رواية من انت لتكون انا الفصل الرابع وخمسون 54 - بقلم حسين

الله كريم يمه نام ارتاح هسه،
سيدرا- نام. بالصاله واني مكدرت اغفه حجيت وي ندى تطمنت على جهالي المسكينه اللي تعكلت بجهالي وبعد شهر عرسها خطيه. اعصابي تلف طلعت شفته غافي والبطانيه واكعه. بقيت صافنه عليه شكد عشت وياك ايام حلوه شكد دللتك وداريتك ودللتني وشكد هنتني لدرجه مااكدر اسامح كلما اباوع بعينك صعبه من اتذمر خزرتك وكلامك لدرجه متحققت وانت نقيب مفروض تعرف شغلتك هاي اباوع بوجهه ملامحه مرتاحه شده راسه والكلو نازعه مزينيله شعره الجنت احبه وجعني كلبي من عرفتك عرفت طعم ثاني للوجع ضياء تعبت وياك انت نار واني حطب كلما نقترب نشتعل تحولني رماد وتروح وترد ترجع تتوسل وتريدني اسامح سامحت مره بعد هيهات اباوع بوجهه واحجي وي نفسي واكفه ببعد متر صافنه عليه والضوه موجود خفيف فك عينه بهدوء باوعلي

متوقعت حيكعد همس

سامحيني ادري مااستاهل اخجل اكول ماعيدها لان عدتها

ماكدر بعد

ماهينج بعد كمت كعدت عدل شفتها بيها مجال تحجي اذا تردين ابني الكاع الموخر مالتج واخلي البيت باسمج بس طيني مجال

ماريد كلشي
شنو تتمنين يصيرلج بس رجعي لبيتج مااطمح لاكثر من هالشي

وارجع اتاذه وياك وتصادق لان ماعدك مره ويجوز اختك تزوجك وحده من مقامك وتاذيك وترجع تتوسل وارجعع اسااااامح نترت

شال ايده اشو بحركه توقف

على كيفج اهدي اهدي دنتفاهم

ماررريد. ماريد ماريد اعتقني عوفني حرام عليك متخاف الله تدري بروحك ترجع تعيدها تدري حتضوكني نفس المرار
بلع ريك من شافني عصبيه همس

هاهي كيفج براحتج لتصيرين عصبيه

طلكني

اي زين هاهي

وجهالي
رفع راسه باوعلي بتوسل كال
تدرين اكدر اسوي كلشي اني بس ماريد ااذيج بعد ولاريد احبسج بروحي تعبت واني احبس بيج تالي طلعتج بايدي
اريد ارتاح ضياء عوفني كلما اشوفك اتذكر نضرات عيونهن من الله لاوفقهن بنيه يتيمه التفو عليها. من حسبي الله عليهن
امل معليها والله امل ممفبركتها حتى انصدمت بضحى وتخبلت

معللليه منهم عساها بحركه كلبي كون الله
استغفر الله البيها كافيها سيدرا

الله يسامح اني ماسامح وكوللها يوميه تدعي عليج بالصلاه كون تطلع حوبتي وحوبه جهالي عائله وبيت ومرتاحين هديتي من كون تطلع بيها

طلعت لتخافين طلعت اوس خطب وهي لحد هسه متدري
سكتت احس بلذه انتصار غريبه هلكد حاقده عليها كال
ملتزمه بكبريائها تكول يرجعلي ميكدر دوني متدري بعد تعب

مثلي اني

لاسيدرا لتكولين هيج

جذب ؟
يعني اني يعني ولامره شفتي الراحه ويايه قصرت بشي وياج مدللتج

هاي واجب عليك مثل اني واجب عليه خدمتك وخدمه جهالك

اني قصدي على حبي الج سيدرا لج اني حبيتج
وتندمت ماريد ارجع ضياء خلص انتهت

بقه صافن بوجهي كال بتوسل

ممشتاقه لحضني مجنتي تكدرين تنتضرين الاسبوع يخلص دارجع سيدرا اني حبيبج تتذكرين

اي اتذكر شكد جنت ثوله ضياء اذا رجعت متطول سنه تمشي وره حجي اختك وتجيني ونفس المشكله اني جربت اكثر من مره
مو داكولج اطلع بيت وحد

ليش متشوفها بعد يعني مراح تلعب بعقلك وتكوكك
رحمه الله والديج
ليش تزعل انت هيج

كافي بس التردي يصير خلي نخلص بذكرى حلوه بيننا واحلفج بروح ابوج تذكريلي زينه سويتها الج تذمريني بخير اذا صار عليه شي

شنو قصدك

هاي دنيا سيدرا جهالي مامنهم اني واذا صار عليه شي راتبي موجود وحصتي بتركه ابويه موجوده وبهاء ميقصر حقاني بس ذكريني بخير وحلليني واوهبيني
اخذ جهالي هز راسه منصي
تدللي ماريد غيرج تربيهم بس لتكرهيهم بيه
لا مستحيل يبقون جهالك وانت مدللهم ماكو مثل حنانك عليهم

اجيبهم بس كل اسبوع اخذهم وارجعهم لان اشتاق مااكدر

اوك

هذا اخر حجي

اي

ديري بالج عروحج
ماشي درت وجهي افوت للغرفه كلبي صار شكبره نفس الوكت ضيق بالنفس ماريد اترك حبه بس تعبت منه كال
اوكفي بس دقيقه

التفتت

تتزوجين بعدي
باوعت بعينه ميت قهر جر حسره ونصه
من حقج

مجاوبت بقيت اباوع بوجهه اتخيل روحي وي غيره مكدرت كال منصي راسه

حمزه مو؟
شو انت تسال وتجاوب وحدك

جاوبيني ريحينييي
مستحيل ارتبط اعيش لجهالي وبس

هذا حجي بعدين يتغير

وانت

اني اكتفيت بعد رفعت عيني بعينها اني عرفت وين راحتي وضيعتها ماجازف بعد وادور

هزيت راسي موافقه كال

باعي اذا تزوجتي اخذ جهالي مو شغله عناد بس مااكدر عذريني

من تشوفني لابسه البدله ذاك الوكت احجي هالحجايه ولو البدله والعرس ضلت حسره بكلبي
بقيت اباوع بوجهه وكفت واختل توازني تقربت راسن سندتني
باوعت بعينها ولزمت ساعدها انتجي عليه
هيج انتي. باعي هيج انتي من عرفتج. سند الي وعكاز واني اعرج وكسرت عكازي بيدي شون امشي
دمعت عينه

سندتيني بزين خدما صار بشر عادي مو ناقصه شي ذكي ذكي حيل وهاديء ويسمع الكلمه سندتيني بالادمان وكدرتي تسيطرين عليه بقوه نسيتيني شكو شغله زفره وعوضتيني بيج منعمر عشر سنين نسيت شي اسمه بجي اخجل بس يمج فتحت كل نقاط ضعفي وخوفي
مكسراتي نسوان وشرب عفتتت كلشي اني اني اللي مامتوقع بيوم اخدر بصوت مره وهمسه احبك تطشرت بيج ولميتيني سيدرا لتعوفيني والتردي يصير يكفيني احساس وجودج بقربي بنفس البيت حتلو ماكيسح ولاشوفج
بقيت ساكته برطمت جرني بهدوء اجيت بيده جان تعبان من يحجي عبالك عجوز جرني بثكل يباوع بعيني اخاف ارفضه تقرب اكثر وحضنني بهدوء ويشم بركبتي احس ديودعني مكدرت بجيت بقهر مد ايده على راسي ويمسد بي همس

اسف بكد مااذيتج اذيت نفسي اسف عمري اسف

مرديت بس البجي جوابي شددحضنه يمشي ايده على ضهري ويضغط احس ديريد يدخلني بضلوعه حضنته جر نفس اول مره احس حضنه بدون رغبه حسيت بدموعه بركبتي دفعته بهدوء لزم الحايط باوعلي يدور بعيوني السماح

تصبح على. خير مجاوب مشيت تركته التفت شفته على وكفته عفته وفتت للغرفه حسيت الصبح على صوت المنبه كمت حليبي يدر يمه يروح امك جوعان كمت راسن دابدل سمعت صوت زين
حبيبي شجابه لالا مستحيل

ماماااا

ياعمري انت فتحت الباب وشلته مداصدك منو حابك ماما حبيبي

ماما عمو جاباني اني واخوك وراح وي بابا وكال هاي لماما

نصيت على ايده فلوس كومه وورقه كاتب
خليهن جوه ايدج والجهال امانه عدج وانتي كد الامانه ابريلي الذمه مادري ليش خفت ركضت بره شفت باسم بيد ماما وماما تبتسم
ماما جوعان
نايم يمه نايم

جيبي حليبي ديدر
اخذي الحمد لله الله هداه عليج
الحمد لله ربي الحمد لله خليته على صدري وزين يكمز ممصدك كلسا طالع بره بالبستان وراجع مطين عفته براحته وابو سكينه خطبه موجود عينه عليه

ضياء- تجاوبت ويايه حضنتني بجيها ونضراتها اني الاعرفها سيدرا عصفورتي المطيعه تركتها تطير وترجعلي براحتها هلمره مراح اجبرها هلمره كلبها دليلها العليه سويته رجعت لبيت اهلي املانت كالبه الدنيا توها تدري برجلها وتهدد طلكني جاوبها ببرود تدللي باجر نروح للمحكمه تخبلت بالزايد عافها وطلع سلمان ركع مرته بعدما حاحيته هي مالها دخل اما ضحى فسافرت المانيا وطلكتها غيابي جان احسن عقاب الها الغربه مالي خلك انتقام بعد بس اذا شفتها لااشرب من دمها ندى سوت تحاليل والحمد لله نضيف وتحدد عرسهم بعد شهر رفل راح تنتقل لبيت بهاء لان تعبت وتريد تزوج احمد اللي قافل على فردوس وبهاء موافق بشرط تكمل جامعه والبنيه احد الان اي خبر ماعدها زيون وباسم كل حياتي كل اسبوع امر اشوفهم اضل ساعه زمان ويجلب حمزه اذا موحود واذا مموجود ابو سكينه يجلب بيه وابقه ببيته سيدرا بعد مشفتها ولا طلبت هالشي نوبات اكو حروح الومت كفيل بتطييبها رغم الترقيه راحت بس حياتي هادئه ولدي من اباوع عليهم انترس امل صح البيت فرع عليه والترك وحشه بس المهم همه مبيهم شي سلمان ترقى صار رائد واني نقيب جوه ايده ودااركص عالترقيه من جديد وسافرت من جديد للدورات وللموتمرات وبديت بواهس اكبر عمر صاحبي ويايه رغم بعده على سوالفه اله اني مااكدر بعد لعبت نفسي حد التخمه والدتي من اباوع الرضا بعينها والقهر نفس الوكت ارتاح وانقهر
يمه تريد احاجيها ترجع

لا امي خليها براحتها مدام مطلبت الطلاق معناها اكو امل

هي البارحه خابرت تحجيلي على باسم تكول دتخلي بالبستان يتشمس وزيون يبقى كاعد يمه حراسه مكيفه تكول منشنش

يروح ابوك باجر اروح

ماما واني ماشوفه

تجين ويايه امشي

يمه واختك وين اعوفها صارلها يومين الليل كله تبجي
استغفر الله شكد حاجيتها

شتسوي عقلها بعد
مثل عقل اخوها يله امي اني انام باجر الصبح نروحلهم

خوش
فردوس--- مرت شهور وحمزه ميجي نجمه ويايه خمس ايام بالاسبوع بس ماشوفها غير دقايق باليوم لان بس تدرس خطيه يوميه اكول وين الله ويسدون الطريق ويجي هو لحد ما بديت امل واايس من جانت تحجي نجمه انه بنه بيت ببستان وامها تريد تزوجه اضل صافنه عرفت الجان رد فعل لنضراتي والصار بكلبي بسبب تخيلاتي وصلت حد الليل كله ابجي من اتخيله يتزوج وهاي النضرات ينطيها لمرته سماره والعرك اللي بيده وزراك عروك ايده الاعشقها تصير لغيري تفاصيل عشت وياها وحدي
عيونه ورفعه حاحبه وتكبره ورزانته راح يذبهن يم رجل زوجته. ايام وشهور اتخيل يجي يوم من يذوب بيدي ويبقى يباوع

بدون ميبعد عينه او مو بنضرات البوكه ويبعد بسرعه جنت انتضر يطول ساعات بعيني مثل ماحب لون عيوني الملون هو

يكوم يحبه. جنت اتخيل روحي يكولي شتلبسين يلوكلج مثل ما بابا يكول لماما لو يكولي يالونرعينج بالضبط مثل مابابا يسالني

من البس الازرك تنكلب ازرك من البس الرصاصي تنكلب وي الالوان. كلما اباوع لروحي بالمرايه اشوف عيونه ورفعه
حاجبه تباوعلي وابتسم مثل المخبله واتخيل روحي اغري ويموت كدامي هالجي التخيلات تعبت مني وايست منه الولد ممفكر

بيه عايشه بحلم اني اساسا مو بي السنه شارفت عالنهايه وبلشنا امتحانات ندى وره متكمل امتحاناتها تتزوج هي وحمودي

متشوقه تجي لبيتنا وتصيرلي اخت يمكن هالشي هون عليه وبعدني كلما فوت بيت جدو اباوع للترم واتذكر عمه سيدرا اخابرها

على طول واتمنى ترجع وترجع لعمي الضحكه مشتاقه حتى لعمو اوس اللي اختار حياته من جديد بس هالمره باختيار اهله
وتزوج وحاله عمتي امل من سيء الى اسوء بابا على طول يجي يحجي وياها تركت عملها لان وحده من حمواتها وياها بالدوام غرورها مخلاها تتحمل المواجهه انقهر لان عمو اوس ذهب وهي ضيعته من اديها

ورجعت للدوام وبلشت امتحاناتنا كاعده داراجع بخوف لمحت نجمه فاتت شافتني اجتي بوستني وكالت حفوت بلش امتحاني
اني هم فتنا سوه وطلعت وره ساعه الحمد لله مجاوبه باوعت لقاعتها شفتها بعدها تمتحن شكل السالفه مطوله عود كلت بالامتحانات نشبع وحده من اللخ رحت لصديقاتي شفتهم طالعات مطعم والوالد ميشجع هالطلعات ولااني كلها جذب وبس اكل واني ماارغب لاكل المطاعم كعدت عالمصطبه انتضر نجمه واباوع الساعه بعد ساعتين يله يخلص الدوام انتضر المكتبه تفتح حتى استنسخ محاضرات امتحان باجر داانتضر دك تلفوني بابا كالعاده يسال مجاوبه لو لا
الو ها بابا

ها لج شونج مجاوبه

اي طبعا

زينه زينه

اي زينه والله واسمع ورايه صوت اجش.
السلام عليكم
طبله اذني راسا تعرفت عالصوت ورجفه سرت بجسمي كله فزيت و التلفون وكع من ايدي واني على كعدتي نصيت اباوع عالتلفون اخاف ارفع راسي واشوفه حيلي انهد شاغت روحي
شفته نصه شاله نفض منه التراب وطانياه اني بس اباوع عالتلفون وايده الجبيره والمحبس الفضه الجبير الابيض وكفه قميصه المرقط اخذته ايدي ترجف سمعته جر نفس كال

نجمه تمتحن

هزيت راسي بله صوت

ماتدرين يمتى تكمل
هزيت راسي بالرفض مشلت راسي اباوع لحذائه العسكري يلمع

مشكور اترخص اباوع خطواته مشت بثكل كل خطوه شكبرها رفعت راسي اباوع ضهره من يتحرك والمح النجمتين على اكتافه فكيت عيني ترقى صار نقيب مثل عمو بس فرقه هو بالجيش وعمو بالشرطه لازم بيده كاوريته طابكها من يتحرك ضهره وكتفه تقاسيمه تضهر وكالعاده مطلع القميص عالبنطرون كلبي رجع لنفس الدكه والرجفه ولاعبالك اتفقت وي روحي عليه التفت فجاه والتقت عيوننه جان بعيد رفع حاجبه وملامحه قاسيه ارتجي بالحايط وكتف ايده جر بنطرونه وكعد عالمصطبه نضراته تجاهي ربكتني مستغل البعد والمناضر واني دااحس ديباوعلي كمت استنسخ وانهزم من عيونه وصلت للمكتبه ورجعت ماريد اريد ابقى كباله اريد ابقه اتامله مشتاقتله خلي يتزوج وانساه عود رجعت لمكاني بس ملكيته كمت اتلفت وين راح نجمه طلعت معقوله لزمت التلفون دكيتلها مغلق بعدها بالامتحان وين راح وكفت ادور براسي مثل المضيعه ابنها. وين راح بقيت امشي وادور خابر ابو عمر
الو
ها عمي
نعم عمو

عمو تكدرون تجون انتو مداحصل ابوج
ليش
ااا مادري السياره دتخربط

اوك عمو هاهي براحتك

ماشي سديته منه خابرت بابا مرد عليه اتصل احمد

ها احمد هذا ابو عمر
ادري ادري رجعي باعي كال حمزه كايله اني ارجعها عده شغل بالعدل
ماريد اني ارجع كلتها بعصبيه
هاي شبيج لج مااكدر اطلع والله عدي معاميل
اي والله اني اركع وي صديقاتي
تعرفين

اي لعد شبيه زعطوطه 18 سنه عمري حدخل ب19
ديله شوفيلي شطارتج مو تجين تبجين
لا سديته منه وكعدت ماريد ارجع وياه كيفي عصبت مدري لان راح ومداالكاه مدري لان مو يمه السالفه. كعدت بمكاني شفته اجه من بعيد بيده كلاصين عصير وكهوه شايلها بصينيه تك ايد يمشي بسلاسه درت وجهي اعصابي ترجف وصل يمي

كال
تفضلي
لللا شكرا

عيب ترديني تره
كالها بهدوء رفعت عيني باوعت بعينه مسيطر على روحه واني سحلت نفسي برطمت مدري شبيه خنكتني العبره. دزت وجهي

اخذت الكلاص وكمت نضراته مستغربه واني البجيه جلبت دموعي مادري منين تطلع شربت العصيروبس اريد افوت للحمامات  اطلعها البجيه اختنكت علىشنو خرب حضي شربت نصه درت وجهي شفته كاعد بمكانه يشرب كهوه وعيونه عليه كعدت سويت روحي ممهتمه  امثل اللامبالاه كمت ماباوعله  بقه كاعد بالمكان الجنت كاعده بي  شوي وشفته تقدم تجاهي بثكل
يربي ماريد يشوف عيوني من تشوفه شيصير بيها ليش ديجي يمي

وصللي وكفت مدري شبيه مرتبكه

كال
هذا الج

باوعت لايده اباوع باكيت علج سهم مالتي ارتبكت وكعت ملازمي من ايدي خرببب

هاي شجاج اليوم
همس داانصي
لالتدنجين نصه لمهن وخلاها عالمصطبه بعصبيه كال
مانيتي اضايكج اترخص
والتفت يمنه ويسره وابتعد يمشي بثكل  شصار بيه روحي طلعت من صدك بجيت طلعت نجمه شافتني

وج شبيج ممجاوبه

لا مسحت وجهي وكمت يله حروح باي

استنسختي

لا
هاي شبيج فردوس

اييي مابيه شي عفتها ورحت للمكتبه لا استنسخت لا طلعت مثل البومه خرب يومي طلعت من الجامعه للمكتبه استنسخت  وشفتها لنجمه من بعيد شافت اخوها باسته من نجومه تضحك شال ملازمها  وكتبها ومشه كدامها وهي وراه تسولف وتضحك وهو يهز براسه يستمع
كملت استنساخ داضم الملازم شفت تلفوني ديدك صاير صامت يمكن من وكع هي اصلا الدكمه راخيه باوعت نجمه
الو

وينج معوده

دااستنسخ شبيج

يله تعاي

لالا روحو اروح وحدي

عيب عليج وروح ابوي
نح
جمه روحي ارجع وي صديقاتي
ها صارن عندج صديقات والله زين اكول لو تجين مو احسن ما اجيبج سحل
داكولج مااجي روحي

براحتج الله وياج

سدته ادري بيها زعلت بس صدك ماريد من يكون موجود مااكدر اذا ماباوعله وهو مو يمي خلي اجر روحي احسن  طلعت من فرع الجامعه صار بوجهي واكف ينتضر وعينه بالتلفون وكف عدل من شافني خزرني بغضب نصيت راسي دافوت من يمه.

التفت عليه واني مكدرت ماباوع بقيت اباوع خزرني يتنفس بغضب. واشرلي بركبته وحاجبه.  اصعدي واني شسويت نفذت بدون ماحس على روحي خفت منه النوبه  السياره فارغه صعد من صعدت وراه اباوع مكان نجمه فارغ نصيت راسي ماريد اباوعله سوه
احممم خوماضيكج احد
رفعت راسي باوعت بعينه شفته عاكد الحاحب يباوعلي مستغرب واني وجهي انعصر و دموعي نزلت درت وجهي عالشباك

شفت نجمه دتستنسخ يم ام المكتبه وجتي من شافتني ضحكت وراحت ضحكتها من شافت دموعي مسحتها صعدت واندارت

ياااا فردوسه شجاج تبجين

ماكو شي. رديت والشهكه بصوتي باوعت بالمرايه عاكد حاحبه مستغرب همس

شوفيها شبيها

يالجج شبيج
مابيه مخنوكه شوي تعبانه

احد حاااجاااج. 

صرخ فزيت باوعتله بالمرايه فاك عينه وشايله ايده ياشر. هزيت راسي بدون صوت

نجمه- عليش تبجين لعد خاف مامجاوبه

اي ممجاوبه
غير تقرين زين
سكتت ودرت وجهي عالشباك وطلع ضياء باوع لنجمه كال

اوصلج والنوب اوديها لان عدي شغل بالعدل قابل اوديها والنوب اوديج والنوب ارد للعدل
كيفك خويه

بقيت ساكته الطريق كله وعيوني عالشباك وصلنا لمنطقه الدوره وخابر بابا

وينج بابا
بالطريق ازدحام رفعت عيني صارت بعيونه بس عيونه بالمرايه مبينه 
تاخرتي هواي نجمه وياج
اي بابا مو حنت استنسخ فتاخرت
يله
اوك باي
سديته وكف حمزه كال
هاي عمتي وام زين
التفتت راسن شفت سيدرا دتتسوك عالشارع ضحكت لمحتني جتي ليمنا

لج هلاو فردوس

هلاو هه شتاقيتلج كلش
اني هم والله ولج ماتضلين يمي

لا والله وين ابقى
بيبيتج عدنا

صدك
والله هاي دتتسوك للجهال ملابس ويايه خطيه مكيفه بيهم

منو جابها

عمج  ديشوف الحهال واجه
صدك
والله يله تبقين همه ساعتين ويرجعون

خل اخابر بابا كلتها بلهفه
خابرتهوراحت سيدرا بسياره عمو اباوع عمو بحضنه زين وبيبي بصفه وعمه وامها ليوره اشرلي انزل من السياره مال حمزه لميت غراضي ونزل هو تسالم وي حمزه مبتسملي كال

ها ضربج بوري ابو  عمر
اي هه عمو وين باسم

ببيت سيدرا نايم حاره مومال نجيبه صعدي بالسياره
خابرت بابا كتله حرجع وي عمو وتخبل
شوداج للدوره
شمدريني موديذب نجمه

اني مو كلت لاحمد يجيبج مو قبل شوي خابرتج ليش مكتيلي حمزه جايكم

بابا انت مو كتلي وي نجمه عبالي تدري

اني عبالي راحعين سيارت سوه
هسه صار الصار
دولي يله طيني عمج

نطيتهيا كاله اني من ارجع ارجعها ويايه ليضل بالك
سيدرا- شهر مشايفته يروح ويجي عالجهال تطلعهم ماما اله  ميطلب يشوفني واني اكول الا يسال عني يله اطلع وميسال ولااني الاطلع لحد ما خابرت الحجيه وبقيت اسولف وياها مثل كل اسبوع تالي كالت راح اجي وي ضياء اشوفهم كيفت بيها وحضرنا غده جنت طايره ولبست  بنطرون وقميص مرتب وشلت شعري سمنانه هالفتره دلال امي البطلت من شغلها والجو الصافي الطبيعي والحليب وجهالي سمنت وجهي صار ترف وصافي عدلت روحي مكيجت خفيف ببالي بحجه امي الحجيه اطلع  بدلت الجهال وحضرتهم وجتي الحجيه فرحت كلش بيها وزيون مكيف حبيبي  بس هو مطب طلع زين علموده شوي واجه كال بابا يم عمي راضي ابو سكينه
سكتت دزيت جاي وكليجه شوي وكال زين بابا يشوف باسم كتله نايم خلي يجي يشوفه هنا اذا يريد

وكعدت يم الحجيه نسولف كالت
بعدج ترضعي
اي طبعا الله يقدرني ومافطمه حد السنتين
انشاء الله  غسلتي من الستينيه
يعني شنو
دوره مجتج
لا بس ماما تكول حليبج ميخليج تغسلين

اي بس صار اكثر من شهرين ام علي

والله مادري حجيه

يمه خاف شايله
لاحجيه ماعدي لعبان نفس ولاشي ومنين اشيل هههه صار شهرين  ضياء يمج كلتها ونصيت وجهي ار دم
حباله عن حباله تفرق يمه خاف من الاربعين شايله
لا لا هسه اخذ حبوب تنزلها
روحي دمتوره يوم لتخربطين نفسج تاذين حليب باسم خطيه
ها لا هسه اروح  دااحجي وطب زين كال

اجه بابا كمزت مدري شصار بيه كمت من الكع كعدت هالقنفه طب كال السلام عليكم تلفت باوعلي ودار وجهه على زين وعلى امي  شونج ام علي

هله بابو زين
شوونج ام زين باوعلي ودار وجهه على باسم النايم عالقنفه يم امي الحجيه

الحمد لله همست اباوع مدايرلي بال نصه باسه من ايده كال
سمنان عن قبل سبوع شتوكلو هذا هههه فدوه لهل الخد التفت عليه ورجع  باوعله اله كعده يله ارتاح ضل يلعبه ويبوس بي ويضحك وزين وياه ولاياوع عليه واني ليش ضايجه مو هذا الرديتي مو مردتي ترجعين مو طيح حضج  امي كالت
اكو سوك يمكم اريد اشتريله هدوم
اي ليش ماكو سوك ابو الطياره يخبل
حجيه ليش تكلفين روحج

لايمه عاجبني خليني افرح وابوه كال البارحه اريد اشتري سياره لزين لان بستانهم جبير يكدر يلعب بالسياره بي

بقيت اباوع لضياء يدغدغ زين ويبوس بباسم يباوعلي ويدير عينه بسع يلهي روحه بيهم

كومي لبسي دنروح نتسوكلهم. كوم يمه ضياء ودينا
يله امشو

وكف عدل البنطرون وذب باسم رجع نام غادي طينه وصيت سكينه عليه وطبيت ابدل دااعدل بحجابي عالمغسله وطب باوعلي ونصه كال
بس اغسل ايدي
اوك رجعت ليوره رفع راسه باوعلي بالمرايه ونصه وجهه صار احمر نزل شعره بالمي سحبه ونشف وطلع كدامي طلعت وراهم وصعدنا كايد زين ويشتري مخله شي مشتراه وكفت امي يم محل ملابس اطفال بصفه ملابس نوم باوع عليهم وباوعلي بقيت اباوع بعينه ابتسم همس
اكولج
هذا مو. نفس مالتج النمري
نصيت راسي رحت يم امي  دتكدر هدوم على زين وي الحجيه كملنا وطلعنا كال

ممحتاجه شي الج
يحجي وميباوعلي منصي لازم ايد زين

لا جاوبت ببرود

براحتج
صعدت للسياره يمكن مصادق لان ميتحمل بله مره ومامو احد فوك راسه ماخذ راحته نار صرت بس اتخيل الموقف من صعدت السياره لمحت سياره حمزه وبيها فزدوس نزلت تسالمت وياها وجلبت بيها وي عمها كيف زين  بيها رجعنا سوه وحمزه ورانا بالسياره لبست جبتي اول نطبيت لان ماما كالت اسوي غده على روح ابوج واعزم بيت حجي راضي ومرته وبنته وحمزه ونجمه نزلو فردوس كابلت باسم وكعدت بعدين نجمه اخذتها فوك علمود ال
يتبع
مريم السعدي