رواية من انت لتكون انا الفصل الثالث وخمسون 53 - بقلم حسين

سيدرا- جنت اضحك وداخلي معصور شي بيه ينطي العذذر وشي يرفض يسامح اتذكر كلامه اخر شي من دااطلع اتدمر اتذمر شك وصرخته جنت شاك بيج كل هالحب وجنت تشك بيه بس اني صوجي اني البيه العيب امنت بناس متسوه امي تروح وتجي
هايمه شقررتي هايمه شحتسوين واني ارد

يمه خليني وين متوصل خل توصل نجمه باجر تداوم واتفقنا وي ابو عمر يوصلها للدوره قبل خطيه بس محد يدري فردوس كالت راح اكوللهم متداوم انقلت ادري هالشي فتره موقته بس بعدني ممستعده وماريد اشوفه

بدلت الصبح وي نجمه يوصلنا ابو سكينه ويرجعنا ابو عمر لبست قميص للركبه عالبنطرون الكابوي وبوتين ابيض شتريتها قبل فتره من الدوره وي نجمه. وفوكهن عباتي النشر وطلعت جنت شاربه حليب دولكه كامله من ام سكينه خطيه تجيبه الفحر تفوره امي وتبرده واشرب دولكه حتى حبيب امه يشبع طلعنا وكلي شوق الهم وصلت الروضه نزلت من السياره اوصي بنجمه تكول لفردوس متحجي لاحد طبيت للروضه صارت بوجهي المديره كالت
هله بام باسم فوتي ينتضرج ابنج طبيت ركض وشلته من هيام خليته على صدري لكفه بلهفه. سوده عليه ماما حبيبي ضل يرضع متلهف لحد ماغفه بس اطلعه من حلكه يفز وارجع اخلي لحد ماخلصه كله ساعتين اني بس ارضع تالي نام كمت وياهم عالشغل جاني زيوني طيته فطايره اللي يحبها وبقه يمي شوي وراح ورده ورد راح مسوي خان شغان ومحد يحاجي ابن المعلمه بعد روحي
لليل غسلتلهم وبدلتلهم وشبعو زين واجتي الخطوط وعافتهم انصدمت هذا ليش عافهم رجعت المس عيام باسم كالت

يكولون عمه يجي عليه

ها ليش ---حسيت بشي. نغزني كلبي خفت حيل لبست عبايتي واباوع لباسم نايم وزيون كعد ديكمل فطايره عدلت حجابي شفت سياره بهاء طبكت طلعت خطوتين شفت ضياء نزل منها لمحني وكف فك عينه واني وكفت جامده اباوع عليه راسه مشدود وضعفان كلش ورجعت خطوتين ليوره داطب جوه وين اروح يعني صاح

اوكفي بس خل احاجيج والله ماسوي شي
صفنت على روحي زيون بجه راسن خايف شاله ضياء يهدي بي
شبيك بابا حبيبي لتخاف

حضنه ويهدي بي وعيونه عليه جسمي كام يرجف المديره طلعت شافتني استغربت ةالت

ابو زين مو

اي اي شونج ست

كل الهله بيك سيدرا قفلتي

اي ست همست اخذت باسم من هيام تريد تروح البنيه بس ردت ابو عمر يجي اباوع عالباب واباوع عليه كال
تره ابو عمر ميجي
باوعتله فازه خزرته كال مبتسم

بس حجايتين وروحي مرايد شي

تقرب مني خطوه ابتعدت كال
داكولج بس حجايتين.

بلعت ريك هزيت راسي لا

والله حجايتين شبيج تعاي منا العالم الحارس كام يباوع عيب

روحي اخذهم وروح
بعد ماخليهم يداومون تره

حرام عليك
لعد سمعي كلام وامشي ويايه بس احاااجيج داكولج

وين اروح

هاي ندى ويايه بالسياره

هي كالتلك اني هنا
هه لا زيون من لفته عرفت

غمضت عيني اسمعه جر نفس كال

اصعدي يله

يحجي بتوسل تقدمت دك تلفوني باوعلي وباوع للتلفون خزرته صعد للسياره باوعت ماما دتخابر رديت
ها امي

ماما ابو عمر يكول خابره زوجها يكول اني اخذها

اي ماما ضياء اجه عليه

خو ماكو شي
رفعت راسي صعدت بالسياره ندى كاعده بوستني رديت على ماما

لا ماكو شي لتخافين
ماما لتتاخرين بليل خي يرجعج
الله كريم راحت ماما زين كاعد بالصدر وباسم بحضني نايم ندى همست
والله هو عرف كلي صعدي ويايه متقبل تصعد اذا موانتي وجيت
هزيت راسي ساكته والجمود تارسني ساق وصل لبيتهم كال

خالو نزلي الجهال وروحي

بقيت ساكته نزلو زيون ياشرلي باي التفت عليه ضياء كال

تعاي بالصدر
درت وجهي عالشباك

شون احاجيج هيج ماسويلج شي والله ولااجبرج على شي

بقيت اتامل نبرته مكلوب حمل وديع جريت نفس نزلت صعدت يمه وطلع بقه ساكت اباوع مكان الكانونه ازرك درت وجهي راسن شده راسه والكلو اللابسه فوكاه وجع كلبي منضرهالتفت باوعلي راسن درت وجهي عالشباك محجه شي ساكت وصلنا لمطعم هاديء حيل كال
نزلي نسولف شوي مااخرج
نزلت بالعبايه كال

شلابسه جواها مستر
بقيت منصيه فتحتها شافتي كال ذبيها طويل القميص وجر نفس يتلفت يباوع خاف اكو احد يباوع ذبيت العبايه جنت هاديه عبالك شي متوقعته يصير اريد اخلص من الختيلان العايشته طب للمطعم كدامي وفتح الباب طبيت كدامه كعدني بالزاويه مطعم اضائته خافته وهاديء حيل كعدت مرتبكه كعدت كدامي باوعلي ونصه راسه مخليت عيني بعينه لحد الان احس مديعرف يفتح موضوع باوعت لساعتي كال
صار شكد تشتغلين بالروضه

رفعت راسي باوعت بعينه بعتب رجع ضهره ليوره ارتجي وذبلت عيونه ودمع كال

احجي خل اسمعج

شتريد مني

انتي التردي شنو اني موقفي مو اطلب اني بس انفذ واطلب رضاج

لو يصبوك ذهب ماارجع

مالومج ولاجاي اعتذر ولاجاي اكولج متت غيره وقهر ونار حركتني والاثبات بيدي
درت وجهي معاجبني كال

شصار بيج من ردت عليج البنيه ببيت صاحبي شحسيتي

باوعتله بغضب
تجيب روحك عليه
لا العفو انتي اشرف مني مجكتلج شتردين حاضر

اططلك

بقه ساكت منصي يلعب بالنفاضه يحركه بدويره مغلقه عالطبله رفع راسه كال

انطي مجال
ماريدك بعد مستحيل اعيش وي شخص شك بيه وعيوني

ماريد اكولج شحسيت وشصار بيه

ماريد اعرف
هزيت راسي ادري بيج بس عدنا جهال لايكدرون دوني ولادونج

سكتت نصيت لزمت راسي

ماريد اجبرج على شي بس جهالج محتاحيج سيدرا

رفعت راسي ماريد ارجع الك على جثتي كرهت كل لحضه وياك جذب بجذب مصدكتني واني بعمري مكذبت عليك على هالحجي ياهو اليحجي تصدكه.
اني سمعت منج سيدرااااا
نترت كالت

تتتاااااكد لان انت رجال تتتاكددد

حقج وشتردين حاضر

اتطلك اخلص

والجهال سيدرا تدمرو تره

غمضت وغطيت وحهي بيدي همس. بقي ايدج على وجهج

استغربت بقيتها كال

دتشوفيني
چچچ

هيج حيكون وضعنا اني ابد مااصعد لبيتج
ماريد ماريد انت تكذب يومين وتصعد

قفليها مثل قبل ولتسامحيني ابد بس ابقي يم ولدج

لو اموت ماارجع لذاك البيت طلعتني بفضيحه وتريد ارجع بي اكابل امل لو تذبحني

ااجرلج بيت اشتريلج اكدر او اعزل الترك كله
جريت نفس باعصاب

علكيفج محد يجبرج على شي انتي شتردين تدللين
اريد ارجع شون همس بسيطه

اني اوديج وين متردين

كمت كام ويايه طلعت كدامه وطلع ورايه يجر نفس بتعب صعدت السياره وصعد وطلع كال

وين كاعدين
دليته وبقه يمشي ساكت كلسا ويباوع لبوتيني والبنطرون ويصعد راسه يجر نفس بحسره شفته ثككل على غفله
شنو شبيك ليش وكفت

راسي اوكفي دقيقه

باوعتله لزم راسه ونصه

بقيت صافنه شبيك

يمكن لان مماكل هسه تفك

شدتحس
ممتوازن

زين تاكل شي فتحت الجنطه طلعت فطاير زين رفع. راسه باوعلي. بحنان مد ايده وايده اللخ مرتجي عالستيرن ساند راسه اخذ الفطاير وعيونه بعيني اكلها وحر نفس ارتجي بقيت صافنه عالطريق الدنيا ضلمت
ناخذ تكسي

والسياره مال بهاء وين اخليها بس انتضري

اوك بقه هاديء شوي وشغل

فك

شوي احسن

اباوع وجهه صدك انكلب وعيونه صارت حمره

ضياء شبيك

راسي شوي
لو ادري راجعه وحدي لو مجايين
بعدشكد لبستانكم
هاي بقه شوي بس هو فروع طويله

ماشي

لو اعرف اسوق جان اني سقت شو شكلك يخوف
بسيطه عود اعلمج

همس ويباوع عالطريق بقيت اباوعله التفت ابتسم وغمض قوي ووكف راسن

ضياءءءء صحت ضياء شبيك
مدااكدر خاف اسوي حادث

رراح راح اخابر ابو سكينه
اي خابري احد يجي

راسن دكيت عليه خطيه اجه بسيارته وسحب السياره وفوته سنده للبيت فتحت الباب كدامهم بقه يباوع عالبيت وباوعلي كعد عالقنفه وامي طبت كالت

يمه وين صر. سكتت كالت

هله يمه هله بيك حمد الله عسلامتك

نصه راسه من امي وامي فاتت جوه احس هلصت اوراق مسامحتها اله كال
عفيه سيدرا مي بله زحمه

هسه
راسن صبيتله ونسطيته ايده ترجف

انت دترجف عدك علاج

اي عدي بس بالبيت
عزه شون لعد. رفع راسه كال مبتسم بتعب
شدعواج هلكد خايفه عليه موتردين تطلكين

ابو جهالي
دك تلفونه رد
هابهاء هياني بالدوره بيت ام علي اي شوي تخربطت بس افك ارجع اي مابيه حيل ادليك هاك هذا الولد عرفهم يدليك

سيدرا- باوعتله ارتجى جبت مخده وطيتهيا ابتسم تمدد عليها باوعلي

مشكور الحمد لله البارحه هيج وكت توني راجع من شريفه بت الحسن ادور عليج

درت وجهي عنه

شكو تدور مو طردتني مو اني بت الفمر عيشه الغرف نترت

عض شفته كال
حتى مترهم اكول سامحيني بس كدامج شصار بيه جلطه دماغيه طلعت منها بالصلوات حوبتج

مجاوبته بس عيوني تحاحي يحجي بتعب وعيونه كلسا تنكلب ليفوك هفت عليه ومكدرت امثل عدم الاهتمام تركته شوي وطلعت ماما غطته فك عينه ورجع غمضها كال

ام علي بروح علي تبريلي الذمه. امي راسن ردت

محلل وموهوب بس دفنتك لابني ووكفتك ويايه بذاك اليوم توكفلك بعيني مخلل وموهوب بس بتي ماهلي احد ياذيها بعد
كال

مارايد اذيتها ولاريد اجبرها كل الاريده ترجع لبيتها وجهالها
الله كريم نام ارتاح----
ة

هاي هم بارتصغير لباجر التكمله