رواية من حضرتك عشان قلبي تذله الفصل التاسع عشر 19 - بقلم ام عوض

طلعت انايا الحوش وانصدمت وهي تشوف البزران موسخيين وهي توها منظفة صرخت بصوت عالي :يا كلااااب والله يا ويلكم منييي
طلعت شحاطتها وهي تصارخ:والله بتنظفون غصب عنكمم لعبونكمم من بزراااان
وتركض وراهم:والله لا طحتو بيدي يا ويلكمم
والبزران ينحاشو منها ويضحكون مستانسين انها تلعب معهم
مسكت ولد عمتها من اذنه وهي تقول :يا ويلك منييي طحت بيدي واخيرآ قدامي يالله نظفف
فيراس يصرخ:اي اي اذنيي
بهاللحظة دخل ادهم
وفيراس صرخ وهو يقول:خالووو الحقنييي بتذبحنيي
انايا بسرعةة لبست طرحتها
ادهم استغرب بس قرب وهو يقول:اشفي وشصاير
فيراس ماسك اذنه :شوفها تشد اذني وانا ما سويت شيي
انايا طلعت عيونها :كذااب موسخين الحووش وانا توني منظفتته وتكذبب بعدد لعنبوكك
ومسكت فمها وهي تستوعب انه ادهم واقف
ضحك ادهم وبعدين قال لفيراس :موسخ وتكذب بعدد قم بسرعة انت و وراعينك الثانية ولمو كل شيء
فيراس :بس مو انا
ادهم:بلا بس وبلا كلام زاايد قم بسرعةة ولا ما يصير طييب مو حرام عليكم من الصبح المسكينة تكرف وتجو توسخو انتو كذاا
فيراس :طيب
ادهم:واسمعو كلامهاا يا ويلكم لو قد اشتكت مرة ثانية
فيراس يناظر انايا :طيب
ادهم :يالله بسرعة تحرك
فيراس مشى وهو ينادي الباقي عشان ينظفون
ادهم :لو ما سمعو كلامتس كلميني ويا ويلهم مني
انايا ابتسمت :ابشر ما طلبت
ادهم ابتسم ومشى
وانايا عضت يدها وهي تقول يويليي يجنن يخافون مننه يويلي نفس ابو شهاب
سمعت صوت سالم ينادي وكشرت وهي تقول ما يخلون الواحد يرتااح ويعيش جوه
راحت وهي تقول :هلا وش بغييت
سالم مد لها الدلة :يالله بسرعة جا ادهم وبيجي منير واخوانه
انايا اخذت منه وهي بتنجلط منهم
راحت المطبخ وهي تتحلطم

وصلو البيت والهنوف ماسكة جمان وساندتها على نفسها نزلو ودخلو لداخل وقعدت جمان فوق السرير
الهنوف:مرتاحة كذا اجيب لتس مخدة؟
جمان:لا لا يروحي زين كذا
الهنوف قعدت جنبها وهي تقول :جعله فيني ولا فيتس
جمان:يا قلبي انتي
الهنوف :ما بنسى الي سويتيه معي لين اموت الي سويتيه محدن يسويه لرفيقه بهالزمن
جمان شدت بكتفها :الي سويته قليل عليك
الهنوف ابتسمت
قطع عليه صوت محمد من برا ينادي
جمان كشرت :تكفين احس مو طايقته
الهنوف :حرام عليتس ما به شي ليه ما تطيقينه
جمان رفعت حاجبها :عشتو اشلون ما به شي هاذا جاي ياخذك يرجعك الديرة
الهنوف :بس مو هو برضاه جا هم الي رسلوه غصب عنه
جمان :ايه ايه
الهنوف تقوم :انا قايمة اشوف وش يبي
محمد :ياهوو ما تسمعونيي
جت الهنوف :نعمم خير وش بغيت
محمد :حيبي لي كاسة موية
الهنوف :وصرنا نخدمك بعد؟
محمد :البيت غريب علي وخويتس مريضة من مين اطلب يعني غيرتس
الهنوف تروح المطبخ :طيب طيب
محمد :ومتى بتطيب خويتس ونرجع الديرة؟
الهنوف قالت بسرعة :يختي لا طابت رحنا ليه مستعجلل
محمد :زيين يومين وبنرجع
الهنوف تنهدت لانها تكره ذا السيرة مدت له كاسة الموية :تفضل
محمد ناظر لعيونها الي يوضح له شكثر هي ما تبي ترجع والخوف واضح بعيونها من ابوها قال :خايفة؟
الهنوف رفعت نظرها له وناظرت لعيونه :يهمك؟
محمد :يمهني اكيد انتي امانة عندي وما برتاح لين ترجعي بيتس سالمة غانمة
الهنوف ضحكت بخفة :حتى ولو وصلت سالمة غانمة تتوقع ابوي يخليني؟ ابصم لك بالعشرة انه ثاني يوم نوصل بتسمع انه الهنوف ماتت
محمد ناظر لعيونها قد ايش تشرح كمية الخوف الي فيها
الهنوف :انت ما تعرف ابوي يا محمد والله ما تعرفه كبرني وهو زارع الخوف بقلبي منه عشت وكبرت وانا اناظر للاباء كيف يعاملون بناتهم وانا ابوي ما قد عمري قلي كلمة حلوةة يا من ناداني بصراخ ويا من صحاني ب كف انا بنيت نفسي بنفسي بدون اهلي وهربت عشان ابني نفسي اكثر وما اكون بحاجة احد بحياتيي اكون مستقلةة وبعيدة عنهم لأنه صدقني عدمهم مثل وجودهم
محمد انصدم من كلامها ما توقع ابد انها مرت بكل ذا لحد الحين كان لليوم يلومها انها هي الغلطانة لانها هربت بس اسباب هروبها غير نظرته لها وهي مو غلطانة وحقها تعيش حياتها بعيد عنهم بس هي تدري وهو يدري مستحيل يخلونها بحاالها وإن رجعت يا مصيرها الموت يا الحبس فبيت ابوها
حطت الكاسة فوق الرخام ومشيت
ومحمد وقف بمكانه ساكت ما بين كلمته الي عطاه لابو زين وبين الهنوف

خلود خلصت شغلها وطلعت من المطبخ وسمعت صوت جيهان تبكي وامها تواسي فيها طلت للغرفة واستغربت شبلاها ذي تبكي
خلود:يمه اشفيها جيهان؟
ام عنان ناظرت فيها :اذلفي من وجهي مانيب ناقصتس
خلود استغربت
ولفت تبي تطلع سمعت صوت الباب عنان توه جاي
ام عنان تعلي صوتها:شوفي من جا يا خلود
خلود :اخوي جا
ام عنان قامت بسرعة من مكانها وطلعت الحوش وهي تقول :جيييت بوقتك يا عناان تعال شوف حرمتك وش مسويةة تعاال واسمع على حكاوي الي قايلته
عنان استغرب حط المفتاح بجيبه :خير وشصاير؟؟؟
ام عنان قربت منه :تعال شوف شوف بعينك جيهان كيف تبكيي كله بسبة بنت ابوهاا حرمتكك
عنان ناظر لجيهان الي تبكي :طيب فهميني وشصاير
ام عنان قعدت تقوله السالفة
وخلود بسرعة طلعت فوق وهي تقول :جويريا وينتتس يا جويرياا
جويريا جت:خير وشصاير؟
خلود :يا ويلتس يا جويريا طحتي ومحد سمى عليتسس
جويريا :تكلمي وشصاير
خلود :توه عنان جا وامي تتكلم عليتس وتقول كلام قيل وقال عنتس
جويريا :يا شييخة وش يسوي يعني؟
خلود كانت تبي تتكلم بس سمعت صوت عنان يناديها ضربت خدودها :يويليي وش مسوية انا بعدد
ونزلت بسرعة وهي تقول جاااية جااية
عنان وقف بعصبية :صح كلام الي قالته امتس؟؟
خلود :مدري والله مكنت موجودة عندهم ولا ادريي عن السالفة بكبرهاا
ام عنان :يعني تكذبنييي يا عناان اخر عمريي تكذبنيي وتصدقق عليي
عنان ما تكلم وطلع فوق وهو ينادي جويريا
فتح باب غرفتها وشافها واقفة ومحتريته يجي :خير تصارخ؟
عنان قرب منها ومسكها من يدهاا :صدق كلام الي سمعتته
جويريا :مدري عن وش تتكلم بس اذا تتكلم عن جيهان ايه صح
عنان بصراخ :وتقولينهاا كماان
جويريا :اييه اقولها ليه اكذبب يعني
عنان ماسك نفسه لا يضربها :انتي بتجلطييني يا جويريااا جيهان بنت عميي وما ارضى تقولين عنها كذاا فاهمة ولا لاا والي يتكلم عليها يعني تكلم عليي ما ادري وش بينتس وبينهااا بس هي ما سوت لتس شيي وش مشكلتس معهاا ما ادريي
جويريا صرخت :دامهاا بنت عمك وما ترضى عليهاا خلها تتستر ولا تطلع قداامك مفصخةة وتحترم نفسك انت الثاني وتحترم شنبك ذاا ولا تطالع فيهاا ولا بعد امك الثانيةة تبي تخطبها لكك، قال اييش قال انا وحنان اختيارك وجيهان اختيارها هيي والله لو تنطبق السما بالارض يا عنان والله وهيا حلفتتت ما تعرس عليها فاهم ولاا لاااا
عنان :وخير يا طيررر ما تبيني ولا تحبييني وما تبيني اعرس عليتس بعدد ،انتي وشش ما فهمت عليتتسس والله ما فهمت عليتس وش همتس لو تزوجت الثالثة والرابعة هااه دامتس ما تحبييني وجيهان وبنت عميي وما صارت لو تزوجتتها وين المشكلةة هاه
جويريا صرخت : احبكك واغااار عليييك زيين كذاا بعد عنهاا وخلها ترجعع بيتها وتروح في جهنم الحمراا تحترق وتتفحم تموت تنجلط المهم تذلففف ومابي اشوفهاا حدكك ولا تقرب منها وتقرب عندهاا بعد عنها ولا تطالع فيهاا ولا تكلمهاا ولا تلمسهاا
عنان سكت ما كان متوقع ابد تعترف بهاللحظة
توقع انها بتطول لين تعترف انصدم
وجويريا كانت تناظر بعيونه وهي كلها قهر منه
عنان ابتسم :صدق تحبيني؟
جويريا :اييه احبك وإن تحبني خلهاا تمشيي وتذلفف
عنان للحين مبتسم ومو مصدق واخيرآ قدرت تنطقها وتعترف وكله نصر انه قدر يجيب راسها ولا بعد مخليها تغار و واصلة. لاخر مراحل الغيرة
جويريا يوم شافته طول بالرد
مشيت عنه وطلعت برا الغرفة
وعلى طول قابلت خلود بوجهها
خلود خايفة عليها :بشري وش قالتس
جويريا :وش يقولي يعني وله وجه يقولي شي اصلآ
خلود :يعني ما ضربتس؟
جويريا :يخسي يضربني والله
خلود منصدمة من عصبية اخوها ظنت انه بيفرشها بالارض من الضرب وسمعت اصواتهم العالية بعد
جويريا :وينها المنقوزة الي ما تستحي على وجهها
خلود تمسكها :تكفين خلاص اسكتي وبلاها مشاكلل
جويريا :انا اعرف شغلي معها صدقيني ما بمشيها لهاا والله يا خلود يا ويلها سواد ليلها مني بطلعها من عندكم قبل تتم يومها وقولي وقتها جويريا ما قالتت
خلود :طيب طيب بس هدي ولا تزيدي الطين بله

في ليل
الهنوف قعدت مع جمان ساكتة وغير عن عوايدها
جمان :اشبك يروحي فيك شي
الهنوف :لا مافيني شي يقلبي بس احس مصدعة
جمان:طبيعي تصدعي مع الي صار
الهنوف حطت يدها فوق يد جمان وهي تقول :بشتاق لتس يقلبي
جمان :وانا بعد بشتاق لك احس تعودت عليك كيف ارجع اعيش لوحدي
الهنوف تنهدت
جمان :ما قال لك متى بياخذك؟
الهنوف :لا ما قال انا قلتله لين تطيبي بنقعد وهو قال طيب
جمان :معليك بمثل اني للحين مريضة ونبطي الوقت
الهنوف :يا جمان حتى نبطي بالوقت انا مصيري راجعة الديرة ليه نتعني وحنا ندري
جمان سكتت لانه فعلآ صح كلامها
اندق الجرس
جمان :هاه اكيد وصل الاكل تكفين روحي افتحي الباب و خذي الاكل من المندوب
الهنوف :ابشري
طلعت برا وشافت محمد رايح يفتح
محمد يوم شافها قال:خير خير وين طالعة؟
الهنوف :افتح الباب
محمد :ارجعي ارجعي بس معندنا بنات يفتحون البيبان
الهنوف تأففت وهي تقول :وطلع الغيرة حق عيالنا
محمد شال الاكل منه
الهنوف اخذته من يده :هات
محمد :ما طابت خويتس؟
الهنوف :يا ربي متى تبطل تسألني نفس السؤال ،لا ما طابت تبيها تنام وتصحي وهيا طابت
محمد قعد فوق الكنبة بملل :زهقت يبنت ابوتس هنا
الهنوف ناظرت فيه من الصبح قاعد لوحده وجمان بالغرفة ما تقدر تقوم :تعال نتعشى
محمد :وين
الهنوف :عند جمان
محمد :لا مابي شكرآ لتس
الهنوف تنهدت منه. وهي تدري ما بجي.
فتحت الكيس ومدت له همبرغر :تفضل
محمد ما قدر يرفض لانه جوعان صدق واخذه من يدها وهي راحت الغرفة عند جمان

ام عنان انقهرت انه عنان لا ضربها ولا سوا لها شي وهي الي كانت متأملة انه بيحمر وجهها من الكفوف
قاعدة بالحوش منقهرة
عنان وصل البيت وشاف امه بالحوش قاعدة و واضح عليها زعلانة عرف سبب زعلها هو حافظها انه اذا ما صار الي تبيه تزعل وهو قد شافها كيف تحاول تخرب بينه وبين حنان وبعدها صار ما يصدق كلامها وان بغى يصدق يسأل خلود وهي تجاوبه بصدق ويتاكد بكذا
راح باس راسها وهو يقول :كيفتس يالغالية
ما تكلمت ام عنان
عنان ما حب يزيد معها ف طلع فوق لغرفة. حنان عشان يتطمن عليها واول ما وصل عند الدرج قابل جويريا الي توها طالعة من غرفتها وكشرت يوم شافته لانه ما سوا مثل ما قالت له
عنان ابتسم وهو يتذكر وش قالت ولاحظ عليها الزعل والتكشيرة :مين الي مزعلتس؟
جويريا :وبعد تسأل ولا كنك تعرف
عنان تذكر جيهان وقال:انتي تدرين اني مقدر اطردها هي بنت عمي وجاية زيارة وبتروح اكيد بس اني اطردها ذي مقدر يا جويريا
جويريا لفت وجهها عنه وهي تدخل الغرفة :طيب وضح لي ليه
عنان تنهد منها ودخل غرفةحنان يتطمن عليها
قرب من السرير وهو يقول :كيفتس يا حنان؟
حنان :الحمدلله صرت بخير
عنان :وينه ثامر؟
حنان:عند خلود قالت اليوم بينام عندها
عنان قعد في طرف السرير :زين خليه هالفترة عند خلود وانتي ارتاحي وانتبهي لنفستس صحتس يا حنان لا تهمليها ابي الولد يجي بصحة زينة
حنان: ان شاء الله
المعروف عن عنان انه مقرر يجيب بزران واجد ودايم يوصي حنان لصحتها انها تنتبه لنفسها وصحتها ومانعها عن الشغل ولا تتعب نفسها ومدلعها بفترة الحمل طلباتها اوامر
جويريا بغرفتها منقهرة تفكر كيف تطلع جيهان من البيت لانها تدري مستحيل بتطلع بالسهولة لازم لها تفكر زيين

دخل زين للبيت وهو بيده كيس حلويات جايبها لروزا
نادا بصوت عالي شوي :روزاا انا جيت وينتسس
روزا طلعت من المطبخ وهي تنشف يدينها بالمنشفة :هلا
زين قرب منها ومد لها الكيس :تفضلي جبت لتس حلويات
روزا رفعت حاجبها بدهشة واخذت منه الكيس والقت نظرة وقال بإستغراب :حلوياات؟ لحظة لحظة لا يكون الهدية حقتك ذي هي
زين :اييه
روزا عطت الكيس له :مالت عليك بزرة انا تجيب لي حلويات؟ رح اذلف بسس
زين مستغرب منها :وشفيتس؟ اندري انتو البنات تحبون الحلويات
روزا صدت وجهها ومشيت للمطبخ
زين :تعاليي طيب وشتبين انتيي
قبل يروح وراها رن جواله شاف المتصل امه ورد بسرعة
زين:هلا يمه
ام زين :اهلين حبيبي وينك بالدوام؟
زين:لا توي وصلت البيت
ام زين:زين يمه مر علي كنت مسوية جريش واندري انك تحبه جهزت لك ولحرمتك صحن تعال خذه
زين :الله يمهه والله جت بوقتهاا ابشريي الحين جايي لتس
طلع برا وتوجه لبيت اهله الي مو بعيد مررة قريب منه ما بينهم الا بيت واحد
دق الباب وفتحت له ام زين وهي راسمة ابتسامة بوجهها :تفضل يولدي
دخل زين وباس راسها :يبه بالبيت؟
ام زين :لا للحين ما جا شوي ويجي
زين :طيب
ام زين لاحظت للكيس الي بيده :وش جايب معك؟
زين ناظر للكيس وضحك
ام زين ابتسمت :خير تضحك ،ضحكنا منك
زين :يمه امس قلت لروزا تدلك لي راسي وبجيب لها هدية بس مدري شبلاها جبت لها حلويات وزعلت
ام زين تناظره بدهشة :وانت صاحي تجيب لها حلويات؟
زين:وش اجييب طيب
ام زين تكش عليه :مالت عليك جيب لها بناجر ذهب او سلسال ذهب وش تسوي بالحلويات بزر هي؟
زين :اهااه هي بعد شكلها كانت تلمح للذهب
ام زين :انت طير ما تفهم الحرمة تفرح بكلمة حلوة بهدية بسيطة بس انت الله يهديك ما تعرف شيء زي ابوك
زين فطس ضحك وبعدها قال :ابشريي يمه من عيوني اسوي الي تقولينه لي
ام زين ابتسمت :االه يحفظك يا رب
زين:امين يا رب

الهنوف طلعت من عند جمان بعد ما نامت وقعدت فوق الكنبة الي جالس فيها محمد بمسافة شوي طويلة
وهم ساكتين اثنينهم الهدوء الي بينهم يقتلل
قطعت الهدوء الي بينهم الهنوف وقالت :متى بنرجع الديرة؟ يناسبك بكرى
محمد انصدم منها قبل شوي ما تبي تروح والحين جاي تقول بكرى :لا
الهنوف :طيب متى
محمد :بنقعد اسبوع لين تطيب جمان وتقدر تمشي
الهنوف :ليه تبطي وانت الي كنت مستعجل نرجع الديرة
محمد ما يدري ليه بس صدق ما عاد يبغى يرجع الديرة يبغى يقعد فترة اطول هنا مع الهنوف. تصارح مع نفسه واخيرآ واعترف لنفسه انه يحبها معنه الفترة الي قضاها معها جدآ قصيرة
الهنوف ناظرت فيه بعد ما تأخر رده
محمد تنهد :تقدري تقولين اني بديت احب المدينة
الهنوف ضحكت بخفة وهي تسند راسها بالكنبة بملل :حبيت المدينة ؟؟ لاا ما اصدق
محمد تمعن بتفاصيلها كلها تفاصيل بسيطة بس جابت راسه ما يدري كيف وليش ومتى : في شخص حببني فيه
ناظرت فيه وهي ما فهمت من يقصد ولا حتى فكرت انها هي المقصودة رفعت حاجبها بإستغراب :من تقصد؟
محمد ضحك بخفة :لا محد معليتس
الهنوف كان ودها تصر عليه عشان يقولها من يقصد بس كانت نعسانة ولا ودها تطول معه فسكتت

نهاية البارت

للمعلومية اني انا عدلت في قصة هيام وبس
والي عدلت عليه عدلته بعد موت تميم والي مو فاهم يقدر يشوف لاني حذفت كثير اشياء في قصتها الي كنت كاتبتها وعدلته
وبس والله
اشوفكم بكرى باذن الله

تشاوو✌️