رواية من فجر ديسمبر الفصل التاسع والثلاثون 39 - بقلم Zoka 🌷

من فجر ديسمبر
🍁
🍁
- حااااااتم اممممش وياه وجيبو البت
- شييييخ شني هيه بالكووووووه
- اااااي بالكووووه عبن سالفتك عوجه الزلمه كلك هاااذ شرط عليش تغدر بي الحك ويااااه امشش يلاا بلايه فضاااايح جيبو البت وسدو هالسالفه
- خووويه انه مارووووحن وياه شني يمشي جلمته عليييي !!
-  لاحول الله ...حيييدر امش بويه ويه شهاب جيبو اختكم
- صار شيخ
- ارجع ونتحاسب ماعبالكم اسكتن بجيتهه

كلتهه ومشيت لبيتنه اخذت السويج وابوي طلع وراي يصيح عفته ومشيت وصعد وياي حيدر
الدرب كله هوه ساكت وانه اصيح عله كلشي يمر جدامي ...
دلاني بيتهم ووكفت السياره بالباب وكتله ..
- انزل صيح اختك خلي تجيني بساااع
- طب جوه وحاجيهه
- لاتسودني انته الثاني صيحهه وماعليك انه ماعتب هالبيت يلاا

نزل وهوه يتافف وانه ضليت كاعد بالسياره وانتظرهه تجي تالي طلعت ولابسه ثوب ازبري ومخصر جسمهه صاير جنه مال سمجه وبالكعب اطكطك وهذاك المكياج ولابسه شالهه اجتي فتحت
باب الصدر وصعدت وبكل هداوه كالت..
- شلونك شهاب

انه مارديتلهه كبل شخطت السياره ومشيت وهيه كامت تصيح ..
- هاااي وين رايح شبيك تخبلت شهااااب
- انتتتتتتي شننننني فهمييييييني عليييييش تكسرين جلمتتتتتتي هييييج موش كايل ماتصلييين بيت هالسم هاااااذ شلووووون تطلعيييييييييييييين
- بيت خالي شبيك واليوم عيد ميلاد بنت خالي
ومسوين حفله وعازمين كل بيت جدي
- خرررررب باهلج وجددددج هذاك المصكوع مووووش هنايه وحاط عينه عليج وانتتتتي شمصخمه بنفسسسسج شمخربطه بوجهج هييييج
- لتغللللط شجااااك شهاااب
- شووووفي روحج شتسوييييين بيه وتجيني ليييش اغللللط ... تنجبييييين وتحمليييين كلشي .. شهالللللبس ملزكته عله جسمج عفيييييه عفييييه ببنت عمي والله عفيييه هيج انه موصيييييج توارين بروحج للكوااااد هذااااك هييييج انه مووووصيج وييييين وعدج ووووين جلمتتتتتتج احججججججي
- اهدء كاافي صياح كاافي
- حاااااجيننننني لاتضللييييين تهررررربين
- لك الولد خطب خطططططب ميدورني بعد
كااافي عفيه خبلتنننني شلوووون يعني اضل حابسه نفسسسسي كافي بزعتوني
- واااذااا خطب هاااااذ عينه عليج تعرفين بي يريدج وبنفسه انتي علييييش تحطين نفسج جدامه
عليييييييش ماااتسمعييييين  جلمتي ليمتى تضلين هالشكل ويااااااي يرررررربى ليمتتتتتى
- لحد ماااموت واخلص منك كافي كرهتني عيشتي رجعنننننني لامي رجعننننني وين ماااخذني شهاااااب
- خررررررررب بشهاااااااااااب انجبببببي
- لك وكف السياره كااافي لاتروحنه وكفههه

جانت ايدي ترجف من الاعصاب وجني انعميت خفت لاصدك اروح اكلبهه عاد طبكت ..
- اااانته شبييييك وياااي شبيييك جايني مناك متخبل عليه هسه هيج فشلت كدام بيت جدددي شيكولون وين رحت هيج موووعيب مووووعيب شهاااب ميصير هيج هسه ابويه يذبحني بس يدري هيج طالعين لك رجعني رجعنننننني لتسويلي مصيبه
رجعننننني شهاااب

جانت ادمع عينهه وتصيح رجعني وانه منا محروك اهلي وغادي نار اعرف مايطفيني غيرهه
عاد كربت ليهه وهستوني طخيت شفتهه دفعتني
ورفعت ايدهه عاد كضيتهه وجريتهه لويتهه وخليتهه وره ظهرهه وشياطين كلهه تربعت برااااسي

- هااااالايد التنمددددد عليييييي اكسسسررههههه سمممممعتتتتتتتتتتتتتي
- لكك وخررررررر وخرررررر انته شلون تتقرب عليه هييييييج انته متستحي عوووووفني
اكرررهك وتستاهل كلشي لو محترم ماسويهه

جنت انفخ نار موش نفس وانه ضاغط عله سنوني
ووجهي كريب وجهه ومن سمعت حجيهه هاذ
تسودنت ورفعتهه حيل وهيه تعيط وويه هالرفعه لويتهه وكسرتهه وهيه عيطه والدموع تصب عاد دفعتهه ووخرت فتحت الباب ونزلت اضرب بالتايرات واصيح مشيت غاد ورديت رجعت ليمهه
فتحت بابهه وشفتهه كاضه ايدهه اليمنى الي انه كسرتهه وصايره معوجه ومدندله وهيه تصرخ وتبجي اجيت ليمهه جاي اكض ايدهه جان تصيح
- وخررررر لك اكرررررهك اكررررهك لك شمسويتلك وهيج تاااااذيني اللله يااااخذك ويخلصني من كرررررهك هذاااااا
- عليييييش عليييييش تكررررررهيينننننني اااانه تكرررهيني لج انه الي مربعج بهالكلب تكرهيييييني انتيي تجبريني اذذذذذذيج ماتتتتشوفين نفسسسسسج شتسوووووين بييييييه مخليتني بالحررررريج وتجين تبجبجين
- روووووووح ووووولي من ووووووجهي اكررررهك مسوووود عيشتيييييي رووووح الله ياااااخذذذذذذذذك
- هاااااا ترددددديني اموووووووت ززززززين زززززين يربى ززززين

صعدت بالسياره وشخطتهه وكلتلهه ..
- اااااااانه كاااااااايلج من كبل تالينه كاتل ومكتووووول هااااااي نموتن سووووه انتتتتي تحملين هالذنب كلللللله منننننج انتتتتي بديتتتتتي بكلشي انتتتتتتتتي غضضضضضب جيتي بحياااااتي غضضضب بلييييه بليتيني بحبج
- ماااااسووووويتك شي ماسويتلك انته الماترضى تعوفني تنغص عليه كل حيااااتي بسببك اني انحرمت حتى من الشيييخ لتتتتجي تذب الصوج بيه كله من سواااالفك وخباااالك
- هاااااااااااي هسسسسسسه اموووووتن واخلصي منننننننني بس مووتتتتج وياااااي وتضوكين كل مر اضوووووكه ياااااربى كل مررررر تجرعيننننننه مثليييييي

هيه تبجي وتصرخ وانه اسوق بكل سرعتي وانعميت عن كل شي خلتني افقد باعصابي
كل جلمه تزيد فوك ناري ناار
-  لك لتروووووحنه كااااافي شهاااااب لك كااافي خوووفتني هيج كااافي الله يخليك شهااااب لنروح بيهه كااافي لك اسممممعنننننني لتتتخبل كاااافي شهاااااااب

انه جنت اسوق بسرررعه ومااهجس الا طلع جدامي ماطور لفت السياره عله اليمنى وتلافيته
بس سياره ثانيه ضربتنه من وره وفقدت سيطره بيهه وعاد ضربت نص كشك جان عله الدرب
وبهالضربه اثنينه انركعه براسنه والدم يسيل
انه جان حيلي مهدود رفعت راسي اعاينلهه
ساكته وتعاينلي ودمهه ينكط وايدهه شايلتهه ومعوجه بس رغم كلشي هيه ساكته وحته عينهه
ماترمش .. التمو علينه الوادم وضلو يدكون بالجام
عاد فتحت الباب ونزلت انطوني بطل ماي غسلت
وكعدت اعاين للسياره من وره ضربتهه قويه
ومن جدام هم الدعاميه بيهه ضربات ومحل الزلمه
نصه تطشر صناديك الماي والجباسه كلهه تطشرت صحتلهم ...
- ياهو زلمه هالمحل
- اني  خويه فدوه الك
- لااا خويه انه اتعذر واعوضك عليه بس ارد لديرتي هاذ سبابه رزكك وانه كطعت بي اتعذر
خويه
- يمعود المال يتعوض بس اهم شي انتو سالمين
البنيه خما تاذت كوم شوفهه

كمت رحتلهه وجانت مرجعه راسهه وبس تبجي بسكوت فتحت الباب وجبتلهه بطل ماي غسلتلهه
وهيه بس تبجي ونفسهه سريع وتكح عرفت راح تجيهه النوبه لين بدت تجر بالنفس كوه عاد ترخصت من الوادم واخذت رقم الولد ومشيت بيهه
كبل للمستشفى.. اعاينلههكلساعوهيه بدت تحمر
وتختنك ماحجيت شي عبن مالي حيل بعد

وصلت المستشفى نزلت فتحتلهه الباب واخذتهه تجيتهه علي وطببتهه للطوارىء ..
حطولهه الاوكسجين وشويه هدات عاد من رجع
نفسهه زين وكعدت عله حيلهه اخذوهه للاشعه
سولهه لايدهه وضلينه ننتظر وانه اروح واجي
واعاينلهه وكاره كلشي حته هيه كارهه ..

اخذوهه يجبرون ايدهه وانه ماسمع منهه بس الصريخ عاد ماتحملت طبيت حضنت راسهه
وهيه مجلبه بقميصي وتبجي وتصرخ والدكتور جان يعدل ايدهه كبل مايجبرهه ولحد ماكملهه
وبدا يجبر بيهه هيه زرفت بطني باظافرهه
تنبتهن كل ماتصرخ وانه اسكت واتحمل عبنهه
تتاذى وماتدري بشي .. وخرت منهه لحد ماكمل
وجبر ايدهه اخذتهه وطلعت جاي ادفع باقي الفلوس
وجان يخابرني الشيخ ..

- هلا شيخ
- مسافه الدرب والكاك جدامي انته وياهه
- ماشي

سده بوجهي هوه انه عايزني ضل هالشيخ ماهوس فوك راسي ... مشيت ليهه واجيت اكض ايدهه
ونمشي مارضت وخرت مني وهيه بعدهه تمسح
بهالدموع وانه ماحاجيتهه شي .. رحنه صعدنا بالسياره وابوي وعمي حاتم كلساع يدكون ومارد عليهم والنوب صار بسام يدك ويدز بهالرسايل
وهم مارديت عليهم مالي خلك روحي مو عاد هوستهم ...

طول الدرب ساكتين هيه صاده ع الجامه وكلساع تمسح بدموعهه ادري هسه شكو هالبجي ؟؟؟
كل ماريد احاجيهه واكولن لا هسه تضل تجفص بحجيهه وتخليني اسوي بلوه الثانيه واسكت
لحد ماوصلنه للسلف وطبكت جدام الديوان
وجانو اهلنه كلهم بره عاد اول مانزلت اجاني
بسام وكضني من ياختي دفعته وتلاغينه انه وياه
واخوي محمد يفاكك بينه وولد عمي ووليد هم لحد
مالشيخ دز علي يلا عفته وطبيت للديوان
جانت ربى بحضن ابوهه وراسهه ملزك واديهه
مجبره عاد عمي صاح بيه ..
- تمدددد ايدك عله بتتتتتتي يااااااشهاااااب هييييج
جزااااه الززززين ويااااك
- عممي اسالهه شسوت لا تحجي علي اسالهه
شصخمت وياااااي وكسرت ايدهه
- لييييش مااكول انته شسويتلي بالاول لو هذيج تنساهه
- انتتتتتي التجبريني هيج اسوي
- لااااا ماجبرتك هاااي حجه منك انته متبطل من هذيج السالفه كسرت ايدي وتجي تذب الصوج بيه
- من ايدددددج انتي جبتيهه لروووحج ماعايل وياج انه
- انتتته البديت وخليتني هيج اسوي لاتنسه
- انتتتي ماتفهميييييني
- ولاااريد افهمك
- كسرت ايدج من كوه عينج لو محترمه روحج ماصار الي صار
- انته بديت بيهه انته اجيتني وهوست وفوكاهه لتنسه بيمن تعديت حدك
- شهاااااب ورررررربى بسسسسسكم عااااد
ماتحترمون الجبييييير انتم مووووش جدامكم احنننه
- شيخ
- ولااااا جلمه اثنينكم عايلين وعينكم كووويانه
- خووويه هالوليد انه حسااابي وياااه جا هيج يعمل بتتتتتتي واااانه عايش من امووووتن شيسوووي
تحلللللللم تكض شعره منننننهه
- عممممي بنتك ماااتحترم حاجيههه الهه ولاتنسى انته شسويت ويااااي هم مو بس تذبون الصوج بيه
انتم ماوفيتهم بوعدكم كلت ماااا تعتب بيت هذاك الكديش الكاهه رايحه ومتكشخه ليه برجلهه شتريدني اسووووي هااااااا شتررررريد
- ماااعليك انتتته ماعلييييييك
- شهاااااب وررررررربى امشو جدااامي
- شيخي
- امششششششو كلت

طلعنه اثنينه من الديوان والشيخ ضل يتعارك ويه عمي ومافهمت عله شني عبن حجيهم ماينفهم
من بعيد عاد شويه وطلع الشيخ ومشى جدامنه
وطب للبيت واحنه وراه وماحجينه شي ..
صعد فوك بالطابق الثاني وفتح باب حجره وكال
- شرررفوووو هنايه
- شيخ شني علمنه شالسالفه
- طبووو وافهمكم

طبينه ووكفنه بنص الحجره عاد هو طب جر
المفتاح وطلع سد الباب وكام يقفل بيهه
رحت ادك الباب واصيح ..
- شننننننني تحبسسسسني هنااايه شييييييخ فج الببببببببااااب
- چب جهااااال انتم جهااااال جايني مدمايين
جنكم عتاوي .. اسمعوووووني زييين هالحجره
ماتطلعون منهه لحد مااانه اذن ليكم
صيااااااد
- نعم بويه
- تمشي تجيب تلفوناتهم تحطهن يممممي وماتبلهم غير صينيه الاكل والماي واليعتب ليهم احشن رجوله فهممممممت
- صار بويه  صار

نزلو وهوه ينبه عله كل الي بالبيت محد اله دخل بهالحجره وانه وربى واحد صافن ع الثاني هاي شجاه ؟؟؟
انه تلفوني ضال بالسياره يعني هسه ياخذه صياد
والنوب انحبسنه هيه هااي العايزه اريده عون يصيرلي فرعون من خررررب بحضي الي منين مااجيبه منيل ومصخم
شويه وردت ربى تصيح ..
- كله منننننك زعلت شيخي مننننني كله منننك
فوك مكاسر ايدي وجايبني بالكوه ومفشلني كدام بيت جددددي النوب الشيخ هم تخلي ضددددي
- هيييييي انتتتتي لااااتتمسكنين شوفي روحج شسويتي لو محترمه نفسج وكاعده بيتج مثل الاوادم مجان هاذ حالنه هسه
- وانته شكووووو لاحكني شكوووو شعليك انتتته شعليييييك
- اااانه ماعليه بيج عساج بالموووت لجن جلمتي كسرتيهه وتحملييييييييين كلشششششي كسر ايدج
وراسج والهوسه هاي كلهه بسبتج لو متصرفه بعگل وحااااطه الشرط جدام عينج جااان ما جيت يمج هاااي صارلج شهور سمعتي مني جلمه وحده
كربت صوبج منعتج بشي كلششششي ماسويتلج عاااايفج براحتج بس انتي جييييتي وتعديتي حددددج لاااا وفوك شين عملتج تجين ترفعين ايدج علللليييي !!!!!
- لييييييش نسييييت انته شسوووويت شنو شايفني هيج سهله وبلايه شرف تجي وتبوس وتحضن بكيفك شنو لعبه بايدك شوكت ميعجبك تصيح وشوكت ميعجبك تبوس
- يااااااثوله بوستج ردت بيهه اهدي رووووحي المحتتتتركه منننننج عمرررج ماتفهمممممميني عمرررج
- لاااااا تتتتقررررب عليه بعدددد لابحجايه ولابشي لو تشووووفني اموووووت كدامك معليك بيه زييين
- خاااااايبه دنجبببببي يطببببج مرررررض بحالج اااانه
- الله يخلصني مننننك
- اااانه اليخلصننننني منج ومن شرررج وفواينج

مشت راحت كعدت ودارت وجهه عني وانه ضليت ادك بهالباب واصيح اريد مامش احد يجي
ويرد علي ... عاد ضليت كاعد بالجهه الثانيه
واتافف لشويه واندكت الباب ..
- وينننك شهااب اني وليد تسمعني
- هااا ولك اسمعك
- لك شمصخم بالبنيه لك علكت جوه عمك لعب فلك
- شكو شسوه النوب
- تعارك ويه الشيخ لان خلاك وياهه وطلع زعلان
وعمامك البقيه يتوسلون بي يطلعكم ومايرضى لك هذا شيخكم يخوف صاح صيحه بيهم كلهه نخرست وطلعت
- استغفر  الله هسه لو بس افهمن شيريد من حبسنه
- خاف يريدكم تتصالحون
- شمدرررريني لك امشي شوفلي جاره طلعني
روح عله ابوي وجدتي خلهم يجون يحاجوه
شوف موبايلي وين اذا مناخذه جيبه الي يلاا تحرك
- اني حروح اشوف واجيك

راح وانه ضليت افتر بالحجره وهيه عينهه علي
كلتلهه...
- ارتاحييييتي هاااي عمي كرررهني من وراج
تاااالي عمري اتذابح ويه عمامي علمود مررره
— محد كلك عيل وياي
- لاااا والله انتي العااااايله وتحممملين العااايل يتحمل كلشي
- لعد انته هم تحمل
- كبببر لهالوجه
- اممم

كعدت وانه اتافف وهاذ وليد لا ساعه ولا ساعتين
اصيح عله البنوات مامش وحده منهن ترد
ضلينه لا مبدلين هدومنه ولا عشه ولا حته كلاص ماي عدنه وواحد صاد عن الثاني وتالي انه
انطيتهه ظهري وتمددت وهيه كامت طفت الضوا
ونمنه ...
كعدت الصبح عله صوتهم بالبيت وانه كلساع استغفر عله هالحال فوك ضيمي النوب انحبس
شفتهه نايمه وايدهه المجبسه حاطتهه عله بطنهه
والثانيه عله عيونهه ...بطني تكطع من الجوع
عله غدا البارحه ضال ..

كمت وضليت ادك بالباب ..
- خااااايبين يااااهالوادم وييينننكم وااااحد يحاجيييني من احتررررركتم ان شاااااء اللله تعاللووووو
- هسه انته متعرف تعيش بدون صياح شبيك
- نايمه بالعسل جنابج جا غير اصيح اريدن اطلع شنننني حيووووان وحابسيني هالشششكل
- اووووف اوووووف يربي شلووون بهالمصايب اني دصيح خلي نشوف وين ولوو مو صديقك كال يجي شو اختفي
- اااانه ادري ويييين ولى هالمصخم

جنت ادفر بالباب واصييح عاد اجتي وحده من البنات ..
- شهاب خويه ابوي مايرضى نفتح الباب
- من خرررررب بهالساعه السووووده امشي كليله ارييييد اطلع اغسسسسل شنننني هم ممنوووووع امششششي صيحي اخوج تحررركي
- اي رايحه

رحت للشباج فتحته واعاين منه كلهه طالعه للبساتين وانه محبوس ويه هالصخمه ..
شويه وسمعت الباب جاي ينفتح رحت ليمه
وطب صياد ..
- وييييينك انته ماتكلييييي عايفني هيييج موش من صباح الله اصييييح صاااابكم الطررررش
- خويه ابوي محرم علينه عتبه الدرج ليكم شسوي
- شماااااله  ابوك وييييااااااااي يريدن يموتني خله يحط هالجيله بصدري ويفجني عاااااد موش يحبسني شنننني حيووووان اااانه
- خويه تهدا سايم عليك محمد تهدااا وامش انزل غسل وذب هدومك بين مايصير الريوك
- استغفففففر الله وتااااالي بهالساااالفه انه هاذ وليد الجلبببب وين راااااح
- خطيه البارحه يحومي هنايه بس يريدن يجيكم
وابوي خله محمود اخوي بعتبه الباب كله بس يطب احشن رجولكم اثنينكم
- من نعلى عله سااااعتي الكشششره هااااي

دفرت الباب وطلعت وهوه وياي عاد كبل مانزل تذكرتهه رديت وزمغت بيهه
- ماتنزليييين انتي لو حلتلج الكعده هنايه
- معلييييييك روووح
- يطبببببج مررررض

عفتهه ونزلت جانت زهره موجوده اجتي تحضني
وجايبتلي هدومي اخذتهن وطبيت سبحت وطلعت
شفت ربى واكفه وياهه ومن شافتني دارت وجهه
عني انه رحت اريدن اكعد بالديوانيه جان يجيني
صياد
- خويه لازم تصعد
- شنننننني النووووووب شساااااالفتكممممم
- والله ياخويه انه ماعلي هاذ ابوي وصاني عله كد ماتغسل وتصعدون ومامش ليكم طلعه من الحجره
اصبر جم يوم ويهدا ابوي يحبكم اثنينكم مايريدن اذاكم اصبر شوي عليه
- لانععععععععل لك ااااامش كله اريدن احاااجي
موووووش جاهل انه واتشمر هنا وهنايه امشششششي

هوه ركض طلع للديوان وانه ضليت افتر واضرب بالحايط كلساع وهيه تعاينلي بهاي نظرتهه الاكرهنهه عاد  صيحت عليهه ..
- عااااااب هالشكوووول شمااااالج تناظرين
- اشوف سوالفك التخبل
- بالقراااااااان اجي هسه اكسرن باكي عضااااج لاااااتشمرررررين وياي بالحججججي اطلع ضيم الله كله بييييييج
- هااا ياشهاب ماجزت بعدك
- شيخ واليرحم اهلك فجني من هالسالفه انه اعصابي حتجلطني ومحمد ماتحملنهه بعد
- شيخي يعني فوك قهري تروح تحبسني ويااه
ماتحمله الله يخليك ارجوووك شيخي لاتبقيني وياه
اذا اني غلطت بشي ماترضاه عاقبني بغير طريقه لاتخليني هيج وياه ارجوووك هذا يستفز وبس يصيح صرعني من الصبح
- شنننني شنننني ااانه استفز جااا وحجيج السم
شتسمينه
- تستاهله لان انته الي تتحارش
- اكسسسرر راااسج وعليييييي صممممي حلكج عاااد ،،، شيخنه دخيييل جدك خلصني منهه
عمي لاريدن زواج ولاشي ومحمد بس فجني منهه تسوي فضل علي بس لاتخليني بحركان الاعصاب وياهه والعباس اضلن يوم ثاني عله هالكال والكلت
اطك واموت دخييييلك شيخ حط جيله براااسي هساع ولاتحطني وياهه بحجره وحده
- صياااد
- نعم بويه
- امشي اخذ ولاد عمك للحجره واخذلهم اكلهم وياك وكفل وجيبلي المفتاح
- شييييييييخ
- شيخيييي لاااا فدوووووا والله مابيه حييييله
اريد اااامي عفيييييه رجعني الهه شيخي والله تعبانه مااابيه حيله وهو بس يصيح الله يخليك احبسني هناك بيتنه موووويمه فدووووه
- من تعلمون تضبون لسانكم اثنينكم اطلعكم من هالحجره غيرهه اعيشكم بيهه لو سنين ومايرفلي عليكم جفن ويلاا امشو جداااااامي مااكعدن اسمع الجهااال اااانه وراي شغلي تحرررركوووو
- شيييييخ ياااجهاااال ياااجهاااال شمالك ويااانه
- سوايتكم مايسويهه بس الجهااال امشششش ولاااجلمه يلااااااا تحررررررركو من جدامي

ضلت هيه تتوسل بي وهوه صاد وجه عنهه عاد هيه كامت تبجي وصعدت تركض وتبجي دار ظهره ومشى وانه صعدت ووراي صياد اول ماطبيت كفل الباب ونزل .. ضليت اعاينلهه
وهيه حاضنه رجليهه وتبجي عاد انه كمت اكول
استغفر الله جان هيه تكوم تهد علي ...
- كله مننننك خليت الشيخ يكرهني ااااني انذل كدااام اليكرهوني بعد ماجانو يتمنون الي عندي
ومايلكوه هسه صرت عايشه على فضلهم لييييش تكرهني هييييييج كل هذا لاااان ماااقبلت بيييييك هيج تااااذيني مبقيت شي مسويته بيه كرهت احبابي بيه وكسرت اييييدي وخليتني اختنك
وفشلتني كدام بيت جدي خربت علاقه اهلنه
اااااااخ لك اكرررررهك اكرررررررهك اكرررهك واللله اكرررررهك

جانت تصيح وتشمر بالمخاد اليمهه انه عفتهه
وكعدت عبن روحي بزعت من الصياح حته زردومي يحركني وراسي سطرني جن واحد ويزرف بي من الجهتين .. وهاي ماتسكت انهارت
تبجي وتصيح تهسترت وانه كاعد واعاينلهه ساعه
تبجي من ايدهه عبن تحركهه حيل وتضل تصرخ منهه وساعه تذكر الشيخ وتضل تبجي وتصيح
وضاله بهدوم البارحه ومتبهذله بيهن نكسر كلبي عليهه بس شبيدي عليهه حالي مثل حالهه ..

وره شويه اجه صياد وحط الاكل والماي ومشى
اثنينه ماكربنه للصينيه هيه تتشاهك وصاده وجهه
وانه عيني عليهه وكلبي انترس دم  اعرفن كهرهه ع الشيخ ازيد من كل الي صار ..
- تعاي اكِلي ربى
- ماعليك بيه ماريد
- موش وكت عناد عندج دوه اكِلي يلا عاد
- كتلك ماعليييك ماتفهم
- يطبج حرييشييييي عليش هاملج انه يطبج ستين مرض موش واحد ضلي موتي ومحد يسالن عليج
- اسكتتتتت انته ماتعرف تسسسسكت شلووووون بيك كااااافي بزعتني
- لاتعيطين هييييي انجبي وصمي حلكج موش تطلعين حركتج بيه لو ماشيه عدل ماصارلج هالشي من ايدج فهمتتتتي
- كااافي يالله كاااافي بس اسكت عوفني كاافي

كمت افتر بالحجره واتافف وانافخ عاد بعدين اجه صياد فتح الباب ..
- هااي شو مااكلتم عليش
- بعدين مالنه نفس تشتهي شي هسه
- تره الشيخ نطاني نص ساعه للاكل واجي اشيلن الصينيه خلوهه بالكم
- لا اله الا الله شنننننني سجننننن محكوميه شبيييييكم وياااااااانه لخاااااطر محممممممد شجاااااكم علينننه مكافي هالضيم كِله
- خويه هسه اكعدو اكِلو وانه انتظركم هنايه هم اكعدن وياكم
- كوووووم اخذ اكلك وااااامشي كلشي مانرييييد امششششي

كام شال الصينيه وبقى الماي وطلع وكفل الباب
وانه ضليت واكف يم الشباج واعاين لبره وافكر شتالي هالحاااال الاكشر حياتي منين ماجيبهه سوده مصخمه ...

للظهر اندكت الباب واجتي امهه عاد جانت شايله
جنطه جبيره شمرتهه بالكاع وراحت عله بنتهه
حضنتهه وهذيج تبجي..
- يمه شفتي الشيخ مايحاجيني يممممه مايريدني بعد كرهني يمه كرهننني اني شمسته يكرهني
وحبسني
- يااابعد كلب امج يمه يالوحيده يااضنى كلبي
شسسو بييييج هيج يايمه مكسوره ايدج ومحبوسه
لا اكل ولا شرب ليييش يايمه لييييش هم حظج هذا ياحبيبه هم حظج
- عفيه حاجي الشيخ خلي ابويه يحاجي يمه ماريد اضل هنااا عفيه طلعيييني يمه هسه البنات كلهن يتشمتن بيه ترضيهه هيج حالي
- اوووووف اووووف يايمه اووف شبيدي عليج
حجيت لما يبس ريكي الليل كله البارحه نتعارك اني وابوج من ساعه الطلعتي من البيت رجعني
خالج ويه حيدر للبيت وضليت انتظر تجين وماكو
لحد مااجه ابوج وحجالي الصار اني دكيت ولطمت واصيح احجي اريد ماكو فايده يكلي الشيخ قافل عليهم الباب وحرم عليه طبت البيت اذا اعاند وياه بالحجي بعد فهو احتراماً اله عافج ورجع وضل خطيه اليل كله كاعد ماغفاله جفن يفكر بيج
ويحجي على هالزلمه المعدل وسوالفه

- هااا عمه الدور انتي علي
- شبيييك انته عود العاقل الفاهم هيج تسوي
- اسألي رجلج وبنتج شسوو وهيج سويت لا تجين كبل علي
- شسويتي ولج احججي شصخمتي
- ماسويت شي
- اييييي كِلشششش هيج انه متغاوي وكسرت اديج
وجيت اصل الموت من وراج وانزل مشكوك راسي هيج من الهوا
- رببببببى احججججي شسويتي
- يمه هو متخبل لان اني رحت لبيت خالي وهو جان شارط عليه قبل كدام عمامي مو تذكرين
شرطه
- ايييي اذكر بس السالفه صارلهه هواااي مانساهه

- لااا مانسيت ومااانسه ودكتكم هاي ماتنسي عبن
ماحترمتم جلمتي هم عمي وهم بنتج هاي وكلشي بينه هسه من وراهه لو كايله ماروحن انه محرمه علي طبت بيتهم بس انتي عبالج ترحين وتردين وانه ماعرفن بيج بس ربج كشفج ووكعج هالوكعه
الله اليعلم جوز هاي موش اول مره تطلعين ليهم

- شبييييك انته شووو ماااخذ راحتك بالحجي
احتررم عااد كافي شهاااب لاتضل تشمر بالحجي

- محتتتتترم وماحجيت البي عيبه انتي صمي لسانج

- ربى يمه عوفي كافي عاد لتضلين تلحين وياه

- يمه متشوفين يعني متشوووفين شيحجي ماتحمله يمه فدووه اخذيني وياج

- لج يمه وين اني اكدر على عمامج شيكدرني عليهم لا واحد ولا اثنين كلهه صافه ويه الشيخ
وهو مخليهم جنهم حرس على هالبيت اووووف يايمه وين جانت مضمومتلج هااي

- يمممممممه

- كافي ياروحي انتي ياكلب امج كافي هو اني كلبي طاك عليج لاتزيديهه ببجيج ... كومي شوفي
جبتلج هالملابس كومي وياي اسبحج وابدلج يلا حبيبتي كوومي سودا عليه ضاله مربطه بهالملابس من بارحه سودا بوجهي ييمه

كامت اخذتهه وطلعت وانه تمددت وصافن بهالسكف وافكر شسوي واطلع من هنايه
هالشيخ من يعند لو يجي الحمزه مايكدر عليه

انفتحت الباب وطب وليد كمتله وجان يجلب بيه ويحضني ..
- لك نذذذذل اشتاقيتلك والله دايح بدونك
- ماتكلي وين وليت البارحه
- غير هذا شيخكم ناصب سيطره ع الباب شسوي اني حته سياج ماكو واطفرلك منه .. اكلك شوف جبتلك هذا التلفون بحوشت بغراضك ولكيته شحنته وحطيتلك سيمكارت من محمد مدري منين جابه
- ايييييي والله عششت بس انته عله هالراااس
- يسلم راسك .. شوف قبل مايجي هذا الططوه
كل شويه وكامز فوك راسي
- منوو
- محموود .. شوف حطيتلك رقمي بي ورقم صياد
واتفقت وياه صارلي من الصبح ادسترهه وياه
لان سمعت من ابوك هالسالفه مطوله والشيخ قافل فد مره ميتحاجى فكلتله شتريد تخابره ويجيبلك
انته معليك اني قنعته وفهمته على كلشي لان اني راح اطلع لبغداد بعد ضلتي هنا شنو وانته ماكو
- اعذرني خويه عفتك هيج بس تعرف بالحال
- هاااي شبيك متسكت لخاطر الله هو اني تحملتك بكل شي شنو هالحجي لك انجب احسن
- هههخخخ هسه انته شبيك مخبوص
- لك هذا الططوه هسه ماتشوفه الا كامزلي هنا
اني بالكوه لهيته واجيت بالختله طبيت ... هسه مو تنسه اي شي تحتاج خابر زين واني عود احولك رصيد مناك وشويه خفهه ويه البنيه بلكي تتصالحون وتصير كعده خير هايه لا تضل بس تصيح عليهه بعد هاي فرصتك صارت يمك ووحدكم شويه حنن كلبهه عليك تلحلح لتضل اثول اتذكر نصايحي وسويهن زين
- الله  كريم
- اكلك عود مو تنسه سالفتي هذيج تره اني هسه من ارجع احجي لامي عليهه وشوكت ماتفرج عليكم اجي اخطب
- ايييييي حته نسيت هالسالفه لك هيه ماردتلي خبر
- خلي اطير ترد خبر شنو والله اخذهه لو سحل
كافي عاد اني ماعرف اجر خلك مثلك هو انته لو بس تخليني احاجيه ااخ
- لاتخليني افكس عيونك هسسسسه انجب مناكصك تره
- سكتت يابه سكتت .. يلا راح اروح اني خاف يداهمونه باي لحظه
- بالسلامه خويه انتبه عله دربك واعذرنه من التكصير
- بس زوجني ومعليك بعد
- هههههههه خرب بحضك مفلفل امشششي روح امششي
- خخخخخ يلا لتنسه تلحلح هااا

اندار جاي يطلع وصارت بوجه ربى وامهه
هيه خزرته وهوه اندارلي ويضحك عاد كبل طلع
ركض راح وكعدت امهه تمشطلهه شعرهه
وتصبر بيهه ...

عاد طب صياد وحط صينيه الغدا وكال ..
- عمه ام بسام امشينه ننزل وخلهم يتغدون
- وييين انزل خليني يم بنتي شنو سجن هنا حتى الكعده تحسبوهه علينه
- عمه لاتعلكيني ويه الشيخ امشينه
- امممممشي انته وعوفني اني اريد اشبع من بنتي روح وعوفني يمهه تنحبس اني هم انحبس وياهه

ضلت حاضنه بنتهه وكاعده وصياد راح نزل
انه تكلطت وجريت الصينيه وصحتلهن..
- عمه كلي لبتح خلي تاكل تراهه من بارحه كلشي محاطه ببطنهه حته ماي ماشربت حتموت من الحريجه بنفسهه
- يايمه سوده عليه من ضيمهه يضل واهس للاكل
كومي حبيبتي اكلي شويه ياكلب امج كومي
- يمه ماريد عوفيني اني وين والاكل وين يمه اني حتخبل الشيخ زعلان مني يممممه شسوي كليلي
شسوووي والله اطك واموت اذا يضل هيج وياي
- يايمه هسه اني شبيدي عليج اشو حتى حجي ماكدر احجي وياه دصبري يايمه هو يحبج مايخليج هيج بس اصبري شويه وهسه تهدا اعصابه ويجي يحاجيج
- مااكدر يمه ماكدر كلبي نااار عليه كلشي مايهمني بس خلي يرضى ويايه وخلي يبقيني محبوسه ميخالف بس لا يضل مثكل وجهه وياي
لج يمه حتى شمسه مايصيحلي لييش والله مسويت شي يزعله ليش هيج
- اوووف يايمه اوووف قوي نفسج يابنتي شنو هالبجي هذا مكافي عيونج ورمت دكافي هسه مو اني وابوج موجودين ونحبج يعني اله الشيخ يلا
- يممممه شيخي وحد
- اووف يهالشيخ مطير عقلج دكافي موته نفسج هيج كومي اكلي .. شوفي هسه شلون ابوج حاير بيج راح لبيت عمج كاظم حتى يجيبلج منهم حليب بلكي ايدج تطيب بسرعه عاد يايمه سوده عليه ويه بدايه الدوام هيج يصيرلج سوده بوجهي
- يمه ماريد كلشي ماريد بس جيبولي الشيخ كلشي ماريد والله بس خلي يحاجيني
- اووووف ياربي شلون مصيبه هاي

انه شفتهه كامت تبجي وتشهك انكسر كلبي عليهه
حته ماكدرت اكل شي كمت اخذت التلفون ودزيت رساله لصياد ..
" كول للشيخ ربى موته نفسهه بالبجي عليه خلي يحاجيهه شويه بلكي ترضى تاكل حتوكع من طولهه وهيه مريضه "

ضلت امهه تهدي بيهه وهيه بس تبجي ووجهه اصفر منا هبطه البارحه وفوكهه ايدهه وكلبهه
والنوب الشيخ كملهه عليهه .. جنت كاعد واعاينلهه واكول ساعه الساعه تكع لو تجيهه النوبه عله هالبجي والكهر هاذ ..

وره شويه طب صياد وكال ...
- عمه الشيخ يريدج انتي وبنتج جوه
- يا صلاوات كومي ولج يمه كوومي

كامت ربى ونزلت ويه امهه ركض وانه اعاين لصياد واضحك واكله ..
- وحك العباس عاشكته
- ههههههه لك فد لا صدك
- هاذ ابوك صكار الحريم متكلي شعنده من سحر وهيج يموتن عليه
- ابوي معدل وعكله جبير يعرف شلون يعامل المره موش يروحن يكسرهه ويكلهه حبيني
- امشششش مناااا لانعل .. لاتخليني هسه اغلط واطب الاعدام امششش ميل من وجهي

طلع وهوه يضحك وانه كمت رحت طلعت بره افتريت يم الدرج شويه ورديت رجعت كعدت اكل
وهنه اجني طبن وربى بعدهه تبجي ..
- يايمه هسه شحجينه مو كتلج كافي عاااد شلون بيج حركتي كلبي دكافي
- يمه لا تعوفيني ابقي وياي فدوووه
- اي مو سمعتي شكااااال شسوي بيدي ومضاله يمج انتي صيري سباعيه وهنه كم يوم ويطلعج
وديري بالج على نفسج حبيبتي وخابريني من تلفون شهاب طمنيني عليج واني هم فد يومين واجيج ماعوفج يابعد كلبي امسحي دموعج وصيري قويه يلا حبيبتي بنيتي

ضلت حاضنتهه وتمسد عله شعرهه وبعدين
صياد اجه ياخذ الصينيه كلتله عمتي عوفهه خلي تاكل .. وكعدت توكلهه وتبوس بيهه وتشمهه وهذيج مجلبه بحضنهه جنهه جاهل ...
بعدين راحت ونزلت الصينيه وياهه وشويه وصعد صياد كفل الباب وضلينه واحد مجابل الثاني ..

- شكلج الشيخ
- معليك لا تدخل
- وسسسسم احجي عدل لا افره لفجج
- اممم

جرت جنطتهه وضلت تطلع بالملابس وجان وياهن دفتر واصباغ هيه شافتهن جان تشيلهن وتشمرهن

- شبييييييج تسودنتي
- كرهتتتتتتتهن من ورااااااك ماكدر بعد ارسم شي ولااا الزم قلم كسرت ايدي عساااااهه بكل ضلوعك
- انتي شاخطه وعلي
- اي ماعليك بيه

ردت تطلع بالغراض وجان وياهن مشط ومعطر
وصابون وحته ليفه صغيره هم كعدت تصفط بيهن
وانه كمت جبت الدفتر والاصباغ رجعتهن بعلبتهن
شلتهن حطيتهن عله ميز المرايه ... وره شويه اندكت الباب وراهه  صوت المفتاح انفتح الباب
وطبت زينب كالت ...
- اجيت اخذ هدومي وغريضاتي واروحن
- هاي حجرتج
- اي حجرتي انه وغزاله

راحت طلعت من الكنتور جنطه ولمت بيهه هدومهه وجم غرض الهه وكالت ..
- هاي انه مصفطه فراش وبطاطين فوك الكنتور نزلو لو بردتم
- زين

جان صياد هوه حارس هالسجن بس يكفل ويفتح بهالباب واخذ اخته ومشو ..

ضلينه وحيدنه والوكت يمشي بطيء شنسوي ماندري عاد لا تلفون مثل الاوادم واحد يكنك بي ويلتهي عندي هالصرصور وهم بالبوكه هالشيخ
سواهه حصار علينه حته كلاص جاي مامش

نزعت بلوزي وضليت العب شناو وهيه تعاينلي وساكته وانه عفتهه كلت من تعدل فيوزاتهه الطابكه يلا احاجيهه ..

رديت رحت اخذت خاولي من الزاويه ونشفت جسمي من العرك ورديت لبست بلوزي وتمددت
اخذتلي غفوه ...

كعدت عله صوت التلفون عاينت هاذ وليد كعدت اسولف وياه وهوه يضحك عله حالي ويشاقيني
وبعدين راح وانه عاينتلهه بعدهه مبوزه بس ضلت بنفسي اعرفن شحجه وياهه الشيخ وهيج سكتهه؟؟
وخلاهه ترضى وتكعد وهيه ساكته ؟؟؟

- اكولن ربى
- شكو
- شفهمتي من الشيخ مطولين هنايه
- مادري
- جا منهو يدري ابوووي موش حاجيتي شفهمتي منه
- مكال بس ارضيني بصبرج وفتحي عقلج زين
وصيري هاديه بس هذني وضل يحجي ويه امي
ومقبل تضل وياي كللهه الج ساعتين بس تشوفينهه
وكت ماتجين
- اوووووف يااااالله وتاااااالي ويه هالشييييخ
- لاتحجي عليه
- هسه سبينه العنب خااايبه ماتسكتين

عفتهه وانداريت للشباج اعاين للرايح والجاي بله هسه الوادم شتكولن علي محبوس ويه بنت عمي
زلمه شطولني شكدني انحبس حساااافه والله حسااافه ...

ثاني يوم هم طلعنه الصبح للحمام نسبح ونغسل ونصعد نتريك بهالمهجومه ونرد نتصفن بهالحياطين عاد كلتلهه ..
- اكلج هسه الشيخ موش يريدنه نتصافى ويطلعنه
خلنه نمثلهه لحد مانطلع
- لاااا والله خاف ميعجبك
- شنننننني بويه جاا عاجبتج الكعده هيج
- ماجذب عله شيخي اني
- بويه هاي جذبه بيضه مابيهه شي
- داكلك ماجذب
- زين بويه لاتجذبين تعاي نتصالح وخل نطلع طكت رووووووحي ربى ماتحمل هيج انه والحمزه انجلط
- لوووو تمووووت اني اتصالح وياك بعد هاي سوايتك ابببببد طك وموت وانجلط معليه بيك
- خرررررب بقسمتتتتتي السوددده يربي شعندك وياااي هسه عليش هيج تكرهني ومرمرني لااا بمره براسهه خير لا باهل عدهم عكل شلون بيه انه
شلووووون

جنت ساعه العب رياضه ساعه اتصفن من الشباج عله هالزرع والوادم وساعه احاجي وليد واخذت رقم نعيم من صياد وضليت هم اخابره واتطمن عليه ونكضي وكت شويه والرصيد كله براس وليد
عاد تذكرت صاحب المحل الي دعمته ... رحت خابرت صياد واجاني ..
- اكلك خويه انه هذاك اليوم من جنت بغداد موش سويت حادث
- اي
- اي فضربت واحد ابو كشك عله الدرب خطيه وليد فقير انه سجلت رقمه بتلفوني هذاك روح اخذه واخذله جم فلس من ابوي وانطي تعويضه عيب والله طاح ماي وجهي جدامه وهوه ماكصر وياي
- يلا سهله سهله هسه اروحن احاجي الشيخ واسوي الواجب
- اي بعد اخوك موش تنسى هالسالفه
- لاا ماانسه ان شاء الله هاي انه رايح بوجهي عليه

طلع وكفل هالباب وضليت انه متمدد والعب بهالدوده وربى بس تصفن لو كلساع تنام
لليل جاب العشه صياد وكال باجر يطلعون ليه
محمود واخوي محمد والفلوس الشيخ دفعهن
كلت هم زين طلعت منه هاي السالفه ..

احنه ناكل ونام ونكعد سويه بس محد يحاجي الثاني شكد جنت كبل اتمنى جمعتهه بس هسه كرهتهه
ماكدرن اصلهه بشي وهيه خاف جنت اكولن بيهه امل هسه بعد ايست .. عله هالكره الي اشوفنه منهه ليه ايست مال تحبني بيوم ...

بنص الليل كعدتني ...
- شهااب اكعد مو احاجيك
- شكوووو. شعندج
- خابرلي امي
- بويه هسه نايمين باجر عود
- ماااا هسه اريدهه انته شعليك خابرهه يلا
- استغفرررر الله من تلح بعدد

كمت دكيت عله امهه وانطيتهه التلفون وضليت اتسمع عليهه شعدهه بهالليل طلعت تريد توصيهه تجيبلهه كتب تقراهن ضايجه ...
سدته وشمرت التلفون بالكاع عليه .. احنه صايره كعدتنه كل واحد بصوب انه من جهه الشباج وهيه من يم الباب ..

ثاني يوم اجني الكتب بيد السجان صياد وضلت
تقرا بواحد منهن وللظهر اجتي علي الحجيه
تطمنت علي هيه وزهره وجايبلي هدوم وانه
وصيت زهره تجيبلي العود اتلهى بي وهم دزته
بيد سجانه ...

وضلت هيه تقرا وانه اعزف بهالعود ..
العصريه انه واكف اعاين من الشباج وجان تصيحلي ..
- شهااب تعال شويه
-شعندج
- مو عبالك صالحتك لو شي بس ضريبه كسرك لايدي لازم تسوي كلشي ماكدر عليه
- ههههاااي شني بله منين جبتي هالقانون
- من مزااااجي
- شتردين هسه
- سويلي هاي
-شني ياهي
-هاي شيسموهه ماكدر اسدهه بايد وحده
- هااااا اي كولي هيج من الاول شعندج تراوغين بالحجي كولي بويه اسويهه تدللي
- عوف هالحجي عفيه

ضحكت ورحت يمهه كعدت وراهه وجانت ملابسهه الداخليه مفتوحه ومتسيطر بايد وحده
عاد جريتهن وكلتلهه ..
- عله الاولى الثانيه ياهي تردين
- اي شي بس خلصني
- غير اعرف شني المتعوده عليه
-شهااااااب لاتستغل احتياجي الك سويهه وخلصني بلا حجي عفيه
- هههههاااااي اخليلج الثانيه حته ماتضايكين
- لك وخر. منحرف
- انه شعلي انتي دزيتي علي
بالكوه سديتهن وهيه بس تافف ويلا ويلا
اخذتلي شمه من شعرهه نعشتني وضليت اعاينلهه واضحك ...

اندارت وضلت معبسه هالوجه وانه حلتلي هالسالفه شويه عدلت مزاجي ورحت ضليت ادندن واعزف بهالعود وجنت بالليل اكض دفتر رسمهه واصباغهه واكتب نوطات عله حسب الاغاني التجي بالي والصبح اكعد اتدرب عليهن هيج كدرت اعدي هالايام .. وهيه مكضيتهه بس تتافف
وتقرا بهالكتب ... شكد هيه جدامي ولبسهه كله بجايم ضيكه وحته وانه اساعدهه برفعه شعرهه
لو بملابسهه من وره دايماً اسدهن ليهه واشمن شعرهه بس ابد مانفسي دنت عليهه بشي جان كل همي شلون اخلص من هالورطه واطلع منايه
وشلون بحضي وياهه شسوي ونتراضى ونخلص

جانت ربى ماتسبح اذا موش زهره تطب وياهه للحمام فمره سالتهه..
- انتي يعني موش عندج ايد ثانيه ماتعرفين ادبرين حالج بيهه
- اني كلشي ماعرف اسوي باليسره ومره سبحت وجربت وحدي لاكدرت انضف جسمي زين وايدي هاي تنكعت وتعبت كلش
- هااا زين انتي تدرين انه يسراوي !
- صدك!يسراوي؟
- اي والله بيمنتي انه بس اكل عبن امي بزمانهه
جانت ماترضى اكل بيسرتي تكلي هاذ حرام
فتعودت اكل باليمنه بس كلشي اسويه باليسره
اكتب اعزف استخدم السجين كلهه باليسره
- هااا اي زين حته من تنكسر يمنتك ماتتعذب مثلي
-ههههه صايره تبسمرين
- امممم
- تعاي اعلمج تكتبين باليسره حته ترسمين ماتضلين هيج ضايجه كتبج وخلصن بعد شتسوين
وكعدتنه مطوله عيني
- شو بله شوفني شلون تكتب

جريت الدفتر واخذت قلم الاسود من الاصباغ وكتبتلهه اسمي وخطيته هم وانطيتهه القلم
- هاج جربي اكتبي مثل خطي هاذ

اخذته وضلت بالكوه تخط الحرف عاد ضاجت وشمرت القلم
- اووووي ماريد ماريد
- خما من اول نوبه ضلي تدربي عليهه
-ماريد
-كيفج لا تردين

عفتهن يمهه وكمت العب شناو وبعدين تعشينه
وانه ضليت العب بهالدوده اتلهى بيهه وهيه تكلب بدفترهه وتشخبط بالاصباغ .. انه نمت وعفتهه
ووين كعدت الفجر عاينت الضوا بعده مشتغل
وهيه حاطه الدفتر بسدهه وايدهه عليه ... جريته منهه بهداوه وشفت كاتبه اسمي يمكن بحوالي ميه مره لحد ماشويه ضبطته بخط عدل ..
فرحت عبنهه سهرانه وتكتب اسمي ...
كمت غطيتهه زين وطفيت الضوا ورديت تمددت
وافكر بيهه ..
اكول هيه يمي وبيني وبينهه شبرين وصارلي وياهه اكثر من اسبوع وماعرفن اصلهه زين الخلل مني انه ماعرفن اتصرف وياهه لو هيه المادري شلونهه،'؟؟؟؟؟

طكت ارواحتنه بهالايام مانتحمل هيج شمس الله ماشايفيهه راح يصيرلنه عشر ايام انه كمت اهوس وخبصت الدنيا ماتحملت بعد عاد جبرت صياد نزلني للشيخ وهم ماخلاني اطلعله للديوان لا
هو اجاني يم الدرج حاجيته ..
- شييييخ رحمه لذاااك الاب الطيب فكنه عاااد
طكت ارواحتنه شني هوا الله مامشتميه صدك تحجي مايصيرن هيج بويه ااااانه غلطت حاسبني
عاتبني احجي شي لاتخليني هيج محبوس شني حيوااااان جدامك هم الحيوان يطلعوه يشمسوه
يحاجوه انه صاد وجهي لهالحايط من عشر ايام
وحك محمد طكت روووووحي ماتحمل هيج شيييييخ دخيييلك مايصيرن هالشكل

- ربى شلونهه
- بالضيم مكضيتهه بس بجي
- هممممم زين زين انظر بكضيتكم روح ارجع هسه بعدين انه ادزلكم خبر
- شيخنننننه شننننني عاااااد مايصيرن هيج والحمممممزه مايصيييييير حاجيني ويييين مااااشي
لك صيااااد حاجي ابوك عاد مصخهه بحكميش انه محبوووووس امششش صيح عمااامي يريدين فصل عمي افصله عسى ماايحرملي طبت هالكاع بس لا يضل معلكني هييييج والعباااااس مايصير يااامه الاسلااام كااافي عااااد

جنت اهوس واصيح ومامش احد يسمع صعدت وانه ادفر بالباب وضليت كاعد عله اعصابي
لحد ما بالليل اجاني صياد وكال...
- الشيخ يكول تطلعون اثنينكم كبل الفجر تتمشون
بس ماتعبرون حدود كياعينه وترجعون ساعه ٧
تردون لمجانكم
- لا صارت زحمه
- شهاب احترم شسالفتك
- خاااب لو تعيش العشته مايضل بيك عكل حته تحترم
- انه العلي وصلته هاا وشرط ما تهجون مدري وين تمشون تره بس تصيرن هالسالفه كال افصلكم من العشيره اثنينكم حته اذا واحد مشه والثاني لا
اثنينكم تحملون الذنب فديرو بالكم
- ايي اااااااي

طلع صياد وانه هديت عله ربى
- شفتتتتتي شيخج يطلعنه بوكت مامش بشر كاعد
لايريدنا نشوف ولا ننشاف
- اووووف شهاااااب لاتزودهه عليه تره بالكوه متحمله هسه بس خلي نطلع عسى ما ساعه بس خلي نشم هوا اختنك راح اموووت
- موش كتلج يامصخمه خلي نسوي هيج تعززين برااااسي جان هسه احنه كلمن بشغله
- اني ماجذب تريد روح جذب وحدك
- وعليش مانتصافى عاد شهالحقد الشايلته شني
بس انتي تاذيتي هاي انه عايف شغلي واهلي زلمه شكبرني محبوس ويه مره شو ماتشوفينهه هاي
- ماعليه بيك المهم نفسي
- عاااابت وبلت عله هالنفس

ثاني يوم بال ٣ ونص اجانه صياد فتح الباب
طلعت انه بره وهيه لبست جبتهه والشال وطلعت وراي ونزلنه كلهه مطفيه ونايمه وبس احنه نتهجول هنايه ...

مشينه من يم الزرع وعبرنا ليم النبكه كعدنه شويه
وانه اشمن هالهوا واكول افيش نعمه الحريه
وهيه من طلعت الشمس كالت ..
- اخذني لمهرتي اريد اركبهه هسه
- هههه تلكنهه ماكاعده من النوم
- امممم متضحك
- وسسسسم

مشينه ورجلينه راحت عبن الكاع هذيج بعيده
ودايماً نروح ليهه بالسياره هسه كلشي ماكو
عاد تكسرنه لحد ماوصلنه ...
انه كعدت ارتاح يم سلام جان توه جاي عليهه
وهيه اخذتهه وضلت تمسدلهه بين ماسلام راح
حطلهه السرج وراحت صعدتهه وركضت بيهه
ومانشوف بس العجاجه وراهه ...

ضلينه نحجي انه وسلام وهوه زلمه مسالم مايتدخل بحياه احد تطمن علي وسكت الا انه سالته عله احوال السلف وحجالي شويه عليهم ...
عاينت الساعه سته كلت اروح اشوف نعيم كبل مايصير الوكت ..
عاد كلت لسلام ومشيت رحت ركض لبيت نعيم
جانت امه كاعده استكبلتني وطبيت للهول كعدت نعيم وهوه فز شافني جايه بهالوكت ..
- شعندك من الصبح شصاير
- يامصكوع اجيت اسلم عليك مشتاكلك
- شني افرجو عنك
- لااا انطاني اجازه زمنيه
- هههخخخ صدك تحجي
- اي وعلي لحد السبعه لازم ارجع للمهجومه
- هههههاااي انته سالفتك لا صايره ولا دايره
هالشيخ ركصكم بعلي

ضلينه نسولف ومن شفتهه صارت الا عشره طلعت واتمشى عله كيفي كلت بلجن يجي يتعارك وياي شي اريدن اتعارك واطلع ضيم كلبي
وجان اصل سبعه ونص ليم ربى ولكيتهه واكفه متخوصره

- شماااااج ياستار
- وين جنت ماتشوف عبرت الوكت
- اي وشعدنه لاحكين عله كصر الذهب نردله
- شهاااب عيب نكسر كلمه الشيخ ونتاخر
- جا موش عيب من تكسرين جلمتي بس يمه تعرفين العيب
- شهااااب
- وسسسسسسم امشششي جدامي

اخذتهه ومشينه للبيت وبالدرب سلمت عله ولد عمي ياهو اليشوفنه وصاح هاااا طلعتو شلون تفشلنه بعلي حته هالجم ساعه طلعن من خشومنه

ردينه ولكينه صياد غادي فلفله معطبه عباله شردنه
عاد صعدنه وهوه وره شويه جابلنه الريوك اكلنه ونمنه .... وضلينه بهالحال ايام .. مرات اروحن لبيتنه اطب اخذ جم حاجه من حجرتي واكعد ويه
امي عرفت وكت طلعتي وتكعد تنطرني اجيهه
ونعيم هم يتانيني امرله وعماتنه اجني هم صعدن لينه هم ضلن يحجن ويرزلن وتلاغينه وياهن وراحن اثنينه غادين قنبله بس نريدن واحد يتحارش وننفجر عليه ...

بواحد من ايام السجن هاي جنه طالعين نتمشى
وكعدنه عله تله شويه عن الماي انه تمددت واعاين للسمه عاد عرفت الوكت راح يصير كلتلهه

- ربى عايني للسمه
- امم ليش
- جاي تشوفين خيط البياض هاذ
- اي هاي بدايه الفجر
- انتي مثل الفجر .. بيضه بمثل هالخيط الفاصل بين هالظلام وعايني شلون هالحمار من الشمس بدا يطلع هاذ شعرج وباكي الزراك من هالسمه عيونج
وهاديه بمثل هداوه هالجو بيج كلشي يحجي للحياه بس بلايه صوت مايفهمج بس اليسهر ليج ويصفن بيج وبرودج مثل بروده جو شهر ال ١٢ ديسمبر
برودته وكت الفجر تكتل وتنعش انه جنت اطلع الفجر بهالشهر بتركيا واتتمرن عله الشط جان البرد اذا وكفت يكص عظامي بس اذا مشيت بي ينعش ريتي ويخليني نشيط كل اليوم .. وانتي مثل برودته تنعشين اليعيشن بيج وتكتلين التصلينه ومايعرفن شلون يعيشن برودج

- وهسه انته شنو منهن

- انه تايه بين موتي بهالبرد وبين دفو احساسي الي اتخيله لو يجي منج

- امممم

- بس الفجر ما يكول امم

- هههههههه

ضحكنه وضلينه صافنين نعاين للفجر ورحنه مشينه للمهره هيه ركبتهه وانه رحت اشرب جاي ويه سلام وانتظرتهه رجعت وتمشينا تريكنه يم جدتي وامي ورحنه لحجرتنه العزيزه ...

ضلينه ايام وايام ومشى الشهر واجه الثاني
وياهو اليتدخل بسالفتنه الشيخ يزعل وياه
وضلت الوادم حايره لا تكدر تحجي ولا تسكت
ساعه يجونه من باب الحلال والحرام عبن مامحلله علي هيج واحنه ماكاطعين مهر ويكلهم ماعليكم هالسالفه انه احمل ذنبهه ساعه يجونه من باب البت مريضه وتريد اهلهه ويكلهم ماعليهه شي عايشه ويخدمونهه ... وحارو وياه وهوه هالراس مايكصه فاس ...

هيه شويه لانت وياي كامت تاخذ التلفون تلعب بي
ونسوي كيم الهه وكيم الي هاي بالليل نكضي وكت
وبالعصر اضل اعزف واعلمهه شني هالنوطات الاكتبهن .. صياد حجه للشيخ احنه تفاهمنه ومابينه شي وهوه يردله .. من كاللهم انه اريدهم يتصالحون واطلعهم خلهم يبطلون تفكير الجهال
حرنه بامره منين مانجيه مايرضى .....

كرب هالشهر الثاني لحبسنه يخلص وجان بيوم المغربيه مانسمع الا صوت الصايح جوه وكلهه تعايط ادك عله صياد اريد مايجاوب ضلينه صافنين شني الصار ...

عاد كبل انفتح الباب ولنه اخوي محمد واكف وشكله طالع من حرب ...
- شهاب انزلو بساع
- شني الصار احجييي
- .........
.
.
.
يتبع