رواية ملحمة .. إرث سليمان الفصل التاسع والثلاثون 39 - بقلم Hend_AlBoor

في ابتعـادنا عـن المـحرمـات مسـيـرة جـهـادية
غـيـر ان وقـوعـنـا فـي الحــرام خـطـوة ...

كمت اصلي الفرض و دموعي موكفت من البجي .. بكل سجدة ازيد و بگلبي ادعي الله ينسيني .. سلمت و بقيت كاعده راسي يوجعني كمت امسح بدموعي ..

يمامة : طبيت للغرفة جانت كاعده .. منتبهت لوجودي

غدير ..

غدير : التفتت عليها .. انفجرت عيوني بالبجي ..

يمـ.. ــامة ..

يمامة : رحت عليها كبل حضنتها ..

كافي .. كافي هاي شمسوية بروحج ..؟ ليش هيج فهميني ..؟

غدير : گلبي يوجعني .. يوجعني والله ماتحمل هذا الالم ..

القرين ( باستهزاء ) : شنو الـ يبجيها لهاي الدرجة .. هه الحب ..!!

قرين غدير : گال عليها رجال ..

القرين يأشر ع غدير ضاحكا  : هاي رجال ..؟

قرين غدير : كـ جسم ...

يمامة : و اني حاضنتها رفعت راسي ع قرينها باستغراب و غضب ..

قرين غدير : شنوو. . ( يرفع ايدينه للاعلى)  مو اني .. الادمي هيج وصفها ..

يمامة : متسولفيلي ..؟

رفعت راسها بوجهي ..

غدير : بية شي محلو اني ..؟

يمامة : ابد .. غير بس حظج المو حلو ..

القرين : و هي تدري بهالشي ..؟

قرين غدير : اي .. و من عرفت لحد هسه هاي حالتها

يمامة : غمضت عيوني حيل .. صعبة كولشي و لا القتل بالكلام ..

غدير تمسح وجهها و عيونها بدينها :

ادري تجامليني .. لو صدوك جان حبني ..

يمامة : و اشمدريج. .؟

غدير : عرفت .. شنو يمامة اني هواي علية شخص يحبني و احبه ..

يمامة : لتخليني اسبه و تطلعيني من طوري .. هذا واحد ما براسه خير .. انتي الـ هواي عليه ..

كامت تبجي .. حضنتها ..

مو اي واحد يستاهل گلبج النقي غدورة ..

قـريـبـا الجـزء الـثـانـي لـ ارث سليمان ..

هـــنـــد الـــبــــور