رواية من حضرتك عشان قلبي تذله الفصل الرابع 4 - بقلم ام عوض

جويريا تذكرت سالفة خطبتها وقرصتها
نور تمسك مكان القرصة:اييي عورتييني وشبلااتس انتيي؟
جويريا:وش الي سمعته من اسيل هااه  صدق انتي بتتزوجين معاذ؟؟
نور ماسكة للحين مكان القرصة:اي اشفيهاا
جويريا :انتي صاحيةة؟. لنفترض انه أذاتس وضربتس وما احترمتس وش تسوين بعدين اخبر هو مغروور اخاف عليتس منه
نور :انا ابيه لاني بروح معه المدينة
جويريا :من يومتس تيسةة
فجأة سمعو صوت الباب يندق بقوةة
نور :بسم الله منهو الي يدق الباب كذا
جويريا :شكله عنان ذا عرف اني طلعت من البيت
نور انفجعت:وشهوو؟؟طلعتي من البيت بدون اذذنه انتي منتي ب صاحيةة والله لا يذبحتس الحيين
جويريا تمشي عند الباب :نشوف وش يسوي
ونور منصدمة منها كيف طلعت بدون اذنه والاكثر خايفة عليها الحين وش يسوي فيها
واسيل جنبها
جويريا فتحت الباب وما خاب ظنها يوم شافته
مسكها من يدها:انتيي اشلوون تطلعين بدون اذني هااه
جويريا :اجل انتظرك تعطيني اذنك عشان اطلع اشوف خواتيي
عنان يسحبها:امشييي امشي للبيت يا الي ما تستحين على وجهتس
وركبها السيارة
لين ما وصلو البيت ونزلها بعنف وهو معصب انها ما سمعت كلامه وخالفته وطلعت
عنان يدفها لداخل :ادخليي يا الي ما تستحين على وجهتس يا الي ما تربيتي فبيت ابوتس
جويريا هنا وقفت قدامه وهي تكرره احد يجيب سيرة ابوها بالشين او يغلط على تربيته رفعت اصبعها بوجهه :تصوون لساانك وتحترم نفسك وما تجيب سيرة ابوي على لسانك فااهم
ام عنان جت من صراخهم وهي تشوف بناتها واقفين
وحنان توها نازلة 
عنان ضربها كف :تحترمين نفستس انتي لا جيتي تكلمين رجلتس فاهمة ولا لا، لا تكبرين راستس لاني عطيييتس وجهه
جويريا :لااا مو فااهمة واعلي صوتي بالشخص الي ابي وبالوقت الي ابيه انت مين اصلآ عشان احترمكك؟ هااه مين انت مو واحد الا تحسب الرجولة انك تضرب وتتعالى على حريييمك
عنان مسكها من يدها وجرها لغرفتها وسكر الباب عليها وهو يقول :بتقعدين هنااا لين تكبرين رااستس وتعقليين ويا وييل الي يفتح لها الباااب
كانو كلهم يناظرون وهم ساكتين لأنهم لو تكلمو عنان بيعصب عليهم بعد فالاحسن ينطمو كلهم

هيام كانت بالمطبخ خلصت من الطبخة ونادت لتميم وهي تقول جهز العشا بس ما سمعت له اي حس طلعت لصالة ما لقته
نادت بصوت عالي :تمييييم
سمعت صوت من وراها ولفت ناحية الصوت وهي تشوف غرفة من الغرف الي كانو  مقفلين مفتوح والنور مضوي تجمدت اطراف اصابعها وتذكرت كلام سعود ولفت وجهها عشان ترجع بس ما قدرت تتحاهل وقوت نفسها و  بلعت ريقها بخووف
وتقدمت خطوات  وهي خايفة وترجفف
وصلت عند الباب بخطوات ثقييلة بس
تفاجئت يوم شافت تميم قاعد هناك وكنه يبكي
وقفت بمكانها لوهلة تستوعب وبعدها دخلت الغرفة ومشيت عنده بخطوات هادئة وجلست جنبه وهي تحط يدها بكتفه شافته ضام جلابية والواضح ترجع لامه
يبكي من كل قلبه وهو كله شوق لامه الي فقدها من زمان
هيام تقطع قلبها عليه وضمته لصدرها وهي  تبكي معه
الانسان الي تزوجته انسان بريء وكله حزن و وحدة ما تدري لييه اصلآ ظنت فيه اشياء مو موجودة فييه صدمت فيه انه احسن من غيره بكثيير
تحمد ربها انه تميم طلع من نصيبها وهي تدعي انه ربي يحميه من كل شر ويخليه لها ويوم عن يوم تكتشف فيه شيء جديد هو كنه طفل صغيير تعاقب على ذنب ما سواه
تميم قال بنبرة كلها حزن :اشتقت للغالية يا هيامم قلبيي وحييد ليته يدارون عن الوجع الي بقلبي والله كان يهون عليهم كل شيء، احتريها كل ليل تجي وتغطيني من البرد وتمسح على وجهي و تدافع عني وتقول ولدي مهووب قااتل ولدي برييء احتاجهااا يا هيامم احتاجها قسم بالله احتاجهاا لو اني مو يتيم كان وراي جدار يخافونه ويهابونه بس محد وراي غير سعود عشان كذا تهجمو عليي والله يا هيام اني مقدر اذبح نملة كيف لي اذبح انسان انا تعباان  والله العظييم تعبااان ،،احس ب نار داخل قلبيي انا وحييد والله انيي تعباان ماني زين لييه ظلموني كذاا حرام عليهمم والله اني مظلووم
كانت هيام تبكي معه بكل كلمه يقوله تنزل دمعة منه واضح الصدق والجرح بعيونه من بكائه
تميم :نهاار كاملل من الكبرياء يا هيام  تهزمه ذكرى من رويحة الجنة تعبت وانا امثل القوةة انا فاقد لي ضلووع ومابي افقد اخر ضلوعي تكفين قولي لهم اني مب قاتل قوليلهم اني بريء قوليلهم تميم مظلووم والله مظلووم والله شعور الظلم يووجع يا هيام يووجعع القلب ويحرقه ويدمرره كلهم ضديي محد واقف معيي كل هاذا صار لاني ساعدت حمدد وما تركته وحدهه ما طاوعني قلبي اتركه واهربب للاسف القلب الطيب دايم حظه قليل
هيام شدت عليه تحضنه وهي قلبها متقطع عليه
وتبكي معه

جويريا كانت ضامة نفسها وتقول تعال شوف يا يبه بعدك وشصار فيناا ذلونا واهانونا وباعونا بعدك يا ابوي مالنا احد يدافع عننا ليه تركتنا
وحوش الدنيا ظالمين ما يرحموون والله ما يرحمون
ضربت صدرها :انا احترييك عشان اقوى عليهم. فرقو بيني وبين خواتي باعونا بأرخص الاسعار رخصو من قيمتناا
مسحت علي وجهها وهي تقول الله يرحمك يا ابويي الله يرحمك
سمعت صوت دق على الشباك استغربت وراحت فتحته وتفاجأت يوم شافت خلود طالعة لها بالسلم وبيدها علبة موية وكيس فيه اكل
خلود :شيلي بسرعةة قبل امي تطلع وتكفخنيي
جويريا:وش ذا ؟
خلود:ذا اكل جبته لتس حرام تنامي وانتي جوعانة
جويريا ابتسمت وهي تقول معقولة باقي في ناس طيبة مثل خلود
اخذت من يدها وهي تقول :شكرآ لتس
خلود:العفو بس ما اوصيتس لحد يعرف والله يا ويلي
جويريا :ابشري
خلود وهي تنزل :يالله ف امان الله بعد ما تخلص عقوبتس اشوفتس
وفتحت الكيس شافت خبز وعلبة فيها اكل
وقعدت تاكل وهي جوعانة من الصبح ما اكلت

في صباح يوم الثاني
نور جهزت اغراضهاا وجهزت نفسها وهي تقول بيجي زوجي وياخذني وهي ولا همها زوجها اهمشي عندها تروح المدينة
عمها دخل وهو يشوفها مجهزة اغراضهاا ومجهزة نفسها غير عن خواتها الي راحو بيوت ازواجهم وهم مغصوبين ابتسم وهو يقول :هاذي بنت الزينة والسنييعةةة الي تزين وتكشخ لأنها رايحة بيت رجلها
نور ابتسمت غصب عنها لعمها
ابو فيصل:يالله شوي ويوصلون جيت ابقولتس تجهزي
وفعلآ ما مرت الا دقايق واتصلو عليه وهو طلع وبعد شوي رجع وهو يقولها يالله اطلعي
طلعت هي وفيصل حط اغراضها بالسيارة
وركبت السيارة
كان ابو معاذ وام معاذ جايين ياخذونها
استغربت ليه ما جا هو بنفسه بس ما دققت كثير وصلو البيت ونزلو
واول ما نزلو ام معاذ رحبت فيها وهي تقول نورتي البييت يا قلبيي
جت انايا وهي تركض تبي تشوف حرمة اخوها
وبغت تطيح بس مسكتها نور وهي تقول :انتبهي يا قلبي تعورتي؟
انايا تضمها:ويي يا نوور لتسس وحشةةةة
نور ابتسمت وبادلتها الحضن :يعمريي وانتي لتس وحشةة كبرتيي والله
انايا تناظرها:وانتي بعد كبرتي واحلويتي ماشاءالله ما عرفتس والله
نور استحت
ام معاذ :تعالي تفضلي يقلبي
دخلو لداخل
ونور تناظر وينه معاذ ما شافته هي لو تشوفه ما تعرفه بس تتذكره وهو صغير و من زمان ما شافته فأكيد تغير وكثير
قعدو شوية بالصالة. وبعدها قالت بتوتر
نور :وين الحمام "وانتو بكرامة" دليني وينه يا قلبي
انايا:هناك تلقينه على يمناتس
نور قامت:طيب
قامت وراحت الحمام وانتو بكرامه وهي تلقي نظرة لنفسها وغسلت يدينها
وفي هاذا اللحظة طلع معاذ من غرفته متوجه وهو توه يصحى من النوم وعين مفتوح وعين مغمض بس وقف ورجع ورا وهو يشوف في بنت طلعت من الحمام "وانتو بكرامة" وقف بمكانه وهو يقول مين هاذي ما قد شفتها لا يكون بنت خالتي ديم؟
صحصح اخونا وراح غسل وجهه وهو متحمس بعرف منهي ذي الي جاية لهم متكشخة ويا زين زيناتها
وهو يروح وينادي انايا
جت انايا :هلا
معاذ:مين في عندنا؟
انايا:ليه؟
معاذ:جاوبي على قد السؤال بنت خالتس ديم عندنا؟
انايا رفعت حاجبها:لا
معاذ:اخلصي طيب مين الي عندنا
انايا:امي وابوي راحو جابو حرمتك وانت ولا دريت ونايم ولا داري عن الدنيا
معاذ يمسح على وجهه :افف نسيت ابوتس قالي اصحى بدري عشان نروح نجيب حرمتك ،يا ويلي منه الحيين
انايا :طيب كيف عرفت انه في احد عندنا
معاذ :شفت وحدة عند الحمام منهي
انايا مستغربة :هي حرمتك
معاذ انصدم:ميين ؟؟ما سمعت؟؟
انايا :انت مو صاحي اقولك حرمتك هاذي نور نسيتهاا
معاذ :هاذي نور نفسها الي شوشتها طايرة؟؟؟
انايا ضحكت على  الكلمة :اييه
معاذ:لا مستحيل غلطانة شكلتس نور الي تمسك الصرصور بيدها وتلحقتس فيها
انايا :اييه
معاذ وقف ساكت وهو يقول ما اصدق ذي هذيك نفسهاا ذي نعومة وكشخةة وهذيك حتى القرد ما يطالع بوجهها
انايا:هييه وين سرحت
معاذ صحي على نفسه :هااه
انايا :عجبتك صحح
معاذ يحك راسه :والله اييه عجبتنيي ما ظنيتهاا كذا صدمتني
انايا :شفت ابوي كان يبي الخير لك يوم خطبها لك
معاذ :روحي جيبي ثوبي والشماغ والعقال بتجهزز
انايا :اصبر اصبر وين بتمشي باقي على العصر كثير
معاذ:روحي لا اصقك بالعقال
انايا :رايحةةة
راحت انايا
ومعاذ خطف نظرة لنور وهي قاعدة وتسولف مع ام معاذ وهو يقول هاذي حرمتي هاذي الي قلت عنها شوشتها طايرة والله شوشتي انا الي طايرة مب هي يا زينها والله

عنان رجع بالظهر وهو يحس بالذنب انه جويريا من امس بالغرفة بدون اكل وشرب
طلع للغرفة وفتح الباب وهي اول ما شافته قامت من مكانها
عنان :اعقلي وبلاها رفعة الصوت حقتس ولا بتنقهرين وااجد
جويريا مثل ما نعرفها ما تتوب ذي ابد ابتسمت ابتسامتها هذيك
وعنان ماله خلق يتهاوش ويضيق صدره
وطلع واول ما طلع دخلت ام عنان وهي واقفة فوق راسها
توقعت جويريا انه ممكن تقولها تستاهلين الي صارلتس كبري عقلتس وانطمي
بس تفاجئت يوم قالت لها بحنية :ليه تسوين كذا بنفستس اسمعي الكلام عشان ما تنضربين
جويريا رغم انها تفاجئت بس قالت :انا مو مثل غيري انا ما امشي بكلمة احد انا يمشي الي براسي اناا
ام عنان :الله يصلحتس
وطلعت
روزا:حرام حزنت عليها من امس ما اكلت شيء
خلود سكتت وهي صح حزنانة عليها بس مو كثير لانه اخذت لها اكل هي بنفسها
عنان راح عند زوجته حنان
وحنان فرحانة انه الامور قاعدة تمشي كذا وهي وحدة راسها يابس وزوجها مستحيل يحبهاا

معاذ ودع امه وابوه وخرج للسيارة وهو متشوق انه يتعرف على نور وهو للحين مو مصدق انه نور نفسها هذيك الي ترمي الصراصير على البنات وهم صغار
انايا :اسمعي نور
نور:هلا
انايا :رجلتس ينتظرنتس برا
نور توترت :يالله قايمة الحين
انايا ابتسمت لها :لا تخافين اخوي حبيب وقلبه طيب
نور ردت لها الابتسامة وهي للحين متوترة لحياتها الجاية توها تستوعب انها تزوجت كل فكرها قبل انها بتروح المدينة
وطلعت لمعاذ الي كان ينتظرها بالسيارة
وهو متلهف يشوفها مرة ثانية
دخلت السيارة ب فم ساكت ولا ناظرت فيه حتى
ومعاذ يحاول ما يناظرها بس كل شوية يناظرلها غصب عنه عيونها تجنن بالكحل عيا انه يبعد عيونه عنها وهو لسه امس ما كان يبيها
ونور متوترة توها تستوعب انها تزوحت وصار عليها مسوؤلية من غبنتها قعدت تبكي
وانصدم معاذ شبلاها ذي تبكي والله ما سويت لها شيء
وقف السيارة وهو يقول: لييش تبكينن ؟؟
نور تبكي وما تتكلم
معاذ:غصبوتس تتزوجيني؟
نور: لا
معاذ:طيب ليه تبكين؟؟
نور ساكتة لانها هي بنفسها ما تدري ليه تبكي يمكن لأنها بتفارق خواتها والحين طالعة من ديرتها
نور ما عرفت وش تقول قالت:بطني يعورني
معاذ :طيب نرجع البيت؟
نور:لا
معاذ هلك وش يسوي معها :طيب اعطيتس بنادول ؟؟
نور هزت راسها
معاذ دور في الدرج الحبوب ومده لها وقعد يدور في على موية بالسيارة وعطاها
وهي شربت وسكتت
ومعاذ مسك الخط للمدينة

جود قاعدة تصب قهوة لزوجها :ابو محمد
ابو محمد:هلا
جود:ابغى اليوم اروح اشوف خواتي اذا ممكن
ابو محمد:انتي تأمرين امر
جود:ما يأمر عليك الظالم يا رب
نزل محمد وهو يتأحم حم عشان جود تلبس الطرحة
جود لبست طرحتها:تعال تعال
نزل محمد وباس راس ابوه :اشلونك يبه
ابو محمد:بخير الحمدلله اقعد تقهوا معنا
محمد جلس :والله ما اقول لا
ابو محمد ضحك وقال :عاد خلاص الحين بقول لجود تروح تخطب لك احسن بنات الديرة شرايك بس
محمد ضاق صدره من ذا السالفة:بدري على الزواج يبه يصير خير بعدين
ابو محمد:صار لك سنتين على نفس الحالة و هبة والله يرحمها لازم تكمل حياتك وما توقفها
محمد :الله يرحمها
جود تغير الموضوع:معليه وشتبي يا ابو محمد اطبخ بالعشى
ابو محمد ابتسم :كل شيء من يدتس حلو
جود ابتسمت:تسلم
وقامت تتجهز عشان تمشي لبيت عمها وتشوف خواتها وهي فرحانة انها بتقولهم عن حياتها هنا وكيف ابو محمد مدللها عكس الي كانت تتوقعه
وبعد نص ساعة جهزت ونزلت وهي تقول
لابو محمد:يالله نمشي
ابو محمد:يالله
طلعو اثنينهم للسيارة متوجهين لبيت ابو فيصل
مسافة الطريق و وصلو نزلت جود وهي تقول :متى بتجي تاخذني؟
ابو محمد :اتصلي علي وانا بجيتس
جود ابتسمت:طيب
دقت الباب وفتحت لها عمها وهو مفجوع وخايف :جود انتي ليه جيتيي عسى بس ما طلقتس
جود تمسك قلبها:بعيد الشر علي من الطلاق جاية زيارة لخواتي
ابو فيصل ارتاح:خوفتيني عبالي طلقتسس
جود تدخل وتصده :وينهم نور واسيل
ابو فيصل :شكلو ما درييتي نور تزوجت واسيل موجودة داخل ما جا نصيبها للحين
جود :وشش نور تزوجت، طيب تزوجت منهو؟ ومتى
ابو فيصل:ابو معاذ خطبها لولده معاذ واليوم راجعين هي وزوجها للمدينة
جود دخلت لداخل وهي تنادي اسيل
واسيل اول ما سمعت صوتها جت لها تركض وحضنتها
اسيل :حسبت ما بشوفتس كل حياتي
جود :وش ذا الكلام اكيد بنشوف بعض وكثيير
اسيل:طمنيني ابو محمد ما يضربتس ولا يهاوشتس؟؟
جود:لا لا يا حليله من اول يوم حب براسي وقال انتي حرمتي والحين بيتي هو بيتس وبأمرتس حتى عياله يا حليلهم يحترموني ويحبوني
اسيل:لا ما اصدق هو كذاا؟؟
جود:شفتي كنت اظن انا اكثر وحدة بتكون حياتي تعيسة بس والله محظوظة فيه
اسيل :طمنتيني عليتس والله يا جود
جود :طيب اسمعي نور تزوجت معاذ؟
اسيل:ايه
جود: وهو خذاها برضاه ولا كيف؟
اسيل:ما ادري
جود سكتت وهي تفكر في نور
وتذكرت هيام وقالت بسرعة:طيب هيام ما قد جت؟
اسيل:لا ما جت جويريا هي الي جت
جود:ايه و وشتقول
اسيل:سألتني نفس السؤال وقالت لو انتو جيتو ولا لا
جود:يا عمري عليها من يومها حبيبة وتخاف علينا م بس هيام شاغلة كل تفكيري والله خايفة عليها من ذباح حمد
اسيل:وانا بعد خايفة عليها وقسم لازم نعرف عنها شيء ولا بنجن اناا ترا
جود:بقول لابو محمد لو يعرفه لتميم واقوله خذني عند بيته ابي اشوف اختي واتطمن عليها
اسيل:وانتي تهقين يوافق؟
جود:ليه ما يوافق اختي هي مو
اسيل:صح كلامتس
َ

نهاية البارت
يخي اكتبو تعليقات تقراون بصمت وشذا الرسمية سولفو واكتبو اراءكم  😭💔