رواية من حضرتك عشان قلبي تذله الفصل السادس عشر 16 - بقلم ام عوض

دخل عنان البيت وتوجه لغرفة جويريا وهو ينادي عليها بصوت عالي :جوييرياا
طلعت جويريا :هلا
عنان :تجهزي باخذتس فبيت عمتس
جويريا فجعت :ليه؟
عنان :اختس نور جت من المدينة
جويريا فرحت:صدقق تمام الحين بتجهز
عنان:بسرعة قفلت الدكان بس عشان اجي اخذتس
جويريا :يالله ما اتأخررر
طلعت لها ملابس ودخلت الحمام"وانتو بكرامة" وبدلت بسرعة وطلعت و وقفت قدام المراية وهي تحط ال كحل
وعنان يتأملها وهي تحط الكحل
جويريا لاحظت لنظراته وقالت:خير مضيع شي؟
عنان :كحلتس ذا بيجلطني بيوم صدقيني
جويريا كملت تحط وهي متفادية نظراته خلصت
ولبست عبايتها:يالله
نزلو اثنينهم وقابلتهم جيهان وهي تقول :عنان انت ما رحت الدكان توقعتك مو موجود
عنان:لا رحت الدوام بس رجعت اخذ جويريا عند عمها
جيهان ابتسمت وهي تحط يدها بكتفه بدلع  :زين ارجع بدري بالظهر
جويريا رفعت حاجبها بدهشة من حركتها
عنان:ابشري ما طلبتي
جويريا مدت يدها وبعدت يدها عن عنان :معليه يا روحي بيتأخر لأنه قبل يجي بياخذني من بيت عمي
عنان ابتسم ب نصر
جويريا ولاول مرة مسكت يد عنان وهي تقول :يالله نمشي؟
عنان  عاجبه الوضع :يالله
طلعو اثنينهم متوجهين للسيارة تحت انظار جيهان
اول ما ركبو السيارة عنان قال:غرتي علي؟
جويريا :من زينك عشان اغار عليك
عنان :مشكلتس نفستس عزيزة ما تعترفين اني جبت راستس
جويريا :احب القرد ولا احبكك بس ذي جيهان حركاتها يغثث الواحد خير تحط يدها بكتفك
عنان لف نظره للطريق :مالتس عذر صدقيني
جويريا لفت وجهها عنه
وعنان حرك السيارة لبيت ابو فيصل

صحيت روزا من النوم على صوت التلفزيون مصروعة من صوته طلعت برا شافته من صباح الله يتفرج
روزا :زييين خلااص وطي الصووت صرعتنيي
زين:تعالي اقعدي والله في فلم حلوو
روزا :الله يقرفك بذا الاشكال كله دم واستغفرالله كيف تتفرجهم انتت
زين:بتقوين قلبتس تعالي
روزا :والله لو ما تقفل التلفزيون الحينن اشكيك عند ابوكك
زين:عشتوو وصرنا نهدد بعد
روزا:لانك ما تمشي الا كذا
زين قفل التلفزيون :هاه ارتحتي كذاا
روزا :اييه ارتحتت والحين روح جيب فطور
زين:وليه ما تسوين انتيي
روزا:مالي خلق وبعدين اليوم رايحة عند امي مو فاضية اكرف لك واروح اكرف هناك بعدد
زين:وليه تكرفين هناك لا والله حرمة زين ما يخلوها تمد يدها بشيء
روزا ابتسمت :ايه كذا ابييك.
زين :قومي قومي جيبي لي فطور انتي تطبخين لي انا وبس لاني رجلتس
روزا لفت وجهها :على اساس انك رجلي زي كل الازواج
زين مسك يدها وهو يناظرها :ليه تبيني اكون مثل كل الازواج؟؟ طييب الحقييني لغرفة النووم
روزا تعقد لسانها وندمت انها تكلمت : هاه  لا لا كذا زين انا رايحة اسوي فطور
وبعدت يدها بسرعة عنه ومشت للمطبخ وهي ماسكة قلبها  الي صار يدق بقووة
وزين الي كتم ضحكته واستغرب حتى انه ما استحى وعلى طول دقها مزح

وصلت جويريا ونزلت بسرعة وراحت دقت الباب
فتحتها  لها نور وضمو بعض اثنينهم وهم مشتاقيين لبعض
نور :كيفتس جويريا
جويريا بعدت عنها :بخير دامني شفتس
نور:تعالي ادخلي
جويريا فصخت نقابها :جت جود ولا للحين
نور:لا وصلت منزمان تحتريتس بالغرفة
جويريا دخلت وسلمت على جود وحضنتها
جود :وينتس مختفية ما اشوفتس
جويريا:والله ام عنان تغث كل يومين تعزم ناس والحريم عندها حتى اليوم في حريم بيجون بس جيت
جود :الله يعينتس يا روحي
جويريا :امين يا رب
جود تناظر جويريا نظرة تدقيق:ايه مافي شيء بالطريق؟
جويريا قعدت :لا والله ومابي اصلآ كافيني الي فيني ازيد همي هم بالبزر
جود :البنون زينة الحياة يا تيسة وانتي المفروض الحين تحملين لو الحين ما حملتي متى تحملين
جويريا :لا تضيقي صدري وانا جاية اوسع صدري عندكم تكفيين
ولفت لهيام وهي تبتسم لها :وانتي وشلونتس و وشلون الحمل معتس؟
هيام:الحمدلله يروحي بخير
جويريا لمست بطنها:يروحي علييه
جود قربت منهم وهي تشوف لو اسيل موجودة ولا لا:اسمعوني بكلمكم في موضوع
نور وجويريا مستغربين :وشهو؟
هيام تناظرها :قولي وش
جود :حنا ندري انه عمتس الظالم باقرب فرصة بيزوج اسيل
جويريا :لو تنطبق السما بالارض ما اخليه زوجها زوجنا كلنا وللحين ما ارتاح يبي يزوج اختنا الصغيرة هي بعدها صغيرة على الزوااج
جود :اسمعيني قبل  طييب، ابو محمد كلمني اليوم وقال شوفو اختكم اسيل لوليد
جويريا تناظرها بصدمة:انا مابيها تتزوج تقومي تجيبي ولد رجلتس عشان تزوجينها لها ،صاحية انتي؟
جود :اييه عشان تكون قدام عيوني احسن من انها تروح عند واحد ما نعرفه ،بعدين وليد رجال ونعم فيه وما ينعاب وطيب وحبيب وهو موافق انه يخليها تكمل دراستها حتى انه مستعد يروح المدينة عشان تكمل وش نبي لها اكثر من كذا
نور تناظر جويريا وهيام  :خلاص دام السالفة كذا يعني حلوو
هيام :اييه وتظنوو انتم ان  اسيل توافق؟؟
جويريا سكتت لانه دامه يبيها يكمل دراستها وعادي فهاذا من صالح اسيل :صح كلامتس
جود :اجل انتو تم الحين ابيكم تقنعونها للي راسها يابس ابيها تواافق خير لها وليد اخاف يجيها شخص ما يخاف الله
قطعت عليهم اسيل توها تدخل وراحت سلمت عليهم وهي مشتااقة لهم
جويريا بعدت عنها وهي تناظرها :متغيرةة يا تيسة
اسيل تكشر:من كثر ما كرفت لعمتس و ولده نحفت
جويريا :ايه المفروض تنحفين عشان تعرسين
اسيل تناظرها :خير اعرس على منو  ؟؟
نور:على وليد ولد زوجها لجود
اسيل تناظرهم مصدومة :تبوني اتزوج ولد رجلها، شدخلنيي اتزوجه
جود تقرب منها :اسمعيني يا تيسة وليد رجال ونعم فييه واهو قال لابوه انه موافق تكملين دراستك بالمكان الي بغيتيه وطلباتتس اوااامر عنده
اسيل سكتت تبي تكمل دراستها بس بنفس الوقت ما تبي تتزوجج هي اصلآ تكره الرجال تتقرف منهم ما تتخيل نفسها متزوجة بس بنفس الوقت دراستها مهممة عندهاا والفرصة وجت عندها
جويريا :هاه شقلتي يا روحي
اسيل مسحت بوجهها :دراستي؟
جود:اييه
نور :وافقي صدقيني خيرة لتس انتي ،ترا والله محدن بيوافق زوجته تكمل دراستهاا بس وليد وافق عشانتس وشتبين اكثرر
اسيل :معرف محتاارة ابي ادرس بس مابي اتزووج بعد
جويريا :وافقي يا بنتي وصدقيني ما تندمين
اسيل :افكر واقول ، وبعدين تعالي مو انتي هي اكثر وحدة كنتي  رافضة اتزوج وشصار
جويريا :ايه كنت رافضة بس وليد موافق تكملين دراستتس وهاذا الشيء زيين  وهي فرصة ما تتكرر مرتين
جود :ايه صح كلامهاا
اسيل سكتت وهي محتارة  الخيار صعبب عليهاا
وقعدت وهي ساكتة
جويريا تناظر لاسيل :بعدين تعالي هنا  ما خطبس احد ولا عمتس من زمان عرستس
اسيل:لا مرتين خطبوني
جويريا :غريبة وعمتس رفض؟
اسيل:لا لا هو ما رفض كنسلو هم بنفسهم حطيت لهم ملح بالشاي وانحاشو ولا رجعو
جويريا تناظرها بدهشة:بديتي تعجبييني يا بنتت
نور:الحين وافقي على وليد وتعجبينا حنا بعد
اسيل سكتت
جويريا :يختي انتي قوليلي وش تبين امه، و الله يرحمها ،وخوات ومعنده خوات ،و حرمة ابوه وتصير اختس وش تبين انتي هاه وش تبين
جود :ايه اسمعي من اختس
نور: صدقق هاذي نعمةة  وشتبين اكثر من كذاا
جويريا :احمدي ربتس والله، انا الله رازقني ب عمة تنافسني بكل شي حتى الطقعة والله  اذا سمعت جويريا بتطقع راحت طقعت قبلي
جود ضربتها وهي تضحك  :عيب يا بنت
جويريا نوظرتها وهي تضحك بدهشة :والله صدق اتكلم
نور فرطت ضحك:باللهي
جويريا تضحك :ولله صدق اتكلم مكرهتني بحياتي
اسيل  بعد تفكير عميق :تمام خلاص انا موافقة
جود فرحت:هاذا كلام الزيين والسنع ابشريي اول ما ارجع البيت اخبر رجلي ونجي نخطبتس من عمي وكل شي تمام
نور قاطعتهم وهي ترفع اكمامها :اسمعيي يا الي جاية تخطبيين بنتنا مهرها غاالي بتدفعون ولا لاا
جود:معليتس ندفع ندفع بنتكم غالية و الله رازقتنا من رزقه الواسع وبيوصلها الي يرضيها
نور تناظر لاسيل:بنت كم تبين مهرتس
اسيل:لو ريال واحد عادي المهم يخليني اكمل دراستي والباقي ما يهمم اساسآ مو موافقة الا عشان دراستيي ولا مو همي الزواج والكررف
نور:والله يدفع الغلى  بننتف شعر صدره بمهرتس عشان بكرى لا ينزل من قدرتس يا التيسة يالغبية
جويريا :صح كلام اختتس نحن ما دفعو لنا الغل خلي يدفعون لتس انتيي وش ورااهم
جود:شوي شوي على ولد رجلي بندفع بس شوي شوي عليه

محمد والهنوف وصلو واخيرآ
نزلت الهنوف تركض ومحمد وراها سألت عن جمان ودلوها راحت للغرفة الي دلوها وفتحت الباب بسرعة شافتها بالسرير نايمة
راحت عندها ومسكت يدها وهي تبكي عليها
وصحيت جمان ب لمسة يدها
الهنوف :وشلوونتس يا روحيي كيف صرتيي بخير؟
جمان ابتسمت لانه الهنوف موجودة جنبها :بخير يا روحي
الهنوف ارتاحت :خفت عليتس بغيت انجلط يوم درييت
جمان:معليتس يا قلبي انا بخير
الهنوف :مين سوا فيتس كذا مين الي طعنتس جعله للموت
جمان:نفس الحرامي رجع يسرق ويوم شافني سوا سواته
الهنوف باست يدها :جعله بالسيارة تدعسه وتكسر له عظامه
جمان ضحكت على دعاويها ولاحظت لمحمد وقالت وهي مكشرة :وهاذا وش جابه معتس
الهنوف :هو الي جابني
جمان :زيين لا يرجع ياخذك
الهنوف سكتت وبعدها قالت وهي تغير الموضوع :وش قال الدكتور متى بتطلعين من المستشفى
جمان:مدري واصلآ الجرح ما كان عميق كثير الله يسعد الجيران نقلوني للمستشفى على طول
الهنوف :الحمدلله انه نقلوك بسرعة
جمان:ايه والله الحمدلله

اذن الظهر واندق الباب وقامت نور لانها تدري انه معاذ هي قالتله تعال بالظهر واكيد الحين هو جا
ما فتحت الباب قالت من ورا الباب :مييين؟
معاذ:افتحي انا معاذ
نور :وشتبيي؟؟
معاذ ضحك بخفة:كيف وش ابي حرمتي جاية اخذها
نور :معندك حرمة هنا وان بغيتها تدفع مليوون سمعتت ، مليوون وتجي تاخذها بعدها
معاذ يحسبها تمزح:تمزحين معي يا نور بلا مزح والبسي عبايتس وتعالي يالله حبابة
نور:والله ما امزح يا معاذ لو تبغاني تدفع مليون اعتبره المهر الي ما دفعته وبعده تجي تاخذني غير كذا حلفت ما اجي عندك
معاذ عرف الموضوع جدي  وانهبل :ياا نور لا تستهبليين الله يهديتس البسي عبايتس واطلعيي بلا فضاايح
نور:والله مانيب طالعة لك هيا احتري لين اليل
معاذ :الله يفشلتس يا نورر وشتقولين انتي
نور:يالله مع السلامة
معاذ :نوور لا نوور وين رحتي تعاليي وش مليون انتي تبين تفلسيني تعاالي، يا ربي وش اسويي نووور وين رحتتي يا نووور 
نور مشيت وهي تقول خله يتربى

جويريا جت مستغربة :من بالباب؟
نور:معاذ
جويريا:وش يبي؟
نور بلا مبالاة: جا ياخذني وانا ما رضيت
جويريا :ليه ما رضيتي؟
نور :عشان يعرف يقدر قيمتي ولا ينزلها ويذلها طلبت منه يدفع المهر من اول وجديد يدفع وبعدين اجي معه
جويريا ضحكت:منجدتس؟
نور:ايي تحملت وصل حدي منه مستحيل اعيش مع شخص يحطني بسعر كل شيء
جويريا مصدومة منها :والله بديتي تعجبيني يا نوور، ما عرفتس
نور:باقي ما عرفتيني
جويريا:كفو والله خله يتربى ابن الذيين ويعرف منهي بنت ياسرر
نور:تعالي ندخل ليه طلعتي
جويريا:الحين عنان بيجي فقلت يمكن هو الي دق الباب
اندق الباب
جويريا:هاه اكيد هو انا رايحة البس عبايتي واسلم على خواتس
نور:طيب يروحي
راحت لبست وسلمت على خواتها وطلعت لعنان الي يحتريها بالسيارة
دخلت ساكتة ولا تكلمت
وعنان حرك السيارة للبيت
وصلو ولفت له وهي تقول :ما بتنزل؟
عنان:لا عندي شغل وما برجع الا في ليل
جويريا :زين كذاا
عنان ضحك وهي نزلت ودقت الباب
فتحتلها خلود
وهي دخلت وفصخت العباية :محدن للحين جا؟
خلود:وين لو تعرفين منهي الي جت
جويريا :منهي؟
خلود :ام عمار جت يا بنت جت المصيبة
جويريا :منهي ذي
خلود :هاذي وحدة تلف في بيوت الكل والحين كلل يوم تلقينها ناشبة عندنا
جويريا :الله يستر ما نخلص من جيهان تجي لنا ذيي
خلود :الله يعيننا
جويريا مدت عبايتها لخلود:خذي وقوليلي اية وحدة منهم هي ام عمار
خلود سحبتها وهي تطالع من الشباك :تشوفين هذيك المتينة
جويريا :جلابيتها خضر؟
خلود :لاا شوفي هذيك الي صدورها طايحات
جويريا :ايه كلهمم صدورهم طايحات
خلود :لاااا شوفي هذيييك
جويريا عرفتها :ايييه هاذي هيي والله مبينة حبيبة وطيبة
خلود :طيبة وحبيبة بس تغث
جويريا :وانتي ما يعجبتس العجب ،يالله روحي خذي عبايتي غرفتي وانا رايحة اسلم
خلود:طييب
دخلت جويريا وسلمت وهي مبتسمة
ام عمار:هاذي حرمة ولدتس
ام عنان:ايه هاذي هي
ام عمار:يوييلي لها تهبل، تعالي تعالي اقعدي جنبي شحلاتها ويقولون عنها شيطانة بعد الله لا يسلمهم
جويريا ضحكت وراحت قعدت جنبها لانه واضح عليها طيبة. وحبيبة
ام عمار:والله يا مريم جتس وحدة شزينهاا
ام عنان سكتت وهي تناظر لجويريا
جويريا :سمعت عنتس يا ام عمار وفعلآ طلعتي على قد الكلام الي قالوه عنتس
ام عمار :يا فديتس يا روحيي
جويريا ابتسمت لأنها طايحة فيها مدح وهي مو متعودة احد يمدحها

نهاية البارت