رواية من فجر ديسمبر الفصل الرابع والخمسون 54 - بقلم Zoka 🌷

من فجر ديسمبر
🍁
🍁
- موش ويااااي انه بالتصليح ماصعدت وياي ولا رحتلهه
- لانننننعل شرفك اذا صدك عوف كلشي وامشي للكليه انه هسه جايك

سديته وكبل رحت اخذت السياره وطلعت لبغداد
وايدي ترجف بالكوه مسيطر بالسياقه ... وصلته
وجان طابك يم الكراج نزلت ليه وجريته من ياخته
- ساعه ٣ صارت وحررررمتي ماااهيه وووين وديتهه حرمتي مااااااتجذب كالت راح تصعععد وياك احججججي قسم بالله هسه اذبحك هنااايه لو مالكيتهه
- خويه البت كالتلي انته تجيهه وانه طلعت للتصليح شدراني وين راحت لاتبليني بيهه
- انننننجب البت صعدددددت ويييياااااك ويييين تروح يعننننني فهمنننننني وووووين بنص هالظهاري وين تروووووح !!!!!

نزلت عليه دك بوكسيات بنص الشارع والوادم والحرس التمت علينه وصار المصايح بينه
عاد جريته وخليته بسيارتي وواحد من هالولد اخذ سيارته ولحكني ... بالدرب خابرت الشيخ ..
- شيخنه
- ها بويه خيرك
- ربى شيخنه ربى ماهيه
- شننننننننني
- هالسكط ابو خطهه يكول مارايحلهه اليوم بس هيه خابرتني وكالت راح تصعد اجاههه البت ماتجذب عمي والحسين ماتجذب علي انه اثق بحجيهه بس هالعار مدري وين موديهه
- شهااااااااب بالعباس اذا صار ع البت شي اثنينكم اذبحكم
- دز عله اهله انه جايبه وجاي شغلت ساعه اصلكم
- والله لاحرك ساس الخلفوه اليوم

اول ماوصلنه السلف شفت عمامي وولدهم كلهه محزمه بالاسلحه طبيت وكبل طبكت السياره ونزلت شحطته شحط للديوان ...

تلكاني عمي حاتم مفرفحه روحه ويسأل عليهه
حجيتله كلشي صار والشيخ كض الولد ولزكه عله الحايط وخله التفكه عله ركبته خنكه بيهه
ضل يخنك بي ويسأله عله البت وهاذ مجلب بحجيه مايدري بيهه ..انه كلساع ادك عليهه وجهازهه طافي .. طلعت بره فتشت سيارته كلشي مابيهه
رديت ليه كضيته كسرت فجه خليت دمه تارس وجهه وكلهه تكاومت عليه عاد تدخلو اهله وجروه
كعدنا كلنه والشيخ كال ..
- لليل ان ماردت البت للينه جتل ابنكم حلال

وطردهم من ديوانه ... خذيت محمد وحيدر وردينه لبغداد ندور عليهه لا خلينه مستشفى لا خلينه محل
ردينه عاد للكليه سألنه الحراس وشوفتهم صورتهه
كالو شافوهه طلعت وبنفس الوكت الخابرتني بي
يعني ماتجذب البت ... سالت احد شاف هالسياره هنايه بهيج وكت محد منتبه .. لا اكو كامرا لا صخام ضليت كاعد عله الرصيف وادك عله راسي وين راحت !!!!!!

للساعه سبعه بالليل احنه ندور سوينه بلاغ بمركز الشرطه وطلعو يدورون واحنه ردينه للعماره
جنت بالكوه اشحط برجلي حيلي باد عكلي مايستوعب هالصار ضلمت الدنيا وما مش خبر منهه .... وصلت لكيت امهه كاعده ادك وتلطم
وابوهه تلكاني بالرزايل جيف انه سجلتهه وياه
رحت كعدت يم الشيخ ...
- شيخنه شسوي انه اموتن لو مالكيتهه وحك علي طولي كله يرجف عليهه
- نلكاهه بحيل الله شد حيلك موش وكت الهوان كلنه ملجومين عليهه هالنار شبت بصدور الكل
لجن هاذ وكت انحط الايد بالايد ونكف سوه ليهه
- ماضل مجان بغداد مادورته وهالشررطه عفتهم ورانه يدورون عليهه
- هاذ الجلب انه دزيت وراه اثنين يلحكوه ماثقيت بحجيه اكيد وراه ضميمه
- خلني اروح اجيبه وانسيه حليب امه واشوفن شلون مايحجي وينهه
- لااااا اصبر لاتروحن تطيحنه ويه الوادم مالنه حيل فصول خلنه بمصيبتنه حايرين ... اصبر نلحكه ونشوفن تاليه

ضلينه كاعدين وننتظر خبر من احد يدلنه عليهه
للساعه ١١ بالليل دك تلفون عله الشيخ رقم غريب
- هااا الو تفضل ..اي انه ياهو انت !

فتح السبيكر وكلهه سكتت تسمعه ..
- بيت الحمود يبلغوك السلام ويكلون هالليله ضيفتنه عزيزه اهلهه بس موش عزيزتنه
- لاااااااا ياكليلن الاصصصصصصل
- عزيز بعزيز ياشيخ رد لينه زلمتنه نردلكم بتكم
ماتردوهه جثير العينه عليهه هنااايه
- هيييييي جلبببببب بالله العظيم لو شعره منهه تنطخ اكلبن بيكم هالكااااع
- جا خف ايدك وطلع زلمتنه ونتفاهم
- والله لاجيبن راسكم لو تنزحون لسابع سمه

سد الخط وانه هديت عليه ..
- منييييين هذوووووول شيييخ حرمتي بيااا ايد صارررررت فهمننننني
- كواوووويد يالنوااكيص تعدون عله شمستي والله لاكص هالايد الكضتهه والله
- لك خووووويه بنتتتتتتي ويييييين
- عممممممممي بس كلييييي مننننين هذووول
مننننييييين
- هالسكايط بيت حمود الفصلناهم كبل اسبوعين
- وشلهم غرررض بيييينه بعد
- موش انه تكاومت وياهم عله سالفه ابنهم هذيج
رديت وره الفصل عرفت جبير راس المهربين بين هالحدود هوه عمهم دزيت جماعه للاستخبارات واجوي كضوه وخذوه للسجن عكب باجر عله اساس نروح نشهد بالمحكمه وانه عندي صور عليه و زلمه يشهد هساع يردوني اسكت عليه
واطلعه
- عوفهم شيخ كلشي عوفه ربى اغلى من كل شي
مانساوم بيهه شيخنه
- لااااا موش انه الاتنازل واخلي حك الوادم يضيع
- لانننننعل ابو الحككككك حرمتتتتي بيد الغرررب شيييييييخ لاتسوددددني دخيل جدك
- خووووويه واليرحم اهلك ردهه ليه ماضل حيل اكف عليه هالدم مايمشي بعروكي تيبس
- بوووويه افهموووو تناززززل صعب تردوني اجذب جدام خلك الله واطب القران جذب !!!
- جا تريددد تضيعن البببببببت استغفرررر الله دخيلك ياربييييي منين طلعتلييي هاااااي
- يا حاتم وياشهااااب نذر علي هالعكال ماينحط عله هالرااااس لو مارديتهه سالمه لبيتهه
وحك الحك مااتسمى شيخ وازينن هالشارب لو مارديتهه بس اصبرو علي وانه اجيبنهه هاي عزيزه روحي ماافرطن بيهه لجن احنه موش زلام تنزل روسهه للمخانيث
- شلووووون تردههه فهمننننني شلون
- رباط السالفه كلهه يم هاذ العار خلني اعرفن شعنده بالاول ومنه نندلهم

هالفصل صار لين جان واحد من ولدهم طاك ولد عمي عمران ومكسر رجليه جيف ماراضي يمشي وياه للبزل وهوه الولد صغير بعده عمره ١٢سنه
فصارت الكعده وفصلوهم وره جم يوم طشت سالفتهم بالديره عاد شالو من هالسلف لجن سالفه زلمتهم اليهرب هاي مانعرفهه الا هالساع سمعناهه
ضلينه نحاول ويه الشيخ مارضى يكول الحك حك
لو ننصاع بالتهديد عليش تسمينه رجال !!!
نروح ونرد بنتنه من عيونهم مايكف بوجهنه هالمخانيث ...

هالليله محد نام كلهه كاعده عله اعصابهه انه ضليت كاعد بالحديقه وكاض راسي واضرب عليه نااار شابه بيه شيطفيهه وبنيتي بيد الهمج هذول ويعاينون ليهه وكضو جسمهه تسودنت لا خليت شي ماكسرته ولا ركدت بمجان اروح واجي شيجيب الصبح وامشي ادورن مجانهم ....

بس طلع الفجر رحت لبيت الشيخ ولكيته كاعد يدخن وصافن انه من زمان ماشايفه كاض الجكاره بايده ...
- شيييخ
- اكرب ياشهاب اكرب
- واليرحم اهلك دليني مجانهم انه لو اضل كاعد ساعه الثانيه اتسودن بعلي ماكدر اكعد وانتظر فرج الله
- ماجذب عليك لجن ديرتهم المشو ليهه ماعرفنهه
- لااااااااا ياربيييييييي دخيلك
- دزيت جماعه يجيبون مجانهم بس تهدا واصبر
- شهددددااااا شيخ حرمتتتتي هناك بيدهم يعاينون لطولهه شيهدييييييننننننننني ماي الله كله مايطفي ناري عليهه هالساع
- حكك والله يابويه حكك لجن شني البيدي عليكم
هاي انه محترج مثلكم ادعي التسهيل من ربك

كعدت وكاض راسي وادعي ربي يردها ليه سالمه هدو عشيره باكملهه من خذوهه كلهه واكفه عله رجولهه من البارحه محد منهم نام ولا ركد كلهه تركض هنا وهنا وسلاحهم بيدهم ...
للساعه سبعه الصبح امهه طاحت وخذوهه للمستشفى ضغطهه معلك ... انه ويه الشيخ ضليت
ساعه اصيح عليه وساعه امشي وياه تسودنت وهوه هادي لجن هدوء هاذ يخوف من عيونه باين ناوي النيه لجن جلماته هاديه ...

للعصر خابرني ولد عله الماسنجر مالحكت ارد عليه طبيت عله محادثته وجان دازلي صوره
بيهه الولد منتجي عله سياره جارجر سوده جان عاينت كاتبلي ...
ركز بالصوره زين هذيج سيارته موجوده
رديت عاينت وكبرت الصوره زين مبينه سيارته الصفره وطالع طارف شبقته .. كبل خابرته
- هااا خويه
- هلا خويه
- كلي شني هاي ومنين هالولد فهمني دخيل ربك
- احنه ولد الاقسام بارحه بالليل سمعنه بسالفه البنيه واحنه مااضم عليك بس عينه على كل البنات نعرفهن وين يروحن ويجن فمن كالو عليهه كلنه نقهرنا وضلينه نسال بقيه الولد وجان واحد منهم
كال شافهه صاعده بالخط وهو جان ياخذ صور وهاي صوره دزيتهه الك يعني البنيه راحت وياه واحنه واثقين من تربيتهه واخلاقهه عشره سنين ونعرف الطير اليطير بالكليه وماصار اي حادث او اي شي كدام كليتنه البارحه ولا جان كالولك عليه الحرس
- الله يبشرك ويبرد كلبك ياخويه مشكوور والله وكفتكم هاي مانساهه
- لا خويه واجبنه هاذ وهم اخيتنه هي الله يشهد شبعنه قهر من سمعنه لهسه ان شاء الله تساعدكم وتلكوهه وتره الولد هذاك وينه مبين ملعب
- انه شكي جان بمجانه مشكور ياخوي ماكصرت
بميزان حسناتك ان شاء الله
- ان شاء الله ترجعلكم بسلامه

سديته ومشيت للشيخ كبل شوفته الصوره وحجيتله شكال الولد .. صحت عله ولد عمنه حته نمشي نجيب هالعار وماخلانه الشيخ ..
- شهاب لاتتعبني افهم هاذ هوه الي يوصلنه ليهم
- شيييييخ ماااسكت انه ماعرفن صبر بيهه دخيلك خلني امشي اشحطه واشوفن شلون يجذب بعد
- بسسسس اسمعنننني لاتعاند افههههم الي اكولنه
هاذ راح يمشي ليهم ويروح للمجان الماخذينهه بي
اذا خذيناه هساع راح نخسر كلشي لا تخربهه اركد عاد
- ااااااااه رببببببي صبببببرك الهييييييي

ضليت كاعد واصرخ انهاررريت ماضل بيه صبر
عاد كمت اخذت محمد وطلعنه رحنه نلحكه وضلينه طابكين براس شارعهم وهمه من بارحه ولد عمنه هم مافارجوه وعرفو بي ماطلع من بيتهم
ولليوم هوه بعده جوه ماطلع ..
ضلينه لليل  ودز علينه الشيخ رحنه ليهم وجان نشوف الامه مكلوبه وصياد كاعد ويدك عله راسه
تالي طلع بنت صياد عمرهه اربع سنين هم مختفيه
من المغرب يدورون عليهه ومالهه اثر ...
السلف كله نكلب بالصياح والبجي والشيخ ماتراجع بجلمته لا يخلينه نجيب هاذ ولا نتحرك كبت العيطه بينه وهوه ماحجه غير ...
المايثك بيه لا يكف جدامي بعد

كلهه سكتت عاد ورد الشيخ خابر الرقم هذاك ومغلق عاد نفس الوكت هم ب ١١ خابرو
كبل فتح السبيكر واشر للكل تسكت ..
- هاا يالشيخ شلوووونك
- البنوات وينهن
- نايمات ههههه هم نعرف نوجب الضيف احنه لا عبالك بس انتو اهل الضيافه والكرم .. اشوفنك
ساكت ومامهتم بله الجبيره فهمنه ماتردوهه والصغيره هم !!
- انته جاي تعلك النار بثوبك وماتدري بروحك
- ههههههاااااي  خلي هالسوالف تفيدك باجر الجماعه ينتظروك بالمحكمه واريدنك تسوي الواجب زييين ولا ماعلينه بعد باليصير عدنه اثنين جنهن ورد مفتح بكلشي يفيدن

كبل سده الشيخ وراح طلع ... طلعت وراه وسمعته يخابر عاد كمل ورحت ليه ..
- شيخنننه والتاااالي شلون المحكمه باجر
- لاا هالساع انه خابرت المحامي وراح يتصرف
ويحاول ياجل الجلسه
- والبنوووات شلووون هذول الهم ايد ثانيه هنايه بالسلف موش بس هذاك المنعول عبن ماطلع من بيتهم من بارحه
- لاكصصهن كلهن بس اصبر علي لاتشلشني
امشو وخلو عينكم عليه هساع بس يسمعون تاجلت الجلسه راح يطلع حسهم وهاي فرصتنه لا تضيعوهه فهمممت
- ان شاء الله

رديت اخذت الولد ومشينه لبيتهم توزعنه كل اثنين من طرف وجابلنه هالبيت من نص الليل للصبح
وره الصلاه عاينته طلع بسيارته خليناه يمشي وبعدين مشينه وراه وتالي طلع رايح لعلوه
دزيت وراه اثنين من ولد عموه وانه ومحمد ردينه للبيت ..

صار يومين لا اكل لا نوم بس حريج بهالروح
طبيت لحجرتي تمددت وضليت اكلب بصورنا
واتذكر كعداتنه وطلعاتنه وحضنهه .. بنت مثلهه ماتنسي لا والله ...
حطيت ايدي عله عيوني ولساعني اهجس جن كلبهه يدك بايدي ... صرت اناجي ربي يدليني عليهه ماضل صبر بعد يحمل فراكهه ازيد من هيج

غفيت شويه واجتي زهره كعدتني تكول الشيخ يريدك ... كمت رحت ليه وجان يكلي ..
- شهاب تمشي تجيب هالخنيث هساع
- خييير شيخ شني الصار
- هالجلاب موش سمعو المحكمه تاجلت خابر يهدد بالبنوات .. امش جيبوه ليه امششش

ركضت خابرت عله الولد وكالو بعدهم يمشون وراه وطالعين عله درب الناصريه .. خذيت محمد وصياد ولحكناهم ....

جنه كلساع نتخابر ويدلونه عله المجان الي يمشون ليه لحد ما وصلناهم نزلنه وحاجيت واحد من الولد
- وين يابيت الفات ليه!
- الي بصف المحل نروح نداهمهم !
- لااا خلي نصبر شويه ونشوف يجوز احد يجي او احد يطلع
- ماشي خلي نرجع للسياره

رجعنه كلمن بسيارته وانه كلساع اوافي الشيخ بكل خطوه .. وره شويه انه صافن عله البيت وجان هجست بصوت قووووي باذني كبل كضيت راسي
ودخت اذاني صفرت وتشوش نظري لشويه وعاينت الباب مال البيت نفتحت وطلعت مره بطرك ثوبهه وتصارخ وهاذ العار وياهه هم يزحف ويتراجف ويعاين وراه انه بالكوه كدرت انزل بعدني ممتوازن مادري شني الصارلي
الولد كلهه مشت طبت للبيت .. وانه ضليت اعاين
ليه اشوفنه ينكت بروحه والوادم التمت عليه
عاد طلعو ولد عمي وكضوهم وانه مشيت للبيت طبيت واعاين صياد حاضن بنته وهيه تبجي وربى
جانت متربطه ايديهه ورجليهه لجن جسمهه متيبس وعيونهه فاجتهن وحمررررر دم غاديات رحت ليهه احاجيهه وافج بايدهه ماترد ولا حته تعاين ليه
عاينت بايدهه طكع زرك يم الوريد وعاينت ابر مشمره بالكاع والسرنجات تسودنت ضليت اضرب عله وجهه اريد منهه جلمه ولو حته صوت مامش
اجيت اشيلهه ماكدرت جسمهه متيبس عاد محمد شالهه من رجليهه وانه من اديهه وطلعنه جان اعاين زلام اثنين يتعاركون ويه ولد عمنه ولشويه وتدخلو زلم من بره وطاحو عليهم ... احنه مشينه للسياره وصياد ورانه لحكنه شايل بنته ويركض
كبل مانمشي دزيت محمد يلم كل الابر ويجي

خابرت الشيخ وحجيتله الصار كال جيبوهم وتعالو هنايه مارضى ناخذهم مستشفى ..
وصلنه عاد السلف و ويانه هالعار والمره نزلوهم ولد عمنه وهمه مثل المسودنين يملخون بروحهم
ويتمرغلون بهالكاع ... ذبوهم بنص الديوان
وربى خذيناهه لحجرتي وهيه نفس الحال التغير بس غمضت عينهه لجن هالجسم متيبس صاكه ايدهه اريدن افتح اصابيعهه بالكوه اجر الواحد تالي كلت لايصيرن ليهه شي عفتهن ..

اجوي اهلهه يبوسون بيهه ويردون يصحونهه مامش فايده ... طب الشيخ ليهه باس راسهه وعاينهه هالشكل كبل كلت ليه ..
- شيخنه امشينه نحجي بره

طلعنه لحجره جدتي وطلعت ليه الابر ..
- هذني لكيناهن مشمرات بالكاع يمهن اخافن حاله ربى بسبتهن ياشيخ
- لانننننعل شرفهممممم لك اخافن هاي مخدرات !!!! وروحو البت بيهه
- لااااا الله لايكولهه اشرب من دمهم وعلي اذا صدك .. انه راح اخذهن للمختبر اشوفن شني هذني واجيبن دكتور واجيهه حالته موش مال مستشفى تصير لينه لغوه زايده
- ايي اييي موش مال نطلعهه من هنايه امش يلا تعجل خذ وياك زلام لا تمشي بروحك
- ان شاء الله عينكم عليهه شيخ

مشيت وخذيت وياي اربع من ولد عمنه ورحت للولايه عله ابو المختبر الي جنت اشتغل وياه كبل
خذيته عله جهه وفهمته الوضع ووصيته بس تطلع النتايج يخابرني وهوه ماكصر خذاهن وانطاني عنوان دكتور من معارفهم عاد كبل رحت ليه
حاجيته وانتخيته كالي بس اكمل هالمراجعين
جانو اربعه ضالين ضليت انتظره لحد ماخلصهم
وجان اطب عليه لكيته كاعد يحضر بجنطته عاد مشينه كبل للسلف وانه بالدرب حجيتله كلشي
وكالي زين ماخذتوهه لهالمستشفيات جان طيحو حضهه بالابر بدل ماينفعوهه ....

وصلنه وضلينه بالحجره بس انه وياه والشيخ
كعد فحصهه وشاف اثار ايديهه عاد سحب دم منهه وكال دزوه لاكرب مختبر .. خذيته نطيته لمحمد
ورديت ليهم .. جان يريد يفج اصابعهه وشافهن متيبسات ورجليهه يثنيهه .. وركبتهه يحركهه وهيه عله ضله الوحده يابسه ...
عاد كال ...
- هاي حاله من تصلب بالاعصاب لكل الجسم اكيد مرت فد موقف قوي بحيث جان رد فعلهه قوي بهالشكل
- وشلون بهالحال !
- صدكني افضل واسرع حل علاج طبيعي شوفولكم مركز متخصص بي وخلي يرجع الليونه للعصب والعضلات هاي المتشنجه لا تنطوهه ادويه ولا اي حبوب لان بعدهه صغيره ومعدتهه تتعب بهيج حبوب قويه وهيه بلايه اكل ومراح تكدر تاكل فجها صاكته شكد مابيدكم استعجلو والكو معالج طبيعي يتكفل بحالتهه
- ان شاء الله .. لجن مابيهه شي ثاني يعني بس يروح هالتشنج ترد بعافيه كبل
- باذن الله .. بس بقى خلي نشوف التحاليل حته نفهم شضاربيهه من ابر ونتصرف

ماتحملت اشوفنهه هيج مشيت كبل طلعت رحت لليدوان وجريت هالعار خنكته واشيل واركع بي بهالحياطين تالي طيحته بالكاع وجريت شعره وكبل ماحجي شي هوه كال ..
- خلصنننني منهه خلصني
- شني الصاااااار هناك
- بيهه شي بتكم والله حتموتني حتموتنننني خلصني اذبحني لاتخليهه تجيني اذبحني اذبحني

ضل يصارخ ويمرغل بروحه كمت منه واعاين ليه شني اليحجي هاذ!!!
عاينت المره هذيج وينهه حاصره روحهه بالزويه وترجف رحت ليهه وكلتلهه ...
- تحجين الصار كله لا اكطعج وصل هسه هنايه اكسرن متونج
- ماعليه بشي رجعوني لاهلي ماعليه اي ماعليه
- احججججججججي جلبببببه هيييي عااااااار احجججي ومحمد هسه اكسرن فججج واحفر كبرج هنااااايه ماخلي تعدي عليج هالليله
- اي اي
- اهلج وييييين
- شالو وياهم
- ويه بيت حمود
-اي وياهم
- شتصيرين من هالكديش هاذ
- مرته
- خوووووش والله خوووش تخططون سوه خوش عصابه شستفاديوووو منه خطفهمممم
- نطانه بيت هذا الجنه بي
- وشصار هناك عليش طلعتو هيج مفزوعين
- اجانه خنكنه  والله وحشش مادري شني هاذ جان مادري مااادري ردوني لاهلييييي ردووووني
- شنننننني هوه الخنكم احجججي منهو هاااذ
- هيه كله منهه بيهه شي والله بيهه شي اااي بيهه شيطان هاي الشكره شيطان بيهه شر تموت اليصلهه ماكدر عليهه كلشي ماياذيهه هاي شيطان شيطاااان شيطااااااان

ضلت تصارخ جان ادفرهه وسكتت ضلت بس تبجي رحت عاينت للعار هاذ يهلوس بمدري شني
طلعت وعفتهم وضليت صافن بحجيهم واتذكر الصار .. اكيد اكو شي صار هناك وخلاهم هيج مفزوعين !!!!
رديت ليهه شفتهه عله حطتهه والدكتور كاعد يقرا بالتحليل جان يكول ..
- نظيف مابي شي  سوو الوصيتكم عليه

اخذه الشيخ يوصله لبره وانه اخذت التحليل قريته
جان بي بس نوع من المواد الي دائماً تستخدم بالمنومات والمهدئات بس الباقي كله طبيعي

رحت كعدت يم راسهه وبستهه وتكربت ليم اذنهه
- يارويحتي مالي عيشه بلياج لا تكسرين بيه
تكوي ولا تخافين انه عندج ماخلي بشر يصلج بس سمعيني صوتج حبيبتي يانور عيني انتي لاتخافين موش وحدج بظلمتج انه عندج بس حطي ايدج بايدي لا تستسلمين

اجتي امهه ضلت كاعده يمهه تغسللهه ورادت تبدل ملابسهه طلعت انه ورحت كعدت يم الشيخ واثنينه صافنين وحايرين بامرنه .. عاد كالي ...
- لا تضل تصفن يمي امشي دورلهه عله دكتور
شوف بكل مجان عسى ما تسفرهه بره كلشي الجان بس ماريدن اشوفنهه هالشكل
- راح امشي لبغداد واخذ وليد واشوفن ياهوه الزين واجيبه لجن السالفه ماتنسدهالشكل شيخ
- هاي انه اتكفل بيهه انته عليك علاجهه والحك انه اخذه .. عاين عكالي لهساعني  مالبسته عبنهه ماردت سالمه وماحطه عله راسي الا وانه ماخذ حكهه واشوفنهه ترد ليهه عافيتهه .. امش وخلهه علي انه اعرفن شلون اطيحنهم بجهنم
- ماتكصر شيخنه ..اودعناك

انه كمت مشيت خطوتين وعاينت سياره تكسي طبكت جدامنه وجان ينزل منهه بسام عاينت ليه
ضل صافن بوجهي شويه وبعدين مشه طب لبيتنه
مشيت وراه وشفته راح كعد يم امه حضنهه وضلت عينه عله ربى .. راح باس راسهه وضل حاط ايده عله شعرهه ويعاينلهه ...

اجه الشيخ وسلم عليه وضضل يحجيله شني الصار
انه مشيت اخذت ملابس وطلعت بدلت واجيت ليهم وكفت يمهه وتلمست خدهه وعاينت اجه عمي وابوي وخرت منهه ..ودعتهم ومشيت لبغداد
جنت متفق ويه وليد يتحضر حته كبل نمشي

من وصلته كبل طلعنه لمركز علاج طبيعي بالكراده ابوه مدلي عليه .. رحنه حجينه وياهم ورادو نجيبهه حجينه ليهم حالتهه ومانكدر نطلعهه هيج و ضاعفنه ليهم السعر لكل جلسه عاد دزو اثنين ويانه ..انتظرناهم بره لحد مالمو غراضهم واجوي وطلعنه كبل للعماره ....

كبل مانصل انطيتهم خبر يحضرون عشه ويفرغون الحجره ...
وصلنه وضيفناهم بالاول وبعدين خذيتهم ليهه
شافو حالتهه وتالي واحد منهم ضل يطلع من الجنطه مجموعه زيوت .. وكال نوموهه عله بطنهه ... رفعت حجابهه من ركبتهه وضل يدهن الركبه ومركز عله الفقرات ويحرك بيهه منا ومنا
عافهه ساعتين ورد رجع هم يدهنهه وضل هيج كل ساعتين يدهنهه لحد ماطكت ركبته يلا عافهه

وصانه ندهن كل جسمهه ونشبعه بهالزيت ونغطيهه بجم بطانيه وانطاني اسم جهاز كال هاذ جيبوه من الكراده مايكلفكم هواي ويفيدهه

نامو الليله يمنه وثاني يوم من الصبح اخذهم وليد وصلهم لاهلهم ...

جنت كل مااشوفنهه اضوك الف ويل عله حالهه
اجتي امهه تريد ادهنلهه جسمهه ووياهه زهره
شفتهن مايدبرنهه عدل كلتلهن ..
- عوفنهه موش هيج
- ها خويه جا شلون
- ماعليج هديهه انه ادهنلهه
- خويه شني سالفه
- لا ابني اني اسويلهه مايصير انته
- شننننني الي مايصير عمه !! تراهه حرمتي لاتنسين محلله علي  عوفنهه ومن رخصتجن

امهه كامت تأفف ومشت وهيه ادردم ماهميتلهه
طلعن كفلت الباب واجيت ليهه جانت مفتحه عيونهه بس ذابله جن مابيهه حياه حته ماتعاينلي

كعدت بسدهه وتلمست وجهه ودرته علي ..
- حبيبتي رويحتي ادري بيج تعبانه افهمج وافهم خوفج احس بيج يانظر عيني انتي لا عبالج اخليج وحدج بظلمتج وتعبج هاذ انه وياج مااهدج وياج يرويحتي لاتخافين من شي اذكري الله وتعوذي من الشيطان وتطمني انتي بامان .. راح ادهنلج جسمج واعرفن بيج تستحين فراح اطفي الضوا

بستهه ورحت طفيت الضوا وخليت البرده بس ع التول ... اجيت نزعتهه كل هدومهه ومليت جسمهه بالزيت واول مابديت بظهرهه شبر شبر فرجته وبعدين ايدهه من الجتف للاصابع كلهن افرجهن بالبدايه بلين وبعدين اضغط عليهن واكوم احركهن وشكد ماتعب بيهن بعدهن عله حطتهن
رجليهه نفس الشي احركهه علكيف ارفعهه وادهنهه وجف رجلهه اضغط عليه وافرجه واصابعهه ورديت النوب عله ركبتهه وحته فجهه هم سويتله مساج ووره اذنهه وراسهه ..
مسحت ايدي وكعدت يم راسهه العب بشعرهه واحاجيهه ..
- لو تدرين شكثر خفت عليج يومين انه ماعرفت هالنوم شلونه لا اكل ولا شرب فريت عليج بغداد كلهه وبالف ياعلي وصلتلج .. عاونيني ربى وعيني نفسج ماعرفنج ضعيفه هيج .. اريدنج بس تنسين الصار وتحطين ايدج بايدي وانه اطلعج من كل هاذ وحك عينج انسيج كلشي صار بس رجعي وسمعيني صوتج حبيبتي جاي اموتن الف موته بشوفتج هيج اترجااج وانه هاي اول مره اترجاج بشي ..لا تحرميني منج هالشكل كلبي معتلج بنار عليج مايطفى ليوم تردن ضحكتج وصوتج الشجي

عله حالهه ماعرفن شني الجاي تفكر بي وشني الصار هناك بالضبط وخلاهه هيج تصل لهالمرحله من التعب ....
غطيتهه ببطانيتين وطفيت المبرده بقيت بس البنكه
حته جسمهه يعرك ويلين شويه ... خذيت ملابس بدلت واخذت محفظتي واجيت ليهه بست راسهه وكلتلهه ..
- راح اطلع لبغداد اجيبلج الجهاز اريدنج تفكرين بحجيي بدل هالخوف الي عايشه بي

طلعت ووصيتهم يديرون بالهم عليهه ... خذيت وليد ومشينه لبغداد .... هناك افترينا جم محل ولكينه هالجهاز علمنه عليه شلون يشتغل وسألته شعنده بعد اجهزه مساج .. نطاني واحد يصير بي ثلاث طوبات خفيفه هاي من تشتغل تضل تتحرك سريع وتفرج المجان الي عليه جربتهه عله وليد ضل يضحك ويكلي تريح اخذهه ...
عاد خذيته ويه هذاك الجهاز الحراري جان جبير
موش مثل هاذ الثاني يصير هيج يدوي صغير

خذيناهن ورحت وصلته لبيته وانه طلعت للعماره
خذيت الجهاز الصغير جربته عله ظهرهه وخليته زهره تضل تمشي عليهه .. ورحت للشيخ
شفته كاعد وصافن وبيده جكارته وعكاله مشمور كل عمري ماشفته هالسكل مكسور ومبين عليه الضعف .... جيت كعدت يمه ...
- كواك الله شيخنه
- الله يكويك
- رحت جبت الاجهزه وهالساع مشغليهن ليهه
-اي زين
- شيخ شصار عله سالفتهم شسويت ليهم
- بيت هالخنيث مشو بطرك هدومهم ولا سألو عليهم ولا دورو .. عاد خذيناهم لمركز الشرطه وحجينه كل الصار حبسوهم واليوم اجاني تلفون منهم كالو الولد مات ضال يصارخ الليل كله ويهلوس لحد ماصبح الصبح لكوه ميت
- جزاااه عند ربه
- والمره كالو اهله رايدين يطلعوهه بكفاله وحاطين محامي بس سالفتهم تطول عبن انه شبعتهم فلوس لحد ما بعد مايكدرون يمشون خطوه بلايه مايدكون تلفون علي
- اي كلش زين وين الله وتكضي عمرهه بالحبوس
وهذولاك راس البليه وينهم !! ماعرفت عليهم شي
-يجيهم السره هساع ضامين روسهم لجن وكت المحكمه راح يطلعون وضاملهم خوش ضميمه
خلهم يامنون هالساع وتالي اصيدنهم
- ان شاء الله .. يطيحون شيخنه مايوفكهم الله
يطيحون
- الله كريم
- شني الشاغل بالك شيخنه؟
- تذكر وكت طيحه ربى بالماي
- ايي
- هاي انه جنت اريدن يصير ذاك الحدث الي تطيحن بي بشده وظلمه وتلكه من ينجدهه لجن
انه ماحسبت هالزمن محضر لطيحتهه الاكبر
جان هاذ كله مفتعل موش المكتوب ليهه وهالساع دار الزمن ورد ذاك المنام صار حكيكه وصرت اشوفنهه بظلمتهه تصيح ومحدن يسمعهه
- صدكت ياشيخ والله ماجنه محسبين لهاليوم
انه هالساع من اعاين بعيونهه اشوفنهه فارغه
جنهه ماتشوف بالله هيج اهجسهه
- انه ادري الصار ليهه موش بالهين واعرفنهه تعبت وطيحتهه هاي موش مثل اي طيحه كبل
هاي المره ياتعيش ياتموت علتهه موش بجسمهه
علتهه بروحهه ياشهاب ماظنك ماتدري هالشي
- اييييي اييي اعرفنهه ياشيخ اعرفن هالساع روحهه موش ويانه باين عليهه والله لساعني مانسيت هذيج نظرتهه جانت عيونهه حمر ماعرفت شني الصار ليهه هالشكل خلاهه !!
- ياذوهه ياشهاب هالربى مسكينه وعلي لايغرك غرورهه وهاذ البرود والي يشوفنهه ويسمع بطاريهه يحسدهه عله هالعيشه والدلال والفلوس
لجن مايدرون بالساكن صدرهه من هموم
- احجيلي شيخ شني الضامته. ! انه ياما سألتهه
وتكلي من اطيب احجيلك وما لحكت تهنى بعافيتهه
- هيه من يومهه معلوله يايوم تهنت بعافيتهه
- واليرحم اهلك ياشيخ احجيلي وبرد كلبي
- موش طبعي افشي سر احد هيه لو رادت تحجيلك
انه ان حجيت عيبه تصيرن علي
- لا ياشيخ محشوم لجن غير افهمن علتهه واعرفن شلون اعالجهه
- وحك الحك لو انه اعرفن باليعالجهه ماتلكاني اصفك بهالادين لجن هاذ امر ربك كلشي مكدر ومكتوب علينه الرضا والحمد مابيدنه شي
- شيييييخ انه ماعرفن استسلم وياهه لو شني الي بيهه يصيرن ولو علاجهه لساعه مانخلك ماهدنهه
واضل اتفرج عليهه وهيه تضيعن من ايدي انه جبتهه بالويل والحسره سنين انه شبعت ضيم وحريج وبالف نخوه ونذر يلا حصلتهه موش عاد هالساع بسبت هالخنايث هذول اخسرنهه
- كفو والله هالساع انه تريح كلبي عبن انته الوحيد الي تكدر تردنهه انه وحبي ومعزتي ليهه واستسلمت جدام امر الله لجن انته تختلف عني
انته عاشك والعاشك مايعرفن المستحيل والخسران
- اردنهه ياشيخ وحك الحط هالنفس بيه اردنهه جانت سنين تحلم بيه لهيج يوم ماخيبن ظنهه واعوفنهه بشدتهه
- سوي كل الي تريده لجن اوصيك وصيه
- اي شني هالوصيه !
- لا تخلي يمرن عليك اليوم وانته موش عله وضوء من هاليوم لاخر هالعمر ضلك حافظ هالوصيه
- بعون الله تضل محفوظه

وره شويه كمت ورحت توضيت وصليت ركعتين حمد وشكر لله لين ردهه لينه وركعتين بنيه التسهيل
وضليت كل اليوم انه عله وضوء ...

بالليل هم رديت دهنتلهه كل جسمهه وشغلت الجهاز الحراري ليهه وضليت مجابلهه وكاعد
اشوفن جسمهه جنه كطن ومرتب لجن كل هالجمال مابيه حياه .. بلايه صوتهه وضحكتهه شني يسوه هالجمال !! يكسر الخاطر هيج والله ...

وره ساعتين اخذتهه امهه تسبحهه ووصيتهه تخليهه جوه الماي الحار شويه وبعدين تغسللهه
ضليت بالحجره صافن بحالهه وشني اللازم اسوي ليهه ؟؟؟؟؟

ماخليت احد ينام يمهه غيري صح حصلت كومه حجي منهم لجن الي براسي اسويهه .. عبن انه محتاج اضلن وياهه وحدي هيه محتاجه الي موش لغيري ..

كفلت الباب ونزعت ملابسي ضليت بالفانيله والشورت وهيه هم بدلتلهه ولبستهه ثوب هيج صلوخ كصير لكيته بجنطتهه ...

طفيت الضوا واجيت تمددت بسدهه وخليت راسهه عله ايدي وحضنتهه وضليت امسد عله شعرهه
وابوسن اصابع ايدهه وجسمي ملازك لجسمهه
كلتلهه ..
- تذكرين هذيج المره من نطيتج المنوم وضليت منومج بحضني يومين .. تذكرين شكد جنتي مرتاحه ونايمه بامااان وما كعدج شي .. هساع هاذ نفس الحضن ياحبيبه ونفس الامان هذاك موش جنتي تكليلي جنهه غيمه  ناعمه ودافيه تخيليهه
هالساع انتي بيهه .. انه اسمعج وافهمج ولو ماتحجين شي كلبي يكلي ويفهمني انتي شني التردينه افهمن روحج متاذيه وجسمج تعب تعب هوااي تعب اعرفن يارويحتي لجن انه اعرفن حبيبتي كويه وانه شاد الظهر بيهه ماتطيح لين تدري بطيحتهه طيحتي تصير اعرفنهه ماتهاب بس  ربهه وتعرف تحكم بخوفهه وعكلهه بنت شيوخ ما يهزهه الخوف ولو ضعفت وضاكت بيهه الحيله تعرفن بظهرهه رجال الي تحميهه .. انه يمج روحي فدا لروحج ماعزن شي عليج بس رجاي منج لاتستسلمين اخذي وكتج ارتاحي وردي ليه رديلي هذيج الضحكه ياربى انه بدونج مااهوى
شي

ميلت راسهه ليه وانه هجست جن هالحركه هاي
ردتلي روحي عرفتهه واعيه وياي وتسمعني بكل شي .. نطتني حافز اكثر حته اضلن الح وياهه ومافكد الامل ...
.
.
يتبع

توقعكم !! راح يكدر يرجعهه شهاب لو تضل هيج !