رواية من حضرتك عشان قلبي تذله الفصل الخمسون 50 - بقلم ام عوض

جويريا سلمت على الكل وخلصت وقعدت تدور بعيونها على خواتها وطاحت عينها على هيام من بعيد وابتسمت بس وقفتها خلود وهي تقول :هيه هيه وين رايحة خذي بنتس اول
جويريا :لحظة بس بروح اسلم على هيام وارجع
خلود :لاا خذيها وبعدين روحي اندري لو رحتي عند اختس ما بترجعين بعدين بسرعة خذي بنتس ولا اخليها هنا واي احد يشوفها ياخذه له
جويريا :لا ما تسوينها اندري فيتس طيبة وحبيبة
خلود:والله اسويها عاادي ترا
جويريا تناظر وحدة من بعيد :اييييه  شوفي ذي ام مشااعل لحظة بس اسللم عليها وارجعع دقيقة وحدة بسس
ومشيت بسرعةة وهي مستانسة انها قدرت تضحك على خلود
سلمت على هيام وقعدت عندها :اقول هيام وشذا الجمال ما عرفتس
هيام استحت:شكرآ لتس يا قلبي حتى انتي تهبلين
جويريا تبعد شعرها :انا من يومي اهبل
هيام ضربتها بخفة :ما تغيرين من طباعتس
جت اسيل وحطت يدها بعيون جويريا من ورا وهي تقول :انا ميين
جويريا :من غيرتس خلوود"وفجأة استوعبت" يممه وينهاا شموخ
وبعد يدها بسرعة من عيونها وشافتها اسيل
اسيل :شبلاتس خفتي يوم دريتي انه خلود وش مسوية
جويريا :خفت لانها مهبولة مثلتس
اسيل تقعد :الحين معلييكم من خلوود تخيلو بنات
هيام وجويريا :وش؟
اسيل:الهنوف طلعت حاامل
جويريا فرحت:ما شاء الله واخيييرآ حملت
هيام:فرحت لها من كل قلبي والله، صارلها زمان متزوجة وما حملت الله يقر عينها بضناها يا رب
جويريا :ايه و وينها اختس جود
اسيل:تسلم على الحريم
جويريا :وانتي ما تسلمي
اسيل:اف سلمت شوية وجيت قعدت الحين اروح اركض ورا هاذي وهذاك عشان اسلم  وتخيلو قبل شوي سلمت وحدة مرتين
هيام:صدقيني مافي اهبل منتس اقعدي احسن لتس  و لا تفشلينا
اسيل تحط رجل على رجل :معليتس قاعدة قاعدة
جويريا شافت عبير الي دخلت توها مع امها  :يعع شوفو بناات  عبير بعد جاية
اسيل :من عبير؟؟
جويريا :هاذي ضرة خديجة تغث الوااحد
هيام:خديجة اخت رجلتس
جويريا :ايه
اسيل:هاذي اخت رجلتس ليه ما قد شفتها
جويريا :لانه بيتها بعيد مررة وما تجي واجد بس حبووبة يا بنات تنحب بسرعةة
اسيل:وهاذي ضرتها وشجابها
جويريا :هاذي الغثيثة بيتها هنا قريب عشان كذا
اسيل:من الاولى خديجة ولا هاذي
جويريا :خديجة اكيد هاذي جت ضرة على المسكينة
اسيل تناظرها بنص عين  :تتكلمين وكنتس كنتي الأولى انتي بعد رحتي ضرة على حنان
جويريا :شوفو من يتكلم حبييبتي انا لو كان بيدي ما كان تزوجت ورحت بهذاك البيت ضرة بعدين ما يهم لو انا الأولى ولا لا اهمشي اني الاخييرة
اسيل:من قال انتي الاخيرة ترا الي يتزوج الثانية يتزوج الثالثة والرابعة مو بعيدة عننه
هيام ضربت اسيل:وانتي لا تفتني وتعبينها على رجلها اسكتيي
جويريا :خلها تتكلم عادي ما يمسني وبعدين عنان اذا تزوج علي تعرفون وش بسوي اول شيء اسويه الم اغراضي وامشي ما اقعد عنده دقيقة وحدةة
اسيل :كل الحريم يقولون كذا واذا تزوج عليهم ينطمون ويقعدون عشان عيالهم
جت جود وسلمت على خواتها :وش تتكلمون عنه
اسيل:نتكلم عن رجلها سلطان الحريم هخخخخ والله يليق عليه ذا لقب
هيام قعدت تضحك:اسيل والله لو ما تسكتين بهفتس كف  بوجهتس لا يعرس عليتس رجلتس بكرة
جويريا :معليتس منها مهبولة هاذي قوليلي اشلونتس اخبارتس واشلونها بنتس عساها طيبة
جود:الحمدلله والله
جويريا :وش وينها بنتس ما جبتيها؟؟
جود:لا خليتها مع خالة مرحومة اصرت علي
جويريا : وانا خليت بنتي عند خلود تلقينها بعد شوي جاية وهي معصبة
وكملو سواليفهم وجويريا مستانسة مع البنات وناسيةة  الي صار معها في صبح ولا بدراية انه جاييها عاصفة وحرقة قلب الليلة يقلبب حياتهاا من سماه لارضه

بالجهة الثانية عند ام عنان كانت قاعدة مع الحريم وتسولف ومستاانسة مو بس مستانسة من قعدتها مستانسة انه الي تبييه بيصير اليووم وكل شوية تناظر جويريا وهي مبتسمةةة وتشوفها تضحك مع خواتها وتتعود فيها وتتخيلها بعد ساعات اشلون بينقلب ضحكتها هاذي
حست بيد بكتفها ولفت وشافت بنتها روزا
قامت وهي الابتسامة بوجهها وباستها :هلا والله بنتي روزا اشلونتس يا روحيي
روزا :الحمدلله يا يمه انتي اشلونتس اخبارتس عساتس طيبة
ام عنان :طيبة طيبة يا عيون امتس تعالي اقعدي انتي حاامل لا تتعبين يا يممه
قعدت روزا جنب امها وهي مستانسة
ام عنان :هاه يمه مو متعبتس الحمل
روزا :لا لا يا يمه مو متعبني الحمدلله
ام عنان :قوليلي حموتس زينة معتس ما تسوي لتس مشاكل اخبر بيتها قريب من بيتس اكيد كل يومين تطب عندس وتتعبتس
روزا :لا يمه وش تطب عندي وتتعبني تجي وتسوي لي المسكينة كل شيء وتروح وتحبني زي بنتها واكثرر يا يمه
ام عنان :مدري والله يمكن اقول كانت تبي الهنوف المهبولة وما تكون زينة معتس
روزا كشرت من طاري الهنوف. :لا يمه
ام عنان رجعت تبسمت :وزين للحينه طيب معتس؟؟
روزا :يممه كلهم طيبين معيي حتى عمي الله يحفظه دايييم يمر علي ويسألني ابي منه شيء او محتاجة شيء ويا طييب قلبه يا يمه دايم ينبه فيني اذا زين زعلني اقووله ومستانسين وااجد ب اول حفيد لهم وانا بعد مستانسة
ام عنان :الله يقر عينتس بالضنا يا رب
روزا ابتسمت :امين يا يمه اميين
قاطعتهم ام الهنوف وهي جاية عندهم ومبتسمة :هلا والله مريم اشلونتس
ام عنان قامت وقعدو يسلمون على بعض:الحمدلله طيبة وانتي اشلونتس عساتس طيبة
ام الهنوف :الحمدلله طييبة
ام عنان بإبتسامة :سمعتي بالخبر الزيين  يا نوال
ام الهنوف  استغربت :اي خبر
ام عنان :بنتي روزا حاامل
ام الهنوف ابتسمت :ايه سمعت حتى انا بنتي الهنوف توها بشرتني بحملها الله يتمم لهم على خير ويقومون بالسلامة
ام عنان :ما شاء الله ما شاء الله حتى بنتس انتي
ام الهنوف :ايه ما شاء الله
ام الهنوف :مبروك يا روزا تقومين بالسلامة يا رب
روزا ابتسمت:الله يبارك فيتس يا خالة
ام الهنوف : انا استاذن منكم بروح اسلم على ام ظاهر جت
ام عنان :تفضلي يقلبي
راحت ام الهنوف وقعدت ام عنان :شفتيها يا يمه اشلون انقهرت يوم سمعت ب حملتس
روزا :يمه الله يصلحتس ما انقهرت و ولا شيء المَره فرحت
ام عنان :انتي ما تدرين بهذول الناس يا يمه مليانة سمم تضحك بوجهتس و تحفر من وراتس وتزرععع اييه يا يممه
روزا تنهدت من امها  :الله يصلح الكل

وبعد ساعات من الزواج جا وقت الزفة وانايا متوترة بس فرحتها اكبر من خوفها  وامها مو معها من بداية اليوم لين نهايته كانت معها نور تحاول تخفف عن توترها لين نجحت في ذا الشيء فعلا وفرحتها تعدا خوفها
انايا بخوف انه شكلها خرب :ما ساحو المكياج؟
نور:ما ساحو يا انايا ما ساحو، لا توسوسين
انايا :يوه وينها امي قالت الحين الزفة وهي اختفت
نور :شوي شوي  وشبلاتس مستعجلة
انايا قبل تتكلم دخلت ام معاذ بإبتسامة :يالله سمي بالرحمن واخطي خطوتس الزفة يا بنتي
انايا اخذت نفس وبعدها ابتسمت وخطت اول خطوة ومشيت والابتسامة محلية وجهها وكان كل شيء فيها يهببل وصلت للكوشة وقعدت والفرحة واضحة بعيونها
قربت منها نور وهمست في اذنها : شوفي الناس كيف تطالع قلنا لتس افرحي بس مب لهدرجة ازعلي شوي انتي بتفارقين اهلتس ترا وش يقولون ما صدقت تعرس هاذي
انايا ناظرت لناس واستوعبت على نفسها وقالت باحراج:طيب
وقعدت تمثل انها تبكي شوي وزعلانة ومتاثرة
ونور ماسكة ضحكتها ولقت انه خلاص خلصت من مهمتها وفزعتها مع انايا لانها من يوم جت وهي ما سلمت على خواتها ولا شافتهم راحت عندهم وهي تسلم عليهم بحرارة وترحب
جويريا :تو الناس يا روحي بدري الحين نتعشى ونروح بيوتنا الحين جاية تسلمين
نور بحرج :والله كنت مشغولة مع انايا زي ما شفتو بس معليه ان شاء الله قبل امشي للمدينة لكم سهرة فبيت عمتس واقولكم من الحين الكل يسوي حساابه هااه
جود تضحك:معليه مسويين حسابناا بس اقعدي مشتاقين لتس
قعدت نور وهي مستانسة
اسيل :شوفو العروس تصيح الله  ليه انا  ما بكيت بزواجي مثلها ، عيب مرة
نور:ترا تكذب الكذوبة هاذي لا تصدقيهاا كانت شوي وتصيح من الفرحة بس انا قلتلها ابكي شوي ما يصلح كذا وش يقولون الناس
جويريا تضحك:شوفوها وااضح تمثيل
هيام:بسكم حش بالناس ما تستحون على وجيهكم انتم
جويريا قعدت تضحك
وشوي ونادو الكل للعشا وزي اي عرس تنتهي بعد العشا والكل يصير حبة حبة يمشي بيته والعروس تمشي مع عريسها وانتهت الحفلة
انايا توها تستوعب انها بتفارق اهلها وقعدت تصيح منجد
ام معاذ : يالله يا انايا البسي عبايتس لا يجي ابوتس  الحين ويذبحتس لانتس تأخرتيي
انايا تضم امها :يمه بشتاق لتس
ام معاذ الي زي اي ام بتفارق بنتها قلبها بيتقطع من الوجع : خلاص يا يمه لا تبكين بيتس قريب بتجين كل ما اشتقتي
نور دخلت :اناياا بنت بسرعة توه معاذ يتصل علي ويقول وينهاا
ام معاذ ناظرت فيها :ما تسمعني كلميها انتي
نور قربت منها :شبلاها
ام معاذ مسحت دمعتها وهي تضحك :تقول بتشتاق لي
نور ضحكت :لا انتي انايا مو طبيعية صدقيني قلت لتس ابكي شوي وازعلي بس مو لهدرجةة
انايا ضحكت من بين دموعها :مو تمثيل والله
نور:يالله بسرعة تحركي رجلتس يحتريتس براا ولا تبي تباتين عند امتس
انايا تحركت وساعدتها امها بالفستان وطلعت لأدهم الي صارله واجد يحتريها وجنبه معاذ الي متفشل من تأخير انايا وسالم حده بعد
وبمسافة واقفين ابو ادهم وابو معاذ
معاذ قرب منها :بدريي يا روح اخوتس كان نمتي داخل بعد احسن
انايا ضحكت بخفة وهي ساكتةة ومنزلة راسها وهي اصلآ متغطية بالطرحة
معاذ مسك يدها عشان يساعدها تدخل السيارة
ويوم شاف ادهم انها تحتاج مساعدة قرب هو بعد
بس بعده معاذ وهو يقول :صبر صبر يا رجال انا بساعدها ترا اختي قبل تصير حرمتك مانيب غريب
ادهم ضحك :ما تتوب انت
ركبو انايا السيارة ومعاذ لف لادهم:اختي الصغيره ما اوصيك عليها يا ولد العم
ادهم:افا بس توصيني على حرمتي وبنت عمي هي بعيوني قبل تصير حرمتي
معاذ قال بإستغراب :هاه؟؟
ادهم :اقصد انه
معاذ :امش امش بس قبل تجيب العيد
ادهم ضحك ولف نظره لسالم الي الدمعة بعينه من فراق اخته انايا صح كان يطفشها ويتهاوشون بس اخته هي ويحبهاا وما يتخيل البيت بدونها
سالم سلم على ادهم :انتبه لاختي وتجيبها عندنا كل اسبوع تفهم
ادهم :ابشر والله انها بعيونيي
سالم :وما تزعلهاا تراها غالية والرخيص هو الي يزعلها
ادهم:والله يخسي الي يزعلها
سالم:كفو يالله امش تاخرت على اختي
ادهم مشي للسيارة ومعاذ وسالم ركبو سياراتهم عشان يوصلونهم للفندق ويرجعون

جويريا تهز برجلها :تأخرر ويينه
ام عنان مبتسمة :الحين جاي معليتس
خلود :شوفي يمه كل الناس راحو بيوتهم الا حناا مدري وش منتظرين
ام عنان :يالله الحين بيجي عنان قال شوي ويوصل
جويريا رفعت حاجبها :شوي ويوصل؟ ليه هو مو بالعرس؟؟؟
ام عنان كانت بتتكلم بس دق جوالها  :يالله يالله بسرعة اكيد وصل
قامو كلهم الي كانو جاهزين من بدري بس عنان تأخر وطلعو برا
وركبت حنان قدام وجويريا ما كان لها خلق تتهاوش  ركبت ورا وهي ساكتة وكان هدوء بالسيارة
وجويريا ما سألت عنان وين كنت لانها اصلا تعبانة وما تصدق متي توصل عشان تطلع وتنام
وصلو البيت واخيرآ
ونزلت حنان اول وحدة ودخلت البيت بس استغربت   يوم شافت سلطانة  قدامها وقالت بإستغراب :سلطانة؟؟
وراها دخلو ام عنان وخلود الي انصدمت بعد زيها عكس ام عنان الي كانت مبتسمة ومتوقعة من بتشوف
كانت اخر وحدة تدخل هي جويريا وهي بحضنها بنتها وتقول :افف مرة تعبت ما اصدق لين اوصل لسرير و
سكتت يوم شافت سلطانة واقفة وقالت بإستغراب :سلطانة؟؟
ولفت لحنان وخلود الي هم بعد مو فاهمين وشسالفة
ودخل عنان وقفل الباب وراه  وهنا جاها لحظة ادراك  والصدمة  تلتهاا والي تفكر فيه تقوله مستحييل لاا مستحييل
عنان كان يشوف الصدمة بوجيه الكل تقدم بخطوات و وقف بمسافة عن سلطانة وقبل يتكلم
تحركت جويريا وعطت شموخ لخلود وقالت :عنان وش قاعد يصيرر وش تسوييي هاذي هنااا هااه وش تسويي تكلمم وعلمنيي
عنان متأكد وعارف وش تفكر فيه بس ما عنده مشكلة انه يقولها هو بنفسه تكلم وقال بحدة:ا انا تزوجت سلطانة على سنة الله ورسوله وصارت حرمتي زيك و زي حنان
انصدمت جويريا والصدمة كانت مضاعفة لحنان الي جاب لها الضرة الثانية و واقفة بمكانها ومصدوومة
خلود مسكت يد ثامر وبسرعة طلعت وهي ما تبي ثامر يحضر هواشهم
جويريا مو مصدقة للحين وتناظر فييه وهي الدمعة بعينهاا مو مستوعبة انه يكسر ظهرها بالضرة وهي الي قدمت له كل شيء وحبته اخرها يجزيها كذا وقالت بصوت كله آلم وكسر :ليه يا عنان لييه؟  ليييه سويت فيني كذاا تكلمم لييييه
ولفت نظرها لسلطانة الي اعتبرتها زي اختها :وانتي يا سلطاانةة هاذاا جزااتي اني دخلتس فبيتي وامنتس كذاا تجازيييني تسرقين مني رجليي
عنان قرب منها عشان يمسك يدها وهو يقول:جوييرياا اسمعيني
جويريا بعدت يدها بسرعة وهي تقول بصوت عالي :لاا تلمسني يا عنااان لااا تلمسنييي لييييه سويييت فيني كذا يا عنااان لييه اشلووون تكسر ظهري كذاا اشلووون ليييه تجرحني وانا حبيييتك وتركت الكل عشاانك ليييه والله حبييتك من كل قلبي ليييه تذل قلبي كذاا ليييه
عنان ما لقا جواب وفضل انه يسكتت وهو ما ظن بيوم يشوفها بالحالة هاذي الي يرثى لها
جويريا اخذت نفس وهي تناظر فييه بعيون مدمعةة وكله كسرر: انا اصلا من الاول المفرووض ما احبكك شووف وش صاار عشاني حبييتك كسرتنييي انا وقلبي وذليييتني وذليييت قلبيي  هاذا جزاااتي يا عنان هاذاا جزااتي اني حبييتكك
عنان رجع قرب منها ومسك يدينها غصب عنها وهو يقول :اسمعييني قبل يا جويريا انا تزوجتها عشاان
قاطعته جويريا بصراخ: لا تبرر يا عنان انت تدري وانا ادري والكل يدري هاذيي رغبة فيييك ليييه تكذب علي وعلى نفسك ب اسباب تااافهةةة وانت تدرييي انك انسااان وسخ وما يمليي عيينك شيء، تدرييي وشش يا  عناان انا الواااجد علييييك طلبت القليل وجاك الكثيير حبيييتك وحطييتك بقلبييي وتحملتكك وسكتت وانطميييت عن كلل شيء عشاان ما اخسررك واخرتها تجييب هاذيي ضرة علييي ليه ليييه
غمضت عيونها بكسر ومسحت دموعها بسرعةة وهي تذكر نفسهااا بكرامتها وكبرياائها الي هم اغلى شيء عندهاا :الله ياااخذك يا عنااان ياخذك انت وياهاا   خذ حرمتك الوسخةة هاذي خلها تملييي عينك والصراااحة يا عناان  "وقالت بتقزز" تليقون على بعض
عنان بصوت عالي شوي : جوييرياا
جويريا :لا عاد تنطق اسم جويريا انت خسرتهاا تفهم خسرتهاا و انا مو حنان عشان اسكت واقعد لا حبيبي غلطان اناا جويريااا بدعس على قلبي واحطه تحت رجلي وامشيي علييه
ولفت وجهها عشان تطلع فوق بس عنان كان اسرع منها ومسك يدها :ما بتروحيين ل مكان تفهميين
جويريا ناظرت فيه وهي تبلع ريقها عشان ما تضعف وترجع تبكي قدامه  :نبهتك يا عنان بس ما سمعت مني وانا الي يخسرني مرة ما يحصلني مرة ثانية
وحررت يدها عنه بقسوة ومشيت فوق
وحنان الي كانت واقفة ودموعها ما وقفو من اول ما دخلتت ومحد ينكر انه حنان وجعهاا اكثر من جويريا بمرتين لانها ذاقته مرتين جرحها وزاد على جرحها ملح
ناظرت في عنان وقالت :الله لا يسامحك يا عنان  الله لاا يسااامحك
ومشيت عنه وطلعت فوق
ام عنان ناظرت لحنان والابتسامة شاقة وجهها هي درت انه جويريا مستحييل تقبل يجيها الضرة وان جتها بتترك البييت وترووح وسوت الي تبييه ما تدري وش منتظرهاا

جويريا لمت ملابسهاا وخلود عندها تحاول تقنع فيها ما تترك البيت وتروح
جت حنان وحطت ولدها فوق السرير وجت عند جويريا :جوييرياا وش ذا الي تسويينه بتتركين البييت يا جويريا؟؟؟
جويريا :اييه اتركه وتبيني اقعد بس سوااد وجهه لا والله مانييب قاعدة له كرامتيي وعزة نفسي اكبر منه هو وحبه
خلود مسكت يد جويريا ولفتها عندها :جوييريااا اشلون بتسويين كذاا وبنتس شمووخ ؟؟والله لو تنطبق السما بالارض ما خلاتس تاخذين شمووخ
سكتت جويريا وبلعت ريقها
حنان:اسمعي منيي واقعدي يا جويريا تكفيين عشان بنتس والله حراام عليتس
خلود مشيت بسرعة تحت عشان تخبرهم انه جويريا تبي تروح
جويريا ناظرت لشموخ الي نايمة بالسرير وغمضت عيونهاا وهي الدموع تنهمر من عيونهاا :نقطة ضعفي يا حنان هي شمووخ مقدر اعيش بدونهاا وبنفس الوقت مقدرر اقعد هنا وكنه ما سوا شيء لا يا حنان لاااا نار عميي احسن ليي من اني اقعد هنا وانا منذلة بالضرة
حنان وهي تبكي:تكفيين جويريا
جويريا قفلت سحاب الشنطة ومشيت بخطوات ثقيلة عند شموخ وشالتها وحضنتها لصدرها وطبعت بوسة بخدها وهي تبكيي :اعتذر منتس يا نظر عييني والله اعتذرر بس مقدرر، لما تكبرين بتعرفيين ليه سويت كذا بتفهمييني يوم تكبريين
ومشيت عند حنان وحطت شموخ بحضن حنان بهدوء ورقة :بنتي صارت بنتس يا حنان تكفيين بنتي يا حنان لا تبكييي لا تبكي وتدمع عيونهاا بنتي امانة عندتس داريهاا زيين
ومشيت بسرعة قبل تضعف زياادة وما ودهاا تترك بنتها وراهاا بس بنفس الوقت مستحيل ترضى تقعد
مسحت دموعهاا ونزلت
وعنان الي الخوف واضحة بعيونه من انها صدق تروحح وما ترجعع وكنه توه استوعب انه هاذي جويريا صح حبته  و ورته جانبها الحلوو بس ترجع جويريا الي رفعت السلاح بوجه عمهاا بكل قوة وشجااعة تسوي الي ما يتووقعه احدد
قام بسرعة ومسك يدها وقال بحدة:ما بترووحين مكاان
جويريا بقسوة:بعدد يدك عني يا عنان وقسم  الي خلقنيي اني مانيب قاعدةة لك هناا لو تذبحنيي هناا  انا خارجةة من هنا يعني خاارجة تفهم
عنان شد بيدهاا :ما بتروحين مكااان وان فيتس خير وريني وش بتسوييين
جويريا قعدت تحاول تحرر يده عنهاا :اتركك يدي يا عنااان اتركنيي خلااص
عنان :مستحيل تمشيين هنا بيتس  بتروحيين وتخلين بنتس يعنيي، لا مو بكيفتس
جويريا تحاول ما تضعف لانه بسيرة بنتها تضعفف :ايه بخليهاا هناا وانا رايحة بدوونها وانا بتطلق منك غصب عننك
عنان انصدممم ماا توقع يوصل الامور  للطلاق
من صدمته فلت يدها وهو مصدووم ما يبي يخسرهاا ابد ظن تزعل يوم يومين وترضى زي ما رضت حناان ما طن توصل الامور لهاذي المواصييل
جويريا لفت وجهها  وفتحت الباب عشان تطلع بس وقفها صوت عنان وهو يقول بحدة :اذا طلعتي الحين من هنا وجه بنتس ما بتشوفيينه بحياتس كلهاا
جويريا نزلو دموعها  وبلعت ريقها ب كبر وخطت خطوتها برا البييت وهي قلبها بيتقطع عشان بنتها شمووخ ما تدري لين متى بتتحمل فراق بنتها بس تدري انه لاخر حيل عندها بتتحمل ولا تعيش بالذل عند عناان
والشوارع كلها فاضيية بس هي لوحدها تمشيي وتبكيي

عند هيام تطبطب على ياسر وهي مبتسمة لشكله النائم وبعدها قامت من مكانها وتوجهت التسريحة وفجأة تذكرت شكل سعود يوم شافها اليوم متزينةة وكيف كان يناظرها باعجااب شكله ونظرته مو راضية تروح من بالها
دخل سعود بهاللحظة وهو بيده السجادة توه خلص من قيام اليل وناظر لهيام الي قاعدة قدام التسريحة وتطلع الحلق حقها والاكسسوارات الباقية ويوم طاحت عينها على سعود رجع هو بنظره وراح حط السجادة لمكانها
وقفت هيام للحظة وهي تقول بداخلها ليه ما اكلمه انا وابادر مو معقولة حالتنا مب حالة ابدد
تشجعت وقامت من مكانها وتوجهت عنده وهي تقول :سعود
سعود لف لها  بسرعة وسكت للحظات يوم حط عينه بعينها وبعدها قالت  :هلا
هيام بلعت ريقها وهي ما تدري اصلا وش تقول :سعود ابي اكلمك ب موضوع
سعود :تفضلي
هيام ناظرت بعيونه وهي ودها تقوله احببك بس مو قادرة تنطقق
سعود بخوف :قولي فيتس شيء خوفتيني
هيام ناظرته اشلون بلحظة تغيرت نظرة عيونه من اعجاب لخوف ما تدري هل هو يبادلها بنفس الشعور ونفس حالة كل يوم رجعت لها الحييرة الي تذبحهاا
سعود قرب يده ليدها :قولي يا هيام وشبلاتس سكتي
هيام نزلت نظرها عنه  بتردد وعجز :لا ولا شيء
سعود مسك يدها قبل تمشي :هيام قولي الي ب ودتس
هيام اخذت نفس و قالت بجدية وجرأة :سعود انت تحبني؟؟
سعود سكت للحظات السؤال الي ما يبيها ابد انها تسأله لانه ما عنده جوااب له ما يعرف يبادر او اشلون يقولها حتى
هيام كنه من سكوته عرفت الجواب ضحكت على نفسها بداخلها ولفت وجهها عشان تمشي بس رجع مسك يدها سعود:ايه انا ا
ما كمل كلمته واذا يندق الباب بقوة لفو اثنينهم وهم مستغربيين
سعود :خير ان شاء الله من يدق الباب بهاذا الساعة
هيام بهاللحظة تذكررت ليلة مستحييل تنساهاا ومسكت يد سعود بخوووف :لاا تفتحه
سعود :اشلون ما افتح يا هيام الباب يندق خلني اروح افتح قبل يصحى ياسر
هيام :تكفى سعود هاذا عليي اكيد وجاي يذبحك تكككفى
سعود :وش تقولين انتي يا هيام علي ما يعرف  بيتنا حتى تطمني وارتاحي وخلني افتح الباب
حرر بده من هيام ومشي
وهيام شوي وبتموت بمكانها مسكت طرحتها وطلعت وهي تحسس الي يدق الباب شخص مو ناوي على الخيير ابد
ركضت بسرعة عند سعود. و وقفت ورا الباب وقبل يفتح الباب بلعت ريقها بخووف
فتح البااب وانصددمم انه كلام هيام صح وهو علي شكله مرة هزيييل  والي صدمه انه في بيده مسدس
سعود بصدمة:عليي؟؟؟انت وش جايي تسويي فبيتيي ،، اطلع بسرعةة
هيام انصدمتت شافت وجه مستحيل تنسااه لو تمووت تذكرت يوم كانت حاضنة  تميم وهو كان واقف ويناظر بكل بروود وقسووة
بسرعة تحركت من مكانها وقالت بصراخ :انت وش تسويي هنا وش تسويي هنااا
علي ما كان نفسه ابدد تقدم بخطوات سريعةة وحط المسدس بيد هيام وهو يصوبه على نفسه :اذبحيينيي وخذي حق تمييم اذبحيينيي وخليني ارتااح من العذااب خذييي واذبحييينيي  تكفييييين والله مووو قادررر اعييش امسحي الدم بالدم لعل قلبتس يرتاااح وانا ارتااح
هيام قلبت نظرها مابين السلاح وبينه بصدمة زشدت بالمسدس وهي قلبها محرووق على تميييم وتتمنى تذبحه لانه ما يستحق انه يعييش
سعود :وش تقوول انت صاحييي هييام نزلي المسدس وهاتييه بسرعةة
هيام ناظرت لسعود وهي عيونها دمووع :تميم مات مظلوم يا سعود باخذ حقه
سعود :هييام نززلي المسدس بسرعةة نزلييه بسرعةة ولا تتهورين وتندميين بعدييين
هيام:بعد يا سعود لا تقربب
سعود  بعد بخطوته وهو خاايف انها تطلق بلحظة تهور منهاا :طييب يا هياام صحح علي غلط    معتس حق بس لا تذبحييينه لااا يا هيييام لا تتهورييين تكفيين
علي غمض عيونه الي واضح عليهم التعبب:اذبحيييني وخذي حق تميييم بسرعةة
سعود صرخ بسرعةة :هيييام نزلي المسدسس فكريي ف يااسر ولدتس يا هيييام اقولتس نزلي المسدس بسرعةة لا تسمعييينه هاذا مو صاحييي تكفييين
هيام لفت له يوم سمعت اسم ياسر واستوعببت انها هي مو هيام نفسها الحين هي ام والمفرووض تفكر في ولدهاا قبل كل شيء تسوييه
نزلت المسدس من يدها وكنها توها تصحى من يقظة
وسعود بسرعة اخذ المسدس من يدها
وعلي الي طاح بالارض وهو يبكي زي الطفل الصغيير :سامحوووني والله العظييم اني ندماان قد شعر راسيي تكفوون مقدرر والله مقدرر
سعود راح عنده  بسرعةة وقومه من الارض :مانيب مسامحك ليوم القيامة يا علييي خذ مسدسك ذاا وامشي من هنا بسرعةةة
علي ناظره بترجيي
ودفه :امشيي
علي ناظر فيه لثواني وهو الدموع بعيوونه والندم شابت شعر راسه
ومشيي وهو يدري انه حياته كله بتمرر بالندم يصحى وينام وهو مستحييل ينسى الي سوااه
وسعود قرب من هيام وحضنها وهي انهارت تبكيي
وسعود يمسح بشعرهاا وهيام مو مصدقة انه على شوية كانت بتصير قاتلة وتخسر ولدها ياسرر

نهاية البااارت
بكرة اخر بارت للرواية خلوكم جاهزين
استودعتكم الله❤️❤️❤️