رواية من حضرتك عشان قلبي تذله الفصل الرابع عشر 14 - بقلم ام عوض

انايا وهنادي واخيرآ قعدو
انايا :ما بغينا نقعد ونرتاح والله
هنادي:وانتي صادقة والله
انايا :والله من زمان ما جونا ناس هالكثر عاد بالقهوة انكسر ظهري الله يعين الي بيطبخون
هنادي:والله صدق الله يعينهمم
جا بزر وهو بقول :سالم  يبغى علبة منديل لأنه خلص
انايا :اذلف اذلف يا كذاب
هنادي:اعطيه يا مجنونة
انايا :لا تصدقينه ترا  ذا اكبر كذاب شفته بحياتي اخر مرة جا وقالي نفس الكلام ويوم طلعت الحوش شفته هو و وراعينه الثانيه يلعبون وموسخين المكان كله اذلف بسس
راح البزر
هنادي :يمكن صدق سالم قاله
انايا :بتشوفيين ترا مب سالم ولا غيره جايب ذا الكلام من كيسه ابن الذيين
شوية. وكذا سمعو صوت رجال
انايا قامت بسرعة وهي تلبس طرحتها
ادهم :اختي ممكن علبة منديل
هنادي تقدمت ومدت له :تفضل
ادهم :شكرآ لك
هنادي لفت لانايا :شفتي قلتلك
انايا :بنت ليه ما تغطيتي منه؟؟
هنادي:تيسة من يومتس نسيتي انه اخوي بالرضاعة
انايا ضربت راسها:نسيييت والله
هنادي:دلخة
انايا :بس والله اخوتس ذا بلوة
هنادي:لييه وش مسوي
انايا :والله مدري انا الي بلوة ولا هو تخيلي اليوم الصبح. وشصار
وقعدت تقولها السالفة

محمد والهنوف للحين بالسيارة
دق جوال الهنوف ومحمد لف لها وهو يشوفها تطلع جوالها من جيبها
محمد:حركات وبعد اشترت لها جوال
الهنوف :انطمم
محمد  لف وجهه وقال بهمس:تيسة قسم ضاعت وهي معها جوال وتبكي
الهنوف ردت :الو
جمان بخوف :الحمدللله جوالك معكك وينك يا بنتت وقسم من الصبح خايفة عليك
الهنوف :لا تحتريني يا عمري انا راجعة الديرة
جنان:اشلوون
الهنوف:شكرآ لك يا جمان والله انتس ما قصرتي معي المفروض من بدايتها كان رضيت بمصيري ولا انحشت واندري نهايتي راجعة للديرة
جمان:كييف يا الهنوف وش تقولين انتي ارجعي المدينةة وشصار على احلامك بتستسلمين بهالسهولة؟
الهنوف ودمعتها قاعدة على طرف عينها :مع السلام يا جمان
وقفلت الجوال وهي ما تبي تسمع كلمة زيادة مقهوررة
من قهرها ضربت الدرج الي قدامها برجلها
محمد :هيي هييه خير لا تضربي السيارة ترا اماانة مب حقيي بتكسرينه ترا مب راسي ذاا
الهنوف قعدت تضرب فيه مرات متتالية من قهرها
محمد وقف السيارة وهو معصب ولف لها وهو يقول :خلااص يا بنت ابوتسس
الهنوف ما وقفت استمرت تضرب عنادآ له
محمد وقف للحظة وهو يحس كل شيء قاعد يذكره في هبة  لو هبة الحين عايشة كان قال  هاذي هبة بدون كلام عنيدة مثثلهاا
الهنوف وقفت وهي تلهث تحس طلعت قهرها بالسيارة
محمد كان بيعصب عليها بس فجأة تلاشى العصبية وقال :ارتحتي؟
الهنوف لفت له بعصبية :لا كسرت راسك مثلله وقتها برتااح
محمد ما رد عليها ولف وهو يشغل السيارة مرة ثانية وهو يقول :لين نوصل اسكتي ما ابي اسمع لتس حس ولا ما يصير طييب
الهنوف سكتت ولفت وجهها عند الشباك وهي منقهرة ما كسبت شيء بهروبها زادت الطين بلة والحين ابوها بيذبحها
محمد يطالع السماء :ان شاءالله نوصل قبل يمطر
الهنوف طالعت السماء الي اغتلا الغيوم فوق بعضها تعلن انه اليوم بيمطر رفعت يدها وهي تقول :يا ربب يمطر اليوم مطرر شديد من قوتها وما نقدر نرجع الديرة وتنخرب السيارة علينا بنص الطريق وافتك من محمد
محمد يضحك:اميين امين الله يسمع منتس ادعي لي ربي يرزقني بالزوجة الصالحة
الهنوف :روووح ان شاءالله ربي يرزقك بالزوجة الي تجلطك كل صباح
محمد :امين امين كملي ادعي
الهنوف سكتت منقهرة منه فوق ما انه بيرجعها الديرة غصب عنها وكمان بيجلطها بمزحه واستفزازه

بعد ما رجعو الحريم لبيوتهم قعدو ام عنان وجيهان بالحوش يتقهوون مع بعض ويتذكرون ايام زمان
جيهان تضحك :ههههههههه تذكرين يا خالة لما عنان ضرب ناصر وقتها كيف ابوه عصب وقعد يدور عليه
ام عنان :ايه اذكرر وقتها انتي الي دخلتيه عندكم
جيهان تضرب كف بكف :ههه اذكر والله
نزلت حنان توها صاحية من النوم وهي تقول :وشذا الاصوات منو جاي عندنا
وسكتت يوم شافت جيهان
جيهان :هلا والله بحنان وينك انتيي من يوم جيت وانا اسأل عليك وما اشوفك
حنان نزلت حبة حبة وهي تقول بداخلها يا ليل وشجابها ذيي ابتسمت ابتسامة تسليك وقالت:اهلين في جيهان نورتي
جيهان تبوسها ولاحظت لبطنها :ماا شاءالله حامل مبروك يا قلبي تقومين بالسلامة
حنان:الله يسلمك يا قلبي
قعدت حنان وهي عيونها في جيهان
دخل عنان بهاذا اللحظة وقامت جيهان وهي تقول :عنااان
عنان كان يقفل الباب ولف لها وابتسم :جيهان؟ اهليين فيتس يا بنت العم شحالتس اخبارتس
جيهان راحت تضمه :الحمدلله وانت كيفك اخبارك علومك
عنان :بخير والله
جويريا بهاللحظة طلعت من غرفتها وجت تبي تنزل وطاحت عينها عليهم واضح عليهم توهم كانو حاضنين بعض اشتعل النار بداخلها صحيح ما تحبه ولا تبيه بس اي بنت متزوجة وتشوف شيء زي كذا ما ترضاها على نفسها وتغار
نزلت وهي عيونها فيهم وتحاول تبين نفسها طبيعية
عنان راح جلس
وجيهان بعد جلست :والله يا ولد العم لك وحشة من زمان ما شفتك والله متغير ومَحلوو
عنلن ضحك :شكرآ لتس. وانتي بعد ماشاءالله عليتس كل يوم تزيدي جماال
جويريا راحت وجلست جنب عنان
وهي وحنان عيونهم على جيهان ومنقهرين منها
جيهان :تخيل توه قبل تجي كنا انا وامك نتكلم يوم انك ضربت ناصر وهربت من ابوك لا يضربك
عنان ضحك :صدقق؟
جيهان:اييه نكب في عشاك بدونك  هههههههه
عنان :وقتها جيت واندسيت عندكم
جيهان :ايه
عنان :كانت ايام حلوة الله يرحمها
جيهان:ههههههه ايه والله صح كلامك
جت خلود توها مخلصة من المواعين وجلست جنب جويريا
جويريا تهمس لها :كم بتجلس هاذي عندنا؟
خلود:علمي علمتس والله بس الواضح من شنطتها الي قد راسها  بتقعد شهر ولا شهرين
جويريا ابتسمت وقالت لجيهان  :ايه متى بتمشين بيتس؟
جيهان سكتت وبعدها قالت وهي مبتسمة:يعني بقعد يمكن شهر او شهرين ما اطول، ليه السؤال؟
جويريا :لا اسأل بدون  سبب
جيهان ضحكت :خايفة مني؟
جويريا :لا خايفة عليتس
عنان يغير الموضوع :تعرفتي على حرمتي جويريا؟
جيهان:ايه تعرفت عليها ماشاءالله عليها حبيبة وتدخل القلب  فديتها حبيتها كثير
جويريا :يا قلبي   شعور متبادل
جيهان لفت نظرها لعنان:ما تفكر تاخذ الثالثة؟
عنان ناظر لجويريا وحنان وضحك :لا
حنان عدلت قعدتها وهي منقهرة من سؤالها :ليه لاقية له؟
جيهان:في كثير حاطين عيونهم على عنان وبعدين عنان اسم الله عليه جذاب حقه يتزوج الأولى والثانية والثالثة والرابعة يحل له
عنان يقهر زوجاته الثنتين :لو حصل لي فرصة يمكن اتزوج
جويريا قامت وقبل تقوم قرصته القرصة الحارة هذيك
وعنان تعور بس سكت وابتسم وهو قاصد يجلطها
وحنان قامت :عن اذنكم بروح اشوف ثامر لو صحي ولا لا
صعدت غرفتها وهي منقهرة تحملت جويريا والحين خايفة تجيها جيهان ضرة
صعدت فوق وتلاقت مع جويريا.
حنان :وخري مالي خلق لتس انتي الثانية
جويريا تلف لغرفتها :والله وانا بعد مالي خلق لتس انتي على اساس يعني انا ميتة اقابل وجهتس 
حنان وقفت قدامها وهي تدور على حرش :اسمعيني زين والله يا ويلتس لو تردين علي واذلفي غرفتس  الحيين حدي واصل منهاا
جويريا تناظرها وهي ما تعرفها وحدة تدور مشاكل كذا :لا لا انتي صدق شكلتس تبينها من الله والله عاد دامه كذا انا بعد ابيها من الله جسمي من الصبح يحكني اتهاوش مع احد
حنان مسكتها من شعرها :يا  بنت ابوتس الحين اراويتس منهو حنان سكتت كثير وطقت فيني العرق
جويريا تشد لها شعرها :والله انا الي اراويتس منهو جويريا باقي ما شفتي مني شييء والله يا حنانوو  انا بنت ياسرر اكسرتس انتي وراستس وكرشتس الي طايحة
ويشدون ويضربون بعض
جو كلهم بسرعة وهم يبعدون بينهم
وعنان بعد حنان عن جويريا الي انجنت رسمي
عنان بصراخ:خلااص خلاص اشفييكم انتووو صاير لعقولكم شي
حنان تبعد شعرها من وجهها :هي الي جاية وتتمشكل كنت ماشية بطريقيي وتجي تقطعه
جويريا ضحكت من كذبها :انتي الي كنتي ماشية بطريقتس ولا اناا ياالكذووبة
عنان :خلااص اسكتووو "لف لحنان" وانتي يا حنانن انتي اكبرهم واعقلهم تسوين كذاا ولا وانتي حاامل بعدد
حنان سكتت منقهرة
عنان لف لجويريا :وانتي حسابتس عندي بعدين اعرف راس البلا انتي هيا
جويريا بصراخ :كل مرة راس البلا اناا وهاذي الملسونة لأنها سكوتةة ف المشاكل مو منهاا  موو
عنان :اذلفيي غرفتس بسرعةة
جويريا وقفت بمكانها ولا سمعت كلامه
عنان مسكها من يدها ودخلها غرفتها غصب عنها وهو دخل معها بعد
ام عنان لفت لحنان :شاطرة بنت ابوتس هاذا الناقص تجي الثانية وتطول ذيل الااولى
ولفت وجهها ونزلت
خلود قربت منها :انتي بخير؟
حنان :بخير بخير
طلع ثامر وهو يفرك عيونه صحي من اصواتهم العالية
خلود. :تعال حبيبي ندخل داخل ونلعب طيب
ودخلته للغرفه ودخلت حنان بعد
وجيهان نزلت عند ام عنان وهي تقول :مو معقولة انتي عايشين كذا على  الهواش والضرب كذا؟
ام عنان تقعد :شفتي ما يمر يوم والا ثنتين ذول متهاوشين الغلط مو منهم الغلط من ولدي الي مو عارف كيف يسيطر عليهم
جيهان قعدت :كله من جويريا ولا حنان اعرفها عاقلة . و رزينة
ام عنان :كلهم مثل بعض لا يغرتس سكوتها ذي

بالغرفة عند جويريا صدت وجهها عنه
عنان :ليه تهاوشتو؟
جويريا :على اساس ا لو قلت لك بتصدق يعنيي
عنان :جاوبيني على قد السؤااال قبل يجيتس كف
جويريا :اضرب ليه متردد
عنان يمسك اعصابه وترك يدها :انتي لييه كذاا فهميني بسس لا تمشين بالطييب ولا تمشين بالغصبب وش نسوي معتس هااه وش نسويي
جويريا لفت وجهها عنه تبي تطلع من الغرفة بس مسكها من يدها :ما تمشيين عني وانا اكلمتس كم مرة افهمتس يعنييي
جويريا بعصبية :لا مو فاهمةة وبمشي عنك وانت تكلمني عنااد واتمشكل مع كل البيت عنااد فييك واكسر كلمتك واكسرك عنااد فاهم ولا لااا مو كلمتك الي تمشي عليي كلمتك تمشي على خواتكك وعلى حنان وعلى امكك بس انا لاا محدن كلمته تمشي على جويريااا
عنان تنهد بقلة صبر  :ليه يا جويريا ليه تسوين كذا  وشتبين انتيي
جويريا :مابي منك شيء والحين اذلف عني و روح اقعد مع جيهان
عنان وقف بمكانه وهو يقول بداخله ان شاءالله الي فبالي صح ابتسم وفعلآ لف وجهه وهو يقول :طيب براحتك بروح اقعد مع بنت العم تسليني عنتس
جويريا انصدمت منه
وهو طلع وقفل الباب وراه
قعدت فوق السرير وهي تقول الله ياخذك وياها يا كلب

الدنيا بدأت تمطر ومحمد والهنوف للحين بالطريق وهم الحين ب طريق مافيه ناس ولا سيارات طريق خاالي من الناس
محمد وقف السيارة :والله ربي استجاب لدعواتس والدنيا بدت تمطر
الهنوف تناظر من الشباك فعلآ تمطر وبقوة  قالت:افتح الشباك
محمد ناظرها
الهنوف ناظرته :لا تخاف اكيد ما بنط وانحاش من الشباك بعدين انت شايف المكان  الي وقفته لو اني ذكية ما اهرب بمكان خالي من الناس
محمد فتح الباب لها وهو متطمن :طيب
الهنوف فتحت الباب ونزلت تحت المطر
محمد :يا مجنونة ادخلي بتمرضيين
الهنوف ما سمعت كلامه وراحت تحت المطر وهي ترفع يدينها وتغمض عيونها وهي مبتسمة للمطر
محمد يناظرها من السيارة كيف مستمتعة بالمطر قعد يسأل نفسه معقولة للانسان انه يفرح زي كذا بالمطر مجنونة وغريبة هاذي البنت
وضحك بخفة
ازداد قوة المطر مع الرياح مرة وحدة
محمد طل من السيارة وهو يعلي صوته:ادخليي لداخل يا بنت ابووتس  لا ياخذتس الريااح والله انتس نتفة تروحين فيهاا
الهنوف ما سمعت كلامه
محمد تنهد ودخل داخل السيارة مرة ثانية وهو يشوف كيف المطر قوييي كل ماله يشتد اكثر واكثر والهنوف برا
تنهد منها وقفل الشبابيك والابواب عشان ما يدخل المطر داخل السيارة
وما مرت دقيقة وحدة والا الهنوف جت دخلت السيارة وهي بردتت
قفلت الباب بسرعة. وهي بردانة :في بطاانية
محمد :قلت لتس ادخلي ما سمعتي كلامي
الهنوف ضمت يدينها وهي ترجف
محمد اشفق عليها وخذا شماغه:خذي مافي غيرها
الهنوف اخذته وهي تغطي نفسها فيه وهي ندمانة ليه ما سمعت كلامه

محمد رخي الكرسي وتسطح وهو يقول : يا اليلل الحين متى  ينتهي المطرر ونرجع الديرة ورجعنا نلعب نفس اللعبة
الهنوف :انا بموت هنا من البرد وانت ما همك غير نرجع
محمد :والله محد قلتس روحي العبي بالمطر
الهنوف لفت وجهها :المطر ما يجي كليوم عشان اقعد اقابل وجهك هنا واترك المطر
محمد :والموت بعد تجي مرة وحدة تبين تموتين روحي العبي
الهنوف لفت وجهها :ما يحتاج اساسآ اول ما نوصل الديرة ابوي يذبحني بنفسه
محمد تنهد وهو يلف وجهها لها :قلت لتس وبرجع اقول محد بيأذيتس انتي في حمايتي اناا
الهنوف :وانت تتوقع عقوبتي بتكون سهلة وش بتكون غير انهم يذبحوني اول ما اوصل لو مو مستوعب الي سويته بذكرك فيه انا تراا هربتتت هربت بيوم زواجي من ولد الشييخ تدري وش يعني ذا الكلام يعني انا ميتة اول ما اوصل بدون كلام وبدون سهالات
محمد سكت :محد بيأذيتس وعد مني لتس
الهنوف بإستهزاء :نشووف
محمد لف لها :انتي ليه؟؟ انا كلمتي وحدةة وان قلتهاا سويتهاا فاهمةة؟
الهنوف :فاهمةة
محمد شافها ترجف ولف ورا وهو يدور بطانية جاكيت اي شيء لقا جاكيت اخذه ومده لها :خذي تغطي لا تمرضين
الهنوف اخذته وهي تلبسه :ما لقيت الا ذا والله اني ضايعة بداخلهاا شوفها كيف كبيرة
محمد يسند راسه بالكرسي بقلة صبر:يا ربي صبرنيي والله خلص صبريي

نهاية البارت
احبكم واحب دعمكم الخورافي🥺🥺❤️والله تهبلون 😢🌹🌹🌹