رواية ملحمة .. إرث سليمان الفصل الثالث والخمسون 53 - بقلم Hend_AlBoor

غـيـر صـالـحـة لـعـشـق الـبـشـر
فــ انــا مـحـطـمـة بـمـا يـكـفـي

تتعالى ضحكات دونجاد الشريرة لتختلط بصراخ روش باكيا و هو يستنجد يختفيان من المكان

دنهش : لقد هربا

دونجاد : اين يذهبان نجدهما هيا نرحل لم يعد لما عمل هنا

يمامة : گاعدة ابجي سمعت صوت يوليس راسا مسحت دموعي مردت يوصل شي لمليك التفتت

روش يمسح دموعه مندهش : انها غرفتها يا الهي اخيرا دخلت

يمامة : گمت وگفت روش مخلى شي بالغرفة ما حط راسه بي

شصاير؟

يوليس : حرري روش

يمامة : شنو اسم ابو

يركض روش نحو يوليس

: لا اريد سابقى هنا

يوليس : لا يمكنك يأتون فياخذوك

روش : انها محجوبة عنهم لا يستطيعون

يوليس : روش ابن تاي

يمامة : روش لزمه يتوسل بي

انا يمامة بنت فاطمة احرر يوليس ابن اوديون و روش ابن تاي من عبودية الشر

اختفوا اثنينهم كعدت ع الجرباية عرفت خلاص البيت نظف بدلت هدومي طلعت دا اغسل وجهي سمعت صوت غدير طبيت لغرفتها

غدير : رجعت من الدوام منهارة من الي گالته الي ست رجاء بين ليلة و نهار كتل شكو حياة بية بدلت و توضيت اريد اصلي لان مخنوگة راح انفجر

گمت اصلي الفرض و دموعي موكفت من البجي بكل سجدة ازيد و بگلبي ادعي الله ينسيني سلمت و بقيت كاعده راسي يوجعني كمت امسح بدموعي ..

يمامة : طبيت للغرفة جانت كاعده ما انتبهت لوجودي

غدير ..

غدير : التفتت عليها انفجرت عيوني بالبجي ..

يمـ.. ــامة ..

يمامة : رحت عليها كبل حضنتها ..

كافي .. شبيج هاي شمسوية بروحج ليش هيج فهميني ..؟

غدير : گلبي يوجعني يوجعني والله ماتحمل هذا الالم ..

القرين ( باستهزاء ) : شنو الـ يبجيها لهاي الدرجة .. هه الحب ..!!

قرين غدير : گال عليها رجال ..

القرين يأشر ع غدير ضاحكا : هاي رجال ..؟

قرين غدير : كـ جسم ...

يمامة : و اني حاضنتها رفعت راسي ع قرينها باستغراب و غضب ..

قرين غدير : شنوو. . ( يرفع ايدينه للاعلى) مو اني .. الادمي هيج وصفها ..

يمامة : متسولفيلي ..؟

رفعت راسها بوجهي ..

غدير : بية شي محلو اني ..؟

يمامة : ابد .. غير بس حظج المو حلو ..

القرين : و هي تدري بهالشي ..؟

قرين غدير : اي .. و من عرفت لحد هسه هاي حالتها

يمامة : غمضت عيوني حيل .. صعبة كولشي و لا القتل بالكلام ..

غدير تمسح وجهها و عيونها بدينها :

ادري تجامليني .. لو صدوك جان حبني ..

يمامة : و اشمدريج. .؟

غدير : عرفت .. شنو يمامة اني هواي علية شخص يحبني و احبه ..

يمامة : لتخليني اسبه و تطلعيني من طوري .. هذا واحد ما براسه خير .. انتي الـ هواي عليه ..

گامت تبجي حضنتها

مو اي واحد يستاهل گلبج النقي غدورة

كلام جرحها لدرجة محجتلي اي شي بقيت للعصر اهديها غفت مازن مرجع و خالتي مالها حس
گمت لغرفتي صليت الفرض قبل لا يأذن العصر رجعت فتحت الباب شفتها نايمة ع الجرباية رحت
عبالك خروجهم عكس علينا بالشر اتصلت ع مازن خفت لا صايرله شي گال اتغديت بالمحل وية جماعتي نزلت لغرفة خالتي تصلي رحت گعدت بالمطبخ البيت هادئ

ام حذيفة : رجع حذيفة مقبل يتغدا صعد لغرفته اني بالمطبخ اغسل مواعين وكلت علاوي بيهن
حسيته مو ع بعضه رحت صعدت لغرفته

ها يمة تتغدا اصبلك

حذيفة : لا يمة مخنوگ حيل صدري مقبوض

ام حذيقة : ليش يمة اسم الله شبيك

حذيفة : مابية لتقلقين حالة نفسية

ام حذيفة : ارتاح يمة لا تروح للشغل العصر دتهلك نفسك

حذيفة : ان شاء الله

تنزل ام حذيفة وية طبة ابو حذيفة من الدوام

الله يساعدك عيوني اتأخرت اليوم

ابو حذيفة : اي والله اجو مشرفين اجتمعو و بقينا

ام حذيفة : دطب اتدوش حتى ترتاح

ابو حذيفة : والله ميت جوع

ام حذيفة : لما تغسل تطلع الاكل جاهز

اديان : رجعت من الكلية شفت امي بالمطبخ سلمت عليها صعدت ركض للغرفة بدلت و نزلت اساعدها صبينا الاكل

ابو حذيفة : لعد وين حذيفة

ام حذيفة : بغرفته

ابو حذيفة : اديان بابا صيحي يجي ياكل

ام حذيفة : لا يمة اگعدي گالي تعبان اريد ارتاح

ابو حذيفة : ها شبي الولد

ام حذيفة : مابي شي شوي نفسيته

اديان : امي اشرت لابوية و سكت كملنا بقيت بالمطبخ اغسل مواعين امي راحت نومت علاوي

ابو حذيفة بغرفة الجلوس يشرب جاي تنزل ام حذيفة تكعد يمه

شبي صار فترة منعزل

ام حذيفة : حقه ابو حذيفة الولد كبر و يستحق زواج

ابو حذيفة : يأشر و اني حاضر

ام حذيفة : اني اتمناله يمامة لو غدير ع الاقل نعرفهن

ابو حذيفة : بنت اختي لا تصير مشاكل ام حذيفة و ماريد اظلم البنية

ام حذيفة : يمامة و لا تتخير عليها بس بنية ذهب
ابو حذيفة : الي يختارها هو يا عيوني يمكن اباله بنية لخ

ام حذيفة : الله كريم اني احجي وياه و اشوف

يمامة : كعدنا نتعشا كلها ساكته غدير مخيم عليها حزن خالتي بحالة هدوء حتى قرينها ضعف بس مازن يسولف كل اشوي

غدير : طلع تنسيبي

مازن : و شنو هذا؟

غدير : نقل مؤقت لمدة سنة لغير مدرسة و وراها ارجع

مازن : اكول ليش گالبة وجهج تنك يمعودة اطلعي شوفي ناس

غدير : اتمنى ماشوف ناس

يمامة : ليش بعدج ممكملة سنة اعترضي

غدير : المشرفة گالت شدعوة هلگد مدللة

مازن : خير دلاليش و المدرسة بعد ساعه

يمامة : بنظرهم قريبه بالنسبة لباقي المدارس النائية

مازن : امداهم هم شهادتج و همين تعبج و راكضين ورا راتبج بعربانه مكسرة
شسويتي

غدير : الحمدلله و لا شي اخذت كتاب الانفكاك و باجر اباشر

مازن : بلا شكد ينطوكم اجور النقل

يمامة : حسب موقع المدرسة احنا 60 الف

مازن : و شكد جنتي تدفعين للخط

يمامة : 85 الف

مازن : تفففف عليهم واحدهم راتبه فوگ 30 مليون و يداوم يوم بالاسبوع

يمامة : مو دناكل شكو هالاتفال

القرين : تحمس

قرين مازن : هسة هي تفلة

القرين لقرين ام غدير : شلونك و انت مذلول

قرين ام غدير : سد حلگك

القرين : ايبااااا هذا البشر مابي امان مرة الك مرة له

قرين ام غدير : و شوكت صارت لك

القرين : من انعل ابوك لابو رسك لابو حظي الاسود الي خلاك تتشمت بية

قرين ام غدير : انت بديت بالشماته

القرين : شدعي عليك كون يمامة بدون قرين

يمامة : خلص الوقت و هم يتعاركون مرة يتعارك وية هذا و مرة وية هذا مخلة احد مذبلة حجاية و عاركه لحد ما كملوا ذنبحت

عوفي من ايدج اصعدي ارتاحي انت تعبانة

غدير : تسلمين

يمامة : مازن

مازن : ها
يا ستار هاي النظرة وراها عركة شكو

يمامة : من احجيلك مشكلتي و اكولك لتكبرها تخليها بحلگ حذيقة

مازن : حذيفة معليه اني الي سألته اذا يعرف ضباط هاي فكرتي

يمامة : تفكر تفضحني لو انت بيها مجال ع الاقل اخوية هذولا ناس تذم تفتهم تذم

مازن : فضيحتيش خلي يعرفون حدهم و انو وراج احد ممگطوعة من شجرة

يمامة : مازن مو هيج شبعهم كتل

مازن : عــــــاشت ايده و قصر المفروض يورمه لابن السگط حتى يهابج

يمامة : انتو عقاااال ماكو مشكلة تنحل بالضرب

مازن : مالومج ممختلطة بالمجتمع مطالعه و شايفه الوحوش البرا
حسام لو ممكتول يتعرضلج بالشارع توقعي حتى يخطفج لان مطلع وراج رجال

يمامة : بقيت اباوع عليه

هي تايهة

مازن : اييي بلدج تااايه من زمان الاغتصاب و التجارة بالبنات صار مثل شرب المي
حذيفة حط له حد گاله اووگف وراها زلم

يمامة : اول مرة اشوف مازن منفعل درت گمت اغسل بالمواعين و راح
كملت و صعدت للغرفة صليت و كعدت اتابع بالفون لحد ما نمت كعدت الفجر صليت و رحت ع غدير شفتها تصلي و تبجي سديت الباب و رجعت نمت گعدت ع حس غدير

غدير : شنو متداومين مضل وقت اگعدي

يمامة : اخذتني نومة مانتبهت للمنبه

غدير : ديلا يا دوب تلحگين

حذيفة : گعدت انتظرها غدير طلعت وراها بشوي شفتها طلعت شغلت السيارة فاتت من يمي نزلت

يمامة

يمامة : افضل حل ما اروح وياه لا ادخله بمشاكلي و لا يسببلي مشاكل اكبر
التفتت عليه

حذيفة شكرا تعبتك وياي كل هالفترة دبرت حالي بخط مدرسة لخ

حذيفة : اهااا و اذا اگولج ما تريدين اوصلج من ورا الصار البارحة
جذب متعرفين تجذبين

يمامة : نخرست گال كولشي بعقلي عفته و مشيت بس حيل قلقه و جسمي كله متحضر لهجومة توترت
ابتعدت و ماكو استقريت استوعب الفكرة

حذيفة : وگفت اهدء الغضب الي لزمني الانفعال الي يجيني منها رحت بهدوء وراها

باعي

يمامة : وگفت و درت عليه

عندي دوام و راح اتأخر ع الخط

حذيفة : اعرف خجلانه من تصرفي گدام معلمين مدرستج
بس هذا تصرفج غلط من يشوفوج جاية وحدج و عفتي الجية وياي
راح يحسون انو هم الصح و انتي الغلط يگولون خايفة من عدنا لان ابن خالها تعدى
اني گلتلهم ابن خالهاا لتنزلين راسي

يمامة : باوعت عليه غفلت عن هاي النقطة و اكيد راح يتعضرلي مثل مگال مازن من يعرفني مقبلت ع تصرف حذيفة
مردت ابينله هو ع حق لان يتفرعن

اعرف مراح تخلص

عفته و رجعت صعدت بالسيارة اجة طاير حركها

حذيفة : اعتذر اذا تصرفي البارحة مسج بسوء

يمامة : دفاعك جان بوقته بس مو بهاي الطريقة

حذيفة : ما اضربه لو هو محترم
حجى كلام جبرني اكسر عضام وجهه

يمامة : سكتت وصلنا للمدرسة الخط واگف و استاذ مهند ديحجي وية حسام

لا تتهور و تتعارك هنا لخاطري

حذيفة : صل ع النبي

يمامة : عليه الصلاة و السلام

نزلت توترت بس مبينت هذا الضعف طبيت سلمت ع المعلمات و گعدت ع اعصابي اخاف لا تنعاد و هنا انفضح بالعرب

مها : شنو ابن خالج البارحة شفى گلبي

يمامة : لا تذكريني فدوة

مها : هاا و معاجبها الوضع ولج راح يرجف و اليوم جابنه يرجف الطريق كله ساكت الكتله سوته محترم

هاجر : اني گلت راح ينزلنا كلنا و بوكسيات ولج مها شفتي وجهه صار دم من اعصابه

مها : اي عيني حار حار

يمامة : باوعت عليها تهز رگبتها و تحرك حواجبها

بربج

مها : بربي لعد شنو لزمة خلة خشمه بالجهه الخ و تعاي ولج ليش مگلتي ابن خالي

يمامة : مو اخو مازن

مها : هااا بس شكد يحبج صاير نار ع حسام

يمامة : لا عادي يعني مو الا يحب

هاجر : لا ابد اشوي و يعبر ع مهند من الجامة

مها : شفتي من باوعله و قصفه ترا خاف منه

هاجر : يا خاف طب بقميصه من الخوف

يمامة : گامن يسولفن و يضحكن لحد ما دگ الجرس و گمنا لدروسنا مهند ما لفى كدامي اليوم

غدير : رحت وية خطي وصلهم لمدرستنا بقيت اباوع صدري نقبض و اني اتذكره
وداني لمدرستي الجديدة صايرة بنص مزارع و بيوت عادية مشروع مي و جواميس مادري ليش صدري المقبوض نشرح

نزلت دگيت الباب اجتي العاملة فتحتها

السلام عليكم

ام داوود : وعليكم هلا اكيد معلمة جديدة

غدير : اي

ام داوود : المدير مسوي اجتماع بغرفة المعلمين اتفضلي انفضلي هنا

غدير : طبيت وياها رغم اجتماع و الصفوف هادئة اشرتلي ع الادارة الي بيها اجتماعهم طبيت گاعدين حول الميز معلمين و معلمات

السلام عليكم

الكل : و عليكم السلام

المدير : اهلا ست تفضلي

غدير : اشرلي ع كرسي گعدت خليت جنطتي بحضني كلهم يباوعون علية اتخبل من ابين ارتباكي رغم مرتبكة بس اظاهر بالقوة بقيت اباوع ع المدير

المدير : وصلنا البريد قبل يومين جنت انتظر انفكاكج من مدرستج لان سبق و رفقتج بالجدول

غدير : بدا يحجي بالدروس و جدول الفرص و الساحة ينطي تعليمات من التهوا عني عيوني اخذت راحتها لان تحجرن و هن يباوعن ع اتجاه واحد مكان المدير

عدلت راسي و حلكته لان رگبتي تشنجت من توتر رفعت عيني گبالي معلم يباوع علية شحت نظري راساً وضحت تعابير الضوجة بوجهي انجويت قبل من النظرات و العيون ماعيد نفس الغلط و لا اريد اتعلق
گام المدير لادارته

ست بيداء  ( 47 سنة ) : اي هيج كادر خلي يجيبولنا دم جديد شبابي غدير مو

غدير : اي

بيداء : اني بيداء معلمة صف اول و هاي رونق معلمة علوم و هاي بلقيس معلمة عربي و هذا استاذ حمزة انگليزي

غدير : بقت تعددلي و هم يرحبون بية و اني اشكرهم تعبت نصهم راحوا لدروسهم بس كم واحد بقوا اتقربت منها

(بهمس )شنو الادارة موحدة؟

بيداء : اي لان ادارة المدير صغيرة متكفي و اصلا ممنوع يكعد بيها معلم

غدير : استندت ع الكرسي حلو من اولها مبينة مراح ارتاح بهاي المدرسة بقيت دقايق تضايقت گمت طلعت استطلع المدرسة

بيداء : بعد شتريد طاقة شبابية

حمزة ( 26 سنة حنطاوي بعيون بنية وجه ملتحي نسبيا شعر راس اسود طويل القامة معتدل الجسم )

: شأريد ام ادومي قابل اني المدير

بيداء : منو قبل كم يوم گال كل معلمتنا كبار الواحد اتأمل يلگي معلمة بالمدرسة ياخذها ابووية

حمزة يضحك بقوة : و حافظتها

بيداء : هاي جتي ليمك سبحان الله ع نيتك الله دزها

رونق ( 41 سنة) : ام ادم تلگي الليل كله يدعي لحد ما الله دزها

حمزة : دخيل ابو خمرة استلمني

بيداء : هاااا لا لا راح غطس بمي ابو خمرة و يدعي اربع و عشرين ساعه يحجي بي

رونق : شاگولج والله يغرك بي لحد كذلته اشو بس حجى اجتي جاهزة
لج ام ادم اذا لزمتي يصير مرادج

بيداء تضحك : عوفي صار دم من الضحك الولد اختنگ
ترا نشاقيك مو تزعل

حمزة : لا عمي شازعل ليش ما اعرفجن

غدير : بالساحة و اسمع ضحك معلم وصلت لهنا ضحكته شكد فطير

بيداء : خلي اگوم اشوفها لتضيع بالمدرسة

غدير : وگفت يم سارية العلم اجتي ست بيداء تركض ابتسمت

بيداء : گلت اشوفها لتضيع انوب مصدكنا تجين تطيرين

غدير : هههه لا وين اضيع

بيداء : وج عيني جولة هنا اصلا محد يدري اكو مدرسة

غدير : بس حلو المكان يشرح النفس

دك الجرس الطلاب كلهم طلعوا التمو علينا

بيداء : بعد شتريدون معلمة جديدة بس مو تاكلوها

غدير : قليلين طلابكم

بيداء : بس الواحد يعادل مية بالوكاحة شياطين

غدير : داشوف و مستوياتهم اشلونها

محمود (تلميذ رابع ابتدائي) : ست بيداء ليش متجينا

بيداء : شسوي جايتكم مو داخذ الاول

محمود : اي ست البارحة طبيت بدرسج

بيداء : عفية بيك شكو بيها واحد يستفاد

محمود : اي والله ست استفاديت خرب عرضج شلون تدرسين

بيداء : رحم الله والديك يلااا منااا

غدير : لزمت حلگي من الضحك

بيداء : لا يا ثور شفتي هذا نموذج ميمدحون الا بمسبة

غدير : ههههه عوفي ميفتهم

بيداء : اني و انتي الي منفتهم هذولا كلشي فاهمين امشي للادارة دخت من هوستهم

غدير : رجعنا للادارة لمحته يفرك بعيونه و وجهه احمر باوعت اريد اغير مقعدي كلهن محجوزات

بيداء : هاي بعدك تضحك

رونق : يراجع الكلام و يضحك يراجع و يضحك

حمزة : لااا يااابة استاذ صاحب حجى موقف و داضحك ست رونق لوما گاعده انتي

بيداء : و شدعوة نفاخة ضحك بس كلنا ااا و انت كه كه كه

حمزة : اي يا ام ادم الواحد شيحصل من الدنيا الهم يهلكنا

غدير : صفنت من حجى صدوك اول مرة انهم و هو يوم احس كبرت عشرين سنة

بيداء : انت وردة مال الله

حمزة : الله يخليج

يمامة : خلص الدوام طلعنا داروح ع حذيفة

حسام : ست يمامة

يمامة : التفتت

حسام : اذا اكو مشكلة تحليها وياي ماكو داعي تگولين لاهلج و تكبر

يمامة : انصدمت من بگاحته بعد كل هذا و يريد احل مشكلة وياه حذيفة صار بصفي

حذيفة : مو گلتلك اذا تعرضتلها احش رجليك

حسام : جاي اعتذرلها ماكو داعي تتدخل و تكبر

حذيفة : لزگته بسيارته بيدي

باوع لك هاي الدروب مو علية
انوب اذا وگفتها بمكان ادفنك بي

حسام : كلتلك جاي اعتذر

حذيفة يصرخ : شحجيييييت

يمامة : من عكس ايده و دفعه ع السيارة انسحبت راسا

حذيفة : سكت سحبت ايدي

عرفت شيخ عشيرتك الباقي تعرفه شنو
هاي اذا عشيرتك تعترف بيك 

عفته و رحت لسيارتي صعدت احرك و اباوع عليها ساكته مشينا الطريق كله متحجي وصلت للبيت نزلت منفعله

يمامة : تصرفه اليوم بوقته لان الظاهر حسام مراح يتركني
ماريد ابين انو تصرفه سندني لان باجر يكتلة اباب المدرسة

مازن : عاشت ايدج يمة

ام غدير : الف عافية شلونها مدرستج غدير

غدير : الحمدلله طلاب قليلين

ام غدير : خوما بعيده

غدير : اي اكو خط هذا اهم شي

ام غدير : الحمدلله اهم شي مرتاحة
الله يبعد الشر عنج

غدير : الله يخليج يمة

كملنا غدة تغسل المواعين و اني انظف المطبخ و اسولفلها ع كل الي مريت بي بس تصرفات حمزة محجيتها صعدت بغرفتي ارتاح

يمامة : لميت بقاية الاكل بعلاگة طلعت دا اخليها بحاوية الاكل درت حذيفة وراية جسمي كله گمز

حذيفة : شبيج شفتي جن

يمامة : گمت اخذ نفس

مابينكم فرق

حذيفة : هااا

يمامة : ميصير هيج تطب بنص البيت و بي بنات

حذيفة : اعرف

يمامة : سديت الحاوية و رحت صاحني بصوت عالي جمدت تخبل هذا هسة كلها سمعته درت عليه متعصبة

انت مخبل

اجه علية وگف گبالي

حذيفة : بسببج كلما اجمع قوتي و اريد احجي تهدمين كولشي بية

يمامة : اني؟؟

سكت و احسه منفعل ع مرتبك مادري عنده حجي هواي متردد يحجي

حذيفة : اني احبج

يمامة : من بين دگات گلبي نشزت دگة وية كلمته اول مرة اسمعها

حذيفة : فكرة انو انتي بعيده تخبلني احد يمسج بحرف اتهستر يمامة مو بيدي
بالبداية اتجاهلت بس وصلت لمرحلة بعد مابية اكتمه

يمامة : هي لحظات صار صراع بداخلي حالي ميسمح احب او اتزوج اني مو طبيعية حتى اكون عائلة و يمكن تجي اذية مني

حذيفة : سكوتها البارد وترني اباوع عليها صافنة علية بذهن شارد

انتي وياي

يمامة : اسفة ماكدر

حذيفة : شنو الي متگدرين

يمامة : مادري بس موضوع اقفله

حذيفة : ملختني دتروح لزمتها

لييش فهميني

يمامة : لتصيح و اهلي هناا

حذيفة : خلي يسمعوون اني مامسوي شيي كفررر

يمامة : حذيفة حل ايدي

حذيفة : اررريد افتهممج

يمامة تصرخ  : الحب موو بالعاااافية

حذيفة : رخيت ايدي من عاطت و دموعها تنزل عرفت هذا برودها رماد فوگ جمر

لا الا الحب مو بالغصب
اعتذر

يمامة : فجاءة صار هادئ عافني و مشى لزمت وجهي محسيت بدموعي الا من لزمتها گمت ابجي بالزايد و امسح بيهن
شكد صعب الي بداخلي شكد صعب من ارفض شي جنت اتمناه و اتخيله
اني حياتي انتهت

يظهر القرين : هسة زگحتي بي للرجال و راح شكو هالبجي احد ضربج ع ايدج

يمامة : اني منتهية حتى اذا بداخلي اكو مشاعر مجبورة ادفنها حتى ما ءأذيه

القرين : يمعودة شتأذين هذا يتصارع وية اودوم نفسه
دسكتي و استري علينا لا يظهر مليك و يهـ ..

يمامة : حذيفة لزم جرحي وعاني ع الواقع الي اني هاملته و عايشة بالوهم جنت اعرف بمشاعره و اتجاهل
بس فرقت هواي من حجاها حسيت بيها حنية فقدتها من مات ابوية گمت امسح بدموعي و ينزلن
فجاءة كل ابواب البيت نسدن بقوة طفر القرين مترتين وگفن دموعي

مازن : الهتيفون باذني نسدت الباب بقوة الحايط اهتز شمرت الهتيفون و الفون نزلت ركض

شصااااير يمةةةة

يمامة : واگفة اباب المطبخ حسيت بيها انفتحت درت ع كيفي ليورا مليك بالباب الداخلي للمطبخ واگف ميتفسر شكله نرعبتو اني افكر بـ الي يدور براسه
اجة علية بخطوات بطيئة تشبة خطواتهم من يبدون بالهجوم
ما همتني نفسي بگد ما خفت ع حذيفة
طب مازن يركض

مازن : يمامة شصار شنو هذا الصوت؟

يمامة : باب المطبخ سدها الهوا

مازن : حتى باب غرفتي وج البيت نرج

يمامة : مادري جنت يم الحاوية

مازن : شبيج شنو باجية

يمامة : مسحت عيوني ع السريع

مادري جنت افكر و يمكن نزلن دموعي

مازن : اخاف حسام اندگ بيج يمااامة
وووينه حذذذذيفة

يمامة : راح ركض ركضت وراه و جريته

اووووگفت مو ناقصتك انت الخ

مازن : دحجييي

يمامة : موو حسام داگولك اتذكرت ابوية و بجيت
يندگ بية و انت داز وياية واحد مخبل

مازن : ماشي مادام مو نعال حسام
بس هاي مال اتذكرت ابوية احجيها لامي تقتنع اما اني لا

يمامة : مااازن

مازن : سكتنا شبيج

يمامة : رغم اختفى بوجود مازن بس الرعب ساكن بية صعدت ركض لغرفتي رحت ع شباك الي يطل ع غرفة حذيفة

مليك : هل تخشين عليه

يمامة : التفتت عليه مو مليك الاعرفه من الغضب معرفت احجي رديت البردة

مليك : هل تكنين له مشاعرا
(يصرخ ) تكـلمممممي

يمامة : فزيت من عاط باوعت عليه

شدخلك بحياتي الخاااصة احب انحب هذااا شي راجع الي لووو الا اخذ ااااذنك

مليك : ااالم اسبقه في مااا قال
اااالم افعل المستحيل لكككك

يمامة : هذااا انسااااان

هجم علية تراجعت ليورا و حميت نفسي بيدية لزگني بالحايط اذاني

مليك : اياك ان تعيدي ما قلتيه و الا سلبت منه صفته الانسانية و جعلته من الاموات

يمامة : انت متفهم مدتستوعب الفرق بيني و بينك اررررحمنيي

مليك : لا تكتمي الحب الذي تكنينه لي لانني من ااااالجن

يمامة : گمت ابجي من حجاها مشاعري بصراع و اتجاهل ماعرف اذا احبه او لا لان الحرام بالنص ماعرف اذا داشرد بحذيفة منه

عافني و رجع ليورا

مليك : قد اخبرني قرينك بكل شيء منذ مدة
ان لا تحبيني اهون علي من ان تحبينني و ترفضين بسبب اااالفرق التااااافه هذااا

يمامة : ااانت جن دتفتهم شنو جننن جن

كانو تحول لاعصار هدم كولشي بالغرفة دنگت حميت راسي داقايق سكون رفعت راسي ماكو شي سليم بالغرفة تحولت خراب گمت اتعثر بين الغراض دقايق و ندگت الباب نشف دمي

مازن : يمامة جبتلج حبشكلات
يمامةة
شنو نايمة؟؟

هذني اثنينهم غاديات زمايل من التعب

صوفيار : في احدى بقاع اراضي الشرق قاعة عملاقة عرش مزخرف امام ممرها الطويل  حراس ع الجانبين

  هل تاب ساحر اخر مالذي يحدث دونجاااد

دونجاد : سيدي ان البشر مخلوقات لا تثبت على رأي

صوفيار : هل تعلم كم سبقوك يزفون الي هذه الاخبار اللعينة  مابالكم ماذا تفعلون هل نرسلكم مبشرين تهدون العصاة

ان علم بارشارو سيقضي علي حتما

يدخل شانجو و اتباعه

: هرب يوليس سيد صوفيار

صوفيار : ماااذاااا

يهبط صوفيار من عرشه غاضبا

احضرررر لي حاررررس السااااحر الموكل به الااان

شانجو : قد تركت الساحرة و كفرت ب عزازيل

صوفيار : اين الاتباااااع اذن شانجووو

شانجو يأشر على دونجاد : انه يمثل امامك

صوفيار يدير ع دونجاد بغضب
: دونجااااااد

دونجاد : صدقني اختفى و لم اجد له اثر

صوفيار : لا يختفي جنيا في عالم البشر دونجااااااد

دنهش : اعتقد انه قد حرر

صوفيار : ما هذه الاعذااار ايهااا الحمقى لااا يُحررر تابع تاب سيددده يعووود لناااا طوعااا و كرهااا

دونجاد يهمس : اصمت ايها الغبي

صوفيار يسير ببطيء باتجاه عرشه يحاول تهدئة نفسه يعتلي سلم عرشه

دنهش : لم تحرره الساحرة قد حررته تلك الانسية التي حررت مليك انا متأكد

يضع صوفيار قدمه على درجة السلم ثم يقف دون ان يلتفت

مااذا قلت ؟ 

حـمـلـة
الـفـن لـيـس احـتـكـاراً
و ذلك بـدعـم كـل انـسـان خـط قلـمـه لـيـبـدع
فـ كـمـا بـدؤوا مـن الـصـفـر بـدءنـا

اقـرؤوا قـصـة امــرأة مـثـالـيـة
للـكـاتـبـة hunushuh11

ادعـمـوا كـل مبـدع فـلا تعـلم الـسـعـادة الـتـي تنـالك لانـك اسـعـدت كـاتـب بـدعـمـك