رواية من حضرتك عشان قلبي تذله الفصل الحادي والثلاثون 31 - بقلم ام عوض

هيام صحيت من نومها وفزت من مكانها يوم ما شافت ياسر بمكانه بعدت البطانية عنها وهي شوي وبتنهبل ونادت بصوت عالي :جوودد يا جوود وينه ياسرر
جت جود :اسم الله عليتس اشفيي
هيام :وييينه يااسر
جود مستغربة من خوفها:جت نور واخذته عند رجلها عشان يشوفه
هيام تنهدت بإرتياح
قربت منها جود :وشفيتس ما له داعي كل ذا الخوف ترا
هيام :اخااف عليه يا جود اخاف عليه من كل شيء افز من نومي من الكوابيس الي تجيني اني افقده بعد ما فقدت ابوه انا ما بقوا على فقده هو بعد
جود قربت منها وحضنتها :فاهمة عليتس يا روحي
هيام مسحت على وجهها
جود بعدت عنها :ليه قمتي خليتس مرتاحة انتي نفاس ما يصير تقومين من مكانتس واجد
هيام :ما يحتاج صرت زينة الحين، وينها نور لها وحشة
جود :بتجي الحين عند رجلها
ما كملت كلمتها وجت نور وهي بحضنها ياسر
هيام ابتسمت وقربت منها وباستها :وحشتيني وينتس عننا صرتي ما تجيين
نور :يا عمريي يا روحي والله انتي لتس وحشةة بس تدرين شغل رجلي وحتى الحين جايين ليومين راجعين يوم الاحد مرة ثانية بس جينا عشان ولدتس نشووفه
هيام :يا روحي انتي
نور :تكفين هيام ولدتس باكله انا
هيام. :اسم الله على ولدي
نور:معاذ كان يقولي ما نجيب بزران لين ست سنوات والحين ناشب لي يقول ابي ولد
جود وهيام فطسو ضحك
نور:والله
جود :انتي بعد شدي حيلتس وجيبي له ولد الي يبغااه
نور:لا يا حبيبتيي انا الي رافضة ذلحين مب هو صح احب البزران بس بدريي.
هيام تاخذ ولدها من نور :عاد بعد سنة سنتين تلقين نفستس حامل رضييتي ولا ما رضيتي قالت ست سنوات قالت
نور :اذا جا معليه ما قلنا شيء بس انا بنفسي اسد حيلي على قولتس لا هاذي معليش ما اسويهاا
جود :الحين ان شاء الله الدور على جويريا وبعدها اناا وانتي واسيل مالت عليكم
نور :يوه تحمست اشوف ولد جوير كذا اتخيله يجي وهو معضل وقوي
جود تضربها وهي تضحك:ادخلي ادخلي
نور ضحكت
هيام :وانتي لو حملتي نتخيل بنتس تجي وهي مكشخة
جود فطست ضحك :جبتيهاا والله هههههههههه

بالمستشفى وصل الخبر ل الهنوف الي طاررت من الفرحة انه زين وافق
وليد واقف عندها ومستانس لفرحتها :هاه الحين بترجعين البيت؟
الهنوف:طيب محمد بخير الحين قلتو له؟
وليد :اهو يدري قبلي وقبلتس انتي بعد وهو للحين يقعد بالمستشفى وانتي لازم ترجعين البيت ولا ما يصير طيب ترا ابوي بيرجعتس البيت غصب عليتس
الهنوف :طيب راجعة بس محمد متى يطلع
وليد :مدري والله
الهنوف حطت يدها بفمها وهي للحين مو مستوعبة الي سمعته
جا ابو محمد وهو يناظر ل الهنوف الي شوي وبتطير:هاه يبه نمشي؟
الهنوف :يالله
ابو محمد :مستانسة؟
الهنوف :وبموت من الوناسة يا عميي مو مستوعبةة للحين
ابو محمد ضحك :اسم الله عليتس، يالله تعالي
الهنوف :يالله
نزلو وركبو السيارة وتوجهو لبيت ابو فيصل عشان ياخذون جود ويرجعون البيت
جود ودعت خواتها وطلعت من عندهم وهي متطمنة انه نور مع هيام لين اسيل تروح عندها
ركبت السياره :السلام وعليكم
ابو محمد :وعليكم السلاام يا ام ضاري والله نورتي
جود ضحكت:منور بوجودك والله يا ابو محمد كيف حالك اخبارك عساك طيب
ابو محمد:الحمدلله دامني شفتس
جود ناظرت وراها : ما شاء الله جايب اسيل معك
ابو محمد :لا هاذي الهنوف
جود :وي وليه جايب معك الهنوف
ابو محمد :سالفة طويلة اقولها لتس بعدين
جود :اسم الله وشصاير وشذا سالفة الطويلةة
ابو محمد شرح لها السالفة من الالف الا الياء
جود تحط يدها بقلبها :يويلييي كل ذا صايير وما تقولو ليي
ابو محمد :هدي الحين هو بخير مافيه الا كل خير
جود :كيف اهدي وانتو داسين كل ذا علي ومحمدد طيب الحيين كيفه
ابو محمد :معلييتس الحمدلله بخير الحيين وانا ما قلت لتس عشان لا تخافين ويرتفع ضغطك وتتعبين نسيتي وش قال الدكتور لتس
جود تنهدت :خلاص حصل خير بس محمد للحين بالمستشفى
ابو محمد :ايه للحين
جود سكتت وهي مو مستوعبة انهم دسو عليها كل ذا

ثواني و وصلو البيت ونزلو
واسيل اول ما شافت جود ضمتها وكنه لها سنين ما شافتها مب يوم :لتس وحشةة يا جودد والله فقدتس
جود ابتسمت :يا روحي انتي
بعدت عنها اسيل وسلمت على ابو محمد :كيف صار محمد الحين يا عمي
ابو محمد :الحمدلله بخير بخير
اسيل :الحمدلله
ابو محمد :انا طالع غرفتي ارتاح شوي
جود :طيب وانا الحين جاية
وطلع لغرفته
واسيل قربت من الهنوف :شفتي وشصاار بسبتس ، محمد وشصار فييه
الهنوف :وانتي ما صدقتي على الله. انه راح عمي عشان تهاوشيني
اسيل:اييه لاني قلت لتس لا تروحيين لو كان قعدتي هنا وانطمييتي كان ما صار الي صار
جود :خلااص شوي شوي وفهموني السالفة
اسيل :هاذيي الهنووف بنت ابوهاا هي الي راحت بيت زين وابوها شافها ولحقها ويوم بغي يذبحها محمد ضحي بنفسه عشان هاذي التيسة
جود ضربت صدرها :شكلو بتجلطوني انتمم اليوم بالصدمات الحين كل هاذا بس لانو الهنوف راحت عند زين لييه ترووح طييب
الهنوف :اف معليه الحييين المهم انه زين وافق نتزوج انا ومحمد وهاذا الي نبيه
اسيل :ايه عقب وريتي الموت لمحمد
الهنوف :افف منتس يا اسيل
جود ابتسمت :والله يستاهل محمد حبيب قلبي عقب الي مره واخيرآ بتتزوجون بإذن الله
الهنوف :وانبعد مو مصدقةة احس نفسي بحلمم يعني انا ومحمد بننتزوج ونعيش سوا ونجيب اطفالل اخ يا جوود مو مصدقةة والله مو مصدقةة
جود فرحت لفرحتها:يعمري تستاهلين انت وياه ربي يهنيكم مع بعض ما تدرين شقد فرحت لك ومتأكدة ابو محمد بعد فرح لكم بس ان شاء الله ابوتس ما يسوي شيء ثانيي
اسيل :معليه ما بيسوي شيء وله وجه يسوي بعدد

جود :يالله تتزوجون وان شاء الله تجيبين الحفيد الي يتمناه ابو محمد وتفرحين قلببه
اسيل :لحظة لحظة يعني افهم انتكم انتو متأملين فيها انها بتجيب حفيد الاول لابو محمد؟ تخسي تجيبه هي انا الي بجييبه
الهنوف توقف عندها :مب بكيفتس والله انا اجيبه تفهمين ولا لا
جود تناظر اسيل :اقووول انتيي اول شيء خلي وليد ينام حدتس بالسرير بعدين يصييير خير للولد الي مدري من وين بيجي
الهنوف ناظرت لجود بصدمة وهي حاطة يدها بفمها:معقوولة؟؟ ما تخلي وليد ينام حدهاا؟ امبيييه هاذي وش
اسيل :انطمي بس
جود: و لااا ما قلت لتس وش سووت في ليلة عرسها هاذي لها قصة لوحدهاا وقعدة مع فصفص وقهوة
الهنوف :كل ذا وتاليها تطقطق علي عشتو والله
جود : والحين يالله انا بروح اشوف ابو محمد ويا ويلكم لو اسمع لكم حس
الهنوف :معليتس معليتس من وين لها لسان تكلم عقب عرفت بسوادهاا
اسيل :انطمي بس لا اسمع لتس حس تفهمين ولا لها وهاذي اشياء خااصة مالتس دخل بهمم
الهنوف :خاصة ايه خااصة احسن بجيب ولد وانتي لا
اسيل طلعت شحاطتها والهنوف انحاشت وهي تضحك عليهاا

في صباح اليوم الثاني
ام عنان ناوية ومخططة على الي بتسوييه وهي براسها الشيطان يدلها وش تسوي
نزل عنان وباس راس امه :صبحك الله بالخير يمه
ام عنان ابتسمت يوم شافته :صبحك الله بالنور يا وليديي هاه رايح الدوام
عنان :ايه يمه قلت اليوم اطلع من بدري عشان برجع بدري
ام عنان :الله يحفظك يمه
عنان يمشي :ان شاء الله يمه
طلع عنان لدوامه وهي لفت وجهها لدرج محترية تنزل جويريا
جت خلود وقعدت وهي مكشرة بوجهها ب زعل
ام عنان :وانتيي ما عقلتي للحين
خلود :ايه ما عقلت يمه وما بعقلل لاني انا ابييه لزبيير ابيه ليه ما تبين تفهمييني
ام عنان :ضفي وجهتس بس وان سمعت اسمه بلسانتس لسانتس هاذا اقطعه وارميه للكلاب تفهمين ولا لاا
خلود بقهر :افهم يمه افهم
وقربت وشالت لها فنجان
ام عنان شالت الفنجان من بيدها بعصبية :قومي ضفي وجهتس بسس قومي قالت تبيه قالت
خلود :رافضة وما قلنا شيء وكمان تصارخين عليناا
وقامت وهي مكشرة
ام عنان :نظفي المطببخ بطريقتس تنسين زعلتس ونتونسيين شوي
بهاللحظة نزلت جويريا وهي تسمع صوت طقة الباب بقوة من خلود
ام عنان :بشويشش كسرتي البابب جعل سنونتس للكسر.
ولفت وجهها وشافت جويريا نازلة :شرفت حبيبة البناات مهوو انا دارية انتي الي معبية ف راسها وتبيها تتعرس بسرعة عشان تفتكين مني ومن بناتي مرة وحدة مو
جويريا جت وقعدت وهي تصب لها شاي :ما فكرت فيهاا بس والله فكرة زوينة
ام عنان :ايييه تبين تخلصين من خلود معليه تقدريين وتاليها تعرس اخر شي بس انا مب تقدري تخلصي مني بالسهوولة ترا والله ناشبة لتس لين تموتين
جويريا :معليه اقعدي اصلا لو رحتي مدري مع منو بتهاوش تونسيني والله
ام عنان :لا معليتس معليتس بجيب لتس ضرة شزينهاا ولسانها هالطوول عشان ما تزهقين وحدتس بس خلني ادور الزوينة هاذيي اخلي ولدي ينساا وحدة اسمها جوير فيهاا وقولي بعديين مريم ما قالتت
جويريا تشرب شاي :زين دوري له على الي تبين بس ترا ولدتس ميت فييني مافي بقلبه حد بعدي انااا على قولتس انتيي انا سااحرته وبعد ما اجيب له الولد وقتها انا المسمار الي اندق في جدار ذا البيت
ام عنان مبتسمة:كل شيطانةة وفي شيطانة اقوى منهاا الا ما القاها واجيبها البيت بدوون ما تحسيين وقتها نشوف وش يصيير فييتس
جويريا ببرود :طيب طيب.
ام عنان تناظر فيها وهي مبتسمة ولفت وجهها وصارخت :خلوووود يا خلوود وصمغغ تعاليي
جت خلود :هاه يمه هااه مرة تطرديني وبعدين تناديني اشفيي
ام عنان :خذي الشاي وكبييه سوي واحد ثاني
جويريا تناظرها ب نص عين :وليه ان شاء الله
ام عنان :ما اشربب شيء انتي لمستييه
جويريا شربت اخر رشفة وحطت الفنجان بالصينية :اللهم لك الحمد والشكر صح شيطانة بس مب لدرجة هاذي بعدين مدري وش حاطين فيه ما كان حلوو بس معليه بلعته
خلود شالت الصينية ومشت
وجويريا صعدت فوق مرة ثانية وهي ندمانة انها تعنت و نزلت

نور تلعب مع ياسر :يا زينه ياسر يا زينه سمي ابوناا يا زينه اسم الله علييه
هيام دخلت الغرفة. وهي تمشي بشويش لانها نفاس ابتسمت يوم شافت نور تلعب معه :من امس وتلعبين معه ترا ما يفهم ولا يشوفتس
نور :اف خلني اتونس معه بعد يوم راجعين الديرة بشتااق له يا ربي كيف برجع الحين وذا المفعوص سرق قلبيي
هيام قعدت :عادي يا مَرة اسمعي من رجلتس وجيبي ولد و الله كرييم
نور:شكلي بتهور واجيب من ورا ولدتس هاذا
هيام تناظر ولدها وتبتسم :يا حياتي حبيبي فديته
نور :الا اقولتس اسيلو للحين ما جت ترا معاذ بيمرني بعد شوي ومابي اخليس لوحدتس
هيام :مدري والله شكلها بتجي بعد شوي بس مدري وينهاا
نور:المفروض كان امس امشي لاهله بس قعدت عشانتس انتي والله
هيام :يا عمري انتي والله ما تقصرين
نور:وعشان ولدتس ذا
سمعو صوت فيصل ينادي
نور:يا ربي وش يبي ذا الحين شيلي ولدتس بروح اشوفه
هيام شالت ولدها :وش يبي غير دلة القهوة
نور:يالله برجع الحين.
قامت وشالت طرحتها ولبسته وطلعت له :هلا
فيصل :سوي قهوة في ضيف جا بعدين وشذا وش حاطة بوجهتس انتيي
نور تخزه:مكياج وش الي وشذاا
فيصل :مهرجة والله
نور ناظرته بنص عين :والله ما المهرج الا انت
فيصل :امشي امشي بس و سوي القهوة تزوجت وطول لسانهااا
مشت نور وهي تشمق عليه
وفيصل دخل المجلس الي كان سعود قاعد هناك مع ابو فيصل
سعود مو عاارف ابد كيف يبدأ الموضوع معهم
فيصل :حيا الله من جانا زادتنا الخير والبركة والله
سعود ابتسم:الله يحييك يا فيصل
ابو فيصل :والله نورتت يا سعود نوورت بيتنا
سعود ابتسم :منور بوجودك يا عم والله
ابو فيصل ابتسم
وسغود شبك يدينه وقال بتوتر :يا عمي انا جاي وطالبك
ابو فيصل: وما اردك والله
سعود :انا جاي اطلب منك بنت اخوك
ابو فيصل سكت.وناظر لفيصل
سعود :وانا ابيها وشاريها وراضي فيها هي و ولدها واتمنى ما تردني يا عم القرب الي جي من يجي منه الخير
ابو فيصل ابتسم :وان شاء الله ما اردك بس بسأل البنت قبل
سعود :طبعا حقها
قام ابو فيصل وطلع برا الغرفة وهو ساكت
وقف نور الي كانت جاية وبيدها الدلة :نور
نور وقفت :هلا عمي
ابو فيصل:هيام موجودة
نور مستغربة :ايه موجودة وين تروح يعني، بس ليه تسأل
ابو فيصل :هاه لا بس كذا اسأل
ومشي لغرفة هيام
ونور تناظر فيه ومستغربة شبلاه عمي تغير كذا وليه يسأل عن هيام
خذت القهوة عند فيصل

وابو فيصل دخل الغرفة وشاف هيام شايلة ولدها بحضنها قرب منها وقعد وهو يبتسم لياسر
هيام ابتسمت :تبي تشيله يا عمي؟
ابو فيصل :لا يبه خليه معتس انا جاي ابي اقولتس شيء
هيام :تفضل يا عمي
ابو فيصل :اا شسمه ذا في رجال ونعم فييه اليوم جا يخطبتس
هيام اختفت ابتسامتهاا وانرسم بوجهها الصدمة
ابو فيصل :لا لا لا تخافين والله اني ما بغصبتس عليه اذا توافقين تعرسين عليه واذا ما توافقين والله ما اغصبتس عليه يا هيام بس ابيتس تدرين انه هو راضي فيتس وفي ولدتس بعد
هيام انصدمتت
واخييييرآ قدرت تنطق وقالت:طيب من هو يا عمي ولد مين
ابو فيصل:ما اعرفه معرفة زينة بس اهو رجال وكفو واسمه سعود نفسه خوي تميم
هيام انصدمت اكثر انه سعود صاحب تميم
ابو فيصل قام :انا راجع المجلس وانتي فكري زين خذي وقتس فكري زيين وفكري بولدتس بعدد
هيام هزت راسها وهي ما تدري الحين وش تسويي
طلع ابو فيصل وبطلعته دخلت نور
نور مستغربة من. ابو فيصل وكلامه معها برا :وش قالتس؟
هيام لفت لها بسرعة :نور
نور قعدت :هلا عيون نور، اشفي وشصاير
هيام بقلق:في واحد خطبني يا نور الحقيني تكفين مدري وش بسويي
نور :وششهو؟،طيب منهو؟
هيام :سعود خوي تميم
نور :يويلي سعود ما غيره، يا ربيي بتشوفين الحين عمتسس كيف بيعرستس غصب عليتس
هيام :لا لا اهو قالي القرار قرارتس انتي وحلف انه ما يغصبني بس خايفةة يا نور معرف وش اسويي الحين و ولدي وش يصير فيه وش اقول
نور وقفت :لحظةة عمي قال لتس انتيي انه القرار قرارتس؟
هيام:ايه قالي كذا
نور بصدمة.:متأكدة عمتس عمتس؟
هيام:يوه نور ايه عمتس قال كذاا معليناا من عمتس انا محتارة ياا نور اوافق ولا لاا و وش اسوي بحضني ولدد مب شيء عاديي اخاف اتزوجه واكون ظلمت نفسي وظلمت وليدي واخاف ما يحب ولدي وما يعامله زين
نور قربت منها بحنية : لا تخافين يا عيوني انتيي، بعدين مب انتي قلتي انه يصير صاحب تميم؟
هيام :ايه
نور :اجل خلااص ليه تخافين هو صاحب تميم بيحب ولدتس ان شاء الله ويحبتس ويحترمتس انتي بعد بس فكري زيين لانه مب كل شخص يتقدم لتس يكون موافق على ياسرر واهو موافق و واضح عليه يحب خويه عشان كذاا
هيام غمضت عيونها بقلق وهي تدري ما تقعد كل عمرها كذا ارملة لازم تفكر زين ونهايتها تتزوج سواء من سعود ولا من غيره بس المفروض انها تختار شخص زين عشان يكون الاب لولدها والحياة ما توقف عند اي حد سواء تقبلت ولا ما تقبلت وهي للحين قلبها متعلق في تميم ما تتخيل نفسها فذمة حد غيره وصعب عليهاا

زين دخل البيت وشم ريحة اكل يشهيي ابتسمم وهو يقول يمه من روزاا وطبخاتها الي تهببل
توجه للمطبخ شافها تقطع الخضار وهي تغني وعايشة جو
ابتسم ب شر وقرب منها حبة حبة
لين وصل عندها وصرخ بصوت عالي
و روزا من الفجعة لفت له وهي بيدها السكين وطاحت السكين بالارض
زين مسك قلبه :يمممه ،كنتي بتذبحييني
روزا مسكت قلبها ونفسها انقطع :والله انت. اليي كنت بتذبحنيي فذمتك هاذا تصرف انسان عااقل تخوفني كذا وانا اطبخخ تخيل حرقت نفسي ولا جرحت نفسي بالغلط هاه
زين :خلاص اسف والله ما كنت اقصد شفتس طفشانة. وقلت اونستس
روزا :لا والله تونسني كذا اجل الانسان يجي يقعد ويوَنس الواحد وهو يسولف مب يخوفه
زين يقعد فوق الطاولة :هاه اجل قعدنا عندتس
روزا وقفت زي الناس وقالت بجدية :هات كيف صار محمد ان شاء الله بخير
زين :الحمممدلله بخيير وزي الحصان ما شاء الله
روزا شالت السكين ولفت تكمل الي كانت تسويه :ايه زين والله
زين ابتسم وهو يتذكر كيف وقفت معه في حزنه وحضنته وخففت عليه وفعلآ لاول مرة في شيء حلو يجمعهم فبعضهم :روزا
روزا مشغولة تقطع:هلا
زين :شكرآ لتس
روزا رفعت عينها له :على وش؟
زين :امس ما تركتيني وحدي وكنتي معي في شدتي وطبطبتي علي وخففتي جد شكرآ لتس
روزا ابتسمت :معليه ترا اي حد مكاني كان سوا نفس الشيء وانت الله يهديك معقولة ظنيت الحق عليك انت وحملت نفسك مسؤولية الي صار هاذا قدر ومكتوب يصير يعني يصير محدن له دخل
زين يتأملها :وانتي صادقة والله
روزا :زين لا. عاد اسمعك تقول انت السبب طييب
زين يقعد فوق الكرسي ويحط يده بخده :ابشري يا بعد كل الطوايف
روزا تناظره بإستغراب :وشذا الكلام الزين الي نزل عليك من السما ترا مب متعودين
زين ضحك :تعوديي قررت اصير حنوون وياتس وما نتهاوش طيب
روزا ضحكت وهي تروح تشوف الكبسة شصار عليها :زين نشووف، الحين قم افرش السفرة الغدا جاهز
زين يقوم :ابشريييي
روزا تناظره :والله صرت زوين صدقق خليك كذا

جويريا قاعدة بالحوش وتحس ب لوعة كبد بس عادي من الحملل ومتعودة
اندق الباب
وجويريا نادت :خلودوو الباب يندق قومي افتحيي خلوود
ما سمعت صوتها وقامت هي تفتح :النااس الحامل يخلونهم يرتاحون وانا مالت علي كل شوية هنا وهناك
وفتحت الباب الي اول ما فتحتها دخلت ام عمار
جويريا :هلااا والله بأم عمارر اخبارتس علومتس
ام عمار:هلاا فيتس يا جويرر "وناظرت لبطنها" ما شاء الله ما شاء الله
جويريا تبتسم وهي تناظر بطنها
ام عمار :تولدين بالسلامة يا رب لفي كذا اشوف
جويريا لفت لها
ام عمار تروح تقعد :اييه ان شاء الله تجيبين ولدد بطنتس مدور والواضح ولد مبروك
جويريا :صدقق ولد؟ انبعد احسه ولد يااا رب اجيب الولدد واقهرر مريمو هاذي زيادةة وازيد على نارها شرارر
ام عمار بهمس :وينها الحين؟
جويريا تقعد :بغرفتها منقبرةة
ام عمار :ايه قوليلهاا لانه هي الي نادتني مدري شعندها و وش تبي مني
جويريا استغربت :هي الي نادت عليتس؟ غريبة وش تبي منتس
ام عمار :علمي علمتس والله
طلعت ام عنان بهاللحظة من الغرفة وهي ترحب :هلاا هلاا والله بأم عماار حبييبتي
وسلمو على بعض ويبوسو
ام عمار :هلا بتس يا شيخة الحارة هلاا
قعدو اثنينهم
ام عنان :هاه وش اخبار الحريم اخبارهم
ام عمار :بخيير والله كلهم يسلمون عليتس وانتي وينتس وين القطعة عنتس ما تنشافيين بالعزيم
ام عنان تخز جويريا :ما درييتيي في حية بالبيت منقدر نترك البيت لدقيقة وحدة نخاف تنشر سمها بكل مكاان
جويريا ضحكت بخفة
ام عمار ضحكت بتسليك وقالت وهي تغير الموضوع :الا وينها حنان
ام عنان :راحت بيت عمها زيارة
جويريا تحسست حلقها وهي تحس نفسهاا مخنوقة
لاحظت عليها ام عمار :وشفيتس يا جويريا انتي بخير
جويريا :هاه ايه بخير بس احس كني مخنوقة شوي واحس برجع بس معليه من الحمل
ام عمار :اسم الله عليتس قومي يا بنتي قومي غسلي وجهتس تصير مع كل الحوامل طي
جويريا قامت وهي تحس شوي وبتموتت مخنووقة مرة
فجأة حست ب دوخة وما ورا الدوخة الا طاحت بالارض
وبنفس اللحظة دخل عنان واول ما شافها طايحة بالارض ركض بسرعة عندها هو وام عمار وهم يحاولو يصحونها
عنان يضرب خدودها :جوييرياااا جوييرياا اصحي وشفيتس "لف لام عمار" سوي شيى يا ام عماار اشفيها بتولد ولا وشهوو
ام عمار توترت وبعدت عنان عن جويريا وهنا انصدمو اثنينهم يوم شافو قاعد يطلع من فم جويريا سائل ابيض
عنان انهبل :وش ذاا يا ام عماار جويريا اشفيهاا وشذااااا
ام عمار تضرب صدرها :يويليي متسممة حرمتك يا رجالل قومها بسرعة معي
عنان انصدمم :وشش متسممة؟؟
ام عمار :بسرعةة قومها معيي
قومها عنان وام عمار تصرفت بسرعةة ودخلت اصبعها في فم جويريا لين استفرغت"وانتو بكرامة"
استفرغت لين حسو شوي وروحها بتطلع معها
الكل كان واقف ومنصدم من الي يشوفونه
ام عمار ماسكة جويريا الي بدت تصحى وهي للحين تحس بترجع :كيف تحسيين نفستس الحين هاه يا بنتي
جويريا توها تفتح عيونهاا ومو مستوعبةة
عنان بصراخ :اشفيهاا وشصاار فيهاا يا ام عماار
ام عمار :هدي يا رجاال مافيها الا كل خير بس شكلها اكلت شيء وما ناسبها وتسممت منه
خلود :بس هي من يوم صحت ما كلت ولا شيء
ام عمار:مب لازم اليوم كلت يمكن حق امس
عنان :طيب بسرعة خلو ناخذها المستشفى
ام عمار:معلييك خلاص دامها استفرغت يعني زين
عنان :وش تقولين انتي وش عرفك
ام عمار :انطمم انا اعرف اكثر منكك
عنان قرب من جويريا عشان يشيلها :جوييرياا انتي بخيرر تسمعييني
وجويريا ما ردت عليه وهي تحس مو سامعة احد من الدوخة
شال جويريا الي بدت تسترجع نفسهاا و وش صار
اخذها لغرفتهاا ونومها فوق السرير
عنان يضرب خدها بخفة :جوييرياا تسمعييني يا جويريا
جويريا مسكت راسها وقالت بصوت واطي :اسمعك
عنان فرح :انتي بخير تحسين بوجع اخذتس المستشفى
جويريا تقعد بشويش:لا لا بخير
عنان قرب منها وباسها :خوفتيني عليتسس بغيت انجلطط
جويريا :بخير مافيني شيء بس دايخة
عنان قام عشان ينادي ام عمار بس ام عمار بنفسها جت وهي تقول :طمني كيف صارت
عنان :بخيير بس تحس نفسها دايخةة انا اقول ناخذها المستشفى احسنن
ام عمار :يا رجال ما يحتااج اقولك ما تفهم انتت هي بخير الحين خلاص حتى شوفها صحيت
عنان :نتطمن اكثرر
ام عمار:يا رجال داويت الكل وقفت على حرمتك يعني روح جيب من العطار **** زين وتنظف المعدةة من السموم والاوساخ
عنان تنهد :طيب
ام عمار :بسرعة
راح عنان وام عمار جت عند جويريا :كيف تحسين نفستس يا جوير احسن؟
جويريا تقعد وهي تمسك راسها :ايه بخير بس دايخةة مرةة ماا دريت وشصار فجأة وطحتت
ام عمار:معليتس متسممة انتي وش ماكلة بغيتي تذبحين ولدتس
جويريا :والله مو ماكلة شيء
ام عمار :الا ماكلة شيء واضح اليوم الصبح
جويريا سكتت وهي تتذكر فنجان الشاي الي شربته مع ام عنان وتذكرتت يوم قالت لخلود انه كبيه وسوي واحد جديد
هنا غمضت عيونها وحطت اصابعها بعيونها وهي تقول:سوتهاا سوتهاا بنت الذيين
ام عمار :من الي سوتها
جويريا ناظرت فيها وقالت بعصبية :ام عناان والله متأكدة هي الي حطت شيء بالفنجان الشاي وابصم لتس بالعشرة انها هيي قالت لخلوود كبي الشاي بعد ما ما شربت منها اناا والله هيي تبي تذبح ولديي
ام عمار تقرب منها :استهدي بالله وش تقولين انتي ان بعض الظن اثم بعدين الي فبطنتس حفيدهاا مب شخص غريبب
جويريا مسكت بطنهاا وقامت من مكانها بسرعة:ولديي ذبحتته
ام عمار:وش تقولين ولدتس بخير ما فيتس الا كل عافية
جويريا دايخة ومو مستوعبة بعدد :عبايتييي عبايتيي وينن جيبيهاا خذوني للمستشفى بسرعةة ولديي ماات ولدييي
ام عمار منصدمة من حالتها بس سوت مثل ما قالتلها
وعطت لها عبايتها ونزلو اثنينه بسرعة وجويريا حالتها مو طبيعية ابد
ونزلو اثنينهم تحت الي اول ما نزلو جا عنان من برا
عنان منصدم ليه قامت من مكانها :جوييرياا لييه قمتي من مكانتس
جويريا ماسكتها ام عمار عشان ما تطيح :بسرعةةة يا عنان خذني المستشفى بسرعةةةةة
عنان قرب منها ومسك يدها وركبها السيارة :اسم الله عليتس وشفيتس
جويريا :عنان تكفى بسرعةة بسرعةةة
عنان ركض وركب السيارة. وام عمار بعد ركبت معهم
وخلود مستغربة قفلت الباب من وراهم

نهاية البارت
يلا اشوفكم بالبارت الجاايي