رواية من حضرتك عشان قلبي تذله الفصل الثلاثون 30 - بقلم ام عوض

صحيت روزا من النوم وناظرت جنبها لقته للحين نايم ابتسمت على شكله النايم وتذكرت امس يوم كان ضايق صدره من كل شيء وكيف ارتمى بحضنها لين نام
و رجعت لها الشعور الي تجاهلته تقدر تشوفه مثل زوجها الحين عرفت سبب رفضه مو حبه ل الهنوف وتدري انه بيوافق على زواجهم بس يبي يدق الدقة ل الهنوف قبله
قامت من مكانها عشان تجهز له الفطور
بس اول ما قامت من مكانها صحي زين وقعد وهو يفرك عيونه
روزا ابتسمت:صحيت
زين:ايه
روزا :قم غسل وجهك وانا بجهز الفطور
زين:لا لا تجهزين فطور لي انا بغسل وامشي للمستشفى عند محمد
روزا:طيب طمني عليه
زين قام:تم
و روزا وقفت بمكانها وهي تدعي انه ينحل كل شي

جويريا لبست بناجر الذهب حقها وشيكت على نفسها اخر نظرة ونزلت تحت وهي تقول ب فرح:صبحكم الله بالخيير
خلود وحنان :صبحك الله بالنور
جويريا تناظر :وينها
خلود :اسكتي لا تسمع صوتس والله انها مب ناوية عليتس بالخير انتبهي
جوريريا:معلييتس حذرة اناا
حنان بحضنها ولدها تهز فيه :بس صدق مو مصدقةة عنان صرخ على امه
خلود :والله شفته بعيني وكان بيقول كلام زيادة بس مسك نفسه
جويريا :ايه طييب بس امتس مصختهاا عاد
خلود :وانتي بعد مصختيهاا صح امي غلطانة وتدور مشاكل بس هي امي احترمي نفستس هاه
جويريا :امحق بس
خلود تذكرت السالفة وضربت كف ب كف :ذكرتيييني وقسمم
جويريا :وش؟
خلود تزبط قعدتها وقالت بحماس :تخيلي من بيجيينا اليوم يا جويير
جويريا :من؟
خلود :ام زبير
جويريا :احلفيي
خلود :والله اتصلتت امس وقالت لامي انا جاييكم بكره
جويريا :وامتس وش قالت
خلود :وش تقول غير حياكم الله بس خاايفة ترفض
حنان لفت لخلود :لا تقولين ام زبير حق الطنجرة
خلود تكش على وجهها :اييه حق الطنجرة
جويريا :معلييتس كل شيء بيمشي زي ما تبين وان شاء الله امتس تواافق عليهم
خلود :ان شاء الله ربي يسمع منتس
حنان توها تستوعب :عشاان كذاا اشوفتس من الصبح تنظفيين من كل قلبتس طلع عشان الي جايين يخطبونتس
خلود :اجل وش انظف لأم عمار يعنيي، يووه ان شاء الله ما تجي هاذي بتطلع نص اسراري قدامهم وويكنسلو
جويريا :معليتس قلت لتس انتي خلي الموضوع علي انا
خلود :وش بتسوين يعني بالله
جويريا :مدري والله بس بنلقى حل معليتس
خلود سكتت وهي تدعي بداخلها امها ما تسوي مشاكل مع ام زبير
جويريا لفت وجهها لحنان وطاحت عينها على ولدها وابتسمت ب حب وقالت وهي تمسك يده باصبعها :يا زين زيناه ولدناا
حنان ناظرت للبناجر الي بيدها وطلعت عيونها :من وين لتس هذوول
جويريا ناظرت الي بيدها :خير وشفييتس انصدمتي ذا عنان حبيبي جابهم لي
حنان تمسكه :واضح من شكله انه غاالي كذا تنتفين ريش رجلتس وتفلسيينه
جويريا :اجل مثلتس اختار ارخص شيء لا يا حبيبتي اختار اغلى شيء لمصلحة نفسيي
حنان تصد وجهها:طماعة من يومتس
جويريا :انتي الي غبية من يومتس ما قد سألتي نفستس لييه قاعدة انتف ريش رجلتس، لانه يا حبيبة قلبييي الرجال لا صار بييدهم فلوس قلبهم يصير يدق واجد اييه ما تعرفينهمم اذا صار بجيبهم فلوس هاذا يعني وشش؟
حنان بإستغراب :وش؟
جويريا :يعني زواج ثاني يا غبية خله يصرف علينا ازين لي ولتس منه نكشخ ومنه مستفيدين من الوضع
حنان اقتنعت بكلامها :وانتي صادقةة اقنعتيني والله
خلود مبهورة منها :خلاص اذا تزوجتت بجي اخذ نصايح منتس
جويريا :احلى من تاخذين منه نصايح والله اساليني اناا، انا جويدة واخبر بالحياة وناسهاا
خلود :مدري شدخل الجويدة بس وانتي صادقة
جويريا :هاه متى بيجون اهل الطنجرة
خلود :العصر ان شاء الله
جويريا :زين تجهزي وتكشخي عشان امه تنجن وتنسى الطنجرة وزعلها مع امتس
خلود :والله المشكلة من عند امي مو منهم هي مب راضية ترضى
جويريا :هاذا وهي خذت الطنجرة
خلود:اييه
جويريا :مب هينة ذي مريمو

نور وقفت وهي تقول :الغاز وقفلته والكواية وطفيت عليه وش باقي يا ربيي
معاذ شال الشنطة :يالله مشينا تاكدت من كل شيء انبعد
نور :يالله تمام اجل مشينا
طلعو اثنينهم بعد ما قفلت الباب
ركبو السيارة
ومعاذ طلع مشط وقعد يمشط شعره وهو يناظر نفسه بالمراية
نور:يالله بسرعةة ما صارت ترا
معاذ يرجع المشط لمكانه :يالله حركنا وشفيك مستعجلة
نور:اي اشووف ولد اختي يا رجال
معاذ :عادي ولد زي كل ولد مافيه شيء
نور :انت وش فهمك حرك حرك بس
معاذ شغل السيارة وحركو
معاذ:نور هاتي البيبسي
نور مسكت الكيس وهي تدور البيبسي حقه طلعته وفكته ومدته له
معاذ :شكرآ
فجأة صار لحظة صمت لانهم تذكرو الي صار
وفطسو ضحك
معاذ :خلاص اص ولا كلمة
نور :ههههههههههههههه تذكرررت
معاذ :ايه ايه تذكرت
نور :احسن تستاهلل لانك
معاذ :وانشهد استاهل والله
نور :الحمدلله معترفف

زين وصل المستشفى هو مع ابوه وسأل عن غرفته ودلوه وينه
ومشى هو مع ابوه للغرفة ولمح الهنوف قاعدة في ممر غرفته واضح عليها موجودة من امس
حس بالذنب اكثر ونزل راسه ودخل الغرفة
ومحمد اول ما شافه ابتسم
زين يقرب منه :الحمدلله على سلامتك
محمد :الله يسلمك
ابو زين تقدم :الحمدلله على سلامته ما يشوف شر
ابو محمد :الشر ما يجيك، اقعد ارتاح
قعد ابو زين :كلمت ابو الهنوف
ابو محمد :ايه كلمته
ابو زين يصر بسنونه وهو يشد في عكازه : قلتت له لا تتهور يا ابو الهنوف لا تسوي شي تاليها سوا الي براسه وارتااح
محمد :هو كان قاصد الهنوف مب قاصدني اناا
ابو زين :اندري هو كان قاصد بنته
ابو محمد : انا سكتت عن الموضوع يا ابو زين بس عشانك انت ولا والله رميته بالسجن يعفن هناك بسببه كنت بفقد وليدي ربي سترر وما جت الرصاصة للقلب
ابو زين تنهد :وانت صادق هو الي سواه مب قليل بسببه كان بيموت محمد والي سواه محنا ممشينه له بس ما نبي الشرطة والقانون تتدخل بيننا والي سواه خله علي انا
محمد قال بسرعة :محشوم وقدرك عندي غالي بس الهنوف ما بتروح عنده الا على جثتي والكلام للكل الي بالغرفة
ابو زين وابو محمد سكتو وهم داريين محمد اذا قال شيء سواه يعني سواه وكلمته وحدة ما تتغير
زين قطع الهدوء وقال :ولك الي تبيه الهنوف لك انت
الكل توجه انظاره لزين
محمد توه يستوعب :يعني موافق نتزوج خلاص؟
زين :ليه من انا عشان اوافق
محمد ناظر لابوه وهو مو مصدقق انه خلاص بيتزوج الهنوف
ابو محمد :تتكلم صدق يا زين يعني خلاص
زين :ايه يا عمي واصلا انا كنت بوافق من البداية بس ابطيت قاصد ولو ما ابطيت من البداية كان الحين ما صار الي صار لمحمد الحين
محمد بفرحة :يعني خلاص انحل كل شي نجيب الشيخ
ابو محمد :هدي هدي يا رجال وين نجيب الشيخ تعافى انتي وبعدين يصير خير
محمد :انا بخير والله انت جيب الشيخ الحين
ابو محمد :خلاص يا رجال استح على وجهك امس كنت طايح واليوم تبي تتزوج
ابو زين قاطعهم وهو يقوم :اجل انا اتوكل يا ابو محمد جيت اتطمن على محمد وامشي
ابو محمد : مع السلامة يا ابو زين ما قصرت
ابو زين :مع السلامة
وقام وطلع و زين قام ورا ابوه بس وقفه صوت محمد وهو يقول :شكرآ لك يا زين والله شكرا لك ما هقيت توافق
زين لف له وابتسم :تقوم بالسلامة ان شاء الله
وطلع
ومحمد مو مصدقق ابد ويحمد ربه انه صار الي صار وعشان كذا وافق زين

بعد ساعات طويلة وصلو
ونور اصرت اول شيء يمرون عند اختها وبعدين عند اهله
وبعد اصرار منها وافق معاذ ومشيو لبيت ابو فيصل
نزلو اثنينهم ومعاذ دخل المجلس و نور تركض ركض لغرفة الي فيها هيامم وهي كلها حمااس تشوف ياسر واول ما دخلت دورت بعيونها وطاحت عينها على ياسر الي نايم وهيام بعد نايمة
نور حطت يدها بفمها وهي متاثرةة
جود قامت وهي متفاجئة من وجودها لانه محد خبرهم انها جاية :نوور؟ متى جيتي
نور ناظرت لها :توه جينا، تكفين يا جود يهبل اسم الله علييه ما اصددق هاذا ولد اختي هيام
جود ضحكت :ايه ولدها اسم الله عليه.
نور قربت وهي متوترة مو عارفة كيف تشيله لانه صغير :صغير مررة يا جود
جود :اييه صغير
نور :اخذه عند معاذ يشوفه؟
جود :ليه معاذ بعد هنا؟
نور:ايه دخلته المجلس عمتس و ولده بالبيت؟
جود :عمتس مو بالبيت و ولده نايم
نور :طيب انا باخذ الولد عند معاذ يا ربي باكله انا باكله
جود ضحكت عليها وهي مشت للمجلس
نور :معاذ تكفى شوفه مرة صغيير
معاذ قام من مكانه وقرب واول ما شافه انهبل كنه اول مرة يشوف طفل صغير :والله صدق كلامتس صغير مررة معقولة هاذا انسان زينا ملاك والله ملااك
نور:اف باكله يا معاذ بااكله
معاذ :هاتي هاتي انا اشيله
نور:انقلع توي شلته انا
معاذ ناظر لنور
نور :خير اشفي
معاذ :ابغغغى ولد
نور:وخير وانا شدخلني
معاذ : هاوو حرمتي انتي من وين اجيب الولد يعني اطلبه من شي ان
نور :ضف وجهك بس انا حالفة ما اجيب بزارين اول ثلاث سنوات من الزواج
معاذ :شوفي كيف محلاه ما تبين زييه
نور ناظرت لوجه ياسر :وانت صادق، بس مب الحين لاحقيين
معاذ مسك يده الي بحجم اصبعه وتأثر مرة ثانية :نوووووور ابي ولدد
نور :انطممم

جويريا تحط مكياج لخلود : لا تتحركيين ولا ما بتزبط
خلود :جوييرياا امسكيني والله يدي ترجف خايفة يصير شيء
جويريا :هدي ترا ما يصير شيء ان شاء الله
خلود بعدت من جويريا وناظرت نفسها بالمرايا :حلو؟
جويريا :تهبلين من زود حلاتس الطير لو شافتس بيطيح من سماه
خلود قامت :طيب اسمعي تهقين امي توافق واذا وافقت عنان بيوافق؟؟
جويريا :انتي احتري موافقة امتس وعنان معليتس منه اعتبريه موافق
سمعو صوت الباب
وقامت خلود من مكانها:جو
جويريا قامت:يالله بسرعة تعالي ننزل
خلود وقفتها:لحظة شوي اسمعي انتي انزلي وسلمي وشوية كذا انا اجي واجيب العصير
جويريا :طيب
نزلت جويريا وخلود تخز من الدريشة. وهي متوترة
ام عنان تسلم على ام زبير من فوق خشمها :هلا بأم زبير
ام زبير مبتسمة غصب عنها :اهلين فيتس يا ام عنان
جويريا تنزل وهي ترحب فيها بصوت عالي :هلا والله هلاااا حيا الله من جانا زادتنا الخير والبركة
سلمو على بعض
ام زبير :اهلين فيتس يروحيي
جويريا :حياك تفضلي تفضلي
كانت ام زبير جاية مع بنتين من بناتها
دخلو المجلس وجويريا وام عنان معهم بالمجلس
و خلود دخلت وهي بيدها العصير ومتوترة ضيفتهم وقعدت وام زبير تناظر فيها من فوق لتحت
جويريا ابتسمت لانه واضح بوجهها الرضا على خلود والمشكلة كلها من ام عنان الي من يوم جو وهي مكشرةة واضح من وجهها مو طايقتهم عكس ام زبير الي تحااول تبتسم وتصلح الاموور
ام زبير وهي للحين تناظر في خلود :ما شاء الله هاذي بنتس خلود؟
ام عنان :ايه بنتي خلود
ام زبير :اسم الله عليها متغييرة ومَحلوة
ام عنان تلف وجهها :اسم الله عليها بنيتي طالعة على امها
ام زبير ابتسمت :والله مابي اطول عليتس يا ام عنان انا جاية اخطب بنتس خلود لولدي ولي الشرف من القرب منكم ما بنلقى احسن من بنتس خلود لولدي
ام عنان كانت عارفة من البداية جايين لشيء
خلود توترت مررة
ام عنان قامت وقالت باسلوب مب حلو :معندنا بنات للزواجج توكلو على الله
قامت ام زبير من مكانها وهي تناظر لبناتها :خلونا نمشي
جويريا :لحظة وين رايحين اقعدو ما شربتو شاي ولا قهوة اقعدو
ام زبير تلبس نقابها :معليه يا بنيتي بغينا نشرب بس مو حناا الي نقعد فبيت ناس ما تحترم ضيوفها
ام عنان :يعني فهمتيها انها طردة
ام زبير قربت منها :ما يبغى لها تغشيش يا ام عنان وانا جيت وانا قلبي صافي وابي الصلح بيننا بس على ما يبدو الشيطان الي براستس للحين ما طاح وانا ما جيت الا عشان ولدي لانه يبغى بنتس ولا انا مب ميتة عشان اقابل وجهتس واسمع حكاويتس
ام عنان :امحقق والله على اساس انا مييتة للقرب منكمم يعنييي وبعد سواد عيونتس بعدد جاية تخطبين بنتيي شيين وقوات عيين
ام زبير لفت لبناتها:امشو يا بنات المفروض ما سمعت من زبير وتعنيت لاني دارية فيهاا
مشيت ولحقوها بناتها
ام عنان بصوت عالي :روحيي محنا ميتين علييتس والله ما يجينا القرب الا من عيال الشيووخ تفهمين ولا لاا و ولدتس هاذا روحي اخطبي له بنت شوشوتها طايرة يليق فيكممم
حنان توها تنزل ومستغرربة وشصار عشان راحو بسرعة كذا
وخلود تضرب خدودها :يممه اسكتي خلاص وش تقوولييين
ام عنان لفت لها :وانتييي ما تستحين على وجهتس تبيني ارحب فييهم واحضنهم لصدري يعنيي
خلود :لا يمه بس الي قلتيه ما يصيير كيف تطرديينهم كذاا ما يصيير والله ما يصييير
ام عنان قربت منها :اسمعيينيي لا يكون انتيي الي تبيينه هااه والله لا اخلي الخيزران تلعب بضلعوتس
خلود تشجعت :الصراحة يييمه اييه انا ابييه وما اتزوج الا هوو غيره ما اتزوج واقعد عندتس عاانسة
ام عنان :حللووو والله بناااات اخرر زمن مسخنيين ويبون يتزوجوون
خلود :يمه مو مسخنة"وقربت من امها" هااه المسي جبيني مو مسخنة والله ابيييه يا يممه تكفيين افهمي خلااص
جويريا مسكت ضحكتها :هي مب قصدها كذا "وقربت من اذنها وقالتلها" قصدها مسخنة يعني مب مسخنة يعني احم احم افهميهاا
خلود انصدمت وبنفس الوقت استحت :لااااا يمممممه تكفيين مب كذاا والله ابييه اناا
ام عنان :ضفي وجهتس ولا وقسم يا خلود بالخيزران تفهمين ولا لاا
جويريا :خلااص يا خالة تراك زوتيهاا اشفيها خلوود وتبيه انتي لييه رافضةة
ام عنان من الله تبيها تتكلم عشان تمسكها :وتكلمت الي مالها دخل بالموضوع انتي اولهم تسكتيين وما تسمعيني صوتس ذا الي يقرع الاذون تفهمين ولا لاا حدي واصل منتسس اصلا واذا تحسبين الي صار امس امشيها لتس غلطاانة والله لتندمين يا جويير والي فبطناس هاذا ما بيتهنى وبتشوفيين وش بتسوي مرييم بنت ابوهاا
جويريا ترفع اكمامها :لااا انتي تعدييتي شريط الاحمر يا خالة، ولديي ما تجيبين سيرته ب لسانتس واذا على الي صار امس تراه دقة لتس لا اكثر والله اني قادرة اسوي اكثر من كذاا بس قاصرة الشر انا عشان عنان لا يعصب ويقلب بس اذا زودتيها تشوفينيين اليي ما يعجبتسس تفهمين ولا لا واذا على خلود هي ماخذته لزبير يعني ماخذته ان رضيييتي ولا ما رضييتي وطرتس هاذي لهم كله واصل عند عنان
ام عنان تصفق :لا والله تعالي واضربيني بعد مب احسن، بس اصبري علي يا جوير والله اطلعتس من ذا البيت وبتشوفين قبل تولدين ولدتس حتتى
جويريا :اناا ما بطلع من ذا البيت وان طلعت اطلع برضاي و ولدي بيجي عن قريب باذن الله، فديييييته حارق دمتس وهو للحين فبطن امه كيف اذا جا
ام عنان سكتت وهي مب ناوية للخير :هين بس هين يا جوير يا بنت ياسر
ولفت وجهها وطلعت
وجويريا قعدت فوق الكرسي وهي تمسح على جبينها :يعصبون الواحد غصب عنه
وخلود قعدت فوق الكرسي وهي تتنهد
جويريا ناظرت لها :معليتس يا روح جوير بتاخذينه ان شاء الله
وام عنان دخلت غرفتها وهي معصبةة وبس تفكرر بشيء يخلي جويريا تندم على الي سوته والشيطان راكب براسها والي قاهرها اكثر انه لا ولدت وقتها مستحييل تطلع من البيت وبتزيد من قوتها اكثر واكثرر شدت بقبضتها وهي تقول والله لا تندمين يا جوير والله بتندمينن

نهاية البارت