رواية من انت لتكون انا الفصل الحادي وخمسون 51 - بقلم حسين

سيدرا-  كمل حجي وكال

وهسه شون

باجر رايح للناصريه شيخ عيشرتهم  وشيوخ وياي اطمني نحلها بعيد عن المحاكم

زين اوس ميكدر يسوي شي

حاول بس مافاد المحامي يكول يعتبر تعاون بينهم متفيد شهادته سيدرا انتي هواي على نياتج يابه  الدنيا وصخه

متوقعت ابد هيج تدري تذكرت تلفوني الاربع مرات ضاع  بيها  متوقعت يمها لو تشوفها شون تشيل باسم كلتها نزلت دموعي
كومي ارتاحي بت عمتي حكج بهالركبه يوصل

هزيت راسي كمت بتعب وطبيت امي فزت

ها يمه كمتي

اي ماما

حبيبه اس يلج لكمه تتقوين حتى تكدرين توكفين بوجهه وانعل ابو نجومه

هزيت راسي  اي ماما  صبت امي واكلت   بالكوه وببالي هواي شغلات ببالي اخابر ندى او تروح لبيت عمي يم باسم او فردوس لو عطور --
وفعلا ثالث يوم للمشكله حسيت الفجر اشوف امي تشد بالرايه بقسوه وتكول

اليوم ثالث يوم يبو قجفاضل حك بتي طلعت الشمس وماضهر وينها شارتتك يخو زيينب لعد تطلع بفضيحه وانه خدامه عدك هيج مالي خاطر عدكم

غمضت قشعر جسمي صدري احسه طابوكه. لل8 وخابرت ندى متحملت بعد

الو سيدرا

ها ندى مابيه شي
تحجي وتبجي واني ساكته بقوه جريت نفس
كافي سكتي محتاجتج ويايه

شنو تردين تدللي

روحي لبيت عمي ماعدي احن منج على  باسم

صار هسه اخلي احمد يوديني

ندى تديرين بالج عليه

صار بعيني

ساعه وخابرتني كالت

سيدرا ضحى متقبل الزمه وخالو ساكت بس صافن وميكدر يكوم من الفراش وخاله امل تدير بالها عليه زيون يروح ويحي بالروضه وضحى منزله  غراضه جوه بغرفه بتها تكول ابن زوجي اني اهتم بي ومن تلاغيت وياها صاح بيه خالو كال
معليج انتي

غمضت قوي جريت نفس زين ساكت

نطوه حليب ومدياخذه بس جبرو عالممه

سوده عليه وهي مو موضفه شون
هسه عدها عطلع باجر تداوم عساس تدزه وي زين بالحضانه خاله امل كالت لل8 يجيبو هي تدير بالها عليه بعد

ها فركت وجهي بيدي  زين شفتي
لا متقبل مخليته بالغرفه كلسا تطب يمه شوي وتطلع تكول نايم لحد يفوت وخالو صار عصبي

ردت املخ روحي اوك ندى رجعي اذا تردين

لا راح ابقى واحمد هم راح يجي هنا لان بيبي تريد تجي لبيت جدو بعد  تكول ماعوف الحهال يمها هاي الحيه

رحنه الله والديها عفيه اي شي خابري

اوك

سيدرا- سديته منها وتكبلت لسجادتي ماعدي غير الله ساعه وطب حمزه من الناصريه
امي صاحت
ها يمه بشر

هاهي عمه  ذبيت حجايه يم الشيوخ بعد ضلت يمهم وكالي من عيوني خل نشوف

دخيلك ربي

سمعت كلامه ورجعت لصلاتي   بدون تعب وملل لليل بله مبالغه لليل واني جابت تمر ولبن اكلت وبس حسيت بحراره بكلبي ووجع  وشي اشتعل  بداخلي على غفله لزمت التلفون خابرت ندى ردت  وره شوي
الو ندى
ها
صوتها مخنوك ميته بجي
شبيج عفيه كلبي يوجعني بي شي

لج راد يموت اله شويه بت الكلب من الله لاينطيها لج راد يموت وخالو لحلكله

يابه كالت هيج ووكعت بالكع احجي احجي شبييي

بجه وغص طته الحليب مراده وضل غاص جبرته واختنك غص وكلام يرفس  صار ازرك. وخالو ركض عليه شاله من رجله   ورجعت روحه خلاه على صدره حضنه حيل ويردد
لاحبيبي لا عمري لا
من الله لاينطيهااا  صرخت
لوتشوفيها شون كامت تبجي وترجف تكوله وديه لامه  خطيه وهو يصيح طلعي من وجي

يابه احتركت روحي   سديته من ندى حتى بدون مااسلم والزم القران واقره وابجي  بقهر للفجر اذن ورجعت اقره قران خلصت نصه طلعت الشمس ومكدرت بعد نمت 
----
ضياء-  كلشي انتهى من عيني ووكع تحولت لقطعه انتقام وحقد  ضحى استغلت ضعفي وكالت

جهالك اني اربيهم واصيرلك حزام ولا يهمك
اني حياتي انتهت جهالي شون راح اعيشهم  اي احد طابك وياها عاديته ندى عطور بهاء امي  كلهم  اسمع باسم يبجي  ويغص يريد حليبها واتكطع واتندم لو اودي الها ابد مستحيل وافرحها صار انتقامي منها بطفلي مادري انتقم منه جتي لحضات شكيت بي ابني  كمت اشوف كلامهم كله مو منطقي الاثبات بيدي مليون مره قريت الرسايل مليون مره  عدتها ونفس النار بيه ماكو شي يثبت انه متواصل وياها  مكدرت اسحلجب سجله بس سجلها اريد اسحبه مااكدر مقبلو شكد حاولت مكدرت بس لان خطها عدي واعرف باسمنو كدرت اسحبه. عرفت معنى الموت اسهل واهون بهالايام  3 ايام وفجاه صرخ بباسم وانكطع صوته جنت مااكدر احرك جسمي من سمعته طفرت فد طفره لفراشه بالغرفه شفت ضحى يمه تبحي واباوعله مزرك يرفس شلته وماعرف شون من رجله  رد النفس وعاط حضنته واهز بي ارجف اسكت بي نام من تعب البجي باوعت لضحى
شسويتيله

تبجي وتركف والله مسويتله شي جوعان مقبل يشرب الحليبد جبرته وغص

تالي تالي تالللي شوكت يتعلم عليه حيموت جوع

ودي لامه عليك القران خطيه حيموت ودي لوحده ترضعه

عفتها وطلعت امي طبت للبيت باوعت لامل وباوعتلي بعتب وياها احمد مطايق احد ولا طايق عتبها عليه اخذت مني باسم وضلت تقره عليه وهو يشهك بنومه لليل اخيرا شرب ممه وحده ونام كعد متقياها كلها  امل كالتلي
ليش متدزه للحضانه وي زين همه هناك يعرفون للجهال لل8 وجيبه وي زين

بقيت صافن هزيت راسي اباوعله.  مغمض تعبان وعيونه منفخه من البحي. كلبي وجعني حيل ماشي

اخذته مني ضحى كالت اغسله لان ريحته مطيبه

اخذته وطبت امل كالت

كلش مكيفه بيهم ست ضحى جتها عدله مجاوبت ولا الي خلكها لعبت نفسي سالتها امي
رجلج مخابرج ام المشاكل

باوعتلها امل كالت لا مخابر ولااني خابرت

خاف تزوج

لا يمه شيتزوج صدكتي ميسويها  يموت عليه هسه بس اخابر يجي بس داريد احجي وي بهاء  وضياء بموضوع

ضياء- مالي خلك شتردين ذاك اخوج روحي تره احرك روحي واحرك البيوت وياهن شنردين البيت روحي انجبي كعدي بي
يعني تقبلون اعيش بي اني ورجلي

متروحين اصلا بهاء الاجار ديدزه لامي وامي دتنطي الكم

خويه اني بيت عيالي مارحع وهنا مداكدر  اعيش بعد
اي روحي. خلصيني وكولي لبهاء ضياء يقبل لحد يفتح ويايه مواضيع  البيه كافيني  دك تلفوني لزمته الشيخ مال عشبره انصدمت رديت

الو اهلا شيخنا هله بي   تفضل.  اي كول منو مخابرك ها. شيخنا موضوع عائلي
انصدمت بمعرفته بالمشكله بحدوظ انه مشاكل بين الضراير ويريد يرجع الطفل لامه بفتره رضاعته ورهالسنتين ترجعه عود كتله صار وسديته حابرت على حمزه راسن

الو

حمزه الله يساعدك

هله هله بابو الزين

هبه بيك يابه الله بالخير عليك

الله بالهير كول

الشيخ اتصل كال رايحله وعساس عدنا كعد الخميس

اي نعم
هاا زين دباوع يابه خاف متعرفني خل داكولك شوف صياد الاسود مثل ميسموك. اذا لميت كل عشاير العرب وكعدتهم اليمك حتى ميعجبني اذكر اسمها اليمك متشوف ابني وتروح تخابر الشيخ تكوله الموضوع انحل لا بالله العضيم افضحها بتجنص العشاير واطلع العدي  اخليها علج

حمزه- هاذ هو تدلل
سديته بوجهه  صاير نار وصوت باسم يبجي بالحمام هو حتى من حانت امه تسبحه هم يبجي فتحت الباب اباوعله دتغسله ومكيفه سديت الباب دااطلع اشوف صوته خنس التفتت اباوعلها تهززه وتردد عزه ماما الولد ضياء الحك

شبييي توه جان يبجي جريته منها مصلخ لفيت الحاولي صاير جثه صاحت شرب مي ذبيته عالقنفه طلعت امي تركض  سويتله تنفس اصطناعي وافرك بكلبه جسمه يرجف وهو صاير جثه. ردت اتخبل
لم بابا باسم. وهاي تصرخ وامب تصيح شسويتيله  رجعت سويت تنفس اصطناعي وغص  طلع صوته واوكع على ركبي واحر لحضني يرجف والف بي بالخاولي وهاي تصيح
رجعه لامه رجعه  مدااكدر بعد. 
اباوعلها وحاضن باسم هدا ونام من حراره الدخان مال حمام اباوعله ديتنفس وهاي تصيح وتبحي 
رجعه مدااكدر مدااكدر من ورايه. من ورايه

باوعتلها مستغرب

صاحت معليها هي والله من ورايه

امي صاحت شنو من وراج اعترفي كوليها

تي اني اخذت تلفونها موهي هي معليها بس وديلها ابنها حيموت.  حيموت والله اذا مات اموت

تحجي وتبحي وترجع  ليوره وكفت وباسم بيدي نطيته لامل
اوكفي تعاي ركضت جرت السويج وراحت لسيارتها شغلتها وطلعت الباب احمد جان مبقيها مفتوحه توه طالع بقيت صافن رجلي  رخت اكرر كلماتها واتذمر زين من شلته علك التلفون وسيدرا تكول وين تلفوني امي ورايه تصيح. شففت مو كتلللك شفتتتتت ربك ضهر الحق وهي العترفت
نار حسيته تمشي براسي وحراره من اذني تطلع وعيوني النفس احسه حار تذكرت عيونها وقسمها وتوسلها وبجيها. احس روحي تطلع من جسمي --
يمه جهالي امانه  عدكم كوه حجيتها مكدرت اوكف بعد الدنيا افترت بيه ووكعت من طولي

سيدرا- كملتصلاتي اندارين طبت امي تباوعلي بامل

شبيج ماما احد خابر

يمه رايه ابو فاضل الشديتها اول البارحه  اليوم مفتوحه.  فاضل ابن عباس ابن سنتين فكها طفل شمعرفه ويفك رايه بس هاي بشاره وهو على اسم ابو فاضل يمه اليوم رابع  يوم واني كتله سيدي داخله عليكم اربع ايام واريد حك بنتي يضهر وهسه تشوفين وكولي كالت امي
بجيت وسجدت

دخيلك ربي لتخيب عبدك دك تلفون امي اباوع ندى رديت راسن

ندى بشريني

لج اعتررفت.  بكلشي لج اعترفت بنفسها وانهزمت لاهلها وابوها سفرها خايف من حمزه

اوكفي وحده وحده

سبدرا خالو بالعمليات ابريله الذمه  بروح ابوج   تره انلعب عليه
بلعت ريك مدافهم شي

اعترفتله داكولج كلتله اني السويت هيج وهو تخربط ودخلو للعمليات نزيف داخلي  عمليته خطره سيدراابريلهزالذمه وبيبي تكول ادري بطيبه كلبج شنو من الشي

كعدت على ركبي باسم وين

بالحضانه هوو وزين

ياحضانه
مال زيون
وكفت البس اجه حمزه يبتسم عرفت بي دره

حمزه وديني

وين للمستشفى

لو اسمع بي ميت للنجف مازوره وديني لابني

صار صيحي عمتي وياج -----
هذا بارت الباجر لان مااكدر انزل
القصه تلفظ انفاسها الاخيره