رواية من حضرتك عشان قلبي تذله الفصل السادس 6 - بقلم ام عوض

معاذ صحي وطلع يروح المسجد عشان يصلي صلاة الظهر و نور جوعاانة ما تقدر تتحمل يوم يرجع راحت تدور في الثلاجة الصغيرة لو في شيء عشان تسد جوعها لين يرجع ويجيب الغدا معه
ما شافت غير فواكه اخذت لها برتقالة وهي تقول معليه يسد جوعي لين يرجع.
اخذت سكين وراحت قعدت فوق الكنبة وهي تبي تقطعه بس دخل معاذ بهاللحظة راجع من المسجد وهي ك ردة فعل سريع رمته فوق الدولاب وقامت من مكانها بسرعة
معاذ دخل وهو يناظرها :هاه نمتي زين
نور:اييه الحمدلله
وهي ما نامت زين ما كثر ما كانت جوعانة
معاذ قعد الكنبة وقالها:اقعدي
قعدت نور
معاذ:الحين انتي حرمتي وانا رجلتس تمام؟
نور تناظره
معاذ:وانا وانتي للحين ما نعرف طبايع بعض ولا نعرف بعض زيين ابي فترة كذاا نتعرف على بعض وكننا مو متزوجين
نور استغربت بس قالت:طيب
معاذ ابتسم معاذ وقام
ونور تناظره وتقول بداخلها طيب والغداا يا رجاال

جويريا طلعت من غرفتها وهي تقول لعنبوها من حرمة الغلط مني اصلآ اني نظفت لولدها القرد  كان خليتها بوسخه ابرك ليي والله
راحت المطبخ وهي تدور خلود كانت بتكلمها بس نست الموضوعع
شافتها واخيرآ بالحوش ومسكتها وهي تقول:اسمعي خلوود
خلود:هلا
جويريا:ابيتس بكلمة راس
خلود بملل:تفضليي
جويريا تناظر لو في احد :اسمعييي ابييتس لا رجع اخوتس تقولين له جويريا سنعةة وحبيبة وتسمع الكلاام وتبيضين وجهي قدامه فاهمة
خلود :ليه تبينه يحبتس؟
جويريا :حبه القرد والبرص  ان شاءالله، بس في عندي طلب ابيه يوافق عليها
خلود تمشي: انتي مو صاحية تبيني امدحتس عنده وانتي اليوم متهاوشة مع حنان تستهبلين؟؟
جوييريا تمسكها:تكفين خلود نسيتي اني ساعدتس
خلود :يا لييل طيب طيب لا رجع يصير خير وابشري امدحتس عنده
جويريا :وقفي وقفي وابيتس تقولين له امتس هي الي تسوي مشاكل معها ولا جويريا حبيبة وطيبة
خلود:لا والله تبيني افتنه على امي
جويريا :يالله خاطري شوي معليه اعرف انه ياخذ العلوم البيت منتس وبيصدقس لو قلتي له
خلود:اف طيب
جويريا فرحت:احبتس والله
وراحت بس قبل تمشي جت ام عنان وهي تقول :وقفيي
جويريا تقول بداخلها يا ربي وانا كل ما بغيت ما اسوي مشاكل يجون ويحتكون معيي هذوول وقفت وقالت:هلا
ام عنان:لا تحسبين انه هالايام خليناتس تريحين بغرفتس يعني انتي ملكة ونحن نشتغل عندس
جويريا :تفضلي وشتبين مني
ام عنان:غسلي الحوش
جويريا طلعت عيونها :نعم نعم اغسل الحوش؟ مالي دخل انا اكوي الملابس لا اغسل الحوش ولا الطبخ علي انا من يوم يومي الكوي علي وغسل الملابس
ام عنان تضرب يد. بيد: والله حبيبتي هاذا كان زماان الحين غيير
جويريا :يا ربيي يا خالة انتي ليه تحبين تعانديني وتعصبيني وانا احاول اصير معتس حبيبة
ام عنان :من زينتس ومن حبتس حبتس المقرود
جويريا تناظر خلود وهي كنه تقولها شفتي امتس وتلوميني اني ادور مشاكل
راحت المطبخ وهي تجيب المكنسة والسطل عشان تغسل الحوش ب فم ساكت
بدأت تغسل وعنان جا وشافها تغسل الحوش
ما عطاها اهتمام ودخل متوجه عند حنان
دخل لداخل وما شاف حنان موجودة شاف ثامر يلعب راح عنده وهو يبوسه :كيف حبيب البابا
ثامر:زين
عنان يناظر :وينها امك
ثامر يرفع كتوفه بمعنى مدري
عنان قام وهو يدورها

حنان نزلت تحت وشافت جويريا تغسل الحوش
وضحكت وهي تقول:ما بغت العروسة تقوم وتساعدنا ب شغل البييت
جويريا قامت وهي تقول :حنان والله العظييم  مالي خلق لتس اذلفي من وجهي ولا ما يصير طييب
حنان :شفتي حنان وش تقدر تسوي لا تحطين راستس براسي
جويريا تناظرها نظرة الصدمة :انتيي جاية تقولين لي ما احط راسي براستس؟ لا لا انتي شكلتس ماا سمعتي عني والله لو حطيتتس براسي ما تدرين وش يصير فيتس احسن لتس تقصري شرتس ولا عاد تحتكين معي تنقبرين بغرفتس مع ولدتس القرد احسن لتس
حنان :تقرقرين كثير وما نشوف منتس شيء
جويريا بنظرة :والله؟ هين يا حنان انتي الي بديتي والبادئ اظلم والي يجييتس تحملييه
حنان كانت تبي تتكلم بس جا عنان وهو ينادي حناان
حنان لفت له:هلاا
عنان يناظرهم اثنيهم واقفين جنب بعض وقال بصوت عالي :تتهاوشن مرة ثانيةة؟
جويريا بسرعة قالت :لاا وين تونا تصالحنا مو حنان
حنان ناظرتها هذيك النظرة وقالت وهي مبتسمة :ايه
عنان:زيين لا ترفعون ضغطي لاني لو عصبت ما يصير طييب
حنان وجويريا :طيب
عنان وهو طالع مرة ثانية :الحقيني يا حنان
حنان مشت بدلع من عند جويريا :ابشرر يا نور عيني
وجويريا تتوعد فيها وهي تقول والله اني حطيتس براسي يا حنان هين والله ما يصير طيب
ورمت المكنسة بالارض وهي رايحة المطبخ :خلووود
خلود بالمطبخ :نعم خييير خلود خلود خلود والله طفشت من اسمييي
جويريا :تعالي ابيتس
خلود:نعم
جويريا:ترا عنان رجع قلت اقولتس لانتس ما شاء الله قاعدة هنا ومنتي بدارية عن الدنياا
خلود :يوه نسيت الموضوع
جويريا:توه طلع عند المنقوزة روحي قولي له
خلود:ابشري ما طلبتيي
جويريا:وانا رايحة اكمل شغلي انكسر ظهري بسبة امتس

طلع تميم متوجه للدكان اشترى وكل شيء تمام لين ما لف عشان يطلع وتفاجئ يوم انه شاف ولد عم علي لف على طول مرة ثانية عشان ما يعرفه وشال اغراضه وهو طالع من الدكان وكل شوية يلف وراه يتأكد لو جاي وراه ولا لا وحمد ربه يوم ما شافه جاي وراه يعني ما لاحظه
دخلت البيت وقفل الباب بسرعة
جت هيام مبتسمة:جيت؟
تميم كان واضح من وجهه انه في شيء صاير :ايه جيت
هيام قرصها قلبها :يا ويلي وشصاير
تميم يدخل :ولا شيء يا هيام ولا شيء
هيام جت عنده :شوف وجهك كيف مصفر قول وشصاير
تميم قعد فوق الكنبة :شفت ولد عمه
هيام حطت يدها بفمها :وشهوو؟؟؟ وهو شافكك
تميم:لا الحمدلله ما شافني
هيام تنفست باريحية:الحمدلله انه ما شافك
تميم قعد يفكر وهو يقول مستحيل اخليهم يأذون هيام لو اموت لاخر نفس عندي بحميها
وجاه سؤال فباله لو هو صارله شيء هيام وين بتروح وش تسوي؟
طلع جواله من جيبه واتصل على سعود وقاله تعال ابيك
وهيام خايفة انهم لو عرفو وين يعيش اكيد بيجون ويذبحونه والمشكلة تميم رافض يطلعون من الديرة والبيت بكبره

انايا كانت تطبق الملابس جت امها وهي لابسة عبايتها :انا رايحة بيت ام فهد إن جا اخوتس حطي له اكل طيب
انايا :طيب
طلعت امها وهي شالت ملابس ابوها واخذته لغرفته تحطهم بدولابه
دخل سالم وهو يشوف لو في احد عشان يدخل ولد عمه
ويوم هو راح رجعت انايا وشالت ملابس اخوها وراحت غرفته عشان تحطه في دولابه
وسالم دخل ادهم واخذه لغرفته ودخله وهو ولا طالع لو في احد بالداخل وقفل الباب بالمفتاح عشان لحد يدخل وهو راح الحمام "وانتو بكرامة"
انايا قفلت باب الدولاب وانصدمت يوم شافت ادهم بالغرفة وهو لزق بالباب وهو لاف وجهه
انايا بغت تنجلط وهي تقول اشبه سالم قفل الباب علينا وطلع يستهبل ذا ولا وشهوو؟ شكله مب صاحييي
تأخر سالم وانايا تسب وتشتم فيه وهي متفشلةة وتغطي نفسها ب باب الدولاب
اخيرآ جا سالم وفتح الباب ويوم دخل ما لاحظ ل انايا واستغرب يوم شاف ادهم عند الباب
سالم:اشبك ياهو ادخل اشبك مستحي وش اول مرة تجي عندناا؟؟؟
ادهم لاف وجهه للحين :اختك موجودة
سالم استغرب ولف وجهه عند الدولاب وانصدم وهو يشوفها واقفة وتغطي نفسها بالباب
راح عندها بسرعةة وهو يسحبها ويحاول يغطيها من ادهم
واول ما طلع قال بعصبية:وش تسوييين بالغرفة
انايا خافت:والله والله جيت احط ملابس لدولابك وانت دخلته وقفلت الباب وش اسوي اناا
سالم عرف انه ما لاحظ عليها وقال :يالله روحي جهزي لنا قهوة
انايا:اابشرر
سالم:واسمعيي
انايا:هاه
سالم :يا ويلتس لو يدري احد فاهمة
انايا :طيب
سالم دخل ولداخل
وانايا قلبها طبوول اول مرة تطيح بموقف زي كذا
(هاذي الموقف صارت حقيقي مع وحدة 💔)

نزل عنان عشان يرجع شغله
وجت خلود عنده وهي تقول :اشلونك اخوي اخبارك
عنان :بخير
خلود تبغاه يسأل عن اخبار البيت وكذا :اييه وكيف اخبار الشغل معك
عنان:بخير ليش تسألين ؟؟
خلود:لا كذا بدون سبب
عنان:ايه كنت بسالتس
خلود على طول قالت:تفضل
عنان :وش اخر اخبار تهاوشو جويريا وحنان مرة ثانية ولا لا
خلود:لا لا ما تهاوشو ابد يا اخوي وجويريا صايرة حبييبة وطييبة  وانا اختك انصدمت منهاا شايلة. كل شغل البيت تنظف وترتب وشحليلها تحبنا كلنا
عنان ناظرها بنص عين وهو مو مصدق بس مستحيل يشتكك من كلام خلود لانها دوم تجيب له الاخبار ومصدرها موثوق:جويريا؟؟ متاكدةة؟
خلود:اييه وانا اختك حتى اليوم امي قالتلها غسلي الحوش وغسلته بدون لا تجاوبها
عنان تذكر يوم جا وشافها تغسل الحوش صدق:صدمتني شكلها قاعدة تتعلم وتكبر عقلها
خلود:ايه شكله والله
عنان :يالله انا ماشي في امان الله
خلود :الله معك
طلع عنان وخلود تقول نشوف لوين بتوصلنا ذي الملسونة

وصل سعود عند تميم ودخل وسلم عليه وقعدو اثنينهم سوا
تميم :ابيك بكلمة راس يا سعود
سعود:تفضل اخوي
تميم :موضوع بيني وبينك
سعود:افا انا تقولي كذا
تميم :تعرف بيتي
سعود:ايه
تميم :لا صار لي شي تبيعه والفلوس لهيام بس ذا البيت لا تبيعه خله موجود خله موجود عشان يتذكرون تميم كان قاعد هنا تميم الي اتهموه ظلم
سعود:لا تتكلم كلام زي كذا وما يَمِسك احد دام راسي يشم الهوا
تميم :شفته اليوم يا سعود
سعود خاف:شفتت ميين
تميم:شفت ولد عمهم
سعود:اسمع مني يا تميم خذ حرمتكك واطلع من البيت احتمال كبير انه شافك وشاف وين بيتك
تميم :ماني بطالع من بيتي عشانه واذا مت بيموت وانا مو هربان اذا هربت يا سعود ب كذا اثبتت لهم اني انا ذباح حمد وانا مابي
سعود :يا تميم والله خايف علييك ليتك تكبر عقلك وتطلع من البيت تكفى افهمنيي من لي غيرك اناا
تميم مسك يده : يا رفيقي ما على حظي ملام جعل كل شيء مرني ما يمرك لا يغرك بالوجيه ابتسام والله انه العلوم الخافية ما تسرك
سعود تنهد وطبطب عليه

معاذ قام وهو يقول:انا رايح اجيب الغدا تبين شيء
نور ما صدقت انه واخيرآ جاع :سلامتكك
طلع معاذ وهي تذكرت البرتقال الي فوق الدولاب راحت حطت الكرسي وطلعته وهي تقول ما بغي يطلع ابو الكرش عشان يجيب الغدا
ولفت عشان تنزل وانصدمت انه واقف عند الباب
نور وقفت بمكانهاا وهي تشوفه يناظرها وهو مستغرب وش الي اخذ البرتقال فوق الدولاب
معاذ سمع كلامها وشافها حتى وهي تنزل البرتقال من فوق الدولاب من الصدمة قال وهو يأشر على محفظته :محفظتي نسييته
وراح شاله وخرج وهو مستغرب
وهي واقفة بمكانها من الموقف البايخ الي طاحت فيه (ذا الموقف بعد حقيقي😭)

جا اليل
وهيام كانت ترتب السرير عشانهم بينامون الحين
دخل تميم وشافها ترتب راح عندها وهو يسحبها معه للسرير وهو يهمس لها :تدرين اني احبتس واموت فيتس
هيام ابتسمت :وانا احبك واموت فيك
تميم حاوطها من خصرها وهو يقرب منها وباسها بخدها بنعومة :يقولون الي تحبه تضمه بالعين انا بأي عين اضمك وانت عيوني
هيام ابتسمت وضمته وهي كلها حب له
فجأة سمعو صوت الباب يندق بقووة
تميم قام وهو يقول:خير ان شاءالله
هيام قرصها قلبها ومسكته قبل يقوم وهي تقول:تكفى لا ترووح لا تفتح الباب
تميم يبعد يدها عنه ويطمنها:لا تخافين بروح اشوف مين وارجع
هيام مسكته مرة ثانية:تكفى يا تميم تكفى لا تفتحه
تميم بعد يده عنه وطلع يشوف وهيام شالت طرحتها ولبسته و نزلت وراه وهي تشوف من بعيد وقلبها يدق بقوة من الخوف
تميم فتح الباب ودخلو مجموعة كبيييرة من الرجال
وهيام اول ما شافتهم دخلو ركضت بسرعةة عشان تجيب المسدس لانه واضح مو ناويين على خير
دخل علي وهو يناظر تميم ب شرر :واخيييرآ لقيتك يا تميم وين بتهرب مني يعني لو تروح تحت الارض اقدرر اطلعك
تميم وقف مستسلم لهم وهو يقول خلاص هاذي نهايتي الحين بيذبحني قال وهو يدري ما يجيب اي فايدة كلامه :انا ما ذبحته يا عليي والله ما ذبحتهه
علي قاطعه بعصبية :انا شفتك بعيوني ذبحت اخويي بعيوني شفتك تذبحه
تميم ما ناظر بوجهه ابد كان منزل عيونه عنه
مسكه علي وهو يقول :طالع فينيي طاالع فيني كيف قدررت تذبح اخويي كيف قويت تذبحه؟ تكلللم كييف طاوعك قلبكك
تميم كان ساكتت
علي مسك المسدس وصوبه نحوه وهو يقول:اليوم انت ميت يعني ميت
تميم غمض عيونه وهو يستشهد منتظر الرصاص الي بياخذ روحه الحين
وقبل يطلق جت هيام وهي تركض وبعدت المسدس وطلع الرصاص من المسدس وانصاب تميم في كتفه
وهيام وقفت قدام تميم وهي بيدها المسدس وصوبت المسدس ل علي وقالت بصوت عالي :وخروو وخروو عنه ولا والله اذبحكم كلكمم
علي يشوف يدها الي ترجف واضح عليها اول مرة تمسك مسدس بيدها قال بإستهزاء:وانتي تظنيي الحين اني خايف منتس؟
هيام انصدمت انه مو خايف منها
علي :وخري بسرعة من قدامي ولا ما يصير طييب
هيام كانت تتنفس بسرعةة وهي ما تدري وش تسوي الحين تميم طايح ويده تنزف ومستحيل تبعد من قدامهم وتسلمه لهم بنفسها
مسكت الطرحة الي براسها ورمته بالارض وهي تصرخ وتقول :اطلعو برااا بسرعةةة
الكل انصدم منها ومن جرأتها والكل غض بصره بحكم انهم من قبايل محافظة وما يرضون انه حرمة قدامهم كاشفة شعرها
الكل استحو واجد على الي سوته
وعلي قال لتميم :حتى حرمتك ما تستاهلها والله راجع لك يا تميم والله راجع لكك احتريني
وطلع هو والرجال كلهم وراه طلعو
وهيام قفلت الباب بسرعةة وراحت عند تميم الي ماسك جرحه ويتأوه من الآلم
تميم وهو ماسك جرحه الي تنزفف :ليه سويتي كذا يا هيام لييه
هيام تقومه :قوم معي الحيين بيجي سعوود وناخذك المستشفى لا تخااف
تميم قام معها وهو مرة وجعان من كتفه
راحت قعدته فوق الكنبة واخذت جوال تميم وهي تدور اسم سعود ويدها ترجف للحظة نسيت كيف تستخدم الجوال واتصلت عليه بعد عناء وهي تقول :الحقنيي يا سعودد هجموو على تميم وهو الحين منصاب في يده الحقني تكفى قاعد ينززف تكفي بسرعةةة تعال بسرعةة
سعود قام من مكانه بسرعةة :وشهوو؟؟ طييب الحيين جايي ما اتأخرر خذيي قمااش واضغطي على جرحه زيين؟
هيام برجفة:زيين
وقفل منها وركب سيارته على طول وهو يسرعع وقلبه طبول انه يخسر رفيقه الوحيد بالدنيا

نهاية البارت

احبكم واحب دعمكم والله انكم اطلق بنات 😭قلبي فراشات لانه عندي بنات مثلكم احبكممم ❤️
هخ
تشاوو✌️♥️