رواية من فجر ديسمبر الفصل الثامن والخمسون 58 - بقلم Zoka 🌷

من فجر ديسمبر
🍁
🍁
- اي جا خلي نخلص منهه حته يضل نظامج ماشي
- اي
- اول شي خلي بالج هوه ان رجلج الج ستر وغطى ..شوفي رب العالمين ماانطى الحك لاحد ثاني من اهلج يشوفج ويتلمسج ويعيش وياج رغباتج مثله فهاذ شيعني !! يعني هوه الاول بكلشي موش تكلين شريك عمري هاي الشركه كلشي بيهه مايصير تضمين شي وتخلين حد بشي
واولهه جسمج ورغبتج لين انتي هم عندج هالشي وحكج علي اني اشاركنج بي
- بس اني ماعندي هالرغبه الي تقصدهه
ماحاسه بيهه ابد
- هاذ لين ماتعرفينهه ومالج فكر بيهه
- هاا وانته لعد شنو
- انه زلمه اختلف هاذ شي هوه اجه وياي من زمااان وحته تفكيري بي يختلف عن تفكيرج انتي لو ردتي تعيشين هالتجربه بهداوه ونعومه وهيج
بس انه لاا
- شلون لا
- يعني منفعل مادور هداوه هنايه وهاذ شي موش ترحين تخافين منه وعبالج شيي مو زين لااا تره كل هالزلم هيج
- اي افتهم اكو اختلاف بطبيعه الرجال عن المره
عادي هالشي
- اي زين دامج تعرفي .. شوفي هسه نجي انه شني الي اريدنه منج واحب تسوي ليه
- اي شنو
- اريدن دايماً اشوفن جسمج حته لو تلبسين شي اريدنه مكشف هيج انه احبن اضل اعاينله وبالاخص اذا مفتح بالظهر
- اممم وبعد
- احبج تفتحين شعرج وتميلي عله صفحه بحيث تبين ركبتج هيج احبنهه حته اضل اشمشم بيهه
-هههه تدلل
- اريدنج دايماً بحضني حته لو كاعدين نتفرج تلفزيون نكلب بالتلفونات تضلين بحضني واريدن ريحتج هاي متغيرينهه لين مايكدر علي غيرهه
- هم تدلل اصلا اني ماحب غير هالعطر واشتري منه بعد اضل ضامتهن الك
- ايييي خليهن دايماً موجودات عندج لين احب كل مااحضنج اشتمه ومااريدن بيوم انام يمج وماشتمه بيج صدكيني حيل مهووس بهالعطر انه ..شعل صفحه الخلفوني من يوم شميته لليوم
- هههه ماشي داىئماً تلكاه
- وخلي بالج انه ماحبن المره الخجوله بالفراش لين تضيع كل لذته اريدنج عله طبيعتج تعبرين عن احساسج شني يصير ماتضمين ولاتكبتين ولا رده فعل ولاتمانعيني بشي اسوي بعد انتي ملكي كلشي بجسمج حكي هوه وانتي هم كلشي بجسمي حكج لاتترددين بطلب شي يصيرن بنفسج اهم شي اريدنج صريحه وياي الشي الي تحبيه كليلي حبيته الكرهتي كولي ماريده كرهته ..اكو شي بالج وماصار كليلي هيج بالي وهيج اريدن لابيهه عيب ولاخجل تره العيب يصيرن لو تضمين علي هالشي مفهوم !
- مفهوم حبيبي
- احبن نسبح سوه دايماً
- لاا مو دائما. يعني لازم شويه خصوصيه بالحمام مرات
- ههههه يلا ماشي جا نخليهه الصبح من نكعد نسبح سوه حته يضل مزاجي عدل كل اليوم
- اممم ماشي مابيهه شي
- ها وخلي بالج انه مااحبن الروتين او تحطيلي فد نظام لهالشي اذبحج اذا تسويهه
- يعني مفهمت
- يعني كيفي يمتى اريدن ابوس احضن ماتكليلي موش هسه بعدين هاي البعدين احركيني ولاتكليهه
لين هيه رغبه اجت هالساع بعدين شلووون تصير!!
- زين واذا ماكو مجال مثلا مشغوله بشي او احد يمنه شنو هم ماتعذرهه
-لااا هنايه انه ماريدن اصلاً لين ماحب احد يشوش علي اريد اخذ راحتي من صدك
- اي اوكي لعد تدلل
- وبعد هاي سوالف التغيير والتحضيرات هاي يمج انتي تدبرينهه
- هههه مااشي
- واهم شغله لاتنامين وياي بدون رغبه منج يعني لا تسوين هالشي حته ترضيني وبس ابببد هالشي لاتفكرين بي .. لين راح اسويهه لج مشكله وعركه
بس اذا كلتيلي ماريد موش بنفسي عادي احترم رغبتج
- زين شنو تفرق هاي عن هذيج مال روتين من كلتلي شوكت ما اريد لا تمانعين ؟؟
- لاااا حبيبه هاي وحد عن هاي .. شوفي من اعرفج مالج نفس تختلف من اذا انتي ماتحبين الا بوكت محدد يعني هيج جنت اكصد يعني موش مثلا بفلان وكت هاي بس الي حك اتكربلج لا انه ماحبن هيج لجن لو جان مالج نفس السالفه كلهه اصلاً هنايه عادي
- ها يعني راح تعوف السالفه وتتقبل رغبتي !
- اي اكيد لين كلشي ولا ماحس بيج وياي هالسوالف تسوي مشاكل فمن هسه خليهه بالج احسن لين ماريد نتعارك عله هيج سالفه بعدين
- اي زين كلتلي عليهه .. وبعد !
- هاي البعد ماتنحجي هيج
- لعد شلون ؟
- فعل موش حجي حبيبه
- شهاب
- شحجينه ربى !!! خليج هاديه وياي وخلي افهمج شني الي لازم يصير موش تردين تعرفيه هاي اعرفج عليه
- اخاف احد يجي
- لاا محد يجي
- زين اقفل الباب حتى اطمئن
- ماشي نكفله سهله

كمت قفلت الباب واجيت يمهه بوست ايدهه وكلتلهه ..
- شمالج ترجفين ماراح اكلج خايبه شجاج
- مااادري ممتعوده هالشي يقلق
- حبيبتي كل مره انتي بحضني هم لكيتي بي شي يخوفج ويضوجج !
- لاا
- جا هسه شني الي اختلف .. انتي بحضن حبيبج لا تخافين من شي بس اهدي وخليني اخذج وياي بعالمي انه .. استرخي بس استرخي ولاتفكرين بشي

بوست خدودهه وشفايفهه ومن حسيتهه هدئت شويه صرت انزعهه واحاجيهه بحب واتغزل بجسمهه .. من لامس جسمي جسمهه هيج لاول مره هجست جن كلبي صار يدك براسي ونفسي عله كلش ماتخيلت هيج راح اصل مرحله وياهه
بحيث ماكمت احس بشي غيرهه .. جانت هاديه وياي وانه اخذ بايدهه واخليهه عله جتفي او صدري واكللهه هنايه احبن بروده ايدج تصير
وكل شي اريدن اسوي ليهه احجيلهه شلون احبه يلا اسوي وفهمتهه كلشي اريده وكل مجان احبنه بجسمهه طبعت عليه اثر .. خليتهه تنسى كلشي وياي وجبرتهه تحجيلي احساسهه وكلشي اسوي ليهه اسالهه حلو او حبيتي !
خليتهه تطلع من دائره الخجل والكبت وخليتهه حره باحساسهه وياي رضيتهه ورضيت نفسي برضاهه ... جانت هاي اول مره تشوفن شهاب العاشك شلون يصيرن بحضنهه وكت رغبته
ماكضيت حرمه كبلهه ولا راح تصير .. عبن هاليوم انه خذيت راحه هذيج الليالي الي جنت اتلوع حته اشيلن رغبتي بيهه واطلعهه من بالي
محد كدر ينسيني هالشي غيرهه هيه ...
ضليت نايم عله صدرهه واشمن بريحتهه وهالمره موش من ملابسهه من جسمهه زادتني عشك بيهه
ماعرفن شلون هيج بني ادم تنحط رويحته بريحه !

رفعت جسمي منهه وبست راسهه ورديت نمت وخليتهه عله صدري كالتلي ..
- انته تجنن من صدك يعني مادري شلون كدرت هيج تشيل كل هالخوف من بالي وتخليني وياك بشكل اني نفسي ماجنت اتخيله !
- هههههه كل الي سويته بس شلت خليتج تعبرين باحساسج .. هسه شفتي كلشي شلون حلو وسهل وياج انه بكلشي .. فخليج دايماً هيج وياي راح تشوفينهه احلى بعد
- امممم ماشي حبيبي
- شني جنج نعستي !
- اييي شويه
- هههههه بعدنه باول السهره يمعوده
- شنوو دشوف بيش ساعه هسه ؟
- هاي الساعه ب ٣ حيييل شبسرعه مشى الوكت
- اي لعد كافي خلي نام
- يلا نامي احد كاضج
- مو هنا خلي اروح
- خلي نسبح وروحي نامي
- شنو سوه !!
- اي جا شكايلج انه !!!
- لااا مو من هسه بعدين بالزواج
- ليش بله بعدين !!! شني الفرك!!
- يعني بعدين هسه خاف احد يكعد عيب
- لااا منو يكعد هالساعه
- لا حباب بعدين استحي هسه
- والله مدامج كلتي هالاستحي اله تجين ارد اشوف انه صارلي ثلث ساعات احجي لابويه خايبه لما لساعج مكشفه بحضني شيسموهه هاي بله!!!
- ههههههه ايييي مو هيج انته متشوف بس تتلمس
- واذا يعني شني واذا شفت !!
- ماريد عفيه مو هسه
- بس انه اريد اعيش كلشي وياج اليوم عليش تمنعيني هالشي !!! انطيني سبب
- اخاف امي تكعد او احد يحس علينه عيب
- استغفر الله
- نعوض حبيبي ع الزواج يلا لا تضوج
- يلا ماشي
- زين روح اسبح انته بالاول لان اني اطول
- زين انتظريني هنايه موش ترحين
- لا مااروح باقيه هنا

كمت رحت للحمام فتحت الدوش شويه يدفى الحمام كلش بارد جان .. وبعدين جاي احول بالماي للبارد وجان تنفتح الباب بسرعه وطبت ربى مخروعه ...
- شجابج ولج
- اشششش بساام اجه

رحت اخذتهه وهيه خلت ايدههه عله حلكي انه ضحكت ودنجت شاورتهه ..
- شمالج بويه واذا اجه بسام عليش خايفه
- خايفه من وره سوالفك الي ماتبطلهن بله هسه لو شايفني هيج ركبتي مطكعه شيكول عليه .. مالكيت مكان اشردله بسرعه غير هنا
- هههههههههههااااي والله نيتي صافيه وجابتج
- لك اشش هسه يسمعنه
- شكعده هسه هاذ !!
- شمعرفني .. هسه انته ليش تورطني هيج كم مره منبهتك على هالسالفه ياشهاب
- ههههههه موش بيدي ياحلوه ماتحمل اضوكن هالزبد بخفيه
- اممم
- يلا الله جابج بعد شني عذرج
- ياا شنو تره اني هسه اروح بس اشوفه يرجع للغرفه
- وشلون حتعرفي راح !!
- حفتح الباب شويه
- لااا اكعدي راحه .. تعاي هسه بين مانكمل سبح هوه رايح
- مارييييد شهاب
- ها هيج صارت ! ماشي عله راحتج

عفتهه ورحت للدوش ومنطيهه ظهري شويه وحسيت ايدهه عله ظهري وتكربت حضنتني ماندريت ليهه جان بوست ظهري وتكلي
-اسفه ماقصدت اضوجك بس جان بالي يم بسام
- وشني التغير
- ماتحمل زعلك حبيبي شنو ليش متندارلي لاتزعل مني فدوه اسفه

انداريت ليهه وعاينتهه ملابسه شي ضحكت وكلتلهه ..
- هاي لين شلتي الخجل راح الزعل
- هههه كله منك غير

دنجت ليهه ابوس شفتهه واتلمس جسمهه واتذكر هذيج الليله الي شفتهه بالحمام وشلون سودنتني بساعتهه وردت هالمره روحي متلهفه عليهه نفس هذيج الليله ... درتهه ورفعت شعرهه واعاين لظهرهه وهذاك الشام المنثور بي والماي الي ينكط عليه .. تسودنت بي وطبعت عليه اثار شوكي ولهفتي عليه .. ضليت حاضنهه من وره هيج واحجيلهه شكثر احبنهه .. ماهديت جسمهه ولا خليتهه تهدأ جنت ناوي افجر بيهه كل احساس اخليهه تحب كربي ليهه وتشتاكله وماتنسى هالليله
وبنفس الوكت اعوض صبر هالسنين واشبع شوكي ليهه ....
من شفتهه تعبت بعد اخذتهه سبحتهه بايدي غسلت شعرهه وجسمهه وهيه تضحك ومرتاحه وتغسل بجسمي وخلتني اكعد حته تسيطر تغسل شعري
وخلت الوغف عله لحيتي وضلت تلعب بيهه وتضحك وكل حجينه نتهامس بي ..
لبسنه وضلينه حايرين شلون نطلع .. عاد خليتهه تبضل وره الباب وانه طلعت عاينت مامش احد
رحت صحتلهه وهيه كبل راحت لحجرتهه
وانه رحت للهول تمددت وانه انشف بشعري واتذكر شكلهه من ذايبه بين ايديه جمالهه هنايه يسطر ازيد من لما تتكشخ ...
ضليت نايم بالهول لحد الصبح بالتسعه كعدني بسام
- هااا بويه شني اليوم هنايه خيرك !
- هيج جنت طالع ورجعت متاخر وكبل نمت هنا
- شعندك بالليل وين جنت اجيت ادور عليك مالكيتك ؟؟
- طلعت تمشيت وكعدت بره ضايج شويه وبعدين اجيت سبحت ونمت
- ايي زين كوم مو وراكم روحه للمستشفى
- اي هاي كمت

كمت غسلت وسألت عله ربى كالو بعدهه نايمه
ضحكت وانه اعرفنهه ماتكعد بعد .. رحت ليهه
كرصت خدهه واكعد بيهه .. فتحت عينهه وعاقجه الوجه ..
- شكووو
- شني شكوو ورانه روحه كومي يلا
- مارووح مابيه حيل
- ههههه ولج بويه هسه شسوينه ومابيج حيل كومي حبيبه
- شهاب والله متكسره عوفني اليوم ماروح حباب حباااب والله نعسانه وشلون جنت نايمه براحه خربتهه عليه
- حبيبتي والعلاج شلووون
- بس اليوم فدوه
باستني بخدي وتكلي فدوه وفدوه ضحكتني بسوالفهه عاد عفتهه تنام وطلعت رحت لعمتي
كلتلهه ماترضى تروح نعسانه بعدهه .. وهيه هم كالت عوفوهه براحتهه .. كعدنه تريكنه وجان يخابرني محمد ....

- صبحك الله بالخير خويه
- هلاا صباحك عافيه شلونك
- على الله .. انتم شلونكم اخباركم يمتى تردون
- عن كريب ان شاء الله
- اي بعد اخوك تعجل شني نسيت ورانه مشيه وضالين ننتظركم لا تبطي خويه بعلي كاض كلبي بايدي لا ساعه الساعه اهلهه يكلبون علي
- هههههه لااا تطمن تاخذهه
- ماتطمن اذا ماشوفنهه بيتي بعد اخوك لا تبطي
- لاا بعون الله هالاسبوعين نرجع
- اي كل الهلااا
- اكلك احجيلي شني اخبار السلف شصار ماصار
- هاي كبل يومين جايين مشيه عله رباب والشيخ منطيهم وهم مأجل المهر عله جيتكم
- هااا ماشاء الله كلهه تريد تعرس ويه عرسنه
- ههخخخخ فجيتو جبستنه رجلكم خضره
- ههههه اي بعلي صدك جريناكم واحد واحد
وبعد شني من علوم
- هاااا ذكرتني اكلك .. باجر يجي وليد وامه وخالته يجيبون فلوس الجهاز لزهره ويحددون العرس
- هاااا ياهو الكالك
- زهره كالتلي
- زين زين حياهم الله .. لجن كللهم مامش عرس اله وره النتايج
- اي خويه اعرفن هالشي
- اي ومن يجي وليد انطي فلوس السلفه ومن ارجع انه انطيك بدالهن
- صار خويه
- يلا سلم ع الاهل
- يوصل وانته هم سلملنه
- صار ..يلا اودعناك

سديته وكلت لبسام عله خبر زواجه رباب وهوه تفاجىء وكبل راح طلع استغربت رده فعله هاي وشكيت بالسالفه بس مامش خبر عنهم !!!

للظهر يلا كعدت ربى اجتي لينه وانه من شفتهه كبل ضحكت وهيه هم خجلت ومشت .. تمنيت تضل هالليله ماتخلص من حلاتهه ...

تغدينه وربى كاعده يمي جان تكِلي ..
- شهاب شوكت نرجع
- من تخلصين علاجج
- بس اني صرت زينه كافي والله مليت هنا
- بنتي بعدهه مشيتج موش الاوليه شلون اردج ومامتعافيه !!!
- بس انته مو سمعت الدكتور كال اطول يلا وشلون نضل هنا لشوكت يعني هاي صار شهرين ماكافي
- حته لو اطول المهم النتيجه
- افف شهاااب
- سدي السالفه بنتي
- زين طلعوني ضايجه بس كاعده بهالبيت من يوم الي اجينه ماشفت شي من ايران
- وين نطلعج
- شمدريني يعني ماكوهنا مكان حلو نروحله
- حددي شتريدين ونشوف
- اممممم  طلعلي بتلفونك وخلي اشوف شكو هنا
- هاج طلعي

انطيتهه تلفوني وضلت تكلب بالكوكل وجان تبتسم هذيج الابتسامه العريضه معناتهه لكيت الي اريده
رفعتلهه حاجبي منتظر الصدمه جان تكلي ..
- قصر كلستان
- شني هاذ !!
- مكتوب هنا قصر اثري للحكام قبل وموجود هنا بنص طهران اخذني عليه
- باجر باجر
- هسه شعدنه حبااااااب
- منا اخوج اثكلي
- حبااب يلا بصوت ناصي ميسمع حباب نروح ها نرووح
- باجر بنتي
- ايييي شنو باجر لعد هسه شنسوي
- غير اخابر المترجم ويجينه باجر ونروح شمدليني بي وينه هاذ القصر .. شوفيلج غير شي
- والله اذا مااخذتني باجر اكرهك عيشتك
- شيخلصهه بعد !!!!

رجعت تكلب بالتلفون وجان تكلي ..
- اكو حديقه حيوان نروح !
- لاا
- شنووو لا
- اي شنسوي يم الحيوانات شوفي شي براسه خير
-  شنوو حلوه والله ماعليه اريد ارووووح الهه
-شمالج اليوم تسودنتي
- ايي تسودنت اخذني يلا
- شلون سالفه هاي
- باوع اذا متاخذني اعوفك واروح ويه اخويه
- اخوج هم ميروح ماله خلك طلعه
- لا شكو ماله خلك .. بساام تاخذني ؟
- وين !
- حديقه الحيوان
- عدنه انتي شكو رايحين
- ههههههههههههههاااااااااااااااي
- عزززا بعينننننك واني ازامط بيك واخويه واخويه تاليهه هيج تحجي بسييييطه اصبرولي

خربت من الضحك عليهم وهيه بيدهه التلفون ومدري شتسوي جان كبل فتحت سبيكر واجانه صوت عمي ...
- بابه حبيبي
- هلااا يارويحه ابوج هلا يالغاليه شلونج
- مو زينه
- هاااه عليش بويه شمالج خيير
- يعني ترضى اني ضايجه وتعبانه نفسيتي واتوسل لشهاب وبسام بس طلعوني وميقبلون يضحكون عليه تقبلهه !!
- ويننننهم هذوله الجلاااب شني بكيفهم
- بابه حته كمت ابجي ومايقبلون كتلهم بس حديقه حيوانات شوف طلبي شكد بسيط ميقبلون حابسيني كلشي ميجيبولي ولا يطلعوني ولا يكعدون وياي عايفيني وحدي طكيت من الضوجه وحدي هنا بس ويه امي خطيه هم ضايجه وحاطه ايدهه على خدهه وصافنه
- صكع اليصكعهم ان شاء الله اااانه حبيباتي يشتكن ووحيدهن لاااا والله تخسى هالشوارب ان مالويت روسهم وينهم هذول الكدايش نطيني اياهم
- ايييي بابه خطيه امي ضايجه حتطك من القهر وحدهه خطيه حتى متاكل مدري شبيهه
- جيبببي هاذ اخوج الزففففتتت وينه
— هذا يسمعك

نطته التلفون وهيه تضحك وانه صافن عليهه هاي شسوت !!! فرت عكله للزلمه !!
- ها بويه كواك الله
- الله لا يكويك شني هاذ السمعته !! عليش بويه حارمهن الراحه !! دازك تصفن بوجوهن !!
- مو هيج بويه
- لااا هيج ونص .. هالساع تاخذهن وين مايردن وتمشون ورجولكم فوك هالروس العوج اثنين زلام ومابيكم خير ماتكلون هالبت مريضه نداريهه تعاندون بيهه لااااا يالسكااايط .. وامك ياجلب شلون مخليهه مكهوره ومتاكل اجي اشحطك هالساع من الحدود وعليييي لو ماداريتهه
- صار بويه بس تهدا
- امشي يلا وخلي امك تحاجيني زييين
- اي بويه صار

كبل سد الخط بوجهه وهيه طكت اصابيعه وكالت
- حكوم ابدل اووووكي
- لااااا ياصخمه عله هالدكه لعنه الله عليجن ماينكدرلجن ولاينعرف صدكجن من جذبجن
- خووويه هاذ كيد النساااا جا شعبالك هاي كضيت عمري كله ربى تبجبج  وتحيل وبسام يترزل
- اييييي لا تندكون بيه بعد ..يلاا لتضوجوني خلي اروح افكر شلبس

هي كامت جان بسام يشيل النفاضه وكال
- وحك العباس لو مانج مريضه جان فلشتهه براسج
- وهم ارجع مريضه وتحير بيه عوفني احسن
ويننننج امي حبيبتي امشي راح نطلع اجتنه امدادات من عراقنا الحبيب

ضليت اضحك عليهه بالعباس ماتنفهم هالبت كل ساع بمزاج شكل .. وسوت الي براسهه وسوته
وره ساعه طلعت هيه وامهه متكشخات وتعاينلي وترفع بحواجبهه وتضحك بخباثه .. وهاذ عمي كلساع مخابر وينهم هذول حركته علينه .. بسام كال خلي ناخذهن كبل لا يندارلنه الشيخ النوب شيخلصنه لو نحلف ميه يمين ميصدكون شلون مدلليهن ...
رحنه لبسنه بشغله عشر دقايق طلعنه واخذنه تكسي لحديقه الحيوان ..
هناك ربى استحلت تلفوني ماخلت شي ماصورته
وانه وبسام عاندنه بيهه ومناخذلهه صور نضحك عليهه نخليهه تصورنه وتالي اخذ التلفون منهه واخلي بجيبي وتضل تكمز وارد انطيهه .. جانت مشيتنه بطيئه وممله بس علمودهه مانكدر نمشي بساع ونعوفهه ...
ضلينه نصورهه ويه امهه وتالي اخذنه موطه وكعدنه ناكل ونعاين للمجان .. جان كلش مرتب وحلو .. ماجنت اتخيله هالشكل حلو والحيوانات بكل انواعهه موجوده وحته السمج باحواض حاطينه بكل الالوان والاشكال .. ربى ضلت توكل بيهن وتضحك وبسام من بعيد يصورهه بلايه ماتنتبهله حته انه مادريت بي الا صدفه هيج عيني صارت عليه ... ماعرفت عليش هيج يسوي ؟؟

بس تالي فهمته .. جانت تمشي ويه امهه ورادت تعثر بصونده هوه كبل كضهه بدالي وضل يسألهه بيج شي رجلج خما توجعج !!
عرفته حنين كلب عليهه لجن يحب يداهرهه ..

للسته ونص ردينه للبيت وكبل ربى اخذت تلفون ودزت الصور لابوهه وخابرته ضلت تحجيله عله كلشي شافته .. انه رحت نمت جنت حيل نعسان
وماكعدت لا عله عشه ولا شي لحد ساعه ١١ ونص كعدت عله صوت بسام يدندن فوك راسي
ميبطل هاي عادته لو يجي الحمزه ...
كبل كمت طلعت غسلت وصحصحت شويه
ورحت للمطبخ اكلي شي ..
عاينت تلفوني ع الشحن اخذته وعاينت الخلفيه الشاشه الرئيسيه متغيره .. محطوطه خلفيه بيهه اربع صور النه سوه ضحكت عله سوالفهه وعاينت منزله برنامج مال صور وكاعده لاعبه لعب بي .. ممبقيه صوره تعتب عليهه مامسويتهه

للساعه ١٢ وربع بعدني اكلب بالتلفون وشفت باب الهول انفتح وطبت هيه كلتلهه..
- ها ياسندريله صايره تاخرين
- عبالي بعدك نايم
- لا كعدت من زمان .. هاي شمسويه بصورنه
- هههه حلوات مو
- اييي تعاي ليه

اجتي وتمددت بحضني وباستني جان تكلي ..
- خلي نباوع فلم
- ماشي يافلم تريدين
- امممم اذا اكلك نباوع سندباد تقبل !!
- ههههههههههه اييي احبنه عادي
- اييي لعد يلا نباوعه احسن من افلام اجنبيه ملينه منهه
- يلا شكو بيهه نغير اليوم

طلعت حلقات سندباد كامله وضلينه نتفرجهن
ومندمجين وياهن جان يطبلنه بسام هيه كبل جفلت وكعدت .. وهوه ضل يضحك عاد غلس علينه وكال ..
- هاذ شني صوت كارتون !
- ايي السندباد
- هااااا شعجب !!
- بعد طلب  اخيتك ماينرفض
- ههههه والله تورطت انته ومتدري بروحك
- لاا خويه ادري كلش زين ادري
- هااااا
- هههههه شحجيتنه ولك
- لا تهجمين بيوتنه هسه اكعدي راحه .. تعال انته صير بالنص خلي اشوف السندباد وياكم هم
- اي يلااا تعال

صارت ربى عله يمنتي وبسام عله اليسره وضلينه نتفرج حلقه وره حلقه ونتذكر ايام كبل والكارتون وشلون جانت العيشه حلوه ..
انه وبسام ضلينه نسولف وتالي حسينه عله ربى ساكته عاينت عليهه لنهه نايمه ... عاد سديت التلفون وبسام جاب الغطى غطيناهه هوه راح للحجره وانه عاينت الساعه ٣ ونص هواي سهرنه
عاد جبت غطى ثاني ونمت بسدهه ..

ثاني يوم اخذتهه للعلاج وشفتهه جاي تتعب بي ازيد من كبل بس ماستسلمت ضلت مستمره لاخر تمرين واول مارجعنه كبل نامت ...

للمغربيه كاعدين نصلي وهيه كملت صلاتهه واجتي ليه ..
- ابو الشهب اريد اطلب شي
- تامرين كولي
- خلي نرجع الله عليك
- حبيبه ماضل شي ونرجع
- لااا نطول ادري بهالسالفه اريد ارجع حبااااب
مشتاقه للشيخ ماتحمل بعد اضل اكثر فدوه والله ممرتاحه هنا
- هاااااا بس اله تشتاكين !
- حبيبي انته يمي بكل لحظه بس هو بعيد بالي يمه
فدوه رجعني خلي اشوفه الله يخليك الله يخليك
- خلي اشوفن الدكتور باجر ويصير خير
- حاول وياه كله ينطيك التمارين المطلوبه والعلاج وهناك نسويهن حباااب مو تنسى
- ماشي الله كريم
- شكررراً عمررري
- تدللي رويحتي

رحت ثاني يوم من خلصنه الجلسه حاجيت الدكتور وكال يسويلهه النظام وضلينه ننتظره ربع ساعه وانطانه ورقه مطبوع بيهه تعليمات للتمارين بالبيت وعصاره تدهنهه بالليل كل يوميه

ضلينه هاليومين نرتب لرجعتنه ولمينه الغراض وتوكلنه للمطار ...
جنت منطيهم خبر وهمه دزو محمد للمطار اجه اخذنه للعماره ...
وهناك تلكونه عمامي بطك الفشك والشيخ واكف جدامنه وعيونه الدمعه بالكوه مجلبه بيهه من شاف ربى نزلت تمشي علكيفهه ليه ... صاح عله الولد حطو جدامهه الذبيحه وتالي عبرت دمهه وراحت
للشيخ حضنهه ولفهه بعباته ضلت تبجي بحضنه
ماعرفن من شوكهه ليه لو من فرحتهه مافهمتهه..

جان يوم هوسه كلش من كل صوب اشوفن وادم تسلم علينه والشيخ طلع محضر ثلاث ذبايح ويه هاي وعازم هالسلف كله لسلامه ربى ...

عاينتهه بديوانيه بيت الشيخ وهيه تلبسه عكاله وتبجي .. عاد كاللهه ..
- يمين الله ماهلتلي راحه بدنيتي مثل هاليوم
رديتي سالمه ليه يابعد عوينتي هاذ فضل من ربي عليه جبييير بيش اجازي ماعرفن
- ربي لا يحرمني منك شيخي
- اااوف يابويه هالجلمه ماتحلى عندي الا من افمج
كليلي يابنيتي مرتاحه بخاطرج شي !
- مرتاحه والله بشوفتك كلش مرتاحه بس بنفسي اشوف الهيام
- تشوفينهه محفوظه لج هيه ارتاحي هالساع واكلي وروحي ليهه
- ماشي .. شيخي انتبه عله نفسك زين
- بخير وعافيه انه صرت لا تهمين

باس راسهه وكبل لا يطلع كالي هالليله اريدنك بحجوتين ...

اخذتهه ورحنه لبيتنه وتلكتنه زهره تهلهل وتحضن وتبوس ومنال وياهه وجدتي ماكصرت من اول مانزلنه السياره هيه تطش بهالجكليت وتهوس بعباتهه ...

انتبهت عله زهره ضعفانه ومحلوه ازيد ..
عفتهه ويه ربى وطلعت لعمامي كعدنه نسولف لحد ماصار الغدا تغدينه والتهو الكل بالجايات انه ترخصت ورديت للبيت تعبان وراسي صاير طبل
كبل رحت نمت ماكعدت للمغربيه ...

سألت عله ربى كالو اخذهم عمي ومشو لبيتهم
تضايكت شلون مشت وماسلمت علي ...
عاد اخذت تلفوني اريدن اخابرهه تالي كلت خلهه براحتهه ويه اهلهه هالليله ...

مشيت للشيخ وضليت كاعد بالديوان وناطر يمتى يفرغ .. وعله هالكعده لل١١ونص  بالليل يلا صار مجال وكدرت اضل وياه وحيدنه جان يكلي ..
- هااا ياابو نجمه والله وكدرت ووفيت
- جا شلون شيخنه ازلن  بجلمتي وانه شهاب!!!
- لاااا عمي والنعم منك .. بس احجيلي شني السويته ليهه اشو من اخابركم ماتكلي شي
- هههههه تعبت ليهه ياشيخ وعلي كومتهه وانه اجرن بالصبر جر.. لجن المهم سلامتهه هالساع
- الحمدلله .. هاليوم ردت شمس سلفنه نورت والله هالديره كلهه بعيني ظلمت بروحتهه
- ردت الحمدلله تالي الصبر والشده فرج
- يستاهل الحمد ... كِلي شناوي هساع عله شغلك وعيشتك
- بعد التساهيل يم الله بس انه هساع حرجع اشتغل ع الترجمه الم بيهه جم فلس للعرس بركبتي عشرين مليون مدري منين اجيبهن
- ههههههههه طاحت بيك بعد جا خذيت شيخه العشيره ماتكدر عله مهرهه
- لااا شيخنه شني نجيبهن مثل ماجبنه غيرهن احنه زلام نجيب الفلس من الصخر ماتصعب علينه والله
- كفوو والله كفوو ،، مشي لاخوك بالاول واخلص منه  اكله لراسي كل يوم الكاه مجابلني ويكلي بس نكرا الفاتحه ونجي
- ههههههههه سودنه هالعشك بالله العظيم دوهرنه
- اييي بعلي يازلمه الي اكولن هاذ مايطيحن بهالفخ الكاه ثاني يوم طامس بي
- محد ينجي منه شيخنه وعلي المايطيحن بي لا يعيشن احسن ليه
- اييييي اييي دنيه بلا عشك شلنه بيهه
- هااا شيخنه اشوفن هالحسره وياهه شي
- يضل العشك تاعب راعيه مايهود عليه
- هالريم تاعبتك ياشيخ !
- موش هيه لجن هالحولهه متعبهه وتعبهه يتعبني
- عساااه خير
- خير خير .. اريدن اوصيك عليهه عبن شفت مشيتهه موش الاوليه
- اي اعرفن لجن هيه لحت اله ترجع وتشوفنك
وخذينه العلاج من الدكتور وراح اضل متابع وياهه ماهدهه
-اي ضلك مهتم بيهه لاتعوفنهه تره هالحريم تملكهن بالاهتمام
-  جا انه شعندي غيرهه هيه كلشي بدنيتي شلون ماهتملهه
- اي خلي بالك اخافن شغل يلهيك عنه او شي تراهه تنكلب عليك انه اكولنهه ليك لاتطيحن مثل عمك الدنيا كلهه تطلب من صوب والمره من صوب ومكصر بالاثنين
- الله يكون بعونك والله حمل العشيره والوادم موش بالهين
- وحك العباس هين جدام طنكرتهن هاي تنفض بكهوه وجلمه الطيبه هذيج جيب اليفضهه روسهن كويه مدري عنادهن كوي مدري انه التعبان ومالي خلك احد ماعرفن
- لاااا ياشيخنه هاذ تعبك وخوفك عله ربى هوه مكدرلك عيشتك هيج ... هساع تطيبن نفسك بس تردن للريم وتشوفن فرحتك هيه تنسى كلشي
- ههههه ريتهه سهله مثل حجايتك
- لجنهه ماتصعب عله الشيوخ
- بعون الله ماتصعب ... يلا انه اترخص بعد
- مرخوص شيخنه
- اودعناك
-الله وياك

رجعت لبيتنه اريد انام ماكدرت .. اهجس جني مضيع شي .. خابرتهه ماتجاوب .. ضليت اكلب بالتلفون جان تخابرني ..
- هااا ولج وين عايفتني وماشيه
- ههههه غير ابويه مستعجل
- عمي حكه مدري شلون صبر شهرين بلياهه هاي لو انه من ثاني يوم تلكيني طاك الجواز وجايكم
- ههههههه انته متصبر .. شوكت كعدت
- المغرب
- شبيك شنو بالك
- جاي افكر بسالفه محمد اشوفن شلون ترهم خطوبته
- اي خطيه استعجله احسن
- خلي باجر اخذ الاهل العصريه ونروح ليهم نتفاهم
- اييي زين تسوي ، وليد وزهره شوكت؟
- هذول مامش زواج الا ع النتايج تطلع
- خطيه هسه خليهم يتزوجون شتريد منهم
— اشلع كلوبهم شويه ،،، اكلج انتي تدرين انه احساسي يكلي راح ازوج هالسلف كله وانه اضل
- هههههه لاااا شعدنه احنه
- عدنه عشرين مليون
- والله ماريدهن وعيونك
- مايصير انه نطيت جلمه لازم اوفي بيهه
شوفي اريدج تحاجين الريم
- الريم!!ليش
- الشيخ اليوم من كعدت وياه جان مبين تعبان منهه
شوفي شمالهه وياه
- عزاا بعينهه اذا صدك باجر ادخلهه استجواب
- هههه اخذي حك شيخج
- اطلعه من عيونهه والله لو صدك تطلع مضوجته وتنكد عليه
- يممه عيني انه لازم اخذ الحيطه منج عبن حياله ماينكدر عليج
- اي احسن انته هم ديربالك تضوجني
- لاااابويه انه اضوج هيج كيمر بويه جا شاكل بعد
- ايييي بس هنا تريدني
- بكلشي اريدنج حبيبتي انتتي .. باجر موش تنسين تمارينج تسويهن وحده وحده وهساع كبل لاتنامين ادهني بالعصاره هذيج ماشي
-ماشي حبيبي ماشي
-  زين هسه منا وهيج اجيكم تجونه شلون بعد
-شنو شلون!
- خاب اشوفنج شلوون
- هااا دنطي صبر بالاول اشتاقلي وبعدين ترهم
- منهو كال انه مامشتاكلج بويه انه اهجس روحي موش بيتي وعلي
-ههه ليش ياروووحي
- موش يمي انتي مارتاح بلياج
- ياكلبي انته هسه نجيكم على الخطوبه
- ان شاء الله
- حبيبي نام هسه اكيد باجر تلكاهم من الصبح مكعديك
- اييي هسه اكدر انامن براحه ... يلا تصبحين عله خير حبيبه
- تلاكي الخير ياروحي

سديته وضليت اكلب بصورهه ونمت .. الصبح
تريكت ويه جدتي وهيه ماخلت سالفه صارت ماحجتهه ليه عاد كمت كلتلهم .. حضرو روحكم نمشي العصر نخطب لمحمد ...
وطلعت رحت للزرع شكثر مشتاكله ولريحه الكصب يابويه ترد الروح ...
لا كاني محمد مشنف ردانه وشاد دشداشته وسطل السمج بايده ..
- هااا ولك بعدك هنا
- ها جا وين اروحن
- بويه غير رايحين نمشيلك اليوم امشي تجهز
- هييييي عليك العباااس خويه صدك تحجي
- اي والعباس هالعصر ماشين ليهم دك عليهم ونطيهم خبر بجيتنه يلا لاتضل تصفن بوجهي
- اي ايي هالساع وين هالتلفون
- لا تنشلش بجيبك
- ماندل دربي خويه هاك كض السمج كض

خذيت السطل منه وهوه طلع التلفون وراح خابر شويه واجاني ..
- هااا
- هاي خابرت اختهه الجبيره وهيه راح تكللهم
- هاا وهيه بعدهه محاصره
-اييي بس رجعوهه للبيت لجن لا تلفون لا صخام
معتلج عليهه وعلي
- يلا هالساع تبرد كلبك بروحتنه
- مشكوور ياخوي
- امش هسه خذ هالسمجات وكلهم يخلصون الغدا من وكت وامشي حلق وتجهز يلا لاتصفن

عافني ومشه وهوه يتبسم طار بغير عالم بالكوه يندل دربه الماشي بي ... تذكرت حالي وكت الي خذيت بي ابوي والشيخ بنص الليل اخطب جيف ماضلي صبر ،،،، والله هالنسوان احركن اسلافنه

للعصر تجهزنه ومشينه بسيارتنه جدتي ومرت ابوي وابوي ومحمد وياه عمامي كاظم وعمران والشيخ ...
وصلنه ليهم بالسماوه ... تلكونه خوش ملكه
وكعد الشيخ يتفاهم وياه وحجو بالمهر ودراسه ابوهه كال كيفهه هيه تريد تكمل تخلونهه تكمل ماتريد ماعليكم امر بعد ...
وقرينا فاتحتهم والهلاهل جوه علت ... جان كلساع يندسني ويكلي ... اريد اشوفنهه كللهم خاف مايصير موش اطلعوني هيج بساع ...
وانه اكله اصبر واصبر ... عاد اجتي جدتي وصاحت لابوي طلعلهه ورد شويه طب وترخص من ابوهه حته محمد يروح يشوف البت ...
وهوه ماعارض اخذهم ومشه وانه ضليت كاعد ويه عمامي نضحك عليه ... جان مشلوش فرد نوب ....

تحددت خطبتهم الخميس هاذ .. وهوه جان مخبوص مايكعد ولا يستغر دومه مشلوش
راحو الثلاثاء يشترون الذهب والاربعاء عماتي
كلهن حضرن لبيتنه .. وربى ردت منهه تجي
امهه مارضت الا الخميس الصبح ....

كعدت يومهه من ساعه ٦ عله صوت جدتي مسويه انذار بكل البيت ... وامي وره الريوك
جندت البنيات كلهن للشغل هاي التمسح وهذيج التعزل وهذيج التركب ... عماتي جانن كلش يحبنهه جيف مداريه البيت وتلكاهم بالصلوات
موش مثل مرت ابوي تجايد وياهن ... وهيه مدامهه راضيه جدتي الكل ترضي عليهه ..

للساعه ١١ ونص هنه حته الغدا بدن يحطنه
وتالي كملنه وجاي نشيل بالمواعين واسمعنهه
تصيحن عليهن ... سااااعه وحده الجن تزهبن شكولجن والماتكمل ماتمشي ويانه ...
وهنه كلهن شليع ركضن فوك .. وضلن الكبار يكفن المطبخ ...
انه كلساع اخابر ربى واساالهه وين صارت
لحد مااجتي بالوحده .. كاشخه ومتمكيجه ومكمله
شفتهه طبت جوه تسلم عله عماتنه وانه سحبت روحي من يم ابوي وعمي حاتم ورحت ليهم

جان عمتي الجبيره كالت ..
- هاااه اجانه راح ياخذهه ويمشي
- ههههه جا هيه جايه عليكم لو علي
- خلي نشبع بشوفتهه نشوف شلون صارت
- بعدين بعددين

جريت ايدهه وخذيتهه لحجرتي .. سديت الباب وعاينتلهه .. جان تجي تحضني .. شلتهه وانه اشمن بركبتهه وهيه تكلي .. احبك احبك ..

خذيتهه للجربايه كعدت وكعدتهه عله رجلي ..
- يحلوه مشتااااكلج
- واني مشتاقتلك حبيبببي انته

تلمست خصرهه وهيه حاوطت ركبتي وضليت ابوس خدودهه وهيه تضحك وبعدين خذيتهه نومتهه وماهديت شفايفهه .. جنت اشوفن بيهه
الشوك واللهفه عدهه تزيد كل ما يطول عله علاقتنه من الايام تزيد عدهه اللهفه الي ...

من وره صوت امي هرجتنه حته نطلع .. وخرت
منهه ومسحت وجهه جان متلطخ بالحمره ..
كمت مسحت لحيتي وهيه تعدل بحمرتهه وانه ضليت اعاينلهه ...
- حبيبه خلي بالج كعدتج بسيارتي تصير
- والبنااات
- كلمن ويه اهلهه ماعليه باحد اذا اجيت ولكيتج ماشيه وياهن اكسر راسج زين
- زين حبيبي زين
- يلا طلعيلي ملابس جنت انتظرج
— اروووح فدوه لليلبس بذوقي تدلل هسه اطلعلك

راحت فتحت الكنتور وطلعتلي ستره نيلي وبنطرون جينز وقميص رصاصي فاتح
اخذتهن البس وهيه تطلع بالساعه والعطر
كملت وهيه بايدهه ترتب قميصي وشعري
وتعطرني وطلعنه .. كاض ايدهه ومشينه
لعماتنه واجانه صوت زهره تهلهل ومتكشخه
وضاربه المكياج ... كلتلهه ربى..
- هااا كله علمود وليد
- لااا ياخيه شني جا غير اخوي المعرس
- زهره وليد حيجي!!!
- اي خويه شني ماكالك!
-لاا انه وياه زمان ممتاحجين
- هااا عليش !!

مارديت ليهه وطلعت كبل اشوفنه وينه .. ضليت اخابر عليه مايجاوب .. عاد شويه واكف واعاين طبكت سيارته .. نزل ورحت ليه سلمت وجان سلامه بارد وياي موش مثل اول ...

راح سلم ع الاهل وضل يم عمامي واكف وانه استغربت هاذ شماله !!!
رحت خذيته عله صفحه وكتله ...
- شمالك وليد جنك شايل بكلبك علي !!!
- شوف اني ماعرف اضمضم بالسالفه انطيكياهه من الاخير
- اي
- ليش رايح حاجي لزهره عله سوالفي كبل
- انه حاجي !!!
- اي لعد هي عرفت من امي !! انته هناك ماتدري بالصار ضلينه اسبوع اني وياهه متعاركين علمود شنو والله انته جنت تصاحب بنات وبعدك وياهن
وكعدت تشك بيه بكل شي ليش هيج شهاب يعني جاي تحذرهه مني شنو متامن بيه مو كلشي سلمته بايدك من ذاك اليوم
- اكف اكف شمالك بويه والحسين لا حاجي ولا جايب سيره هالسالفه
- هي كالت عرفت منك
- لاكسر راسهه اذا صدك .. لك يامصخم انه وين وهالسوالف وين موش جنت حاير بزماني والبلاوي تطيحن عله راسي وحده فوك الثانيه هوه انه ملحك احاجيك حته تالي اروحن اطك بهالسوالف ويه زهره !!!! يمصكوع استجل عاد وافهمني عدل !!! انه لو موش مأمن بيك من الاول مانطيك اختي موش عاد بالتالي اكعد احذر بيهه وابعادكم شمالك تسودنت انته !
- والله اختك خبلتني مسويتهه عليه هالعيشه سجن
اذا اطللع وين ووياكن وليش وشوكت ترجع اذا خابرت احد تكلبهه للدنيه ويامن تحجي وشعندك وليش طولتو اذا اجيهه اريد اشوفهه تكعد تلزم هالتلفون وماتخلي شي ماتنبشه تالي تعاركت وياهه وهي ماشاء الله اكلتني حاصل فاصل واليوم والله لو مامحمد مخابرني وضال يلح عليه ولا اجي
- ههههههه يمعوووود هبطتني بعلي كلت هاذ شماله وياي طلعت هالمسودنه حاركه عيشتك
- شهاب عن الشقى تره ماتحمل هيج والله مدري شجاهه جانت شلونهه تخبل ماينشبع من سوالفهه هسه مكرهتني عيشتي ليش يعني ممسويلهه شي
والله العظيم لا حاجي ويه بنيه ولا مدور هالسوالف بعد فهمهه هالشي تره تعبتني
- هيه اختي هيج من يطبكن عدهه بعد ماترحم احد
هسه انه اعلمهه عله هالسالفه بس لاتضل ماد البوز هيج موش حلو عليك
- مالي خلك
- لاااا شني جا منهو يحيي حفلتنه اليوم
- ركاصه جدامك !!!
- هههه احله ركاصه وعلي ياهو اليهز مثلك خويه
- اذا ماتخليهه تعقل وياي ماحاجيك تره
- وانه شكووو
- مو انته اخوهه تتحمل لعد اني عليمن اروووح
- بويه كتلك بس نفض المهر اليوم اكضهه واطلعن حيفك زييين
- مو تروح تضربهه بس هيج جم رزاله
- ههههههه بعد امر خدمه
- عقلهه عقلهه خبلتني والحمزه حتى برامج مسحتهن من وراهه
- ههههههههههههه والله زمنننن اااخ ااخ
- اي والله دارت بيه الدنيا
- يلا هسه امشينه ويصير خير

اخذته ومشينه رحنه تحضرنا واخذنه الحريم وتوكلنا للسماوه .. جانت السيارات الي ويانه جنهه رتل سدت فرعهم من الطول للطول ..

اخذت بايد ربى وعبرتهه من يم الزلم لجوه بالبيت
وانه رحت ويه الولد عاد .. وكضت الحمدلله خطوبتهم ....
من ردينه التهينه بالعشه للوادم و وليد ماخليته يمشي الا يبات يمي هالليله .. هوه جان ماله شغل بزهره حته ماسلم عليهه وضال كالب خلقته ..

عفته يم ولد عمنه ورحت للبيت طبيت لحجرتي
وصحت عله زهره .. اجتي هيه وربى اشرت لربى تجي تكعد يمي وهيه ضلت واكفه ...
- اييي يازهره شمفينه وراي
- ها خويه شني مامسويه شي والحسين
- جا وليد شماله !
- اي وشدراني انه
- جا منهو يدري ابوووي !!! موش حرمته انتي
- خويه انه كلبي موجر منه لا تجيبن سيرته
- هااااا والله خوش

كمت كضيت ركبتهه ودنجت  راسهه ..
- ولج مصخمه انه يمتى حاجيلج وكايلج وليد مصاحب بنات هسه وكبل !!! يمتتتتى انه حاجي ترحين تبلين علي وتخلين الولد شايل بكلبه علي عليششش
- اييييييي خووويه شني جا انه جاذبه موش مصاحب امه محمد كلهه
- شالج محمد كون منيله الولد مصاحب !!! عليش تبلين عليه ولج يامصكوعه هاذ صاحبي ولو ماعرفنه يتامن عليج ماخلي ياخذج عليش تسودنتي شجااااج
- خويه بس هدني خلني احجي بالعباس اختنكت
- احجي يلااااا
- خويه انه مره شفت جم بنيه يراسلنه ويعاتبن بي عليش ميحاجيهن وانه تسودنت بعد جا شني اشوفن زلمتي يعرفن خلك الله كلهن واسكت !!!
- مووووش عذر هاذ .. زهره انه من اول يوم وصيتج كتلج هاذ خويي اذا ترضيه ترضيني تكسرين بخاطره هالشكل ومعلكمه ريكه عليش
هيه هاي وصيتي الج !!!!
هيج احنه ربينه بنياتنه يطاولن لسنتهن عله زلامهن
احمدي ربج هاذ ابن اوادم ويعزني وساكت عليج غير واحد يشمر حلقته بوجهج ويمشي
- اهيييي وانه عايزه عليه
- ولج يامصكوعه لاتخليني اسطرن وجهج هالساع
اعكلي عاد ... موش هيج يازهره هاذ زلمه اله حك عليج تحترمي وماتلاسنينه هالساع هوه لو كايلي انه ضاربهه عله هاذ لسانهه ماكله عليش لا والله اكله حيل وابو زايد ... عبن انتي ماتنردين شفتي فطير استكويتي عليه بس ماتدرين هوه لو مايريدين خاطرج وراحته وياج مايسكت عليج ويتحملج
- خووويه
- انجبببببي وماااسمعلج حس ... تمشين هالساع تطيبين خاطره وتعذرين منه لاتفشليني ويه صاحبي لا اكسر راااااسج ولج .. نطيناج عين زايده ومحمد النوب لو سمعته شاكي منج لو ضايك خلكه بسبتج اخلي العكال يلعب عله متونج وهاللسان الزفت هاذ اكصه لج سمعتتتتتي
- اي خويه صار
- يلااا امشي من جدامي

طلعت هيه وانه سديت الباب ورحت كعدت يم ربى ماحجت شي ولاتدخلت بالصار .. شافتني اعصاب
كامت نطتني ماي شربت واجتي حضنتني وضلت تمشي ايدهه عله شعري واذاني لحد ما هديت شويه
كالتلي ....
- مرت محمد حلوه كلش حقه متخبل عليهه
- ههه يعني سطرته بجمالهه
- اييي لو تشوفه اكلهه اكل بعيونه
- انه هم اريدن اكالج مشتاااااااك
- لا عيني لاااا ماكو هيج
- عليش بويه
- ماكوووو عفيه
- فهميني السبب
- ماريد تاخر هنا عيب خاف احد يجي
- زين خليهه بالليل كلش هم طلعي عذر
- ههههه لااا تدللل
- زين .. كومي جيبي ملابسي خلي اسبح
- من عيوني

كامت طلعتهن وانطتني اخذتهن وطبيت سبحت وطلعت رحت لوليد دورت عليه ماهوه .. خابرته رفضني كلت يجوز ويه زهره ...

كعدت ويه ولد عمي جانو حاطين مفرش وحب وكاعدين .. ضلينه نسولف ونكرز بهالحب جان لمحت ربى طلعت بره جدام بيتنه ... كمت ليهه
وشفت يم رجليهه بزونه سوده تتموع يمهه وهيه متجتفه وتعاينلهه .. ردت اكشهه تروح مارضت اشرتلي لا ...

تالي دنجت وشالتهه وهالبزونه ضلت مياو مياو
وتحرك راسهه عله جتفهه وربى تضحك وتمسدلهه
وهاي متختخه بحضنهه ...
- ربى ذبيهه هاي وصخه شلون تكضيهه هيج
- هههه
- شمالج !!
- .
.
.
يتبع !!!!

.
.