رواية من انت لتكون انا الفصل الثاني وخمسون 52 - بقلم حسين

سيدرا- اخذنا حمزه خطيه بالسياره  للروضه مال زين على اسمها ضل يسال حدما وصلنا وكف التفت عليه كال

باعيلي يابه تره هسه المديره ما ترضى تشوفينه حتلو كتيلها انه امه مسووليه لانو  انه اشوف لو اخابر حجي بهاء يجي ويسهلنا هالشغله

لالا ماريد يدري بيه هنا يكوله لضياء وماريد اشوفه

ام باسم ضياء تره بالمستشفى  عمليته بالراس ساحبين تجلط يعني بالقليل 3 ايام ياله يطلع

وبعدين شون اريد ابني
صاح
ادري اذا فتتي هسه قابل تكليلها اشوف ابني واطلللع

سكتت نصيت راسي امي كالت

باعي يوم احنا نكوللها نريد نشغلج عالحضانه شتكولين واني ام طفل من الاطفال

اي ميخالف اقبل  اي شي بس احضن ابني

عمه لازم اكول لحجي بهاء  ياله ترضى ندخل  والرجال اذا نطه كلمه مايرجع بيها خلي نجرب

سيدرا- عطت. االا ماريد  ماريد يدري بيه اجي اشوفه افهمني
انطي صبر وخليها عليه

سكتت شال التلفون بعدنا بالسياره رابط التلفون على سبيكر السباره سد الشبابيك ودك وكلسا يباوع لساعته خطيه تعطل على شغله رد بهاء

الو

ابو احمد شونك
هله عيني حمزه
يابه شون صار مريضكم الحمد لله عالسلامه

الحمد لله احسن  فك عينه وصحه ابو اسد سيدرا يمك لو انت بالشغل
اا لا بالشغل استغفر الله كول ابو احمد هاياته يمي

سيدرا تسمعيني

نعم  بهاء دااسمع

الله يساعدج

هلو الله يخليك

يابه ضياء تره متاذي حيل اذا تكدرين تعفين عنه تعاي 

ماريد

براحتج ماجبرج على شي بس وروحه لابويه مشايفه بهالانكسار اول مصحى سال عنج كال
متسامحني

اي ماسامح

حقج يابه حقج  بس يبقى ابو جهالج ولابد اكو ايام حلوه بينكم
سكتت بلعت ريكي غمضت عيني كال
سيدرا ضياء يحبج تره يتوسل بامي قبل شوي يكول قنعيها ترجع والله ماحاجيها نص كلمه بس لخاطر ولدي ميتاذون بعدها  ولاريد ااذيها واشيل خطيتها

ابو احمد كوله ماتت
استغفر الله لاحول ولاقوه الا بالله العلي العضيم براحتج ام باسم براحتج وينه حمزه

عيني ابو احمد

كول يابه اامرني

العفو  حجي رايدك بشغله ولو مووكتها بس تدري كلب ام

اعرف يابه اعرف وهي حنينه هي مو ابنها ومثل البزونه تحمي
اها رحمه على ذاك الاب الطيب

ووالديك كول واعتبره تنفذ مطلبك

ابو احمد اني بباب الروضه مال زين وام باسم تريد تفوت واعرف المديره مراح تخليها ياريت لو تجي وانت بنتك هم هنا تداوم مو الصغيره
اي بالضبط يعني تريد تشوف باسم وتطلع

والله اريد اشغلها هنا حتى ابنها يضل جوه عينها

يابه خو ترجع للبيت معززه مكرمه

متقبل وماريد اضغط عليها بعده جرحها  اخضر ابو احمد

حقها واني وياها هسه جاي اني احاجي المديره. لتخاف عرف وتدلل ام. زين  ببطن عيني

رحمه الله والديك  ماتكصر
سيدرا- صحت

ابو احمد ماريد احد يدري

من. قصدج ضياء لا ماراح اكوله وانتي هم فكري

واعدني
هاي شنو سيدرا جهال احنا ونكسر حجي  من كتلج مااحجي يعني مااحجي
اباوع حمزه اشرلي  اش وخزرني

شكرا

بقينا ننتضر نص ساعه وطبك بهاء خطيه تعبان شال ايده سلم وطب وحمزه طب وياه واني وماما بقينا بالسياره وماما السبحه بيدها مهدتها كالت
يمه حمزه طلع نقله اليوم لبغداد

ياه زين

اي يمه بس صعبه عليه ضلت الروحه والجيه للحسينيه

اي صح خطيه

دييريد  يبيع البيت بس ميجيب هنا بيوت بغداد غاليه

بقيت ساكته مداركز وي ماما بالي باسم جوه كلبي يدك سريع واسمع اصوات الجهال واتخيلهم كلهم  صوت زين
كالت

اذا باع البيت كله حصتي وحصته تجيب ياله 80 وهو عده 20 هاي ميه مادري بعد شون شحيسوي

بهالاثناء طلعو بهاء وحمزه وصللي بهاء نصه راسه كال

يله ابنج ينتضرج جوعان
يابه روحي فرفحت قبلللت صحت

حمزه جاي ومتقبل راسن عرف اصلها وفصلها وياعشيره ويافخذ ادري ابن الحلال بكل عشيره ذاب جرش ادري بعدك كلها 24 سنه من توصل بالاربعين يوصل صيطك لتل ابيب
هههه السمعه الزينه رنانه ابو احمد
والنعم و والله.

تعاي لج وين ههه اخذي اوراقج خاله انتي وياها تنزلين تره

يمه يصير

ليش ميصير كالت هله بيهم  خطار عدي هالفتره

خوش رحمه الله والديها

نزلنا وطبيت ركض شفت زينه شهكت من شافتني وادور بالوجوه عن زين كالت

خومبيج شي
زين وينه

ذاكوه مقبل يلعب وي الجهال مخنطل اني عرفت اكو شي هذا ابنج مو اليجيبو

اييي عفيه وينه زينه راح اتخبل
استغفر الللله منك ضياء متجوز تعاي تعاي حبيبتي   
طببتني للغرف غرفه ببطن غرفه حدما وصلناغرفه دافيه وتخبل بيها جرابي والجهال نايمين تقربت بهدوء كالت
هذا يمه وليدي وشلته واشم ريحته وابجي جتي امي ورايه تبجي بهدوء ويايه
رضعي يمه  رضعي فرفح كلبه
اي اي ماما خليت حليبي بحلكه ولكفه ملهوف يرضع ويجر بعينه رافع حاجبه ويون احس يشكي للحليب ويعتب مو بيدي من تنزل الدموع من وخدها حذرتني ماما

يمه تره بطنه تكوم تكرصه لتبجين

لالا ماابجي بقه يرضع ساعه الاربع وحولته عالثاني لحد ما خف صدري من الثكل وارتاحيت وهو ارتاح غفه احسه مرتاح كلش واني الروح ردت لجسمي تذكرت زين كمت طلعت من الغرفه جنت لابسه قميص رياضي عالبنطرون وبوتين والحجاب لمحت زينه دتفوتهم للصفوف باوعتلي ابتسمت كالت
صرنا زميلات عمل شفتي
اي عفيه وين زين
ذاكوه كاعد شكد حاولت احاجي قافل طبيت وراها صاحت

زيون حبيبي
رفع راسه وشافني فك عينه كلها واجه ركض وعثر بالكع ركضت عليه شلته وطلعت من الصف وابوس بي عصرته بحضني

وهو يشهك ولازمني قوي ميقبل حتى اباوع بوجهه

كافي كافي حبيبي شو اريد اشوف وجهك

عفيتيني متلخ

بعدماعوفك مرت اللخ
بابا دربج

لا مضربني حبيبي

نرجع بيتنا

لا انت مو تجي هنا يوميه تلكاني بس متكول لاحد تره اروح

مامول لبابا

لا بابا ولا اي احد بس اني وياك اوكي
اي ماما

دتاكل حبيبي
اي

وين لفتك
ماما زينه سوت بالجنطه

روح اكلها يله حتى اجيبلك صاج باجر
ابقى يمج ماما اخوك نايم بالغفه اجه ويايه

شفته حبيبي  عمه امل خو مدتضربك

لا انام يم بيبي

سوده عليه
بابا اواه

ميخالف هسه يطيب

يحجي حجايه حجايه ودموعه تنزل. اباوع هدومه ممرتبه هي امل ببتها متهتم حتهتم بابني

حبيبي شوكت سويت بحبح
باجر وي نداوي

يفدوه لنداوي  يله روح وي الجهال

لا تروحين

ماروح شوف هنا يم اخوك
بباي

هلو حبيبي زيوني ماما

التفت يمسح بوجهه بسته بيدي وطيرتها بالهوه لزمها عود هاي طيريقتنا قبل لينام ضحك من كلبه وطب  ركض لامه حضنها شالته ورجعته بمكانه تبوس بي

رجعت لباسم جان فاتح عيونه صافن

ممم شكلك  مسوي مكسوره بسوم. شلته وطبت المديره تبتسم وكفت مادري هي المديره بس من لبسها وهيبتها عرفت كالت
هله بام زين يابه انتو اليوم خطاري

يعز مكدارج. ست
حاوبتها ماما اني بس صافنه كالت
اني عرفت اكو مشكله بينكم بس معرفتها بالضبط شنو بس ابو زوجي كال قيمي بواجبهم فاي شي تردو اني حاضره نطيت مكدرت اسكت

عفيه ست اني اريداشتغل  هنا

بس مكالولي هيج كالو خطار كم يوم

لا فدوه خليني هنا اساعدكم بالجهال ووارجع ب8 والله اني سبعه والجهال يحبوني
بصراحه احنا عدنا نقص بالحضانه اكيف خوب بس خاف تصيرلي مشكله امي كالت

ست شفتي عمه للولد اجه وياها وكفلنا المن المشاكل بعد

صح يله هاهي شنو اسمج انتي اوراقج بيها نقص

الباجر اجيبهن كلهن

زين من تردين تغيرين للاطفال لبسي كوانتي وصدريه هاي معلكات

اوك تدللين
ووهنا كلهم جهالج مو بس باسم تره
اي اي والله

هاهي يله حبيبي الراتب 450
ست ماريد حتى فلوس

استغفر الله واتوب اليه الله يساعدج يله نتفاهم  وجبه الغده وي الاطفال الطباخه تسويها وي المسات تاكلين بغرفه الطعام  بس انتو اليوم خطاري بالاداره تاكلون ويايه من باجر والدتج خليها ترتاح ببيتها وتفضلي انتي لعملج
اوك

هاي البنيه هيام وياج
اي

سيدرا- لل8 باسم متركته من صدري وافتر اسوي ممه لهذا وذاك  وامي ويايه خطيه وتوصي على باجر شنسوي لل 8 جتي الخطوط والمسات بدو يوصلون الاطفال يبوس بيه زين ويبجي وفهمته ميحجي تره اروح حبيبي يمشي ويلتفت ويمسح بدموعه خلفتله باجر اجي ويشوفني سكت وصعد  بالسياره غسلت لباسم وبدلتله وشبعته ودزيته وروحي طلعت وياه شوي واجانه حمزه صعدت اتشكر  منه وابجي مداصدك ابتسم والتفت عليه كال
وج شبيج ههه عمه هاي بنيتج صاحيه

يمه عوفها من ضيم كلبها

بس والله حوبتج بالمكان ام باسم

بقيت ساكته امي كالت

يمه ابوهم بي شي
عمه  حالته تقهر الترقيه راحت عليه لان اخذ اجازه بهالوكت  كوه كعد والله كسر كلبي

بقيت صافنه مااكذب لجمني كلبي   سالته
يعني نجحت عمليته

اي نجحت بس يطول يله يطيب يعني بالقليل شهر

شوكت يطلعو

اليوم طلع

رحت شفته
اي شون لعد اخو اجه وماكصر وبصراحه يعني رغم كلشي ام باسم لاتزعلين مني

لا ماازعل

تره حقه الرجال كدامه اثباتات وحركه دمه تثبت حبه الج تنكرين حرصه عليج وعلى جهاله
سكتت

انه مو قصدي احثج تردين لا والله بس لو انه ببكانه لا احرك عشيره الخلفوها  لمرتي الغيره تحرك ام باسم  وانتي جايه تشوفين وكعته وهو بهالعمر تصير عده جلطه بالدماغ معناها الموضوع ماثر حيل بي وانتي كيفج بعد

شافك

اي ونصه راسه خطيه مكسور بيته انهدم وهاذ سلمان صاحبه حاير شمسوي يكولج حتى مريته شامرها عد اهلها يحلف يكول الا اطلك سمعت ابو احمد يحاجي ويهدي وهو صاير نار حيل حبيت صداقتهم مع الاسف ماعدي هيج صديق انه اخويه باول ضربه غدر
يمه لتكول هيج لو ماخايف عليك ميسويها
عممه لتدافعيله ادري غيرته وين راحت هاهي موضوع خللص بس من ذاك الومت انه عرفت معزتج عده هو لو ما يعزج مايعرض روحه ومهنته للخطر تدرين انه بس لو مشتكي  عليه جان انسحبت منه هويته وسلاحه وانفصل بس هو ماخاف المهم عده ياخذج عده

مرديت عليه كلبي محترك حرك ماريد احد يحمد بي كدامي سكتنا الطريق كله وصلت للبيت طبيت بلهفه صليت وسبحت وطبيت المطبخ. جانت ساعه 11 بالليل لحد الان اتذكر. خبصت امي تروح للاسواق قبل لتعزل ردت طحين ولحم اسوي بورك لزين ميحب اكل الروضه كلشي مااكل وصدك جابت واني ركض ركض سويت وطلعت منه لحمزه خطيه كيف واكل عشره وهي كبار مو صغار شون اكلهن مادري وهو ضعيف وين ديروح. ماما ضلت تحجي وياه عالبيت مادري شناوي اخر شي جتي ماما حجتلي الصار
لامي بستان بالدوره فدان ب100 وبي هيكل بيت بس يكمل بناءه

زين ليش الا بستان

يمه رخيص وهو روحه بالبساتين يكول صاحبي كال ابني اني وولدي  وازرع الكاع واعيش منها وهو مكيف يكول  خطيه يسترزق ماعده شغل وصاير عالشط يكول الهوه بي يرد الروح

زين شون نعيش وياه

اي يوم كال اخذ الطابق الفوك وانزل درج حتى تاخذون راحتكم جوه
يمه الدوره هنا هنا

شيسوي يمه بغداد نار الاسعار وهو يكول انه احب حياه الهدوء من الهوسه الاشوفها بشغلي اقلها من يرد يرتاح

زين براحته  وشوكت

والله صاحبه كايله سبوعين والبيت تستلمه والحمد لله عرض هالبيت عد الدلال ناطي بي112
زين
اي مو مبيض ونضيف وكله سيراميك يمه تعب عليه طب،كه بيده
الله يوفقه خطيه

انشاء الله يكول هالاسبوع نجمه تنزل حتى تحضر روحها  وتبطل من القسم تضل ببيتها والصبح يوديها ويوديج

ماشي يوم بس استلم راتب اخليلي خط شنو ذنبه هطيه

الله كريم منا لسبوعين
اي
سيدرا- مر يومين واني طايره بين جهالي واحضرلهم واسويلهم زيون حبيبي ممصدك اشبعه زين اغسله وابدله كلها بالروضه حتى من يرجع اني مرتاحه حتى حليب كمت اجيب اشربه لان ادري هناك اهمال واضل اوصي بي ليسوي وكاحه حتى محد يعيط بي لو يضربه واوصي بي باخو كمت احجي وي ندى بس مكتلها اني بالروضه بس استغربت راحتي وكتلها لان انتي يم باسم مرتاحه جانت تنطيني اخباره اول باول مرت اربع ايام واني بالروضه خابر حمزه كال
سيدرا انه مراح امر عليج اليوم حدز صاحبي هاذ واثق بي يجيبج انتي ونجمه  للبستان عمتي هناك راحت كدامكم
شكو ليش
ضياء بالحسنيه واجاني وي صاحبه سلمان  سال عنج  وكتله مادري وينها كال وي امها كتله اي بكربلا خليتيني اكذب

ميخالف لخاطري

هو انه شطلعني من طوري غير خاطرج
هسه وين راح

لبيت عباس عباله هناك مامصدك بس حالته تعبانه سيدرا مريض كوه  يحجي وكلسا دايخ ولازمه صاحبه

غمضت عيني  كال روحي ردو لهنا روحي خل افك الباب

سديته منه بدلت باسم وانتهى الدوام وفعلا اجه صديقه بسياره   بيكب مثل  حمزه بس مو حكومي صعدت ليوره سلمت على نجمه وطلعنا حسنا مطلع الطريق كله وصلنا كال
عمي المره بالبيت موجوده جاي تنضف احنا هاليوم خطاركم  ماعدي احد حديثه بكد دكتوره نجمه وهاي هي الله انعم عليه بيها

الله يخليها الك انت ابو سكينه مو

اها وصلتي انه الازرع كاعه وانشاء الله تشوفوها شون اكلبها جنه انه وولد اخوي حسبت ولدي عبن ابوهم عافهم وهمه صغار

الله يخليك الهم عمي

رحمه الله والديج يابه

نزلنا البستان نفس موصفه حمزه عالشط مباشر يرد الروح ومو هلكد بعيد ساعه الا ربع وصلنا للدوره البيت بعده مخلصان الطابق الفوك طبت نجمه مكيفه كالت يجنن ماتوقعته هيج ضحكت عليه طلعت المره. مننونه الخبز مسويته والعشا كباب تكلاه تونست بيومها كلش وبالي يم حمزه خاف يكوله لضياء
نجمه خابري حمزه عفيه
اي صار

دكتله ورد

روحي عدي خطار

هاي سيدرا تريدك
كوليله  ابات بالحسينيه مااكدر اجي عدي خطار

ها خوش

سدته باوعتلي كالت هيج يكول

عرفت ضياء بايت عده خابرت نذى
ندى خالج وين

انتي وين بروح ابوج انتي وين
هههههههه ببغداد

خرب يومج

دحجي خالج وين

راح للحسينيه يحاجيج  وتخربط من ملكاج هزامه

ههه تالي

هسه احسن سلمان صديقه يكول مو مال سياره خل يرتاح مو بابا كله طيب يله وهو دك انكر اله يروح يحجي وي الاميره ديانا
ههه غصبا عنج
عمي عني وعن عشيرتي
سيدرا حيرتيني

ليش ياعيني شفتيني احجي من اذني
هههه شفايتلي جان كلت عدها غلط تكويني بس اني الاعرفج كامله والكامل الله

شتريدين تعرفين
شون متحمله بله جهالج

باسم ديرضع ممه

لا يشبعو بالروضه يكضيها نوم
ممممم زين زين دياكل

لا يجي متنك راسن ينام يمكن دينطوهم بانجو هناك
ههههههه رعنه
اي شكوو هاي شون دتضحكين قبل سبوعين وخمس   ايام جنتي تبحين وتلطمين تردين ابنج

يمكن ابني بحضني النهار كله شمدريج

هاه سيدرا انتي ويين
مو داكولج ببغداد

وووشون دتشوفي لج انتي وين

اني دااشتغل بالروضه

لا ياناااقصه على هالدكه جان كلتي اقلها امر اشوفج

ديربالج ديربالج توصلين ولتخابرين من هو بالبيت عليه ابد
اصلا تلفون امج مغلق يطلعله فلش تلفونين من وراج

هاهي بعد انتهت

لشوكت سيدرا وجهالج

شبيهم الحمد لله والشكر

سيدرا حم دوب سنه سنتين 3 تضلين تشتغلين باجر يكبر يريدج ليل ونهار

مااضل وياه ندى اتطلك

اي هوالرجال كال  خلي احاجيها شتريد حاضر بس خل اتفاهم وياها
ماريد اشوفه ندى بالقران ازعل عليج تره

زين رجزيون ديشوفج

اي يوميه
ياملعون وامول مكيف من ابدله الصبح رمض ركض ريوك ميقبل يتريك واول ميرجع ينام تعبان
اي ههه

سيدرا- مرت يومين ومر حمزه من شغله عليه صعدت باوعتله كال

الله يساعدج
الله يسلمك ويخليك وينطيك العافيه ويرزقك ببت الحلال التبرد كلبك كون ربي

ههههه الله يخليج هاي شكو
الله يريحك نفس ماريحتني

دومج مرتاحه ام باسم عمتي هناك تره

وين بالحسينيه

ياحسينيه بعد ماكو  حسينيه راحلج فدوه

صدك يعني حروح للدوره

اي ياب كمل البيت ونجمه هماتين هناك
يعني شبسرعه

هو جايب العشيره كلها تكرب عماله خطيه بس والله كالبه عالبطانه حتى بلكون عالشط مسوي عودك من اروحن لشغلي صعد انتي ونجمه فوك

من غير متكول

ههه يابه قبل اربع ايام ابو زين بات عدي تخربط بالشارع وصويحبه تخبل هلسلمان لو عدي منه ماخاف من غدر الدنيا

مجاوبت اريده يكمل كال
اي فحلفت مايطلعون وهو هم ماجان  يتحمل سفر  وكعدنا بليل مسامره وسوالف وانفتح كل الموضوع كدامي سيدرا لاتخسري اسنعي واحكمي

حمزه خومكتله

شنو صغير كدامج

لا العفو بس خاف
لا مااحجيت الا تنطيني الضوه الاخضر

زين اني ماريد هسه بس خل ارتاح

براحتج بس تره هو تعبان كال بس احاجيها وباجر طالع لكربلا

يندل بيتك
لااا مايندله كتله  راح اتحول ليجاي بس ماعرف تفاصيل دايخ بيج عباله تشتغلين بالامام لا ويمول شون تتحمل بله ابنها

سكتت مبتسمه جريت نفس وصلنا ونزلت ماما مخبوصه بالغراض ونجمه من البلكون شمرت عليه حجاره تضحك انترست امل مره لخ صدك باسم شفته بي والله كل خطوه ادعيله حان فرحان حيل والفلاليح وياه وياه يحجون  ويتشكر ن طلع نشتري اربع دوانم والباقي يسدده اقساط اللي عرفته مواعدهم بس يتسدد فلوس البستان مياخذذ منهم ابد فلوس الزرع  تصير الهم وعيشتنا من المخضر والفاكهه الموسميه عليهم  ورادو يبنون بيت لخ الهم وقبل حمزه خطيه كام يبجي من الفرح صديقه. وكومه دعوله نوبات اشوفه  باهلي كلهم واكول ليش هيج صار واتذكرامي من حجتلي على  ولادته الصارت بالقرايه مال نسوان والجده جيبتها لامه بغرفه العالم والقرايه تقره اكول هذا من يومه خدوم مو بشر هالوكت مثل باسم من جان كلسا داكين الباب تعال سوي واير تعال ماطور خربان ويصلح ويكول  لوجه اللله مثل ابويه بس هذا اكثر يتعب هواي بس يشتري عالم بخدمته
-----
مرت ايام وحمزه طلع لشغله كال سبوعين يله ارجع. وخله ابو البستان ابن اخو يوصلنا يوميه بس نطلب من ال6 ونص نوصل ب 7 ونص يومين لخ ودك تلفون ماما صديقتها بالامام تكوللها جوي شرطه يسالون عنج كالتلها كوليلهم انتقلت تشتغل غير حضره

انتي وين لج مو كلبو الدنيا عليج مخله مكان مدور ويخابر امج مغلق وحمزه هم ونجمه مدتداوم شنو فلمج

شكوو ليش كلتها ببرود

شنو مشتاقيتي لجهالج
هههه لا ليش شون مااشتاق
شون كادره فهميني مو حتخبل

احجيلي شكو بالتفصيل

جرت نفس كالت
شحجي حيموت حيتخبل يتوسل ببيبي وفردوس وبيه يكول بس احلجيها وشتريد حاضر ونحلفله ماعدنا اتصال بيج
مممم جهالي شونهم

زينين يرجعون من الروضه راسن ينامون يمكن ينطوهم مسكن
ها

لج شبييج شنو هالبرود البي انتي

شبيج نداوي

سيدرا خالو ديتاذه والله

اي شتردين اسوي

انطي مجال حاجي لخاطر الجهال
ماريد
كيفج مشتاقتلج شبيج ليش هيج متغيره
ممتغيره

سيدرااسمعي اكعدي ويا
ماريد لشوف وجهه
اي كوليله تره والله تعبان ترقيته راحت عليه

سكتت ادري شكد جان يتعب عليها كالت

منعقوله.     نسيتي الايام الحلوه بينكم

بقيت ساكته
والله لو تشوفين حالته.
كافي ندى
زين خل اجيج باجر

لالالا دير بالج ندى

اوك هاهي
ولتحجين لاخد
لا لا والله
فردوس- رجع خالو من النجف والسيده علويه بنت الحسن ولازم راسه جتي بيبي يمه

لك امي هدي روحك طيب وراها روح دور عليها

لج يوم شهدي روحي جهالي حيموتون وراهااااااا وهي مو يمها
ليش يمه الحمد لله باسم تعلم عاللروضه ويجيبو ب8 يجرها نومه للصبح وزيون هم الحمد لله ربي
ادري شون كدرت هاي ادري بيها مخبله متتحمل شون كدرررت
يمه حقها جرحها بعده جديد خل تبرد اعصابها

يابه وداعت ولدي مااجبرها على شي بس اتفاهم وياها التريده يصيررررر عمي حتي لو اطلع من البيت واعوفها المهم فوك راس جهالها يوم يووم
يمممه بروح ابويه متتواصلين وياها مدتخابر تسال عالولد

لا واللله يمه
يمه والقران ماسوي شي بس احاجيها شبيكم

فردوس- كام يتلفت بالوجوه باوع لندى صاح
ندى خالو انتي صديقتها
خالو والله داخابر مغلق وهي مدتخابر
ولكم لتخبلونييي شون كدرت بله جهالها على الاقل باسسسمممممم

يمه لتصيح راسك
يطبني موت لج يوم وينها طارت وابن عمتها اخابره مغلق رحت لاخو يكول ملتحق صار

احجي واتذكر كلامها لا اخليك تبجي بالشوراع والله وسوتها والله وسوتها انتبهت زين طلع  من الغرفه فات للحمام هاديء صار يومين ملامحه بالبيت حاير بقهري ولادااسمع بجيه وصياحه صار كومه ولاحتى ديسال عليها

زيون
باباتي

نعم
تعال خبيبي

حمام

ديله كمل وتعال

انتضرته طلع غسل بهدوء واحه وكف كدامي نصيت اشيله مكدرت دخت بقه صافن بوجهي تاكل ج ويايه

لا ماريد

ليش حبيبي يمه هذا دياكل
يمه من يجي اتوسل بي يكول شبعت بالروضه
ليش بابا  حبيبي مو تصير مريض حتى تكبر وتصير رجال
شبعان

زين ناكل اني وياك شوربه بيبي سوت

ماحب

لعد شنو تريد حبيبي ادزلك بركرحتى وياه انطيك شربت مو تحب الشربت
لا اجيب لفتي مال روضه
يله امشي سبع
مشيت وراه راح ركض لجنطته فتحها وطلع جيس واجه مشه كدامي واني وراه باوعت لباسم نايم براحه فاتح ايده مستسلم منشنش حبيبي كون  تشوفه  معقوله كدرت يعني اذا كدرت معناها صدك باعت خاف بيها شي خاف مريضه اروووووووووف وينج وييينج صاح زين
يله بابا

اي حبيبي جيت طلعت صافن على روحي لازم انتبه عليهم حاير بيها هي شوكها يرجعها الهم بس شووووكت طلعت كعدت كدامه بديت اكل بدون شهيه انتبهت عليه دياكل بلفه صاج انصدمت

منيلك هاي بابا

صفن فك عينه وجهه انخطف

زيون حبيبي منو طاك هاي الصاج
كالت امل

بالروضه يسوون غده

راسي افتر نفس لفه الصاج مالتها مربعه تسوي متميز تقربت منه اخذ عضه اباوع وجهه تغير مرتبك عضيت منها اجزم اجزم نفس طعم الصاج التسوي بلعت ريك نصه راسه وياكل شنو اهلي ديلعبون عليه
امل بتج هم ينطوها بالروضه لفات باوعت لزين التفت يباوع شتجاوب
هاي مدتداوم متقبل تكعد الصبح
افتر راسي اباوعله ياكل ساكت وكام
ها وين

شبعت كملت لفتي انام

ماشي كملت اكل وكمت وراه شفت باسم يبجي وهو ديهز بالمهد بهدوء مديت راسي اصيح ندى تغيرله رجعت باوعت عليه شفته نصه يشاوره

نام اخوك نام لتجي باجر صبوح نشوف ماما تنطيك حليب
يهز بي ويشاوره جمدت اني شون راحت من بالي شون      راحت.   افتر بالمحافضات  صار سبوعين وهي كبالي  هسه عرفت   سكوت زين وباسم ابتسمت وردت لروحي العافيه نام زين وتمددت يمه حضنته مثل كل يوم ونمت مرتاح وان غدا لموعده قريب  ------
متابعه ممتعه
منطاني كلبي مااكتبلكم
الكاتبه - مريم السعدي