .. من الخجل احس جوانب راسي نطبگن من الـ سمعته يمكن ضغطي صعد .. اشوو حااارة ..؟؟؟

اديان : وووين راااايحين ..؟

يمامة : صحياات .. تواليت ..

اديان : مو منا يمعوده فضحتينا نصي صوتج .. تعالي ..

يمامة : ها .. ماندل .. يللا ..

اول مطبيت للتواليت استعاذيت بالله من ابليس .. طلع جن يركض .. وويع شجان يسوي ..

القرين : ياكل ..

يمامة : وووييييع .. معدددتي .. باوعت عليه .. حگرصت سنوني ..

اانت ليييش تحجي وياااه هيييج ..

القرين : سوالف جن انتي شعليج .. بكيفي ..

يمامة : لزمت اعصابي .. جانت امنيتي الزمه ابوكسي اطير وجهه .. بس شفاف ايدي تروح ع الحايط ..

معليك بي .. لتسوولف .. لو اني ما اسمع احجي براحتك زين ..

انتبهت ع الحياطين كلها كتابه ممفهومة ..

شنو هذا ..؟

القرين : طلاسم ..

يمامة : لعبت روحي .. شكم بشر ابشر ندمرت حياته من ورا هالسوالف .. طلعت لكيت اديان تنتظرني برا ..

رجعنا گعدت ..

قرين حذيفة : شبيها فجاءة كامت ..

القرين : محصورة ..

يمامة : اذا اصبر ع كل الـ ديصير بية .. هذا القرين ماعتقد راح اصبر عليه ..

اباوع ع حذيفة مدنگ راسه و يسبح بالسبحة .. لعد كل هالبلاوي تطلع منك انت ..!؟! كلما يجي كلامهم براسي اصخن ..

القرين :( بهمس) شاب من حقه يفكر ..

غدير : كعدت الصبح ماكو يمامة عرفت من امي راحت زيارة .. و النهار كله گابلت مازن الاستفزازي .. شردت منه كمت انظف ..

مازن : طلعت العصر افتريت تغيير جو و رجعت ..

شدتسوين ..؟

غدير : قابل شدتشوف كدامك ..

مازن : زمال ينظف ..

غدير : ضربته ع جتفه ..

مو خلصت منك كم ساعة شرجعك ..؟

مازن : بالمحل داشتري  و اجيتي ع بالي ..

غدير : صدوك .. گول والله ..؟

مازن : والله .. گلت هسه غدير ارتاحت مني خلي ارجع اغثها ..

غدير : هنيااالي ع هيج اخ .. عبالي جبتلي شي .. شو دووخر

مازن : لا يابة شنو مخبل  ..

امسحي هذا .. عبرتي ..؟

غدير : رجعت بالماسحه ع المكان ..

مازن : رحت ع الزاوية ..

ولج هذا ليش مكانسته .. هو هذا هم تنظيف ؟؟

غدير : اااادري مرررراقب بلديةةةةة

مازن : اي و انتي الزبال .. خو اني ماحجيت انتي اعترفتي

غدير : هسةةةة ااااااني اعلمك الزباااااال منووو ...

شلت الماسحة و ركضت وراه ..

اذاااا اااانت رجااااال واااجهنيييي

مازن : اركض و ميت ضحك عليها ..

لااا ياااابة خليييت الرجووولة الج ..

غدير : يمةةةةةةة ....

يمامة : بقينا لليل .. امهم و حذيفة اخذوا حسوني و راحوا .. بقينا اني و اديان كاعدين .. نسطرت من سوالف قريني و قرينها ..

نعست .. راح انام ..

اديان : ماشي عمري .. اني انتظرهم ..

يمامة : تصبحين ع خير ..

اديان : و انتي من اهله ..

يمامة : من التعب غفيت بسرعة .. صحيت مادري بيش ساعة ع صوت غريب ..

كعدت الناس قليلين اغلبهم نايمين .. عاديين شنو بس اني اسمع .. صوت صراخ و ونين .. وخرت الـ لحاف و كمت .. گلبي يدوك سريع انرعبت ..

القرين : ارجعي للفراش

يمامة : باوعت عليه ..

شنو هذا الصوت دتسمعه  ..؟

القرين : كلها تسمع مو بس انتي ..

يمامة : لعد ليش ممهتمين .. الناس عادية ..

داحجي وياه و شي يطير بالسما يرفرف حيل بحيث صوت جناحينه قوي ..

باوعت ع السما مخلوق غريب مثل الـ يريد يصيد شي و اكو شي ديمنعه .. يريد يفترس .. اتوجه لمكان صوت الونين .. و رجع سريع كام يطلع صوووت بشععع ياذي الاذان .. مثل الـ انغث من شي و اتعصب

و صوت الونين و الصراخ البعيد مستمر .. توجهت لمصدر الصوت امشي و امشي طلعت من الصحن .. و القرين يدردم وراية

وصلت لمكان .. مرية عجوز و شايب كاعدين يبجون و يدعون .. توجهت ع الباب .. منتبهوا علية ..

الباب مفتوح للنص .. اباوع ع رجال نايم ع ظهره .. بطنه و ظهره مرفوعات عن الارض .. بس راسه و رجلينة ع الگاع .. يصرخ و يون .. السيد يرتل القرآن ..

الجن : آاااااااااااا .. آاااااا .. كاااااافي ااااااسكتتتت

يمامة : مداكدر اميز الجن من الرجال .. اباوع ع جسمه متروس جروح  مثل الـ ديحترگ .. مادري .. يا جسم دينزف .. هو لو البشر ..؟؟؟ خليت ايدي ع گلبي گمت ارجف

الجن : ااااااااسكتتتتت دتحررررررگنيييي ... اااااالله ربيييي و رررربك ..

يمامة : تذكرت ...

ايات الحرق ... تعذيب الجن .. اذا مطلع يحرگه بالجسد ..

المخلوق بالسما كل اشوي يهجم ع المكان و يبتعد .. تذكرت هفاف ..

شيطان حارس .. فريسته .. دفعت الباب و طبيت ..

ركضت ع الرجال الممسوس ..