رواية من حضرتك عشان قلبي تذله الفصل العشرون 20 - بقلم ام عوض

في صباح اليوم الثاني
جويريا اول ما صحيت من النوم توجهت لغرفة حنان تطمن عليها
دخلت شافتها توها تقفل الدولاب
جويريا :وشلونتس اليوم عساتس بخير
حنان قفلت الدولاب :الحمدلله بخير
جا ثامر من برا وحضن امه لانه امس ما نام عندها
جويريا :انتبه احضنها بشويش امك تعبانة
حنان مستغربة من اهتمامها المفاجئ :معليتس الحمدلله صرت زينة
جويريا قعدت فوق السرير وهي تاخذ ثامر وتحطه بحضنها :حتى ولو يا حنان انتي حامل والمفروض تنتبهين لنفستس
حنان ابتسمت
وجويريا تذكرت خطتها وقامت وهي تطالع لو في احد عند الباب وقربت من حنان وهي تقول بهمس :اسمعيني
حنان استغربت :وش؟
جويريا :عجوزة النار ناوية تخطب جيهان لعنان
حنان حطت يدها فقلبها بصدمة :وشهوو
جويريا :اسكتيي لا يسمعنا احد، وانا ناوية اطرد جيهان قبل تسوي الي تبيه
حنان استغربت :ايه و شو تبين تسوين؟
جويريا:اسمعي انا الحين طالعة مع ام عمار لبيت عمي وبرجع الظهر واسمعيني زين وش بنسوي
حنان :وش؟
جويريا قعدت تشرح لها وش بيسوون
وحنان رفعت حاجبها :وانتي تهقين عنان يصدق؟
جويريا :انتي اسمعي مني وسوي الي اقولتس عليه ولا عليتس منه هو تيس يصدق كل شيء
حنان :زين ما طلبتي
جويريا ابتسمت :زين انا رايحة اتجهز
حنان :طيب
طلعت جويريا وحنان قعدت فوق السرير وهي تقول وانا اقوول جويريا شبلاها صارت طيبة وحبيبة معيي والله وراها بلاوي هاذي كل همها تطرد جيهان وعن طريقي هين يا جويريا هين

انايا تجهزت من بدري عشان تمشي لبيت عمها لانها مشتاقة له من زمان ما شافته لبست عبايتها وكل شيء تمام طلعت الحوش وهي تقول يا ويلي من سالم الحين بيذبحني تأخرت عليه
راحت عند الباب ودخلت هنادي مع امها
سلمت عليهم وهي تقول :هلا عميمة وشلونتس اخبارتس
ام هنادي :بخير يروحي وانتي كيفس
انايا :بخير والله
هنادي  :وين رايحة وانا جاية عشانتس
انايا :رايحة بيت عمي مشتاقة له من زمان ما شفته بتجين معي؟
هنادي لفت لامها :يمه بروح معها دامها رايحة عندهم  وانبعد من زمان ما شفته
ام هنادي :من يوصلكم؟
انايا:لا تخافين سالم الي بيوصلنا
ام هنادي:طيب لا تتاخرون
انايا :ابشري بس نشوفه ونقعد شوي ونرحع
طلعو اثنينهم برا
وركبو السيارة ولحظات طويلة لين ما وصلو
ونزلو اثنينهم
وانايا عند سالم وهي تقول:لا تتأخر علينا
سالم:طيب طيب
دقو الباب وفتحت لهم اخت ادهم الصغيرة قمر
انايا ضمتها:لتس وحشة يا قمر وينتس ما تجين عندنا
قمر :مشغولة مع المدرسة
انايا ضحكت :طيب ابوتس بالبيت؟
قمر :ايه بالبيت تفضلي هو بالمجلس
دخلت انايا مع هنادي ودخلو المجلس وسلمو على عمهم
انايا تبوس راسه :وينك يا عمي ، مشتاقين لك والله
ابو ادهم :والله مشغول يا بنتي وانتي تدرين مع الدكان والبيت ما درينا ويننا
انايا :معذور يا عمي معذور
ابو ادهم لف لهنادي :وانتي كيفتس يا بنتي
هنادي:الحمدلله بخير عمي
ابو ادهم طلع من جيبه حلويات وهو متعود دايم يكون بجيبه حلويات يوزع بالبزران والكبار كل ما شافهم
انايا ضحكت:مهما كبررت والله الحلاوة الي منك غيرر
ابو ادهم يضحك : مهما كبرتو انتو بعيني للحين بزران
انايا فتحت وحدة من الكيس وحطته بفمها :واحلى بزران

الهنوف صحيت من النوم وناظرت لجهة جمان للحين نايمة طلعت برا عشان ما  تزعجها
وطاحت عينها على محمد الي نايم بدون غطى وضربت جبينها وهي تقول نسيت اجيب له بطانية وهو ما قالي اجيب له
رجعت دخلت الغرفة واخذت البطانية وطلعت وقربت منه وغطته بالبطانية وهي بمسافة عنه
بهاذا اللحظة محمد كان نايم بس حس كنه في احد جنبه وب ردة فعل سريعة منه سحبها وهو قام من مكانه ولزق ظهرها بالكنبة وحط يده برقبتها بمعنى لا تتحركي
والهنوف خافت منه وتوترت بنفس الوقت
محمد استوعب وتنهد وهو يبعد عنها :الله يسامحتس خوفتيني عبالي حرامي
الهنوف للحين متوترة وخافت من ردة فعله
ومحمد تدارك وضعه وقام من عندها بسرعة
الهنوف مسكت قلبها وهي للحين مو مستوعبة كيف كان قريب منها وحست بإحساس غريب اول مرة تكون قريبة زي كذا من رجال
محمد استحى على وجهه ومن تصرفه :انا ما ظنيت انه انتي، سامحيني ما قصدت
الهنوف قامت :هاه لا عادي "وغمضت عيونها بفشلة كيف تقول لا عادي" اقصد يعني انت اكيد ما كان قصدك
محمد :ليه جيتي؟
الهنوف :جيت اغطيك بالبطانية
محمد :كنتي تحطينه هنا وانا اتغطي لوحدي
الهنوف لفت تبي تمشي لانها متفشلة :انا رايحة اشوف جمان لو صحيت ولا لا
محمد :طيب
راحت ومحمد قعد وهو يمسح على وجهه وهو يقول لنفسه لا مصختها يا محمد
وتذكر كيف كان قريب منها وغمض عيونه بفشلة من حركته
الهنوف دخلت الغرفة وهي تحس بمشاعر ملخبطة
جمان توها كانت صاحية من النوم وكانت تتفصح بجوالها تشوف منهو راسلها ومن لا
الهنوف دخلت وراحت قعدت فوق الكنبة بهدوء
جمان استغربت منها :هيه وينتس انتي
الهنوف :هلا
جمان:اشفيك مسخنة انتي؟
الهنوف :لا ليه
جمان:شوفي وجهك كيف مصفر
الهنوف لمست وجهها وحست بحرارته من الفشلة سخنت :لا مو مسخنة بخير انا
جمان استغربت منها لانه واضح فيها شيء وصاير معها شي بس فضلت انها تسكت

جويريا مرت فبيت ام عمار واخذتها معها وتوجهو لبيت ابو فيصل
دقت الباب و وقفت ام عمار بتعب :الله يسامحتس تعببت رجولي ما عاد شالوني
جويريا :امشي شوي وحركي رجولتس زين لتس ترا
ام عمار تلهث من التعب
فيصل فتح الباب ولف يوم شاف في حريم
ودخلو اثنينه لداخل وام عمار سلمت على فيصل وهي تقول :كيفك يولدي اخبارك عساك بخير
فيصل مستحي منها :بخير يا ام عمار وانتي كيفتس اخبارتس وكيفه عمار عساه بخير
ام عمار :بخير بخير الحمدلله
فيصل ابتسم وسكت وهو لاف وجهه عنها
ام عمار لمست كتفه :لا تستحي لا تستحي انت كبرت بيدي غيرت لك وغسلتك بعد
جويريا ضحكت ومشت عنهم للداخل
وهي تنادي على هيام
جت لها اسيل :جويريا متى جيتي؟
جويريا تبوسها :توي جيت وينها اختس هيام
اسيل :بالمطبخ
جويريا :حامل ومخلينها تشتغل يا الي ما تستحون على وجيهكم
اسيل :هي الي تبي تشتغل وش نسوي لها
جويريا :طيب و نور للحين موجودة؟
اسيل ضحكت :والله ايه للحين موجودة واهنيها الصراحة عرفت تتصرف ومعاذ الجحش ذا كل يوم يجي عند الباب ويحاول يراضيها بس هي ما ترضي
جويريا :احسنن خله يتربى ويعرف كيف يعطي لها  قيمة
جت ام عمار وهي تقول :والله رجولي انسكرو يا جويريا الله يهديتس يا جويريا الله يهدييتس
اسيل رفعت حاجبها وهي تاشر لجويريا منهي ذي
جويريا :هاذي ام عمار يا اسيل هي الي ولدتني
اسيل ابتسمت وسلمت عليها
ام عمار :هاذي نور صح؟
جويريا :لا لا هاذي اسيل العنقودة
ام عمار تبوسها :يا قلبي واخيرآ شفتس
اسيل ابتسمت لها
ام عمار :وينها نور وهيام حبايب قلبيي والله وحشوني
ودخلت لداخل وهي تنادي عليهم
اسيل قربت منها :وتعرف هيام ونور بعد
جويريا :هاذي تعرفنا وحنا صغار بس شكلنا ما نذكرها
اسيل :استغربت تعرف نور و هيام
جويريا :زين تعالي ندخل نشوف هيام
اسيل :يالله

وصل سالم برا وانايا راحت تلبس عبايتها وهي تنادي هنادي وتدور على هنادي الي طلعت من المجلس من قمر واختفت
قعدت تدور وهي تقول يا ويلتس مني يا هناديي
وقفت فجأة يوم طلع لها ادهم
انايا توترت :هلا بولد العم كيفك
ادهم :بخير وانتي كيفس اخبارتس
انايا :بخير بخير الحمدلله
ادهم :تدورين على احد؟
انايا :ايه كنت ادور عل يهنادي مدري وينها ذي وسالم شكله بيعصب عليي بسبتها
ادهم ضحك :معليتس انا رايح اسلم عليه برا واقعد معه لين تجون وما بيعصب
انايا ابتسمت:طيب
ادهم راح وهي وقفت بمكانها وقلبها فراشاتت انه قاعد يساعدها مرتين
جت هنادي وهي تقول :وينتس ادور عليتس من اول
انايا صحيت :هاه لا والله انتي الي وينتس بسرعة البسي سالم برا ويحترينا
هنادي مستغربة منها لانها هي لابسة عبابتها :لا انتي مو صاحية هياني لابسة عباتي
انايا ضحكت :ادهم اخوتس ما خلا براسي عقل
هنادي :ليه وش مسوي؟
انايا حكت لها السالفة على السريع وانه هدد البزران
هنادي ضحكت :والحين انتي حبيتيه لأنه هدد البزران ودافع عليتس
انايا ضربتها بخفة :انتي شدراك عن الحب اخخ بس هو منقذي
هنادي :امشي بس قبل اخوتس يعصب
انايا ضحكت:يالله

ام عمار كشفت على هيام وقالت :ما شاء الله زينة ومافيها شي
جويريا فرحت :يعني الحمدلله مافيها شي الدكتور قالها جسمك ضعيف
ام عمار :وش تبون بكلام الدكتورة اسألوني اناا انا الي ادري
جويريا:زين فرحتيني
قامت هيام وهي تنزل بلوزتها :شكرآ لتس يا ام عمار ما قصرتي
ام عمار :والله اختس جوييرياا هي الي جابتني
هيام ابتسمت وقالت :ربي لا يحرمني منتس يا جويريا طول عمرتس طيبة وحبيبة
اسيل دخلت وهي تقول :خلاص خلصتو ادخل؟؟
نور :تعالي ايه خلصت
اسيل دخلت وهي تقول :بشرو بنت ولا ولد
نور:ويين بدري
ام عمار :انتي شهر كم يا هيام؟
هيام :شهرين ، وبدخل الثالث
ام عمار :انتبهي لنفستس يا روحي الشهر الاول والثاني شهور حساسة
جويريا :هزايها ترا يوم جيت كانت بالمطبخ تشتغل
نور:ايه ما تسمع مني وتروح تكرف
ام عمار :اسمعي كلام خواتس يا هياام اعرف وحدة سوت مثلتس وطاح ولدها واكلت اصابع يدها ندم بعد كذا
هيام خافت ولمست بطنها وهي تقول :ان شاء الله
اسيل تقعد :الحين ما فهمت شي كيف طاح ولدها يعني كانت تمشي في امان الله وفجأة كذا  ولدها طاح؟
نور تضربها :انتي شيعرفتس بذا السوالف وهاذا وفي ليل رايحة لبيت زوجها
ام عمار:صدق من خذاها؟
جويريا :تعرفين ابو محمد؟
ام عمار:ايه زوج اختكم جود
نور:ولده خطب اسيل
ام عمار :وليد؟
نور:ايه
ام عمار :تستاهل تستاهل اسيل حبيبة قلبي
اسيل كشرت
ام. عمار :علمتوها وش تسوي ولا كذا بترسلونها؟
هيام:معليكم علمتها
ام عمار :زين هي من لها غيركم علموها بكل شي الطبخ والنفخ والتنظيف

استوب ليه هنا نهاية البارت
اسفة اندري البارت قصيير بس وقسم حاَ ولت اكتب اكثر بس مقدرت راسي مصدع من يومين مدري ليه بس كذا فجأة لدرجة مقدر اكتب والله بنشر لكم اليوم وخلصو بارتات الي كاتبتهم وذي اخر بارت ان شاء الله لو صرت زينة رجعت لكم اسفة والله بس صدق تعبانة وبسحب عليكم فترة كذا يمكن بنزلها لكم ياها الحين وبكرى مافي بارت وبحاول اكتب
ودعمكم للرواية لانه الدعم مرة نازل

ومع السلامة اشوفكم على خير حلواتي🥺❤️