رواية من حضرتك عشان قلبي تذله الفصل الخامس عشر 15 - بقلم ام عوض

جويريا قاعدة فوق السرير وهي تشد بالبطانية تبي تنزل وما تخليهم قاعدين تحت لوحدهم بس كرامتها ما تسمح لها تنزلل صعبب عليها وهي بداخلها تقول جعلكم ما تتهنون بالقعدة مع بعض
سمعت صوت قامت وهي تفتح الشباك شافت الدنيا تمطر وهي مب دارية عن الدنيا ضحكت ولفت نظرها بسرعة لتحت تشوف وشصار عليهم شافت ام عنان وجيهان دخلو لداخل وعنان يدخل السرير لداخل وتبلل بالكامل دخل الاغراض كلها لداخل
وسمعت انه طالع
على طول قفلت الشباك وركضت قعدت قدام المراية وهي تمشط في شعرهاا ومبتسمةة انه المطر خربت قعدتهم
دخل عنان وهو مبلول يبي يبدل
راح عند الدولاب عشان يطلع له ملابس
وجويريا مبتسمة ابتسامة نصر :يوه ليه رجعت كنت قعدت معها
عنان يناظر تمثيلها وابتسامتها الي وضح له فرحتها :شكله في احد داعي علينا اليووم هب علينا المطر وحنا قاعدين قعدة شحلاتها
جويريا :من زينكم ومن زين قعدتكم عشان يدعون عليكم
عنان طلع له ملابس ودخل يبدل وهو متأكد انها غارت عليه مثل ما هي حافظة الرجال هو بعد حافظ البنات

زين يدق الباب بقوة عشان تفتحه روزا بس هي شكلها مو سامعته
دق بقوة اكثر واخيرآ جا له صوتها وهي تقول :جااايةة جاييية
فتحت الباب ودخل بسرعة وهو مبلولل كامل
روزا :شبلاك مبلول
زين يطلع شماغه :شرايتس؟ سويتها بنفسي يعني الدنيا مطر وانتي ما تدرين
روزا :صدق والله ما سمعت
زين :ادخلي ادخلي مب دارية عن الدنيا وهاتي منشفة بنشف شعري
روزا :طيب
دخل زين يبدل وروزا دخلت تجيب له منشفة
طلع زين بعد ما بدل وقعد فوق الكنبة وجت روزا بيدها المنشفة :خذ
زين:تعالي نشفي لي شعري
روزا :والله؟
زبن:ايه انا رجلتس ولا نسيتي
روزا تجي عنده وهي تبي تنشف له شعره :ما نسيتت
وقعدت تنشف له شعره
زين:المرة السنعة والزينةة تنشف شعر رجلها اذا طلب منهاا وتحترمه وتحطه تاج فوق راسها
روزا :والله الحرمة السنعة والزينة هربت بغيت ولا ما بغيت هاذا الموجود
زين :وانتي شدراك
روزا رفعت حواجبها :وش؟
زين:انها هي كانت السنعة والزينة ما تدرين يمكن انتي احسن منها
روزا ضحكت :تبي الصدق؟ سمعت انها رفلة ، ما تعرف تطبخ ولا لها بالشغل البيت ولسانها اطول منها بس امها الله يهديها طايحة فيها مدح قدام الحريم
زين:شفتي الحرمة الزينة والسنعة انتي اما الي هربت بليلة عرسها هاذي واضحة
روزا سكتت وهي تحسه بذا الموضوع ينقلب جديي ومنجرح للحين من ذا الموضوع

جا اليل
واغلب الضيوف مشيو بيوتهم
وانايا جهزت غرفة معاذ له ولحرمته
معاذ :تفضلي ب غرفتك
نور دخلت وهي تناظر الغرفة:حلو مافيه شيء
معاذ:وشذ الكلام كيف حلو مافيه شي ذي اكشخخ غرفة فبيتناا مو انايا؟
انايا :معليه عن الغلط بس غرفة امي وابوي هي اكشخ غرفة هيا اوص
معاذ:انتي هش هش شعرفتس بالذوق
نور ضحكت وراحت قعدت فوق السرير : صراحة صراحة حريم عايلتكم يغثون الواحد
معاذ :وانشهد والله
نور ناظرت فيه :ما كلمتك انت كلمت انايا
انايا ضحكت :وشبلاتس على اخوي
معاذ:شفتي يا انايا شفتي
انايا ضحكت:يالله انا رايحة تأمروني على شيء؟
معاذ :سلامتس بس اذلفي وقفلي الباب ورااك انا الحين متزوج
انايا فطست ضحك:ابشر
طلعت وقفلت الباب وراها
ومعاذ لف لنور وهو يقولها :وش بلاتس زعلانة مني؟ وش مسويي لتس حرام عليتسس تزعلين علي وانا مو مسوي شيء
نور:لا مين قال مسوي شيء لا حبيبي مو مسوي شيء
معاذ :طيب قولي اشفيتس
نور تقوم :مافيني شي والحين نام عشان بكرى اول ما اصحى تاخذني بيت عمي ابي اشوف خواتيي
معاذ راح تسطح :ابشريي ما طلبتي حنونتي
نور راحت تسطحت جنبه وهي تقفل اللمبات :يا ويلكك لو تشخر بدخل الشبشب بخشمك والله
معاذ :طيب طيب

محمد واقف قدام السياره وهو يشوف الموية الي ملت الطريق ومستحيل يقدر يكمل لو كمل بيغرق السيارة وان غرق هو بطريق خالي من الناس محد بيجي يساعده
رجع للسيارة وهو يركب:والله شكله اليوم بننام بالسيارة
الهنوف :ترا بمووت لو قعدت ساعة ثانية بذا السياره
محمد :اشكري ربتس انه قاعدة داخل سيارة ومتدفية
الهنوف تطالع الطريق :طيب ما نقدر نرجع َ؟
محمد:شوفي قدام وشوفي ورا كله موية ننتظر لين الصبح الارض بيشرب الموية لوقتها ونمشي بعدها بأذن الله
الهنوف سندت راسها وهي تتنهد
محمد :سلامتس
الهنوف لفت له وهي تناظر فيه بشكل غريب
محمد :خير مضيعة شيء بوجهي؟
الهنوف :بسألك سؤال؟
محمد:تفضلي
الهنوف :انت ليه رفضت تتزوج بعد هبة؟
محمد استغرب من سؤالها بس قال :ما صار النصيب
الهنوف :لا الموضوع ماله دخل بالنصيب لأنك انت بنفسك ما جربت تتزوج
محمد سكت شوي صح كلامها هو ما حاول يتزوج واصلآ ما يبي سكت وهو يتذكر هبة ما يدري ليه كل ما جا يلتفت لغيرها يحس نفسه انه يخونها
ايه يحس نفسه انه يخونها وهي بقبرها حبه كان كبيير لهبة
جمعهم الحب وفرقهم الموت كانت تجربة أليمة له
الهنوف قعدت تناظر فيه وهي تشوفه كيف راح بخياله لبعيد وقالت :كنت تحبها؟
محمد لف لها وقال بحدة :انتي وش دخلتس هااه شدختس لو كنت احبها ولا لااا
الهنوف انصدمت انه عصب عليها من شيء زي كذا مو مستاهل يعصب :ما قصدت
محمد :لا تقصدين شييء واسكتيي وبسس مابي اسمع لتس اي حس فاهمة ولا لاا
الهنوف لفت وجهها وهي الغصة ذابحتها :طيب

اذن الفجر وخلص وللحين الهنوف ساكتة ومو ناوية على خير وحالفة ما ترجع
الهنوف :انزل صلي ولا ما تصلي بعد
محمد :مو متوضي من وين لي الموية
الهنوف :ينفع بالتراب دام مافي موية
محمد :انتي شايفة التراب كيف كله صاير طين تستهبلين انتي ولا كيف بصلي اول ما نرجع الديرة
الهنوف سكتت وهي تبغاه يطلع من السيارة لازم عشان تهرب والمشكلة مافي ببالها اي فكرة تخليه يطلع من السيارة
ناظرت عند الصخرة مطول وهي تقول مالي حل غيره وصرخت وهي تأشر. عند الصخرة :شووف محممد في شيء هناك شفتته والله شفت شيء هنااك
محمد يدقق بالنظر لانه ظلام وتوه بدأ الصبح يطلع:وين ما اشوف شيء
الهنوف تصارخ :والله شفته يا محمد شفتته رووح شوف
محمد :يا ربيي والله مافي شيء شوفيي
الهنوف:رووح شووف تكفى ولا بموت من خووفيي
محمد تنهد ونزل وتوجه عند الصخرة وهو متأكد انه مافي شيء بس هي خايفة بدون سبب
راح وهو يقول غبية تخاف من كل شيء مافيي شيء
رجع السيارة وفتح باب السيارة وهو يقول :قلتلكك مافي شيء والا مصررة في شيء
لف لمكانها وشافها فاضية حط يده بعيونه وهو يتنهد من غبائه انه صدقها
نزل من السيارة وهو خلاص زقت معه منهاا راح وراها وهو يشوفها وهي تهرب المكان كله فاضي وعشان تختفي عن الانظار لازم تبتعد كثيير
راح وراها وهو يحس خلاص طفش منها ومن تصرفاتهاا و وصل حده منهاا
قرب منها وصرخ بصوت عالي :لا تحاوليين تهربيين يا الهنووف لا تحاوليين مافي مفرر
الهنوف تعبت مرة بس للحين تركض وهي تطالعه لو للحين وراها تدري انه بيمسكها بس ما تبي تفقد الامل وتهررب
فجأة طاحت بوسط الطريق مسكت رجلها وهي تبكيي كل محاولاتها قاعدة تفشلل مو عارفة وش تسويي
جا محمد وقف عندها وهو يشوفها طايحة بالارض وتبكي قال بهدوء:ما بتفقدين الامل؟
الهنوف ا ناظرت فيه حتى قعدت بمكانها ولا تحركت وهي ينزلو دموعهاا
قرب محمد وهو يمسك يدها عشان يقومها :قوميي بسرعةة وتعالي للسياررة بنرجع الديرة يعني بنرجعع وبطليي حركات البزران هاذي يا الهنووف لانو ما بينفع شيء طيب
الهنوف قالت من بين دموعها :تكفى يا محمد اتركني امشي خلااص تكككفى بغلات هبة عندك اتركنيي
محمد اول ما سمع اسم هبة ترك يدها بسرعةة
الهنوف انصدمت انه نفع معه وناظرته بدهشة
محمد يناظرها :روحي
الهنوف للحين مو مصدقة قامت من مكانها وهي تتأكد من ملامحه وفعلآ جدي
محمد :روحي واهربي بشوف وين بتروحين يا بنت ابوتس "واشر حوله" شوفي وين انتيي مافي لا ناس ولا حيوان وين تبين تهربين؟؟ انتي من كل عقلتس ؟؟؟
الهنوف ناظرت حولها صدق كلامه هم بمكان ماافيه ناس ومستحيل تقدر تمشي كل هالمسافات لانه مافي فايدة
محمد :من كل عقلتس تبين تهربين وانتي بمكان زي كذا؟؟ اصحي يا بنت ابوتس اصحيي واعقليي منتي في فلم او مسلسل
رجع مسك يدها ومشى للسيارة وفتح باب السيارة وقعدها وطلع شماغه ونزل قعد برجوله وهو يبي يربط ركبتها الي انجرحت يوم طاحت
وهي ساكتةة وتناظر فيه
محمد يربط رجلها :تحسبي انا برضاي جاي اخذتس؟ وانا مستانس لأني مخليتس تعانين كذا صدقيني مو مستانس ولا ابي يصير كل ذا
الهنوف مسحت دموعها
ومحمد رفع عيونه لها بهاللحظة وتاه وهو يشوف دموعها ما يدري ليه بهاذا اللحظة حط كل اللوم على نفسه معنه مو مسوي شي بس دموعها يخلي الواحد يعتبر نفسه هو الغلطان غصب عنه
نزل عيونه بسرعةة وهو يبلع ريقه وقام بسرعة و رجع مكانه وهو يقول هي الغلطانة والمفروض تتحمل الي بيجيها انا مالي دخلل
بهاللحظة دق جوال الهنوف
نزلت وهي تاخذه شافت رقم غريب
محمد ركب وهو يطالع جوالها :ردي
الهنوف ناظرته وبعدها ردت
الشخص :عفوآ منك بس تعرفين جمان..........
الهنوف :ايه اعرفها
الشخص:اذا انتي وحدة من عائلتها او تعرفين عائلتها خلوهم يجون في مستشفى ال....... لأنها تعرضت للطعن ومنتظرين احد من اهلها
الهنوف مسكت قلبها :وشش طعنن
الشخص:مع الاسف واتمني احد عائلتها يجي بأسرع وقت
وقفل وهي مصدومة
محمد :خير وشصاير
الهنوف تناظره:قال انه جمان في احد طعنها وهي بالمستشفى
محمد :اييه؟
الهنوف تضربه :وش الي اييه خذني عندها بسرعةة
محمد:ما اخذتس وش يعرفني لو هي خطة منتس ومنها
الهنوف مصدومة :والله العظييم مو خطة يا محمد تكككفى خذني عندهاا والله مالها احددد خاايفة عليهاا
محمد لف نظره لدريكسون :لا
الهنوف مسكت يده وقالت بترجي:تككفى يا محمدد خذني عندها تككفى والله مالها احد هنااا صدقنيي والله العظييم ما اكذذب
محمد كانت نظرته نفسها صرامة ورفض
الهنوف قالت بسرعة:والله لو اخذتني عندهاا برجع معك الديرة بالطييب واللله برجعع معكك بعدهاا
محمد لف لها وهي يشوف عيونهاا الي يحس لو اطال النظر فيهم بينهزهم
الهنوف مسكت يده مرة ثانية وهي خايفة يرفض:تكفى يا محممد تتككفى
محمد تنهد :بترجعين الديرة بالطيب بعدها؟
الهنوف:والله برجعع
محمد يشغل السيارة :طيب
الهنوف شكرت ربها انه وافق وهي خاايفة على جمان
جمان الي كانت معها وقت الكل كان ضدها ومستحيل اي شخص يسوي الي سوته هي

صحيت نور بدري وجهزت نفسها وصحت معاذ :معااذ قم خذني فبيت عمي بسرعةة
معاذ توه يفتح عيونه :كم الساعة
نور:الساعة 7 قمم بسرعةة
معاذ:تو الناس باخذتس الساعة 9
نور :لا ماافي قم بسرعة بتاخذني الحين
معاذ قام وقعد :اف منتس يا نور ما تخلين الواحد ينامم
نور راحت عند الدولاب :يالله بسرعة البسس
قام معاذ للحمام"وانتو بكرامة" ونور راحت عند الدولاب وهي تطلع لها ملابس وتحطهم في شنطتها الصغيرة وهي تقول :هين يا معاذ بتشوف وش بسوي فيك انا بنت ياسر مو بهينة
وراحت لبست عبايتها وطلعت برا تنتظره يلبس ويطلع
بعد كم دقيقة لبس وطلع لها وركبو اثنينهم السيارة و توجهو لبيت ابو فيصل
واخيرآ وصلو ومعاذ لف لها :متى اجي اخذتس؟
نور :براحتك
معاذ: بجي الظهر واخذتس طيب؟
نور :طيب
وقربت منه وباسته في خده وهي تقول :مع السلامة
ابتسم معاذ :مع السلامة
نزلت من السيارة ودقت الباب
فتحت لها اسيل الي اول ما شافتها ضمتها على طول
اسيل :نوور وحشتييني يا روحي
نور بادلتها الحضن :يعمري وانتي بعدد
اسيل بعدت عنها :ادخلي ادخلي يا روحي
نور دخلت لداخل وفصخت نقابها :مافي احد من خواتس؟
اسيل : لا هيام بس
نور::مشتاقة لهم ابي اشوفهم لازم يجون اليوم
اسيل :تعالي نقول لعمي يتصل عليهم ويجون
نور كشرت:عمتس بالبيت؟
اسيل:ايه
نور تمسك يدها:بشري ما جاتس خطاب؟
اسيل :لا الحمدلله حو اثنين وحطيت لهم ملح في الشاي وهجو
نور ناظرتها بذهول وهي تضحك:عجبتيني والله
اسيل ضحكت:اييه
نور :تعالي تعالي ندخل نسلم علي هيام ونقول لعمتس ونقوله يتصل عليهم
اسيل:يالله

نهاية البارت
شكرآ لكم ولدعمكم والله انكم اطلق بنات 🥺❤️❤️

يالله مع السلامة