رواية من حضرتك عشان قلبي تذله الفصل الخامس 5 - بقلم ام عوض

كلهم قاعدين ويفطرون والهدوء سيد الموقف
قام عنان :يالله انا ماشي
ام عنان:في امان الله
عنان باس راس امه  وطلع وهنا خلود قامت بسرعة من مكانها وهي تقول :الحمدلله انا شبعت وترا يا روزا اليوم المواعيين عليتس انتي امس سحبتي علي ونمتي وغسلتهم لوحدي
روزا:طيب طيب مو لازم كل شوية تذكريني
خلود تقول بصوت عالي عشان الكل يسمعها :انا راييحة اسمع اغاني في الغرفة اذا تبون شيء مني نادوني
ام عنان:اذلفي بس واقصري حستس
دخلت خلود للغرفة  وقفلت الباب بالقفل وتوجهت للدولاب وهي تطلع فلوسها ولبست عبايتها وفتحت اغاني وعلت صوته
وطلعت من الشباك وهي رايحة تشتري لها مكياج بالخب والدس عن امها واخوها

ام عنان تناظر جويريا الي ساكتة وتفكر في اختها هيام تتخيل اشياء سيئة وتقول لازم انا اسوي شيء والمشكلة من عنان الزفت ذا مب قادرة اسوي شيء المفروض اكون ذكية واسحبه لصفي واخليه يحبني وما يرفض لي طلب بس المشكله ما ينحب وان شفته لازم اعانده مقدر اجامله
قطع تفكيرها ام عنان وهي تقول :وانتي علامتس ساكتةة
جويريا ناظرت فيها وتنهدت :يا خالة والله اني ما فهمتس لا سكتنا قلتي علامتس ساكتة وان تكلمنا طردتينا وقلتي اذلفي غرفتس وش نسوي عشان ترضين عليناا
ام عنان :خلاص خلاص اسكتي واكرمينا بسكوتس
جويريا تفكر وتقول لنفسها ذي العجوزة اكبر مشكلة ليتها تموت وافتك هي الي تعبي في راس ولدها
جا ثامر من برا وهو يقول:ماما  ماماا
حنان حضنته:هلا عيون ماما
ثامر: سمير يضربني
حنان :ليه يضربك
ثامر هز كتوفه بمعنى معرف
جويريا سحبته عندها :تعال تعال عندي
ثامر قام وراح عندها
جويريا :اذا ضربك احد مو تجي تقول لامك وتشكي زي البزران خلك رجاال واضربه انت بعدد اذا شد شعرك شد شعره انت بعد واذا قرصك انت اقرصه قرصة اقوى اذا ما تسوي كذا لا تجي وتشتكي  فااهم
ثامر هز راسه
جويريا :يالله روح واضربه بالخيزران خله يتادب ابن الذين
راح ثامر وهو متشجع من كلام جويريا
وهي يوم لفت لهم شافتهم منصدمين ويناظرونها. حنان :انتي كيف تعلمين ولدي كذاا
جويريا :وش سويت ليه مو صح انه ياخذ حقه بيده
ام عنان :لا انتي بتجلطيني والله "ولفت لروزا" وانتي قومي شيلي السفرة بسرعةةة وسوي لي قهوةة نرووق
روزا قامت بسرعة وهي تشيل السفرة وتروح المطبخ
وام عنان قامت وهي تقول :ليتها منقبرة بغرفتهاا احسنن
وحنان ناظرتها نظرة وقامت
وجويريا تناظرهم وتقول وش ذول الناسس يبون ولدهم يشتكي لهم يعني ولا ياخذ حقه بيده

خلود تشتري وتنقي بكيفها فرحانة انه محد بيكشفها ماخذة كل احتياطاتها
فجأة لفت وراها وشافت عنان قدامهاا وهو لاحظ عليهااا
وهي لفت وجهها بسرعةة وهي تقول يا ويلييي رحت فيهاا والله رحت فيهااا
عنان ناظر فيها لفترة وهو يتاكد لو ذي خلود
بس ما قدر لانها لفت وجهها
لف وجهه راجع للبيت يتأكد وخلود اول ما شافته رايح للبيت ركضت بسرعةة من الطريق الثاني تبي توصل البيت قبله وصلت واخييرآ ودخلت لداخل وقفلت الشباك وقفلت المسجل وفصخت عبايتها بسرعة وهي تطلع وتركض للحوش ما لقت احد غير جويريا راحت عندها وهي تقول :تكفيين ساعديني اخويي شافني بالسووق والحين راجع البيت واكيد بيكفخني "وتضرب خدودها" يا ويلي ويلاهه وش الي خلاني اروح السووق  وشهو الي خلااني ارووح
جويريا :هدي  يا هووه وتكلمي زين ما فهمت عليتس
خلود جت لها فكرة : لقيتهاا قولي لاخوي انه لي نص ساعة وانا بالحمام اتروش تماام؟
جويريا :ويين  ما يصدق
خلود :يا ربي وش اسويي
سمعو صوت مفاتيحه وهو يفتح الباب
خلود :يا ربيي ساعديني تكفين وطلعيني من الورطة الي انا فيهاا
جويريا ناظرت لخلود لوهلة و
  مسكتها من شعرها وهي تقول :يا الي ما تستحييين على وجهتسس اجلل تضربيني وتهاوشينيي والله لاربيتس من اول وجديدد يا ملسونة بنت الملسونةة
وخلود مستغربةة شبلاها ذي تضربني فجأء بدل ان تساعدها قاعدة تزيد الطين بله
وعنان دخل وشافهم يتهاوشون راح بسرعة وهو يقول :هييه هيه خيررر وش قاااعد يصيير
فكهم من بعض
وجويريا قالت :شف اختك القليلة الادب وش مسويةة
عنان:وش سووت
خلود طاح قلبها فبطنها وهي تقول بعيونها لجويريا تكفين لا تقولي له والله يذبحنيي
جويريا :حطيت لي فنجان قهوةة وهي جت وشربتهه اتركني عليها والله ما ويلها منيي
عنان كان وده يصفقها كف من سالفتها البايخة ذي  :الحين ذا هو موضوعكمم
جويريا :ايييه
عنان لف لخلود:بطلي حركاتتس يا خلوود ولا ما يصير طييب
خلود خايفة:ططيب
جت ام عنان يوم سمعت صوت عنان :عنان انت متى رجعت
عنان:توي
ام عنان:ليه رجعت طيب توك رحت
عنان:كنت طالع اخذ شيء من فوق نسيته
ام عنان:خوفتني عبالي صاير شيء
عنان:لا تخافين يمه مو صاير شيء
طلع غرفته وهو يقول مو خلود اكيد مشبه عليها هي كانت تتهاوش هنا مع جويريا ولا تدري عن السالفة

خلود تضربها :لييه كذبتي علييه انا متى شربت القهوة حقتس يالكذووبة
جويريا ضحكت:غبية بنت الغبية ما فهمتي
خلود ترفع اصبعها :لا تسبين امي ولا ياويلتس هاه
جويريا :شفتي ولا حتى سألتس لانه شافتس تتهاوشين معي كذا مستحيل يصددق اما لو اقوله كنتي بالحمام يروح يسأل امتس وهي تقول راحت الغرفة وبعدها ما  عاد شفناها وكذا انضربتي بالخيزران يا ذكية
خلود مبهورة :والله ما قالو عنتس شيطانة عبث
جويريا بفخر:الشيطان تلميذ عنديي
خلود :اطلبي مني الي تبينه شبيك لبيك
جويريا فكرت :حاليآ مابي منتس شيء لا بغيت اقولتس
خلود:ابشري انتي اطلبي وتدللي
جويريا ضحكت
ونزل عنان وهو يناظرهم :اعقلوو ولا ثنينكم تنحبسون بالغرفة فاهمين
خلود:فاهمين
جويريا شمقت وعنان طلع برا
خلود:تعالي اقعدي من اليوم خلاص اصير حبيبة معتس وانتي بعد

جود قلبها قارصها على هيام وخايفةة عليها مرةة
دخل ابو جود وجلس جنبها وهو يقول :السلام وعليكم
جود:وعليكم السلام
ابو محمد :وشبلاتس زعلانة؟
جود:لا مو زعلانة بس تفكيري عند اختي معرف شصار عليها
ابو محمد:ليه تفكيرتس عندها صاير لها شيء؟؟؟
جود:لاا بس من يوم تزوجت ما شافتها احد وانا قلبي قارصها عليها وهي اخذها تميم تعرفه؟
ابو محمد :ايه اعرفه طبعآ وكنت اعرف ابوه بعد
جود فرحت:صدق يعني تعرف وين بيته؟
ابو محمد:ايه تبين اخذتس عند اختس
جود:ايه طبعآ ابي اشوفها واتطمن عليهاا
ابو محمد:قومي  البسي والحقيني لسيارة
جود:ابشر
وطلعت تلبس

تميم صحي واخيرآ
شاف هيام نايمة جنبه وتذكر امس كيف قعدت عنده وهي تواسيه وبكت معه بعد
مسح على شعرها وهو يقول بداخله قلبي قاعد يتعلق فيك يوم عن يوم اخاف عليتس والله اخاف عليتس منهم اخاف تحبيني وتتعلقين فيني وما اكون لتس لبعدين اخاف والله اخااف
صحيت هيام وهي تشوفه يتأمل فيها ابتسمت وقالت :صبحك الله بالخير
تميم:الخير بوجهتس.
هيام ابتسمت له وقالت :تعبان اجيب لك الدوا
تميم استغرب:ليه؟
هيام:مدري احسك تعبان
تميم :لا مب تعبان يا روحي وان تعبت ما يحتاج  شوفتس قدامي هي علاجي
هيام ضحكت وهي تقول:ربي ما يحرمني منك يا رب
تميم تنهد وهو يقول :اميين يا رب
هيام :وشبلاك متضايق
تميم يمسح بشعرها وهو سرحان في شعرها :اخاف ينحرق قلبي عليتس واخسرتس
اطرد النوم وانا اخاف انام واصحى وما القاتس
خسرت وكل الخسارات قبلتها بقلب وسيع الا فقدتس
فقدس يا هيام مقدر عليه  احتريس الحين وكل يوم ابيتس  في حاضري ومستقبلي خوفي من الزمن انه ما يقبل الزمن يا هيام الزمن غداار
هيام تحط يدها بخده:لا تخاف محد قادر يفرقنا غير الي خلقني وخلقك وباذن الله الثأر الي بينكم بنتهي ويظهر الحق
تميم ابتسم لها ولكلامها   :صدوني الكل وانتي لا تصديني وبقلبتس خليني لين اخر يوم لتس وتذكري تميم يحبتس ويموت فيتس وإن صار لي شيء سعود جنبتس وصيته عليتس
هيام  ضاق صدرها :لا تعور قلبي بهاذا الكلام يا تميم انا وياك ب نعيش سوا ونجيب اطفال ونكبرهم سوا
تميم ضحك وقال:ابيتس تجيبين  لي ولدين بعلم ولدي انه يحب اخوه ويداريه ويدافع عنه ويصدقه لو العالم كله وقفو ضده الأخوة يا هيام الاخوة. نعمةة والله نعمةة
هيام تذكرت خواتها الي كل وحدة راحت بمكان ما تدري عنهم ولا شيء

جود نزلت من السيارة وهي تدق الجرس بس مافي اي جواب
ابو محمد يناظر البيت اضويته مو مشعلة :شكلو مو بالبيت
جود:مستحيل كيف مو بالبيت وين يروحو يعنيي
ابو محمد :لحظة اسأل هاذا
راح وسأل واحد ورجع
جود:بشر وشقال
ابو محمد:يقول ما يعرف طلع تميم من البيت من ايام ولا عاد رجع
جود مسكت قلبها :يا ويليي واختيي شصار عليهااا
ابو محمد:لا تخافين ان شاءالله مافي الا كل خير
جود:لا يا ابو محمد لا انا لازم اعرف وينها واعرف كيفهاا هاذي وصاية امي وصتني امي علييهم كيف ما اخاف عليهمم
ابو محمد :وش تسوين الحين؟
جود:خذني عند جويريا بتطمن عليها
ابو محمد :ابشري ما طلبتي
جود ركبت السيارة وهي تقول:بشروك بالخير

اندق الباب
وجويريا وخلود قاعدين سوا
جويريا:قومي افتحي
خلود تناظرها :احلفيي
جويريا :يالله قومي بسس ولا نسيتي وش سويت لتس اليوم
خلود تقوم:ذللتينا في الي سويتيه
راحت تفتح الباب
وتفاجئت في حرمة
خلود ماسكة طرحتها :منو انتي اختي ومن بغيتي
جود ما عرفت وش تقول:هنا بيت جويريا؟
خلود:ايه  هنا بيت جويريا  تفضلي يقلبي تفضلي
جويريا قامت من يوم سمعت اسمها
وجود دخلت ورفعت النقاب عنها وجويريا على طول ضمتها وهي تقول :جوود حبيبتي
جود تبادلها الحضن:يا روحيي شحالتس
جويريا بعدت عنها :بخير الحمدلله وانتي اشلوونتس طمنيني
جود :الحمدلله بخير جيت اتطمن عليتس
جت ام عنان وهي تقول مين بالباب
وسكتت يوم شافت جود
خلود:يمه هاذي اخت جويريا جود
ام عنان قربت وهي تسلم :اخبارتس يا روحي عساتس بخير
جود :بخير يا قلبي وانتي كيفتس كيف صحتس
ام عنان :بخير والله تفضلي تفضلي للمجلس ليه واقفة
جود دخلت للمجلس وام عنان ترحب فيها

واخييرآ وصلو المدينة
معاذ ناظر جنبه وشافها نايمة ومب دارية عن الدنياا
وقف عند مطعم عشان ينزل ويشتري اكل ويروحو الفندق لين ما يلقى شقة لوحده لانه هو  كان قاعد مع الشباب والحين هو متزوج وبيتعذر منهم ويطلع من الشقة
نزل واشترى اكل له ولحرمته نور
رجع السيارة وشافها للحين نايمة
هو. اول ما دخل وسكر الباب فتحت عيونها وهي تناظر حولها
معاذ:واخيرآ صحيتي ما بغيتي
نور :هاه ايه
معاذ حرك السيارة للفندق وصلو
ونزلو اثنينهم ودخلو لداخل معاذ راح عند الموظف الاستقبال وهو يحجز له غرفة
ونور واقفة شوي بعيد عنه وتناظر للحريم الي كاشفين وجيههم وعباياتهم ملونة ولابسين حجاب حتى الحجاب  في جزئية من شعرهم مبين
كانت تناظر بصدمة توقعت كثير اشياء بس انه تلقي كذا ابد ما توقعت
معاذ جا عندها وهو يقول :يالله نطلع لغرفتنا
نور :طيب
طلعو اثنينهم لغرفة وكانت عبارة عن غرفة نوم وحمام
غرفة عروسين يعني
دخلو لداخل ومعاذ في يده كيس الاكل الي اشتراه من المطعم حط الاكل فوق الطاولة وهو يقول : تعالي كلي من امس ما اكلنا
نور للحين ما فصخت العباية ولا النقاب
راحت وقعدت قباله وهو يناظرها:بتاكلين بالنقاب يعني؟
نور استوعبت لغبائها وطلعت النقاب وهي مستحيةة وفصخت العباية بعد هي الوحيدة الي تكشخت لزوجها لبست فستان كحلي وتكشخت فيها وشعرها زبطته صح مو كشخة عروس بس تجنن
بس لانهم قعدو بالسيارة ساعاتت والطريق  خربو شعرها شوي ومكياجها ساحو
معاذ سرح فيها للمرة الثانية وهو يقول معقولة ذي من الديرة؟ ظنيت بتجيني وحدة كحلها لين اذنها وشوشتها طايرة وما تعرف شيء وهاذي ماشاءالله تعرف اكثر مني
وينك يا ابوي عنها تخطب لي ياها من زمااان
نور بنفسها كانت متوترة ونظراته وترها زيادة
معاذ استوعب:تفضلي سمي وكلي
نور مدت يدها وقعدت تاكلل شووية وهي مستحية اول مرة تقعد قدام رجال غريب صح صار زوجها بس للحين هي ما تعودت عليه
خلصو اكل وهي ما اكلت ابد كم لقمة بسس
ومعاذ خلص الاكل من كثر ما هو جوعان
ونور تقول بداخله ابو الكرش خلص الاكل وما خلا لي شيء عشان اكله كنت باكل يوم يناام الحين وش باكل اناا جوعاانة والله
قام معاذ وهي قعدت تشيل السفرة وهي للحين ما شبعت
معاذ بعد ما غسل يده وتوضى وصلا راح ورمي نفسه ونام على طول لانه كان يسوق طول اليل
ونور بمكانها تناظره وتقول بداخلها ايه وقلك زوجي لا مدح في شعري ولا في لبسي ولا ف كشختي انا الغلطانة الي تكشخت له ما يستاهللل وفوق هاذا كله بعد اكل الاكل كله وخلصه ابو الكرش

بعد ما طلعت ام عنان شوي من المجلس جود على طول قربت من جويريا وهي تقول :اسمعيي جايتس بموضوع
جويريا :سم
جود:سم الله عدوس، اختس هيام
جويريا انفجعت:اشفيهاا
جود:مندري عنها شيء قلبي قارصني عليهاا
جويريا :حسبي الله على عمتس الي زوجها لذباح حمد اكيد القبيلة ذبحته هو وهيام
جود حطت يدها بقلبهاا:لا تفاولين عليهاا
جويريا:استغفرالله ما يجي ببالي شي غيره
جود:ابيتس تسألين رجلتس اذا يعرف تميم او احد يدله عليه اي خيط يوصلنا لهيام
جويريا فكرت وهي تقول يا لييل الحين كيف افاتحه بالموضوع وانا كل ما شفته تهاوشت معه :خلاص تم
دخلت ام عنان الي حبت جود مرة :يا هلا والله يا جودد يا زينة البناتت يا سنعة السنعاات والله اني حبيتس
جود :يا عمري وانا حبيتس واجد
ام عنان قعدت
وجود  قامت وهي تقول:بس اعذريني انا ماشية رجلي اتصل وقال هو برا
ام عنان :وين تو الناس
جود:السموحة مرة ثانية
ام عنان:طيب يا قلبي
سلمو على بعض وجود يوم راحت تسلم على جويريا همست لها:اذا عرفتي شيء عن اختس طمنيني
جويريا هزت راسها و ابتسمت وسلمت عليها وطلعت وام عنان وصلتها لين الباب
وجويريا قعدت بمكانها وهي تفكر وش تسوي الحين فكرت كثيير بس ما لقت حلل
دخلت ام عنان وهي تقول:يا زييين زيناتها جوود ليت ولدي خطبها هي والله انها سنييعة وكاملة مكملةة
جويريا تنهدت منها وهي مالها خلق لها
قامت وطلعت من المجلس 

جا اليل وجويريا ما تهاوشت اليوم مع حد ولا احتكت معهم وبس تفكر كيف تعرف مكان اختها هيام
دخل عنان عليها وهي ناظرت له وهي تقول:خيير وش جابكك
عنان بنص عين:وان شاءالله تبين استئاذن منتس قبل ادخل غرفتي والله جاي لغرفتي وعند حرمتي ولا حرام
جويريا :ليتك تعرف تداري حرمتك عشان تجي تدخل عليها
عنان :انتي حرمتي ومن يوم جيتي وانتي لسانتس شقد طوله وبسبتس ما اخذت حقي الشرعي اقصري حستس
جويريا توترت وقالت :مقدر اليووم
عنان:وليه ان شاءالله
جويريا :لانه ما عليي صلاة
عنان:تكذبين علي ؟؟
جويريا :ما اكذب صدقق
عنان ناظرها نظرة شك وبعدها طلع
وجويريا قعدت فوق السرير وهي تقول يا لييل ناقصني هو وحقه الشرعي الحيينن

جا الصبح

وجويريا طلعت وهي رايحة عند خلود وهي تقول مالي حل غيره والله  خلي فترة كذا اكون زينة معه ومع العجوزة لين اعرف اخبار هيام
وهي رايحة سمعت صوت ثامر وهو بالحمام ينادي ويقول :مامااا خلصتت تعاليي
ضحكت وهي تتذكر اسيل يوم كانت تقول كذا وهي صغيرة
راحت وهي تقول  :وشبلاك تصارخ
ثامر:قولي لماما تجي لاني خلصت
جويريا لفت وهي تشوف وينها حنان :امك مدري وينها انظف لك انا؟
ثامر:طيب
راحت وغسلت له وطلعته
وهم طالعين من الحمام "وانتو بكرامة"
جت حنان وهي تشوف انه نظفت له قالت وهي معصبة:انتي مين سمح لتس تجي تنظفين لولديي
جويريا تحاول ما تسوي مشكلة وهي مخططة ما تسوي مشاكل هالفترة:شفته ينادي وجيت انظف له  وشفيهاا يعني
حنان سحبت ولدها من عندها :هاذي اخر مرة اشوفتس تلمسيين ولدي فاهمة ولا لاا
جويريا ماسكة نفسها غصبب
حنان لفت وجهها وهي تقول :هاذا الناقص الرخيصة تنظف لولدي
جويريا هنا طقت معها وهي تقولها :لحظة لحظة تعالي وشقلتي عيدي ما سمعتت
حنان لفت لها:والله زي ما سمعتي وكلامي ما ينعااد
جويريا ضحكت و مسكتها من شعرها :انا الرخيصةة يا بنت التييس شايفتس من يوم جيت وانتيي تحتريين مني زلةة يا مقرودة
وحنان تبعد شعرها وهي تقول:وخريي يا مجنوننة وخرييي عنييي
جويريا :الرخيصة ما غيرتس يا الي ما تربيتيي
جو خلود و روزا وهم يحاولو يفكون بينهم بس جويريا ماسكتها  من شعرها بقوة ومعصبةة
دخل عنان وهو يسمع اصواتهم عند الدرج
صعد بسرعة لفوق وهو يقولل :خييير خييير وشصاير
جويريا بعدها تسب وتسحب شعرها
عنان بعده عنها بقوة وهو يصارخ:خلاااص يا جويريا ولا والله ما يحصلل خييير
جويريا اخيرآ بعدت عنها :اتركوني عليهاا بنت الذييينة. اوريتسس الرخيصة وش تسوي فيتس
عنان صرخ:خلااص
وقفت جويريا بمكانها
عنان :ليييه تتهاوشنن
حنان قالت بسرعة:والله يا عنان جت بنفسها فجأة وهي تصارخ وتسب فيني وهجمت علي
جويريا طلعت عيونها :وتكذبين بعدد يالكذووبة
عنان لجويريا :اسكتي انتييي انا داري البلا دايم يكون منتس  انتيي لا تكذبينن وتنكريين
جويريا سكتت لانها ما تحبب تبرر ابدد :لا تصدقق بكيفكك مثل البزر تصدق الي قيل وقال
عنان بصراخ:اذلفي لغرفتس بسرعةةة
جويريا كانت بتجاوب وتذكرت هيام واش كانت مخططة انها ما تسوي مشاكل هالفترة وراحت لغرفتها وهي ساكتة ومنقهرة من حنان الي ما ظنتها كذابة وحية تحت التبن زي كذا ومن سكوتها ظنتها حالها حال نفسها عشان كذا ما قد احتكت معها بس خلاص الحين حطتها براسها
جويريا:بنت الذيين والله يا حنان يا ويلتس منيي ما يصير طييب بس خلني اخلص من موضوع هيام وافضي واستفرد فيتس براحتيي هين بس
خخ

نهاية البارت
يالله مع السلامه حبيباتي
اشوفكم بكرى
احبكمم❤️
تشاوو✌️💓