رواية من أول نظره بقلم ياسمين رضا | كاملة

_آه مش تحاسب يا كابتن... = أنا اللى حاسب ولا إنتى اللى ماشيه تخبطى فخلق الله... بصتله بقرف وسبته ومشيت.. قال بصوت يكاد مسموع : أي يارب دا أستغفر الله العظيم اما بنت قليله الذوق بصحيح... لفيت ورجعتله تانى ورفعت صابعى قصاده ورفعت حاجبى وقلتلو : هى مين دى اللى قليله الذوق على فكره اللى بيشتم حد من غير ما يعرفه بيكون هو اللى كده.. بصلى بصدمه اللى هو ازاى اصلا انا رجعت عنده كان مفكر انى همشى سبته فى وسط صدمته ومشيت بس بصتله من فوق لتحت وكانت النظره كافيه تعبر عن كل حاجه.. اه صح اعرفكم بنفسي {انا مليكه عندى ١٨سنه فأولى كليه التنسيق جالى في محافظة تانيه غير اللى أهلى فيها وخالتى فى نفس المحافظة اللى الكليه جت فيها فعلشان كدا اضطريت انى اقعد معاها وده بامر من امى علشان خايفه عليا من السكن الجامعى وكمان لانى وحيدة ماما وبابا } المهم وصلت الكليه أخيرا ولحسن الحظ...